google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Tshuaj Ntsuab

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 16th March 2014, 3:23 pm

    koojziagkabzaug wrote:

    TSHUAJ THAB HAM.




    Tsob liab.





    Tsob ntsuab.

    Yog tias yog cov nov mas nws tsis zoo tshuaj mob siab, mob raum, mob plawv.
    Nws zoo tshuaj mob plab, lawv plab, lawv plab liab, mob plab zom mov, plab zom mov ua kiav txhab, nyhuv to, nyhuv qhov quas ua pob (tawm pob=xoo pob ntshav), ntshav siab, hlab ntsha hlav hauv cev, mob leeg, tu sauv.



    TSHUAJ THAB HAM ZOO TSHUAJ:

    1/ Poj niam nyob nruab hlis hlauv nyhuv de daim nplooj coj los zom noj nqos nws yuav zoo los yog rhaub haus zoo tib yam

    2/ Zoo rau cov neeg laus mob laug los yog ua hauj lwm nyhav es mob de nplooj coj los rhaub haus los yog noj

    3/ Zoo tshuaj ua npaws, tshav siab ntshav qab zis de cov nplooj tuav mos mos tim zib muv muab puab ua ib lub lub noj

    4/ Zoo mob stroke muab ua li nqi 3 sauv noj

    5/ Zoo tshuaj mob qhov txhab los yog pob txha dam muab tsoo qhwv

    6/ Zoo thaum yus noj zaub noj mov mus es tsam tsam plab muab rhaub haus

    7/ Zoo mob plab ulcer, los ntshav hauv plab los yog txoj hnyuv los yog lub zais zis, rhaub haus los yog muab noj (daim nplooj)

    8/ Zoo mob txia (mob lub txia rau ntawm caj dab) Zoo mob siab daj (Hepatitics) muab noj


    9/ Zoo mob raum tso zis los ntshav los yog tso zis nrov nrov tsis ntshiab(yog tias mob txeeb zig xwb no ces siv cov ntoo maj nyeg 2 tug kav coj los rhaub haus xwb ces nws ntaus tau cov txo zeb tawm tag los lawm)

    10/ Zoo mob cancer rau hauv lub ntsws los yog lub siab.....yuav tsum tau muab cov nplooj coj los noj thaj tsam li 100-200 daim thiaj li yuav zoo

    11/ Zoo mob qhov muab liab

    12/ Cov poj niam nyob nruab hlis noj ib hnub 1 daim yuav ua rau muaj zog sai

    Kev siv ne yuav siv li cas?

    1/ Mob ulcer noj ib zaug tsis pub dhau 7 nplooj ib hnub noj 2 zaug, noj kom puv 50 nplooj thiaj li zoo

    2/ Mob ntshav tawm hauv cov nyhuv noj 7-13 daim ib hnub 2 zaug zom nqos cov kua

    3/ Mob txia thiab mob siab daj noj 7 nplooj ib hnub 3 zaum noj kom puv 150 nplooj thiaj li zoo

    4/ Mob raum noj 3-4 nplooj ib hnub 3 zaug noj puv 30 nplooj thiaj li yuav zoo

    5/ Mob Mob ib ce noj 7-14 nplooj noj 2 zaug xwb zoo lawm

    6/ Tsam plab noj 7-14 nplooj 2 zaug xwb zoo hlo lawm

    7/ Mob qhov muag liab noj 7 nplooj muab 3 nplooj coj los tsoo kom mos mos muab npuab ib hmos tag kis zoo hlo lawm

    8/ Mob ntshav siab noj 5-9 nplooj xwb nthav qis lawm xav kom zoo hlo yuav tau noj mus puv 100 nplooj los yog ntau dua

    9/ Mob ntshav qab zib txiv neej noj 7 nplooj poj niam 9 nplooj within 90 hnub xwb zoo hlo lawm(noj kom puv 90 hnub)

    10/ Siv tau rau cov lau qaib sib ncaws, tom qab tso sib ncaws sab sab los muab 2 nplooj tsoo kom mos mos rau no 3 hnub xwb nej tus lau qaib rov muaj zog li qub lawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 16th March 2014, 4:21 pm


    Tshuaj tub rog.

    Tshuaj tub rog, muab rhaub haus los yog cia li de nplooj nyoos noj. Cov nplooj nyoos mas muaj ntsis nplaum. Yog nyob rau cov teb chaws uas no no mas de cov nplooj nyoos los siab qhuav cia, yuav noj mam muab los rhaub haus. Nyob ntawm tus neeg, tab sis noj ib zaug qhov ntau yog 5-7 daim nplooj los yog 7-9 daim nyob ntawm seb cov nplooj loj los me, noj ib hnub 1-2 zaug. Nyob ntawm hom mob. Yog tias mob plab, raws plab, raws plab liab mas noj ob hnub sib law, mob plab ntswj noj 2 lis piam. Cov paj thaum lub caij ntuj tshiab yog siv rau cov tsiaj ntxhu thaum xya me nyuam tas xws li nyuj nees, dev, qaib, muab 2-3 daim nplooj rau noj.

    Siv li cas.
    - Feem ntau cov neeg siv cov nplooj nyoos, cov nplooj cia li noj nyoos los yog rhaub haus, muab haus li zaub tsuag. Yam li cov nplooj muaj kua ces cov tawv thiab cov cag muab tsau cawv haus. Nyoos mas tsis muaj ntxhiab dab tsi, ces noj yooj yim, thiab qhov noj ntau tsawg ntawd nyob ntawm tus neeg. Kev cai mas noj thaj tsam 1 daim nplooj mus rau 7 daim ib hnub, noj ib hnub ob peb zaug; txhob noj tshaj 10 daim rau ib hnub. Noj ntau dhau mas tom qab 10-15 fiab yuav huam leej huam ceem.

    Siv raws li sawv daws (tshuav tus uas tshwj xeeb)

    - Mob plab zom mov, plab ua kiav txhab, noj 7 daim nplooj, ib hnub 2 zaug. Noj li 50 daim nplooj ces tso tseg.
    - Nyhuv los ntshav: noj nplooj nyoos, 7-10 daim, ib hnub 2 zaug.
    - Txoj hnyuv loj voos thiab mob, noj li mob nyhu saud, noj txog 100 daim ces tso tseg, noj nrog tej zaub mov tuaj plaub los yog muaj roj. Noj li nov 2 lub hlis.
    - Mob siab, siab khov (cirrhose), dej txhem hauv plab (ascite) xws li yog mob siab cancer, mob siab khov es ua: noj 2-3 zaug ib hnub, noj txog 7 hnub. Noj 150 daim nplooj ces tsum.
    - Mob plab zis, mob raum, nquag mob: Txhob siv tshaj 50 daim nplooj, 30 daim xwb tseev txaus rau tus mob lawm, noj 3 zaug, ib zaug thaj tsam 3-7 daim nplooj.
    - Sab thoob plaws ib ce: noj 3-7 daim nplooj, noj 2 zaug xwb.
    - Zis nro, tso zis tau ntshav: noj 14-21 daim nplooj.

    - Qaib: 1-3 daim nplooj thaum tso sib ncaws tas.
    - Dev: Qhov muag liab liab, qhov muag dawb dawb, qhov muag sawv ntshav, vim nyob ib hmos nraum zoov, muab 3 daim rau noj.

    - Thum yeeb: Lawv muab ib nrab cov nplooj qhuav, ib nrab cov nyoos zom. Haus ib lis piam.


    Noj cov nplooj nyoos thaum sawv ntxov uas tsis muaj dab tsi hauv plab; los yog noj ua ntej noj mov li 1 teev.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 25th July 2014, 3:35 pm


    Ruta graveolens


    (Tsob tshuaj no hmoob cog coob tab sis tsis paub npe hmoob, yog leej twg paub no thov qhia rau kuv.)

    Tsob tshuaj no mas nplooj txho tsawv, yus mus chwv nws mas tsw ntxhiab li.

    Raws li Hmoob mas tsob tshuaj no siv:

    -Cog ntawm qhov rooj: Thaiv nplooj (dab qus) thiab zov vaj zov tsev (pov hum),
    - Rhaub haus: Ntau pob zeb hauv tsib, raum, zais zis ( yeej ntau tau tiag tab sis ceev faj tsam ces thaum lub pob zeb los ntawm cov hlab raum mob dhau ua rau tus neeg plawv lam nres)

    Raws li cov neeg pej kum:

    - Txheej thaum ub lawv tias yog ib tsob ntoo khawv koob li hmoob tam sim no.

    - Lawv siv ua txuj lom xyaw nqaij noj, rhaub haus ua tshuaj txhaum.
    - Rhaub haus zoo tshuaj muaj zog (vitamine C2 (thaum ub hu ua vitamine P), zoo tshuaj qhov txhab, mov tsis xam.
    - Tshuaj yaug cev.
    - Lawv siv los ua tshuaj tsw qab.
    - Tshuaj ntau me nyuam
    (haus ntau, muaj kuab lom, qaug)

    * Yog cov neeg uas nqaij mos mas cov kua mis ua rau nws sawv hlwv li kub nyhiab.

    - Ua kom kab khiav deb, xws li:

    - mhob, zuam, nab thiab miv.








    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Tshuaj Ntsuab

    Post  koobpovtxuj on 25th July 2014, 11:20 pm

    Niam ntxawm koojziagkabzaug.
    Tej yam tshuaj no mas nyuag yaus yog phaum neeg puag tom qab tom tw lawm nyuag yaus tsis paub thiab tsis tau pom dua li lau.Nyuam qhuav tuaj pom koj muab duab rau ntawm no xwb cia nyuag yaus mam li mus nug seb cov niag poj Hmoob uas niaj hnub muag tshuaj tom taj laj tshav puam puas muaj tus paub mam li rov tuaj tham ntxiv mog.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 18th August 2014, 4:04 pm

    Qej zoo tshuaj







    Qej muaj vitamine C, en magnésium, en calcium, en potassium, en phosphore et en oligoéléments.

    Nws zoo tshuaj li nram no:
    - Zoo tua kab mob, qhov txhab voos, kub cev (vim muaj kab mob hauv cev).
    - Tshuaj ntshav siab.
    - Tua cab
    - Tua dev mub
    - Tiv thaiv khaub thuas thiab cancer plab zom mov, nyhuv los yog prostate (qog nyob ntawm hlab zis txiv neej)
    - Zoo mob plawv
    - Zoo ntshav qab zib, ua kom cov piam thaj hauv ntshav tsawg.
    - Zoo rau ntshav muaj roj me ntsis.
    - Ua kom tso zis zoo, kom raum lim zoo.


    Qej muaj vitamine C ntau heev, 100g qej muaj 30 g vitamine. Siv vitamine C kho thaiv kab mob, ua yus tej leeg, cev nqaij, plaub hau, pos hniav zoo. Nco ntsoov rau qej nyoos los qej siav rau hauv tej zaub mov.

    - Lub caij qaug zog siv qej kom yus muaj zog.
    - Ua kom lub plawv khiav zoo.
    - Ua kom pob txha ruaj, hniav khov
    - Tiv thaiv ntshav muaj roj
    - Tiv thaiv hlab ntsha tawg saum tau hau.
    - Pleev cos

    Siv li cas?

    * Kub cev thiab mob qhov txhab voos muab ib los ob ntsia qej rhaub haus
    * Rau ntshav siab, ntshav qab zib, los lwm yam...tsoo 1-2 ntsia qej, muab dej kub hlab haus.
    * Cos, muab qej hlai me ntsis, muab txhua lub cos ib ntus ces zoo.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Me qigtaub
    Developer
    Developer

    Messages : 197
    Date d'inscription : 2011-09-09

    Re: Tshuaj Ntsuab

    Post  Me qigtaub on 23rd August 2014, 10:23 am

    koojziagkabzaug wrote:
    Qej zoo tshuaj







    Qej muaj vitamine C, en magnésium, en calcium, en potassium, en phosphore et en oligoéléments.

    Nws zoo tshuaj li nram no:
    - Zoo tua kab mob, qhov txhab voos, kub cev (vim muaj kab mob hauv cev).
    - Tshuaj ntshav siab.
    - Tua cab
    - Tua dev mub
    - Tiv thaiv khaub thuas thiab cancer plab zom mov, nyhuv los yog prostate (qog nyob ntawm hlab zis txiv neej)

    - Zoo mob plawv
    - Zoo ntshav qab zib, ua kom cov piam thaj hauv ntshav tsawg.
    - Zoo rau ntshav muaj roj me ntsis.
    - Ua kom tso zis zoo, kom raum lim zoo.


    Qej muaj vitamine C ntau heev, 100g qej muaj 30 g vitamine. Siv vitamine C kho thaiv kab mob, ua yus tej leeg, cev nqaij, plaub hau, pos hniav zoo. Nco ntsoov rau qej nyoos los qej siav rau hauv tej zaub mov.

    - Lub caij qaug zog siv qej kom yus muaj zog.
    - Ua kom lub plawv khiav zoo.
    - Ua kom pob txha ruaj, hniav khov
    - Tiv thaiv ntshav muaj roj
    - Tiv thaiv hlab ntsha tawg saum tau hau.
    - Pleev cos

    Siv li cas?

    * Kub cev thiab mob qhov txhab voos muab ib los ob ntsia qej rhaub haus
    * Rau ntshav siab, ntshav qab zib, los lwm yam...tsoo 1-2 ntsia qej, muab dej kub hlab haus.
    * Cos, muab qej hlai me ntsis, muab txhua lub cos ib ntus ces zoo.




    Ib tug kwv tij tseem hais rau kuv ntxiv tias
    - Qej yog ib hom tshuaj zoo thaiv khaub thuas thiab.
    - Qej zoo lom npluas.

    siv.
    - ib lub caij hloov huab cua yus muab qej coj los kib xyaws me ntsis nqaij noj los yog muab coj los rhaub haus mi ntsis.

    - Sab tebchaws nplog yog tus dej twg muaj npluas, koj muab kiag li 10 lub qej coj mus tsoo kiag thiab muab tsau rau hauv lub hauv dej ces tsis ntev ib ntus koj mus tsis muaj npluas lawm. tsis tag li los koj tus aub los tus npua tau npluas ces koj muab ib ntsiav tsoo kiag ces muab tub dej kiag ces tso kiag rau tus tsiaj qhov ntswg ces ib pliag npluas tawm los, ceev faj tsam yus maim tsis yeej thiab.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Tshuaj Ntsuab

    Post  koobpovtxuj on 23rd August 2014, 10:25 am

    Yog nej xav paub tshuaj ntsuab kho mob ces los nrog kawm ntawm no tau.

    Me qigtaub
    Developer
    Developer

    Messages : 197
    Date d'inscription : 2011-09-09

    Puas tseeb tiag

    Post  Me qigtaub on 23rd August 2014, 10:51 am



    Cov tshuaj no zoo li tus kws tshuaj no twb paub tsis tag cov tshuaj thiab tsawg pob los zoo mob duav mob laug xwb es hom twg yog hom zoo tshaj lawm ne, ntau hom tshuaj zoo ib hom mob xwb yog tseeb los yog cuav mas? siv cov tshuaj no puas yuav pab tiag mas yog muaj tiag mas ib hom tshuaj zoo ib hom mob xwb cas tsawg pob los zoo ib hom mob, ib pob zoo txhua hom mob li mas.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Tshuaj Ntsuab

    Post  koobpovtxuj on 11th November 2014, 7:26 pm

    Yawm txiv me qig taub.
    Hmoob tej tshuaj ces koj mob qhov twg los zoo huv si li los mas.Kawg qhov tias tshwm tej yam mob tshiab uas 1 txwm Hmoob tsis tau pom dua los Hmoob yeej muaj tshuaj kho tau huv si li lawm los mas.Kev lag kev luam ces hu ua tshuaj no xwb ces zoo tag puas tsav yam mob huv si li lawm mas mog.

    Me qigtaub
    Developer
    Developer

    Messages : 197
    Date d'inscription : 2011-09-09

    tshuaj Hmoob

    Post  Me qigtaub on 12th November 2014, 1:58 pm

    Tshuaj Hmoob yob ib cov zoo kawg, tab sis dej hlob zoo dov cav, neeg muaj ib cov ces cheem neeg ntseeg tshuaj ces mus lob los dag neeg nyiaj, tus tsis paub los ua txuj paub, tus paub los yeej paub tsam no ua rau cov muaj mob tsis xav kho lawv lawm vim tias cov mob tsis paub cov twg yog cov tshuaj zoo tiag ces tshai kho tsam nkim nyiaj.

    koobpovtxuj
    Sponsor
    Sponsor

    Messages : 1273
    Date d'inscription : 2010-04-05
    Age : 56
    Localisation : USA

    Re: Tshuaj Ntsuab

    Post  koobpovtxuj on 19th November 2014, 6:05 pm

    Yawm txiv Meqigtaub.
    Hmoob lub hlwb ntxias noj ntxias qhe yeej zoo li no.Cov kws tshuaj ntsuab ces yeej yog nrhiav tswv yim los ntxias nyiaj nkaus xwb.Lwm leej lwm tus mas kuv tsis hais nawb.Tab sis Vam meej yaj cov tshuaj yog dag nkaus xwb.Vam meej li ces tib co tshuaj hu ua mab qav kaws hmab iab no los nyoj ua ces muab cov tshuaj suav me ntsis los tso rau kom muaj tus ntxhiab tsw txawv xwb.Tag puas tsav yam mob ces leej twg mus los yeej yog siv tib co ntawd nkaus xwb nawb.1 hwj yog $160.00.Hos Yaj pheej cov mas cov neeg uas niaj hnub tuaj tshaj tawm xov tooj tias zoo npaum ub npaum no mas yog Yaj pheej ntiav lawv nkaus xwb nawb.Cov neeg uas kuv paub tsis muaj 1 tug uas Yaj pheej kho tau zoo hlo li.Kuv niam thiab kuv txiv nkawd ces Yaj pheej muab 2 pob tshuaj pub rau nkawd ces thov kom nkawd kaw 2 lo lus tias Yaj pheej cov tshuaj yeej zoo no ces nkawd tseem tau kaw lus dag rau sawv daws lawm.Kuv niam tij thiab kuv tus phauj los Yaj pheej muab 2 pob tshuaj ntiav nkawd kaw lus rau Yaj pheej thiab xwb.Kuv tus kheej muab ntseeg dhau kuv yuav Yaj pheej cov tshuaj tag phav tawm nyiaj 1 zaug nws hloov 1 yam tshuaj los txog hnub kawg ces nws cia li tias koj yeej zoo lawm ntau heev no rau kuv xwb.Kuv tias kuv zoo li cas Tseem mob heev zuj zus ntxiv lawm xwb hos no ces kuv tsis hais lus dag thiab tsis yuav ntxiv lawm xwb.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 21st February 2015, 2:39 am


    Tshuaj pov hwm kev lag luam.

    Muaj tsob tshuaj nov cog rau vaj rau tsev mas ua luam tau luam zoo.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 21st February 2015, 7:33 am

    ......Hab... Laughing Laughing ....hab.... Laughing Laughing ....as?....Me muam kooj ziag kab zaug aws?....Peb haiv hmoob....Yeej nyiam neeg dag ntau....Cuaj caum cuaj feem pua....Tug hais lug tseeb....Hmoob ib txwm....Tsi ntseeg os?....Nyuam qhuav haum xwb mas yuam....Txhob tu siab....Txhob chim os?....Txhob npau tawg....Cov neeg dag....Hab.... Laughing Laughing ....hab.... Laughing Laughing ....Yam tshuab tias tiag....Kuv ib txwm siv mas....Kuv mam ntseeg os?....Cov txawb pawg lug tom khw tshav puam....Txhua yam zoo tas nrho....Kuv tsi ntseeg lawm os?....Me muam kooj ziag kab zaug aws?....Peb haiv hmoob pob ntseg sib....Cuab pob ntseg ntsoov mloog tas li....Hais lug ntxhi pob ntseg xwb nev qhov....(Father Major. General Vang Pao)....Tej hauj lwm muab teb chaws....Tsi tiav ib yam li....Txawm yog....Ntseeg neeg dag xwb....Hwb.... Crying or Very sad Crying or Very sad ....hwb.... Sad Sad ...."No vision Litening"

    Tub ntses
    Member
    Member

    Messages : 96
    Date d'inscription : 2015-01-21

    Re: Tshuaj Ntsuab

    Post  Tub ntses on 22nd February 2015, 8:04 pm

    Lam xav xwb yuam kev xob cem thiab.

    Xav tia cog tsob yus nyiam.....................yuav ua rau nyob kaj siab mus thawj niaj...........tag tiam
    Xav tia cog tsob yus ntshaw....................thaum nws tawg paj txi txiv yus pom yuav zoo yus plawv
    Xav tia cog tsob yus ntseeg.....................tshuaj loj li muab tshuaj tsaw qaib noj lis zoo mob nkeeg..
    Xav tia cog tsob yus paub........................muaj mob dia hau noj yuav zoo ntau.


    Kuv nyiam qhuav saib nag mo mob plab kiav txhab.......lawv tia kom hau me me kua dej qhiav daj.....noj txiv taub ntoo daj....yuav zoo tshuaj kem quav.

    Hos Yog luag siab phem siab dub tso dab tuaj tom.......kom muab qai qaj lo so li hlo nti li nkau tuaj rau lub nab daj ...khi txoj mus xov dub.....

    Kom ntua li nkau tus neeg siab phem dab lim hiam tuaj rau nruab nab....................zawm li nkau thiab muab zawm kiag rau hauv nruab qab txag...kom puv 7 nub

    Kom ntua li nkau lis nkau neeg phem tuaj rau nruab chaw ti..............tsav yus lub fwj chim nyob mus ntau hli........Kom ntua lis nkauj dab phem tuaj nruab chaw qia.........tsav yus lub fwj chim nyob mus thawm niaj no mog..

    Kom ua lub siab loj nteev.......muab dab phem saib qe tuaj rau nruab taw......muab neeg phem saib qe tuaj rau nruab xub......Yuav ua rau tus mob muaj fwj chim nyob mus ta nub........

    Lawv tso dab....yog lawv tso lawv txoj kev xav...........kom yus yij meem tsav yus lub fwj chim kom loj kom dav.....yuam kom tau neeg phem thiab dab lim hiav tuag tuaj rau hauv av......


    Vam tia 2-3 nyuag lo lus nov yuav pab tau koj mus lawm ib nyuag ncua kev deb........Xab niaj lwm zau peb mam rov sau sib teb.
    Vam tia 2-3 nyuag lo lus nov yuav pab tau koj mus lawm ib nyuag ncua kev tiaj.........Xab niaj lwm zau peb mam rov sau sib qhia.....mog



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 9th March 2015, 1:06 pm



    Me Tub Ntses aw...! Cas nws yuav txawj hais lus paj nrog lus piv rau me tshuaj mob plab rau me tshuaj ciam zis naj...! Zoo kawg!


    Ntsuab Rwg Vaj Piav Kev Cawm Seej Kev Pab Poj Niam Yug Me Nyuam. 10/23/2014




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 9th March 2015, 1:19 pm

    ......Tug tshwb liag phoj av teb yeeb....Kuj yog tsiaj cawm seej....poj niam daws cev ntag...."Tab sis"....Tej laug....Zais siab heev li....Tsi lam qhia leej twg?...paub li os?....Tej laug npav nyiaj ua ntej....Tsawg kawg....Ib choj nyiaj dawb....Ob choj nyiaj dawb....Peb choj nyiaj dawb....Plaub choj nyiaj dawb....Kaum ob lag nyiaj....Neeg nkaum plaub lag nyiaj dawb....Plaub caug yim lag nyiaj dawb os?....Tshuaj tsuas qoob....Kuj tib yam nkaug os?

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 9th March 2015, 1:22 pm



    Tij laug Xyooj Tsab,

    Ua li tshwb liag yuav siv li cas rau kev daws cev?

    Thiaj tshuaj sua qoob yog dab tsi?

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 9th March 2015, 2:54 pm

    ......Tug tshwb liag....Yog hais tias....Tug poj niam....Lub dej xau lawm....Me nyuam tsi poob li....Muab tug tshwb liag....Taus dej sov kub lawg....Tug poj niam haus peb pas....Muab cov dej sov plhw zaws....Saum ntsej muag txog ntua....Chaw mog tas nrho....Ntev li peb plaub feeb xwb....Me nyuam poob qeg zug....Qeg zug - Taub hau tshwm npliv lawm....Tau me nyuam ntag os?

    ......Tshuaj tshuas qoob....Khawb peb tug kaug nqeeb nyoog....Peb tug cuav nab nyoog....Peb tug cag tsawb nyeg nyoog....Tsawb qe os?....Tsau me ntsis dej txias zias....Hauv khob....Tug me nyuam ntawd....Twb tsi ua pa lawm nawb....Muab rab me nyuam diav....Rua ncauj me ntsis....Maj mam rua ncauj....Rho peb txoj plaub hau saum taub hau....Muab txoj me phuam ntub cov dej tsau ntawd ntag....Maj mam txhuam so ib ce thoob plawg....Tug me nyuam nawb....Muab rab me nyuam riam kuam rau tes rau taw ntev li....20 - 25 - 30 Minutes....Tug me nyuam dim zig tshwm ntub tas nrho....Tug me nyuam ntawd....Ib ce ntxhooj tawm fws thoob plawg....(Zoo)....Me nyuam suab quaj nto plawg....Rua muag ntsia pom niam pom txiv os?....24:00 hours - 36:00 Hour....Ntev kawg nkaug 48:00 Hours....Noj mis noj mov lawm os?....Tsi tuag ib zaug li nawb....Kuv cawm dua....Dim coob tug lawm....Kuv tsi yuav nyiaj li nawb....Kuv cawm dawb xwb os?....Luag hais tias....(Cawm seej)....Cawm tias tias li os mog.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 9th March 2015, 3:05 pm

    ......Me muam kooj ziag kab zaug aws?....Nco ntsoov tias....Tug tib neeg....Tsi nco txiaj ntsig....(Yawm saub - Tsev ntuj - Vaj tswv)....Pom paub txog....Yug lub siab zoo - Cawm neeg ntiaj teb os?....Kev ua neej tiam no....Kuv yog tub ntsuag ntsoj....Kuv ua dab tsi?....Kuv tsi hais nuj nqis nawb....Cov noj tshuaj....Cov tib neeg raug txim....Kuv tso dawb xwb os?....Kuv tug kheej kiag....Koj tug nyab wb....Pab dawb xwb nawb mog....Wb tsi hais nqis ziag li....(Hmoob os)....Kuv tug kheej....Tub ntsuag ntsoj....Koj tug nyab....Nkauj ntsuag nog....Wb ua dab tsi?....(Ncaj nceeg - Pheej xeeb)

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Tshuaj Ntsuab

    Post  koojziagkabzaug on 10th March 2015, 2:00 am



    Tij laug Xyooj Tsab,

    Yus ua neeg, yug txhob xam txeem, yus pub luag siab dawb paug yus thiaj tau koob tau hmoov mog; yus muab rau luag siab dawb paug, lub Ntuj mam muab rau yus mas yus tseem tau ntau tshaj neeg pub rau yus.

    Ua tsaug rau txhua yam nws qhia peb hauv nov.


    COV NPE TSHUAJ HMOOB.

    nej tuaj peb mus sib qhia tshuaj ov 1



    nej tuaj peb mus sib qhia tshuaj ov 2



    nej tuaj peb mus sib qhia tshuaj ov 3



    tuaj kuv coj nej mus qhia tshuaj 4




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 10th March 2015, 7:19 am

    ......Txiv muag nag....Kuj zoo tshuaj qoob tshuas thiab....Txi pos nphuab....Kuj zoo os?...."Tab sis"....Qeeb zog....Peb yam uas....Kuv xub piav qhia lawm os?....Cov tshuaj no?....Kuv niam maiv....Qhia tseg....Thaum kuv yau lawm os?

    Tub ntses
    Member
    Member

    Messages : 96
    Date d'inscription : 2015-01-21

    Re: Tshuaj Ntsuab

    Post  Tub ntses on 12th March 2015, 9:21 pm

    Niam Tai Koojziagkabzaug thiab Tij Laug Xoojtsab,

    Pua muaj ib co tshuaj ntsuab twg es zoo:

    Cov siab me kom siab loj siab dav tuaj,

    Cov siab luv kom siab ntev tuaj.

    Cov nkee2 kom quag tuaj..thiab

    Cov chim2 tau kom kaj2 siab tuaj.....os.....Thiab qhov tshwj xeeb yog tshuaj noj kom cim xeeb zoo thiab tshuaj kheev tham lus zoo na.
    ........................




    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 13th March 2015, 6:49 am

    ......Hab...hab.... Laughing Laughing ....Thov zam txim ntau....Kuv teb cuam tshuam ua ntej os?....Tub ntses aws?....Kuv xav mas.... ts ts ....Tsi muaj yam tshuaj ntawd nawb....Yug tug kheej xwb os?....Tub pib kiag....Yug ntag os?....TYug xaus kiag....Yug xwb os?....Txhob tog tshuaj pab nawb....Txhob tog ntuj pab os?....Txob tog yawm saub os?....Txhob tog vaj tswvos mog?....Qheb muag yug....Qe muag yug xwb naw.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Tshuaj Ntsuab

    Post  xiongchang on 13th March 2015, 1:09 pm

    ......Tub ntses aws?....Kuv tham li no....Yug tug kheej ntag os?....Nco ntsoov....Tswj tug kheej xwb os?.... Question Question ....Tsi muaj lwm.... Question Question ...Tsi muaj xwm.... Question Question ....Tsi muaj xab.... Question Question ....Tsi muaj xov os?....Tsuas muaj tuam xwb os? Very Happy Very Happy ....Tuam yog - Leej twg?....Yug tug kheej xwb os?....Yeeb tshuaj txhua yam....Tsi cuam tshuam txog....Yug tug kheej nawb mog.....Yuav coj zoo....Yuav coj phem....Yug tug kheej xwb os?

    Tub ntses
    Member
    Member

    Messages : 96
    Date d'inscription : 2015-01-21

    Re: Tshuaj Ntsuab

    Post  Tub ntses on 13th March 2015, 8:32 pm

    xiongchang wrote:......Tub ntses aws?....Kuv tham li no....Yug tug kheej ntag os?....Nco ntsoov....Tswj tug kheej xwb os?.... Question  Question ....Tsi muaj lwm.... Question  Question ...Tsi muaj xwm.... Question  Question ....Tsi muaj xab.... Question  Question ....Tsi muaj xov os?....Tsuas muaj tuam xwb os? Very Happy  Very Happy ....Tuam yog -  Leej twg?....Yug tug kheej xwb os?....Yeeb tshuaj txhua yam....Tsi cuam tshuam txog....Yug tug kheej nawb mog.....Yuav coj zoo....Yuav coj phem....Yug tug kheej xwb os?

    Ab yam, Tij Laug Xiongchang aw yog li ce... Laughing Laughing

    Lam tso dag ua sis xwb os... Smile Smile Kheev ho lam muaj cov tshuaj noj kom txawj hai lus mos lus muag.....Hai lus qab zib mad.... Shocked Shocked Shocked

    Sponsored content

    Re: Tshuaj Ntsuab

    Post  Sponsored content Today at 4:34 am


      Current date/time is 9th December 2016, 4:34 am