google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Hmoob Liv Xwm

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Hmoob Liv Xwm

    Post  koojziagkabzaug on 10th March 2010, 12:55 pm



    PAJ HUAM HMOOB LIV XWM
    Sau Tim 13 August 2009
    tu sau
    Vaj Ntxoov L.







    ntawm no mus ces yog keeb kwm
    raws liv xwm uas tau muaj los
    yuav muab dhos txog peb tsob hmoob
    tau nyob thoob rau daim luaj pua
    hais tsis txhua los thov meem xeeb
    raws li feeb ntawm tej ntaub ntawv
    hais tsis txawv li tej dab neeg
    kuv thiaj ntseeg muab sau sib tov
    hais kom hnov rau hmoob paub txhua
    yuav hais sua yav ntuj tuam tshoj
    thooj av loj uas hmoob xub nyob
    ntaus puv kob ntau teem ntau npluav
    nrog cov suav hu haaj hu txus
    puv tsis tus ntau txhiab ntau nyeej
    hmoob txiv neej tau tuag lawm coob
    tshuav yeej noob nkaum zeb nkaum tsua
    txom nyem txhua yam ntshiab thiab ntshaus
    suav tuaj ntaus tua hmoob phem tshaj
    qes taum daj uas hu ua hmoob
    suav hlais thoob thiab tua tsis nruam
    txiv ntaj ntuam thiab niam nkauj seb
    coj zais deb thiab zais chaw zoo
    ntau lub xyoo thaum suav tua thoob
    poj niam hmoob suav ntes ua qhev
    los tau ntev ntau xyoo tom qab
    ntshaus muaj nyab thiab ntshiab muaj sev
    poj suav qhev nkawv mam nrhiav tau
    lawv los dhau qub chaw lawv nyob
    nkawv niam thob seev txog nws tub
    yav thaum ub txiv chaw nrag nees
    niam seev yees lub chaw pub qaib
    kuv me naib puas tseem muaj sia
    quaj tig ntsia qab tsua nkawv nkaum
    suav daj caum nkawv txiv tua tuag
    lawv sib vuag mam quaj sib hlub
    nco txog hnub thaum hmoob raug tua
    tawg sab sua tug nyob qab roob
    ib feem coob thiaj tau khiav los rau xov tshoj lawm tiag lawv.





    Last edited by koojziagkabzaug on 11th July 2010, 10:06 am; edited 1 time in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 10th March 2010, 1:04 pm




    Ntu hmoob khiav tawm





    raws li soj keeb kwm sau cia
    tau hais qhia txog peb haiv hmoob
    twb nyob thoob ua ntej yes xus
    xeev kis xus thiab xeev kuab xib
    suav tau ntsib hmoob nyob huj naj
    muaj coob tshaj nyob xeev kim tsawb
    raws li fawb thawj zaug hmoob tua
    2 xyoo ua tsov r-og mam tus
    yug yes xus twb tsis tau ntev
    dhuav txoj kev suav huab yus noj
    tsi yus roj thiab tsi yus ntshav
    tseem tuaj txhav hmoob li liaj ia
    tsis xav ntsia twb tsis xav fim
    kev nam nrim suav ua rau hmoob
    txhav tej qoob thiab tua tej tsiaj
    sib txais nyiaj los kuj tsis them
    tseem siab phem thiab khawb hmoob ntxa
    xyoo plaub xya thiaj sawv tawm tsam
    thiaj li mam xov loog thaiv vaj
    laug tus nqaj los ua tus nrim
    los tsis dim txoj kev sib tua
    los txog ntua kaum tiam tom qab
    suav pheej thab thiaj tsis sib zam
    hmoob thiaj mam koom tes haus ntshav
    thiaj pib txav rau sab hnub poob
    los nyob thoob rau xeev koom meej
    nyob tsis tsheej khiav rau yuj naj
    cov suav daj kuj raws hmoob tua
    los txog ntua ib xya ob xya
    lub suab ncha rov muaj sib ntxus
    r-og loj zus ib xya ob yim
    suav tsis thim ib xya peb plaub
    tos hmoob paub ces suav sau nthwv
    muab hmoob qhwv cov neeg lawv tua
    tuag sab sua txog kaum xya txhiab
    mob ntsim siab vaj tse raug hlawv
    tua tiv qawv thiab ntes tau coob
    ntawm cov hmoob uas lawv ntes tau
    raws ntawv sau nees nkaum xya txhiab
    txaus mob siab lawv raug tua txhua
    raws li nqua ntawm hmoob cov phom
    siv kwv nyom nrog suav sib tua
    suav muab sua plaub vam rau txhiab
    hmoob noj tsiab thaum lub cuaj hli
    suav sib ntxhi thaum hmoob qaug cawv
    suav tuaj hlawv thiab thooj txhij tua
    thiaj li ua peb hmoob kwv tij
    tau piam sij yam coob dua ntais
    yog yuav hais raws tej hmoob ntsuab
    thiaj li muab coj los tu sub
    nco txog hnub uas hmoob raug hlawv
    zoo tsis txawv li tej hmoob dawb
    dab tsis lawb ua neeb thib sub
    yog ib hnub ntawm lub hli cuaj
    vim hmoob muaj tej sub tsis zoo
    tsib caug xyoo lub suab tau ploj
    los txog zoj ib xya cuaj tsib
    hmoob rov pib koom ua ib npoj
    muaj tus coj hu vwj paj nyws
    sawv los kws coj hmoob tua suav
    rov txheeb yuav hmoob tej teb chaws
    txaus npau taws muaj tus ntxeev siab
    nrho ntaj txiab tua hmoob tus thawj
    suav sawb lawj hmoob rov raug tua
    tub sawv ua hu vwj teeb yiv
    coj hmoob tiv ib yim xoom ib
    kuj txaus khib teeb yiv raug ntxom
    tsis muaj nom ces hmoob ntsiv nkaum
    suav r-og caum hmoo ua txaj zeb
    suav tuaj deb hmoob tsis q-uav ntsej
    ze ntawm tej txaj zeb txo plhuav
    ntaus cov suav kuj tuag lawm coob
    txhua lub roob peb hmoob nkaum txhua
    sib tiv tua ib yim nees nkaum
    suav pheej caum los hmoob tiv tua
    los txog ntua ib yim tsib peb
    thiaj tsiv teb los hla dej liab
    ua kaj niab thiab hla dej ntsuab
    dhau saum nqhuab tub r-og nyab laj
    ua phem tshaj zov hmoob kev tua
    tej qaib npua kuj raug poob tag
    hais tsis dag hmoob muaj peev xwm
    khiav los tshwm ua kev lov ntho
    raws li nco dab neeg tau hais
    suav hlais nplaig thaum suav ntes tau
    cov khiav dhau muaj zoo tswv yim
    thiaj khiav dim los rau xov tshoj
    tsis tau noj muab poj pauv ncuav
    hmoob raug rhuav mas txom nyem tshaj
    txog nyab laj ces raug ntxhw caum
    hmoob khiav nkaum thiaj tawg ob pab
    thiaj poob qab khuam rau nyab laj
    hais ncaj ncaj tub r-og cob tsib
    uas hmoob ntsib ces raug lawv ntov
    thiaj tsis kov thiab tso hmoob dhau
    hmoob thiaj tau los nyob daim av nplog lawm tiag.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 10th March 2010, 1:10 pm



    peb hmoob los txog rau hauv nplog teb



    txij no mus ho yuav los qhoob
    txog peb hmoob cov tau los txog
    daim av nplog mas muaj zoov dav
    zoo ua hnav zoo nplej zoo qoob
    saum toj roob yog hmoob chaw nyob
    cua kuj hlob thiab txias hauj sim
    hmoob thiaj dim txoj kev muaj mob
    tsis nco txob thiab tsis nco txhawj
    r-og pub thawj hmoob kuj tau tua
    tua ntau nplua thiab tua ntau cuam
    hmoob tsis tsis ntse xuas hneev xub tshuaj
    tsov r-og tuaj hmoob kuj sib pab
    hav zoov fab hmoob muab ntov thoob
    saum tej roob mas pos huab niab
    nyaj cuam liab mas coob tshaj plaws
    hmoob sawv daws rau siab ntov zoov
    dab looj koov yog yam hmoob ntshai
    muaj kauv sai txhua tsav yam tsiaj
    tej nras tiaj xyoob ntoo muaj txhua
    tej zeb tsua ntab muv kuj coob
    kev ua qoob ces yog poj niam
    tej txiv nyiam plhob hav tua tsiaj
    txhua txhua niaj tsis nco qab txhawj
    tej pub thawj rov zoo rau lawv
    tsis txawj ntawv los lawv sib qhub
    tsis sib ntxub ntiav ua hmoob zog
    tej zos nplog hmoob mus tsis tau
    mob daj hau hmoob tuag lawm coob
    noj tawv txoob thaum los nyob tshiab
    nrog nyaj liab ua kwv ua tij
    los nyob txhij thiab coob zuj zus
    thiaj txav mus nyob txhua caj roob
    lub neej hmoob mas tsaus ntuj tshaj
    r-og suav daj rov caum ti nkaus
    tag cov laus sab laj tsis tsheej
    tej txiv neej khiav mus nraim ntsej
    ua teb nplej thiab teb pob kws
    hmoob yim twg los kuj ib yam
    suav daj mam tig rov lawm hlo
    tos hmoob nco ces fabkis tuaj kav lawm xwb tiag



    Tus sau: Ntxoov L. Vaj
    Posted 17 August 2009 - 06:53 AM



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 10th March 2010, 1:52 pm





    Ntu tsov r-og paj cai



    hmoob ntshai nyav xav tias yog lawv
    tsev kawm ntawv mam li pib muaj
    fab kis tuaj qhia hmoob cog yeeb
    tsis pheej xeeb thiab sau se hnyav
    muab los xav mas lawv siab phem
    ntuj thiaj lem ua r-og paj cai
    hmoob tsis ntshai ib cuaj kaum cuaj
    hmoob pib muaj cov sawv ua saub
    tias lawv paub thiab khoos hauj sim
    lawv thiaj tsim ua phom huab txhib
    thiaj tau pib qhib phom sib tua
    tua ntau nplua fab kis ntshai tas
    luam naab thas lawv tua txog ntua
    ua kauv npua hav zoov lug toj
    tsis tau noj los lawv tsis txhawj
    muaj tus thawj ces lawv siab tawv
    tua tiv qawv los ntuj tsis pab
    qhau loo kab los nrov npuj npliv
    thiaj tau tsiv mus nkaum hav zoov
    hmoob raug txhoov fab kis ntes tau
    kuj txaus npau vim hmoob qhia lawv
    hmoob tsis tawv kom txaus luag ntshai
    mag hlua dai thaum khiav mus thawj
    luag neeg txhawj ua siab ntuj ntev
    coj neeg tsev mab mam tuaj hu
    ntsej muag plhu thiaj li tau daj
    cuam tsheej nqaj thiab khi tsheej pab
    tais caj dab ces rho ntaj txhij
    hmoob kwv tij cov sib koom tes
    thiaj raug ntes muab tua yuav tas
    xas vis nas kuj nqis tuaj cheem
    fab kis leem muab hmoob tso mus
    tsov r-og tus ib cuaj ob ib
    ces ho pib sau hmoob khawb kev
    tej txiv tsev mus lawm tsheej hli
    sau khus lis mus ua lawv qhev
    cov neeg tsev uas tsis muaj coob
    tsis tau qoob vim plam neeg pab
    tsev khaub hlab tsis muaj neeg kho
    tu siab nrho tej kev tsim txom
    tsis muaj nom ces zoo li no tiag lawv


    Tus sau: Ntxoov L. Vaj
    Posted 19 August 2009 - 06:08 PM



    Los lus "Xas Vis Nas" nws yog ib lub npe neeg, nws yog ib tug txiv plig fab kis. Tab sis Hmoob hu nws ua tus tswv cheem puv. Lub zwj ceeb ntawd fab kis fai num tub r-og ntes tau cov Hmoob koom tes rau Paj Cai Vwj tawm tsam cov tub r-og fab kis mas lawv ua phem heev rau Hmoob, muab Hmoob coj los cuam caj dab tsheej nqaj, mam rho ntaj lwg ib tog zus tuaj. Tej laus tau hais tseg tias, thaum fab kis tua Hmoob li ntawd mas, Hmoob cov ntshav txaws txij ntab txij tsev li.
    Tab sis muaj ib tug fab kis yog fai num catholic tuaj pom, nws thiaj li tuaj txwv tsis pub cov tub r-og fab kis tua Hmoob ntxiv lawm.

    Los lus cuam caj dab, fab kis muab ob tug xyoob coj los rau kaum tawm leej hmoob kwv ib tug xyoob rau ib sab xub pwg ces fab kis mam muab hlua los zoj 2 tug xyoob ntawd kom hmoob nti tsis dim. Lawv mam xuas ntaj lwg ib tog zus tuaj. Tej no yog peb muaj picture proof mas nws yog ib yam uas violate Human Rights loj tshaj plaws nyob hauv ntiaj teb. Tab sis vim lub zwj ceeb ntawd tsis muaj leej twg yees tau duab li tsuas hnov tej laus tham tseg li ntawd xwb.

    Koj mus nyeem Hmoob History ntu nyob nplog teb xyoo 1918 - 1921. Koj yuav pom Xas Vis Nas lub npe.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 10th March 2010, 1:55 pm

    ntu hmoob sib kwv nyom

    hmoob sib txeeb nom sib kwv nyom

    ntawm no mus ces yuav hais ntxiv
    rov hais piv yav ntuj qub qab
    nyob yaj sab hauv teb chaws nplog
    xyoo ntawd yog ib cuaj kaum yim
    hmoob tau chim sawv tua fab kis
    phas nyas npis leej txiv lis foom
    yuav kiab toom tus me ntxhais hlob
    nrog nws nyob ib cuaj kaum cuaj
    nkawv txawm muaj ib tug tub me
    muab tis npe hu ua tub npis
    thaum loj plhis tau ua phas nyas
    tsis tau tas rov yug tub ntxawg
    txawj ntse kawg kawm tiav kauv maim
    tsis coj nqaim thiab coj siab zoo
    tsis tsawg xyoo ib cuaj plaub xya
    ua xab phas sawv cev xeev kham
    txiv lis kam rau yawg npliaj yob
    ua tus hlob nyob nroog noom hej
    txog tus lej 4 xyoos tom qab
    yawg tau pab ua tub lis ntawv
    vim coj ntxawv nws poj tau tuag
    yawg quaj ntsuag los tseem tau plaub
    kiab toom laub muab nws rho tawm
    hmoov tsis sawm ua plaub ntxhov niab
    kev nyuaj siab vim sib kwv nyom
    fab kis pom lawv sib ua plaub
    thaum lawv paub ces nrho kiab toom
    muab nroog noom faib ua ob lub
    yawg txooj tub tuav moos keng khoai
    ho muab cais pham npooj tus toom
    rau lis foom tus me tub ntse
    uas muaj npe hu ua phas nyas
    kawm ntawv tas nyob rau nyab laj
    txawj ntse tshaj ntawm peb cov hmoob
    tau nrov koob ib cuaj peb tsib
    kuj txaus khib kiab toom tuag tas
    ces phas nyas nws txiv lis foom
    tuav kiab toom ua nom kav hmoob
    xav tsis thoob ntawm yawg ntxhoo tub
    vim niaj hnub nyiam yos tua tsiaj
    tsis sau nyiaj mus rau fab kis
    phas nyas npis thiaj raug los tuav
    ho xyuam khuav rau yawg faiv ntaj
    chim siab tshaj ib cuaj plaub ib
    thiaj mus ntsib koom tes nyeej pooj
    ua dav kooj raws fab kis tua
    tsis cuag ncua nyeej pooj tau swb
    txawm mob hlwb los ua siab loj
    ho khiav zoj mus koom rau nplog
    thiaj mus nrog xum phas nub voos
    ua tus loos ib cuaj plaub xya
    lawv thiaj tsa pawg pab thej laus
    tsis tau xaus ib cuaj tsib ob
    lawv khiav nyob xas newm xam lis
    hos tub npis mus pab huab tais
    nplog tsis cais fab kis lawm hlo
    tej nplog co kuj zoo ib yam
    sib tawm tsam sib ntau sib tua
    coj hmoob ua lawv tej tes taw
    vim hmoob ntshaw tsis paub tu plawv
    tsis txawj ntawv twb tsis tsim nyog
    thaum tus r-og ces lawv thawb tawm
    xa mus kawm tus twg lawv ntxub
    tsis muaj hnub tau rov los tsev
    mus ev ntsev mus lawm tsis los
    txawm yuav tos los yeej tsis rov
    twg tau hnov ho khaws ua tshuaj
    yog tsis muaj kom ntsia lauj foom
    noob kiab toom ib yam tub npis
    twb raug ris lawv txoj me saw
    xauv tes taw mus kawm vieng xais
    txawm fuab tai los kuj ib yam
    lawv qhwv pam thiab ntim hnab tsaj
    coj mus faj rau tom hav dej
    tsis quav ntsej leej twg yuav paub nas ib tsoom hmoob.




    Lauj Kiab Toom, Npliaj Yob

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 17th March 2010, 11:53 am






    Ntxiv no mus yog ntu Hmoob sau se rau Fabkis, muaj lub npe tias Fab kis sau se


    ntawm no mus ho yuav rov ntos
    yuav hais txog cov pab fab kis
    phas nyas npis leej txiv lis foom
    nrog kiab toom yawg lauj npliaj yob
    sib ntxeeb nyob ua hmoob tus thawj
    pab sawb lawj thiab sau hmoob npe
    mus nce se pub rau fab kis
    txhua lub hlis se phom se tsiaj
    cov muaj nyiaj kuj tsis nyuaj ntsws
    yog leej twg ua neej tsis muaj
    tau kev quaj thiab muag me nyuam
    niam txiv r-uam tub ki ncaim tsev
    tau tsis ntev ib cuaj plaub rau
    fab kis tau tso teb chaws nplog
    rov hais txog ntawm peb tsob hmoob
    kuj muaj coob tab sis tsis txawj
    xyaw pub thawj thiab xyaw pub yib
    vim sib khib thiab tsis sib fwm
    raws keeb kwm fab kis muab nom
    sib kwv nyom thiab txeeb tus loj
    tsis txawj coj kiab toom xub tau
    ntxhais hlob tau yuav txiv lis foom
    nrog kiab toom pab lis ntaub ntawv
    tsis coj txawv thiaj cia nws pab
    tsis nco qab nws poj tau tuag
    yawg quaj ntsuag los tseem tau plaub
    thiaj sib laub lis foom raug tawm
    cuag hmoov sawm tso tseg noom hej
    tus tom ntej ces yog kiaj qhois
    npaum muab cais ntxhoo tub raug rho
    vim tsis nco thiab nyiam tua tsiaj
    tsis sau nyiaj mus rau fab kis
    phas nyas npis thiaj sawv los txeeb
    zoo sam xeeb pej xeem pov ntawv
    yawg thiaj sawv ua hmoob tus coj
    los txog zoj ib cuaj plaub cuaj
    hmoov tsis muaj fab kis lawm hlo
    tos hmoob nco mes kas tuaj lawm xwb tiag lawv



    Tus sau: Ntxoov L. Vaj
    USA
    Posted 28 August 2009 - 05:42 AM





    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 17th March 2010, 11:57 am



    Ntxiv mus yog li xwm ntu tsov r-og Vaj Pov

    Ntu me kas tuaj kav

    vim pheej muaj sib txeeb sib nyom
    ntawm cov nom hauv lub teb chaws
    neeg sawv daws thiaj tsis thaj yeeb
    tsis meem xeeb rau kev sib tua
    koos les ua sawv pab tis vas
    nce loo tshav rau tom tiaj hub
    npaum heev dub heev daj sib tshov
    mes kas hnov thiab lawv tuaj pom
    thiaj faib phom vaj pov sawv coj
    ua r-og loj tiv thaiv teb chaws
    hmoob sawv daws muaj kev haum xeeb
    nyob looj ceeb lub zog tub r-og
    xyoo ntawd yog ib cuaj rau ib
    hmoob thiaj pib tau kev kawm txuj
    tsov r-og nruj sau tas txiv tub
    kwv phom dub hnub qub tau coj
    hmoob tus loj yog hlob pov vaj
    nws ntse tshaj tsim tsev kho mob
    thaum loj hlob pib tsim xaas thoos
    mab thab nyoos tsev kawm qib nrab
    nyob moos cab chaw kawm sib tua
    vaj pov nqua pej xeem sib sau
    hmoob thiaj tau ya dav tua r-og
    mus nram nplog los hmoob mus tau
    tshav dav hlau muaj txhua zos hmoob
    tsov r-og thoob muaj neeg thoj nam
    phong xab vam rau tiaj rhawv zeb
    cuag laij teb yog dav hlau tua
    tshaj nphoo xua dav tso hoob pob
    tej chaw nyob tsiaj tuag tu tsav
    tej roob hav uas tub r-og nkaum
    raug hliv nplaum ua kub hnyiab txhua
    kev sib tua nyob rau liv xwm
    uas tau tshwm nyob hauv teb chaws
    loj tshaj plaws nyob Asia hnub poob
    tas haiv hmoob pub thawj pub yib
    tsis xam khib tuaj sib pab ua
    faib nom txhua yog tuaj koom tes
    kuj raug ntes thaum pom ntxeev siab
    lub neej tshiab thiaj li pib zoo
    nom nai koo toj xeem nai npab
    hmoob ua tshab nyob ntau lub xeev lawm hos.



    Sib txeeb nom sib kwv nyom theem 2

    raws li pom nyob rau looj ceeb
    yuav los feeb raws li tau tshwm
    muaj xov xwm tau nrov tsis zoo
    nyob rau xyoo ib cuaj xya peb
    moos mauj teb hmoob vwj tau kav
    kwv tij xav sib txeeb ua loj
    thiaj li zoj kom muas xwm hu
    coj ntsej plhu kom tuaj sib fim
    thiab txhob chim txawm twg tau ua
    faib tsis txhua los txhob sib cais
    lus pib hais kwv tij nthe loj
    cia tus coj tso rau nws tuav
    tham tsis yuav hais tsis sib haum
    ua heev nyaum thiab hais lus tawv
    muas saib txawv tus thawj cov lus
    nqos tsis mus vim yuav ua nyuab
    hais sib cuab npav tuag nce nkoj
    nws saib zoj muas nqa nrab nkaus
    thiaj twb nkaus tsi ntsees muas lauj
    tua sib pauj txooj neeb tsa hlo
    phom plawv nplo kwv tij ntshav ncuav
    vau zawv zuav nyob saum tsev lawj
    ntxawg tau txhawj kwv tij tseem nthe
    muas xwm ntse thiaj li tawm dhia
    ntxawg tig ntsia tus loj nqis plhuav
    tseem txav zuav tsa hlo rau ntxawg
    muaj hmoo kawg siv tawv tu nrho
    ntxawg thiaj rho xuas nws rab dub
    pauj kev hlub tus loj vau hlo
    tej xwm no yuav txawv ua luaj
    tsov r-og tuaj twb tua tsis tas
    tseem sib nyas sib txeeb nom ua
    lawv sib tua plaub leeg raug faus
    rooj plaub xaus rau kev sib txeeb
    muab nom feeb cob rau vam kaim
    cov tsiv tsaim sib tua tuag tas
    hlob phab nyas nrho nyiaj mus pam
    sawv daws plam tsis tau los coj
    yuav ua loj cia pej xeem xaiv
    sib qaiv ntxaiv pej xeem poog ntws
    kev phooj ywg thiaj li loj hlob
    sib txeeb nyob zaum lub rooj nom
    txhob siv phom rho riam sib nkaug
    ncej nom qaug yog yus tib tse
    ncha koob npe los ua tus kav
    yuav txawj xav muaj zoo laj lim
    los txhawb txhim zej zog ruaj khov
    pej xeem pov mas yus thiaj tau
    ho txhob npau txawm tias yus swb
    siv lub hlwb kom tsim tus coj
    tsis tsab loj cuaj pluag sib nte
    neeg txawj ntse yeej tsis plees tshauv
    khaws ua qauv mas ib zej tsoom kwv tij hmoob.




    Hmoob Ntxeev Siab



    nroog looj ceeb suav hnub loj hlob
    lub tsev nyob ntawm hlob vaj pov
    ua ruaj khov kiv tshuab tsaws tau
    xyoo rau rau cob xyoo rau xya
    lub koob ncha ntawm nroog looj ceeb
    hais qhov tseeb hmoob zoo lawm ntau
    vaj pov tau sawv ua tus coj
    lub zog loj dav ya doog diaj
    ntawm lub tiaj ua chaw tsaws dav
    pem hau tshav muaj roob pob tsuas
    tej tub hluas kwv phom txhua leej
    hmoob lub neej muaj koob nrov npe
    nyob ua ke tsim tsa cov coj
    kev khwv noj ua teb ywj siab
    muaj roob siab thaiv tas txhua fab
    txoj kev ntxhab mus roob vaj foom
    tshav nyab hoom luam yas pua zeb
    mus kev deb yog dav hlau nqa
    hmoob neej tsa nyob puv nras tiaj
    lub txhab nyiaj mes kas hliv tuaj
    dav ya ntxuaj ces zaub mov poob
    saum tej roob chaws nkaum tub r-og
    tej zos nplog hmoob mus tsis ntshai
    nyob raug cai tau kawm ya dav
    tau zoo hnav tsis khwv tau noj
    tus puav coj ntawm hmoob cov hau
    dev noj tsau ces tig tom tswv
    tseem npaj khwv ua neeg ntxeev siab
    khi ntau liab rau txhua rab phom
    npaj kwv nyom ib cuaj rau xya
    nyob nas qhas vaj pov raug tua
    mos txwv sua kuj raug tsis tob
    tsuas raug mob ntawm nws sab npab
    ya rov qab thiaj coj mus kho
    tej xwm no muaj cov lim hiam
    uas lawv nyiam xa xov rau liab
    thiaj txheev siab ua luag tes taw
    vim nws ntshaw ua tus loj tshaj
    hais ncaj ncaj raws li tau hnov
    thaum vaj pov yuav ya rov los
    lawv npaj tos ua pab tis vav
    ntxias nce tshav vam xeeb cov leem
    kom sib teem rau pem tshav nyuj
    dag tias nruj muaj nyab laj tuaj
    kom mus tshuaj lawv zoo thau qab
    ntsuab vaj pab thiab suav yaj cov
    ua cov zov thiab ua cov saib
    txhua lub khaib cov me phom loj
    muab pleev roj tig rau looj ceeb
    vaj vam xeeb thiab nyiaj lwm dub
    lawv sib qhub tias hauj lwm txawv
    thaum xob hlawv lawv thiaj mus pom
    cas cov phom ho tig rau yus
    thiaj hais mus qhia rau vaj pov
    kom yawg hnov thiab txhob maj rov
    mes kas hnov thiaj muab yoo tshaib
    mov tsis faib tau tsib rau hnub
    pej xeem kub tsis tau mov qhe
    xob ho nthe ua phom dhia tas
    lawj qhoos kas tsis npaj kwv nyom
    cov tsav phom uas xob muab hlawv
    ua tim khawv txog tej xwm nov
    cov txiv tsov coj hnub qub plaub
    mam li paub tias ntuj tsis pub
    yog sib ntxub ces raug xob tua
    yuav pib ua twb ho puas xwm
    thiaj tuag ywm thaum vaj pov los
    nyob nros nros vaj pov tsis cem
    ntuj muab lem sawv daws thiaj paub
    tsis ua plaub tsis hais dab tsi
    nyob luag ntxhi tam li tus coj
    ua tus loj coj siab dav dav
    tsis plas ntshav yeej tsis piam sij
    ho sib nplij muaj kev haum xeeb
    kev thaj yeeb thiaj nyob los txog
    tus tsov r-og ib cuaj xya tsib xwb tiag.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Hmoob Liv Xwm

    Post  koojziagkabzaug on 2nd July 2010, 8:02 am



    Nom HMoob

    By Dr. Neejzoo T. Yaj
    Published Friday, March 31, 2006




    Peb Hmoob muaj ib zaj dabneeg piav tias Hmoob thiab Suav sib txeeb faus
    lawv ob tug neeg tuag laus laus ze rau ntawm ib lub pas zaj. Txoj kev
    faus tej laus ze tej chaw zoo li ntawd yog faus kom tau lub zoo looj
    mem, los yog faus kom tus tuag tau mus nyob kiag rau zaj txwg zaj laug
    lub yis pliaj ces tus laus ntawd yuav txawj phlis los sis rov
    thawjthiab yug dua ua neeg nyob. Thaum nws rov yug los ua nws tiam neej
    tshiab, nws yuav muaj fwjchim thiab muaj peevxwm heev. Nws yuav tau ua
    nom ua tswv muaj txiag nplua nuj thiab ua lub neej vam meej nto moo.



    Nyob los tau li ntawm xya yim xyoo tom qab txawm muaj ib co Suav tuaj
    nrhiav ib tug menyuam Suav ua si ntawm ntug pas zaj. Raws li Suav txoj
    kev ntseeg, tus menyuam Suav ntawd txawm yog tus yawg Suav laus laus
    uas lawv muab faus rau ntawm ntug pas zaj rov thawjthiab yug los lawm
    ntag. Cov Suav tuaj nrhiav nws mus ua lawv tus Huabtais. Suav nrhiav
    npaum li cas los tsis pom muaj ib tug menyuam Suav li pheej pom yog
    menyuam Hmoob xwb. Cov Suav ntawd thiaj rov mus tham qhia rau lawv cov
    kevtxwj lausneeg tias lawv tsis pom menyuam Suav li, lawv pom ib tug
    menyuam Hmoob xwb. Cov kevtxwj lausneeg Suav thiaj hais tias "yog tus
    ntawd ntag los mas, nej cia li mus coj nws los". Cov Suav thiaj rov
    tuaj coj kiag tus menyuam Hmoob ntawd mus ua Suav tus Huabtais lawm.



    Peb Hmoob tsis muaj Huabtais vim peb tsis nrhiav peb tus Huabtais.
    Huabtais twb niaj hnub nrog peb nyob los peb yeej tsis hwm tsis pab.
    Peb cia peb tus Huabtais ua ntsoj ua ntsuag, tsis pub nws muaj fwjchim,
    cia nws txom nyem, nyiaj tshaib yoo nqhis, thiab cia Mab cia Suav coj
    mus ua lawv li Huabtais. Yog Mab Sua hwm lawm no ces Hmoob mam hwm, hos
    yog Mab Sua tsis hwm ces Hmoob yeej tsis saib tsis pom tias nws tseem
    ceeb dabtsi li. Vim li cas kuv thiaj hais li no? Cia kuv muab ob peb
    yam piv txwv coj los rau nej xav.



    Raws li kuv kev tshawbfawb pom mas peb yawg hlob Phas-Nyas Tub Npis
    Lisfoom yog Fab-Kis tsa ua nom. Tom qab no kuj yog Vaj Ntxwv Huabtais
    Los Tsuas rub mus ua ib tug thawj sab laj ntawm Huab tais xub ntiag.
    Hos yawg hlob Vaj Pov ces yog tseemfwv Amelikas tuaj tsa nws ua ib tug
    thawj tub rog nrog coj peb Hmoob tiv thaiv kev Koom Tshas nyob rau
    Axias Sab Naj Toobfab (Southeast Asia). Thaum Fab-Kis, Los Tsuas thiab
    Amelikas hwm thiab pab txhawb peb ob tug thawj li hais saum no, peb
    Hmoob li mam hwm nkawd xwb. Thaum luag tso tseg tsis txhawb tsis pab
    lawm, peb sawvdaws kuj cia li nyob plau ua tsis tau dabtsi li thiab.



    Niaj hnub no peb ib co tub ntxhais hluas kuj kawm tiav ntawv coob coob
    tus nyob rau tej teb chaws vam meej xws li Amelikas, Fab-Kis, Canada,
    Australia, los Hmoob yeej ntsia tsis tseemceeb. Tus twg xav pab Hmoob
    mas Hmoob tseem xav hais tias yog yuav ua liaj saum Hmoob nrob qaum
    xwb. Tus twg tham nws tej tswvyim tawm mas Hmoob twb tsis xav mloog twb
    tsis xav hnov. Yog nws hais tias yog yuav daws Hmoob qhov teebmeem mas
    yuav tau ua ntaub ua ntawv li ub li no thiab yuav tau siv ib peev nyiaj
    txiag los leg tej ntaub ntawv thiaj tau no mas Hmoob yeej tso tes plau.
    Txoj kev pab Hmoob mas Hmoob xav kom pab tag nrho yus lub tswvyim, yus
    li nyiaj txiag, sijhawm thiab dag zog huv tib si mas thiaj yog pab. Yog
    tsis li ntawd mas Hmoob yeej tseem hais tias yog "ib tug niag neeg
    tsis paub qab hau dabtsi". Tab sis thaum Amelikas los sis luag lwm
    yam neeg txais coj peb tus neeg uas peb hais tias "tsis paub
    dabtsi" ntawd mus ua haujlwm rau luag, luag them nyiaj rau nws txoj
    kev txawj, rau nws lub tswvyim thiab dag zog lawm, thaum ntawd Hmoob
    mam rov pom hais tias Hmoob tus neeg ntawd tseemceeb thiab muaj nqis.
    Thaum ntawd Hmoob li mam rov tuaj vam rov thov nws pab Hmoob dua. Thaum
    zoo li no lawm ces kuj ua rau tus neeg Hmoob ntawd tu siab kawg lawm.
    Nws tsuas lam pab txij li nws tus ciaj ciam lawm xwb vim tias thaum
    ntawd nws yog luag tus neeg txawj uas luag txib nws lawm. Nws yog luag
    tus "Huabtais" uas luag hwm lawm. Thaum peb ntsia li no ces pom tau
    tias Huabtais Hmoob khiav mus nrog luag lwm haiv neeg nyob tag lawm!



    Yog peb yuav tsheej tau ib haiv neeg muaj Vaj Ntxwv Huabtais kav mas
    ntshe yuav yog peb tso peb li tswvyim, nyiaj txiag thiab dag zog los ua
    ib pawg uake xwv peb thiaj li tau ntau lub tswvyim zoo, muaj peev nyiaj
    txiag loj los ua thawj lub zog, thiab muaj tub txib tub txuas txaus los
    leg tej dej num peb xav yuav xav tau. Ntxiv ntawd, peb yuav tsum paub
    hwm, ntseeg, qhuas, thiab txhawb peb cov neeg rau lawv txoj kev paub
    txoj kev txawj tiag tiag mas peb thiaj yuav nrog luag zoo. Thaum ntawd
    li mam saib saib Huabtais Hmoob puas rov los nrog Hmoob nyob!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Hmoob Liv Xwm

    Post  Sponsored content Today at 2:45 am


      Current date/time is 8th December 2016, 2:45 am