google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    cwjmemdub lub tsev pajhuam

    Share

    cwjmemdub
    Visitor
    Visitor

    Messages : 47
    Date d'inscription : 2010-06-04

    cwjmemdub lub tsev pajhuam

    Post  cwjmemdub on 16th June 2010, 7:54 pm

    [b]Lub chaw no tsim los ua chaw tshua
    Saum huab cua rau txhua leej
    Tsis hais txivneej los pojniam
    Nyob rau tiam neej kho siab
    Vim raug ntiab tawm tebchaws
    Yav tuaj tsaws lwm sab ntuj
    Txawm muaj txuj los lub siab
    Nyob tsis kiab nco yav tas
    Hav tiaj nras tiaj rhawv zeb
    Tej liaj teb zoov nuj txeeg
    Tsawm hnov deeg hauv nruab plaw
    Tej me chaw me muam Hmoob
    Nrog ncig thoob tuav tes rawv
    Nplej ua pawv zoo so siav
    Thaum kub hiav cuag hluav taws
    Sib seev daws kev sib nco
    Tsheej tag hmo mam mus tsev
    Ib leeg ev ib lub nra
    Tseem puag nqa dej taub dib
    Hnub tshiab pib dua li qub
    Muaj kev hlub yeej tsis nkees
    Tseem xav lees haujlwm kom ntau tshaj

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 17th June 2010, 2:35 pm

    Nyob zoo Cwjmemdub,

    Zoo siab nws tuaj tsim ib lub tsev paj huam rau hauv nov. Zoo kawg li, yog nws muaj paj huam no thov nws coj tuaj tso rau hauv nov, yuav khaws cia ua puav pheej rau tej xeeb leej xeeb ntxwv. Nws puas kam sau tag nrho nws cov paj huam txhua zaj coj tuaj teem cia rau hauv nov? Tsis ghais paj huam sib hlub, lub neej los kev noj haus. Txhua zaj yeej zoo rau peb Hmoob khaws ua puav pheej.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 17th June 2010, 6:24 pm

    koojziagkabzaug wrote:Nyob zoo Cwjmemdub,

    Zoo siab nws tuaj tsim ib lub tsev paj huam rau hauv nov. Zoo kawg li, yog nws muaj paj huam no thov nws coj tuaj tso rau hauv nov, yuav khaws cia ua puav pheej rau tej xeeb leej xeeb ntxwv. Nws puas kam sau tag nrho nws cov paj huam txhua zaj coj tuaj teem cia rau hauv nov? Tsis ghais paj huam sib hlub, lub neej los kev noj haus. Txhua zaj yeej zoo rau peb Hmoob khaws ua puav pheej.
    Me kooj, kuv cov pajhuam ces yog cov sau rau hauv vajsab xwb os.
    Laj laj mus tshawb thiab ces muaj sijhawm no mam li nqa tuaj thiab tuaj sau dua.
    Zoo siab ntsib koj hnub no.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 17th June 2010, 9:59 pm

    Cwjmemdub,

    Ua li os, yog nws nquag los mam copy los, yog nws tsis xyeej los nws mam tuaj sau xwb. Yog nws muaj caij no nws sau txog Peb Hmoob lub neej khwv tau khaws cia.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 28th June 2010, 2:50 am



    Nov yog kuv li pajhuam.
    Muab tuaj tso ntawm no rau cov phoojywg tau nyeem laug sijhawm.


    Me nkauj dai siab

    Me nkauj daisiab tus neeg siab zoo
    Nco ntsoov tuaj nroo rau Tswv Ntuj
    Nws thiaj pom wb kev hlub tsim nuj li luag lwm tus
    Lub siab puas tsus wb tau sib nrug
    Thov Tswv Ntuj muab lug los kom sib ze
    Thiaj tau ua ke sib hlub sib tawb
    Ua qhov chaw txhawb wb ob lub zog
    Kom kev npau suav rhais los yog lub neej tiag
    Koj tej lus npliag kuv lub siab
    Koj tus ntxhiab nqa tuaj kuv hnia
    Yuav nco ntsoov khaws cia rau hauv nruab plawv
    Kom dej hlub txhawv ywg thaj chaw no
    Thaj chaw sib nco ntawm wb ob leeg
    Kuv lub siab ntseeg tias thaum hli nra
    Nws yuav pab nqa kuv lub suab saub
    Tuaj qhia koj paub tias kuv hlub koj
    Hnubqub tsis ploj ces kuv lub plawv
    Yeej tsawm nyob rawv nrog koj lub siab
    Nyob mus ib txhiab tsis muaj hnub ncaim



    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 28th June 2010, 2:58 am




    Thaj chaw tsis muaj neeg tuaj



    Thaj chaw tsis muaj neeg tuaj
    Koj yog lub tshuaj dai kuv lub siab
    Nco koj tus ntxhiab tsis xav ncaim
    Kua muag si laim thaum txog caij nyoog
    Uas yuav tau ntoog lub plawv tawg pleb
    Ncaim koj sab teb mus rau ntuj tsaus
    Nyob txog hnub laus yuav pos huab niab
    Lub kua muag iab yuav tsis paub tu
    Lub suab niaj hnub hu koj lub npe
    Txawm yuav los te xaus naus dawb paug
    Yuav hu kom qaug lub zog txhav tas
    Cia ntshav nrog zas kom xaus naus liab
    Seb puas ci ntsa iab li lub qab ntuj
    Rau koj tuaj tsuj kuv tej hneev taw
    Kom txhua wb tej chaw sib hlub sib nco
    Vim thaj chaw no kuv yuav rov tuaj
    Nrog koj muab luaj ua lub vaj paj
    Cog cov paj hlub kom kaj wb siab
    Thiab muaj cov ntxhiab zoo li koj tus
    Rau kuv tuaj mus hnia nas thaj chaw tsis muaj neeg tuaj



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 1st July 2010, 10:23 pm



    Nyob zoo Cwjmemdub,

    Kuv tsis txawj paj huam ces kuv nqa ob daim duab tuaj dhos rau nws cov zaj xwb. Vam tias yuav raug nws siab thiab. Kuv khoom, kuv yuav muab nws daim duab los tso rau nws lub tsev, nws puas kam thiab?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 1st July 2010, 10:34 pm

    koojziagkabzaug wrote:

    Nyob zoo Cwjmemdub,

    Kuv tsis txawj paj huam ces kuv nqa ob daim duab tuaj dhos rau nws cov zaj xwb. Vam tias yuav raug nws siab thiab. Kuv khoom, kuv yuav muab nws daim duab los tso rau nws lub tsev, nws puas kam thiab?
    Nyob zoo os kooj,

    cia kom neeg tuaj coob me ntsis tso mam tso. Tso tamsim no ces tsam tsis muaj neeg tuaj nyeem lawm. hehehe. Tsam lawv ntshai nas.

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 1st August 2010, 9:20 am

    Hmo Hli Nra


    Ntuj huv si
    Ci mus thoob nriajteb
    Muaj ib txoj kev tsheb nkhaus nkoj nkhaus nkoov
    Hauv ib lub hav zoov tsis muaj ib tug neeg nyob qhov twg
    Tej me lwg tsawm dai dawb pes vog
    Ib tug txiv neej tuaj ntog tuav nkaus nws lub hauv siab nyem ruaj ruaj
    Nws quaj quaj kua muag si laws ntub plhu tas
    Hnov ib lub suab ncas nrov nrov hauv nws hnab tshos
    Hnov tshoob kos zoo li muaj neeg zawj nyab
    Ntshe yuav tsis yog tus txiv neej no khiav dab tiamsis ntshe yog lub siab lwj
    Ua tsis tau ywj li lub siab xav
    Hmoob kev neej kev tsav txeeb tau tus hlub lawm
    Khia tuaj rau nas noog cawm seb txoj sia yuav mus li cas
    Plawv ua kas tsis muaj dabtsi yuav kho tau
    Thiaj tuaj tsau dej tsau nag
    Lub ntuj dag coj nws los ntsib
    Tus neeg sib sib hlub tiam no
    Tsawm muab kev hlub tso kom plam mus
    Muab kev ntshaw pus nqa lawm du lug
    Ua ib tug neeg pluag kug txoj kev sib hlub
    Lub neej tom ntej tsis muaj lub hnub yuav tawm tuaj ci
    Kom nrog lub hli tsom rau siab ua noj
    Lub qhov plawv to twb yoj ib tug txiv neej yawg lub nrig
    Nplaim taws cig ntshav npau xi
    Tawm ruag rhi lo thoob ib ce
    Lub siab me thiaj tau tsaus muag
    " Hwj hwj hwj.........txoj kev tuag lawm xwb
    Yog daim rwb yuav pua kom lub siab zooj
    Hmo no qaib twb nce cooj tsis pom Pajntshuanplaim tuaj cuag
    Nws yuav ua li cas mus nrog luag ua lub neej tsaus ntuj nti
    Luag muab kuv tes khi thiab hawv tias yog tsis ntoo kaus mom hlau
    Kom yeej meem khiav kom dhau mus lawm ib qho chaw muag tsis pom
    Thiab luag tsawm kom kuv cia li hloov npe tshiab
    Kom ib txhiab Pajntshuanplaim nug tsis tau moo li lawm
    Kuv lub sijhawm los twb tag rau hmo no
    Hli nra tso kev kho siab nrog kuv ua luag
    Lub kua muag ntshe yuav yog lub kawg
    Plawv twb tawg yuav tsis muaj leej twg kho tau
    Yog txoj kev sib sau ua neej nrog Pajntshuanplaim
    Yuav sib ncaim li luag tau hawv tseg
    Kuv me Pajntshuanplaim, tag kis lub hnub ntseg koj tuaj rau nram kwj deg saib kuv lub cev ua zaum kawg
    Thov nqa ib lub pajntshuanplaim tuaj nkawg rau kuv tau nqa mus
    Nrog rau tej lus hlub thiab lus qabzib koj xav hais
    Luag txawm muab wb kev hlub cais los kuv yuav nco ntsoov
    Yuav tsis hloov kuv txoj kev hlub koj
    Kuv mam mus nyob saum ntav toj ntawm txoj kev khaub lig
    Tos kom txog hnub wb ob tug ntsuj plig tau los sib tuav tes
    Nyob ua ke li dej thiab ntses mam mus thov ntawv dua
    Kom txoj kev sib tshua muaj mus tsis paub kawg
    Koj lub plawv tawg kuv mam ua dab rov los cawm
    Kom koj nyiaj taus tos txog lub sijhawm lawv tau kuv qab
    Koj txhais npab txhob muab rau luag ncoo
    Txawm luag nroo los ua lub siab tawv qhawv
    Khaw wb tej ntaub ntawv sib hlub ua chaw tshua
    Muab nyeem kom ua kua kom luag hnov es uv tsis taus
    Yog luag paub tias cog tau lub hauv paus kev hlub yuam kev lawm
    Koj thiaj li yuav tau kev tawm tuaj caum kom wb sib cuag
    kuv txoj kev ntsuag hmo hli nra ntev npaum ob peb tiam
    Ntsia tus ciam ploj loog puag tim npoo ntuj
    Daim ntawv no sau los khuj rau koj tias kuv lub kua muag
    Los loj cuag li nag xob nag cua
    Txawm muab ntxhua los yeej khub lub plawv
    Ua dej cawv lom lub siab lub ntsws
    Wb kev tws rhiav tsis tau lwm txoj hauv kev lawm
    Thaum hnub tawm ces yog lub caij kuv siav tu
    Mam los hu ob peb suab kom koj paub
    Tawm mus saub qhia rau lub hli hais tias
    Cas nws thiaj cia luag tuaj ntxias koj niam thiab koj txiv
    Kom siab tsiv rau tus neeg pluag
    Txawm yog ntsuag los lub siab hlub tiag
    Tsis muaj nyiajtxiag los mam khwv thaum wb sib tau
    Tub phua tsau tab tom npaj siab
    Mus nrhiav kiab coj tsau mus muag
    Mam lov ntsuag los rau koj hau
    Txiv hmab txiv ntoo muaj ntau tab tom npaj siab mus
    De tej me zaub qus rau tus neeg zoo nkauj pab zov
    Yog nws muag ces tsis tas thov yuav tsis txaus luag yuav li
    Zaum no yuav hais lus ntxhi vim suab tsis nrov lawm
    Kuv lub sijhawm cuag koj ces tas li no
    Zoo hnub zoo hmo wb mam sib ntsib hauv tus npau ntub
    Muab wb txoj kev hlub rov los taug ua chaw tshua
    Tseg nthwv cua txias zias rau koj lub siab lawm xwb mog tus neeg kuv hhlub"


    Last edited by cwjmemdub on 2nd August 2010, 1:26 am; edited 2 times in total

    Liajlwg
    Developer
    Developer

    Messages : 186
    Date d'inscription : 2010-07-01

    Re: cwjmemdub lub tsev pajhuam

    Post  Liajlwg on 1st August 2010, 11:56 am

    Nyob zoo Cwjmemdub,

    Koj txawj sau paj huam zoo kawg, kuv thov qhuas koj os nawv, yog koj tsis xav li cas thiab no
    kuv tuaj sau zaj puav nrog koj ua hluag nyob hauv no os nawv. kuv kuj muaj tej zaj yog lub neej thaum hluas tsis tau tus yus hlub ib yam lis koj cov zaj tau sau los no thiab, zoo siab koj tshaj lij kawg os nawv.

    NCO QUB PHOOJ YWG

    Xyoo 1975 thaum lub 5 hlis
    Hmoob txhua tus tau kev ntsim siab
    vim nplog liab lub siab tsis zoo
    raws Hmoob tua rau txhua lub roog
    Nyob toj roob los kuj ib yam
    kua muag ntshav ntub txog peb
    thiaj tawm teb mus rau thaib sab
    thiaj tso tas txhua yam pov tseg
    rau luag yuav nyob ua luag tug

    kuv nplooj siab tus uas kuv hlub
    ncaim ntau hnub tsis hnov xov
    tus siab nrho mus rau thaib teb
    ua vaj tsev nyob yeej thoj nam
    mam li xam nrhiav ua tus tshiab
    nyob yeej kiab kuj muaj nkauj ntau
    Kuj nrhiav tau tus ntxim lub siab
    me nplooj siab kuj kaj lawm ntau

    nyob los txog rau xyoo 1979
    hmoov tsis muaj tso tus hlub tseg
    siab dua nrhe nyob rau ib sab
    txhob muab xav lub siab thiaj kaj
    xav los txog mas tu siab kawg
    teb chaws tawg nyob zoo li no
    cas yuav nco lub neej thaum ub
    nrog tus hlub uas yus tsis tau
    yog xav ntau ces kawg dai tuag
    txawm tsis tuag los kuag muag si
    muag luag ntxhi los siab lwj dhi
    nyob ib txhis tsis yeej ploj
    vim nco koj kuv me nplooj siab

    hmoov los txog mam tos lwm tiam
    yog hmoov tiam yeej yuav nrov ntsib
    dua koj ntxiv li yav thaum i
    nyob luag ntxhi hmo wb ob leeg
    hauv lub yeej thoj nam tawg nrog
    mov tsis noj los yeej tsis tshaib
    vim koj haib koj ntxim hlub dhau
    nkauj muaj ntau tsis zoo li koj
    koj thiaj nyob hauv kuv lub siab
    tsis txawj ploj txog niaj hnub no os me nplooj siab.

    Photobucket

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 1st August 2010, 4:30 pm

    Nyob zoo os Liajlwg.

    Zoo siab koj tuaj nrog kuv sau pajhuam os.
    Muaj dabtsi los kav tsij coj tuaj sau kom peb s/d thiaj li tau nyeem laug hnub laug hmo.
    Lub tsev no tos txais txhua tus txhua lub sijhawm.

    Liajlwg
    Developer
    Developer

    Messages : 186
    Date d'inscription : 2010-07-01

    Re: cwjmemdub lub tsev pajhuam

    Post  Liajlwg on 1st August 2010, 6:59 pm

    cwjmemdub wrote:Nyob zoo os Liajlwg.

    Zoo siab koj tuaj nrog kuv sau pajhuam os.
    Muaj dabtsi los kav tsij coj tuaj sau kom peb s/d thiaj li tau nyeem laug hnub laug hmo.
    Lub tsev no tos txais txhua tus txhua lub sijhawm.

    Ua tsaug os Cwjmem,

    Kuv ces sawv tom hav nyom los sau paj huam xwb, nej cov paub sau sim nyeem saib puas yog thiab os?
    Yog qhov twg tsis yog no los ho pab qhia thiab no nawv, ua tsuag.

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 2nd August 2010, 1:31 am

    Liajlwg wrote:
    cwjmemdub wrote:Nyob zoo os Liajlwg.

    Zoo siab koj tuaj nrog kuv sau pajhuam os.
    Muaj dabtsi los kav tsij coj tuaj sau kom peb s/d thiaj li tau nyeem laug hnub laug hmo.
    Lub tsev no tos txais txhua tus txhua lub sijhawm.

    Ua tsaug os Cwjmem,

    Kuv ces sawv tom hav nyom los sau paj huam xwb, nej cov paub sau sim nyeem saib puas yog thiab os?
    Yog qhov twg tsis yog no los ho pab qhia thiab no nawv, ua tsuag.
    Liajlwg, koj yeej sau tau zoo kawg lawm mas. Hom koj sau no mas neeg siv rau nkauj ntau dua vim nkauj ces thaum seev suab ces yeej npliag heev li lawm. Hos yog koj yuav hais ua lus no ces lub suab sib npliag yuav tsum mus ib seem thiaj li zoo mloog xwb.
    Kuv los tsawm tuaj xyaum thiab xwb yog qhov twg tsis zoo los s/d ho nrog kho rau.

    Liajlwg
    Developer
    Developer

    Messages : 186
    Date d'inscription : 2010-07-01

    Re: cwjmemdub lub tsev pajhuam

    Post  Liajlwg on 2nd August 2010, 8:00 am

    cwjmemdub wrote:
    Liajlwg wrote:
    cwjmemdub wrote:Nyob zoo os Liajlwg.

    Zoo siab koj tuaj nrog kuv sau pajhuam os.
    Muaj dabtsi los kav tsij coj tuaj sau kom peb s/d thiaj li tau nyeem laug hnub laug hmo.
    Lub tsev no tos txais txhua tus txhua lub sijhawm.

    Ua tsaug os Cwjmem,

    Kuv ces sawv tom hav nyom los sau paj huam xwb, nej cov paub sau sim nyeem saib puas yog thiab os?
    Yog qhov twg tsis yog no los ho pab qhia thiab no nawv, ua tsuag.
    Liajlwg, koj yeej sau tau zoo kawg lawm mas. Hom koj sau no mas neeg siv rau nkauj ntau dua vim nkauj ces thaum seev suab ces yeej npliag heev li lawm. Hos yog koj yuav hais ua lus no ces lub suab sib npliag yuav tsum mus ib seem thiaj li zoo mloog xwb.
    Kuv los tsawm tuaj xyaum thiab xwb yog qhov twg tsis zoo los s/d ho nrog kho rau.

    Cwjmem,

    Kuv ces tsis tau sau dua es lam xav lam sau xwb yeej tsis paub tias muaj pes tsawg hom li os.
    ua tsaug koj tuaj qhia kuv os nawv.


    Photobucket

    IB LEEG NYOB IB SAB NTUJ

    Kuv nyob mesliskas koj nyob fabkis
    yuav tas ntuj twg wb mam sib ntsib
    yuav yog thaum twb wb mam sib pom
    toj roob hauv pes quas koj rau ib qho
    puas yuav muaj hnub rov tau sib cuag.
    Dej hiav txwv quas koj rau ib sab ntuj
    yuav ua li cas thiaj rov tau sib hlub
    nyob deb ua luaj no tsis hnov koj xov
    tsis hnov koj moo yuav yog tsawg xyoo
    puas muaj txoj hmoo yuav tau nyob ua ke.
    Dej dag quas wb ib leeg nyob ib sab teb
    quas wb txoj kev hlub los lawm ntau xyoo
    puas muaj txoj hmoo, puas muaj txoj hmoo
    nyob deb ua luaj no, nyob deb ua luaj no
    koj puas paub hais tias nco koj ua luaj os.





    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 18th May 2011, 8:59 pm

    Hmoob Fabkis lub ntuj zoo li cas
    Ntev heev tsis xyeej sijhawm tuaj
    Rov tuaj txog xav tias ntshe vaj tse puas tas
    Tiamsis Hmoob Fabkis tsawm cia nws nyob ruaj

    Txawm tias ib xyoos yuav ntsib ib zaug xwb
    Los lub siab yeej nyob rawv thaj chaw no
    Thaum sib nco mam tuaj co tswb
    Seb sawv daws puas tuaj lom zem xauv npo

    Nujyob tsis paub sau pajhuam
    Thiaj cia nees mus nees nyuj mus nyuj
    Yog muaj tus txawj thov los thuam
    Lwm zaus mam sau dua seb puas ya nto ntuj

    Nram qab no yuav sau ua piv txwv
    Cia tau sib qhia txog kev sau
    Tiamsis Nujyob yog neeg kawm tsis muaj tswv
    Sau tau hem hem neeg los thov txhob luag rau
    --------------------------------------------
    Lwb paj ntshua nplaim nyuam qhuav pib tawg
    Tab tom tsw tsw qab
    Mi ntab mi muv ntsauv tsheej pawg
    Tiamsis muaj tus poj kab laug sab

    Saib ntsoov tus twg tsaws yuam kev
    Muab tes taw khi kiag ua ke
    Cab tawm ntawm paj ntshua nplaim lub tsev
    Ua tib zoo zaum mam muab lub plawv de

    Tus twg nti dim lawm
    Yuav paub cai dua qub
    Rov tuaj txog yuav ua zoo hawm
    Tsis pub muaj lo lus kub

    Xav tau ua sev yuav tsum fwm
    Hais lus kom qabzib tshaj tej tau hnov los
    Leej twg ua tau paj ntshua nplaim vwm
    Muab tso ntawm nws tav thiaj yuav dhos

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 19th May 2011, 10:00 am



    Nyob zoo Nujyob,

    Cas nws rau qhov twg
    Tsis pom nws rov los tuaj xyuas me qwj
    Cas nws ua dawb tsi lawm
    Me qwj tos tos nws kawg...

    Nujyob, nws mus tsis tuaj
    Me qwj nyob kho siab khuav
    Nws mus tsis rov
    Me qwj tseem ua mov tos

    Nws tias nws mus tua nas
    Cas nws lawm ncaj qha?
    Nws tias nws tua noog
    Cas nws mus lawm ntev loo?

    Nws rov tuaj txog
    Nws nim ua rau vaj tsev sov so
    Nws rov tuaj hais paj huam
    Cas yuav zoo siab ua luaj...

    Yog nws rov mus tsev
    Txhob mus ntev ntev
    Tsam peb txhua leej lub zog qaug
    Ntshe yuav ceeb laj tos txog lwm niaj xab zaud...Lawm os mog...Kub me Nujyob...!




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MayPaj
    Spammer
    Spammer

    Messages : 490
    Date d'inscription : 2010-02-25

    Re: cwjmemdub lub tsev pajhuam

    Post  MayPaj on 19th May 2011, 10:15 am

    Maiv Tooj,
    wb ces nyob tsev nqeeb xwb es cwj tuaj thaum twg nws thiaj tsis los txheeb
    wb ces nyob tsev vuas cwj tuaj ces nws thiaj tsis los xyuas

    Cia wb nyob tsev tawg paj, txawm neeg coob neeg ntau tuaj tsis los ncaj los wb nyob tau lub siab kaj .
    Cia wb nyob tsev txi txiv, txawm neeg coob nteeg ntau tuaj tsis los ntxiv los wb nyob tau siab kaj mus ib txhis.


    nz nz nz nz



    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 19th May 2011, 6:59 pm

    Nyob zoo os MeQwj thiab Maypaj.

    Twb yog muaj neb es Nujyob thiaj li tuaj txog ntawm no
    Vim txoj kev nco txog ob tug phoojywg siab dawb
    Txawm tias tuaj tawb tau nchav me ntsis
    Txhob muab txim kuv ris tsam ntog sawv tsis taus
    Xav tuaj thov haus neb kua zaub tsuag
    Tsis yog tuaj cuag vim xav haus kua nceb
    Nyob kev deb deb thiaj tuaj tsis tau
    Thiab tsis muaj tsau li lub siab xav
    Nas noog puv hav yeej xav nyob kawg
    Sijhawm txhob tsawg yuav nyob kom ntev
    Noj txiv kub nyug ntsw ntsev kom hniav rhiab tso
    Xwv ntses ua hmo ces yuav ua tsaug
    Nrog neb noj kom qaug thiab yuav qaib ntim su
    Yuav mov nplej tshiab ncu noj txuag thiaj qab
    Nyob zos cab sab xwb los zoo heev
    Yog muaj neb deev tau lub siab kho
    Kuv mam li nco ntsoov tuaj saib neb thiab cov phoojywg dua mog

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 21st May 2011, 9:43 am



    Nyob zoo Cwjmemdub,

    Zoo siab nws tseem nco ntsoov txog nws ob tug phooj ywg yaj sab nyov qab tsuas ntab
    Ua tsaug nws tseem tuaj thuv Maypaj wb lub zos ntsuag nos.

    Xav kom nws tuaj tso zaj puav paj huam tau khaws ua tshuaj
    Xav kom nws tuaj hais zaj puav paj lug tau khaws ua Peb Hmoob teeg tug.

    Ua tsaug rau nws ua ntej, vam tias nws yuav rov qab tuaj xauj peb qhov tsev.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: cwjmemdub lub tsev pajhuam

    Post  Hmong ntuj tshiab on 10th February 2012, 5:09 pm

    cwjmemdub wrote:Hmoob Fabkis lub ntuj zoo li cas
    Ntev heev tsis xyeej sijhawm tuaj
    Rov tuaj txog xav tias ntshe vaj tse puas tas
    Tiamsis Hmoob Fabkis tsawm cia nws nyob ruaj

    Txawm tias ib xyoos yuav ntsib ib zaug xwb
    Los lub siab yeej nyob rawv thaj chaw no
    Thaum sib nco mam tuaj co tswb
    Seb sawv daws puas tuaj lom zem xauv npo

    Nujyob tsis paub sau pajhuam
    Thiaj cia nees mus nees nyuj mus nyuj
    Yog muaj tus txawj thov los thuam
    Lwm zaus mam sau dua seb puas ya nto ntuj

    Nram qab no yuav sau ua piv txwv
    Cia tau sib qhia txog kev sau
    Tiamsis Nujyob yog neeg kawm tsis muaj tswv
    Sau tau hem hem neeg los thov txhob luag rau
    --------------------------------------------
    Lwb paj ntshua nplaim nyuam qhuav pib tawg
    Tab tom tsw tsw qab
    Mi ntab mi muv ntsauv tsheej pawg
    Tiamsis muaj tus poj kab laug sab

    Saib ntsoov tus twg tsaws yuam kev
    Muab tes taw khi kiag ua ke
    Cab tawm ntawm paj ntshua nplaim lub tsev
    Ua tib zoo zaum mam muab lub plawv de

    Tus twg nti dim lawm
    Yuav paub cai dua qub
    Rov tuaj txog yuav ua zoo hawm
    Tsis pub muaj lo lus kub

    Xav tau ua sev yuav tsum fwm
    Hais lus kom qabzib tshaj tej tau hnov los
    Leej twg ua tau paj ntshua nplaim vwm
    Muab tso ntawm nws tav thiaj yuav dhos

    Rov npau suav ntsib nws
    Hmoob ntuj tshiab---------------txoj ua kev hlub
    Ntuj thaum ub-------------------nyob zos toj siab
    Ntsib nplooj siab-------------uas zoo tshaj plaws
    Tau tham ntxaws-------------txoj kev ntxim siab
    Huab zig niab-------------me nplooj zeeg tshaws
    Tim teb chaws------------------ua rog ntxov niab
    Me nplooj siab-----------------wb thiaj sib ncaim
    Mus nyob nraim-----------------rau leeg rooj teb
    Ncaim mus deb----------------nyob leeg sab ntuj
    Nplooj siab yuj----------------ua neej tsaus nciab
    Ua mob iab--------------------tham tsis tau tawm
    Kev txij nkawm-------------------thiaj tsis tau pib
    Nplooj siab ib---------------nws thiaj plam lawm
    Lub keej khawm----------------txoj uas kev hlub
    Ntuj thaum ub-----------------nyob tuam laj tsua
    Pem roob qhua----------------nyob koom zej zos
    Niaj hmo yos--------------------tuaj nyob sib zov
    Sib xa xov---------------------txog txoj kev plees
    Hais seev yees--------------------tsis xav tso tseg
    Mob tej teg--------------------ua plawv yuav nres
    Yam tus ntses------------------tau pas dej ntshiab
    Nyob kaj siab-----------------mus lawm tag hnub
    Tsov rog dub-------------------txiav kev sib yuav
    Cuag ntuj nchuav-----------------lub ntiaj teb tig
    Av thiaj nkig--------------------dej nyob li nphau
    Sib ncaim tau----------------peb caug tawm xyoo
    Koj lub moo-----------------------twb ploj zuj zus
    Wb tej lus---------------------------uas tau cog cia
    Twb mob ntxhia-----------------yuav rov qab zoo
    Tseg tsis nroo----------------------ua siab tsis nco
    Cas nag hmo----------------------ho rov npau suav
    Pom koj tuav-----------------------kuv ib sab npab
    Zaum ib sab---------------------tham txog kev nco
    Sim neej no--------------------------cas nco ua luaj
    Pom koj quaj--------------------kua muag ntws sis
    Kuv khoov ntshis---------------muab kuv tes tsho
    Coj los so-------------------------koj cov kua muag
    Kuv khawm puag ----------------koj rau xub ntiag
    Ib me pliag-------------------------koj kua muag tu
    Hnov koj hu----------------------kuv lub npe thiab
    Hmoob ntuj tshiab-----------------yog tiag los dag
    Zaum no ntag--------------------xav kom yog tiag
    Kuv tig kiag-----------------------los tuav koj plhu
    Tsa ncauj hu-----------------------tias me xab yeeb
    Yeej yog tseeb------------------tsis yog npau suav
    Wb tham dhuav-------------------ces wb mus tsev
    Taug tej kev-------------------------nce toj qis hav
    Pom siv lav---------------------tawg paj dawb vog
    Noog poog pog---------------ntxais paj zom zaws
    Paj zeeg tshaws-----------------------rau ub rau no
    Wb tig hlo-----------------------saib rov pem roob
    Pom hav xyoob------------------hav ntoo kaj nrig
    Hnov nraj yig-----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua
    Hnov cuab npua----------------puag pem nej zos
    Suab kab nqos-----------------quaj kho siab tshaj
    Txiv nqos ntsaj------------------siav kawg kiag li
    Wb luag ntxhi----------------------mus de los noj
    Kuv saib koj------------------------yeej zoo li qub
    Tseem ntxim hlub----------------li ntuj yav dhau
    Kuv tseem yau----------nyuam qhuav tiav hluas
    Wb tham txuas-----------------tsis muaj tsawg lo
    Ces wb ho-----------------------mus tim tsua ntab
    Hnov suab kab--------------quaj saum ntsis ntoo
    Cua tuaj loo----------------------ua ntoo rawv tag
    Wb tso dag-------------------tham luag mob plab
    Tau sib thab-----------------------sib zeg taug kev
    Pom txiv cev----------------------siav daj pes vog
    Wb mus txog-------------------puag pem toj roob
    Pom ntsuag xyoob------------sam leej zom zaws
    Wb tshwm plaws-------------pem dej cawm siav
    De nplooj txhiav-------------------los ce dej haus
    Sib tham txaus-------------mus txog kev tshuam
    Tej lus xuam------------------yav puag thaum ub
    Kev sib hlub-----------------------rau sim neej no
    Kuv mas nco-------------------- tuav rawv koj tes
    Wb mus nres------------------puag pem roob siab
    Tham xiv nqiab----------------ncig mus yuj yeev
    Koj txawm seev---------------suab hais lus taum
    Wb mus zaum--------------puag nram toj ntxhab
    Hnov suab kab-----------------quaj nrov zig ziag
    Cua tuaj ntxiag------------------wb cev txias zias
    Siab yuj lias--------------------tsis xav ncaim koj
    Wb tig zoj-----------------------saib tim roob zeb
    Hmoob luaj teb---------------ntuag toj ntuag pes
    Wb sawv nres-----------------saib pem roob zoo
    Pom hav ntoo---------------ntsuab xiab tsaus nti
    Wb thiaj li----------------------rov mus nuam yaj
    Kho siab tshaj----------------tsis xav ncaim mus
    Wb tej lus---------------------tham seev yuj yees
    Txoj kev plees----------------yav puag thaum ub
    Kev sib hlub--------------------nyob zos toj siab
    Zoo ntxim siab-------------------sib pab ev nplej
    Caij kwv dej--------------------tej chaw sib tawb
    Hav paj dawb------------------------fab ti kwj tse
    Tim ncauj ke-------------------kev ncaim nce toj
    Kuv thiab koj-------------------mus dob teb zaub
    Noog puj daub-------------quaj nrov ntsho nrooj
    Hmoob tshuab nplooj---------nrov kho siab zim
    Sab puag tim---------------------toj roob kuj yem
    Nyob puag pem--------------lawv roob teb npleg
    Tshuab tsis tseg------------suab nplooj xiv nqiab
    Nrov kho siab-------------------tshaj plaws li tiag
    Suab nplooj ntsiag---------------puag tim ntav toj
    Wb rov zoj----------------------los mus tsev lawm
    Ces koj txawm-------------------khawm kuv puag
    Wb ho zuag------------------tham lus tseem tseeb
    Lus meej xeeb----------------wb tham khee kawv
    Wb los sawv----------------------tim pas dej dawb
    Dawm sib tawb------------------tham kev sib nco
    Sim neej no--------------------------nco koj luaj li
    Tham lus ntxhi--------------------rau koj tsis tseg
    Hnub tuaj ntseg---------------------wb tig rov qab
    Tuaj koj npab--------------------los txog ntug zos
    Hmoob tuav cos -------------suab nrov doog diaj
    Hnov suab tsiaj------------------sib tog zom zaws
    Wb tshwm plaws--------------ntawm nej tog tsev
    Sib tham ntev-------------------tsis xav sib ncaim
    Koj nyob nraim--------------hauv kuv nruab siab
    Cia xyoo tshiab-----------------wb mam sib yuav
    Kuv quaj zuav--------------------tsis xav rov qab
    Koj siab fab----------------------tsis xav sib nrug
    Siab kub lug--------------------txog kev sib tshua
    Ob leeg ua --------------------kua muag ntws nto
    Sim neej no-----------------------sib nco luaj tiag
    Quaj kawg kiag-----------------vim sib nco dhau
    Lawv thiaj tau---------------sawv phov txaj nrov
    Kuv thiaj hnov------------------tsim dheev los no
    Ua cas ho----------------------yog npau suab xwb
    Kua muag twb-------------ntxaum hauv ncoo tag
    Hais cuag dag-----------------ntub tog hauv ncoo
    Nws ntub loo---------------npaum xuas dej tsuag
    Rov qi muag------------------kom npau suav dua
    Lawv sawv ua-----------------tshais ntxov los noj
    Dab ntub ploj-----------------mas chim siab dhau
    Zaum tsaws npau------------kho siab tshaj plaws
    Vim teb chaws---------------thiaj tau ncaim mus
    Wb tej lus----------------------tau hais qhov tseeb
    Thiaj khuam xeeb--------------ua kua muag nrog
    Nco los txog---------------------niaj hnub nim no
    Kuv thiaj nco-------------------------koj ua luaj li
    Hnub thawm hli------------thiaj tshem tsis tawm
    Kev txij nkawm---------plam thaum ntawd kiag
    Koj tig ntiag-----------------nrog niam txiv nyob
    Kuv siab mob---------------cuag kua txob ntsim
    Lub siab chim--------------------mob tag ib tiam
    Vim koj niam--------------------koj txiv tsis kam
    Wb thiaj plam-----------------kev ua txij nkawm
    Kuv khiav tawm----------------tuaj rau thaib sab
    Txoj kev tab---------------------lub cuab lub yig
    Nws thiaj tig--------------------mus rau lwm tus
    Hmoob leej nus-----------------thiaj tsis tau koj
    Lub plawv ntoj-----------------ces siav yuav yaj
    Nco koj tshaj--------------------nyob rau tiam no
    Xyov yuav nco---------------mus txog hnub twg
    Me phooj ywg--------------------tus kuv hlub e!!
    Es koj ne!! --------------------puas nco kuv thiab
    Hmoob toj siab---------------------tus cev tsis loj
    Koj niam noj-----------------------dab tsi yug koj
    Zoo tam zoj-----------------me ntxhais nkauj hli
    Es thiaj ci---------------------mus thoob ntiaj teb
    Ua rau peb-----------------------nco nej tag hnub
    Vim tus hlub-----------------poob tom qab lawm
    Kev txij nkawm----------------thiaj ncav tsis tau
    Nws thiaj dhau----------------------mus zoo li no
    Wb thiaj nco-----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub
    Kuv thiaj rub---------------------tsis tau koj npab
    Ua kuv nyab------------------mus nrog kuv nyob
    Siab thiaj mob-----------------cuag dej kub npau
    Nws thiaj dhau------------------mus ua dab neeg
    Muab tham deeg----------------nrog huab cua ya
    Li thov xa--------------------------ib tsab xov tuaj
    Nrog suab quaj----------------saib koj puas hnov
    Neej nram ntxov----------------nyob qub zej zos
    Yog yuav tos-------------------ntev npaum li cas
    Siab khis ras-------------------cuag rwj aws ncus
    Tham lo lus-------------------yeej hais tsis tawm
    Kev txij nkawm----------------yog yuav rov pib
    Saib puas ntsib------------------nyob rau tiam ob
    Neej pov plob-----------------puas nphau rov los
    Tej lus ntos--------------------------seev koj tas li
    Zais tuag nthi----------------rau hauv nruab siab
    Koj tus ntxhiab----------------kuv tseem cim cia
    Ntsib mam qhia----------------rau koj lawm xwb
    Hais txog wb-------------------lub neej pem suab
    Thov saub muab------------wb ntawv nyiaj keeb
    Los nrog teeb----------------ua ntawv puaj txwm
    Tuav keeb kwm---------------kom ho muaj ntxiv
    Thiaj tsis chiv-------------------kev mob siab dua
    Xws nthwv cua---------nplawm ntuj ntws lawm
    Kom hmoov sawm-------------wb txhob sib cais
    Yog yuav hais----------------yeej tham tsis txhua
    Thiaj li ua----------------------npau suav pom koj
    Siab ntsws ntoj-----------------nco koj heev dhau
    Thiaj li tau-------------------muab los tham tawm
    Kom plawv nqawm-----------siab ntsws ho nqig
    Tej tsuj plig-----------------------rov los puab cev
    Siab ho ntev--------------------ua neeg mus ntxiv
    Yog yuav chiv--------------------npau suav li qub
    puas muaj hnub----------------rov tau lawm mog
    Tseem xav txog-----------------lub neej yav dhau
    Wb tseem yau-------------nco npaum nkauj hnub
    Ntsib dab ntub-------------tseem tham luag ntxhi
    Txiv nraug hli-----------------nco koj tshaj plaws
    Yog tham ntxaws-------------ces kua muag poob
    Me nkauj Hmoob--------------tus me ntxim hlub
    Nkauj dab ntub-------------txiv nraug npau suav
    Tham tsis dhuav-------------------ua ke tsis txaus
    Hais tsis xaus-----------------------tej lus sib hlub
    Nkauj dab ntub------------thiab nraug npau suav
    Nws puas tshuav--------------ib zaug lawm thiab
    Hmoob toj siab-------------------tus me neeg zoo
    Yog puag loo-------------------mus yeeb yaj kiab
    Thiaj zoo siab-------------------os me leej muam
    Tej lus xuam----------------thov tsis txhob chim
    Vim koj poob----------------------mus rau ib sab
    Kuv thiaj npab--------------nyob lwj siab ntsuav
    Li noog puav----------------------ua neej dai taw
    Tsis muaj chaw-------------------li no lawm tiag
    Lub xub ntiag--------------------thiaj pw txias to
    Seev tag hmo---------------------rau tej npoo txaj
    Lub ntuj kaj----------------------los tsis xav sawv
    Ntuj yuas lawv-------------------tus me neeg zoo
    Tsis muaj hmoo------------------thiaj tsis tau koj
    Yog tuag ploj-------------------wb puas sib ntsib
    Nywj vag ib------------------nyob rau nruab dab
    Tuav koj npab----------------haus paj zaub quag
    Rov tau puag-----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim---------------------ua ke ywj siab
    Mus thawj thiab----------------xeeb rov los dua
    Kom txhob tshua----------koj nkauj xab yeeb./.

    ( xaus li no )




    Last edited by Hmong ntuj tshiab on 20th February 2012, 6:37 pm; edited 1 time in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 12th February 2012, 3:41 pm



    Nyob zoo Hmoob Ntuj tshiab,

    Wow...! Cas nws yuav tshaj lij ua luaj li, hais los twg los yog, hais zaj twg los ntxaws. Ua tsaug ntau nawb, nyeem nws tej lus mas ua rau yus thoob tsib lawm ntau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: cwjmemdub lub tsev pajhuam

    Post  Hmong ntuj tshiab on 4th March 2012, 7:19 am

    Rolling Eyes lb snt I love you
    Nkauj Hmoob xeem muas zaj paj huam

    Nkauj Hmoob muas----------yav neej thaum ub
    Txoj kev hlub------------------uas tau muaj tseeb
    Nws tau xeeb----------------hais zoo tshaj plaws
    Tau tham ntxaws-------------txoj kev ntxim siab
    Thaum xyoo tshiab-------------caij noj peb caug
    Yav ntuj tsaug----------------nyob tshav pov pob
    Tuav tes nyob-------------------tham kev dai siab
    Huab zig niab----------------lwg nrog zom zaws
    Wb sib raws--------------------hais seev yuj yees
    Txoj kev plees-----------------tseem tsis tau yuav
    Teb chaws nchuav------------tsov rog ntxov niab
    Me nplooj siab-----------------wb thiaj sib ncaim
    Mus nyob nraim-----------------rau leeg rooj teb
    Ncaim mus deb----------------nyob leeg sab ntuj
    Nplooj siab yuj--------------nyob kho siab khuav
    Tsis tau yuav---------------------nco tag ib txhiab
    Ua mob iab--------------------tham tsis tau tawm
    Kev txij nkawm-------------------thiaj tsis tau pib
    Nplooj siab ib---------------nws thiaj plam lawm
    Lub keej khawm-----------------wb txoj kev hlub
    Ntuj thaum ub---------------nyob nroog looj ceeb
    Neej chiv keeb-----------------nyob koom zej zos
    Niaj hmo yos--------------------tuaj nyob sib zov
    Sib xa xov---------------------txog txoj kev plees
    Hais seev yees--------------------tsis xav tso tseg
    Mob tej teg--------------------ua plawv yuav nres
    Yam tus ntses------------------tau pas dej ntshiab
    Nyob kaj siab-----------------mus lawm tag hnub
    Tsov rog dub-------------------txiav kev sib yuav
    Cuag ntuj nchuav-----------------lub ntiaj teb tig
    Av thiaj nkig--------------------dej nyob li nphau
    Sib ncaim tau----------------peb caug tawm xyoo
    Nws lub moo----------------------twb ploj zuj zus
    Wb tej lus---------------------------uas tau cog cia
    Twb mob ntxhia-----------------yuav rov qab zoo
    Tseg tsis nroo----------------------ua siab tsis nco
    Cas nag hmo----------------------ho rov npau suav
    Pom nws tuav-----------------------kuv ib sab npab
    Zaum ib sab---------------------tham txog kev nco
    Sim neej no--------------------------cas nco ua luaj
    Pom nws quaj-------------------kua muag ntws sis
    Kuv khoov ntshis-------------muab kuv ntiag tsho
    Coj los so------------------------nws cov kua muag
    Nws khawm puag ---------------kuv rau xub ntiag
    Ib me pliag-------------------------nws kua muag tu
    Hnov nws hu----------------------kuv npe thaum ub
    Nkauj hnub qub---------------------yog tiag los dag
    Zaum no ntag---------------------xav kom yog tiag
    Kuv tig kiag-----------------------los tuav nws plhu
    Tsa ncauj hu---------------------tias nraug xab yeeb
    Yeej yog tseeb-------------------tsis yog npau suav
    Wb tham dhuav--------------------ces wb mus tsev
    Taug tej kev---------------------------nce toj qis hav
    Ntoo siv lav---------------------tawg paj dawb vog
    Noog poog pog---------------ntxais paj zom zaws
    Paj zeeg tshaws-----------------------rau ub rau no
    Wb tig hlo-----------------------saib rov pem roob
    Pom hav xyoob------------------hav ntoo kaj nrig
    Hnov nraj yig-----------------quaj suab xiv nqiab
    Nyaj cuam liab---------------suav kau zom zaws
    Me paj raws----------------tawg txhij tawg txhua
    Hnov cuab npua----------------puag pem peb zos
    Suab kab nqos-----------------quaj kho siab tshaj
    Txiv nqos ntsaj------------------siav kawg kiag li
    Wb luag ntxhi----------------------mus de los noj
    Kuv saib zoj------------------------nws zoo li qub
    Tseem ntxim hlub----------------li ntuj yav dhau
    Kuv tseem yau----------nyuam qhuav tiav nkauj
    Wb tham lauj-------------------tsis muaj tsawg lo
    Ces nws ho-------------------tuav rawv kuv npab
    Hnov suab kab--------------quaj saum ntsis ntoo
    Cua tuaj loo----------------------ua ntoo rawv tag
    Wb tso dag-------------------tham luag mob plab
    Tau sib thab-----------------------sib zeg taug kev
    Pom txiv cev----------------------siav daj pes vog
    Wb mus txog-------------------puag pem toj roob
    Pom ntsuag xyoob------------sam leej zom zaws
    Wb tshwm plaws-------------pem dej cawm siav
    De nplooj txhiav-------------------los ce dej haus
    Sib tham txaus-------------mus txog kev tshuam
    Tej lus xuam------------------yav puag thaum ub
    Kev sib hlub-----------------------rau sim neej no
    Tham kev nco----------------- tuav rawv nws tes
    Wb mus nres-----------------puag pem roob siab
    Tham xiv nqiab----------------ncig mus yuj yeev
    Nws txawm seev---------------suab hais lus taum
    Wb mus zaum--------------puag nram toj ntxhab
    Hnov suab kab-----------------quaj nrov zig ziag
    Cua tuaj ntxiag------------------wb cev txias zias
    Siab yuj lias-------------------------xav ya ua npoj
    Wb tig zoj---------------------saib tim phab kheb
    Hmoob luaj teb---------------ntuag toj ntuag pes
    Wb sawv nres-----------------saib pem roob zoo
    Pom hav ntoo---------------ntsuab xiab tsaus nti
    Wb thiaj li----------------------rov mus nuam yaj
    Kho siab tshaj----------------tsis xav ncaim mus
    Nws tej lus--------------------tham seev yuj yees
    Txoj kev plees---------------------ua ke tag hnub
    Yav thaum ub-----------------------ua ke kaj niab
    Zoo ntxim siab-------------------sib pab ev nplej
    Caij kwv dej--------------------tej chaw sib tawb
    Hav paj dawb------------------------fab ti kwj tse
    Tim ncauj ke---------------------txoj uas kev tws
    Kuv thiab nws------------------mus dob teb zaub
    Noog puj daub-------------quaj nrov ntsho nrooj
    Hmoob tshuab nplooj---------nrov kho siab zim
    Sab puag tim-----------------lawv zos hav xyoob
    Nyob pem roob-----------Hmoob lawv teb npleg
    Tshuab tsis tseg------------suab nplooj xiv nqiab
    Nrov kho siab-------------------tshaj plaws li tiag
    Suab nplooj ntsiag---------------puag tim ntav toj
    Wb rov zoj-------------------------rov los mus tsev
    Taug tej kev---------------------------peb tuaj ua si
    Nws thiaj li----------------muab kuv khawm puag
    Li ho zuag--------------------tham lus tseem tseeb
    Lus meej xeeb----------------wb tham khee kawv
    Wb los sawv----------------------tim pas dej dawb
    Dawm sib tawb------------------tham kev sib nco
    Sim neej no--------------------------nco nws luaj li
    Tham lus ntxhi--------------------rau kuv tsis tseg
    Hnub tuaj ntseg---------------------wb tig rov qab
    Tuaj nws npab--------------------los txog ntug zos
    Hmoob tuav cos -------------suab nrov doog diaj
    Hnov suab tsiaj------------------sib tog zom zaws
    Wb tshwm plaws--------------ntawm peb tog tsev
    Sib tham ntev-------------------tsis xav sib ncaim
    Nws nyob nraim-------------hauv kuv nruab siab
    Cia xyoo tshiab-----------------wb mam sib yuav
    Nws quaj zuav--------------------tsis xav rov qab
    Kuv siab fab--------------------tsis kam nws nrug
    Siab kub lug--------------------txog kev sib tshua
    Ob leeg ua --------------------kua muag ntws nto
    Sim neej no-----------------------sib nco luaj tiag
    Quaj kawg kiag-----------------vim sib nco dhau
    Me nyuam yau---------------sawv phov txaj nrov
    Kuv thiaj hnov------------------tsim dheev los no
    Ua cas ho----------------------yog npau suab xwb
    Kua muag twb-------------ntxaum hauv ncoo tag
    Hais cuag dag-----------------ntub tog hauv ncoo
    Nws ntub loo---------------npaum xuas dej tsuag
    Rov qi muag------------------kom npau suav dua
    Lawv sawv ua-----------------tshais ntxov los noj
    Dab ntub ploj-----------------mas chim siab dhau
    Zaum tsaws npau------------kho siab tshaj plaws
    Vim teb chaws----------------thiaj tau ncaim mus
    Wb tej lus----------------------tau hais qhov tseeb
    Thiaj khuam xeeb--------------ua kua muag nrog
    Nco los txog---------------------niaj hnub nim no
    Kuv thiaj nco-------------------------nws ua luaj li
    Hnub thawm hli-----------thiaj tseem nco ntsoov
    Siab tsis hloov-----------------------nco nws li qub
    Hmoob leej tub----------------tus me ntxim tshua
    Ncaim dua ncua----------------tsis tau nrog nyob
    Kuv siab mob----------------cuag kua txob ntsim
    Lub siab chim---------------------mob tag ib tiam
    Teb chaws piam-----------------ua neeg thoj nam
    Thiaj sib plam----------------txoj kev txij nkawm
    Kuv khiav tawm----------------tuaj rau thaib sab
    Txoj kev tab----------------------lub cuab lub yig
    Nws thiaj tig---------------------mus rau lwm tus
    Me leej nus-----------------------kuv tsis tau nws
    Kua muag ntws-----------------ces siav yuav yaj
    Nco nws tshaj--------------------nyob rau tiam no
    Xyov yuav nco---------------mus txog hnub twg
    Me phooj ywg--------------------tus kuv hlub e!!
    Es nws ne!! --------------------puas nco kuv thiab
    Nraug toj siab-----------------------tus cev tsis loj
    Nws niam noj---------------------dab tsi yug nws
    Thiaj zoo xws-------------------me txiv nraug hli
    Es thiaj ci---------------------mus thoob ntiaj teb
    Ua rau peb-----------------------nco nws tag hnub
    Vim tus hlub--------------------poob rau tom qab
    Nyob leeg sab-------------------thiaj ncav tsis tau
    Nws thiaj dhau----------------------mus zoo li no
    Kuv thiaj nco-----------------------mus tag ib sim
    Yeeb yog vim----------------zuag tau ntawv nco
    Nyob tiam no-----------------tsis tau ntawv hlub
    Nws thiaj rub--------------------tsis tau kuv npab
    Ua nws nyab------------------mus nrog nws nyob
    Siab thiaj mob-----------------cuag dej kub npau
    Wb thiaj dhau--------------------mus ua dab neeg
    Muab tham deeg----------------nrog huab cua ya
    Li thov xa--------------------------ib tsab xov tuaj
    Nrog suab quaj----------------saib nws puas hnov
    Neej nram ntxov----------------nyob qub zej zos
    Yog yuav tos-------------------ntev npaum li cas
    Siab khis ras-------------------cuag rwj aws ncus
    Tham lo lus-------------------yeej hais tsis tawm
    Kev txij nkawm----------------yog yuav rov pib
    Saib puas ntsib-----------------nyob rau zaum ob
    Neej pov plob-----------------puas nphau rov los
    Tej lus ntos--------------------------seev nws tas li
    Zais tuag nthi----------------rau hauv nruab siab
    Nws tus ntxhiab---------------kuv tseem cim cia
    Ntsib mam qhia---------------rau nws lawm xwb
    Hais txog wb-------------------lub neej pem suab
    Thov saub muab------------wb ntawv nyiaj keeb
    Los nrog teeb----------------ua ntawv puaj txwm
    Tuav keeb kwm---------------kom ho muaj ntxiv
    Thiaj tsis chiv-------------------kev mob siab dua
    Xws nthwv cua---------nplawm ntuj ntws lawm
    Kom hmoov sawm-------------wb txhob sib cais
    Yog yuav hais----------------yeej tham tsis txhua
    Thiaj li ua----------------------npau suav pom nws
    Kuv siab ntsws----------------nco nws heev dhau
    Thiaj li tau-------------------muab los tham tawm
    Kom plawv nqawm-----------siab ntsws ho nqig
    Tej tsuj plig-----------------------rov los puab cev
    Siab ho ntev--------------------ua neeg mus ntxiv
    Yog yuav chiv--------------------npau suav li qub
    Puas muaj hnub-------------------ho rov ntsib nws
    Nplooj siab ntsws--------------kev hlub yav dhau
    Tseem nco tau-------------------nws txoj kev hlub
    Ntsib dab ntub-------------tseem tham luag ntxhi
    Nkauj hnub ci-----------------nco koj tshaj plaws
    Yog tham ntxaws-------------ces kua muag poob
    Me nraug Hmoob--------------tus me ntxim hlub
    Nraug dab ntub-------------niam nkauj npau suav
    Tham tsis dhuav-------------------ua ke tsis txaus
    Hais tsis xaus-----------------------tej lus sib hlub
    Nraug dab ntub------------thiab nkauj npau suav
    Nws puas tshuav--------------ib zaug lawm thiab
    Nraug toj siab---------------------tus me neeg zoo
    Yog puag loo-------------------mus yeeb yaj kiab
    Thiaj zoo siab-----------------------os me leej nus
    Kuv tej lus-------------------thov tsis txhob chim
    Vim koj dim----------------------mus ua luag txiv
    Thiaj lam tiv-----------------nyob lwj siab ntsuav
    Li noog puav-----------------------ua neej dai taw
    Tsis muaj chaw-------------------li no lawm tiag
    Lub xub ntiag--------------------thiaj pw txias to
    Seev tag hmo---------------------rau tej npoo txaj
    Lub ntuj kaj----------------------los tsis xav sawv
    Ntuj yuas lawv-------------------tus me neeg zoo
    Tsis muaj hmoo-----------thiaj plam txij nkawm
    Yog tuag lawm-----------------wb puas sib ntsib
    Nywj vag ib------------------nyob rau nruab dab
    Tuav nws npab----------------haus paj zaub quag
    Rov tau puag-----------------nyob kuv xub ntiag
    Paj zaub qiag-----------------li kab npauj npaim
    Ya nrog nraim----------------------ua ke ywj siab
    Mus thawj thiab-----------------xeeb rov los dua
    Kom txhob tshua-------------me nraug sim xeeb
    Nkauj xab yeeb-----tseem tos nws nawb mog./.

    ( xaus li no )
    [/center][/size]

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 9th March 2012, 2:11 pm

    Eb, zaj pajhuam no puas yog kuv tus mi nkauj Hmoob Muas sau rau kuv ne?

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: cwjmemdub lub tsev pajhuam

    Post  Hmong ntuj tshiab on 9th March 2012, 10:08 pm


    Laughing Laughing tej zaum yog nag paub?. yog tsis yog no, yeej yuav tsis sau zoo ua luaj li nas yuad, raws kuv xav mas yuav tsus yog koj xwb, nws thiaj sau zaj paj huam no rau koj xwb, es koj xav nev, ho yuav yog sau rau leej twg mas lov?. kuv xav mas yeej yog koj xwb os nawb cwj mem dub aw!!!!!!

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 12th March 2012, 2:18 am

    Hmong ntuj tshiab wrote:
    Laughing Laughing tej zaum yog nag paub?. yog tsis yog no, yeej yuav tsis sau zoo ua luaj li nas yuad, raws kuv xav mas yuav tsus yog koj xwb, nws thiaj sau zaj paj huam no rau koj xwb, es koj xav nev, ho yuav yog sau rau leej twg mas lov?. kuv xav mas yeej yog koj xwb os nawb cwj mem dub aw!!!!!!

    Ua li es koj ho yog leej twg thiab nas Hmong Ntuj tshiab?

    Kuv yeej muaj 1 tug nkauj Hmoob Muas ua kuv tau nco nws heev li. Wb txoj kev hlub tabtom pib xwb kuv yeej xav lawm tias thaum wb tiav nkauj tiav nraug ces nws yuav yog tus kuv xaiv ua kuv lub khwblwb. Tiamsis, txoj hmoov tsis muaj lub teb lub chaw tawg ua sab ua sua nyias khiav nyias thiaj tsis tau sib yua.

    Nyeem pajhuam ua si os.



    Mi Nkaujkevdeb


    Sim qhib lub siab
    Pub lwm tus nyob
    Seb puas daws tau kev iab
    Ua aws ua mob

    Vim nrhiav tsis tau
    Ncav tsis cuag koj
    Kev hlub yav dhau
    Puas yuav ploj

    Sim tsawg leej tsawg tus
    Los daws tsis tau
    Lub plawv lwj ncus
    Lub siab ntsim tsau

    Tsis tau txhais tias
    Luag yog neeg phem
    Tsuas yog kuv zias
    Muab tsis tau lub siab lem

    Ntawm wb kev hlub
    Kev sib cog lus
    Hlub koj ib leeg tsis pub
    Kom muaj lwm tus

    Lub siab ncaj ncees
    Kev hlub dawb paug
    Tej lus kuv lees
    Hlub kom siav qaug

    Tiam no tsuas pub
    Hlub tau koj xwb
    Mi nkauj ntxim hlub
    Kuv lub khwblwb

    Txawm wb leeg nyob
    Nyias ib sab ntuj
    lub siab sib cob
    Sib khi hajyam nruj

    Nco koj tsim duj dheev
    Tsis muaj caij xaus
    Thaum yog nco heev
    Ces quaj pos muag nkaus xwb

    Sponsored content

    Re: cwjmemdub lub tsev pajhuam

    Post  Sponsored content Today at 10:55 am


      Current date/time is 6th December 2016, 10:55 am