google-site-verification: googlefbfddf59e706b96b.html

Latest topics

» Nkauj Hmoob Pro lub sev mloog nkauj
by Admin 16th October 2017, 12:06 pm

» Hkauj Tawm Tshiab 2017 - Hmong New Song 2017 - Tawm Tshiab Nkauj Channel
by nkaujhmoobpro 16th October 2017, 4:26 am

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    LUJ YAJ TUS POJ NIAM (dab neeg Hmoob Suav)

    Share
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    LUJ YAJ TUS POJ NIAM (dab neeg Hmoob Suav)

    Post  koojziagkabzaug on 24th August 2010, 4:07 pm




    LUJ YAJ TUS POJ NIAM

    Thaum ub nyob Tsoob Kuj muaj ib tug tib neeg npe hu ua Luj Yaj. Muaj ib hnub nws nyob tog kev khaws tau ib daim kub, nws kaj siab kawg.
    Los txog tsev nws muab daim kub cev rau nws tus poj niam. Nws poj niam tsis xyiv fab rau nws, hais tias:
    " Muaj hwj chim li tib neeg tsis haus nyiag los li dej, siab huv li tib neeg tsis txais luag saib tsis taug li pub xav. Koj nyob tog kev khaws tau luag ua poob li kub sov siab, kub saib koj tsis yog ib tug siab huv li neeg!"

    Luj Yaj mloog tag nws poj niam hais li lus, txaj muag heev, txawm muab daim kub pov tseg lawm.
    Tom qab Luj Yaj tus poj niam txhawb txhim nws mus kawm txuj deb deb li. Mus tau ib xyoos nws rov los txog tsev, nws poj niam tab tyom ua ntos, poj niam nug tias:
    " Koj puas xyaum tau txuj ci ntau ntau lawm lod?"
    Luj yaj teb tias:
    " Tsis tau, yog kuv nyob nqaud seb ntev lawm, kuv nco koj thiab kuv niam".
    Nws poj niam npau taws heev, nqa hlo rab txiab muab cov tsis tau ntos li xov txiav tu nrho, hais tias:
    " koj puas paub ? Tej npuag no yog muab xav kab rau saum lub tshua me ntsis me ntsis li ntos tawm los li as! Ib txog xov kab me me li, tsuas yuav rau siab ntos mus, txawm cuab ib txoj xov ntos mus tau ib txheem, txij ib txheem ntos mus tau ib ntshim, pib ib txhim ntos mus tau ib tsam, tau ib tsam ntos mus tsheej ib chaws ntaub. Nyeem no koj tawm rooj kawm txuj, txawm xws li ntos ntaub yam. Hnub hnub twb xyaum tau txuj ci tshiab li, maj mam xyaum tau ntau, yim xyaum paj hlwb yim ntse, yim xyaum siab yim kaj. Tiam sis huam no koj kawm txog tog kev txawm rov los, nrog kuv txiav tu chaws ntaub no muaj dab tsi sib txawv?"
    Luj Yaj mloog nws poj niam cov lus, meem nws txom heev, nws txawm ho tawm rooj mus kawm txuj lawm, rau siab ntso 7 xyoo tsis tau los tsev. Nyob 7 xyoo no, Luj yaj tus poj niam niaj hnub ua num txij thaum sawv ntxov ntxov txog tsaus ntuj, ua siab zoo zoo fwj sim niam pog. Tiam sis khwv khwv ua ntos tau li cov ntaub, coj mus muag tsuas txaus nkaus yug tau ob tug pog nyab li ncauj xwb.
    Muaj ib hnub, laug li qaib chaws txog hauv lawv lub vaj zaub. Niam pog ntev heev tsis tau noj nqaij lawm, nws txawm ntes luag ib tus qaib los tua noj. Tus nyab paub lawm, txawm ib los tsi noj cov nqaij.
    Niam pog tsis paub vim li cas, txawm nug tias:
    " Laj tau ib zaug nqaij noj, koj ua cas ho tsis noj?"
    Tus nyab mob siab kawg li quaj tias:
    " Vim yog kuv ua nyab, tsis xyom tsis pov khawv, nrhiav tsis tau niam txiaj los pauv zaub noj, thiaj cia peb li yias hauv muaj luag li nqaij qaib os!"
    Niam poj mloog tas tus nyab cov lus, nws txawm muab cov nqaij qaib ntov pov tseg tag lawm, tom qab txawm tsis tsam luag li pheej yig lawm. Dhau 7 xyoo Luj Yaj kawm txuj tiav rov los tsev, nws yog ib tug paub txuj ci heev, heev muaj peev xwm li neeg lawm.
    Kuj cuab tau muab ib tug niag nom tswv rau nws ua, cia nws coj r og tua tsam.

    Tus sau:

    Nom Choj, Looj Leej, Kav xib, Tsoob kuj.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MosLuj
    Guest

    Re: LUJ YAJ TUS POJ NIAM (dab neeg Hmoob Suav)

    Post  MosLuj on 19th September 2010, 11:22 pm

    Nyeem mas ntxim li Luj Yaj pojniam yog ib tug mejzeej ntawm Mencius, vim nws cov tswvyim thooj li Mencius.

    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: LUJ YAJ TUS POJ NIAM (dab neeg Hmoob Suav)

    Post  koojziagkabzaug on 20th September 2010, 12:31 am



    Nyob zoo Mosluj,

    Ua tsaug koj daim xyam os, zoo heev. Yog kawg dab neeg Hmoob ces qhov ntau yog qhia kom yus ua neeg thoob tsib to nrog, siab ntev thiaj tau nom xwb...Ua li koj tuaj teb chaws twg tuaj os...? Zoo siab txais tos koj tuaj xyuas lub zos twj cuab nawb...Lam los ntov zoo txum cuab xwb, nyob ib leeg kho siab khuav xwb tiag...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MosLuj
    Guest

    Re: LUJ YAJ TUS POJ NIAM (dab neeg Hmoob Suav)

    Post  MosLuj on 20th September 2010, 7:47 pm

    Nyob zoo os KoojZiagKabZaug,

    Kuv nyob USA.

    Txawm yuav poo npoj thiab nyob twj cuab los yog muaj zoo txuj tsim zoo ci ces yeej yuav muaj neeg tuaj saib tuaj xyuas xwb xwb. Tab txawm ntab thiab muv yuav mus ua nas rau tej qhov ti thiab xu npaum li cas los yeej yuav muaj neeg mus nrhiav kom tau vim zib ntab thiab zib mu qab heev; muab ntxeev rau lwm sab hais, tab txawm ntsis kuab tu hnyuv yuav mos, ntxim qab, thiab cuab tha npaum li cas los yeej tsis muaj neeg ntsia ib plia li vim kuab tu hnyuv muaj taug heev.

    Kuv yeej nyob nrog qho yim Suav los lawm. Lawv yeej yog mloog Mencius kev qhuab qhia kawg. Qhov twg zoo tu menyuam thiab zoo kawm ntaub kawm ntawv, lawv yeej tsiv mus nyob qhov ntawd kom lawv tej menyuam tau lub zoo neej ua lawm tom ntej. Peb mas peb ho yeem raws kwvtij thiab neejtsa. Peb tej menyuam yuav tsis muaj neej los xij tsuav sawvdaws tau nyob ua ke xwb, yom.
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: LUJ YAJ TUS POJ NIAM (dab neeg Hmoob Suav)

    Post  koojziagkabzaug on 21st September 2010, 12:47 am



    Nyob zoo Mosluj,

    Ua tsaug thiab zoo siab rau nws cov lus txhawb siab...Kuv lub siab xav li nws hais, kuv thiaj tuaj nyob ib leeg tsis lom zem los xij, tsuav kuv tsim tau ib qho zoo cia rau Peb Hmoob xwb. Txawm kuv txuj ci me los kuv ua li kuv lub peev xwm, zoo dua uas tsis muaj neeg ua es Peb Hmoob tsis muaj ib qho dab tsi li. Luag tej txawj ntse thiab coob li coob los luag tham kev lom zem li huab li cua ntau xwb. Thaum mus nrhiav ib qho tseem ceeb nrhiav tsis tau li. Qhov ntawd ua rau Peb Hmoob xav tias Cab Sab ces yog kev lwj kev liam, kev qaib tuaj hniav npua tuaj kub xwb no. Tab sis Cab Sab nws muaj nqes heev, yog yus txawj muab yus lub Pov Hum mus XWV...
    Yog li nws hais kawg, yog Peb Hmoob txawj coj li Suav mas peb yuav tsis poob qab thiaj raug luag thuam npaum no. Zaum no peb txheej tshiab tawg tsov tawg nrog, muaj ib txhia hloov siab ntsws, kuj coj tau Peb Hmoob mus taug txoj kev vam meej lawm ntau. Kuv ua nws tsaug uas nws qhov muag pom deb, tswv yim pom ntau...Yuav ua ib lub zog txhawb txhua leej lub neej kom txawv cov laus...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: LUJ YAJ TUS POJ NIAM (dab neeg Hmoob Suav)

    Post  Sponsored content


      Current date/time is 20th October 2017, 7:21 pm