google-site-verification: googlefbfddf59e706b96b.html

Latest topics

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

» Paj huam nraug nrab mag poj laib kaus poob phem nyob Nplog teb.
by koojziagkabzaug 14th April 2017, 12:18 pm

» Hais Paj Lug
by Admin 10th April 2017, 2:28 pm

» NOM TSWV TXHOM COV NEEG TUAJ U.S.A. TSIS RAWS TXOJ CAI XA ROV QAB
by Liajntsuab 31st March 2017, 3:40 pm

» Yawg Hlob Vaj Pov
by Admin 9th March 2017, 3:06 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Share
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  Liajntsuab on 18th September 2014, 6:33 pm

    Hmoob yuas Hmoob,

    Puas yog Hmoob mus nyob 8 meem ntuj ces Hmoob yuav mus tsim ntau yam txuj los yog Hmoob mus yoog luag txuj.

    https://www.youtube.com/watch?v=qhasf3vxjf8

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 18th September 2014, 8:10 pm

    Hmoob txoj kev cai no yog Hmoob ua tiag tiag txhob dag ces yeej yog 1 txoj kev cai meej pem thiab zoo siv lawm.Kuv tseem niaj hnub hais rau sawv daws tias ntshe kuv yuav mus ua lawv 1 tug mej zeej thiab no tiag tab sis kuv kuj tsis tau hu mus nug lawv kom tseeb tshaj qhov uas niaj hnub hnov no xwb.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koojziagkabzaug on 19th September 2014, 1:59 am



    Txawv heev li lauj!
    Ib txwm hmoob mas nyias muaj nyias dab; zaum no tseem ho yuav los koom ib lub tsev teev hawm thiab mas txawv dhau lawm...!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  Liajntsuab on 19th September 2014, 10:38 am

    Nyob zoo niamtij thiab tijlaug Koobpovtxuj,

    Lwm yam ntawm kev los ua dabqhuas rau ib tug laus puv 120 xyoo lawv tham hauv no piav tsis meej pestsawg ces tsis pom qab txiav txim siab tau licas tiamsis nyob li ntawm 2 qhov xws li tsis muaj tus QAIB RAU NCOO uas yog siv nws coj los ua TUS COJ TUS TUAG KEV MUS CUAG POJYAWM thiab ho tsis muaj TSO PLIG lawm no mas ntshe yuav siv tsis tau. Tej yam lawv cov TUB TXAWJ thiab NTXHAIS NTSE no ua mas tsuas yog lam los muab txoj kev xav ntawm kev ua neej los txiavtxim ua xwb. Hmoob tej kev cai no thaum ub yog muaj SAUB los qhia Hmoob ua yog li qee yam uas Hmoob lam los xyaum ua tom qab no mas yus kho thiab hloov tau tiamsisi qee yam tsis zoo lam ua li tej lawv ua nws yuav muaj kev phomsij rau cov cuab yim neeg uas tus tuag ntawd thaum nws mus thawj tsis tau thiab los yog lwm yam teebmeem ces nws rov los ua ua teebmeem rau cov nyob, xws li peb twb pom ntau yav dhau los muaj qee pab neeg tus tuag tas ces tus ho tuag thaum kawg ciali khiav mus lawb dab tag lawm los twb vim txoj kev ua dab yuamkev los lam tau lam ua dab li lawv pab no ua ntag.

    Tau muaj ze li 8 lub xyoo dhau los lawm lawv pab no kiag uas yog kuv ib tug txheebze nyob Milwaukee, WI muab lawv txiv lub ntees ua lawv tus kev cai no tag nws rov los ua npausuav rau lawv tias nws tsis pom qab kev mus thiab tsis tau nyiaj siv ces pheej los tshawb tais diav thiab ua ntau yam rau lawv yim neeg no nyuab siab kawg nkaus tsis paub tias xyov lawv ua li cas rau lawv txiv lawm lau!!!

    Tej dabqhuas no leejtwg yuav ua li cas los nws ua nws yus txhob lam mus xyaum, cia peb saib mus seb cov Hmoob no lawv lub neej ho yuav mus zoo li cas.

    Thov txim kuv muab lub topic no tso yuamkev rau qhov chaw tsis yog lawm os.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  shung on 19th September 2014, 11:07 am

    Nyob zoo tus tij laug liaj ntsuab,

    Kav liam os cia lawv ua lawm mus. Tej laus yeej ib txwm hais tias yog tsis paub dab lawm no ces nco li cas ua li ntawv es tsis txhob mus cuab ntxiv. Tej laus yeej qhia tias yog pab hmoob twg cov tus ncag dab ces pab hmoob ntawv nyob huaj vam os pab twg tsis coj tus ncag dab ces kawg ntsib teeb meem li koj piav saum toj no los xwb. Peb tseev neeg vim, ib cov mus lawb dab los twb yog ua li koj hais thiab.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koojziagkabzaug on 19th September 2014, 12:36 pm



    Yog kawg li kwv Liaj Ntsuab hais.

    Cov tub txawj ntxhais ntse tias ntse no tab sis ntse xwb tsis paub qab paub haus li; lam muab hmoob tej kev cai los nyeem tag ces hais tias paub lawm yuav txiav li cas los siv los hais tias yog lawm no tab sis ntshe lawv yuav yuam kev loj.

    Kuv hais ncaj, yog tsis paub dab qhuas lawm thiab tsis xav ua dab qhua kom tag no ces cia li taug kev ncaj es mus txiav dab kiag, mus kiav ua luag lwm hom kev ntseeg kiag thiaj li yuav zoo rau yus. Yog ua pus tog pus nta ces yeej yuav raug teeb meem xwb.

    Kuv tsis tham deb, kuv tham ze ze nov xwb; nyob ntawm peb muaj ib tug yawg, nws muaj kev tus siab rau nws ib cov kwv tij thiab nws niam nws txiv ces nws txawm mus txiav dab ua cov As Cas. Tab sis thaum nws ho mob loj tuaj, nws yawm txiv tuaj ua neeb saib ces hais tias yog poj koob yawm txwv yuav noj yuav haus, yawg txawm tsis kom kwv tij los niam txiv rov tuaj ua dua xwm kab rau yawg, yawg txawm kom yawm txiv tuaj ua xwm kab tshiab rau yawg; ua tau xwm kab, ua nyuj dab tag ces tsis ntev yawg ho mob nyhav zus, Kws tshuaj hais tias tshuav 15 hnub rau yawg nyob lawm xwb no ces yawg txawm hais tias kwv tij tsis sib haum ces yog yawg tuag no kom Xib Hwb tuaj ua ntees rau yawg xwb no; ces ho muaj xwm kab cov Xib Hwb tsis kam tuaj yog tsis tshem xwm kab no, ces ho tsis hais kom Xib Hwb rov tuaj tshem xwm kab hos tus tij laug hlob yog hom neeg ncauj loj khav cuam heev ces txawm coj nws tus muam tus tub hnub nyug 32 xyoos nrog nws tuaj, tuaj txog yawg tij laug cia li lob kiag xwm kab pov tawb khib nyawb xwb tsis hais lus dab tsi li. Ces tus kwv tswv tsev ntawd tuag kiag tag tau li 3 hlis xwb ces yawg tij laug tuag, yawg tij laug tuag tau 10 lub hlis ces yawg tub kwv ntawd tuag kiag thiab. Yawg tij laug mas kuj hais tias yawg yeej muaj mob lawm, tab sis yawg tub mas yeej nyob dhia rhees tsis muaj mob dab tsi, thaum yuav tuag ces plawv cia li nres lawm xwb.

    Muaj ib yawg, tsis txawj ntov pob ntoos, lam tau lam ua kom tag hauj lwm no ua tag nrho xwb yawg qhov ncauj zij ti nkaus tom pob ntseg.

    Hmoob tej dab qhuas ib txwm hmoob yeej coj zoo teev zoo caiv zoo yog lam tau lam txua lam tau lam ntxiv lam tau lam tshem mas ntshe tsam yuav muaj xwm txheej rau cuab kwv tij xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 19th September 2014, 3:59 pm

    Caw nej los nrog nyeem lawv cov cai me ntsis ntawm no.Nov yog kuv mus copy tom lawv lub website los xwb tsis yog kuv sau nawb.


    Tau txais txoj kev kaj siab uas tsis ua neej ntshai rwg qhov (a) tsis muaj kwv muaj tij, (b) tsis paub dab paub qhua, (c) tsis xyeej pauv dag pauv zog tseg es tsam teeb meem txog yus tsis muaj tus pab, (d) tsis muaj nyiaj muaj txiaj txog $40,000 los $50,000 rau ib lub ntees li niaj hnub no, thiab (e) tsam plam yus tej me tub me nyuam mus rau lwm txoj kev ntseeg vim tias peb txoj qub no nyuaj, poob caij nyoog thiab poob nyiaj txiaj ntau dhau heev lawm.

    Tau txais kev pab cuam los ntawm Temple of Hmongism rau sab kev ua dab ua qhua, qhov loj yog kev ploj kev tuag, uas peb cov txiv coj dab coj qhua yuav pab tsev xyom cuab lis lawv li dab qhuas paus nto ntsis yam tsis pub lawv txhawj xeeb txog sab kev dab kev qhua thiab tsis pub lawv tseem tau tos, tau thov, tau pe, tau tiam, thiab tau them leej twg lawm.

    Tau siv lub tsev txias dawb, thaum peb muaj peb lub lawm, yam tsis tau poob nyiaj rau tsev txias ntxiv lawm.

    Tau txais kev tiv thaiv los ntawm Temple of Hmongism kom lwm tus neeg sab nraud txhob lam nrhiav teeb meem nrhiav plaub nrhiav ntug tau rau tsev xyom cuab lub caij lawv tau kev txom nyem.

    Tau txais txoj kev TSIS poob nyiaj ntau ntau li qub rau ib lub ntees lawm. Thaum peb tsis tau muaj peb ib lub tsev txias los kom txhob poob tshaj $15,000 rov saud. Thaum peb muaj peb tsev txias lawm, ib lub ntees yuav tsawg tshaj $10,000 rov haud lawm. Li no, peb thiaj ua neej vam meej taus.

    Cov tswv cuab tsuas them nyiaj tswv cuab tsawg tsawg li hauv qab no tuaj ib tsev neeg tuaj ib lub hlis xwb ces lawv yeej tau txais txoj kev kaj siab thiab kev pab cuam li hais saum toj no.



    1 - 5 leej neeg: $20/hlis
    6 - 10 leej neeg: $25/hlis
    11 leej neeg rov tod: $30/hlis

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 19th September 2014, 4:22 pm

    Txhim Kho Li Cas Thiaj Poob Nyiaj Tsawg?

    Peb Haiv Hmoob tej dab qhuas los yog kev ntseeg txhua kis yuav raug txhim kho thoob plaws kom yooj yim dua qub, zoo dua qub, poob caij nyoog thiab nyiaj txiaj tsawg dua qhov qub, mas peb tej dab qhuas no thiaj yuav tuav tau peb haiv neeg Hmoob nyob ua ke mus ib ncua caij nyoog ntev heev rau yav tom ntej. Tab sis kev txhim kho dab qhuas yeej tsis yog ib qho yooj yim. Yuav tos zej tos zos, tos kwv tos tij, los yog tos haiv neeg Hmoob suav daws ua kev hloov mas yeej tsis muaj hnub tshwm sim tau. Yog suav daws yuav sib yoog nyob sib yoog ua li qhov qub no mus mas suav daws yuav sib yoog txom nyem thiab poob qab mus tiag tiag li. Leej twg yoog tsis taus lawm los yog tsis nyiam peb tej dab qhuas qub ces nws yuav tawm mus rau lwm tus dab qhuas. Yog peb tsis hloov, tsis txhim kho, thaum kawg peb yuav plam peb tsev neeg los tej tub tej kiv thiab thaum kawg nkaus tej zaum peb tej dab qhuas Hmoob tseem yuav raug muab tso pov tseg mus tib si los kuj muaj. Yog li no, peb thiaj txhim kho peb tej dab qhuas raws pawg ntseeg, uas cov pom thiab ntseeg ib yam, tsis hais xeem twg los leej twg, los koom tes ua ib pawg ntseeg es peb mam li hloov los yog txhim kho raws qhov peb pom zoo los pab cuam rau peb pawg ntseeg. Tsuas yog tib lub tswv yim no thiaj li tshwm sim taus li peb muaj ib tus dab qhuas haiv uas txhua tus neeg txhua xeem sib koom tau thiab pab tau pawg ntseeg sai sai kom lawv txhob txom nyem. Peb npawg ntseeg no yog Temple of Hmongism. Qhov Temple of Hmongism txhim kho hnub no yog ib qho tseem ceeb heev rau nws pawg ntseeg thiab tej zaum rau haiv neeg Hmoob.



    Hnub no yuav ua kom suav daws to taub zoo txog txoj kev txhim kho ntawm Temple of Hmongism, peb siv txoj kev ploj kev tuag los yog lub ntees tuag los ua kev qhuab qhia, los yog piv txwv, rau suav daws, vim niaj hnub no kev ploj kev tuag yog qhov uas peb suav daws muab saib siab tshaj plaws, ntxhov siab tshaj plaws, thiab poob nyiaj ntau tshaj plaws. Li no, Temple of Hmongism thiaj pib txhim kho peb tej dab qhuas sab kev ploj tuag ua ntej tshaj plaws, kom lub ntees tuag ua tau zoo nkauj tshaj, kom poob caij nyoog thiab nyiaj txiaj tsawg tshaj peb tej dab qhuas qub niaj hnub no.



    Temple of Hmongism yog tsim tsa los ntawm ib pawg neeg meej pem, muaj kev kawm ntawv siab hauj sim, muaj kev tshawb fawb thiab paub txog peb haiv neeg li keeb kwm thiab dab qhuas zoo hauj sim, thiab nyiam txoj kev yooj yim thiab ncaj ncees. Peb txoj kev txhim kho mas yog ua raws kev tshawb fawb, tsis yog ua raws kev npau suav los yog ua saub. Peb Temple of Hmongism ntseeg thiab kho txo sab kev ploj tuag li hauv qab no.




    Dab Qhuas Qub Ntev thiab Cov Nyom Heev​​

    Peb Hmoob tej dab qhuas qub niaj hnub no mas ntev heev thiab cov nyom ntau qhov. Yog peb tsis ua twb zoo tshawb fawb, nyeem ib kab, ib zaj, ib tus kws zuj zus, mas peb tej dab qhuas qub no yeej zoo muaj paus muaj ntsis lawm. Piv txwv li lub ntees tuag, txheej txheem mas nws muaj tu zam, taw kev, qeej tu siav, tsa nees, tshais, su, hmo, cob tsiag, hlawv ntawv, sawv kev, hau qhua, hais xim, thiab lwm qhov txheej txheem. Yog saib cov ncauj lus dav dav nraum daim tawv xwb mas tej laus yeej teeb tau zoo muaj paus muaj ntsis kawg lawm, thiab. Tab sis yog peb ua twb zoo tshawb fawb saib ib kab, ib zaj, ib tus kws zuj zus, peb mam li pom tias peb tej zaj tej haiv mas zaj twg los hais mus mus los los, txhua txhua zaj hais yuav luag zoo ib yam uas yog yus kawm tau ib zaj lawm ces yooj yim heev kawm lwm zaj, thiab cov zaj cov haiv no tseem sib cov nyom ntau qhov heev. Qhov hais mus hais los ua ntau lwm yog qhov teeb meem uas noj suav daws lub caij nyoog ntau heev. Zaj taw kev xwb feem ntau twb yog li plaub teev thiaj li hais tiav. Zaj qeej tu siav feem ntau twb yog plaub los tsib teev thiaj li tiav, thiab ib txhia ntees laus mas tseem tshuab qeej tu siav ntev txog yim teev thiaj li tiav. Hais xim los yog hais txiv xaiv mas kuj siv li 12 mus rau 15 teev thiaj li tiav. Lwm qhov laj txheej ntxiv thiab ces ib lub ntees thiaj ntev txog ob peb hnub ob peb hmos. Hnub no peb mam li nug peb tus kheej tias peb ua npaum li no yog txoj kev vam meej los yog txoj kev poob qab? Txoj kev tau koob tau hmoo? Los yog txoj kev tau kev txom nyem?


    Dhau li qhov ua ntev ua ntau mus mus los los, ib qho teeb meem loj heev yog qhov tias peb txoj kev ntseeg los yog tej dab qhuas mas sib cov nyom ntau qhov heev. Yog peb txoj kev ntseeg ntawm tus dab qhuas sib cov nyom ntau qhov li no, nws yuav ua rau peb cov neeg txoj kev xav ua plag nplas, tsis meej pem, ib leeg ua ib yam los yog nyias ntseeg nyias lawm ib yam. Piv txwv, zaj taw kev twb yog ib zaj tseem ceeb heev ntawm lub ntees tuag, tab sis muaj ntau qhov sib cov nyom lawm. Twb tsis yog ib tus kws hais ib yam, tib tus kws xwb los nws zaj taw kev tseem sib cov nyom ntau qhov heev. Nyob ntawm hauv paus ntawm ib zaj taw kev hauv phau "Kab Ke Pam Tuag Cov Zaj," nws qhuab hais tias qhov Hmoob txawj ploj txawj tuag mas vim thaum chiv keeb Hmoob muab cua nab (ib txhia hais tias muab tsov) coj los ua ntees tuag ntaus qeej ntaus nruas nrov txog Ntxwg Nyoog mas Ntxwg Nyoog thiaj li tso mob tso tuag los rau Hmoob es Hmoob thiaj txawj ploj txawj tuag thaum ntawd los lawm. Nyob rau hauv nruab nrab ntawm zaj taw kev no, nws ho hais tias qhov Hmoob txawj tuag mas vim thaum chiv keeb neej ntse ces neej muab dab coj mus muag noj muag haus ces dab tuag yuav tag ces dab ho mus nug Yawm Saub ces Yawm Saub thiaj li qhia dab los nphoo hmoov tshauv nrog neej ces neej qhov muag thiaj li dig lawm ces dab thiaj ho coj neej mus muag noj muag haus es neej thiaj li txawj tuag lawm. Nyob rau yav ntsis ntawm tib zaj taw kev no nws ho hais tias thaum ntuj xeeb teb txawm mas noob Hmoob tsis paub tias lub ntuj lub teb dav los nqaim es noob Hmoob thiaj hais kom qav kaws thiab dav mus ntsuam lub ntuj lub teb. Qav kaws mus ntsuam los mas nws hais tias lub ntuj lub teb nqaim heev tsis txaus neej tsis txaus dab nyob. Hos dav mus ntsuam los mas dav hais tias lub ntuj lub teb mas dav heev neej nyob tsis puv dab nyob los tsis tag. Chim ob tus noob Hmoob, Ci Tuj thiab Tuj Nplug, siab ces nkawv thiaj muab duav ntaus qav kaws tuag lawm ces Ntxwg Nyoog thiaj tso mob tso tuag los rau Hmoob es Hmoob thiaj li txawj mob txawj tuag thaum ntawd los lawm. Nyob rau hauv tib zaj taw kev, tib tus kws hais, nws twb muaj tsawg kawg peb qho sib cov nyom hais txog tib lub niam tswv yim tias vim li cas Hmoob ho txawj mob txawj tuag. Qhov twg yog qhov tseeb? Tej zaum yeej tsis muaj qhov tseeb, tab sis thaum lub niam tswv yim teb txog qhov haiv neeg Hmoob ho txawj ploj txawj tuag twb sib cov nyom li no, nws ua rau peb zaj dab neeg los yog txoj kev ntseeg tsis muaj nuj nqis heev lawm. Temple of Hmongism ntseeg tias txawm yog dab tsi los xij peem, yog sib cov nyom lawm ces nws yeej tsis zoo thiab yuav tsum raug txhim kho xwb xwb li.

    

    Nws tseem muaj ntau qhov sib cov nyom heev nyob hauv zaj taw kev. Tej zaj mas hais tias tso Niam Nkauj Qag mus nqa noob mag, tso Niam Nkauj Quag mus nqa noob ntuag. Tej zaj mas ho tso nas tso noog mus nqa noob maj noob ntuag. Hos tej zaj mas ho yog poj Mab poj Suav thiaj li pom qab xwb. Muaj ntau qhov mas hais tias Mab Suav thiaj paub, thiaj pom, los yog thiaj txawj xwb. Niaj hnub no mas peb tsis paub tias tus tsim los yog cov tsim tej zaj tej haiv no thaum pib ho tsim tau meej npaum li cas. Tab sis yog saib li tej zaj tej haiv niaj hnub no xwb ces zoo li tej laus los yog suav daws lam zuag ub zuag no los sib phim los yog sib dhos li tej kwv txhiaj xwb. Lawv tsis tau xav txog tias yog hais li lawv hais yuav ua rau haiv neeg Hmoob zoo li cas rau tom ntej. Tej lawv hais no yuav nkag rau peb tej me tub me nyuam lub hlwb tias thaum ub mas Hmoob ruam heev, qhov twg los yog Mab yog Suav thiaj paub thiaj txawj xwb. Tej kev ntseeg no cia li yuav ua keeb kwm rau peb haiv neeg. Tej no yog teeb meem haiv uas peb feem coob yeej xav tsis txog tias yog teeb meem. Peb yuav tsum tau hloov.

    
    Kho Kom Luv thiab Zoo Dua Qub

    Temple of Hmongism sawv ua ib pawg ntseeg los txhim kho thiab txo peb tus dab qhuas qub no kom luv dua qub, zoo dua qub, poob caij nyoog thiab poob nyiaj tsawg dua qhov qub. Tej txheej txheem ntawm lub ntees tuag los peb txo tag nrho. Peb tsis muaj tu zam (tso plhuav rau chaw tu neeg tuag lis lawm), tsis coj tus tuag los rau ntawm ncej tas los plag tsev es mam li tsa nees rau hauv hleb (tus tuag ces yeej tso hauv hleb tib si thaum nyob nram chaw tu tuag lawm), tsis muaj qaib rau ncoo los coj kev lawm (vim peb muaj phau ntawv cuag poj cuag yawm los hloov qaib chaw lawm), tsis hu hau qhua tuaj zaum rooj thiab tua tsiaj li qub lawm (vim peb ntseeg tias ua neej ua tsav nyob ces sib hlub thaum tseem ua neeg nyob es txhob ua ntev ua ntau thiab nrhiav teeb meem thaum ib tus tuag), tsis muaj tsiaj rau hau qhua tua thiab tsis tua tsiaj rau tus tuag lawm (vim ib txhia ntseeg tias tsiaj txhu mas tseem khuam tus tuag kev thiab tseem nrau tus tuag, thiab ib txhia kuj ntseeg tias nyob hauv dab teb los yeej muaj teb muaj chaw, muaj nom muaj tswv, muaj lag muaj luam thiab muaj tsiaj muaj txhu li lub neej neeg thiab), tsuas muab nyiaj txiaj xyab ntawv rau nws mus tsim neej tshiab lawm xwb (thaum txog vaj txog tsev txog poj txog yawm lawm nws xav yuav dab tsi los mam li rho nyiaj yuav lawm xwb), thiab tsis muaj tso plig lawm vim tias txoj kev ntseeg ntawm lub ntees plig cov nyom nrog lub ntees tuag lawm (vim (1) suav daws twb ntseeg tias yus tus plig mus thawj thiab lawm es yus thiaj li mob es thaum lawv tus yug ces yus thiaj tuag lawm, thiab (2) thaum peb ua lub ntees tuag peb twb muab tus tuag taw kev mus thawj thiab thawj thw tag lawm. Peb tseem ho hais tias yuav tau tso plig mas plig thiaj li mus thawj thiab mas yog peb xav ua ntau zaug thiab txoj kev ntseeg no sib cov nyom nrog lub ntees tuag lawm). Peb tsuas tshuab ib zaj qeej tso los taw tus tuag plig mus thawj thiab ua ntej zaj qeej sawv kev thiab ntaus txhib ntawg xwb ces yeej tau lawm. Yog leej twg tuag yas kev yas ncua es muab tsis tau lub cev los ua lub ntees tuag ces peb mam li ua lub ntees tso plig rau nws. Saib txheej txheem ntees tuag raws Temple of Hmongism kev txhim kho yog xav paub meej dua.



    Tej zaj tej haiv los peb txo txhua txhua zaj kom luv thiab meej tshaj cov qub. Piv txwv, zaj taw kev mas peb txo tau meej thiab zoo tshaj qub lawm thiab nws ntev tsis tshaj 30 feeb. Zaj qeej tu siav qub mas feem ntau ces cov ntsiab lus yeej hais raws nkaus zaj taw kev xwb, tsuas yog muab qeej tshuab lawm xwb. Yog li no, peb ntseeg tias txiv qeej txhob rov hais txiv taw kev cov lus dua ib zaug ntxiv lawm; peb thiaj kho thiab sau ntsiab lus tshiab rau zaj qeej tu siav kom zoo phim lo ncauj lus "tu siav" tias txoj sia yog dab tsi thiab tu lawm ces zoo li cas lawm xwb. Cov ntiv los yog cov tsis hais zaj lus xws li ntiv, xub ntaus caug, pluas, lwm qab ncej nruas ces peb yeej tsis kho, tshuab li qhov qub tab sis tsuas yog tshuab ib lwm lawm xwb, tsis muaj tshuab ntau ntau lwm li qub lawm. Hos cov tshuab hais lus ces txhua txhua zaj peb yeej sau ntsiab lus tshiab kom zoo tshaj qhov qub.

    

    Lub rooj hais xaiv (hais xim) los tsis muaj rau suav daws zaum li qub thiab hais zaj ua ntev ua ntau li qub lawm. Peb tsuas muaj plaub tsib zaj ua suab txiv xaiv hais lawm xwb, thiab peb yeej kho thiab txo luv heev, tsis ntev thiab hais mus hais los sib chab sib chaws li qub, thiab peb ntseeg tias cov zaj tshiab no cov ntsiab lus zoo dua cov qub lawm.

    

    Thaum mus txog tim ntxa los peb tsis ua ntev ua ntau, tsis cia ib tus neeg hais lus thiab plhws tus tuag zuj zus li qub lawm, tso plhuav rau txiv coj dab coj qhuas lis sai sai lawm xwb (vim suav daws twb muaj caij nyoog ntev ntau thaum nyob tim lub ntees thiab vim muaj luag lwm haiv neeg tim toj ntxas txuam nrog lub caij ntawd lawm, thiab tseem muaj caij kub caij no heev nyob rau tej suam chaw xws li ntawm Minnesota).

    

    
    Kho Kom Yooj Yim Rau Suav Daws

    Qhov yuav tuav tau cov hluas, cov tsis muaj kwv tij, cov tsis muaj cuab muaj yig, cov tsis khoom pauv dag pauv zog tseg, thiab cov tsis muaj nyiaj kom lawv zoo siab ua Hmoob thiab zoo siab nyob nrog Hmongism los Dab Qhuas Hmoob ces yog qhov tias peb tus dab qhuas Hmongism no yuav tsum yooj yim heev rau suav daws coj (tab sis tej txheej txheem qhov tseem ceeb yeej nyob li qub thiab tseem zoo tshaj qhov qub lawm xwb). Li no, Temple of Hmongism thiaj txhim kho thiab hloov tej qho kom yooj yim thiab pheej yig heev rau suav daws. Qhov no ces peb yeej kho thiab txo tej txheej txheem kom luv thiab zoo tshaj qub li hais rau saum toj no. Peb Temple of Hmongism muaj peb ib co txiv coj dab coj qhua los yog cov txiv plig. Lawv kawm cov txheej txheem thiab cov zaj cov haiv ntawm Hmongism. Tsis ua thiab hais li qhov qub lawm, thiab tsuas yog cov txiv coj dab qhuas hauv Temple of Hmongism thiaj lis tau lawm xwb. Thaum muaj teeb meem txog ib tus tswv cuab twg, nws qhia kiag rau Temple of Hmongism, ces peb cov txiv coj dab qhuas yeej tuaj nrog nws lis nws qhov teeb meem thaum pib txog thaum xaus hais txog sab dab qhuas. Nws yeej tsis tau tos kwv tij neej tsa, yeej tsis tau pe, tau thov, tau tiam, los tau them leej twg ntxiv lawm. Peb cov txiv coj dab coj qhua yeej lis lawv txoj hauj lwm yam tsis pub tsev xyom cuab ntxhov siab txog sab dab qhuas li. Tsev xyom cuab yeej tsis tau them nyiaj rau cov txiv coj dab qhuas no lawm. Lub tsev teev hawm Temple of Hmongism yog tus them nyiaj rau cov txiv coj dab coj qhua lawm. Qhov no yog qhov yooj yim tshaj plaws rau suav daws, kom txhob poob caij nyoog, kom txhob tau pe tau thov tau tiam leej twg, thiab tsev xyom cuab txawm tsis paub dab paub qhua thiab tsis muaj kwv muaj tij los kom lawv txhob txhawj xeeb dab tsi li vim peb muaj peb cov txiv coj dab coj qhua lis thaum pib txog thaum xaus lawm. Sab dab qhuas ces Temple of Hmongism lis tag nrho lawm. Tsev xyom cuab tsuas txhawj txog tej yam uas Temple of Hmongism tsis duav xwb, xws li hleb, av, xyab ntawv, tsum ciab, noj haus, thiab nqe tsev txias (thaum peb tsis tau muaj peb ib lub). Yog thaum peb muaj peb ib lub tsev txias lawm ces cov tswv cuab siv dawb lawm xwb.

    

    Qhov Temple of Hmongism yuav loj hlob thiab pab tau nws cov tswv cuab yooj yim thiab pheej yig li hais saum toj no yog qhov tias cov tswv cuab yuav tau them nyiaj tswv cuab rau Temple of Hmongism. Cov nyiaj no yuav siv mus them rau cov txiv coj dab coj qhua thaum leej twg raug teeb meem, them nqe ntaub ntawv thiab hauj lwm hauv tsev teev hawm, them lub tsev txias uas peb yeej npaj siab yuav rau tom ntej no, thiab them lub tsev teev hawm uas peb npaj muaj rau tom ntej no, thiab.

    

    
    Nyiaj Tswv Cuab (Membership Fee)

    Peb tus dab qhuas yuav loj hlob thiab peb lub Temple of Hmongism yuav loj hlob los pab tau cov tswv cuab (members) yuav tsum yog cov tswv cuab pab nyiaj tuaj rau Temple of Hmongism. Cov tswv cuab ntawm Temple of Hmongism pab nyiaj li hauv qab no tuaj ib tsev neeg tuaj ib lub hlis. Tsev neeg txawm coob heev los tsuav yog suav daws yeej muaj ntaub ntawv nyob ua tib tse tiag ces lawv tsuas them li hais hauv qab no xwb. Cov uas muaj me nyuam mus kawm ntawv deb los yog ua hauj lwm rau lwm qhov lawm tab sis lawv tsis tau muaj poj niam muaj txiv es ntaub ntawv los yog ntawv tsav tsheb tseem nyob nrog niam thiab txiv los yog nyob ntawm lub tsev loj ces lawv tseem nrog niam thiab txiv nyob ua ib yig, suav tau ua ib tse. Cov tub cov ntxhais uas tawm mus nyob rau lwm qhov chaw thiab lawv muaj cuab muaj yig lawm ces lawv yuav tsum tau ua lawv ib yig, suav tsis tau nrog rau niam thiab txiv tsev lawm.

    

    Nco ntsoov tias cov nyiaj tswv cuab no yog suav daws sib pab mus rau pem lub tsev teev hawm Temple of Hmongism coj mus (1) them cov txiv plig los yog txiv coj dab coj qhuas (kom peb txhob tau tos kwv tij neej tsa, tau pe, tau thov, tau tiam, thiab tau them leej twg li qhov qub lawm) kom lawv tuaj lis peb tej dab qhuas thaum pib txog thaum xaus tsis pub peb ntxhov siab txog sab dab qhuas, (2) them nqe ntaub nqe ntawv thiab hauj lwm hauv tsev teev hawm uas yeej yog hauj lwm pab rau cov tswv cuab xwb, (3) them lub tsev txias uas yuav pab tau cov tswv cuab kom txhob poob nyiaj ntau rau luag tej tsev txias lawm, thiab (4) yuav them rau lub tsev teev hawm Temple of Hmongism uas peb yuav tsum muaj rau tom ntej no kom peb thiaj li tshem tau peb tej dab qhuas hauv vaj hauv tsev tawm mus rau pem lub tsev teev hawm.

    

    Cov nyiaj tswv cuab no peb yeej muaj tso rau qhov qes kawg nkaus, kom tsawg tshaj ntau ntau npaug ntawm peb tus dab qhuas qub niaj hnub no thiab kom tsawg tshaj ntau ntau npaug ntawm peb tus dab qhuas Yesxus (Christianity). Temple of Hmongism cov tswv cuab tsuas them li hauv qab no tuaj ib yig tuaj ib lub hlis, nyob ntawm saib yus tsev neeg muaj pes tsawg leej.

    

    I). 1 - 5 tus neeg $20/hlis

    II). 6 - 10 tus neeg $25/hlis

    III). 11 tus neeg rov saud $30/hlis

    

    Temple of Hmongism yeej ua twb zoo xam peb tej nuj nqes ntawm tus dab qhuas qub, dab qhuas Yesxus, thiab tus dab qhuas Hmongism no tib si lawm. Hmongism yeej poob nyiaj thiab caij nyoog tsawg tshaj plaws. Qhov no peb tab (guarantee) tau tias Hmongiam pheej yig tshaj lwm tus dab qhuas. $20 los $30 tuaj ib tsev neeg tuaj ib lub hlis mas tsawg heev, twb tsis npaum peb them peb tej nqe xov tooj, tsis npaum peb ob leeg noj ib pluag mov tom khw, tsis npaum peb sam ib thoob roj, thiab twb tsis npaum ib tus neeg yuav luam yeeb los yog yuav kas fes haus ib lub hlis. Cov neeg uas mus dua dab qhuas tshiab lawm puav leej pom tias $20, $30 tuaj ib tsev neeg tuaj ib lub hlis mas tsawg tiag tiag li. Muab piv rau lawv qhov 10%, 5%, los 1% xwb los Hmongism qhov yeej tseem pheej yig tshaj, twb tsis hais txog lwm yam. Cov neeg uas tseem coj peb tus dab qhuas qub niaj hnub no mas lawv tsis to taub txog txoj kev them nyiaj tswv cuab rau tsev teev hawm. Tab sis yog leej twg muab ua twb zoo xam ces nws yeej pom tias peb tus dab qhuas qub no poob nyiaj ntau heev. Piv txwv, yuav tseg tau $50,000 los ua yus lub ntees yog tuag thaum hnub nyoog 60 xyoo mas yus yuav tsum tshwj kom tau li $70 tuaj ib lus hlis mas thiaj txaus. Tab sis nco ntsoov tias $70 tuaj ib lub hlis no tsuas yog rau yus ib leeg xwb. Zoo li no, ntau tus neeg thiaj kwv yees tau tias nyob hauv Nroog Ntxaib no xwb peb lub zej lub zos poob nyiaj rau tej ntees tuag ntau heev. Ib kiab twg peb lub zej lub zos poob li ntawm $120,000 mus rau $200,000; ib hlis twg peb poob li ntawm $480,000 mus rau $800,000; thiab ib xyoos twg peb poob li ntawm $5,760,000 mus rau $9,600,000. Qhov no yog hauv Nroog Ntxaib hauv Minnesota no xwb. Yog muab xam ua peb npaug kom duav thoob kwv tij neej tsa Hmoob nyob hauv xeev MN, WI, thiab CA, ib xyoos twg kwv yees tias peb poob nyiaj txog $17,280,000 mus rau $28,800,000 rau peb cov ntees tuag nkaus nkaus xwb. Tej no yog txoj kev vam meej los yog txoj kev poob qab? Txoj kev txom nyem?

    

    Npaum li no, Temple of Hmongism thiaj txiav txim siab txhim kho peb tus dab qhuas no kom pab tau nws cov tswv cuab thiab kom ua qauv rau peb haiv Hmoob qog mus rau txoj kev vam meej rau yav tom ntej. Peb cov nyob hauv Temple of Hmongism mas peb kuj tsis nyiam txoj kev hloov raws kwv tij los yog raws xeem. Yog peb pab kwv tij hloov rau peb cov kwv tij coj, ces lwm pab hloov rau lawv pab kwv tij coj, thiab. Ib xeem ua li no ces lwm xeem ua li tod, thiab. Yog peb ua raws kwv tij los raws xeem ces peb haiv neeg zoo li ib cov neeg uas lus Askiv hu ua tribal society ua lwm haiv neeg saib rau txoj kev poob qab, nyias ua raws nyias pab pawg, tsis muaj kev thooj siab koom tes, tsis koom haiv. Temple of Hmongism thiaj ua raws pawg ntseeg kom txhua txhua xeem, txhua txhua tus neeg, los koom tau tib tug dab qhuas mas peb thiaj zoo li ib haiv neeg Hmoob sib haum xeeb thiab peb thiaj li muaj kev loj hlob ntawm peb tus dab qhuas Hmongism.

    

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 19th September 2014, 9:41 pm

    Thov txim ntau kuv tuaj cuam tshuam ntau zog lawm los thov nej zam txim pub nawb mog.Caw los saib ntawm no ntxiv kom sawv daws to taub ntau dua qub nawb.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 20th September 2014, 9:21 am

    ......Kev cai ploj tuag hmoob ua ntau dhawm lawm os?....Yog ib yam ua nkhaus....Com nyom tshaj plawg....Thawj xyom cuab....Nrhiav txom nyem,....Rau tub nyab....Tub xeeb leej....Ntxhais xeeb ntxww....Ua chaw nyuaj siab....Tuag phem tshaj plawg....Yog txiv dab laug....Tsi hlub tug muam li....Zeem tau txwv nyuj ntaus....Txwv npua tua noj nqaij xwb....Tug muam zeem tau....Tuaj nug txhij toob puaj yam....Tsuam kom tub xeeb leej....Ntxhais xeeb ntxwv tua npua ntaus nyuj niam txiv....Tsi ncaj nceeg....Niam txiv tuag pes tsawg zaug....Zaum tuag kiag xis....Zaum ob tso plig....Zaum peb ua nyuj dab....Tub xeeb leej....Ntxhais xeeb ntxw....Tab npaj rau tug tuag xwb....Hmoob txoj kev cai nkhaus dhau lawm....Kev tuag tsua tuag nyog ib zaug....Tsi tuag ntau zaug....Yuav saib xyuas li....Neeg ntiaj teb tuag mas yuam hmoob....Tej teeb ntawd....Thaum tej laug....Phem dhau lawm....Siv tsi tau os?

    ......Kuv tug kheej pauv tas nrho....Kuv tsi yuav....Tej kev cai cov nyom nlhaus ntawd....Tuiag nyog ib zaug xwb....Tsi npaj ntau zaug tom qab....Kom tub xeeb ntxhais xeeb ntxwv....Tau kev txom nyem....Ntsia lwm haiv neeg....Txoj kev ploj tuag....Tub nyab ntxias vauv kaj siab lug ua neej ntiaj teb no....Yog hnub twg?....Txog kuv tug kheej....Kuv tsi ua tej ntawd.....Cuam tshuam ntxov quav niab li hmoob lawm....Kuv mus ncaj nraim....Tsi yuav qaib rau ncoo....Tsi yuav npua tsa neeg....Tsi xi saib tsev....Tsi tso plig....Tuag lawm ncaj nraim....Tub nyab ntxhais vauv....Ua neej kab ntsabluag....Kuv tsua yuav....Xyab ntawv ntau xwb....Li ntawd tas kam....Yog nco qab npaum ntawd....Kuj tsi tuag....Kuv twb nrhiav tau....Kuv txoj kev lawm raws li....Yav thaum cov laug coj kev cai siv yig....Xyoo 1953 lawm.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  shung on 20th September 2014, 11:43 am

    Tij laug xiongchang,

    Koj hais kuj yog thiab kuj tsis yog. Raws li hmoob txoj kev cais no kuv txiv hais tias nyob ntawm tub kis ua xwb xav ua kom sai li sai tau los yeej tau ho yuav ua kom xws teb xws chaw los yeej tau, los yog xav ua kom zoo yeej tau tib yam. Qhov hmoob nyuaj thiab ntau hnub zog yog vim xav ua kom zoo es ho tau los lus zoo thiab xwb. Tsis li tshuab tib zaj qeej rau xws es cov mus faus kiag los yeej tau.

    Tij laug xiong chang, peb hmoob mas ua lub neej cov nyom heev li, peb lub neej zoo li lub voj voog (circle) ntag. daig qhov twg daws qhov ntawv yog tsis daws ces tsawg tiam los yeej daig qhov qub. Mab suav, Mab dawb mas luag los ua neej zoo li txoj kab ncaj qha ( straight line) xwb. Yug los li cas ces tuag ces lawm ncaj nraim. Tsis paub tias yog li cas.

    Qhov ua phem rau tej tub tej ki mas yog neeg saib phem xwb tsis muaj dab tsi. Tus tuag ces yeej tuag lawm ncaj nraim lawm. Tub ki txhob muab ua loj7 yog ua loj7 ces kawg tub kis txom nyem xwb. Qhov koj hais tias tsis yuav dab li es yuav nyiaj txiag xyab ntawv kom ntau xwb, qhov no kuj zoo kawg. Tab si yuav tau yuav tub qaib rau ncoo, tus npua tsa nees ob qhov no yog ob qhov ceem ceeb. Tus npua tsa nees mas yog tus coj mus txeem tsuam tob saum rooj ntuj es tus tuag thiaj li hla dhua lub qhov rooj mus. Yog tsis muaj ces mus txog ntawv ces yeej daig ntawv lawm.

    Tus nyuj dab yog tus ceem ceeb tshaj yog li hnub twg tus laus los nrhiav lawm ces yeej yuav tsum tau ua xwb thiaj tag.
    Tij laug laug xiongchang, kuv xav nug koj ib los tias yog tus txiv neej tuaj yuav nyuab dab es yog ua li cas ho tsis coj lwm tug tuaj ua luag es ho yuav coj tus nyab tuaj ua luag?. kwv shung
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 20th September 2014, 2:14 pm

    ......Peb tsev neeg....Tseg tau ob tiam neeg....Tseg tau ob tiam neeg....Tsi ua nyuj dab....Tsi muaj npua rooj....Tsi tu sub lawm....Neeb yaig mas ua tau....Tsi haiv laig li....Txhua xeem hmoob....Niam txiv poj yawm....Hu tau noj mov....Tsi tuav diav lawm.

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 20th September 2014, 2:46 pm

    xiongchang wrote:......Peb tsev neeg....Tseg tau ob tiam neeg....Tseg tau ob tiam neeg....Tsi ua nyuj dab....Tsi muaj npua rooj....Tsi tu sub lawm....Neeb yaig mas ua tau....Tsi haiv laig li....Txhua xeem hmoob....Niam txiv poj yawm....Hu tau noj mov....Tsi tuav diav lawm.
    Tij laug XiongChang.
    Yog tsis tuav diav lawm nej hu niam txiv cov nploj tuag dua nra lawm los nrog nej noj no nej hu li cas?.Kuv pom ntsuab xwm lis hu lawv cov laus los noj mov ces lawv rau tau mov tiav tag lawv ua tej nyuag kev cai khi tes tas ces lawv cia li hu 1 los tias thov caw kuv 1 tsoom niam txiv poj yawm uas tau dua nra lawm los nrog kuv noj mov los noj pov hwm haus pom yoom kom kuv 1 tsev 20 leej nyob ntshiab li dej huv li txhuv no xwb ces cia li noj mov lawm xwb.Puas yog nej ua li lawv ua no thiab?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 21st September 2014, 7:45 am

    ......Peb hais ib tag mov....Ib taig nqaij txawb ntawm rooj....Muab diav txhua nrho tso ntawm phaj mov....Rub rooj txhij vog....Yug zaum sab nram....Taws ib tug tswm ciab....Los thia qhaim txawb saum phiab xwb....Hu npe nkaaug tas nrho....Nrog peb noj mov....Peb tsi hais txog li....Hmoob lawm hais txog....Kev laisg tug zug....Nej suav daws los noj haus lawv yam phem tsi zoo....Mus hnub coog hli kawg....Ntsej tsi hnov qhov muag tsi pom nawb....Peb ua tsawg tau ntau noj tsi tas haus tsi nqeg....Nej los noj ib tuam....Foom txiab pua tsuam....Peb nyob yaj ceeb....Ua tau noj haus thaum twg?....Peb mam hu nej nawb.

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 21st September 2014, 3:52 pm

    Tij laug XiongChang.
    Yog ua tau li koj hais no los kuj yog 1 qho zoo kawg lawm thiab yooj yim lawm ntau mas.es tag nrho nej 1 cuab kwv tij ua tib yam li koj hais no los yog koj tib leeg ua li no xwb?.
    Yog tias tas yus 1 cuab kwv tij coj tib yam li no lawm no ces yeej zoo lawm tiag.hos yog yus tib leeg ua li no xwb ces tsam yus cov kwv tij tsis pom zoo xwb lauv.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 22nd September 2014, 1:35 pm

    .....Peb pab kwv tij....Kooj poj yawm....Lawv ntsee yes xus tas lawm....Thaum kuv niam....Kuv txiv nkawd....Ntseeg siv yig txawj kum xyoo lawv xyoo 1953....Raws niam tais....Yawv txiv hmoob vaj....Peb ob peb yim....Kwv tij tab sis....Tom qab no....Lawv rov coj li qub lawm....Ib pab neej tsa hmoob yaj....Kuj mus li ntawd....Tab sis tom qab no....Lawv rov qab....Coj li qub tas lawm....Tsuav peb tib yim xwb....Kwv koob pov txuj aws?....Tam sim no....Muaj ib pab hmoob....Kub xyaum mus li....Peb lawm thiab....Tab sis zoo li....Ib nyuas txawv zog....Kev cai ntseeg li....Peb mas yeej raws nraim li....Thaum qhuab ke ntas,,,,"Tab sis"....Piav yog nkaug ntas...."Tab sis"....Piav qhuav xwb....Tug tub zaum tsawg....Ib sab ntawd ntas....Txog nqe ntawd....Hlawv peb nploog xov txeej....Ua tsaug teb....Ua tsaug chaw....Tim tswv luaj pua xwb txog ntua thawm xaus kiag....Nce rooj ntug....Thov ntaub ntawv....Saum nkawm niam txiv kab yeeb xyab....Tub tsheej xeeb nqeg tshwm sim yaj ceeb....Tshwm sim xeeb zeej....Ua neeg tshiab....Xaus li ntawd lawm.

    Nqe:......1././...Tsi xi lawm.
    Nqe:......2./.....Tsi tso plig lawm.
    Nqe:......3./.....Tsi ua nyuj dab lawm.
    Nqe:......4./.....Tsi ua npua rooj lawm.
    Nqe:......5./.....Xwm kab ua ntag...."Tab sis"....Pov fwm niam....Pov fwm txiv....Pov fwm tub ntxhais....Plig nyiaj kub....Plig qoob loo....Plig tsiaj txhu....Ntaub nom tswv....Kev kawm paub txawj ntse xwb.

    Nqe:.....6./.....Tsiaj txhu tua ua zaub xwb....Tsi tawg rau niam txiv lawm...."Tab sis"....Yuav tua hlawv....Ib yam li....Ua neeb yais xwb....Tug tsiaj ntawd....Nyob ib xyoo....Kaum ob lub hlis....Peb puas rau tsib hnub xwb....Mus thawj thiab....Ua dab tsi los tau tas nrho.

    Nqe:.....7./....Tub ntxhais....Xav zoo....Xav tsim txiaj....Rau siab ntso....Mob siab hlov....Noj lug mloog....Noj lug mloog hais....Thaum niam txiv....Tseem ua neej nyob....Muaj txoj sia....Ua liaj teb....Kawm txuj ci....Kawm paub txawj ntse....Thiaj tau ua nom tswv....Muaj koob nto npe....Nca hmoo lug....Ntiaj taug qaum peg....Yogb leej twg?....Tsi rau siab peem....Txhob tu siab....Rau niam txiv poj yawm....Txhob tog looj mem....Txhob tog sauv toj....Tseev cog zoo....Tsi pab yug....Tug kheej xwb....Ua tau txiv....Muaj cuab kav....Ua taug niam....Muaj peev xwm....Txhob tub nkeeg....Tsi thawj leej twg?

    Nqe:.....8./....Txiv coj xai....Lej lug ntuag....Luag hais paj lug xwb....Niam txiv tej lug....(Thiaj tseeb ntsiab)....Thaum niam yug....Poob nthav xub ntiag....Tiav hluas ntsug....Yuiav poj niam....Txiv tu loj hlob....Tiav nkauj ntsug....Yuav txiv muaj vauv.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 22nd September 2014, 1:59 pm

    ......Suav daws nco ntsoov....Kuv zaj lug no....Suav daws....Txhob cia siab....Txiv coj xai....Tej lug foom ntawd....Luag dov pob zeb....Puag pem roob....Tub xeeb leej....Puas txais tau....Ntxhais xeeb Ntxwv....Puas nco tau....Ib zaug mas yuam....Kuv ttug kheej....Kuv ib txwm xyaum zoo....Puag thaum me....Tsim txiaj ncus....Puag thaum yau....Tsi tub nkeeg....(Qaib qua - Nrog qab sawv - Npua saj - Nrog npua mus - Moos nrov - Nrog moo dhia - Nco ntsoov tias - Sij hawm - Yog nyiaj - Caij nyoog - Yog kub - Tsi tog leej twg?....Kwv koob pov....Koj paub zoo kawg....Koj muaj nyiaj....(Dollars Million)....Siv tsi tas....Koj txoj kev khwv xwb tiag yom...."Tseev muaj hmoo - Tsi muaj tswv yim"....Tsi pom nyiaj qab....Luag tej laug hais tias...."Txiv ntoo - Nyob chaw siab - Nyiaj nyob tsiv kev - Ceeb laj ncav cuag - Ceeb laj ncav tau siv"....Kuv tug kheej - Nco ntsoov thaum kawm ntawv - Qhuas phab nyas nyam - Yuam thib dais - Qhuas xam lev - Yum thib nab)

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 22nd September 2014, 3:40 pm

    Tij laug XiongChang.
    Yog piav li koj piav no ces nej kuj muaj nej 1 txoj kev ntseeg txawv Hmoob txoj niaj hnub nim no thiab nev yom.Kuv hnov cov Hmoob ntseeg txog siv yis lawm thiab mas.Thaum peb nyob vinai kuv yeej pom cov Hmoob ham lawv ntseeg kev cai siv yis lawv muaj kev nploj kev tuag ces lawv kuj tseem ua qeej ua nruas li sawv daws thiab xwb.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  Liajntsuab on 22nd September 2014, 3:51 pm

    [size=18]nyob zoo,

    ib tsoom phoojywg tshuav 1 sab tes sau ntawv lawm xwb yog li ntshe yuav tseg ntev loo tsis tuaj nrog nej uasi lawm. muaj dabtsi kavtsij tuaj sau lwm hnub mam li tuaj teb nej.

    nyob zoo[
    /size]
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  shung on 22nd September 2014, 7:59 pm

    Liajntsuab wrote:[size=18]nyob zoo,

    ib tsoom phoojywg tshuav 1 sab tes sau ntawv lawm xwb yog li ntshe yuav tseg ntev loo tsis tuaj nrog nej uasi lawm.  muaj dabtsi kavtsij tuaj sau lwm hnub mam li tuaj teb nej.

    nyob zoo[
    /size]

    Nyob zoo tus txiv ntxawm liajntsuab,
    Yog tim dab tsi tiag es ho hais li koj mas. Koj puas kam qhia koj meej zog pub peb s/d thiab. Shung
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  Liajntsuab on 23rd September 2014, 9:54 am

    shung wrote:
    Liajntsuab wrote:nyob zoo,

    ib tsoom phoojywg tshuav 1 sab tes sau ntawv lawm xwb yog li ntshe yuav tseg ntev loo tsis tuaj nrog nej uasi lawm.  muaj dabtsi kavtsij tuaj sau lwm hnub mam li tuaj teb nej.

    nyob zoo[
    /size]

    Nyob zoo tus txiv ntxawm liajntsuab,
    Yog tim dab tsi tiag es ho hais li koj mas.  Koj puas kam qhia koj meej zog pub peb s/d thiab.  Shung

    Nyob zoo Shung,

    Zoo siab koj ua tub tseem los nug txog kuv sab tes thiab. Twb yog kuv ua raug nws qis thiab txha xwb ces Dr. muab cam lawm os, nws yuav siv sijhawm ntev li 6 asthiv/weeks mas thiaj li yuav tshem tau daim cam ntawd tawm. Yog li no kuv thiaj li yuav tau ncua ib me ntu tsis tau tuaj uasi nrog nej uasi li hais los saumtoj saud.

    Nyob zoo thiab ua tsaug ntau nawb[size=18]
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 23rd September 2014, 10:12 am

    ......Kwv ntxawg...."Shung"....Hmoob tej laug....Kev cai ntseeg....Thaum siv yig....Suav xyooj....Siv yig suav xyooj....Siv yig tsav txhiaj vaj....Lawv hais tias....Hmoob tej kev cai dab qhuas ntawd....Nyuaj dhau....Tsi hlub tsev neeg....Tsi hlub tub ntxhais....Muab tsev neeg....Yuam ua qhev tuag nthi....Tsi zam li....Npav muab tsev neeg....Yuam ua qhev tuag kiag....Sawv tsi taug....Tsa tsi tau taub hau li....Muab tub ntxhais....Tsev neeg....Tsuj tuag kiag tas tiam....Kuv yawg suav lwm...."Tswv cheem rog"....Twb npo ntau yim neeg tawm qhov tuag....Poob cev qhev lawm....Ntau xeem hmoob....Los kiav xeem....Ua hmoob tsab txog hniaj hnub no....Tam qab no xyoo 1950....Cov sawv saub siv yig....Thiaj coj kev cai tshiab....Lawb tsi ua....Tsi coj lawm...."Tab sis"....Mus tsi kawg....Thiaj coj li qub....Dhia tsi dhau xwb os?....Kuv tug kheej....Yej xam pom hais tias....Hmoob tej laug...."Nkhaus dhau lawm tias....Peb tuaj nyob teb chaws....U.S.A....Kuv tseem pom kiag ntawm qhov muag....Yog ib pab hmoob lis....Niam tuag xyoo 2012....Muab tub nyab laij tua nyuj rau niam....Tshua ob tug tub....Tsi tau muaj poj niam....Kom tua nyuj tib si....Tug phem tshaj plawg....Thawj xyom cuab ntag....Tug txiv dab laug....Tug muam phauj laug....Cov tub poj niam khiav nrauj lawm....Teem txim tas nrho....Kuu thiaj nrog thov....Thiaj dim me ntsig....Aub kuv ntxub hmoob....Tej kev cai ntawd kawg nkaug....Ua cas hmoob tsi pauv hloov li....Tug tuag ntawd....Tsi tau nyuj cab ib zaug li os?....Yog hmoob phem ntaig ntuj.....Hmoob tsuam cai ua xwb nas....Hmoob txoj niag kev cai...."Ntuj tshw"....Yuav tau tso tseg....Txhobua ntxiv lawm....Qhov hmoob quab yuam....Tub ntxhais....Sawm tsi nyog....Yuav tsi tau lawm os?....Hmoob hais tias...."Dev npua cai"
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 23rd September 2014, 12:11 pm

    ......Hmoob lub tsev teev hawm....Yog ib qhov zoo kawg nkaug....(Muaj zeem muag - Xam pom deb kawg ncua)....Txhua haiv neeg....Thiaj saib taug....Khuab qhov muag.....Saib yug haiv neeg....(Rau nqis kawg)....Ib haiv neeg twg?....Muaj cuab kav tsim tsa tau....Tsev teev hawm ntiag tug....Luag hais tias....Muaj peev xwm....(Ua taug txiv - Ua taug niam)....Thov qhuas txhawb nqa dag zog tswv yim zoo....Yog muaj sij hawm yuav tuaj saib xyuas....Hmoob suav daws....Yuav tau txhawb nqa loj hlob nce ntxiv tom ntej....Tsi tu ncua nawb mog....(Txawj tsab tsab)

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  koobpovtxuj on 8th December 2014, 9:17 pm

    xiongchang wrote:......Hmoob lub tsev teev hawm....Yog ib qhov zoo kawg nkaug....(Muaj zeem muag - Xam pom deb kawg ncua)....Txhua haiv neeg....Thiaj saib taug....Khuab qhov muag.....Saib yug haiv neeg....(Rau nqis kawg)....Ib haiv neeg twg?....Muaj cuab kav tsim tsa tau....Tsev teev hawm ntiag tug....Luag hais tias....Muaj peev xwm....(Ua taug txiv - Ua taug niam)....Thov qhuas txhawb nqa dag zog tswv yim zoo....Yog muaj sij hawm yuav tuaj saib xyuas....Hmoob suav daws....Yuav tau txhawb nqa loj hlob nce ntxiv tom ntej....Tsi tu ncua nawb mog....(Txawj tsab tsab)
    Tij laug xiongchang.
    Cas es koj twb yog Hmoob tsab tseem muab koj hu ua txawj tsab no thiab ne yom.Koj puas nyiam lub hu ua Txawj pov tsab thiab lub hu ua txawj xyooj tsab 2 lub no phim koj kawg lawm ov.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  xiongchang on 8th December 2014, 9:33 pm

    ......Aub kwv koob pov aws?....Niam daub laug lis vwj....Khov kuam nrhiav npe laug....Txhua lub lawm os?....Kuam neeb tsi leeg txais li....Lub npe txawj tsab....Kuam neeb khav nkaug....Peb zaug zoo lawm ne....Kwv koob pov....Kuv thiaj nqusg zog lawm nas....Kwv koob pov aws?

    Sponsored content

    Re: Temple of Hmongism (HMOOB TSEV UA KEV CAI DABQHUAS RAU KEV PLOJ TUAG

    Post  Sponsored content


      Current date/time is 23rd June 2017, 9:32 am