google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Pab Koj Tus Kheej Kom Vaj Tse Muaj Kev Nyob Nyab Xeeb

    Share

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  Hmoob ntuj qub qab on 18th January 2011, 10:20 pm


    Nyob zoo Koojziagkabzaug

    Mam li khaws nws tej txiaj ntsim no yam puav mus siv rau lub neej nyob ntuj qub qab, vim tseem tshuav ntau yam yuav siv thiab kho mus yam tom ntej, nws muaj lub tswv yim hlub peb haiv Hmoob nws tsim tej yam muaj txiaj ntsim no los zoo heev yuav tau khaws cia tau siv.

    Ntawm kev ntseeg kev mob yuav tau xyuas kom meej tim qhov twg yuav kho qhov ntawv thiaj tsis xiam sij hawm thiab nyiaj ntau.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 27th January 2011, 1:23 pm


    Tej Tshuaj Tua Kab


    Koj Puas yuav tsum Txhawj xeeb txog?




    Ntau yim neeg txawm muaj kab nyob ntau. Kab
    laum, mos ntsuab, nas, thiab moj tsi puav leej
    xeeb ua kab mob thiab tuaj yeem paug rau
    tej zaub mov. Kab laum thiab hmob dev mub yuav
    ua rau ua xua thiab hawb pob nyhav ntxiv. Dev mub
    thiab zuam nkag nrog tsiaj los rau hauv tsev lossis tej
    khaub ncaws tej kuj tuaj yeem xeeb kab mob tau. Yog
    raug nas thiab qee hom poj kab laug tsov tom kuj
    yuav ua rau me nyuam lossis lwm tus neeg raug tom mob heev.

    Tshuaj tua kab yog tej yam xws li tshuaj tsuag kab,
    kauj caj dab looj tsiaj kom tua dev mub, kuab lom
    tsuag, thiab tshuaj tua nroj. Tshuaj tua kab tuaj yeem
    tsim kev puas tsuaj loj yog tias siv tsis raws nws txoj
    kev. Qee yam yuav ua kuab lom, me nyuam yug los
    tsis zoo, hlab hlwb puas, lossis ua kheeb xawj. Nws
    tseem yuav ua rau kev ua xua thiab hawb pob nyhav
    dua qub. Yog nqus tau pa lossis plua plav los ntawm
    hmoov tshuaj tua kab thiab tshuaj tsuag yuav ua kom
    piam sij tau. Yog kov tau tej tshuaj poob rau hauv
    plag tsev kuj yuav muaj kev puas tsuaj.
    Me nyuam yaus yog cov txais kev piam sij tau
    yoojyim. Lawv yuav raug tau tej sthuaj tua kab vim
    lawv ua si thiab nkag hauv av. Cov me kuj yuav muab
    tej yam khoom ua si coj los rau hauv qhov ncauj.
    Lawv haj tseem kov tau tshuaj tua kab nyob havu tej
    plag tsev lossis nyob hauv nroj.
    Qhov piam sij loj tshaj plaws yog raug tshuaj lom.
    Me nyuam yaus tuaj yeem lom tau lawv tus kheej yog
    mus muab tau tej tshuaj lom uas tsis khaws cia zoo
    coj los noj los yog haus.

    Yuav luag yog ib nrab ntawm cov tsev neeg uas
    muaj me nyuam yaus hnub nyoog qis dua tsib
    xyoos muaj tshuaj tua kab cia rau tej chaw me
    nyuam ncav cuag.


    QAUG TSHUAJ CHEMICALS:

    Txhob cia tej no raug rau koj tus me nyuam

    • Ib tug me nyuam tub hnub nyoog tsib
    xyoos haus tau ib hwj tshuaj ntaus thim
    muab tau hauv qab dab ntxuav muag
    hauv chav dej.
    • Ib tug me nyuam ntxhais hnub nyoog
    peb xyoos xav tsuag nws cov plaub hau
    li nws pom nws niam ua, tiamsis nws tau
    muab cov tshuaj tsuag kab los txau rua
    nws qhov muag.
    • Ib tug me nyuam mos liab pib txawj
    nkag tau khaws ib lub pob zeb ntsuab
    nyob qab rooj zaum coj los noj xav tias
    yog candy, tiamsis yog tshuaj lom nas.
    Qhov xwm zoo yog tias koj tuaj yeem ua tau
    ntau yam tiv thaiv koj tsev neeg txoj kev noj
    qab haus huv. Nug koj tus kheej nyob rau
    phab txuas ntxiv mus kom paub tias tshuaj
    tua kab puas tsim kev puas tsuaj tau rau koj.
    Kev siv tshuaj tua kab kom xyuam xim yog
    nce rau koj xwb!




    Cov Lus yuav tsum Nug

    Vim licas Koj thiaj li Muaj tej Kab phem?
    • Puas yog koj vaj tse muaj tej kis xoob lossis ntaub
    npog ntuag los yog qhov rai tawg?
    • Puas muaj kis lossis qhov nyob hauv tsev uas yuav
    ua chaw rau kab mus nyob?
    • Puas muaj tej rooj txawb zaub mov lossis plag
    tsev qee zaum tsis huv? Puas muaj tais diav tsis
    ntxuav cia?
    • Puas muaj khoom noj ncuav qhov txhia qhov
    chaw nyob hauv koj vaj tse?
    • Koj puas cia tej yam qias neeg yuav pov tseg rau
    tej chaw uas ntsaum, kab laum, nas, moj tsi, los
    yog lwm yam tsiaj nkag mus rau?
    • Koj tej kav xa dej lossis qaum tsev puas xau?
    • Koj puas cia tej khoom noj rau hauv tej thawv
    lossis kav ntawv uas tsis muaj hau kaw?

    Koj Siv Tshuaj tua kab puas Xyuam xim?
    Tsis tim xav tias tshuaj tua kab tsis yog yam muaj kev
    puas tsuaj.
    • Koj (lossis lub company (koom xeeb) saib xyuas
    tsiaj) puas siv tshuaj tsuag kab xws li tshuaj tua
    dev mub lossis tshuaj txau kab laum nyob sab tsev
    nraum zoov? Tshuaj lub thiab tshuaj txau yuav
    xa cov tshuaj lom kab ya ri mus deb, yuav ua rau
    neeg raug tej ntawd tau yoojyim.
    • Koj puas siv kauj caj dab looj tsiaj, tshuaj tsuag,
    lossis hmoov nphoo rau koj tej tsiaj? Tej yam
    no muaj kuab tshuaj nyob rau hauv uas
    tua yeem tsim kev piam sij rau tib neeg tau.
    • Koj puas siv tshuaj tua kab yam tsis
    nyeem daim ntawv qhia li?
    • Thaum koj siv tshuaj lom kab puas
    muaj me nyuam yaus los yog tsiaj
    nyob hauv koj chav?
    • Koj puas noj mov, haus dej, los
    yog haus luam yeeb thaum
    sijhawm siv tshuaj lom kab?
    • Koj puas xyuam xim thaum koj
    tso tshuaj thaiv kab rau me nyuam?
    • Koj puas lam muab txiv ntoo
    thiab zaub tej los rau noj yam tsis
    tau ntxuav kom huv zoo?

    Koj Khaws thiab muab tej tshuaj tua kab Pov Tseg licas?


    • Koj puas keev khaws tej tshuaj tua kab cia rau tej
    thawv uas tsis yog lub nqa nrog nws los?
    • Puas muaj qee zaum koj tshuav tej tshuaj tua kab
    siv tsis tas nyob rau ib ncig vaj tse?
    • Koj puas khaws tej tshuaj tua kab cia tej chaw me
    nyuam yaus ncav cuag?
    • Koj puas khaws tshuaj tua kab cia ze khoom noj?
    • Koj puas cia li muab lub raj ntim tshuaj tua kab
    pov tseg uas tsis tau muab yaug tso?
    • Koj paus cia tej raj ntim tshuaj tua kab siv tas
    lawm rau tej chaw me nyuam yaus ncav cuag?



    QIB QUAG UA HAUJLWM


    Cia kom Vaj tse Huv si
    • Ntxuav me nyuam tej tes, lam hwj, txiv mis
    roj hmab, thiab khoom ua si kom xwm
    yeem. Tu plag tsev kom huv, ntug qhov rai,
    thiab lwm yam plag xwm yeem.
    • Kaw hau thawv ntim khoom qias neeg
    thiab nqa mus ncuav pov tseg xwm yeem.
    • Cia khoom noj rau tej thawv kaw hau ntom.
    • Yuav tsum kom koj cov neeg hauv tsev noj
    mov ntawm rooj noj. Tsis txhob cia neeg noj
    mov sawv mus kev qhov txhia qhov chaw.
    • So tej yam nchuav lossis hmoov khoom
    noj poob kiag tam sim ntawd.
    • Ntxuav tais diav tam sim thaum noj mov tas.
    • Tu kom tsev huv tom qab tsuag kab laum
    tas kom tsis txhob muaj yam ua xua tau.
    • Tsiaj yuav tsum muaj dej haus. Tsis txhob
    cia los haus tej chaw dej txia tawm thiab
    txhob cia dej ntxuav tais diav nyob hauv
    dab dej tseg tsheej hmo.
    • Tiv thaiv dev mub yuav tsum ntxhua pom
    vov chaw pua xwm yeem. Muab tsiaj zawv
    plaub, nqu plua plav plag tsev, thiab siv
    zuag ntsis dev mub.
    • Muab tej pawg khoom, ntawv, hnab, kav
    ntawv tej pov tseg kom txhob ua chaw rau
    kab nyob. Muab mus ua siv dua yog ua tau.

    Tsis txhob cia Kab phem los nyob hauv Vaj tse

    • Lo tej kab tawg thiab nrib pleb uas kab
    phem nkag tau los hauv tsev.
    • Ntsuam xyuas khaub hnab thiab kav ntawv
    tej seb puas muaj kab laum ua ntej nqa
    mus tsev.
    • Qhia koj tej me nyuam kom tsis txhob
    sib qiv zuag ntsis, kaus mom, lossis tsho
    loj nyob tom tsev kawm ntawv thiab tom
    chaw zov me nyuam.

    Siv Tshuaj tua kab kom Xyuam xim
    • Nyeem daim ntawv lo qhia thiab ua raws
    li cov lus qhia. Siv kom ntau tsawg raws li
    hais thiab rau qhov haujlwm li qhia xwb.
    • Khaws tej tshuaj tua kab, tas nrho tej muab
    rau w, kom deb ntawm me nyuam yaus.
    • Thaum siv tshuaj tua kab, kom me nyaus
    txav deb cia kom qhuav lossis cia ntev raws
    li qhia tso.
    • Tiv thaiv koj tej nqaij tawv, qhov muag,
    thiab ntsws thaum siv tshuaj tua kab.
    • Nrhiav saib cov lus qhia kom ceev faj. Tej
    ntawv qhia txog tshuaj tua kab yuav muaj
    lus xws li Ceevfaj, Ceebtoom, lossis Tsim
    kev Puas tsuaj kom koj paub txog yam
    khoom no.



    • Tsis txhob ntxhua koj cov khaub ncaws koj
    hnav thaum siv tshuaj tua kab xyaw lwm cov.
    • Yog koj muaj lus xav nug txoj tshuaj tua
    kab, hu mus rau lub company (tsev koom
    xeeb) uas ua cov tshuaj ntawd. Nyob ntawm
    daim ntawv lo yuav muaj tus nabnpawb
    800. Koj tseem tuaj yeem hu tau rau lub
    chaw National Pesticide Information Center
    xov tooj 1-800-858-7378.
    • Muab sib tim raws li qhov koj siv xwb
    thiaj tsis muaj qhov seem cia.
    • Sib tim tshuaj tua kab raum zoov lossis nyob
    rau cheeb tsam muaj cua tuaj ntxiag. (Tsis
    txhob sib tim nyob tom chaw ua mov noj).

    Khaws cia thiab muab Tshuaj tua kab Pov tseg


    • Khaws tshuaj tua kab cia rau qhov chaw
    tsiaj thiab me nyaum yaus ncav tsis cuag
    lossis muab xauv rau hauv thawv.
    • Khaws tshuaj tua kab cia rau hauv nws lub
    thawv los nrog nws xwb. Tsis txhob muab
    cia rau tej lam hwj dej haus lossis lwm
    yam rau.
    • Ua raws li qhov ntawv lo qhia txog tias
    yuav muab tshuaj tua kab pov tseg licas.
    • Tsis tim siv thawv tshuaj tua kab qhuav coj
    los ntim lwm yam khoom li.



    THAUM MUAJ TXHEEJ XWM CEEV

    Koj tuaj yeem hu tau rau lub Chaw Saib xyuas kev Raug Tshuaj Lom qhov
    koj nyob tus xov tooj yog 1-800-222-1222 hu tau txhua txhia qhov chaw
    hauv teb chaws. Khaws tus xov tooj no cia ze rau koj tej xov tooj thiab
    nyob rau tej chaw koj khaws koj tej tshuaj mua kuab lom

    (Nov yog ib tug piv txwv xwb, yog nej nyob lwm qhov, yuav tsum hu xov tooj raws thaj chaw nej nyob).


    Thsuaj tsw ntxhiab thaiv kab

    Thaum tso tshuaj tsw ntxhiab rau me nyuam,
    nyeem tej kab ke siv ua ntej. Tsis txhob siv rau
    thaj tsam nqaij to lossis tawv. Txhob siv rau qhov
    muag, qhov ncauj, tes, lossis rau ntsej muag. Siv kom
    tab tom lo daim tawv thiab tej khaub ncaws xwb. Tsis
    tshob siv rau qab khaub ncaws


    Qhov qhia paub muaj Txiaj ntsim

    Qhia paub Txog Koj cov Nyom thiab Lub vaj
    • Cog cov noob nyom thiab nroj tsuag uas loj
    zoo koj cheeb tsam thiaj tiv thaiv tau kab.
    • Xav txog qhov tias tej zaum cia nrhiav lwm
    yam kab thiab nroj los tso rau es tsis txhob
    siv tshuaj tua.
    • Siv koj lub zog. Koj tuaj yeem xuas tes dob
    nroj lossis xuas hlau ua nroj kom do.
    • Khaws tej nplooj lwj thiab ceg khaub thiaj
    tsis ua rau kab phem tau chaw nyob.
    • Yuav tsum paub kom tseeb tias yog yam
    kab lossis teebmeem dab tsis ua ntej yuav
    siv tshuaj tua kab.
    • Siv tshuaj tua kab rau kiag thaj chaw uas
    muaj tej kab phem xwb.
    • Lub chaw ua haujlwm Cooperative
    Extension cheeb tsam koj nyob yuav pab
    qhia tau txog kev saib xyuas nyom thiab
    vaj loog.

    Qhia paub txog kev Npaj ua Zaub mov
    • Ntxuav thiab txhuam txiv ntoo thiab zaub
    noj ntawm tus kais dej.
    • Tom qab ntxuav tag, yog ua tau kom tev
    tej txiv ntoo thiab zaub.
    • Muab tej nplooj zaub nyob sab nraud pov
    tseg.
    • Luas roj tawm ntawm nqaij thiab luas tawv
    qaib thiab ntses tawm — qee yam tshuaj
    tua kab sau nyob rau ntawm cov rog.
    • Noj ntau yam khoom noj los ntawm ntau
    qhov chaw sib txawv

    Yog Ntseeg Tsis Tau, Ntsuam xyuas Tso!


    • EPA lub Chaw Haujlwm txog Tshuaj tua kab,
    703/305-5017 — www.epa.gov/pesticides
    Puede solicitar estas publicaciones:
    Koj tuaj yeem teem yuav cov ntawv no tau:
    Pab os! Yog ib tug Kab laum: Phau ntawv Qhia txog
    cov Haujlwm ua kom Tiv thaiv Kab laum, Daim
    ntawv Qhia txog Kev Tiv Thaiv thiab Siv Tshuaj tua
    kab Xyuam xim 10 Nqe lus qhia txog kev Tiv Thaiv
    Koj Tsev Neeg ntawm Tshuaj tua kab thiab
    Qaug kuab taug Txhuas
    Tshuaj tua kab thiab kev nyob zoo rau Me nyuam
    Tshuaj tua kab thiab Khoom noj: Dab tsi yog qov koj
    thiab Koj Tsev neeg Yuav Tsum tau Paub
    • Lub Chaw Qhia paub txog Tshuaj tua kab
    800/858-7378 — www.npic.orst.edu
    • Hwm Tsav Food and Drug Administration Qhia
    kom Tso Siab tej Khoom Noj Hotline, 888/SAFEFOOD
    (888/723-3663), ua haujlwm 10 a.m. to 4
    p.m. Monday txog Friday
    • The Home*A*Syst phau ntawv qhia ntxaws txog
    tshuaj tua kab thiab lwm yam teeb meem hauv
    tsev. 608/262-0024 — www.uwex.edu/homeasyst
    • Xav paub ntxiv txog kev tua kab tsis siv tshuaj
    muaj kuab lom nug tau rau the Bio-Integral
    Resource Center 510/524-2567 — www.birc.org


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 27th January 2011, 2:08 pm


    Kev Nyob xeeb hauv Vaj tse


    Koj Puas yuav tsum Txhawj xeeb txog?


    Koj puas paub hais tias qhov koj yuav raug
    mob nyob rau tom tsev muaj ntau dua nyob
    rau tom chaw haujlwm lossis tom tsev kawm
    ntawv? Cov kev ua rau ploj tuag nyob tom tsev yog
    ntog, pob dej, hluav taws kub, raug tshuaj lom,
    txhawm chim, txhaws qa, thiab phom. Qhov xwm
    zoo yog tias mauj cov qib ua yoojyim kom tiv thaiv
    tau koj tus kheej thiab koj tsev neeg. Nqe no yuav pab
    tau koj nug tej lus kom paub txog tias seb koj lub tsev
    paus yog ib qho chaw nyob xeeb thiab yuav ua cas thiaj nyob xeeb dua qub.
    Cov me nyuam mos thiab cov neeg hnub nyoog siab
    yog cov yuav tau txais kev mob rau hauv tsev ntau
    dua ntais. Kom xav rau tib neeg hnub nyoog
    thaum xav tias yuav ua kom koj vaj tse nyob xeeb.
    Ntog (qaug) ua rau neeg tuag ntau
    dua lwm yam kev raug mob, tsis
    xam tsheb sib tsoo. Kev ntog
    seem ntau yog nyob hauv
    tsev, hauv plag tsev tsis yog
    nce ntaiv ntog. Ntog ua teeb
    meem loj rau neeg laus dua
    me nyuam yaus vim lawv lub
    cev nyhav dua. Lawv tej pob
    txha kuj lov tau yooj yim dua me nyuam yaus li.
    Me nyuam yaus yog cov xav paub xav pom thiab ua txhua
    yam uas tuaj yeem mob lossis tuag taus. Seem
    ntau tau mob lossis ploj tuag vim noj haus tej yam
    khoom xws li tshuaj, khoom pliav plhu, thiab nroj tsuag.


    Nyob rau MEKA (US), me nyuam yaus
    hnub nyoog Tsib thiab qis dua ntawv
    raug tshuaj lom ntau tshaj ib vam
    ntawm txhua xyoo



    Me nyuam yaus nyiam ua si nrog tej khoom no vim nws zoo nkauj thiab tsw qab.

    Tau ntau tshaj kaum xyoo los lawm uas cov neeg tuag
    vim hluav taws kub tau tsawg nqis. Txawm li cas los
    hluav taws tseem yog ib qho tseem ceeb ua rau tig
    neeg tuag nyob hauv tsev thiab. Cov neeg laus
    yuav yog cov tau txais kev piam sij ntau dua
    vim lawv tsis tuaj yeem hnov
    tswb qhia nrov lossis khiav tawm
    tau nrawm.
    Kev txhawm chim thiab qa ntom ua
    rau neeg tuag ntau nyob hauv tsev.
    Thaum ib tug neeg txhawm chim, yog
    muaj tej yam dab tsi daig caj dab ua
    tsis taus pa. Qa ntom yog thaum neeg
    lub qhov ntswg, qhov ncauj, lossis lub
    qa tsis dim pa. Yog ib tug neeg ua tsis
    taus pa sijhawm ntev loo yuav ua rau
    nws hlwb puas los yog tag sim neej. Me
    nyuam hnub nyoog qis dua plaub xyoos
    thiab cov neeg laus yuav yog cov yuav tuag
    ntau vim txhawm chim. Neeg txhawm chim
    tau los ntawm khoom noj lossis tej yam uas
    tsis tsim nyog noj, xws li khawm tsho, lossis
    txiaj npib. Khaub hlab, pam vov, hnab roj hmab
    yog mus raug puav leej ua kom neeg qa ntom taus.

    Poob deg ua rau me nyuam hnub nyoog 14 xyoos
    thiab qis dua ntawd tuag txhua xyoo ntau tshaj 1,000
    leej. Nyob rau ib tug me nyuam yaus poob deb tuag,
    muaj txog 20 leej cov uas tau mus kho ceev tom tsev
    kho mob vim yuav luag tuag.
    Nws yog ib qho yoojyim heev uas yuav ua kom koj
    tej me nyuam tsis txhob raug puas tsuaj los ntawm tej
    teeb meem tswm sim txhua hnub. Cov lus nug nyob
    hauv qab thiab phab ntxuas mus yuav pab koj kom
    paub txog kev nyob xeeb hauv vaj tse. Phab 51 yuav
    qhia tswv yim txog tias yuav ua licas. Nco ntsoov, kev
    ua kom lub tsev nyob xeeb dua qub yuav tau ua mus
    ntau tshaj ib ruam kev.

    Cov Lus yuav tsum Nug?

    Hluav taws thiab Kub nyhiab
    • Koj lub tsev lossis chav nyob puas muaj tsawg
    kawg yog ib lub tswb qhia taws kub?
    • Koj khaws ntais ntawv thiab ntais nyem cia
    qhov twg?
    • Koj puas qhia txog kev piam sij ntawm hluav taws
    rau me nyuam?
    • Koj puas muaj kev khiav hluav taws thaum tsev
    kub nyhiab?
    • Koj puas xyuam xim thaum siv lub ua cua sov
    thiab qhib qhov rai?

    Carbon Monoxide yog ib yam nkev
    tsim kev piam sij uas koj tsis tuaj yeem
    pom los yog hnov ntxhiab. Nws los ntawm
    tej cuab yeej siv xws li lub ua cua sov siv
    nkev, chaw rauv taws nte, qhov txos lossis
    lub ziab khaub ncaws. Cov pa tsheb tso
    tawm kuj muaj carbon monoxide thiab.
    Saib tshooj hais txog carbon monoxide
    nyob phab 23 kom paub txog kev tiv thaiv
    koj tsev neeg ntawm
    qhov kev puas tsuaj
    uas ntsia tsis pom no.
    Txhim rau tiv thaiv koj tsev
    neeg, teeb lub tswb qhia carbon monoxide!


    Muab siab rau Saib tej Chaw muaj Dej
    • Koj puas muaj pas dej da lossis koj tus me nyuam
    puas nyiam mus ua luam dej heev?
    • Lub pas dej koj siv puas muaj laj kab ncig?
    • Koj puas cia khoom ua si rau tom pas dej?
    • Koj tus me nyuam puas ua si ncig pas dej?
    • Koj puas tau mus xyuas pas noom, suab puam,
    lossis dej loj?
    • Koj puas saib koj tej me nyuam me hauv dab dej?
    Pas dej da yog ib qhov chaw puas tsuaj rau me nyuam
    yaus thiab cov tseem xyaum mus kev. Yog tau poob
    hauv pas dej lawm tuaj yeem tuag lossis ua rau hlwb
    puas. Cov nyuam qhuav xyaum mus kev nyiam ua si
    hauv dej. Lawv yuav tsis paub txog tias qhov ntawd
    muaj kev piam sij licas rau lawv. Yuav tsum tau saib
    me nyuam kom zoo nyob cheeb tsam muaj dej
    txhua sijhawm.

    Txhawm chim
    • Koj puas saib koj tej me nyuam zoo sijhawm noj
    mov thiab ua si?
    • Koj puas nrhiav tej khoom ua si kom haum rau
    koj tus me nyuam lub hnub nyoog?
    Me nyuam yaus nyiam muab khoom tsij rau qhov
    ncauj. Zais tshuab, khoom ua si me uas tab tom haum
    me nyuam qhov ncauj tuaj yeem daig caj dab kom
    txhawm chim tau. Koj kuj tsis tuaj yeem muab kom
    tau qhov daig ntawd tawm.

    QIB QUAG UA HAUJLWM

    Tiv thaiv Npleem taw, Dawm taw & Ntog
    • Tsis txhob cia koj lub plag tsev muaj tej yam
    dawm taw. Khaws tej yam dawm taw xws li
    khoom ua si, khau thiab ntawv saib.
    • So tej yam nchuav kiag tam sid kom tsis
    txhob npleem taw.
    • Kho tej qib ntaiv uas tsis khov thiab yuav puas.
    • Yog tias muaj ntaub pua taw nyob hauv tsev,
    siv lev pua kom xem es muab ntaub pua taw
    pov tseg.
    • Thaum nqa tej yam loj lossis nyhav yuav tsum
    ua zoo saib seb puas pom kev mus. Yuav
    tsum thov pab yog tias tsis pom hau kev.
    • Ua kom tsev kaj pom kev zoo thaum mus
    kev hmo ntuj.
    Lwm yam qhia paub
    • Tsis txhob siv tog zaum lossis rooj los tam
    ua ntaiv nce.
    • Rau khau xib taws xem kom tsis nplua thiab
    muab thom khwm (hnab looj taw) xem rau
    me nyuam rau.
    • Qhia tej me nyuam kom tsis txhob khiav
    hauv tsev thiab dhia saum qib ntaiv.
    • Qhia koj tej me nyuam thiab cov neeg hauv
    tsev txog kev piam sij vim ntog thiab ua licas
    thiaj li muaj kev nyob xeeb

    Ua kom Koj lub Tsev Txhob muaj kev Piam Sij

    Siv zaj lus qhia no ua kom koj lub tsev tsis
    txhob muaj kev piam sij ib chav dhau ib chav:
    • Chaw ua noj
    Koj lub chaw ua noj yog ib qho tsim kev
    puas tsuaj tau rau me nyuam kawg nkaus
    li. Tej khoom siv muab ub no thiab tshuaj
    ntxuav tais diav tuaj yeem ua rau me nyuam
    tau mob. Yuav tsum liaj rooj rau tej txee
    lossis chaw rau khoom uas tsim kev puas
    tsuaj tau. Zoo tshaj plaws mas khaws tej
    khoom cia qhov me nyuam yaus ncav tsis
    cuag. Me nyuam yaus kov tau khoom piam
    sij sijhawm neeg tseem tab tom siv tej
    khoom no. Qhov zoo kom me nyuam khiav
    tawm hauv chav thaum koj tseem cheb.
    • Chav da dej
    Tej khoom nyob hauv koj lub chaw rau
    tshuaj — xws li tshuaj, tshuaj pleev ib ce,
    tshuaj yaug ncauj, tej tshuaj pab thawj qib,
    tshuaj tua ntxhiab thiab tshuaj ntxuav tej
    tuaj yeem ua kom me nyuam mob. Khaws
    tej no kom deb me nyuam tes, liaj qhov
    chaw qib kom zoo.
    • Chav pw
    Khaws tshuaj, khoom siv tshuaj, dej tsw qab
    rau ib ce, tshuaj pleev ib ce, luam yeeb tej
    kom deb ntawm me nyuam tes.
    • Chav nyob
    Cov khoom yuav tau saib nyob rau chav
    nyob yog: cawv, luam yeeb, tshuaj txhuam
    rooj tog, roj rau teeb, thiab qee yam ntoo
    nroj. Khaws tej hais no kom me nyuam taus
    ncav tsis cuag.

    • Chaw tso tsheb, Qab tsev, thiab Chav
    ntxhua khaub ncaws
    Tej no yog qee thaj chaw uas muaj kev puas
    tsuaj tshaj plaws nyob hauv koj tsev. Muaj
    tshuaj chemicals ntau heev nyob rau tej
    khoom uas tuaj yeem ua mob lossis tua me
    nyuam tuag taus xws li: tshuaj ntxhua dawb,
    tshuaj ua kom te yaj, roj tsheb, roj taws,
    tshuaj txhuam tsheb, roj batteries tsheb, kob
    vuam, tshuaj ntaus kob, tshuaj tsw ntxhiab
    tso rau kab, tshuaj tsuag kab, ntsev rau
    kev, thiab ntau yam. Qhov nyob xeeb tshaj
    nplaws yog kom me nyuam yaus khiav deb
    ntawm tej chaw no.

    Yuav tsum tseeg tias tshuaj muab cia
    rau tej yam qhwv uas tsis ua kev piam
    sij rau me nyuam. Tiam sis qhov tsis ua
    kev piam sij kuj tsis yog tias me nyuam
    dua tsis tau, li ntawd yuav tsum khaws
    cia rau qhov me nyuam muab tsis cuag


    -52- Kev Nyob xeeb hauv Vaj tse
    QIB QUAG HAUJLWM, txuas ntxiv
    Koj puas paub yuav ua licas yog tias ib tug neeg
    hauv koj tsev qaug tshuaj lawm? Yog koj xav tias
    ib tug neeg tau qaug tshuaj lawm, hu rau Poison
    Control Center (lub Chaw Saib Xyuas Raug Tshuaj
    lom) tam sim ntawd kiag rau 1-800-222-1222.
    Khaws tus xov tooj no cia kom zoo ntawm koj
    lub xov tooj. Yuav tsum tseeg tias koj paub:
    • Yam khoom ntawd lub npe ua tawm
    • Hom khoom
    • Muaj npaum licas raws li daim ntawv qhia
    • Tus neeg tau noj los yog haus kwv yees
    npaum licas
    • Tus neeg ntawd raug tau tshuaj licas (qhov
    ncauj, nqaij tawv, etc.)
    • Hov ntev lawm uas tus neeg tau raug tshuaj
    • Tus neeg lub hnub nyoog thiab nyhav licas
    • Koj tau ua tiag pab tus neeg licas lawm, yog
    koj tau ua

    Kev Tiv thaiv Hluav Taws thiab Kub Nyhiab
    Caws ib lub tswb rov qhia hluav taws nyob rau
    txhua txhua tshooj tsev lossis ze rau cheeb tsam
    chaw pw. Qhov no yuav ua rau cov neeg tuag
    vim hluav taws kub tsawg tau mus li ib nrab.
    Kev ua si nrog hluav taws — ntais ntawv,
    ntxais nyem, qhov txos los yog lub chaw ua
    cua sov — yog qhov teebmeem tseem ceeb
    ua rau muaj me nyuam yaus hnub nyoog tsib
    xyoos thiab qis dua tuag. Khaws ntais ntawv,
    ntxais nyem, thiab lwm yam uas ua chaw kub
    cia chaw zoo kom me nyuam yaus muab tsis
    tau los ua si. Tsis txhob pub me nyuam yaus
    ua si ze rau qhov txos lossis chaw ci nqaij.
    Qhia koj tej me nyuam tias yuav tiv thaiv
    hluav taws licas, thiab yuav ua licas yog muaj
    hluav taws kub nyhiab. Qhov no yuav tuaj
    yeem pab tau neeg txoj sia. Qhia kev siv hluav
    taws zoo rau tej me nyuam. Hwm tsav saib
    xyuas hluav taws yuav pab tau.
    Qhia txog thiab xyaum khiav hluav taws nrog
    koj tsev neeg. Khiav hmo ntuj tsis taws teeb
    kom swm paub thaum muaj taws kub tiag. Ua
    qee yam tshwj xeeb xws li coj me nyuam yaus
    lossis cov laus neeg khiav tawm hauv tsev.
    Kev ua cua sov hauv tsev uas siv roj a thiab
    hluav taws xob kuj yog ib qho ua rau muaj kub
    nyhiab ntau hauv tsev. Tsis txhob cia tej no
    nyob ze qhov rooj, chav tsev, lossis cheeb tsam
    muaj ntau yam khoom. Tsis tas li ntawd, cia
    tej khoom no nyob kom deb li peb feet (neev
    taw) ntawm ntaub qhov rai, lossis lwm yam
    uas txais taws zoo. Qhia me nyuam yaus kom
    puab tias lub ua cua sov kub taus. Qhov zoo
    tshaj ntawd yog muab dab tsis los kem quas
    me nyuam yaus thiab tej tsiaj.

    Tiv thaiv Txhawm chim thiab Qa ntom
    Txhua txhua hnub khoom noj tuaj yeem diag
    caj dab kom txhawm txhim. Nyhuv ntxwm
    ci, txiv qab rog, paj kws, thiab cov candy tawv
    tuaj yeem nkag mus rau hauv me nyuam yaus
    qa tau yoojyim. Txhob pub koj tej me nyuam
    me noj tej yam no. Txawm yog yam haus xws
    li khoom pub me nyuam, mis nyuj, lossis
    kua txiv ntoo tej xwb los tseem ua rau me
    nyuam mos liab daig caj pas tau yog tias haus
    pw, tseem ceeb yog haus hauv taub mis. Yuav
    tsum tseeg tias me nyuam zaum noj. Saib me
    nyuam me hauv tsev kom zoo.
    Tsis txhob cia koj tej me nyuam ua si nrog cov
    plab tshuab pa loj. Lwm yam khoom hauv
    tsev uas tuaj yeem tsim teebmeem tau muaj
    txiaj npib, qe qaum mam npis, thiab khawm
    tsho, li ntawd yuav tsum khaws tej no tawm
    mus. Qhov kawg, Tsis txhob pub me nyuam
    yaus ua si ze rau tej tsheb lossis cuab yeej siv
    qub. Tej no tuaj yeem ua kom txhawm chim
    thiab tas sim neej tau yog mus khuam lossis
    raug tej chaw ua khoom txias qub nyob rau hauv.
    Me nyuam yaus me tuaj yeem daig rau tej
    ntaub qhov rai, hlua rub qhov rai, xov txuas
    hluav taws xob. Hnab roj hmab ntim khoom
    thiab hau khwb kuj puav leej tsim kev puas
    tsuaj. Tsis txhob khi khoom ua si lossis txiv
    mis rau me nyuam yaus tej khaub ncaws. Cov
    me nyuam yuas tseem me tsis tim coj saw
    nyiaj ntawm caj dab.
    Khoom ua si uas muaj tej qho me me nyob
    hauv lossis muaj hlua ntev tuaj yeem zawm
    lossis ua rau me nyuam yaus hnub nyoog
    qis dua plaub xyoo daig caj dab txhawm
    chim tau. Nyeem daim ntawv lo nraum qhov
    khoom ua si seb puas tsis nyog rau koj tus me
    nyuam ua si.

    Saib xyuas Nyob rau Chaw Muaj Dej
    Yog koj muaj los yog siv pas dej da — saib cov
    me nyuam yaus hnub nyoog qis dua 12 xyoos
    txhua txhua lub sijhawm nyob cig pas dej kom
    tseeg tias lawv mus ncig sab ntug xwb.
    Tag txhua lub pas dej, dab dej kub, thiab chaw
    da kua tshuaj kub yuav tsum muaj laj kab
    tsawg kawg yog tsib feet (neev taw) siab, muaj
    qhov rooj nws qoj kaw nws tau. Tseem ceeb
    lub laj kab no me nyuam yaus yuav tsum nce
    tsis tau. Tsis txhob xav tias koj lub tsev yog ib
    phab laj kab, vim me nyuam yaus tuaj yeem
    qhib qhov rooj mus tawm tom pas dej tau.
    Khaws txhua yam khoom ua si tawm ntawm
    pas dej mus, kom me nyuam yaus tsis txhob
    rov mus ua si nyob nrad lawv kheej.
    Me nyuam yaus yuav tsum hnav tsho khuam
    kom ntab lossis tsho ntim cua thaum nyob
    rau chaw nce nkoj lossis ntug suab puam,
    lossis dej loj. Tsis txhob pub me nyuam yaus
    ua luam dej ib leeg li!
    Tsis tim tso me nyuam me nyob tom dab da
    dej ib leeg li. Me nyuam yaus tuaj yeem tuag
    taus yog ploj dej tob li ob peb nti xwb.

    Lwm yam Txhawj xeeb ntawm kev Puas tsuaj
    • Cov me nyuam loj me ntsis thiab neeg laus
    yuav tsum tau kawm paub txog CPR (yog
    qhov kev pab neeg lub plawv kom dhia ua
    pa tau rov tuaj) thiaj li pab tau thaum twg
    muaj neeg raug teebmeem. Lub Red Cross
    ntawm koj cheeb tsam muaj qhov qhia.
    • Tsis txhob cia me nyuam yaus caij tej cuaj
    yeej siv xws li lub tshuab txiav nyom. Lawv
    yuav raug mob yog lawv poob.
    • Nrhiav tej khoom tiv thaiv kom txhob raug
    mob xws li kaus mom thiab daim thaiv hauv
    caug thaum caij tsheb kauj vab, caij khau log,
    caij cov ATVs, thiab daim txiag khiav ko
    taw. Yus tus kheej yuav tau rau tej no ua
    piv txwv zoo.
    • Khaws pom cia kom zoo. Txhob cia mos
    txwv thiab muab kaw tom xib rau.
    • Thaum caij tsheb yuav tsum cia cov me nyuam
    hnub nyoog qis dua 12 xyoos zaum cov rooj
    nram qab. Muab chaw zaum pab rau me
    nyuam me thiab cov pib mus kev qis dua
    40 pounds. Siv rooj zaum ntxiv rau me nyuam
    yaus kom txog muaj hnub nyoog yim xyoo.


    Yog Ntseeg Tsis Tau, Ntsuam xyuas Tso!


    (Nov yog ib qho piv txwv xwb, nej nyob txawv qhov chaw nov, yuav hu raws li cheeb tsam nej nyob)


    • Lub Extension Office nyob cheeb tsam ntawm
    koj — saib hauv phau ntawv xov tooj
    • Hwm tsav saib xyuas kev noj qab haus huv cheeb
    tsam koj nyob lossis xeev koj nyob — saib hauv
    phau ntawv xov tooj.
    • Xav paub txog tej khoom ua tawm hu rau: Pawg
    Saib xyuas kev Nyob xeeb rau Tsoom Neeg Yuav
    Khoom rau 800/638-2772 — www.cpsc.gov
    • National SAFE KIDS Campaign, 202/662-0600 —
    www.safekids.org, 1301 Pennsylvania Avenue, NW,
    Ste. 1000, Washington, DC 20002
    • The American Red Cross — www.redcross.org
    • Lub Chaw Saib xyuas Kev Nyob xeeb ntawm Teb
    chaws, 800/621-7619 — www.nsc.org




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  koojziagkabzaug on 27th January 2011, 2:12 pm



    Tsim nyog qhuas!


    Koj tau ua thawj ruam kev mus rau qhov kom vaj tse muaj kev nyob xeeb!


    Yog koj tseem muaj lus nug ntxiv txog kev noj
    qab haus huv thiab kev nyob xeeb ntawm koj vaj
    tse nug rau:
    US Hwm Tsav Saib xyuas Vaj tse thiab
    Kev Txhim kho:
    www.hud.gov/healthyhomes
    US Koom Hom Tiv thaiv Tej Chaw Ib Ncig:
    www.epa.gov/children/
    Lub Network Hais txog Me Nyuam yaus txoj
    Kev Noj qab haus huv:
    www.cehn.org
    Lub Chaw Saib xyuas Kev Nyob xeeb ntawm
    Teb chaws: www.nsc.org/ehc/chldhlth.htm
    US Lub Chaw Pov Hwm thiab Tiv thaiv Kab
    mob: www.cdc.gov/od/oc/childhealth/
    Home*A*Syst:
    www.uwex.edu/homeasyst



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Pab Koj Tus Kheej Kom Vaj Tse Muaj Kev Nyob Nyab Xeeb

    Post  Sponsored content Today at 2:56 am


      Current date/time is 11th December 2016, 2:56 am