google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    KHOV KUAM ntau kuam

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    KHOV KUAM ntau kuam

    Post  koojziagkabzaug on 21st September 2010, 3:55 pm



    TXWM KUAM

    PUAJ KUAM XEEM SAWM

    YAJ KUAM YEEB KUAM







    Paj Kuam (Suav)

    Lo lus " kuam " no los ntawm lus Suav " Paj kuam xeem sawm" los, yog lub diagramme 8 fab uas lawv siv los qhia leej tib neeg SEEM ZOO SEEM PHEM. ( tib neej nyias yug muaj nyias lub caij, nyiam muaj nyias seem zoo & pheem, raws seem lub ntuj, lub ntiaj teb). Txwm Kuam yog ua tus choj taug ntawm Yaj Ceeb thiab Yeeb Ceeb, khov kuam saib, " Yaj Kuam Ceeb Kuam".



    1/ Txiav ib tug tug ntsis kub nyuj, kub twm, kub ntsis ntev li 15 cm, muab phua ncaj ncaj ua ob sab ( Yog tsis muaj li los txua ntoo ua).
    2/ Sab kuam tiag hu ua sab xub ntiag, sab koov ( kheej) hu ua sab nraub qaum, pem hau kub hu ua taub hau, nram qhov txiav tus tus hu ua ko taw, lub qhov khoob nram ko taw hu ua qhov muag.
    3/ Txwm kuam khwb, ob sab tiaj khwb tuaj sab hauv: Yog Yaj txhais tias neej nug txog dab= Yaj kuam.
    4/ Txwm kuam ntxeev, tig sab tiaj tuaj saud: Yog Yeeb txhais tias dab teb neej= Yeeb Kuam.
    5/ Ib sab kuam khwb, ib sab ntxeev ( Yaj kuam Yeeb kuam) : Neej thiab dab sib txuas tsis tau lus= seem kuam.



    A. Yeeb kuam= Tsis yuav ( dab tsis kam yuav)
    B. Yaj kuam= Dan thiab neej zoo siab, yuav...Tab sis...
    C. Yaj kuam yeeb kuam=Neej thiab dab txaus siab, yuav.




    D/ Ntsuj plig nyob puab cev, tsis muaj kho dab tsi li.

    E/ Qheb rooj lug, plig tsis puab cev.

    F/ Tu siab, Plig tu siab, xav nrhiav kev khiav.

    G/ Plig khiav tawm ntawm tus neeg mob.

    H/ Ntsuj plig sim mus cuag Ntxwg Nyug thiab xav thov ntawv mus thawj thiab.

    I/ Plig mus thawj thiab lawm.

    J/ Dab vaj dab tsev xav noj xav haus.

    K/ Dab qus xav noj xav haus.

    L/ Kuam ntxeev sab Yaj, Yog txiv, yawg los yawg koob xav noj npua tai.

    M/ Yog leej txiv xav noj nyuj dab.



    N/ Yog leej txiv uas tuag lawm xav noj ib pluag ( qaib thiab mov zaub xwb)

    O/ Kuam ntxeev rau sab Yeeb, Yog niam los pog uas dua toj lawm yuav noj npua tai.

    P/ Yog niam los pog yuav noj nyuj dab.

    Q/ Yog Niam los pog yuav noj ib pluag mov ( qaib, mov)

    R/ Kuam rau ncoo,
    yog ib lub rooj vag uas hla tsis dhau li, tus mob twb pw nws lub hau ncoo lav mob lav tuag lawm.
    Txaus txhawj lawm, tus txiv neeb yuav tsis kam kho...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHOV KUAM ntau kuam

    Post  koojziagkabzaug on 2nd February 2011, 2:13 am


    Sau los ntawm SOC culture:
    On Nov 12, 7:41 am, kwv...@xxxxxxx wrote:
    On Nov 12, 9:21 am, Born2beHmong >

    qhov ua kom tua kuam tsa ne yog li cas?
    qhov kom tus kuam pov nkaus ne li cas?
    koj piav ob qhov meaning no thiab yuav ntau tus kuam li cas thiaj li
    yog?



    kuv kwv-- qhov tseem ceeb tshaj yog qhov koj yuav tsum tau kawm kom
    koj paub txog txwv kuam tias sab twg yog yaj sab, sab twg yog yeej sab
    ua ntej tso. thaum koj paub txog tus kuam lawm ces thaum koj hu plig
    koj xav ntau tsawg zaus thiab hais li cas los yeej tau tag.

    hais txog txwm kuam ces yog koj tuav rau ntawm koj txhais te es koj
    muab tog nkhaus nkhaus tig rau sauv ntuj ces sab xis yog yaj sab ho
    sab laug yog yeej sab. yog koj tuav tig tog nkhaus nkhaus rau hauv av
    no ces sab xis yog yeeb sab lawm ho sab laug yog yaj sab lawm nawb.
    nco ntsoov li no xwb.

    thaum koj hu plig ces koj yuav hais li cas los nyob ntawm koj txawj.
    ib co kuj hais tias, "yaj kuam pov nkaus yeeb kuam pov nkaus." yog 2
    sab khwb tag nrho ces yog tau lawm. yog ib sab qhib ib sab khwb los
    yog 2 sab qhib tib si ces tsis tau nawb. ho yog koj hais tias, "yaj
    kuam tsa hlo yeeb kuam txawb hlo" no es 2 sab qhib tag nrho ces tau
    lawm. ib sab qhiab ib sab khwb los yog 2 sab khwb tib si ces tsis tau
    thiab ov. lo lus "pov nkaus los yog khav nkaus" no mas yuav tsum yog
    tus kuam khwb mas thiaj yog tau. "tsa hlo los yog txhawb hlo" no mas
    yuav tsum yog qhib thiaj yog tau. tab sis koj yuav tsum tau hais kom
    meej meej hais tias saib koj xav kom yaj kuam los yog yeeb kuam or
    both pov nkaus los yog tsa hlo no nawb.

    qhia li no saib koj puas to taub.


    Born thiab Kwv tij,

    Raws li kuv nco mas 2 sab kuam no yeej yog li Kwvtij hais yuav tsum
    paub saib sab twg rau sab twg es thaum yus ntau kuam, kuam nyom-m piv
    li koj ntau kom 2 sab qhib ntau pes tsawg kuam los yaj sab mas yeem-m
    qhib ntau dua hos yeeb sab mas pheej khwb ntau xwb ces yog dab yeej
    pheej tsis zoo siab no. Kuv mas kuv hos tsi nco li Kwvtij hais tab sis
    kuv nco kuv yawg qhia tias thaum koj tuav kuam tus kuam yuav nkhaus li
    cas los tau muaj ib txhia kuam mas ntsis nhkaus ned yom, tab sis koj
    yeej paub tias tog loj ces yog tog hauv paus thaum koj ntaus kuam koj
    yeej tsis lam tuaj tog me-e tig rau ntawm yus nad.......yog li kuv
    yawg hais tias sab tuaj npuab koj xib teg ces yog yaj sab,kom nco li
    ntawd.....ua kwv tij hais sab xis ces yog lawm.

    Qhov koj twm tus kuam (read) tsuas muaj 3 yam xwb peb cov niag tsis
    paub no, paub naj.......tab sis kuv hais 1 tswg kuam xwb od......cov
    lawv siv 2-4 txwm mas kuv twm tsis tau lawm yuav tau mus kawm.

    Born........koj nco li no xwb los mas.

    1. ib sab qhib ib sab kaw ces yog neej thiab dab sib tham.

    2. 2 sab qhib mas nws txhais tau 2-3 yam.Saib thaum lub caij ntawd koj
    hais koj cov lus koj kom txwm kuam ua li cas.
    piv li koj mus hus plig tom ib qhov chaw ib tug me nyuam poob rau hauv
    ib lub pas dej es nws tau ntsai heev. Thaum koj hus tim ntug no ces
    koj yeej hais sawv tsees los mus hus li koj hu tag ces koj mam ntau
    tus kuam ces koj tsi yog hais koj khwb koj hais koj sawv los ces yog 2
    sab yuav tsum qhib,yog koj ntau pes tsawg kuam los khwb xwv ces yog
    plig tsis tau-au sawv tseem pw hauv paj dej, thaum no mas qhov 1 sab
    khwb,ib sab ntxeev mas koj yeej tsis yuav lawm nawb.......koj kuj yuav
    cim saib yaj sab yog pheej khwb ntau los yeeb sab pheej khwb ntau. Cov
    laus mas hais li no yog yeeb sab qhib ntau dua ces dab yeej zoo siab
    lawm, yaj sab qhib tsawg ces tus me nyuam yeej tseem muaj chaw tu siab
    rau yus ua niam ua txiv no los mas......ces yuav tau hu plig npua tsis
    yog qe thiab qaib. Thaum koj ntau-au tus kuam 2 sab qhib lawm lauj no
    ces yog pli sawv los lawm. Npaj koj hus tom pas dej tag ces koj mam
    los hu tom tsev no thiab,thaum hu tom tsev no.

    Koj hu kom txhij-j,kom txhua-ua li koj paub ces koj hais kom qhov rooj
    qhib ces koj ntau kom 2 sab kuam qhib thaum 2 sab qhib lawm ces koj
    mam hais rau tus plig tias qhov rooj qhib lug tos....... kom kav tsij
    los niam txiv nrhiav-v hu li,koj mam ntau tus kuam kom pov loos los
    hauv tsev ,txaj chaw.... zaum no 2 sab yuav tsum khwb,yog tsis khwb
    ces koj hu dua,ho rov ntau dua,yuav tsum ntau-au kom 2 sab
    khwb.......yog koj hu ntev tsawv pheej tsis khwb......ces yog plig
    yeej tsiv tsawv yuav tau ua neeb kho no nawb.Hos yog thawj-j 1-2 kuam
    ua ciaj khwb loos lawm ces yog plig los zoo-oo lawm no.

    3. 2 sab khwb piv li thaum ib tug txiv neeb tuaj ua neeb nws yuam dab
    tawm hauv tsev mus,los yog nws muaj tus cua nias tseg thaum nws muab
    lub txiab neeb pov kiag rau hauv av ,cov txiaj los yeej yuam tau zoo
    lawm ces koj mam ntau kuam rau 2 sab yuav tsum khwb nias tsis pub sawv
    lawm. Kuv los tsi paub zoo-oo thiab ces lam piav qhov basic no rau koj
    xwb.

    Koj ho nug txog saib qaib ko taw thiab qhov muag: Ua ntej tshaj ces
    koj kuj yuav tsum paub qaib sab laug,xis taw thiab qhov muag.

    Koj muab tus qaib tig li koj kiag sab laug ces yog txiv neej sab,sab
    xis ces yog poj niam sab.

    Tus qaib koj yuav saib ko taw thiab qhov muag ntawd saib yog tua los
    saib dab tsi? Saib koj hu plig noj 30 pauj,yuav mus ua plaub saib
    pauj,yuav tsiv mus California saib pauj,yuav mus Nplog teb saib
    pauj,yuav mus yuav niam yau saib pauj......etc.

    Thaum koj ncwm 2 tug qaib ntawd ces koj yeej qhia lub ntsiab lus tias
    koj yuav ua dab tsis.

    Piv li koj yuav mus yuav niam yau lawm Nplog teb.Koj ncwm ces koj hais
    li no.Neb 2 tug me qaib no tsis yug neb los ua kwv,ua tij,yug neb los
    thaiv tes ,thaiv taw hais li koj txawv hais tag ces koj hais li yog
    kuv mus yuav tsis zoo mas kom qhov muag los txhob puv-v ko taw los
    txhob nyem zoo-oo.

    Thaum koj tua 2 qaib tag muab vom siav coj los tso rau hauv phaj los
    phiab......koj saib qhov muag ua ntej los tau ,saib ko tawm ua ntej
    los tau.

    Qhov muag ces sab laug yog koj sab,sab xis yog koj poj niam sab,saib
    sab twg saus tag xwb,yog yeej tsis saus li ces zoo lawm nawb,mus yuav
    nyaj yuav tsis ua cas.
    Ko taws: Qaib txhais taw mas muaj 3 tug thiaj ntev xwb ned yom....kuv
    kuj tsis paub ntau-au piv li sab laug tus tuaj sab nraud ces yog
    luag,tus nrub nrab tsis paub, tus sab hauv ces yog yus,yog tias tus
    sab nraum pau-au hos tus hauv tsev tsa-a ces yog zoo nawb,yog tus sab
    nraum tsa-a siab hos tus hauv tsev pau-au qis-s ces koj mus yuav niam
    yau ces kawg mag lawv khob kom them nyiaj ntau li ntau.Yog ko taw zoo
    ces 3 tug yuav tsum koov ib yam tsis nhrab kiag.Yog nyias nrhab
    nyias,nyias lem nyias ces tsis thas-s mus yuav nawb,yuav tau los txog
    los yeej tsis zoo kawg zoo li ko taw qaib xwb ntag.

    Muaj ntaus yam piav tab sis tsi muaj caij lwm zaus tso mam piav rau
    koj nawb.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: KHOV KUAM ntau kuam

    Post  Hmoob ntuj qub qab on 2nd February 2011, 9:49 pm

    Nyob zoo Koojziagkabzaug

    Zoo siab nws coj tuaj qhia peb sawv daws muab xyuas los tej laus kwv los puaj tiam yeej hais li nws qhia no, yuav tau kawm coj mus siv vim tej yam muaj txiaj ntsim no tsis xav kom poob mus.
    Nws mas yog ib leej niam tsev paub tab kawg li tig sab twg los tau txawm yog sab kev cai dab qhuas qub los nws yeej paub zoo txawm yog sab kev cai Tswv Ntuj ( Yes Xus) los nws yeej paub zoo thov qhuas nws os ...Niam tsev txawj niam tsev zoo.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHOV KUAM ntau kuam

    Post  koojziagkabzaug on 3rd February 2011, 12:51 am



    Nyob zoo Hmoob ntujqubqab,

    Zoo siab pom nws tuaj tshwm os, ntev ntev tsis pom nws twb nco nco nws lawm. Me Hmoob, paub me me los lam khaws cia zoo dua tsis muaj, hnub twg ho nrhiav tau qhov ntau tshaj los mam siv qhov zoo tshaj...Yog peb tsis sib pab sib koom ceev mus ces peb tej txuj ci yuav ploj lawm tiag tiag li...Thaum ub hais tias cov mus kawm ntawv tsis paub lawm los tshuav cov nyob yaj sab, zaum no mas tsis pom qab yuav tso siab, yuav vam qhov twg li lawm. Zoo li pob zuav ib tog tuaj xwb, peb yuav huas tiag tiag mas thiaj yuav khaws tau yam puav cia...Tseem tshuav ntau li ntau, tshuav Hmoob cov khawv koob thiaj tshuaj ntsuab, lawv zais ntshis, tab sis hnub twg lawv mus ces lawv yuav muab zais mus ib txhiab ib txhis yuav tsis muaj neeg paub txog...Khuv xim kawg nkaus...

    Hmoob leej tub, kuv pom nws tham ib zaj txog Mos hlub, ua li nws nqa los tso rau lub Tsev khaws txuj nov puas tau. Kom nyob ua pawg thiaj nrhiav yooj yim.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: KHOV KUAM ntau kuam

    Post  Hmoob ntuj qub qab on 3rd February 2011, 9:46 pm

    Nyob zoo Koojziagkabzaug

    Zoo siab rau nws cov lus yeej muaj tseeb muaj tiag li nws hais yuav tau nrhiav los cia ib qhov chaw zoo li nws lub tsev no ua puav pheej tseg cia hnub qab leej twg paub tab thiaj nrhiav tau coj mus siv .
    Tshuav tej yam xws li Khawv koob , tshuaj ntsuab li nws hais tej yam no cov laus uas tsib xwm lawv paub zoo tab sis muaj ib txhia me nyuam tsis khaws tsis kawm ces thaum nws sau laus nws coj mus huv si lawm khuv xim kawg li tiag Hmoob leej Ntxhais.

    Zoo siab thiab ua nws tsaug txhua yam uas nws tau tsim rau hauv no rau sawv daws tau nyeem .



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHOV KUAM ntau kuam

    Post  koojziagkabzaug on 4th February 2011, 1:56 am



    Nyob zoo Hmoob ntujqubqab,

    Ua tsaug rau nws cov lus txhawb siab, siab txhawb zog.

    Hais rau nws paub, kub muab nws ob lub Topics Mos hlub thiab zaj tshem mus tso nram qab zog, "Kwv huam Hmoob" lawm.
    Ua tsaug rau nws lub siab zoo pab khaws txuj, neeg puv ntuj, tab sis tsuas niaj hnub mus tham kev lom zem ua lom vab luag ua loj ua lug xwb, tssi muaj tus ib nyuag xav cev tes los ceev khaws tej yam muaj nqes tsim nuj li...Cas kuj tu siab kawg nkaus li thiab...

    Hmoob leej tub, yog nws muaj fwv tsam mus pem yaj sab, nws yog tub rag xub, nws zoo mus nrog tej laus tseem ceeb muaj meej mom tham, nws hos mus pab nug lawv tej khawv koob, tej paj lug hais plaub thiab tej tshuaj ntsuab tej me ntsis rau peb khawd tseg mog. Yog ntshai tsam tssi nco qab ces yuav tej lub kaw lus me me li ob ntis, nqa nrog yus mus ces kaw xwb. Cov kaw lus me me ntawd mas txais lus tau zoo heev li...

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: KHOV KUAM ntau kuam

    Post  Hmoob ntuj qub qab on 8th February 2011, 7:08 pm

    Nyob zoo Koojziagkabzaug

    Ua li os, muaj caij mam li mus seb puas muaj cov paub lawm vim Khawv koob thiab tshuaj ntsuab yog mus kawm yuav tau ua luag tus thwj tim yuav tau pe luag thiab muab me ntsis phaj tshab rau luag kom luag foom ob peb lo lus zoo zoo rau yus coj los siv thiaj muaj yeej nas me Hmoob leej Ntxhais tus me neeg zoo niam tsev .

    Cov neeg tuaj tham hauv Internet no ces tuaj tham lus sib cav sib ceg kev nkauj kev nraug lom lom vab vab tsis muaj dab tsi tsim nuj yuav zoo khaws cia li tsuas yog Nws thiaj khaws peb Hmoob txuj ci los cia zoo chaw hauv no ua puav pheej lawm xwb Nws mas tsim nyog ua Ib tug Niam tsev zoo niam tsev muaj meej (POJ NOM ) tiag li.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHOV KUAM ntau kuam

    Post  koojziagkabzaug on 9th February 2011, 12:37 am



    Nyob zoo Hmoob ntujqabqab,

    Hahahah...! luag tej muaj txuj muaj ci ces luag mus tham nkauj hnub nraug hli, nws me koojziag kab zaug tsis txawj txawj tsis ntse ces lam tham Hmoob teeg Hmoob tug coj mus ntim.
    Luag muaj txuj ces luam tham qaib tuaj hniab npuas tuaj kub, nws me koojziagkabzaug tsis muaj txuj ces lam tham Hmoob teeg Hmoob tug xwb tiag...me Hmoob leej tub...!

    Me kab zaug tsis yog kooj ziag, nws nim hnav tau daim tiab, xav zaj twg tsav twg los txuj ci twb tsis sawm poj niam...Thiaj maj mam ua nyuj thauj ua nees vias seb puas tau yam puav nyuag los khaws cia...
    Me kooj ziag tsis yog nqa me kab zaug npe, nws nim sia lawm daim sev, ua zaj twg tsav twg los txuj ci tsis poob nws tes...Thiaj muab lub zog los lwv muab lub siab los nres seb puas yuav vawg tau tej me plhaws txuj mus khaws tseg...

    Thaum mus nug txuj, tej txiv neej nim ua qhov muag nruj...Thaum nam qees mus nug ci...Tej txiv neej ceeb hlo ua rau lawv poob plig...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MoobMivTub
    Visitor
    Visitor

    Messages : 3
    Date d'inscription : 2012-02-25

    Re: KHOV KUAM ntau kuam

    Post  MoobMivTub on 25th February 2012, 3:57 pm

    Npawg,

    Es nej puas tau pom dua thaum uas ib tug twg ntaus kuam es Ib Sab Kuam txawm ce li sawv ntseg ntseg ma? Li no ho yog li cas tiag, thov qhia paub os nawb.


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHOV KUAM ntau kuam

    Post  koojziagkabzaug on 25th February 2012, 11:53 pm



    Nyob zoo Moobmivtub,

    Zoo sab nwg tuaj xyuas peb huv lub Tsev Txuj nuav,

    Moobmivtub, es kuv khaws txuj taab sis kuv twb tsis tau pum dlua Moob tej kev cai ntau kuam sawv ntsug li ne...! Kuv tuaj khaws Moob ci, los kuv twb tsi tau nrug Moob nyob yav thaud i ais kuv twb tsis pum Moob tej txuj ci...Ua le nws puas kam tuaj paiv tej kws nws paub hab pum dlua lug tsua peb ho tau kawm hab khaws tseg?

    Yog muaj cov laug hab nyob ze Moob mag yuav nrhav ntau yam txuj ntxiv, taab sis nyob twj cuab xib tes tsis tau li saab xaav.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    MoobMivTub
    Visitor
    Visitor

    Messages : 3
    Date d'inscription : 2012-02-25

    Re: KHOV KUAM ntau kuam

    Post  MoobMivTub on 28th March 2012, 12:54 am

    Hi KoojKiagKZ,

    Has txug ntawm qhov kuv nug dlhau lug hod mas kuv tau pum kag lawm ntaag. Kuv pum ib tug yawm laug ntaus kuam suav yaig es ob saab kuam poob kag peg teb tes ib saab kuam txawm ca le thaws huv aav lug sawv nreg nreg ntaag laiv. Tes yawm hov ca le tas zoo kawg le lau, "sawv nreg nreg le lnuav mas zoo kawg nkaus le nawb". Tes suav dlawg luag zug zawg, haus cov cawv kws laub tau hov hab zoo sab xuv nkaus le xwb tag.

    Npawg KoojZiagKZ, koj has le es koj yog nyob rooj teb twg tuaj na...?


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: KHOV KUAM ntau kuam

    Post  koojziagkabzaug on 28th March 2012, 11:18 am



    Nyob zoo Moobmivtub,

    Kuv nyob toj taim toj roob yug yaj
    Nyob ntuj teb mab dawb teb chaws thaj
    Kuv nyob toj taim toj roob hav thuv
    Nyob ntuj teb qaum ntiaj teb lub teb chaw fuaj kuj os.

    Ua li Moobmivtub, nws tuaj tham Moob kab lis kev cai dab qhuas rau peb mloog puas tau?

    Zoo siab ntsib nws hnub no.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmong ntuj tshiab
    Sponsor
    Sponsor

    Messages : 537
    Date d'inscription : 2011-05-25

    Re: KHOV KUAM ntau kuam

    Post  Hmong ntuj tshiab on 30th March 2012, 7:36 pm

    koojziagkabzaug wrote:
    Sau los ntawm SOC culture:
    On Nov 12, 7:41 am, kwv...@xxxxxxx wrote:
    On Nov 12, 9:21 am, Born2beHmong >

    qhov ua kom tua kuam tsa ne yog li cas?
    qhov kom tus kuam pov nkaus ne li cas?
    koj piav ob qhov meaning no thiab yuav ntau tus kuam li cas thiaj li
    yog?



    kuv kwv-- qhov tseem ceeb tshaj yog qhov koj yuav tsum tau kawm kom koj paub txog txwv kuam tias sab twg yog yaj sab, sab twg yog yeej sab ua ntej tso. thaum koj paub txog tus kuam lawm ces thaum koj hu plig koj xav ntau tsawg zaus thiab hais li cas los yeej tau tag.

    hais txog txwm kuam ces yog koj tuav rau ntawm koj txhais te es koj muab tog nkhaus nkhaus tig rau sauv ntuj ces sab xis yog yaj sab ho sab laug yog yeej sab. yog koj tuav tig tog nkhaus nkhaus rau hauv av no ces sab xis yog yeeb sab lawm ho sab laug yog yaj sab lawm nawb. nco ntsoov li no xwb.

    thaum koj hu plig ces koj yuav hais li cas los nyob ntawm koj txawj. ib co kuj hais tias, "yaj kuam pov nkaus yeeb kuam pov nkaus." yog 2 sab khwb tag nrho ces yog tau lawm. yog ib sab qhib ib sab khwb los yog 2 sab qhib tib si ces tsis tau nawb. ho yog koj hais tias, "yaj kuam tsa hlo yeeb kuam txawb hlo" no es 2 sab qhib tag nrho ces tau lawm. ib sab qhiab ib sab khwb los yog 2 sab khwb tib si ces tsis tau thiab ov. lo lus "pov nkaus los yog khav nkaus" no mas yuav tsum yog tus kuam khwb mas thiaj yog tau. "tsa hlo los yog txhawb hlo" no mas yuav tsum yog qhib thiaj yog tau. tab sis koj yuav tsum tau hais kom meej meej hais tias saib koj xav kom yaj kuam los yog yeeb kuam or both pov nkaus los yog tsa hlo no nawb. qhia li no saib koj puas to taub.


    Born thiab Kwv tij,

    Raws li kuv nco mas 2 sab kuam no yeej yog li Kwvtij hais yuav tsum paub saib sab twg rau sab twg es thaum yus ntau kuam, kuam nyom-m piv li koj ntau kom 2 sab qhib ntau pes tsawg kuam los yaj sab mas yeem-m qhib ntau dua hos yeeb sab mas pheej khwb ntau xwb ces yog dab yeej pheej tsis zoo siab no. Kuv mas kuv hos tsi nco li Kwvtij hais tab sis kuv nco kuv yawg qhia tias thaum koj tuav kuam tus kuam yuav nkhaus li cas los tau muaj ib txhia kuam mas ntsis nhkaus ned yom, tab sis koj yeej paub tias tog loj ces yog tog hauv paus thaum koj ntaus kuam koj yeej tsis lam tuaj tog me-e tig rau ntawm yus nad.......yog li kuv yawg hais tias sab tuaj npuab koj xib teg ces yog yaj sab,kom nco li ntawd.....ua kwv tij hais sab xis ces yog lawm.

    Qhov koj twm tus kuam (read) tsuas muaj 3 yam xwb peb cov niag tsis paub no, paub naj.......tab sis kuv hais 1 tswg kuam xwb od......cov lawv siv 2-4 txwm mas kuv twm tsis tau lawm yuav tau mus kawm. Born........koj nco li no xwb los mas.

    1. ib sab qhib ib sab kaw ces yog neej thiab dab sib tham. 2. 2 sab qhib mas nws txhais tau 2-3 yam.Saib thaum lub caij ntawd koj hais koj cov lus koj kom txwm kuam ua li cas. piv li koj mus hus plig tom ib qhov chaw ib tug me nyuam poob rau hauv ib lub pas dej es nws tau ntsai heev. Thaum koj hus tim ntug no ces koj yeej hais sawv tsees los mus hus li koj hu tag ces koj mam ntau tus kuam ces koj tsi yog hais koj khwb koj hais koj sawv los ces yog 2 sab yuav tsum qhib,yog koj ntau pes tsawg kuam los khwb xwv ces yog plig tsis tau-au sawv tseem pw hauv paj dej, thaum no mas qhov 1 sab khwb,ib sab ntxeev mas koj yeej tsis yuav lawm nawb.......koj kuj yuav cim saib yaj sab yog pheej khwb ntau los yeeb sab pheej khwb ntau. Cov laus mas hais li no yog yeeb sab qhib ntau dua ces dab yeej zoo siab lawm, yaj sab qhib tsawg ces tus me nyuam yeej tseem muaj chaw tu siab rau yus ua niam ua txiv no los mas......ces yuav tau hu plig npua tsis yog qe thiab qaib. Thaum koj ntau-au tus kuam 2 sab qhib lawm lauj no ces yog pli sawv los lawm. Npaj koj hus tom pas dej tag ces koj mam los hu tom tsev no thiab,thaum hu tom tsev no.

    Koj hu kom txhij-j,kom txhua-ua li koj paub ces koj hais kom qhov rooj qhib ces koj ntau kom 2 sab kuam qhib thaum 2 sab qhib lawm ces koj mam hais rau tus plig tias qhov rooj qhib lug tos....... kom kav tsij los niam txiv nrhiav-v hu li,koj mam ntau tus kuam kom pov loos los hauv tsev ,txaj chaw.... zaum no 2 sab yuav tsum khwb,yog tsis khwb ces koj hu dua,ho rov ntau dua,yuav tsum ntau-au kom 2 sab khwb.......yog koj hu ntev tsawv pheej tsis khwb......ces yog plig yeej tsiv tsawv yuav tau ua neeb kho no nawb.Hos yog thawj-j 1-2 kuam ua ciaj khwb loos lawm ces yog plig los zoo-oo lawm no.

    3. 2 sab khwb piv li thaum ib tug txiv neeb tuaj ua neeb nws yuam dab tawm hauv tsev mus,los yog nws muaj tus cua nias tseg thaum nws muab lub txiab neeb pov kiag rau hauv av ,cov txiaj los yeej yuam tau zoo lawm ces koj mam ntau kuam rau 2 sab yuav tsum khwb nias tsis pub sawv lawm. Kuv los tsi paub zoo-oo thiab ces lam piav qhov basic no rau koj xwb.

    Koj ho nug txog saib qaib ko taw thiab qhov muag: Ua ntej tshaj ces koj kuj yuav tsum paub qaib sab laug,xis taw thiab qhov muag.

    Koj muab tus qaib tig li koj kiag sab laug ces yog txiv neej sab,sab xis ces yog poj niam sab. Tus qaib koj yuav saib ko taw thiab qhov muag ntawd saib yog tua los saib dab tsi? Saib koj hu plig noj 30 pauj,yuav mus ua plaub saib pauj,yuav tsiv mus California saib pauj,yuav mus Nplog teb saib pauj,yuav mus yuav niam yau saib pauj......etc.

    Thaum koj ncwm 2 tug qaib ntawd ces koj yeej qhia lub ntsiab lus tias koj yuav ua dab tsis.

    Piv li koj yuav mus yuav niam yau lawm Nplog teb.Koj ncwm ces koj hais li no.Neb 2 tug me qaib no tsis yug neb los ua kwv,ua tij,yug neb los thaiv tes ,thaiv taw hais li koj txawv hais tag ces koj hais li yog kuv mus yuav tsis zoo mas kom qhov muag los txhob puv-v ko taw los txhob nyem zoo-oo.

    Thaum koj tua 2 qaib tag muab vom siav coj los tso rau hauv phaj los phiab......koj saib qhov muag ua ntej los tau ,saib ko tawm ua ntej los tau.

    Qhov muag ces sab laug yog koj sab,sab xis yog koj poj niam sab,saib sab twg saus tag xwb,yog yeej tsis saus li ces zoo lawm nawb,mus yuav nyaj yuav tsis ua cas. Ko taws: Qaib txhais taw mas muaj 3 tug thiaj ntev xwb ned yom....kuv kuj tsis paub ntau-au piv li sab laug tus tuaj sab nraud ces yo luag,tus nrub nrab tsis paub, tus sab hauv ces yog yus,yog tias tus sab nraum pau-au hos tus hauv tsev tsa-a ces yog zoo nawb,yog tus sab nraum tsa-a siab hos tus hauv tsev pau-au qis-s ces koj mus yuav niam yau ces kawg mag lawv khob kom them nyiaj ntau li ntau.Yog ko taw zoo ces 3 tug yuav tsum koov ib yam tsis nhrab kiag.Yog nyias nrhab nyias,nyias lem nyias ces tsis thas-s mus yuav nawb,yuav tau los txog los yeej tsis zoo kawg zoo li ko taw qaib xwb ntag. Muaj ntaus yam piav tab sis tsi muaj caij lwm zaus tso mam piav rau koj nawb.



    raws li kuv paub txog ntawm kev ncwm tus qaib uas yus hu plig ntawd mas nws ncwm li no, sis lauj koj tus me nkauj qaib nraug noog, luag tsis yug koj los ua kwv, tsis yug koj los ua tij, luag yug koj los nqee luag ntsuj los puab duab, hlauv los puab cev, hnub no koj los nqee luag ntsuj duab ntsuj hlau, mas tseev kom qhov muag puv ntoob xws lub lwg, nplaig nkhaus nkoo xws kub twg, me taw tseev kom qaws yaum ywb, taub hau dawb paug tsis tiam sab mob sab ntsaj,nag auv, ces tag li no ces coj tus qaib mus tua lawm xwb, kuv paub nas, ntshe nyias ho txawj nyias ib hom xwb lauv, raws li kuv ib txwm ua los mas kuv tsuas hais li no xwb nas cov npawg,

    ho hais txog kev koj yuav siv tus qaib los xeem es koj yuav sawv kev mus yuav poj niam no mas nws ho txawv tej nej hais los ntawd thiab vim kev xeem ntawd mas luag tej laus hais tias muab qaib los saib puaj txwm no, raws li kuv paub mas, kev saib puaj txwm mas nws muaj raws li nram no

    koj muab ob tug qaib tus ib yog tus poj qaib ( txhais tau hais tias yog koj kiag ) hos tus ob yog tus lau qaib ( txhais tau hais tias yog koj tus poj niam kiag ) mas thaum koj ncwm ntawd mas koj yeej hais tias yog koj thiab koj tus hluas nkauj ntawd neb me ntawv nyiaj keeb puaj txwm tsis sib luag no mas kom ob tug qaib ntawd txhav tsis txhob to plaub txub hos qhov muag los kom tsis txhob puv, nplaig los kom tsis txhob nkhaus, ko taw los tsis qaws yaum ywb,

    hos yog neb me ntawv nyiaj keeb puaj txwm cuaj nplooj los sib luag yim nplooj los sib xws no mas tseev kom qhov muag puv ntoob xws lub lwg, nplaig nkhaus nkoo xws kub twg, ko taw qaws yaum ywb, taub hau dawb paug tsis tiam sab mob sab ntsaj, txhav to plaub txub kom sib luag kiag nas nawb, koj ncwm li no tas ces koj coj ob tug qaib ntawd mus tua lawm xwb,

    thaum koj vom tau los ces koj hlawv xyab los hu hais ib zaug dua li qub thiab ces koj mam los saib ob tug qaib ntawd saib tus twg zoo dua xwb, yog tus lau qaib tsis zoo ces yog koj tus hluas nkauj lawm hos yog tus poj qaib tsis zoo ces yog koj lawm xwb no nawb, raws li kuv paub kev saib puaj txwm mus yuav poj niam nas

    nyob li ntawm kuv mas kuv ho tsis xuas qaib los saib lawm vim kuv ho ntseeg tias kev saib puaj txwm no mas kuv ho saib raws li tus tib neeg yug ntawd saib nws yug rau lub xyoo dab tsi thiab ho yog tus tsiaj twg xyooo xwb, ces kuv yeej paub hais tias kev txij nkawm yuav tau los tsis tau lawm no

    thiab siv cov ntawv uas sau tus hluas nkauj ntawd lub npe thiab lub xeem thiab siv cov ntawv sau kuv lub npe thiab lub xeem ntawd los sib ntxiv tas ces muab faib rau ob xwb, ces yog tus tus lej 5 ces tsis zoo, tus lej 6 los tsis zoo, tus lej 7 los tsis zoo thiab, yuav yog tau 8 los yog tau 9 los yog tau 4 xwb mas thiaj zoo no, thiab thaum faib tag ntawd saib nws puas seem lej thiab yog tseem seem no yus rov los saib seb yog leej twg lub npe yog tus lej seem ntawd ces tus ntawd tseem muaj ob lub siab xav xwb no kev saib puaj txwm nas





    shung
    Sponsor
    Sponsor

    Messages : 573
    Date d'inscription : 2012-05-08

    Re: KHOV KUAM ntau kuam

    Post  shung on 6th April 2015, 6:41 pm

    MoobMivTub wrote:Npawg,

    Es nej puas tau pom dua thaum uas ib tug twg ntaus kuam es Ib Sab Kuam txawm ce li sawv ntseg ntseg ma? Li no ho yog li cas tiag, thov qhia paub os nawb.


    Yog hu plig thiab ua neeb no ces tus kuam qhia tias tug neeg ntawv tus ntsuj mus rau pem ntuj lawm. Yog ua khawv koob kaw dab tsog tsuag ces yog qhia tias kaw tau lawm. yog li no xwb.

    Sponsored content

    Re: KHOV KUAM ntau kuam

    Post  Sponsored content Today at 2:58 am


      Current date/time is 11th December 2016, 2:58 am