Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Yawg Hlob Vaj Pov

    Share

    koojziagkabzaug
    Moderator
    Moderator

    Messages: 3305
    Date d'inscription: 2010-02-28

    Re: Yawg Hlob Vaj Pov

    Post  koojziagkabzaug on 9th May 2012, 8:39 pm



    Yog kawg, tij laug, lub caij tsov rog loj mas tu siab kawg, kuv tseem yau tsawv, kuv pom lawv thauj cov neeg tuag los, tej niam tej txiv quaj quaj tu siab nro mas hlub lawv tshaj plaws li. Thaum ntawd yus xav tias yog yus muaj hwj huaj, ntshe kuv yuav daws kiag lawv tej teeb meem kom lawv nyob xyov fab lo...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3305
    Date d'inscription: 2010-02-28

    Re: Yawg Hlob Vaj Pov

    Post  koojziagkabzaug on 9th June 2012, 6:49 pm



    Hmoob Vaj tus txiaj ntsim


    Vaj tswv ntuj------------------------tsom kwm txog peb
    Hmoob ntiaj teb--------------------------txoj kev ua neej
    Tso cawm seej-------------------------nqis los ntiaj nrag
    Rhawv tus cag---------------------------ntsia av kom tob

    Sawv thaj tsob---------------------peb tsev neeg Hmoob
    Tshwm yeej noob------------------rau tuam meem nrim
    Sawv txheej txhim-----------------rau Hmoob kuj cuab
    Hmoob vaj suab------------------------tawm los ua neej

    Yug peem tsheej--------------------rau ntawm lub xyoo
    Thiaj tshwm loo---------------------------ib cuaj ob cuaj
    Xeeb tshwm muaj-----------------------los ua zeej keeb
    Nws thiaj xeeb-------------------------rau tsev xeem vaj

    Coj siab ncaj---------------------------thiab lub siab zoo
    Peem txoj hmoo------------------------tswv ntuj leej tub
    Sawv los hlub---------------------nws tsev neeg Hmoob
    Ri mus thoob-----------------------tuam yim meem luaj

    Li tshwm muaj-----------------------Hmoob vaj los kav
    Tho kev dav-------------------------cog phooj ywg coob
    Txhawb nom Hmoob---------------thiaj muaj suab npe
    Sawv coj ke----------------------los nrhiav Hmoob neej

    Thiaj peem tsheej-------------------npe nrov thoob ntuj
    Qhib tsev txuj---------------------los rau Hmoob kawm
    Lub sij hawm---------------------------nws sawv los coj
    Qhia ua noj-------------------------nrhiav liaj nrhiav teb

    Txawm nyob deb------------------------los yog nyob ze
    Tag loj me------------------------------nws hlub sib xws
    Nws yeej plws------------------------tam niam tam txiv
    Thiaj npaj chiv------------------------tsim tsev kho mob

    Tsa muaj nyob---------------------------rau ntau lub zos
    Nws mus tos----------------------------ceeb huj qib siab
    Tuaj nrog ntiab---------------------tej mob nkeeg tawm
    Thiaj li cawm-----------------------tau nws tsev Hmoob

    Nyob muaj koob--------------------zaum muaj npe nrov
    Sawv coj khov-------------------Hmoob thiaj vam meej
    Xa ntau leej--------------------------peb cov tub Hmoob
    Mus kawm coob------------------------los tsav dav hlau

    Kuj muaj ntau-------------------leej tub ntxhais Hmoob
    Kawm tau thoob----------------------ua kws qhia ntawv
    Nws thiaj sawv-----------------------tsim kho teb chaws
    Hmoob sawv daws----------------tuaj nrog txhawb nqa

    Vaj Hmoob tsa---------------------muaj nom muaj tswv
    Sawv nrog kwv------------------------tswj teb kav chaw
    Yeej tsis ntshaw------------------------kev noj kev hnav
    Ua thawj kav----------------------------nyob rau phaj ob

    Kev noj nyob-----------------------hauv nroog looj ceeb
    Tsim tsa teeb---------------------------tshav dav hlau loj
    Ua tshav nkoj------------------------rau txhua lub nroog
    Nyob sib poog-------------------------sib haum sib hlub
    Tsis sib ntxub------------------------------sib cav sib ceg
    Neej Hmoob ntseg----------------muaj txiag nplua nuj
    Tsev kawm txuj---------------------tsim muaj txhua zos
    Yeej tsis tos--------------------------------leej twg kiag li

    Muaj txuj ci---------------------------nrog neeg ntiaj teb
    Tuaj kawm deb-----------------------rau mab dawb ntuj
    Los nthuav txuj------------------qhia tsev neeg Hmoob
    Nyob toj roob--------------------------los yog nruab tiaj

    Nrog tsim txiaj-------------------------tau nom tau tswv
    Muaj lab twv-----------------------muaj kiab muaj khw
    Raws tus lw----------------------------lub neej thaj yeeb
    Sib tw txeeb--------------------------kev muaj vaj huam

    Qhia cov ruam----------------------thiaj cov neeg pluag
    Xyaum los zuag-----------------------txoj kev tsim txiaj
    Neej sawm txhiaj----------------------tau txais txhua tus
    Tsim kev tus--------------------------muaj kev tsheb zoo

    Ntau lub xyoo----------------------vaj Hmoob sawv kav
    Coj siab dav------------------------pub nyiaj txiag seem
    Rau pej xeem---------------------txhua pab txhua pawg
    Nws txoj yawg-----------------------sib zog kawg nkaus

    Tsov rog ntaus----------------------------sib tua sib phob
    Tiv qhi nyob-------------------------yeej tsis tawg khiav
    Sawv los txiav---------------------------txoj kev cob tsib
    Lawv tho pib----------------------------nkag av los tsuas

    Maub dub xuas---------------------------mus rau qab teb
    Txoj kev tsheb------------------------------huam ci mi to
    Txiav tu nrho------------------------tau kaum tsib xyoos
    Cob tsib ntsoos----------------------------hla tuaj tsis tau

    Ntshai Hmoob dhau------------------thiaj sawv hais cai
    Mes kas ntshai----------------------------li sawv sib hais
    Nrog huab tais------------------------vaj ntxwv los tsuas
    Muab tham txuas---------------------hais sib haum xeeb

    Tsim cai teeb------------------------muaj kaum yim nqe
    Sau ua ke------------------------------muab tsov rog nres
    Thaum ntawd ces----------------------cov nplog ob pab
    Los tuav npab-------------------------------tuav tes ua ke

    Noj sib ce--------------------------------los haus sib hlub
    Nplog liab xub---------------------pib nrhiav kev phem
    Los rhuav tshem-------------------sawv txeeb vaj huam
    Kev sib thuam-----------------------------sib cav sib ceg

    Nplog liab leg---------------------------tsis raws txoj cai
    Cov tsis ntshai-----------------------raug ntes txhua leej
    Tus paub meej------------------------ces thiaj khiav dim
    Tsis tej lim----------------------------raug nplog liab dag

    Vaj huam tag----------------------ces Hmoob nom saub
    Nws yeej paub------------------------thiaj li khiav tawm
    Coj txij nkawm-------------------------niam txiv kwv tij
    Tej yawm yij----------------------nkauj muam txhua tus

    Sawv sib pus----------------------------tuaj rau thaib sab
    Tshuav ntau pab------------------tseem nyob xub tsuag
    Cov seem tuag-----------------------tuaj dhau txhua leej
    Pib lub neej---------------------------rau lub ntuj tshiab

    Cov toj siab---------------------txom nyem kawg nkaus
    Loj me laus----------------------------noj nplooj noj qos
    Yeej tseem tos----------------------vaj Hmoob kev hlub
    Nyob tim ub------------------------------rau daim av yug

    Vim sib pug-------------------------------coj tsis tau tuaj
    Txoj kev quaj-----------------------lawv thiaj nrog ntsib
    Xya caum tsib----------------------peb caug tawm xyoo
    Vaj Hmoob nroo--------------------------los pab tsis tau

    Sij hawm dhau-------------------------zim txwv los xaus
    Hmoob nom laus--------------------nws thiaj tau ncaim
    Cev lawm nraim-----------------------nws lub vaj huam
    Tseem tso khuam----------------------rau tub txawg coj

    Sawv los soj-------------------------------nws tus qub lw
    Qhov twg sw-------------------------yuav tau nrog cheb
    Hmoob ntiaj teb----------------------yog nws haiv neeg
    Yuav tsum ntseeg--------------------raws nws lus ntuas

    Tej laus hluas-----------------------peb haiv me Hmoob
    Tawg mus thoob-------------------tuam yim meem luaj
    Rhawv kev tuaj-----------------------koom tsa thawj coj
    Sawv los soj----------------------Hmoob neej pem suab

    Kuv thiaj muab-----------------------nws tus txiaj ntsim
    Los nrog fim----------------------kom Hmoob nco txog
    Sau tsis yog--------------------------los thov zam txheej
    Yog tsis meej--------------------------thov nrog pab kho

    Kom Hmoob nco---------------------khaws ua dab neeg
    Muab tham deeg--------------------qhia rau tub ntxhais
    Ho khaws hais-------------------------piav ua keeb kwm
    Paub sib hwm-------------------------sib txhawb sib nqa

    Muaj koob ncha---------------------nrov thoob ntiaj teb
    Zoo rau peb-------------------------khaws ua puav pheej
    Neej vam meej-------------------------vim yog muaj vaj
    Thiaj muab tshaj---------------------qhia nej xwb tiag./.

    ( xaus li no )




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3741
    Date d'inscription: 2012-04-16

    Re: Yawg Hlob Vaj Pov

    Post  xiongchang on 9th June 2012, 10:38 pm

    - He....he....Me muam kooj ziag kab zaug as, Koj tshaj lij kawg; Txawj sau paj huam sib dhos....Tab sis tug khaws tau, Zaj paj huam no; Ua neej mas tsawg kawg nkaug....Yog ib feem pua, Cov khaws tsi tau; Yog cuaj caum cuaj feem pua....Tseem niaj hnub, Sib txeeb fwj chim; Seb leej twg tau....Npav ua liaj hmoob nraub qaum, Vim hmoob txoj kev ntshaw npe nom; Pheej sib tshom....Txog thaum kawg, Teb chaws tawg; Nyuj qaug....Tswg qaij, Nyuj tuag; Tswg lwj....Hmoob tug nywj, siab phem; lim hiam....ntais ntuj, txia ntshav; Caum raws cuag....Thiaj plag ntshav....Tsi tau liaj av teb chaws nyob, Vim cov paub tab; Lub siab tsi ncaj nceeg....Cia cov ruam, Ua npua tshom tiav; Dev tub nkeeg....Dhia ob tuam plo, Zaum tsawg khaws noj; Ntuj tsi pub hmoob muaj teb chaws....Hmoob niaj hnub npaig ncauj ntshaw kev ncaj nceeg, Hmoob txhua tug tib neeg; Lub siab phem heev....Yog leej twg? Kwv tij coob, Txeeb txhav npe nom ua tas; Tug tsiaj qus....Nyob tim hav zoov, Twb muab faib phuv tas; Kuv hais tsi dag.....Yeej muaj tseeb, Kuv paub hmoob lub siab phem lim hiam, Ntais ntuj; Txia ntshav zoo....Hmoob yuav muaj teb chaws, Saib ib puas xyoo; Tom ntej no....Yog hmoob coj zoo, Mam tig rov los "Ib zaug"

    koojziagkabzaug
    Moderator
    Moderator

    Messages: 3305
    Date d'inscription: 2010-02-28

    Re: Yawg Hlob Vaj Pov

    Post  koojziagkabzaug on 10th June 2012, 7:25 pm



    Tij laug Xyooj Tsab,

    Ua tsaug nws cov lus qhuas,
    Twb yog muaj tij laug Hmoob Ntuj Tshiab ua kuv txha nqaj qaum kuv thiaj li tau chaw tsaus.

    Yog kawg Peb Hmoob mas tseem tshua deb heev thiaj li yuav caum tau luag, hnob luag nrov qhov twg lam vuag xwb twb tsis mus raws li tus lwj lwm uas yuav tsum ua thiaj plhaw siab plhaw qes. Kuv ntsuam los Peb Hmoob tseem coj cwj pwm li 2000 xyoo dhau los ntawm cov haiv neeg vam meej nim no.

    Tij laug Hmoob Ntuj Tshiab,

    Nws kho tau zoo kawg li, zaj paj huam nov. Kuv hais rau nws paub tias nag hmo kuv ntsib Tsev Hmoob Vaj nyob Fab Kis (Yawg Hlob tus Tiam Lis), kuv muab nws zaj paj huam nov xa mus rau lawv lawm. Lawv zoo siab heev.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3741
    Date d'inscription: 2012-04-16

    Re: Yawg Hlob Vaj Pov

    Post  xiongchang on 10th June 2012, 8:32 pm

    - Me muam kooj ziag kab zaug, Kuv hais li no; Yog nai phoo vaj pov ua tug neeg nruab nrab....Tsi tuaj pab hmoob twg? Tam sim no, Ntshe yawg tseem muaj txoj sia nyob tsi tau tuag os; Tab sis vim yawg tuaj hmoob vaj tog....Ob lub peb caug nroog:....fresno, California....Thiaj tua yawg tuag lawm, Tam sim no; Yawg cov tub tseem tab tom txw kom hmoob xeev:....Minnesota....Ua ob lub:....July 4, 2012, Kom hmoob sib tawg ntxiv; Yog ib tug nywj phem kawg nkaug li os....Peb cov no, Nyob twj ywm; Tsi txhawb pab twg? Lawv nplua nuj, Los lawv tsi hlub leej twg?.... Laughing Laughing.

    koojziagkabzaug
    Moderator
    Moderator

    Messages: 3305
    Date d'inscription: 2010-02-28

    Re: Yawg Hlob Vaj Pov

    Post  koojziagkabzaug on 11th June 2012, 10:20 pm



    Tij laug Xyooj Tsab,

    Thaum yus ua ib tug hlob mas tsis yooj yim, vim tej cov neeg mas ua zaj ua ntxeev dag ces txawm yus tsis ntseeg los ua mus ua tuaj ces yus txawj yuam kev thiab. Thaum yus ho tig kiag nrog no ces plaub qaib ho tsis ciaj ncaig. Li ntawd yeej tsis yooj yim.

    Txawm li cas los yog qhov zoo ntau dua qhov phem ces yeej yog zoo lawm.

    Tij laug, nws khoom no nws pab tham kev ua tsov rog thaum lub caij nws nrog lawv ua rau peb tau khaws tseg mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3741
    Date d'inscription: 2012-04-16

    Re: Yawg Hlob Vaj Pov

    Post  xiongchang on 11th June 2012, 11:44 pm

    - Me muam kooj ziag kab zaug, Kuv tsuas piav me ntsis raws li; Kuv paub qhov muag pom....Tog hmoob tsi muaj liaj av teb chaws li, Lwm haiv neeg; Hmoob yog ib haiv neeg....Xam khib, Tsi pub lwm tug tshaj yug; Hmoob yog ib haiv neeg....Xam txeem, Fuas yug ib leeg tau; Hmoob yog ib haiv neeg....Siab me, Siab yau; Siab luv....Siab nqaim, Siab txhauv; Siab phem....Lim hiam, Ntais ntuj; Txia ntshav....Ntsia zoj tug neeg twg? Siab loj, Siab ntev; Siab dav....Siab zoo, Siab dawb; Ncaj nceeg....Pej xeem nyiam; Pej xeem poog....Yuav txhawb ua tug loj lub neej tom ntej....Nyas tua pov tseg, Tshuav tib co dab ntxaug....Ntshaw nom, Txeeb ua tug loj; Nyiam nyiaj txiag....Raug yeeb ncuab haub ntxias dag, Ua plaub ntug; Ntxub lwm tug; Lauj rhuav tshem tug neeg ncaj nceeg; Tsam hla tshaj tug kheej....Thiaj tau ua liaj pej xeem nraub qaum, Nqug roj ntxais ntshav; Koj sim ntsia....Txhua lub koom haum, Txhua lub caj meem koom txoos; Sib txeeb ua tug coj.....Txeeb fwj chim, Fuas thooj loj xwb; Puas yog li ntawd....Niam txiv tub sab, Tub ntxhais tub nyiag; Niam txiv phem....Tub ntxhais nkhaus.

    HmoobTsab2
    Developer
    Developer

    Messages: 131
    Date d'inscription: 2012-06-11

    Lis Txais hais kwv txhiaj rau Txiv Hlob Vaj Pov

    Post  HmoobTsab2 on 7th September 2012, 8:11 pm

    Yawg Lis Txais hais kwv txhiaj rau GENERAL VAJ POV


    xiongchang
    Moderator
    Moderator

    Messages: 3741
    Date d'inscription: 2012-04-16

    Re: Yawg Hlob Vaj Pov

    Post  xiongchang on 7th September 2012, 8:34 pm

    - Hwb....hwb.... Mad Mad Crying or Very sad Sad Sad Crying or Very sad Crying or Very sad ts nts nts affraid affraid Yawg tij laug....Lis nom txais....Hais zaj lug taum....Lub neej tu siab.....Tsi muaj tug coj....Yeej yog kawg....Wb kuj yog....Phooj ywg zoo....Lub sij hawm nyob vib nai xyoo 1979....Txog ntua xyoo 1991....Wb tau sis ntsib....Ib zaug xeev:....Michigan....Xyoo 2008....Sib ntsib pom dheev....Sib qawg quaj txog....Lub neej ntsuag....Teb chaws....Ib co nyob thaib teb....Ib co tuaj tej chaws no.

      Current date/time is 1st October 2014, 10:18 pm