google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Pab Koj Tus Kheej Kom Vaj Tse Muaj Kev Nyob Nyab Xeeb

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 31st August 2010, 12:49 pm

    Pab Koj Tus Kheej Kom Vaj Tse Muaj Kev Nyob Nyab Xeeb

    -US Hwm Tsav Saib
    -Xyuas Vaj Tse thiab
    -Kev Txhim Kho
    -Huab Cua Nyob Hauv Tsev
    -Hawb Pob & Kev Ua Xua
    -Pwm & Hws Noo
    -Carbon Monoxide
    -Taug Txhuas
    -Dej Haus
    -Khoom Tsim Kev Piam Sij Uas Nyob Hauv tsev
    -Tshuaj Tua Kab
    -Kev Nyob Nyab Xeeb Hauv Vaj Tse




    Xav paub txog txhua yam zoo rau koj tsev neeg thiab koj lub vaj lub tsev, [b]nias ntawm no:


    http://www.healthyhomespartnership.net/pdf/hmong/z-444hmong.pdf


    Last edited by koojziagkabzaug on 13th January 2011, 3:04 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 2nd September 2010, 5:15 am

    Pab koj tus kheej kom vaj tse muaj kev nyob xeeb





    Koj xav saib xyuas koj tsev neeg kom zoo. Koj ua tiag noj haus kom huv. Koj
    coj me nyuam mus rau kws kho mob tshuaj xyuas xwm yeem. Koj ua tiag ua
    kom zoo tshaj txhim rau kom pov hwm koj tsev neeg txhob raug teebmeem thiab
    kev mob nkeeg. Koj xav muaj kev nyob xeeb hauv zos thiab vaj tse.
    Tabsis koj puas paub tias hauv koj vaj tse yuav muaj kev piam sij
    tau rau koj tej me nyuam lub cev? Nug koj tus kheej:

    • Cov huab cua nyob hauv koj tsev puas huv thiab tsis paug kab mob?
    • Koj cov me nyuam puas muaj teebmeem, xws li hawb pob?
    • Koj tsev neeg puas muaj tus tsis haum rau tej pwm (ua xua)?
    • Koj puas paub tuas yam ntxwv ntawm kev qaug tshuaj lom carbon monoxide?
    • Hauv koj tsev puas muaj taug txhuas nyob qhov twg?
    • Cov dej los ntawm koj tus kais dej haus puas huv?
    • Hauv koj tsev puas muaj tej yam khoom muaj chemical (kuab khe mi) uas ua
    rau koj mob tau?
    • Koj puas siv tshuaj tsuag kab lossis lwm yam tshuaj tsuag kab phem
    kom khiav?
    • Koj puas cia tej tshuaj lom nyob tej chaw uas me nyuam ncav cuag?
    Cov lus teb rau cov lus nug no yuav pab qhia koj paub tias koj lub tsev nyob xeeb
    thiab tsis muaj mob nkeeg. Phau me nyaum ntawv no yuav teb kom yooj yim
    rau koj txog cov lus nug no thiab lwm yam ntawm koj lub tsev thiab qhia tias koj
    nyob licas. Nws tseem yuav qhia kev paub rau koj hais txog kev tiv thaiv kab mob
    rau tej me nyuam. Nyob ntawm koj xav saib koj lub tsev puas muaj kev nyob
    xeeb, tiamsis kuj muaj ntau qhov chaw mus nrhiav kev pab.

    Cov Nqe Lus nyob Hauv Phau ntawv no


    Zaj qhib ke ......................................... 2-5
    Huab cua Nyob Hauv tsev ................ 6-10
    Hawb pob & Kev Ua xua ................ 11-16
    Pwm & Hws noo ............................ 17-22
    Carbon Monoxide .......................... 23-28
    Taug txhuas .................................... 29-32
    Dej Haus ......................................... 33-27
    Khoom Tsim kev Piam sij
    uas nyob Hauv tsev ........................ 38-41
    Tshuaj tua kab ................................ 42-47
    Kev Nyob Xeeb hauv Vaj tse............. 48-54
    Cov taw qhia......................................... 55


    Koj Puas yuav tsum Txhawj xeeb txog?

    Qee yam teeb meem mob nkeeg ntawm me nyuam yaus yog xeeb txawm hauv tsev.
    Phau me nyuam ntawv no piav txog qee yam kev txhawj xeeb ntawm txoj kev noj
    qab haus huv uas koj tuaj yeem ua tau.

    QHOV TSEEB: Neeg feem coob siv sij hawm nyob hauv tsev txog 90%

    Huab cua Kaj ntshiab nyob Hauv tsev

    Huab cua hauv koj tsev puab ntshiab huv?
    Cov huab cua nyob rau sab hauv tsev yuav
    muaj teebmeem rau tsev neeg txoj kev noj qab
    haus huv dua cov huab cua nyob sab nraud.
    Huab cua yuav tsis zoo yog tias muaj toj taug
    paug ntau yam. Nyob rau hauv tsev muaj toj
    taug paug ntau yam — xws li los ntawm lub
    ncu khoom noj mus txog rau pa luam yeeb
    txog rau pwm. Nws tsis yoojyim yuav qhia tias
    nyob hauv koj tsev huab cua zoo los tsis zoo.
    Koj yuav hnov ntxhiab tsw phem lossis pom
    muaj pa ncho, tiamsis koj tsis tuaj yeem pom
    lossis hnov ntxhiab tej lwm yam kev piam sij,
    xws li carbon monoxide lossis radon. Tshooj
    lus no yuav pab qhia koj tias koj lub tsev muaj
    huab cua zoo los tsis zoo. Saib phab 6.

    QHOV TSEEB: Cov me nyuam yaus uas muaj hawb pob
    tau muaj coob txog ob npaug sijhawm 10
    lub xyoos los no.
    1 nyob rau 15 tus me nyuam hnub nyoog
    qis dua 18 xyoo muaj mob hawb pob.

    Hawb pob & Ua xua
    - -
    Kev ua xua thiab hawb pob yog teebmeem
    ntawm tib neeg lub cev uas yog los ntawm cov
    huab cua koj ua pa. Koj thiab tej me nyuam
    tau siv sijhawm nyob hauv tsev ntau, li ntawd
    yuav tsum kom muaj huab cua ntshiab huv.
    Puas muaj nej ib tug twg nyob nrog pa taws?
    Koj puas muaj tsiaj yug hauv tsev? Tej no tuaj
    yeem ua tau los sis ntxiv rau teeb meem kev ua
    pa. Yog xav paub ntau ntxiv txog hawb pob thiab
    kev ua xua, saib phab 11.

    Pwm thiab Noo

    Lwm yam teebmeem thiab kev tsis nyob xeeb
    kuj yog los tau ntawm tej huab cua nyob hauv
    koj tsev thiab. Yog ntxooj heev dhau yuav ua
    rau tuaj pwm. Qee yam pwm tsim kev piam
    sij kawg li thiab yuav tuaj yeem ua kom tej tib
    neeg ua xua los sis hawb pob mob heev ntxiv.
    Saib phab 17 yog yuav nrhiav paub ntxiv txog pwm.






    Last edited by koojziagkabzaug on 18th January 2011, 2:23 pm; edited 3 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 2nd September 2010, 5:18 am

    Carbon Monoxyde



    Qhov cua txhaws, ua rau neeg tuag tau.

    Yog hais tias cov chaw ncu khoom noj thiab
    tso cua sov ua haujlwm tsis zoo, nws tuaj yeem
    tsim cov pa tshuaj hu ua carbon monoxide tawm
    nyob rau hauv koj lub tsev. Koj yuav tsis pom
    lossis tsis hnov tus ntxhiab txog qhov puas
    tsuaj ntawd, tiamsis koj tuaj yeem tiv thaiv
    koj tsev neeg kom txhob raug tus taug tshuaj
    carbon monoxide. Saib phab 23 yog xav paub
    ntxiv txog kev tiv thaiv koj tsev neeg kom zam
    dhau carbon monoxide


    Taug txhuas

    Koj cov me nyuam puas tuaj yeem yuav raug toj
    taug txhuas tau nyob hauv koj tsev? Muaj qee
    yam kob vuam tsev thiab kav dej muaj taug
    txhuas paug nyob hauv. Teebmeem feem ntau
    ntawm taug txhuas yog los ntawm tej kob qub
    lossis hmoov txhuas. Taug txhuas tseem muaj
    nyob rau hauv roj a thiab poob rau hauv av
    thiab los ntawm cov pa tsheb tso. Tsam no tsis
    xiv li no lawm. Txawm li ntawd los tseem pom
    taug txhuas muaj nyob rau qhov txhia chaw.
    Taug txhuas tuaj yeem lom me nyuam tau
    yog nws nkag tau rau hauv qhov ncauj lossis
    nqus tau pa tej huab cua muaj taug txhuas.
    Yog hais tias poj niam suab me nyuam tau
    txais taug txhuas rau hauv nws lub cev, yuav
    tsim kev puas tsuaj tau rau tus me nyuam
    hauv plab
    .
    Toj taug txhuas tuaj yeem tsim teebmeem
    loj rau tej me nyuam yaus. Nws yuav ua
    teebmeem rau kev kawm ntawv, kev hlob,
    thiab tus xeeb ceem mus tag sim neej. Txawm
    yog muaj taug txhuas me ntsis xwb los muaj
    peev xwm tsim teebmeem tau rau tej me
    nyuam yaus. Rov mus saib phab 29 yog xav
    paub txog kev qaug taug txhuas hauv tsev.





    Yog noj tau txhuas, yuav muaj kev plhom sij ntau yam.
    -Txhuas txheem mus nyob hauv ntshav
    -Tauv rau tej chaw mos xws li: paj hlwb, siab, txiav thiab pob txha.
    -Cov poj niamù muaj me nyuam, yuav mus raug tus me nyuam xeeb.


    *Txhua tawm khiav ntawm: Tawm hws, raws quav zis.


    Last edited by koojziagkabzaug on 13th January 2011, 1:57 am; edited 2 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 1:40 am



    DEJ HAUS




    Koj cov dej haus puas nthiab huv? Koj puas
    paub hais tias koj cov dej haus los qhov twg
    los? Yog nws tawm los ntawm koj lub qhov
    tshij los, koj yuav tau paub hais tias cov dej
    no huv haus tau. Txhua thxua xyoo puas
    tau ntsuam xyuas koj cov dej tias tsis muaj
    chemicals lossis lwm yam kuab paug nyob
    hauv uas yuav ua rau koj tsev neeg muaj mob.
    Koj tuaj yeem ua tau kom pov hwm koj lub
    qhov tshij thiab koj cov dej kom huv. Saib
    phab 335 yog xav paub tias yuav ua cas.
    Tej zaum koj kuj tau txais dej haus los
    ntawm company (tsev koom xeeb) xa dej
    lossis chaw ua dej. Lawv yuav ntsuam xyuas
    dej txhua txhua zaus ua ntej xa raws kav dej
    tuaj rau koj kom ntseeg tau tias nws ntshiab
    huv. Koj tuaj yeem nug tau rau lub tsev koom
    xeeb lossis chaw ua dej ntawd kom xa phau
    ntawv hais txog kev ntsuam xyuas dej tau zoo
    licas. Txawm yog hais tias nws zoo nyob rau
    tom chaw ua dej, tiamsis dej tseem tuaj yeem
    tsis ntsiab huv tom qab tuaj ti rau koj tsev.
    Saib nyob phab 33 kom pom tias koj cov dej huv
    haus tsis ntshai.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 1:44 am



    Khoom Tsim kev Piam sij nyob Hauv tsev


    Koj puas muaj tej yam khoom uas tsim kev
    puas tsuaj nyob hauv koj tsev?

    Muaj qee yam khoom tuaj yeem tsim kev puas tsuaj tau
    rau kev nyob xeeb ntawm koj tsev neeg yog
    hais tias koj siv tsis raug raws li txoj kev. Cov
    chemicals uas paub xws li tshuaj ntxuav tsuas,
    kuab lom tsuag, tshuaj ntaus kob, tshuaj ntaus
    kav dej txhaws puav leej yog yam tsim kev
    puas tsuaj. Me nyuam yaus tuaj yeem ua kom
    lawv raug lom tau yog lawv mus kov tau tej
    yam khoom zoo li no. Txawm hais tias tau
    raug qee yam taug tshuaj chemical no me ntsis
    xwb los yuav tuaj yeem tsim kev puas tsuaj rau
    lub cev tau yog tais koj kov tau lossis nqus tau
    pa nkag rau lub cev. Nco ntsoov tias — yog
    koj tsuag tshuaj lossis tswm nqus ib yam dab
    tsi, nws yuav ya ri mus rau nruab ntug. Thaum
    sijhawm koj thiab koj tsev neeg nqus tau, cov
    toj taug chemicals no yuav nkag mus rau koj
    lub cev. Saib phab 38 kom paub ntau ntxiv txog
    kev siv, ceev tseg, thiab kev pov tseg tej khoom
    nyob hauv tsev.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 2:18 pm



    Tshuaj tua kab


    Koj puas siv tshuaj tau kab nyob hauv koj
    tsev? Yuav luag yog txhua txhua yim tsev siv
    tshuaj tua kab. Tshuaj tsuag kab, hmoov nphoo
    dev mub, kuab lom tsuag, thiab tshuaj tua
    nroj puav leej yog tshuaj tua kab. Nws muaj
    taug chemical nyob rau hauv uas cia tua tej
    kab tsis zoo. Tej no kuj hais tau tias nws tuaj
    yeem tsim kev puas tsuaj tau rau koj thiab tsev
    neeg. Yog tias koj tsis siv nws yam xyuam xim,
    qee yam tshuaj tua kab yuav tsim teebmeem
    loj rau koj lub cev — xws li qaug tshuaj, me
    nyuam yug los tsis xws luag, hlab hlwb puas
    tsuaj, txog rau ua cancer (kheej xawj). Muaj
    ntau txoj kev uas koj tej me nyuam tuaj yeem
    yuav mus kov tau tej tshuaj tua kab no. Koj
    tuaj yeem ua tau ntau yam yoojyim kom tiv
    thaiv tej me nyuam los ntawm tej tshuaj tua
    kab. Saib phab 42 kom paub tias koj siv tshuaj
    tua kab xyuam xim licas!




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 2:24 pm



    Kev Nyob xeeb hauv Tsev

    Koj puas xav hais tias qhov koj yuav raug
    mob nyob rau tom tsev muaj ntau dua nyob
    rau tom chaw haujlwm lossis tom tsev kawm
    ntawv? Cov kev ua rau ploj tuag nyob tom tsev
    yog ntog, pob dej, hluav taws kub, raug tshuaj
    lom, txhawm chim, txhaws qa, thiab phom.
    Cov me nyuam mos thiab cov neeg hnub
    nyoog siab yog cov yuav tau txais kev mob rau
    hauv tsev ntau dua ntais. Tseem ceeb thaum
    xav txog kev nyob xeeb hauv tsev yuav tau xav
    txog hnub nyoog ntawm me nyuam.
    Saib phab 48 kom paub tias seb koj lub tsev
    paus yog ib qho chaw nyob xeeb thiab yuav ua cas
    thiaj nyob xeeb dua qub.




    Vim licas thiaj li muab siab rau me nyuam yaus?


    Txhua leej xav muaj kev nyob xeeb hauv tsev?


    Tiamsis nws muaj kab ke tshawj xeeb uas yuav
    tau xav txog me nyuam yaus:
    • Me nyuam yaus lub cev tseem tab tom
    hlob. Lawv lub hlwb, daim siab, thiab
    lwm yam nyob hauv nrog cev yuav raug
    kev puas tsuaj los ntawm tshuaj chemicals
    thiab tej kev piam sij ntau dua cov laus lub
    cev. Yog tias me nyuam yaus tau mob, nws
    yuav zoo nyuab me ntsis vim tias nws tej
    tiv thaiv mob hauv nws lub nrog cev tseem
    tab tom hlob.
    • Vim lawv lub cev me, me nyuam yaus noj
    mov ntau dua, haus dej ntau dua, thiab ua
    pa nqus huab cua ntau dua neeg loj. Yog
    lawv nqos tau taug txhuas mus rau lawv
    lub cev lossis qhos tau pa tej yam ntxhiab
    cua tsis zoo, cov ntawd yuav muaj ntau dua
    rau lawv tshaj muaj nyob rau cov laus.
    • Me nyuam yaus ua si thiab nkag hauv av.
    Qhov ntawd yuav ua rau muaj ntau yam nws
    yuav khaws tau uas yuav tsim teebmeem rau
    nws lub cev, xws li plua plav thiab tej tshuaj
    chemicals. Me nyuam mos liab thiab me
    nyuam yaus haj tseem khaws ub no rau hauv
    qhov ncauj thiab — tej yam khoom ntawd
    tej zaum yuav muaj chemical lossis plua plav
    taug txhuas lo xyaw.
    Vim licas thiaj li muab siab rau me nyuam yaus?
    Yuav siv phau me nyuam ntawv no licas?...
    Phau me nyuam ntawv no nug txog koj lub tsev thiab txog tias koj nyob hauv zoo
    licas. Kev teb cov lus no, koj tuaj yeem nrhiav paub tias koj lub tsev muaj kev nyob
    xeeb los tsis muaj lossis koj puas yuav tsum tau hloov qe yam.
    Nws muaj cuaj tshooj nyob rau hauv phau ntawv no. Txhua tshooj yuav qhia paub
    txog lub hauv paus lus, muab lus nug txog qhov ntawd, thiab yuav qhia cov qib quag
    haujlwm yoojyim kom tiv thaiv koj cov me nyuam lub cev. Qhov kawg ntawm txhua
    tshooj, yuav qhia kom koj paub txog kev nrhiav kev pab ntxiv.
    Qhov nov nyob ntawm koj xwb — Pab Koj tus Kheej kom koj lub Tsev muaj kev
    Nyob xeeb!




    Me nyuam yaus yuav nce rau cov
    laus ua kom lub tsev muaj kev
    nyob xeeb!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 3:01 pm

    Huab cua Hauv Tsev Zoo los Tsis Zoo

    Koj Puas yuav tsum Txhawj xeeb txog?


    Neeg feem coob muab sijhawm ib nrab nyob rau
    hauv lawv tsev. Cov huab cua hauv tsev yuav
    muaj kev piam sij rau koj tsev neeg ntau dua huab
    cua sab nraud.

    Huab cua nyob hauv koj tsev puas ntshiab huv rau kev ua pa?


    Nws tsis yoojyim yuav qhia tau tias huab cua nyob
    hauv koj tsev tsis zoo. Koj yuav hnov ntxhiab tsw
    phem lossis pom pa ncho, tiamsis koj tsis tuaj yeem
    yuav pom tau lossis hnov tau lwm yam ntxhiab uas
    tsim kev piam sij, xws li carbon monoxide lossis
    radon. Tshooj no thiab lwm tshooj hais txog hawb
    pob thiab ua xua, pwm, thiab carbon monoxide yuav
    pab qhia koj nug cov lus kom yog kom paub nrhiav
    cov huab cua sab hauv koj tsev hais tias zoo thiab tsis
    tshai dab tsi. Cov lus qhia no tseem yuav qhia tswv
    yim rau koj txog yuav kho tej yam teebmeem koj pom tau licas.

    Hawb pob thiab Ua xua

    Yog ib tug neeg hauv koj tsev muaj teebmeem muaj
    mob, huab cua muaj kuab paug nyob hauv tsev yim haj
    ua rau mob nyhav ntxiv. Piv txwv, ib yam li hawb pob
    yog kab mob xeeb rau daim ntsws uas raug tau ntau
    leej me nyuam yaus. Kev muaj kuab paug rau huab
    cua hauv tsev yim haj ua rau mob ntxiv. Kab ya thiab
    kab phem tuaj yeem ua teebmeem txaus ntxhai rau cov
    neeg mob hawb pob lossis ua xua. Piv txwv, quav kab
    laum thiab dev mub ua rau hawb pob heev tuaj nyob
    qee tus neeg. Tshuaj tua kab kuj pab tua tau tej kab no
    tiamsis nws kuj tsim kev puas tsuaj thiab. Siab phab 44
    kom paub ntau txog kev siv tshuaj tsuag kab thiab lwm
    yam tshuaj tua kab kom xyuam xim. Saib phab 11 kom
    nrhiav paub txog kev ua rau koj lub vaj tse nyob xeeb
    dua qub rau cov neeg hawb pob thiab ua xua.

    Pwm

    Pwm hlob zoo rau tej chaw ntxooj. Seem ntau nws
    tsw phem heev. Muaj coob leej neeg ua xua vim pwm.
    Qee yam pwm muaj kuab lom, li ntawd yog mus raug
    tau pwm ntau yuav ua rau muaj mob. Tham rau kws
    kho mob yog koj xav tias pwm tsim teebmeem rau
    koj thiab koj tsev neeg. Saib phab 17 kom paub ntau
    txog kev saib xyuas pwm nyob hauv koj vaj tse.

    Carbon Monoxide


    Carbon monoxide yog ib yam nkev (gas) ua tsim kev
    puas tsuaj kom tuag tau uas los ntawm tej cuab yeej
    hlawv nkev, roj, zeb ntsuam, lossis taws es tsis ua
    haujlwm zoo kom raws li qhov yuav tsum zoo. Tsheb
    cov pa hlawv roj kuj puaj leej muaj carbon monoxide.
    Koj tsis tuaj yeem paum, saj tsis tau lossis tsis hnov
    ntshiab carbon monoxide tsw. Saib phab 23 kom
    paub ntxiv txog kev yuav tiv thaiv koj tsev neeg kom
    txhob raug tshuaj lom carbon monoxide.

    Lwm yam Teebmeem Huab cua sab Hauv Tsev


    Radon kuj yog ib yam ntxhiab pa muaj taug. Nws
    yuav tawm tua hauv qab av los rau hauv koj tsev. Koj
    yuav tsis pom, saj tsis tau, tsis hnov tus ntxhiab li.
    Radon pom muaj nyob rau thoob plaws Ameslikas
    teb. Radon yuav ua rau mob cancer tau (kheeb xawj).
    Hais tiag, qhov nos yog txoj hau kev ob uas mus rau
    mob cancer nyob U.S. Yog tias koj haus luam yeeb
    thiab koj lub vaj tse muaj Radon nce siab, koj yuav
    tuaj yeem muaj mob cancer ntsws tau siab.

    QHOV TSEEB

    Cov huab cua hauv koj vaj tse yuav tsis zoo yog
    hais tias nws muaj kuab paug ntau yam nyob hauv.
    Yog xav ua kom tej kuab paug rau huab
    cua sab hauv tsev tsawg mus, kawm kom paub
    tias nws los qhov twg los. Ua zoo saib xyuas
    koj vaj tse kom muaj kev nyob xeeb
    Me nyuam yaus siv sijhawm txog 90%
    nyob rau hauv vaj tse. Piv rau lawv lub cev
    me, me nyuam yaus ua pa ntau tshaj cov laus
    txog ob npaug. Qhov no qhia tau hais tias
    me nyua yaus muaj kev ntshai rwg tsam
    muaj teebmeem muaj mob los ntawm huab
    cua hauv tsev ntau tshaj cov laus.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 3:21 pm


    Qee zaus tej taug plua plav nyob sab hauv tsev

    Yog los ntawm qhov cov neeg tau ua nyob rau hauv vaj tse

    • Kev haus luam yeeb ua rau mob kheeb xawj thiab lwm yam teebmeem mob nkeeg. Nws tsis zoo yuav cia me nyuam yaus nyob ze neeg haus luam yeeb. Kev nyob ze ib ncig ntawm kev haus luam yeeb yuav ua rau me nyuam yaus muaj tau teebmeem ua mob rau pob ntseg thiab txoj hlab ua pa. Nws tseem yuav ua rau muaj mob hawb pob tau thiab.
    • Muaj ntau yim neeg yug yam tsiaj nyob hauv tsev. Tiamsis cov tsiaj muaj plaub ntxhov kuj yuav tsim teebmeem rau tib neeg. Cov tsiaj nyob hauv tsev yuav ua kev cuab taw rau hawb pob thiab ua xua, tseem ceeb yog tias koj tso cov tsiaj ntawd nyob rau cheeb tsam chaw pw.
    • Kev nyiam yam haujlwm yus ua hauv tsev qee zaus kuj tau nqa xuab zeb, vuam kob, ham hlau, lossis siv kuab tshuaj chemical ua kom khoom yaj, xws li cov kua roj vanish lossis tshuaj ntaus kob. (Kuab tshuaj ntaus kom khoom yaj yog ib yam tshuaj ua kom lwm yam yaj. Cov kuab tshuaj no feem ntau yog ua kua.) Kev ua haujlwm tom tsev yuav ua rau muaj plua plav paug rau huab cua lossis cov chemical tsim kev puas tsuaj.



    Qee zaus plua plav paug huab cua nyob hauv vaj tse
    Yog los ntawm tej yam tib neeg muaj nyob hauv tsev.


    • Muaj qee yam khoom hauv tsev, tseem ceeb yog tej kuab tshuaj ua kom khoom yaj, tuaj yeem tsim plua plav paug huab
    cua yog tias koj siv nws tsis raws kab ke. (saib phab 38 kom paub cov lus nthuav txog tej khoom hauv tsev.)
    • Tej khoom vaj khoom tsev tshiab, ntaub pua plag, thiab tej khoom tsim ua vaj tse kuj yuav tso cov chemical uas tau siv tawm tuaj. Qee yam chemical no tuaj yeem tsim kev puas tsuaj tau rau tib neeg, tseem ceeb me nyuam yaus.
    • Yog tias koj lub tsev ua ua ntej xyoo 1978, cov kob vuam yuav muaj hmoov taug txhuas nyob hauv los tau. Taug txhuas yog ib yam piam sij heev rau me nyuam yaus me. Saib phab 29 kom paub txog kev tiv thaiv koj tej me nyuam los ntawm taug txhuas.

    Nws yog ib qho yoojyim, tiamsis thawj theem koj yuav ua yog nrhiav paub hais tias dab tsi ua rau huab cua tsis zoo. Cov lus nug nyob phab txuas mus yuav pab koj nrhiav cov teebmeem muaj nyob rau hauv vaj tse. Phab 9 yuav muab tswv yim rau koj tias yuav ua
    licas. Saib rau tshooj uas hais txog hawb pob thiab ua xua, pwm, thiab carbon monoxide kom paub ntau txog teebmeem huab cua nyob rau sab hauv tsev. Nco ntsoov tias, kev yuav ua kom koj lub vaj tse muaj kev nyob xeeb, tsis muaj mob kuj yog yuav tau ua
    ntau yam.




    Cov cuab yeej siv hlawv khoom kuj yog
    hauv paus ua kom muaj plua plav toj taug paug tau.


    Last edited by koojziagkabzaug on 13th January 2011, 2:04 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 3:29 pm



    Cov Lus yuav tau Nug

    Txoj kev Noj qab Haus hauv ntawm Koj Tsev neeg

    • Nyob hauv koj tsev neeg puas muaj leej twg hawb pob thiab ua xua?
    • Puas muaj leej twg hauv koj tsev muaj ntsim qhov muag, hnoos, los sis txham uas yog seem ntau thaum nyob hauv tsev?
    • Puas muaj leej twg hauv koj tsev keev muaj
    mob txham raws tej hlab ntws lossis mob ntsws lwm yam?

    Radon
    • Koj puas tau tshuaj xyuas koj lub tsev saib puas muaj radon?
    • Puas muaj cov neeg nyob ze koj muaj teeb meem
    los ntawm ntxhiab pa radon? Yog tias muaj,
    tej zaum koj kuj yuav muaj teeb meem vim radon thiab.



    Cov Radon los tau tsev zoo li cas.nej saib cov kab liab liab...


    Raug Radon


    Last edited by koojziagkabzaug on 12th January 2011, 3:41 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 3:38 pm




    Kev Nyob hauv lub Tsev muaj kev Nyob xeeb


    • Puas muaj thaj puav chaw hauv koj tsev muaj
    ntshiab tsw ntxooj lossis ntxhiab tsw si?
    • Koj puas pom muaj kab laum nyob hauv koj lub tsev?
    • Koj puas paub txog kev siv thiab saib xyuas tej cuab yeej hlawv roj yam xyuam xim?
    • Koj puas pub haus luam yeeb hauv koj tsev?
    • Koj puas muaj cov tsiaj plaub ntxhov nyob hauv tsev?
    Nyob hauv chav pw?
    • Koj puas nyeem tej ntawv qhuab qhia txog kev siv khoom, thiab ua raws li luag hais kom xyuam xim?
    Koj puas qhib qhov rai lossis tso khaub lig cua thaum koj
    ua haujlwm yam koj nyiam uas muaj plua plav ri ya lossis tsw
    ntxhiab?
    • Koj puas ua tiag ua tej hauj lwm muaj plua plav ya los sis
    tsw ntxhiab nyob raum zoov?
    • Koj puas xaiv tej khoom vaj khoom tsev, ntaub pua plag,
    thiab tej khoom ua tsev thiab khoom siv uas tsis muaj tej
    chemical tshuaj lom? Cov khoom siv zoo li no hu ua khoom xeeb ntsuab.
    • Koj lub tsev puas keev muaj ntxhiab tsw si, ntxooj, muaj pa taws, lossis xws li chemicals?
    • Koj lub tsev puas zoo li tsis muaj cua huv? Koj puas
    hnov ntxhiab ua noj tsw phem hnub tom qab?
    • Koj lub chav da dej thiab ua noj puas muaj khaub
    lig qaiv cua thiab koj puas siv nws?



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 3:52 pm


    Huab cua Nyob hauv Vaj tse

    QIB QUAG UA HAUJLWM

    A- Yuav tsum paub tseeb txog cov qib kev ua
    haujlwm nyob rau cov tshooj lus hais txog
    hawb pob thiab ua xua, pwm, thiab carbon
    monoxide. Koj yuav nrhiav pom cov lus qhuab
    qhia txog kev ua kom tej toj taug paug chaw
    nyob hauv vaj tse tsawg mus thiab kom huab
    cua ntshiab huv tuaj?
    Tshuaj xyuas Koj tej Vaj tse saib puas muaj Radon
    Koj tuaj yeem muas tau cov cuab yeej ntsuas
    radon nyob rau tom tsev khw muag khoom
    siv hauv vaj hauv tsev. Los sis hu xov tooj rau
    hwm tsav saib xyuas kev noj qab haus huv
    cheeb tsam koj nyob los sis xeev kom paub ntau ntxiv.
    Kev Nyob hauv Vaj tse muaj kev Huv
    • Tsis txhob haus luam yeeb hauv vaj tse
    lossis hauv tsheb. Tsis txhob haus luam
    yeeb ze koj tej me nyuam kiag li.
    • Yuav tsum muab siab rau kev saib xyuas
    vaj tse. Muab siab rau saib tej khoom
    noj thiab khoom nchuav tam sim thaum
    ntawd yuav ua rau tsis muaj hmob kab
    thiab tej tsiaj hauv tsev tsis los ze. Lub
    tsev huv yog lub tsev tsis muaj kev mob nkeeg.
    • Qhib qhov rai lossis siv kiv cua
    kom muaj huab cua ntshiab los rau hauvtsev thaum muaj
    neeg siv chemicals nyob hauv tsev lossis tom tsev tso tsheb.
    • Thov tus neeg muag ntaub pua plag kom
    nws qhib cia cov pa ya tawm tsawg kawg yog
    ib hnub ua ntej yuav nqa daim ntaub los
    rau hauv koj tsev. Siv ntaub pua plag
    rau lub caij uas koj tuaj yeem
    yuav qhib tau qhov rai ntau hnub tom qab
    koj siv nws pua. Nqus plua plav tawm kom
    zoo ntawm daim ntaub pua plag qub ua
    ntej koj yuav muab nws yaws thiaj li tsis ya
    plua plav.
    • Cia tej khoom vaj khoom tsev lossis
    khoom ua tsev tej nyob sab nraud ob peb
    hnub kom dua pa tso mam nqa los hauv
    tsev. Ua ntej yuav khoom tshiab los siv
    hauv koj lub vaj tse, nug cov khoom
    uas tsis ua muaj tshuaj lom hemicals.
    Qee zaus tej khoom tsis muaj tshuaj
    lom chemical lossis khoom xeeb
    ntsuab yuav raug nyiaj ntau dua.
    Koj y uav tau txiav txim tias tus
    nqi ntawd puas duav rau kev
    pov hwm koj tsev neeg txoj kev nyob xeeb.
    • Txhob cia tsiaj nyob auv chav pw thiab tej chaw nyob.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 3:59 pm



    Thaum Tsis Ntseeg, Ntsuam xyuas tso!


    Ameslikas hwm tsav Environmental Protection
    Agency Hais Txog Huab cua Hauv Vaj tse Home
    Page yog — www.epa.gov.iaq
    • Lub chaw xyuas qhia txog Huab cua Nyob hauv
    Vaj tse (IAQ INFO) 800/438 4318 (Monday to
    Friday, 9:00 a.m. – 5:00 p.m. Eastern Time) or
    email: iaqinfo@aol.com
    • Lub chaw hu nug txog National Radon
    Information Hotline 800/SOS RADON
    (800/767-7236)
    • Chaw nyob ntawm The National Consumer
    Federation’s Radon Website — www.redonfixit.org
    • Chaw nyob ntawm National Lead Information
    Center 800/424-LEAD (800/424-5323)
    • Chaw nyob ntawm National Hispanic Indoor
    Air Quality Hotline 800/SALUD-12
    (800/725-8312), Monday to Friday, 9:00 a.m. –
    6:00 p.m. Eastern Time
    Ameslikas lub chaw xyuas txog ntsws. Nug lub
    tsev koom haum qhov koj nyob, hu xov tooj
    800/LUNG-USA (800/586-4872) lossis saib
    qhov chaw web at www.lungusa.org
    • Nug Chaw Hais txog kev Muaj Huab cua
    Zoo Nyob hauv Ameslikas tej Vaj tse tau rau
    406/994/3451 or www. Healthyindoorair.org
    • [nqe no muab tawm lawm]
    • Home*A*Syst: Ib Daim ntawv Tshoj xyuas txog
    Yam yuav Tshwm sim tau rau Tej Chaw Ib Ncig
    uas qhia paub txog huab cua hauv vaj tse thiab
    lwm yam. 608/262-0024 or www.uwex.edu/homeasyst

    (qhov nov muab raws li xeev Minssota USA xwb, yog txawv teb chaws ces nyias nug raws li nws lub teb chaws)


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 12th January 2011, 4:35 pm


    Hawb pob & Ua xua

    Koj Puas yuav tsum Txhawj xeeb txog?

    Muaj me nyuam yaus coov tshaj 8 vam tus
    nyob rau Ameslikas teb muaj kab mob hu ua
    hawb pob. Hawb pob yog qhov tseem ceeb
    ua rau me nyuam yaus mus tsis taus tom tsev kawm
    ntawv lossis tau mus pw hauv tsev kho mob. Hawb
    pob ua rau neeg ua pa nyuab. Qee zaus neeg kuj
    tseem tuag vim hawb pob los muaj. Tus kab mob no
    tseem kho tsis tau, tiamsis tuaj yeem tiv thaiv tau.
    Tseem muaj 40 txog 50 vam neeg tau ua xua. Kev ua
    xua kuj ua rau neeg ua pa nyuab tib yam vim yuav
    ua rau muaj hawb pob tawm tuaj. Ua xua yog kev
    tsis haum ntawm yus lub cev rau qee yam nyob sab
    ntawd, xws li khoom noj lossis nroj tsuag, uas tej
    nroj no kuj tsis muaj dab tsi phem. Tus yam ntwv ua
    xua uas sawv daws keev paub yog ua tsis taus pa, los
    ntswg, txob ib ce (khaus), los yog ua pob xua raws
    tawv nqaij. Nqe no yuav pab kom koj paub nug tias
    yuav ua licas koj lub tsev thiaj li muaj kev nyob xeeb
    zoo dua qub, yog qhov chaw kaj ntxhiab rau cov neeg
    muaj mob hawb pob lossis ua xua.

    Thaum Hawb pob Nce siab Tuaj yog Zoo licas?
    Yog hawb pob huam tuaj hu ua hawb pob nce siab.
    Thaum nws nce siab ntawd, tej hlab ntsws ua pa, uas
    hu ua hlab hauv ntsws loj thiab hlab ntsws me, yuav
    yau ti dua qub ntxiv. Thaum sij hawm hawb pob nce
    siab ntawd:
    • Cov hlab ua pa hauv koj daim ntsws yuav o su tuaj
    • Cov sawv ceem nyob ncig cov hlab no yuav zawm ceev
    • Cov hlab xa pa no yuav ua ib co kua nyeem hu ua
    mucus (nplaum zoo li hnoos qeev).
    Koj tsis tuaj yeem yuav kis mob hawb pob tau. Txawm
    hais tias yam mob no kuj muaj nyob hauv tsev. Yog
    hais tias ib tug neeg hauv koj tsev hawb pob, tej zaum
    koj lossis koj tej me nyuam kuj yuav mob thiab. Cov
    neeg mob hawb pob tau muaj coob ntxiv zuj zus txhua
    xyoo, thiab muaj neeg coob tus tuag vim tus mob no
    txhua txhua xyoo. Kev tuag li no tsis tsim nyog yuav muaj l.

    Yam ntxwv Qhia paub txog Hawb pob Nce siab
    • Ceev hauv siab
    • Ua pa txog siav
    • Ua pa nrov li tshuab raj
    • Hnoos


    Yog leej twg mob hawb pob nce siab
    tuaj yuav tsum xa nws mus rau tsev kho
    mob sai sai. Qee yam qhia paub txog kev mob hnav yog:
    • Thaum noj tshuaj pab tiamsis qhov hawb
    pob tsis ntaug sijhawm 15 feeb drau mus.
    • Tus neeg mob di ncauj thiab rau tes xiav
    • Tus neeg mob tsis tuaj yeem mus kev los sis hais lus, vim txog siav heev.



    Cov neeg mob hawb pob uas paub hnov txog tias
    yuav hawb pob kuj tuaj yeem noj tshuaj ua ntej
    tam sim ntawd. Qhov no yuav ua rau hawb pob
    tsis heev tuaj.
    Qhov tseem ceeb tshaj plaws yuav tsum tau paub txog
    tias koj tuaj yeem tswj tau hawb pob. Tus neeg hawb
    pob (lossis nws niam nws txiv) uas paub txog cov
    tshuaj noj thiab paub tias yog vim licas thiaj hawb
    pob feem ntau tuaj yeem zam dhau tus mob. Qhov
    no txhais tau tias cov neeg hawb pob tuaj yeem nyob
    tau xws li tej neeg lwm tus thiab.
    Muaj ntau yam tshuaj kuj kho tau hawb pob thiab.
    Nco ntsoov hais tias tsis muaj ib yam tshuaj xwb thiaj
    li yuav zoo tshaj plaws rau tus neeg mob. Koj thiab
    koj tus kws kho mob yuav tau sib pab nrhiav yam
    tshuaj kom zoo tshaj. Nco ntsoov hais tias yuav tau
    siv sijhawm me ntsis thiaj yauv nrhiav tau yam tshuaj
    zoo haum. Tsis tas li ntawd, koj yuav tsum tau nrhiav
    paub txog tias vim licas thiaj li muaj kev hawb pob

    Yam Chiv keeb kom Hawb pob

    Tsis muaj leej twg paub tseeb hais tias dab tsi ua rau
    hawb pob. Tiamsis licas los kuj muaj ntau yam ua rau
    mob hawb pob. Tej yam no hu ua yam chiv keeb ua
    kom mob. Qee leej neeg kuj muaj ib los yog ob yam
    chiv keeb tuaj. Lwm tus neeg kuj muaj ntau yam. Qee
    yam chiv keeb yog tej khoom uas tib neeg keev muaj
    ua xua. Cov sawv daws paub kuj yog hmoov paj ntoos
    (nyob ntawm ntoo thiab paj) thiab hmoov plaub tsiaj
    (hmoov plaub miv, dev, thiab lwm yam tsiaj nyob
    hauv tsev). Ib txhia neeg kuj tseem ua xua vim tej
    tsiaj xws li tej kab, nas, lossis hmob. Hmob yog ib co
    kab me me uas koj tsis pom. Nws nyob txhua qhov
    txhia chaw — xws li hauv tej ntaub pua plag, tej kis rooj tog, tsiaj tej kis plaub, thiab chaw pw. Haus luam yeeb kuj yog ib qho chiv kom ua rau hawb pob. Lwm yam chiv keeb mas
    kuj tsis muaj feem xyuam ua xua — xws li huab cua txias,
    kev siv zog, los sis kev zoo siab thiab chim siab (luag, quaj).

    Lwm Yam Chiv keeb rau mob Hawb pob kuj yog

    • Plua plav
    • Pwm
    • Carbon Monoxide
    • Tej khoom ntxuav rooj tog lossis tshuaj tsuag plua plav
    • Tej tshuaj siv tsuag plaub hau lossis tshuaj tsw qab
    • Los ntswg dias tob hau, tau no




    Muaj ob yam tshuaj kho hawb pob tseem ceeb.


    Ib yam tshuaj mas koj (lossis koj tus me
    nyuam) yuav tau noj xwm yeem kom
    daim ntsws tsis txhob txais tej yam ua
    rau mob hawb pob tau yooj yim. Qhov
    no tseem ceeb yuav tau noj cov tshuaj
    raws li kws tshuaj tau sau los, txawm
    hais tias koj yuav hnov tsis mob qhov
    twg. Nws yuav siv sijhawm li ib
    ob weeks (lim tiam) thiaj paub
    hais tias ntxim. Lwm yam tshuaj
    ho hu ua tshuaj cawm. Koj noj
    cov tshuaj no sijhawm tab tom hawb pob heev kom
    cov hlab ntsws muag es koj dim pa.
    Cov tshuaj siv “txhua hnub” kho hawb pob yog
    Steriods. Qee tus neeg yuav poob siab txog cov
    tshuaj no vim muaj ib co tub ua kev sib tw tau coj
    mus siv yuam kev. Cov tshuaj steriods kho hawb
    pob tsis yog tib yam li no. Qhov kev txhaum tshuaj
    los ntawm steriods kho hawb pob kuj muaj tsawg.
    Cov neeg mob hawb pob nqus cov tshuaj no mus
    kiag rau nws cov ntsws, li ntawd lawv tsuas siv me
    me xwb.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 13th January 2011, 2:20 am

    UA XUA


    Ua xua

    Kev ua xua uas keev pom muaj kuj yog xws li los ntswg lossis ua tsis taus pa, hnoos, tawv khov mob, txob (khaus), xoo pob raws ib ce, lossis qhov muag o. Ua xua tuaj yeem ua rau qee tug neeg tuag taus. Thaum cov neeg uas lub cev txais xua yoojyim tau raug tej yam ua xua zoo, xws li txiv laum huab xeeb tej, nws tej mem tes mem taw yuav poob qis, cov hlab ntsws ua pa yuav o su tuaj, ua rau tuaj yeem tuag tau vim qa ntom tsim dim pa. Qhov xwm zoo yog ua xua tuaj yeem kho tau. Yog raug ua xua, qhov tseem ceeb yuav tau nrhiav kom tau tias yog dab tsis chiv ua tuaj thiab yuav kho licas. Kws kho mob yuav ntsuas koj kom paub. Cov neeg muaj mob ua xua heev tej zaum kuj yuav tau nqa tshuaj cawm nrog nrcaim thaum ti tes ti taw. Cov Khoom Chiv Ua xua Sawv daws Keev paub Qhov allergen yog ib yam ua kom chiv ua xua tuaj, lossis kev ua kom ua xua tawm tuaj. Cov yam chiv keeb ua rau hawb pob li tau hais rau phab 12 saud kuj tuaj yeem ua kom tawm ua xua tau rau cov neeg uas tsis hawb pob. Kuj muaj ntau yam allegens thiab. Cov sawv daws keev paub zoo tau muab sau rau hauv no. Tseem ceeb yuav tau tham nrog koj tus kws kho mob saib koj puas muaj qhov txhawm los ntawm tej yam li no:

    • Khoom noj: mis nyuj thiab khoom muab mis nyuj ua, txiv qaub xws li tsiv moj kiab, txiv qaub soob, cov kob zas khoom noj thiab nws tus ziav qab, txiv qab rog, thiab cws lossis piag deg.
    • Tshuaj: penicillin, tshuaj mob plawv qee yam, thiab tshuaj tiv thaiv mob nchua leeg.
    • Kab plev thiab tom: seem ntau yog ntab daj plev, ntab ua zib, nkawj, daiv thiab ntsaum nab. Muaj ib txhia neeg qhov mob vim raug kab plev tseem mob heev ncua mus puag niaj puag xyoo. Licas los tsuas muaj ib qho plev thiaj li yuav ua rau tuag tau. Tham nrog koj tus kws kho mob yog hais tias koj muaj qhov voos tuaj vim raug kab plev.
    • Cov allergens yus mus Kov tau: ua teeb meem tuaj thaum nroj tsuag, tshuaj pleev ib ce, khoom ua zam nyiaj kub, lossis txab (ib yam roj hmab) tau lo tej tawv nqaij. Tawv khov mob yog yam uas keev muaj vim tej allergens no. Saib cov lus nug nyob rau cov phab ntxiv hauv qab kom pab koj nrhiav tej teebmeem nyob ncig koj lub vaj tse uas yuav tuaj yeem ua rau hawb pob thiab ua xua nyhav ntxiv. Phab 14 thiab 15 yuav qhia tswv yim rau koj txog kev ua kom koj tsev neeg noj qab haus
    huv thiab nyob xeeb.


    COV LUS YUAV TAU NUG

    • Puas muaj leej twg hauv koj tsev neeg muaj mob hawb pob thiab ua xua?
    • Puas muaj leej twg hauv koj tsev neeg hnov zoo li ntsim qhov muag, hnoos, lossis txham uas feem ntau yog tham nyob hauv tsev?
    • Koj lub tsev puas muaj ntaub pua plag uas tsis ntxhua kom huv zoo lossis ntxhua tsis cuag ncua?
    • Koj puas muaj tej yam pua plag tsev, khoom ua si ya plaub, lossis tej khoom siv muaj plaub ntxhov nyob hauv chav pw?
    • Koj ntxhua pam vov chaw pua ntxug npau licas?
    • Koj puas khaws khoom noj cia rau tej raj lossis thawv uas tsis muaj hau kaw?
    • Koj puas cia tsiaj los nyob sab hauv tsev?
    • Puas yog twb tau dhau ib xyoos lawm uas koj tsis tau ntsuam xyuas thiab cheb koj lub qhov cub rauv taws, thiab lub raj xa pa taws?
    • Puas muaj leej twg haus luam yeeb hauv koj tsev?
    • Koj lub tsev puas ntxooj thiab tsw ntxhiab si?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 13th January 2011, 2:34 am



    QIB QUAG UA HAUJLWM


    Muab Siab rau Koj Tej Kev Hawb Pob & Ua Xua


    Yuav tau paub tias dab tsis ua rau koj lossis koj tej me nyuam hawb pob thiab yuam kev ua xua. Tham rau kws kho mob lossis tus tu neeg mob txog kev nqa ntshuaj nrog cev thaum ti tes ti taw yog tias koj muaj hawb pob thiab ua xua yuam kev hnav. Yog hais tias tus neeg koj hlub nqa tshuaj daws hawb pob thiab ua xua nrog cev kom lawv paub tias yuav noj thaum twg. Kev Saib Vaj tse Kom muaj kev Nyob xeeb Ua kev huv koj lub tsev kom xwm yeem. Vim tias cheb tsev yuav ua rau plua plav ya ri sawv, yuav
    tsum cia tus neeg tsis muaj hawb pob lossis tsis ua xua los ua. Looj ntaub npog qhov ncauj yog hais tias tsis muaj leej twg ua. Koj tuaj yeem yuav qhov no tau tom chaw muag tshuaj. Txhob cia sw heev. Tej khoom sw tsev yuav ntsu plua plav thiab ua rau tsis yoojyim kom tsev huv. Khaws koj tej khoom siv cia rau tej thawv roj hmab, thawv ntawv thxob cia ua tsheej pawg los
    tsheej tum. Koj tuaj yeem tshem kav ntawv tau kom ua kev huv tau yoojyim. Thaum yog ua tau, txhob cia muaj ntaub pua
    hauv plag lossis khaub hlab. Cov plag tsev tawv (pua roj hmab, pua ntoo, lossis pua nplais zeb) yuav tu tsis pub muaj plua plav tau yoojyim dua. Yog tias koj yeej muaj khaub hlab los yog ntaub pua plag, yuav tau nqus plua plav kom xwm yeem. Koj tuaj yeem qiv lossis yuav lub txhuab nqus plua plav uas muaj lub lim HEPA (High Efficiency Particle Air) zoo kom tsis muaj plua
    plav. Hu rau koj hwm tsav saib xyuas kev noj qab haus huv ntawm koj cheeb tsam lossis state (xeev) kom paub ntau ntxiv.


    Ua kom Txhob Muaj Hmob Dev mub


    Siv hnab pam pua chaw thiab hauv ncoo uas muaj txoj swb nyob sab hauv qab. Koj tuaj yeem yuav tau tom khw muag khoom lossis kom luag xa tuaj. Yog hais tias hnab pam pua chaw tsis zoo pw, muab ib daig ntaub npog rau sab saud. Ntxhua chaw pw tas nrho pam vov, hnab looj tog hauv ncoo thiab ntaub npog pam pua chaw hauv dej kub txhua lub lim tiam. Yog dej kub siab dua
    130°F yuav tua tau hmob dev mub.


    Kev Thaiv Lwm yam Kab tsim kev Tsis zoo


    Kab laum thiab nas tuaj yeem ua kom mob hawb pob thiab ua xua. Tej kab no yuav tsum muaj noj, dej haus, chaw sov, thiab chaw nyob thiaj sis tuag. Koj tuaj yeem ua kom txhob muaj kab laum, nas, thiab lwm yam tsiaj us yog txhob cia
    muaj tej chaw no yoojyim rau nws. (Saib tshooj hais txog tshuaj tua kab nyob phab 42 kom paub ntau ntxiv tias yuav ua licas thiaj li tswj tau tej kab tsim kev tsis zoo.) Ntawm no yog qhia paub me ntsis kom txhob muaj kab tsis zoo:


    • Cia khoom noj rau tej thawv kaw kom ntom.
    • So tej yam khoom noj thiab kua lo tam sid.
    • Nchuav koj lub tawb rau khoom qias neeg pov tseg xwm yeem.
    • Ntxuav tej tais diav lo phem tam sim noj tag.
    • Tsis txhob tso koj tej tsiaj tej khoom noj thiab dej tseg ib hmos.
    • Kho koj tej kav dej txhob cia txia dej thiab nrog dej.
    • Txhaws tej kab nrib pleb uas kab laum thiab lwm yam kab nyob tau or yog nkag tau rau hauv tsev.


    Tsiaj nyob hauv tsev

    Tsiaj plaub ntxhov xws li dev, miv, thiab nas ceg ntev yuav ua rau mob hawb pob thiab ua xua tau vim tias nws cov qaub ncaug thiab plaub ya ri tau. Zoo tshaj mas tsis txhob muaj tsiaj lossis cia nyob sab ntawd. Yog koj yuav cia tsiaj nyob hauv tsev, yuav tsum txhob cia nyob rau cheeb tsam chaw pw thiab tej rooj tog uas muaj ntaub qhwv nraud.

    Ntsuam xyuas Koj tej Cuab yeej siv

    Yuav tsum paub tseeb tias koj cov khoom siv nkev, chaw rauv taws, chaw rauv taws ua kom sov, lossis cov qhov txos siv taws yuav tsum tau txais kev ntsuam xyuas txhua xyoo kom txhob cia muaj hmoov quav hlawv (thiab tiv thaiv koj kev piam sij los ntawm carbon monoxide. Saib phab 26 kom paub ntau ntxiv.) Tsuam xyuas lub lim pa taws koj qhov chaw rawv taws kom sov lossis ib xyoos muab cua tshuab ob peb zaug. Hloov dua yog tsim nyog. Xav rau qhov muas lub lim uas kim dua me ntsis tej lim sawv daws yuav. Nws yuav ua huv rau koj vaj tse zoo dua. Nws nqus plua plav tau zoo dua li ntawd koj yuav tau hloov nws ntxug me ntsis. Saib nws daim ntawv lo qhia thiab qhov qhwv sab nraud kom paub yam cuab yeej no. Yog tias koj
    xob tsev nyob, nug koj tus tswv tsev txog tej theem li hais no.


    Kev Haus Luam yeeb

    Haus luam yeeb, luam yeeb loj lossis haus yeeb thooj ua rau muaj teebmeem rau lub cev, tseem ceeb yog rau cov neeg muaj hawb pob. Qhov zoo tshaj plaws yog tseg txhob haus luam yeeb (Xav tau pab hu nug rau American Lung Association tus xov tooj yog
    1-800-LUNGUSA). Yog tsis li ntawd, yuav tsum haus luam yeeb nraum zoov thiab deb ntawm tej me nyuam. Tsis txhob hlawv luam yeeb
    hauv tsheb vim cov pa yuav auv thiab ua teebmeem rau me nyuam yaus.


    Pwm
    Thaum tib neeg ua pa nyob rau qhov muaj pwm, nws yuav ua rau ua xua thiab hawb pob tuaj. Pwm yuav tsum muaj dej thiaj tuaj
    taus. Cia vaj tse qhuav kom tsis muaj pwm. Qhov no kuj yuav pab kom tsis muaj kab laum thiab hmob dev mub thiab. Saib tshooj
    hais txog pwm nyob phab 17 kom paub ntau ntxiv.



    Lub tshuab cua nyob hauv chav pw yuav pab
    tau cov ua xua thiab hawb pob. Cov tshuab
    cua (uas muaj lim cua HEPA) raug nqi kwv
    yees $100. TSIS txhob siv cov tshuab cua
    uas tsim muaj ozone vim tias nws yuav
    tsim teebmeem rau lub cev.


    Yog tsis ntseeg, Tshuaj xyuas Kom tseeb!!


    • Koj lub Extension Office ntawm cheeb tsam koj nyob — xyuas hauv koj phau ntawv ntaus xov tooj
    • Hwm tsav saib xyuas kev noj qab haus huv nyob ntawm koj cheeb tsam — xyuas hauv koj phau ntawv ntaus xov tooj
    • American Lung Association, 800/LUNG-USA — www.lungusa.org
    • The Soap and Detergent Association, Cleaning to Control Allergies and Asthma, 202/347-2900 —www.cleaning101.com/house
    • Healthy Indoor Air for America’s Homes 406/994-3451 — www.healthyindoorair.org
    • The Allergy & Asthma Network: Mothers of Asthmatics 800/878-4403 — www.aanma.org
    • The Food Allergy & Anaphylaxis Network (FAAN) 800/929-4040 — www.foodallergy.org

    Qhov nov yog ib qho piv txwv rau ib thaj chaw xwb, kom nyob lwm qhov lov paub tias yuav nrhiav kev pab qhov twg.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 13th January 2011, 4:10 pm

    PWM & HWS NOO

    Koj Puas yuav tsum Txhawj xeeb txog?

    Peb sawv daws seem coob puav leej pom pwm thiab chaw noo nyob hauv vaj tse. Tiamsis koj puas paub tias pwm muaj sia?
    Nws txawm rau tej chaw ntub thiab noo. Seem ntau yuav pom pwm txho lossis dub tiamsis kuj muab dawb, tsuav, lossis ntsuab. Nws yuav txawm muaj rau tej chaw xws li phab ntsa, khaub ncaw, thiab cuab yeej tej. Tiamsis koj yuav pom nyob rau tej chaw zai me ntsis — xws li hauv qab ntaub pua plag lossis phab ntsa thiab saum nthab. Pwm seem ntau tsw ntxhiab heev. Mildew yog ib lo lus keev paub tias pwm. Yog tais koj nyob rau hiav txwv lossis cheeb tsam huab cua noo, nws yuav xeeb muaj pwm ntau dua nyob rau vaj tse dua lwm cheeb tsam.

    Pwm yuav tsim muaj “spores,” noob me me uas ntsia tsis pom uas ya ri saum nruab ntug. Thaum koj ua pa nyob qhov muaj cov noob pwm, nws yuav nkag mus rau hauv koj cov ntws. Qhov no tuaj yeem ua teebmeem mob nkeeg tau. Cov neeg ua xua vim pwm yuav muaj qhov tswm sim. Yuav pom xws li qhov muag los kua, los ntswg lossis txhaws qhov ntswg, txhub ntswg, khaus, ua pa nrov li tshuab raj, ua pa txhawm chim, dias tob hau, thiab nkees. Pwm tuajyeem ua kom hawb pob chiv tawm tuaj tau.

    Peb tseem kawm paub kom ntau txog qhov pwm ua kom muaj mob. Qee yam pwm tuaj yeem ua teebmeem nyhav rau qee tus neeg, taimsis cov neeg txawj ntse tsis pom zoo ua ke hais tias qhov teebmeem yog dab tsi tiag. Pwm muaj nyob txhua txhia qhov chaw tiamsis tsis zoo mus nyob rau qhov pwm tseem tab tom loj tuaj. Vim tias pwm yuav tsum muaj kev noo thiaj loj tau li ntawd ua tiag ua kom vaj tse thiab puas tsav yam qhuav. Hauv qab no yog qee thaj chaw uas koj yuav pom muaj pwm:

    • Hauv chav da dej, tseem ceeb ntawm lub tsuag dej lossis lub dab dej, thiab tej phab ntsa, saum daim qab thaiv tob hau, lossis plag tsev
    • Nyob rau qab tsev sab hauv uas ntub lossis noo thiab tej chaw ti
    • Ncig tej chav da dej thiab dab ntxuav tes uas txia dej
    • Nyob saum nthab uas muaj dej qaum tsev si los rau
    • Nyob raws tej khaub ncaws uas tsis muab ziab
    • Nyob raws tej qhov rai thiab phab ntsa uas muaj lwg dej poob rau
    • Hauv tej chaw rau khaub ncaws
    • Hauv qab tej ntawv lo phab ntsa
    • Hauv koj lub tshuab ua cua txias

    Tseem ceeb yuav tau ua kom txhob muaj chaw noo nyob hauv koj vaj tse tam sim kiag. Pwm loj sai heev, tsis txhob tos ntev. Yuav ua kom pwm tsis loj tuaj, kam ceev ziab lossis muab tej khoom ntub mus pov tseg.


    Cov Lus yuav tau Nug?

    Koj Tsev neeg Txoj kev Nyob xeeb Zoo licas?
    • Puas muaj leej twg muaj ua xua thiab hawb pob?
    • Puas muaj leej twg hauv koj vaj tse pheej zoo li mob tob hau los ntswg tas li — los ntswg ntshiab, ua pa li tshuab raj, hnoos, thiab dias tob hau?
    • Puas yog tias cov teebmeem no khees me ntsis thaum twg tawm hauv tsev lawm?
    • Puas muaj me nyuam me, me yaus, lossis neeg laus nyob rau hauv lub tsev?
    • Koj puas Qhia Tau hais tias Pwm Muaj
    • Nyob hauv Koj Lub Vaj tse?
    • Koj puas pov muaj pwm tawm tuaj txhua txhia qhov chaw?
    • Puas muaj qe pwm loj rau tej khaub ncaws lossis phuam so dej tej?
    • Puas muaj cheeb tsam twg hauv koj tsev lossis kem tsev chaw nyob tsw phem lossis tsw pwm?
    • Koj puas pom muaj kob

    txawv tawm rau tej phab ntsa lossis plag uas so tsis los?
    Puas Muaj chaw Noo hauv Koj Vaj tse uas Tuaj yeem ua kom Pwm hlob tau?
    • Puas muaj ib thaj chaw hauv koj vaj tse raug dej nyab dua?
    • Puas muaj dej txheem lossis phwj los?
    • Daim ntaub pua plag puas ntaub thiab cia nyob twj ywm sijhawm ntev tshaj 24 teev?
    • Koj puas pom hws noo nyob raws phab ntsa, dai daim thaiv saum tob hau, lossis qhov rai?
    • Puas yog tej phab ntsa chav da dej cia ntub ntev ntev tom qab da dej tas?
    • Lub qhov tso dej nyob hauv sab qab tsev puas txhaws thiab muaj dej teev?
    • Koj lub qab plag tsev thiab qaum tsev puas xau dej thaum los nag? (Ntsuam xyuas plag nthab)
    • Puas muaj leej twg siv cuab yeej sau hws dej?
    • Puas muaj dej lo rau lub cug dej hauv qab lub thawv txias rau khoom noj lossis lub tshuab ua cua txias?
    • Koj puas siv lub tshuab cua sov uas tsis muaj qhov tso cua tawm?
    • Puas muaj tej kis ti ti nyob hauv qab tsev?
    • Koj puas nyob rau cheeb tsam huab cua noo?
    • Puas yog dej nag ntws los sau rau koj lub qab tsev?
    • Yog muab koj lub vaj tse tsa, puas muaj dej teev nyob hauv nws qab?
    • Koj puas hnov huab cua nyob hauv koj vaj tse txias zuj zias lossis noo zaws?



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 14th January 2011, 9:19 am


    QIB QUAG UA HAUJLWM

    • Siv kav dej ua kom dej nag ntws lawm lwm qhov tsis txhob los rau ntawm tsev. Yuav tsum saib kom kwj cais dej ntws tau zoo.
    • Npoog av kom dhau deb cheeb tsam qab tsev.
    • Yuav tsum ua kom npoo av nyob qis dua tsev li 6 feet (neev taw).
    • Kho qaum tsev, phab ntsa, qhov rooj, qhov rai kom nag txhob txheem.
    • Ua kom plag tsev huv si thiab qhuav — so tej yam nchuav thiab ntws los saud tam sid.
    • Kho khaub ncaws thiab phuam so cev tej kom qhuav qhawv — txhob cia ntub nyob hauv tej pob tawb lossis tshuab ntxua khaub ncaws.
    • Txhob cia muaj dej nyob hauv qab tais cug dej, qab tsev, thiab lub tshuab ua cua txias.
    • Ntsuam xyuas qhov ntub noo nyob rau hauv koj tsev. Koj tuaj yeem mus yuav cuab yeej tom khw muag khoom siv hluav taws xob coj los ntsuas qhov hais no. Tseg tsis txhob siv lub nqus hws noo yog tias qhov ntub noo ntawd nyob siab dua 50%.
    • Yog tias qhov ntub noo nce siab, tsis txhob cia muaj nroj ntoo tej ntau nyob hauv tsev.
    • Siv ntaub so dej lossis ntaub nqus dej so phab ntsa chav da dej kom zoo tom qab da dej tas.
    • Ua kom pa ncho chav da dej tsawg thaum da dej. Siv khaub lig qaiv cua tawm sab nraud.
    • Siv khaub lig qaiv cua tawm sab nraud thaum ua mov noj.
    • Yog koj muaj tshuab ntxhua khaub ncaws yuav tsum ua kom nws ntxuaj cua lawm sab nraud.
    • Siv tshuab nqus kev noo lossis tshuab ua cua txias los ua kom tej chaw noo qhuav.
    • Yog koj siv cuab yeej nqus hws noo, yuav tsum muab dej yaug nws txhua txhua hnub. Sijhawm li ob peb hnub ib zaug yuav tau
    ua raws li qhov chaw tsim ua yam cuab yeej no qhia thiab ua kev huv uas siv 1/2 khob tshuaj chlorine ua kom dawb (Qee zaum hu ua sodium hypochlorite. “Clorox” kuj yog ib hom thiab) nrog ib thawv gallon dej.
    • Thaum koj siv tshuab ua cua txias kom teeb nyob rau qhov “kiv cua auto”.
    • Muab tej khoom ntub xws li ntaub pua plag, thawv ntawv, khoom thaiv huab cua, lossis lwm yam uas ntub tau ntev tshaj 2 hnub.
    • Cia kom muaj huab cua ya zoo rau tej cheeb tsam tsis muaj cua — xws qhib qhov rooj txee rau khaub ncaws thiab txav rooj tog kom deb ntawm phab ntsa uas yog chaw ua rua tuaj pwm. Ib sij txav koj tej rooj tog ib zaug.
    • Cia cov neeg muaj hawb pob thiab ua xua nyob kom deb tej chaw ntxooj hauv koj tsev.
    • Npog qhov rai kom zoo yog hais tias muaj dej txheem.


    • Tom qab ua kom pwm huv lawm, uas yog siv cov cua ntxuav (HEPA) lossis tshuaj ntxuav huab cua kom zoo yuav ua rau tsis muaj cov spores (noob) ua pwm ya saum huab cua lawm. Koj tuaj yeem qiv lub cua tshuab HEPA tau. Hu xov tooj mus nug koj hwm tsav saib xyuas kev noj qab haus huv.
    • Yog tias koj pom muaj pwm nyob rau ib thaj chaw dav tshaj 15 feet (neev taw) xab xeeb kaum, hais kom cov tub txawg tuaj tu kom huv yuav zoo dua. (Koj tuaj yeem nrhiav pom lawv nyob rau phau ntawv hu xov tooj raws qhov “Fire and Water Damage Restoration.”)
    • Siv mos swv hmoov thiab tshuaj ntxuav tais diav sib xyaws nrog dej los txhuav pwm kom huv LOSSIS siv tshuaj ua kom dawb chlorine xyaw mos swv thiab dej. Tsis txhob muab chlorine coj mus xyaw nrog tej yam muaj cov tshuaj ammonia nyob xyaw.
    • Yog koj xav tias pwm yuav tsim teeb meem rau koj tsev neeg txoj kev noj qab haus huv, mus cuag kws kho mob.

    Kuv Yuav tu Pwm kom Huv tau licas?
    • Tiv thaiv koj tus kheej thaum tu pwm. Hnav tso npab ntev thiab ris, rau khau thiab thom khwm, hnab looj tes roj hmab, thiab tsom iav qhov muag. Qhib qhov rai kom muaj huab cua ntshiab sijhawm ua haujlwm.
    • Muab tej khoom xws li ntaub pua plag lossis pam pua chaw, txiag phab ntsa (phab ntsa qhuav), cov khoom ua daim thaiv sab saum taub hau, ntawv thaiv huab cua, lossis thawv ntawv uas ntub dej dhau tshaj ob hnub pov tseg. Xuas ntaub roj hmab qhwv tej yam koj coj mus
    pov tseg kom tsis txhob tuaj pwm. Kev ntxuav pwm kom huv yuav ua rau cov spores (noob pwm) ya ri rau nruab ntug, li ntawd qhov zoo yuav tsum rau lub npog qhov ncauj. Thaum ua kev huv kom tej me nyuam yaus me, cov laus thiab neeg mob, los yog cov uas ua xua lossis hawb pob kom txav deb.


    Muab hmoov mos swv ntxhua khaub ncaws lossis tshuaj ntxuav tais diav do dej ntxuav tej plag chaw tawv. Tej zaum koj yuav tau siv tus
    sauv sib zog txhuam. Siv dej ntshiab yaug thaj chaw ntawd thiab ua kom qhuav sai uas yog so dej thiab muab kiv cua tshuab. Cov tshuaj
    chlorine ua kom dawb yuav tua cov pwm uas tseem tab tom hlob tuaj saum tej plag chaw. Nws yuav tua tsis tau pwm cov noob pwm nyob rau saum huab cua thiab cov pwm ua tuag lawm ntawd kuj tseem tuaj yeem ua kom ua xua tau. Yog koj siv tshuaj ua kom dawb,
    kom ua raws li no:
    • Siv dej thiab mloov mos swv txhuam thaj plag.
    • Ywg dej rau cov tshuaj chlorine — siv ib khob tshuaj rau kaum khob dej.
    • Tsuag lossis nyem cov dej nrog tshuaj rau thaj chaw ua tuaj pwm ntawd. Cia kwv yees li 15 feeb, tas ntawd yaug thaj chaw thiab ua kom qhuav sai sai.
    • Tsis txhob muab chlorine coj mus tim rog tej yam khoom muaj ammonia lossis acids vim yuav ua ib co pa roj gas piam sij kawg.
    • Khaws tshuaj chlorine ntxuav dawb kom deb ntawm tsiaj hauv tsev thiab me nyuam yaus txhob ncav cuag.
    • Nco ntsoov, tshuaj chlorine ua kom dawb yuav ua rau tej kob ntaub thiab khaub hlab thim taus. Ceev faj tsis txhob ua nchuav lossis vau. Lub chaw Cooperative Extension Service lossis hwm tsav saib xyuas kev noj qab haus huv ntawm koj yuav qhia koj paub txog pwm
    ntxiv. Cov neeg xob tsev nyob yuav tsum sab laj nrog tus tswv tsev. Qee txoj kev cai pov hwm neeg kuj yuav them ib qho nqi rau kev
    piam sij yog vim pwm. Cov tub txawg feem Fire and Water Damage Restoration tuaj yeem pab koj kho qhov puas tsuaj ntawd. Kev ua
    kom huv tsis txhob muaj pwm tej zaum kuj raug nqi saib txog ntau txhiab dollars lossis ntau dua los muaj.


    Qhov Ntsuas txog Muaj Pwm yog licas?

    Koj yuav tau hnov txog cov pwm hu ua “muaj kuab lom” uas tuaj yeem tsim kev puas tsuaj rau neeg lub cev heev kawg. Qhov no yuav ua
    kev poob siab kuj tau yog koj paub hais tias pwm tab tom tuaj nyob ntawm koj vaj tse. Mus ntsib koj tus kws kho mob yog koj xav
    tias pwm yuav tsim teebmeem rau koj thiab koj tsev neeg. Ntau leej kws kho mob pom zoo tias kev mob nkeeg yog vim los ntawm sijhawm ntev luv uas koj tau nyob ze rau pwm thiab cov pwm muaj ntau tsawg licas tshaj qhov tias yog vim yam pwm twg. Txawm yuav yog yam pwm twg los tsis tseem ceeb, koj yuav tsum tau ua kom nws tsis muaj xwb thiab saib xyuas teeb meem chaw noo uas ua rau nws muaj tuaj. Cov kws muaj txug feem coob xav hais tias qhov zoo yog cia los tu kom txhob muaj pwm yuav zoo dua sim. Li ntawd, kav tsij ua sai sai kom zam dhau pwm thiab kev ntxooj noo uas yog ua raws li cov luag qhia nyob hauv tshooj lus no.



    Yog Tsis tseeg, Tsuam xyuas kom zoo!

    ✆ • Lub chaw ua haujlwm Extension Office ntawm koj thaj tsam — saib hauv phau ntawv ntau xov tooj.
    • Koj hwm tsav saib xyuas kev noj qab haus huv — saib hauv phau ntawv xov tooj
    • Lub Environmental Protection Agency (EPA) —www.epa.gov/mold
    • Lub Chaw Pov hwm & Tiv thaiv kab Mob(CDC) — www.cdc.gov/health/mold.html
    • California Chaw Saib xyuas Huab cua nyob hauv Vaj tse — www.cal-iaq.org/iaqsheet.htm
    • The Health House — www.healthhouse.org
    • Healthy Outdoors Air for America’s Homes 404/994-3451 — www.healthyindoorair.org

    (QHOV NOV YOG IB TUG QAUV HU XOV TOOJ NRHIAV KEV PAB XWB, YOG KOJ NYOB LUB TEB CHAWS TWG, KOJ YUAV SIV RAWS LI LUB TEB CHAWS NTAWD TUS TXHOOJ KAV)


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 14th January 2011, 10:29 am

    CARBONE & MONOXIDE

    Koj Puas yuav tsum Txhawj xeeb txog?

    Koj tsis tuaj yeem pom tau, saj tsis tau, tsis hnov lossis hnia tsis paub carbon monoxide (CO) tus ntxhiab. Txawm li ntawd los cov pa nkev no tuaj yeem ua tau rau koj mob lossis ua kom tuag tau. Txhua xyoo muaj neeg coob tshaj 500 leej nyob tau Ameslikas teb tau tuag vim yog nqos tau cov CO ntau dhau. Tus yam ntxwv qaug tshuaj CO zoo xws li mob tob hau los ntswg. Muaj coob leej coob tus twb tsis paub txog tias yog lawv tau nqus cov pa CO ntau. Cov neeg tsis tuag los kuj yuav ua rau lub hlwb puas, qhov
    muag tsis pom kev lossis tsis hnov lus, los yog teebmeem mob plawv. Qhov xwm zoo tsuas yog tias koj tuaj yeem tiv thaiv CO tau. Nqe no yuav pab koj nug kom yog lus kom paub tias huab cua nyob ntawm koj vaj tse tsis tso siab thiab kaj ntshiab.

    Nws yuav muaj CO ntau li ntau los ntawm lub tsev tab tom kub nyhiab uas yog tias nqus pa nyob li ib feeb xwb tuaj yeem tua koj tuag tau. Qhov muaj pa qis dua nov yog pa luam yeeb, yuav tsis tua koj tam sim ntawd kiag. Tiamsis nws yuav tsim teebmeem ntau yam rau koj lub cev. Me nyuam yaus, cov me nyuam nyob hauv plab, cov neeg muaj hawb pob, neeg laus, lossis neeg muaj mob plawv los yog mob ntsws yuav yog cov tuaj yeem muaj mob tau vim nqus tau pa CO. Tiamsis nco ntsoov tias CO kuj tseem tsim teebmeem tau rau cov neeg zoo
    neej thiab.

    CO Muaj los Qhov Twg Los?
    Tej cuab yeej hlawv roj tau siv nkev, roj, lossis taws kom ua chaw sov. Yog tias tej khoom no tsis ua hauj lwm zoo nws yuav muaj CO. Cuab yeej siv nkev ntau yam uas tau txais kev saib xyua zoo yuav xa CO tawm tsawg, tiamsis cov cuab yeej uas tsis muaj lub raj tso cua yuav tsis zoo li ntawd. Cuaj yeej hluav taws xob tsis siv roj a, li ntawd thiaj tsis muaj CO. Cov chaw hauv paus uas CO
    tawm los muaj:
    • Chaw rauv taws ua cua sov siv roj thiab nkev, chaw rhaub dej, thiab cov ua cua sov siv dej
    • Qhov cub siv taws thiab qhov txos
    • Cuab yeej siv nkev xws li lub ncu nqaij, qhov txos, lossis lub tshuab ziab khaub ncaws
    • Lub ci nqaij siv nkev thiab siv thee
    • Tsheb, tsheb loj thauj khoom, tsheb muaj chaw pw, tsheb laij liag, thaib lwm yam tsheb
    • Roj a thiab yam propane ua kua (LP)-siv ua zog
    rau tej cuab yeej xws li tshuab txiav nroj, tshuab
    ntsawj daus te, tshuab txiav ntoo, tshuab ntxhua
    khaub ncaws, thiab tshuab ua hluav taws xob
    • Tsheb caij ua si, xws li nkoj siv tshuab, tsheb caij mus tau txhua yam kev (ATVs), nkoj khiav saum daus, thiab tshuab ua hluav taws xob nyob hauv tsheb thiab nkoj.
    • Haus luam yeeb
    • Hluav taws kub nyhiab
    • Txhaws raj tso pa taws


    Ua pa nqos tau CO me ntsis yuav ua rau mob koj hlwb, plawv, lossis lwm qhov hauv koj lub cev. Yog nqos tau ntau, lub hlwb yuav muaj
    oxygen tsis txaus ua rau koj tsis tuaj yeem xav tawm tau tseeb. Koj tsis tuaj yeem tswj tau koj cov sawv ceem thiab tej zaum yuav ua rau koj mus tsis tau txog qhov chaw tso siab. Yog tau qaug CO siab heev tuaj yeem ua rau tsis nco qab, tsis feeb meej, thiab tas sim neej. Muaj theem taw yoojyim tiamsis tseem ceeb uas yuav tau nrhiav paub tias koj tsev neeg puas muaj qhov ntshai rwg tsam raug CO lom qaug. Cov lus nug nyob phab txuas ntxiv mus yuav pab koj. Phab 27 yuav qhia tswv yim rau koj tias ua licas kom ua pa cov cua hauv koj vaj tse tso siab.



    Tus Yam ntxwv raug CO Lom qaug zoo licas?

    Pej xeem keev xav tias qaug CO yog los ntswg dias tob hau. Nov vim yog tias hnov zoo li yog los ntswg dias tob hau. Tus yam ntswv uas qaug CO tsawg yuav zoo xws li:
    • Dias tob hau
    • Xeev siab
    • Ntuav
    • Ntsim qhov muag xav tsaug zog
    • Ywj fab ywj fwj
    • Sab
    • Tsis muaj zog
    • Qaug dab ntub
    • Hauv siab tswm ceev
    • Ua pa nyuab
    • Sais muag, hnov ntxhiab, hnov nrov, kev kov thiab saj muaj qhov txawv txav.

    CO thiab kev Haus luam yeeb
    Yog koj haus luam yeeb, koj nqus pa carbon monoxide thiab lwm yam chemicals. Yog koj haus luam yeeb hauv tsev, cov neeg nyob ncig koj
    kuj nqus tau cov pa luam yeeb (hu ua tus nyob ib cag lossis tej chaw ib ncig haus luam yeeb). Kev haus luam yeem tuaj yeem ua rau mob me mus ua mob loj ntxiv thiab tseem xeeb kom muaj kab mob ntau yam xws li cancer (kheeb xawj) thiab mob plawv. Yog koj xav tau kev pab txiav, hu tau rau:

    American Lung
    Associationat tus xov tooj
    1-800-LUNG-USA.



    Cov Lus yuav tau Nug


    • Puas yog muaj qee zaus koj tau siv thee ci khoom noj los yog siv tshuab rau roj nyob hauv vaj tse, chaw nres tsheb, lossis mom kaum?
    • Koj puas muaj lub chaw tso tsheb npuas rau ib sab tsev?
    • Puas yog qee zaus koj tau cuab tsheb cia kom sov nyob hauv chaw cia tsheb?
    • Puas yog twb tau ntev tshaj ib xyoos lawm txij li thaum koj tus tswv tsev tau ntsuam xyuas lossis cheb koj qhov chaw rauv taws nte, koj lub qhov txos, raj xa pa taws lossis tej cuab yeej siv?
    • Koj puas tau siv lub ua cua sov uas yog siv nkev lossis siv roj los yog qhov cub nkev uas tsis muaj qhov chaw dim pa li?
    • Hauv koj vaj tse puas muaj lub tswb ceeb toom qhia carbon monoxide?
    • Koj puas keev tau siv qhov cub ua noj lossis lub ncu nqaij kom ua cua sov rau koj tsev kiag li?
    • Puas muaj qee zaus koj tsis nco qab qhib lub khaub lig qaiv cua kom nqus cua thaum sijhawm siv lub ncu nqaij?
    • Puas muaj qee zaus pa taws tom qhov cub tau nkag rov rau hauv tsev?
    • Koj tej cuab yeej siv thiab lub chaw rauv taws nte puas zoo los tsis zoo?
    • Lub raj tso cua rau koj lub chaw rauv taws nte, chaw rhaub dej, lossis lub chaw ua kom dej sov puas ntsu hmoov xeb los yog puas tsus?
    • Koj lub chaw rauv taws nte, chaw rhaub dej lossis lub taub dej sov puas ntsu xeb, paug hmoov qhuav hlawv, los yog paug av?
    • Puas yog koj lub chaw rauv taws nte lossis rhaub dej twb qub tshaj kaum xyoo lawm?
    • Koj puas qhib koj tej qhov rooj qhov rai lossis thaiv tsis pub cua sov tawm raws lub caij ntuj sov ntuj no?*
    • Puas yog koj kaw raj tso cua lossis kaw cov qhov cua hlawv ub no tej?* ? Cov Lus yuav tau Nug
    * Saib Cov Lus cim tso siab nyob rau phab 26

    QIB QUAG UA HAUJLWM

    • Tsis txhob siv thee ci nqaij lossis khiav tshuab hauv vaj tse, chaw nres tsheb, los yog hauv sab qab tsev kiag li txawm yuav yog tib pliag xwb los xij. Thee ci nqaij thiab khiav tshuab ua rau muaj carbon monoxide ntau heev li. Txawm yuav qhib tag qhov rooj qhov rai los yuav tsis tuaj yeem muaj huab cua kaj ntshiab txaus rau koj kom tiv tau kev raug CO lom.
    • Tsis txhob ncu tsheb nyob hauv chaw nres tsheb ib zaug li. Kev ua kom tsheb, lossis tsheb maus taus sov nyob rau tej hnub ntuj no li ob peb feeb xwb (txawm yuav qhib qhov rooj tib si los) tseem tuaj yeem muaj CO ua kom koj mob tau. Qhib tshuab txiav nroj, txhuab daus, thiab lwm yam cuab yeej yuav tsum ua nyob sab tsev sab ntaud.
    • Txhua lub caij nplooj ntoo zeeg, kom cov neeg koj tau cog lus ntiav saib xyuas koj tej chaw ua cua sov tuaj ntsuam xyuas koj lub
    chaw rauv taws nte, raj xa pa taws, thiab lwm yam ua rau muaj CO kom ntseeg tau tias txhua tsav txhua yam zoo. (Koj tuaj yeem nrhiav tau ib tug neeg li no hauv phau ntawv xov tooj.) Yuav tsum kom lawv siv cov cuab yeej muaj tus ntsuas CO. Muaj ntau yam cuab yeej ua kom pa taws tawm hauv tsev mus uas muaj raj nqus pa taw tawm li ntawd kuj yuav nqus CO tawm tib si, yuav ua rau tsis muaj CO nyob hauv tsev. (Raj xa pa taws uas muaj nyob nrog cov cuab yeej siv gas hu ua qaiv cua). Yog tias koj xob tsev
    nyob, kom tus tswv tsev tshuam xyuas cov chaw ua cua sov ntawd.
    • Yuav tsum saib xyuas kom raj xa pa tawm ua hauj lwm zoo tsis paug. So koj lub raj xa pa taws txhua txhua xyoo. Kev rauv taws ua rau
    muaj CO ntau. Qhov tseem ceeb yuav tsum ua kom pa taws ya mus raws cov raj xa pa taws lawm sab nraud.
    • Yog siv cov cuab yeej rauv taws uas tsis muaj raj xa pa taws, kom nyeem daim ntauv qhia siv thiab yuav tsum qhib qhov rai kom muaj
    cua. Tsis txhob siv tej cuab yeej ntawd thaum tsaug zog lawm.


    Daim Ntsuam Xyuas kev Nyob xeeb


    Yog koj teb tias yog no rau ib qho lus nug nyob rau phab 25 yuav tau ua zoo ntsuam xyuas daim ntawv no. Nco ntsoov tias kev siv tej cuab yeej rauv taws no yuav tau ceev faj. Yuav tsum cia cov neeg kws txawj ua tus ua xwb.
    • Tau tej cuab yeej rauv taws lossis ua cua sov thaum hnov nrov txawv, tsw tsis thooj, pib muaj hmoov quav hlawv dub, muaj nplaim daj, lossis yog yam li tsis ua hauj lwm zoo. Hu xov tooj rau koj tus saib xyuas tuaj kho.
    • Nyeem thiab ua raws daim ntawv qhia siv tuaj nrog cov cuab yeej ntawd. Tsis txhob txhaws los yog rho lub raj tso cua pov tseg li.
    • Ua kom muaj cua ntxuaj zoo rau tej cuab yeej ua cua sov.
    • Tshem ntoo, ntawv, khaub hlab, thiab rooj tog kom deb ntawm tej cuab yeej ua cua sov.
    • Tsis txhob txhaws raj cua lossis qhov tso pa tawm ntawm tej cuab yeej no.
    • Txhua xyoo kom tus kws uas tau ntiav tuaj ntsuam xyuas tej chaw rauv taws kom zoo.
    • Kom tus kws koj ntiav ntawd ntsuam xyuas carbon monoxide thiab saib cov raj xa pa taws.
    • Yog koj txhaws qhov tsev kom cua txhob tawm, hu rau tus koj ntiav saib xyuas kev ua cua sov kom tseeg tias tseem muaj cua txaus.
    • Yog tias koj hnov tsw pa nkev lossis yog lub tswb ntsuas pa taws lossis carbon monoxide nrov, kav tsij tawm khiav tam sid thiab hu rau 9-1-1.
    • Tso lub tswb ntsuas carbon monoxide ze rau chaw pw thiab kom muaj nyob rau txhua tshooj tsev. (Hom tswb qub hu ua carbon monoxide detector.) Koj tuaj yeem nrhiav yuav tau nyob ze tej khw muag khoom, tus nqi nyob rau $20 txog $50.
    • Tsis txhob siv qhov cub ua noj lossis lub chaw ncu qaij ua cua sov rau hauv tsev li.
    • Yuav tsum qhib lub qaiv cua tom chav ua noj thaum siv qhov cub ncu qaij uas tsis yog hluav taws xob lossis qhov cub ua noj.
    • Kho lub hau qhov cub yog hais tias muaj nplaim liab los yog daj mam ua noj.
    • Txhob siv chaw rauv taws haus luam yeeb ua ntej koj kho qhov tsis zoo tas tso.

    Lub Tswb Ntsuas Carbon Monoxide

    Lub tswb ntsuas qhia Carbon Monoxide (CO) yuav pab thaiv koj tsev neeg kom txhob raug mob thiab ploj tuag. Lub tswb zoo yuav rov nce heev yog thaum CO nce siab heev lawm. Muaj hom siv tsia rau hluav taws xob thiab hom siv quav roj. Yuav tsum saib xyuas kom tau lub zoo uas yog yuav tau muab sim hauv lub tsev sim xyuas xws li lub Underwriters Laboratory (UL). Xyuas lub roj thiab lub tswb txhua txhua rau lub hli. Koj lub tsev yuav tsum muaj tsawg kawg ib lub nyob rau txhua tshooj ze rau chaw pw. Tiamsis lub tswb ntsuas no yuav tsis tuaj yeem pauv tau qhov koj yuav tau ntsuam xyuas koj lub chaw rauv taws, lub ua cua sov, thiab qhov cub ncu nqaij.
    Yog leej twg hauv koj tsev neeg muaj qhov yam li raug CO lom lossis yog lub tswb ntsuas CO rov:
    • Kav tsij khiav tawm nraum zoov tam sid.
    • Hu rau 9-1-1 lossis hu rau tus najnpawb thaum muaj xov ceev uas yog siv xov tooj sab nraud hu mus.
    • Mus cuag kws kho mob los yog tus tu mob tam sim ntawd. Txawm hais tias tom qab tau cua ntshiab koj hnov zoo me ntsis lawm los yuav tsum tau mus cuag kwm kho mob. Luag yuav ntsuam xyuas koj cov ntshav thiab koj tus pa txog CO es mam qhia saib koj puas yuav tsum tau muaj kev kho ntxiv.
    • Yuav tsum muab siab rau lub tswb ceebtoom muaj kev ceev. Tsis tim ua siab nyhav rau lub suab tswb kiag li!
    • Ntiav ib tug kws txawj tuaj ntsuam xyuas koj lub tsev. Koj tuaj yeem nrhiav tau nyob rau hauv phau ntawv ntaus xov tooj.
    • Tsis txhob nkag rov mus hauv tsev ua ntej yuav paub thiab daws tau teebmeem txhua yam tag.


    Yog Tsis Ntseeg, Ntsuam Xyuas Saib!

    • Lub chaw ua haujlwm Extension Office ntawm koj thaj tsam — saib hauv phau ntawv ntau xov tooj.
    • Koj hwm tsav siab xyuas kev noj qab haus huv — saib hauv phau ntawv xov tooj
    • The Consumer Products Safety Commission — 800/638-2772-www.cpsc.gov/cpscpub/ pubs/466.html
    • The American Lung Association, 800/LUNG-USA — www.lungusa.org/air/carbon_factsheet99.html
    • Huab cua Zoo Hauv Ameslikas tej Vaj tse 406/994-3451—www.healthyindoorair.org


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 14th January 2011, 11:53 am


    Taug TXHUAS = PLOMO(plomb)

    Koj Puas yuav tsum Txhawj xeeb txog?


    Taug txhuas yog ib yam muaj kuab lom ua chaw ntshai kawg nkaus rau me nyuam yaus txoj kev noj qab haus huv nyob hauv thiab ib
    ncig tej vaj tse. Yog thaum me nyuam yaus nqos tau taug txhuas rau hauv lub cev yuav ua rau qaug. Taug txhuas tuaj yeem tsim teebmeem rau kawm txawj kawm ntse tsis tau thiab rau tus xeeb ceem. Nws tuaj yeem tsim kev piam sij rau tsis hnov lus thiab cov
    hlab hlwb nrog rau lub hlwb.

    Taug Txhuas Tawm Qhov Twg Los?


    Txhuas raug siv nyob rau kob zas, kav xa dej, roj a, lauj kaub av puab, thiab lwm qhov chaw. Txawm hais
    tias yam khoom siv no tsis siv ntxiv lawm los haj tseem muaj siv nyob rau qee qho chaw. Nyob rau koj cov kob zas ntug qhov rai ntshai tseem muaj txhuas xyaw thiab. Tej plua plav hauv tsev (los ntawm tej kob qub) tej zaum kuj muaj taug txhuas. Tej zaum cov dej koj haus tseem muaj taug txhuas nyob hauv vim los ntawm cov hmoov kav dej lossis cov tshuaj lo txuas kav dej. Tej zaum cov av sab nraum koj tsev haj tseem muaj taug txhuas kuj muaj. Nws tseem ceeb heev yuav tsum paub hais tias nyob hauv tsev los yog ib ncig puas muaj taug txhuas los tsis muaj. Muaj kev sim tau kom paub thiab nqi los tsis kim ntau.

    Taug Txhuas Lom koj Me nyuam Tau Licas?
    Muaj ntau txoj kev. Cov me nyuam me keev muab tes rau hauv qhov ncauj, nws tuaj yeem noj tau tej plua plav lossis khoom noj uas muaj txuag txhuas xyaw uas tsis paub txog li. Ib qho kob me me ya tawm ntawm qhov rooj, qhov rai, phab ntsa xwb tuaj yeem ua plua plav txhuas paug. Cov me nyuam yaus uas kag hauv av, muab khoom ua si rau qhov ncauj, lossis ua si hauv tej av ib cig vaj tse tuaj yeem raug kuab lom tau. Txawm me nyuam yaus tau taug txhuas nyob hauv nws ntau heev los yeej tsis hnov mob. Tsuas yog yuav tau sim ntshav xyuas thiaj li paub tias me nyuam muaj taug txhuas xwb. Thov koj tus kws kho mob lossis tus saib xyuas kev noj qab haus huv ntawm koj kom sim me nyuam ntshav saib puas muaj taug txhuas. Tau muaj kev tso cai tawm tsis pub siv txhuas nyob hauv kob vuam tsev, roj a thiab kav xa dej lawm. Thawj ruam kev tiv thaiv koj tej me nyuam lub cev kom tsis mob yog nrhiav paub tias hauv koj vaj tse puas muaj taug txhuas. Cov lus nug nyob phab ntxiv mus yuav pab tau.



    Ib tug nyob rau 40 tus me nyuam Ameslikas
    muaj taug txhuas ntau heev nyob hauv lub
    cev. Nyob hauv nroog loj cov neeg raug kuab
    taug txhuas lom tseem muaj siab zog no.
    Plua plav ya ri los ntawm kob vuam yog qhov
    ua kev ntshai rwg rau me nyuam yaus me


    Cov Lus yuav tsum Nug


    • Koj puas yog nyob tsev qub? Tsev qub ntau lub muaj cov kob vuam uas siv txhuas xyaw lossis nyob nrog cov kav xa dej. Txhuas tau raug txwv xyoo 1978. Cov tsev ua ua ntej 1950 seem ntau yuav muaj txhuas nyob hauv cov kob vuam tsev thiab kav xa dej.
    • Hauv koj vaj tse puas muaj kob vuam nti, tawg, lossis ya ri?
    • Pus muaj tej chaw uas kob vuam tau raug txhuam tawm, xws li raws ntug qhov rooj qhov rai tej? Qhov no yuav ua rau muaj plua plav ya uas muaj hmoov txhuas nyob rau hauv.
    • Koj puas muaj kav xa dej uas yog muab kua txhua coj los txuas? Cov dej ntws los hauv yuav muaj taug txhuas xyaw. Cov kav dej muab txhuas ua yuav phom xuas tej yam tawv kos yeej to taus.
    • Koj lub tsev puas tau raug kho dua tsis ntev los no? Tej zaum cov neeg ua tsev kuj ua kob hmoov vuam poob uas muaj taug txhuas.
    • Puas muaj txhuas nyob rau hauv av koj tsev sab nraud? Nws yuav nyob nraud tau los ntawm kob vuam lossis tom qhov chaw ua los. Lossis tej zaum nws kuj los ntawm tsheb cov pa tso tawm sij hawm thaum tseem muaj taug txhuas xyaw. Me nyuam yaus yuav tau mob yog ua si rau tej av muaj taug txhuas.
    • Puas muaj leej twg nyob rau chaw ua hauj lwm uas siv txhuas? Qee yam haujlwm uas muaj plua plav txhuas yog: kev ua vaj ua tsev, ua choj, ua kav dej, tshuab xuab zeb, ua nkoj, ua rooj ua tog. Cov neeg ua haujlwm yuav nqa tau taug txuas los tom tsev vim lo ris tsho, nqiaj tawv, khau.
    • Koj puas muaj me nyuam hnub nyoog qis dua rau xyoo uas tsis tau mus sim ntshav saib puas muaj taug txhuas? Yuav tau mus sim kom paub. Tseem ceeb yog koj nyob tsev qub, lossis yog lwm tus me nyuam pom tau tias muaj taug txhuas. Nug koj tus kws kho mob kom sim me nyuam ntshav
    pib thaum hnub nyoog rau hli mus txog rau xyoo
    txhua txhua xyoo.
    • Tej me nyuam ruab zog ua si ua ke puas tau muaj ib tug sim ntshav nrhiav taug txhuas li?
    • Yog hais tias koj cov lub teb muaj ib nqe yog, koj cov me nyuam yuav nyob rau qhov txaus ntshai tias muaj kuab lom taug txhuas. Saib cov kev yuav ua nyob phab txuas ntxiv mus kom paub tias yuav ua licas tiv thaiv koj tej me nyuam kom noj qab nyob zoo.



    Kev Sim Ntshav xyuas Taug Txhuas

    • Sim ntshav me me xwb yeej paub tias koj tus me nyuam yog raug kuab lom txhuas los tsis yog.
    • Nug koj tus saib xyuas kev mob nkeeg ntawm koj txog kev sim ntshav.
    • Qib qhia taug txhuas yog ntsuas ua micrograms per deciliter (μ/dL).
    • Yog hais tias koj tus me nyuam muaj taug txhuas txog 10 μ/dL lossis siab dua, ces yog siab dhau.
    • Koj yuav tsum tau nrhiav kom paub tias vim licas koj tus tub lossis tus ntxhais ntawd thiaj tau taug txhuas
    • Koj saib xyuas kev mob nkeeg yuav pab koj nrhiav paub tias yuav ua li cas.


    QIB QUAG UA HAUJLWM
    Koj Cov Me Nyuam Puas tau mus Sim xyuas Taug Txhuas
    • Kev sim ntshav nyob tej chaw ntsuas mob no keev tsis tau them nyiaj li.


    Nrhiav Paub saib Koj Vaj tse puav Muaj Txhuas

    • Tej zaum koj yuav tau sim ntsuas koj tej vaj tse thiab dej. Koj hwm tsav siab xyuas kev noj qab haus huv ntawm chaw koj nyob lossis xeev yuav qhia koj hais tias sim licas es them nqi me ntsis lossis ua dawb. Muaj qee lub khw muag khoom kuj muag cov cuab yeej ntsuas taug txhuas pheej yig thiab.
    • Tsis tim muab txhuas tawm kheej. Yuav tsum yog tus kws txawj ua tus muab xwb. Koj tuaj yeem nthiav lub tsev koom xeeb nyob cheeb tsam ntawm koj lossis hwm tsav saib xyuas kev noj qab haus huv ntawm xeev uas tau txais kev lees paub tias muab taug txhuas tawm tau. Yog muab taug txhuas txhaum kev yuav haj yam ua teebmeem tsis zoo ntxiv! Me nyuam yaus thiab poj niam tsis tab seeb yuav tau txav kom deb thaum luag muab txhuas tawm.


    Tiv thaiv Koj Tej Me nyuam Kom Deb Taug Txhuas

    • Ntxuav me nyuam thiab ntsej muag tseem ceeb ua ntej noj mov. Ntxuav tej khoom ua si txhua txhua lub lim tiam.
    • Saib xyuas vaj tse tsis txhob cia muaj plua plav taug txhuas. Siv ntawv, dej so thiab mos swv los so tej ntug qhov rai, plag tsev,
    thiab lwm qhov chaw ib li tiam ib zaug kom huv si. Yaug kom zoo.
    • Tsis txhob cheb, nqus, lossis ziab plua plav ntawm tej chaw muaj hmoov taug txhuas. Ua li no koj yeej tsis ua kom cov plua plav tsis zoo tag mus, tseem yog do kom nws sawv tuaj. Qhov no npuas mus txog rau mom kaum vim keev vuam kob muaj taug txhuas.
    • Txhob cia me nyuam xo lossis muab qhov ncauj coj mus kaws ntug qhov rai. Tso txaj kom deb ntawm qhov rai thiab phab ntsa.
    • Yog muaj kev kho tsev dua tshiab, yuav tsum paub tau tias puas muaj tej yam kob vuam xyaw taug txhuas. Tsis txhob txhuam lossis ziab xuab zeb uas muaj kob txhuas xyaw. Tsis tim hlawv. Me nyuam yaus thiab poj niam tsis tab seeb yuav tsum txav deb kev ua haujlwm. Ntsuam xyuas plua plav ib ncig tom qab tiav haujlwm saib puas muaj taug txhuas.


    • Yog koj siv kav xa dej xuas txhuas ua lossis muab kua txhuas lo, koj yuav tsum nrhiav kev ua kom taug txhuas hauv koj cov dej
    tsawg mus:
    — Tsis txhob siv dej los hauv kav dej haus, ua noj, los yog tim mis rau me nyuam. Dej kub yuav tuaj yeem muaj taug txhuas tawm
    ntau dua.
    — Yog koj tsis tau siv dej los tau ib pliag ntev loo, lossis cia ib hmos lawm, yuav tsum qhib dej tawm pov tseg me ntsis tso mam
    siv. Koj yuav paub tau tias thaum twg thiaj zoo siv, keev yog thaum hnov cov dej txias me ntsis tuaj. Ua li no yuav ua rau cov taug
    txhuas nyob rau hauv kav dej tawm kom huv (Saib tshooj hias txog dej haus nyob phab 33.)
    • Sim koj cov dej saib puas muaj taug txhuas. Hu rau koj hwm tsav saib xyuas kev noj qab haus huv cheeb tsam koj nyob lossis lub xeev kom paub tias ua licas.
    • Yog muaj leej twg hauv koj vaj tse ua haujlwm nrog txhuas, lawv tuaj yeem nqa tau hmoov txhuas los tsev nrog tej khaub ncaws. Yuav tsum kom lawv da dej, hloov khaub ncaws thiab khau ua ntej nkag los hauv tsev.
    • Yog hauv koj vaj lossis lub vaj koj cov me nyuam mus nyob tej zaum kuj muaj taug txhuas nyob hauv av, txhob cia lawv ua si rau thaj chaw ntawd. Yuav tsum tau sim saib thaj av ntawd puas muaj taug txhuas tso. Yuav tau muab nyom lossis nroj tsuag los npog cia thaum sij hawm ntawd.
    • Pub tej me nyuam kom tau noj ntau yam. Khoom noj muaj vitamin C, calcium, thiab iron (hlau) yuav pab ua kom kuab lom
    taug txhua tsawg mus. Cov me nyuam raug kuab lom taug txhuas seem ntau tsis muaj khoom noj muaj iron thiab lwm yam txaus.
    Yuav tsum tseeg tias yog me nyuam muaj noj txaus yuav ua rau taug txhuas hauv lub cev tsawg mus.

    Yog Tsis Ntseeg, Ntsuam xyuas Tso!

    • Yog yuav sim ntshav, hu rau koj tus kws kho mob uas saib koj tsev neeg lossis lub tsev ntsuam xyuas kab mob rau pej xeem.
    • Yog sim xyuas kob vuam, dej haus, hu rau koj hwm tsav saib xyuas kev noj qab haus huv cheeb tsam lossis lub xeev koj nyob.
    • Yog nug txog khoom lossis muaj lus nug hais txob taug txhuas, hu rau National Lead Information Center, tsis tau them nqi li yog 800/424-LEAD.
    • Xav paub txog taug txhuas nyob hauv dej haus, hu rau EPA Safe Drinking Water Hotline: 800/426-4791 lossis mus qib xyuas tau website
    nyob www.epa.gov/safewater.
    • Nug rau HUD hais txog txoj cai ntawm tus neeg xob nyob lub tsev thiab lwm yam rau 800/HUDS-FHA-www/hud.gov/txhuas
    • Xav paub txog Txhuas nyob rau hauv thiab ib ncig Vaj tse, saib Home*A*Syst. Phau ntawv Home*A*Syst qhia ntxaws ntxiv txog tej no
    thiab lwm yam kev mob. 608/262-0024 lossis www.uwex.edu/homeasyst.
    Tshooj no tau raug kho los ntawm “Txhuas Nyob Hauv thiab Ib Cig Vaj tse: Nrhiav Paub thiab Hwj Xwm Qhov Chaw Nws Tawm Los,” tus sau yog Karen
    Filchak, University of Connecticut Cooperative Extension. Nyob hauv Home*A*Syst, Daim Ntawv Ntsuam Txog Kev Ntsai Rwg ntawm Tej Chaw Ib Ncig
    rau Vaj tse, ©1997 Regents of the University of Wisconsin System. Raug txwv Cai Tag nrho.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 14th January 2011, 1:18 pm

    Dej Haus



    Koj Puas yuav tsum Txhawj xeeb txog?


    Txhua txhua hnub neeg Ameslikas haus dej ntau tshaj ib txhiab vam khob! Nyob hauv vaj hauv tsev peb kuj tau siv dej ua kev huv, ua noj ua haus, ua rau me nyuam noj, thiab da. Koj los kuj tib yam li lwm tus neeg, koj yeej ntseeg tias koj cov dej huv. Kuj yog li ntawd tiag, cov dej pej xeem haus nyob rau Ameslikas yeej zoo rau cov neeg coob haus tsis muaj mob. Yog koj muaj qhov tshij lossis dej los lwm qhov los, ntawd nyob ntawm koj yuav ua kom haus tsis muaj mob. Txawm tias koj cov dej yuav los qhov twg los los xij,
    koj yuav tau ua kom nws zoo rau koj thiab koj tej me nyuam haus tsis muaj teebmeem.

    Muaj qee sijhawm koj dej hauv koj tsev tsis huv. Siv dej tsis huv haus lossis ua noj ua haus yuav ua rau koj mob tau. Me nyuam yaus yuav muaj teeb meem ntau dua neeg loj vim tias:
    • Piv rau lawv lub cev mas me nyuam haus dej ntau tshaj neeg loj.
    • Kev mob rau me nyuam yaus yuav heev dua cov loj vim nws tej nqaij tawm tiv thaiv mob tseem tab tom hlob.
    • Lawv lub cev tseem tab tom hlob, yog li tej tshuaj chemicals thiaj tsim kev puas tsuaj rau lawv ntau dua.

    Muaj Dabtsi Yuav nyob rau Cov Dej Haus uas Tsis Huv?


    Cov bacteria thiab viruses yuav xeeb ua kab mob. Dej haus muaj tej chiv xeeb li no yuav ua rau mob plab, raws plab, lossis muaj mob heev lwm yam. Qhov no yuav ua rau mob nyhav rau me nyuam yaus, poj niam tsis tab seeb, lossis neeg mob thiab neeg laus. Yog haus tau dej muaj tej yam chiv xeeb mob no yuav ua rau tau mob. Nitrate poob rau hauv dej los ntawm tib neeg thiab tsiaj tej tso tawm, thiab quav chiv. Yog muaj nitrate ntau dhau nyob hauv dej haus tuaj yeem ua rau muaj mob tawv nqaij ntsuab rau me nyuam mos qis dua
    rau lub hlis. Cov me nyuam tau hom mob no yuav muaj ntsej muag ntsuab vim nws cov ntshav tau oxigen tsis txaus. Yuav tau mus cuag kws kho mob tam sim ntawd. Muaj ib cov kws txawj kuj tseeg tias nitrate yuav ua rau me nyuam yug los tsis xws luag thiab ncuav me nyuam tau. Me nyuam mos liab tej khoom noj uas siv dej ua yuav tsum kom huv.


    Taug Txhuas thiab Tooj yog yam tooj txhuas tuaj yeem nkag tau rau dej haus los ntawm tus kav dej. Yog muaj taug txhuas ntau heev yuav ua rau me nyuam tsis ntse thiab muaj tus xeeb ceem tsis xws luag, lossis lwm yam mob (Saib phab 29-32 kom paub ntau ntxiv
    txog taug txhuas). Cov me nyuam muaj taug tooj ntau yuav mob plab tsam thiab ua qais mis tawm ntau dua tsis muaj. Yog tau taug tooj me nyuam loj thiab neeg loj kuj yuav mob plab thiab raws plab. Lwm yam chemicals uas tsim kev puas tsuaj tuaj yeem poob rau hauv dej haus. Tshuaj tua kab kuj yuav poob rau hauv dej ntws los ntawm ntxuav nyom, lossis txheem tawm los ntaum tej thawv rau cov tshuaj no. Nkev lossis roj tuaj yeem txheem tawm rau hauv av poob mus rau hauv dej. Txawm hais tias muaj tej yam me me li no paug rau hauv dej xwb los kuj yuav ua kom koj mob tau, xws li mob raum, siab, lossis lwm yam hauv nrog cev. Muaj qee yam yuav ua mob kheeb xawj thiab ua teebmeem rau poj niam cev xeeb tub.


    Teb cov lus nug nyob phab ntxiv
    mus kom paub hais tias koj cov dej tsis
    muaj teebmeem thiab koj yuav ua tau licas thiaj
    yuav tsis muaj qhov ntshai rwg rau koj tsev neeg

    Cov Lus yuav tsum Nug

    Koj Cov Dej Los Qhov Twg Los?
    Puas yog koj cov dej los ntawm tej dej sawv daws siv ua ke los ntawm chaw ua dej rau pej xeem?
    Los yog koj muaj koj chaw siv dej xws li qhov tshij lossis dej ntws?
    Cov lus yuav nug koj tus kheej nce rau qhov saib koj cov dej los qhov twg los.

    Dej muaj rau Pej Xeem sawv daws Siv
    Ua ntej dej yuav los txog koj tsev, nws tau raug ntsuam xyuas tej yam chemicals tsis zoo txog li 80 yam. Yog hais tias muaj teebmeem, lub chaw ua dej yuav kho cov dej kom zoo, lossis qhia rau koj paub tias dej haus tsis tau. Txhua txhua xyoo, cov chaw ua dej qhia cov pov thawj ntawm kev ntsuam xyuas no rau cov neeg siv paub. Lawv yuav xa phau ntawv mus lossis sau tej txheej swm no tawm rau nruab ntawv newspaper. Koj tuaj yeem hu mus nug cov chaw ua dej txog tej chemicals tias muaj yam twg thiab ua licas kom dej
    haus tau. Dej rau pej xeem sawv daws haus kuj yuav tsis zoo haus tom qab xa los raws kav dej txhuas los yog tooj.
    Koj siv kav dej hom dab tsi?
    Kav Dej Txhuas: Koj lub tsev, tseem ceeb yog tsev qub, tuaj yeem muaj kav xa dej txhuas lossis xuas kua txhuas cob. Kav xav dej txhuas nws txho taws thiab phom thiab tuaj yeem kuam to tau yoojyim.
    Kav Dej Tooj: Koj kuj tuaj yeem muj kav dej xuas tooj ua. Nws liab-doog



    QIB QUAG UA HAUJLWM


    Ntxuav kav dej kom huv— Ua mus raws li theem kev qhia no yog hais tias kav dej txhuas los yog tooj tau tsim teebmeem. Thaum koj tseem tsis tau siv dej ib pliag (xws li thaum nyuam qhuav sawv lossis thaum los tom haujlwm los), yuav tsum tau txhuam kav dej kom huv. Tso cov dej txias ntws tawm li ob peb feeb, lossis kom thaum hnov paub qhov kub sov tso, ua ntej yuav haus los yog siv ua noj. Ua li no yuav ua rau kua txhuas thiab kua tooj ntws tawm. Tsis txhob siv dej sov los ntawm kais dej coj los ua noj li vim dej sov yuav haj yam ua rau taug tooj txhuas tej tawm tau sai. Siv dej txias es mam rhaub.

    Pab Tiv Thaiv Qhov Chaw Muab Dej Los Siv

    Ntshai koj yuav tsis paub, tiamsis cov dej xa tawm rau pej xeem sawv daw siv yog muab ntawm tej los. Tej zaum tej dej no kuj muab tawm hauv tej dej nruab tiv hauv koj tej qab tsev los. Tej zaum kuj yog los ntawm tej dej ntws lossis pas dej tsis deb. Yam koj ua licas yuav pab ua kom dej huv lossis yuav ua kom dej paug qias neeg los tau.
    • Yog koj siv tshuaj kuab lom tua kab lossis tua nroj, kom ua raws li daim ntawv qhia. Tsis txhob siv dhau qhov daim ntawv hais.
    • Saib zoo seb koj khaws tej chemicals cia sab nraud licas (xws li tshuaj ua kom dawb, kob vuam, tshuaj tua kab). Yuav tsum ntseeg tias lam hwj kaw khov, thiab muaj cov ntawv qhia tias nws yog dab tsi.
    • Tsis txhob muab chemicals pov rau hauv tej pob tawb khoom pov tseg lossis lub qhov xau dej. Nyeem daim ntawv qhia kom pov tseg licas. Muab tej qho siv tsis tag rau lwm tus coj mus siv lossis hu rau hwm tsav saib xyuas kev noj qab haus huv ntawm koj cheeb tsam
    los yog xeev kom paub tias yuav muab pov tseg li cas.
    • Ntxuav dev tej quav kom huv. Tsis txhob cia nyob hauv av uas nag yuav kuav tau cov kuab chiv xeeb kab mob mus rau tej dej lossis pas dej. Qhov zoo tshaj plaws yog muab nqus mus rau hauv lub chaw tawm rooj.

    Dej Siv Los Ntawm Nyias Kheej


    Tej zaum koj yuav muaj chaw muab dej siv los ntawm koj tus kheej xws li qhov tshij. Koj lub qhov tshij yog koj haujlwm yuav ua kom huv thiab tsis ua mob.

    Ntsuam xyuas Koj cov Dej hauv Qhov Tshij

    Puas yog twb tau ob xyoo ntau lawm txij li thaum tau ntsuam xyuas koj cov dej los?
    Koj tsis tuaj yeem pom, hnov ntxhiab, lossis saj qhov ua teebmeem yog li yuav tau ntsuam xyuas nyob hauv lub tsev ntsuas sim. Dej qhov tshij feem ntau yog ntsuam xyuas kuab bacteria thiab nitrate. Koj tuaj yeem ntsuas koj cov dej kom paub ntau yam paug los tau xws li tshuaj tua kab yog tias keev muaj teebmeem yav tag los. Hu rau hwm tsav saib xyuas kev noj qab haus huv ntawm koj cheeb tsam los yog xeev tias yuav ntsuas dej licas.

    Tiv thaiv Koj Qhov Chaw Nqa Dej haus
    Koj tseem yuav tau saib xyuas koj lub qhov tshij kom zoo, tseem ceeb yog tias nws qub lawm.


    Koj puas paub hais tias koj lub qhov tshij nyob qhov twg?

    Nrhiav paub koj lub qhov tshij.
    Puas yog nyob nruab roob uas deb ntawm nkuaj tsiag, quav tsiaj, tej chaw tawm rooj, lossis chaw tso chemicals?

    Koj lub qhov tshij zoo licas?

    • Lub qhov khawb lossis tho yuav yog qhov loj, ob neev taw dav rov saud, thiab ntiav dua 50 feet (neev taw). Cov qhov tshij no yuav tsis tshua huv heev vim tuaj yeem muaj ub no paug tau yoojyim.
    • Qhov tshij tshau yuav muaj qhov me (4-10 inches puag ncig) thiab tob dua, qee zaum kuj tob txog pua pua feet.
    • Hom qhov tshij siv hau zeb tshau muaj lub qhov me heev li 1-2 inches puag ncig thiab tej zaum kuj tsis tob. Yog tias koj tsis paub tias koj lub qhov tshij yog hom twg, hu rau kws tshau qhov tshij cheeb tsam koj nyob. Nrhiav tau nyob hauv phau ntawv xov tooj.

    Koj puas paub hais tias koj qhov tshij muaj los hov ntev lawm?
    Yog tias ntev tshaj 20 xyoo los lawm yuav tau
    ntsuam xyuas. Tej zaum koj yuav tau ntsuam xyuas koj cov dej txhawm txhij

    Koj lub qhov tshij puas tseem zoo?
    Koj xav kom tsis txhob muaj dab tsis nyob saum qaum koj tus dej koj siv.
    • Yuav tsum thaiv ntug qhov tshij kom saib dua npoo av, kom txog 12 inches tiamsis qhov chaw txawv kuj muaj qhov txawv. Hwm tsav saib xyuas kev noj qab haus huv ntawm koj cheeb tsam los yog xeev yuav paub txog tej no.
    • Tsis txhob tsis pub muaj kis nrug ntawm daim thaiv thiab lub qhov tshij ncig nws kiag li.
    • Yuav tsum saib tsis pub daim thaiv muaj qhov to lossis tawg nrib.
    • Lub hau npog puas ntom zoo? Puas muaj qhov khoob lossis qhov dim pa uas muaj ntaub qhov vab tshaus npog koom zoo?
    • Yuav tsum ntseeg tias tsis muaj dej nag los teev ze rau ntawm lub qhov tshij. Dej nag muaj tej yam paug tsis zoo rau dej haus.
    • Tsis txhob khaws tej nkev, roj, tshuaj tua kab, lossis lwm yam chemicals cia nyob ntawm lub tsev qhov tshij.

    Puas muaj cov qhov tshij tsis siv lawm nyob hauv koj lub vaj loog?
    Qhov tshij tsis siv lawm thiab tsis muab txhub los yog npoog kom zoo yuav tuaj yeem muaj yam paug tsis zoo txheem mus rau cov dej
    nruab tiv ua rau koj cov dej haus tsis zoo. Yog koj muaj qhov tsis siv lawm nug hwm tsav saib xyuas kev noj qab haus huv ntawm koj
    cheeb tsam los yog xeev tias yuav kaw licas.

    Siv cuab yeej ua kom dej tsis txhob ntws rov qab los rau hauv koj cov dej haus.

    Cov cuab yeej no hu ua khoom thaiv tsis pub dej ntws rov. Nws yuav pab thaiv tsis paub tej yam paug phem ntws rov rau lub ncauj dej yus siv.

    Koj muaj kav xa dej hom twg?

    Saib nqe hais txog “Ntxuav Kav Dej” nyob rau phab 34 kom paub txog yuav ua licas tej taug paug tsis zoo thiaj li tsis poob tau rau koj tej dej haus los ntawm cov kav xa dej.

    QHOV TSEEB

    95% ntawm cov pej xeem nyob hauv sab siv dej los ntawm nyias tej qhov dej nyias kheej xwb.


    Yog Ntseeg Tsis tau, Ntsuam xyuas Tso!

    ✆ • Hu rau lub chaw ua dej ntawm koj cheeb tsam
    • Hu rau lub tsev ua haujlwm Cooperative
    Extension ntawm qhov koj nyob
    • Hu rau hwm tsav saib xyuas kev noj qab haus huv
    ntawm koj cheeb tsam los yog xeev
    • Hu rau EPA Nug Hais Txog Dej Haus Txhua
    Sijhawm tsis tau them nqi 800/426-4791
    • Qhov Home*A*Syst phau ntawv yuav qhia hais
    ntxaws txog tej no lossis lwm yam kev paub txog
    kev nyob xeeb tom tsev. 608/262-0024 —
    www.uwex.edu/homeasyst



    Yog Ntseeg Tsis tau, Ntsuam xyuas Tso!

    ✆ • Hu rau lub chaw ua dej ntawm koj cheeb tsam
    • Hu rau lub tsev ua haujlwm Cooperative
    Extension ntawm qhov koj nyob
    • Hu rau hwm tsav saib xyuas kev noj qab haus huv
    ntawm koj cheeb tsam los yog xeev
    • Hu rau EPA Nug Hais Txog Dej Haus Txhua
    Sijhawm tsis tau them nqi 800/426-4791
    • Qhov Home*A*Syst phau ntawv yuav qhia hais
    ntxaws txog tej no lossis lwm yam kev paub txog
    kev nyob xeeb tom tsev. 608/262-0024 —
    www.uwex.edu/homeasyst



    Dej Haus
    Tshooj no yog raug muab kho los ntawm “Kev Tswj Hwm Dej Haus Qhov Tshij”, tus sau yog Bill McGowan, University of Delaware Cooperative
    Extension. Nyob hauv Home*A*Syst, Daim Ntawv Ntsuam Txog Qhia Kev Ntsai Rwg nyob hauv Vaj tse, ©1997 Regents of the University of Wisconsin
    System. Raug txwv Cai Tag nrho, thiab “Koj Tsab Ntawv Qhia Paub Txog Dej Pej Xeem Haus”, tus sau yog Alyson McCann, University of Rhode Island
    Cooperative Extension, Ob Hli 2000, Rhode Island Home*A*Syst program.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 15th January 2011, 8:32 pm

    Tej Khoom Siv Hauv Tsev Uas Tsim Teebmeem



    Koj Puas yuav tsum Txhawj xeeb txog?

    Puas muaj cov khoom siv li no nyob hauv koj tsev?
    Tshuaj ntxhua kom dawb, kuab lom tsuag, tshuaj tsw ntxhiab kom kab khiav, cov kua roj zes thee,
    tshuaj ntxuav lub ncu nqaij, roj teeb, cov tshuaj mercury siv nyob hauv tus ntsuas mob, nkev,
    roj, tshuaj txhuam ntoo, tshuaj ntxuav lub qhov tawm rooj thiab qhov dej xau, tshuaj txhuam khau, tshuaj txau kab?
    Tej khoom siv hauv tsev zoo li no yog yam ua kev puas tsuaj rau koj tej me nyuam!
    Khoom siv hauv tsev hu ua tsim kev piam sij yog thaum siv tsis raws nws txoj kev.
    Tsis yog khoom txhua yam yuav tsim kev piam sij thiab ib yam kuj ua kev piam sij ntau dua ib yam.
    Koj tuaj yeem siv khoom kom kaj siab lug yog koj ua raws li kev qhia siv nyob ntawm daim ntawv.
    Yog koj tsis siv raw li ntawd yuav tsim kev puas tsuaj tau rau koj lossis koj tsev neeg. Piv txwv, tib neeg muaj
    teebmeem vim siv tej khoom ntau dhau, lossis muab ob yam los tim siv ua ke.
    Me nyuam yaus raug tshuaj lom yog tias muab tej khoom khaws cia lossis pov tseg tsis zoo chaw.
    Me nyuam yaus lub cev tseem me, li ntawd yog muaj ib qho kuab lom chemicals me me xwb tuaj yeem tsim teebmeem loj.
    Noj los yog haus tau tej tshuaj muaj kuab lom yog ib qho ua kev piam sij. Tsis tas li ntawd, yog tuav tau lossis nqos tau tej khoom no me ntsis — txawm yog me me xwb los — tuaj yeem tsim kev puas tsuaj tau. Nws tuaj yeem hlab koj tej tawv lossis qhov muag yog koj tuav tau. Qee yam khoom muaj kuab lom yuav ua rau koj mob yog nws poob tau rau koj lub cev lossis nqus tau pa, plua plav tej nkag mus.
    Qee zaus koj kuj paub tau tam sim tias koj lossis koj tus me nyuam raug tshuaj lom los ntawm tej khoom ua kev puas tsuaj. Koj yuav hnov mob plablossis kiv tob hau. Koj tej tawv nqaij yuav khaus los yog mob. Koj qhov muag yuav lo kua lossis mob.
    Lwm yam teebmeem nws yuav tsis tawm tam sim ntawd rau koj paub, xws li kheeb xawj los yog kev piam sij rau lub ntsws. Ua ke no, kev raug tshuaj chemicals tuaj yeem tsim kev puas tsuaj rau me nyuam yaus lub cev uas tseem tab tom hlob.
    Koj tuaj yeem tiv thaiv koj tej me nyuam thiab koj tus kheej kom txhob mob thiab raug mob. Siv tej khoom ua tau kev puas tsuaj yam xyuam xim. Khaw cia kom zoo.
    Phab txuas ntiv hauv qab no yuav pab koj paub ntau ntxiv.


    QHOV TSEEB

    Xyoo 2000, ze txog 20,000 tus me nyuam
    yaus tsis raug pov taiv los yog raug cov tshuaj
    ntxuav tsev (chlorine bleach).

    Thaum Muaj Txheej Xwm Ceev

    Koj tuaj yeem hu tau rau lub Chaw Thaiv Tshuaj
    Kuab Lom ntawm qhov koj nyob 1-800-222-1222
    hu tau thoob plaws hauv teb chaws. Khaw tus
    xov tooj no cia rau cheeb tsam koj cia najnpawb
    xov tooj thiab cia rau qhov chaw khaws tej
    khoom no.


    Last edited by koojziagkabzaug on 18th January 2011, 2:43 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  Hmoob ntuj qub qab on 17th January 2011, 9:48 pm


    Nyob zoo Koojziagkabzaug

    Zoo siab nws lub laj lim tswv yim uas muaj txiaj ntsim
    xav kom Neeg txij nkawm pees ua neej kom peem tsheej
    kom nyob mus muaj meej luag ob cag ntsia thiaj tsis xyeej
    kom ua txiv tsev zoo txhua yam thiaj muaj hmoo
    kom ua niam tsev ruaj txhua yam thiaj khwv muaj
    cov neeg txawj ntsia txhua yam yeej qhia
    cov neeg txawj kho ntsia txhua yam yeej paub hlo
    yam zoo khaws coj los rau ncoo
    Yus kho yus txhua yam thiaj zoo mus
    kho tus kheej txhua yam thiaj tsheej
    neeg paub tab txhua yam yeej txawj xyiv fab
    yuam Hmoob leej Ntxhais Koojziagkabzaug






    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 18th January 2011, 2:18 am



    Nyob zoo Hmoob Ntuj qubqab,

    Zoo siab nws tuaj ncig vaj ncig tsev. Kuv tseem npaj siab tias tos kuv ua tag tso, kuv yuav hais rau nws kom tuaj khaws yam zoo coj mus siv rau nws lub teb chaws, tau qhia tej txheeb ze. Vim muaj ntau yam cov kwv tij Hmoob tseem paub tsis tau txog, lawv tsuas ntshai thiab txhawb thaum lawv pom ntawm qhov muag xwb, lawv tssi paub tsis mob siab faj seeb. Muaj ntau yam thaum paub thiab pom ces twb lig dhau lawm. Yog yus ib nyuag tsab xeeb yuav pab tau yus nyob thaj yeeb lawm ntau. Cov zaj hauv nov, nws peev tsim los rau cov teb chaw cua txias, vaj tsev kaw nti thiab rhaub cua sov. Tab sis kuj muaj tej ntu yog siv tau rau txhua qhov. Li ntawd thiaj xav kom nws nqa tej yam ntxim yuav pab tau tej txheeb ze coj mus qhia rau lawv thiab.
    Kuv pom ntau yam teeb meem, yam li kuv nyob deb, thaum muaj mob tej, cov nyob ntuj qub qab hu xov tooj tuaj, lawv tham tus yam ntxwv mob, kuv tsis pom, tab sis kuv twb nyaj tau tias yog tim dab tsi tsiam tsawv...Kuv kom lawv cia li mus cuag Kws Tshuaj tam sim ntawd xwb...Tsis yog tim dab, tim ub no, kav tsij maj nroos mus cuag Kws tshuaj, dab qhuas mam ua tom qab...Lawv hais tias yog me nyuam mob yeeg, kuv nug tag nrho, kuv hais tias tsis yog mob yeej, yog me nyuam kuv dhau lawm ntshav khiav tsis taus rau tej tes taw, yuav tsum ua kom qhov kub txias sai li yuav sai tau, tsam qhov kub ntawd nce paj hlwb ces tus me nyuam yuav ua Tsam Cum, thaum ua Tsam Cum(nriaj nrees tag ces muag nthas tsis nco qab lawm, yeej zoo li uas tu siav kiag lawm ntag...)lawm ces yuav txia ua 2 tug mob, yam li qhov ua Tsam Cum ntawd ua rau luv paj hlwb puas lawm, ces yuav ua rau nws QAUG DAB PEG yog ib tug mob tshiab los ntxiv rau tus me nyuam ntawd. Thaum zoo li nov lawm ces nws yuav ev rawv ob tug mob no tag nws sim neej, kho nyuaj kawg nkaus...
    Kuv hais li no rrau lawv, lawv coj me nyuam mus Tsev Kho Mob, tseem muab pam qhwv tuab tuab thiab, mus txog, Tub Kho Mob thiaj muab pam yaws ntuj yaws teb tias tus me nyuam kuvb dhau lawm twb yuav ua Tsam Cum tam sid, cas tseem muab pam kauv thiab...Ces lawv thiaj muab ib daim ntau nyias los vov tus me nyuam kom txhob rau cua xwb...Tej yam me me li nov xwb, yog ua qhov yog ces pab tau, yog ua qhov xu ces poob nyiaj txiag, qaib npua, nyuj twm los twb pab tsis tau.
    Kuv hais tej yam nov, tsis yog kuv tsis hwm, tsis ntseeg Hmoob tej kev ntseeg, kev cai dab qhuas. Kuv yeej ntseeg thiab hwm txhua txoj kev ntseeg. Tab sis kab mob yog kab mob, kab mob tssi paub kev ntseeg. Kev ntseeg tssi paub kab mob. Tsis txhob xav qhov yooj yim es tsis xav ua liaj ua teb, ho xav kom tau nqaij tau mov lov noj tsau haus qaug...YUS TSIS TXUAG TSIS KHO LI TSUAS TAB FIV DAB KOM UA HWJ HUAM YEES NTXWV KOM CIA LI ZOO yam ab xab caas xwb mas kuj yuav mus tssi tau thiab...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 18th January 2011, 3:09 pm



    Tej Khoom Siv Hauv tsev uas tsim Teebmeem Txuas ntxiv.



    Cov Lus yuav tsum Nug

    Siv Kom Xyuam Xim
    Koj puas xyuam xim siv tej khoom hauv tsev uas ua tau kev puas tsuaj?
    • Nyeem daim ntawv lo qhia. Nov yog thawj theem tseem ceeb ntawm kev siv yam khoom.
    • Nrhiav saib cov lus hais tias ceev faj, ceeb toom, txais nplaim taws, tsim kev puas tsuaj, piam sij, kuab lom. Cov lus no yuav qhia koj paub tias yam khoom no ua tau kev puas tsuaj. Yog pom li no ntawm daim ntawv qhia, yuav tau ceej faj ntxiv.
    • Nrhiav saib kev qhia kev siv lwm yam xws li: “kom ua haujlwm nyob cheeb tsam muaj cua hiv zoo.” Nov qhia tias kom ua nraum zoov los yog qhib qhov rai. Cov ntxhiab yuav ua rau koj qaug yog tsis muaj cua huv si.
    • “Hnav khaub ncaws tiv thaiv.” Xws li looj khwb tob hau, tsom iav qhov muag, hnab looj tes, tsho npab ntev, lossis lwm yam. Siv tej khoom hnav kom zoo thiaj li tiv thaiv tau toj taug los rau koj lub cev.
    • Tsis txhob muab tej tshuaj coj los sib tim ua ke yog daim ntawv qhia tsis hais tias ua tau. Piv txwv xws li, txhob muab cov tshuaj muaj chlorine coj los tim xyaw tej yam muaj ammonia. Ua li no yuav tau ib co nkev puas tsuaj muaj ceem kawg nkaus.
    • Kom me nyuam yaus thiab tej tsiaj khiav deb thaum koj siv tej khoom puas tuaj li no.
    • Txhob tso tej khoom no lossis thawv rau tej khoom no kom me nyuam yaus pom thiab ncav cuag.
    • Txhob noj, haus, lossis haus luam yeeb thaum siv tej khoom puas tsuaj tau li no.
    • Npaj siab ntsoov thaum twg muaj xwm ceev. Hu rau Chaw Thaiv Tshuaj Kuab Lom tus npawb, 800/222-1222, uas koj yuav nrhiav tau sai. Piv tswv, muab lo rau tej phab ntsa hauv chaw ua noj.
    • Muas Syrup of Ipecac nyob tej chaw muag tshuaj cia npaj. Cov tshuaj no yuav ua rau tus neeg ntuav tawm los. Tiamsis siv thaum kws kho mob lossis Chaw Thaiv Tshuaj Kuab Lom hais kom siv xwb. Qee zaus kev ntuav tawm haj yam ua rau qaug tshuaj ntxiv.


    Siv Kom Tsawg

    Koj puas tuaj yeem siv tej tshuaj muaj kuab puas tsuaj no kom tseg nyob hauv vaj tse?
    • Puas yog koj tsuas yuav raws li qhov koj yuav tsum siv xwb, es thiaj tsis muaj seem cia?
    • Tiv thaiv kom tsis muaj kab nyob hauv tsev thiaj li tsis tas siv chemicals los tua. Ntxuav tais diav thiab nquag so tej txee rau khoom. Saib chaw rau yam pov tseg koj huv si.
    • Yog tias koj cev tsis tab seeb, tsis txhob siv tshuaj muaj kuab puas tsuaj no yog hais tias siv lwm yam ua los tau.
    • Xav rau kev siv cuab yeej lossis khoom uas tsis ua kev puas tsuav: Siv tus nqus qhov dej txhaws es tsis txhob siv chemicals. Siv cov hmoov soda (txhuam kom los) los yog kua cawv qaub (ua kom roj yaj).

    Cov Lus yuav tsum Nug

    Khaws Cia Kom Zoo
    Koj puas khaws tej khoom siv hauv tsev uas muaj kuab puas tsuaj cia zoo?
    • Khaws khoom cia kom deb me nyaum yaus. Zoo tshaj plaws yog xauv nruas phoo rau.
    • Muab cia rau nws lub kav ntim, lub can (zws) lossis lam hwj uas nrog nws los. Tsis txhob muab ntim dua rau lwm lub thawv (tseem ceeb tej thawv rau khoom noj haus)! Qhov no yuav pab tiv thaiv raug kuab lom thiab kom muaj daim ntawv qhia nyob nrog yam khoom.
    • Khaws kav ntawv lossis thawv kom qhuav qhawv. Kaw kom ntom.
    • Muab lub thawv cia rau hauv tej thoob roj hmab yog tias lub thawv muaj kua txheem.
    • Khaws khoom cia kom tsis tsawg tshaj 150 feet (neev taw) deb ntawm koj lub qhov tshij, dab rau dej, los yog tshuab nqus dej. Qhov no yuav tiv thaiv koj cov dej thiab koj lub cev.
    • Khaws khoom cia deb ntawm chaw kub, txim taws, lossis hluav taws.
    • Khaws roj teeb thiab tej chemicals uas txais taws zoo xws li roj a cia rau chaw ntxoov ntxoo kom deb tshav ntuj.

    Pov Tseg Kom Zoo
    Koj muab tej khoom tsis siv pov tseg licas?
    • Muab qhov tshuav seem rau lwm tus siv.
    • Nqa qhov seem tsis yuav mus pov rau thaj chaw khaws tej khoom ntawm yus pawg neeg. Nug hwm tsav saib xyaus kev noj qab
    haus huv cheeb tsam koj nyob lossis xeev seb thaj chaw no nyob qhov twg.
    • Qee yam khoom — xws li tshuaj tua kab — tsim kev piam sij kawg li. Koj yuav tau ceev faj seb koj yuav muab lub thawv rau pov tseg licas. Daim ntawv qhia lo ib sab yuav qhia tias kom ua licas.
    • Tsis tim faus lossis hlawv tej yam tsim kev piam sij nyob hauv koj vaj loog li. Hlawv ze rau chaw siv dej haus yuav muaj kev puas tsuaj.


    • Tsis txob hlawv khoom piam sij hauv tog thawv lossis qhov txos. Kev hlawv li no yuav ua rau muaj nkev kuab lom tog cia thiab muaj tshauv thiab pa taws. Ua ke ntawd, nws txhaum kev cai nyob rau ntau lub xeev.
    • Muab tej roj pleev tsheb lossis tshuaj ntaus te coj mus rau chaw ua dua. Muaj ntau pab neeg muaj chaw rau koj nqa mus rau.
    • Mercury yog ib qho tsim kev puas tsuaj tau rau neeg lub cev. Cov khoom muaj mercury yog qhov muag teeb, tus ntsuas kev kub txais, lub ua kom tshuab nrov tuaj, thiab tus ntsuas mem tes. Hu rau hwm tsav saib xyuas tej khoom pov tseg lossis kev noj qab haus huv cheeb tsam koj nyob tias yuav nqa tej khoom muaj mercury mus pov tseg qhov twg.

    QIB QUAG UA HAUJLWM

    Nov yog qee txoj hauv kev tiv thaiv koj tsev neeg txoj kev nyob xeeb.
    • Muas yam koj yuav tsum siv haujlwm xwb.
    • Yog ua tua siv tej khoom koj paub tias tsis muaj teeb meem xwb.
    • Nyeem thiab ua raws li kev qhia siv yam khoom xwb — txhua txhua zaus!
    • Khaws xov tooj ntawm Chaw Thaiv Tshuaj Kuab Lom cia ib sab ntawm lub xov tooj.
    • Tsis txhob muab ob yam khoom coj los sib tim ua ke li yog koj tsis paub tseeb tias ua tau.
    • Khaws tej khoom tsim kev puas tsuaj cia rau thawv kom me nyuam yaus ncav tsis cuag.
    • Muas khoom kom muaj thawv rau uas me nyuam yaus dawj-tsoo tsis tau.
    • Khaws tej khoom tsim kev puas tsuaj cia rau nws lub thawv li qub.
    • Muab tej khoom seem siv tsis tas rau lwm tus siv.
    • Nug kom paub qhov chaw khaws khoom seem pov tseg seb nyob qhov twg.
    • Muab tej khoom uas koj tuaj yeem nqa rov mus ua siv dua tau — xws li roj, tshuaj ntaus te, tej khoom muaj mercury nyob hauv.
    • Tsis txhob hlawv lossis faus tej khoom siv tsis tag thiab thawv rau khoom li.



    Nov yog qee txoj hauv kev tiv thaiv koj tsev neeg txoj kev nyob xeeb.


    • Muas yam koj yuav tsum siv haujlwm xwb.
    • Yog ua tua siv tej khoom koj paub tias tsis muaj teeb meem xwb.
    • Nyeem thiab ua raws li kev qhia siv yam khoom xwb — txhua txhua zaus!
    • Khaws xov tooj ntawm Chaw Thaiv Tshuaj Kuab Lom cia ib sab ntawm lub xov tooj.
    • Tsis txhob muab ob yam khoom coj los sib tim ua ke li yog koj tsis paub tseeb tias ua tau.
    • Khaws tej khoom tsim kev puas tsuaj cia rau thawv kom me nyuam yaus ncav tsis cuag.
    • Muas khoom kom muaj thawv rau uas me nyuam yaus dawj-tsoo tsis tau.
    • Khaws tej khoom tsim kev puas tsuaj cia rau nws lub thawv li qub.
    • Muab tej khoom seem siv tsis tas rau lwm tus siv.
    • Nug kom paub qhov chaw khaws khoom seem pov tseg seb nyob qhov twg.
    • Muab tej khoom uas koj tuaj yeem nqa rov mus ua siv dua tau — xws li roj, tshuaj ntaus te, tej khoom muaj mercury nyob hauv.
    • Tsis txhob hlawv lossis faus tej khoom siv tsis tag thiab thawv rau khoom li. Tej Khoom Siv Hauv tsev uas tsim Teebmeem QIB QUAG UA HAUJLWM
    • Hu rau Chaw Thaiv Tshuaj Kuab Lom nyob koj cheeb tsam tus xov tooj 800/222-1222
    • Hu rau koj lub Cooperative Extension office
    • Hu rau hwm tsav saib xyuas kev noj qab haus huv cheeb tsam lossis xeev koj yob
    • Nug rau Pawg Saib xyuas kev Nyob xeeb rau Tsoom Neeg Yuav Khoom: 800/638-2772 —www.cpsc.gov
    • Nub rau Huab Cua Zoo hauv Ameslikas tej
    Vaj tse: 406/994-3451 los yog mus saib lawv
    tus website rau www.healthyindoorair.org
    • Qhov Home*A*Syst phau ntawv yuav qhia
    paub ntau txog tej no thiab lwm yam kev
    nyob xeeb hauv vaj tse 608/262-0024 los yog
    rau www.uwex.edu/homeasyst
    • EPA Qhov Huajlwm pab Qhia txog kev
    Cim kom cov Neeg Yuav Khoom paub
    www.epa.gov/opptintr/labeling/index.htm
    Tshooj no yog kho los ntawm “Managing Hazardous Household Products,” tus sau Elaine Andrews, University of Wisconsin Cooperative Extension. Nyob
    hauv phau Home*A*Syst, Tsab Ntawv Ntsuam Qhia Txog Kev Ntshai Rwg ntawm Tej Chaw Ib Ncig nyob hauv Vaj tse, ©1997 Regents of the University of
    Wisconsin System. Raug txwv Cai Tag nrho.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  Sponsored content Today at 6:43 am


      Current date/time is 11th December 2016, 6:43 am