google-site-verification: googlefbfddf59e706b96b.html

Latest topics

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

» Paj huam nraug nrab mag poj laib kaus poob phem nyob Nplog teb.
by koojziagkabzaug 14th April 2017, 12:18 pm

» Hais Paj Lug
by Admin 10th April 2017, 2:28 pm

» NOM TSWV TXHOM COV NEEG TUAJ U.S.A. TSIS RAWS TXOJ CAI XA ROV QAB
by Liajntsuab 31st March 2017, 3:40 pm

» Yawg Hlob Vaj Pov
by Admin 9th March 2017, 3:06 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    TSHAJ TAWM IB TUG CHIJ LWM HAIVNEEG MUAB LOS UA HMOOB TUG

    Share
    avatar
    Liajntsuab
    Sponsor
    Sponsor

    Messages : 826
    Date d'inscription : 2011-12-04

    TSHAJ TAWM IB TUG CHIJ LWM HAIVNEEG MUAB LOS UA HMOOB TUG

    Post  Liajntsuab on 7th October 2016, 7:05 am

    Nyob zoo Ib tsoom Hmoob Txhua Tus,

    Hnub no kuv muab lub topic no los tso rau peb tau tham thiab nthuav txoj kev xav seb nej ho xav li cas. Kuv twb pom nej muab coj los tso rau hauv no ib qhov nrog rau ib lub topic lawm tiamsis ho tsis yog muab nws tsim ua ib lub topic ces tsis zoo tham. Yog li no kuv thiaj muab coj los tso ua ib lub topic tsis xyaw lwm lub rau peb tau tham thiaj li mus ib kis xwb. Thov txim nawb.

    Nej ho pom thiab xav li cas txog tus chij thiab yam uas lwm haivneeg ua no rau Hmoob? Qhov uas luag ho tsim tus chij no los rau Hmoob ces yuav tsum yog nkag ib kis li nram no.

    1. Vim luag lwm haivneeg pom meej thiab tseeb tias Hmoob lub neej nimno thiab thaum ub pauv hloov lawm. Hmoob muaj kev npauhmoob txog xav kom muaj daim av los ua Hmoob tug tsis yog npausuav lawm. Txawm lwm haivneeg yuav ua txhia yam los tav Hmoob kev los Hmoob yuav tsum tseg tsis taus Hmoob txoj kev ua npauhmoob no li vim tias Hlob Vaj Pov lawv cov Hlob twb raug ntes tas lawm los cov yau yeej tseem tsis ris siab thiab tsis tso tseg, tsuas yog niajhnub tham thiab ua ntxhov quas niag nyob txhua lub tebchaws txog Hmoob tus npauhmoob no kom mus txog lawv lub homphiaj.

    2. Luag pom tau tias Hmoob yeej muaj cuabkav thiab tsis khuvxim Hmoob tej roj ntshav los pua tebchaws yog yuav muab keebkwm los hais. Txawm tias ib tug Hmoob xwb los nws yeej kam ntaus cuam nrog 10 tus Suav vim tias Hmoob tsawg hos Suav ntau tshaj li ntawm 70 percent. Tiamsis Hmoob tseem muaj cuabkav tuav Hmoob teb Hmoob chaw thiab ntaus nrog Suav tau ntau xyoo ua rau Suav tuag lawm ntau 100,000 leej thiaj li ua raug Suav ntxub Hmoob los txog niajhnub no. Raws keebkwm sau tseg nyob rau xyoo 1300 tawm ntawd Hmoob tuag yog feem coob, peb cov nyob nimno yog cov seem tuag li ntawm 30-40 percent lawm xwb. Dhau li ntawd los mus txawm tias Hmoob tsawgx thiab Hmoob tsis muaj av tsuas yog los ua Noog Qej Qawg poob qab nras nrog Nplog nyob xwb los tseem muaj cuabkav los koom nrog CIA Amelika ua npluav rogg Secrect Vietnam War tau 15 xyoo. Npluav rogg no muaj 35,000 tus Tubrogg xwb los peb yeej muaj cuabkav ntsuas zog nrog Nyablaj Qaumteb puas txoj sia txog 70,000n tawm txoj sia yam khov kho thiab ua rau lub npe nrov nchav mus thoob ntuj tsis tau swb los ntawm ntawm txoj kev sib ntaus sbi tua. Qhov swb nplua tsovrogg zaum yog Amelika xwb tsis yog Hmoob. Vim li no tus Nyablaj thiab Nplogliab thiaj li ntxub peb Hmoob npaum li ntawd lawv thiaj li tuaj tua pojniam menyuam los pauj kev tshawjchim txog niajhnub no thiab tseem yuav pauj tsis paub kawg kom zoo lawv siab los ntawm lawv txoj kev TSIS MUAJ PEEVXWM li Hmoob es los tua pojniam menyuam pauj uas yam txajmuag kawg nkaus tsis raws li Neeg ntiajteb txoj kev cai ua Tsovrogg.

    3. Qee zaus vim lub ntuj yeej tshoj lub teb yeej tig thiab Hmoob yeej muaj Huabtais li tej dabneeg hais los. Yog li no tus Fabkis uas tuaj nrog Thaib nyob tau ntau xyoo thiab yog tsevneeg Huabtais Thaib ib tug neeg tseemceeb uas lawv hwm thiaj li ua npauHmoob txog tus chij thiab lwm yam txog Hmoob. Yog li lub xyoo no nws thiaj li tuaj tsim tus chij no ua raws nraim li lub ntuj hais tseg rau nws los cawm peb Hmoob kom muaj lub neej nrog luag ua nyob hauv qab ntuj no.

    4. Ntshe yog vim Hmoob muaj tej xwm txheej li nqe #1 los saud, ua rau lwm haivneeg paub meej pom tseeb tias yuav tau los CUAB NTXIAB kom mag Hmoob tej Txiv Thais Nas uas phovx no kom tag. Luag thiaj li yuav los tsim tej rooj ntxiab no seb yuav tshwm tsawg tuaj noj Ziav kom lua paub zoo xwb.

    Yog li no kuv thiaj li muab tshab txhais rau peb Hmoob kom ua dabtsi yuav tau ceevfaj txhob lam tau lam ua thiab xyuamxim. Cia peb mam li taug qab mus seb tom ntej no nws ho yuav mus zoo li cas.


    http://shrdo.com/index.php/suabhmong-news/hmong-news/3194-a-flag-and-declaration-given-to-represent-the-hmong
    avatar
    Me qigtaub
    Developer
    Developer

    Messages : 196
    Date d'inscription : 2011-09-09

    Daim ntaub pov thawj chij

    Post  Me qigtaub on 8th October 2016, 9:32 pm

    Nyob zoo Liajntsuab.

    Hais txog daim ntaub tus chij no nws yog ib qhov uas tsob Hmoob yuav tau zoo siab thiab ceevfaj zoo, Raws li kuv txoj kev xav ntawm kuv tus kheej. Cas tus chij noj tsis yog Huabtais thaib tuaj muab cob rau Hmoob, cas lawv tsis cob rau Hmoob ntawm UN ntsej muag thiab Un yog cov cob rau Hmoob, tej xwm txheej no UN puas paub thiab ntiaj teb no puas lees txais tau, lub tswv yim no yog lawv muab zibmuv los ntxias ntsaum liab xwb, Hmoob puas yog kawg rau cov nyob Thaibteb, cov neeg fabkis twb muab ib tug chij rau Hmoob lub sijhawm thaum ua rog fabkis, raws li kuv pom 'yog lub xauv thiab lub taub hau dais sub', yog kuv hais tsis yuam kev txog tus chij kuv pom, ces lawv ntxias Hmoob ua haujlwm rau Fabkis, thaum Fabkis rov qab tag tsis muaj leej twg paub txog tsob Hmoob los txog niaj hnub no neeg fabkis twb tsis lees paub txog Hmoob thaum muaj ib tug nom fabkis muab nws tus kheej tua tuag thiab sau ntawv tias qhov nws tua nws yog vim nom tswv Fabkis tsis ris Hmoob tus txiaj ntsim lub sijhawm Hmoob tau nrog Fabkis ua rog, tom qab Fabkis ua tsis tau tes thiaj li puab ib tug phej thuam nco txog cov qub tubrog Hmoob xwb. Qhov tiag yeej yog li koj hais luag twg cuab tau cov lau qaib uas qua heev heev tag lawm, qhov kuv xav tias no yog lawv sawv rov los dib seb puas tseem tshuav lau qaib qua qhov twg lawm xwb, lawv yuav cheb tsev kom tsev du txhob muaj hmoov av, Thaib thiab nplog yog ces lub cuab yim neeg lawm xwb, thaib lam ua li no xwb kom txhua tus Hmoob uas nyiam sawv los ua qaib qua yuav tau ceevfaj nyob tsam tsis yog zib mus ho yog kuab lom tsuag. Thiab twb tsis xav txog Hmoob nrog Thaib ua rog tiv thaiv cov thaib liab ib lub sijhawm, thaum peb cov Hmoob los nyob rau dejdawb thaib twb muab quav yuam rov mus rau nplog lawv tsis hais txog dab tsi.
    Raws li kuv txoj kev xav mas muaj li xwb.

    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: TSHAJ TAWM IB TUG CHIJ LWM HAIVNEEG MUAB LOS UA HMOOB TUG

    Post  koobpovtxuj on 21st February 2017, 9:36 am


    koobpovtxuj
    Sponsor
    Sponsor

    Messages : 1308
    Date d'inscription : 2010-04-05
    Age : 57
    Localisation : USA

    Re: TSHAJ TAWM IB TUG CHIJ LWM HAIVNEEG MUAB LOS UA HMOOB TUG

    Post  koobpovtxuj on 21st February 2017, 9:47 am


    Sponsored content

    Re: TSHAJ TAWM IB TUG CHIJ LWM HAIVNEEG MUAB LOS UA HMOOB TUG

    Post  Sponsored content


      Current date/time is 23rd June 2017, 4:21 pm