google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Lub Neej Lwj Siab

    Share

    Nkauj Paj Ntshua Nplaim
    Visitor
    Visitor

    Messages : 4
    Date d'inscription : 2015-12-03

    Lub Neej Lwj Siab

    Post  Nkauj Paj Ntshua Nplaim on 3rd December 2015, 7:51 am

    Ab... cov me phoojywg sawv daws.. cas es peb los ua lub neej nyob hauv lub qab ntuj khwb no.. muaj qees tus tau txoj koob hmoov zoo nim ua neej nyob luag ntxhwb ntxhi.. muaj qees tus tsis muaj hmoo nim los ua lub neej mob siab ntsim plawv ua luaj zoo li kuv tam sim no. Txoj kev tuag puas yog ib txoj kev los pab daws tau teeb meem thaum yus nyuaj siab ne yom?? Sad

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Lub Neej Lwj Siab

    Post  koojziagkabzaug on 4th December 2015, 12:00 am



    Nyob zoo me phooj ywg,

    Luag txoj hmoov zoo yog luag tug mog
    Yus txog hmoov tsis zoo yog hmoov txog
    Txhob ntshaw luag hmoov zoo nyob rau saum yaj
    Vim luag tseem tshua nuj nqes rau tom qab
    Yus txoj hmoov phem yus ua ib zaug them
    Hnub qab nram ntsis tsis muaj tus sau yus se
    Luag tsis hlub yus los txhob quaj
    Twb yog luag xav muab yus tiag taw ua luag ntsej muag
    Luag tsis hlub yus los txhob chim
    Twb yog luag zoo tsis phim yus lub hwj chim
    Luag yim tsuj koj yim siab
    Luag yim ntiab koj yim muaj hwj chim
    Vim koj plhov koj lub txim
    Kom koj tau ua neeg dawb huv si
    Txhob ntshaw lub neej luag ntxhi
    Nnyob hauv kev chawj kev chim
    Zoo siab ua lub neej ntxuag kua muag
    Tsuav yus tseem tshuav lub siab ntshaw luag txoj kev hlub tsis tuag...os mog kuv me phooj ywg!



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Nkauj Paj Ntshua Nplaim
    Visitor
    Visitor

    Messages : 4
    Date d'inscription : 2015-12-03

    Re: Lub Neej Lwj Siab

    Post  Nkauj Paj Ntshua Nplaim on 5th December 2015, 1:26 am

    Ua tsaug uas koj tseem pab tawm tau ib qho kev pab thiab. Koj lo lus yeej yog ib lo lus zoo kawg..
    Yus yeej tsis ntshaw luag teej luag tus li.. yus yeej nyob raws yus txoj hmoo xwb. Tiam sis cas yus txoj ho los tau lub neej lwj siab ua luaj li. Thiaj li tsis pom qab rau siav rau qhov twg li lawm.
    Txhua yam yeej txov tau yus txoj sia yog thaum yus nyuaj siab chim siab dhau ces yeej tsis nco qab khuv xim yus tus kheej txoj sia li lawm os tus me zoo phoojywg.

    Liajntsuab
    Sponsor
    Sponsor

    Messages : 821
    Date d'inscription : 2011-12-04

    Re: Lub Neej Lwj Siab

    Post  Liajntsuab on 5th March 2016, 7:13 pm

    Nyob zoo tus muam PNN2016,

    Kuv hais rau koj tias peb ua neeg yug los nyob hauv lub qab ntuj khwb no ces ib tug lub neej yeej zoo ntau tsis tshaj ib tug pes tsawg tsuas yog tias nyias nyob nyias vaj nyias tsev, koj tsis pom kuv, kuv tsis pom koj lub neej xwb os mog. Koj txhob xav tias luag tej tawm rooj plaws nim tuav tes rawv ntshe lawv yuav sib hlub heev li no mog. Feem ntau lawv cov ntawd ces yog lam tuaj ua yeebyam rau tebchaws ntsias thiab qhuas xwb os nawb qhov tiag mas cov uas coj li ntawd haj yam muaj kev ntxhov siab tshaj peb os. Nws yeej muaj ib cov sib hlub tiag thiab mas cov uas coj li tiamsis yog muaj tsawgx xwb nawb yog li txhob mus ntseeg thiab ntshaw lawv os.

    Tus muam, peb txoj kev ua neej ces zoo nkaus tej huab cua, nws yuav muaj tshav ntuj, hnub los nag, hnub tshav kub, lub caij no thiab caij sov. Yog lub ntuj tsis ua li ntawd ces lub ntiajteb no txhua yam uas muaj sia thiab nroj tsuag yuav ciaj tsis taus os lod. Vim muaj tej huab cua zoo li peb thiaj li muaj tau txoj sia thiab tej qoob loo thiaj li hlob taus thiab yug tau peb ua tibneeg nyob. Qhov tsis zoo yog qee tsam muaj huab cua phem los ntaus vaj tsev xws li tornado thiab av qeeg xwb.

    Peb tibneeg los zoo ib yam nkaus yuav tsum muaj kev sib cav thiab muaj kev npau taws, kev sib chim thiab thiaj li ua taus ib yig neeg. Yog li no txawj sib ceg los txawj sib zam tsuas yog txhob sib ntaus xwb ces ok nawb mog.

    Yog ho muaj kev nyuab siab dabtsi txhob ua siab deb ho tuaj piav qhia peb paub, yam pab tau los peb yuav pab koj tswv8 seb txoj kev twg zoo. Tsis txhob mus xav txog txoj kev tuag. Txoj kev tuag ces thaum tuag tag lawm tsis muaj dabtsi yuav zoo qhov twg tuaj os nawb. Txhob ntseeg tias lwm tiam yuav muaj lub neej tshiab dua. Qhov tseeb tshaj ces yog tamsim no koj tseem muaj txoj sia nyob tiab pom lub ntiajteb, pom tej phoojywg ces thiaj li yog qhov zoo thiab qhov tseeb.

    Li ntawd nawb. Txhob xav ntau os os cia li zoo siab.

    kuv muab zaj nkauj nram no pub rau koj mloog os tus muam.


    https://www.youtube.com/watch?v=rB5IUVVphgw

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Lub Neej Lwj Siab

    Post  koobpovtxuj on 23rd June 2016, 7:59 pm

    PNN2016 wrote:Ab... cov me phoojywg sawv daws.. cas es peb los ua lub neej nyob hauv lub qab ntuj khwb no.. muaj qees tus tau txoj koob hmoov zoo nim ua neej nyob luag ntxhwb ntxhi.. muaj qees tus tsis muaj hmoo nim los ua lub neej mob siab ntsim plawv ua luaj zoo li kuv tam sim no. Txoj kev tuag puas yog ib txoj kev los pab daws tau teeb meem thaum yus nyuaj siab ne yom?? Sad

    Me kwv PNN2016.
    Koj txoj kev lwj siab ntxhov plawv yog tim li cas tiag ho nyuaj siab npaum li cas diam.Kuv qhia koj paub tias txoj kev tuag yeej los daws tsis tau koj txoj kev nyuaj siab ntxhov plawv txoj kev txom nyem 1 qho me me li nawb mog.Ua neej nyob ntiaj teb ces yog qhov zoo tshaj plaws lawm xwb.hnub twg koj txoj sia tu nrho koj tuag lawm ces tag nrho koj 1 sim neej kiag li lawm xwb.
    Kuv piav qhia rau koj ua kwv tias kuv lub neej kuv yog 1 tug tub ntsoj tub ntsuag tsis nrog luag muaj txiv ua luag puab rooj puab ntsa puag thaum yau los ti nkaus rau lub caij kuv muaj cuab muaj yig muaj poj muaj sev ces ho yuav tau tus poj niam uas niam tais yawm txiv ho ua neej xws li luag ces niam tais yawm txiv ho pab ho txhawb wb lub neej thiab kuv mam li nrog luag tau zoo 1 nyuag ntu xwb.Los txog rau xyoo 2006 ces kuv ho tau 1 tug kab mob yog mob Cancer rau kuv caj dab rau hauv kuv lub pob qa ua qog los tshwm ntawm qia ntsej ces kuv cia li mus nrog luag ua laj ua kam tsis tau mus ua dag ua zog los tsis tau lawm ces los nyob tsev nyiaj mob ntoog mob los txog niaj hnub no li lawm xwb.kuv ces niaj hnub no yuav tsum nyob ze rawv kws kho mob lawm xwb 1 xyoos ces kuv mus pw tsev kho mob rau kws kho mob pab kuv txog 5-6 zaug ua rau poj niam me nyuam mas quaj poob plig tag tias ntshe kuv yuav tsis zoo 1 zaug dhau 1 zaug tab sis ho sib ntxeem sib ntxeem ho dim rov los ua neeg 1 zaug dhau 1 zaug lawm xwb xyov lub neej yav no lawm tom ntej xyov yuav muaj txoj sia nrog luag nyob ua neeg mus txog hnub twg los tsis paub.Kuv lub neej tiv txoj kev txom nyem thaum yau los txog hnub muaj poj muaj sev muaj tub muaj ki puv vaj puv tsevxav tias tas txoj kev ua ntsuag tas txoj kev txom nyem lawm cas haj tseem los txais nkaus txoj kev muaj mob muaj keeg rau yav yus laus lawm thiab.Kuv twb txom nyem npaum li kuv piav no los kuv lam ua neej nrog luag nyob lam dai siav rau lub ntiaj teb no twb tsis tau xav tuag los mas tus me kwv ntxawg.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Lub Neej Lwj Siab

    Post  koojziagkabzaug on 24th June 2016, 2:26 am

    PNN2016 wrote:Ua tsaug uas koj tseem pab tawm tau ib qho kev pab thiab. Koj lo lus yeej yog ib lo lus zoo kawg..
    Yus yeej tsis ntshaw luag teej luag tus li.. yus yeej nyob raws yus txoj hmoo xwb. Tiam sis cas yus txoj ho los tau lub neej lwj siab ua luaj li. Thiaj li tsis pom qab rau siav rau qhov twg li lawm.
    Txhua yam yeej txov tau yus txoj sia yog thaum yus nyuaj siab chim siab dhau ces yeej tsis nco qab khuv xim yus tus kheej txoj sia li lawm os tus me zoo phoojywg.

    Me kwv luag PNN2016,

    Lub neej muaj nqes heev, txhon muab keb lwj siab los rau, saib qhov zoo xwb txhob saib qhov phem, qhov twg phem yeej meem zam kev deb, txhob tig ntsia mog. Ntiaj teb ntuj tsim ntau yam zoo twb siv tsis tag, ua tsis kawg peb twb yuav dhau lub neej mus. Txhob xav txog qhov yooj yim tsis tawm tsam kev phem kom dhau mus rau kev zoo, txhob xaiv qhov yooj yim txo yus txoj siav. Yog koj tsis hlub koj tus kheej, yeej tsis muaj neeg hlub koj li mog. Yus hlub leej twg, luag ho tsis hlub yus los txhob khuv xim, txhob tu siab. Lub neej tsis tag rau tus ntawd xwb. Yuav nrhiav tus luag hlub yus thiab yus hlub luag los ua phooj ywg, txhob yuam kev nyiam tus yus hlub luag es luag tsis hlub yus. Tus koj nyiam tag siab nrho, koj xav tias ntshe luag yuav pw ko rau koj hlub luag npaum li koj nyiam no tab sis luag yuav saib koj txoj kev zoo rau luag tsis muaj nqes, vim luag tsis tau tawm dag zog tau, luag tau dawb ces yuav mus dawb, tau do ces yuav mus do.

    Kuv tsis muaj dab tsi rau koj, kuv lam muab ib zaj lus uas kuv twb sau tau ntau xyoo dhau los rau koj khaws ua koob ua hmoov rau koj lub neej xwb.

    Thov txim rau tsoom nyeem Hmoob Tshav Ntuj txhua leej, twb yog ib txais tes xwb kov tsis yeej, lub siab mas xav luaj ntug, tab sis txoj hmoov tsis duav ces xu luaj nyug es thiaj li muab lub zos Hmoob Tshav Ntuj tso ciaj luav poj, nyob nphob xuav cia.

    Kuv ua tsaug rau tub Koob Pov Txuj thiab kwv Liaj Ntsuab uas tseem tuaj saib xyuas lub zos Hmoob Tshav Ntuj tsis tu ncua.


    LUB NEEJ...

    Lub neej yog ib txoj moov, txais nws mog.
    Lub neej zoo nkauj, ntsia nws mog.
    Lub neej yog ib zaj npau suav, ua kom tswm sim mog.
    Lub neej yog ib nthwv rog, tawm tsam nws mog.
    Lub neej yog ib txoj hauj lwm, ua kom tiav mog.
    Lub neej yog ib txoj kev ua si, lom zem nrog mog.
    Lub neej yog ib yam muaj nqes, saib xyuas nws mog.
    Lub neej yog ib txoj kev nplua nuj, khaws cia mog.
    Lub neej yog ib txoj kev hlub, zoo siab mog.
    Lub neej yog ib zaj paj lug, txhais nws mog.
    Lub neej yog ib los lus tau cog, ua raws li hais mog.
    Lub neej yog ib txoj kev tu siab, peem kom dhau mog.
    Lub neej yog ib zaj nkauj, hu nws mog.
    Lub neej yog ib qhov nrhiav yam tshiab, muaj peev xwm mog.
    Lub neej yog ib yam kev sib tw, lav txais nws mog.
    Lub neej yog ib txoj kev Zoo Siab, txais kom tsim nyog mog.

    LUB NEEJ YOG LUB NEEJ, TIV THAIV NWS MOG

    Maiv Tooj. 2010.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Me qigtaub
    Developer
    Developer

    Messages : 197
    Date d'inscription : 2011-09-09

    Lubneej lwjsiab

    Post  Me qigtaub on 26th June 2016, 4:06 pm

    PNN2016 wrote:Ab... cov me phoojywg sawv daws.. cas es peb los ua lub neej nyob hauv lub qab ntuj khwb no.. muaj qees tus tau txoj koob hmoov zoo nim ua neej nyob luag ntxhwb ntxhi.. muaj qees tus tsis muaj hmoo nim los ua lub neej mob siab ntsim plawv ua luaj zoo li kuv tam sim no. Txoj kev tuag puas yog ib txoj kev los pab daws tau teeb meem thaum yus nyuaj siab ne yom?? Sad

    Nyob zoo rau tus phoojywg PNN2016.
    Koj lub npe yog hu li cas tiag sau li xwb peb tsis paub tias koj yog txiv neej los poj niam, txawm li cas los xij tej zaum peb twb sib pom lawm, tej zaum peb tsis tau sib paub, zoo siab koj ho ncig tuaj txog hauv lub chaw tham pem laug sijhawm tuaj tham seev txog koj txoj kev lwjsiab hauv no yog ib qhov zoo tshaj plaws. Koj tham txog ib txoj kev tu siab tsis paub tias koj lam tuaj tham sim peb cov phoojywg hauv no xwb los yog koj tham tiag, tus yuav hais li cas rau koj yog lus tib si. Yog tias muaj tiag mas koj lam ua siab ntev nyeerm ib qhov nyuag lus tham pem no seb puas pab tau koj.
    Ib hnub koj quaj tsawg zaum lawm? kuv qhia rau koj tias thaum kuv yug los ces kuv twb muaj obleeg niam obleeg txiv lawm, kuv xav tias kuv tsis yog tus tau kev hlub thib ib hauv ntiaj teb no uas yog neeg thas mabdas tub los kuv yog nyob rau top10 vim kuv tau kev hlub ntau heev thaum kuv tshwm sim los rau ntiaj teb no, leej twg pom kuv los lawv yeej ntshaw, tab sis txoj kev hlub kuv tau tsis kav ntev, xyoo 1075 kuv pib txais kuv txoj kev txom nyem los ib ntus zuj zus kuv yeej tsis xav tias yuav mus deb npaum twg, tab sis thaum kawg kiag kuv ib txhais ko taw mob tau yam tsis xav tias yuav zoo tau, yog yuav piv ces zoo li lub txiv tsawb pobkws lawv muab ci tso rau ntawm ntug cub, thiab zoo li yav qos ntoo kub nyhiab lawv tso rau ntawm ntug cub xwb. thaum no tsis muaj leej twg xav txog kuv li lawm, kuv tej kwvtij los tsis muaj leej twg xav txog kuv li lawm, txhua tus tso kuv tseg nrho, tshuav kuv poj niam ib leeg lawm xwb, vim yus noj tau ua tsis tau lawm, kuv xav tias cas kuv tsis tuag mus yuav zoo dua ua lub neej nyob txom nyem, pw saum lub lav tau 8 lub hlis, ib hnub kuv quaj 3 zaug ua tshais ua hmo, kuv xav tias yog kuvyuav tuag los yeej tsis muaj leej twg yuav lam muab tshuaj rau kuv noj lawm, luv lav kuv pw tsw npaum tus neeg tuag lawm, kuv rov xav tias yog kuv noj tshuaj kiag kuv tuag lawm ces lub neej zoo li tu nrho ntawm tus npoo tsag dej, kuv tus plig yuav sawv ib sab saib lawv muab kuv lub cev pam ib hnub ua dog dig tag ces coj mus faus, txij li ces kuv lub npe neeg yuav tsis hu, kuv tej cuab yeej ces leej twg tshaw yuav sib txeeb nqa mus, tej tsoos tsho txhua tus yuav ntshai muab pov tseg, lawv coj mus faus txoj kev twg neeg yuav ntshai yus vim lawv yeej hais tias nyob ciajneeg tuag ciajdab ces yus yuav mus ciauj dab neeg yuav pib ntshai yus ces lub neej xaus li ntawm lawm xwb, yus tus plig yuav niam hnub seev los xaib lus ntxa lawm xwb xav tias yog kheev lam txhob yog kev tuag es hloov tau ces yus ho ua tiag hloov theem tos txoj kev tuag ntu puav seb yuav zoo li cas puas zoo li lub caij nyoog es caij ntuj na ntuj snow twb yuav dhau mus tshe caij spring yuav tawm tej paj nroj ntsuag tej paj ntoo yuav tawg seb zoo li cas, dhau ntawm mus caij summer twb yuav tawm tuaj thiab ib lub caij dhau ib lub, yog yus muab xav los mas yeej xav pom tag kis seb zoo li cas, kuv xav kom koj txhob muab koj lub neej los xav tu siab xwb.
    Peb txhua tu yeej muajib txoj kev tu siab tsis zoo li cev tsoo koj tsis pom xwb, txhua tus yeej zoo ib yam koj thiab ok.

    Nkauj Paj Ntshua Nplaim
    Visitor
    Visitor

    Messages : 4
    Date d'inscription : 2015-12-03

    Re: Lub Neej Lwj Siab

    Post  Nkauj Paj Ntshua Nplaim on 28th August 2016, 9:41 pm

    Nyob zoo rau cov phoojywg txhua tus...

    Ntawm no kuv yog PNN uas txhais tias yog pajntshuanplaim no. Kuv yog ib tug niam tsev muaj 30 yrs.
    Kuv sau 3 tug niam ntawv xwb ces muaj nej ib txhia kuj tsis paub kuj hu kuv ua me kwv los tsis ua li cas os mog.
    Kuv ua tsaug rau nej txoj kev txhawb siab thiab lub siab zoo pab qhia txoj kev zoo rau kuv taug kom daws tau kev nyuab siab.

    Peb lub neej nyob ntiaj teb no ces txoj kev zoo li tus neeg dig muag xwb. Lam xuas dub xwb thaum twg tsuab tau lawm tiag2 mam li xam tias yog yus li.
    Kuv txoj kev nyuaj siab ces tsuas zoo li peb ib txhia viv ncaus niaj hnub no muaj xwb. Thaum yus tus hlub ntxeev siab lawm ces zoo li lub ntiaj teb no tsaus ntuj nti tag nrho kuv ntsia dub nciab yeej tsis pom dab tsi li lawm. Tsis paub tias ua li nej ho puas zoo li kuv thiab yog thaum yus tus txij tus nkawm hloob siab mus pom lwm tus zoo dua yus.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Lub Neej Lwj Siab

    Post  koojziagkabzaug on 29th August 2016, 2:43 am



    Nyob zoo me ntxhais Nkauj Paj Ntshua Nplaim,

    Zoo siab uas ntev ntev los nws tseem rov tuaj txog peb lub tsev thiab. Twb xav tias ntshe nws tsis nco qab lw lawm no.

    Hais nws tej teeb meem, qhov nyuaj siab tsaus ntuj nti yeej muaj tseeb. Tab sis kuv hais ib lo lus rau nws khaws ua tshuaj. Txhob tu siab mog. Lo lus ua tshuaj tab sis yim ua rau yus lub zog muaj. Ib lo lus nyiaj lus kub yim ua rau yus lub siab tu. Xav tsis raws xav phom cuag plhau mag, xav luaj ntug los xu luaj nyug, xav luaj teb los xu luaj zeb mog. Lub neej tsawg zaus thiaj zoo cuag li cinéma xwb.

    Ntawm kuv ces kuv yeej yog koj niam koj txiv lawm. Ntau tsis paub los tsawg yeej tau ntsib tau pom hauv lub neej dhau los, pom luag kev pom kev los pom ntau, paub luag kev tsaus ntuj los paub muaj. Kuv ntsia coob leej ntau tus lub neej, kuv hais tias neeg lub neej qhov zoo qhov phem muaj ob txoj kev taug uas yuav mus taus thiab xam chim daws tej teeb meem txoj kev nyuaj kuv pom li no:

    1- yus nyob yus khov kho, tuav lub cuab lub yig rau ntawd, cia nws lwj nws liam nws, ib hnub twg yog nws liam liam txaus nws rov poob rau nws tej kev liam, nws ris siab nws mam rov los ua neeg zoo, nov koj rov tau koj tus txiv; tab sis lub caij nws yuav rov los ua neeg zoo hlub koj mas tsis yog hnub hli los xyoo xwb, tej zaud yuav yog ib nrab tiam neej, uas lub neej twb yuav luag tag, nws zog nthaug nyiaj txiag poob liam tag mas nws mam rov los txo hwj chim ua koj tus txiv rau koj xwb. Qhov nov koj saib seb puas tsim nyog. Muaj tej thaum mas koj tos tos koj twb ho tsis tau qhov uas poob tag txhua yam es rov tau nws lub siab los hlub koj thiab.

    2- kuv pom coob nkawm niam txiv tsis sib haum, txiv tham hluas nkauj yuav niam yau. Kuv ntsia los, feem ntau tus txiv dag thiab iab hiam tias yog tim tus poj niam zoo li ub li no nws tsis zoo siab nws thiaj ua. Tej nov yog lam iab hiam kom nws zoo mus ua qhov nws xav ua xwb. Qhov tiag tiag zoo li tus txiv twb tsis tshua phim tus poj niam, tab sis txhiaj khoov tus txiv yuav hwm thiab tsa tus niam cai, qhuas tus niam, tus txiv tseem nias tus niam cai, caij tsuj tus niam, ua phem phem rau tus poj niam. Kuv xav tias thaum NEEG IB TUG TSIS HWM IB TUG, IB TUG TSIS NYIAM IB TUG LAWM TXHOB YUAM% TXHOB TUAV KIAG LI. VIM LUAG TSIS NYIAM TUS NEEG ZOO, TUS NEEG TUAV LUB NEEJ. LUAG NYIAM TUS NYOB LAJ LAUG LUAS KHAV THEEB THIAB PUAB LUAG NTUG ZEJ NTUG ZOS XWB. KOJ YUAV TAU TSO LUAG MUS, LUB NEEJ TSIS TAG, KOJ TXHOB MUAB KOJ LUB NEEJ LOS TXIV RAU IB TUG NEEG UAS LUAG TSIS POM KOJ TEJ KEV ZOO. KOJ YUAV NROG COV UAS LUAG TXHAWB KOJ, KOJ YUAM KEV LAWM LOS LUAG TSEEM YUAV PAB KOJ ES TSIS YOG COV UAS KOJ TWB TSIS TXHAUM LOS TSEEM NRHIAV LUS IAB HIAM KOJ TSUJ KOJ. COV NEEG ZOO LI NO YUAV TSUM CIA NWS UA NWS LUB NEEJ TUAJ QAB TSAG NWS THIAJ LI ZOO SIAB. YOG KOJ TXHAWB KOM NWS TUAJ QAUM TSAG, TAU NROG LUAG ZAUM THAWJ LUB ROOJ MAS NWS TSIS NYIAM KOJ; NWS YUAV HAIS TIAS KOJ SAIB TSIS TAUS NWS KOJ SAIB NWS LI IB TUG ME NYUAM YAUS XWB NO. KOJ YUAV TSUM CIA NWS PEEM NWS ES PEEM PEEM LOS TWB TSIS TXIJ KOJ DAB TAWS MAS NWS THIAJ LI ZOO SIAB.

    Yuav tau ua siab tawv qhawv tso luag mus, zoo li rab koob txoj xov, muab tu nrho es nyias yuav mus xaws nyias lub ris nyias yuav lub tsho. Txhob sem sij hawm ntxiv lawm, yus ua ib sim neej xwb yam zoo muaj ntau li ntau twb siv tsis tag ua tsis qeg twb yuav dhau mus; tsis txhob muab lub sij hawm los tu siab los chim siab lawm. Tsis muaj tus tom cai uas tsuav yog txiv neej ces nws txawm yuav tswj ntug kav teb tib si. Lub ntuj khwb sawv daws ua neej, daim av ris sawv daws txoj sia. Ntuj yeej faib sib npaug rau txhua leej, txiv neej tsuas yog lub npe ua tus txiv xwb, nws yeej tawm hauv poj niam lub plab los, tsis yog txiv neej ho yuav poob saum ntuj los es txoj cai yuav loj dua. Me ntxhais, yog koj hais txhij hais txhua luag tsis hloov siab xia plias koj kev piam cuab xwb ces tso luag mus mog. TAB SIS QHOV KOJ TSO LUAG MUS UAS YUAV UA RAU KOJ YEEJ MAS KOJ YUAV TSUM XYAUM UA IB TUG POJ NRAUJ TSIM TXIAJ, txhob nrog luag ua his ua hos rau txhua lub party thiab txhua lub peb caug. koj yuav tau ua ib tug poj nrauj tsim txiaj tuav koj lub cua lub yig, ib sab ua niam ib sab ua txiv khov kho, tus zoo luag yeej yuav muaj qhov ntsej qhov muag tuaj nrhiav tau koj; yog koj tsis txuag koj lub koob lub npe, koj tias nws twb ua rau koj mob mob siab ces koj dim plaws koj yuav ua pauj ces nov yog koj rov caws ntxiab rau koj tus kheej xwb. Ua dab tsi yog tsis cog tob tob mas yeej kawg nkoj cag ib hnub xwb.

    Kuv lus ces tsuas hais lus huab lus cua rau koj xwb, yuav pab tsis tau koj ib yam seem ceeb. Koj lub siab noj txhij xav txhua koj mam li txia txim siab koj ib leeg thiaj li yuav tsis yuam kev thiab thiaj li yuav nrhiav tau koj txoj kev kaj siab. Koj nco ntsoov tias tsis muaj phab ej lawm mog, lub sawm fem no mem toj sawv rau poj niam sab lawm, cov phab ej uas naas ej raug kev txom nyem tuaj pab ces tsis muaj lawm, tsuas tshuav cov txiv neej mus yuav poj niam rau ub rau no vim tus poj niam muaj hauj lwm khov kho hos tus txiv neej ncho tes tho xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Khosiab
    Visitor
    Visitor

    Messages : 4
    Date d'inscription : 2016-11-02

    Re: Lub Neej Lwj Siab

    Post  Khosiab on 2nd November 2016, 1:00 am

    Nkauj Paj Ntshua Nplaim wrote:Ab... cov me phoojywg sawv daws.. cas es peb los ua lub neej nyob hauv lub qab ntuj khwb no.. muaj qees tus tau txoj koob hmoov zoo nim ua neej nyob luag ntxhwb ntxhi.. muaj qees tus tsis muaj hmoo nim los ua lub neej mob siab ntsim plawv ua luaj zoo li kuv tam sim no. Txoj kev tuag puas yog ib txoj kev los pab daws tau teeb meem thaum yus nyuaj siab ne yom?? Sad

    Paj ntshua nplaim, vim li cas koj thiaj xav tias kev tuag yuav daws tau koj txoj kev iab plawv. Thaum ub kuv xav tsis pauv tsis ntxiv koj kev xav thiab, tiam sis nim no kuv hais tias tsis txhob tuag, rau siab ntso rau kuv lub neej kom tag kuv txoj kev npam, lwm tiam kom txoj kev no tsis txhob raug kuv ntxiv lawm. Kuv mam li rov pib dua. Mam taug dua txoj kev tshiab. Es paj ntshua nplaim txob tos tiam no txhob npaj rau tiam no. Tos lwm tiam npaj tseg rau lwm tiam no. Lwm tiam muaj tiag. Vim muaj phem ces yeej muaj zoo. Muaj dab ces muaj ntsujplig. Tsis tsaug zog los muaj, thiab twb txawj tsaug zog txawj npau suav. Txawj tuag thiaj txawj yug. Yog li lwm tiam yeej muaj tiag paj ntshua nplaim. Txhob tu siab mog.

    Sponsored content

    Re: Lub Neej Lwj Siab

    Post  Sponsored content Today at 2:56 am


      Current date/time is 11th December 2016, 2:56 am