Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Tswv Xyas mus ua tsov

    Share

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Tswv Xyas mus ua tsov

    Post  koojziagkabzaug on 28th June 2010, 3:07 pm




    TSWV XYAS MUS UA TSOV




    Thaum ub muaj ib tug yawg hu ua Tswv Xyas no, nws niaj hnub mus kawm puas tsav yam yees siv lauj ! Nws kawm txawj txhua yam, nws xav ua dab ua tsov los tau tib si. Nws mus pom Mab Sua tuaj muag ntaub, muag xov ; nws cia li mus ua tsov hem luag, luag ntshai luag khiav tso ntau xov tseg ces nws khaws. Pom Mab Sua tuaj ua luam,nws saib lawv muaj nyiaj, los nws cia li ua tsov dhia hem luag, luag ntshai, luag khiav ces nws khaws luag tej nyiaj tej kub…Ces nws muaj muaj nyiaj muaj kub lauj… Nyob nyob muaj ib xyoo noj Peb Caug tag, lawv peb kwv tij txiv tub txawm sib yaum mus xyuas teb ua noj. Lawv mus plaub hnub kev deb, lawv tseem mus ncig teb ntau ntau hnub thiab lauj ! Cov phooj ywg nrog nws mus txawm hais tias : « yawg Tsw ! Peb tuaj tau ntev hnub hwv lawm. Peb nqhis nqaij tas npaum no. Peb pom Suav cov twm nram tiaj nrad, koj mus tom ib tug los peb ua zaub naj ». Yawg Tswv txawm hais tias : « Yuav mus los tau kawg ! Tab sis kwv tij mas sib pab tiag tiag laiv ! » Cov kwv tij txawm hais tias : « Yauv mus ntshais dab tsi naj ? Peb coob tag npaum no, peb sawv daws pab yeej tau xwb ! » Yawg Tswv txawm hiab tsuag tsuag tau ib lub pob tawb. Yawg tswv txamw muaj looj kiag taub hau. Ces yawg tswv txawm dhia peb plhaw, nyooj peb suab, Yawg Tswv txawm tsheej kiag tib tug txiv yawg tsov lawm lauj ! Yawg tswv txawm khiav loo mus ib lwm, rov loo los kom sawv daws pab. Ces dawv daws ntaus pig poog pob tawb hle hlo. Tswv txawm hais tias : « Yog nej pab li no mas kuv mam mus ». Ces Yawg tswv rov muab looj kiag rau, Yawg Tswv txawm mus lawm lauj ! Yawg tswv txawm khiav ceev ceev mus txog nram cov niag twm. Ua cas Yawg Tswv tssi pom ib tug twm li, Yawg Tswv pàom pob zeb xwb. Yawg Tswv dhia plhaw lub, dhia plhaw lub los yog pob zeb xwb. Cov nyob pem no mas ntsia Yawg Tswv nim dhia dhia saum cov niag twm nraub qaum. Dhia ntev loo Ntuj thiaj pub ib tug niag maum twm laus laus rau Yawg Tswv tom. Yawg tswv thiaj li pom tu ntawd. Yawg Tswv thiaj tib kaug rau thiab muab kwv los. Kwv los txog cov kwv tij, Yawg Tswv muab tso plhuav rov poog. Cov kwv tij ntau lauj ! Ntau tas zog pob tawb tssi hle li. Lawv ntau li cas los pob tawb tssi hle li lawm lauj ! Yawg tswv txawm tij hlo los mus cuag poj niam me nyuam pab ntau. Poj niam me nyuam ntau tsis hle li thiab. Yawg Tswv los lawm cov kwv tij txawm muab niag twm laws tawv tsuag tsuag, nyuaj qhuav ua tiav tag, tseem ib leeg ci ib daig . Lub hnub tig hlo lawm, ua cas Yawg tswv tig hlo rov los txog ntua. Cov kwv tij rov qab ntau lub pob tawb tsis hle li. Yawg tswv txawm hais tias : « Uab ! Yog nej tsis pab tiag, kuv yuav muab nej ntxuav xwb lauj ! » Cov kwv tij sawv daws txawm thov thov tias : « Yawg tswv lauj ! Thov koj txhob muab peb ntxuag , peb yeej pab kawb nkaus tsis tau lawm. Thov koj tsis txhob muab peb ntxuag. » Yawg Tswv cia li ua tsov txij hnub ntawd lawm lauj ! Lawv rov los txog tsev, Yawg tswv quaj quaj lauj ! Nruab hnub Yawg tswv mus nyob tom hav zoov, hmo ntuj nws rov los pw hauv tsev. Nyob ib ntus, nruab hnub los Yawg tswv cia li nyob hauv zos. Muaj ib hnub tus kwv txawm hais tias : « Tswv koj nyob hauv tsev koj saib me nyuam nawb ! » Hnub ntawd tus kwv mus teb lawm yawg tswv nyob nws txawm saib xwb lauj ! Me nyuam quaj quaj yuav tuag saum txaj, me nyuam tso quav lo tas los Yawg tswv saib xwb lauj ! Ib chim tus kwv mus teb los txog, tus kwv hais tias : « Yawg Tswv ! kuv twb hais tias koj nyob hauv tsev koj pab saib me nyuam no ne ! Ua cas me nyuam lo quav tas, ceb muag tag li ! Txij no mus koj zov me nyuam, yog me nyuam tso quav koj muab ntxuav nawb ! » Yawg tswv thiaj teb tias : « Awj ! kuv nyob hauv tsev ib ntsis me nyuam tso quav kuv mam muab ntxuav . » Ces tus kwv txam rov mus ua teb lawm. Tus kwv txawm hais tias : « Tswv ! Koj nyob hauv tsev ib ntsis me nyuam tso quav thiab ceb muag no koj muab ntxuav nawb ! » Tus kwv txawm mus lawm lauj !Yawg Tswv nyob hauv tsev, ib tsam me nyuam ceb muag thiab tso quav ces Yawg tswv txawm muab me nyuam tom noj tas lawm lauj ! Hnub ntawd tus kwv los txog, tus kwv nug tias : « Me nyuam ne, Yawg tswv ? » Yawg tswv teb tias : « Koj twb hais tias kuv nyob hauv tsev, kuv saib me nyuam, yog me nyuam tso quav kuv muab ntxuav no. Ces me nyuam tso quav kuv ham tsis muaj ntxuav tag lawm les es ! » Tus kwv teb tias : » Kuv kom koj muab dej ntxuav xwb naj ! Cas yuav muab me nyuam ntxuav du dais li no ! Yuav ua li cas os ! Yawg tswv ? Yawg tswv teb tias : « Koj hais tias kom muab ntxuav no ces tso quav kuv kuj muab ntxuav xwb ! » Txij hnub ntawd los tus kwv chim chim lauj !Tus kwv txawm tawm tsev tsis nrog Tswv lawv nyob lawm. Tus kwv txawm tuav tau ib cov tshuaj phom qhuav qhuav nkig nkuav. Nws muab ntim hauv phom thiab rau ib ya muas txwv rau, nws txawm tuaj soj Yawg tswv tua lauj ! Tsaus ntuj zuag, Yawg tswv zaum tib tug niag ncaws nruj nris nram qab cub, tus kwv cia li tsa loo phom rau Yawg tswv log siab. Tib teg nrov nkig nkuav rau Yawg tswv, ua Yawg tswv ntog khwb nris nram qab cub, ua plua tshauv ncho log. Yawg tswv txawm nroo tias : « Ab ! Ua cas yuav heev ua luaj ! » Ces Yawg tswv txawm ntsoos ntsoos tau ibn tus yawg Tswv rov zoo los. Yawg Tswv Xyas txawm tu siab. Yawg txawm khiav mus nyob hav zoov lawm xwb ; tsis tshua nyob hauv tsev lawm lauj ! Thaum Yawg Tswv ua neej nyob yawg txawj txawj neeb, yawg mus nyob hav zoov lawm, yawg poj niam me nyuam muaj mob ces kib paj kws tshuag tshuaj rau saum Yawg lub thaj neeb, tawm mus raum zoov, tuaj raum zoov hu tias : « Yawg Tswv aw ! Hmo no koj los ua neeb saib me nyuam os ! » Ib chim tsaus ntuj yawg Tswv los zaum ntawm thaj neeb. Tib tug niag zoo li d e v ntse taws, nws ua neeb rov his his hws hws, nws ua tas ces nws mam ho lawm. Yawg Tswv tawm mus ncig ntuj ncig teb lauj ! Nws ncig mus txog Tuam tshoj teb, nws mus pom Huab Tais Tsov, mas loj tiag tiag li, loj luaj lub hauv rooblauj ! Yawg Tswv txawm mus hais tias : « Ab ! Txiv Huab Tais ! Wb sib kom tes taw yuad ! » Huab tais Tsob teb tias : « Me tub ! xav sim los sim tiag ! » Yawg tswv hais tias : « Txiv Huab Tais ! koj xub sim rau kuv saib tso seb koj txuj ci luaj li cas ? » Txiv Huab tais txawm teb tias : « Me Tub koj sim ua ntej tso , koj sim rau kuv saib, txiv mam sim rau koj saib . » Yawg tswv thiaj sim, Yawg tswv nyooj 3suab, dhia 3 plaw Yawg Tswv luaj nkaus lub hauv roob. Huab Tais tsov nug tias : « Koj muaj li ntawm ko xwb los me tub ? » Yawg tswv teb tias : « txiv Huab Tais ! kuv muaj li no xwb. » Txiv Huab tais tsov hais tias : « Yog li no kuv yuav sim rau koj saib nawb me Tub ! » Huab tais nyooj 3 suab, dhia 3 plaw luaj nkaus 3 lub hauv roob lauj ! Ces Yawg Tsawv txawm ua tsis tau li cas, nws txawm rov qab los mus tsev. Yawg Tswv yuav npaj ua rog rau Huab Tais tsov, Yawg Tswv txawm mus tos neeg ncig Qab Ntuj hauv Ntuj lauj ! Tos yav Qaum teb mus rau yav Qab teb, tos Nplog teb rau teb chaws Nyab Laj. Tos tus ub tus no, luag cav tus twg txawj dab tsis los Yawg tos tib si, txawj qeej, txawj ntawv, txawj kwv txhiaj, txawj zaj tshoob, txiv xaiv, loj muaj zog, zoo nkauj zoo nraug…Yawg tos tib si. Yawg yuav tos kom tau tus muaj zog thiaj loj tshaj Yawg es Yawg mam mus nrog Huab tais tsov sim txuj ci. Thaum lub caij ntawd mas tej neeg ntshai rhwg qhuas ib tug txawj ub txawj no, qhuas kiag xwb mas tuag kiag li lawm….Yawg tswv mas poj niam los tos, txiv neej los tos. Tos coob coob ces luag kho kho siab lauj ! Luag niaj hnub seev luag txiv, niaj hnub seev luag poj niam me tub me nyuam lauj ! Yawg Tswv txawm hais tias : « Tsis ntshai ! Nej tsis txhob kho kho siab, kuv mam mus tos neeg los ntxiv nej. » Yawg Tswv thiaj mus tos neeg ntxiv, thiaj tos tau Paj yias. Tsov Paj Yias mas loj loj li, tus kaus loj tshaj Yawg tswv li thiaj lauj ! Coj Paj yias los nyob tau 3 xyoos ces tsov Paj Yias tus kaus luaj nkaus li txha pob kws taj.


    Muaj ib hnub tsov Paj yias txawm seev tias : « Ab ! chim rau Yawg tswv hwv lawm. Yawg tswv es nim los tos kuv , es kuv tso kuv poj niam me nyuam nyob rau tom qab. Cas yuav chim kuv siab ua luaj, cia muaj ib hnub kuv ob lub noob txiv taum ntaj nov foob qab tso, kuv sim yuav xyuas Yawg saib. Yawg tswv nim yuav ua tau npaum li cas. Cas yuav tos yus los, es yuav tseg yus tej poj niam me nyuam quaj ntsuag nqees rau tom qab. » Muaj ib tug txawm hnov lauj ! Nws txawm mus hais qhia Yawg tswv tias : « Yawg tswv ! Koj ceev faj ! Peb hnov Yawg paj yias seev tias ib hnub twg nws ob lub noob txiv taum ntaj foob qab mas yawg yuav nrog koj sib ntsuas zog no nawb ! Yawg paj Yias chim rau koj hwv lawm, koj mus tos yawg los lawm, nws tseg nws poj niam me nyuam quaj zom zaws rov tom qab. Muaj ib hnub nws yeej yuav nrog koj sib ntsuas zog xwb xwb li no. » Yawg tswv txawm teb tias : « Tiag tiag li lov ? » Cov niag teb tias : « Tiag tiag li, peb hnov yawg hais li ntawd tiag. » Ces Yawg tswv txawm xav tias nws zog twb loj ib yam yus lawm, yog hnub twg Yawg Paj Yias ob lub noob txiv taum ntaj foob qab nws sim ntshe kawg yus yuav tsis yeej nws li xwb. Muaj ib hnub Yawg paj Yias lawv tseem mus yos noj lawm. Yawg Tswv txawm mus tos kev, Yawg txawm coj ib tug nrog yawg, nkawd txawm mus nyob saum ib lub tshag av tos. Yawg Paj Yias lawv tseem tab tom mus yos noj los, Yawg paj Yias los ncag nkaus ces Yawg tswv txawm tib plaw mus khawm nkaus Yawg paj Yias caj dab lauj ! Yawg tswv muab yawg Paj Yias ncho ncho, Yawg Paj Yias tig los muab tsis tau Yawg tswv li, vim Yawg tswv khawm tau caj qwb lawm. Yawg paj Yias khawb khawb yawg Tswv ib ce to tag. Yawg tswv thiaj muab Yawg paj Yias ncho ncho Yawg paj Yias tuag lawm lauj ! Tab mas Yawg tswv sab heev, yawg tswv los ntsaj ntsaj tau 14-15 hnub mam zoo me ntsis. Yawg tswv txawm xav hais tias ntshe yuav tsis muaj neeg pab tau nws li lawm. Nws thiaj mus hais rau nws tus kwv hais tias : « Kwv Ntxawg lauj ! Koj tuav ib taub tshuaj phom zoo zoo, koj txiav 3 lub mos txwv nyiaj, 3 lub mos txwv tooj liab es koj nrog kuv mus yuad ! » Tus kwv teb tias : « Tij Lauj Tswv ! kuv yuav ua cas nrog koj mus tau ? » Yawg Tswv txawm hais tias : » Tsis ntshai, kuv tias tau ces yeej tau xwb, koj txhob ntshai ! » Tus kwv thiaj tuav tau ib taub tshuaj, nws txiav tau 3 lub mos txwv nyiaj, 3 lub mos txwv tooj liab, ces nws txawm nrog Yawg tswv mus lawm lauj ! Yawg tswv hais rau nws tias : « Los kuv ev koj ! » Tus kwv thiaj nce loo rau saum Yawg Tswv nraub qaum, Yawg tswv nkawd muc ib hnub , hnub tig hlo xwb mus txog ntuaj Huab Tais tsov teb chaws. Yawg tswv mus nrhiav tau ib lub hauv paus ntoo khoob loj loj rau nws tus kwv nkaum. Yawg Tswv txawm hais rau nws tus kwv tias : « Koj nyob tij ywm hauv nov nawb ! Thaum twg kuv hu luaj tuag txog, luag ua li cas los koj txhob ntshai nawb ! Thaum twg luag thiab kuv wb sib ntsuas zog, kuv hu koj tiag pab lauj ! Ces koj pab nawb, koj yeej meem rau ntua ntawm qia ntsej ntag nawb ! Tus kwv teb tias : Awj ! Yawg tswv txawm mus tuaj nram tiaj hu lauj ! Nws hu 3 suab tag nrho, ib pliag xwb Huab tais tsov ya tuaj txog ntua. Huab Tais tsov mas tib tug loj loj li tus kwv tau poob siab me ntsis. Yawg tswv txawm hais tias : » Txiv Huab Tais tau 3 xyoos no lawm, kuv tsis tau tuaj xyuas koj. Hnub no kuv rov tuaj xyuas koj ; wb sim sib sim tes taw me ntsis saib yuad ! » Huab Tais tsov txawm teb tias : « Yuav sim los tau kawg thiab tiag! Me tub koj pom xeeb tuaj sim tes taw diam, koj sim ua ntej rau txiv saib tso, txiv mam sim rau koj saib ! » Yawg tswv txawm teb tias : « Ua li los tau tiag. » Yawg tswv txawm nyooj laws 3 suab, dhia 3 plhaw, Yawg tswv luaj nkaus ib lub hauv roob ntag. Huab Tais hais tias : « me tub koj txuj tag li koj lawm lov ? » Yawg tswv teb tias : « A u b ! Kuv txuj tag li no lawm ! » Huab tais thiaj hais tias : « yog li no txiv mam sim rau koj saib ! » Huab Tais nyooj 3 suab, dhia 3 plhaw, Huab tais luaj nkaus 3 lub hauv roob lauj ! Yawg tswv xav tias : « Ab ! Ua kiag tso xij peem lauj ! » Tawg tswv txawm hais tias : « Txiv Huab tais ! koj txuj ci loj dua kuv tab sis wb sim sib ntsuas zog seb ! » Huab Tais teb tias : « Ntsuas los tau tiag me tub ! » Ces Yawg tswv thiab Huab Tais nkawd sib ntsuas zog lauj ! yawg tswv txawm xub sim, Yawg txawm xa tib teg rau Huab Tais tsov caj pas, Yawg tswv xa 4-5 nchos, Huab tais tsov sawv ntseg ntsees li qub. Huab Tais tsov thiaj ntsiab nkaus Yawg tswv xwb qwb, muab Yawg tswv nias nkaus rau hauv qab ; Yawg tswv xav zoj ntshe yuav tuag tiag lauj ! Yawg txawm hu tib suab tias : « Kwv Ntxawg , pab lauj! » Tus kwv thiaj li tib phom rau Huab Tais tsov qia ntsej, ua Huab tais tsov tuag kiag lawm lauj ! Ces ob kwv tij txawm rov qab los txog Yawg tswv txawm hais rau tus kwv tias : « Me kwv ! nyob teb chaws no txom nyem hwv lawm, tsis muaj dab tsi noj. Yuav mus noj luag dab tsi los luag cem ; yeej mus tom tsis tau luag ib yam dab tsi los noj li. Lam noj luag tej nyuaj qub pob kws, tej nyuag qos liab dog pes dig xwb txom nyem hwv kuv yuav mus nyob lawm Tuam tshoj teb. Nyob rau lub teb chaws Xov Tshoj no nqaim dhau txawm nyob los nrhiav noj nyuaj, Huab Tais tsov twb tuag lawm ces ntshe kuv yuav mus nyob lawm Tuam tshoj teb. » Ces tus kwv txawm rov qab los tsev lawm.





    Nyob rau lub zos uas Yawg tswv lawv nyob , Yawg tswv txawm mus tos tau ib tug poj niam, nws tseg nws cov txiv tub nyob. Tus poj niam ntawd pheej rov qab mus pub nws tus me nyuam mis. Muaj tej hmo tus txiv tsis nyob lawm, tus txiv hu tias : « Koj niam ! kuv mus lawm ib pliag koj los pab saib me nyuam ov ! Koj los ua me nyuam luag pw ! » Ces nws pheej los ua cov me nyuam luag pw, los pub mis rau tus me nyuam yau noj. Ib taig kis nws rov mus ces Yawg tswv txawm hais tias : « Hais rau nej sawv daws paub ! Xyoo no peb yuav tsiv ! »
    Yawg Tswv lawv yuav khiav mus nyob lawm Tuam Tshoj, Yawg tswv txawm tuaj mus hais nkoj rau puag nram ntuj dej Naj Khoos, tsos yuav hla mus rau Thaib teb, mam mus rau Tuam tshoj.
    Yawg tswv thiaj tuaj hais rau Thaib hais tias : « Kuv xav ntiav nkoj hla dej, saib nej cov Thaib pab puas tau kuv ? »
    Cov Thaib teb tias : « Tau kawg ! Yog koj ua hlob, koj yuav los mus no peb mam npaj tos. »
    Yawg tswv thiaj li teem caij rau Thaib tas ; Yawg Tswv thiaj rov qab los txog. Tus poj niam uas Yawg tswv tos es pheej niaj hmo rov mus pub me nyuam mis ntawd txawm hais rau nws tus txiv tias : « Koj txiv ntshe peb yuav tsiv es ntshe kuv yuav tso nej cov txiv tub tseg tiag tiag li, ntshe peb yuav tsis sib pom lawm. Rau qhov peb yuav tsiv mus deb deb heev, ntshe yuav ntev ntev mam yuav sib pom ib zaug , koj nyob koj hlub kuv cov me nyuam mog ! »
    Ces tus txiv teb tias : « koj niad ! thaum twg nej li mus ? »
    Yog koj mus no koj hais rau peb pab paub mog, peb cov txiv tub nco nco koj li. Yog nyob ze ces sawv daws sib cuag tau, yuav hais dab tsi los hais tau. Tsam koj mus deb deb lawm peb cov txiv tub yuav ua cas nco koj ! Tej me nyuam nco nco koj, peb yuav ua cas nyob ? Ntshe tej me nyuam yuav tsis pom koj lawm. Hnub twg nej mus no koj hais rau kuv paub thiab mog koj niad ! »
    Tus niam txawm hais rau tus txiv tias : « tshua 3 hnub xwb ces peb yuav mus nawb ! Yawg tswv twb mus hais tau nkoj lawm. Yawg tswv kom luag nrhiav nkoj nyob nram ntug dej Naj Khoos tos lawm. Peb yuav hla dej mus rau sab thaib teb peb mam mus rau Tuam tshoj. Muaj zoov ntau sawv daws mus coob coob thiaj li yuav nraim tau cev. »
    Tus txiv txawm hais tias : « A u b ! yog li 3 hnub ces nej yuav mus tiag lov , koj niad! »
    Nkawd sib tham li ntawd tag ces tus poj niad mus lawm lauj ! Tus txiv txawm mus hais rau cov Thaib uas yawg tswv tau mus teem tias : « Tshuab peb hnub yuav muaj ib pab neeg coob coob los mus, Nws tau tuaj kom nej nrhiav ib cov nkoj tos no puas muaj los tsis muaj ? »
    Cov Thaib teb tias : « A u b ! muaj ib tug nom, Nws yuav tsiv teb tsaws chaw los mus lawm Tuam Tshoj teb ; nws pej xeem coob heev, nws tau tuaj teem nkoj tiag. »
    Ces tus txiv uas tus poj niam los pub me nyuam ntawd txawm hais rau Thaib tias :
    « Hais rau nej paub cov neeg yuav los ntawd mas tsis yog neeg saum Yaj no, lawv yog neeg nruab Yeeb xwb. Txog hnub ntawd mas nej nrhia kom tau cov nkoj uas nws tau teem tuaj ntawm no. Nej yeej meem nrhiav tub tej tub taws, npaj cuab yeej, riam phom kom khov kho tuaj tos nawb ! Nej yuav tsis txhob pub cov neeg ntawd hla los mus rau hauv nej lus teb chaws, yog lawv mus rau nej teb chaws mas tsis ntev xwb tej lub teb chaws yuav ntxhov xwb. Rau qhov cov neeg nov yog neeg nruab Yeeb, yeej muab peb cov Hmoob tos lawm coob kawg li. Nws yog ib tug neeg lub siab tsis ncaj, nws tos tos ua rau luag tej quaj ntsuag tas. Yog nej tsis pab tua kom cov neeg ntawd tu noob, nej cia lawv los los rau hauv nej teb chaws, nej teb chaws yuav lwj yuav liam tas. Kuv tsuas hais npaum no rau nej xwb. Txog hnub ntawd nej kav tsij npaj riam phom nyob pem toj thiab nram hav tos tib si. Nej cia cov neeg ntawd hla ntu nruag nrab. Thaum nej coj lawv txog ib nrab deg, nej muab lawv nchuav liam, nej mam ua luam dej tawm. Nej cov tuav riam tuav phom pem toj nram hav yuav tsum tua tsis txhob pub ib tug pom li. »
    Cov Thaib teb tias : « A u b ! Yog muaj li koj hais tiag no, peb mam li npaj raws li koj hais rau peb paub. »
    Cov Thaib thiaj npaj riam phom nyob pem toj ram hav. Tau 3 hnub Tswv lawv los lauj ! Yawg tswv mas yog tus thawj kiag ntag, nws ua ntej loo, rau tib nkawg khau tawv. Hos lawv ib leeg kwv ib rab phom suab yi nram ko taw. Cov txiv neej ib leeg muaj ib rab ntaj ( yog tsos tus ko tw, yees ua ntaj). Tsuas tias rau khau teeb ntxwv xwb, ib leej hnav ib ce zam hmoob dub nciab xwb lauj ! Hos cov poj niam mas ris me nyuam quaj zom zaws, tus tuav tes los tuav, tus ris los muaj. Yog nkaus li cov neeg tsiv teb chaws ntag. Me nyuam quaj zom zaws, lawv los so tib tiag, sab ntug dej tim ub uas nyob rau Nplog teb. Yawg Tswv mas tsuas hais ncig nquj nquas tom ub tom no. Yawg Tswv hais rau Thaib tias : « Ua li nej cov nkoj tuaj tag lawm los tsis tau ? »
    Thaib teb tias : « A u b ! tuaj tsis tau txhij nawb ! »
    Ib pliag Yawg tswv rov nug dua tias : « Txhij lawm los tsis tau ? »
    Thaib teb tias : « Tuaj Txhij lawm lauj ! »
    Yawg Tswv hais tias : « Nkoj tuaj txhij lawm, sawv daws tu khoom yuav mus lauj ! »
    Sawv daws thiaj nce hauv nkoj . Yawg tsis pub ua ob peb fij li ntag. Sawv daws nce txhij lawm ces Yawg tswv ua tus them nyiaj rau Thaib. Lawv hais haum tas, Yawg Tswv hais tias : « Tiav tag lawm ces tib txhij mus nawb ! Tsis txhob ua ob peb fij ! »
    Thaum Yawg tswv them nyiaj rau Thaib, lawv txais kuj yog Nyiaj tiag, zoo ib yam cov nyiaj Thaib niaj hnub siv ntag. Cov tswv nkoj thiaj li tib txhij nquam kiag cov nkoj mus txog tom plawv dej. Cov tswv nkoj cia li muab cov nkoj ntawd nchuav kiag rau hauv dej tag nrho lauj, ces lawv mam ua luam dej tawm. Cov tub tuav riam hpom peb toj nram hav tua ua dej txaws dawb qas vog, hos cov nkoj tawg ua lwj ua liam tag. Cov neeg ntawd thiaj raug tuag tas rau hauv dej NAJ Khoos lawm.
    A u b ! Yawg Tswv dhia dhia, Yawg Tswv dhia dim los rau sab ntug dej tim ub lawm. Yawg tswv rau mob lawm thiab lauj ! Thaum Yawg Tswv yuav tsis teb tsaws chaws Yawg tswv hais rau nws poj niam tias :
    « Nej nyob, kuv mus rau Tuam Tshoj lawm. Xyov yuav phem los yuav zoo, kuv tsis paub. Nej nyob nej saib tsob xyoob nplooj dauv ywb yi tid, kuv lub chaw pw nyob hauv tsob qab xyoob ntawd. Yog peb sawv kev lawm, nej nco ntsoov saib tsob xyoob tid nawb mog ! Tsis yog ob peb hnub koj mam saib ib zaug xwb ! Nco ntsoov saib mog. Yog tias tsob xyoob ntawd ntsuab mus li, mas tej zaud yuav tsis ntshai. Yog tias tsob xyoob tid daj kiag lawm, koj kav tsij tuaj xyuas mog. »
    Ces Yawg Tswv mus, Yawg Tswv raug mob, Yawg Tswv dhia dim rov qab los, Yawg txawm rov los pw Yawg lub chaw, hauv tsob qab xyoob uas tau hais tseg. Nws cov poj niam me nyuam tsis nco qab saib tsob xyoob lawm lauj ! Muaj ib hnub nws poj niam nras dheev tias : « Ab ! Yawg tswv kom kuv nyob kuv saib tsob xyoob no. Ua cas kuv tsis nco qab lawm ni ! Nws thiaj mam saib tsob xyoob ; ua cas tsob xyoob twb daj tag . Tus poj niam thiaj li khiav khiav mus xyuas . Ua cas Yawg Tswv twb los pw hauv Yawg tswv lub chaw, Yawg tswv twb tuag lawm. Kas twb npau xi lawm lauj ! Ces thiaj paub tias Yawg tswv lawv mus txog nram dej lawv raug li ntawd lawm.
    Hos cov Thaib uas tau txais cov nyiaj ntawd, thaum sawv daws dhia tawm sab ntug dej tid tas lawm, lawv muab cov nyiaj thau los saib naj yog tib cov txiaj ntawv thaum neeg tuag es txiav xwb. Cov nyiaj ntawd tsis yog nyiaj saum Yaj, Thaib thiaj ua xov xwm ceeb toom tawm rau sawv daws saib. Yog Xyoo 1957-58 no xwb. Nyuam qhuav tau tsis ntev los no.

    Tus hais: Ntxoov Thoj Vwj, Vib Nais, Loei, Thailand, 1985.





    Ntev mus ntev tuaj, ces Tswv Xya thiaj ua tsheej ib tug dab tsov loj. Ces thiaj pib tom nyuj tom twm tuaj. Tej neeg zej zog pib muaj mob muaj tuag. Cov neeg uas tuag puav leej yog cov poj niam zoo nkauj thiab cov tub zoo nraug xwb. Dua li ntawd, ces Tswv Xya los tos cov neeg txawj neeg ntse thiab cov coj noj cov ua zuj zus. Thaum no, neeg zej zog sawv daws thiaj li ntshai ces thiaj li khiav ib co rau qhov ub ib co rau khov no. Lub sij hawm no mas, tus xwm txheej mas kub kub kawg li. Niam cem tsis tau txiv hais tias "Niag tsov tom" lossis "Niag Dabcab" "Koj yuav tuag laud". Hais tsis tau tej lus no li. Yog leej twg thiab tsev neeg twg siv cov lus no ces tus raug cem ntawd txawm tuag lawm ntag, vim Tswv Xya ua dab rov los tos ntag. Ua mus ua tuaj, tej tub zoo nraug, tej ntxhais zoo nkauj los yeej hais tsis tau hais tias "Zoo nkauj kawg" lossis "Zoo nraug kawg". Yog hais li no ces tsis ntev Tswv Xya lawv los tos mus li lawm thiab. Mas tej lus no caiv los txog niaj hnub nim no. Ib txhia twb tseem tsis tau kam qhua nws tej me tub me nyuam hais tias "Zoo nkauj, zoo nraug, txawj ntse, lossis paub ub paub no." Qhov neeg sij hais heev ces, tsuas yog hais tias "Phemquav kawg thiab mas" thiab "R.uam tsis paub dab tsi as no xwb". Vim dab tso hlob hlob li. Nyob lub zos Haiv Tais, kuv niam hais tias, peb cov kwvtij neej tsa mas phua tx.i.ag ntoo los xov zos thiab xov tsev. Cov t.x.iag ntoo uas ua lajkab xov tsev mas siab li 6 feet tawm siab, los cov tsov no yeej tsis txhawj dhia sab raud los tom nyuj tom npua thiab kwv dhia lajkab coj mus noj tom hav zoov. Muaj ib zaug, kuv niam tseem tab tom, tuav tuav co ntawm maum kaum, ua yog lub caij kab tua nas quaj zom zaws li thaj tsam 6 pm, ces tsov dhia los tom kuv pog lawv ib tug maum npua, thiab kwv dhia lajkab mus dua tom hav zoov. Hos muaj dua ib zaug, muaj ib yim Hmoob nyob ze ntawm kuv yawg lawv lub tsev thiab, yim Hmoob ntawd tus poj niam tab tom tsuav zaub npua ze rau ntawm ib sab phab ntsa, ces ib tug tsov khawb av sab nraum zoov tuaj, ces tus txov no cev tes los rub tus poj niam no txhais tes. Tus tsov no thiab tus poj niam no nkawv sib nriag sib nriag, ces zoo hmoov tus poj niam hmoob no xyuas ko taw nta phab ntsa ces tso thiaj rub tsis tau nws. Nkawv sib nriag ntev, nws tus txiv ho mus nrog cov kwv tij neej tsa caum tsov tom nyuj lawm, tseem tsis tau los, ces tus tsov no twb los cev tes lauj nws poj niam lawm. Tus poj niam no thiab tus tsov sib nriag sib nriag ntev uas tus tsov qaug zog, ces tus poj niam no mam li maj mam rub tus tsov txhais tes los teem ntawm lub tog tsuav zaub npua thiab mam li muab rab riam maum tws los txiav tus tsov ntawd txhais tes. Thaum tus tsov tib nriag rov sab nraum zoov, ces nws 2 txhais tes khawm tsov txhais tes khov kho, thiab nws xuas ko tawm nta kiag phab ntsa, tso zog ntaug kiag, nws rub kiag tsov txhais tes rov lso txiav dua. Ua mus ua los, tus poj niam no thiaj muab tus tsov uas ces tes nraum zoov los lauj nws ntawd, muab nws ib txhais tes txiav tu. Ib chim tav li thaj tsam 10 moo, uas tsaus ntuj ntawd, nws tus txiv mam li los txog tsev, tus txiv mam li pom nws poj niam qhwv tes ntshav liab vog, ces tus niam thiaj hais tias koj mus ntev ntev, tsov twb rub yuav luag tau nws mus tom lawm nraum zoov. Ces nws thiaj li qhia tias nws muab tsov ib txhais tes txiav tu rau tom lub tog tsuav zaub npua. Tus txiv thiaj mus pom ib txhais tes tso txiav tu rau tof tiag. Tag kis, kaj ntug, lawv thiaj mus tog tus tsov tes tu no qab, tus tsov no kuj tseem khiav tsis tau deb vim nws ib txhais tes tu lawm. Lawv thiaj mus raws qab thiab tua tau tus tsov no.

    Cov tsov dab no mas, tab meeg los tom luag tej nees tom nkuaj, tom tej las npua tsiab nram nkuaj, tom tej txiv heev nyuj nram nkuaj li. Cov tsov no tseem tom kiag ib tug poj niam Hmoob mus ris dej ntawm lub zos hav tais thiab. Tus tsov no tom tau tus poj niam no, muab noj tas 1 ceg ncej puab. Ces cov kwv tij sawv daws thiab nws tus txiv chim chim ces, lawv thiaj li mus zov tua tus tsov uas tom tus poj niam no. Lawv mus ua ib lub txaj ntoo siab siab puag saum ntsis ntoo zov. Thaum tus tsov los yuav luag txog, cov dab poj ntxoog ua rau tus poj niam cia li sawv tsees thiab luag nyav, ces tus tsov ntsia dheev tuaj rau saum ntoo uas lawv nyob zov. Lawv thiaj tua tib tsaug phom Hmoob shaum ntoo tuaj raug kiag tus tsov. Lawv thiaj muab tus tsov kwv los thiab muab tus poj niam uas tsov tom no kwv los thas thiab faus. Dab tsov hlob hlob li, neeg tuag los npau, tsov ho tom los npau, ces ib txhia li kuv pog kuv yawg lawv thiaj khiav los rau xeev teb lawm.

    Cov tsov dab no mas, tab meeg los tom luag tej nees tom nkuaj, tom tej las npua tsiab nram nkuaj, tom tej txiv heev nyuj nram nkuaj li. Cov tsov no tseem tom kiag ib tug poj niam Hmoob mus ris dej ntawm lub zos hav tais thiab. Tus tsov no tom tau tus poj niam no, muab noj tas 1 ceg ncej puab. Ces cov kwv tij sawv daws thiab nws tus txiv chim chim ces, lawv thiaj li mus zov tua tus tsov uas tom tus poj niam no. Lawv mus ua ib lub txaj ntoo siab siab puag saum ntsis ntoo zov. Thaum tus tsov los yuav luag txog, cov dab poj ntxoog ua rau tus poj niam cia li sawv tsees thiab luag nyav, ces tus tsov ntsia dheev tuaj rau saum ntoo uas lawv nyob zov. Lawv thiaj tua tib tsaug phom Hmoob shaum ntoo tuaj raug kiag tus tsov. Lawv thiaj muab tus tsov kwv los thiab muab tus poj niam uas tsov tom no kwv los thas thiab faus. Dab tsov hlob hlob li, neeg tuag los npau, tsov ho tom los npau, ces ib txhia li kuv pog kuv yawg lawv thiaj khiav los rau xeev teb lawm.

    Tham txuas mus.

    Ntawm lub zos haiv tais, thaum tus tsov tom tus poj niam Hmoob ntawd tas, es lawv muab tus tsov ntawd tua tau lawm, tsis ntev muaj ib co niam txiv tub ho mus ua teb, daim teb kuj nyob tsis deb ntawm zos Haiv Tais, tab sis lawv ua teb lig lawm, ces txawm ua ib siab pw nram tsev teb. Thaum lawv ua hmo noj tas nrho ib pliag, ces tus poj niam tseem ua me ntsis hauj lwm thiab nws tseem ris rawv ib tug me nyuam me. Muaj ib tug tsov cia li dhia ib plhaw nraum lub qhov muag tsev los tom kiag tus poj niam no thiab kwv kiag nws dhia tib plhaw rau nraum zoov, ces tus me nyuam me uas leej niam ris nraum nraub qaum thiaj li mus poob nthav nraum zoov. Tus txiv mam muab rab phom hmoob los ntim txhuaj ces mam taw tsau mus xyuas nraum zoov, thiaj pom nws tus me nyuam poob nraud, tab sis tsov kwv nws poj niam ntshav liab vog dua pem hav zoov lawm. Tus txiv thiaj li mus muab tus me nyuam nqa los tsev. Hmo ntawd, lawv 2-3 txiv tub nyob ib hmo, tsis pw li. Tag kis kaj ntug, cov txiv tub thiaj li los rau pem zos loj los hais coj kwv tij thiab zej zog, ces lawv thiaj coj* kwv phom mus raws tus tsov qab, tus tsov no twb muab tus poj niam noj tas 2 ceg qab, lawv lam khaws tus niam yav cev los pam lawm xwb.

    Nyob rau lub Zos Hav Tais tib yam, muaj ib tug kwvtij hu ua Ntsuab Kos no mus raws npua teb. Thaum lub caij ntawd kuv niam mus ua teb nram teb, daim teb mas hais li kuv niam hais mas tsuas nyob deb li 1/2 mile ntawm ntug zos xwb, ces Ntsuab Kos txawm mus tua npua teb ze rau ntawd. Txawm muaj ib tug tsov dhia tom Ntsuab Kos qab thaum nws nyas npua teb, ces tus tsov no muab Ntsuab Kos tom sab sab, tab sis nws tua tsis tau tus tsov no. Thaum neeg zej zog hnov Ntsuab Kos thiab tsov qw nta hav vos, ces cov txiv neej thiaj li kwv phom mus pab. Thaum lawv mus txog ces Ntsuab Kos twb yuav tuag. Lawv muab nws kwv los txog pem tsev ces nws tuag lawm.

    Muaj ib zaug ib tug kwv tij txawm mus yos hav zoov tib yam. Tab sis zaum no tus kwv tij no ho muaj hmoo. Nws yos los txog ntawm ib lub laj roob ntsia ntsoov tuaj rau tim zos. Lub sij hawm no hnub tab tom qaij hlo, kwv yees 1-2 pm xwb. Cov Hmoob tim zos ntau nruas neeb ua neeb, nrov nphas nphas, no ces tus tsov txawm sawv tsees nram yav qab cav ntsia ntsoov rau tim zos, tus tsov txawm quaj (mlos, mlos) nrog lub nruas. Nws thiaj ntsia dheev pom tus tsov, tab sis tus tsov tsis pom nws vim tus tsov saib mus rau tim zos lawm, ces tus kwv tij no thiaj li ceev nrooj los tsev. Yawg los txog tsev mas, yawg ntshai ntshai. Txij ntawd yawg thiaj li tsis mus yos hav zoov ib leeg lawm.

    Qhov no yog kuv tham txog tsov los tom nyuj tom twm, thiab tom neeg hauv zos Hav Tais xwb. Lwm zaus kuv mam tham txuas ntawm Tsov Paj Yias thiab Tsov Paj Raus. Ua tsaug koj los mloog dab neeg.

    Ua ntej thaum cov tsov yuav los tom lawv li koj tham no ces, txawm pib muaj ib tug ntxhais zoo nkauj tsawv, txawm sawv ua niam ntuj (ua saub) no los mas. Tus ntxhais no kuj saib qee yam leej thiab. Ces cov niam txiv sawv daws kuj ntseeg nws. Nws thiaj hu cov ntxhais coob tus mus nrog nws ua haujlwm saub. Lawv vwm saub li no tau muaj ib tog xyoo. Muaj ib hmo, ces lawv sawv daws txawm ua li ua neeb mos caum. Cov ntxhais thiab cov tub txawm tuaj tag nrho rau hauv ib lub tsev. Cov tub thiab cov ntxhais no txawm dhia dhia, ces ib chim lawv cia li hloov kev dhia ntawd. Lawv txawm los nkag li cov xov pav, ces cov tub txawm nce tom qab tuaj. Cov ncaj ces lam ua li txoj kev cai uas tus ntxhais saub no hais xwb. Cov hluas uas tsis txhua ncaj es xav tham hluas nkauj ces, lawv cia li kav seem qhov nkag ntawd nce cov ntxhais thiab deev tiag tiag. Lawv ua mos caum vwm li no, tau kiag ib tog xyoo, ces thiaj li mus txog qhov koj tham tias tsov yuav los nrog lawv ua r.o.g no los mas. Thaum cov tsov no pib los, ces cov tsov no los tom lawv tej tsiaj tuag pawg pes lug rau ub rau no. Tom lawv tej npua, nyuj, nees. Neeg zej zog thiaj pib cem tias ua cas yuav muaj tsov coob ua luaj li los tom lawv tej tsiaj. Tus ntxhais saub no thiaj li hais tias, nej tsis txhob cem cem cov xov pav no, lawv tseem yuav los nrog nej ua puv thiab. Ces cov laus thiaj li nug koj nqe lus ntawd hais tias ua li thaum twg cov tsov no los nrog lawv ua puv? Tus ntxhais ntawd thiaj li qhia rau cov laus neeg. Ua ntej lawv kuj tsis tshua ntseeg thiab, tab sis ua cas cov tsov pheej los tom lawv tej tsiaj heev zuj zus, ces txawm muaj ib hnub, thiaj muaj tus ntxhais saub ntawd thiab ib tug tub hluas nkawv thiaj hnav ris tsho li koj tham no. Nkawv thiaj hnav zam li yuav mus pov pob, tab sis twb tsis yog txog 30 caug. Nkawv cia li vwm, hais ib co lus txawv txawv lawm, thiab seev yees mus dua pem ntug zos li koj tham no, ces cov laus saib nkawv ua txawv dhau hwv lawm, lawv thiaj ceev ceev mus zij kiag nkawv rov los. Ib pliag tus ntxhais saub no thiab feeb rov los tham tias cov xov pav no hu nkawv, nkawv thiaj li mus. Luag tab tom los nrog lawv cov neeg hauv lub zos no ua r.o.g. Thaum no, cov txiv neej thiaj li mus npaj phom tag nrho. Lawv thiaj sau zog los nyob ua ke rau 2-3 lub tsev sib ze ntawd. Lawv muab cov txiv neej uas paub tua phom faib ib yig no 5-6 leej txiv neej. Tab sis lub caij no, tus puav thiaj muaj cov phom Fab Kis 3 teg thiab 5 teg ntawd xwb. Dua li feem coob tseem tua phom Hmoob xwb. Lawv thiaj li kib tshuaj phom nkig nkuav tos. Thaum hnub qaij hlo, kab tua nas pib quaj zom zaws ces cov tsov no pib los. Lawv thiaj li taws teeb roj npuas thoob tsev zov. Nraum zoov ces tsov pib los tom lawv tej tsiaj, tej npua, tej nees, thiab tej nyuj. D.ev mas tom quaj pos tw nthoob rau ub rau no xwb. Thaum tseem pom kev zem zuag, ces twb pib pom tus puav tsov los tshwm hauv plawv zos, ces lawv twb pib xyuas phom tua tuag tus puav lawm. Ib pliag thaum tsaus ntuj kiag, ntawd ces cov tsov pib los tawm tsam lawv li koj tham no. Cov tsov no muaj muaj zog, nws txim kiag tim tej qhov phab ntsa lossis qhov nruab los. Thaum sawv daws pom txim los mas zoo li luaj tus miv xwb, tab sis thaum lawv tua ib tsaug phom rau tus tsov. Tus tsov tuag kiag lawm ces yeej loj li cov tsov loj ntawd lawm ntag. Lawv thiaj tua tua txog ib tag hmo, ces lawv thiaj tua tau tus tsov daj thiab tus tsov dub li koj tham. Qaib pib qua ces cov tsov pib thim zuj zus mus. Kaj ntug kiag ces cov tsov thiaj li thim tas, tsis muaj tsov lawm. Cov neeg zej zog thiaj li mam los muab cov tsov no suav. Cov uas lawv tua tuag ntawm zos kiag muaj ze li ntawm 10-20 tus tsov. Cov khiav ntshav liab vos lawm muaj ntau. Ces cov neeg ntawm lub zos no ntshai ntshai, yog li ntawd, cov neeg zos ntawd thiaj li tsij tag nrho los nrog lub zos loj nyob lawm. Tsij ntawd los zoo li thiaj li tsis muaj tsov los tom neeg hauv zos lawm.

    Kuv tham txuas koj qhov uas TSWV XYA tas kee muaj fwv seej ua dab tsov. Raws li tej laus tham ua ntuv zus los es yus nco tau tias Tswv Xya tuag tom thib 2 ntawd mas muaj li no:

    1. Yog Tswv Xya tuag thaum lawv los tom cov neeg zos nyob rau lub zos me me uas koj thiab kuv wb tham los saum no, es lawv muab cov xovpav no tua tuag coob coob, ces txij ntawd los thiaj li tsis txhua muaj tsov tom neeg lawm.

    2. Yog Tswv Xya lawv pab tsov no rov mus hla Dej Liab thiab Dej Ntsuab rov mus lawm pem tuam tshoj, es lawv mus poob deg tuag tas lawm, vim tias tus Dej Liab thiab Dej NTsuab no loj heev li. Cov laus tham tias thaum lawv mus txog ntawm tus ntug Dej Ntsuab ces lawv txawm txia ua neeg. Lawv tau mus thov cov NCuav Dawb (Thai Dum ) muab nkoj los nquam xa lawv hla dej. Cov Ncuav Dawb no xa thawj thawj nkoj hla dej txog sab tim ub lawm, ces cov Ncuav Dawb no rov los tos 2 pab tom qab. Thaum thawj pab lawv muab xa dhau dej ntawd them nyiaj rau cov Ncuav Dawb mas kuj yog nyiaj tiag, tab sis thaum cov Ncuav Dawb no txais lawv cov nyiaj tas, es rov los yuav txog 2 pab tom qab, ua cas cov nyiaj uas thawj thawj pab them rau cov Ncuav Dawb no yog xav txheej xwb, tsis yog nyiaj, ces cov Ncuav Dawb no thiaj paub hais tias cov no tsis yog neej, lawv yog dab xwb. Thaum no, cov Ncuav Dawb thiaj li rov los tos pab nruab nrab. Cov Ncuav Dawb no xa lawv mus txog nrab deg ntawm tus Dej Ntsuab, lawv thiaj li muab cov tsov no nchuav rau hauv dej. Ces pab nruab nrab thiaj li tuag tas lawm. Tshuav pab thib 3 ces lawv thiaj li khiav rov qab lawm. Txij ntawd los ces, Tswv Xya moo los tos neeg thiab tom neeg thiaj li ntsiag lawm. Thiab cov Tsov Dab no thiaj li tsis muaj muaj fwjchim lawm vim Tswv Xya tuag lawm. Hais txog qhov tsov tom neeg thiab tom nyuj, twm, nees, thiab npua thiaj li tsawg lawm thiab hais txog cov Tsov Dab no rov los tos neeg thiaj li tsis tshua muaj heev heev lawm.

    3. Raws li tej laus tham qhov tseeb tseeb tiag tiag mas yog Tswv Xya Lauj tus kwv uas hu ua Tooj Pov Lauj no rov muab Tswv Xya tua tuag lawm xwb. Qhov teeb meem uas Tooj Pov Lauj muab Tswv Xya tua no mas, tej laus tham meej meej hais tias nyob rau lub zos Haiv Ntoo Qaub ntawd, muaj ib xyoo, Tswv Xya pheej los heev heev, los nrog Tswv Xya tsev neeg thiab Tooj Pov Lauj lawv tsev neeg nyob. Tswv Xya los thiab los ces Tswv Xya cia li tshwm sim txia los ua neeg nrog lawv nyob. Muaj ib hnub, Tswv Xya tsawm hais rau Tooj Pov Lauj hais tias Tswv Xya nqhis nqhis dej, ces Tooj Pov tsis totaub, Tooj Pov txawm tso cai hais tias, nqhis dej ces yus kuj mus haus yus. Ces Tswv Xya txawm sawv mus haus dej lawm. Tswv Xya mus haus dej tas ces Tswv Xya rov los nyob li qub. Thaum no Tooj Pov mam nco nrhiav Tooj Pov ib tug me nyuam tub yau, tab sis nrhiav qhov twg los nrhiav tsis tau li lawm, ces Tooj Pov thiaj li nug Tswv Xya hais tias, ua Tswv Xya puas paub Tooj Pov tus me nyuam tub yau no mus dua qhov twg lawm? Tswv Xya mam qhia hais tias vim Tswv Xya nqhis nqhis dej, es Tswv Xya muab nws ua dej haus lawm. Thaum no Tooj Pov mam totaub tias thaum Tswv Xya taij taij Tooj Pov tias Tswv Xya nqhis nqhis dej ntawd yog nws xav noj Tooj Pov tus tub me ntawd ntag. Tooj Pov nkawv 2 niam txiv xav mus xav los, chim nkawv heev, ces muaj ib hnub Tooj Pov thiaj li nrhiav ib lub tswv yim tua Tswv Xya. Tooj Pov thiaj li mus ntaus ib lub muas txwv nyiaj thiab npaj ib rab phom Hmoob ntev 8 dos. Muab lub muas txwv nyiaj ntawd ntim rau hauv rab phom nrog rau 1 lag tshuaj phom. Thaum Tooj Pov rov pom Tswv Xya los, ces Tooj Pov thiaj li ua txuj mus ua teb thiab tawm mus nraum zoov lawm. Tooj Pov mam nyas rov los, thiab taw phom nraum qhov tsev twm ywm tuaj. Thaum Tswv Xya mus mus los los ze rau Tooj Pov rab phom uas zoo tsam thawj tua, ces Tooj Pov thiaj li qib kiag Tooj Pov rab phom rau. Rab phom txhais nrov npoog ces thiaj li raug kiag Tswv Xya nruab log siab. Tswv Xya thiaj li tuag kiag. Thaum Tswv Xya tuag lawm, Tswv Xya yog ib tug tsov loj loj lawm xwb. Txij li qhov no los ces thiaj li tsis muaj Dab Tsov Tswv Xya lawm. Thiab qhov uas lawv los tos neeg thiaj li tas rau qhov no.

    Qhov tiag tiag ces yog Tswv Xya tsev neeg rov muab nws tua tuag lawm xwb, vim nws tos neeg los tos tas npaud, tom neeg noj los tom tas npaud, ces nws tsev neeg thiaj li rov muab nws tua tuag. Dab Tsov thiaj li tas rau qhov no. Cov tsov uas los tom cov Hmoob nyob rau lub zos me me uas tham los saum no yuav yog Tswv Xya cov tubr.o.g tsov lawm xwb, los tsis paub.

    txawm NTxuaj Teg Vaj yog peb ib tug phauj uas yog kuv txiv lawv ib tug cousin nyob rau lub zos Hav Ntoo Qaub ntawd, ntshe yuav yog thaj tsam 1920-30 ntawd. Ntxawm Ntxuaj Teg mas nws yug los thiab loj hlob los, nws yog ib tug ntxhais ncaj ncees, tsis ua plees yi, thiab pab niam pab txiv ua noj ua haus. Nws yog ib tug ntxhais liaj ntxhais teb xwb. Thaum lub sijhawm uas Tswv Xya tseem muaj muaj power ntawd, ces Ntxawm Ntxuaj Teg sawv ua saub "Psychic". Tej thaum kuj zoo li nws becomes schizophrenia thiab, tab sis qhov neeg zej zog ntseeg nws thiab tej niam tej txiv ntseeg nws mas, vim nws saib dab khoom ploj khoom xiam kuj leej xws li npua ploj, nees ploj, nyuj ploj, nyiaj ploj, neeg muaj mob thiab neeg mus tsham zoov tsham tshuaj poob zoo. Nws saib leej heev. Ua mus ua tuaj ces cov dab Tswv Xya no pheej los nrog nws tham thiab los qhia nws. Leej twg mob yuav kho tsis zoo los Ntxawm paub. Leej twg mob, ho kho yuav zoo los Ntxawm paub tib si. Thaum ho muaj ib tug neeg tuag lawm, los nws los hais rau Ntxawm, kom NTxawm hais rau nws tsev neeg tsis txhob quaj quaj los NTxawm kuj ua tau. Raws li cov laus tham, thaum Ntxawm paub txog psychic ntawd tsuas muaj kwv yees li 3-4 lub xyoo xwb ces Ntxawm txawm tuag lawm.

    Ntxawm muaj 2 lub nicks. Ib lub hu ua Ntxawm Ntxuaj Teg, hos ib lub hu ua Ntxawm Ntaus Ncas. Lub nick uas hu ua Ntxawm ntaus ncas mas yog dua vim nws siv rab ncas los hu thiab tham nrog cov tsov Tswv Xya. Lawv cov niam cov txiv ua li lub tsev me me rau Ntxawm teev tiam cov Dab Tswv Xya no. Yog leej twg thov txog Ntxawm, thiab xav nrog nws cov neeg tuag lawm tham, ces Ntxawm mam mus hu nram Ntxawm lub tsev uas Ntxawm teev cov dab no xwb. Thaum NTxawm hu cov dab no, Ntxawm siv ib rab ncas los hu lawv. Muaj dab tsi cov dab no mam los qhia rau Ntxawm. Tom qab ntawd Ntxawm mam li los qhia rau tus neeg ntawd. Yog li no lawv thiaj hu ua Ntxawm ntaus ncas. Qhov lawv hu nws ua Ntxawm NTxuaj Teg mas kuj yog thiab, vim thaum nws ntaus nws rab ncas, ces kuj zoo li nws ntxuaj ntxuaj nws txhais tes.

    Ua ntej thaum Ntxawm yuav tuag, muaj ib xyoo cov dab no cia li los hu Ntxawm mus ciaj ciaj lawm. Ntxawm cia li ploj lawm xwb. Nrhiav qhov twg los kuj tsis pom Ntxawm li lawm. Cov niam cov txiv thiaj li ua neeb thiab fiv yeem kom Ntxawm rov qab los. Ces cov dab no thiaj li rov coj Ntxawm los. Thaum Ntxawm los, lawv cov niam cov txiv thiaj nug hais tias yog ua cas? Ntxawm ho ploj lawm? Ntxawm thiaj qhia tias yog Tswv Xya lawv los coj Ntxawm mus lawm. Ntxawm mus nyob tau 4-5 hnub rau tom hav zoo mas Ntxawm tshaib tshaib plab, vim Ntxawm nrog tsis tau lawv noj nqaij nyoos, nqaij lwj, noj raubris, noj nplooj hmab nplooj ntoo, thiab noj av, ces cov poj ntxoog thiaj sij los muab Hmoob tej mov su thiab los muab tej mov hauv tsu lossis laujkaub, nqa mus rau Ntxawm noj. Lub sij hawm uas Ntxawm nyob tom hav zoov ntawd, Ntxawm mus nrog nws 2 tug txiv Ntxawm xws li Paj Yias thiab Paj Raus nkawv nyob ua ke. Cov dab tsov no mas lawv coob coob nyob puv roob puv hav li. Thaum Ntxawm rov los zaum no, Ntxawm los nyob tau li ib tog xyoo xwb, ces cov dab no rov los tos Ntxawm dua. Ntxawm cia li pheej si thiab tsis noj mov zuj zus xwb. Muaj ib hnub ces Ntxawm cia li ua ib tug npaws ces Ntxawm txawm mob tau li 1-2 nyuag hnub xwb ces, Ntxawm cia li tuag lawm. Thaum Ntxawm tuag tas, Ntxawm niam Ntxawm txiv quaj quaj Ntxawm, Ntxawm kuj tseem ua tau dab rov los hais rau Ntxawm niam thiab txiv kom tsis txhob quaj quaj, yog Tswv Xya lawv los tos Ntxawm lawm xwb. Txij thaum Ntxawm NTxuaj Ntaus Ncas tuag tas, ces tsis muaj psychic Hmoob lawm. Tsis muaj neeg txuas tau dab thiab neej lus lawm. Txuas ntxiv ntawd, thaum hnov hais tias Tooj Pov Lauj uas yog Tswv Xya tus kwv ntawd rov muab Tswv Xya tua tuag lawm, ces cov dab no thiaj li ntsiag txiaj ntsiag moo tos los txog ntua rau thaum teb chaws tawg es peb khiav tuaj lawm xwb. Dua li yav nram ntej mas, yeej tsis muaj leej twg tuav tau lawv npe tham txog lawv dab tsi. Leej twg tham dab tsi txog lawv ces ib chim xwb, cov dab tswv xyas no yeej los hem nws li lawm.

    Txuas ntawm no mus, ho tham me ntsis qhia nej txog ntawm Tsov Paj Yias. Kuv tham li uas kuv nco tau kuv yawg piav xwb. Paj Yias Vaj mas yog kuv yawg ib tug cousin thiab. Thaum Paj Yias ua neej nyob, nws txawj zajtshoob, txiv xaiv. Nws ua kavxwm thiab ua mejkoob. Nws yog ib tug neeg uas pab neeg heev rau fab tshoob kos, tsis hais txhoob zawj, tshoob nkauj poj nraug qab, nraug pom nkauj lw, lossis tshoob qhaib. Hais txog fab kev mob nkeeg, nws txawj txiv xaiv thiab paub foomkom, uas teb chaws qhuas thiab cav nws. Cov kwv tij tham ua 2 lo lus rau kuv. LAwv tham hais tias Paj Yias tuag nyob rau lub zos Roob Tuam Phuv Lis. Ib txhia kwv tij hais tias tuag nyob lub zos Hav Ntoo Qaub no thiab. Ib txhia kwv tij ho hais tias muaj 2 tug Paj Yias, ib tug yog Paj Yias tub, hos ib tug yog Paj Yias txiv. Tus Paj Yias tub thiaj li mus ua tsov no, tab sis kuv yawg yeej tham meej meej, thiab kuv nco tau mas tus Paj Yias uas mus ua tsov nrog Tswv Xya lawv ntawd yog kuv yawg phaj. Nws hu kuv yawg ua Tij laug.

    Tham raws li nco tau uas kuv yawg piav txog Txov Paj Yias. Thaum Paj Yias mob mob es nws tuag lawm ces nws txawm mus ua ib tug tsov nyob rau ntawm Tswv Xya uas yog tus mus pab Tswv Xya. Dab no kuj muaj zoo politic thiab. Paj Yias yog tus pha cov tsov mus tom nyuj tom twm thiab mus nrhiav noj nrhiav haus. Thaum Ntxawm NTxuaj Teg hu Tsov Paj Yias los nrog kuv yawg tham, nkawv tham ib tag hmo dua. Kuv yawg los kuj yog neeg haus yeeb, hos Paj Yias thaum ua neej nyob los, kuj haus yeeb thiab. Kuv yawg pua chaw pw ntawm Ntxawm Ntxuaj Teg niam thiab txiv lawv lub hauv plag. Thaum neeg pw ntsiag zog lawm ces, Paj Yias txawm los li uas kuv tham los saum toj no. Kuv yawg txawm hnov d.ev. tom ntsuag qees tom ntug zos los. Ib pliag ntshis xwb ces Paj Yias txawm yog tus xub hu kuv yawg hais tias, "Tij laug! koj tuaj lawm los?" Kuv yawg txawm teb tias, "Aws!, kuv tuaj lawm." Nkawv txawm pib sib tham. Kuv yawg thiaj li nug me ntsis txog ntawm peb pog li kuv tham los saud. Ces Tsov Paj Yias thiaj li teb hais tias, "Peb pog tseem mus tsis tau puv ib xyoo, tseem hais tsis tau laib lus, thiaj tsis los." Dhau ntawd peb yawg txawm cev ko kublub rau nraum zoov tias, "Koj puas haus yeeb lawm nas?" Paj Yias hais tias kuv haus thiab mas. Ces kuv yawg saib mus rau nraum zoov, kuj tsis pom Paj Yias, tab sis Paj Yias kuj nqus yeeb li ib tug neeg ciaj lawm thiab. Dhau ntawd ces nkawv thiaj li tham txog Paj Yias lub neej uas mus ua tsov ne zoo li cas? Paj Yias thiaj li tham tias, lub neej mus ua tsov mas txom txom nyem. Dab muaj rule muaj cai. Lub ntuj tsis pub cov tsov no tom tsiaj ywjsiab. Lub ntuj pub lawv noj tus twg, lawv tsuas tau noj tus ntawd xwb. Lawv tom tau ib tug tsiaj, ces sawv daws los noj tus ntawd xwb. Tej nqaij tsiaj no tsis zoo li saum neej no es yuav khaws tau cia. No tsis tas, ces tsw lwj lawm los, yeej kawg yauv rov los noj xwb, vim tsis muaj dab tsi noj. Zoo li uas kuv nco tau mas, 7 hnub twg lub ntuj mam pub lawv noj ib tug tsiaj xwb. Yog li no, mus ua tsov mas tshaib tshaib plab. Thaum lawv tom tsis tau tsiaj los noj ces kawg yuav tau noj av lawm xwb. Tej thaum lawv tshaib plab dhau hwv lawm ces, lawv thiaj li los ua bau suav rau alwv tej neeg, los thov qaib, thov qe ntawm lawv tej neeg. Yog lawv los ua bau suav hais tias, lawv los thov koj ib lub qe, es koj kam rau lawv lawm ces, tej thaum ces, lawv los tom koj ib tug bua, lossis ib tug nyuj, ib tug nees. Yog koj hmoov zoo, es hauv nruab dabntub, koj yeej tsis kam, ces cov tsov no thiaj li tsis tom koj tej tsiaj xwb.

    Lub caij no, nyob rau sab Xas Niam no mas, tsov coob coob li. Koj mus ua teb, es koj tsuj koj tej neev taw rau ntawm tej kev uas nqos thiab noo, ib chim koj mus ua teb los, tsov twb los tsuj koj tej neev tawm lawm thiab. Mus txoj kev twg los, yog mus 1-2 leeg ces tssi tau luag li. Cov neeg ib txhia nyob sab Xas Niam no kuj raug tsov tom noj lawm ib txhia.

    Hnov neeg tham tias Tsov Paj Yias tuag no yog nws mus tom lawv ib tug heev nyuj. Tsov Paj Yias muab noj tas ib ceg, ces lawv mam li mus nrhiav tau lawv tus nyuj. Lawv thiaj li caw phom rau thiaj li mag tsov Paj Yias tuag lawm. Qhov uas paub li no, yog cov dab tsov no los ua bau suav qhia sawv daws, es thiaj li assume li ntawd xwb, vim tias thaum NTxawm NTxuaj teg tuag tas alwm ces, neej thiab dab sib txuas lus tsis tau lawm. Tsov Paj Yias hais rau kuv yawg ib los hais tias, nws laj laj ua tsov li lawm, vim tias lawv txom txom nyem. Yog yauv mus thawj dua thiab ces yauv tau mus plhis zaj plhis zuag es thiaj li mus thawj thiab tau. Qhov meaning uas mus plhis zam plhis zuag no tej zaum yog qhov uas cia neeg tua kom tau lawv tuag es thiaj li tau mus thawj dua thiab xwb.




    Last edited by koojziagkabzaug on 28th June 2010, 3:35 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 28th June 2010, 3:07 pm




    Guest_HmoobTxuj_* 9/17/08, 10:47 AM Post #6



    Koj sau tau zoo kawg lawm, tab sis tshuav me ntsis. Lwm hnub kuv muaj caij no, kuv li mam pab koj polish koj zaj dab neeg Tswv-Xya.

    Qhov kuv xav kom sawv daws tuaj tham txog Tswv-Xya Lauj no mas. Nws yog True Story. Tsis yog dag li. Mas yog peb tham zaum no, no ces peb tham raws nws qhov biography uas tim li cas nws thiaj li tuag mus ua dab ua tsov lawm. Thiab nws thiaj li muaj powver tag npaum.

    Qhov true Story mas yog li no: Tswv Xya Lauj thiab peb tej pog tej yawg mas lawv yeej nyob koom zej koom zos, luaj teb ntov ntoo, ua noj ua haus nyob rau cheeb tsam, Hav Ntoo Qaub, Tiaj Moshlub, Hav Zeb Dub, Tiaj Tshuaj, los rau Tuamlaj Tsuas Nquab ntawd. Kuv tsis paub exactly hais tias Tswv Xya Lauj no tuag kiag rau lub zos twg? Tab sis lub tsam thawj uas Ntxawm Ntxuaj Teg Vaj no tshwm sim es tham tau nrog Dab Tswv Xya no yog lub zos Hav Ntooj Qaub.

    Beginning: Tswv Xya Lauj yog ib tug neeg siab si, ua neeb ua yaig, txawj khawv koob daws dab, paub hu plig, paub muab tshuaj. Thaum Tswv Xya Lauj yauv poj niam es twb muaj 2 tug me nyuam lawm, kuv yawg tiav hluas nraug. Lawv yeej tau mus sibpauv zog ua teb ua ke. Lawv noj sib hlub haus sib ce.

    Thaum Tswv Xya Lauj yuav tuag tiag tiag yog nws mus nram Blog zos. Hnub ntawd yog hnub Blog ua dab. Thiab xa dab mus rau tom ib lub tsev teev dab. Tswv Xya Lauj los kuj tsis paub hais tias hnub ntawd yog Blog hnub xa dab caiv zos. Tswv Xya xav tias tej zaum yog lawv teev haujsam li qub yav tas los xwb. Mov su los kuj tsis nco ntim. Ces nws txawm los txog ntawm Blog lub tsev xa dab ntawd. Muaj ib co mlom thiab muaj zaub mov nyob ntawd. Tswv Xya tshaib plab ces txawm muab cov zaub mov uas Blog muab rau dab ntawd noj. Lub tsev lawj los kuj kuv phem kuv phem thiab co co. Ces cov mlom txawm vaus. Tswv Xya txawm poob siab thiab txawm ntshai Blog cov dab ntawd. Tswv Xya los tsev ces yawg txawm pib mob. Thaum luag mob mas Tswv Xya mus pab tau. Thaum no Tswv Xya mob ces tsis muaj neeg kho tau Tswv Xya. Tswv Xya mob mob ces Tswv Xya txawm tuag lawm. Peb cov yawg lawv sawv daws kuj tau mus pam Tswv Xya. Thaum Tswv Xya tuag mas, nws lwj lwj. Tab sis, Tswv Xya tuag puvtsug ces, Tswv Xya pheej ua dab rov los nyob li qub. Los nrog lawv tsev neeg tham li qub. Los pab lawv ua neeb ua yaig, hu plig li qub. Cov neeg ciaj yeej tsis pom Tswv Xya, tsuas yog tus puav neeg mob thiaj pom nws xwb.

    Ntev msu ntev tuaj, ces Tswv Xya thiaj ua tsheej tsov. Ces thiaj pib tom nyuj tom twm tuaj. Tswv Xya tsev neeg Hmoob Lauj nyob Wausau, Wisconsin. Ziag no lawv mus lawb dab tag lawm. Tswv Xya Lauj 2 tug tub xeeb ntxwv kuj tseem ua neej nyob rau St. Paul. MN.

    Nej leej twg paub qhov REALLY TRUE STORY no, thov tuaj ua tib zoo tham pub rau peb mloog. Tim li cas thiaj neeg thiaj tuag coob coob lawv Tswv Xya qab? Tim li cas, Tswv Xya thiaj muab Tooj Pov thiab Niam Tooj Pov Lauj nkawv tus me nyuam tom lawm? Tim li cas, Tswv Xya thiaj los tos tau Paj Yias, Paj Raus, lawv mus tas lawm?

    Paj Yias yog kuv ib tug yawg kwv tij. Paj Yias mas thaum ua neej nyob nws yog ib tug coj tshoob coj kos, ua kavxwm, thiab hais txivxaiv. Raws li cov laus tham mas vim nws qhov nyuag txujci no xwb, ces Tswv Xya thiaj los tos nws lawm. Paj Raus los yog kuv ib tug yawg kwv tij thiab. Paj Raus qhov txujci ces tsuas yog paub muab tshuaj ntsuab xwb. Hu ua tshuaj ntsuab qhwv tes qhwv taw, tshuaj yeeg, tshuaj kub no, tshuaj mob plab, tshuaj txuas txha tej no ces Yawg Paj Raus paub. Yawg Paj Raus tuag rau qhov nyuag no xwb.

    Kwv yees xyoo 1930 zaj no, thaum Tswv Xya los tos tau Paj Yias Paj Raus thiab neeg coob coob mus ua dab ua tsov tag lawm, kuv yawg tseem nrog tau Tsov Pajyias tham, vim thaum no muaj Ntxawm Ntxuaj teg uas yog ib tug Psychic hu Tsov Pajyias, ces nws thaij li los nrog kuv yawg tham. Tso Pajyias yog kuv yawg ib tug kwvtij.

    Tham li no tso, peb mam rov tham qhov REAL STORY rau yav tom ntej no. Ua tsaug.


    Guest_TALE-TELLER_* | Post #9 |


    True Story

    Tswv Xya Lauj thiab peb tej pog tej yawg mas lawv yeej nyob koom zej koom zos, luaj teb ntov ntoo, ua noj ua haus nyob rau cheeb tsam, Hav Ntoo Qaub, Tiaj Moshlub, Hav Zeb Dub, Tiaj Tshuaj, los rau Tuamlaj Tsuas Nquab ntawd. Kuv tsis paub exactly hais tias Tswv Xya Lauj no tuag kiag rau lub zos twg? Tab sis lub tsam thawj uas Ntxawm Ntxuaj Teg Vaj no tshwm sim es tham tau nrog Dab Tswv Xya no yog lub zos Hav Ntooj Qaub.

    Beginning: Tswv Xya Lauj yog ib tug neeg siab si, ua neeb ua yaig, txawj khawv koob daws dab, paub hu plig, paub muab tshuaj. Thaum Tswv Xya Lauj yauv poj niam es twb muaj 2 tug me nyuam lawm, kuv yawg tiav hluas nraug. Lawv yeej tau mus sibpauv zog ua teb ua ke. Lawv noj sib hlub haus sib ce.

    Thaum Tswv Xya Lauj yuav tuag tiag tiag yog nws mus nram Blog zos. Hnub ntawd yog hnub Blog ua dab. Thiab xa dab mus rau tom ib lub tsev teev dab. Tswv Xya Lauj los kuj tsis paub hais tias hnub ntawd yog Blog hnub xa dab caiv zos. Tswv Xya xav tias tej zaum yog lawv teev haujsam li qub yav tas los xwb. Mov su los kuj tsis nco ntim. Ces nws txawm los txog ntawm Blog lub tsev xa dab ntawd. Muaj ib co mlom thiab muaj zaub mov nyob ntawd. Tswv Xya tshaib plab ces txawm muab cov zaub mov uas Blog muab rau dab ntawd noj. Lub tsev lawj los kuj kuv phem kuv phem thiab co co. Ces cov mlom txawm vaus. Tswv Xya txawm poob siab thiab txawm ntshai Blog cov dab ntawd. Tswv Xya los tsev ces yawg txawm pib mob. Thaum luag mob mas Tswv Xya mus pab tau. Thaum no Tswv Xya mob ces tsis muaj neeg kho tau Tswv Xya. Tswv Xya mob mob ces Tswv Xya txawm tuag lawm. Peb cov yawg lawv sawv daws kuj tau mus pam Tswv Xya. Thaum Tswv Xya tuag mas, nws lwj lwj. Tab sis, Tswv Xya tuag puvtsug ces, Tswv Xya pheej ua dab rov los nyob li qub. Los nrog lawv tsev neeg tham li qub. Los pab lawv ua neeb ua yaig, hu plig li qub. Cov neeg ciaj yeej tsis pom Tswv Xya, tsuas yog tus puav neeg mob thiaj pom nws xwb.

    Ntev msu ntev tuaj, ces Tswv Xya thiaj ua tsheej tsov. Ces thiaj pib tom nyuj tom twm tuaj. Tej neeg zej zog pib muaj mob muaj tuag. Cov neeg uas tuag puav leej yog cov poj niam zoo nkauj thiab cov tub zoo nraug xwb. Dua li ntawd, ces Tswv Xya los tos cov neeg txawj neeg ntse thiab cov coj noj cov ua zuj zus. Thaum no, neeg zej zog sawv daws thiaj li ntshai ces thiaj li khiav ib co rau qhov ub ib co rau khov no. Lub sij hawm no mas, tus xwm txheej mas kub kub kawg li. Niam cem tsis tau txiv hasi tias "Niag tsov tom" lossis "Niag Dabcab" "Koj yuav tuag laud". Hais tsis tau tej lus no li. Yog leej twg thiab tsev neeg twg siv cov lus no ces tus raug cem ntawd txawm tuag lawm ntag. Ua mus ua tuaj, tej tub zoo nraug, tej ntxhais zoo nkauj los yeej hais tis tau hais tias "Zoo nkauj kawg" lossis "Zoo nraug kawg". Yog hais li no ces tsis ntev Tswv Xya lawv los tos mus li lawm. Mas tej lus no caiv los txog niaj hnub nim no. Ib txhia twb tseem tsis tau kam qhua nws tej me tub me nyuam hais tias "Zoo nkauj, zoo nraug, txawj ntse, lossis paub ub paub no." Qhov neeg sij hasi heev ces, tsuas yog hais tias "Phemquav kawg thiab mas" thiab "R.uam tsis paub dab tsi as".

    Kuv paub lwm xeem tsis zoo, tab sis kuv paub kuv cov neeg uas tej lasu hais tias Tswv Xya tos mus lawm mas yog muaj: Kuv Pog, Yawg Paj Yias, Yawg Paj Raus, thiab Yawg Nchaiv Leem. Cov no, tej laus hais tias yog Tswv Xya lawv los tos tas lawm. Cia kuv tham ntawm kuv pog tuaj. Kuv pog tus mob mas tsis mob loj li. Mob me me xwb ces cia li tuag lawm xwb. Ua ntej thaum yuav muaj qhov teeb meem no, yog kuv pog thiab kuv yawg lawv nyob ntawm lub zos Hav Ntoo Qaub ntawd ntag. Muaj ib hnub, kuv yawg raug thov mus ua Kavxwm rau ib tug Hmoob tuag lawm, ces kuv pog cia li mus nram teb ib leeg. Nws mus ua nto ib kab teb xwb ces zoo li nws pheej nkees nkees, zoo li pheej yuav tsaug zog. Ces kuv pog txawm cia li los zaum so ib pliag. Nws los zaum so no, ua cas, nws cia li tsis nco qab lawm. Tos nws tsim los ces, kab tua nas twb quaj ntsuag qees yuav tsaus ntuj. Txhais tau tias nws cia li tsis nco qab tham tsam lub sij hawm li 10 AM-5 lossis 6 PM, ntawd no los mas. Ces thaum nws tsim los, nws feel li uas chaw mos ntsim ntsim li kua txob tsim, tej pog tej yawg tham li ntawd. Ces pog poob siab nthav hais tias, "Ab, luag hais tias dab tsov los yuj yus, los deev yus no ntshe yog li no ntag laud." Ces pog txawm khiav kiag los tsev. Tsaus ntuj peb yawg txawm los pem tsev tuag los pw. Ces peb pog txawm tham rau peb yawg, hais txog tus teeb meem ntawd. Peb yawg los yog niag neeg siab loj thiab. Peb yawg txawm hasi niag dag ntxuav hais tias "Ntshe kuv tsis tau nrog koj mus ua teb es koj lam hais xwb paus." Ces pog txawm chim ces pog txawm tsis tham ntxiv lawm. Peb yawg mus nrog lawv tha lawv tus tuag muab pov tseg tas nrho, ces peb pog pib mob. Peb pog mob zoj tau li 2-3 nyuag hnub xwb ces pog tuag.

    Thaum pog tuag no mas, Yawg Paj Yias thiab Yawg Paj Raus lawv twb xub tuag tag lawm. Ces peb yawg kho kho siab tau muaj li ib tog xyoo. Hmoov muaj ces Ntxawm Ntxuav teg txawm paub Phychic nrog tau dab sib tham. Ntxawm pab tau ntau leej txuas tau cov tuag lawm lus, ces peb yawg thiaj li mus ntsib NTxawm. Ntxawm mas yog phaj ntxhais rau peb yawg lawm. NTxawm thiaj hais tias Txiv NTxawm, koj xav nrog niam ntxawm tham tiag li los? Ces peb yawg txawm hais tias xav hos, thiaj tuaj cuag koj. Ces Ntxawm txawm hasi rau peb yawg peb, yog li hmo no, koj pua chaw pw rau ntawm hauj plag, es koj tsis txhob tsaug zog nawb. Cia kuv mus hu luag tso. Kuv mam los qhia koj. Ces NTxawm txawm muab ib rab ncas coj mus ntau nroj nphwj nphwj nram ib lub nyuag me nyuam tsev. (Luag thiaj hu ua NTxawm ntaus ncas. Ib txhia hu ua Ntxawm ntxuaj teg.) Tav li uas 1 hour, ces Ntxawm txawm rov qab los. NTxawm hais tias Txiv Ntxawm, "Niam Ntxawm tseem mus tsis tau puv xyoo es, luag qhov ncauj tseem cog cog txiv taum ntaj, es luag tseem hais tsis tau laib lus. Luag los nrog koj tham tsis tau. Tab sis Txiv NTxawm Paj Yias los nrog koj tham mas. Muaj dab tsi, ib chim ib tag hmo, Txiv Paj Yias mam li qhia koj. Koj pw twj ywm ntawm hauv plag tos. Ces peb yawg txawm taws teeb haus yeeb pw ntawm hauj plag tos. Hmo ntawd qaim qaim hli, kwv yees yog xiab 15, full moon. Ces txawm hnov d.e.v tom ntsuag qees ua nraj ua nrug los ntag laiv. Ib pliag ntsis li 15 minutes ces hnov nrov khuj khuav nraum pab ntsa tuaj. Ntawm cov phab ntsa lawm nraum zoov mas, lawv phua t.xi.ag ntoo los xov tsev, tab sis cov t.xi.agntoo nrug tej kab luajli ib tug rawg, uas pom kev lub rau nraum zoov. Peb yawg txawm nyob twj ywm xauj phab ntsa, tab sis tsis pom db tsi li. Ces txawm muaj ib lub suab hu tuaj, Tij laug koj tuaj lawm los? Kuv yawg mas yog nws tij laug. Kuv yawg txawm teb tis, "Kuv tuaj lawm mas. Koj puas yog Pajyias os?" Ces txawm teb kuv yawg tias, "Kuv yog mas." Peb yawg cia li tsis nco qab ntshai nws li lawm. Cia li xav tias yus yog kwv tij lawm xwb. Ces Nkawv 2 kwv tij cia li sib tham txog ntua thaum qaib qua thawj tsig.

    Nyob rau hauv qhov kes sib tham no mas, nkawv sib tham ntau yam, tab sis kuv nco tsis tau zoo. Qhov kuv nco tau zoo ces, yog kuv yawg nug ib lo txog ntawm kuv pog. Kuv yawg nug hais tias, "Kwv Pajyias, koj twb paub hais tias kuv txom txom nyem pluag pluag, ua cas koj tsis pab saib xyuas kuv tsev neeg, es nej tseem los tos koj niam tij lawm thiab es kuv yauv ua cas ua neeg?" Ces Pajyias txawm teb li no, "Tijlaug, kuv mus yos lawm. Tos kuv los txog es kuv los pom ces, lawv twb muab niam tij tuav ua zab ua zus los txog lawm xwb los as. Kuv tsis pom qab yauv ua li cas li los as." Tas ntawd, ces Pajyias txawm hais rau peb yawg hais tias, "Koj tsis txhob quaj. Cia kuv qhia koj mus yuav tus poj niam Hmoob nyob lub zos sab nraud. Nws muaj 2 tug me nyuam tseem yau yau. Nws tus txiv peb tos los lawm thiab. LAwv txom txom nyem, es koj mus yuav tus niam no los ua koj poj niam." Ces kuv yawg txawm hais tias, 'Ntawm Hav Ntoo Qaub no mus rau lub zos sab nraud yog mus ib tav su kev thiab muaj hav zoov ntau. Kuv tsis tau luag nas." Yawg Pajyias txawm hais rau kuv yawg tias, "Saib koj puas nyiam kuv ua koj luag xwb?" "Yog koj nyiam kuv ua koj luag ces, tag kis koj mus txog tom ntug zos ces, koj hus hais tias <"Pajyias aw, los ua kuv luag os. No ces kuv hnov lawm, es kuv los nrog koj mus ua koj luag." Ces yawg txawm hais tias "Ua li los ua li lso mas". Dhau ntawd, yawg txawm nug ib los hais tias, "Ua koj mus ua haiv neeg ko lawm, es koj luaj li cas?" Ces yawg Pajyias txawm teb hais tias, "Kuv luaj li ib tug txiv nees sam mas." Tag kis koj mus txog puag pem kev, kuv mam li los ntau ib lub cim ped rau koj pom." Ces nkawv tham li no, ces qaib txawm pib qua. Yawg Pajyias txawm hais rau peb yawg hais tias, "Tijlaug, qaib qua lawm ces, yuav kajntug, es kuv yuav mus ov. Kuv mus ua hom neeg no lawm, es nej pom tsis tau kuv li lawm os. Ces yawg Pajyias cia li sawv nrov khuav mus lawm. Ces rov qab hnov d.e.v tom ntsuag qees dua tom ntug zos lawm.

    Kajntug noj tshais tas, ces Yawg txawm mus xyuas tus poj ntsuam hlua hluas uas muaj 2 tug me nyuaj me nyob lub zos Hav Ntoo Qaub sab nraud. Thawm yawg mus txog tom ntug zos, Yawg txawm ua li Yawg Pajyias hais. Yawg txawm hu hais tias, Pajyias, los ua kuv luag os. Kuv mus xyuas tus poj ntsuam uas koj hais laiv. Thaum yawg hu li no tas ib pliag. Yawg taug taug kev mus ntev kwv yees li 1-2 xuab moo ntawd ces, cia li hnov ib lub suab li ib tug TXIV D.E.V KHIAV QAB KE, QAUM KEV, nrov kig kig kuag kuag, nrog yawg mus txog ntua lub zos sab nraum ub. Ces lub suab nrov no thiaj li ntsiag lawm.

    Dab Tsov Lub Neej

    Raws li peb yawg tham es yus hnov, es yus nco tau mas, Tswv Xya tos peb yawg Paj Yias no mus ua nws ib tug assistant uas yog mus pab nws saib cov tsov tag nrho thiab. Nws yog ib tug tsov loj uas pha cov tsov mus tom nyuj tom twm. Nyob sab Xas Niam ntawd, lawv tom tom luag tej nyuj tej twm, ces luag caws los caws phom rau lawv, lom los lom ua luaj, ces cov tsov no mag tua tuag lawm ntau thiab mag lom tuag lawm ntau. Xyov puas muaj tseeb, tab sis cov laus tham hais tias muaj ib zaug, lawv mus tom tau Hmoob ib tug nyuj, Tswv Xya lawv noj me ntsis ces lawv txawm mus lawm. Hmoob tuaj raws tau Hmoob tus nyuj, Hmoob thiaj muab tshuaj lom tso rau tus nyuj, Tswv Xya thiaj li rov los noj tau, Tswv Xya thiaj li qaug qaug yauv tuag, ces Tsov Paj Raus thiaj mus nrhiav tshuaj rau Tsov Tswv Xya haus. NWs thiaj li rov zoo.

    Tsov lub neej mas lawv depend rau ntuj pub lawv noj tus tsiaj twg ces lawv thiaj tau noj xwb. Yog ntuj tsis pub lawv noj ces, lawv yeej yuav tau yoo ntev ntev, yog li no tsov thiaj li mus nrhaiv qhov av dawb noj. Tsov thiaj tso q.ua.v av dawb. Lub neej ua tsov mas txom txom nyem. Raug neeg cem lawv foom lawv yog lawv los tom tau neeg tej npuas, tej nees, tej nyuj thiab twm. Tsis tas li los ua lub neej yoo tshaib xwb. Lub neej dab tsov no mas txom nyem heev li.

    Cov tsov no disapear txij thaum HLob GVP lawv sawv ua nom ua tswv, es lawv muaj riam muaj phom zoo ces cov tsov no thiaj li disapprea tas lawm xwb. Tom qab no los NTxawm Ntxuaj teg tuag lawm thiab, ces qhov neej/dab qhov coomunication thiaj li tag lawm.



    Hais txog TSWV XYAS, kuv los yeej tsis paub zoo thiab tab sis muaj ib lub sij hawm nyob Los Tsuas Tswv Xyas lawv muaj hwj chim heev. Lub sij hawm ntawd neeg hais tsis tau lus phem li, muaj ib zaug TSWV XYAS lawv twb los tos ib tug me nyuam hauv ib lub zos tab sis muaj ib co hluas lawv tsis paub lawv tseem mus tham hluas nkauj lwm lub zos lawm. Tag kis ntawd sawv ntxov cov hluas ntawd los txog tom roob pob zeb, Tswv Xyas lawv coj tus me nyuam ntawd mus txog tod thiab Tswv Xyas lawv thiaj khiav nkaum txawm hnov cov tub hluas ntawd hais hais kwv txhiaj los. Thaum lawv xaus kwv txhiaj txawj xaus hais tias " CHIM LAJ XEEB LOS YUAV TUAG " Tswv Xyas hnov hais tias yawg VAM XEEB LAUS YUAV TUAG hmo ntawd Tswv Xyas thiaj rov los coj kiag yawg Vam Xeeb Laus lawm thiab. Hmo tom qab Tswv Xyas lawv thiaj los ua npau suav rau lawv tias Tswv Xyas lawv twb mus txog tom Roob pob zeb lawm tab sis hnov ib co hluas los hais tias " YAWG VAM XEEB LAUS YUAV TUAG " no lawv thiaj los tos nws lawm. Thaum ntawd mam li muab sib nug los mam paub tias yog cov hluas ntawd xaus kwv txhiaj tias " CHIM LAJ XEEB LOS YUAV TUAG" no xwb.

    Lub caij no neeg mas ntshai tsov kawg nkaus lis mus qhov twg los yeej tsis hais lus phem li tiag......

    Cia muaj caij kuv mam tuaj piav txog tias " TSOV HWJ CHIM TAS THAUM TWG " thiab TSWV XYAS lawv dua twg lawm???

    Tus sau: Phooj Ywg

    Phooj Ywg

    Cia kuv piav seb puas yog li koj zaj nawb.

    TSOV TAS HWJ CHIM thiab TSWV XYAS PLOJ DUA TWG LAWM

    Raws li paub mas hais tias lub sij hawm uas tsov muaj hwj chim heev ntawd tsov yuav los noj neeg kom thoob hauv hauv teb chaws nplog, tab sis thaum kawg tsov pom tias muaj ib lub me nyuam zos Hmoob nyob rau txoj sawv toj los Suav teb los rau Nplog teb, tsov ho ntshai cov neeg nyob lub zos no. Thaum ntawd tsov thiaj tau los ntaus npau suav rau ob niam tub poj ntsuam nyob rau lub zos ntawd tias kom lawv npaj tsov yuav los ua ib npua r og nrog lawv, tag kis ntawd ob niam tub no thiaj tau mus hais rau tus tswv zos (Nai Npab) tab sis thaum mus hais rau tus naib npab tas nws kuj tsis ntseeg.

    Yawg Nai Npab ntawd hais tias kuv yog ib tug thawj tub r og ua cas tsov tseem yuav los nrog kuv ua r og tau li cas no? Nkawd ob niam tub cia li rov los tsev lawm. Hnub ntawd thaum tsaus ntuj zuag ua cas tsuas hnov cua tuaj ntxiag ib vuag dhau plaws xwb nai npab sawv mus xyuas nws pab npua kaw nram qab tsib taug tuag pawg lug xwb, thaum ntawd nws thiaj xav tias ntshe yuav muaj xwm dab tsi tiag thiaj rov mus hu ob niam tub tuaj ua zoo nug tas lawv txawm pw ntsiag to ib hmos.

    Tag kis tom qab sawv ntxov tsees muaj ib tug tub thiab ib tug ntxhais hauv lawv lub zos txawm cia li ua zaj sees li yuav mus pov pob thiab hais kwv txhiaj awv iv dua pem qaum tsev lawm. Thaum ntawd lawv saib ua cas sab roob ped nrov npaum nkaus li luaj teb nqi hhav los, lawv thiaj tawm mus saib tsuas pom nroj co thoob plaws ib sab toj los, tab sis thaum los yuav txog ob tug hluas nkauj hluas nraug ntawd txhos caug ntua nuv ces pom cov nroj rov qab co laim txias rov lawm.

    Ib pliag ntshis muaj ib tug feeb rov los hais lus neej hos ib tug ces mus hais lus dab lawm thaum ntawd lawv mam nug tias yog ua li cas?

    Tus feeb los hais lus neej thiaj mam qhia tias lawv kom nej npaj lawv yuav los ua r og nrog nej. Thaum ntawd tus tswv zos thiaj hu tas nrho lawv 6 yim ntawd sau tuaj nyob ua ke hauv yawg tswv zos tsev thiab npaj phom tos pom tsov tawm qhov twg lawv txawj pib tua, thaum lawv tua ib tav su cov tsov tuag coob heev lawm. Tus feeb neej thiaj rov los hais rau lawv tias luag hais tias nej heev dhau lawm zaum no luag yuav tso yawg daj los, lawv nug tias yawg daj yog dab tsi?

    Nws teb tias yawg daj ces yog Tswv Xyas ntag. Lawv thiaj nug tias ua nws yuav los li cas? Nws teb tias zaum no yawg daj mas yuav ncaj qha nram qhov rooj tag los ces nkag nplho hauv tsev ces noj kiag xwb. Lawv npaj phom tos tib pliag hnov nrov poog nram qab tsib taug saib tug txiv tsov daj rhuv lawv thiaj tib tsaug phom rau tuag kiag tib tug txiv tsov loj li loj. Ib pliag ntxiv tus feeb neej rov los hais tias luag hais tias nej heev dhau lawm zaum no mas poj sub los kiag yuav yeej yuav swb los zaum no, lawv nug tias poj sub yuav los qhov twg los?

    Nws teb tias poj sub yuav tsis los hauv av los lawm nws yuav los tim qhov muag tsev los taug kiag tus nqaj tsuag los txais tus yees nthab taug kiag los txog ntawm tus ncej tas nqi loo los ces noj kiag xwb. Lawv npaj phom tas nrho tos tib pliag ntshis hnov nrov khuav tim qhov muag tsev, saib cas tib tug mis dub kaim muag tsawv xwb ntsia ua cas los raws nraim li hais txog ntua ntawm tus yees nthab tig loo taub hau yuav nqis los lawv thiaj tib tsaug pog rau poob nthav tib tug tsov dub loj li loj rau tom tag. Ces thiaj li cia li tas li no lawm.

    Yog li ntawd, thiaj txhais tau tias Tswv Xyas raug tua tuag zaum no lawm thiab hwj chim tsov thiaj tag zaum no lawm nyob hauv nplog teb txawm yog yuav muaj tsov los thiaj tsis yog cov tsov muaj hwv chim thiab tos tau neeg li yav tas lawm xwb tiag ....... Phooj ywg.

    Koj sim ho tuaj piav koj zaj saib ma...............?
    Tus sau: Samx




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 18th February 2011, 4:04 pm



    Tswv Xyaas1/7---READ DESCRIPTION FIRST



    Saib txuas ntxiv hauv Yotube:


    http://www.youtube.com/watch?v=AOb_nm1KHsg&playnext=1&list=PLC64FE66972C6EF81

    Zaj movie nov, ua tag ces kuj muaj kev piam sij loj rau cov neeg ua daim yeeb yaj kiab nov...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Tswv Xyas mus ua tsov

    Post  Hmoob ntuj qub qab on 21st February 2011, 5:20 am


    Nyob zoo Koojziagkabzaug

    Zoo siab nws muab Tswv Xyas keeb kwm los piav rau peb mloog thiaj paub meej meej tias lub hauv paus mus rau ntsis yog li cas tiag , yav dhau los tsuas hnov tej laus piav ...tab sis tsis meej li no yuav tau khaws cia tau piav rau tej xeeb leej xeeb ntxwv tau mloog lawm yav pem suab.
    Ua nws tsaug ntau...

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 21st February 2011, 11:32 pm



    Nyob zoo Hmoob Ntujqubqab,

    Zoo siab nws tuaj txhawb siab txhawb zog txhua hnub.

    Hmoob leej tub, yam twg yog peb tseem ceev tau ces yuav tau khaws tseg. Yog peb tsis khaws tseg, dhau peb txheej no ces yuav tssi tshuav dab tsi li lawm. Vim tej me tub me nyuam, lawv nyob ib lub ntuj tshiab, lawv tsis tshua sib tjham lus li cov txheej qub lawm, lawv txawj ntawv ces lawv tsis siv cim xeeb lawm thiab. Ces txhua yam uas tsis sau tseg yuav ploj mus, yuav tsis muaj neeg nco tau los ceev cia li yav dhau los lawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 24th May 2011, 9:22 pm



    [size=24]
    Tswv Xyas - Everchange
    [/size
    ]


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PIJPAUJ
    Developer
    Developer

    Messages: 129
    Date d'inscription: 2010-12-26

    Re: Tswv Xyas mus ua tsov

    Post  PIJPAUJ on 20th September 2011, 2:13 pm


    PIJPAUJ
    Developer
    Developer

    Messages: 129
    Date d'inscription: 2010-12-26

    Re: Tswv Xyas mus ua tsov

    Post  PIJPAUJ on 26th September 2011, 1:00 pm

    Hmoob txhom pojntxoog nyob Lav 52:


    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 23rd March 2014, 7:13 pm


    Dab Neeg Tswv Xyas tos Pos Xyooj nyob Phou Vieng



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3694
    Date d'inscription: 2012-04-16

    Re: Tswv Xyas mus ua tsov

    Post  xiongchang on 23rd March 2014, 11:06 pm

    ......Ho piav txog....Tswv xyas....Tug tswv xyas tias tiag....Kawm khawv koob ntau li....Thaum yawg suav lwm....Yuav txia li cas?....Tau tas nrho...."Tab sis"....Luag tseem tua tau....Yawg suav lwm tuag ne....Poj ntxoog tas zim txwv hnub twg?....Luag tua poj ntxoog tuag....Vim poj ntxoog...."Tsi ncaj nceeg"....Tug tib neeg....(Ncaj nceeg - Pheej xeeb)....Thiaj muaj pov haum....Tug tib neeg...."Ntuj tshw"....Tsi muaj pov haum os?....Tswv xyas....Tog tib neeg heev dhau lawm....Noob neej neeg....Ua ntsoj ntsuag coob....Luag quaj nyiav foom phem....Kom tswv xyas tuag...."Khaum - Npam"....(Yes)

    xiongchang
    Moderator
    Moderator

    Messages: 3694
    Date d'inscription: 2012-04-16

    Re: Tswv Xyas mus ua tsov

    Post  xiongchang on 24th March 2014, 4:11 am

    ......Txawm yog dab tsov poj ntxoog....Tib neeg kiag....Yuav tsum ncaj nceeg....Pheej xeeb nawb....Thiaj muaj pov haum....Siav ntev nawb....Tug twg?..."Ntuj tshw"....Tuag sai os?....Yug txhob xav tias....Luag tsi pom....Ua tsi tau li cas?....{Yeeb tsi khiab - Ntuj tsi kheev}....Tog neeg coob dhau lawm....Luag quaj nyiav - Foom phem dhau...."Khaum - Npam"....Ib hnub tom ntej....Txawm phis nyuj vaim....Tseev heev npaum cas?....Luag tseem tua tau mas....Nco ntsoov....Tug tsov twg?....Tom npua tshis nees nyuj twm....Tuag pawg lug....Tsi noj nqaij....Tom chawj chim....Mag phom tuag....Ib hnub tom ntej....Dav ya saum ntuj....Tseem pom duab....Tseev poj ntxoog heev npaum cas?....Hnub tas zim txwv....Kawg mag phom tuag xwb las as?

    xiongchang
    Moderator
    Moderator

    Messages: 3694
    Date d'inscription: 2012-04-16

    Re: Tswv Xyas mus ua tsov

    Post  xiongchang on 24th March 2014, 3:48 pm

    ......Hab....hab.... lg  lg  ....Me muam kooj ziag kab zaug as?....Hmoob nplog txom tau poj ntxoog....Kuv mloog tug poj niam piav mas....Yog nkaug li....(Mos)....Niam ntxoov neeb....Ua nas tsuag....Xuas tawb kuv tug kheej ntas....Tsi txawv li os?....Txhua hmo....Pw tsaus zog....Looj hlias xwb....Hnov qheb qhov rooj nrov khuav....Nrov qev pom duab yim pliag dub muag zug....Ploj ntais lawm....Ib nyuas pliag....Ua nas tsuag nkag txias ziag....Xuas ntas...."Tab sis"....Kuv tsi ntshai li os?....Rau qhov yog....Qub hluas nkauj swm zoo....(Xav pom - Xav ntsib - Kawg li tias)....Lub sij hawm ntawd....July 6, 1999 - 2,000 - 2,001 - 2,002 - 2,003 - 2,004 - 2,005 - 2,006 - 2007....Kuv sawv ntxov tsav tsheb....Mus hauj lwm....5:30 AM....Tsi tau kaj ntug....Kuv dhau plawg lawm....Xuas poj niam txhua tas kig sawv ntxov....5:45 AM To 6:00 AM....Tseem muab paum....Poj niam xuas tib si....Poj niam ntshai heev li....hwb....hwb.... affraid affraid ....Poj niam tsi tau luag pw li os?....Poj niam thiaj thov nkaj neeb lauj....Tuaj ua neeb kho tsev tas....Quas qhov rooj tas.

    .....Tsi pom los lawm os?....Niam hlob nyiaj neeb xyooj....Tug hluas nraug yog...."Colonel"....Ntxoov tswb yaj tuag nyob nroog...."Greenbay - Wisconsin"....Yeej qheb qhov rooj nkag tawb....Niam hlob nyiaj neeb tas li....Lawv tsev neeg ntseeg...."Church Catholique"....Lawv ua neeb quas tas....Nkawd chav txaj pw....Rhais plaub tug nplawm txiv duaj....Ntaj huab txhib....Hauv tsev nraum zoov....Thiaj tsi los lawm os?....Txiv hlob nyiaj neeb xyooj....Zov kev txhom zij ntes....Niam hlob nyiaj neeb....Ua poj niam xwb....Ib yam li....Ntxoov neeb zov kev txhom zij ntes....(Mos)....Yuav ua poj niam xwb....Txhua hmo....Kuv ua hauj lwm tsaus ntuj....Pibhauj lwm....5:00 PM to 3:30 AM....Kuv mam lawb hauj lwm....Kuv lub qhov rooj tsheb...."Automatically"....(Mos)....Tseem qheb tau laiv?....Txhua hmo ua hauj lwm....Lub teeb fai fab saum taub hau....Cig dawb paug lam lug....Tseem tua teeb qeeg....Ib hmos twg?...."Mechanic"....Kho hloov ntau zaug....Yog lwm tug mas.... affraid affraid ....Ntshai heev lawm os?...."Tab sis"....Kuv tug kheej....Tsi ntshai nas....Kuv ntau tug hluas nkauj noj tshuaj tuag lawm....Tsi heev npaum....(Mos)....hab....hab.... lg lg ....(Mos)....Nreeg kawg nkaug.

    ......Yuav piav txog....(Maiv yaj xyooj - Txiv laus ntxoov vas)....Txiv laus ntxoov vas....Tug hluas nkauj yog....{Maiv yaj xyooj)....Kuj heev kawg nkaug li....Tuaj nyob teb chaws...."U.S.A"....Pauv hloov ntau lub npe laug lawm....Thaiv tsi tau li os?....Lawv yeej pom....{Maiv yaj xyooj}....Sawv zaum tim tej txee paj ntoos....Txawb saum txee tas li os?....{Maiv yaj xyooj)....Raug tij laug tub txeeb txav....Txhom zij ntes yuav....Ua poj niam xyoo 1982....Nyob yeej vib nai....Txawm pov yaj....Txhom zij ntes....Ua poj niam....Peb hmos txwm nkaug....(Maivyaj xyooj)....Hnav peb txheej ris...."Under Wear....Ob txheej ris ntev thaiv....Tsi pub pov yaj....Ua paum li os?....Tas kig peb sawv ntxov....Kaj ntug ntxoog....Lawv npaj hu plig....(Maiv yaj xyooj)....Sawv tom txaj....Txog ntua hauv plag....Haus tshuaj ntxuav nyiaj tuag kiag....Tam sim ntawd ....Cuag qaib huaj cheej....Ntawm hauv plag....Yog paub tshauj mas....Cawm tau ciaj kawg....Xuas cawv ntsim xwb nawb.

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 24th March 2014, 8:21 pm

    Tij laug Xyooj Tsab,

    Uab...! nws tham txaus ntshai ua luaj...! affraid 

    Cov noj tshuaj thiab txo nws txoj sia mas lawv ntawv tsis tau tag ces lawv cia li tuag lawm xwb. Lawv tuag lawm tab sis lawv tsis tau txog caij mus ces lawv twb tsis paub tias lawv tuag lawm; vim lawv tseem nrog neeg nyob yaj ceeb. Lawv thiaj li los nrhiav cov uas lawv hlub thiab tshua li uas nyob saum neej no. Cov neeg zoo li no, raws li kev cai dab qhuas mas yuav tau ua neeb quas, raws li kev cai ntseeg Catholic mas yuav tau kom Txiv Plig ua thaj Txi Ntuj rau, yuav tau mus hlawv tswm ciab hauv tsev teev Ntuj rau thiab hais rau nws kom nws raws qhov pom kev mus cuag tus tswv tsim no. Ntiaj teb tsis yog nws chaw nyob lawm. Ua li no xwb mas ntsiag lawm; vim lawv mus tsis taus ces yog lawv los thov cov neeg ntiaj teb peb thov Ntuj rau lawv kom lawv mus taus.

    Yam li nyob Fab Kis teb, yog lub teb chaws uas raug puas ntsoog loj thaum lub caij Tsov Rog ntiaj teb zaum 2; lawv ntes thiab tsim txom haiv neeg Yus Das (His Xas Lais). Muaj ib château (tsev huab tais), yog qhov chaw uas cov tub rog yias lab mas qhov hauv paus xa cov neeg yus das mus rau cov yeej tsim txom. Ces lawv txawm ntes tau ib yig yus das, muaj tus niam, tus txiv thiab ib tug me nyuam ntxhais 10 xyoo. Lawv coj tus txiv los tsim hauv qab lawj, muab tus ntxhais thiab tus niam coj mus rau ib kem, lawv muab tus ntxhais ua dev rau tus niam ntsia tag ces tus ntxhais tuag lawm, ho muab tus niam mos tag ces muab ntau tuag, tus txiv los lawv muab ntau tuag rau hauv lub tsev hauv thiab. Txij puag thaum 1945 los ces lawv yeej pom ib tug me nyuam ntxhais zaum ntawm tej los sawv li uas mluas mluas heev, nyob nyob cia li tshwm ntawm tej li. Lub tsev no hloov ntau tus tswv los txog rau thaum 1980 tawm ntawd, ho yog tus tswv tshiab, ces thaum nws pom tus me nyuam ntxhais ntawd, pheej tshwm ho rov ploj lawm. Ces nws thiaj li nug keeb kwm txog lub tsev, lawv thiaj hais tias thaum ub cov yias lab mas tau tsim txom ib yim neeg, muab lawv ua tuag tas rau hauv lub qab lawj ntawd. Ces tus tswv tsev tshiab ntawd paub tias cov yus das txoj kev ntseeg, tus txhos tswm ciab muaj 7 ceg, ces nws thiaj li hlawv 7 tug tswm ciab txhos rau thiab nws hais kom lawv raws qhov pom kev ntawd mus es txhob nyob qhov chaw ntawd lawm. Ces ib hnub nws zaum ntawm qab khav, nws ntsia mus rau tom ncauj ke naj, cas nws cia li pom peb niam txiv tub sib tuav tes mus daws duam, ua ntej yuav ploj ntawm kev lem, tus txiv tig los co co tes rau nws ces lawv ploj lawm. Txij ntawd los, lawv tsis pom tus me nyuam ntxhais ntxiv lawm.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3694
    Date d'inscription: 2012-04-16

    Re: Tswv Xyas mus ua tsov

    Post  xiongchang on 24th March 2014, 11:53 pm

    ......Aub Me muam kooj ziag kab zaug as?...Cov tuag ntev 2....Mam thau pam ua kab lig kev cai ntawd....Lawv hais tias?....Kho siab kawg nkaug li no os?....(Mos)....Qhia li ntawd nas?....Me muam kooj ziag kab zaug aws?....(Mos)....Zoo li tug neeg poob....{Flight}....Dav hlau nram tshav....Tsi muaj ntawv....{Passport}....Nce dav hlau ya li no os?....(Mos)....Tuag hnub....July 6, 1999 Mornimg 3:45 AM....Mam thau pam ua kab ke....July 17, 1999....Txog ntua....July 19, 1999....Mam sam sab faus....(Mos)....Hais qhia tias....Hnub twg?....Sam sab faus lawm....Hnub ntawd....Mam ntxooj tau dab tsheej tias?....Mus taug dab tuag teb no os?....(Mos)....Hais ntxiv tias....(Mos)....Nrauj dim ntxoov neeb lawm....(Mos)....Mam nyob pem rooj ntug tog....Yog hnub twg?...Kuv ntaub noj tas....Ntawv haus ntuag....Cev ntaj ntsug qaug....Yaj ceeb teb....Txawm ntev npaum cas?....(Mos)... Ua siab ntev tog kom tau li no os?....(Mos)....Mus tshawb ntaub noj....Ntawv haus saum rooj ntug....Kuv ntaub noj ntawv haus....Tsi tau tas....Tshuav ib nrab ntau no os?

    ......(Mos)....Hais ntxiv tias....Cov tuag hauv tsev....Luag coj cev ntaj ntsug mus faus lawm...."Tab sis"....Tug tib neeg ntawd....Ntsuj plig qaug hauv tsev lawm....Sawv tsi taug mus li no os?....Yog txawj ua neeb....Yuav tau ua....Ib thaj neeb tsa xa....Tug neeg tuag ntawd....Tug ntsuj plig....Cob tim tswv luaj pua....Ua ntaub ntawv xa....Nce rooj ntug saum ub....Yog tsi li ntawd....Tug neeg tuag....Huav lub tsev ntawd....Pheej nyob zov....Txaj chaw pw li no os?....Cov tuag tom tshav rog....Tib yam nkaug....Yuav tau ua....Ib thaj neeb tsa xa....Txaug ntawv ntau hlawv xa....Xyab yog yeeb tshuaj....Tsa tug tuag ntawd sawv....Ntawm thaj chaw tuag....Cob tim tswv luaj pua teb chaws....Tug tim tswv luaj pua ntawd....Piv txwv li yog....Dr. kho mob nkeeg....Ntxiv nqaij tawv loos. zoo tas...Mam ua ntawv xa....Nce rooj ntug....(Mos)....Hais qhia ntxiv tias....Tej nqaij tawv to liab vog ntawd....Yog sub tawg sub ntsha....Luag tsi txais yuav....Thawj thiab no laiv?....(Mos)....Qhia meej npam ntawd....Me muam kooj ziag kab zaug aws?....Yeej nkag kis....Koj hais ntas mas....Me muam kooj ziag kab zaug aws?

    koojziagkabzaug
    Moderator
    Moderator

    Messages: 3270
    Date d'inscription: 2010-02-28

    Re: Tswv Xyas mus ua tsov

    Post  koojziagkabzaug on 30th April 2014, 6:29 am


    Dab Neeg Hmoob 04/11/2014

    DAB NEEG TSWV XYAS




    Publiée le 12 avr. 2014

    Dab Neeg Hmoob Txog Nhia Her
    Zaj keej kwm hais los ntawm Txawj Zoo Vwj

    www.hmoobtigkhohmoob.com


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 2nd September 2014, 4:16 am