Copyrigth@20010-2011 /HMONG PEOPLE FORUM UNIVERS

Latest topics

Tsev seev PajHuam

Hmong beauty nature

Compteur visitor

hnub 18/09/2010 los mus

    Duab yav qaum teb Ntuj qub qab

    Share

    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 11th October 2010, 4:25 pm



    Nyob zoo Hmoob Ntujqubqab,

    Wow...! Cas nws tsob paj yuav zoo nkauj tag npaum ntawd li os...! Yog kuv tau rov los no ntshe kuv yuav thov ib tug ceg mus cog...Zoo nkauj heev. Nyob tim peb nov muaj thiab tab sis caij ntuj sov luv luv xwb ces nws nyuam qhuav hlav tawg paj me ntsis xwb twb rov tuag lawm, tseem yuav tau muab nqa los tsev thiaj tsis tuag tsuag thiab ces yeej hlob tsis tau loj li.


    Hmoob leej tub tus me zoo txuj
    Txawj hais nrog txawj qhub
    Txawj saub nrog txawj pub
    Txawj qhia nrog txawj hlub

    Los zos twj cuab hav tsuag
    Los nws lub siab zoo nco ntsoov tuaj xyuas
    Lub zos twj cuab hav zoov
    Los nws lub siab zoo nco ntsoov tuaj thoov

    Yog muaj nws txawj xav
    Lub zos thiaj nyob tsis fab
    Yog muaj nws txawj coj
    Lub zos thiaj nyob tsis muaj nroj

    Kuv yuav nco ntsoov
    Nws lub siab zoo
    Kuv yuav cim rawv
    Nws nws tes ntawv...nawb kuv me kwv ntxawg...




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 11th October 2010, 9:48 pm

    Nyob zoo Koojziagkabzaug,

    Tsob paj no yeej zoo nkauj nws tawg tau zoo saib thiab ov, zoo li nws ntxim cov
    av toj siab dua, nyob nws los mam li txiav ceg mus cog dua los tau.

    Hmoob leej Ntxhais tus zoo ci txawj hais nrog txawj qhia tas li
    Txawj qhia nrog txawj hlub txhua leej thiaj pom nws zoo li lub hnub qub
    Muaj txuj nrog ci sawv daws thiaj pom nws zoo li lub hli
    Zos twj cuab hav tsuag Phooj ywg txawm nyob deb los yeej tuaj kom cuag
    Leej tub yuav nco ntsoov tuaj xyuas kom peb lub zos txhua leej qhuas
    Lub zos twj cuab rhawv hav zoov los tsim nws yuav muaj txiaj ntsim
    Muaj hmoob leej ntxhais lub npe ncha peb Lub zos thiaj nyob kaj
    Yog muaj nws tes txawj tes nrhia sawv daws thiaj muaj siab cia
    Peb lub zos thiaj nyob kaj liag los huv lis lias
    Leej tub yuav nco ntsoov hmoob leej ntxhais lub txiaj mus thawm niaj
    Lub ntsig mus ib txhis.


    Hmoob leej Ntxhais Daim duab no kuv yees tseem tau them nqi rau nws vim xav tau lawv cov tsoos tsho yog Los Kauj nas





    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 13th October 2010, 4:37 am



    Wow...! Tiag ntag Hmoob Ntujqubqab,

    Es nws yees lawv duab wxwb los tseem yuav tsum them nyiaj thiab lob?
    Yog li no ua tsaug rau nws lub siab zoo nawb mog. Ua li yog nyob rau lub Xeev twg es tseem muaj neeg hnav tsoos tshos li txheej thaum ub thiab?

    Hmooob Leej Tub me neeg siab zoo
    Muaj txuj ci nto moo
    Hmoob Leej Tub tus siab nkiag
    Muaj laj lim sawm txhiaj
    Lub zos twj cuab
    Muaj zoo hwj huam
    Los twb yog muaj nws
    Tuaj txhawb tuaj tswj
    Thiaj ciaj taus tsob
    Thiaj nyob ua sob
    Kuv ua nws tsaug
    Txhua yam nws qhia peb paub
    Nws lub siab zoo
    Yuav tau koob hmoov
    Nws lub siab ntev
    Yuav muaj koob nto npe....





    Qhov tsua Samneua


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 13th October 2010, 8:38 pm



    Nyob zoo Koojziagkabzaug

    Cov Poj niam hnav tsoos tsho no yog Los kauj ib haiv neeg me muab zwm ua ke nrog Hmoob hu ua Los soung Kauj, Los soung ces muaj Hmoob ,Kauj thiab Yao ( CO ) lawv nyob rau cov xeev qaum teb li nws qub zos ...lawv tseem ua neej txom nyem li ib txhia Hmoob thiab, tab sis lawv muaj ib tug Tub ua Nom loj yog Asang Laoly yav nram ntej nws ua tus thawj tswj fwm lub Ministry
    Kab xuas Police tam sim no nws los ua Tus lwm Lav thab npas lawm.

    Hmooob Leej Ntxhais me neeg coj tus
    Nws thiaj tau Tswv ntuj lus
    Hmoob Leej Ntxhais tus siab ncaj nws lub neej thiaj zoo tshaj
    Nws muaj laj lim muaj zoo tswv yim
    Lub zos twj cuab Muaj zoo hwj huam
    Los twb yog muaj nws xub rhawv peb thiaj lawv nws qab rawv
    caum nws tuaj nyob kom peb ua tsob nyob mus ua sob
    Txhua yam nws yog tus qhib xub pib
    ua tus nqaj hlaus rau peb taug
    Nws lub siab dawb yuav tau zoo sawm
    Nom tswv yuav tsaws kom nws qaws sawv daws los ua tsheej pawg
    Nas Hmoob leej Ntxhais tus muaj txuj tus me neeg tsim nuj




    Hmoob leej Ntxhais Duab teb pob kws nyob nroog Viengxai Samneua

    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 15th October 2010, 4:10 am



    Nyob zoo Hmoob Ntujqubqab,

    Wow...! Cas tej me teb pob kws yuav kho lub siab txhim lub ntsws
    Tej me teb hav npos taw tsuas cas yuav ua rau kuv nco txog chaw faus tsho tsuj tsho npuag
    Pom nplooj pob kws daj vog cas xav hov ncuav noj
    Pom hav pob kws pib qhuav cas nco txog lub caij kab nqos vias quaj...Ces twb xav los kua muag lawm...Hmoob Leej Tub..., Yog nws muaj fwv tsam ntsib kab xia niam thiab kab nqis vias quaj nrog rau ncauj daum dab laug no thov nws kaw ib co suab tuaj rau peb mloog ua tshuaj mog.

    Nws ua rau kuv los kua muag lawm... Sad


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 18th October 2010, 7:33 pm

    koojziagkabzaug wrote:

    Nyob zoo Hmoob Ntujqubqab,

    Wow...! Cas tej me teb pob kws yuav kho lub siab txhim lub ntsws
    Tej me teb hav npos taw tsuas cas yuav ua rau kuv nco txog chaw faus tsho tsuj tsho npuag
    Pom nplooj pob kws daj vog cas xav hov ncuav noj
    Pom hav pob kws pib qhuav cas nco txog lub caij kab nqos vias quaj...Ces twb xav los kua muag lawm...Hmoob Leej Tub..., Yog nws muaj fwv tsam ntsib kab xia niam thiab kab nqis vias quaj nrog rau ncauj daum dab laug no thov nws kaw ib co suab tuaj rau peb mloog ua tshuaj mog.

    Nws ua rau kuv los kua muag lawm... Sad

    Nyob zoo Koojziagkabzaug

    Mus pem toj siab tseem hnov kab Xia niam, kab nqos vias, Puj daub, dauj daum , ncuab ,yij ,nraj thiab dab laug quaj zom zaws kho siab zim tiag.
    Tsis muaj Koob yees Video nas, muaj Tape xwb ces tso tsis tau hauv PC nas Hmoob leej Ntxhais.
    Nyob seb puas yuav tau no li mus plob hav zoo mam li kawv suab rau nws mloog.
    Lub caij no sawv ntxov ntuj qub qab no xo lawm, qab ntuj liab ploog zoo li kho siab diam.
    Hmoob leej ntxhais, hnov tias xyoo no Xeev kham yuav noj peb caug ua ntej sub no vim xyoo twg los lawv yeej huas noj peb caug ua ntej kom lawv tau muag khoom nas...





    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 19th October 2010, 3:45 pm




    Nyob zoo Hmoob Ntuj qub qab,

    Ua tsaug qhia xov rau peb, yog ib qho zoo uas muaj ntau lub zos ua cov peb caug kom sib txawv caij. Thiaj tau lom zem txhua..
    Ua li nawb, yog muaj caij nyoog thiab toob xib no pab kaw tej me kab me noog kau tuaj rau peb mloog thiab nawb.

    Kuv tsis muaj duab ces kuv mus nrhiav tau ib daim video noj Peb Caug nyob ntuj qub qab, nws lam nrog kuv saib ua lub chaw tshua.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 20th October 2010, 2:33 am

    koojziagkabzaug wrote:


    Nyob zoo Hmoob Ntuj qub qab,

    Ua tsaug qhia xov rau peb, yog ib qho zoo uas muaj ntau lub zos ua cov peb caug kom sib txawv caij. Thiaj tau lom zem txhua..
    Ua li nawb, yog muaj caij nyoog thiab toob xib no pab kaw tej me kab me noog kau tuaj rau peb mloog thiab nawb.

    Kuv tsis muaj duab ces kuv mus nrhiav tau ib daim video noj Peb Caug nyob ntuj qub qab, nws lam nrog kuv saib ua lub chaw tshua.


    Nyob zoo Koojziagkabzaug

    Ab..., ua tsaug os cas nws ho mus nrhiav tau Hmoob daim Video noj peb caug rau peb saib zoo li ntxim lom zem laiv yuam Hmoob leej Ntxhais.
    Hmoob leej Ntxhais lub neej ziag no tsis zoo li yav tas los
    Lub ntuj txawj pauv tib neeg txawj laus
    ib xyoo laus zus ua yam twg los yuav tsis tus
    Lub neej ib vuag zoo ib pliag twb nrua ntsua
    Nas hmoob leej Ntxhais.
    Nws mus nrhiav SomVang Xieng Khouang dan ngam zaj nkauj no yog nkauj qub zoo mloog ...yog ...3 leej muam...





    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 21st October 2010, 12:25 am


    Nyob zoo Hmoob Ntujqubqab,

    Lub sij hawm tig, lub neej dhau mus peb txhua yuav yuav tig tsis tau rov qab, qhov zoo tshaj yog nco txog yav tag, yuav xyiv fab rau qhov yus tau hla xwb lauj...!

    Kuv nrhiav tsis pom daim video nws hais, yog nws pom no pab nqa tuaj tso hauv nov puas tau?
    Xav thov nws zog ib qho me me puas tau, yam li kuv pom nws tso ib cov zaj qeej, yog tau nws pab tso cov zaj qeej raws li cov zaj qeej uas nws tau sau ua ntej hauv Keb ke ntees?

    http://hmoobtshavntuj.gooforums.com/kab-ke-ntees-f25/

    Hmoob leej tub, nws tso cov video ntau, yog nws Numeroté mas yuav nrhiav yoog yim dua. Nws rov kho rau, nws tso N° rau thiaj yooj yim nrhiav.

    Ua tsaug.


    Yas suab Raj Hmoob Ntuj Qub Qab.VAJ




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 26th October 2010, 1:08 am

    Koojziagkabzaug

    12 xyoo dhau mus twb laus zus
    Ntsej muag txoom hais lus luag tsis poog
    laus lawm tiag ua dab tsi tsis npliag lias
    laus lawm tom ntej tom qab yuav vam cov hluas pab...Hehehehe.


    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 26th October 2010, 2:44 am



    Nyob zoo Hmoob Ntujqubqab,

    Lub caij dhau zuj zus txog kev hluas ploj mus lub neej laus caum ua ntu zus
    Peb yuav tso txoj kev hluas tseg yuav los khaws leej niam leej txiv lub npe yuav los ua txwj laug zaum pem hauv ntej rau luag pe...
    Yuav muab lub neej hluas tham ua dab neeg yuav ua pog ua yawg, niam tais yawm txiv rau tej me nyuam ua leg lawm xwb tiag....!


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 7th November 2010, 8:03 pm

    koojziagkabzaug wrote:

    Nyob zoo Hmoob Ntujqubqab,

    Lub caij dhau zuj zus txog kev hluas ploj mus lub neej laus caum ua ntu zus
    Peb yuav tso txoj kev hluas tseg yuav los khaws leej niam leej txiv lub npe yuav los ua txwj laug zaum pem hauv ntej rau luag pe...
    Yuav muab lub neej hluas tham ua dab neeg yuav ua pog ua yawg, niam tais yawm txiv rau tej me nyuam ua leg lawm xwb tiag....!

    Nyob zoo Koojziagkabzaug

    Lub hnub qaij nroo lub neej laus zus tsis xav hnav daim zoo
    Pom luag ua plees yus cia li nkees
    Hnov luag tham kev hluas yus cia li tsis nquag
    Hnub so kam xav ua num ntau yam cia li tsis xav pla
    Laus lawm yuav xyaum ua laus neeg tham dab tsi luag thiaj ntseeg


    Hmoob leej ntxhais mloog zaj Qeej Los stuas ntxim kho siab...



    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Duab yav qaum teb Ntuj qub qab

    Post  koojziagkabzaug on 8th November 2010, 3:46 pm



    Nyob zoo Hmoob Ntujqubqab,

    Lub hnub qaij lawm los yus lub meej mom tsis qaij.
    Txawm lub hnub poob lawm los yus lub koob lub npe tseem nyob tus yees.
    Txhob ntsia txoj kev hluas yuav ntsia yus lub sam xeeb rau lub neej.
    Nyias muaj nyias qhov zoo, qhov tseem ceeb rau lub neej.

    Ua tsaug rau nws daim video.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 8th November 2010, 11:31 pm

    koojziagkabzaug wrote:

    Nyob zoo Hmoob Ntujqubqab,

    Lub hnub qaij lawm los yus lub meej mom tsis qaij.
    Txawm lub hnub poob lawm los yus lub koob lub npe tseem nyob tus yees.
    Txhob ntsia txoj kev hluas yuav ntsia yus lub sam xeeb rau lub neej.
    Nyias muaj nyias qhov zoo, qhov tseem ceeb rau lub neej.

    Ua tsaug rau nws daim video.

    Nyob zoo Koojziagkabzaug

    Nws cov lus muaj nqis ua ntu zus
    tab sis Luag niaj txis piv txoj lus hais tias:
    D.ev laus D.ev tsis zov loog Neeg laus neeg tsis nquam plaub
    no nas Laus lawm yuav tau ua me yuam yau pob...Hehehe



    Hmoob leej Ntxhais , Nplej Hoom mab lib xyoo no os


    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Duab yav qaum teb Ntuj qub qab

    Post  Hmoob ntuj qub qab on 8th November 2010, 11:35 pm

    Koojziagkabzaug

    Nplej pib siav lawm yuav tau hlais yog kuv li os.



      Current date/time is 30th October 2014, 6:56 am