Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Kev Cai Hmoob (NOJ MOV TSHAJ TSUM)

    Share

    koojziagkabzaug
    Moderator
    Moderator

    Messages: 3323
    Date d'inscription: 2010-02-28

    Kev Cai Hmoob (NOJ MOV TSHAJ TSUM)

    Post  koojziagkabzaug on 24th August 2010, 10:55 pm




    NOJ MOV TSHAJ TSUM

    Nyob hauv ib thaj tsam cov tuam zos Uas Laj, Muas Poob nram ciam teb Nyab Laj Suav, tsis hais sab pem Tshoob ( Roob ) Kuj no los yog sab nram Nyab Laj teb. Thaum ua ntees rau txoj kev laus neeg ploj qaug thiab ua plig. Muaj kev noj mov tshaj tsum ua lom zem ntxhias thiab txawv lwm qhov lwm chaw.

    Raws kev cai thaum muaj ib tug laus neeg ploj qaug thiab thaum tso plig. Yeej yuav muaj coob coob leej neeg tuaj los nqaum xau. Tub xyom cuab yeej yuav ua zaub mov rau noj li ob peb pluag.

    Nyob hauv Peb Hmoob nroog, rooj tog yeej tsis tshua txhij txhua pes tsawg, txawm muaj los loj me tssi sib yoog. Li no, yog qhua tuaj tssi coob pes tsawg thiaj muaj rooj tog ntau, nov mas yuav tsum kwv rooj kwv tog tuj txawb ua ib lub txuas lub kom ntev loo rau hauv loog. Yog tias qhua tuaj coob coob thiab rooj tog tsis ntau no mas yuav tsum tau txhos ncej tuam tx iag ua tej niag phiaj ntev loo thiaj txaus nyob.

    Thaum noj mov, tswv tsev mus qev ib niag cov choo los ntim mov, ib niag cov tais los rau zaub thiab ib niag ib cov niag diav ntoo los hais mov noj. Tej no puav leej txawb zoo rau saum tshaj tsum lawm. Kav xwm thiaj nqua hu tsoom zeej los noj mov. Thaum noj mov, tsoom zeej zaum ob niag phiaj rau ob sab ntug tshaj tsum. Ob leeg ob leeg koom hais mov hauv ib lub choo thiab koom hais zaub hauv ib tais. Nyias tuav nyias ib rab diav, nyias noj nyias zom zaws ua qab los diam. Thaj tsam no jon mov tsis siv rawg. Txawm hais mov hais zaub los siv tib rab diav ntoo ntawd xwb.

    Noj mov tshaj tsum muaj luag zoo heev. Yog tias qhua tuaj coob, lub loog dav los ntev thiab qes tau tais diav choo ntau no tej zaum lub rooj tshaj tsum ntawd yuav muaj tshaj 100 tawm leej ua tib rooj ntev loo ntag. Noj tas ib phaum, lwm phaum ho los noj, kom cov qhua ntawd leej leej noj txhua.

    Yog tias muaj laus neeg nrog noj, no yuav tsum cia laus neeg zaum rau sab pem uas npuas tsev es cia cov hluas los zaum sab nrad.

    Tam li kuv tau pom mas lwm teb lwm chaw zoo li tsis tau muaj dua txoj kev noj mov tshaj tsum sub. Li mas kuv thov muab tshaj tawm qhia rau lwm tus ho paub. Yog lwm qhov chaw twg ho muaj thiab no los ho qhia tuaj rau kuv paub thiab.

    Tus sau:

    Paj Tshoob Vwj/ Wu Congjin


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 22nd October 2014, 11:00 pm