google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    THAIB THIAB SUAV SIB TUAV TES COG KEV PHOOJYWG

    Share

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    THAIB THIAB SUAV SIB TUAV TES COG KEV PHOOJYWG

    Post  Liajntsuab on 15th February 2015, 3:18 pm

    Xovxwm tawm tawm 2/14/2015 nram qab tias zaum no lub tebchaws Thaib tau mus tuav/koom tes nrog Suavliab tus Thawj Tswj tebchaws cog kev phoojywg lawm vim tias Suav YUAV PAB CUAM KEV COB QHIA TUBROG SIB KOOM UAKE MUS LI 5 LUB XYOO TOM NTEJ NO THIAB TSEEM YUAV QHIA KEV TXAWJ KEV NTSE LWM YAM TXOG KEV UA TSOVROG NTXIV LOS NTAWM NKAWV 2 LUB TEBCHAWS. TSIS TAG LI NTAWD XWB THAIB THIAB SUAV TSEEM SIB COG LUS YUAV SIB PAB NROOS TXOJ KEV TIVTHAIV TEJ KEV KUB NTXHOV UAS MUAJ MUS LOS NYOB ZE NKAWV TUS NRIM TEB NRIM CHAW THIAB YUAV SIB PAUV LWM YAM TECHNOLOGIES/TXUJCI KOOM UAKE THIAB.

    Txoj ke zaum no Thaib tso U.S.A. tes tseg ho mus tuav Suavliab tes lawm twb vim yog Thaib tsis txaus siab rau U.S.A. tau thuam txog Thaib txoj kev muab Thaib tus Nom Yingluck rho tawm thiab tau yuam cai caijtsuj tej Pejxeem yam tsis muaj paus ntsis hos tsis tag li xwb U.S.A. tseem muab Thaib thiab U.S.A. qhov kev yuav los sib koom cob qhia Thaib cov tubrog nruab nqhuab thiab nruab deg nrog rau $4 million uas Thaib yuav txais coj los siv ntawd ncua tseg lawm thiab. Yog li no lub sijhawm thaum Thaib tau kev nyuab siab lawm U.S.A ho yog tus yuav THAU TES hos Suav ho yog tus yuav PAB RUB TES Thaib ces Thaib thiaj li pauv siab mus tuav Suav tes lawm.

    Tej teebmeem no lub tebchaws U.S.A. yeej pom ua ntuv zus los mus thiab luag yeej paub lawm yog li tsis ntev los no luag thiaj li muab luag tej tub Peebzeej yog feem ntau thiab lwm yam cuabyeej ua tsovrog coj los mus rau sab tebchaws Asia lawm. Ib tsoom kwvtij Hmoob Ntsuagnos, yog tias lub ntiajteb zoo li niajhnub nimno xwb tiag kuv ntseeg tias tsis ntev tom ntej no txoj kev kub ntxhov yuav rov muaj nyob rau sab tebchaws Asia uas yuav tsis muaj ib yam dabtsi los cheem tau vim tias lub ntiajteb no tibneeg SIB TXEEB THIAB SIB TW HWJCHIM SEB LEEJTWG ZOG LOJ THIAB TXAWJ NTSE hos tsis tag li xwb muaj Neeg tubsab, tubnyiag, Neegphem, Neeghuab noj huabhaus, Neeg Namteb Nam chaw coob dhau lawm thiab.

    Mam li soj qab taug lw saib mus ntxiv seb lub ntiajteb no ho yuav tig mus li cas.


    http://article.wn.com/view/2015/02/14/Too_Much_Asia_to_Be_Civilized_by_the_West/

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: THAIB THIAB SUAV SIB TUAV TES COG KEV PHOOJYWG

    Post  Liajntsuab on 16th February 2015, 8:39 am

    Kwvtij Hmoob,

    Nej ho muab ntau yam li kuv tham thiab yam nej pom xws li nram no coj los xav ua li lub tebchaws Thaib puas yuav tau kev txais pab zoo los ntawm tebchaws Suav.

    Tebchaws Suav yog ib lub uas loj thiab muaj zog los rau tiam21 no raws li lub ntiajteb tau pom thiab tau paub hos tsis tag li xwb nws yog ib luib tebchaws uas yuav muab cov tebchaws tsis hais lub loj thiab lub me nyob rau sab Asia nqo kom tag los sis nws nws xav tias nws yuav yog tus los Tswj sab tebchaws ntawd. Raws li kev soj ntsuam thiab kev tshawb fawb los mus lub tebchaws Suav yog ib lub uas tsim kev kub ntxhov xws li nam ciam dej ciam av ntau lub tebchaws ua ntuv zus los mus niajhnub nimno tseem hais tsis tau haum tshwjxeeb yog cov povtxwv/island nyob rau Nyablaj, Philipine, Janpan, thiab lwm lub tebchaws uas nyob npuab nws.

    ib qhov teebmeem loj tshaj uas tshwmsim nyob hauv lub tebchaws Thaib ua ntuvzus los mus ntawd twb vim yog lub tebchaws Thaib ntawd muaj tsoom Neeg Suav tuaj nyob coob dhau feem ntau yog nyob rau sab povtxwv Phoutket ces 80% yog Suav tag nrho. Twb vim yog li no Yawg Thaksin Shinawatra
    thiab Yingluck nkawv 2 nusmuag thiaj tau los ua Thawj Pwmtsav kav lub tebchaws Thaib thiaj Tsoom Neeg Thaib thiaj li tsis nyiam, lub tebchaws Thaib thiaj li muaj kev kub ntxhov ua ntuvzus txij thaum nkawv os txog niajhnub no. Tau muaj li 2 lub xyoo dhau los Thaib ib cov tubrog twb tau muab Suav ib cov Neeg nrhiav noj uas caij ib lub nkoj raws tus Niam Dej Naj Khoo/Mekong River tua tuag lawm thiab vim yog los ntawm Suav txoj kev tsim teebmeem rau cov nyob ntsuabze.

    Raws li cov tebchaws uas raug lub tebchaws Suav Av Loj noj tswj kav los mus xws li lub tebchaws Tibet twb raug tswj xyoo 1950 los mus ces twb tau 64 xyoo no lawm tsis tau txais kev vammeej dabtsi tsuas yog tsim kev kub ntxhov quab yuam caij tsuj cov neeg tibet ua ntuvzus los mus nkaus xwb. Vim li ntawd yawg Haujsam Delai Lama thiaj li raug mus Nyob India thiab ua neeg ncig thoob yuav luag txhua lub qab ntuj no thov kev pab thiab muab nws txoj kev ntseeg ntuj qhia rau txhua lub tebchaws hos nws cov neeg los lawv rov muab coob tuskheej ywj roj hlawv tuag rau lub ntiajteb no kom pom lawv txoj kev zoo ib yam nkaus seb luag lwm lub tebchaws puas cev tes pab. Tej kev kub ntxhov no niajhnub no tsuas muaj loj zujzus ntxiv raws li muab soj ntsuam los mus. Qhov ntawm no yog keebkwm hais txog Suav tuaj txeeb lub tebchaws Tibet. Radio Beijing announced: "The task of the People's Liberation Army for 1950 is to liberate Tibet." In October, 40,000 Chinese troops invaded. 15-year-old Tenzin Gyatso was given full powers to rule as the 14th Dalai Lama.

    Yog thaum muab saib li kuv hais los saud lawm no ua li lub tebchaws Thaib puas yuav muaj kev nyabxeeb thiab tau txais kev pab li lawv tau sib cog lus thiab thiab tuav tes zaum no. Zaum no pom meej tseeb tias lub tebchaws Thaib thiab lub tebchaws U.S.A. lawv txoj kev phoojywg tu nrho lawm uas zoo nkaus li khub hluasnkauj thiab hluasnraug ua ib siab tso plhuav tseg tsis hais koj thiab kuv nyias mus nhiav nyias tus tshiab lawm.

    Sib ntsib dua.


    saib dua nram no txog txoj kev cov neeg Tibet lawv tua lawv tuskheej los nrhiav kev thajyeeb kom dim los ntawm tsoomhwv Suav Av Loj.
    https://www.youtube.com/watch?v=sa_9mxYAxy4
    http://youtu.be/sa_9mxYAxy4

      Current date/time is 11th December 2016, 2:57 am