google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Share
    avatar
    Me qigtaub
    Developer
    Developer

    Messages : 196
    Date d'inscription : 2011-09-09

    TEEB MEEM Zos havqhuav

    Post  Me qigtaub on 30th April 2016, 6:05 pm

    Liajntsuab wrote:Kwvtij  Hmoob,

    Caw nej mus saib cov vdo nram no.  Peb cov kwvtij Hmoob nyob Lostsuas teb tau raug Neeg Phem los tua lawv lub zos Naj Xiab thiab Hav Qhuav lub 3 hlis ntuj xyoo 2016 no ua rau muaj Neeg tau tag simneej txoj sia thiab raug mob coob tus. Ceeb Toom ua ntej.  Nyob rau cov VDO no muaj suab quaj suab nyiav me ntsis nrog rau tus Qauv los yog tus Neeg tuag yog nej leejtwg tsis xav hnov tej suab los los sis rhiab txhob mus qhib saib.

    kwvtij Hmoob, tej teebmeem zoo li no ces nws tsuas muaj 2 yam xwb.  Yam 1 ces yog tias lub sijhawm no tseem muaj cov Neeg Qus nyob havzoov no ces txhais tau tias cov kwvtij Hmoob nyob hauv zos no lawv tau ua tej yam phem rau cov nyob Havzoov es lawv los pauj kev ntsim siab xwb.  2 yog tsis li ces yuav tsum yog Nplogliab lub tswv8 tuaj ua rau peb Hmoob xwb tsis muaj lwm tus lawm.  Peb ntseeg tias ziag no cov Hmoob Qus yuav tsis muaj nyob lawm txawm li cas los 95 % yuav tsum yog Nplogliab thiab Nyablaj liab lawm xwb rau qhov kev kub ntxhov muaj nyob ntau qhov chaw hauv lub tebchaws Lostsuas.  

    Pab tusiab ntau os kwvtij Hmoob vim peb txoj kev tsis sib hlub nyob txog rooj teb twg los tsuas pom txoj kev sib ntxub, ua plaub ua ntug, ib leeg tsis hwm ib leeg ces lub neej thiaj li raug tej kev phem zoo li no tsis muaj hnub xaus.  Ua ntej lwm haivneeg yuav hlub, yuav ntshai thiab hwm yus, YUS YUAV TSUM TXAWJ SIB HLUB THIAB HWM YUS HAIVNEEG UA NTEJ TSHAJ TSO luag lwm haivneeg thiaj li hlub thiab ntshai yus mas mog Hmoob

    Kawg no thov ua tsaug ntau uas koj tseem coj cov vdo no tuaj tso rau hauv fb rau peb s/d tau saib thiab.  Vam tias koj kuv tsis tau thov kev tso cai ntawm koj los los koj yuav zam lub txim pub thiab tsis xav tsis xav li cas vim tej  no tsis yog coj los ua laj ua luam tsuas coj los tso rau ib tsoom Hmoob tau paub tau pom thiab hlub tshua txog peb Hmoob lub neej ntsuag nos tiam no xwb.
    .

    https://www.facebook.com/liu.hua.96742

    Qhov teeb meem no zoo li tsis tshuam meej pestsawg raws li kuv mloog mas tsis totaub tias cov los tua tsev neeg no yog cov twg thiab tus tuag no yog leej twg? raws kuv paub mas cov kwv tij feem coob los nyob rau lub zos Havqhuav no mas yog cov ib txwm nrog Nias los hav xaj xwb, cov Hmoob thaum ub nrog VP lawv tsis pub los mus nyob rau tej no, tsuas nyob ze rau hauv nroog xwb, yog zoo li no kuv tsis to taub tias yog cov neeg twg yog cov los tua, kuv xav tias neeg nyeg tua muab pov quav rau cov hav zoov xwb.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Liajntsuab on 5th May 2016, 6:22 pm

    Xovxwm tawm hnub tim 4 lub 5 hlis nram qab no tias tom qab tsoom Pejxeem Suav ntau leej uas tuaj rau hauv tebchaws Lostsuas tau raug mob los ntawm tej Neeg tua tsheb. Lub tebchaws Suav thiab tebchaws Lostsuas tsoom Thawj Coj tau los sib cog lus kev sib pab cuam tsis hais ntawm Tub Peebzeej los sis los kev sib cob qhia txog txoj kev saib txoj kev ruaj ntseg nyob hauv lub tebchaws Lostsuas. Txhais tau tias lub tebchaws Lostsuas txij no lawm tod lawv yuav txais Suav tej Tubrog tuaj nrog saib kev ruaj ntseg nyob rau hauv lawv lub tebchaws thiab YUAV TSIS YOG TUS NYABLAJ IB LEEG li yav dhau los lawm thiab.

    Cia peb mam li soj qab taug lw mus saib seb ua li ib lub tebchaws uas nws txais 2 lub tebchaws uas NKAWV YOG YEEBNCUAB tuaj koom nyob ua ib ke ho yuav zoo li cas rau lawv lub neej. Peb twb pom tej teebmeem Neeg tua tsheb tsuas yog pom raug Suav li neeg tsis pom raug Nyablaj ib tug li, qhov no qhia tau tias tom ntej no SAUB NTSUAB XWM txoj dabneeg yuav tshwmsim los sai sai no
    .


    https://www.yahoo.com/news/china-laos-increase-security-cooperation-attacks-chinese-121433125.html?ref=gs
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Liajntsuab on 5th May 2016, 6:42 pm

    Me Qigtaub,

    Kuv los kuj tsis paub zoo thiab tiamsis raws li xav xwb mas tej no yuav tsum yog cov Noj Pamlem ua rau Hmoob lawm xwb. Kuv hais rau nej tias TSIS HAIS COV HMOOB VAJ POV, HMOOB NYABLAJ/HMOOB CUAMTSOOV, HMOOB NPLOGLIAB li tus Pamlem/NPlogliab saib peb ces yog IB TUG xwb. Lo lus Amelikas hais tias IT DOES NOT MATTER OR LOOK DIFFERENT AS LONG AS WE WE ARE HMONG. Yog thaum zoo li no lawm luag LUAJ ZUS IB TOG TUAJ xwb peb thiaj li pom tias Pamlem/Noj ntses Lwj muab Cob Kheem/Tswv Nroog Sombath Yias Lis Hawj rho tawm nws txoj hauj lwm es muab Nais Phoos Thongloy Silivong coj los hloov nws qhov chaw lawm.

    Vim tias yog luag cia tus Hmoob nyob ces paub tias tus Hmoob yuav tsis kam luag cov neeg tuaj Tshawb thiab TUAJ NYIAG txhua yam khoom muaj nujnqis nyob rau thaj tsam tod luag thiaj li yuav tsum nrhiav teebmeem kom tsoom Hmoob nyob ze thaj tsam ntawd khiav tawm tag los mus. Tej no peb yeej pom Ntses Lwj tej tswv8 tag lawm os. Koj saib tamsim no nyob rau Moos Cab thiab Phus Npiab lawv tso rau Nyablaj tuaj tsim kho thiab muab cov ntoo tod ntov thauj ua kev lov ntho mus rau Nyablaj teb lawm. Peb cov Hmoob muaj ib txhia tseem mus ntov cov ntoo tod raug Tubrog muab coj los kaw thiab ua phem kawg rau. Tsis tag li cov tubrog Hmoob uas nrog lawv ua Tubrog 2 leeg nrog lawv mus, lawv muab ib tug ntaus tuag kiag lawm. Tiamsis ua ntej nws yuav tuag nws tau qhib nws lub xovtooj hu qhia rau cov phoojywg lawv thiaj li hnov nws lub suab kom pab ces thiaj li paub xwb
    .
    avatar
    Me qigtaub
    Developer
    Developer

    Messages : 196
    Date d'inscription : 2011-09-09

    Tebchaws Lostsuas

    Post  Me qigtaub on 12th May 2016, 1:21 pm

    Nyob zoo Liantsuab.

    Txhua yam teeb meem hauv ntses lwj daim av ces tabtom yuav zoo li lub qhov zawj yuav pib zawj tag zujzus txog thaum tsis tshuav dab tsi, zaum no cov Hmoob ib txwm nrog Hlob Faivntaj lawv ib txhia thiaj mam li paub tias tsob Hmoob ces tus zoo li cas los yeej rau luag ntxub, tab sis qhov no yog tus to taub thiaj paub, tus tsis to taub los yeej tseem ua dev raws nqaij kawg, thaum kuv mus tshaj rau hauv Lostsuas teb cov kwvtij feem coob nyob rau sab xeev khuam, lav20, Vescas thiab 52 ntau lub zos cov no feem ntau tseem yog cov ib txwm nrog hlob Favntaj lawv yog cov tswj kev ruaj ntseg lawv tseem hais lus tom mom sawv daws kawg, vim lawv tsis tau pom txoj kev tu siab.
    Qhov kuv hais li no mas ib lub sijhawm kuv mus txog hauv Moosloob ces kuv mus kho kuv lub tsheb, ces txawm muaj ib tug txiv neej yog tus tswv kho tsheb nws nrog kuv tham thiab nug kuv tias kuv tawm qhov twg tuaj mus lawm? kuv teb nws tias kuv yog khiav sab Xeevkhuam tuaj mus, nws qhia tias nws tsev neeg nyob rau av Nroog Phamxais, nws thiaj piav rau kuv tias tejntawm lawv tsis pub cov neeg Vajpov nyob, lawv tsuas pub cov neeg Pabtib vav nyob, vimlawv yog cov tseem Hmoob nplog thiab yog cov nrog nom tswv ua dej num lawv thiaj muaj feem los mus nyob ua noj ua hnav rau sab ntawm, kuv thiaj mam li qhia tias tej ntawm yog kuv tej qub zog xwb, tej zej zog lawv nyob yog kuv tej qub chaw ncig xwb mus los xwb. Nws lub suab thiaj ntaug zog lawm ne, qhov kuv hais txog ob tog Hmoob mas vim kuv mus tshaj hauv Nplog mas cov hais lus tuam mom peb yeej tseem muaj coobkawg vim lawv tsis to taub.
    Qhov no kuv hais muaj tseeb tiag feem coob mus hauv Lostsuas yeej hnov tej lus no tib si. Tsam no xav tias nyaj cov hmoob nplog liab yuav nkag siab txog ntses lwj lub siab lawm.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Liajntsuab on 12th May 2016, 4:22 pm

    Nyob zoo Me Qigtaub,

    Tej teebmeem koj hais ko ces peb yeej pom ua ntuvzus los mus. Hmoob ib txwm hais tias TSIS POM DEJ DAG SIAB TSIS NQIG, yus hais thiab qhia cov Hmoob phem no yeej tsis mloog. Peb txhob txhawj xeeb txog lawv cia hnub twg lawv pom kiag ntawm lawv kotaw ua tsw hiav ntxiag los sis raug luag muab ua li cas kiag mas nws thiaj li zeem. Kom Hmoob nco ntsoov tias twb tsis hais txog tus nyuag Hmoob xwb na ziag no cov Ntses Lwj twb rov ua rau Ntses Lwj lawm ne peb twb pom lawv quaj ntsuag li peb Hmoob lawm thiab. Yog tus Neeg uas paub tab hnov xaiv es ua neej ruamuag saib kam ntiajteb ces tsis tas luag hais nws yeej txawj thim xav nws tuskheej los hlub nws haivneeg thiab tsis ua neeg phem lawm.

    Lub ntiajteb no ziag no tsuas muaj pib nqaim zujzus tuaj lawm xwb vim txoj kev sib txeeb sib txeeb haus tsis hais nyob lub tebchaws twg. Yog sawvdaws ua dabtsi tsis paub txog thiab tsis nco npaj tseem nyob zoo li yav ntuj thaum ub ces tus ntawd thaum kawg yuav tsis muaj chaw cobcuab rau qhov twg.

    Lub tebchaws Nplog mas muaj ntau yam teebmeem nyob rau hauv xws li kev huab noj huab haus, kev tubsab tub nyiag, kev siv tshuaj npab tshuaj vwm, tshuaj muaj yees, kev quab yuam caij tsuj los ntawm Tsoomhwv, kev tsav tsheb sib nraus raug plojtuag txhua hnub, kev nkauj nraug thiab kabmob, ces dhau li lawm ho raug Nyablaj thiab Suav tuaj ua phem nyob rau hauv ntxiv. Tej teebmeem no Tsoomhwv yeej tsis quav ntsej txog, qhov lawv kub siab ces yog niajhnub mus txiav ntoo muag thiab tej qhov nyiaj qhov kub mus rau lwm muaj nqis muag kom lawv hnab tshos puv xwb. Thaum ib lub tebchaws zoo li no lawm peb xam pom tau tias tsoom neeg nyob rau hauv txoj kev txomnyem tsuas muaj yuav loj hlob tuaj ntxiv tsis muaj hnub yuav los xaus
    .
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Liajntsuab on 12th May 2016, 4:34 pm

    Xovxwm tawm tshiab ntxiv hnub tim 11 lub 5 hli no ntxiv tias rov qab muaj Neeg tawm tsam Nplogliab hnub tim 6 dhau los nyob rau ntu nruab nrab ntawm Moos Loob thiab Tuam Ceeb Viang Chan los yog nyob rau ze thaj tsam Moos Kasi. kev sib tawm tsam muaj 2 zaug thiab ua rau Nplog ib tug Thawj Tubrog tau tag simneej hos 8 tus ntawm Pawg neeg tawm tsam tau raug ploj tuag thiab ib tug raug ntes tau.

    Caw nej mus nyeem nram no ntxiv
    .


    http://www.rfa.org/english/news/laos/shootout-between-lao-soldiers-and-bandits-leaves-one-dead-others-injured-05112016152114.html
    avatar
    Me qigtaub
    Developer
    Developer

    Messages : 196
    Date d'inscription : 2011-09-09

    Nplog teb muaj kev kub ntxhov

    Post  Me qigtaub on 12th May 2016, 11:21 pm

    Nyob zoo Liajntsuab.

    Raws li zaum tag no twb muaj ib qhov xovxwm hais tawm tias lawv twb ntes tau 30 leej yog cov tsim kev kub ntxhov lawm no yog li cas ho rov tseem muaj thiab qhov no yog pab qub los yog pab tshiab lawm thiab, raws li zaum tag ua ntej lawm yog lawv tua txoj kev tshiab no thiab, zaum no rov tua ces yog zaum ob lawm.
    Nplog txoj kev liam neeg no ntshe yuav sawv muaj cov neeg zoo li no coob zujzus ntxiv lawm xwb vim pab neeg no yuav tsis tsum sai yog nplog tsis los kho cov teeb meem no.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Liajntsuab on 13th May 2016, 6:23 pm

    Phoojywg Me qigtaub,

    Kuv xav tias tej no Pejxeem tsis txaus siab lawm os yog muaj tiagx. Rau qhov cov xovxwm no mas raws li nyeem tsis yog Nomtswv hais tuaj rau Asia Xery hos yog ib tug phoojywg ntawm tus Thawj Tubrog no hais tuaj xwb sub. Dhau li lawm zoo li lawv mam li ho nrog ib tug Nom Nplog tham txog yav dhau los xwb na. Kuv nyeem me ntsis nco dogdig yog zoo li xwb.

    Koj aw!!! Tubsab huab noj huab haus xwb yuav tsis lam ua ntxug npaum li ntawd, yuav tsum yog Pejxeem sawv tawmtsam Nomtswv lawm os. Cia mam li taug qab mloog mus ntxiv seb ho puas hnov dabtsi ntxiv
    .
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Liajntsuab on 17th May 2016, 10:33 am

    Xovxwm tawm tshiab hnub no ntsig txog Tsoomhwv Nplog yuav mus cob qhia txog lawv txoj kev tivthaiv, zov zej zov zos, kev coj ntawm lub tebhaws thiab qhia kom cov Pejxeem nyob rau Xeev Sysomboon paub zoo txog lawv tej Nomtswv kom zoo dua qub. Lawv ntseeg tias vim txoj kev cob qhia tsis txaus rau cov neeg feem tsawg uas nyob deb ntawm Nomtswv tsis paub lawv zoo ces cov neeg ntawd thiaj li raug cov neeg phem los haub ntxias tau lawv mus ua neeg phem li tsis ntev dhau los no ntes tau 22 leeg ntawd.

    Kwvtij Hmoob,

    Kuv ntseeg tias lawv tsis yog mus cob qhia rau qhov zoo tiamsis yog mus tsim kev kub ntxhov rau peb cov Hmoob nyob rau sab tebchaws ped xwb. Lub tebchaws Nplog twb raug pauv hloov thiab cov Nom tswv los tuav lub tebchaws tau 41 xyoo lawm ua cas tej Pejxeem ho yuav paub lawv tsis zoo. Qhov tiag mas twb yog lawv paub Tsoomhwv ZOO TSHAJ LI QHOV LAWV PAUB LAWV TUSKHEEJ lawm es thiaj li ua rau Pejxeem nyob tsis taus. Qhov tiag tej Pejxeem yeej yog Neeg zoo tiamsis tus uas TSIS ZOO ntawd twb yog YUS. Yog tiag mas twb yuav yog yus PAUV YUS TUSKHEEJ mas thiaj li yog. Lub tebchaws yus muab noj tsuag, ziag no tseem tso Nyablaj Vietnam tuaj txiav xyoob ntoo nyob Phou Bia / Phus Npiab thauj thauj mus rau Nyablatej lawm hos tus Neeg Pejxeem ib txwm nyob sab tebchaws ped thiab nyob Nplog twb tsis muaj cai mus txiav ntoo.

    Tiamsis tej teebeem tshwm los tsis yog Hmoob ua, nws yog Tsoomhwv lub tswv8 yuav los rho tawm Hmoob li Nom es lawv txhob txwm ua li rau Hmoob xwb. Dhau li lawm kev tua tsheb twb tsis yog muaj rau sab Xeev Sysomboon xwb ne!!!! nyob sab Vieng Chan thiab Luag Prabang ntau tshaj ua cas ho tsis mus cob qhia rau cov Pejxeem sab peb thiab? Nej sim saib seb mas kwvtij Hmoob puas txaus tusiab thiab nej puas ris siab es txawj sib hlub. Hmob txoj me kev uas rov sib tua Hmoob ces thaum kawg tau li no xwb tiag. Kuv xav tias txaus nej xav thiab nej yuav pom kev deb zog lub neej yav qub lawm po. Hnub twg Hmoob Hav zoov tu noob ces hnub ntawd nej yog Neeg phem lawm ntag hos. Hmoob tsis hlub Hmoob ces thaum kawg zoo li no.


    http://www.rfa.org/lao/daily/politics/xaysomboun-reeducate-residents-05172016013857.html

    Sponsored content

    Re: TEBCHAWS LOSTSUAS MUAJ KEV KUB NTXHOV NTAU YAM TSHWM TUAJ THIAB UA RAU MUAJ NEEG PUAS TXOJ SIA

    Post  Sponsored content


      Current date/time is 18th August 2017, 3:53 pm