google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    KEEB KWM THOOJ XEEM TSIS SIB YUAV

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    KEEB KWM THOOJ XEEM TSIS SIB YUAV

    Post  koojziagkabzaug on 24th August 2010, 3:51 pm



    KEEB KWM THOOJ XEEM TSIS SIB YUAV.



    Feem ntau ntawm Hmoob tej zej zos, yog ib lub xeem los ib caj ces los sib sau ua ib lub zos. Tej tub ntxhais thooj xeem raug txwv tsis pub sib yuav. Tiam sis kuj muaj tej uas nyob ib zog, thooj ib xeem tiam sis tsis thooj caj ces sib yuav thiab.

    Raws li phau ntawv Sui Ning xiang Zhi tau sau tseg li no:

    " Neeg Hmoob niaj hnub hais kwv txhiaj ntawm tej ntug zej zos. Feem ntau yog thooj xeem tsis sib yuav ".

    Txoj kev cai txwv tsis pub ib lub xeem rov sib yuav uas raws Hmoob coj kam, yog koom ib luv QHUA lawm mas txwv tuag nthi.
    Hos lub xeem mas yog thaum muaj hu lawv Suav lawm, ces nyem no tshwm tej txhia Hmoob thooj Qhua tsis thooj XEEM, thooj XEEM tsis thooj QHUA.

    Li nov, lub QHUA thiaj yog pawg kwv tij koom caj koom ces. Hos lub xeem yog lam hu raws Suav xwb, tsis thooj roj koom ntshav los thooj caj koom ces. Xws li cov xeem MUAS Ma, xeem Au Ou, thiab xeem Tsab Zhang mas sib txawv.
    Tiam sis lub QHUA ho sib thooj. Lus Hmoob tooj fab muab cov xeem sib txawv no hu ua QHUA TAIJ KHAM Dai Ka.

    Hos nyob hauv txoj kev uas Hmoob sib yuav muaj tej ntsuj kuj txwv tsis pub thooj xeem txawv qhua thooj qhua txawv xeem sib yuav. Qhov nov, vim tias lub xeem tsis yog ntuj raug teb txawm Hmoob muaj los, hos yog thaum Hmoob swb r og thiab zwm rau Suav ces Suav thiaj li pub ib lub xeem Suav rau txhia yim Hmoob kom zoo sau npe huab hwm ua neeg pej xeem Suav.
    Li ntawd lub xeem tsuas xam ua ib lub cim xwb.

    Ib pawg Hmoob uas koom QHUA thiav CAJ CES xws li cov Hmoob xeem VWJ, lawv lub QHUA yog " TAIM XYOB" Dai Xiao.
    Hoas pab Hmoob QHUA TAIM XYOB no thaum muab sau ua npe Suav, ces lawv tsis tau koom yuav ib lub xeem, ces nyias sau raws nyias lub siab nyiam xwb, ces tshwm muaj ntau qhov sib txawv.
    Cov QHUA TAIM XYOB uas nyob ntawm no sau xeem Vwj. Hos lwm cov uas nyob deb txawm muab sau ua Xeem Theej Teng, Xeem Koo Gong thiab Xeem Hooj Hong.
    Hos muaj tej tus paub lus Suav tsis zoo cia li muaj xeem Vwj Wu hais xeem Vwg wu.

    Ntau yam sib chab sib chaws li no, txawm tshawm muaj lub teeb bmeem " Vwj Loj" thiab "Vwj Me".

    Pab Hmoob " TAIM XYOB " yeej tssi tis tshoob kos li.
    Tos cov Hmoob xeem Vwj, xeem Theej, xeem Koo thiaj xeem Hooj tsis sib yuav vim yog lawv koom tib tug QHUA thiab Caj Ces.

    Dua tej piav los saum no ntawd, thaum cov laus thaud sau npe ua pej xeem huab hwm Suav, kuj muaj ntau yam QHUA koom sau ua ib lub xeem Suav. Xws li cov xeem Tsab muaj ib txhia yog QHUA TAIM KHA Dai ka kuj muaj lwl cov QHUA TAIM LIUJ Dai liu.
    Li nov cov Hmoob xeem tsab muaj ob yam cov Qhua no txawm tis tau tshoob. Qhov no yog saib raws lub xeem mas yuav hais tias nkauj muam nraug nus sib yuav lawm. Yog tsom raws lub QHUA Hmoob los hais mas yuav nyog tau.

    HMOOB TXOJ KEV THOOJ XEEM TSIS SIB YUAV, YOG TXUAG PUAG THAUM UB UAS KOOM CAJ KOOM CES TSIS SIB YUAV LOS. YOG MUAB OB ZAJ KWV HUAM DEV PHAJ HUB THIAJ DEJ DAG SAWV NTO NTUJ LOS NTAU NQI, MAS HMOOB TXOJ KEV SIB YUAV TAU DHAU DUA NTU CAIJ UAS " KOOM CAJ CES SIB YUAV TAU" THIAB KWV TIJ NEEJ TSA TXHEEB TXHEEB SIB YUAV LWM XEEM HMOOB UAS TSIS TXHEEB.



    Txoj kev tshoob kos uas tsuas pub yuav lwm xeem Hmoob tsis txheeb, yog thawj ruam uas Hmoob tau nce mus rau txheej tshiab. Yog Suav lus los sau " XEEM" no los ntaus nqi, mas tsoom haiv neeg haus Suav teb lub xeem yog muaj tuaj rau thaum lub sawm fem ua poj niam ua tswv kav ntuj.
    Tus tsiaj ntawv Suav " XEEM" sab tom hauv ntej, muaj tus txwm ntawv " POJ NIAM3, yog lub cim hais txog tiam neej poj niam ua tswv kav.

    Hmoob thooj xeem tsis sib yuav, txawm yog qhov tias: Ib pab hluas tub hluas ntxhais uas koom ib tug niam yug, tsis sib yuav. Tej yam ntxwv uas caiv tsis ua tshoob no, cia li hloov ua ib civ kev lis kev cai thaum caij nyoog ntev zuj zus tuaj ces leej twg hla tsis dhau li lawm.

    Raws kev soj ntsuam, lub XEEm xub tshwm ua ntej CAJ CES.
    Tus kws txuj Khoo Yeem Taj Kong Yin Da tau sau tseg li no:

    " Tus txwm ntawv Xing Xeem, yog tshwm nrog haiv tib neeg ntawd tuaj, ces tej tib neeg thiaj muab qhov ntawd ua lub hauv paus ntawm nyias tej poj yawm txwv koob.
    Tus txwm ntawv Haiv Neeg, mas yog yam neeg ntawd. Nws tej xeeb leej xeeb ntxwv txawm yog nws yam neeg. Cov ntxhais vauv uas ncau tawm ho yog lwm pab neeg lawm. Ces nyias ho tsa nyias CAJ CES"

    Ntu caij uas yog lub sawm fem poj niam ua tswv kav ntuj yuav kawg hwj chim. Tej tib neeg ntau zuj zus tuaj. Ib pawg kwv tij uas koom ib tug niam txawm ncau tawm tej pab pawg neeg tsawg tsawg. Ces nyob hauv pab pawg neeg uas yog lub hauv paus loj no txawm muab lub xeem los siv, kom zoo faib kwv tij neej tsa, ces lub xeem tsuas yog lub "Cim" ntawm tej pab pawg neeg xwb.
    Hos lub CAJ CES ces yog faib tawm hauv lub xeem los. Li no, nyem no thiaj muaj lub xeem thiab caj ces los tis ntsuab tis ze.

    TXOJ KEV TXWV IB XEEM TSIS SIB YUAV, YOG COV HAIV NEEG TOOB FAB THAWJ RUAM UAS NCE MUS RAU TXHEEJ TSHIAB.

    THAUM LUV CAIJ XYOO 476-770 UA YES XUS NTEJ, MAS LUB XEEM THIAB CAJ CES SIV UA KE. TXIJ XYOO 202 UA YES XUS NTEJ LOS, LUB XEEM THIAB CAJ CES RAUG SIB TXOOS SIV UA KE UA XEEM TAG NRHO.
    RAWS QHOV TSEEB LUB HAUV PAUS CAJ CES UAS SIV TSHWM, MUAJ CHAW SIB CUAM TSHUAM LOJ HEEV.
    CES MUAJ NTAU LUB TEEB MEEM RAWS LI NRAM NO:


    1/ Lub npe caj ces yog los ntawm ib pawg neeg tus thawj coj los puas niam thiab txiv tau txais ib qho av uas Huab Tais pub ces npe caj ces npe caj ces cia los ntawm lub npe av ntawd los, xws li " Tseem Veej koob" Zheng Wen Gong lub xeem yog xeem Cib Ji Xing, ho muab lub kuj cuab " Tseem Kuj" Zheng Guo los " Tseem" los ua nws lub npe caj ces. Tom qab no hu cov yawg koob Tseem Kuj. Lub Tseem Zheng qhov tseeb yog nws lub caj ces tsis yog nws lub xeem.

    2/ Npe caj ces yog hu raws li tej poj yawm txwv koob lub npe, los npe laus los.
    3/ Npe caj ces yog los ntawm tej lub nroog uas Huab Tais tsa tej yawg koob kav.
    4/ Yog sib lub npe ntsuj chaw uas lawv nyob los ua caj ces.
    5/ Yog siv lub npe nom npe tswv los ua caj ces.
    6/ Yog tis raws kev ntseeg los ua caj ces xws li:

    Xyooj= Dais
    Looj= Zaj
    Muas=Ma= Nees
    Foom=Fong=Yaj Yuam

    7/ Npe ncaj ncees raws li pawg neeg ntawd txoj hauj lwm.
    Xws li cov neej hlawv av yog caj ces " Thoj".
    Cov neeg cog cog maj txawm hu ua " Maj".

    Dua li lwm yam, tseem muaj tej caj ces uas yog Huab Tais los nom loj pub rau. Xws li xeem " Lis" thiab xeem " Tsom".




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KEEB KWM THOOJ XEEM TSIS SIB YUAV

    Post  koojziagkabzaug on 24th August 2010, 3:59 pm





    Ib pawg Hmoob uas koom QHUA thiav CAJ CES xws li cov Hmoob xeem VWJ,
    lawv lub QHUA yog " TAIM XYOB" Dai Xiao.
    Hoas pab Hmoob QHUA TAIM XYOB no thaum muab sau ua npe Suav,
    ces lawv tsis tau koom yuav ib lub xeem, ces nyias sau raws nyias lub siab nyiam xwb,
    ces tshwm muaj ntau qhov sib txawv.

    Cov QHUA TAIM XYOB uas nyob ntawm no sau xeem Vwj.
    Hos lwm cov uas nyob deb txawm muab sau ua Xeem Theej Teng,
    Xeem Koo Gong thiab Xeem Hooj Hong.
    Hos muaj tej tus paub lus Suav tsis zoo cia li muaj xeem Vwj Wu hais xeem Vwg wu.

    Ntau yam sib chab sib chaws li no, txawm tshawm muaj lub teeb meem

    " Vwj Loj" thiab "Vwj Me".

    Pab Hmoob " TAIM XYOB " yeej tssi tis tshoob kos li.
    Tos cov Hmoob xeem Vwj, xeem Theej, xeem Koo thiaj xeem Hooj tsis
    sib yuav vim yog lawv koom tib tug QHUA thiab Caj Ces.






    Zaum no paub meej tias tim li cas cov xeem pheej muaj

    LOJ & ME, 9 Txig, 7 Txim, 5 Txig.


    Ib txwm pheej hais los lus tsis cais, kom txhob tu siab hais tias:
    Yog niam hlob niam yau yug es cov Txim thiaj sib tawv.
    Kuv tsis to taub tias ua cas tsis yog ib xeem xwb thiaj muaj LOJ thiab ME, muaj ntau xeem muaj.

    Xeem YAJ, ib txwm xav hais tias yog tus yaj, ua rau ib cov twb tsis kam noj nqaij yaj lawm thiab.
    Tab sis qhov tseeb yog los ntawm Noog YAJ YUAM los.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 6th December 2016, 10:56 am