Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Keeb Kwm Hmoob Tuam Tshoj

    Share

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Keeb Kwm Hmoob Tuam Tshoj

    Post  koojziagkabzaug on 17th March 2010, 12:03 pm

    Hnub no peb mloog KEEB KWM Hmoob sawv rog nrog Suav.

    MLOOG NKAUJ DEJ LIAB DEJ NTSUAB

    nias ntawm daim duab mus saib





    HUAB TAIS TXIV YAWG

    http://www.mojthem.c...080317-0100.mp3

    VWJ PAJ YIAS

    1/ http://www.mojthem.c...512-0100_32.mp3

    2/ http://www.mojthem.c...519-0100_32.mp3

    3/ http://www.mojthem.c...521-0100_32.mp3

    TSAB XYOOJ MEM

    1/ http://www.mojthem.c...061031-0100.mp3

    2/ http://www.mojthem.c...061102-0100.mp3



    Last edited by koojziagkabzaug on 25th November 2011, 11:03 pm; edited 3 times in total

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 17th March 2010, 12:13 pm


    Yeeb yaj kiab:


    Lub nruas ntshav 1/10


    http://www.youtube.com/watch?v=1TotyHmC-wE


    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 24th August 2010, 4:26 pm

    Chiyou History 1=Txiv Yawg




    Chiyou History 2 =Txiv Yawg



    Chiyou History 3



    Chiyou History 4




    Chiyou History 5



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 24th August 2010, 4:32 pm


    Taug Txoj Lw Ntshav 2



    Taug Txoj Lw Ntshav3



    Taug Txoj Lw Ntshav 4



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 24th August 2010, 5:12 pm



    Hmoob npe haiv neeg thiab npe haiv neeg lub keeb

    2006-09-18


    Nyob Sab Toob cov hmoob yug hu yug ua Ke xyooj; cov nruab nrab teb ho hu Kaa Nom, muaj tej hu Mw, Nyob Sab Xyib teb Tsha Cheej Tiib”hu Moo. Ri nyob rau Tsha Cheej Tiib ntug cam ib suam ntawd xws li Cheej Xyib, Tiib Toob Naj. Sab xyib teb Tiib Toob Pej, Tiib nruab nrab teb Sab pej thiab kim tsawb sab xyib teb ib txhia teb chaws cov hmoob hu A Moj, siv sab xyib teb cov lus mas tshwj tas Tshab Cheej Tiib thiab Tiib Toob Pej tseg, cov hmoob twb hu muaj Mioj thc. Ri nyob rau Cheej nraub nrab teb los cheej sab naj teb ib suam txhua yam lus hmoob muaj ntsis hu sib xws. Thiab kawg muaj lub hauv paug xws dej txhawv ib yam. yog yug hu yug haiv neeg no ua hmoob, kuj hais meej yug yog neeg hmoob.

    Suav cov ntawv laus raws hmoob cov lus txhais suav lus los hais, muab lub txwm txhais ua Maaj, Moj, Mo, Mioj thc. Tsuas yog muaj mi ntsis xws xwb, suav yuav muab hmoob cov lus txhais kom meej xws hmoob hais, ib txwm ua tsis tau li, vim hmoob hnav khaub ncaws ntau tsav ntau yam lub zam zuag, thiab nyob rau toj roob hauv hav. Ces suav muab hmoob hu ua hmoob dawb, hmoob txaig, hmoob toob teb, hmoob xyib teb, hmoob xiav, hmoob tiab luv, hmoob tiab ntev, hmoob toj siab, hmoob tiaj nrag, hmoob zuag qaij thc ntau yam npe lwj liam tsis phim rau hmoob qhov tseem ceeb. Nyiam no saud hais li ted yuav tsum rhuav pov tseg.

    Hmoob lub keeb kum liv xwm ntev niaj ntau xyoo los lawm. Cov pog yawm txwv koob puag thaum ub, suav hu li Caws Lij, Xaa Mioj. Twb muaj sib nqe zawv rau hauv li qab hau, tsis yog nyiag sib nyob nyiag xwb. Nrhiav lub keeb kwm uas suav tsim muaj suav ntawv laus hais txog thiab neeg haiv hmoob qhov ncauj hais. Ntau tug ua xyim tshuaj zeem tias, muab tshis yawg ua tug thawj coj pab pawg hmoob uas suav hu Caws Lij yog hmoob sib txoos ua ke li lub hauv paus. Los muaj tej neeg zeem tias, hmoob lub keeb hauv paus tiag tiag kawg tsuas txawj nrhiav kawg xaus rau ntawm xaa mioj no xwb lauj.

    Hmoob txoos ua pab pawg hu ua caws lij nyob rau dej dag nruab nrab thiab yav nram qab ib suam ntawd, nyob thaum lawv txeem rov sab xyib li tej qab hau hauv, nrog sab toob teb pab pawg tus Huab Tais sib ua yeeb cuab tawm tsam, nyob Tso Lwj teb piam tsam lawm, tom qab no, caws lij pab pawg hmoob no muaj tej txeem rov sab naj teb, txiab ntau xyoo li tom qab, lawv nyob Dej Ntev, Huaij Huj rov txoos txhij pab pawg xaa mioj, txuas nkaus nrog dej dag nruab nrab thiab nram qab cov pab pawg neeg li thawj coj: Yoj, Sweem, Ywj 3 tug no ntev zim txwv sib ntaus sib tua. Tshoj tiam Saa Tsawb lub sij ceeb, lawv pawg hmoob raug dej dag haiv neeg huaj xyam hu ua Naaj Maaj, Cee Maaj. Tshwee Chaw Tsaam Kuj tshoj tiam npe, lub zim txwv, raug Tsoob Yeej (yog hais dej dag nruab nrab thiab tom taug, ncav txog Huj Naj ib txhia teb chaws, nrog rau Sab Toob Sab Xyib teb thiab Huj Pej txuas rau xeev Sab Xyib naj fab twb hu Tsoo yeej)cov neeg sib sau sawv nthwv nrog hmoob tawm tsam, Naaj Maaj(suav thuam hmoob ua Naaj Maaj)li hawm tiam tub ki tig khiav rov Naj Fab. Tshoj tiam Cheej Ham lub zim txwv, sib sau nyob rau Vws Liij Sa nqaj tog li hmoob, raug luag hu ua Cheej Tsoo Maaj, Vws Liij Maaj, lawv maj mam txhawm zuj zug ua ib haiv hmoob, txij ntawd los tsiv teb raws chaw zuj zug rau kim tsawb, kav xyib, tshab naj, yeej naj tej toj roob hauv peg, kwv yees tshoj tiam Meej Tshoj lub zim txwv, hmoob yuav luag ua tsheej huam no lub yam ntxwv lawm.


    Posted Image




    Hmoob hom lus thiab ntaub ntawv


    2006-09-18


    lus hmoob muaj tej zeem tias, muaj me ntsis txoj rawv lus suav , lus txam, txog kawg txia nrog lus hmoob lus co, yog thooj lub hauv paug ntw tshwm tawm los, qhov no ntshai nyiag coj nyiag siab xav yuad?

    Lus hmoob faib 3 niam pawg, Sab Toob(Xya Xyi), Nruab nrab(Cheej Toob ), Sab Xyib(Tshab Cheej Tii)nyiag hom lus tseem muaj lwm yam sib txawv me ntsis, txawm tias yog hmoob los kuj muaj yug zej yug zos hais kam li lus thiab. Nyob hauv Tshab Cheej Tiib(川黔滇)hmoob cov lus faib ua 7 yam uas tsis sib xws me ntsis, nyiag hais nyiag lus los kuj muaj raws li yug lub zos hais kam li thiab, yog ib yam hmoob los kuj muaj nyiag lus sib txawv ntau heev, yuav luag siv tsis tau lus hmoob sib txuas lus. Hnov tej neeg uas mus tshuaj khov hais, txhua hom lus hmoob 60 feem pua yog chiv keeb ib lub hauv paug.

    Sab Toob fab hmoob cov lus nyob xya xyi lub tsawb Tsha Too Naj, Ej Xyi Naj, Cheej Too Pej thc teb chaws kwv yees muaj 110 vam leej hmoob siv hom lus ntawd. Nyob rab teb nruab nrab cov lus hmoob kwv yees muaj txog 210 vam leej hmoob siv hom lus ntawd. Cov teb chaws uas siv yog lub tsawb Cheej Too Naj thiab Cheej Naj Tsawb li Toob Fab. Haj muaj Hwj Naj li Xyib Naj Fab, Kav Xyib Zooj Swes thiab Xaa Caa thc xeem nroog. Nyob sab xyib cov lus hmoob yog 3 hom lus uas nyiag coj nyiag sib txawv sib txuam loj tshaj plawg. Sib faib li ub li no rau txhua txhia lub zej zos teb chaws, siv cov lus no cov neeg ntau tshaj plawg. Cov teb chaws lus hmoob txuam ntxawg faib 7 hom. Faib ua Tsha Cheej Tiib txawv me ntsis, Tiib Toob Pej txawv me ntsis, Kim Yaj txawv me ntsis, Hwem Swes txawv me ntsis, Maj Sab txawv me ntsis, Luj Puj Huj txawv me ntsis, Tshooj AA Caa txawv me ntsis, siv cov lus txawv no muaj txog 250 vam leej tshaj, ri sua nyob rau xeev Kim Tsawb tshwj tas Cheej Toob(黔东)sawv daws nyob li teb chaws raws li Tshab Naj, Kuem Xyib Pej thiab xeev yeej naj txhua txhia teb chaws.

    Coob leej hmoob paub lus suav, muaj tej haj yam paub lus yiv lus npaus lus lag thiab, dua li, kwv yees muaj 160 vam leej hmoob siv lus suav, lus Toom, los lus co ua lub hauv paug qauv hais lus.

    Nyob ntau lub teb chaws cov hmoob liv xwm zaj nkauj thiab hmoob pej xeem sib tshaj cav hauv I, twb hais txog hmoob Kwv Tiam(古代)muaj dua txwm ntawv, tom qab no vim ntau yam teeb meem ploj ntshis tas. Ib txhia teb chaws muaj veej tsab hais txog thaum ub hmoob ntaub ntawv, tab sis txog nyiam no hmoob tsis rov muaj thaum tej laus li ntaub ntawv lawm.

    Ze tiam no los, ib txhia hmoob uas muaj plab plaw loj lim, vim ntw nto hmoob ntaub ntawv qhuab qhia rau hmoob, tej lub teb chaws tsim rau nws teb chaws siv, xws li Xyaa Xyi Sij Pav Thaj zos tsim tawm xim fab txwm ntawv, Xyaa Xyi Sij Chis Kuem tsim cov txwm yooj yim kawm tau sai, Kim Tsawb Looj Som Huaj siv ntiaj ntug cov txwm sib ntxiv ua ke tsim phau me ntawv rau hmoob xyaum. Ze tiam no los, ib txhia teb chaws cov neeg tshaj ntuj lus, vim zoo rau kev tshaj ntuj lus kuj tsim ib cov ntawv hmoob, xws Pej Kej Lis ntawv hmoob (tiib Toob Pej cov laus ntawv hmoob ), Hwj Thuj ntawv hmoob thc. Tab txawm li no los, tshwj ziag Pej Kej Lis cov tseg, dua li ceeb laj ri tawm mus.

    Tsoob Kuj hloov ua tshiab los, Tseem Hwv vim hmoob 3 hom lus nyiag tsim nyiag ib hom rau hmoob siv, haj muab Tiib Toob Pej cov ntawv laus hmoob daws ua txwm la tee tus qauv lub zam zuag los siv, tom qab no nyob ib txhia teb chaws sib qhia.

    Ntuj nraud cov hmoob, nyiam no sawv daws siv li ntawv hmoob suav hu Xi Muj Laij ntawv hmoob. Xyoo 1949 tuaj ntawm Fab Kis teb Kav Tos Liv tug neeg tshaj ntuj lus hu Ee Pos Yaj(Bertrais)nyob Los Tsuas teb Laam Phwj La Paa kuag nrug hmoob zej zos tshaj ntuj lus li thaud, tsim tawm ib co txwm yooj yim, ho muaj lwm tug tshaj kev ntseeg npe hu Pua Nij(Barney), yog cov plos Tes Tas. Kuj tsim hmoob ntawv thiab. Vim xwv hmoob ntawv txhob ntau yam, hmoob sib sau sab laj haum ntxim siab, xyoo 1953 lawv nyob Mim Kuj teb cov tsim lus tsim ntawv kws txuj nyob Xi Muj Laij(Smalley)kho kom zoo tuaj. Hom hmoob ntawv no, vim txhua txhia teb chaws cov hmoob kheev siv, ces tshaj hu ntawv hmoob thoob teb.



    Posted Image

    Hmoob Suav noj Peb Caug


    Last edited by koojziagkabzaug on 8th June 2011, 10:56 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 24th August 2010, 5:13 pm


    HMOOB KEV NEEJ NYOOG KEV CHAW NYOB

    Haiv Hmoob
    2006-09-18



    Hmoob qhov ntau yog nyob rau Tsoob Kuj naj fab tej toj roob hauv peg, xws Xyaa Cheej Tsha ntug nrig li Vws Leej Sa, Cheej Toob Naj li Mioj Lees, Ywj Liaam Sa, Cheej Naj li loj yau roob maj, Kav Xyib li Hmoob roob , Tii Cheej ntug nrig li Vw Mooj Sa. Hmoob nyob Sab Xyib huab cua phim tshaj, coob leej hmoob nyob toj roob hauv peg los tej qhov zeb qhov cav.
    Hmoob nyob tej teb chaws ntawd, kuj muaj ntau yam tsim nuj tsim nqe, cej hauv txheej av xeeb txawm av thee, hlau, tooj, thiab Cheej Toob Pej suav hu li Koos hydrargyrumï, tseem muaj Xyaa Xyi suav hu li Chiee, Xyee, Mooj tej yam nto npe lug no nyob hauv txheej av, haj xeeb txawm ntoo ciab ntoo thuv, txhais thiab tej tshuaj suav hu vws pem txis, thiee muaj thc. Qoob loo txawm muaj liaj ia, pob kws, qom liab thc. Tseem muaj ntau yam ntau tsav txiv ntoo, txij xyaa xyi txog kim tsawb txhua txhia lub teb chaws, yog tsoob kuj nto npe lug xws kha si thej lub zam zuag. Tej neeg nyiam tuaj ua si ntau tshaj, tsab cuab kaim ntoo txiv lwg zos, vws yaj huj, faj ceem sa thc twb yog huab cua zoo nkauj kawg nkaws, ho yog hmoob teb hmoob chaw, yuav ceev hais ntxiv hmoob teb hmoob chaw tej kev txwj kev laus uas hmoob tseem nco nraim hauv siab es ua nyiaj siv rau luag pom zoo siab, yog ib hom nrog lwm haiv neeg tsis sib thooj, ua rau luag ntxim siab xyuas, ho yog hmoob teb toj roob hauv hav muaj lub zoo zam zuag phim rawv rau cov hmoob tej zaj nkauj zoo saib, thiab tej caij nyoog lom zem, twb deev tau luag ntuj nraud los lwm haiv neeg ntxim hlub kawg, lawv cov hmoob tseem tsim muaj tej cawv tej taum thiab lwm yam zoo noj zoo haus kuj yog tej yam nto npe.


    Peb haiv Hmoob zaj keeb kwm

    Nyob zoo ib tsoom kwv tij phooj ywg sawv daws !
    Hnub no kuv yuav tham peb haiv Hmoob zaj keeb kwm ntawm lub hauv paus tsov rog txeeb qub teb chaws xyoo 1795-1806 ntu kaum ib, uas yog hais txog ntsuj rog Hmoob thiab Suav sib tua nyob lub nroog Thoob Zeej thiab Xoob Thoj rau nej mloog. Li ntawd, mas thov caw nej sawv daws mloog zaj keeb kwm no tau !

    Kwv tij sawv daws, lub caij uas Vwj Paj Yig thiab Vwj Looj Teeb lawv coj cov tub rog Hmoob sab hnub poob hauv xeev Fuj Naj mus tua txeeb Suav lub nroog Cheej Tsawb thiab nroog Tseem Kab, mas yog thawj ntsug rog uas tua tawm rau sab toob fab, ces ua rau cov tub rog Hmoob uas nyob xeev Kim Tsawb sab toob fab kuj tau txais kev zoo tuaj.

    Txij li Sij Lwg Teem lawv mus tua txeeb tau Suav lub Xyeem Tuam Thaj los, tsoom Hmoob uas nyob ib ncig ntawm Xyeem Sab, Vws Lauj thiab Yeem Cab kuj tau sawv los sib koom tes, ces Sij Lwg Teem ho nqus rog mus muab ntsuj teb chaws sab toob pej ntawm Theeb Xoob Thoj tua tau. Ua rau tsoom Hmoob hauv xeev Kim Tsawb thiab xeev Xim Tshuab mus cuag tau rau cov Hmoob nyob hauv xeev Fuj Naj.
    Txij Sij Xab Pov lawv yeej ntsuj rog nyob Yam Yaws los, nws tau muab nws cov rog faib ua 2 pab, ib pab mus vij tua Suav lub nroog Yoos Xwm, hos lwm pab nias tua mus rau xeev Kim Tsawb, mus loos nrog Sij Lwg Teem cov tub rog.

    Txij li Sij Xeeb Pov tau sawv rog nyob Xwb Moj Tsiam los, nws tau muab nws tsa ua Vaj Hmoob. Tseem hu ua Vaj Hmoob rov tshwm sim. Txij thaum lawv tau muab ntsuj teb chaws toj siab Loj Awm Sab uas nyob sab xib pej ntawm Theeb Foom Huaj tua txeeb tau los, ho rov nqus rog mus txeeb tua Suav lub Fwv Thooj Zeej hauv xeev Kim Tsawb.

    Sij Lwg Teem, Sij Xab Pov thiab Vwj Theeb Pam lawv 3 pab rog no, muaj faib, muaj loos sib pab tua Suav, ua rau lub caij ntawd Cheeb Tshoj cov tseem fwv muaj kev piam loj heev. Tsoom tub rog Hmoob tau txais kev huaj vam sai heev tuaj.
    Thaum lub 2 hlis xiab, lawv txeeb tau suam teb chaws uas nyob rau sab pej fab, yam li txij Xyeem Xyaws Sab hauv xeev Xim Tshuab mus txog lub nroog Yeej Yaj hauv xeev Fuj Pej. Hos sab naj fab, Hmoob tua tau txij lub Fwv Thooj Zeej, sab xib fab tau txij Xib Naj thiab Xyam Xyib. Yuav luag hais tau tias raug tsoom rog Hmoob txeeb tau tas.

    Lub zim txwv ntawd, cov tub rog Suav uas tuaj kav teb chaws Hmoob nyob sab toob fab hauv xeev Kim Tsawb, nrog rau tej tub rog pej xeem Suav feem ntau twb raug Hmoob tua tawg tas. Tshuav tej suam mas khiav tas mus nraim rau ntawm 3 lub yeej rog loj, xws li Theeb Xoob Thoj, Yeej Phaj Xyeem thiab Yeej Tseem Tuam.
    Txij hnub 28 lub 1 hlis mus txog 20 hauv lub 2 hlis, Sij Lwg Teem, Sij Xab Pov thiab Vwj Theeb Pam lawv 3 pab rog tau sib loos ua ke mus pib tua 3 lub hauv paus rog loj uas nyuam qhuav piav los. Pib qhib ntsuj rog uas loj tshaj nyob rau Xoob Thoj thiab Thooj Zeej ua ntej.

    Tus nom Suav Thooj Tsib hu ua Lees Pees thiab tus nom Twb Xib hu ua Xeeb Cheeb Yeej tau poob rau qhib uas raug tsoom tub rog Hmoob tua hnyav, ces khiav mus nkaum rau hauv nroog. Ib ke npaj tiv zov nroog khov kho, hos ib ke tso neeg xa xov rau txhia qib nom loj xws li : Tseem, Thij thiab Txoov Twj, mus pab thov kom huab tais Suav tso rog tuaj cawm.

    Tus nom Xyeej Fus hu ua Fooj Kuab Xyooj uas kav xeev Kim Tsawb txais tau tsab xov tas, nws tau ib ke sau ntawv rau tus nom Txoov Peeb hu ua Tswb Looj A uas kav lub nroog Tseem Yeej, kom Tswb Looj A pab tshuaj qhov teeb meem no, ho ib ke coj tus nom Tsab Cim Xeeb thiab nom Txaj Awm Haj coj rog maub hmo ntuj mus tsuj tua Hmoob.

    Tswb Looj A txais tau lub moo no, nws cia li coj tus nom Yawj Cij Lom thiab tus nom Sawm Pej hu ua Vaj Txoov Yawm lawv cia li coj cov Suav rog maub dub rau zos Tshawm Nos, npaj mus pab lub yeej rog Phaj Sij. Tiam sis pab tub rog Hmoob uas mus tua lub yeej Phaj Sij, tab tom yog Sij Xab Pov pab rog Hmoob Yoos Xwm.
    Txij Sij Xab Pov tau coj rog mus tua Suav sab xib fab hauv xeev Kim Tsawb, tau tua sib law pes daws mus txeeb tau Xyeem Puab Moj, Tshawm Nos, Khaib Ceeb thiab Phaj Tauv, ces lawv cia li ncaj qha mus tua Suav lub hauv paus rog loj nyob Yeej Phaj Sij.

    Lub caij ntawd, Sij Xab Pov txais tau lub moo tias tus nom Txoov Peeb hu ua Tswb Looj A uas kav nroog Tseem Yeej tau coj rog tuaj pab, ces nws siv lub tswv yim uas thaud tua ntsuj rog Yam Yaws, nws tau coj tsoom tub rog Hmoob mus nraim rau ntawm ntsuj teb chaws Pom Muj Sab hauv nrim teb xeev Fuj Naj thiab Kim Tsawb.
    Thaum Tswb Looj A cov tub rog tuaj nkag tas rau hauv roob Pam Muj Sab, tam sim ntawd tsuas hnov nruas tooj nruas hlau nrov ntshu nrooj, phom Hmoob loj me nrov vam voog tuaj. Tsoom tub rog Hmoob dhia dub vog ib ncig los, ces ob tog sib tua tau ib hnub ib hmos, Tswb Looj A lawv swb ces thiaj khiav thim rov. Sij Xab Pov lawv pom tias Tswb Looj A cov tub rog tsis txaus lawv tua, ces siab loj dhau, cia li hu txhia pab rog tshem rov los loos rau hauv yeej.

    Tswb Looj A nrog nws cov rog uas seem tuag thiab rov ntxiv tshiab 400 leej, nrog rau 200 leej rog pej xeem, ces xam huv si nws cov tub rog ntxiv thiab yog 1000 tawm leej, ces txawm tuaj nyiag tua Sij Xab Pov lawv.

    Ntawm Sij Xab Pov lawv mas tsis faj ib qho li, ces cia li sawv nrog luag sib tua, ua rau cov tub rog Hmoob raug mob raug tuag 300 tawm leej. Sij Xab Pov lawv swb, ces cia li khiav tawm. Tswb Looj A uas yog ib tug nom tub rog Suav, lawv thiaj tau kev mus cuag lub Yeej Phaj Sij.

    Lub caij ntawd, Vwj Theeb Pam kuj coj cov rog Hmoob nqes saum roob Laj Awm Sab mus rau sab xib fab naj, hla tus ntsa zeb thaiv ntug nrim mus txeeb tau tej suam teb chaws, xws li : lub Xyeem Khawm Phij, lub Xyeem Naj Nyom, Tim Xuv Pheej, Muas Ceem Thaj thiab mus muab cov zos Suav hauv Xyeem Thooj Zeej, xws li : zos Khuab Tsawb Yeej, zos Cim Pov Yeej, zos Lej Ta Nyaj, thiab ntau ntau lub zos Suav ntxiv tua tawg tag.

    Pab rog Hmoob qhib kev twb tua mus txog nroog Thooj Zeej. Thaum lub 2 hlis xiab 5, cov rog Hmoob hauv xeev Kim Tsawb tuaj txog, ces Vwj Theeb Pam coj nws pab thiab pab Kim Tsawb ua ib ke mus pib tua lub yeej rog Suav Tseem Tuam.

    Lub yeej rog Tseem Tuam, yog tus nom Txoov Peeb hauv Tseem Yeej kav saib, yog ib lub hauv paus rog tseem ceeb uas nyob sab toob fab ntawm lub nroog Thooj Zeej, tsis hais thaum twg twb muaj cov tub rog Suav nyob zov nraim.

    Xyoo 1758, Suav rog pib txhim ntsa zeb los thaiv 4 sab, ces qhib 4 lub qhov rooj loog. Thaum ntxov muaj ib tug nom Xyeem Tsheej kav, tom qab no ho muab hloov rau Xoob Thoj lawm. Hauv lub yeej no tsuas tshuav nom Sawm Pem, nom Cheeb Txoov thiab nom Puav Txoov nyob kav lawm xwb.

    Suav lub yeej rog no, ntsa zeb khov, tsoom tub rog Suav kuj zov zoo, ces Hmoob ceeb laj tua tawg. Lub caij nyoog uas Hmoob tua lub nroog no mas Hmoob siab kub heev. Thaum tab tom tua yuav tau tsis tau ntawd, Tswb Looj A tau coj tsoom tub rog Suav tuaj ntawm Yeej Phaj Sij ceev nrooj tuaj pab. Tiam sis ho raug cov rog Hmoob muab tav tua rau ntawm zos Kuab Tsawb Yeej.

    Lub caij ntawd, Sij Xab Pov ho coj rog tuaj tua lub yeej Phaj Sij, tas ntawd nws tseem coj rog caum tua Tswb Looj A. Tswb Looj A pab rog tsis hais tom ntej los tom qab puav leej raug Hmoob tua hnyav. Ces lawv cia li thim tawm rau sab naj fab mus nrog cov Suav rog ntawm lub yeej Tseem Tuam sib loos, muab lub yeej Tseem Tuam ua chaw nraim cev. Tiam sis thaum Tswb Looj A lawv nkag kiag rau hauv yeej, ces lub yeej twb raug tsoom tub rog Hmoob muab vij tas.

    Yav tsaus ntuj, tsoom rog Hmoob pov hluav taws rau hauv Suav tej yeej, tib pliag lub yeej Tseem Tuam cia li cig lam lug. Suav tej tub rog uas raug kub hnyiab tuag mas ntau heev.

    Raws li daim ntawv uas Suav tus nom Yawj Cij hu ua Theej Chis Looj yog tus uas kav lub yeej rog tom hauv ntej, nws tau sau rau tus nom Cab Seem, mas nws tau piav li no :

    “Tswb Looj A muab lub yeej Tseem Tuam zov tuag nthi, nws tau tso tej tus rog uas paub lus Hmoob, hloov hnav tsoos tsho Hmoob, nyiag kev nkag tawm mus rau nroog Tseem Kab thov tub rog tuaj pab ntxiv. Tiam sis lub caij ntawd, Suav lub hauv paus rog ntawm nroog Tseem Kab twb raug tsoom tub rog Hmoob muab vij tas lawm, lawv twb yuav luag pab tsis tau lawv.”

    Lub 2 hlis xiab 6, Tswb Looj A ho tso xov mus rau tus nom Thij Twb hu ua Pheej Theej Toom, ces tus nom Pheej Theej Toom thiab tus nom Fooj Kuab Xyooj thiaj coj rog tuaj txog zos Fwv Thooj Zeej. Vwj Theeb Pam uas yog Hmoob ib tug thawj coj kuj tau coj tsoom rog Hmoob nres nroos tos. Ob tog sib tua tau 7 hnub 7 hmo saum lub roob Ceeb Nyab Sab. Tsoom rog Hmoob tiv tuag nthi, ua rau Suav txeeb mus tsis tau ib ruam. Tsoom rog Hmoob muab Suav rog caum thim rov qab rau lub nroog Thooj Zeej.

    Daim ntawv uas Pheej Theej Toom tau sau xa rau huab tais Tuam Cheej Looj, mas nws tau piav li no :

    “Thaum lub 2 hlis xiab 3, Fooj Kuab Xyooj mus txog nroog Thooj Zeej, ces cov rog Hmoob niaj hnub tuaj vij nroog thab plaub. Peb tej tub rog tau tso dag tso zog mus tiv tua. Peb me phom loj phom me nrov nqag ntxhias mus ua nws tuag pawg lug.”

    Lub caij uas Tswb Looj A lawv raug vij rau hauv lub yeej Tseem Tuam, mas caij nyoog ntev heev los lawv yeej xa tsis tau ib lub moo tawm li.

    Lub 2 hlis xiab 6 txog xiab 19, huab tais Tuam Cheej Looj tau nug txog Tswb Looj A kev ploj tuag txog 8 zaus, tej yam no pom tias lub caij ntawd rog Hmoob tau tua txhia qhov ceev heev.

    Lub caij Vwj Theeb Pam lawv vij tua lub yeej rog Tseem Tuam thiab nroog Thooj Zeej, mas Sij Lwg Teem, Sij Taim Kawj thiab Sij Mog Mim lawv kuj coj rog mus tua txeeb tau ntau suam teb chaws xws li, txij lub Xyeem rov rau sab naj, dej Xoob Cab rov rau sab ped thiab Yeem Cab, Vus Lauj rov rau sab xib fab. Kuj tseem mus tua lub nroog Xoob Thoj ceev heev thiab.

    Raws li tej kwv huam sau tseg thiab raws li tus nom Suav hu ua Looj Yeem Thij uas kav lub Fwv Thooj Zeej tau tua dua ntsuj rog no, nws tau sau ib phau ntawv piav tseg tias :

    “Rog Hmoob tau hla dhau tus dej Xoob Cab, ces pib tua txeeb zos Faj Thwv Phub, Sij Pav Thab, Pej Luam Thaj, Pam Xyuam Suab Puam, Tshuaj Yeej Ceeb thiab Xyov Huj. Thaum cov zos no raug txeeb tas, ces lub nroog Thooj Zeej kuj raug Hmoob muab vij tau puag ncig. Lub nroog sab toob fab, pej fab thiab xib fab, kuj raug tsoom rog Hmoob txeeb tau.”

    Suav tus nom Twb Xib hu ua Xeev Heeb Yeej tau coj rog ntxeev tua ntau zaus, tiam sis puav leej raug rog Hmoob muab tua tawg rov qab. Suav tiv tsis tau lawm, ces cia li thim, tsoom nom Suav tawm ntawm lub rooj loog sab naj thiab ua siab muab lub tsheej tso tseg, khiav mus nce lub roob Yeej Luj Theej, uas deb lub nroog 2 cais kev ntau, tos cov Suav rog tom qab tuaj pab.

    Lub nroog Yeej Luj Theej ib ncig puav leej yog muaj tej phab tsua tu tob tob thaiv xwb, tsuas muaj tib txog kev mus nto rau saud, tsoom rog Hmoob caum mus tiam sis nce tsis nto, ces cia li nyob ntawm txoj ncauj ke no zov tau ib nrab hli.

    Ntsuj rog tua txeeb nroog Xoob Thoj thiab Thooj Zeej no tau noj hnub nyoog ntev txog 20 tawm hnub. Txog thaum ob tug nom Suav loj hu ua Fwj Khab Nyab thiab Huj Leej coj cov tub rog Suav ntawm 3 lub xeev, xws li xeev Xim Tshuab, xeev Yeej Naj thiab xeev Kim Tsawb tuaj mus pab tua, ces tsoom rog Hmoob mam li tawm thiab tso tej tshav rog no tseg.

    Suav 3 lub yeej rog loj, xws li Theeb Xoob Thoj, Yeej Tseem Tuam thiab Yeej Phaj Sij, mas raws li kwv huam piav tseg, raug tsoom rog Hmoob txeeb tau dua. Tej kwv huam no tseem tau hais tawm ntau yam txuj ci sib tua, tiam sis tej ntaub ntawv keeb kwm Suav tsuas cim tau me ntsis dog dig tseg xwb, xws li tej lo lus tias : “Hmoob muab nroog Xoob Thoj txhav hlawv tas thiab txhav hlawv Yeej Tseem Tuam.”
    Tej lo lus no, yog ib qho tseeb uas ua puav pheej tias rog Hmoob txeeb tau dua Suav tej yeej rog tseem ceeb no. Tiam sis vim muaj ntau yam teeb meem zov tsis tau ces thiaj muab tso tseg.

    Nyob hauv ntsuj rog no, ob tog cov tub rog puav leej raug tuag thiab raug mob ntau heev. Sab Hmoob muaj 40 tawm leej, xws li Yaj Xyeeb Looj, yog ib tug pej xeem Suav, Xeeb Cheeb Yeej, yog ib tug pej xeem Suav. Nws lub npe thooj li Suav tus nom Thwj Xib uas hu ua Xeeb Cheeb Yeej, raug Suav ntes tau tua tas. Dua li yog muaj 300 tawm leej ces tuag tas saum tshav rog.

    Hos sab Suav kuj muaj 100 tawm leej raug Hmoob muab tua tuag tas, xws li Lis Theej Txham, Yaj Sim Ceem, Teeb Txoov Leej thiab Kuj Meej Ves, uas yog cov thawj nom tub rog.

    Dua li ntsuj rog uas Hmoob tua Suav lub nroog Thooj Zeej thiab Xoob Thoj, tseem muaj tej pab rog Hmoob uas tsawg tsawg nrog Suav sib tua nyob rau ntawm tej suam teb chaws, xws li Thooj Zeej thiab Yeem Cab hauv xeev Kim Tsawb. Xyawm Sab, Yawb Yaj hauv xeev Xim Tshuab. Yoos Seem, Pov Ceem, Luj Xyib, Yeej Leej, Tshaj Xyib thiab Maj Yaj hauv xeev Fuj Naj. Lam Foom thiab Hauj Foom hauv xeev Fwj Pej. Tej suam teb chaws no kuj tau sawv nrog Suav sib tua tas huv tib si.

    Yuav luag hais tau tias suam teb chaws Hmoob uas nyob hauv xeev Kim Tsawb, Xim Tshuab, xeev Fuj Naj thiab xeev Fuj Pej raug Hmoob muab txeeb tau tas rov los. Lub caij ntawd, tsoom rog Hmoob huv si muaj 10,000 tawm leej thiab tab tom nce qib txog qhov uas muaj zog tshaj plaws


    Last edited by koojziagkabzaug on 14th September 2011, 4:13 pm; edited 2 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 30th September 2010, 4:58 pm


    Keeb Kwm Hmoob nyob Suav Teb



    Tus sau Povlas :
    October 2nd, 2008


    Nyob zoo ib tsoom kwv tij phooj ywg sawv daws ! Hnub no kuv yuav tham peb haiv Hmoob zaj keeb kwm ntawm lub hauv paus tsov rog txeeb qub teb chaws xyoo 1795-1806 ntu kaum ob, uas yog hais txog ntsuj rog Cheeb Tshoj cov tub rog Suav rov tua Hmoob ua lwj ua liam rau nej mloog.
    Li ntawd, mas thov caw nej sawv daws mloog zaj keeb kwm no tau !
    Lub moo uas Sij Lwg Teem sawv rog nyob rau Tuam Tsiam Yeej tau tshaj mus txog Pej Ceeb. Huab tais Tuam Cheej Looj tau saib tej ntaub ntawv uas xa nram qab mus. Thaum pib, huab tais Suav tsuas xav tias zoo li tej plaub ntug uas Hmoob thiab Suav sib txeeb liaj teb. Ces nws ntaus xov rau tej nom Txoov Twj thiab nom Xyeej Fws uas nyob hauv lub xeev ntawd tias kom muab cov neeg uas tsim kev kub ntxhov ntes mus kaw thiab muab cov neeg Suav uas mus tsim kev kub ntxhov ntes coj mus rau txim kom hnyav, ua lub chaw qhuab qhia rau sawv daws ces hauj lwm yeej tiav xwb. Tiam sis huab tais ho xav tias, vim li cas ho tsis tau txais tej moo los ntaub ntawv uas hais txog tej teeb meem no ntawm tej nom me uas nws xa mus kav.
    Vim li cas lawv thiaj tso tej neeg Suav mus tsuj Hmoob ua tawm kev kub ntxhov puas tsuaj rau lub teb lub chaw ? Yog tej hauj lwm no twb tsis muab siab rau ua no yuav ua li cas thiaj tau txais kev thaj yeeb ?
    Ces huab tais Suav thiaj txiav ib txog cai nqes mus kom sawv daws siv, xws li tsis hais pej xeem Hmoob, Suav los yog tej nom tswv, yog leej twg txhaum kev cai mas yuav raug ntaus pob tw 300 nplawm.
    Tsis tas li no, huab tais tseem tso ib tug nom ntawm nws xub ntiag nqes mus tshuaj qhov plaub ntug no ntawm txhia tus nom uas tau mus kav Hmoob, xws li cov nom uas kav cov Tsawb, cov Xyeem, Fwv, Tom, Xib, Twj thiab Fws.
    Tus nom ntawd mus muab cov xwm no tshuaj meej tas, ces ua ntawv xa rov rau huab tais paub, kom lawv nyob tos mloog huab tais tej lus qhuab lawv. Tiam sis huab tais daim ntawv no twb tsis tau mus txog, ces tej nom loj nom me uas kav teb chaws Hmoob tej ntaub ntawv mas xa ua sib laub sib lug tuaj rau huab tais.
    Huab tais los laus lawm, ces ua rau nws tau txais kev ntxhov siab loj. Thaum nws paub meej tias Cheeb Tsawb poob rau hauv Hmoob tes, tsis hais lub nroog Yoos Xwm, Pov Ceem, Xoob Thoj, Luj Xyib, Maj Yaj, Xyawm Sab, Tseem Kab, Yoos Seem thiab Thooj Zeej, tas nrho tej nroog loj nroog me, tsis raug Hmoob vij txawm raug hlawv txhav.
    Tseem ceeb yog tus nom Txoov Peeb hu ua Meej Nyab Thwj tau raug Hmoob tua tuag nyob hauv ntsuj rog Yam Yaw thiab tus nom Tswb Looj A raug vij nyob hauv Yeej Tseem Tuam, ua rau huab tais noj tsis qab pw tsis tsaug. Tas tej nom loj nom me twb puav leej ntshai.
    Lub caij ntawd huab tais Suav kuj ua tsis tau lub ntsej muag uas siab loj siab tus, muab nws lub siab dag tias yuav hlub tsoom pej xeem tso plhuav tseg, nws pib siv lub siab ntais ntuj, nws txiav siab tsis rau txim rau tej tib neeg Suav thiab tej nom Suav uas nyob teb chaws Hmoob. Huab tais rov xa dua ib txog cai tshiab nqes mus rau tej nom nyob teb chaws Hmoob hais tias : “Yuav tsum nqus rog kom coob, li muaj peev xwm muab Hmoob ntes ib zaug kom tas.”
    Huab tais nqus tas nrho cov tub rog Suav hauv 7 lub xeev thiab tseem cog lus tias yuav muab Hmoob ua kom tu noob.
    Thaum lub 3 hlis xiab 6, yog hnub huab tais kav teb chaws puv 60 xyoo nkaus. Nws tau sau ib daim ntawv li no : “Yav tas los kuv tau txais Luj Ceeb Fwm daim ntawv piav txog cov plaub ntug no, kuv xav tias tsuas yog Hmoob thiab Suav li kev sib rob caub xwb, tsis tas yuav muab los saib hlob. Tiam sis nyem no tau txais cov nom Thij Twb tej ntawv, ua cas yog tsoom Hmoob phem sawv ntxeev siab thiab muaj peev xwm txhav nroog tua nom. Nej yuav tsum muab siab rau mus tsuj tua kom tiaj tus, cia ua ib qho piv txwv qhia cov neeg phem thiab txuag lub hwj chim ntawm peb lub Kuj Cuab cia.”
    Tiam sis huab tais ho xav txog ntau yam li no : “Tsam Hmoob xub paub peb tus txheej txheem cheb ntxuav no ua ntej, ces lawv yuav pib tua yam tsis yuav siav. Tej lus no tsuas pub xa txog rau cov nom qib siab xwb. Thaum cov tub rog nqes mus tua, tej lo lus no txhob pub hais tawm rau Hmoob paub.”
    Huab tais Tuam Cheej Looj nqus cov tub rog ntawm 7 lub xeev thiab faib ua 2 qib txheej txheem tuaj mus tua Hmoob, xws li no :
    Qib txheej txheem ib :
    Huab tais hais kom cov nom tub rog ntawm 3 lub xeev, xws li xeev Xim Tshuab, Kim Tsawb, Fuj Naj kom lawv coj tub rog mus zov tej qhov chaw tseem ceeb puag ncig uas yog suam teb chaws Hmoob nyob. Xub tav kom ntsuj rog no txhob nthuav dav tawm tuaj.
    Li no ces kom tus nom Xyeej Fus hu ua Cab Seem hauv xeev Fuj Naj, yog thawj tus uas xub tuaj mus txog nroog Seej Tsawb, nws xa cov tub rog Suav mus zov ntawm ib ncig zos Yeej Leej thiab Luj Xyib. Hos tus nom Xyeej Fus hu ua Fooj Kuab Xyooj tau sawv kev mus txog nroog Thooj Zeej thiab mus ua tus nrhiav npaj cuab yeej tua rog.
    Tus nom Xyeej Fus hu ua Xeeb Thwv Yim uas kav lub xeev Xim Tshuab, kom coj cov tub rog Suav mus zov lub Roob Xyawm Sab thiab ua cov pab thaiv tom qab thiab saib fab kev noj haus rau cov rog Xim Tshuab. Thawj qib hauj lwm no, yog npaj muab cov ncauj ke thiab teb chaws Hmoob vij kom thoob, txiav kev kom tu, ces tau ob qho hauj lwm lawm, xws li :
    Qhov ib : Tav kom ntsuj rog no tsis txhob nthuav dav tawm mus.
    Qhov ob : Tav kom tas txhia tsav txhia yam toob xib Hmoob txhob tau siv. Qhov tseem ceeb yog txhob pub ntsev noj mus poob rau hauv Hmoob teb chaws, kom Hmoob poob rau hauv qib uas tsis tua los nws cia li txawj ntxhov nws, ces peb cov Suav cia li khaws xyeem.
    Qib txheej txheem ob :
    Yog huab tais nqus cov tub rog Suav ntawm 7 lub xeev, xws li cov tub rog Chij Peeb thiab cov tub rog Luj Yeej Peeb tuaj tsuj tua teb chaws Hmoob.
    Tuam Cheej Looj tau tso tus nom Txoov Thwj hu ua Fuj Khab Nyab, uas tswj cov rog hauv xeev Yeej Naj thiab xeev Kim Tsawb, ua tus tuam thawj tub rog coj cov rog hauv 7 lub xeev tuaj mus tua Hmoob.
    Yav dhau los tus nom Fuj Khab Nyab no twb tau mus txeeb tua tau lub pov txwv Thais Vas peb zaug los lawm. Tseem tau mus tua dua Ceeb Tshuab thiab Xeev Xeev Cab. Nws yog ib tug nom loj uas muaj koob meej thiab muaj peev xwm nyob lub caij Tuam Cheej Looj ua huab tais.
    Huab tais Tuam Cheej Looj daim ntawv xa rau cov thawj pwm tsav fab tsov rog, nws tau qhuas txog Fuj Khab Nyab tias :
    “Fuj Khab Nyab tau nrog kuv ua ke ntau zaus, nws ua dab tsi twb yog dab tsi. Qhov hauj lwm tua Hmoob no cia Fuj Khab Nyab mus ua. Nws thiaj thoob tsib to nrog txog tej no. Teb chaws thiaj yuav rov tau txais thaj yeeb sai.”
    Hos kom tus nom Txoov Twj hu ua Huj leej uas kav xeev Xim Tshuab ua tus lwm thawj tub rog. Lub caij ntawd, Huj Leej yog tus nom thawj tub kav xwm ntawm huab tais xub ntiag tus kwv.
    Huj Leej yog ib tug neeg paub ntaub ntawv, taw tes siab, peev xwm loj thiab tswv yim zoo. Yog huab tais ib tug nom tswv uas txawj kav teb chaws thiab txawj coj tub rog. Hos kom ob tus nom zov huab tais rooj loog uas hu ua Awj Lawj Teeb Pov thiab Tawj Lawj Thaim nrog Huj Leej mus ua hauj lwm.
    Dua no ho kom tus nom Txoov Twj hu ua Pij Yeej thiab tus nom Txoov Twj Fuj Leej uas kav cov tub rog hauv xeev Fuj Naj thiab xeev Kav Xyib, coj cov thawj nom, xws li tus nom hu ua Pheej Theej Toom, tus nom Huab Leej Pum Zong uas kav lub Tseem Nyab Looj hauv xeev Yeej Naj, tus nom Tswb Looj A uas kav lub Tseem Yeej hauv xeev Kim Tsawb, tus nom Muj Khawj Tee A uas kav cov tub rog Xim Tshuab, tus nom Yeej Kuj Huaj uas kav lub Tseem Tshooj, tus nom Luj Ceeb Fwm uas kav cov rog nyob xeev Fuj Naj, tus nom Xub Leej uas kav lub Tseem Yoos Tsawb, tus nom Tsab Theej Yeej uas kav lub Tseem Yim Tshab thiab kav rog hauv xeev Fuj Pej, tus thawj nom Cab Ceeb Koob Xeeb Tsom uas kav Ceeb Tsawb thiab tus thawj nom Cab Ceeb Kuab Tsheej uas kav cov tub rog hauv xeev Xim Tshuab.
    Tas nrho cov thawj nom no sib koom coj tub rog huv si hauv 7 lub xeev xws li : xeev Yeej Naj, xeev Kim Tsawb, xeev Xim Tshuab, xeev Fuj Naj, xeev Fuj Pej, xeev Kav Toob thiab xeev Kav Xyib tuaj mus tua Hmoob.
    Tas nrho pab rog no muaj 180,000 leej thiab muab faib ua 3 pab tuaj tua Hmoob, xws li pab ib yog tuaj toob fab tuaj, pab ob yog tuaj xib fab thiab pab peb yog tuaj pej fab tuaj mus ntxuav tua Hmoob.
    Lub 2 hlis tim 14, tus nom Fuj Khab Nyab coj nws pab rog tuaj mus txog rau lub nroog Thooj Zeej hauv xeev Kim Tawb, nws tua cov tub rog Hmoob uas nyob xib naj fab hnyav heev.
    Thaum lub 2 hlis tim 27, Huj Leej pab rog tuaj txog lub Xyeem Xyawm Sab hauv xeev Xim Tshuab. Pib tua Hmoob ntawm sab xib fab pej tuaj. Tib lub caij ntawd tus nom Txoov Twj Fwj Leej uas kav rog hauv xeev Fuj Naj, xeev Kav Xyib thiab tus nom Thij Twb hu ua Luj Ceeb Fwm sib law pes daws tuaj txog nroog Tseem Kab.
    Lub 2 hlis ntuj tim 20, tus nom Tawj Lawj Thaim sawv Pej Ceeb nqes tuaj. Hnub tim 30 nws tuaj txog lub Xyeem Xeeb Yis hauv xeev Huj Naj thiab tawm tuaj rau nroog Tseem Kab hauv xeev Fuj Naj.
    Hua tais Suav peb tug nom no coj rog pib tua Hmoob txij sab toob fab naj tuaj. Txawm tias huab tais nqus tas cov tub rog ntawm 7 lub xeev tuaj tua Hmoob, tsis kav lawv kuj raug Hmoob muab lawv tua sab kawg nkaus.
    Cov tuam thawj tub rog Suav tseem txhawj qees tias tab yog tub rog coob npaum li cas los yeej tsis txaus siv, ces rov thov rau huab tais kom tso tub rog tuaj pab ntxiv. Ua rau huab tais Tuam Cheej Looj hnub nyoog 80 tawm xyoo no teb twb teb tsis yeej ntawv, xyu tsheej zag, co hau nto, npuaj tes ntaug taw, tsis pom qab yuav ua li cas.
    Tus nom Thij Twb hu ua Luj Ceeb Fwm daim ntawv thov ntxiv tub rog, vim thaum nws coj rog tuaj txog nroog Tseem Kab, ces raug Hmoob tua piam loj heev. Nws sau ntawv rau huab tais tias : “Daim ntawv yog kuv sau thaum lub 1 hlis tim 25, sij hawm yuav luag tsaus ntuj. Hnub no kuv coj rog tuaj txog ntawm no, ntaus nqis txog txhia qhov hauj lwm li mus ua. Thaum lub 2 hlis xiab 2, hnub yuav poob qho, peb mus txog Tseem Kab, lub caij ntawd peb raug cov rog Hmoob vij tas. Yog koj tsis tso rog tuaj pab ntxiv, ces peb hauj lwm tsis tiav.”
    Tsis tas li Luj Ceeb Fwm tseem hais ntxiv rau huab tais tias : “Kuv xav thov 4,000 tus rog ntxiv thiab xav kom lawv tuaj pab sai sai.”
    Huab tais Tuam Cheej Looj kav ntuj xyoo 60, thaum lub 2 hlis tim 13. Tuam Cheej Looj txais tau daim ntawv no, nws saib tas, ces xyu hlob xyu yau, nkaus cwj mem teb tias : “Paub tas lawm, kuv tso rog tuaj nyem no.”


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 30th September 2010, 5:02 pm



    Povlas : Nyob zoo ib tsoom kwv tij phooj ywg sawv daws ! Hnub no kuv yuav tham peb haiv Hmoob zaj keeb kwm ntawm lub hauv paus tsov rog txeeb qub teb chaws xyoo 1795-1806 ntu kaum plaub, uas yog hais txog Vwj Paj Yig tua nroog Tseem Kab zaum ob rau nej mloog. Li ntawd, mas thov caw nej sawv daws mloog zaj keeb kwm no tau !

    Kwv tij, txij li huab tais Suav tus uas lub npe hu ua Tuam Cheej Looj tau nqus rog ntawm 7 lub xeev tuaj tua Hmoob, ces ua rau tsoom Hmoob npau taws dua qub. Hmoob thiaj tau siv Hmoob zaj tswv yim txuj ci tua rog uas yus tus swm teb swm chaw los tua nrog cov tub rog Suav. Ua rau Suav tau txais kev piam tseem loj heev thiab tsis kav txav mus ib ruam rau qhov twg.

    Lub caij ntawd, Hmoob thiab Suav zoo nkaus li ob tug nyuj uas nrau tsis txav chaw, ces pab tub rog Hmoob toob fab uas yog Vwj Paj Yig ua tus coj thiaj tau rov mus vij tua Suav lub nroog Tseem Kab ua zaum ob.

    Huab tais Cheeb Tshoj kav ntuj xyoo 60 thaum lub 2 hlis ntuj xiab 2, tus nom Suav Thij Twb hu ua Luj Ceeb Fwm uas kav cov tub rog Suav hauv xeev Fuj Naj tau txais huab tais lub kheev, kom coj 2,000 tawm leej tub rog Suav tuaj cawm Suav lub nroog Tseem Kab. Thaum uas cov tub rog no tuaj txog thiab lawv tab tom npaj yuav mus tua cov zos Hmoob nyob ib ncig ntawm nroog Tseem Kab, kom lub nroog Tseem Kab dim ntawm Hmoob txhais tes. Cov tub rog Suav tau npaj li no ntau zaus, tiam sis zaum twg twb raug Hmoob muab tua swb.

    Zaum no Luj Ceeb Fwm kuj xav tias ntshai nws cov tub rog kuj yuav tsis txaus siv, ces rov thov huab tais kom pub 4,000 tus tub rog ntxiv rau nws. Twb txog lub 2 hlis ntuj nrab hli ces pab rog no thiaj tuaj txog.
    Tib lub caij ntawd, tus nom Txoov Twj hu ua Fuj Leej uas saib cov tub rog Suav hauv xeev Fuj Naj thiab xeev Kav Xyib, kuj coj 6,000 tus tub rog Suav tuaj txog ntawm nroog Tseem Kab. Thaum ntawd nroog Tseem Kab muaj tub rog txog 20,000 tawm leej lawm, ces tus nom Fuj Leej thiab Luj Ceeb Fwm nkawd xav tias nkawd muaj tub rog ntau nyob hauv xib teg, ces nkawd tuaj cheb ntxuav tua tej zos Hmoob nyob ib ncig ntug Tseem Kab ywj siab ywj ntsws thiab ho xav muab teb chaws Hmoob rhuav kev tsov rog kom thoob.

    Tej zos Hmoob uas raug lawv tuaj cheb ntxuav dua, mas Hmoob tuag sib tsub sib nias, tej cuab yeej cuab tam raug Suav txhav tas. Tej kev txom nyem no ua rau tsoom Hmoob nyiaj tsis taus li. Tsoom Hmoob hauv lub Theeb Foom Huaj ib ncig tau thov kom Vwj Paj Yig coj rog mus pab tua Suav.


    Lub caij ntawd, Vwj Paj Yig tseem tab tom coj cov rog Hmoob ntawm Theeb Foom Huaj thiab Theeb Cheej Tsawb mus txeeb tej suam teb chaws uas nyob sab toob fab thiab pej fab, xws li Lwj Xyib, Phum Sim thiab Pov Ceem. Nws nyuam qhuav coj cov rog Hmoob no los so tsis tau pes tsawg hnub, txawm txais tau lub moo no, ces chim siab heev, xav zoj tom ntej ntshai Hmoob yuav raug teeb meem loj.

    Li ntawd, Vwj Paj Yig thiaj hu cov thawj rog Hmoob tuaj sib koom sab laj. Sab laj tas ces sawv daws pom tias yuav zov khov kho lub nroog Cheej Tsawb, uas yog Hmoob lub hauv paus rog loj.

    Thaum npaj zov qhov no tas, ces lawv thiaj sib loos cov tub rog Hmoob hauv Theeb Foom Huaj thiab Theeb Cheej Tsawb ua ib pab rog Hmoob loj mus txeeb tua Suav lub nroog Tseem Kab ua zaum ob.Ntsuj rog no Hmoob tau hloov lub tswv yim thiab txheej txheem kev sib tua kom txawv thawj ntsug. Cov tub rog Hmoob muab faib ua 3 pab xws li no :

    Pab ib : Pib sawv kev ntawm tus ntsa zeb nrim teb mus rau xib fab, hla Nuj Nyaj, Thaj Cab mus txog Tshaj Yim Som thiab hla dej npaj tua sab xib fab ntawm ntug Tseem Kab.

    Pab ob : Pib sawv taw ntawm tus ntsa zeb nrim teb mus tawm Faj Thwv Nyom thiab Ceem Cab Yeej, ces nqes ntawm Lej Txhov Phub mus tua sab pej fab ntawm nroog Tseem Kab.

    Pab peb : Nyiag kev tawm rau tus ntsa zeb sab nraud, mus tawm rau tus ntsa zeb sab toob fab, mus txog rau cov zos Suav Tuam Yeej Tshoob, Muj Cab Pheej thiab zos Xyib Khawv, ces ho tig cov tub rog los rau ntawm zos Thaj Cuab Tsiam thiab Lwj Tij Nyom mus tua nroog Tseem Kab sab toob fab.

    Peb pab rog Hmoob no muaj lub siab tawv qhawv, tua txog twg yeej txog twg. Lawv xub muab tej zos me uas nyob ib ncig ntawm nroog Tseem Kab tua txeeb tau tas thiab muab Suav tej kev tawm mus los txiav tu ti si. Xub muab Suav rog vij tau, tiam sis tsis tau tua. Ua kom cov neeg hauv nroog tshaib tas puas tsav yam, ces tab yog tsis tua mas hauv nroog yeej yuav tsum ntxhov xwb.

    Lub caij ntawd lawv ho tso ib tug Hmoob lub npe hu ua Looj Los Mas, nyiag kev ua twb ywm coj Haj Tsoob Leej, Yaj Tshab Tawj thiab Yaj Seem Thaim mus ntxias dag tias lawv yog neeg Suav, ces cia li khiav mus zwm nrog Suav.

    Thaum mus nrog Suav nyob ces mus muab Suav tej phom loj ua puas, ua txuj ua hluav taws kub Suav tej yeej rog. Ua kom tsoom Suav rog muaj kev kub ntxhov. Thaum txhia qhov npaj tiav tas ces tsuas tos mus tua xwb.

    Luj Ceeb Fwm pom tsoom rog Hmoob tuaj tua nroog Tseem Kab, ces nws txawm coj ib co nom coob leej nrog rau 800 leej tub rog Suav ua ke tuaj tua Hmoob. Luj Ceeb Fwm yog thawj pab rog Suav uas nrog Hmoob sib tua, hos kom tus nom Fwm Cam hu ua Tsom Yim Heej thiab tus nom Saws Pem Luj Zwm coj ib pab rog Suav mus tua sab toob fab. Hos kom tus nom Twb Xib hu ua Tsab Yij thiab tus nom Txhooj Tuam Tem nyiag kev coj ib pab rog Suav lug kev tuaj tua Hmoob tom qub qab.

    Ces Hmoob thiab Suav sib tua ib ntsug rog loj nyob Pheej Loj. Yog pib sib tua thaum 10 teev nruab hnub txog hnub qab thaum 10 teev nruab hnub. Lub caij ntawd cov rog Hmoob tom qab ho tuaj coob coob ua tsaus nti ib tog tuaj pab, ces Suav tus nom Luj Ceeb Fwm kom 50 leej tub rog Suav ntawm Seej Tsawb kwv ob rab phom loj mus pab. Tiam sis tej tub rog Hmoob khom tej toj roob hauv pes ib pliag nraim ib pliag tawm. Ua rau Suav tej phom loj siv tsis tau qab hau.

    Lub caij ntawd Suav ho ntshai tias tsam lub nroog Tseem Kab raug Hmoob rov mus txeeb, ces lawv cia li thim tas rov rau hauv nroog. Ntsuj rog no ob tog puav leej tau txais kev piam sij loj. Cov Suav rog tau raug tuag thiab kom huab tais pab them nqi taub hau huv si muaj 100 tawm leej.

    Hos cov tub rog Hmoob uas raug tuag thiab Suav muab txiav taub hau mus lawm muaj 8 leej. Cov taub hau Hmoob no Suav rog muab coj mus dai rau ntawm lub rooj loog loj sab pej fab cia khav qhuas rau tsoom pej xeem Suav hauv lub nroog Tseem Kab. Dua no rog Hmoob li 3 tus txiv nees tua tsam thiab 30 tawm tus ntaiv xyoob nce ntsa tsheej kuj raug Suav txhav tau.

    Thaum huab tais Tuam Cheej Looj tau txais thiab saib daim ntawv piav txog ntsuj rog no tas, ces lub 2 hlis ntuj xiab 20, nws tau teb ib tsab ntawv rau cov nom me uas tua Hmoob tias :

    “Kuv txais tau Luj Ceeb Fwm daim ntawv piav txog qhov txeeb tau 30 tawm tus ntaiv nrog rau cuab yeej ua rog ntau yam ntawm tsoom tub rog Hmoob. Tej ntaiv no tsis yog ib ob hnub xwb txawm yuav tsim tau. Nej nyuam qhuav tua thawj ntsug xwb, cia li txeeb tau ntaiv thiab lwm yam cuab yeej ua rog ntau npaum no, yuav tsum yog Hmoob npaj tau ob peb xyoos sib law los lawm.”

    Lub 2 hlis ntxaib nra, Hmoob txoj kev npaj vij tua nroog Tseem Kab tiav tas. Suav cov thawj nom coj rog, xws li tus nom Txoov Twj Fwj Leej uas kav cov tub rog hauv 2 lub xeev, yam li xeev Fuj Naj thiab Kav Xyib. Tus nom Thij Tub hu ua Luj Ceeb Fwm uas kav Fuj Naj thiab tus nom Txoov Peeb Xwb Leej uas kav lub Tseem Yoos Tsawb, lawv cov nom Suav no tau coj tsoom rog Suav tawm ntau zaus tuaj nrog Hmoob sib tua, tiam sis puav leej swb tas.

    Suav cov tub rog 20,000 tawm leej tsuas lam zov nroog Tseem Kab thiab nrog rau cov nroog ib ncig xwb, lawv yeej tawm tsis tau mus qhov twg, zaub mov noj los kuj tas nrho. Tej Suav rog thiab pej xeem mas tshaib plab ua ntxhov pes hnyo. Hos tsoom rog Hmoob ces twb muab lub nroog vij tau ntev lawm, tiam sis pheej tsis tua. Ntawm lub nroog ib ncig mas rog Hmoob twb niaj hnub kawm caij nees tua rog.
    Txog thaum no, Vwj Paj Yig pom tias tua nyog tau lub nroog lawm. Nws thiaj kheev cov rog Hmoob mus tua nroog Tseem Kab zaum ob. Ntsuj rog vij tua lub nroog Tseem Kab no mas phau ntawv Feng Huang Ting Zhi tau muaj ib nqe lus piav tseg li no tias :

    “Hmoob niaj hnub tuaj tua nroog Tseem Kab (Zheng Gang), muaj tej txhia nqa ntaiv tuaj nce ntsa tsheej, muaj tej txhia tua pob hluav taws tuaj rau hauv lub tsheej, kuj muaj tej txhia nyiag ua luam dej hauv qab thu dej tuaj tshwm hauv tsheej, tej tub rog Suav zov nroog tau zov ntev hli los lawm, tsis tau pw mas tsaug zog heev. Cov pej xeem Suav nplua nuj hauv lub nroog kuj niaj hmo ua kua dis nqa mus pub rau cov Suav rog noj.”

    Tej tau piav los no, ntaus nqi tau tias ntsuj rog uas Hmoob mus tua nroog Tseem Kab no, tua tau ceev thiab zoo tshaj.

    Raws li lub teeb meem piav los no, Vwj Paj Yig lawv yeej yuav txeeb tau nroog Tseem Kab xwb xwb, tiam sis hauj lwm ho ua tsis tau raws li lub siab xav. Vim lub caij ntawd Sij Lwg Teem pab tub rog nyob xeev Kim Tsawb toob fab kuj raug Suav tua ceev heev. Hos Sij Xab Pov thiab Vwj Theeb Pam lawv kuj muab Cheej Toob uas yog xeev Kim Tsawb sab toob fab tso tseg khiav tawm.

    Ob tug nom Suav Fuj Khab Nyab thiab Huj Leej nkawd tau muab Cheej Toob cheb ntxuav tas. Ntsia zoo li nkawd yuav tuaj tua cov Hmoob nyob xeev Fuj Naj. Hos ntawm nrim teb xeev Fuj Naj tau tshwm teeb meem ceev heev, yam li Sij Lwg Teem, Sij Xab Pov thiab Vwj Theeb Pam kuj tau xa xov ntau zaus rau Vwj Paj Yig kom coj rog mus pab lawv. Vim kev sib pab tua lub teb chaws, ces Vwj Paj Yig thiaj tso nws ob tug tub, yam li yog Vwj Theej Lis thiab Vwj Theej Yim coj ib pab tub rog Hmoob mus pab lawv.

    Cov hauj lwm no mas thaum Vwj Theej Yim raug Suav ntes tau, nws tau lees li no : “Wb ob kwv tij tau nrog dua Sij Xab Pov tua hlawv lub yeej Yam Yaw, wb kuj tau nrog dua Suav rog sib tua ntawm lub yeej Tseem Tuam, yeej Phaj Thauj thiab lub yeej Laj Txhov Pheej.”

    Lo lus tias : “Kuj tau, txawm yog piav txog thaud nkawd ob kwv tij tau mus pab tua Cheej Toob ntag.”
    Vim qhov tau faib ib nrab rog Hmoob mus pab tua Cheej Toob lawm, ces Vwj Paj Yig thiaj tau muab lub tswv yim tua nroog Tseem Kab so tseg. Tiam sis nws tseem tseg ib co tub rog vij rawv nroog Tseem Kab cia. Cov rog Hmoob uas raug tseg cia rau lub luag hauj lwm, yog faj kom tus nom Suav Huj Leej thiab Luj Ceeb Fwm txhob tuaj tua cov zos Hmoob ib ncig ntawm nroog Tseem Kab.

    Lub caij uas Hmoob tab tom npaj tshem rog no, tus nom Suav Fuj Leej ho coj rog tawm hauv nroog tuaj nrog Hmoob sib tua. Ntsuj rog uas sib tua ntawm Xyis Chuj Phub, Fuj Leej tau yeej Hmoob lawm. Tiam sis thaum Suav rog ho mus tua zos Vim Cuab Tsuab, tam sim no yog lub zos Wang Jia Zhai, tsuas hnov nruas tooj nruas hlau thiab suab nruas kub twg nrov doog diaj tuaj. Ces muaj ntau txhiab leej tub rog Hmoob dhia saum roob los txiav tu nrho Suav rog hauv plawv. Hem ua tus nom Suav Fuj Leej lawv muab chij thiab ntaj hmuv pov tseg tas, tso tes khiav rov tom nroog. Cov tub rog Hmoob kuj tsis caum qab. Lawv cia li thim ntawm lub zos Vim Cuab Tsuab rov mus nyob puav ib ncig.

    Thaum tus nom Suav hu ua Fuj Leej lawv khiav mus txog hauv nroog Tseem Kab, ces 10 tawm lub pob ntseg Hmoob uas lawv hlais saum tshav rog thiab muab qhwv tib zoo. Lub caij ntawd, Suav rog Cheeb Tshoj tua tuag yeeb ncuab tsawg leej, mas yuav tsum hlais sab pob ntseg laug nqa los ua puav pheej thiab ho sau ib daim ntawv nrog xa mus rau huab tais ua plhu.

    Thaum huab tais Tuam Cheej Looj saib tus nom Fuj Leej daim ntawv tas, tau pom ib qho qiag. Huab tais tau sau ib tsab ntawv teb cem Fuj Leej li no tias : “Tus nom no tsuas coj rog mus tua tau kaum ntau leej tub sab xwb, tsawg tas npaum no. Kuv pom tias nej 100 leej nyuam qhuav tua tau 1 leeg xwb. Tus nom no yeej tsis muaj peev xwm. Cas yuav muaj plhus khav tias nim tua ua khov kho no ? Kuv saib nws daim ntawv txog qhov no, kuv twb pab nws txaj muag tas. Tsis paub tias nws yog plhu dev los plhu tib neeg !”

    Kwv tij sawv daws, hnub no kuv tsuas tham zaj keeb kwm tsov rog uas thaud tus thawj coj Hmoob hu ua Vwj Paj Yig coj tsoom tub rog Hmoob mus tua Suav lub nroog Tseem Kab zaum ob los tso tseg li no xwb. Lwm lub lis piam kuv mam rov tham txuas ntxiv qhov no rau nej mloog.

    Hnub no kuv tuaj ntsib nej li no xwb, tag kis peb mam rov sib ntsib dua, sawv daws nyob zoo !


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 30th September 2010, 5:05 pm



    on October 25th, 2008

    บทความโดย คุณ Povlas

    Nyob zoo ib tsoom kwv tij phooj ywg sawv daws ! Hnub no kuv yuav tham peb haiv Hmoob zaj keeb kwm ntawm lub hauv paus tsov rog txeeb qub teb chaws xyoo 1795-1806 ntu kaum tsib, uas yog hais txog Sij Xab Pov nrog Luj Ceeb Fwm sib tua rau nej mloog.

    Li ntawd, mas thov caw nej sawv daws mloog zaj keeb kwm no tau !

    Kwv tij, lub caij Tuam Cheej Looj kav teb chaws xyoo 60 thaum lub 3 hlis ntuj, Fuj Khab Nyab thiab Fuj Leej uas yog huab tais Suav ob tug thawj tub rog, nkawd coj rog tuaj tua cheb ntxuav cov rog Hmoob nyob Cheej Toob thiab Tshuab Toob tas los, ces nkawd ho tig loo rov tua tsoom Hmoob uas nyob xeev Fuj Naj. Cov tub rog Hmoob uas nyob Theeb Yoos Xwm yog cov xub raug tua ua ntej.

    Lub caij ntawd Suav tus nom Txoov Twj hu ua Pij Yeej tuaj ua tus thawj tswj tsov rog nyob txhia qhov hauv nroog Cheej Tsawb. Tus nom Txoov Twj hu ua Fuj Leej thiab nom Thij Twb Luj Ceeb Fwm raug tsoom tub rog Hmoob muab vij rau hauv nroog Tseem Kab, ces tawm tsis tau mus qhov twg. Fuj Khab Nyab thiaj nyiag kev mus ntsib Fuj Leej. Kom Luj Ceeb Fwm coj nws pab rog mus tua Hmoob Yoos Xwm.

    Luj Ceeb Fwm txais tau xov, ces nws xav tswv yim tias txoj kev mus txog Theeb Foom Huaj thiab Theeb Cheeb Tsawb raug txiav tas, txoj kev mus Lwj Xyib ntshe yuav mus tsis tau, ces nws coj 800 leej ua twj ywm tawm nraum nroog nyiag kev zos tawm rau Seej Tsawb. Ho pib ntawm Yoos Tsawb sab pej mus tawm rau Yoos Teem thiab ho hloov kev mus rau Fwv Yoos Seem thim rov nqis taug. Mus sib loos nrog tus nom Txoov Peeb hu ua Tsab Theej Yeej hauv xeev Fuj Pej, ces pib tua tsoom Hmoob uas nyob Theeb Yoos Xwm sab pej fab.
    Lub sij hawm ntawd cov Hmoob nyob pej fab sab Yoos Xwm yog raug ob tug nom Suav hu ua Luj Ceeb Fwm thiab Tsab Theej Yeej nkawd tuaj tua. Hos sab xib fab muaj Huj Leej, Muj Khawj Tee A thiab Yeej Kuj Faj tua tuaj. Sab naj fab muaj Fuj Khab Nyab, Awj Lawj Teeb, Tawj Lawj Thaim thiab Huab Leej Pwm, ces tsoom rog Hmoob uas nyob Theeb Yoos Xwm raug Suav muab puav vij tas.

    Txoj kev uas raug 3 pab yeeb ncuab tuaj vij puav tua no, Sij Xab Pov kuj tsis ntshai hlo li, tseem khov kho li qub. Txoj kev sib pab ntawm ob kwv tij xws li Vwj Theej Lis thiab Sij Lwg Teem lawv ua cov pab coj cov rog Hmoob nyob Theeb Yoos Xwm mus nrog Suav sib tua mas sawv daws tau txais kev khwv tas nrho.

    Yav thaud, txij ntsuj rog Yam Yaw tas los, tsoom rog Hmoob Yoos Xwm txawm nqa huab tais Hmoob Sij Xab Pov daim chij mus tua nroog Yoos Xwm. Xub tua zos Luj Thuaj, uas tam sim no yog zos Hua Heng Xian, Long Tang Xiang thiab tua zos Huab Yeej tawg. Cov rog Hmoob Pov Ceem thiab Vwj Paj Yig pab rog Hmoob uas mus tua sab toob fab, tau yeej rog rov los. Pab rog no mus ib feem ntau loos rau pab rog Hmoob Pov Ceem, ces lawv ua ke mus tua Fwv Yoos Xwm.
    Lub caij uas Sij Xab Pov mus tua Xyeem Puab Moj, Laj Txhov Pheej thiab Yeej Phaj Siv, cov rog Hmoob Yoos Xwm ho pib tua ceev heev txiav mus rau sab xib fab txog rau zos Tshuab Toom, mus cuag rau cov rog Hmoob Xyeem Xyawm Sab hauv xeev Xim Tshuab, mus tua Suav tus nom Txoov Peeb hu ua Yeej Kuj Faj, uas kav lub Tseem Tshooj Cheem.

    Lub 4 hlis ntuj, tab tom yog lub caij uas Sij Xab Pov thiab Sij Lwg Teem nrog Suav tus nom Fuj Khab Nyab cov rog sib tua ib nplua loj kawg nyob rau lub yeej rog Xyeem Fuj Lum.

    Luj Ceeb Fwm pib ntawm nroog Yoos Seem nqes rau sab naj, nias qees rau zos Huab Yeej. Ces cov rog Hmoob uas zov ib ncig zos Huab Yeej tau muab tus choj ntab uas hla dej Yaws txov tseg los thaiv tav Suav cov tub rog nqes tuaj.

    Luj Ceeb Fwm cov tub rog Suav ua tsis tau li cas ces cia li tsuam phuaj hla dej tuaj tua txeeb tau Huab Yeej, tso tau tus nom Suav Tsab Theej Yeej uas raug tsoom tub rog Hmoobo muab vij zov cia. Tas no Luj Ceeb Fwm ho coj tsoom tub rog Suav nkag mus rau teb chaws Hmoob ntxiv, tua nias ncaj qha rau Looj Thuaj, mus muab lub zos Thws Khoos tua tawg thiab ho kom tus nom Fwm Cam hu ua Fwm Tsim Naj coj ib pab rog mus tua tso nroog Yoos Xwm.

    Sij Xab Pov pom Suav rog nias quj qees sab pej fab tuaj, ces nws tau txhawj xeeb loj. Txiav siab nrog Fuj Ceeb Fwm sib tua kom muaj yeej muaj swb thiab rhuav tshem yeeb ncuab txoj kev khav theeb. Ces nws muab cov thawj uas muaj tswv yim xws li Sij Lwg Teem, Vwj Theej Lis nkawd ob kwv tij thiab Looj Los Awm tso zov lawv lub yeej rog. Ces nws coj ib feem tub rog Hmoob mus xaiv tej qhov chaw tseem ceeb tsa yeej rog txaj zeb thiab cia tos kev tua Fuj Khab Nyab. Tas ces nws ho coj nws ob tug thawj rog uas ntseeg siab hu ua Looj Vws Ceeb, Sij Los Nyiaj thiab ib pab rog Hmoob coob mus rau pej fab.

    Lawv xub mus muab Fwm Tsim Nas tua swb, pib loo rov tua txeeb nroog Yoos Xwm. Suav tus nom rog hu ua Fwm Tsim Nas xav zoj ntshe yuav tiv tsis yeej Hmoob thiab ho ntshai tsam lub nroog Yoos Xwm poob rau Hmoob tes thiab taug Yi Xa Naj txoj kev, ces nws tso ib tug tub rog uas ntseeg siab nyiag kev tawm rau Looj Thuaj, mus thov Luj Ceeb Fwm tuaj pab. Thaum Luj Ceeb Fwm hnov tias nroog Yoos Xwm poob rau kev xwm txheej, ces nws cia li maj nrooj coj ib cov tub rog Suav tuaj pab tua.

    Thaum Luj Ceeb Fwm lawv tuaj txog zos Nyuj Ntog Tooj, ces ho ntsib Sij Xab Pov cov tub rog nyob zov no tua, cia li khiav rov qab rau Looj Thaj Pov. Tiam sis nws xav tsis txog tias Sij Xab Pov yuav tuaj caum tua, tsis tso hlo li.

    Thaum lawv thim rov qab, tseem ntsib tej pab rog Hmoob uas ntsawg tsawg tav tua ntawm tej tog kev, xws txoj hmab daig taw nti tsis tau. Siv tas nrho lub tswv yim thiab lub dag zog ces tus nom Suav Luj Ceeb Fwm thiaj dim rov rau zos Looj Thaj Pov.

    Tib lub caij ntawd, Sij Xab Pov kuj coj 10,000 tawm tus rog Hmoob tuaj txog thiab muab lub zos Luj Thaj Pov vij tas. Qw tuav rawv npe kom Luj Ceeb Fwm tawm tuaj nkawd sib tua kom muaj tus yeej tus swb.

    Hos lub zos Looj Thaj uas yog lub zos nyob ntawm Theeb Yoos Xwm sab xib pej, yog ib nyuag ntsuj teb chaws uas tiaj thiab sab xib fab siab, hos sab toob fab qis. Muaj ntau lub roob sawv ntseg ntso hauv lub tiaj thiab tseem muaj ib tug me nyuam dej ntws yuj yees lawm sab toob fab. Roob ntxhov dej ntshiab, yog ib qho teb chaws uas zoo. Tej laus muaj ib lo lus taum huam qhuas tseg li no :

    “Liaj Looj Thaj hnab nplej daj sis iab, saib kaum muag twg tsis pom ib tus ciab. Nplej nim daj tej sib oo, saib kaum muag twg tsis muaj ib lub roob. Tiam sis xyoos xyoos twb tsis muaj mov nrog luag noj.

    Ob peb lo lus no, pom tias tej liaj teb mas av rog los rog tiaj los tiaj, tiam sis nom tswv Suav kev cai tsuj lwg noj, ua rau tsoom Hmoob khwv khwv los tsis tau ib pluag zoo nrog luag noj.

    Hos teb chaws Luj Thaj yog ib suam tiaj, tiam sis sab xib fab muaj ib lub roob hu ua Thaim Yaj Lees. Sab naj fab muaj ib lub roob hu ua Yim Pheej Sab. Sab uas npuab rau Pheej Peeb Kav Toob tseem muaj ib lub hav qhov vuag. Yog ib lub chaw uas zoo zov, tiam sis ceeb laj txeem mus tua.

    Ntawm lub roog Yim Pheej Sab hauv taw roob, tseem muaj ib lub zos hu ua Looj Meej Tsiam, ces lub zos Looj Thaj Pov txawm nyob ntawm zos Looj Meej Tsiam tom qab me ntsis xwb. Lub caij uas tus nom Suav hu ua Luj Ceeb Fwm zov nyob qhov ntawd, chaw tig cev dav heev.

    Txij li Sij Xab Pov lawv muab zos Looj Thaj vij tas los, lawv tau rov mus tua lub zos Looj Thaj ntau zaus. Thaum ntxov, Luj Ceeb Fwm tos tua Hmoob rau ntawm lub tiaj Pheej Puam Kav Toob. Tiam sis vim zaum twg twb puav leej swb. Tsis kav rov tawm los, nkaum mus nraim siav hauv Looj Thaj Pov, ces Sij Xab Pov cia li mus muab roob Thaim Yaj Lees thiab Yim Pheej Sab txeeb tau. Thiaj muab cov rog Hmoob faib ua 3 pab, pib tua nawm zos Looj Meej Tsiam, zos Pav Tav Tsiam thiab zos Kws Los Tsiam, mus vij tua Looj Thaj Pov. Ces Luj Ceb Fwm kawg txuj, tsuas kawg tso nws tus tub hlob ua nom Plob Xyam Yawm Yeej Saws Pem hu ua Lwj Zum tua tawm mus thov Luj Khab Nyab tuaj pab.

    Fuj Khab Nyab tau txais xov, nws ceev nrooj kom tus nom Huab Leej Pwm coj rog tuaj pab Luj Ceeb Fwm tua Hmoob. Li no, Luj Ceeb Fwm thiaj tau dim ntawm Hmoob txhais tes. Tiam sis Sij Lwg Teem thab Looj Los Awm hnov xov tias Huab Leej Pwm coj rog mus pab Luj Ceeb Fwm lawv, ces Sij Lwg Teem lawv ho coj ntau txhiab leej rog Hmoob, cheem lub sij hawm zoo no cia li coj rog mus zov tua Fuj Khab Nyab thiab muab cov nom Suav vij rau ntawm ntav roob Laj Muj Thauj. Tua ua Fuj Khab Nyab poob plig tas, nws thiaj xa moo ceev ceev kom Huab Leej Pwm kav tsij rov los pov hwm nws thiab tseem cem tias Luj Ceeb Fwm tsis muaj peev xwm.

    Luj Ceeb Fwm yog ib tug tuam thawj tub rog loj, yam li yog tus lwm txheeb uas muaj lub siab dawb paug hwm huab tais tas siab tas ntsws. Yav dhau los nws tau coj Suav rog mus tua teb chaws Meeb Teem uas nyob Phab Mab teb thiab Ceeb Tshuab, nws thiaj yog ib tug uas tau tsim tej yam zoo thiab tseem ceeb nyob rau hauv Cheeb Tshoj. Tiam sis nws yog ib tug neeg Suav, ces pheej raug cov nom neeg Mas Tsus kev ntxug ntxaug thiab thuam, vim zim txwv ntawd cov Mas Tsus, los yog cov neeg Moos Kus, yog cov nom kav Suav teb.

    Thaum Luj Ceeb Fwm nyuam qhuav tuaj poob hauv nroog Tseem Kab, nws tau tshwm dua tswv yim tias yuav tsum muab cov Suav rog faib ua 5 pab mus tua Hmoob. Tiam sis kuj yog Fuj Khab Nyab ntshai tsam Luj Ceeb Fwm tshwm koob tshwm npe zoo, ces nws tsis yuav Luj Ceeb Fwm zaj tswv yim, tsuas muab Luj Ceeb Fwm mus coj rog deb kom nws txog siav xwb.

    Huab tais Tuam Cheej Looj kuj siv Luj Ceeb Fwm yam dawb paug nyob sab nraud, tiam sis hauv nws lub siab kuj yog faj rawv Luj Ceeb Fwm, vim huab tais tau sau ib daim ntawv rau Fuj Khab Nyab tias :

    “Yav nram ntej Luj Ceeb Fwm yog tus nom Txoov Peeb uas kav lub Tseem Yoos Tsawb. Yav tas los nws tuaj ntsib kuv nyob Pej Ceeb, kuv ntsia nws kuj yog ib tug neeg to taub thiab tau coj tub rog tawm mus tua dua ntau qhov. Li no thiaj muab nws nce nom ua Thij Twb. Tiam sis nag hmo ho txais tau nej tej ntawv tias nws ua tsis tau ib yam qab hau dab tsi, ntshe tus nom Thij Twb no yuav siv nws laj lim plab plaw, nej txhob pub tej yam hauj lwm tseem ceeb rau nws ua. Nyem no yog lub caij coj rog tua Hmob, ces nej lam qhuas nws kom nws ua tib zoo ua, kom nws tshwm dag tshwm zog pab nej tua kom yeej Hmoob.

    Nrog rau no, kom Fuj Khab Nyab ke ua tib zoo tshuaj saib nws puas muaj tej qho txawv txav thiab ho ib ke muab ib nkawm hnab Huj Pob Loj thiab 4 lub hnab Huj Pob me los ua paj tshab qhuas.”

    Luj Ceeb Fwm tsuas paub nyob nraud tua rog, nws tsis paub tej nom tswv lub tswv yim phem ? Nws raug Sij Xab Pov tua swb ntau zaus nyob zos Looj Thaj, nws tej tub rog poob tas ib nrab ntau. Hos qhov kev puas loj no, ua rau Fuj Khab Nyab haj yam saib tsis taus nws.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    kabmuagntsais
    Visitor
    Visitor

    Messages: 18
    Date d'inscription: 2011-06-07

    kab muag ntsais ua tsaug

    Post  kabmuagntsais on 7th June 2011, 8:29 am

    ua tsaug rau kooj zais kab zaug cov xov xwm los yog cov lus hais txog keeb kwm ntawm peb hmoob nws muaj nqis heev li lam yog tshua tshua tus paub txog hmoob keeb kwm tseeb li ntawm ntshe hmoob yuav paub sib hlub thiab sib tshua ntau heev hlub hmoob heev li os Razz Razz

    koojziagkabzaug
    Moderator
    Moderator

    Messages: 3331
    Date d'inscription: 2010-02-28

    Re: Keeb Kwm Hmoob Tuam Tshoj

    Post  koojziagkabzaug on 7th June 2011, 3:02 pm



    Nyob zoo Kabmuagntsais,

    Zoo siab nws tuaj xyuas peb thiab os,

    Keeb kwm Hmoob, muaj ntau yam peb tssi paub zoo lawm, tab sis kuj tseem tshawb nrhiav tau hauv Liv Xwm Suav Tuam Tshoj me ntssi thiab Hmoob kuj ntse heev, Hmoob tau muab Hmoob keeb kwm coj los ua kab lis kev cai, dab qhuas ces vij los tseem khaws tau ntau kawg cia tssi ploj. Yog Hmoob tsis ntse txaus mas ntshe peb yuav tsis paub txog dab tsi kiag li lawm. Peb Hmoob muaj ib lub siab sib hlub heev, kuj muaj ib tug kab mob pheej nyiam lij Hmoob cov pob txha kom tsis khov, tab sis Peb Hmoob kuj tiv thaiv heev kawg ces tus kab mob ntawd yeej swb ib txwd.

    Kabmuagntsais, nws muaj zaj puav dab neeg los keeb kwm no thov nws coj tuaj tso rau peb nyeem thiab os nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    kabmuagntsais
    Visitor
    Visitor

    Messages: 18
    Date d'inscription: 2011-06-07

    hais txog keeb kwm hmoob

    Post  kabmuagntsais on 8th June 2011, 9:23 am

    hjx nyob zoo koojziagkabzaug kuv ces tsuav paub noj mov loj loj xwb tsis paub dab tsi li os. hais txog keeb kwm los ntawm hmoob txawm tus me nyuam hmoob 7,8 xyoo xwb los lawv yeej paub tias lawv poj yawm txiv txoob yog nyob suav teb los thaum khiav tawm ntawm suav teb tej laus leej twg twb nco ntsoov lo lus tias " txawm noob qes loj taum daj xwb tsuav yog hmoob ces tsis tseg li" txog li nyiam no raws li lawv qee tus tshawb fawb lawv ho hais li tias tej zaum ntshe hmoob yuav yog ib haiv neeg laus thiab los rau ntiaj teb ntxov heev li thiab tsis yog nyob rau suav teb xwb hos tej zaum ua ntej thaum nyob suav teb ntshe hmoob twb ncig xav thoob qab ntuj lawm mam li los rau suav teb mam los tsim teb tsim chaw rau ntawm tsuas yog thaum lub caij ua ntej nyob suav teb ntawm ntshe yog tib neeg tsis tau paub tab ntau es tsis paub xwb tos tias lawv hais li ntawm kuj muaj me ntsis puav pheej :
    1. muaj qee tus hmoob ho muaj lub noob muag xiav muaj plaub hau daj tsis zoo li cov neeg nyob thaj chaw Asia.
    2. hauv hmoob tej dab neeg tseem ceeb tshaj mas yog hauv hmoob zaj "qhuab ke" (taw kev) nws ho hais txog ntuj txiag teb tsaus thiab hais txog muaj ib lub sij ceeb ntiaj teb tawm cuaj lub hnub ua ntiaj teb kub nkig nkuav ua qab ntawem tim tuj thiab tuj tim thiaj tua hnub es hnub rov ploj lawm ntiaj teb tsuas nti tsis pom kev ua qab ntawm thiab lawv ho muab zuag nyiaj zuag kub rau lau qaib coj es nws thiaj hu tau nkauj hnub rov tawm tuaj. lawv hais tias qhov kws hais tias ntuj txiag teb tsaus los yog ntu es hnub tsis tuaj ntawm ntshe yog thaum ntawm hmoob mus dhau tej thaj teb chaws nyob puas tom tej kaum ntiaj teb uas hnub ziab tsis tshuam txog es no no thiab tsaus ntuj ntev ntev hos ho txog qhov tias ntiaj teb tawm 9lub hnub ntawm ntshe yog hmoob mus txog tej thaj teb chaws nyob rau plawv ntiaj teb nws ze ze lub hnub es kub kub them.
    tiam sis tej no yog lam tau lam hais xwb xyov tem nws puas yog, txawm yog thiab tsis yog los hais rau sawv daws xav hjx qhov tseem ceeb ces peb paub tias peb poj yawm txiv txoob uas peb hmoob paub thiab feeb meej nws nyob rau suav teb. ua tsaug kojziagkabzaug os

    kabmuagntsais
    Visitor
    Visitor

    Messages: 18
    Date d'inscription: 2011-06-07

    Re: Keeb Kwm Hmoob Tuam Tshoj

    Post  kabmuagntsais on 8th June 2011, 9:27 am


    kabmuagntsais
    Visitor
    Visitor

    Messages: 18
    Date d'inscription: 2011-06-07

    hjxxxxxxxx

    Post  kabmuagntsais on 8th June 2011, 9:39 am


    kabmuagntsais
    Visitor
    Visitor

    Messages: 18
    Date d'inscription: 2011-06-07

    nco hmoob toj siab

    Post  kabmuagntsais on 8th June 2011, 9:43 am


      Current date/time is 31st October 2014, 9:41 pm