google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Xiong Chang

    Share
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Xiong Chang

    Post  shung on 16th August 2016, 8:39 am

    Kuv tau ua npau suav mus pom tij laug xiongchang, nws nrog ib cov txiv neej nyob hauv ib lub tsev. Kuv ntsia lawv zoo li kuj yog ib cov neeg tseem ceeb. Tij laug xiongchang, pom kuv ces nws txawm tuav kiag kuv npe hu kuv tias koj tuaj los. Kuv teb nws tias tuaj. Zoo li lawv tseem sab laj sib tham ces nws hais kuv tias kuv tsis muaj dab muab rau koj. Kuv muab phau ntawv no rau koj xwb.. Phau ntawv kuv muab nthuav kiag los saib no ib nrab yog sau ntawv thaib ho ib nrab yog sau ntawv suav thiab ntawv nplog ua ke. Kuv txawm muab nyeem cov ntawv suav ib ob kab tag nrho ces kuv hais ua cas kuv txhais tsis tawm li. Kuv mam nqa mus saib thiab cov mus txhais..Ces kuv los lawm...

    Tij laug xiongchang nws yog ib tug neeg hlua7 li kuv pom nws cov duab ua nws yees nyob rau hauv yeej thoj nam tawg rog Vib Nais. Zoo siab kawg tau mus pom nws ib pliag. Nco txog nws thiab.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Xiong Chang

    Post  koojziagkabzaug on 16th August 2016, 1:43 pm



    Nyob zoo kwv Shung,

    Ntshe yog koj yuav ua npau suav pom tij laug Xyooj Tsab ais ob hnub no kuv thiaj li nco dhuj dheev txog nws tsis tseg. Zaum no ces ntshe yuav yog ua npau suav pom nws lawm xwb lauj.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Xiong Chang

    Post  koobpovtxuj on 16th April 2017, 9:51 am

    Shung thiab koojziagkabzaug.
    Kuv hais rau nej sawv daws paub tias zaum no ces kuv tus mob yuav yeej kuv lawm zuj zus.kuv tus mob yuav tsis tso kuv tseg lawm.Kws kho mob tsis lav kho lawm lawv muab kuv xa mus rau lub koom haum hu ua Hospice no lawm.Lawv lub koom haum no ces yog lawv tuaj pab tus neeg uas twb yuav tuag es los nyob tos tuag lawm xwb.Muaj 1 hnub twg ces ntshe nej yuav tsis pom kuv tuaj li xiong cha lawm thiab nawb mog.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Xiong Chang

    Post  koojziagkabzaug on 16th April 2017, 3:04 pm



    Nyob zoo me tub Koob Pov Txuj,

    Txhob tag kev cia siab mog, ua neeg ces yeej muaj ntu nqia ntu ntug, lub caij poob lub caij tau mog. Txawm lawv yuav xa nws mus nyog Hospice los nyaj yog nws tsis tau heev ces lawv xav mus rau qhov chaw uas muaj neeg tu thiab saib xyuas nws xwb.

    Thov lub ntuj daim av tsom kwm nws kom muaj sia nyob ntev dawv, nyob ntsuab li zoov huv li tsuag, nyob txhiaj niaj vam sawm xwm nyeej vam pov, kom siav loj xws dej cag zog loj xws caj tsua, nyob ntsej tshiab khub muag khiv, kom dej tshoob tsis qaug cua tshoob tsis qaij os me tub, kom ib hnub twg peb tau sib ntsib, sib tuav tes luag lis ntxhi kom ib hnub peb tau tham tim ntsej tim muag luag li ntxhub.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Xiong Chang

    Post  koobpovtxuj on 17th April 2017, 10:25 pm

    Koojziagkabzaug.
    Kuv lub siab ces yeej xav li koj hais xav kom yus me tub ntxawg muab nyab tag me ntxhais nkauj ntxawm qua tag yus pom lawv tej neej zoo tsheej cuab ntseg yim tag.yus pom yus tej me nyuam xeeb ntxwv loj tag yus mam li tuag yus thiaj li tso siab.Tab sis lub caij no yus cia li tau tus phem mob uas kws kho mob tsis lav kho lawm.Kuv fiv Hmoob cov kws tshuaj ntsuab $12,000.00 los tsis muaj tug yuav lav kho lawm.Cov kws tshuaj suav los lawv tias yog kws kho mob tsis lav kho lawm ces lawv kuj tsis paub pab li thiab.Zaum tag los no kuv mus pw tsev kho mob lub 3/8/17 no txog lub 3/24/17 thiaj tau tawm rov los tsev.zaum no ces kuv tus tub thib 2 coj kuv mus ua ntej kuv poj niam mam li lawv qab tuaj no tab sis kuv poj niam tseem tsis tau tuaj txog ces kuv yeej tuag tsis hnov li lawm kws kho mob hais tias kuv cov ntshav tsis nce mus rau saum kuv taub hau lawm ces ntev mas 20 hnub xwb kuv tuag hos sai mas 2 hmos thiab 3 hmos lawm xwb ces lawv yeej tsis muab tshuaj dab tsi rau kuv li.Kuv tus tub uas coj kuv mus pw tsev kho mob los tsis paub hais li cas thiaj hu kom kuv poj niam cia li tuaj lawv tsis kam muab tshuaj pab kuv li lawm.ces kuv poj niam thiaj lawv qab tuaj txog nws thiaj li hais rau kws kho mob tias thov kom lawv pab kho kom tag lawv lub tswv yim yog kuv tsis zoo li los kuv poj niam tsis tu siab.ces kws kho mob thiaj li kom cov nurse los tso dej rau kuv lawv muab kuv pw tog taub hau laub qes qes ces ntshav thiaj li mam khiav taus rau saum kuv taub hau kuv thiaj li rov ciaj tuaj lawm xwb.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Xiong Chang

    Post  koojziagkabzaug on 20th April 2017, 12:51 pm



    Nyob zoo tub Koob Pov Txuj,

    Tiag ntag! Tau ib ntus kuv tsis pom nws tuaj tsham peb lawm, kuv xav tias ntshe yog nws tsis khoom lawm xwb no es nim yog nws muaj txiab xeeb nyhav ntag lov! Txhob tu siab mog, nws twb dim ntawm qhov tuag los lawm, nws yuav tsis rov poob ntxiv lawm. Tswv Ntuj twb pab nws hla dhau qhov uas neeg tag tswv yim lawm; zaum no Tswv Ntuj yuav rub nws tes, yuav nqus nws npab, yuav pub txoj koob hmooov rau nws nyob kan ntsab, zaum no Tswv Ntuj twb tau pab nws dim ntawm qhov tuag, yuav rub nws tes yuav tsa nws sawv ntseg yuav tsis cia nws raug nplua.

    Ua siab loj mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Xiong Chang

    Post  koobpovtxuj on 27th April 2017, 6:14 pm

    Koojziagkabzaug.
    Kuv ces tsis paub hais li lawm hnub tim 5/4/17 no kuv cia li ntuav ces kuv qhov ncauj cia li o kuv tau mus pw tsev kho mob txog hnub tim 10/4/17 kuv mam rov los tsev hnub tim 21/4/17 no xwb kuv cia li ntog tsis nco qab li lawm ces kuv poj niam me nyuam quaj tag li thiaj tau coj kuv mus pw tsev kho mob txog hnub 27/4/17 no kuv mam rov los tsev kuv tsis paub tias xyov kuv yuav nyob tsawg hli ntxiv li lawm.

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Xiong Chang

    Post  koobpovtxuj on 1st May 2017, 5:12 am

    Koojziagkabzaug.
    Kuv hais qhia nej 1 tsoom phooj ywg paub tias xyov puas tseeb li kws kho mob hais nawb.Lawv hais rau kuv poj niam tias ntev mas kuv tsuas nyobtau li 6 lub hlis lawm xwb sai mas tseem sai tshaj ntawd tab sis tsis txhob pub kuv paub tsam kuv ho nyuaj siab tu siab dhau.Tab sis kuv poj niam ho hu xov tooj tuaj rau kiab nws ho tham rau kiab kuv hnov ces kuv thiaj nug nws ces nws tias koj twb hnov lawm ces qhia koj tias lawv yeej hais kiag tias koj tsuas nyob ntev mas 6 lub hlis hos sai mas tseem sai dua 6 lub hlis lawm no tiag.Tab sis yog lawv tsis pub qhia koj xwb.

    Sponsored content

    Re: Xiong Chang

    Post  Sponsored content


      Current date/time is 20th August 2017, 10:25 pm