google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Phabmab Noj Pebcaug xyoo 2015

    Share
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Hmoob Phabmab Noj Pebcaug xyoo 2015

    Post  Liajntsuab on 1st April 2015, 1:54 pm

    Cov Hmoob Phabmab no saib lawv kuj txawv kawg thiab zoo li tsis lomzem pes tsawg.

    https://www.youtube.com/watch?v=bsOOZsGRTKA
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Hmoob Phabmab Noj Pebcaug xyoo 2015

    Post  koojziagkabzaug on 1st April 2015, 3:04 pm



    Nyob zoo kwv Liaj Ntsuab,

    Ua tsaug nws muab daim video nov rau peb saib.
    Kuv tsis xav tias muaj ib cov hmoob nyob tom Phab Mab, kuv xav tias ntshe yog cov nyob ze ciam teb Thaib es mus rau sab tod xwb no tab sis raws li daim video nov cov Hmoob Phab Mab kuj txawv peb cov Hmoob sab Nplog thiab Thaib teb thiab. Cov Hmoob Phab Mab lawv ua lawv cov tsoos tsho raws li cov kwv txhoobn lub hej, cov neeg phab mab sab tod lawm. Thiab lawv hais lus kuj txawv peb lawm thiab, lawv hais lus zoo li Hmoob Suav.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Hmoob Phabmab Noj Pebcaug xyoo 2015

    Post  Liajntsuab on 1st April 2015, 5:04 pm

    Nyob zoo thiab os Niamtij Koojziagkabzaug,

    Yog mas cov Hmoob Phabmab teb no lawv yeej hnav tsoos tsho txawv dua lwm cov Hmoob. Xyoo thaj tsam li 1990 tawm ntawd twb pom Xub Thoj mus yees tau ib cov duab los rau peb tau saib, cov Hmoob no lawv nyob zoo li tsis muaj tus Thawj Coj li. Lawv nyob yam ntsiag twb to tsis hnov lawv lub npe nrov tshwm rau tsoom Hmoob hauv qab ntuj no paub. Yog muaj lub caij zoo tseem yuav mus saib lawv thiab.

    Nram no peb ho mu saib cov kwvtij Hmoob Cobtsib noj paubcaug xyoo 2015, zoo li lawv noj tau muaj ceev thiab txawv dua txhia zaus.

    https://youtu.be/55RzYyxn4_I
    https://www.youtube.com/watch?v=55RzYyxn4_I
    avatar
    Cawmsim
    Visitor
    Visitor

    Messages : 24
    Date d'inscription : 2014-12-05

    Re: Hmoob Phabmab Noj Pebcaug xyoo 2015

    Post  Cawmsim on 1st April 2015, 6:31 pm

    Kuv ncig mus txog cov Hmoob phabmab lawm ov phooj ywg Liajntsuab aw.  Hmoob sab Phabmab kuj muaj ntau hom tsoos.

    Tshuav cov Hmoob nyob India kuv tseem npaj siab mus saib.  Kuv lub homphiaj yog nrhiav saib Hmoob nkaus xwb.
    avatar
    Cawmsim
    Visitor
    Visitor

    Messages : 24
    Date d'inscription : 2014-12-05

    Re: Hmoob Phabmab Noj Pebcaug xyoo 2015

    Post  Cawmsim on 1st April 2015, 6:33 pm

    koojziagkabzaug wrote:

    Nyob zoo kwv Liaj Ntsuab,

    Ua tsaug nws muab daim video nov rau peb saib.
    Kuv tsis xav tias muaj ib cov hmoob nyob tom Phab Mab, kuv xav tias ntshe yog cov nyob ze ciam teb Thaib es mus rau sab tod xwb no tab sis raws li daim video nov cov Hmoob Phab Mab kuj txawv peb cov Hmoob sab Nplog thiab Thaib teb thiab. Cov Hmoob Phab Mab lawv ua lawv cov tsoos tsho raws li cov kwv txhoobn lub hej, cov neeg phab mab sab tod lawm. Thiab lawv hais lus kuj txawv peb lawm thiab, lawv hais lus zoo li Hmoob Suav.


    Daim duab no zoo li yog Hmoob tuamtshoj sub ned?
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Hmoob Phabmab Noj Pebcaug xyoo 2015

    Post  Liajntsuab on 21st April 2015, 11:02 am

    Cawmsim wrote:Kuv ncig mus txog cov Hmoob phabmab lawm ov phooj ywg Liajntsuab aw.  Hmoob sab Phabmab kuj muaj ntau hom tsoos.

    Tshuav cov Hmoob nyob India kuv tseem npaj siab mus saib.  Kuv lub homphiaj yog nrhiav saib Hmoob nkaus xwb.

    [b]Phoojywg Cawmsim,

    Oh yog li ces zoo kawg rau koj. ua li koj mus saib lawv thaum twg lawm mas?
    Lawv puas coj li peb Hmoob Nplog thiab Hmoob Thaib?
    Lawv puas tos txais nej zoo thaum mus sib ntsib kiag lawm?
    Koj ho puas ntsib tej Laus Neeg los sis tej Thawj coj thiab?
    Koj ho puas nug tias Hmoob tus tau Nom Loj tshaj nyob sab tebchaws ntawd yog tau txij li cas los xwb?
    Hos lawv kev noj nyob ne ho txawv deb npaum licas?
    Lawv puas nyob tej tsev li peb Hmoob lwm lub tebchaws nyob thiab?
    Puas muaj tej tub ntxhais mus nrog luag kawm txuj siab thiab[
    /b]?
    avatar
    Cawmsim
    Visitor
    Visitor

    Messages : 24
    Date d'inscription : 2014-12-05

    Re: Hmoob Phabmab Noj Pebcaug xyoo 2015

    Post  Cawmsim on 27th April 2015, 7:46 pm


    Phooj ywg Liajntsuab.

    Kuv mus rau xyoo 2004 lawm ov. Cov kwv tij Hmoob Phabmab uas yog feem coob kuv tsis tau mus ntsib lawv vim lub sij hawm kuv mus nws tsis tshua zoo caij. Phab mab muaj xwm txheej tsis zoo ces lawv nruj heev. Ua ke ntawv los lawv tseem tsis tau qhib kev tsham tebchaws dav fo rau tsoom neeg ntiajteb. Cov kuv mus pom ces yog cov nyob puab rau ciam teb Suav. Cov no muaj peb hom Hmoob los nyob sib ze xws li Hmoob Phabmab, Hmoob Cobtsib thiab Hmoob tawg rog.

    Cov Hmoob nyob thajtsam no mas lawv tsis txom nyem kev noj nyob vim lub tebchaws pheev av ntawv zoo qoob heev. Lawv txom nyem fab nyiaj vim lawv nyob deb cov nroog loj heev li. Ua ke ntawv , lawv tsis muaj kev kawm ntawv siab nawb. Cov Hmoob qub "Hmoob Phabmab" kiag ib txwm nyob tau 100+xyoo los yeej tseem nyob txom nyem tsis txawv peb tej Hmoob yajsab hauv tebchaws Lostsuas.

    Muaj sij hawm ho mus ncig kom thoob Hmoob maj phooj ywg vim nws yog ib txoj kev kawm muaj nqis heev thiab los kua muag kawg hos.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Hmoob Phabmab Noj Pebcaug xyoo 2015

    Post  Liajntsuab on 11th May 2015, 7:13 am

    Nyob zoo phoojywg Cawmsim,

    Ua tsaug ntau koj tuaj piav qhia txog peb cov kwvtij nyob Phabmab lawv kam noj kev haus rau peb paub. Cia tom ntej no seb yog muaj caijnyoog thiab yoojyim no mam li mus tsham saib xyuas lawv.

    Ua tsaug nawb
    avatar
    Cawmsim
    Visitor
    Visitor

    Messages : 24
    Date d'inscription : 2014-12-05

    Re: Hmoob Phabmab Noj Pebcaug xyoo 2015

    Post  Cawmsim on 25th May 2015, 1:32 pm

    Phooj ywg,  Peb yuav tau ncig saib peb Hmoob thiaj tsim nyog yug los yog Hmoob.

    Kuv txoj kev ncig saib Hmoob raws li tej thaj chaw thiab tej lub tebchaws,  Kuv pom meej txog Hmoob kev txom nyem nrog rau kev poob qab nav tw.  Kuv muab ua tib zoo xav nrog rau nug peb Hmoob cov nyob pwj cheeb ntawv, thiab kuv kuj nug tej neeg paub tab tswj Hmoob nyob tej thaj chaw no lawm.  Peb Hmoob kev txom nyem thiab kev poob qab muaj xws li.  1.  Hmoob tsis muaj txuj ci sab kev kawm ntawv kawm lus, tswv yim los tsav kom Hmoob txawj ua neej nce qib zuj zus.  2.  Hmoob nyob deb ncua ntawm tej nom tswv kev vam meej vim Hmoob tsis muaj txuj ci nyob nrog tau kev vam meej.  3.  Hmoob yog pejxeem feem neeg tsawg koom haiv nrog lwm haiv neeg loj, thiab luag tsis mob siab txog kev txhawb nqa kom Hmoob nyob tau haum nrog kev vam meej.   4.  Kev cais tshwj quas los ntawm neeg txoj kev sib txawv thiab sib txheeb lus, kev coj, kev cai yog nqe tseem ceeb rau txoj kev koom luag lwm haiv neeg uas Hmoob ncav tsis cuag txoj kev txawj ntse thiab kev vam meej.  5.  Kev ua neej raws keeb kwm thiab moj yoog qauv lw uas tsis sib haum, tsis sib xws kuj yog teeb meem kev sib raug zoo thiab kev sib txhawb los ntawm tsoom neeg coob thiab npoj neeg tsawg.  6.  Thaum Hmoob tsis paub nrog lwm haiv neeg nrhiav noj sab txujci thiab kev lag luam kom nyob taus nrog npoj neeg coob rau hauv nroog lawm, Hmoob thiaj xaiv nyob yajsab ua neej raws huab cua caij nyoog li tej neeg ntuj txheej tshoj thaum ntxov 1000 xyoo dhaum mus lawm xwb.

    Hmoob feem coob ua neej raws tej pwjcheeb (locations) tsis muaj kev tsheb ntsuab/los sis kev tsheb av mus txog lawv tej zej zog.  Yog tias peb xav mus saib Hmoob tiag, nws tseem tshuav ntau lub tebchaws muaj Hmoob uas yuav tsum yog mus taw li tag hnub los sis li hnub ke thiaj yuav tshwm Hmoob cov zos yajsab.  

    Yog tias koj yug los yog tus Hmoob muaj txoj kev txawj ntse thiab pom meej ntiajteb li kev ua neej,  Koj yuav tauv tsis tau lub kua muag kom txhob poob tawm los thaum koj mus txog Hmoob tej zej zog thiab pom Hmoob txoj kev ua neej lawm nawb mog....?
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Hmoob Phabmab Noj Pebcaug xyoo 2015

    Post  Liajntsuab on 9th June 2015, 2:29 pm

    Nyob zoo phoojywg Cawmsim,

    Koj cov 6 nqe lus sau los saumtoj no yeej muaj tseeb li hais los. Hais txog Hmoob tej keebkwm yav dhau los thiab nimno Hmoob lub neej thiaj tseem pheej nyob li 100 dhau los ntawd ces peb txheej no thiaj li mam paub txog tias yog vim dabtsi. Qhov ntawd vim tias Hmoob raug ntau haivneeg nyob sab tebchaws Asia txwv txiav Hmoob txoj hauv kev ua neej tom qab Hmoob poob tebchaws nyob sab ntuj Qub Qab Niam Dej Dag sab pem toj rau Suav Tuag Tshaib tag ces txij ntawd los Hmoob nyias khiav huas nyias txoj sia los rau sab Xov Tshoj tom no thiaj li nyob rau ntau lub techaws uas sib npuab rau Suav Av Loj li kuv tham nyob rau lub topic no. Vim Hmoob raug ua lub neej nkaum hav zoov hav tsuag li ntawd los tau ntau xyoo ces Hmoob thiaj li nyob li ntawd los mus lawm uas yog dhau los ua ib qhov culture/kev cai rau ib txheej dhau los mus txog niajhnub no.

    Txawm li cas losxij niag no kuv xav tias nyob li ntawm 70 % ntawm peb Hmoob cov nyob rau tojsiab lawv tej tub ntxhais yeej tuaj txog nroog thiab tuaj pom luag kev vammeej lawm hos cov uas ho muaj computer tuaj uasi pom luag kev vammeej li peb los yeej yuav tsum muaj txog li ntawm 30% tej lawm thiab. Vam tias lawv cov muaj lub cibfim pom tej neeg sab nraud lub neej vammeej yuav coj tej kev txawj ntse ntawd mus qog qhia rau cov nyob Yajsab kom paub txog ib yam nkaus. Vam tias Hmoob lub neej tom ntej yuav txawj pauv hloov mus rau qhov zoo xwb.

    Koj mus saib daim movie nram no kuv tau mus txog lub zos no xyoo 2014 dhau los. Kuj yog ib qhov tusiab thiab kho siab kawg nkaus li tiamsis tusiab tias kuv tsuas nres li 20 minutes nrog lawv tham ntawm kev tshuam lub khw qhov koj pom hauv no xwb ces ncaim los mus rau Moung Hium lawm. Yog muaj caijnyoog ho mus saib lawv thiab saib sab tebchaw no kho siab heev li
    .


    https://www.youtube.com/watch?v=g6BXvxQF-jc
    https://youtu.be/g6BXvxQF-jc
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: Hmoob Phabmab Noj Pebcaug xyoo 2015

    Post  Liajntsuab on 18th August 2015, 7:00 pm

    Saib Hmoob Phabmab xyoo 2015 no yees duab los ntawm Xub Thoj
    https://www.youtube.com/watch?v=npc3pYH7zcU

    Sponsored content

    Re: Hmoob Phabmab Noj Pebcaug xyoo 2015

    Post  Sponsored content


      Current date/time is 18th August 2017, 4:07 pm