google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Khaws Paj huam Hmoob

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Khaws Paj huam Hmoob

    Post  koojziagkabzaug on 18th March 2010, 9:45 am


    Paj huam : Hmoob pem roob tseem muaj foos





    Last edited by koojziagkabzaug on 26th May 2010, 10:38 am; edited 2 times in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 24th March 2010, 8:55 am


    lus paj huam sib hlub


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 9th April 2010, 2:52 pm



    Nyob zoo Koojziagkabzaug,

    Zaj pajhuam kuv hais nram no phim koj
    ib leeg nkaus xwb tsis muaj leej twg phim li nawb.

    Leejmuam Kzkz

    Koj yug nyob Luang Nam Tha___ hais lus li Hmoob Xeemkham
    koj txawj tham______________________ thiab txawj tso dag
    Lus Ameliska________________ thiab lus Fabkis los koj txawj
    koj tsis txhawj____________ yuav hais thiab ua dabtsi los tau
    tsis txawj npau_____________________ thiab tsis txawj chim
    koj txawj zam txim_______________ thiab koj txawj thim xav
    luag nyuj nyav_______________ rau luag cem thiab luag hais
    txawv dua ntais_________ tej ntxhais hmoob kuv tau pom los
    peb thiaj qog________________________ thiab raws koj qab
    sawv tsheej pab______rau koj saib koj cem los tsis txaj muag
    tseem pheej luag___________________ txav zujzus ze koj thiab
    koj chim siab_________________________ los peb tsis paub
    koj twb xuav kuj kaub_______________ los peb tsis xav li cas
    zaum no mas____________________ kawg koj khiav tsis dim
    tag ib sim_____________ los ntshe yuav yog peb li phooj ywg
    puag xwb pwg_________ thiab sib hlub mus txog hnub kawg
    sawv ua pawg______________ los txhim kho Hmoob lub neej
    kom peem tsheej_____________________ thiab ciaj ua haiv
    kom tawv li thaiv__________________ thiab ruaj li pob tsuas
    tsis paub puas_________________________ thiab tsis piam
    kom Hmoob nyob tas tiam______________ thiab nto moo lug
    txij no mus____ ces Koojziagkazaug tsis txhob chim lawm mog.

    Kuv tsuas hais rau koj xwb os Koojziagkabzaug.
    kuv=LiajNtsuab

    08 October 2009





    Last edited by koojziagkabzaug on 24th May 2010, 8:50 am; edited 1 time in total

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 9th April 2010, 2:56 pm




    muam koojziag thiab phooj ywg liaj ntsuab
    txawj cuab suab seev rau kab zuag
    tus neeg nquag npaj khaws hmoob txuj
    yam tsim nuj uas yog hmoob li
    sawv daws ntxhi kom tsheej ib zaj
    li rev paj seb puas txi txiv
    yog tau chiv tsob txiv thiaj ntsuab
    leeg hais suab ces tsheej ib phab
    leeg hais fab ces txuj thiaj nto
    sib pab kho kom tsheej txoj kev
    koj rau ntsev cia kuv rau roj
    sawv daws noj ces qab tsheej nqaij
    zoo lub caij sawv daws tuaj ntsib
    kooj ziag pib sawv daws tuaj coob
    me npoj hmoob tham lus txhob cais
    tsis txawj hais tus puav hais ntsim
    kooj chim chim chim tas rov zoo
    thaj qoob zoo tus tswv tij lim
    raug ciav lim los coj luag ntxhi
    tsis txog hli nws ploj ib ntus
    siab rov tus mam rov tuaj qhub
    phooj sib hlub ces tsis muaj coob
    neej tsa hmoob ces nws muaj ntau
    tuaj peb sau hais kom qab qab
    qhia sib tshab zaj zoo txheej xwm
    yog thaum lwm ho nkag tuaj hais
    npaum qaib kais tau cov txaij plaub
    sib qhia paub cov tim ntsej hais
    npaum rho chais hlais neeg lub siab
    kua yeeb iab twb iab tsis cuag
    tsis xav luag nias siab txhob chim
    siv laj lim kom cuag tau lwm
    tej cuav xwm sib cog pab kho
    sij hawm no peb yog ib tug
    txawj coj ntug phooj ywg thiaj coob
    cov txawj qhoob kuj muaj tsis ntau
    poj thiab lau yog qaib ib cooj
    cia me kooj ua poj raub kab
    rau nws pab me nyuam tau noj
    hu sib coj los nyob ib tawb
    tham sib txhawb hais lus dej siab
    nrhiav zaj tshiab los rau peb kawm os lawv.




    'Ntxoov L. Vaj' date='08 October 2009 - 06:13 PM'



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 9th April 2010, 2:59 pm



    Yuav txawj hais paj huam txhawb siab, ua rau me Kooj lub siab dhia ...
    Yuav txawj hais paj huam txhawb zog, ua rau me Kooj lub plawv ntoj...

    Me Kooj tsis txawj hais ces nws pib qab teb...
    Cia rau cov phooj ywg muaj txuj tuaj peg...
    Me Kooj tsis paub ces cia nws luaj qab luaj luag...
    Cia rau cov phooj ywh txawj mam tuaj nthua...

    Yog ib txoj hmoov zoo kuv tau ntsib nej...
    Yuav noj ib pluag mov los yog nej ob txhais tes...
    Yog lub ntuj pub peb thiaj tau los ua ib pab...
    Yuav ua ib txoj los kawg nej ob txhais npab...

    Ua tsaug rau kuv cov phooj ywg zoo
    Txhua hnub nej txhawb kuv lub zog,
    Txhua hmo nej qheb kuv lub qhov rooj,
    Nthuav txuj rau Peb Hmoob pom...


    Kzkz: '08 October 2009


    Liajntsu
    Guest

    Re: Khaws Paj huam Hmoob

    Post  Liajntsu on 23rd May 2010, 4:46 pm

    koojziagkabzaug,

    Nej cov pajhuam no zoo thiab lomzem kawg li. Kuv tsis tau cuav zos txog li os nyuam qhuav tuaj txog no xwb. Cia kuv muaj caij no mam tuaj sau txoj puav tas tas lauv rau peb tau nyeem kom txhob nkees.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 24th May 2010, 8:54 am



    Nyob zoo LiajNtsu,

    Txhua lo lus zoo yuav khaws cia yeej noog
    Txhua los lus tshiab yuav khaws tseg cia

    Nws muaj caij tuaj sau tseg
    Yuav khaws cia rau lub neej tom ntej

    Zoo siab tos nws yuav rov tuaj sau dua
    Ua tsaug ua ntej nws yuav rov tuaj...

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 25th May 2010, 9:33 am



    Ntxoov L. Vaj
    Posted 23 March 2009 - 07:47 AM


    Koojziagkabzaug,

    Tau ntau hnub lawm tsis pom nws tuaj ncig nqa dej ntawm lub pas dej no li. Tsis yog tu siab lawm los cas los yog muaj ntxoog nyob ti tsam nruas hnov nruas to qhov es thiaj nrug cev rau lwm thaj chaw lawm.

    lam seev seb nws puas ho hnov
    ntuj yuas koojzuag me kab npauj
    kuv tuaj xauj tos koj ntau hnub
    pom nqa hub muab dej hli lug
    rau ntawm ntug lub pas dej ntshiab
    ntxim nyuaj siab nws thiaj khiav nkaum
    hais tab kaum sij hawm tsis muaj
    mus tsis tuaj mus lawm tsis los
    txawm yuav tos los nws tsis tuaj
    kab noog quaj tsia pem tej roob
    nplooj lwg poob cua tuaj txias to
    thaj chaw no lub tsev paj lug
    nws muaj tug tus tswv lub tsev
    mus lawm ntev qhov rooj kaw nti
    kuv thiaj li tsa suab hu nws
    koojziag........! kabzaug.......aw !
    koj mus qhov twg lawm os....!
    hav vam vos tsis hnov nws teb
    ntshe mus deb tsis nyob ntawm no
    cas yuav nco txog nws tej lus
    kom leej nus nrog nyob ntev ntev
    tu nws tsev pab nrhiav paj lug
    hmoob teej tug rau hmoob txheej yau
    kom tau sau tau saib tau kawm
    cas nws lawm hu nws tsis hnov
    ua siab rov mus nyob nros nros
    kav liam os teem caij 3 hmos
    seb puas los mam rov tuaj hu
    yog coj xu ua nws tu plawv
    thiaj tau sawv nrug cev ncaim hlo
    thaj chaw no puas zoo tuaj ntxiv
    yog yuav txiv lawm los qhia tseeb
    kom meem xeeb mam tseg txhob tuaj
    tswm suab quaj mam tsis txhob hu lawm os
    me koojziagkabzaug aw..!




    Leej twg muaj txoj kev thaj yeeb nyob hauv nws, yuav tau txoj kev thaj yeej hauv lub ntiaj teb

    koojziagkabzaug
    date='23 March 2009 - 09:07 AM'


    Wow...Nraug Laus e...! Cas nws ua kuv QQ lawm os...Zoo siab tshaj li...

    Cas hnub no me kooj zaug kab ziag yuav ntxuaj tis nrov nqaj to tuaj txog kuv lub siab kho kho.

    Cas hnub no me kab zaug kooj ziag yuav ya txuaj tis nraws, yuav nrov tuaj txog kuv lub plawv, ua rau kuv lub siab zoo kawg.

    Nws tsis pom kuv tshwm, yog Kzkz nim muaj lawm me hauj lwm.
    Nws tsis pom kuv tuaj, nim yog Kzkz muaj lawm me ntsis qhua...Heheheh...

    Kuv yeej nco ntsoov txog nws tej paj lug, thiaj ua rau nws pob ntseg kub kub, nws thiaj tuaj sau zaj paj huam zoo tis zoo, ntxim hlub...
    Yog kuv xav txog nws heev, thiaj ua rau nws nco dhuj dheev, nws thiaj tuaj hais tau los lus cuam txwv raug siab raug ntsws, ntxim N...


    Heheheh...Nws hais teem 3 hnub, 3 teev xwb kuv twb tshwm lawm...Nws zaj khawv koob leej heev li...

    Me Nraug Laus, txawm tab seeb los muaj txwj nkawm, thov nws txhob muab ua chaw kiam chaw kawg. Kav tsij loj npab ntshuas tuaj nrog kuv kom txuj, rau ntiaj teb neeg Hmoob thoob ntuj. Tus viv ncaus Maypaj tseem tab tom ua ib lub TXHAB hauv Google, yuav muab tej txuj nov mus teem cia...Li nov thiaj thov nws tuaj tsuj ib tug hneev taw rau, ...Ua li nawb...Me phooj ywg zoo...Kuv zoo siab heev, los hauj lwm los txog, los pom nws lo lus nug txog kuv moo...Ua tsaug rau nws nawb...Ua li pw sawv lawm lov? Puas tau haus Café...?



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 26th May 2010, 10:35 am


    Nraug Laus.

    Posted 29 March 2009 - 09:56 AM

    Nyob zoo os me muam Maypaj, tseg tau ntev kawg li tsis tau nrog nws txuas lus lawm. Nws puas nco cov lus hauv no lawm os.
    nyob zoo os tub lis cuab
    zoo siab muab pam huam los hais
    niam leej ntxhais tsis tau txawj heev
    maj mam seev seb puas tau suab
    tub lis cuab thiab tus nus xa suab
    neb tau muab txoj kev phooj ywg
    rau tus twg los neb tsis xyeej
    vim neb keej thiab yog neeg ntse
    neb txawj nthe tus laus tus hluas
    neb txawj qhuas tub loj tub laib
    neb thiaj faib rau tus nus zee
    nws txawj nqee thiab nws txawj tham
    peb thiaj vam thiab xav tuaj koom
    ua ib tsoom nkauj muam nraug nus
    pes tsawg tus los thov nej tuaj
    peb thiaj muaj txoj kev lom zem
    txawj tham pem yeej meem tuaj coob
    tsis txawj qhoob los maj mam kawm
    muam nkauj ntxawm yog maiv qaimhli
    tsis tuaj ntxhi nrog peb lawm los
    hais lus mos ua luaj li sav........

    Maypaj sau 6/21/06

    Ua tsaug os muam vaj ncuab
    tub xa suab vaj ncuab ib yam
    peb txawj tham rub tau neeg coob
    txawm yog hmoob yog xeem dab tsi
    peb luag ntxhi kom sov lawv siab
    tswv yim tshiab thiaj li tuaj ntau
    kuv hais tau tias poj tsis cem
    tsis ua phem ua mov wb noj
    nws tau soj thiab paub qhov tseeb
    nws meem xeeb thiab tsis ntau ncauj
    tsis cem pauj hais lus siab ntev
    me niam tsev ces zoo kawg lawm
    kom nkauj ntxawm ho tsis txhob txhawj os nawb

    Sau 6/22/06 by xa suab

    tub lis cuab thiab muam maiv paj
    neb txawj tshaj tham tau raug siab
    cov tuaj tshiab yuav tuaj coob ntxiv
    peb tau chiv zoo zaj tswv yim
    kav tsij tsim kom lom zem tshaj
    ntxhais hmoob vaj kuj pab peb tau
    twb tau sau zoo zaj lus dhos
    hais lus mos deev tau neeg plawv
    zaum tsis sawv nrhiav lus los qhub
    txiv leej tub mas zoo siab tshaj
    twb rawm maj pom nej txhua tus
    peb ua mus yog muaj neeg ntau
    yog ua tau xav tuaj sib ntsib
    seev suab dib tso rau movie
    kom tau cim tsis muaj hnub ploj
    twg xav soj kom ho tau kawm
    muam nkauj ntxawm tus muam qaim hli
    tsis kam ntxhi tej zaum tsis xyeej
    peb txhua leej txhob ntau nqe hnyav
    nws tseem xav mam li tuaj see
    phooj ywg Zee los kuj ib yam
    muaj tej tsam mov tsis tau saj
    vim khwv tshaj rau kev nrhiav haus
    pw tsis txaus mas sab kawg lis os lawv aw

    sau 6/22/06 by xa suab



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 26th May 2010, 12:36 pm

    Nraug Laus
    Posted 16 April 2009 - 04:15 PM

    Seng Phy hais rau Tubliscuab

    hmoob vaj ncuab nyob mem kuj teb
    nyob tsis deb kuj tsis ze koj
    nraug siab loj koj ua dabtsi
    siab luag ntxhi thaum hnov koj seev
    suab seev yees tuaj deev kuv siab
    kho kuv siab mob kuv lub plawv
    yeej tsis txawv ntawm koj tub lis cuab
    kuv lub suav thiaj seev nrog cua
    tuaj tsau li ntua koj me xub ntiag
    nyob ib pliag saib puas zoo siab
    nyob ib txhiab saib puas zoo plawv
    hmoob lawv tej tub tus me lus mos
    kuv nyob tos koj li lus teb
    yam tej teb nws tos lub hnub
    ci tuaj thoob diam teb thiaj zoo
    cia kuv nug koj tub li cuab
    kuv nkauj ntshuab yog xeem vaj ncaub
    es Tub Lis Cuab yog xeem dabtsi?
    thov hais ntxhi rau kuv puas tau?
    kuv tau sau nyob rau mem kuj
    kuv kawm txuj thiab ua hauj lwm os tub li caub.


    ************************
    Tubliscuab hais rau Seingphy


    Nkauj vaj ncaub tau hnov koj suab
    luv me suab ua deev tau siab
    tseem lub ntsiab kuv yog neeg yug
    yog ib tug nyob kho siab khiv
    lub me txiv tsis muaj tus hlub
    txiv leej tub puas kam lees txias?
    niam leej txhias zoo li kuv no
    puas kam kho kuv tej siab ntsws
    kom nws ho muaj lub suab luag
    thiaj tsis tuag thiaj nyob pom koj
    ua zoj zaj twg los kuj tsis zoo
    xav nyob loog hauv koj xub ntiag
    xav pw kiag ntawm koj ib sab
    muab caj pab los rau kuv ncoo
    saib tas moo kuv puas tshau zog
    tej lus cog saib wb puas muaj
    paj txiv duaj puas yuav tawg tsheej
    koj puas xyeej kuv os leej nus
    tej me lus ua kuv tau hais
    tsis xav pais xav nrog koj tham
    tsis txhob lam tsam koj muaj sev
    nyob koj tsev kuv ho tsis paub
    yam rooj plaub kuv tsis xav rhuav
    kev sib yuav yog kev sib hlub os leej nus hmoob


    ****************



    Sengphy hais rau tub lis cuab.

    hmoob vaj ncuab nyob mem kuj teb
    nyob tsis deb kuj tsis ze koj
    nraug siab loj koj ua dabtsi
    siab luag ntxhi thaum hnov koj seev
    suab seev yees tuaj deev kuv siab
    kho kuv siab mob kuv lub plawv
    yeej tsis txawv ntawm koj tub lis cuab
    kuv lub suav thiaj seev nrog cua
    tuaj tsau li ntua koj me xub ntiag
    nyob ib pliag saib puas zoo siab
    nyob ib txhiab saib puas zoo plawv
    hmoob lawv tej tub tus me lus mos
    kuv nyob tos koj li lus teb
    yam tej teb nws tos lub hnub
    ci tuaj thoob diam teb thiaj zoo
    cia kuv nug koj tub li cuab
    kuv nkauj ntshuab yog xeem vaj ncaub
    es Tub Lis Cuab yog xeem dabtsi?
    thov hais ntxhi rau kuv puas tau?
    kuv tau sau nyob rau mem kuj
    kuv kawm txuj thiab ua hauj lwm os tub li caub.

    ************

    Tub lis cuab teb nws tias

    Nkauj Vaj ncuab tus muaj zoo suab
    yog neeg puab los yog ntuj tso
    yuav seev kho tub hmoob lis siab
    lub nplu tshiab vim koj suab seev
    tuaj mus teev kuv lub me plawv
    koj tes ntawv yuav nyob tsis ploj
    thaum nco koj ho tau muab saib
    me ab naib ua dab tsi weekend
    nkauj zoo xyeem yuav mus qhov twg
    nrog phooj ywg los nyob saib ntawv
    kuv zoo plawv koj tseem kawm txuj
    thov lub ntuj pab rub koj tes
    kom lawv ntes koj rau chaw siab
    kuv lub ntshiab tau yam koj ntshaw
    nkauj hmoob aw rau siab kawm mog
    meej mom txog thiaj kawm tau deb
    zoo li peb cia txob tham txog
    tsuav tau nyog koj txuas me lus
    nyiaj hnub mus nrog lawv ua kam
    tham ib tsam koj yuav hnov qab
    kom ntuj pab rov ua npau suav
    rov tau tuav koj nyob hmo no
    yuav qaim hlo koj hauv xub niag
    yog muaj tiag ntshe yuav tsis xav tsim li os mog nkauj Vaj ncuab aw


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 24th August 2010, 5:06 pm



    HMOOB NROOG SEEV NKAUJ

    Peb Hmoob kwv tij nquag tawm xyoo, niaj hnub sawv ntxov npaj qoob
    Muab tshav ntuj los ua tsho hnav, muab dej nag los ua mom ntoo.
    Nras liaj nras teb twb ncig txhua, qub roj qub neev suav tsis thoob.
    Pas iav pas liaj ua dov lev, hav teb tus yees ua dub doog.
    Toj pes ntsuab vog zoo teb chaws, nras tiaj nras tus qoob loo zoo.
    Pob kws ua nyuj kub ntas, hnab nplej siav ua duav nkhaus nkoo.

    Nkauj hnub tawm tuaj liaj ci oo, lam vuj vug rau peb Hmoob nroog.
    Tso plhuav dag zog ua noj haus, muaj ntuj yees rau peb npoj Hmoob.
    Laus hluas hlob yau luag qas ntxhias, peb hmoob muaj zoo lawm hnub nyoog.
    Npaj tau nyiaj txiag los puv cev, hnav tsuj hnav npaug ua ntxhuav ntxhoo.
    Npaj tau qoob loo los puv tsev, muaj noj muaj haus hnub nyug zoo.
    Tsiaj txhu npoj yees puv nkuaj, nyuj los ntxhov hauv, nees los ntxhov txoob.

    Phooj ywg kwv luag tuaj sib cuag, muaj zoo noj haus piav lug saum rooj.
    Neej tsa kwv tij muaj sib ntsib, saub dej seev cawv nug moo zoo.
    Nraug laj xyov maim ua zam qas log, leej tub dhia dheev rab qeej thi tooj.
    Leej ntxhais ntiv zoj rab ncas kub, zej zog ntxhov awv tseeg ntuj npoo.
    Yeeb vim teb chaws nyob tiaj tus, peb Hmoob nplua nuj pom ntuj zoo.
    Noj hnav tsis txhawj ua neej tsis txhob, sib hlub sib tshua peb nco ntsoov.

    Suab nkauj nta yees tuaj tim roob, leej leej twg hais Hmoob teb zoo.
    Peb yuav koom nyog ib lub siab, txhua leej tau lub chaw los poo.
    Peb yuav taug nraim txoj kev dav, zoo neej ua nyog txhiab vam xyoo!

    Tus sau:

    Thoj Nchaiv Yeej.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 16th October 2010, 3:45 pm


    Hmoob Dej dawb



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Khaws Paj huam Hmoob

    Post  koojziagkabzaug on 16th October 2010, 4:19 pm



    Paj Huam, Hmoob Mes Ka



    Paj Huam, Tub Rog Cob Fab.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Khaws Paj huam Hmoob

    Post  Sponsored content Today at 2:58 am


      Current date/time is 11th December 2016, 2:58 am