Copyrigth@20010-2011 /HMONG PEOPLE FORUM UNIVERS

Latest topics

» Hmoob Yog Neeg Siab Zoo
by Liajntsuab Yesterday at 5:55 pm

» Vaj Pov Qhov Tso Plig
by xiongchang Yesterday at 4:13 pm

» Yawg Hlob Vaj Pov
by koojziagkabzaug 29th October 2014, 3:58 pm

» Yawm saub - Vaj tswv - hlub txhua haiv neeg - Tsiaj txhu tas nrho - Tsi seem ib tug li os?
by xiongchang 29th October 2014, 5:24 am

» Tswv Xyas mus ua tsov
by xiongchang 28th October 2014, 8:13 pm

» Tim li cas lawm.
by koobpovtxuj 28th October 2014, 3:52 pm

» Phim nyuj vaim zoo li cas
by xiongchang 27th October 2014, 6:21 pm

» NCO PEB HMOOB COV QUB TUB ROG INDOCHINE 1945-1954
by koojziagkabzaug 26th October 2014, 1:29 am

» Tub kev deb lub chaw tuaj nci ua si & kawm txuj kawm ci
by koojziagkabzaug 23rd October 2014, 12:13 pm

» Kuv yuav piav txog - Kev ua neej neeg
by xiongchang 21st October 2014, 8:47 am

» Hmong Lub Tebchaws
by xiongchang 20th October 2014, 2:57 pm

» Hochiminh (Cobtsib/Nyablajliab) Tus Nom Yuav Raug Puab Nws Tus Mlom 2 Nyob Rau Hauv Xeev Vieng Chan
by xiongchang 19th October 2014, 9:25 pm

» Xav nrog Tub kev deb tham
by Tub kev deb 19th October 2014, 9:40 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Nraug dab deev poj Hmoob

    Share

    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Nraug dab deev poj Hmoob

    Post  koojziagkabzaug on 22nd September 2010, 8:18 am



    LAUS ( hluas) NRAUG DAB DEEV POJ NIAM HMOOB

    -Muaj ib hnub ib tug poj niam Hmoob mus ua nws lub vaj zaub ze ntawm ntug dej, tav su dua, tshav kub kub, nws txawm pom nws tus txiv tuaj nrog nws nyob nram teb, cas nws tus txiv hais lus zoo zoo rau nws..., nkawd txawm ua niam txiv tag...
    Leej txiv thiab tus ntxhais nyob pem tsev, leej txiv nug tus ntxhais tias:

    - Ua cas tsis pom koj niam?
    -Mus ram vaj zaub lawm...
    -Cas mus ntev ua luaj li...!


    Ces leej txiv kom nws mus hu nws niam los tsev... Ces thaum tus ntxhais tuaj yuav txog...Tus uas txia ua nws tus txiv txawm hais tias:

    -Koj niad...! kuv yuav mus nqa dej ywg zaub tso...!
    -Es koj txiv! Tsam no tshav tseem kub kub, twb tsis yog caij ywg zaub cas koj ho yuav mus ywg maj...!

    Ces tus txiv txawm mus kiag rau nram ntug dej, ploj ntais xwb tus ntxhais tshwm plaws, hais nws niam tias:
    -Niad! kuv txiv kom koj mus tsev no!
    -Hav! Koj txiv twb nrog kuv nyob nov nev...! Nws mus nqa dej lawm xwb naj...!
    -Kuv txiv tias cas koj tuaj ntev ua luaj li...es koj mus tsev no...!

    Ces tus niad khiav zoj mus xyuas nram ntug dej naj tsis pom dab tsi li...Ces nkawd ob niam tub thiaj rov los tsev ua ke...
    Tom qab ntawd ces tus Dab ntawd los deev tus poj niam ntawd tas zog lauj....Heheheeh...Dab kuj muaj xov tooj Cell lawm thiab laiv...! Vam meej ib yam saum yaj lawm thiab...! Thaum twg niag yawg Dab yuav tuaj ces zoo li nws ntau xov tooj rau tus poj niam paub ua ntej lawm...Zoo li nws muab tus Antenne xov tooj lo rau ntawm tus poj niam ib tug ntiv tes ces tus poj niam txais tau nws cov Frequences...Thaum twg neeg ploj kiag, tus poj niam nyob ib leeg ces yawb Dab deev kiag xwb...Tej thaum nws mus da dej, nkag kiag hauv tsev dej xwb ces deev kiag li lawm...Ua ntau thiab ntau ces tus poj niam ntshai heev li...
    Muaj ib hnub ib tug tub hluas hauv tsev neeg ntawd tab tom los txog ntawm qhov rooj, tsa hlo taug hau naj cas pom tib tug loj loj li tus khej dub, tib tug kom nyos dub nciab, tab tom nthia tes ntawm qhov rooj ntsia rau nraum zoo tsis nco qab ceev faj...Yawg pom dheev, qw tib suab tib lawg qhov rooj kaw nkaus, niag yawg dab ceeb ib plhaw tiaj lias ua puag ram kwj ha lawm...

    Ua ntau thiab ntau ces sawv daws ntshai...vim yeej pom tus poj niam ntawd tej nqaij ntsuab, doog yam nws tsis tau tsoo qhov twg li...Ces muaj ib hnub tus tij laug thiaj hnov tias muaj ib tug Hauj Sam laus nyob ze Ban Keune muaj Hwj Huam heev, ces lawv thiaj sab laj coj tus poj niam ntawd mus cuag, tab sis tsi hais dab tsi li, lawv muaj tus txiv, tus tij laug, tus poj niam ntawd thiab tus tsav tsheb, uas yog ib tug tij laug tus tub...lawv txawm sab laj tsuag tsuag ces cia li mus tos tus poj niam tom ib tog kev lawv txawm mus...kev tsheb los tsi tshua zoo thiab ces khiav tsis tau ceev heev thiab...tus poj niam yeej paub tias thaum twg lawv yuav tuaj los tsis tuaj...Ces nws paub hais tias lub caij twg Dab mus rau qhov twg lawm...Lawv yuav muaj caij npaum li cas xwb...
    Ces tus poj niam zaum ntawm tus tsav ib sab nrog tus txiv, lawv mus yuav txog chaw...tus poj niam tias:
    - Ceev me ntsis lawv tuaj yuav txog lawm!
    Ces tus tsav tsheb khiav ceev ceev, mus txog ntua ntawm lub Vat, nres kiag...Muaj Hmoo tus Hauj sam Laus kuj nyob thiab ( Hauj sam tsis muaj xov tooj ces cia li mus xwb tsis tau teem li) tab tom nyob nraum zoov...
    Tus poj niam tias: Tshuaj tshuaj...lawv tuaj lawm, muaj 3 tug diam...!
    Ces tus txiv thiab tus tij laug tawm plaws, coj tus poj niam khiav ceev ceev mus tom tus Haum Sam, tshua tus tsav nyob hauv tsheb ib leeg xwb...Thaum cov Dab tuaj txog ntua mas hnov suab nyooj cuag li npua los xyov yog dab tsi li...zoo li cua nplawm sis...plua tshauv ya to tog....tsheb ua zog koog...yawg tsav mas ntshai tshaj plaws li tsis tau pom thiab hnov tej yam zoo li ntawd li...

    Ces Yawg hauj Sam ua khawv koob kem tag rau...Cov dab tssi zoo siab lawv hais tias:
    Lawv yog nom yog tswv, ua li mas lawv pooob ntseg muag, lawv tsis zoo siab...Hehheeh...Dab txawj ua nom, txawj poob ntsej muag, muaj phone tib si...Hehhehe...! Xav luag tab sis thaum lawv piav mas ntshai tshaj li...!

    Ces yawg hauj sam thov thov ces cov dab thiaj ua ib siab mus lawm...
    Tus tham rau kuv no, yog tus tsav tsheb tham ntag, tab tom thaum kuv tseem caij nws lub tsheb...Taug ib ntus kuv deb deb...nyob toj roob hauv tsua xwb...mas rhiab tav kawg li...Hehheeh...tab sis zoo li tsis yog lub tsheb uas thauj tus poj niam ntawd sub...Heheheh...!


    lub 1hlis 2007



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Nraug dab deev poj Hmoob

    Post  Hmoob ntuj qub qab on 21st February 2011, 10:00 pm

    Nyob zoo Koojziagkabzaug

    Aub...! koj zaj kwv huam Dab deev poj niam Hmoob no mas txaus ntshai kawg thiab hos, tej zaum yuav zoo dua li Dab Tsog los deev Poj niam qee lub caij coj khwb ncaws yuam.
    Ua tsaug nws coj los piav rau peb mloog ...



    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 6th January 2014, 3:36 pm

    ......Hab....hab....  Very Happy Very Happy lg lg ....Txhob ntshai nawb mog.... affraid  affraid ....Nco dhau ua npau suav pom....Ntsib nruab yeeb....Muaj tseeb tias?....Nraug dab deev....Poj niam nruab hnub nrig....Hmo ntuj pw....Hluas nkauj dab deev yug ntas.....Ua hlws rig....Ntub tas nrho....Puas yog li ntawd....Poj niam pw hmo ntuj....Qub hluas nraug Ua zoo heev li os?....Nco tsheej hnub....Seev tsheej hlis piam....Cav liam tias...."Tsog tsuag"....Qhov tseeb tias....Yog li....Kuv hais no....February 19, 1978....Peb ua cob fab nyob roob tuam laj cag....Peb mus zov nyas....Tij laug txawj lwm piav tias?....Qhov yawg yuav niam tij yau....Yawg ua npau suav....Niam tij hlob deev hluas nraug....Yawg hnov deev los saum yaj ceeb....Yawg ntaus niam tij hlob....Ib tawg ncuav...."Txij hnub ntawd?....Yawg tsi ntseeg....Niam tij hlob li....Yawg txiav txim siab yuav niam tij yau....Yog txhob chim li....Tij laug txawj lwm....Yuav kev deb....Npau suav xwb....Tsi yog tseeb....Yog yug poj niam....Ua npau suav deev hluas nraug....Txhob chim....Txhob ntaus poj niam....Lwm zaug....Poj niam....Ua npau suav dab tsi?....Poj niam....Thiaj piav qhia yug....Nrog poj niam zoo siab....Muab poj niam ua kiag...."Tam sim ntawd....Poj niam zoo nyob tshaj plawg li os"....Yog yug cem....Yug ntaus poj niam....Poj niam tsi txhaum....Tug txhaum....Yog yug ntas....Kuv tug kheej coj li no....Luag tais tias?....Siab loj....Siab ntev....Siab dav....Siab zoo....Siab dawb....Yug tug kheej kiag....Yeej ua npau suav ntau zaug ntau zaug....Hluas nkauj npau suav txiag yug....Tib yam nkaug....hab....hab.... Very Happy Very Happy Laughing Laughing lg lg .

    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 6th January 2014, 4:12 pm

    ......Ntuj thaum ub....Kuv tseem me nyuam tub me....Kuv niam maiv....Hais tseg tias?....Thaum hluas nkauj....Ua thawj zaug poj niam....Caiv zoo....Txhob da dej nram kwj ha....Ris dej da hauv tsev zoo dua....Yog da nram kwj ha....Yug cov ntshav paum....Ntwg tau dej nqeg hav....Tsog tsuag hnov ntxiab tsw....Tsog tsuag raws qab tuaj deev ntas....Deev thiab deev ntau....Muaj tsi taug me nyuam li....Thaum twg?....Xeeb me nyuam hauv plab....Tsog tsuag tuaj txiag tas....Me nyuam ho poob lawm....Tsi tau me nyuam yuav li....Kuv ntseeg tias?....Muaj tseeb ntas....Yuav tau neeb kho....Cais tsog tsuag....Yog tsi cais tsog tsuag....Lub sij hawm paum los ntshav tas nrho....Tsog tsuag ua....Hluas nraug tuaj tham ntas....Peb muaj ibtug niam ntxawm ua poj niam tas li....Tsi paub tu li....Kuv thia tug yawm yij tias....Yawm yij....Yuav tau nrhiav txiv neeb kho tug muam....Thiaj muaj taug me nyuam....Tug txiv neeb ntawd....Yuav tsum yog....Txawj khawv koob foob xauv...."Ncauj paum"....Tom qab ntawd....Tug muam kwv tij ntawd....Muaj tub ntxhais lawm tias?

    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 6th January 2014, 6:52 pm

    ......Dab toj ntxas....Deev poj niam neej....Xyoo 1966 - 1967....Kuv kawm ntawv...."Grade: 3....Nyob nroog looj ceeb....Kuv noob nyoog nce xyoo kaum peb....Mim vaj....Yog txus tsab tug hluas nkauj....Txus tsab niaj hmo....Thov kuv ua luag....Tham mim ntas....Txhua hmo noj hmo mtas nrho....Qhov cub ntshaus zog....Tug dab toj ntxas ntawd....Nce tom maum kaum los nrog....Mim tug nyab pw.... affraid  affraid ....Thaum nkag plawg hauv txaj....Cem hlo pav vov.... affraid  affraid ....Ob txhais tes txiag ziag....Cuag pob zeb....Cev loo tes xuas paum ua ntas.... affraid  affraid ....Mim tug nyab ntshais heev.... affraid  affraid ....Tsi tau luag pw hauv tsev li.... affraid  affraid ....Nyiag kev xuas maub dub pw....Tom xws vwj lawv tsev....Pw ntau hmo....Dab toj ntxas raws taug qab pw thiab.... affraid  affraid ....Mim tug nyab....Piav qhia mim tug nus paub....Hmo ntawd noj hmo tas....Mim tug nus muab pab niam tub tshais chaw pw....Lwm lub tsev lawm....Mim tug nus nqa phom zov....Dab toj ntxas....Qhov cub fus zog xwb....Dab toj ntxas....Nce khiv khuav tom maum kaum....Nce nto plawg saum yeem nqeeb.... affraid  affraid ....Mim tug nus....Kab loo teeb saib....Qhov muag ntsug lug liab ploog....Mim tug nus....Nqa loo phom thooj txhij zuaj tas nrho....Neeg nkaum lub mos txwv phom dub...M.16 7,62 m/m....Yeem nqeeb tu zeeg tsaws....Dab toj ntxas....Poob nrov poog tom tog tsev....Mim tug nus tawm plawg raws qab saib....Pom lw ntshav liab vog....Nram qab tsib taug....Ploj ntais saum toj ntxas lawm....Suav txij hmo ntawd....Dab toj ntxas....Tsi los nrog....Mim tug nyab pw lawm.

    ......Ntog toj ntxas ntawd....Twb los deev....Peb niam yau ntau zaug lawm....Kuv txiv paj zeb.... Thov yawm txiv ntsum thob yaj....Ua neeb saib....Yawm txiv ntsum thob yaj....Qhaib ib tug....Moj zeeg nqeeb....Muab khaub hlab....Pav ua nkauj nyab....Txhos ib tug ntxhoo xyoob ntsuab nraum zoov....Muab ib lub phiab dej ntshiab txawb ntawm rooj tag....Cav txoj xov pab....Nkag tom txaj....Txhog ib tug ntxhoo xyoob ntsuab....Tug nkauj nyab....Nyob ncaj lub phiab dej ntshiab....Yawm txiv ntsum thob yaj....Txheev khawv koob caw....Dab toj ntxas tuaj ntawm moj zeeg nqeeb....Sawv tseeg tshee hna....Cuag ciaj sia kais....Yawm txiv ntsum thob yaj....Xuas riam txiav moj zeeg nqeeb...Tu nrho duav....Lauj hlo moj zeeg nqeeb....Hauv tsev tawm plawg nraum zoov....Rub zog ntxhoo xyoob ntsuab....Nraum zoov nkag hauv tsev....Ntsia phiab dej ntshiab....Nram qhov rooj tag....Ntshav liab vog....Khiav tim ntog toj ntxas lawm....Suav txij hmo ntawd....Tsi pom dab toj ntxas....Nce txaj deev niam yau lawm.

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Nraug dab deev poj Hmoob

    Post  Hmoob ntuj qub qab on 7th January 2014, 2:07 am

    Nyob zoo Phooj ywg Xyooj tsab

    Koj zaj dab neeg dab toj ntxas deev poj niam no ntxim ntshai tsis tau luag kuv ke twm ke xob ib ce nas ...hehehehhe.
    Khaws cia tau piav rau tej me nyuam mloog .


    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 7th January 2014, 9:11 am

    ......Aub nyob zoo os?....Phooj ywg!....Hmoob ntuj qub qab aws?....Daim duab lub zog hmoob no....Nyob thaj tsam teb chaws twg?....Nyob tau kho siab kawg li os yuam....Ntshe yuav yog....Nyob sab thaib teb lawm lauv?....Tej toj ntxas ntawd....Tsi lam zoo....Mus ntoj thuv saib xyuas....Yog ntoj thuv saib xyuas ntshis....Muaj teeb meem....November 21, 1966....Kuv niam tuag lawm....Lawv coj kuv niam mus faus ntug tshav dav hlau nroog looj ceeb....Txhua tas kig....Kuv mus kawm ntawv....Kuv niaj tas kig....Mus quaj nyiav....Kuv niam lub toj ntxas....Thajtsam ntawd do dug...."Tab sis"....Tas kig ntawd....Kuv pom ib tug nab....Pw chev yeev ib sab kwj ntxas....Hmo ntawd los pw...Noj hmo tas nrho....Nce chaw pw....Tsaus zog looj hlias....Ua yos toog....Hnov kuv niam los hais lug nraum zoov....Lub suab lug.... affraid  affraid ....Yog kuv niam ntas....Kom kuv txhob mus quaj nyiav....Kuv niam lawm....Kuv niam mam los hais....Txiv niam yau nkawd xwb tau lawm.... affraid  affraid .

    ......November 24, 1968....Kuv thawj tug hluas nkauj....Raug cov npaws hmoob yaj....Zov kev txhom zij ntes yuav lawm....Tom qab....November 29, 1968....Kuv rov mus kawm tim...."Pha Khao"....Txog ntua....January 21, 1969....Yog hnub kawm tas....Nce dav hlau ya...."Pha Khao"....Rov los nqeg nroog looj ceeb....Kuv nco nkauj see heev li....Kuv nce nram tsev no....Mus tom nkauj see lawv tsev....Mus hais nkauj see niam....Thiab tug niam hluas....Peb ua ke mus saib nkauj see....Lub toj ntxas tas....Kuv tais t tau....Ib puas lub....Yaj khaum....Txiav plaub ntshuas ntawv nyiaj....Yuav ib pob xyab hmoob....Ib puas tswm nqa hlawv nkauj see....Rooj ntxa tas....Kuv rov los txog tsev....Kuvm loog zoo li....Nkeeg tsawv tuaj dab ntub tshua....Kuv qhau cev pw....Ntawm txaj qhuas....Nkauj see....Los ua npau suav tias?....Kom kuv txhob mus ncig saib nkauj see....Lub toj ntxas lawm....Tuag thiab tsi tuag....Los nkauj see tuag lawm....Sawv tsi taug....Peem tsheej ciaj neeg lawm....Nkauj see ua tsaug nyiaj txiag xyab ntawv....Thaum ua neej nyob yaj ceeb....Kuv ib txwm hlub nkauj see....Txawm nkauj see tuag los....Kuv tseem nqa nyiaj txiag xyab ntawv....Hlawv xa nkauj see siv nruab yeeb....Nkauj see hais ncia quaj dhev....Nkauj see hais tias....Kuv puas pom....Tug me nyuam noog ntshiv txaij ya tsaws ntawm nkauj see qab toj ntxas ntawd....Yog pom lawm....Yog nkauj see ntas...."Tab sis"....Yog lwm zaug....Kuv txhob mus ncig saib nkauj see....Lub toj ntxas lawm....Nkauj see....Yuav txia ua....Ib yam tsiaj rhiab qhov muag....Hem txaus ntshai heev li.... affraid  affraid .....Txij hnub ntawd....Kuv tsi mus ncig saib xyuas quaj nyiav,,,,Nkauj see....Toj ntxas ntxiv lawm....Kuv plaub tug hluas nkauj....Raug hmoob zov kev....Txhom zij ntes yuav....Noj tshuaj tuag....Kuv yeej tais....Ib puas lub....Yaj khaum....Txiav plaub ntshuas ntawv nyiaj....Yuav ib pob xyab....Ib puas tswm nqa hlawv ntawm rooj ntxa

    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 7th January 2014, 9:43 am

    ......Phooj ywg!....Hmoob ntuj qub qab aws?....Kev ua nkauj nraug zoo....(Hlub nco tshua)....Tib co hluas nkauj zoo mog....Raug hmoob zov kev....Txhom zij ntes yuav....Chim siab....Dag hmoob....Tso tes....Khiav dim plawg....De tshuaj noj tuag....Tua tug kheej tuag....Plaub tug hluas nkauj ntawd....Tug ib tuag....November 24, 1968....Tug peb tuag....May 29, 1971....Tug plaub tuag....June 16, 1971....December 6, 1973....Tuag ntev lawm.....Tsi tshua ua npau suav pom lawm....Tug ua npau suav pom tas li....Yog tug tuag....July 6, 1999....Nyob teb chaws...."U.S.A"....Tug nov mas....Npaj tua tug kheej xwb....Vim tug txiv ntxeev siab....Muab nyiaj lab muag khoom zais tas....Tham hluas nkauj....Npaj yuav niam yau....Tsi hlub li....Thaum pom deev....Nyiam ntshaw....Yaum kwv tij....Zov kev txom zij ntes yuav...Chim siab dhau....Hais tsi tau....Chua kauj tsheb....Npleem qab ke tuag os?

    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 7th January 2014, 12:12 pm

    ......Nkauj dab....Yuav nraug neej....Ua txiv lawm....Kuv nco ntsoov txog....Niaj hnub no....Kuj tsi yog...Kuv tug kheej no...."Tab sis"...Yog ib tug tij laug kwv tij....Nyob rau xyoo 1959....Lub xyoo ntawd....Kuv noob nyoog...Nce xyoo rau....Nyob lub zog laug....Poom xub ntawd....Nyob ze ntug nroog...."Xieng Khouang"....Ncua kev deb li....Peb xuaj moos kev....Peb tug tij laug yig ntawd....Ib tug neeg zoo nraug ntxiag....Tsi tau muaj poj niam....Ua nraug nplo....Noob nyoog thaj tsam li....Peb caug xyoo....Tij laug suav nchai....Thiab niam tij nkawd....Tsi tsa yim....Tsi yuav poj niam rau li....Yawg pheej mus cuab nquab liab nram nrag liaj....Lub caij hlais nplej liag tas....Txhua hmo....Hnub dai ntuag dhuas....Ntxoov ntoo los luag....Ntab hav zom zawg.....Muaj ib tug hluas nkauj zoo nkauj kawg li....Tawm tim ntug nras liaj....Taug kev hla dej....Los tim tsev liaj....Txhua hmo....Nrog tij laug yig....Nyob hmo ntuj tas li.

    ......Lub poom ntawd....Muaj nquab liab coob haus poom....Ya npoj ntwg....Xyoo ntawd....Tij laug yig.... Mus pw nram liaj cuab nquab poom muag....Rau nplog nroog xeev....Yawg pheej hais kwv txhiaj seev yuj yeeg....Yav tav su dua....Hnub qaij nrug....Tug hluas nkauj dab ntawd....Pheej niaj hmo....Los nrog tug tij laug yig....Nyob tim tsev liaj....Nkawm ua nkauj nraug zoo heev li....Tug hluas nkauj dab ntawd....Hais rau tij laug yig tias?....Nws nyiam tij laug yig heev....Nws xav yuav....Tij laug yig....Ua txiv no....Tij laug yig nug tias?...Nws nyob qhov twg?....Tug hluas nkauj dab ntawd qhia tias?....Nws yog tug tswv saib....Kav tswj lub hauv dej tim ntug liaj ntawd ntas....Tij laug yig nug tias ua li....Hav zoov nuj txeeg xwb nev....Twb tsi pom muaj tsev nyob qhov twg nev....Nws taw tes....Koog pob zeb hauv dej ntawd ntas....Nws lub tsev....Tij laug yig....Niaj hnub zaum zov....Cuab nquab nev....Cov nquab ntawd....Yog nws cov qaib....Tij laug yig....Muab nws cov qaib....Cuab muag coob heev lawm....Yuav coj tij laug yig....Mus yuav ua txiv.

    ......Tij laug suav nchai....Thiab niam tij lawv nyob pem zog loj lawm....Lawv ntseeg...."Jesus"....Tsi coj kab lig kev cai qub lawm....Xyoo ntawd....Tij laug yig....Ploj yas tsiag....Tsi ntab ntw tog ntuj twg li....Nkawd ob tug ua tij....Yeej tsi nrhiav....Tug tij laug ntawd li thiab....Peb lub zog ntawd....Tshuav kuv txiv....Kuv niam lawv....Ib yig nkaug....Tseem coj li....Poj ua tseg....Yawm rhawv cia....Lawv nyiag xauj qhov tsev...."Saib xyab - Saib yaig"....Luag hais tias....Tug tim tswv dab....Coj tij laug yig ....Ua txiv lawm....Lug hmoob dawb....Hu ua poov....Lug hmoob ntsuab....Lug hmoob leeg....Hu ua poom....Lub poov ntawd....Yog poov twj kum....Yav ntuj thaum....Tseem yog zoov nuj txeeg....Tsaus nciab...."Kauv - Sai - Mos lwj - Dais - npua teb - Nyuj qus - Twj kum"....Haus lub poom ntawd tas li....Lub hauv dej txhawv ntawd....Ntwg txia zig xwb...."Tab sis"....Qab ntsev os?....Nyob kiag ntawm ib sab ntug poov ntawd....Muaj ib tsob....Txiv plhauv lauv....Niaj xyoo tawg paj txi txiv zeeg poob los....Kuv niam lawv niaj xyoo khaws....Cov txiv plhauv lawv ntawd cia....Ntxhua khaub ncaws....Tsi paub tias....Tam sim no....Ntsuj zoov....Hauv poom ntawd....Pua tseem nyob lawm....Peb khiav tawm sab teb chaws ntawd....Hauv xyoo 1964....Kuv noob nyoog....Pib nce xyoo kaum....Tam sim no....Kuv noob nyoog nce....Rau caum mxyoo lawm.

    ......Peb sab teb chaws ntawd....Kuv nco kawg nkaug....Muaj zaub hav zoov....Txhua tsav yam....Noj tsi tas....Haus tsi coog....Tsi nqhis dab tsi li?....Ntuj ntxoo....Tsaus vos....Nkag ntawd tej ntug kev....Nceb vaug liab....Nceb vaug dawb....Nceb taw yaj liab....Nceb taw yaj dawb....Tuaj tsheej cav daub paug....Hav tsawb liab ntom nti....Yav tavsu dua....Nas liab qab....Nas liab plhu....Nas txheeb....Quaj ntsho tsuam....Haus paj tsawb....Yij cob kum...Ncuab....Nquab ntsuab....Nraj....Hoj huam....Hav xyoob qeeg....Mus ib tavsu kev....Lub caij ntsuag tuaj....Lob ntawm ntug kev....Tsi tau nkag hav xyoob li....Xyoob tuaj tswm muaj tsawg zog....Txiv hmab muaj txhij txhua tsav....Txiv ntoo muaj txhua yam....Noog ya npoj ntwg....Lub caij txiv siav....Cuab ntxiab....Cuab hlua....Cuab pob tawb....Cuab tsig....Tsitu pluag....Noj nqaij tas li....Ntsuag xyoob qeeg....Nyob ntawm tej tog tsev....Peb khiav tawm....Cuaj teb kaum chaws....Swb kiag peb ntsuj teb chaws ntawd li....Kuv nco ntsoov txog....Hnub laug ploj tuag li os?

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Nraug dab deev poj Hmoob

    Post  Hmoob ntuj qub qab on 8th January 2014, 8:28 pm

    Nyob zoo Phooj ywg Xyooj Tsab

    Daim duab sauv kuv yees nyob xeev Phongsaly qaum teb los tsuas lub sij hawm kuv mus hauj lwm.
    hais txog hluas nkauj nyias muaj nyias ib tug uas yus nco sawv nraim hauv nruab siab tsis ploj luag tias nyob tsis qhia neej tuag tsis qhia dab .


    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 8th January 2014, 10:11 pm

    ......Nyob zoo os?....Phooj ywg?....Hmoob ntuj qub qab aws?....Zoo siab ua koj tsaug....Pomkoj daim duab....Yav qaumteb xeev...."Fongsaly"....Ua koj tsaug nawb,....Phooj ywg aws?....Koj hais yog....Kawg nkaug li os?....Yav ntuj thaum....Kuv tseem tub hluas nraug....Kuv tham tau....Yim tug hluas nkauj....Qhov zoo nkauj....Yeej zoo mog....Ib yam nkaug...."Tab sis....Suab ncauj lug zoo....Txawv ntau....Tsi sib xws....Tsi sib thooj....Tug kuv nyiam nco tshaj plawg....Yog tug...."Number: 6"....Kuv tug phooj ywg?....Ntxhais kawm ntawv ua ke....September 2, 1967 - 1968....Wb rob sis ntsib....January 1, 1972....Wb ua nkauj nraug zoo heev li....Nws tug txiv txeeb txhav yuav lawm....Wb thiaj plam....Kev hlub nco tshua....Nws tuaj tuas...."U.S.A - July 6, 1999....Txawm nws tuag lawm....Kaum peb xyoo ntau....Tseem niaj hmo....Ua npau suav pom tas li os?....Phooj ywg!....Noj qab nyob zoo xyoo tsiab....Rau koj nawb....Phooj ywg!....Hmoob ntuj qub qab aws?

    koojziagkabzaug
    Moderator
    Moderator

    Messages: 3329
    Date d'inscription: 2010-02-28

    Re: Nraug dab deev poj Hmoob

    Post  koojziagkabzaug on 9th January 2014, 2:59 pm


    Nyob zoo tij laug Xyooj Tsab thiab tij laug Hmoob Ntuj qubqab,

    Tij laug Xyooj Tsab,

    Ua tsaug rau nws cov kwv huam, ua li tus tij laug Yig puas rov qab los lawm los nws cia li mus ncag qha li lawm?

    Lub neej ntsuag, neej twm zeej mas tu siab kawg.

    Tij laug Hmoob Ntuj qubqab,

    Ua tsaug rau nws cov duab zoo nkauj.

    Xyeej no ho thaij tej duab ntawm tej rau peb saib thiab.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages: 3870
    Date d'inscription: 2012-04-16

    Re: Nraug dab deev poj Hmoob

    Post  xiongchang on 9th January 2014, 4:47 pm

    ......Nyob zoo xyoo tshiab 2014....Me muam kooj ziag kab zaug aws?....Tug tij laug yig ntawd....Mus nyoog li os"....Tsi los li os?....Tij laug suav nchai....Thiab niam tij lawv....Ntseeg....."Jesus"....Twb ploj lawm....Yuav txwm....Ib xyoos....Suav daws mam nug tias....Cas tsi pom....Tij laug yig....Lawv qhia tsi tseeb tias?....Xyov ploj tuag....Lawv ntsiag to....Tij laug toj xeem txawj pov lawv....Nug heev dhau....Lawv mam qhia tias?....Ploj nram poom lawm....Twb ib xyoo ntau....Tug nkauj dab ntawd....Mam a npau suav tias....Nkauj dab yuav ua txiv lawm.

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Nraug dab deev poj Hmoob

    Post  Hmoob ntuj qub qab on 9th January 2014, 6:52 pm

    xiongchang wrote:......Nyob zoo xyoo tshiab 2014....Me muam kooj ziag kab zaug aws?....Tug tij laug yig ntawd....Mus nyoog li os"....Tsi los li os?....Tij laug suav nchai....Thiab niam tij lawv....Ntseeg....."Jesus"....Twb ploj lawm....Yuav txwm....Ib xyoos....Suav daws mam nug tias....Cas tsi pom....Tij laug yig....Lawv qhia tsi tseeb tias?....Xyov ploj tuag....Lawv ntsiag to....Tij laug toj xeem txawj pov lawv....Nug heev dhau....Lawv mam qhia tias?....Ploj nram poom lawm....Twb ib xyoo ntau....Tug nkauj dab ntawd....Mam a npau suav tias....Nkauj dab yuav ua txiv lawm.

    Auj ! Phooj ywg Xyooj Tsab, tus tij laug Yig no cia li mus nyoos tsias lawm ntag nws yuav ua li cas mus nrog Nkauj dab ua neej naj nws ho yuav noj dab tsi nrog nkauj dab nas los yog nkauj dab coj mus txog es nkauj dab muab zawm tuag mam ua ke los cas yuam.



    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Nraug dab deev poj Hmoob

    Post  Hmoob ntuj qub qab on 9th January 2014, 6:56 pm

    koojziagkabzaug wrote:
    Nyob zoo tij laug Xyooj Tsab thiab tij laug Hmoob Ntuj qubqab,

    Tij laug Xyooj Tsab,

    Ua tsaug rau nws cov kwv huam, ua li tus tij laug Yig puas rov qab los lawm los nws cia li mus ncag qha li lawm?

    Lub neej ntsuag, neej twm zeej mas tu siab kawg.

    Tij laug Hmoob Ntuj qubqab,

    Ua tsaug rau nws cov duab zoo nkauj.

    Xyeej no ho thaij tej duab ntawm tej rau peb saib thiab.

    Ua tsaug.

    Nyob zoo Leej muam Koojziagkabzaug, cia hu koj ua niam tij os vim yeej yog li.
    Niam tij , xyoo no kuj yees tau daim puav duab los saib thiab mas, cas ib ntus no tsis pom Maiv Paj li lawm es nws puas noj qab nyob zoo ne yuam, vam tias nws yuav tsis muaj txiab xeeb txiab nkeeg , thov Tswv ntuj pov fwm nws kom noj qab nyob zoo mus .


      Current date/time is 31st October 2014, 11:41 am