google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Txhais Npau Suav

    Share
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Txhais Npau Suav

    Post  koojziagkabzaug on 30th June 2010, 8:05 am

    Txhais Npau Suav

    By: Maypajlug Vaj


    1. Npau suav: Lo tej yam phem qias qias neeg yog yuav muaj hmoo tau nyiaj tau txiaj.
    2. Npau suav: Hnav ris tsho tshiab yog yuav khab seeb tau zoo, tej neeg phem yuav swb.
    3. Npau suav: Ntaus vas, cuab ntses thiab tau ntses yog yuav muaj ub muaj no ploj.
    4. Npau suav: Pom ntshuab puag tes puag taw, yaim tes taw txhais tias yuav muaj neeg pab yus.
    5. Npau suav: Tau nplhaib coj txhais tias yuav tau txwj tau nkawm uas txaus siab heev. Yog tias muaj cuab muaj yig lawm ces yog yuav tau tub tau ntxhais uas ntxim siab thiab ntxim hlub heev.
    6. Npau suav: De thiab khaws tau txiv hmab txiv ntoo txhais tau tias yuav tau txais tej yam uas raug yus siab heev.
    7. Npau suav: Noj zaub noj mov nrog niam, txiv thiab nrog poj niam me nyuam txhais tias yuav muaj hmoo tau noj yam txaus siab heev.
    8. Npau suav: Raug txhom raug kaw, tau plaub tau ntug yog yuav tau hloov laj kam nce siab zuj zus mus.
    9. Npau suav: Raug txiav tes txiav taw coj cuab txhias tias tau xaiv meej mom siab mus. 1
    0. Npau suav: Tau vaub kib, pom vaub kib yog yuav tau neeg txib neeg hu. 1
    1. Npau suav: Haus dej, haus cawv txhais tias yuav muaj neeg txhawb yus.
    12. Npau suav: Yus lub tsev kub hnyiab txhias tias yuav txom nyem plam lub chaw nyob. Yog pom kub lwm tus lub ces yog yus yuav tau zoo. 13. Npau suav: Pom dav hlau, tsheb ya txhais tias yuav tau ib yam dab tsi uas yus lub siab xav tau.
    14. Npau suav: Muaj me nyuam yaus coob coob tuaj pw hauv vaj hauv tsev txhais tias yuav tau tub txib tub hu thiab yuav tau ua nom ua tswv. 15. Npau suav: Hnav ris tsho liab txhais tias yuav muaj kev kub ntxhov yuav raug yeeb ncuab tsim txom.
    16. Npau suav: Hnav ris tsho xiav paj yeeb (purple) txhais tias yuav tau txwj tau nkawm uas ntxim siab.
    17. Npau suav: Pom tswv ntuj txhais tias yuav raug phooj raug ywg iab hiam.
    18. Npau suav: Pom dab caum yog yuav tau plaub tau ntug nce txog nom txog tswv tsev hais plaub ntug.
    19. Npau suav: Pom hluas nkauj taws tsau los cuag txhais tias yuav tau poj tau sev uas txaus siab nyiam heev. Yog poj niam npau suav pom txiv neej ces yog yuav tau ib tug zoo txiv.
    20. Npau suav: Thov ntuj los yog mloog lwm tus thov txhais tias tej khuab tej khaum uas tau ua los lawm yuav dhau mus.
    21. Npau suav: Taug kev tiv tshav, nraim duab ntxoov ntxoo txhais tias yuav tau nyiaj tau txiaj tsim nyog sim kev twv txiaj.
    22. Npau suav: Nkag tsev teev hawm thiab mloog lus qhuab ntuas txhais tias yuav khab seeb thiab tau zoo heev.
    23. Npau suav: Pom mlom yog yuav tau hwj chim yuav ncuab yuav ntshai.
    24. Npau suav: Pom xib hwb, kws txuj txhais tias xav yam twg los yuav tau li siab nyiam.
    25. Npau suav: Pom niam pom txiv (txawm yog tias nyob thiab tsis nyob lawm los xij peem) tsim nyog ua kev zoo siab xa koob xa hmoov mus rau.
    26. Npau suav: Tshuab raj tshuab ncas txhais tias yuav mauj vaj huam loj leej twg los yuav txhawb yuav hawm.
    27. Npau suav: Raug xob tua txhais tias yuav txom nyem vim tej hlob.
    28. Npau suav: Pom nab puag tes puag taw txhais tias yuav tau txwj tau nkawm tsis ntev tom ntej no ntag.
    29. Npau suav: Raug nab caum tom yog yuav tau txwj nkawm siab ntev.
    30. Npau suav: Tsiv nyob tsev tshiab txhais tias yuav raug xaiv hwj chim, xaiv laj kam.
    31. Npau suav: Caij nkoj hla dej txhais tias muaj neeg khwv ua phem rau yus tiam sis ua tsis tau li cas.
    32. Npau suav: Caij dav hlau txhais tias yuav muaj hmoo thiab tau mus kev deb.
    33. Npau suav: Pom dav hlau poob txhais tias yuav muaj neeg txheeb ze ploj tuag.
    34. Npau suav: Hniav tab meej lov txhais tias yuav muaj kwv tij neej tsa ploj tuag.
    35. Npau suav: Hniav puas lov txhais tias niam, txiv los yog tej neeg laus yuav dua toj.
    36. Npau suav: Raug ntaus, raug tua txhais tias yuav muaj hmoov thiab yeeb ncuab yuav ntshai.
    37. Npau suav: Khaws nyiaj kub tsis txawj tag txhais tias yam uas xav tseg yuav tau li siab nyiam.
    38. Npau suav: Caij ntxhw, caij nees, caij nyuj, thiab caij twm txhais tias yuav muaj hmoo thiab tau zoo.
    39. Npau suav: Tsov, ntxhw, thiab dais caum txhais tias yuav raug yeeb rhuav tshem thiab tsim txom.
    40. Npau suav: Caij nkoj, caij tsheb tiam sis ntxeev los yog muaj teeb meem txhais tias yuav muaj txhiam laj txhiam xws ploj. Muaj khub phem nyob rau lub sij hawm no tsis tsim nyog mus kev deb.
    41. Npau suav: Nrog hluas nkauj pw/nrog hluas nraug pw txhais tias yuav muaj kev kub ntxhov kev nyuaj siab.
    42. Npau suav: Pom hauj sam txhais tias yuav khab seeb tau zoo tiam sis tsis tau noj tau haus.
    43. Npau suav: Tau noj zaub noj mov, haus dej haus cawv luam taw laws txhais tias yuav muaj mob muaj nkeeg.
    44. Npau suav: Zaum hauv tej qab ntoo loj txhais tias yuav tau ua tus coj zej tsoom suav daws.
    45. Npau suav: Raug Khi yog yuav muaj plaub ntug yuav tau nce tsev hais plaub ntug.
    46. Npau suav: Quaj txhais tias yuav muaj kev iab siab tiam sis dhau mus yuav muaj hmoo.
    47. Npau suav: Pom hli nra txhais tias tus poj niam/tus txiv yuav ntxeev siab.
    48. Npau suav: Pom hli tsaus txhais tias yuav tsis sib haum nrog tus hlub (poj niam/txiv).
    49. Npau suav: Lub vaj lub tsev puas txhais tias tus niam tsev los yog tus txiv tsev, ib tug yuav ncaim los yog yuav tso ib tug mus.
    50. Npau suav: De paj, txiav paj txhais tias yuav tau txwj nkawm uas siab nyiam heev.
    51. Npau suav: Lov hniav txhais tias yuav tau khaub thuas thiab hnov xov phem.
    52. Npau suav: Tau me nyuam, yug me nyuam txhais tias yuav muaj noj muaj haus, koob hmoov tab tom zoo kawg li.
    53. Npau suav: Ua liaj ua teb yog yuav ploj khoom thiab yuav txom nyem.
    54. Npau suav: Tau ua hauj sam/ntxuav plig txhais tias yuav tau zoo muaj meej mom tiam sis tsis muaj hmoov.
    55. Npau suav: Tau taug kev txhais tias yuav poob laj poob kam.
    56. Npau suav: Pom hma, plis txhais tias yuav muaj phooj ywg teev tiam yuav tsis txom nyem.
    57. Npau suav: Pom miv txhais tias yuav poob nyiaj txiag mus pab lwm tus.
    58. Npau suav: Nrog tej kwv tij sib thab sib ntaus txhais tias muaj kwv tij nco txog yuav tuaj xyuas.
    59. Npau suav: Nrog phooj ywg ze sib thab sib ntaus txhais tias yuav muaj kev nyuaj siab.
    60. Npau suav: Tuag thiab raug kwv mus pov tseg txhais tias yuav muaj hmoo nyob laus, yog muaj mob muaj nkeeg ces yog yuav zoo sai. 61. Npau suav: Pom liaj, dav yog yuav ploj khoom.
    62. Npau suav: Pom nab txhais tias muaj ib tug neeg twg nyiag nyiam yus heev.
    63. Npau suav: Tau hla dej txhais tias yuav muaj teeb meem rau tes laj tes kam.
    64. Npau suav: Raug tho plab txiav hnyuv txhais tias yuav tau ua tus coj yeeb ncuab yuav ntshai.
    65. Npau suav: Caij tsheb nqis nkoj yog yuav tau hloov laj kam.
    66. Npau suav: Pom huab tais, Poj huab tais txhais tias yuav muaj hmoov tau zoo, tej hlob yuav nrog saib nrog xyuas.
    67. Npau suav: Pom tus thawj coj yog yuav raug thuam raug tib.
    68. Npau suav: Coj saw caj dab txhais tias yuav tau txwj tau nkawm uas txawj sib hlub heev. 69. Npau suav: Pom neeg tuag, pom cev tuag txhais tias tej khub phem yuav dhau los mus ua khub zoo.
    70. Npau suav: Pom nyuj, twm txhais tias yuav qaug zog thiab yuav tsis xis nyob.
    71. Npau suav: Muaj neeg nqa nyiaj txiag tuaj pub txhais tias yuav muaj hmoov tiam sis ceev faj tsam raug ntxias dag.
    72. Npau suav: Nrog phooj ywg sib thab sib ntaus txhais tias yuav muaj kev sib txeeb tsis sib haum.
    73. Npau suav: Los zis ntub ris tsho txhais tias yuav muaj kev txhawj xeeb nyuaj siab.
    74. Npau suav: Quav lo ris tsho yog yuav tau nyiaj tau txiaj.
    75. Npau suav: Pom kab, npauj, mes, muv tej ntawv txhais tias yuav muaj kev txom nyem tshwm sim los ntawm tej tub tej ki.
    76. Npau suav: Pom thee, hluav ncaig txhais tias yuav tau lus xaiv lus ncua, raug thuam raug tib.
    77. Npau suav: Pom txhuv pom mov txhais tias yuav tau hmoov zoo.
    78. Npau suav: Muaj neeg muab phuam ntxuav muag pub yog yuav muaj kev nyuaj siab, kua muag yuav poob.
    79. Npau suav: Poob tsev, poob ntoo txhais tias yuav tag hmoov, tag meej mom. Tsim nyog daws khub thiaj li zoo.
    80. Npau suav: Tau haus zib ntab yog yuav tau ua tus coj.
    81. Npau suav: Da dej txhais tias yuav khab seeb tau zoo.
    82. Npau suav: Raug txiav tes, taw yog yuav plam phooj ywg.
    83. Npau suav: Raug kaus qhov muag txhais tias yuav plam me tub me ntxhais uas ntxim hlub heev.
    84. Npau suav: Raug tho txeeb lub plawv lawm yog yuav ploj txwj ploj nkawm.
    85. Npau suav: Pom hav zoov ntsuab xiab txhais tias yuav muaj hmoo tau nyiaj tau kub.
    86. Npau suav: Ntxhw, nees los tsev yog yuav tau ntsib nrog tej kwv tij uas tau sib ncaim ntev ntev lawm.
    87. Npau suav: Pom hav zoov daj tseem txhais tias yuav muaj khoom ploj.
    88. Npau suav: Raug neeg caum ntaus yog yuav raug tib raug thuam.
    89. Npau suav: Pom khau, rau khau txhias tias yuav muaj chaw mus kev deb.
    90. Npau suav: Tau zoo chaw pw txhais tias yuav tau zoo dim kev txom nyem.
    91. Npau suav: Pom hnub txhais tias yuav muaj hwj chim, muaj meej mom yeeb ncuab yuav ceeb ntshai.
    92. Npau suav: Pom paj qhaus dej (doj npuas) yog yuav tau koob meej zoo. Tsis li ntawv ces yog tsev neeg yuav nqa meej mom los txhawb yus caj ces neeg.
    93. Npau suav: De paj txhais tias yuav tau tub tau ki zoo raws siab nyiam.
    94. Npau suav: Nce roob, pob coos puaj txhais tias yuav raug xaiv tsa ua laj ua kam siab siab mus.
    95. Npau suav: Tau kaus mom, ntoo kaus mom yog yuav muaj tej hlob nrog saib nrog xyuas yeeb ncuab yuav tsis kab ua phem.
    96. Npau suav: Rau khau tshiab txhais tias yuav tau phooj tau ywg ze pab yus yam zoo ntxiv.
    97. Npau suav: Tau haus dej yog yuav pib tau zoo zuj zus mus.
    98. Npau suav: Tau noj zaub mov txhais tias yuav tau khaub thuas, muaj mob muaj nkeeg.
    99. Npau suav: Quaj los kua muag txhais tias yuav dhau tej khub phem mus.
    100. Npau suav: Txiav plaub hau, txiav rau tes rau taw yog yuav poob nyiaj poob txiaj.
    101. Npau suav: Pom hnub qub, pom hli txhais tias yuav tau txais koob hmoov los ntawm tej hlob.
    102. Npau suav: Pom ntxhw, twm qus yog yuav tau txais khoom plis.
    103. Npau suav: Pom tsev zeb tsev tsua txhais tias yuav muaj vaj huam loj yuav tau ua nom ua tswv.
    104. Npau suav: Pom dev kwv lauj kaub yog yuav raug ntxias dag.
    105. Npau suav: Pom yus lub cev lwj txhais tias yuav tau txais xov ntawm tus hlub thiab tej phooj ywg.
    106. Npau suav: Pom saub (kws saib tsawv) txhais tias yuav muaj kev nyuaj siab.
    107. Npau suav: Tau noj txiv hmab txiv ntoo yog yuav tau txais xov ntawm tus neeg nyob deb.
    108. Npau suav: Poob roob, poob tej qho siab siab txhais tias yuav poob meej mom, plam laj kam thiab koob hmoov kaw.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Txhais Npau Suav

    Post  koojziagkabzaug on 30th June 2010, 8:08 am



    TXHAIS NPAU SUAV


    Lis yoo Meej, Tsoob Kuj


    Hmoob Suav

    Npau suav pom tib neeg= yog ntuj yuav pos huab.
    Npau suav pom noj nqaij= yuav muaj mob
    Npau suav pom nab = yog yuav tau siv nyiaj ( Hmoob Nplog yog yuav xeeb tub, hluas nraug ces yog hluas nkauj yuav muaj me nyuam)
    Npau suav pom hais kwv txhiaj = yog yuav quaj yuav nyiav
    Npau suav pom tsuab quav = yuav tau nyiaj
    Npau suav pom hluav taws = ntuj yuav tshav ( Hmoob Nplog= paub ntug)
    Npau suav pom tawm rooj ntub nag = yuav tau dej cawv haus
    Npau suav pom tau caij nkoj taug dej = yuav tau nom ua
    Npau suav pom dev npua tom = Dab roog looj koov




    Hmoob Nplog

    Npau suav pom tej laus dua nra lawd = yuav pos huab
    Npau suav pom nab = poj niam yuav xeeb tub
    Npau suav pom hais kwv txhiaj = yuav quaj yuav nyiav
    Npau suav pom tsuab quav = yuav tau nyiaj
    Npau suav pom tau ntse ntau = pom luag txua hleb rau neeg tuag, yuav tau nrog luag noj nqaij hauv ntees.
    Npau suav pom dav hlau = yuav muaj neeg tuag.
    Npau suav pom ntoo vau = yuav hnov moo ploj tuag.
    Npau suav pom tsev vau = tej laus yuav muaj mob
    Npau suav pom lawv tuag = yuav tau noj nqaij
    Npau suav ntsib hluas nkauj = mus yos yuav tau nqaij tua
    Npau suav tua dais = mus yos yuav xyuam xim
    Npau suav pom chaw mos= riam txuas yuav raug
    Npau suav pom liab nce tsev = hluav taws yuav kub
    Npau suav noj txiv qaub = Yuav tshaib plab, tshaib nyiaj
    Npau suav tau nyiaj = yuav raws plab, zawv plab
    Npau suav pom nyuj twm nrau = yuav tau khaub thuas
    Npau suav chais los txiav plaub hau = yuav poob nyiaj
    Npau suav noj mov = yuav tau hais lus, lus xaiv.



    **Npau suav hauv cov hnub nruab lis piam **

    1. Npau suav hnub Sunday txawm npau suav zoo los sis phem yog lwm tus lawm.
    2. Npau suav hnub Monday txawm npau suav zoo los sis phem yog nws kwv nws tij nws neej nws tsav lawm.
    3. Npau suav hnub Tuesday txawm npau suav zoo los sis phem yog nws kwv nws tij nws neej nws tsav niam thiab txiv lawm.
    4. Npau suav hnub Wednsday txawm npau suav zoo los sis phem yog nws poj niam los sis tus txiv los sis me nyuam ntag.
    5. Npau suav hnub Thursday txawm npau suav zoo los sis phem yog nws phooj ywg los sis nais khus
    6. Npau suav hnub Friday txawm npau suav zoo los sis phem yog nws tej tsiaj txhu ntag
    7. Npau suav hnub Saturday txawm npau suav zoo los sis phem yog nws kiag ntag.

    Tus sau: Hmoob Ntujqubqab



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Txhais Npau Suav

    Post  koobpovtxuj on 24th November 2012, 3:33 pm

    Nyias muaj nyias 1 co txhais pau suav sib txawv me ntsis.nyias ntseeg tias nyias qhov yuav tseeb dua lwm tug li.

    . Npau suav pom: Fuab Tais , Niam Fuab Tais los yog Vaj Ntxwv:
    Txhais tias: Tej nom tswv yuav muab ib tug nom loj rau koj, koj kev khwv noj khwv haus yuav nce tes, los yog koj yuav hnov xov xwm zoo ntawm koj tus neeg txheeb ze. ( Cov lej hmoov zoo rau koj yog: 89,19,59,298,198,589, )

    2. Npau suav pom: Qav, hnov suab Qav quaj, pom ib pab Qav los yog tau mus txhom Qav.
    Txhais tau tias: Koj txoj kev ua lag luam yuav mus tau zoo, koj tej thawj coj yuav muab koj tsa ua nom los yog nce qib rau koj los yog koj yuav tau txais kev qhuas thiab muaj suab muaj npe zoo.(Cov lej hmoov zoo rau koj yog: 11,19,911,411,714,091 ).

    3. Npau suav pom: Qaib, tau noj nqaij qaib, txhom qaib,los yog qaib Os khiav los ntawm koj;
    Txhais tau tais: Koj yuav tau nyiaj, tau tej tsiaj txhu muaj sia los yog koj yuav tau tub tau kiv.
    (Cov lej hmoov zoo rau koj yog: 19,09,29,209,719,289)

    4. Npau suav pom: Khob Iav, tau tuav Khob Iav:
    Txhais tau tias: koj yuav tau tub tau kiv, nom tswv yuav muab koj nce qib siab, yog koj tseem tsis tau muaj poj niam los tsis tau muaj txiv, koj yuav tau ntsib tus hlub uas raug koj siab (Cov lej khoob hmoov rau koj yog: 09,99,89,009,119,109 )

    5. Npau suav pom: Lub Nruas, tau ntaus Nruas, pom lwm tus ntaus Nruas , los yog hnov suab Nruas
    Txhais tau tias: Luag yuav muab koj tsa ua nom, yuav muaj suab muaj npe tsis ntev sai sai no. Nws yog ib qho npau suav zoo heev. (Cov lej hmoov zoo rau koj yog: 08,44,46,408,409,001)
    6. ​Npau suav pom: Tus Yuam Sij (Tus kas ces), tau tuav cov yuam sij, los yog tau suav cov yuam sij Qhib qhov rooj.
    Txhais tau tias: Koj ua lag luam yuav tau nyiaj, mus twv txiaj los kuj yuav tau thiab. Ntawm kev nom kev tswv los koj kuj yuav tau nce qib siab dua qhov qub. (Cov lej koob hmoov zoo rau koj yog: ​ 07,22,54,243,547,847)
    7.​Npau suav pom: Lub Laub Nees , Laub Nyuj uas Nees thiab nyuj cab cab es tib neeg caij, los yog koj tau caij kiag rau sauv lawm.
    Txhais tau tias:​ koj yuav tau txais khoom plig, nyiaj txiag ntawm cov nom tswv loj, los yog lawv yuav pab txhawb nqa thiab cev pab cuam pub rau koj
    8.​ Npau suav pom: Luav
    Txhais tau tias: Yuav tau koob hmoov los yog nyiaj txiag los ntawm kev twv txiaj, kev twv hmoov​, yog tsis tau li no ces koj yuav tau txais mob nkeeg, kev poob siab ntshais ua ntej tag mas koj mam li tau txais koob hmoov los yog tej yam zoo zoo tom qab.
    ​( Cov lej koob hmoov zoo rau koj yog 14,34,344,034,334,639)
    avatar
    MayPaj
    Spammer
    Spammer

    Messages : 489
    Date d'inscription : 2010-02-25

    Re: Txhais Npau Suav

    Post  MayPaj on 26th February 2015, 12:09 pm

    Leej twg paub no thov qhia kuv os

    Qhov muag laim sab xis txhais li cas?

    Qhov muag laim sab laug txhais li cas?

    tau 2 week no kuv qhov muag pheej laim laim sab xis li os...tsis tau zoo nyob li, mus work los laim, nyob tsev los laim, yuav pw los laim.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txhais Npau Suav

    Post  xiongchang on 26th February 2015, 1:16 pm

    ......Awb me muam....May paj aws?....Kuv ntsai tsam....Koj zoo li....Kuv ua nug xwb lauv....Ua ntej....Kuv qhov muag....Tsi pom kewv zoo....Qhov muag laim li....Koj hais ntag os?....Kuv tug kheej li mas....Yog tub nyab tsi mloog lug....Cia neej tsa tuaj tig nqaj neeb yaig....Ncej vag - Ncej tsev nplua....Kuv qhov muag....Pom kev tsi zoo os?....Ntawm koj ua muam ntseeg....(Vaj tswv lawm)....Yuav ntsib kev nyuaj siab ntxhov plawv....Yav tom ntej nawb mog.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txhais Npau Suav

    Post  xiongchang on 26th February 2015, 1:19 pm

    ......Nco ntsoov thov vaj tswv ntuj pab txhua hmo....Yuav pw tsaus zog....Yav sawv ntxov kaj ntug mog....Yug ntseeg yam twg?....Yam ntawd pab yug os?....Me muam may paj aws?
    avatar
    MayPaj
    Spammer
    Spammer

    Messages : 489
    Date d'inscription : 2010-02-25

    Re: Txhais Npau Suav

    Post  MayPaj on 26th February 2015, 1:24 pm

    xiongchang wrote:......Nco ntsoov thov vaj tswv ntuj pab txhua hmo....Yuav pw tsaus zog....Yav sawv ntxov kaj ntug mog....Yug ntseeg yam twg?....Yam ntawd pab yug os?....Me muam may paj aws?

    ws ua tsaug os,...yam twg Tswv Ntuj qhia yus lawm ces yeej yuav muaj li hais, tiam sis yus li thov ntuj kom ua siab loj...kuv qhov muag nws laim laim yuav luag tau peb week tau 2 hnub no nws kuj tsum lawm.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Txhais Npau Suav

    Post  shung on 27th February 2015, 5:59 am

    Nyob zoo os...tus auntie maiv paj

    Koj mus thov ib tug txiv neeb muab ib com ntawv 2 daim xav txheej tsheb koj xwb ces tau lawm os...
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txhais Npau Suav

    Post  xiongchang on 27th February 2015, 6:57 am

    ......Muaj tej yam mas....Ntsib sai nawb....Muaj qee yam....Siv sij hawm ntev....Mam ua nawb....Qhov tseem ceeb....Faj seeb tug kheej zoo dua os?....Yog ntxov paub ua ntej....Daws ua ntej zoo tshaj os?
    avatar
    MayPaj
    Spammer
    Spammer

    Messages : 489
    Date d'inscription : 2010-02-25

    Re: Txhais Npau Suav

    Post  MayPaj on 27th February 2015, 3:18 pm

    shung wrote:Nyob zoo os...tus auntie maiv paj

    Koj mus thov ib tug txiv neeb muab ib com ntawv 2 daim xav txheej tsheb koj xwb ces tau lawm os...

    Nyob zoo sister Shung,

    ua tsaug rau nej txhua tus tuaj pab qhia thiab pauv tswv yim txhais npau suav los sis txhais lwm yam tshwm sim.

    Kuv lam piav ib qho me me li no:

    Muaj 1 zaug kuv tau ntsib dhau los, yog muaj noog ya los rau kuv tas li, kuv mus work muaj ib tug me noog ya los ntawm kuv lub tsheb tau 1 week, nws los quaj thiab tso quav kuv lub tsheb lo tas, kuv xav tias ntshe hloov chaw xwb nyaj tej zaum yuav tau lawm, week 2 kuv hloov chaw nres tsheb, tus noog qub kuj los nrhiav tau kuv lub tsheb thiab, vim tias tsheb twb tsis yog kuv lub xwb, peb muaj coob tus tuaj work, cas ho tsis mus tsaws lawv cov tsheb, hos los nrhiav kuv lub tas li, kuv thiaj hais tias yog tus noog los ua yaj saub xa xov rau kuv xwb no ces kuv paub lawm, nws mus nws txhob rov los, nos ces nws cia li ya tam sim ntawv...lub week tag kiag xwb kuv tus txiv ntxawm tuag kiag...vim tias nws tsis mob, mus work los xwb cia li tuag lawm, nws muaj 40 xyoo.



    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Txhais Npau Suav

    Post  shung on 28th February 2015, 11:09 am

    Auntie maiv paj,

    Tej zaum koj thiab kuv wb yog ib phaj xwb os..cia li hu ua nus muag xwb. Kuv txiv yog vam yaj vaj es seb koj puas paub vam yaj vaj thiab txiaj lwb vaj. Peb yog cov hmoob vaj nyob phwv mum.

    Tej yam li koj tham no yeej muaj tseeb os. Qhov ua nyob7 es yus lub qhov muag pheej laim no mas kuv tus kheej los tseem tsis tau paub zoo thiab. Yog koj lub siab tsis kaj pes tsawg ces kuj mus thov cov txiv neeb kom nws muab ib com ob nyiaj los tsheb koj xwb ces zoo lawm. Yog tsis muaj leej twg li los koj tsheb koj xwb los tau kawg. Tej no yog muag dawb ua xwb, yog tsis paub qhov twg sau ntawv rau kuv mam li qhia koj ua koj xwb los tau kawg. shung
    avatar
    MayPaj
    Spammer
    Spammer

    Messages : 489
    Date d'inscription : 2010-02-25

    Re: Txhais Npau Suav

    Post  MayPaj on 28th February 2015, 4:50 pm

    Sister Shung...hu li cas los tau os lod, kuv tsis paub cov hmoob koj hais li...tiam sis kuv muaj 35 lawm, tej zaum kuv laus zog koj os.

    Hais txog ntawm kev ua neeb ua yaig nws yog ib qho zoo, tiam sis kuv coj kev cai Catholique ces kuv twb mus thov ntuj pab lawm, muaj dab tsi kuv mam ua siab loj thiab os nawd, ua tsaug ntau koj os sister Shung.

    Hnub no ntuj los los nag, kuv mus xyuas ib tug nyab ze ntawm 30 km, kuv lub tsheb nplua ces kuv lub tsheb kiv kiag 2 3 ntxees rov qab los nyob zoo zoo ntawm ntug kev zoo li leej twg tuav kuv lub kauj tsheb....kuv tshee tshee ib pliag kuv rov qab tsav tsheb mus tim nyab ...kuv cia li ntshai tsav kuv lub tsheb los tsev li tiag... tiam sis kuv xav tias los nag kev nplua dhau lawm thiaj zoo li...thaum rov los ces kuv yeej khiav tsis nrawm li, cia luag huas ntej tas tus li lawm, ntshe yuav ntev kuv mam rov qab tsav tau tsheb kom txhob ceeb.


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: Txhais Npau Suav

    Post  koobpovtxuj on 1st March 2015, 3:04 am

    Me Muam Maiv paj.
    Qhov uas koj lub qhov muag pheej laim ces yog qhov koj pom no ntag tiag.Koj yuav raug qhov teeb meem uas koj lub tsheb kiv 2-3 ntxees no ces koj lub qhov muag thiaj li laim ua ntej rau koj kom koj paub ua ntej.Tab sis peb txhua tus yeej txhais tsis raug lub ntsiab kom tseeb.Hnub no koj lub tsheb kiv 2-3 ntxees li no ua rau koj ceeb loj thiab koj ntshai txaus lawm ces tag qhov uas koj qhov muag laim lawm.Txij hnub no lawm tom ntej ces koj tsuas ntsib txoj kev noj qab nyob zoo lawm xwb nawb mog.
    avatar
    MayPaj
    Spammer
    Spammer

    Messages : 489
    Date d'inscription : 2010-02-25

    Re: Txhais Npau Suav

    Post  MayPaj on 2nd March 2015, 9:13 am

    koobpovtxuj wrote:Me Muam Maiv paj.
    Qhov uas koj lub qhov muag pheej laim ces yog qhov koj pom no ntag tiag.Koj yuav raug qhov teeb meem uas koj lub tsheb kiv 2-3 ntxees no ces koj lub qhov muag thiaj li laim ua ntej rau koj kom koj paub ua ntej.Tab sis peb txhua tus yeej txhais tsis raug lub ntsiab kom tseeb.Hnub no koj lub tsheb kiv 2-3 ntxees li no ua rau koj ceeb loj thiab koj ntshai txaus lawm ces tag qhov uas koj qhov muag laim lawm.Txij hnub no lawm tom ntej ces koj tsuas ntsib txoj kev noj qab nyob zoo lawm xwb nawb mog.

    Kuv xav mas ntshe yeej yog li qhov koj hais lawm tiag....thaum kuv lub tsheb kiv ntxawm txoj kev mus rau sab xis uas yuav poob qab ke ces kuv yeej tsis paub dab tsi li lawm, kuv lub qhov muag tsuas pom tias kuv muaj teeb meem lawm, ntshe zaum no tuag los ciaj , cia ywj txoj hmoo lawm xwb no tiag...ces kuv tso phluav lub kauj tsheb thiab kuv yeej tsis tsuj break thiab yeej tsis tsuj heeb kom nres li lawm os...cia pheej txoj hmoo no xwb...tiam sis muaj txoj hmoo zoo kawg...kuv lub tsheb nres zoo zoo thiab khiv khiv los tsis poob qab ke, tsis tsoo lwm lub tsheb los tsis raug kuv kiag li....tsuas yog kuv ntshai thiab ceeb loj dhau lawm...ua kuv tshee tshee thiab ho yoob lawm ib chim xwb....ntshe lub khuj tas li koj hais lawm os......ua li no tas ces kuv qhov muag kuj tsis laim lawm.

    Sim neej no os, cas es peb ua neeg nyob, yus twb xyuam xim kawg nkaus los thaum yuav muaj teeb meem dab tsi mas yeej ua thaum yus tsis nco qab tom nej tom qab li lawm...kuv ua nej sawv daws tsaug ntau ntau nawb, sawv daws tau pab pab kom kuv xyuam xim, los tseem ua li rau kuv thiab...txhua hnub hauv kuv lub neej ces kuv cia siab rau Tswv Ntuj, vam thiab cia siab tias kuv yuav nyob nraim hauv Tswv Ntuj xib tes, xwm txheej dab tsi los raug kuv los thov kom Tswv Ntuj nres li zaum no xwb ces kuv yeej zoo siab txog hnub tuag...txawm ua neej tsis muaj nyiaj tsis muaj txiaj tsis muaj txij muaj nkawm nrog luag los tsuav kuv hmoov zoo, dim tej kev vij sub vij sw yuav ua raug kuv txom nyeem xwb kuv zoo siab tshaj tau nyiaj tau kub los tau txiv nom txiv tswv lawm. J:


    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Txhais Npau Suav

    Post  Hmoob ntuj qub qab on 3rd March 2015, 9:04 pm

    MayPaj thiab niam tij koojziagkabzaug nrog cov Phooj ywg

    Kev laim ntawm yus ib ce yog txhais li cas ?

    1.Laim ntawm tawv qhov muag sab xis sab saud txhais tias  txheej hlob yuav hlub  thiab saib xyuas zoo.
    2. Laim ntawm tawv qhov muag sab laug sab saud  txhais tias hluas nkauj los hluas nraug nco nco txog thiab hais txog yus.
    3. laim ncaj nrub nrab qhov muag txhais tias yuav muaj tus tuaj ntsib.
    4. Laim ntawm kaum qhov muag sab laug  txhais tias yuav hnov xov zoo.
    5. Laim ntawm kaum qhov muag sab xis txhais tias yuav hnov xov tsis zoo.
    6. Laim ntawm tawv qhov muag sab laug qab qhov muag txhais tias yuav muaj neeg tuaj nrhiav lus rau yus.
    7.Laim sab pob ntseg laug txhais tias yuav hnov xov tsis zoo.
    8.Laim sab pob ntseg xis txhais tias yuav tau txais khoom plig dab tsi.
    9.Laim sab qhov ncauj sab saud  txhais tias yuav tau txais khoom plig thiab yuav tau noj qab.
    10.  Laim sab qhov ncauj sab hauv txhais tias yuav tau ntxhov siab vim tus hlub los yog cov txheeb ze yuav mus deb.
    11. Laim ntawm caj dab sab laug txhais tias yuav tau me ntxhais txaus siab heev.
    12.Laim ntawm qhov tso sab xis txhais tias  yuav muaj lus.
    13.laim ntawm lub plawv yuav muaj neeg tuaj ua nyuab rau yus.
    14.Laim sab nraum nraub qaum txhais tias yuav tau yam me dua yus.
    15.Laim caj npab sab xis txhais tias yuav muaj khoom plig los deb los, Nom tswv yuav hlub yus.
    16. laim caj npab sab laug txhais tias niam txiv yuav sib nrauj.
    17.Laim ntawm lauj tshib sab laug txhais tias yuav muaj neeg tuaj tos.
    18.Laim ntawm lauj tshib sab xis  txhais tias kwv tij yuav tuaj ntsib.
    19.Laim ntawm xib tes sab laug txhais tias yuav tau nce qib.
    20.Laim ntawm xib tes sab xis txhais tias yuav tau nplhaib thiab nyiaj kub.
    21.Laim ntawm ntiv tes rwg qab thiab tus ntiv tes  (thib 2 ) txhais tias yuav muaj lus.
    22.laim ntawm tus ntiv tes thib peb los yog ntiv tes nta nruab nrab txhais tias yuav muaj kev tshua thiab nco txog kwv tij.
    23.Laim ntawm tus ntiv tes rwg qab sab laug txhais tias tom ntej yuav muaj xwm txheej.
    24.Laim 5 tug ntiv tes tag nrho sab xis txhais tias yuav poob nyiaj poob txiaj.
    25. Laim ntawm ob lub mis txhais tias yuav muaj phooj ywg zoo poj niam thiab yuav tau txais khoom plig los ntawm txheej hlob.
    26.Laim ntawm xwb pwg sab laug txhais tias yuav tau kev txom nyem.
    27.Laim ntawm plab sab laug txhais tias lawv yuav rau txim .
    28.laim ntawm plab hlaub sab xis thiab sab laug  poj niam los txiv neej yuav tuaj ua plaub.  
    29. Laim ntawm hauv caug sab xis txhais tias yuav tau txais khoom plig los yog yuav tau txais lwm yam .
    30. Laim ntawm hauv caug sab laug txhais tias lawv yuav tuaj ua plaub.
    31. Laim ntawm txhais taw sab xis txhais tias yuav tau ib yam dab tsi txaus siab.
    32. Laim ntawm txhais ceg sab xis txhais tias yuav muaj kevtxom nyem los txog yus.
    33. Laim ntawm txhais ceg sab laug txhais tias yuav muaj kev zoo siab tau txais tej yam dab tsi.


    Mloog kwv txhiaj Hmoob samneua kho siab zim

    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Txhais Npau Suav

    Post  xiongchang on 4th March 2015, 5:01 am

    ......Thov zam txim ntau....Txhob xav li cas nawb mog....Kuv piav tham li no....Suav daws nyeem khaws cia....(Ua neej neeg)....Kev kho siab....Tsi zoo kho siab nawb mog....Yog leej twg?....Kho siab khuj khuav....[Zaum tsi tsheej - Noj tsi qab - Haus tsi nqeg - Pw tsi tsaus zog - Siab seev yug yees]....Yuav muaj teeb meem sai kawg nkaug li os?....Cov coj qub kev cai hmoob....Yuav tau saib yaig....Ua neeb kho....rog ntsuj hlauv laiv?....Cov ntseeg....[Vaj tswv]....Yuav tau ntsib....{xib fwb}....Thov vaj tswv....Sai li sai tau....Txhob ncua ntev nawb mog....Kuv piav tham I no xwb....Nyob zoo suav daws.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Txhais Npau Suav

    Post  koojziagkabzaug on 14th March 2016, 2:30 pm


    Fortune Tellers Read Fortunes | Txhiaj Txhais Kev Npau Suav Part 1. 3/9/2016




    Fortune teller read fortunes | Txhiaj Txhais Kev Npau Suav Part 2. 3/10/2016



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Txhais Npau Suav

    Post  Sponsored content


      Current date/time is 18th August 2017, 4:06 pm