google-site-verification: googlefbfddf59e706b96b.html

Latest topics

» TUS KAB MOB CANCER TXOV HMOOB LOS TAU ZE 600 TAWM XYOO & TSEEM YUAV MUAJ NTXIV
by Liajntsuab 13th April 2018, 11:57 am

» Ib tsoom Phoojywg Nej Nyob Licas lawm
by Liajntsuab 24th March 2018, 2:14 pm

» ***UA NEEB***
by shung 8th March 2018, 5:49 pm

» Neeb Saub ua rau neeg vwm
by shung 4th February 2018, 2:58 pm

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Tshuaj Ntsuab

    Share
    avatar
    vanglo
    Visitor
    Visitor

    Messages : 10
    Date d'inscription : 2012-10-23

    Re: Tshuaj Ntsuab

    Post  vanglo on 2nd November 2012, 2:58 pm

    xiongchang wrote:......Yog ua ntsos...Tsi paub tu li...Txhob nyuaj siab...Kuv kawm tau...Ib zaj tshiab...Nkag plawg...Chav da dej...Tshum ntuav ob peb haw...Txawm ntuav tau...Thiab tsi tau...Los tsi ua cas...Qhov ua ntsos ntawd tu lawm...Kuv nyuam qhuav los kawm tau...Ntawm yug tug kheej xyoo 2011...Tas los no xwb os...Txob pob khaus...Tsi tas nrhiav tshuaj plaeev li...Xuas phuam tub...Dej kub npuab...Los txhuam nkaug xwb...Thiaj yeej nawb...Yog tsi li ntawd...Yuav txom nyem...Rau cov pob khaus ntawd...Noj siab qawv...Ob sab tes mas...Khawb tsaus tas li... affraid affraid .

    Noj piam thaj dawb(sugar) ib me nyuam diav tas haus dej ntau tsawv ua ntsos kuj tu lawm
    yog ib hauv tshuaj zoo.

    Pob khaus muab mplooj zaub ntsuab los yog nplooj zaub ntswg npuas sub hluav taws kub lug
    los npuab rau kuj zoo tau ib yam, tej no twb siv dua zoo los lawm.

    Tsob paj ntshua nplaim soob ua nej tso hauv no kuj zoo khaus pob liab vog thoob ib ce
    muab cov nplooj nrog kav los rhaub kom los los kua lawm ,cia sov so los yog da tau coj
    los da los yog muab ntsuav thaj chaws khau ntawd ,yog roj ntshav haum kuj zoo kawg .muaj
    neeg poob $200 los lawm nawb vim mus fiv luag muab luag qhia xwb.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 2nd November 2012, 8:53 pm


    DAB TOJ NTXAS THAM LUS.

    Me muam kooj ziag kab zaug as...Thaj toj ntxas no...Koj muab qhov twg Los tso hauv no? Kuj xis siab nyob kawg li os yom! Koj puas tau hnov dua dab toj ntxas los dab tuag tawm nrhiav noj, tham zom zawg nas li ib pab tib neeg sib yaum taug kev mus teb nas?

    Kuv hnov dua lawm laiv! dab toj ntxas tawm peb hmos xws li: Hmo Xiab "Kaum plaub", Hmo hli nras "Kaum tsib", Hmo hli nqeg "Kaum rau". Peb hmos no dab toj ntxas yeej tawm ib hmos, hais lug zom zawg; tab sis xauj tsi pom los ntsia tsi pom li. Thaum peb nyob lub yeej Pha Khao, lub yeej ntawd yog roob toj ntxas, tab sis Nai phoo Vaj Pov lawv xuas tsheb(Trators) nrau pheej tiaj tas. Lawv kom xab maib (kws ntoo) los nyus thas ua tsev loj faj (kaw neeg raug txim). Hnub Tim 1 lub i hlis 1970, lawv xa kuv mus ua hauj lwm, pab ntaus ntawv, thawj xyoo, kuv nyob txog tim 20 lub 4 hlis 1970, kuv rov Looj Ceeb lawm. Txog hnub tim 1 lub 1 hlis 1971, lawv kom kuv rov mus pab ntaus ntawv dua zaum 2. Kuv nyob txog hnub tim 25 lub 7 hli 1971 mam rov Looj Ceeb. Nqeg mus kawm tub rog yav Nplog qab teb puag nram nroog Mouang Pak Se. Lub yeej kaw neeg raug txim ntawd, peb cov ua hauj lwm xwb muaj48 leej. Lawv cov poj niam me nyuam nrog neeg raug txim tib si ze 800 leej neeg. Hmo twg hli nra qaim hli nrig, ib tag hmo, tib neeg tsaus zog tas, tshuav peb cov nyob zov nyas mo ntuj thiaj hnov dab toj ntxas sawv tham zom zawg cuag ib pab tib neeg dua kev tab sis xam tsi pom tib neeg li os.

    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 3rd November 2012, 1:22 am


    Tij laug Xyooj Tsab,

    Dab toj ntxas ces zoo li zaj kwv huam tus hmoob nyob Phonsavanh uas dab toj ntxas nyob ntawm zos ntsia ntsoov tid coj nws mus nrog dab haus cawv xwb las as. Nyob hauv nruab yeeb mas tseem zoo tshaj nyob saum yaj no, raws li nws hais. Lawv noj haus nchuav nthwv, tsis muaj sib cav sib ceg, zaub mov laub lug xwb. Thaum lawv xa nws rov qab, mas caij tsheb ua kev tus yees tawm plua tshauv lug los txog ntua ntawm nws qab tsib taug( saum yaj mas tsis mauj txoj kev tsheb ntawd), tso pluav nws nqe, ob tug xa rov loo lawm ces nws tus ntxhais kwv pom dheev nws, nws cia li zuav kiag rau ntawd, khawb ncaws lo av khaub hlab tag, vim yawg ploj lawm ib hnub tsaus ntuj ntais. Lam tias tuag lawm xwb, luag mus nyob luag rau ib lub ntuj, peb cov tseem ua neej thiaj li nco lawv, vim peb tsis pom lawv. Tab sis lawv mas lawv tsis nco peb heev, vim lawv niaj hnub ntsia ntsoov peb, niaj hnub nyob ua ke, tsuas nyias muaj nyias lub neej lawm xwb.

    Tshaj rau cov kwv tij tseem nyob sab ntuj tim ub, yog nej xyeej no pab mus nias zos hmoob txias daim puav duab tiag rau peb tau khaws tseg. Vim lub neej yuav hloov zuj zus, tej ntawd los yuav hloov raws lub neej tshiab, yog peb tsis khaws ces yuav tsis paub txog peb keeb kwm lawm.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 3rd November 2012, 6:12 am

    ......He...he... lg lg Me muam kooj ziag kab zaug as...Mus dab tuag teb...Los mus yeeb ceeb teb...Nqeg kiag ntawm yug...Qhov rooj tag...Peb theem taw ntaiv...Tsaus ntuj zuag...Txog ntua theem plaub...Tsaus ntuj ntais lawm...Mus plaub theem ntxiv...Txog ntua theem cuaj...Kaj ntug txoog...Pom kev zem zuag...Nce theem kaum...Kaum ib...Kaum ob tshwm plawg yeeb ceeb teb chaws...Pom kev kaj nrig...Duab tshav ntuj daj ntuag li...Saum yaj ceeb...Lub caij hlawv teb...Pa ncho oov niab...Thaum sawv ntxov...Duab tshav ntuj liab daj ntuag ntawd...Cua tuaj txias ziag...Nplawm ntwg...Ob sab ntug kev...Toj roob hauv peg...Ua leej rais...Ob sab ntug kev...Paj zeb tawg nra paug...Paj tsuas tawg ntsa iab...Ci ntsais tsia cuag...Pob zeb quav hnub qub...Kev tawm pluas tshauv tog...Kho siab zim...Cov nce yaj ceeb...Yuav los thawj thiab...Hnav tiab ris tsho dawb li...Mes kas...Cov tub ntxhais...Marriage...Sib yuavv...Lawv taug kev sab laug...Cov tub tuag yaj ceeb...Mus dab teb...Taug txoj kev sab xis...Ib leeg ntoo...Ib txoj phuam dub zoo li:...Muslim...Kauv taub hau...Npog ntsej muag...Txhua tug ntsej muag...Nphob xwb xuav...Quaj ncia dhawv... Crying or Very sad Crying or Very sad Sad Sad affraid affraid Too hauv lij lawm...Tsi ntsia qhov twg li...Tsuas zeem tau...Rau siab ntso taug kev xwb os...Mus txog thaj tsam tsev... rr rr qh qh Yuav raug kaw teem txim...Luag muaj tib neeg...Txheeb npe tug zug...Cov tib neeg hu npe ntawd yog:...Police...Sib faib kev zom zawg...Nyiag yuav mus nyob nyiag lub txim txhaum...Tau ua tseg...Saum yaj ceeb no...Nyob tas txim hnub twg?...Police... snt snt Mam ua ntawv xa nce rooj ntug...Theem ib nce kaum ob theem nto plawg...Theem kaum ob...Yog dua ib lub ntuj tshiab..."Tab sis"...Txhua tug mag... confused confused Tub tuam txoov kav txiav txim saum rooj ntug... :q :q affraid affraid Tso tsuam kab tob..Txhais txiav tu ob ya...Tuag tas tug...Tsi seem ib tug li os...Cov raug txiav...Tsi tuag mas...Ib puas txhiab tug ntsuj plig...Tsuas seem li...Ib ob tug xwb os...Suav daws niaj hnub hais tias...Yog tuag tas...Tau luag tuag...Tsi ntshai...Ces li ntawd ntas...Yaj ceeb raug txim me...Yeeb ceeb raug txim loj nyav dua...Yaj ceeb kaum npaug...Yog leej twg?...Ua zoo...Saum yaj ceeb...Thaum tuag txog...Yeeb ceeb...Thiaj tau zoo...Dim txim txiav saum rooj ntug...Yeej raug txiav thiab..."Tab sis"...Tsi tuag...Cov tub zov rooj ntug yog:...Police...Mam ua ntawv nce..."Ntuj tshaj kiab"...Yog dua...Ib lub ntuj tshiab...Puag saum ub lawm...Mus nyob puv caij nyoog ntev li...Los ua teb yaj ceeb...Mam nqeg los muab ntawv ntawm rooj ntug...Nqeg yaj ceeb...Thawj thiab tshwm sim yug dua...Ua neeg yaj ceeb os.
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Tshuaj Ntsuab

    Post  shung on 3rd November 2012, 6:07 pm

    Nyob zoo tij laug xiongchang

    Tij laug cas koj ho paub txog kev mus yeeb ceeb teb thiab. Koj hais yog thiab tias sim koj txais tom ntsis lawm. Ua ntej neeg tuag mas thaum lawv nqa tawm ntawd luv tsev funeral mas yeej muaj tus nyob sab nrauj cev tes txais nkaus tus tuag ntawv sawv tsees mus lawm. Yog tus niam tuag ua ntej lawm es tus txiv tuag lawv qab ces tus niam yog tus txais ho yog tus txiv yog tus tuag ua ntej lawm ces tus txiv yog tus txais tus niam tag. Thaum tseem pam hauv tsev tuag mas neej thiab dab nyob sib phoo ntxuas. Mam li mus rau kev tuag lawm,mus txog ntawm toj ntshav kuj,dawm tuag ntshaib mas mam mus rau lub dawm toj saub zeb dawm saub puam. Cov neeg ua tua ntsiaj ntau ntau mas mus txog ntawm toj ntshav kub ntawm mas ntshav kub ntawm mas tej ntsiaj khiav mus nkaum ntshav ntuj tag lawm thiab tsis muaj dej rau haus mas coj neeg no hlav lub dawm no mus ntxeev lub tsua loj loj sab rau mas mus pws pawg lug. Nyob tos nws tej ntsiaj txhuv los txog ma mam li tau sawv kev mus. Ntawv luv qab tsua no mas muaj ib tug dej ntws ces sawv daws thiaj li tau haus.

    Cov neeg muaj teeb meem li no ces los nyob qhov chaw no ntev ntev ces muab mov noj tag ces tsis muaj dab tsis noj li lawm ces tuag tag rau qhov no nrog nws tej ntsiaj txhuv. ho yog leej tsis muaj ntsiaj ntau ces los so qhov no tag ces mus lawm. Mam mus hlav lub ntiaj suab puam tag ces mus txog ntawm ntug dej; mus ua ntaub ua ntawv hla dej, thiab caij lub nkoj loj loj mus lawm. Yog cov ua muaj li ob tug ntsiaj xwb ces lawv muab nws mus ua tej lawm thiab ho yog muaj tshaj li 3 tug rov saum ces tau nyob ntawd tos. Thaum zoo li no ces ho tuag tag rau qhov no thiab vim nkoj mus lawm ces tsis tuaj lawv ces yuav yog ntev mas lub nkoj loj loj mas tuaj. Mus 3 hnub thiaj li txog ntawm toj ntshav kub ho yog muab xam saum yaj ceeb no ces yog 3 xyoo.

    Cov tuag tag rau ob qhov chaw no ces mas li muaj neeg tuaj muaj nws tej pob txa nqa mus rau peb ntuj lawm. Ces mas li mus txog qhov tij laug koj tham ua ntej saum.
    Cov neeg tuag los mus mas puav leej npog ntaub dawb los mus no. Cov tuag lawm ces nqa mus txog saum ntuj ces lawm mas cov mus tsaus dej nyiag dej kub huj lag siv sawv ces mam li rov ua neeg dua.
    Cov neeg muaj txim txhuam li deev laug poj luag txiv mas lawv cov mus kaw ib lub tsev kaw neeg Loj Faj mas nyog txom nyem kawg li; luag muab xauv ko taw ua tsheej pab xwb. ho muaj txiv ces luag cov mus hais plaub tag ces laug mas txiav txiv rau tus neeg muaj txim ntawd seb laug yuav phua txim li cas rau nws ces mam li los ua yam laug kom nws ua.

    Hais txog sab ntuj to thiab sab ntuj no mas kuj txawj me me thiab. Cov neeg nyob saum yaj ceeb no tsis tshuas txawj sib hlub heev li cov nyob yeeb ceeb. Muaj neeg hais qhia tias neeg nyob yeej ceeb mas lawv txawj sib hlub heev thiab lawv mas nyiaj haus dej caw loj kawg li thiab. Tshuav ntau ntau thiab mas li sau ntxiv yog nej xav nyeem thiab. sib ntsib dua shung


    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 3rd November 2012, 6:57 pm

    ......He...he... lg lg Kwv ntxawg...Shung...Kuv piav raws li...January 21, 1969...Neeg yeeb ceeb coj...Kuv mus ntsib...Kuv tug hluas nkauj npe hu...Nkauj see"...Cov npaws hmoob yaj...Zov kev txhom zij ntes nkauj see yuav...November 24, 1968...10:35 AM...Coj mus txog tsev...Fi xov niam txiv neej tsa tas...Tug npaws ntawd...Tso ob tug muam zov hauv tsev...Tug npaws ntawd...Dhia rov ncaws npas...Tim tshav lawm...Nkauj see chim siab heev...Thiaj dag ob tug muam tawm rooj...Hav xub tsuag...Ob tug muam ntseeg...Tsi raws qab saib xyuas...Nkauj see de tshuaj kuab tws nyuv noj tuag:..1:45 PM...Nkauj see tawm tso quav ntev loo...Tsi pom los tsev...Mam qw tib neeg...Tawm nrhiav tog vaj dhau tog tsev...Nrhiav txog niam txiv neej tsa...Tsi pom li...mam nrhiav dhau chaw tso quav...Nkauj see twb tuag ntev lawm...Nqaij tawv txias tas..."Txhav qhe lawm"...Nkauj see...Yog kuv thawj tug hluas nkauj...Kuv nco nkauj see..."Tshaj plawg li"...Kuv nyob pam nkauj see tas...Muab nkauj see...Kwv sam sab faus:...November 28, 1968...3:30 PM...November 29, 1968...Kuv rov mus kawm tim:...Center Training Pha Khao...Xaus kev kawm...January 18, 1969...Txais ntawv pov thawj...January 20, 1969...Peb nce dav hlau ya rov looj ceeb...January 21, 1969...Thaum xog tsev looj ceeb...Kuv nce pem qaum tsev...Ncua deb li...One kilometer...Mus hlawv tas...Ib puas neeg nkaum...Lub yaj khaum...Plaub ntshuas ntawv nyiaj...Ib pob xya hmoob...Ib puas tswm...Pe plaub pes tas...Kuv rov los txog tsev zoo li...Dab ntub tuaj tshua...Yuav tsaus zog...Kuv nce pw saum txaj qhuas...Qhov muag tawv tsawv...Ob tug neeg yeeb ceeb...Los coj kuv mus ntsib nkauj see...Dab tuag teb ib pliag...Kuv thiaj mus pom raws li...Kuv piav tas lawm...Thaum peb nyob teb chaws nplog...Peb cov tib neeg tuag...Tsi khuam ntev...Tsi kho siab...Piv txwv li...Mus zov tsheb:...Bus...Tib pliag...Tau tsheb mus lawm...Tsi khuam tes...Tsi daig taw...Peb cov tib neeg tuag...Teb chaws mes kas no...Zoo li...Tug tib neeg...Mus daig nram:...AirPort...Tsheej ib ob as thiv...Tsi muaj dav hlau ya tawm...Lawv kho siab kawg nkaug...Tig rov qab...Tsi ciaj neeg...Mus ntxooj tsi tau dab sab...Nyob khuam ntab...Seev khuam ntuv...Tsi pom qab mus tog ntuj twg?...Kuv ib tug qub hluas nkauj tuag:...July 6, 1999...Los hais qhia rau kuv li ntawd...Kuv thiaj paub os...Kwv ntxawg...Shung.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 3rd November 2012, 7:19 pm

    ......Kev ua neej nyob ntiaj teb no...Cov tub nyab ntxhais vauv...Hlub niam txiv...Tua nyuj ntau...Rau niam txiv...Niam txiv txom nyem kawg nkaug...Tsi tau zoo...Dab tuag teb...Tsi muaj tshav tsiaj nyuj twm npua noj...Luag hais tias...Yog vim li cas?...Koj yuav coj lawv los coob ua luaj li...Npua ntuj twm...Cem zom zawg tias...Peb tsi xav tuag...Vim nws tuag...Neeg yaj ceeb yuam...Peb ua nws luag los...Niam txiv yuav tau ua ntaub ntawv...Rau npua nyuj twm...Nce rooj ntug tas...Niam txiv mam mus raug txim...Tas caij nyoog...Tub zov rooj vag...Tsev raug txim...Mam ua ntawv...Rau niam txiv nce rooj ntug...Tubtuam txoovkav txiav txim saum rooj ntug...Tso tsuam kab tob txiav...Tu ob ya...Poob txhoj khawv zeb...Xya hnub twg?...Luag npo ib zaug nqa ntuj tawg hlav ciaj ncaig tas...Mam npo pob txha...Nqa yiag dej npau tsawg ntxuav tsawg...Pob txha dawb paug huv si...Mam npo nqa rau zeb zom ua hmoov...Ntim raj ntawv...Xya hnub twg...Luag mam tsuag kuab tshuaj cawv...Pob txha...Sib txuas...Nqaij tawv...Xab xeeb hlav loos tas...Ciaj sia tsheej neeg...Luag mam ua ntawv nce ntuj tshaj kiab dua...Ib lub ntuj tshiab lawm...Nyob ntev npaum li...Los ua neej yaj ceeb...Mam nqeg los thov ntawv...Nqeg tshwm sim yug...Ua neeg ntiaj teb dua...Qhov suav daws...Tsi nco qab lawm...Twb vim raug txiav tu tuag lawm...Raug hlawv ciaj ncaig...Muab zom dua...Tsuag kuab tshuaj cawv dua tshiab lawm...Thiaj tsi nco lub neej qub...Tiam tas lawm.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 3rd November 2012, 8:17 pm

    ......Thov zam txim os...Zaj dab neeg...Mus dab tuag teb...Neeg yeeb ceeb nag...Yog piav tas mas...Ze ib puas:...Page Paper...Kuv piav me ntsis...Thaum nce rooj ntug xwb os...Tsi tau pib hauv paug...Dhau ntawm qhov rooj tag...Ua ntu zug txog...Lub tiaj nrag tuag tshaib...Dawm tuag nqhis...Mam mus raug txim...Nkuaj kaw ntsuj plig...Neeg yeeb ceeb...Hais tias...Xeeb luaj...Xeeb av...Xeeb teb...Xeeb chaw...Tim tswv...Toj roob hauv peg yog:...Police...Dab yeeb ceeb...Neeg yaj ceeb...Txog qhov twg?...Luag pom tas...Leej twg?...Ua zoo...Luag sau tseg...Leej twg?...Ua phem...Luag sau cia...Txog hnub tuag...Ntsuj plig nqeg txog...Dab tuag nrag...Luag muaj ntawv txhij vog...Raws li...Yug ua tseg...Luag khaws teem txim...Xa nce rooj ntug...Tub tuam txoov kav yog:...Justice...Txiav txim...Tua pov tseg...Tso tsuam kab tob txhais txiav...Txhua tug ntsuj plig...Txiv neeb...Txiv yaig...Raws txog...Rooj ntug...Theem ob xwb...Hla dhau sab tim...Raug txiav tu lawm...Raws tsi tau...Rov qab los yaj ceeb xwb...Mus tsi txog...Ntuj tshaj kiab...Puag saum ub lawm.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 7th November 2012, 4:28 pm

    ......Suav daws...Puas muaj leej twg?..."Paub quav ceej"...Yog dab tsi?..."Quav ceej zoo tshuaj kub cev"...Thaum kuv niam maiv...Piav qhia tias..."Quav ceej"...Yog ntshav pim..."Phis nyuj vaim"...Lub sij hawm maum phis nyuj vaim...Pim los ntshav...Maum phis nyuj vaim...Mus zaum qhov zeb...Los ntshav...Rau huv qhov zeb tas...Maum phis nyuj vaim...Khiav lawm...Tib neeg...Mam nyas nkag mus daus nqa los ua tshuaj kub cev...Rau tib neeg..."Haus"
    avatar
    shung
    Sponsor
    Sponsor

    Messages : 578
    Date d'inscription : 2012-05-08

    Re: Tshuaj Ntsuab

    Post  shung on 7th November 2012, 6:30 pm



    LUS FAJ SEEB:


    Cov tshuaj teev rau hauv nov, ntawm cov tshuaj Hmoob, kuv tso cov lus faj seeb rau, vim tsis tau sim dua. Tsuas qhia li Hmoob niam Hmoob txiv ib txwm sib qhia los mus xwb. Tub txawj ntxhais ntse tseem tsis tau muab ntsuam xyuas. Li ntawd, yog leej twg coj mus siv, muaj teeb meem los peb yuav tsis muaj kev thaj tsob.

    Dua li lwm hom tshuaj uas tsis yog tshuaj Hmoob mas yeej yog Kws Soj Ntsuam yeej muab tshawb xyuas meej thiab yeej yog Tsev tshuaj tshaj tawm tuaj mus. Tab txawm ntsuam tag lawm los yuav tau ceev faj tsam nej ho muaj lwm yam mob ces cov tshuaj tsis haum rau nej tus mob.

    LUB VAS SAB HMOOB TSHAV NTUJ THIAB COV TSWV CUAB TSHUAJ YUAV TSIS LEES PAUB TXOG TXHUA YAM KEV THAJ TSOB TXOG KEV SIV COV TSHUAJ NTSUAB HAUV NOV.


    Tij laug xiongchang

    Quav ceej yuav tsis yog li koj hais nas tiam sis tej laug hais tias yog ib tug ntoo xwb ces mus txo li txo xub tshuaj xwb. Thaum khov tej thooj lawm ces mas mus qa los ua tshuaj xwb. kwv shung
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 8th November 2012, 9:17 am


    PHIM NYOOB VAIM.

    Kwv ntxawg...Shung...Kuv kuj tsi paub zoo...Kuv niam maiv...Piav li ntawd xwb...Thaum peb nyob nroog looj ceeb...Toj xeem neej tsu xyooj...Yog tug tswv zog...Tsua lwj...Pha nao...Tom qab no...Nce npe nom..."Nai koo lawm"...Yawg piav qhia...Kuv txiv paj zeb tias...Tim lub roob tsuas...Ncov tsua siab ntawd...Muaj ib qhov tsua loj...Cua tuaj ntxiag nplawm ntwg...Muaj plaub tsib tug...Ntsuag kav theej..."Vaim thoos"...Los taiv taig zeb...Lawv niaj xyoo...Nyiag nkag mus daus...Cov ntshav hauv los ziab qhuav ua tshuaj kub cev...Tib neeg haus...Cov ntshav ntawd mas...Tsw nyoog ntxiag...yoov ya ntog nqeeg xwb...Yog siab nyiag...Txhob lam nkag mus daus...Yog leej twg?..."Siab tawv"...Mam nyiag nkag mus daus...Los ziab qhuav ua..."Tshuaj"...Cov ntshav ntawd...Yog maum phis nyuj vaim...Coj khaub ncaws...Los zaum lub qhov zeb...Los taiv taig zeb ntawd...Tug ncej tsua ntawd...Muaj ib khub niam txiv..."Phis nyuj vaim"...Nyob saum ncov tsua...Lub qhov dub nciab...Luaj tog phawv...Taug txoj kev dawm tsua ntawd...Mus ntsiag to xwb...Tham tsi tau lug...Noos tsi tau li...Yog leej twg?...Tham lug...Noos...Ib pliag...Tsob ntshav ntswg...Ri sua ntas...Cab tsi tau tshis nees nyuj twm...Taug txoj kev ntawd li...Nyiag cab kuj tau thiab..."Tab sis"...Xuas khaub hlab pav ko taw...Mus ntsiag to...Xuas hlua zoj qhov ncauj...tsi pub quaj...Tsi pub nees hee...Tsi pub nyuj nqov...Tsi pub twm quaj...Suav txij li...Nai phoo vaj pov...Los nyob nroog looj ceeb xyoo 1962...Dav hlau ya hla nruab hnub hmo ntuj...Tsi tu ncua...Thiaj cab tau tshis nees nyuj twm...Taug txoj kev ntawd...Txog ntua xyoo 1975...Teb chaws tawg...Lub ncov tsua ntawd...Twb nqug dav hlau nres ntau zaug lawm...Nai phoo vaj pov...Thiaj xaj dav hlau:...T. 28...Pov npoos ob zaug...Tom qab ntawd...Hmoob thiaj nkag mus txiav tau...Lub hav xyoob tuam tswm...Los ua tsev..."Tab sis"...Thaum mus txog ntua...Txho bmaj txiav ov?...Txiav tsi tau...Nrhiav hmab khi...Tug yug nyiam...Thov tug tim tswv ntawd tas...Ncig ua si..."Ib pliag ntev li...Kaum tsib feeb...Mam rov los txiav...Dab kam tug twg?...Txiav tug ntawd...Yuam cai...Tsi tau txiav lwm tug...Txawm tug zoo phem...Dab daws txoj hmab...Yug khi cim ntawd...Khi tug twg?...Txiav tug ntawd xwb...Peb cov hmoob twb...Ploj peb leeg...Rau ntog xyoob ntawd lawm...Vim tsi mloog lug...Yuam cai txiav ntog xyoob ntawd...Xyoo 1966...Kws qhia ntawv...kom peb txiav raj dej...Peb mus txiav raj dej...Ntog xyoob ntawd...Ob zaug ntas...Kuv nqa plaub caug lub yaj khaum...Plaub ntshuas ntawv nyiaj...Kaum ob nplooj xov txheej...Kaum ob tswm xyab hlawv thov...Pe plaub pes...Peb xuas hmab khi cim li xyoo 1965...Kuv txiv paj zeb...Wb mus txiav ntog xyoob ntawd ua tsev...Peb nqeg pem zog:...Phou Kom...Los nyob looj ceeb..."Tab sis"...Yuav tau xuas hmab khi cim... Txhua tug xyoob...Uas yug nyiam...Yug yuav txiav ntawd...Kuv txiv paj zeb...Tau hlawv xyab...Hlawv ntawv thov...Tug dab phis nyuj vaim ntawd...Plaub pes...Vim tsiv teb tsaws chaw...Tsi muaj vaj tsev nyob...Yuav thov txiav xyoob..."Ua tsev nyob"...Kuv nco ntsoov...Kuv txiv paj zeb...Tais tau ib puas plaub caug lub yaj khaum...Kaum ob tshuas ntawv...Nyiaj...Neeg nkaum plaub daim xov txheej...Mus hlawv tas...Wb ncig ua si ntev loo...Mam los txiav ntog xyoob ntawd...Kwv los ua tsev nroog looj ceeb...Cov xyoob cim ntawd...Kuj tsi pauv hloov li cas?...Xam hais tias...Muab nyiaj yuav lawm...Kuv ntseeg li ntawd...Lub xyoo ntawd...Kuv noob nyoog...Nce xyoo kaum ib lawm..Kuv nco tau zoo os...Kwv ntxawg...Shung.

    koobpovtxuj
    Sponsor
    Sponsor

    Messages : 1318
    Date d'inscription : 2010-04-05
    Age : 58
    Localisation : USA

    Re: Tshuaj Ntsuab

    Post  koobpovtxuj on 8th November 2012, 9:15 pm

    Nyob zoo tij laug XiongChang.
    Yog tias dab heev npaum li koj hais no ces kuj tsis txhob tho kev mus ze ntawm thaj chaw lub qhov tsua ntawd.nej tho kev hla lwm qhov mus yeej tsis tau li los ua cas?Thiab tej nyuag xyoob no xwb tsis tas mus txiav li mas xyoob ntoo muaj ntau mus txiav lwm qhov los siv xwb tau lawm nav.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 8th November 2012, 10:04 pm

    ......Kwv koob pov as...Txoj kev ntawd...Ntuj kawg xub zeb...Teb kawg xub ntoo...Cov hmoob zog hav xyoob...Txoj kev tuaj mus looj ceeb...Toj xeem neej tsu xyooj lawv txoj kev mus tom zog hav xyoob...Yeej kawg txoj kev ntawd xwb os...Txoj kev ntawd...Yeej mus qawj qeeg...Txij duav lawm...Lawv twb nyob lub teb chaws ntaud tuag...Ob tiam neeg lawm os.
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 8th November 2012, 11:06 pm

    ......Cov hmoob nyob lub teb chaws ntawd...Kuv nco tau zoo xs li...Zog looj ceeb...Yog nplog nyob...Zog tsua lwj loj...Yog toj xeem neej tsu xyooj lawv nyob...Zog hav xyoob moob nyob...Zog dej qav...Nab kauv...Pub thawj nyob...Zog pag lim yeeb hmoob vaj nyob...Zog tiaj nqeb hmoob vaj nyob...Zog nab cav hmoob vaj nyob...Zog npam cawb hmoob xyooj nyob...Zog pawv nplej...Phou kong khao...Hmoob hawj nyob...Zog pham hais hmoob yaj...Hmoob vwj nyob...Zog nab taum hmoob hawj nyob...Zog hav npliaj hiab hmoob vaj...Hmoob yaj...Hmoob hawj...Hmoob xyooj...Zog taw tsua hmoob hawj...hmoob xyooj...Hmoob yaj...Hmoob lis...Zog tiaj quav tshis hmoob vaj...Hmoob xyooj...Hmoob yaj...Hmoob hawj...Zog luam moos hmoob yaj...Hmoob vaj...Hmoob hawj...Zog tiaj kuab iab hmoob vaj...Hmoob yaj...Hmoob hawj...Zog tsua dawb me hmoob vaj...Hmoob yaj...Hmoob hawj...Lub teb haws ntawd...Hais lug tsi txaus ntseeg li os...Nyob ze npaum ntawd...Mus tsheej hnub ke...Mam txog zog...Tuaj mus looj ceeb...Ob hnub ke mam txog...Tuaj pham qhom tuaj looj ceb...Lawv hais peb hnub mam txog looj ceeb...Hais cuag dag li os...Kwv koob pov aws...Hmoobnyob teb chawd...Nyob ob lub nroog ntxaib no...Coob kawg os...Tug tswv tsev...Kuv xauj nyob tam sim no...Yog hmoob vaj...Zog quav tshis os.
    avatar
    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: Tshuaj Ntsuab

    Post  Hmong ntuj tshiab on 11th November 2012, 4:08 pm

    xiongchang wrote:


    POS KUB YAS


    Lub qab xyoo 1975...Kuv poj niam wb...Khiav tawm looj ceeb...Mus txog sab zog:...Nam Fan...Kuv kawm tau...Ib hauv tshuaj fab pa zaub mov...Los noj zaub mov fab yuas...Cov nroj ntawd...Siab ib dos ntau...Nplooj liab tsem tseb...Muaj ntsis zoo li...Pawm tshis...Nplooj yeej li ntawd..."Tab sis"...Nyiag zog...Nyob hauv tej hav qhuav nplej...Thaum hlais tas nrho...Pom liab vog..."Ntshais ntshov"..."Tab sis"...Kuv pom sab teb chaws ntawd xwb...Sab teb chaws ntawd...Ua teb hav paj dawb...Cog nplej teb nqeeb xwb os...Xyov lwm sab teb chaws...Puas muaj hom tshuaj ntawd...Ntsuag kub yas...Yog lug hmoob ntsuab...Pos kub yas...Yog lug hmoob dawb zoo..."Tshuaj kub cev"...Rhaub haus...Los tau...Nqa riam txiav...Si dej haus...Los zoo.



    TXIV POS NPHUAB.


    Txiv pos nphuab...Zoo tshuaj..."Ua qoob"...Txiv muas nag...Los zoo...Tshuaj ua qoob...Zaub txwb...Los zoo...Tshuaj ua qoob...Cov zoo tshaj plawg..."Peb tug me nyuam cuav nab ciaj...Peb tug cag nqeeb nyoog...Peb tug cag tsawb nyoog...Los nrhau tsawb nyoog...Tsau ua ke.


    QAV.


    Qav kuj zoo tshuaj...Lov npab dam ceg...Ntov lub hauv paug tsawb...Xuas ko txuas tswm..."Lub mag"...Ua tiv taig...Daus cov phuas tawm...Ntes tug qav ntos...Seb yug tug tib neeg lov qhov twg...Muab tug qav dam qhov ntawd...Tso ib hmos...Hauv lub taiv taig...Mag tsawb ntawd...Muab dab tsi...Npog khwb zoo...Tas kig kaj ntug...Mus cem kiag...Qav dhia ya plawg lawm...Xuas diav daus...Cov dej tsawb ntawd...Los ntxuav...Qhov lov ntawd...Los haus peb me nyuam pas...Ua ntej ntxuav...Zoo lawm...Tsi tas ua khawv koob...Ua khawv koob...Tseem ntiav nyiaj...Poob nyiaj them nqis..."Tib sis os"




    nyob zoo so cov muam thiab cov npawg aw , mus lawm ntev tsis tau tuaj xyuas nej lub zos tshiab no zoo li zoo nkauj kawg lawm laiv yuad cov muam thiab phooj ywg aw!!!!!!!
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 11th November 2012, 8:48 pm

    ......Thov zam txim ov?...Cas zoo li...Tsob txiv pos no...Tsi tshua tseem...Txiv pos nphuab ne yom...Nws zoo li...Txiv pos nphuab hav zoov xwb...Tsi yog txiv pos nphuab toj siab...Hav teb yeeb nas yom...Ua tsaug os.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 11th November 2012, 11:16 pm



    Tij laug Xyooj Tsab,

    Kuv nco tsis tshua zoo lawm, xyov txiv pos nphuab yog Fraise los yog Framboise ces kuv thiaj tso daim duab tsob Framboise qus xwb, tsis yog tsob nyeg.


    Tij laug Hmoob Ntuj Tshiab,

    Zoo siab pom nws tuaj xyuas peb lub zos tshiab.

    Peb tsis muaj coob, peb tsawg tsawg xwb tab sis peb txhim vaj tsa tsev khov, vim peb xav ua kom yog ib lub zos nyob muaj meej, nyob txhiaj nyeej vam sawm, xwm nyeej vam pov, kom cua tshuab tsis qaij dej tshoob tsis qaug no. Ua li, nws yog ib tug tij laug muaj txuj, nws puas kam tuaj nthuav nws tej txuj rau peb tau kawm, tau khaws tseg thiab. Kuv xav tau cov neeg cov zaj kwv huam uas lawv tuaj hais rau xov tooj cua: xws li tej kev tawg teb chaws, kev khiav, teb chaws tawg nyob tsis muaj neeg ua dab ua tsov luag...thc...
    Los yog lwm yam kev noj haus, txuj ci.

    Vim kuv tsis nrog nej nyob ib sab ntuj, nej nyob ces kuv pw, kuv nyob ces nej pw li ntawd kuv khwv khwv thiab ces kuv thiaj hnov nej lub moo xwb, kuv mloog tsis tau tej uas nej hais.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5005
    Date d'inscription : 2012-04-16

    Re: Tshuaj Ntsuab

    Post  xiongchang on 12th November 2012, 5:01 am

    ......Aws me muam kooj ziag kab zaug as...Zaum no...Koj tso tsob txiv pos nphuab no...Yog lawm lauv...Txiv pos nphuab...Lub txiv zoo li...Tsob hauv no...Thiaj yog ov?...Ua koj tsaus os...Me muam kooj ziag kab zaug aws...Tab kaum koj qav num nawb mog.

    koobpovtxuj
    Sponsor
    Sponsor

    Messages : 1318
    Date d'inscription : 2010-04-05
    Age : 58
    Localisation : USA

    Re: Tshuaj Ntsuab

    Post  koobpovtxuj on 17th November 2012, 11:11 am

    Nyob zoo cov phooj ywg txhua tus.
    Nej leej twg paub tsob tshuaj thab ham zoo li cas?
    Kuv muaj 1 tug kwv tij tham qhia kuv tias tsob tshuaj thab ham mas qab nplooj liab paj yeeb.
    Qaum nplooj ntsuab ntsuab.tus kav ua tej yag li plav ntxaiv.
    Zoo tshuaj mob siab.mob raum.thiab mob plawv.
    Yog nej leej twg paub thiab muaj no thov qhia thiab tso duab pub kuv saib yom.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 19th November 2012, 1:51 pm


    Me tub Koobpovtxuj,

    Nws tsob tshaij thab ham puas yog tsob nov?



    Tsob liab.





    Tsob ntsuab.

    Yog tias yog cov nov mas nws tsis zoo tshuaj mob siab, mob raum, mob plawv.
    Nws zoo tshuaj mob plab, lawv plab, lawv plab liab, mob plab zom mov, plab zom mov ua kiav txhab, nyhuv to, nyhuv qhov quas ua pob (tawm pob=xoo pob ntshav), ntshav siab, hlab ntsha hlav hauv cev, mob leeg, tu sauv.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1318
    Date d'inscription : 2010-04-05
    Age : 58
    Localisation : USA

    Re: Tshuaj Ntsuab

    Post  koobpovtxuj on 20th November 2012, 12:05 am

    Nyob zoo niam ntxawm koojziagkabzaug.
    Twb yog kuv hnov lub npe tshuaj xwb tsis tau pom dua tsob tshuaj tsis paub xyov zoo li cas.thiaj li tuaj nug nej seb puas muaj leej twg paub los mas.Ua li koj tsob no ne nej ho hu li cas?Kuv saib mas muaj ntsis khws li tsob uas lawv qhia kuv lawm ntag tiag.
    Lawv qhia kuv tias tsob tshuaj thab ham mas Qab nplooj liab ua paj yeeb.qaum nplooj ntsuab ntsuab.tus kav ua tej yag tej yag li plav ntxaiv no xwb.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 20th November 2012, 8:30 am



    Nyob zoo me tub Koobpovtxuj,

    Kuv kuj tsis paub lub npe tshiab uas xov tooj cua hais tawm hu ua "tshuaj thab ham" no. Tab sis yog ib tug phooj ywg qhia kuv tias yog Cob Tsib tsob txhuaj Hoan ngac no xwb. Tsob no mas cov Hmoob Nplog teb tuaj xyuas peb, kuv nug lawv, lawv hais tias zoo li tshov "tshuaj dub yag".

    Yog nws ho nrhiav tau tsis yog kuv tsob nov no ces nws nqa tuaj rau peb saib thiab thov los cog kom ho tau faib rau peb thiab nawb. Thiab yog paub no thov nug lub npe lus Mes Kas rau peb.

    Ua tsaug.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1318
    Date d'inscription : 2010-04-05
    Age : 58
    Localisation : USA

    Re: Tshuaj Ntsuab

    Post  koobpovtxuj on 20th November 2012, 8:37 pm

    Koojziagkabzaug.
    Tej zaum tsob tshuaj lawv hais yuav yog koj tsob no lawm.tab sis hmoob txawj nrhiav npe hu txawv lawm xwb.
    Vim koj tsob no qab nplooj liab.qaum nplooj ntsuab.kav ua tej yag li lawv hais lawm.
    Cia kuv mam li hu kom lawv xa 1 tug tuaj rau kuv cog seb ho txawv li cas mam thaij duab tuaj tso rau nej saib.
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 21st November 2012, 12:13 am



    Nyob zoo me tub Koobpovtxuj,

    Yog tias yog tsob nov no keeb kwm yog tshuaj Cob Tsib lub npe hu ua "Hoan ngoc", tab sis zaum no Thaib los lwm haiv nzzg kuj puav leej coj mus cog ua ntau yam tshuaj. Lawv kuj xyaw kob swm tshuaj rhaub haus thiab. Li ntawd lawv thiaj tseem khaws Cob Tsib lub npe Hoan Ngoc no li qub. Cia kuv khoom, kuv mam li tuaj tham kom meej rau cov liab thiab cov ntsuab tib si. Kuv muaj tsob ntsuab xwb, yog nws thov tau tsob liab thiab no kav tsij coj los cog es lwm hnub faib ib tug rau kuv. Cov tshuaj no mas kuj tawg paj thiab, tab sis yuav cog ces koj de cov ntsis uas laus zog li 2-3 yag rau nram ko los txhos hauv av xwb. Txawm nws ntsws ntsee xwb los koj ywg dej kom noo tsawv thiaj tso rau qhov ntxoov ntxoo los yog qhov zoo tshaj mas nyob ntawm qhov tshav ntuj los xij, koj muab ib lub hnab ci tho ib ob lub qhov me me, looj koj lub tais av cog mas nws tuaj zoo heev. txhob muab tsau dej, koj tsau dej tsis nthaw cag tab sis lwj lawm xwb.

    Cob Tsib lawv nyiam cog rau ntawm tej vaj zaub qab tsib taug es thaum mob plab, zawv plab tsis hais liab los dawb, mob plab zom mov kiav txhab tej ntawd lawv de lo noj, cia li noj cov nplooj xwb. Noj li 7-9 daim nplooj, tsis tib npaj noj los tsuav ib hnub ntawd noj tag 7-9 daim nplooj xwb. Tsis tag li ntawd, lawv kuj muab los ua zaub noj thiab.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1318
    Date d'inscription : 2010-04-05
    Age : 58
    Localisation : USA

    Re: Tshuaj Ntsuab

    Post  koobpovtxuj on 21st November 2012, 1:20 pm



    LUS FAJ SEEB:


    Cov tshuaj teev rau hauv nov, ntawm cov tshuaj Hmoob, kuv tso cov lus faj seeb rau, vim tsis tau sim dua. Tsuas qhia li Hmoob niam Hmoob txiv ib txwm sib qhia los mus xwb. Tub txawj ntxhais ntse tseem tsis tau muab ntsuam xyuas. Li ntawd, yog leej twg coj mus siv, muaj teeb meem los peb yuav tsis muaj kev thaj tsob.

    Dua li lwm hom tshuaj uas tsis yog tshuaj Hmoob mas yeej yog Kws Soj Ntsuam yeej muab tshawb xyuas meej thiab yeej yog Tsev tshuaj tshaj tawm tuaj mus. Tab txawm ntsuam tag lawm los yuav tau ceev faj tsam nej ho muaj lwm yam mob ces cov tshuaj tsis haum rau nej tus mob.

    LUB VAS SAB HMOOB TSHAV NTUJ THIAB COV TSWV CUAB TSHUAJ YUAV TSIS LEES PAUB TXOG TXHUA YAM KEV THAJ TSOB TXOG KEV SIV COV TSHUAJ NTSUAB HAUV NOV.


    Koojziagkabzaug.
    kuv xa koj tsob tshuaj 1 daim duab mus rau lawv saib lawm seb lawv ho teb li cas tuaj rau kuv.
    Yog lawv teb tuaj li cas kuv mam li rov tuaj qhia koj mog.
    Qhov tiag yog lawv tsis paub kov computer ces kuv xa duab hauv post office mus xwb ces muaj ntsis ntev.
    Tiag mas lawv xa tsob tshuaj tuaj rau kuv thiaj li paub tseeb.lawv pheej qhia kom kuv mus nrhiav xwb ces nyuaj zog.

    Sponsored content

    Re: Tshuaj Ntsuab

    Post  Sponsored content


      Current date/time is 25th April 2018, 8:34 am