google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    cwjmemdub lub tsev pajhuam

    Share

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: cwjmemdub lub tsev pajhuam

    Post  koobpovtxuj on 15th February 2016, 12:43 am

    Ib vuag hauv nruab siab

    Tshav ntuj nrig hnov noog kab quaj
    tsis tau tuaj xyuas lawm os mog
    mus nco txog ntsia ntuj hnub hli
    chaw ua si yav nram ntej ub
    dej nag txhub tuaj nroj ntsuab xiab
    hauv koj siab puas tseem muaj kuv....Lawm os??

    Kuv tseem tos koj rau txhua hnub
    kuv yeej hlub thiab yeej nco koj
    mov tsis noj dej tsis xav haus
    lub ntuj tsaus tsis paub mus pw
    wb txoj lw mas tshiab tshaj tiag

    Koj ncaim kiag kuv txawm pib seev
    tsheb khiav yeev ces kua muag los
    kuv laj tos txog hnub koj tuaj
    lub suab quaj yeej tsis xav ntsiag
    ntshai ib pliag tsam neeg tias vwm

    Muab hais tshwm ces kuj txaj muag
    nco tshuav tuag thaum tsis muaj koj
    yam lub nkoj yuav ntxeev nrog dej
    hmoob yuas nej cas txoj kev nco
    kuv hais no yuav kho siab khuav...xwb os!!!

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: cwjmemdub lub tsev pajhuam

    Post  koobpovtxuj on 15th February 2016, 12:46 am


    ////Nkauj Kev Deb Nraug Kev Dav////
    Ntuj yuas hmoob----------tus me hluas nkauj
    Cas nim paub----------tau koj nyob deb
    Leeg rooj teb----------txawv zej txawv zos
    Hlub koj los----------nyob deb ua luaj
    Ntshe yuav tuaj----------tsis tau li xav
    Vim roob hav----------quas leeg nyob qho
    Txawm yuav nco----------koj npaum twg los
    Tsis koom zos----------ces kev hlub nyuaj
    Ntshe twb muaj----------tus hlub 1 sab
    Tuav koj npab----------pw koj xub ntiag
    Qawm luj lias----------lawm ntuj tag hmo
    Muaj tus nco----------nyob tuaj nruab siab
    Nkauj nraug tshiab----------zoo li wb no
    Leeg nyob qho---------ntshe yuav tsis tseeb
    Nkauj xab yeeb----------thiab nraug xab xaws
    Kawg muab khaws----------cia 6 nruab siab
    Cia tiam tshiab----------seb puas muaj dua
    Mam thawj ua----------nkauj nraug koom zos
    Thiaj tau los----------pw koj xub ntiag
    Lawm xwb tiag-----------os hmoob tus hlub
    Ntuj tsis pub----------wb ntawv txij nkawm
    Ntuj tsis sawm----------wb kev nkauj nraug
    Thiaj tsis tau----------koom zej koom zos
    Hlub koj los----------nyob deb luaj no
    Txawm nco nco----------lub plawv yuav nres
    Los cev tes----------twb tsis cuag koj
    Nkauj dua toj----------thiab nraug dua kev
    Hlub tsis ntev----------ntshe kawg tso cia
    Tsam mob ntxhia-----------nyob tuaj nruab siab
    Xws tshuaj iab----------lom tuaj nruab plawv
    Ntuj yuav lawv----------tus me neeg zoo
    Tsis muaj hmoo----------tau nyob sib ze
    Sib tuav tes----------tham luag ntxhwb ntxhi
    Mus ua si----------nce toj nqis hav
    Taug kev tav----------nce toj nqis taug
    Kev nkauj nraug----------zoo li wb no
    Ntshe tsuas yog----------hlub ua chaw tshua
    Nkauj yas ncua----------thiab nraug yas kab
    Puas muaj fab----------rov 6 tiam 2
    Puas tau nyob----------pw koj txhais npab
    Nkauj yas kab----------thiab nraug yas ncua
    Tsuas hlub ua----------lub chaws khuam siab
    Lawm xwb tiag nas hmoob tus hluas nkauj e!!!!!

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 15th February 2016, 6:11 pm

    Ua tsaug rau koj cov pajhuam os tijlaug Koobpovtxuj. Lub tsev nov no2 li os. Kuv tsis muaj sijhawm tuaj thiab ces ntshe 1 ntus yuav ciaj ua hav txivyeem lau. ehehe.

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 15th February 2016, 9:10 pm

    Txhob quaj mog
    Tus neeg kuv hlub
    Cia lwm tiam los txog
    Kuv mam nyob ntawm koj ib sab tsis nrug ib hnub

    Tiam no
    Ntshe yuav mob siab mus ib txhis
    Vim txoj kev nco
    Ntawm wb tsis txawj phlis

    Wb sib poob
    Sib nrhiav tsis sib tau
    Muaj hav muaj roob
    Muaj hiavtxwv txiav wb kev sib sau

    Tiamsis hauv kuv lub siab
    Tsis muaj dabtsi txiav tau
    Nyob ib txhiab
    Hauv koj txoj kev hlub muaj kuv zaum tsaws tsau

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 17th February 2016, 9:17 am

    Lig ua luaj no
    Cas tsis pom koj los
    Puas yog koj tsis nco
    Wb tej lus cog yuav sib tos

    Kuv twb nyob ntawm kev khaublig sibtshuam
    Los tau ntau niaj ntev xyoo
    Saib ntsoov txhua txhua tus muam
    Hauv kotaw ti saum taubhau zoo zoo

    Tsis muaj ib tug
    Yuav zoo li koj
    Txhua tus los kuv twb nug
    Lawv tias koj tseem yog luag poj

    Yuav cia kuv tos txog hnub twg
    Koj mam li los
    Cua loj loj nrov vig vwg
    Kuv nyob tsis muaj zos

    Nag hlob hlob
    No no tiv tsis taus
    Kuv lub plawv mob mob
    Nco nco koj cia li laus

    Puas yog koj lam dag
    Kom kuv txhob tu siab
    Tsis tos koj ntxiv lawm mog me niam nkauj zag
    Zaum no yuav so zog kuv lub kua muag iab

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 9th October 2016, 7:10 pm

    Peb Hmoob lub zos Tshavntuj
    Yog ib lub zoo tshaj nyob nruabyeeb
    Khaws tau Hmoob ib puas yam tsav txuj
    Coj los cia rau txhua tus Hmoob taws ua peb lub teeb

    Daws peb lub neej tsaus
    Kom kaj lug cuag nruabhnub
    Ua teev dej cawm siav rau peb haus
    Qhia peb sibhlub

    Yog tsis muaj koj ua chaw tauvpem
    Lam hlwb kom txhob kho siab
    Ntshe txoj kev niaj hnub nroo txomnyem
    Yuav ua rau sawvdaws tauv tsis taus lub kuamuag iab

    Ua tsaug rau cov leem tuav kam
    Lis ntaub lis ntawv kom Hmoob Tshavntuj nyob ruaj nyob khov
    Ua tsaug rau txhua tus pejxeem tuaj tsham
    Hmoob Tshavntuj nyob sovso los twb yog vim muaj nej sawvdaws tuaj pab zov

    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 28th October 2016, 2:27 pm

    Roob hav pos huab nwb niab
    Nag tshauv tshia ntub txhua daim me nplooj xyoob nplooj ntoos
    Hav nroj hav tsuag hlav ntsuab xwb xiab
    Me suab nkawj suab daiv nrov lis lis loos loos

    Kuv tuaj nyob ib leeg hauv zoov nuj txeeg
    Nrog me nas me noog ua phooj ywg
    Lub neej no cas tsis txaus ntseeg
    Ib ntsais muag xwb cia li tau kev so ntswg

    Ntxov paub tias yuav tso tsis taus koj tseg
    Kuv twb chua koj npab mus nrog kuv nyob
    Tsam no ntshe wb twb tau sib tawb sib zeg
    Tsis nco hnov lub siab mob

    Me ris me tsho ntub tas
    Tshee npaum nkaus tus neeg ua npaws
    Xam qhov twg los tsuas yog khaub thiab pas
    Twb tsis zoo sau ua taws

    Lam muab ris tsho hle tso kua
    Rov muab coj los hnav
    Ib ce khaus ua xua
    Khawb khawb txaij tag li yav cav

    Yog koj kam tawmtsam koj niam koj txiv txoj kev quab yuam
    Kuv mam coj wb mus nrog Mab nrog Suav nyob
    Txawm wb yuav mus ua lub neej tsis muaj kwv muaj tij tuaj tshuam
    Wb mam yug me nyuam los ua lub chaw txob

    Dhau hmo no lawm ces
    Ciaj koj yog luag neeg tuag koj yog luag dab
    zoo tam tus me ntses
    Twb hlauv dhau kuv lub me qab hnab

    Luag twb muab kuam nplai du lug
    Tseev tau tib tug me dawb paug
    Zaum tsaws noj pob txha poob tseem muab tais cug
    Cia rov tau muab los noj ntxiv ob peb kaug

    Wb txoj kev hlub
    Zaum no ntshe yuav los xaus rau txoj kev kho siab
    Kuv kawg ua neej nyob zoov dub
    Nrog koj tus me ntxhiab


    cwjmemdub
    Visitor
    Visitor

    Messages : 47
    Date d'inscription : 2010-06-04

    Re: cwjmemdub lub tsev pajhuam

    Post  cwjmemdub on 22nd November 2016, 1:44 pm

    HAPPY THANKSGIVING RAU COV PHOOJYWG TXHUA TUS

    Cas lub zos no es yuav kho siab ua luaj thiab? Zoo li tuaj nrog pojntxoog nyob xwb. Sad Sad Sad

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: cwjmemdub lub tsev pajhuam

    Post  koojziagkabzaug on 23rd November 2016, 10:53 am



    Phooj ywg Cwj Mem Dub aw,

    Zos Hmoob tshav ntuj nyob kho siab khuav vim muaj neeg tuaj xyuas los tsis muaj neeg tuaj pab tuav. Zos Hmoob Tshav Ntuj nyob kho siab zim muaj neeg tuaj ncig los tsis muaj neeg tuaj pab tuaj pab fim mas. Tsis ua cas os, cia khoom mam rov tuaj ntxiv txuj hmoob kom los nphob xuav los nyob huam koob os me phooj ywg. Ib txhais tes tsis npaum kaum txhais npab es nim xav luaj ntug los xu luaj nyug mas.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: cwjmemdub lub tsev pajhuam

    Post  Sponsored content Today at 2:58 am


      Current date/time is 11th December 2016, 2:58 am