google-site-verification: googlefbfddf59e706b96b.html

Latest topics

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Share
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Liajntsuab on 8th February 2016, 9:18 pm

    Raws li pom xovxwm nram no hais tias lub khw nyob rau Lav 20 raug kub nyhiab lawm thiab. Kwvtij Hmoob nyob Lostsuas txhua tus, tej teebmeem no nej ho sim xav seb yog VIM LICAS THIAJ LI KUB NYHIAB THIAB TSIS YOG LUB NO LOS YOG ZAUM NO XWB, HAIS TXOG COV KHW NYOB NPLOG TEB TWB KUB LOS NTAU HEEV LAWM.
    Raws li kuv xav xwb tej teebmeem no nws MUAJ TUS NEEG NYOB TOM QAB TXHOB TXWM TUAJ HLAWV tej khw no ua ntuvzus los mus. Txij li kuv paub xwb lub xub kub nyhiab nyob khw Lav 52 ces dhau ntawd los nyob hauv Viang Chan raug kub zoo li yog 2 lub. Nej saib mus ntxiv nawb lwm thaj chaw los yuav raug kub nyhiab ib yam nkaus li ntawd rau lub neej yav pemsuab ua ntuv zus txog ntua rau thaum TEJ KHW NO RAUG TSOOM HWV MUAB HLOOV TAG UA KHW TSHIAB THIAB UA TUS TSWV TUAV TAS mas nej thiaj li yuav tsis pom khw kubnyhiab mus ntxiv lawm.

    Yog nej tsis totaub tias yog vim li cas thiab yog leejtwg ua no ces nej mus taug qab saib keebkwm yav dhau los tej khw no raug kub nyhiab tag LEEJTWG YOG TUS TUS TUAJ TSIM TSHIAB ces nej paub tias yog tus ntawd ua.

    Hais rau nej tsoom Hmoob txhua tus, yog tias nej leejtwg ho ua khw kom nej ceevfaj TXHOB MUAB NEJ TEJ KHOOM SAU TAG NRHO COJ MUS TSO RAU TOM NEJ LUB KHW txawm yog tias tom ntej no ho muaj xwm txheej li ntawd los txog nej los nej lub neej thiaj li tseem tshuav los yug nej tsevneeg.

    nyob zoo.

    ເຫດ: ໄຟໄໝ້ຕະຫຼາດ ຫຼັກຊາວ ແຂວງບໍລິຄຳໄຊ
    ວັນເວລາ: ວັນທີ 6/2/2016 ເວລາ ປະມານ 00:10
    ເສຍຫາຍ: ຮ້ານຂາຍເຄື່ອງຫຼາຍຮ້ານ ຍັງບໍ່ທັນປະເມີນ
    ສາເຫດ: ຢູ່ໃນການສືບສວນຂອງເຈົ້າໜ້າທີ່
    ໃນຂະນະໄຟໄໝ້ ແມ່ນເກີດລົມແຮງ ຕ້ອງໃຊ້ເວລາເຖິງ 3 ຊົ່ວໂມງຈິ່ງຄຸມໄຟໄດ້.
    ເຫດການໄຟໄໝ້ຕະຫຼາດ ຫຼັກຊາວ ຄັ້ງນີ້ ບໍ່ແມ່ນຄັ້ງທຳອິດ, ເພາະເຄີຍເກີດມາກ່ອນໜ້ານີ້ ສອງສາມຄັ້ງ.

    ພາບແລະຂ່າວ: ນັກຂ່າວສັນຈອນ ຫຼັກຊາວ
    ----------------------------------
    ‪#‎ໄຟໄໝ້‬
    https://www.facebook.com/pakaad/videos/vb.1460317980879570/1694030327508333/?type=2&theater
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  koojziagkabzaug on 9th February 2016, 12:37 am



    Khw Los Tsuas teb pheej nquag kub nyiab ib tsam zoo li lub neej dhau los, muaj tej tug nom xav kho lub nroog tshiab li nws nyiam ces tis taws rau zej zog kom kub nyiab, kub nyhiab tag ces muab lo lus zos kub nyhiab tag lawm yuav rov txhim dua, ces txhim li yus lub siab xav kiag tau li lawm....? Muaj tej tug tswj kav mas nws tis taws rau tag, nws nqa nkauj ntaug ncas mus ntau zaum roob xyuam yaj saib nroog kub nyhiab, vim nws yuav tau li nws lub siab nthaw. Pom luag txom nyem los tsuav yus zoo siab xwb.
    Tab sis neeg los ua neej nyob ntuj qab plab, ntuj faib koob hmoov rau neeg ua neej, nyias tseb rau nyias sau xwb, yuav tseb kev zoo thiaj sau tau zoo, tseb kev kub ntxhov ces yus yuav rov sau nrhab rov qab thiab xwb. Txoj sia yog ntuj muab, yog thaum mob ntsuav txoj pnqus tsis tau lawm ces txawm yuav nthaim tau zeb tau tsua los yus kawg yuav tsis tau yuav.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Kaubkimyaj
    Developer
    Developer

    Messages : 178
    Date d'inscription : 2014-12-07

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Kaubkimyaj on 10th February 2016, 4:43 pm


    Nyabxeeb Kwv Liajntsuab thiab tus muam Koojziag Kabzaug...Ntev heev tsis tau tuaj nrog nej tshampem lawm...Txhua tus nyobzoo nawb.

    Tus xwmtxheej no tseem tsis tau muaj kev tshawbfawb tawm los ua qhov tseeb rau pejkum pom meej haistias yog tim dabtsi tiag, tabsis qhov tsis yuamkev kiag ces yeej yog muaj tibneeg tabmeeg hlawv raws cwjpwm tau teemtseg xwb.

    Raws kev xav thiab kev nkagsiab tus xwmtxheej hauv Lostsuas tamsimno ces yog cwjpwm ntawm cov kev lagluag neeg txawv tebchaws xav tuaj ua tswv lagluag txhua yam hauv Lostsuas tej teebtxheej npaj tseg lawm. Lawv hlawv cov khws pejxeem Lostsuas no ntau zaus ces pejxeem poobpeev sawv tsis taus los tsa khw lagluag ntxiv lawm. Thaum no cov neeg tub lagluag tuaj tsham khws yuav siv nyiaj mus yuav cov tibneeg txawv tebchaws cov txiamxws lagluam uas lawv nqus tuaj nkag Lostsuas. Nqi no yog nqe kiag tus xwmtxheej kev yuav txo kom Nplog ciaj qhev txij li pejxeem tibkaus nomtswv ntag.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Liajntsuab on 10th February 2016, 6:16 pm

    Nyob zoo Niamtij KZKZ thiab tijlaug Kaubkim Yaj,

    Zoo siab sib ntsib hauv no. Kuv ua kwv los txhua yam nyob li qub thiab tsuas yog tus neeg lub cev ntaj ntsug laus zus lawm xwb tusiab kawg. Hais tus xwm txheej tej khw nyob Lostsuas raug kub nyhiab no tsis yog ib lub thiab tsis yog ib thaj chaw xwb. Nws muaj ntau thaj chaw los mus ua ntuv zus yam tsawg kawg twb yuav ze 10 lub no.

    Ua li kuv hais los saum toj saud tej no yeej yog tej Nomtswv, tej Neeg tsim Kiabkhw, Tsim vaj tsim tsev yog cov uas tsim tej teebmeem no xwb. Muab lub khw Lav 52 coj los ua piv txwv tom qab kub nyhiab tag lawv tuaj muab lub loj dua thiab muab cais ntau chav ces thaum no lawv muab xauj rau tej neeg ua lag luam. Qhov no hais tsawg los yeej paub ntau.

    Hnub i kuv hu rau ib tug phoojywg nyob Lav 20 nws hais tias lub khw yeej kub nyhiab tiamsis kub tsis tag lawv muab tua tau lawm thiab. Tiamsis zaum no lawv tua tau los lwm zaus yuav tua tsis tau kuv xav li ntawd. Vim rau qhov lub khw hais los kuv twb mus txog lawm yog tej Pejxeem tsim xwb tsis zoo li tej kiab khw loj ces yog li no luag cov neeg Noj teb noj chaw no muaj lub hom phiaj yuav rhuav tshem tsis sai los ntev tom ntej no.



    avatar
    Kaubkimyaj
    Developer
    Developer

    Messages : 178
    Date d'inscription : 2014-12-07

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Kaubkimyaj on 16th February 2016, 8:30 am


    Nyob zoo Kwv Liajntsuab...

    Nws yog kev puastsuaj loj heev rau pejxeem tibneeg ceebleejkum "ordinary" tsuas nqepeev tau tsawg tsawg los tsa nyias lub khw xwb....Tejno yog tus qauv meej kawg qhia txog xwmtxheej peevxwm ntawm tseemfwv tsis muaj kev faujxeeb ruajntseg rau tsoom pejxeem txoj kev tsimthaij nyias lubneej kom muaj kev nceqib caum kev vammeej. Nws yog cwjpwm ntawm tseemfwv lajtxheej tuncua kev txhawbnqa, kev fwjxwm tsomkwm pejxeem kev uaneej los ntawm txoj kev thawjsim tsis muaj kev koobpheej ncajncees rau txoj kev kivnta tebchaws kom mus raws kev timtsum ntawm haivneeg.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Liajntsuab on 17th February 2016, 11:38 am

    Tijlaug kaubkimyaj,

    Peb txhua tus yeej paub tias lub cov tebchaws coj kev cai Koomsam no lawv yeej tsis txhawb nqa ib tug neeg uas yuav los TSIM TXIAJ thiab PAB TAU NWS TUSKHEEJ. Qhov no yog qhov lawv ntshai tsam ib ntsis lwm tus lub neej ZOO DUA los yog NTSE DUA lawv ces thaum no yuav sawv los TXEEB LAWV LUB HOMPHIAJ TXOJ KEV UA NEEJ. Yog li lawv thiaj ua txhua yam los TXOV tsoom neeg txhua tus kom tsa tsis tau hau rau txoj kev ua neej los sib tw nrog lub ntiajteb no. Vim li no lub tebchaws Lostsuas thiaj suav hnub suav hmo raug txoj kev tsimtxom txhua yam los ua ntuv zus los tau 40 tawm xyoo tsis muaj hnub xaus.

    Tusiab ntau thiab pab hlub tsoom neeg zoo nyob hauv Lostsuas os.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Liajntsuab on 10th May 2016, 12:30 pm

    [i]Xovxwm tawm ua ntuv zus lub 4 hlis thiab 5 hnlis xyoo 2016 los mus no xwb muaj ntau lub khw raug Neeg phem hlawv kub nyhiab nyob rau sab Qabteb hauv lub tebchaws Nplog. Muaj neeg raug kev txomnyem coob kawg nkaus. Tsoom pejxeem Nplog tuskheej yeej hais lawv tias tej teebmeem no yog Nomtswv lub tswv8 ua li ces tom qab tej khw no raug kub nyhiab tag lawv tuaj tsim tsa cov khw tshiab li kuv tau hais los saud.

    Tej Tswv8 hais los yog tus Nyablaj thiab cov Nomtswv txheej siag hauv Nplog teb ua cov tsim los vim tias thaum Nyalaj yuav tau cov nyiaj uas ntiav lawv tuaj tsim tsa cov tsev hos Tsoomhwv Nplog yuav tau tej nyiaj Sau Se los ntawm tej lag tub luam. Tej yam no yog tej yam ua phem tshaj no tsis muaj nyob haub lub qab ntuj neeg ua rau neeg.

    Lam muab tshaj rau peb tsoom Hmoob nyob ntuj qub qab kom paub xyuamxim txog nej tuskheej.
    [/i]
    avatar
    Me qigtaub
    Developer
    Developer

    Messages : 195
    Date d'inscription : 2011-09-09

    KHW LAV20 KUB NYHIAB

    Post  Me qigtaub on 12th May 2016, 12:59 pm

    Nyob zoo cov npojyaig txhua tus.

    Hais txog tej xwmtxheej uas niaj hnub muaj rau hauv daim av Lostsuas ces yuav hais li cas los nws yeej yog ib daim duab uas ko tau rau lwm tus nyeem tau yoojyim, tam sim no daim av Lostsuas yuav rau poob mus rau ob lub zeb zom kom ntsoog ua hmoov mus xwb los tam sim no txhua tus yeej pom tias tej khw muaj nplaim taw sawv yeej yog li nej hais lawm, nplog twb tsis muaj peev los tsim kho ib thaj chaw twg? ntxhua kis nyiaj txhua thooj av, tsawg yav ntoo nkag mus rau cov thawjcoj lub hnab ris lawm, txoj kev highway-13 qab teb ti qaum teb qhov taub nplhaus nplhiv tsis tau zoo khiav ib sa ceev li, tsam no lawv yuav muab pob rau lwm haiv neeg kho, yog li tej kiab khws twb tsis yog Lav tug es lawv yuav thau lawv pob nyiaj los kho, lub tswv yim no ua rau peb nyeem tau yoojyim heev, cov khw me tsis kub nyhiab li laiv, raws li kuv paub, khws Thajluam, khw 52, khw Khuam dis, khw Thoob kas qhas, khw lav 20 thiab lwm lub khw cov khw no yog kh
    w loj xwb ces peb yeej nkag siab zoo lawm.

    Sponsored content

    Re: KHWV LAV 20 RAUG KUB NYHIAB HNUB TIM 6 LUB 2 HLIS XYOO 2016 NO LAWM THIAB

    Post  Sponsored content


      Current date/time is 17th January 2018, 8:23 am