google-site-verification: googlefbfddf59e706b96b.html

Latest topics

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Share
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koojziagkabzaug on 4th March 2016, 4:48 pm


    Thov pab cuam tsa lub Tsev Khaws Txuj Hmoob nyob Khej Me, Thaib teb.

    Phauj Maib Yiv Yaj yog Peb Hmoob ib leej Phauj uas muaj lub siab dawb los pab khaws thiab ceev Peb Txuj Hmoob cia. Nws npaj tsa ib lub tsev los khaws Hmoob Txuj. Dag zog muaj tab sis nyiaj txiag tsawg thiaj li tau nqua hu txog tsoom Hmoob thoob qab ntuj tus muaj lub siab dawb thov nqa tes ua tsaug.




    TSEV KHAWS TXUJ HMOOB THIAB KAWM NTAWV HMOOB


    LUB  NTSIAB LUS
    “Lo Lus”  yog txuj ci uas pom tau tseeb ntawm peb tib neeg siv los sib fim, Hmoob muaj lus hais thiab lus sau, muaj kev soj ntsuam peb cov Hmoob hais tau lus, tab sis sau ntawv hmoob thiab nyeem ntawv hmoob muaj tsaug kawg,  vim tsis tau kawm thiab tsis tau  los sib qhia,  thiaj yog ib yam uas yuav tsum los ua tsev kom muaj chaw  kawm ntawv hmoob. Peb  Hmoob thiaj tau siv lus hmoob ntawv hmoob los pab ntawm peb txoj  kev vam meej

    LUB  HOM  PHAJ  UA  TSEV
    siv lub tsev ua chaw khaws txuj ci Hmoob thiab kawm ntawv hmoob

    UA  TSEV  RAU PAB  LEEJ  TWG SIV

    Haiv neeg Hmoob thiab lwm tus  uas xav kawm ntawv hmoob

    THAJ CHAW UA LUB TSEV
    Nyob lub zos Khej Me, nroog  Qhom Qhaus Xees Pheb  Chas Npoos  Thaib teb

    LUB SIJ HAWM UA LUB TSEV
    Xyoo 2015 nrhiav peev, nrhia nyiaj ua tsev
    Xyoo 2016 ua lub tsev kawm ntawv thiab siv rau kev qhia kev kawm
    Xyoo 2017 qhib kawm ntawv hmoob
    Xyoo 2018 ua lub tsev khaws txuj hmoob rau ntawv hmoob

    PAB  NEEG  UA  LUB  LUAG  HAUJ  LWM
    1  Maiv Yi  Yaj Supervisor and academic section
    2   Txuj Yas Ham The  project coordinator
    3.   Xwm Xob Tsab Hmong media production
    4   Nkauj Mab Yaj Teachers
    5.  Tub Nus Yaj Teachers
    6.  Nkauj Sua Yaj Teachers
    7.   Tsav Vam Yaj Building manager
    8.  Tub Teeb Vaj Engineer


    PAB  NEEG  TUAV  XAM LUB  LUAG  HAUJ  LWM

    1.  Neej Khwb Yaj Chief Executive of the Khek Noi
    2  Txiv Plig Tshaj Xwm Thoj   Leej Choj Hmoob
    3.  Rev.Nipon  Sirivrawut   Abbot of The nativity of Jesus Christ church
    4.  Tshuas Pov Yaj   Chairman of Star M Co., Ltd.
    5   Nom Tsawb Yaj Head of pastoral parliament of Khet Noi catholic church
    6.  Npuas Yees Yaj Lawyer, Legislative Advisor
    7.  Tsav Ntxaij Yaj Supervisor Summit Autobody work company
    8.  TshuasTooj Hawj Village headman of Charoen-pathana

    Village No.10 Khek Noi  Sub-district

    NYIAJ  TXIAG  YUAV  SIV
    1.  luaj nroj  /txhub av kho thaj chaw     40,000   Baht
    2.   lub tsev kawm ntawv thiab siv rau kev qhia kev kawm 400,000 Baht
    3.  lub tsev khaws txuj hmoob rau ntawv hmoob       400,000 Baht
    Xam siv nyiaj tag nrho 840,000   Baht

    YAM  UAS  YUAV  TAU  QAB  HAU

    Peb haiv Hmoob muaj chaw khaws txuj ci hmoob thiab kawm ntawv hmoob

    TUS  TUAV  LUB  LUAG  HAUJ  LWM

    Ms.Chuthamaj   Saenyakul  (Phauj Maiv  Yi  Yaj)
    127  Village No.10, Khek Noi Sub-district,
    Khaokao District, Phetchabun. 67280
    THAILAND
    Tel       :             08-1929-7674
    e-mail :         ntootshuaj@gmail.com
    LINE  ID :     maivyi
    Facebook : Lus  Hmoob  (Hmong  Language)
    Support us
    Transfer  : Ms. Chuthamaj   Saenyakul
    The Siam Commercial Bank Public Company Limited (SCB Bank)
    Lomsak  branch.  Saving account.
    No. 555-248419-0
    Thailand

    ntawv hmoob kawm tsis nyuaj,
    Hmoob yuav tsum paub ntawv hmoob
    Hmong language is not difficult to learn.
    Hmong must know Hmong language.

    (Maiv  Yi   Yaj)

    PS. Qhov chaw ua tsev yog thaj chaw tshiab mam xeem rub dej rub hluav taes xob ua rau siv nyiaj txog tej yam no ntxiv tuaj.























    Last edited by koojziagkabzaug on 25th March 2016, 5:10 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  Liajntsuab on 22nd March 2016, 7:50 pm

    Nyob zoo Niamtij Koojziagkabzaug,

    Pom koj coj tuaj tso ntawm no ib ncua no lawm tiamsis tsis tau los nrog koj tham txog li. Zoo siab ntau uas tseem muaj peb tej tug pojniam Hmoob muaj lub siab zoo thiab los khaws Hmoob li teej tug tej yam tseemceeb rau peb tej menyuam lub neej yav pemsuab kom txhob ploj mus. Tshwjxeeb tshaj lawv lub tebchaws Thaib yog ib lub uas luag muaj cibnyeej yus tej neeg yog li tej tub ntxhais yuav tsum tau pauv lawv tej npe mus ua Neeg Thaib tag nrho mas lawv thiaj li muaj cai mus kawm ntawv txheej siab thiab ua tau haujlwm. Qhov no yog ib qhov uas yog lawv tej niam tej txiv tsis mob siab tiagx los cob qhia tej menyuam ces lawv yuav yog cov uas xub ploj lub npe Hmoob nyob rau sab ntuj qub qab. Zoo siab ua tsaug ntau uas tseem muaj tus xam pom txog tej teebmeem no thiaj li sawv los tsim tej lub koomhaum khaws Hmoob teej tug zoo li cia.

    Cia seb ib me ntu tom ntej no puas tseg tau nyiaj no mam li pab ob peb dolla mus pab lawv os nawb.

    Ua tsaug ntau.

    koobpovtxuj
    Sponsor
    Sponsor

    Messages : 1316
    Date d'inscription : 2010-04-05
    Age : 57
    Localisation : USA

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koobpovtxuj on 22nd March 2016, 11:46 pm

    Nyob zoo niam ntxawm Koojziagkabzaug.
    Kuv muaj lus zoo siab tias peb koom haum catholic nyob thaib teb tseem tsim tsa muaj lub tsev khaws Hmoob tej txuj ci thiab qhia ntawv Hmoob rau tej tub ntxhais Hmoob kom tuav tau yus haiv Hmoob tej lus thiab tej txuj ci cia mus lawm yav tom ntej mog.Thov nug 1 lo tseeb tias yog leej twg xav pab caum puav nyiaj mus rau lawv cov tuav dej num no peb cia li hu thiab xa nyiaj mus rau lawv li tej chaw nyob uas koj tau tso ntawm no xwb los yuav ua li cas ? Thiab kuv qhia koj tias kuv muab koj cov lus tshaj tawm nrog koj cov duab ntawm no copy coj mus tshaj tawm rau lwm lub Website kom peb cov Hmoob uas nyiam khaws Hmoob tej txuj ci no ho muaj coob leej nrog pom nrog paub ntxiv lawm mog.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koojziagkabzaug on 23rd March 2016, 1:47 am

    Nyob zoo kwv Liaj Ntsuab thiab tus Koob Pov Txuj,

    Ua tsaug rau neb lub siab zoo txhawb nqa koom haum Khaws Txuj Hmoob.
    Nyob teb chaws twg los yog tsis mob siab khaws txuj, tsis tsim koom haum khaws txuj ces yeej yuav ploj zuj zus mus. Vim peb nkag rau ib lub neej tshiab, ib lub sawm fem tshiab lawm. Thaib teb, luag txoj kev cai tswj hwm kom tsoom neeg hloov npe tag nrho los ua ib haiv neeg rau ib lub teb chaws xwb; tab sis lawv tsuas siv lub npe thiab xeem thaib rau hauv ntaub ntawv xwb, lawv tseem nyob ua pab ua pawg, siv kab lis kev cai hmoob thiab coj lub neej hmoob. Lawv yuav yog cov khaws tau txuj Hmoob zoo dua. Tab sis yuav tau npaj ntaub ntawv tseg, vim ntiaj teb hloov sai heev, tsis hais lub teb chaws twg los yeej hloov raws tej tecnology tshiab, kev muaj txuj ci tshiab thiab lub neej tshiab yuav ua kom sawv daws tso tej txuj ci chiv keeb puam kwm tseg zuj zus, vim siv tsis txog thiab hauj lwm ntau ces kov tsis yeej los khaws; khaws taus los tsis muaj caij siv ces yuav ploj mus. Nyob rau USA mas nyaj yuav khaws tau ntxiv zuj zus, vim As Mes Liv Kas lub teb chaws yog ib lub teb chaws tsa sawv daws cai, muaj peev pab cuam txhua lub tswv yim thiab txhua haiv neeg kom ceev tej txuj ci. Nyob rau Fab Kis teb ces yuav ploj sai sai nov lawm, vim ib tug nyob rau ib qho, ua dab tsi los tsis yooj yim, tsis muaj kev pab cuam thiab tsoom hmoob los nyias saib nyias kev ua si loj ces tsis tig los koom tes ua tej yam muaj nqes kom ruaj khov. Ib tug ua los ib tug tsis pab ces mus tsis taus.

    Tub Koob Pov Txuj,

    zoo li kuv twb tso tag nrho npe thiab xov tooj los yog E_mail rau saud tib si lawm, nws saib qhov twg xa yooj yim thiab tsis poob nqe xa ntau ces xa qhov ntawd mus xwb. Kuv li mas ntshe kuv yuav xa ua PayePal raws E_mailmus xwb zoo li tsis tau them nqe xa. Xa ua Wester Union kuj tau.

    Ua tsaug uas nws tseem coj cov lus nov mus tshaj ntxiv rau lwm qhov thiab tham rau nws cov txheeb ze.

    Twb yog Phauj Maiv Yiv hais tias tsis muaj chaw txum nws tej ntaub ntawv Hmoob, xav tsa lub tsev, peev xwm muaj tab sis tsis muaj nyiaj li no ces kuv thiaj kom nws nqua hu txog Tsoom Hmoob thoob ntiaj teb ib los, kom ib leeg thiab ib txoj hmoo, ib leeg pab ib txoj koob hmoov ces yeej yuav ua tau xwb. Peb yog cov nyob deb, peb tsuas pab ib vuag dua, cov yuav tau hauj lwm nyhav yog cov nyob txawm chaw, vim lawv yog cov yuav tuav txoj hauj lwm mus tsis muaj caij kawg. Phauj Maiv Yiv ua tau tsab ntawv no tuaj, kuv muab xa rau tag nrho tsoom thawj tswj Hmoob Catholic thoob ntiaj teb thiab cov tiam lis ntau qhov chaw tsis hais coj kev cai dab qhuas li cas, tsuav yog Hmoob xwb kom thov nqa tes pab.

    Vam thiab cia siab tias ¨Peb Hmoob yuav muaj lub siab dawb, txhawb nqa keeb kwm Hmoob kom nyob mus ntev ntev.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1316
    Date d'inscription : 2010-04-05
    Age : 57
    Localisation : USA

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koobpovtxuj on 24th March 2016, 2:43 pm

    Niam ntxawm txooj tub.
    Kuv thov nug koj 1 lo tias yog yuam kev los yeej yog 2046 li sau tiag.
    Nyob rau ntawm nqe.UA LUB TSEV
    Xyoo 2015 nrhiav peev, nrhia nyiaj ua tsev
    Xyoo 2046 ua lub tsev kawm ntawv thiab siv rau kev qhia kev kawm
    Xyoo 2017 qhib kawm ntawv hmoob
    Xyoo 2018 ua lub tsev khaws txuj hmoob rau ntawv hmoob.
    Nyob rau lo lus tias 2046 Ua lub tsev kawm ntawv thiab siv rau kev qhia kev kawm.Nqe lus no puas yog 2016 es nej sau yuam kev ua 2046 xwb los yeej yog 2046 li sau tiag.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koojziagkabzaug on 25th March 2016, 5:11 am



    Hahahah...! Me tub Koob Pov Txuj, nyeem ntawv tav toj xwb ces twb sau yuam kev los yeej tsis pom li, ua tsaug ntau uas nws qhia tuaj kom paub. Yog ntau yuam kev xwb, yog pib tsa tsev 2016.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1316
    Date d'inscription : 2010-04-05
    Age : 57
    Localisation : USA

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koobpovtxuj on 25th March 2016, 7:08 pm

    Tsuav yog paub tseeb tias ntaus yuam kev xwb ces mam muab kho rau kom lwm tus txhpb muaj lus nug ntxiv xwb mas.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  koojziagkabzaug on 12th April 2016, 1:29 am






    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: THOV PAB CUAM LUB TSEV KHAWS TXUJ HMOOB NYOB KHEJ ME THAIB TEB.

    Post  Sponsored content


      Current date/time is 22nd October 2017, 2:58 pm