google-site-verification: googlefbfddf59e706b96b.html

Latest topics

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

» Paj huam nraug nrab mag poj laib kaus poob phem nyob Nplog teb.
by koojziagkabzaug 14th April 2017, 12:18 pm

» Hais Paj Lug
by Admin 10th April 2017, 2:28 pm

» NOM TSWV TXHOM COV NEEG TUAJ U.S.A. TSIS RAWS TXOJ CAI XA ROV QAB
by Liajntsuab 31st March 2017, 3:40 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    NPLOGLIAB TSIS TAU LOS UA TSWV CUAB NYOB RAU HAUV KOOMHAUM SAIB KEV NCAJNCEES

    Share
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    NPLOGLIAB TSIS TAU LOS UA TSWV CUAB NYOB RAU HAUV KOOMHAUM SAIB KEV NCAJNCEES

    Post  Liajntsuab on 30th October 2015, 8:24 pm

    Zoo siab ntau thiab thov ua tsaug rau lub ntiaj teb los sis lub koomhaum saib kev ncajncee nyob New York uas tseem tsa qhov muag saib thiab muab kev ncajncees rau tsoom Pejxeem nyob Lostsuas lawv thiajl li tsis pub tus Nplogliab no nkag los ua tau ib tug Tswv Cuab nyob rau hauv lub koomhaum xyoo no.

    Lub tebchaws Nplog no tsis tsimnyog yuav nkag los ua tau ib tug Tswvcuab vim txoj kev siab phem, siab ntais ntuj tua neeg npog nroj ntsuab ua ntuv zus tau 40 tawm xyoo no thiab tseem niajhnub tua neeg thiab caij tsuj tsoom neeg nyob hauv Lostsuas tsis tu ncua.


    http://www.rfa.org/english/news/laos/laos-rights-10292015160942.html

    Nram no yog ntawv Nplog thiab lus nplog.
    http://www.rfa.org/lao/daily/politics/laos-failed-to-win-seat-unhr-council-10292015001648.html
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: NPLOGLIAB TSIS TAU LOS UA TSWV CUAB NYOB RAU HAUV KOOMHAUM SAIB KEV NCAJNCEES

    Post  Liajntsuab on 7th November 2015, 8:04 pm

    Xovxwm tawm tshiab lub 11/06/2015 nram no tias TSOOM NEEG TXAWJ NTSE THIAB LUB KOOMHAUM EU Hold Human Rights Talks tau tham ntsig txog tebchaws Lostsuas txoj kev quab yuam caij tsuj tsoom Neeg nyob hauv Lostsuas tsuas muaj suav hnub suav hmo phem zujzus ntxiv xwb.

    Lawav tau hais tias txoj kev TSIMTXOM thiab TXWV TXIAV tej Pejxeem txoj kev nyob ywj siab ywj ntsws uas ua tsis raws lawv lub tsiab ntshaw li lawv ua tau nyob hauv Lostsuas.

    Caw nej mus nyeem tau. Yog kvu muaj sijhawm thiab nej tsis totaub no kuv mam li rov tuaj txhais rau nej cov tsis paub ntawv Askiv tau saib.



    http://www.rfa.org/english/news/laos/laos-eu-11062015165032.html
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: NPLOGLIAB TSIS TAU LOS UA TSWV CUAB NYOB RAU HAUV KOOMHAUM SAIB KEV NCAJNCEES

    Post  Liajntsuab on 9th November 2015, 11:08 am

    Lub tebchaws Lostsuas, tsoom Thawj Coj Tswj Teb kavChaw lawv txoj kev coj thiab tus Cwjpwm yeej coj tsis txawv li 60 xyoo dhau los mus lawm. Vim yog li cas thiaj li coj li ntawd? Rau qhov 60 xyoo dhau los thiab tamsim no nws yog IB PAB NEEG, IB LUB TSWV8, IB TXOJ KEV XAV QUB. Cov Neeg no lawv ho yog leejtwg? Cov neeg no peb txhua tus yeej paub tias lawv yog:

    1. Nyablaj/ Cobtsib los Vietnamese
    2. Suavliab/ Suav Av Loj
    3. North Korea

    Cov tebchaws thiab cov Neeg no lawv muaj lub limhiam, siab txia ntshav phem heev, xav kom cia yus ib leeg zoo, txhua yam nyob hauv lub tebchaws yog yus ib leeg kav thiab yus ib leeg noj. Cov Neeg tseemceeb thiab cov Tseem Nom Nplog nyob hauv lub tebchaws Nplog uas yuav noj taus hais taus thiab muaj lub siab hlub lawv tsoom neeg thiab lub tebcahws Nplog ces raug 3 lub tebchaws saum no muab txov tag lawm. Ziag no tej Nomtswv uas tseemceeb nyob hauv Lostsuas ntawd yog tus Suavliab thiab Nyablaj liab lawm xwb tiamsis tej neeg dogdig ua noj ua haus tsis paub lawv tseem cia siab tias lub tebchaws Lostsuas tseem muaj cov Neeg tseemceeb tuav dej num nyob hauv. Yog vim licas peb thiaj li ho paub zoo npaum li ntawd? Ua ntej puag ntxov thaum lub Souvanna thiab Sou Phan Nouvong nkawv 2 kwvtij tsis muaj kev haumxeeb nrog Huabtais laus ntawd thiaj li tso Souphan Nouvong khiav mus ua Nyablaj tig los muab lub tebchaws Nplog Ntxeev ntawd nkawv 2 kwvtij mus tuav tes nrog tus Nyablaj, lub sijhawm ntawd Souvana yog nyob tog tom no thiab nyob hauv Viang Chan nws twb tso cai rau tej neeg Nyablaj tseemceeb tuaj nyob hauv Viang Chan ua ntuvzus los mus txog ntuav xyoo 1975. Txij ntawd los luag tej neeg uas muaj lub siab NOJ TEB NOJ CHAW, NOJ ROJ NTXAIS NTSHAV no twb yeej muaj lub TSWV8 zais tob tshaj plaws uas nkawv 2 kwvtij twb tsis paub thiab tsis nco txog xws li tuaj yuav pojniam Nplog yug menyuam cia los yog tuaj nyob puag thaum ntawd los. Yog li no tsis ntev tom qab lub tebchaws puas 3 tug neeg hais los saumtoj no thiaj li muab nkawv 2 kwvtij ntawd rhuav tshem tag tsis tau ua nom thiab noj lub tebchaws.

    Yog li no thaum xubthawj peb Hmoob yog cov RAUG KEV TXOMNYEM THIAB QUABYUAM xwb tiamsis los rau tsis ntev no xwb tus Neeg Nplog kiag los thiaj li raug kev tsimtxom zoo nkaus li peb Hmoob lawm thiab. Peb thiaj li pom tias txhua yam khoom tseebceeb nyob hauv lub tebchaws Nplog thiaj li raug nyiag mus rau lawv cov tebchaws SUAV HNUB SUAV HMO ZOO CI NTSA IAB TUAJ hos lub tebchaws Nplog ces zoo nkaus li LUB TEEB CI QAUJ ZUJZUS lawm xwb. Dhau li lawm nyob hauv Lostsuas thiaj li raug huab noj huab haus, muaj tshuaj vwm, tshuaj nees, kev phem kev qias ua rau tsoom Pejxeem tus hluas dhau tus laus raug teebmeem tag nrho. Txhua yam hais los yog luag lub NIAM TSWV8 thiab KEV POLITIC uas luag siv los ntawm PSYCHOLOGICAL ua kom Tsoom Neeg Nplog sawv tsis taus los tivthaiv lub tebchaws Nplog mus tag IB SIM NEEJ.

    Yog nej leejtwg tsis ntseeg ho mus saib Nyablaj teb thiab Suav Teb seb 40 xyoo dhau los thiab tamsim no 2 lub tebchaws no vammeej ntau npaum li cas npaug ntxiv lawm. Nej muab xav tias 40 xyoo xwb ua cas lawv yuav vammeej sai ua luaj li ne??? Qhov ntawd peb twb paub tias zoo nkaus RAB TEEV los yog RAB TSI uas NPLOG TEB TOG CES TSA HO NYABLAJ THIAB SUAV CES PAU xwb. Nimno lub tebchaws Nplog yam zoo thiab muaj nujnqis ploj zujzus lawm yuav tas tiag tiag li. Heev kawg nkaus tsis dhau 20-30 xyoo tom ntej no lub tebchaws ces yuav zoo nkaus li DAIM NQAIJ ROG uas koj muab tsi roj los tag nrho lawm es TSHUAV KUB NYHIAB HOS NOJ TSIS HNOV TSW NXHIAB NQAIJ los sis zoo nkaus li tus Tsiaj Tuag nyob Africa es cov Dav YA LOS SIB TXEEB NOJ TAG THAUM KAWG TSHUAV LUB KHOOS LOOS lawm xwb.

    Kawg no vim yog kev hlub kev tshua peb tej kwvtij Hmoob nyob Nplogteb, kuv thiaj li los muab tham pem qhia rau nej. Yog thaum hnov lawm ib leeg qhia rau ib leeg kom nej paub txog peb los yog nej lub tebchaws xwb.

    Nyob zoo

    Sponsored content

    Re: NPLOGLIAB TSIS TAU LOS UA TSWV CUAB NYOB RAU HAUV KOOMHAUM SAIB KEV NCAJNCEES

    Post  Sponsored content


      Current date/time is 27th July 2017, 8:36 pm