google-site-verification: googlefbfddf59e706b96b.html

Latest topics

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    TSIS ZOO MUS UA SI NPLOG TEB LUB SIJHAWM NO LAWM

    Share
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    TSIS ZOO MUS UA SI NPLOG TEB LUB SIJHAWM NO LAWM

    Post  Liajntsuab on 10th February 2016, 6:31 pm

    Nyuam qhuav sai sai li 1 lwm tiam/week dhau los muaj 2 tug phoojywg kuv paub zoo nyob tebchaws U.S.A nkawv tau sib yaum mus uasi tim Nplog. Thaum nkawv tau mus txog rau Lav 52 ces tus Tswv Zos thiab Tub Ceevxwm txawm tuaj nug nkawv ntau yam. Tom qab ntawd ua rau nkawv tau ceeb thiab ntshai nkawv thiaj li los mus rau nram Viang Chan, thaum los so nyob rau hauv tsev tos qhua xwb ua cas ciali tuaj ib cov Tub Ceevxwm tuaj muab nkawv yuam nkag tsheb thiab coj mus nug ntau yam tau li 2 xuab moos mam li tso nkawv rov qab los. Tom qab ntawd nkawv thiaj li ntiav neeg xa nkawv los mus rau Thaibteb thiab ya rov los mus tsev lawm.

    Tej xwm txheej no ua rau nkawv ntshai heev thiab thov ua lub ntuj tsaug uas nkawv tau dim rov qab los txog tsev thiab pom poj tub se. Kuv muab xav los txog tej zaum yog nkawv tsis coj pojniam mus nrog ces lawv xav ntau yam rau nkawv vim tias tsis ntev los no tus Thuj los yog Ambassador Nplog tau tshaj tawm ib daim ntawv tias yuav muaj li 600 leej neeg nyob txawv tebchaws yuav mus tsim kev kub ntxhov tim Nplog. Yog li ntshe NPlog thiaj li saib cov neeg txawv tebchaws no mus tim Nplog nruj heev yog tias tsis coj pojniam mus nrog.

    Lam muab tshaj tawm rau ib tsoom Hmoob kom paub ceevfaj txhob lam mus uasi tim Nplog lub caij nyoog no vim tias Hmoob thiab NPlog txawv tebchaws twb ploj ntau leej lawm nrhiav tsis tau. Yog li saib xyuas koj tus kheej muaj nujnqis txhob lam muab yus txoj sia muaj nujnqis coj mus rau tej lub tebchaws SIV RIAM PHOM los hais tus cai tswj kav tibneeg thiab COJ DEV NPUA CAI TSIS ZOO LI TIBNEEG.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: TSIS ZOO MUS UA SI NPLOG TEB LUB SIJHAWM NO LAWM

    Post  koojziagkabzaug on 11th February 2016, 7:26 am



    Kuv mas kuv xav thov peb cov hmoob uas khiav tawm hauv kev cai koom tsha muab siav ciaj pauv siav tuag tuaj dhau tsis txhob pheej yuav poob rau cov tom qab tej yeej mos ab, tej yeem teb lawm. Peb tuaj dhau lawm ces tig lees mus rau tom ntej txhob tig saib qab lawm. Peb nim nco nco lawv, hlub hlub lawv tab sis lawv npaj txo peb caj pas xwb. Kuv li kuv tu siab lawm, tej neeg uas kuv pab lawv dhau 3-4 tiam neej, lawv tseem txos kuv thiab, hnub twg kuv nyiaj tu ces hnub ntawd kuv kev phem tawm xwb mas pab lawv tu siab tias lawv tsis muaj siab muaj ntsws lawm, lawv pom nyiaj ntsuab npog lawv qhov muag xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Liajntsuab on 11th February 2016, 12:36 pm

    Niamtij, koj tej lus tsis pov tseg ib qhov li os nawb. Tiamsis muaj ib feem txoj kev mus tim Nplog yog muaj tej yam tseemceeb yuav tau mus thiaj li lam mus xwb. Muab ua piv txwv tias tshuav niam thiab txiv, tshuav tej nkaujmuam los yog tej nus. Muaj ib txhia ho yog rov mus ua dab ua qhua thiab vim tias tuaj ib leeg xwb tsis paub dab paub qhua hos tej txheebze los ib hnub laus zus lawm tiag yog tsis mus yuav tsis sib pom tag rau tiam no. Yog vim li no thiaj li tau rov mus uasi xwb. NYob li kuv mus 2 -3 zaug no vimyog tshuav tus muam ib leeg nyob lawm xwb tab txawm peb ua tau tsev, yuav tau liaj teb, yuav tau tsheb laij liaj tag rau los yeej tseem tsis zoo siab npaum li yus rov mus saib nws.

    Ntuj aw!! tiam no ua zoo los tau phem, ua phem los haj yam tau phem xwb os.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Liajntsuab on 11th February 2016, 12:37 pm

    Niamtij, koj tej lus tsis pov tseg ib qhov li os nawb. Tiamsis muaj ib feem txoj kev mus tim Nplog yog muaj tej yam tseemceeb yuav tau mus thiaj li lam mus xwb. Muab ua piv txwv tias tshuav niam thiab txiv, tshuav tej nkaujmuam los yog tej nus. Muaj ib txhia ho yog rov mus ua dab ua qhua thiab vim tias tuaj ib leeg xwb tsis paub dab paub qhua hos tej txheebze los ib hnub laus zus lawm tiag yog tsis mus yuav tsis sib pom tag rau tiam no. Yog vim li no thiaj li tau rov mus uasi xwb. NYob li kuv mus 2 -3 zaug no vimyog tshuav tus muam ib leeg nyob lawm xwb tab txawm peb ua tau tsev, yuav tau liaj teb, yuav tau tsheb laij liaj tag rau los yeej tseem tsis zoo siab npaum li yus rov mus saib nws.

    Ntuj aw!! tiam no ua zoo los tau phem, ua phem los haj yam tau phem xwb os.
    avatar
    Kaubkimyaj
    Developer
    Developer

    Messages : 178
    Date d'inscription : 2014-12-07

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Kaubkimyaj on 16th February 2016, 8:54 am


    Kwv Liajntsuab+Koojziag Kabzaug nyob zoo neb od...

    Kaubkimyaj muab luj meej kawg lawm haistxog peb tsoomhmoob/tej kwvtij & txheebze hauv Nplogteb lawm...Lawv txoj kev xav, kev coj rau peb Hmoob tawm tebchaws txawv cov Hmoob Suav, Hmoob Thaib.  

    Hmoob Cobtsibteb thiab Hmoob hauv Nplogteb: 1 Yeebvim lawv tau txais kev cobqhia kom muaj kev cibnyeej, muaj kev khib+ntxub peb cov Hmoob tawm tebchaws ntawm txoj kev cai koomtsha li lijxeebsim. 2 Vim txoj kev txomnyem kuj ua rau lawv poobqab thiab ras tsis nto txoj kev hlub nyias tsevneeg+tej txheebze, yog lino lawv thiaj muaj txoj kev quabyuam coj los siv rau nyias tej txheebze thiab nws nywjkeeb koom roj+koom tshav. 3 Vim txoj kev poobqab ntawm kev txawj-ntse pom deb,pom dav thoob lub ntiajteb kev uaneej+vammeej, txoj kev ruam thiaj npog lawv txoj kev hlub xeeb tsis tshwm los siv rau nyias tsevneeg thiab tsoomhmoob thoob ntuj.

    Peb txoj kev hlub lawv thiaj tig rov mus ua kev cog pos rau lawv nruabsiab, thiab lawv saib peb txoj kev hlub zoo li yog kev them nujnqis tsis muaj txiajntsim dabtsi.  Hnub peb pab tsistau lawv lawm ces peb tseem tsis tsimtxiaj rau lawv npaum li tej mabsua tuaj thov uazog lawm, tabsis txawm lintawv lawm los vim peb koom rojntshav keebkwm, peb cov tawm tebchaws yeej nrauj tsis tu txoj kev hlub kev zoo rau nyias tsobnoob koom cajces keebncau.  

    Tseemceeb heev, peb yuavtsum fajseeb, xyuamxim, ceevfaj lawv tej cwjpwm phem limhiam no kom zoo, thiab yog peb tsis muaj num koobxuam los zam lub niag Nplogteb txhob mus txhawb kom txomnyem ntxiv thiaj pom Hmoob txawvtebchaws txoj kev hlub+kev cawmsim tseemceeb.
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Liajntsuab on 17th February 2016, 11:32 am

    Nyob zoo tijlaug Kaubkimyaj,

    Ua tsaug koj cov lus os lod. Koj cov lus muaj tseeb thiab yog kawg nkaus los ntawm peb tej keb sib hlub ntawm Hmoob Txawv tebchaws thiab Hmoob Nplog lub neej niajhnub nimno. Kuv xav tias peb cov muaj txeeb muaj ze yuav luag txhua tus yeej ntsib tej teebmeem no txawm tsis ntau los yeej tsawg. Txawm li ntawd los xam tias peb yog cov totaub ces cia zam lub txim pub rau lawv cov nyob tom qab. Kuv ntseeg tias tsis ntev tom ntej no lawv lub neej yuav haj yam txom nyem tshaj qub no mus ntxiv vim tias ziag no lawv ua ib hnub zog twb tsis txaus yuav ib tug qaib tiav nkauj los siv lawm vim tias ib tug nqi zog yog tau li ntawm 3-4 $ xwb hos ib tug qaib loj zoo siv twb raug li ntawm 5-6 $ lawm.

    Lawv lub neej txoj kev khwv tau los pab tsevneeg txoj kev siv tau tsawg dua li qhov yuav rho tawm. Yog li no lawv yuav ua cas nyob taus ua lawv tej neej nyob rau lub neej tom ntej no. Tsimnyog kawg kiag lawm uas peb muab ntau thiab tsawg los yuav tau nqa tes ua tsaug tsis yog yuav chim siab thiab xamtxeem tias ua cas muab tsawg ua luaj li.

    Feem tsawg ntawm cov hmoob NPlog lawv yeej totaub txog peb lub neej nyob tim no lawm thiab yog li kuv xav tias ib hnub tom ntej no lawv yuav maj mam pauv zujzus los ua neeg zoo.

    Ua tsaug thiab zoo siab ntsib koj ua tij os.
    avatar
    Kaubkimyaj
    Developer
    Developer

    Messages : 178
    Date d'inscription : 2014-12-07

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Kaubkimyaj on 18th February 2016, 1:00 pm


    Nyabxeeb kwv Liajntsuab...

    Ntsiabtseeb ntawm pebhmoob txoj kev plam kev sib hlub sib haumxeeb no, nws yog vim pebhmoob txoj kev uaneej poob kev sib cob sib coj thiab kev kawm, kev sib qhia ua txheejzias kom paub txaus txog kev tseemceeb ntawm ib nywjkeeb neeg kev ciaj cag li yog tsheej 1 haivneeg.  Thaum pebhmoob plam txoj kev hauvxeeb, kev sib hlub, sib coj thiab sib qhia kom rasxeev txog txoj kev sibfwm, sib koomsiab fwjxwm peb nywjkeeb lawm, pebhmoob thiaj raug ntau hom txujci+tswvyim qus uas muab pebhmoob cais-tshwj ntawm kev sib haumxeeb koom npoj ncoo haiv lawm.

    Hnub no, pebhmoob thiaj poob los rau tus xwmstxheej thiab lubneej Hmoob rov tig tsimtxom Hmoob mus raws li lwm haivneeg tus lajtxheej txov kom Hmoob tunoob ciaj tsis taus peem tsis tsheej ib haiv nyob ntiajteb ntxiv mus lawm.  

    Thaum pebhmoob ntsib teebmeem li no, tsoomhmoob paubtab thiaj yuav tau zamtxim rau cov tsis meejpem uas raug luag haubntxias kom tsim teebmeem rov rau Hmoob.  Tsoomhmoob txawjntse yuavtsum tig rov los uake koom tswvyim tsim lub zeemuag povpuag thiab txhawbnqa coj qhia pebhmoob kom tig tau rovlos tsheej ib nywjkeeb thoojsiab koomplawv tawmtsam txhua xwmtxheej+teebmeem uas yuav rhuav kom Hmoob ploj hauv ntiajteb mus.

    Txoj kev hlub kev khuvxim yus tsobhmoob thiaj nyob nrog lub lijxeebsim ntawm tsoomhmoob muaj zeemuag povpuag keebnoob ntawm cajces rojntsha Hmoob.

    Muaj caij mam tuaj tsham dua...Zoosiab rov sibntsib
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Liajntsuab on 18th February 2016, 6:30 pm

    tijlaug Kaubkimyaj,

    Muaj tseeb li koj ua tij hais. Thaum yus tseem yau thiab nyob ntuj qubqab ces yus tsis paub dabtsi tiamsis txij li yus hlob no thiab tuaj nyob nrog Hmoob coobx lawm yus pom ntau yam uas Hmoob plam txog txoj kev sib cob ua neej. Niajhnub nimno cov nyob tom qab mas xam tias lawv tseem poob qab thiab tsis muaj kev kawm los yog tej neeg nyob tebchaws vammeej ces peb tsis pom qab tusiab rau lawv. Cov poob qab no xam tias peb yuav tau zam txim pub rau TIAMSIS nyob li cov uas kuv hais tuaj nyob rau tebchaws vammeej tau 40 xyoo no los tseem muaj cov uas QIMUAG ua neej thiab coj raws nraim li tej laus thaum ub lub neej. Cov no mas kuv xav tias ntshe kawg av lim lawm xwb thiaj li yuav pab tau os. Niajhnub nimno cov neeg uas tuaj rau hauv xovtooj cua es sib ceg ua ntxhov quas niab rau neeg ntiajteb mloog kuv dhuav kawg kiag li.

    Peb hmoob tus phem ces nws yeej ib txwm phem txawm tias yuav pauv los tsuas pauv tau me me xwb. Qhov nog niamtxiv yeej ib txwm coj phem los yog tsis txawj cob lawv kom paub hlub lwm tus. Ua li peb pheej sib cav los ntau xyoo no yog thaum twg tham txog hmoob lub neej xwb ces dhuav dhau lawm os tijlaug aw.


    Sponsored content

    Re: TSIS ZOO MUS UA SI NPLOG TEB LUB SIJHAWM NO LAWM

    Post  Sponsored content


      Current date/time is 21st November 2017, 4:46 am