google-site-verification: googlefbfddf59e706b96b.html

Latest topics

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Mus Fi Xov Tom Niam Txiv Tsev

    Share
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Mus Fi Xov Tom Niam Txiv Tsev

    Post  koojziagkabzaug on 5th June 2010, 12:13 pm



    Mus Fi Xov Tom Niam Txiv Tsev

    Tus fi xov thiab ib tug kwv tij nkawd nqa cov txhiaj txheej fi xov mus txog tom niam txiv tog ntxhais tsev. Raws li Hmoob txoj kev cai ua tshoob ua kos, nkawd yuav tsum mus tom niam txiv lub qhov rooj tag mus. Ob tug tub fi xov mus txog ntawm niam txiv qhov rooj tag. Nkawd khob niam txiv qhov rooj hais tias:
    "Niam thiab txiv! Nej puas nyob hauv tsev os."

    Cov neeg nyob hauv tsev thiaj li teb nkawd li no:
    "Peb nyob los mas. Neb tuaj los. Los hauv tsev os."

    Ob tug teb tias:
    "Yog! Wb tuaj los mas. Ua li niam thiab txiv nej puas caiv los tsis caiv."

    Tus nyob hauv tsev teb tias:
    "Peb tsis caiv os. Los! Neb los hauv tsev os yuam."

    Ob tug tub fi xov mus txog hauv tsev. Nkawd mus zaum zoj ib nyuag pliag tham pem txog kev noj qab nyob zoo. Tus fi xov thiaj li muab luam yeeb los tsab kom txhua txhua rau cov niam txiv uas tuaj nyob hauv niam txiv tsev tos:
    "N . . . e! (Hais nws lub npe) Txais kab yeeb no seb yuam!"

    Niam txiv teb yig hais tias:
    "Tau lawm los mas! Koj muaj tus lus dab tsi ces cia li hais xwb."
    Muaj ib txhia niam txiv phem phem mas lawv yeej tsis kam txais kab luam yeeb li. Tus fi xov tsab luam yeeb rau mas nws fee rau ub rau no xwb. Qee tus niam txiv mas tseem cem ub cem no txog niam txiv tom ub rau ob tug fi xov hnov.

    Tus tsab yeeb rov txhob ntxiv tias:
    "Txais ma! Kav tsij txais kiag."

    Nkawd sib txhob ib pliag ces niam txiv thiaj li ua siab txais kab luam yeeb los tuav ntawm tes. Tus fi xov ho tsab dua ib kab luam yeeb tshiab rau lwm tus niam txiv. Nws tsab kom txhua nrho cov txiv neej thiab cov poj niam nyob hauv tsev. Raws li kev cai Hmoob Ntsuab mas yuav tsum tsab rau cov me nyuam yaus tib si.

    Ob tug mus fi rov tsab dua luam yeeb ib lwm rau ib tug niam txiv hauv tsev. Tus niam txiv no yuav tsum tsis txhob yog txiv tsev. Tus niam txiv no yuav tsum yog cov kwv tij txheeb ze ib tug. Nkawd tsab luam yeeb ib tug zuj zus rau niam txiv raws li nram no:

    "Kab no rau poj koob yawm koob."
    "Kab no rau txiv."
    "Kab no rau niam." Yog muaj niam hlob niam yau mas yuav tsum tsab ib leeg ib kab.
    "Kab no rau ib tsoom niam hlob txiv hlob."
    "Kab no rau ib tsoom niam ntxawm txiv ntxawm."
    "Kab no rau ib tsoom nus tij nus kwv."
    "Kab no rau ib tsoom muam phauj yawg laus."
    "Kab no rau ib tsoom niam dab laug txiv dab laug."


    Tsab luam yeeb txhua rau niam txiv lawm ces tus fi xov thiaj mus rub ib lub me nyuam rooj los txawb rau ntawm tag. Nws muab cawv los teev rau cov khob. Tus noj xwm mam li mus rub cov niam txiv ib tug zuj zus los zaum tuaj sab ped. Tus noj xwm tsaws cawv rau cov niam txiv ib leeg ob khob. Nws coj lawv sawv daws haus ib zeeg cawv:
    "Tuav nej cov cawv seb yuam. Peb sawv daws haus ib zeeg cawv seb yuam."

    Ua ntej niam txiv yuav haus tus fi xov ob khob cawv mas lawv sawv txaum yim ua nws tsaug li no:
    "Ua tsaug laid mog. Koj tsis cia li. Koj tseem yuav muab dej muab cawv saib peb sawv daws rau lub sam xeeb thiab. Tsam koj muaj chaw siv koj tsis pom qab muab siv ov mog."

    Tus fi xov thiaj li sawv txais yim tias:
    "Tsis txhob ua tsaug mog. Ib pas nyuag cawv qaub yaug ncauj xwb os. Txhob ua tsaug mog, nkim lo tsaug qhuav xwb mog."

    Ob tug fi xov thiaj li rov teev cawv rau hauv cov khob thiab tsaws kom txhua rau cov niam txiv uas zaum tuaj sab pem toj. Tus fi xov thiaj li ua nriav lus hais ntxiv tias:
    "Hais rau nej cov ua niam ua txiv, ua kwv ua tij. Wb tuaj no mas kuj tsis muaj tus lus tseem ceeb dab tsi thiab. Wb tuaj no ces yog wb tuaj rau ib lub xo rau niam thiab txiv paub. Niam txiv tom ub . . . (Hais niam txiv lub tog tub lub npe) tus tub N . . . (Hais tus tub lub npe) tau tuaj coj niam txiv N . . . (Hais niam txiv tom no lub npe) tus ntxhais N . . . (Hais tus ntxhais lub npe) mus ua txij ua nkawm lawm. Hais rau niam thiab txiv tsis txhob txhawj thiab tsis txhob nrhiav tus ntxhais. Hnub no niam txiv tom ub tuaj coj tau niam txiv tus tub tus ntxhais lawm ces cuag li yuav dua rhe niam txiv ib nplooj siab lauj. Thov rau niam rau txiv ho ua lub siab ntev thiab mog."

    Yog hais tias nkawd yuav teem tshoob thiab no ces nkawd hais ntxiv li no:
    "Tsis tag li ntawd thov hais ib los rau niam rau txiv. Niam txiv tom no ho nrhiav ob tug tub nrog niam txiv tom ub ntsuam dej ntsuam txhuv." Hnub no niam txiv tom ub coj niam txiv tub ntxhais mus peb hnub ces nws mam li coj rov tuaj saib niam saib txiv, tuaj ntos tshoob ntos kos rau hnub tim . . . (Hais lub liam piam uas niam txiv khoom ua tshoob ua kos.)

    Ob tug tub fi xov hais xaus ces nkawd mam li muab txoj siv ceeb (cov nyiaj fi xov qhwv nyob hauv) los cev rau tus sawv cev niam txiv:
    "Ntawm nov ces yog ib lub xo tuaj rau niam rau txiv. Wb muaj lus ua koj tsaug! Koj ho pab txais tseg rau niam rau txiv yuam. Lub pob no yog rau niam txiv. Lub pob ntawm no yog rau tus tsawb tshoob. Hos lub pob no ces luag hais tias ntaus txhuv tsis paub sib faib hno. Lub pob no rau ib tsoom niam hlob txiv hlob, niam ntxawm txiv ntxawm thiab ib tsoom nus tij nus kwv sawv daws. Koj tsis txhob xav li cas es koj pab txais tseg rau niam txiv mog." Tus fi xov cev kiag txoj siv ceeb rau tus sawv cev niam txiv los sis tus tsawb tshoob.

    Yuav muaj lus cov nyom mas yog lub sib hawm no. Nyob yav ntuj qub qab mas ib txhia niam txiv ntaim kom tau niam ib lub khaub tshos txiv ib lub khaub tshos tso mas niam txiv thiaj li txais lub xov. Yog tsis tau niam ib choj txiv ib choj mas niam txiv yeej tsis kam txais lub xov li.

    Muaj ib txhia txiv tsev mas txhob txwm tso nws tus poj niam mus ntaus tus ntxhais kom rov qab los tsev. Lub ntsiab lus uas tus txiv tsev tso tus poj niam mus ntaus tus ntxhais mas yog mus ntaim nyiaj. Thaum leej niam mus ntaus tus ntxhais txog tom tsev, tus vauv cov kwv tij muab nyiaj tus tus niam lawm. Tus niam tau nyiaj thiab rov qab los txog tsev lawm mas tus txiv thiaj li lees txais lub xov.

    Cov nyiaj fi xov nyob hauv txoj siv ceeb muaj txhij thiab tsis txhij los niam txiv tog ntxhais tsis tau hais dab tsi. Yog hais tias muaj tsis txhij, txog hnub tuaj xaus tshoob xaus kos lawv mam li kom nraug vauv tso ntxiv. Yog cov nyiaj muaj txhij lawm ces niamt xiv tsis hais dab tsi li lawm.

    Thaum tus sawv cev niam txiv txais txoj siv ceeb lawm, ob tug tub fi xov thiaj li sawv mus tuaj tom tag pe niam pe txiv:
    "Khwv poj koob yawm koob mog! Hnub no peb tuaj coj tau niam txiv tub niam txiv ntxhais lawm ces yuav dua lis rhe niam txiv ib nploog siab los thov niam txiv ho ua lub siab ntev lauj mog. Pe ib pes.
    Khwv txiv os mog! Hnub no peb tuaj coj tau txiv tub txiv ntxhais lawm ces yuav dua lis rhe txiv ib nploog siab los thov txiv ho ua lub siab ntev lauj mog. Pe ib pes.
    Khwv Niam os mog! Hnub no peb tuaj coj tau niam tub niam ntxhais lawm ces yuav dua lis rhe niam ib nploog siab los thov niam ho ua lub siab ntev lauj mog. Pe ib pes.
    Khwv ib tsoom niam hlob txiv hlob mog! Hnub no peb tuaj coj tau niam txiv tub niam txiv ntxhais lawm ces yuav dua lis rhe niam txiv ib nploog siab los thov txiv ho ua lub siab ntev lauj mog. Pe ib pes.
    Khwv ib tsoom niam ntxawm txiv ntxawm! Hnub no peb tuaj coj tau niam tub niam ntxhais lawm ces yuav dua lis rhe niam ib nploog siab los thov niam ho ua lub siab ntev lauj mog. Pe ib pes.
    Khwv ib tsoom nus tij nus kwv os mog! Hnub no peb tuaj coj tau nej nkauj nej muam lawm ces yuav dua lis rhe nej cov ua nus tij ib nploog siab los thov nej cov nus tij nus kwv ho ua lub siab ntev lauj mog. Pe ib pes.
    Khwv ib tsoom niam dab laug txiv dab laug mog! Hnub no peb tuaj coj tau niam txiv tub niam txiv ntxhais lawm ces yuav dua lis rhe niam txiv ib nploog siab los thov niam txiv ho ua lub siab ntev lauj mog. Pe ib pes.
    Khwv ib tsoom muam phauj yawg laus mog! Hnub no peb tuaj coj tau niam txiv tub niam txiv ntxhais lawm ces yuav dua lis rhe niam txiv ib nploog siab los thov niam txiv ho ua lub siab ntev lauj mog." Pe ib pes.

    Thaum ob tug tub fi xov tab tom pe ntawd niam txiv hauv tsev sawv txaum yim tsa nkawd hais tias:
    "Sawv tsis txhob pe lauj mog. Hnub no niam txiv tom ub tuaj coj tau niam txiv tub niam txiv ntxhais mus ua lub neej ces thov niam txiv tom ub txawj yuav los ho txawj hlub niam txiv tus tub tus ntxhais thiab no mog!"

    Niam txiv txais lub xo lawm no ces ob tug tub fi xov thiaj li dim kev los tsev:
    "Hais rau nej cov ua niam ua txiv paub. Wb rov qab mus tsev lawm. Puv peb tag kis hnub tim . . . (Hais hnub yuav rov tuaj xaus tshoob kos) wb mam li ho rov qab tuaj fim nej cov ua niam ua txiv dua mog."

    Cov niam txiv hauv tsev thiaj cheem nkawd zom zaws tias:
    "Nyob tham pem ib chim tso mam li mus tsev los mas."
    Los sis hais tias:
    "Mus no ces neb ho rov qab tuaj nawj."

    Ob tug fi xov thiaj li rov qab los tsev. Nkawd thiaj li los hais rau niam txiv tog tub hais tias nkawd mus fi xov thiab teem tshoob meej lawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 20th January 2018, 7:46 am