google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    KHAWV KOOB

    Share
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 23rd February 2013, 11:00 am

    Nyob zoo tus niam ntxawm KZKZ,

    Thov txim kuv sau tau ntawv yuam kev me2 lawm es koj pab muab kho rau. Lo lus khawv koob sau tsis yog lawm kuv sau tau nyaj nyab es koj muab kho sau kom yog. Lo lus yog ces hais (nyaj nyas). Nyaj nyab no ces yog tus poj niam lawm. ua tsaug shung

    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KHAWV KOOB

    Post  xiongchang on 24th February 2013, 9:59 am

    ......Ha...ha... lg lg Kwv ntxawg...Shung...Tej zaum...Tsi yog yuam kev os...Yog lub...Computer...Txiav li ntawd...Kuv twb nyeem tshuaj xyuas zoo kawg mam..."Set"...Nkag hauv..."Tab sis"...Thaum rov nyeem dua zoo li...Koj lo lug ntawd lawm os...Lo lug...{Xoom xw - Nyaj nyas}...Yog lug suav...Lo lug hmoob...Txhais tias...{Nkawm niam txiv kab yeeb xyab}...Xa ntsuj tub...Tso ntsuj ntxhais...Nqeg ntiaj teb...Lo lug...{Yaj ntxws - Ceeb ntxws - Yaj mis - Ceeb mis}...Yog lug suav lawm...Kuv tsi kawm khawv koob...Kuv tsi paub zoo os...Kuv txhais...Tsi tawm...Xyov hais li cas?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: KHAWV KOOB

    Post  xiongchang on 24th February 2013, 10:03 am

    ......He...he... lg lg Koj saib mas...Kuv ntaus...{Xoom xwm - Nyaj nyas}...Computer...Twb txiav tug...{M}...Tawm lawm tias...Kwv ntxawg...Shung.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 25th February 2013, 10:51 am

    Nyob zoo tij laug xiongchang,

    Koj tseem tuaj qhia ib los lus pub kuv thiab, kuv tsis paub los koj hais no [xoom xwm nyaj nyab]. Tus niam txiv kab yeeb no mas neeb qhia hu niam txiv kab yeeb txos nyaj nyab. Tij laug hais txog ntawm cov lus koj hais tias yeej ntxwg ceeb ntxwg, yaj mis ceeb mis, yaj pos li ceeb pos, yeej huab li ceeb huab no mas kuv kuj tsis paub zoo tias sis kuv tau nug ib tus muam hmoob tuaj suav teb tuaj mas nws tsis paub tias kuv hais lus dab tsi li. Qhov tseeb tej zaum yuav yog lus neeb lawm yuav tsis yog lus suav. Kuv kuj nug nws hais txog li los ntxiv thiab, hais tias [ huam no nis] no nws kuv paub, nws hais qhia kuv tias nyob suav teb lawv tseem siv thiab hais los lus no txhua hnub.

    Tij laug kuv nyiam muab coj lus no los tshawb saib seb yog li cas tiag. Vim tsis muaj tus qhia lawm thiab tsis muaj tus txhais tau tag nrho; coj lus xwm li piv xam li tus kwv tij qhia cov khawv koob no mas yog lus suav thiab lub neeb nyob ua ke huav. Hais mas zoo li cov lus tig mus tig los thiab. Nyob li nws los lus nyaj nyas no mas kuv twb tsis paub lawm xyo yog txhais li cas tiag. kwv shung
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: KHAWV KOOB

    Post  koojziagkabzaug on 25th February 2013, 11:08 am



    Shung,

    Kuv kho rau lawm os, ua tsaug rau nws lub caij muaj nqes los pab sau rau peb kev yooj yim.

    Tij laug XyoojTswb, ua tsaug rau nws cov lus txhais.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV KOOB

    Post  Hmong ntuj tshiab on 20th August 2013, 4:23 pm

    nraug liab toj siab koj tus ( email ) tsis ua hauj lwm lawm os nawb. vim kuv sim xa ntawv tuaj rau koj no nws twb tsis ua hauj lwm lawm os nawb
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 24th January 2014, 2:36 pm

    kuv mus pom tus kwv tij no nws ua tau ib phaus ntawv txog hmoob txuj ci Khawv koob.  Kuv mus saib me7 lawm thiab. Lawv muaj muag nyob ntawv hmoob ABC store hauv St. Paul, MN. Qhov tseeb tiag mas tus kwv tij no nyob deb heev lawm vim tias yog kawm nws cov khawv koob ces yuav tau kom nws phum yeej koob yeej huam rau yus mas thaum yus ua khawv koob rau leej twg los yog dab tsis txaus siab ces yus thiaj li hais tau tias yus tus XF yog tus no ntag.  Yog dab tsis txaus siab dab yeej meem mus hais tus XF.  Vim kev ua khawv koob yog yuam xwb.  Nej s/d ho saib thiab seb nej puas nyiam nws cov khawv koob thiab, yeej muaj cov zoo7 kawg nyob hauv phaus ntawv no.



    Khawv Koob: Hmoob Txuj Hmoob Siv Hmoob Tshuaj Hmoob Rhaub

    $24.95 USD

    Paperback, 88 pages, 5.5x8, Hmong
    by Zoov Yias Thoj Vwj Tuam Hwm
    ISBN: 0-9723624-1-X



    Written in Hmong, this is a book of Hmong "khawv koob," the first ever published in the history of the Hmong. It contains 60 khawv koob for treating various illnesses believed to be caused by evil spirits. Hmong believe that if an illness is not caused by a disease, then it is caused by an evil spirit that only khawv koob can cure. Khawv koob is a form of spiritual healing practice commonly used in Asia.



    Khawv koob yog ib yam txuj uas Hmoob muaj thiab siv pab haiv neeg Hmoob los tau ntau txhiab xyoo lawm. Ntau yam mob yog tim kab mob uas yog tshuaj kho. Ib txhia mob kuj yog tim ntsuj plig thiab tim tej dab phem ua rau yus mob uas yog khawv koob thiaj li pab tau yus xwb. Hmoob ntseeg li no. Suav daws thiaj yuav tau kawm thiab khaws tej khawv koob no tsis pub kom ploj. Yuav luag txhua txhua tsev neeg Hmoob, tseem ceeb yog cov nyob rau toj roob hauv pes sab Esxias, yeej tau txais txiaj ntsim los ntawm tej khawv koob no ntau heev.

    Phau no tej zaum yog thawj thawj phau khawv koob nyob hauv Hmoob li keeb kwm. Nyob hauv phau ntawv no, nws muaj 60 zaj khawv koob uas Hmoob niaj hnub siv, muaj cov zaj me li kuam kab ntsig chob, tshuab kub hnyiab, tshuab xua, tua rwj, tua phim nyum vais mus txog cov zaj khawv koob loj li khwb dej rau poj niam nchuav cev, kem dab tsog tsuag, daws dab txhij suam, huj lag si txuas nqaij txuas leeg thiab txuas txha, txi xwm kab, tsa txhiaj meej, qhib mem toj mem av, thiab tsa mem toj mem av.

    Cov khawv koob hauv phau ntawv no yog Zoov Yias Thoj Vwj Tuam Hwm cov thiab nws yog tus sau. Zoov Yias yog ib tus kws khawv koob puag thaum hluas los thiab paub khawv koob ntau heev. Nws ntseeg tias muab sau ua phau ntawv tseg li no mas thiaj li yuav pab khaws tau Hmoob tej khawv koob no kom txhob ploj mus.



    60 zaj khawv koob muaj li hauv qab no:

           1. Tsa Cim Xeeb
           2. Kuam Kab Ntsig Chob
           3. Tsis Tau Tuag Los Npau Suav Phem
           4. Tua Phim Nyum Vais
           5. Tshuab Qhov Muag Qaus
           6. Tshuab Qhov Muag Paug, Qhov Muag Los Kua
           7. Tshuab Kub Hnyiab
           8. Tshuab Kub Hnyiab thiab Kiav Txhab
           9. Tshuab Npuag
           10. Tshuab Ua Xua
           11. Thim Ceeb
           12. Tshuab Qhov Ntswg Los Ntshav
           13. Tshuab Mob Taub Hau
           14. Tshuab Kiv Qhov Muag
           15. Tshuab Dab Pog, Thim Dab Pog
           16. Nplawm Dab Tsog Tsuag, Nplawm Dab Txij Suam
           17. Tshuab Qa Hlav, Txhaws Caj Pas
           18. Tshuab Pob Ntseg Lag, Lag Ntseg
           19. Tshuab Pob Txha Ntses Daig Caj Pas
           20. Tsiaj Nrau Neeg, Tom Neeg, Tsis Hwm Tswv
           21. Tua Rwj, Tua Qog
           22. Thim Kub, Tshuab Me Nyuam Kub Cev
          23. Khi Khaub Hlab Rau Neeg Mob
           24. Khi Saw Nqeeb Los Yog Khi Cos Nqeeb
           25. Khi Dab Toob Nkeeg, Khi Dab Npaws Ua Daus No
           26. Khwb Ntsuj, Zais Ntsuj
           27. Khwb Dej Poj Niam Nchuav Cev
           28. Kem Dab Tsog Poj Niam Nchuav Cev
           29. Khwb Dab Tsog, Poj Niam Nchuav Cev
           30. Hlawv Roj Rau Dab Tsog, Poj Niam Nchuav Cev
           31. Khi Saw Nqeeb Quas Dab Tsog Poj Niam Nchuav Cev
           32. Hlawv Roj Quas Dab Tsog Tsuag
           33. Kem Dab Tsog Tsuag (Zaj Ib)
           34. Kem Dab Tsog Tsuag (Zaj Ob)
           35. Kem Dab Tsog Tsuag (Zaj Peb)
           36. Kem Dab Tsog Tsuag (Zaj Plaub)
           37. Kem Dab Tsog Tsuag (Zaj Tsib)
           38. Kem Dab Tsog Tsuag (Zaj Rau)
           39. Tshuab Qhov Txhab Tav Ntshav
           40. Khwb Ntsuj, Khwb Dab Toob Nkeeg
           41. Khwb Dab Toob Nkeeg, Khwb Dab Npaws
           42. Tshuab Mis Txhaws
           43. Tswm Ntuav, Tswm Plab
           44. Teem Kab Mob Hniav, Ntsia Kab Noj Hniav
          45. Huj Lag Si, Txuas Nqaij, Txuas Leeg, & Txuas Txha
           46. Hu Dab Fiv Yeem Pov Qoob Loo
           47. Fiv Yeem Pov Neeg Mob (Fiv Npua thiab Nyuj)
           48. Daws Dab Theev Kawv, Txhij Suam
           49. Thim Dab Tsog Tsuag
           50. Daws Dab Theev Kawv
           51. Daws Dab Txhij Suam
           52. Hu Dab Coj Thauj Tee
           53. Hu Plig Qhib Thwv
           54. Quas Dab Txhij Suam
           55. Tsuag Kua Mis Quas Dab Poj Ntxoog
           56. Tshuab Me Nyuam Qhov Ntswg Txhaws
           57. Txi Xwm Kab
           58. Tsa Txhiaj Meej
           59. Qhib Mem Toj, Qhib Looj Mem
           60. Tsa Mem Toj, Tsa Looj Mem
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV KOOB

    Post  Hmong ntuj tshiab on 27th January 2014, 6:54 pm

    shung wrote:Nyob zoo tus txiv ntxaw hmoob ntuj tshiab,

    Zoo siab tuaj ntsib koj hauv no thiab, kuv pom koj sau tau paj huam zoo kawg thiab kho siab kawg li.  Tus txiv ntxawm kuv xav thov koj ib nyuam pab qhia kuv txog ntawm tus txheej txheem thiab tus cais ua khawv koob pub rau kuv puas tau?.  Zoo li kuv paub tsis tshua meej heev pes tsawg txiv ntxawm hmoob ntuj tshiab.  Ua tsaug   tub shung vang



    Tus kwv shung, kuv hais rau koj tias hais txog txoj kev siv khawv koob mas-

    Saib koj ho txawj hom khawv koob siv mus rau hom twg? Tiag nawb.

    Txhua yam khawv koob mas koj yuav tau yoog raws li koj tus xib hwb qhia xwb thiaj leej nawb-

    Txhua yam khawv koob mas yog koj tus xib hwb tsis kam qhia txog tus txheej txheem sib mas koj tsis txhob lam siv nawb- vim tias khawv koob mas nws muaj qhov zoo thiab phem thiab-

    Kuv thov qhia koj paub tias khawv koob mas nws muaj ntau yam heev-
    Yam ib nws yog khawv koob tab-
    Yam ob nws yog khawv koob txooj-
    Yam peb nws yog khawv koob cim zeej theev-
    Yam plaub nws yog khawv koob xab hwm zeej-

    Mas seb koj ho kawm hom khawv koob twg los koj yuav tau mus nug koj tus xib hwb es nws thiaj paub qhia rau koj siv nawb mog-

    Hais txog kuv ces kuv kuj txawj cov khawv koob tab thiab tiam sis nws yuav zoo tsis sib xws nawb- vim khawv koob tab mas nws ho txheev txawv cov nej kawm hauv nov thiab nev-

    Peb cov khawv koob tab mas thaum koj txheev cov xib hwb mas nws ho hais li no lawm nev-

    Txheev com, txheev leej, vam com vam leej, txheev tom li vaj li xib fwb, khab tsab li xib hwb, vaj yum li xib hwb, yum vaj li xib hwb, puaj tuam seej vaj yum leej li xib hwb, tsawb li xib hwb, teem li xib hwb, thaj caw vag saw caw kum hauj lag si saw li xib hwb, xyuam laij pab maj tim txwv-

    Tas ces yus mam los txheev zaj khawv koob uas yus kawm ntawd mus kom xaus ces cov lus xaus khawv koob mas peb ho xaus txawv thiab-

    Fib foob thaij sam ceev cim los leem txhij- ces mam ntaus yeej huam rau xwb no os nawb,

    Es kuv hais li no rau koj xwb es yog koj ho kawm hom khawv koob twg tiag no los koj mam ho mus nug koj tus xib hwb es nws thiaj paub qhia tus txheej txheem tseeb rau koj siv os nawb mog tus kwv shung-
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 27th January 2014, 8:20 pm

    Nyob txiv ntxawm hmoob ntuj tshiab,

    zoo siab koj qhia ib cov lus zoo rau kuv thiab. Hais txog ntawm 4 yam khawv koob koj qhia ntawv mas kuv kuj tsis paub zoo pes tsawg. Tiam si yog cov xov khawv koob xwb ces txheev los tau ho tsis txheev cia li ua kiag zaj khawv koob lawm xwb. Ho hais txog cov khawv koob loj mas yeej teeb thaj li thaj ua neeb ces yeej txheev li koj qhia ntawv tag. Thaum txheev tag ces yus mus txog ntawm tus neeg mob ces cia li ua kiag zaj khawv koob lawm xwb. Feem ntau ces yeej tsis tshuas txheev qhov tias txheev com txheev leej vam com li vam leej. Cia li ua kiag zaj khawv koob. yog khawv koob daws dab los cim dab ces mas hais cov lus quas xwb. Tub shung
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV KOOB

    Post  Hmong ntuj tshiab on 28th January 2014, 12:55 pm

    Yog mas yeej yog li koj hais lawm- tiam sis cov kuv hais no mas yog khawv koob loj uas koj ua ces yuav teeb thaj li ua neeb- ces koj yuav tau txheev cov qhua khawv koob los yoog yeeb yoog tshuaj tag mas koj mam xeem saib tim tus dab twg tiag tiag mas koj mam pib koj cov zaj khawv koob ntawd ua mus-

    Nyob rau peb cov khawv koob tab mas peb yuav pib mas peb yuav tsum tau khwb dej saib puas tau tso mam li ua khawv koob os- yog khwb dej tsis tau ces peb yeej tu lus rau luag hais tias peb yeej huam duav tsis tau luag tus neeg mob no nawb-

    Peb cov zaj khawv koob ua peb tsis siv txog cov lus txheev mas tsuas yog tib zaj khawv koob tsuag ntshav dev siv quas dab poj ntxoog xwb os nawb-

    Dua li ces yeej tau txheev cov xib hwb thiab qhua khawv koob txhua txhua zaus uas koj yuav ua khawv koob li os nawb-

    Yog koj xav kawm los kuv yeej qhia tau thiab mas tus kwv shung-

    Peb zaj khawv koob khi dab poj ntxoog mas nws kuj ntev heev thiab os nawb-

    Hos peb zaj khawv koob khwb dej mas peb xuas lub khob coj los txheev ntawm tus neeg mob tag ces peb muab lub khob coj mus khwb kiag rau ntawm tus neeg mob ntawd lub nraub qaum kiag- yog lub khob nws cuag li kub txhua txhuav rau ntawm tus neeg mob lub nraub qaum lawm ces rov txheev coj los khwb rau hauv lub tais mas thiaj yog khwb tau- ho khwb ntawm tus neeg mob lub nraub qaum tsis lo mas yog khwb tsis tau os nawb-

    Hos zaj khawv koob cim kom koj tus neeg mob ntawd es kom dab tsis txhob pom nws lawm los yeej muaj thiab vim tias zaj ntawd thiab zaj tshuab ntshav thiab cim ntshav ces yog tib zaj xwb os nawb-
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: KHAWV KOOB

    Post  koojziagkabzaug on 28th January 2014, 2:04 pm



    Nyob zoo tij laug Hmoob Ntuj Tshiab thiab kwv Shung,

    Kwv Shung,

    Ua tsaug ntau uas koj coj lawv phau ntawv khawv koob tuaj tso rau hauv nov, tsis li ces ntshe kuv twb tsis pom li, vim kuv pheej tsis tshua cuav zos. Kuv twb hu xov tooj mus yuav ib phau rau kuv lawm seb zoo li cas. Tsis tau paub dua khawv koob li, yog tuaj txog lawm no ntshe yuav tau nug tij laug Hmoob Ntuj Tshiab neb ntau yam ntxiv.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV KOOB

    Post  Hmong ntuj tshiab on 30th January 2014, 6:04 pm


    Nuj sua plig Hnub Peb Caug

    Hnub ntawm no---------------------yog hnub Peb Caug
    Npaj tsis raug------------------------thov txhob siab yau
    Tsuas npaj tau------------------------me me khoom plig
    Zoo dog dig-------------------------thov tsis txhob chim

    Lub laj lim------------------------------tsis raws siab xav
    Txhua yam tsav------------------------cuag tsis paub tab
    Lam muab tshab-----------------------rau koj nrog hnov
    Thiaj tau thov------------------------------tej lus ua tsaug

    Yam tsis raug--------------------------los thov zam txim
    Tsawg tswv yim-------------------------laj lim tsis khov
    Lam muab plov--------------------------los rau koj paub
    Txoj kev haub----------------------ntawm kev niam txiv

    Koj yeej chiv-----------------------------coj tau zoo heev
    Yeej tsis seev-------------------------hais tias kuv phem
    Tsis tau cem-------------------------tias koj ntxim ntxub
    Vim ntawv rub-------------------------------wb los ua ke

    Nyob ib tse------------------------------los koom ib cuab
    Yog saub muab---------------------wb ntawv nyiaj keeb
    Los sib teeb-------------------------ua ntawv puaj txwm
    Tuav keeb kwm-------------------puag thaum tseem me

    Tsis txheeb ze--------------------------kev neej kev tsav
    Taug kev dav------------------------los tsheej niam tsev
    Ua koj sev------------------------------tau nrog koj nyob
    Los thaj tsob---------------------------------ua koj tus poj

    Nyob koom npoj------------------------ rau ib tsev neeg
    Kev sib ntseeg--------------------------thiab kev sib pab
    Neej nram qab---------------------------los txog hnub no
    Kuv yeej nco---------------------------koj tus txiaj ntsim

    Los nrog tsim-----------------------------wb lub me neej
    Thiaj li tsheej-------------------------------los ua ib cuab
    Kev sib qhuab--------------------------thiab kev sib qhia
    Koom txoj sia---------------------------lub neej tsis puas

    Rau luag qhuas-------------------------teej cuab teej yim
    Sawv txheej txhim--------------------nyob kaj siab nrig
    Tsheej lub yig-------------------------los nyob thaj yeeb
    Sib coj teeb---------------------------qhia tej tub ntxhais

    Kom tau txais-------------------------txoj me kev kawm
    Tsis pub tawm------------------------mus ua neeg phem
    Siab moj them-------------------------los nrog koom tes
    Sib pab nres--------------------------thiab nrog cob qhia

    Tsis tau cia----------------------------mus rau qhov liam
    Kuv yog niam--------------------------koj yog lawv txiv
    Wb yeej chiv------------------------------ua tus qauv zoo
    Tuav lub moo---------------------------rau peb tsev neeg

    Kuv yeej ntseeg-------------------------koj thiab os mog
    Tej lus cog--------------------------yeej muaj qhov tseeb
    Neej thaj yeeb--------------------------wb tau nrog txais
    Cov me ntxhais-------------------------twb tau zoo vauv

    Ua tus qauv-------------------------------tsis coj siab dub
    Wb cov tub-------------------------------los tau zoo nyab
    Los nrog tab-------------------------pluas noj pluas haus
    Neej yav laus---------------------------xav nyob kaj siab

    Mus ib txhiab--------------------------txog fab lwm tiam
    Muaj kev nyiam---------------------tsis muaj kev ntxub
    Tuav kev hlub----------------------------tsis coj siab luv
    Wb sib uv---------------------------------ua lub siab ntev

    Yeej tsis tshev------------------------rau teb chaws hnov
    Tsis tau phov-----------------------------ua rau luag hais
    Wb cov ntxhais-------------------------thiab cov me tub
    Sib cog hlub-----------------------kom lawv mloog hais

    Thiaj tau txais---------------------------txoj kev kaj siab
    Tej dej tshiab---------------------------kom peb tau haus
    Txog hnub laus------------------------muaj ib puas xyoo
    Zaub mov zoo----------------------------kom peb tau noj

    Txoj kev ntoj--------------------------qhib rooj kom dav
    Kev neej tsav-----------------------------tau txoj kev tuaj
    Nrog luag muaj------------------------lub neej thaj yeeb
    Nyob haum xeeb-----------------pheej siab pheej ntsws

    Kev tsis tws-----------------------------lub neej kob xwb
    Koj kuv wb-----------------------------muaj kev kaj siab
    Lub neej tshiab--------------------------rau yav tom ntej
    Yam tus dej--------------------------ntws mus ntshiab si

    Nyob luag ntxhi-----------------------hais lus luag nyav
    Raws siab xav--------------------------lub neej tsis plam
    Neej huaj vam-----------------------tau raws wb ntshaw
    Lub zoo chaw-------------------------pw thiaj tsaug zog

    Kuv tsheej pog-----------------------koj yog lawv yawg
    Txawm hais tsawg--------------------thov koj nkag siab
    Neej kaj siab-------------------------nyob tshav ntuj nrig
    Tswv ntuj tig------------------------------ko diav pub wb

    Neej kob xwb--------------------------wb tuav khov kho
    Rau tiam no---------------------------txoj kev ncaj ncees
    Wb tau lees------------------------------vaj tswv lus qhia
    Peem txoj sia-------------------------khiav tswv ntuj kev

    Coj siab ntev-------------------------rau tsoom kwv luag
    Lub siab nquag-------------------------pab yus tus kheej
    Qhia ib txheej----------------------------kom dhau ib tim
    Ntuj tau tsim------------------------------wb ua neeg zoo

    Sawv coj loo---------------------------lub cuab yim neej
    Coj koob pheej------------------------mus rau txhua fab
    Lus paub tab--------------------------------wb kuj to taub
    Hnov lus saub---------------------------kuj tsis lam vwm

    Hais lus twm-------------------------wb txhais tau meej
    Lus zam txheej----------------------tsuas tau hais tsawg
    Zoo siab kawg----------------------------os me koj txiv!!
    ( xaus li no )
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: KHAWV KOOB

    Post  koojziagkabzaug on 31st January 2014, 3:49 pm



    Nyob zoo tij laug Hmoob Ntuj Tshiab,

    Wooooow! Cas nws yuav muab zaj paj huam txuas tau muaj qab muaj quag ua luaj li...! Thov ua tsa&ug ntau.

    Tij laug, xav thov nws pab sau ib zaj paj huam "foom kob hmoov xyoo tshiab rau kwv tij neej tsa" kuv puas tau?

    Thov ua tsaug ua ntej.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHAWV KOOB

    Post  Hmong ntuj tshiab on 1st February 2014, 8:06 am



    koojziagkabzaug wrote:

    Nyob zoo tij laug Hmoob Ntuj Tshiab,

    Wooooow! Cas nws yuav muab zaj paj huam txuas tau muaj qab muaj quag ua luaj li...! Thov ua tsa&ug ntau.

    Tij laug, xav thov nws pab sau  ib zaj paj huam "foom kob hmoov xyoo tshiab rau kwv tij neej tsa" kuv puas tau?

    Thov ua tsaug ua ntej.




    Xa xyoo laus txais tos xyoo tshiab.

    Kuv los ntuas------------------------------ntawm lub xyoo laus
    Twb los xaus----------------------------------rau hmo peb caug
    Yuav los yaug--------------------------------------vij sub vij sw
    Qauv lwj tsw-------------------------------tej nyuag suab nywj

    Tej qauv lwj--------------------------------------lav mob lav pw
    Nyuag suab xyw----------------------------nrog kua muag daw
    Tej lav chaw----------------------------------hleb rag hleb rawg
    Cwj txhib ntawg--------------------------suab qeeg suab nruag

    Suab dab quag-------------------------------nrog suab dab nyia
    Tsuj npuag xia-------------------------nyuag ntaub npog ncauj
    Muab ntuas rauj---------------------------nyuag ntawv npog lo
    Sau tag nrho----------------------------------nrog lub xyoo laus

    Rau dej ntaus---------------------------------mus lawm zaj qho
    Poob tag nrho--------------------------------nrog lub xyoo laus
    Ntws mus xaus----------------------------ntxeev ntuj nraum ub
    Suav txij hnub-------------------------------pib lub xyoo tshiab

    Tej dej ntshiab--------------------------tsoom Hmoob tau haus
    Loj me laus-----------------------------------txhua leej zoo siab
    Pluas qav tshiab----------------------------kom Hmoob tau noj
    Nyob koom npoj--------------------------nrog kev peem tsheej

    Hmoob txhua leej--------------------------tau txais hmoov zoo
    Nrog lub xyoo------------------------------tshiab tawm tuaj no
    Txais tag nrho-----------------------------lub neej sawm txhiaj
    Txoj hmoov nyiaj------------------------thiab txoj hmoov kub

    Tsoom plig tub----------------------------------thiab cov plig ki
    Los luag ntxhi-----------------------------rau Hmoob tsev neeg
    Sawv tsheej nceeg----------------------nraug zees tsheej phab
    Nplej puv txhab----------------------------tsiaj hlob puv nkuaj

    Nyob sawv ruaj------------------------------nqaij zeb txha tsua
    Tsheej qoov sua----------------------------nqaij toog txha hlau
    Sawv coj tau----------------------------------txoj kev vam meej
    Hmoob txhua leej-----------------------thiab Hmoob txhua tus

    Tuav tes mus-------------------------------taug kev haum xeeb
    Los nrog teeb----------------------------------kev kawm txuj ci
    Hmoob thiaj li-------------------------------nrog luag tsim txiaj
    Neej sawm txhiaj-------------------------Hmoob thiaj tau txais

    Tsoom tub ntxhais------------------------sawv daws txhua leej
    Khaws Hmoob teej---------------------Hmoob tug txhua yam
    Txhob pub plam------------------------------rau kev puas tsuaj
    Hmoob thiaj muaj-----------------------------teej tug txhua fab

    Neej nram qab-----------------------------thiaj tsis ntshaw luag
    Sawv coj zuag--------------------------------lub neej tsim txiaj
    Nyuag kub nyiaj---------------------------nrog muaj puv hnab
    Mov puv txhab-----------------------------qaib npua puv nkuaj

    Nrog luag muaj------------------------------hlua nyiaj hlua kub
    Muaj me tub--------------------------------me ntxhais puv tsev
    Coj siab ntev----------------------------------raws kev paub tab
    Koom siab pab------------------------------nrog kev txhim kho

    Hmoob tiam no------------------------------kom muaj neej zoo
    Sawv coj loo----------------------------kom Hmoob muaj haiv
    Yuav tsum xaiv---------------------------Hmoob tus thawj coj
    Nrhiav kev ntoj----------------------------coj haiv Hmoob mus

    Sib pab pus----------------------------------lub me npe Hmoob
    Kom muaj koob------------------------------nyob mus nto moo
    Ua neej zoo-----------------------------------vam meej ncoo ko
    Sib puag npo-------------------------------nrog lub xyoo tshiab

    Nyob kaj siab-----------------------------------tshav ntuj li nrig
    Hmoob txhua yig-------------------------------tau taug zoo kev
    Muaj vaj tsev-------------------------------nrog luag teb chaws
    Hmoob sawv daws--------------------------rov raws kom ntsib

    Lub neej pib------------------------------thaum nyob looj ceeb
    Hmoob lub keeb--------------------------nyob nroog xas thoos
    Lub me moos-----------------------------------nyob cig ntsa iab
    Hmoob muaj kiab---------------------thiab Hmoob muaj khw

    Raws tus lw-----------------------------------txoj kev vam meej
    Hmoob lub neej------------------------------nyob ntuj qub qab
    Neej yaj sab------------------------------------nyob kaj siab lug
    Hmoob muaj tug--------------------------muaj txiag nplua nuj

    Neej tshav ntuj------------------------------muaj nom muaj tsw
    Tuav tus lw-----------------------------------tswj kav teb chaws
    Hmoob sawv daws------------------------muaj kev haum xeeb
    Neej thaj yeeb--------------------------------muaj hnub qub coj

    Npe nom loj-------------------------------------tau nrog luag ua
    Nyob sib sua----------------------------------muaj zej muaj zos
    Yeej tsis tos---------------------------------------leej twg kiag li
    Hnub qub ci-----------------------------------coj puv ntiag tsho

    Yeej tsis nco--------------------------------txog kev txawj xeeb
    Nom Hmoob teeb--------------------------muaj tshav dav hlau
    Tsim pub rau------------------------------Hmoob txhua lub zos
    Kev mus los-----------------------------------caij dav hlau xwb

    Tsis mob hlwb--------------------------------------li tam sim no
    Thov nej nco---------------------------txog Hmoob tsoom sim
    Lawv tau tsim-------------------------------kev zoo rau Hmoob
    Thiaj muaj koob------------------------------nyob mus nto npe

    Noj sib ce-------------------------------------thiab haus sib hlub
    Neej thaum ub--------------------------------lub teb chaws zoo
    Tsuas lam nroo--------------------------------tham ua dab neeg
    Hais kom deeg---------------------------rau Hmoob nrog hnov

    Tsis yog phov-------------------------------raws kev vwm xeeb
    Muab tham rheeb--------------------------kom Hmoob to taub
    Kom Hmoob paub-----------------------------peb yog leej twg
    Ncauj cuag ntswg---------------------------yeej hais tsis tawm

    Txhob maj rawm------------------------------to taub yuam kev
    Rub siab ntev--------------------------------------ua zoo xav tso
    Kom koj nco---------------------------------txog kev tsim txom
    Hmoob tej nom----------------------------------twb dua nra tag

    Yam tus cag-------------------------------twb raug luag khawb
    Coj siab dawb---------------------------luag tseem nrhiav txim
    Lub laj lim----------------------------------------coj tau tsis zoo
    Luag txo loo------------------------------------vaj huam du dais

    Zuag los hais------------------------------------cov coj tsis ncaj
    Lam mus daj-------------------------------ntxias noj luag nyiaj
    Txhav luag liaj------------------------------thiab deev luag poj
    Nyiag luag noj-------------------------------mus tho luag txhab

    Deev luag nyab-----------------------------coj siab nyaum tsiv
    Tham luag txiv-----------------------------txhav luag kev hlub
    Tsis muaj hnub--------------------------------yuav tau neej zoo
    Thov txhob nroo------------------------lawm nawb cov npawg

    Hmoob tseem tsawg-----------------------txhob ua lawm mog
    Lus tsis tog----------------------------------los thov zam txheej
    Paub tsis meej------------------------------thov tsis txhob chim
    Tsis tej lim------------------------------------thiaj sau tau yuam

    Vim tseem ruam-----------------------------txawj tsis tau txaus
    Cov kws laus------------------------------------thov nej ho qhia
    Tsis txhob cia-------------------------------rau luag thuam kuv
    Siab tsis khuv----------------------------------hais rau nej hnov

    Kuv xav thov------------------------------------nej ho nrog kho
    Kom zaj no------------------------------------ho muaj quag zoo
    Suab seev loo------------------------------txhob toog pob ntseg
    Txawm ua leg-------------------------------rau tsoom kws laus

    Txhob muab ntaus-------------------------------ua tej lus phem
    Thov txhob cem-------------------------------kuv tus tsis txawj
    Tseem yuav thawj------------------------------kom nej pab cob
    Yuav thaj tsob----------------------------------txais nej lus qhia

    Thov khaws cia------------------------------nyob rau txhua fab
    Yuav nco qab------------------------------------kaj ntug tag kis
    Neej nram ntsis----------------------------xab theeb lwm hnub
    Nej muaj tub---------------------------------ho mus muab nyab

    Neej nram qab--------------------------muaj ntxhais yuav txiv
    Yuav tuaj chiv---------------------------------ua tub tshaj koob
    Paub tsis thoob-------------------------------pab zaum lub rooj
    Xyuam lub txhooj-------------------------------ua puav dai taw

    Zaum lub chaw-----------------------------pab txheeb kev neej
    Rau sam txheej-------------------------------nrog ntos kev tsav
    Zaum rooj dav-----------------------------------rau lub sam tim
    Txheeb txheej sim-------------------------kom phim zoo quag

    Haum kwv luag------------------------------nyob rau sam xeeb
    Phim lub keeb-----------------------------xyuam nyog lub rooj
    Raws lub txhooj------------------------------muaj zoo lub phaj
    Phim lus tshaj---------------------------haum nyob zoo ntxuag

    Zoo kwv luag-----------------------------diav mov muag ncauj
    Pab nrog xauj-----------------------------------lo lus muag siab
    Muaj lub ntsiab--------------------------------txhais tias to taub
    Yog lus paub---------------------------------kob xwb tshaj lij./.

    ( xaus li no )
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: KHAWV KOOB

    Post  koojziagkabzaug on 2nd February 2014, 12:10 pm



    Nyob zoo tij laug Hmoob Ntuj Tshiab,

    Ua tsaug ntau rau nws zaj paj huam txais xyoo tshiab.
    Zoo siab uas kuv taug kev khaws tau taws qhuav tos lwm xyoo.

    Nws hais tau zoo heev, thov kom tus tuaj nyeemthiab hnov nws cov lus koob hmoov no nyob vam meej.
    Nws hais tau zoo kawg, thov kom tsoom Hmoob muaj txoj kev sib hlub sib raws.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 27th April 2014, 12:08 pm

    Hmong ntuj tshiab wrote:Yog mas yeej yog li koj hais lawm-  tiam sis cov kuv hais no mas yog khawv koob loj uas koj ua  ces yuav teeb thaj li ua neeb- ces koj yuav tau txheev cov qhua khawv koob los yoog yeeb yoog tshuaj tag mas koj mam xeem saib tim tus dab twg tiag tiag mas koj mam pib koj cov zaj khawv koob ntawd ua mus-  

    Nyob rau peb cov khawv koob tab mas peb yuav pib mas peb yuav tsum tau khwb dej saib puas tau tso mam li ua khawv koob os-  yog khwb dej tsis tau ces peb yeej tu lus rau luag hais tias peb yeej huam duav tsis tau luag tus neeg mob no nawb-

    Peb cov zaj khawv koob ua peb tsis siv txog cov lus txheev mas tsuas yog tib zaj khawv koob tsuag ntshav dev siv quas dab poj ntxoog xwb os nawb-

    Dua li  ces yeej tau txheev cov xib hwb thiab qhua khawv koob txhua txhua zaus uas koj yuav ua khawv koob li os nawb-

    Yog koj xav kawm los kuv yeej qhia tau thiab mas tus kwv shung-

    Peb zaj khawv koob khi dab poj ntxoog mas nws kuj ntev heev thiab os nawb-

    Hos peb zaj khawv koob khwb dej mas peb xuas lub khob coj los txheev ntawm tus neeg mob tag ces peb muab lub khob coj mus khwb kiag rau ntawm tus neeg mob ntawd lub nraub qaum kiag- yog lub khob nws cuag li kub txhua txhuav rau ntawm tus neeg mob lub nraub qaum lawm ces rov txheev coj los khwb rau hauv lub tais mas thiaj yog khwb tau- ho khwb ntawm tus neeg mob lub nraub qaum tsis lo mas yog khwb tsis tau os nawb-

    Hos zaj khawv koob cim kom koj tus neeg mob ntawd es kom dab tsis txhob pom nws lawm los yeej muaj thiab vim tias zaj ntawd thiab zaj tshuab ntshav thiab cim ntshav ces yog tib zaj xwb os nawb-

    Nyob zoo txiv ntxawm hmoob ntuj tshiab,

    Kuv tsis nco pom koj cov lus li, cia lwm hnub kuv npaj tau thaum twg mas li hais koj ua txiv ntxawm. Zaj khawv koob khi nkhaus taw no yeej yog ib zaj khawv koob zoo kawg. Ua tsaug tub shung
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 27th April 2014, 12:13 pm

    koojziagkabzaug wrote:

    Nyob zoo tij laug Hmoob Ntuj Tshiab thiab kwv Shung,

    Kwv Shung,

    Ua tsaug ntau uas koj coj lawv phau ntawv khawv koob tuaj tso rau hauv nov, tsis li ces ntshe kuv twb tsis pom li, vim kuv pheej tsis tshua cuav zos. Kuv twb hu xov tooj mus yuav ib phau rau kuv lawm seb zoo li cas. Tsis tau paub dua khawv koob li, yog tuaj txog lawm no ntshe yuav tau nug tij laug Hmoob Ntuj Tshiab neb ntau yam ntxiv.

    Ua tsaug.

    Nyob zoo niam ntxawm KZKZ,

    Hais txog phua ntawv khawv koob no kuv twb muab saib tag lawm kuj tsis muaj dab tsis ceem ceeb thiab. Yog xav kawm los kawm ho tsis kawm los tsis ua li cas mog. Ua tsaug kwv shung
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: KHAWV KOOB

    Post  koojziagkabzaug on 27th April 2014, 2:27 pm


    Kwv Shung,

    Ua tsaug rau nws cov lus qhia kuv.
    Kuv twb yuav tau phau ntawv li kuv hais lawm; kuv nyeem kuv kuj tsis to taub pas tsawg. Thiab qhov uas kuv pom tias nyuaj mas yog yuav tsum tau teev thaj mam siv mas nyuaj heev; tsis yog lam kawm, lam siv xwb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: KHAWV KOOB

    Post  koojziagkabzaug on 16th September 2014, 2:44 pm


    Khaws Koob Thaiv Neeg



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: KHAWV KOOB

    Post  koobpovtxuj on 21st March 2015, 11:40 am

    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 23rd August 2016, 7:43 pm

    Ntawm no yog ib zaj khawv koob kub nyiab. Kuv cov qhua qhia tias leej heev thiab. Tus niam tais no yuav kom ua dawb xwb vim nws qhia pub dawb rau sawv daws.

    https://www.youtube.com/watch?v=eM3-HzRO3oo
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: KHAWV KOOB

    Post  shung on 24th August 2016, 7:20 am

    Ntawm no yog tus phauj chong vang qhia kev tswm ntuav.

    https://www.youtube.com/watch?v=rFo2Di9frTE

    zchynmuac
    Visitor
    Visitor

    Messages : 1
    Date d'inscription : 2017-04-27

    Khawv Koob

    Post  zchynmuac on 13th June 2017, 10:09 am

    Nyob zoo nej s/d. Kuv xav kawv ib zaj khawv koob me nyuam quaj2. Kawv los paab rau tus me nyuam ab tshiab2 lo yog tus me nyuam twb muaj 1-5xyoo.. Qhov teg lo tsuav yog zaj dawb zaj hu2 xwb.. Yog leeg twg paub thov puas kam qhia pub peb thiab?
    Nyab txheej muaj.

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: KHAWV KOOB

    Post  koobpovtxuj on 13th June 2017, 11:00 pm

    zchynmuac wrote:Nyob zoo nej s/d. Kuv xav kawv ib zaj khawv koob me nyuam quaj2. Kawv los paab rau tus me nyuam ab tshiab2 lo yog tus me nyuam twb muaj 1-5xyoo.. Qhov teg lo tsuav yog zaj dawb zaj hu2 xwb.. Yog leeg twg paub thov puas kam qhia pub peb thiab?
    Nyab txheej muaj.
    Yog xav tau zaj khawv koob me nyuam quaj taug no mas kuv muaj 1 zaj thiab.Zaj no yog yuav tau khaws 3 lub pob zeb coj los siv.Me nyuam quaj ces koj mus tuaj sab pem qaum tsev tig rau ntawm lub tsev ces ua 1 zaug txawb 1 lub pob zeb hla kiag lub tsev rau nram qab tsib taug.zaum 2 tig rau sab laug ua 1 lwm txawb 1 lub pob zeb rau sab laug.ho tig rau sab xis ua 1 lwm txawb 1 lub pob zeb rau sab xis ces rov nkag los hauv tsev ces kaw qhov rooj cia xwb ces me nyuam ntsiag tsis quaj lawm.
    Nov yog zaj khawv koob.Yij ntxab pam txeeb lwm ntxab pam meej xab ntxab vam haub sam yaj xeeb.tas li no xwb.

    koobpovtxuj
    Sponsor
    Sponsor

    Messages : 1311
    Date d'inscription : 2010-04-05
    Age : 57
    Localisation : USA

    Re: KHAWV KOOB

    Post  koobpovtxuj on 13th June 2017, 11:01 pm


    Sponsored content

    Re: KHAWV KOOB

    Post  Sponsored content


      Current date/time is 20th August 2017, 9:34 am