google-site-verification: googlefbfddf59e706b96b.html

Tsev seev PajHuam

Hmong beauty nature

Compteur visitor

hnub 18/09/2010 los mus

    Ncig xyuas Nplog teb

    Share

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Ncig xyuas Nplog teb

    Post  koojziagkabzaug on 27th September 2010, 3:45 am


    http://www.photoshow.com/watch/Fh3ef9pY


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    LajLim
    Visitor
    Visitor

    Messages : 44
    Date d'inscription : 2010-12-01

    Re: Ncig xyuas Nplog teb

    Post  LajLim on 13th December 2010, 9:53 am

    Me koojziag,

    Cas lawv yuav mus nyob tau lom zem xauv npo li, ua tsaug uas nws coj tuaj tso rau peb tau saib nawb mog. Me koojziag, nws puas tau rov mus rau tej me qub zej qub zog lawm, yog nws mus lawm no coj nws li duab tuaj tso pub peb saib thiab. Lub xyoo tshiab tom ntej no lajlim npaj siab xav mus saib qub teb qub chaw seb zoo li cas lawm thiab tiag. Ncaim ntev lawm, thaud uas lajlim nyob ces tseem yog me nyuam yaus xwb, nco tsis tau dab tsi hlo li. Tav ntuj li no los lajlim twb tsis tau rov mus txog, cia siab tias tsis ntev tom ntej no lajlim yuav muaj ib co duab li lawv cov tuaj tso rau me koojziag nrog lajlim saib thiab.

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 13th December 2010, 10:44 am



    Lajlim,

    Yog xav rov qab mus xyuas yus lub teb chaws los yeej zoo kawg. Tab sis yuav tau ceev faj txhob yuam kev rau tej ntxhais mos nkauj tab yaj. Vim lawv ua txhua yam los dag...Txawm tus tsis dag los yeej yog cov yoog yim rau txhua leej saj...Qhov twg los poob peev txhob xav rau qhov yuav plhis ua nraug Seev...Hahhaha...! Lam tso dag xwb...nyaj yog nws mus xyuas kwv tij xwb os...Kuv kuj tau mus lawm thiab, tab sis koob thaij hws es duab puas tag thaij tsis tau li...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PijPauj
    Guest

    Re: Ncig xyuas Nplog teb

    Post  PijPauj on 21st December 2010, 8:16 pm

    Kuv nyuamqhuav rov tim Nplog teb los txog ntua ntawm Thaib no. Kuv mus txog pem Noompev hnov hais tias ib niag Hmoob los tim Miskas los rau ped es nws mus txeeb lawv hluas nkauj es mag lawv muab ntaus ua tawv tobhau laws kiag no.

    Thaum lub sijhawm uas kuv tseem nyob pem Noompev, muaj 2 niam txiv uas yog Xeem tau ua motor ntxeev es tus pojniam tau tag sim neej kiag ntawm chaw. Tus pojniam lub tobhau thiab pas ntshav ces tawg tag. Lawv yeej tsis tau nws ib lo lus li. Thaum lawv muab nws los tu zam thiab ua kev cai mas nws yeej ntshav npau dhi xwb. Pom nws tej menyuam quaj nyiav ntsuag qees mas yus tsis quaj los kua muag yeej ntws pes yaws. Ob niam txiv ntawd lub npe hu ua Txooj Cawv no. Nkawv yog Tooj Choj Xyooj li tub nyab. Tooj Choj ces yog Vam Xeeb Xyooj uas nyob Wausau, WI lawv pab kwvtij.

    Tsis xav hais tias yuav mus pom tej niag kev tu siab li ntawd kiag li, vim nws ua rau kuv kev ncig ntuj tsuag tag thiab tsis muaj qab ntxhiab li lawm.

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 22nd December 2010, 2:11 am


    Nyob zoo Pijpauj,

    Zoo siab tau hnov nws moo, tab sis tu siab heev rau tej txheeb ze lu moo tsis zoo.
    Kev tsav tsheb nyob Los Tsuas teb mam plhom sij heev, yam lawv tsis pom txog. Kuv tus kheej, kuv pom tau tias cov neeg tsis hwm txoj cai tsav, tsis sib hwm thiab tsav tsis zoo los xiab nyiaj kom luag muab rau, tsis tag li tseem muaj ib cov twb tsis tau kawm los cia li los tsav lawm...Dua li lawv kawm, lawv tsuas kawm nyob hauv nroog loj xwb, lawv twb tssi mus deb li nyob teb chaws vam meej es yuav coj tus kawm me rau tej kev plhom sij me me pem tej roob. Kom qhia mas qhia tiag tiag, qhia tag puas tsav yam uas hnub qab nram ntsis tus neeg tsav yuav mus ntsib...

    Dua li, xav txuas ib los ntxiv ntawm tus kwv tij Hmoob Mis Kas los yog cov nraug nrab Hmoob Fab Kis.

    - Thov sawv daws ntxiv lawv tej qab hnab tshos me ntsis yog to qab.
    - Thov sawv daws tswm xeeb txoj txoj kev vwm hluas, muab lub neej rhuav thuab nchuav rau txoj kev npau suav uas yuav rov tsis tau. Tswv Ntuj tsim tau tag puas tsav yam hauv ntiaj teb, muaj tshwm sim, yug loj hlob laus thiab tuag. Peb me nyuam neeg, peb lub neej yeej yuav zoo raws li Tswv Ntuj tsim lub ntiaj teb. Li nov peb tsuas los ua ib sim neej xwb, thaum peb laus lawm los peb yuav tsum lav txais peb txoj kev laus, yuav ua lub neej raws peb txoj kev laus. Tsis txhob tias yus laus los yus ywj yus lub siab mos, es tsis saib iav li pheej mus ntsia hluas nkauj mog nyob rov ntuj qub qab, vwm ntsuav xwb.
    Nej tsis tseg uas nej yuav kob huam thiab liam txwv ib tom heev heev yam nej tsis nco xav txog.

    * Muaj cooob heev uas cov nyob tim Nplog teb muab lawv cov poj niam thiab lawv cov txiv hluas los ua kab nuv ntses, nuv nej, ntxias nej nyiaj siv. Tus tau poob nyiaj los muaj, tus poob nyiaj tag es tseem mag qws li hais nov los muaj, tus zoo li cas los muaj, tab sis nej tseem tsis zeem li...

    -Dua li cuag li yuav hais siab cov tub thiab cov ntxhais nyob Nplog teb,

    yog nej yuav tau tuaj los nej tsuas tau qhov coj los saib los puag pw xwb. Lawv yuav tsis ntxiv ib qho dab tsis rau nej lub neej, tsuas los lauj nej, muab nej tej cuab tam xa rov mus tim ub pab lawv tej neeg, tsis los nrog nej khwv txhab lub cuab lub yig ib qho li...Qhov nov yog sawv daws tsis tseg, Peb Hmoob lub npe uas ntiaj teb cav nto moo lus tau ib ntus no yuav rau nej txhua leej MUAB NTSAWS QHOV NCEB TAG. Ntshe Peb Hmoob yuav tos pes tsawg tiam ntxiv, Yawm Saub mam li yuav xa dua ib lub koob Hmoov los KOOS PEB HMOOB li zaum no. Nej sim xav seb, Peb Hmoob nto moo ib zaug thaum Huab Tais Txiv Yawg xwb....Los tau pes tsawg tiam, Hmoov dab tsi, Yawm Saub thiaj tso 2 TUG POV XWS LI YAWG HLOB VAJ POV THIAB TP. NYIAJ POV LOS KOOS PEB HMOOB...Ib tug los txhawb nqa Hmoob lub hwj chim, meej mom, ib tug los tsim ntaub ntawv thiab txw Hmoob tej me nyuam mus nyob nroog, mus fim pej kum neeg, qhia Hmoob ua noj ua haus raws teb chaws vam meej...PEB HMOOB LUB NEEJ THIAJ NCE IB THEEM SIAB KAWG NKAUS YAM NPAU SUAV TWB TSIS POM. Tej qhov nov, cov yaj saub Hmoob yeej tau hais ntau zaus tseg...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PijPauj
    Guest

    Re: Ncig xyuas Nplog teb

    Post  PijPauj on 22nd December 2010, 11:35 pm

    Nyob zoo thiab zoo siab tau ntsib nws,

    Ua nws tsaug uas nws tseem muab lus qhuab qhia rau ib tsoom Hmoob. Muaj tseeb li nws hais. Cov neeg uas nyob Phonsavan yeej hais zomzaws hais tias muaj ib co neeg mas pheej mus tso duab hauv Tojsiab.com kom dib tau cov Hmoob nyob txawv teb chaws li nyiaj. Muaj ob tug neeg uas yog nkawv tus kheej tau ntsib thiab pom kiag ntawm qhovmuag lawd hais qhia rau kuv, thiab nkawd thov kom kuv los mus tshaj rau cov Hmoob txawv teb chaws kom sawvdaws tsis txhob lam tau lam ntseeg thiab qaug quav rau tej neeg tham zoo zoo uas yog muab duab hauv Tojsiab.com los, vim tej ntawd yog cuav thiab yog ntxiab nkaus xwb. Lawv cov paub tab tsis xav kom peb Hmoob muaj kev sib tu siab, sib chim, los puas sib pauj lawm tom ntej. Cov duab uas lawv tso tso rau hauv tojsiab.com ntawd kuv yeej mus pom ib txhia nyob hauv lub tsev yees duab XaisCabLee hauv Phonsavan lawm.

    KZKZ, koj qhia puas tau kuv hais tias phau ntawv "Liaj Lwg Tus Cag Txuj Rhwv Mwg Tus Cag Peev" puas muaj luam muag hauv Thaib teb chaws? Ntxiv ntawd, koj puas paub tshuaj lej dub lub npe hu li cas?

    Vim nws yog kuv thawj zaug thiab vim yog kuv tsis muaj chaw nug, es kuv thiaj tau poob nyiaj ntau dua qhov uas tsimnyog lawd. Yog leejtwg xav mus hauv Nplog teb kom txuag nyiaj me ntsi ces mus li no:
    1. Yuav pib dav hlau mus tsaws Thaib (Suwannaphumi).
    2. Caij BTS ntawm Suwannaphumi rau Hualamphong ~35 baht

    2.1 Yuav pib BTS
    2.1a Mus rau ntawm lub tshuab muag pib
    2.1b Nias lub npe chaw uas koj nyob
    2.1c Nias lub npe chaw uas koj yuav mus
    2.1d Ntsaws nyiaj rau hauv tshuab
    2.1e Daim pib tawm tuaj

    2.2 Nqa daim pib mus nkag roojvag
    2.2a Ntsaws daim pib rau tus ncej roojvag sab xis (Ntxig kiag tom no ces tawm plaws saud)
    2.2b Rov tsawv ntho daim pib nqa nrog yus mus
    2.2c Lub roojvag qhib plho
    2.2d Mus nrawm nroos kom dhau plaws

    3. Nce ntaiv mus tos BTS rau sab saum toj
    Thaum mus nyob hauv BTS lawd, lawv mam qhia ib qho zujzus thaum yuav nres. Yog yus ho xav paub ua ntej, ces saib nraum qab ntawm daim pib. Yog tsis muaj chaw hloov, ces yus yuav caij qhov nce mus txog ntua qhov nqis; yog muaj chaw hloov ces:
    a. Lub qhovrooj BTS qhib mus rau lwm sab uas tsis yog sab yus nkag lawm.
    b. Yuavtsum nqis BTS thiab nqis ntaiv es mam mus tos lwm lub lawm sab tim ub.

    Zaum no tham li no es lwm zaus mam tham txog kev yuav pib tsheb ciav hlau mus rau Nongkhai.


    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 23rd December 2010, 5:37 am


    Nyob zoo Pijpauj,

    Phau ntawv "Liaj Lwg tus Cag Txujn, Rhawv mwv tus cag ci" mas yog luam nyob Lomsak, Thaib teb. Tab sis kuv tsis paub tias lawv puas tseem muaj nyob tim lawv, vim luam ib zaug los ob zaug xwb. TP. Nyiaj Pov tag sim neej lawm, tssi muaj nyiaj pab, tsis muaj lub hauv paus ua ntxiv lawm. Koj lam nug mus rau tus E_mail nov:

    lomomi08@gmail.com

    Koj nug rau Ham Kuv los yog Lis Maib seb nkawd hais li cas. Yog tias koj sau mail nkawd tsis teb, koj hu xov tooj mus nug TP. Tshaj Xwm Thoj, nyob Tseej Maim, nws yuav paub qhia koj:

    Fr.Chakrit Saethao
    Hmong Catholic Center
    88 Chotana Road
    Muang Chiangmai 50300
    Thailand
    Email : brochakrit@hotmail.com

    Account No. 547 0 36976 5)


    -Ntxiv ntawd, koj puas paub tshuaj lej dub lub npe hu li cas?

    Hahhaha...!Pijpauj, tshuaj Lej Dub, kuv nyuam qhuav hnov koj hais thawj zaug no xwb, ua li ho yog tshuaj dab tsi thiab?
    Ntshe ho yog kuv tsis puab lub npe koj hais no xwb laub!

    Pijpauj, pab cov kwv tij uas tsis rua qhov muag ua neej tu siab kawg li...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Pijpauj
    Guest

    Re: Ncig xyuas Nplog teb

    Post  Pijpauj on 25th December 2010, 1:48 am

    Ua tsaug ntau ntau os KZKZ. Kuv mam sau Email thiab hu mus rau lawv. Vim muaj neeg nyob Los Tsua xav tau es thiaj nug koj li ntawd. Tshuaj lej dub yog ib co tshuaj zoo li tshuaj npaws liab tiam sis nws ho daj daj thiab muaj npe ntawv dub dub sau rau ntawm lub tshuaj es Hmoob thiaj pheej muab hu ua tshuaj lej dub no. Kuv zeem tau lub tshuaj tab sis tsis paub lub npe. Xav mus nrhiav yuav rau Hmoob Nplog teb thiab vim lawv xav tau coj mus noj kom qhov muag pom kev no.

    Taug qhov chaw no: mus saib Kev caij thiab tus nqi tsheb ciav hlau hauv Thaib teb mus rau lwm teb chaws thiab lwm lub nroog. Yog mus Nplog teb ces yuav tau mus nqis ntawm Nongkhai li mam txuas tsheb mus lawm tim Nplog.
    1. Mus luv mes.

    1.1 Caij 2 thiao/tuk tuk ntawm chaw nres tsheb ciav hlau rau tom chaw nce luv mes = 30 baht. Caij luv mes mus hla choj rau tim Nplog kom txog Lajtajxao = 50 baht.
    Mus ua visa tim ntug choj sab Nplog yog $31.

    2. Mus luv ciav hlau.

    2.1 Yuav pib nce tsheb ciav hlau 2nd class ntawm Nongkhai mus Nplog yog 20 baht; 3rd class yog 30 baht. Mus ua visa tim Nplog $31 tas mam ntiav tsheb mus Vientiane.

    3. Mus luv lwm yam xws li van.

    3.1 Ntiav neeg ua visa thiab xa mus rau Nplog mas kim heev. Lawv kam yuav kuv 2000 baht es tsua yog ua visa thiab xa txog sab tim Nplog xwb. Dhau li ntawd lawv tseem yuav 500 baht es thiaj xa tau kuv mus txog rau chaw nres tsheb luv mes mus Xiengkhouang.



    Yog yus mus ua visa hauv Bangkok tag mam mus mas hajyam pheej yig. Tub ceevxwm hais tias nws tsua siv li 500 baht xwb ces ua tau visa lawm, thiab thaum mus txog tim Nplog ces lawv tsua ntau thwj lawm xwb__tsis tau tos ntev lawm.


    Thaum mus txog hauv Nplog teb lawm ces mus caij lawv cov tsheb Xoom thiam thiab Tuv Tuv mus ub mus no lawm xwb los tau. Yuav tsum xub khom nqi kom haum tso mam caij thiaj tsis raug kausl. Feem ntau yeej yog li 5000Kip mus rau 10000kip xwb.

    Lawv cov tsev to qhua mas hais tias nyob rau sab hnub poob ntawm Pab tu xais ces yuav pheejyig dua cov nyob sab hnub tuaj ntawm Pab tus xais. Peb mus pw hauv Hmoob ib lub tsev tos qhua hu ua Loo Lee Phav Cais no. Tus nqi yog 130000 kip rau ib hmo. Muaj neeg hais tias yog mus so rau lub tsev tos qhua Xaim Loos Yees los puas lub hu ua Xim Das Duas no mas tus nqi yuav pheej yig dua ntawd. Tus nqi ces tsua yog 60000 kip xwb no.

    Lwm yam mas zoo li Nplog kuj muaj lawm thiab, tab sis lawv tsis muaj cov chais fwjtxwv khov khov. Yog xav tau chai fwjtxwv khov, yuav tau yuav sab thaib tso mam mus Nplog.

    Nplog lub Embassy hauv Thai teb:

    Kev yuav pib thiab caij dav hlau mus Nplog:

    PIJPAUJ
    Developer
    Developer

    Messages : 142
    Date d'inscription : 2010-12-25

    Re: Ncig xyuas Nplog teb

    Post  PIJPAUJ on 25th December 2010, 11:11 pm

    Thov txim od. Nod yog sim seb cov link puas ua haujlwm xwb. Yog zoo li qub saud xwb no ces muab lwv mus.

    Taug qhov chaw no: http://www.seat61.com/Thailand.htm mus saib Kev caij thiab tus nqi tsheb ciav hlau hauv Thaib teb mus rau lwm teb chaws thiab lwm lub nroog. Yog mus Nplog teb ces yuav tau mus nqis ntawm Nongkhai li mam txuas tsheb mus lawm tim Nplog.
    1. Mus luv mes.

    1.1 Caij 2 thiao/tuk tuk ntawm chaw nres tsheb ciav hlau rau tom chaw nce luv mes = 30 baht. Caij luv mes mus hla choj rau tim Nplog kom txog Lajtajxao = 50 baht.
    Mus ua visa tim ntug choj sab Nplog yog $31.

    2. Mus luv ciav hlau.

    2.1 Yuav pib nce tsheb ciav hlau 2nd class ntawm Nongkhai mus Nplog yog 20 baht; 3rd class yog 30 baht. Mus ua visa tim Nplog $31 tas mam ntiav tsheb mus Vientiane.

    3. Mus luv lwm yam xws li van.

    3.1 Ntiav neeg ua visa thiab xa mus rau Nplog mas kim heev. Lawv kam yuav kuv 2000 baht es tsua yog ua visa thiab xa txog sab tim Nplog xwb. Dhau li ntawd lawv tseem yuav 500 baht es thiaj xa tau kuv mus txog rau chaw nres tsheb luv mes mus Xiengkhouang.



    Yog yus mus ua visa hauv Bangkok tag mam mus mas hajyam pheej yig. Tub ceevxwm hais tias nws tsua siv li 500 baht xwb ces ua tau visa lawm, thiab thaum mus txog tim Nplog ces lawv tsua ntau thwj lawm xwb__tsis tau tos ntev lawm.


    Thaum mus txog hauv Nplog teb lawm ces mus caij lawv cov tsheb Xoom thiam thiab Tuv Tuv mus ub mus no lawm xwb los tau. Yuav tsum xub khom nqi kom haum tso mam caij thiaj tsis raug kausl. Feem ntau yeej yog li 5000Kip mus rau 10000kip xwb.

    Lawv cov tsev to qhua mas hais tias nyob rau sab hnub poob ntawm Pab tu xais ces yuav pheejyig dua cov nyob sab hnub tuaj ntawm Pab tus xais. Peb mus pw hauv Hmoob ib lub tsev tos qhua hu ua Loo Lee Phav Cais no. Tus nqi yog 130000 kip rau ib hmo. Muaj neeg hais tias yog mus so rau lub tsev tos qhua Xaim Loos Yees los puas lub hu ua Xim Das Duas no mas tus nqi yuav pheej yig dua ntawd. Tus nqi ces tsua yog 60000 kip xwb no.

    Lwm yam mas zoo li Nplog kuj muaj lawm thiab, tab sis lawv tsis muaj cov chais fwjtxwv khov khov. Yog xav tau chai fwjtxwv khov, yuav tau yuav sab thaib tso mam mus Nplog.

    Nplog lub Embassy hauv Thai teb:
    http://www.bkklaoembassy.com/

    Kev yuav pib thiab caij dav hlau mus Nplog:
    http://www.laos-airtickets.com/Lao-Airlines-Airfares.php?gclid=CLqFtqLnhqYCFcjsKgodqA0ZpA

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 29th December 2010, 10:14 am



    Nyob zoo Pijpauj,

    Muaj me ntsis hauj lwm tau ob peb hnub no tsis khoom tuaj, koj twb hais tau ntau yam tseem ceeb heev rau peb paub txog kev ncig teb chaws. Yog ib qho zoo heev, ua koj tsaug nawb mog. Koj muaj lub siab zoo, xav pab kom Peb Hmoob muaj kev kaj siab thiab tsis poob nyiaj, zoo kawg. Tswv Ntuj foom koob Hmoov rau koj nawb mog. Yog koj pom tej yam zoo yuav ntxim qhia, peb zoo siab rau koj lub laj lim nawb. Zoo kawg qhov uas koj qhia mus caij tsheb nqaj, tsheb loj tej tib si. Yog ib qho kev txuag nyiaj zoo heev...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    PIJPAUJ
    Developer
    Developer

    Messages : 142
    Date d'inscription : 2010-12-25

    Re: Ncig xyuas Nplog teb

    Post  PIJPAUJ on 30th December 2010, 2:45 am

    Nyob zoo KZKZ,

    Tej mab tej sua mas luag nim mus txhij mus txhua qhov txhia chaw los zoo li lawv pom pom thiab paub paub. Qhov tseeb ces yog muaj dua neeg mus los lawm es los qhia rau cov tsis tau mus dua es lawv thiaj paub ua luaj. Tej zaum nyaj yog yus tsis tau tshawbfawb ntxaws xwb es thiaj mus tsis tau li lub siab xav xwb.

    Kuv maub mus Nplog los ib zaug zoo li qhovmuag pom kev zom tuaj lawm. Lwm zaus nyiaj yuav tsis poob nyiaj ntau li zaum maub ntawd lawm.

    Muaj ib co neeg mas yeej tos nrhw kaus yus xwb. Yog yus paub qab haus thiab pom dua kev lawm ces yus kuj lias raug kaus tsawg zog.

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 2nd January 2011, 3:20 pm


    Nyob zoo Pijpauj,

    Zoo kawg li, koj muaj lub siab zoo, koj muab koj txoj kev tsaus ntuj los qheb kom luag tej pom kev. Kuv ua koj tsaug mog.

    Pijpauj, cas Hmoob nim niaj hnub tu siab tias Hmoob tsis muaj teb chaws, es raug luag pej kum saib tsis taus, raug luag iab hiam thiab caij tsuj. Cas Hmoob tseem ua phem tshaj rau Hmoob yam luag tej twb tsis muaj lub siab yuav ua li ntawd rau Peb Hmoob. Kuv tau hnov ib cov lus mas ua rau kuv xeev siab fo xwb...

    Koj puas nco qab thaum peb tham txog tus yawg uas nws deev nws ob tug ntxhais es raug kaw tag khiav mus yuav poj niam mos ab tim Nplog teb lawm?
    Zaum no yawg ntawd nqa tau cov nyiaj uas nws muag tsev thiab cov nyiaj uas nws nyob qhov taub mus tsa tau lub neej nyob tim Nplog teb, nws muaj tsheb, muaj vaj tsev zoo, muaj poj niam mos ces muaj plhus heev...Lawv ib co nyuam qhua mus tid los hais tias: Lawv ntiav yawg ntawd lub tsheb, kom yawg thauj lawv mus ua si...Ces muaj 3 tug Hmoob pej kum txawm coj peb tug me nyuam hluas nkauj yuav mus ua ke...Tus Hmoob DEV txawm ua lus pej kum hais tias: "Yog nej tsis muab tshoob ua ntej mas kuv yuav tsis kam thauj nej mus". Ces ib tug cia li teb tias, cia kuv coj mus tom Tsev So seb li cas tso ov!No ces peb yawg ntawd cia li coj peb tug ntxhais ntawd mus deev kiag tam sim ntawd, mam rov los nce tsheb...Cas kuv xav tias zoo li yog dab lawm xwb twb tsis yog neeg lawm...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    LajLim
    Visitor
    Visitor

    Messages : 44
    Date d'inscription : 2010-12-01

    Re: Ncig xyuas Nplog teb

    Post  LajLim on 6th January 2011, 4:29 pm

    koojziagkabzaug wrote:

    Lajlim,

    Yog xav rov qab mus xyuas yus lub teb chaws los yeej zoo kawg. Tab sis yuav tau ceev faj txhob yuam kev rau tej ntxhais mos nkauj tab yaj. Vim lawv ua txhua yam los dag...Txawm tus tsis dag los yeej yog cov yoog yim rau txhua leej saj...Qhov twg los poob peev txhob xav rau qhov yuav plhis ua nraug Seev...Hahhaha...! Lam tso dag xwb...nyaj yog nws mus xyuas kwv tij xwb os...Kuv kuj tau mus lawm thiab, tab sis koob thaij hws es duab puas tag thaij tsis tau li...

    hahaha.... koj txawj tham kawg, tiam sis yeej muaj tseeb li koj hais kawg mas koojziag. Lajlim mus los twb yog vim nws me nploojsiab pheej yuav mus es thiaj li coj nws me nploojsiab mus xwb hahaha.... Lajlim nploojsiab hais rau Lajlim hais tias kom ntsia ncaj qha xwb txhob saib qhov twg li hahaha..... Koojziag, Lajlim tsis muaj kwv tij mus saib, Lajlim mus saib teb chaws thiab neej tsa xwb hahaha.....

    Tej me ntxhais mos nkauj tab yaj, ces Lajlim tsis hais txog thiaj nyob kaj siab tshaj, me vaj tse thiaj li sov tsis muaj tsov rog os Koojziag.

    PIJPAUJ
    Developer
    Developer

    Messages : 142
    Date d'inscription : 2010-12-25

    Re: Ncig xyuas Nplog teb

    Post  PIJPAUJ on 7th January 2011, 4:23 am

    koojziagkabzaug wrote:
    Nyob zoo Pijpauj,

    Zoo kawg li, koj muaj lub siab zoo, koj muab koj txoj kev tsaus ntuj los qheb kom luag tej pom kev. Kuv ua koj tsaug mog.

    Pijpauj, cas Hmoob nim niaj hnub tu siab tias Hmoob tsis muaj teb chaws, es raug luag pej kum saib tsis taus, raug luag iab hiam thiab caij tsuj. Cas Hmoob tseem ua phem tshaj rau Hmoob yam luag tej twb tsis muaj lub siab yuav ua li ntawd rau Peb Hmoob. Kuv tau hnov ib cov lus mas ua rau kuv xeev siab fo xwb...

    Koj puas nco qab thaum peb tham txog tus yawg uas nws deev nws ob tug ntxhais es raug kaw tag khiav mus yuav poj niam mos ab tim Nplog teb lawm?
    Zaum no yawg ntawd nqa tau cov nyiaj uas nws muag tsev thiab cov nyiaj uas nws nyob qhov taub mus tsa tau lub neej nyob tim Nplog teb, nws muaj tsheb, muaj vaj tsev zoo, muaj poj niam mos ces muaj plhus heev...Lawv ib co nyuam qhua mus tid los hais tias: Lawv ntiav yawg ntawd lub tsheb, kom yawg thauj lawv mus ua si...Ces muaj 3 tug Hmoob pej kum txawm coj peb tug me nyuam hluas nkauj yuav mus ua ke...Tus Hmoob DEV txawm ua lus pej kum hais tias: "Yog nej tsis muab tshoob ua ntej mas kuv yuav tsis kam thauj nej mus". Ces ib tug cia li teb tias, cia kuv coj mus tom Tsev So seb li cas tso ov!No ces peb yawg ntawd cia li coj peb tug ntxhais ntawd mus deev kiag tam sim ntawd, mam rov los nce tsheb...Cas kuv xav tias zoo li yog dab lawm xwb twb tsis yog neeg lawm...

    Yeej muaj tseeb li koj hais lawm ntag nawb. Kuv tau pom kiag ob yawg Hmoob los tib lub zos uas kuv nyob los rau tim Nplog. Nkawd los txog tid mas nkawd coj li nkawd yog nqis saum ntuj los xwb. Nkawd hais lus rau nkawd ob tug hluas nkauj ces yeej cuag li tsis yog hais rau neeg mloog li lawm. Nkawd yuav mus saib tej kwvtij los nkawd yeej nthe nqho kom sawv daws coj tsiaj coj txhuv thiab koos dej koos cawv qoos qoos tos nkawd tib si mas nkawd mam mus. Nkawd tej nyiaj mas siv cuag li yog de tau ntawm tej li nplooj hmab nplooj ntoos xwb. Kuv pom nkawd tag kuv cia li xav yaj lawm xwb. Kuv xav hais tias tej zaum yog muaj neeg pheej coj li ntawd es cov Hmoob hauv Nplog Teb thiaj pheej nrhiav kom tau kev tawm tuaj mus rau txawv teb chaws, vim lawv ntshaw lub neej zoo li nkawd lub heev.

    Tab sis lawv tsis paub hais tias ob yawg ntawd ces rov mus txog tsev yeej tsis muaj chaw nyob lawm vim ob yawg li pojniam twb tsiv tawm lawm.

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Ncig xyuas Nplog teb

    Post  Hmoob ntuj qub qab on 9th January 2011, 11:55 pm

    Nyob zoo Koojziagkabzaug

    Tus neeg muaj tswv yim yeej los tsim
    txhua yam nyob ntuj qub qab kom hnub qab nram ntsis tau kev pab
    los cog ntoo roj hmab kom tau txab
    coj mus muag pab lub yig txhua yam muaj txiaj ntsim
    lub neej thiaj tshav ntuj nrig
    Nws txoj kev xav zoo txhua tsav
    nws txoj kev nqes tes ua tom ntej yuav muaj dua
    nas Hmoob leej Ntxhais...



    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 11th January 2011, 8:28 am



    Nyob zoo Pijpauj thiab Hmoob ntujqubqab,

    Hmoob ntujqubqab muaj ib tug mus pheej teb
    Los muaj 1000 leej mus rhuav tshem
    Muaj 10 leej mus tsim kho
    Los muaj txhiab vam leej mus lauj txo

    Ib leeg tswj tau ib txoj hmoov
    Ib puas leej lwj puas lub koob
    Ib leeg tsim tau ib yam
    Ib txhiab leej nkim cuag nas txom fav

    Xav los mas tu siab
    Cas yam zoo neeg yuav tsis ntsia
    Xav los lwj plawv
    Cas qhov zoo neeg tsis khaws

    Txawm yuav muaj txhiab vam leej nias ib tog
    Kuv ib leeg yuav txheem tw teev tsis tso
    Yog Tswv Ntuj lub zog nrog kuv
    Txoj kev ncaj ncees yuav yeej ib hnub

    Kuv yug los ib sim ua neeg
    Kuv yuav txuag lub ntiaj teb tsis pub qia neej
    Kuv yug ib zaug xwb
    Kuv yuav tsis pub luag muab lub ntiaj teb ua chaw pov Quav Sw

    Kuv tshwm sim los ua Hmoob
    Kuv yuav tuav tsis pub Hmoob lub Npe poob
    Kuv tshwm sim los ua neeg
    Kuv yuav tsis pub luag muab kuv Haiv tseev

    Ua tsaug rau nws cov lus txhawb siab mog Hmoob ntujqubqab, yog muaj tus siab dawb tuaj ua yam zoo txhawb laj mej pjem xeem Hmoob nyob ntujqubqab li nws hais mas yog ib tug Hluuub Hmoob tiag...Vim nws tsis muab ntses pub Hmoob noj, tab sis nws qhia Hmoob nuv ntses...Ces Hmoob qhov muag yuav pom kev, Hmoob yuav vam meej tau lawm yav tom ntej....



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Ncig xyuas Nplog teb

    Post  Hmoob ntuj qub qab on 16th January 2011, 9:40 pm

    Teb chaws txom nyem yeej muaj nas txom fav los noj tej qoob loo lawm tsheej ntsug tej neeg txom nyem los yeej xav tias tej teb qoob loo tsis muaj leej twg tug
    Xav nyiag ces mus nyiag coj los noj thiab muag tau nyiaj los siv xwb txawm mag nkuaj los dim nws txoj kev tub sab uas tsis muaj
    tsis tau mus nyiag los luag yeej pub noj tiag
    tsis tuag tshaib los tsuav tsis tau mus ua laib

    nas koojziagkabzaug


    PIJPAUJ
    Developer
    Developer

    Messages : 142
    Date d'inscription : 2010-12-25

    Re: Ncig xyuas Nplog teb

    Post  PIJPAUJ on 17th January 2011, 12:04 am

    Kuv rov mus dua ib lwm Nplog teb los txog tau 2-3 hnub no. Kev mus zaum no tsis poob nyiaj ntau thiab tsis sab li lawm, vim yog pom qab kev thiab yoog tau zog lawm.
    1. Caij tsheb nqaj hlau muaj chaw pw ntawm Ayuthaya, Thailand rau Nongkhai, Thailand yog $25.
    2. Caij tuk tuk ntawm chaw nres tsheb nqaj hlau rau tom choj yog $1.
    3. Ua ntaub ntawv ntawm Thai sab yog dawb dawb, tsis poob nyiaj.
    4. Yuav pib caij luv mes mus hla choj rau Nplog yog $.50.
    5. Mus ua visa tim Nplog yog $35 (Monday -Friday). Saturday thiab Sunday yog $36. Lawv yuavtsum siv US dollar xwb, thiab cov nyiaj yuavtsum tshiab tshiab thiab tsis muaj qhov ntswv li.
    6. Caij 2 thiam ntawm tsev visa rau Tajlajxob yog 15000 kip(20Baht)/$.75.


    Tam sim no Nplog muaj queue tsheb mus rau Suav thiab Nyablaj tib si lawm. 3-4 xyoos tom ntej no, kev tsheb nqaj hlau yuav mus hauv Nplog teb tshab plaws rau Kunming, Suav teb.

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 18th January 2011, 9:43 am



    Nyob zoo Hmoob ntujqubqab thiab Pijpauj,

    Hmoob ntujqubqab,

    Nyob Los Tsuas teb mas muaj ib qho txawv tshaj plaws ua cov nqe khoom no tsis xwm yeem nrog cov nyiaj hli nqe zog. Yam li nej kev khwv nyiaj ib hlis no tsuas tau li 50$ xwb, tab sis nej tej khoom, zaub mov thiab nqaij mas kim npaum nkaus li nyob Fab Kis teb uas nyiaj hli ib tug neeg ua hauj lwm 3ib hnub 7teev=ib hlis tau 1000€. Tsis tag li ntawd tseem muaj kev pab nyiaj me nyuam, nyiaj pab them nqe tsav los lwm yam ntxiv. Thaum lub caij noj Peb Caug nov, nyob rau Phonsavanh mas ib tug qaib no tseem kim tshaj nyob Fab Kis teb lawm...

    Pijpauj, ua tsaug rau nws lub siab zoo mog.Nws ua qhov muag, qhov ntsej rau peb haiv Hmoob, nws lub txiaj ntsim yuav nyob mus li. Muaj nas txom fav los yeej muaj Tswv Ntuj cawm tsis pub nws tej hauj lwm piam sij, nws yeej yuav coj tus puav los cawm thiab txuag lub ntiaj teb tsis pub puas tsuaj mus. Ua tsaug rau nws lub siab zoo.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Ncig xyuas Nplog teb

    Post  Hmoob ntuj qub qab on 18th January 2011, 10:12 pm

    Nyob zoo Koojziagkabzaug thiaj Pijpauj

    Lub teb chaws Los Tsuas yeej yog blub teb chaws poob qab ntawm 25 lub teb chaws thoob ntiaj teb, yog li kev khwv noj khwv haus kev siv nyiaj siv txiaj muaj ntau yam siv qhov siv ntau dua qhov los li nws hais khwv ib hlis tim no = khwv ib hnub tim ub yog li thiaj tseem txom nyem, tej tsiaj txhu qoob loo zaub noj los kim vim ua tsis tau ntau cov muaj ho muaj dhau cov txom nyem ho txom nyem dhau kev muaj kev pluag tsis sib xws...

    Ntawm kev Tsheb khiav nqaj hlau yog Suav ua tus pab Tseem fwv Los tsuas tuaj % me xwb yuav ua hla roob hla hav tho roob tho hav tuaj Boten txog hauv Vees cam no yuav ua tiav rau 2015 tom ntej no.



    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 19th January 2011, 4:39 am



    Nyob zoo Hmoob Ntujqubqab,

    Hais txog Sethakid Nplog mas kuv pom ib qho teeb meem mas yog lawv tso cai rau cov teb chaws uas nrog lawv koom Tseev tsim tuaj ua lag ua luam loj rau hauv Los tsuas teb. Lawv yog Los Pav loj, lawv tuaj txog, lawv muaj peev ntau thiab lawv nqus khoom kiag pem lawv lub teb chaws tuaj, ces lawv qheb ua txhij toob puaj yam. Lawv muab cov tub luam me nqos tag, ua rau yus haiv neeg tej me tsev hum me me yug ncauj niaj hnub nyob tsis taus ces tso tseg. Thaum no yuav ua rau neeg poob hauj lwm, teb chaws poob peev. Dua li cov nyiaj uas cov pej xeem mus muas khoom ntawm lawv, lawv tssi rov muab siv, muab ntxeev hauv yus lub teb chaws. Lawv muab nqa ncaj qha mus rau lawv teb chaws lawm xwb. Yog yus tso luag tuaj ua li nov, yog yus tso luag tuaj lauj tuaj txo yus xwb, tsis yog tso luag tuaj txhawb thiab tsim kho yus.
    Yog lub teb chaws Nplog nov tsis txuag lawv tej teeg tug, lawv yuav rov muab tsis tau rov qab lawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 19th January 2011, 4:53 am


    Nyob zoo Hmoob ntujqubqab,

    Kuv thov nug nws ib los txog kev cog taum pauv.

    Thaum i kuv pom nws sau nplej ntawm liaj tag, nws cog taum pauv rau.

    Kuv nws xav nug tias:


    1-Cov taum pauv nws cog ntawd yog ib co taum pauv tshwj xeeb rau teb tiag los yog tib hom uas Hmoob cog pem toj siab thiab teb peg?
    2-Thaum hlais nplej tag, cia li cog kiag rau xwb los yuav tsum laij teb ua ntej mam cog?
    3-Thaum cog puas rau chiv thiab ywg?
    3-Thaum sau yog rho los hlais?

    Cov neeb yuav qhov twg?...Hahhaah...! Nug nws, tsis li seb nws faib puas tau me ntsis noob rau cov kwv tij coj mus yeej noob...xwb.

    Ua tsaug.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Ncig xyuas Nplog teb

    Post  Hmoob ntuj qub qab on 19th January 2011, 9:48 pm

    Nyob zoo Koojziagkabzaug

    Me neeg thoob tsib yam twg los nws txawj pib

    Teb chaws txom nyem ua yam twg los nyuab ua tsav twg los tsis paub puab, Yus lub teb chaws yog yus cov neeg txhim kho yus xwb yuav vam meej qeeb yog li thiaj Sampathan rau txawv teb chaws tuaj pab ntau yam, luag tuaj pab los luag kuj xav yuav rov qab kom ob fab muaj feem tau ib yam, luag Technology siab dua yus tej zaum luag muaj feem tau ntau dua yus lawm los tsis paub tsuav kho lub teb chaws kom muaj qhov vam meej zus mus xwb, nws cov lus sauv yog lawm , cov neeg txom nyem thaum ntej nyob hauv nroog luag tuaj txum muab Av tsev muag khiav mus nyob sab nraum nroog lag luam los ib yam ...vim neeg txom nyem ntsia saum nthab los yog nkhawb ntsia hauv los yog Av thiaj ua tsis tau ib yam dab tsi tseem ceeb.

    Koojziagkabzaug ntawm cog taum pauv mam teb nws li no:


    1-Cov taum pauv nws cog ntawd yog ib co taum pauv tshwj xeeb rau teb tiag los yog tib hom uas Hmoob cog pem toj siab thiab teb peg?

    Muaj ob yam xws li:
    yam 1. yog taum toj siab ib txwm cog teb peg coj los cog rau tiaj nrag kuj txi ncw thiab.


    yam 2. yog taum tiaj nrag cov no Company lawv coj tuaj rau yus cog piv li lawv muab noob 25 kg rau yus cog thaum taum siav ntaus taum tas lawv yuav 25 kg rov qab dawb seem ntawv lawv mam li muab nyiaj yuav yus cov taum seb muaj tsawg kg li them rau yus.


    2-Thaum hlais nplej tag, cia li cog kiag rau xwb los yuav tsum laij teb ua ntej mam cog?

    hlais nplej tas muab cov hauv paus nplej luaj seb ua npaum li cas luaj li ntawv ziab hnub puav mam li hlawv hlawv tas li cog, cog li yus cog nplej teb peg, ua ntej yuav cog tso dej mus nyab kom Av ntub tso .

    3-Thaum cog puas rau chiv thiab ywg?

    yog muaj yuav tau rau cov chiv kom zoo thiab cov chiv kom txi txiv ntau, ib lim piam tso dej mus nyab ib zaug kom Av noo taum thiaj zoo.


    3-Thaum sau yog rho los hlais?

    Thaum sau rho mas qeeb tab sis thaum laij liaj ua liaj ntuj nag yoog yim tsis chob taw
    Hlais mas sai tab sis thaum laij liaj ntuj nag yuav tau xyuam xim kav taw


    Cov noob yuav qhov twg?

    Neeg muag coob nas thaum lawv ntaus tas tsis li los mus yuav tom Company muaj ntau


    koojziagkabzaug
    Moderator
    Moderator

    Messages : 3519
    Date d'inscription : 2010-02-28

    Re: Ncig xyuas Nplog teb

    Post  koojziagkabzaug on 20th January 2011, 1:27 am


    Nyob zoo Hmoob Ntujqubqab,

    Ua tsaug rau nws cov lus qhia.

    1- Ua li 25kg noob ntawd cog tau pes tsawg li av thiab thaum sau yuav sau tau thaj tsam pes tsawg thiab rov muag ib kg pes tsawg?
    2- Rau chiv no rau hom chiv dab tsi thiab rau thaum lub caij twg?
    3- Cov taum tiaj nrag tsiaj txhu puas nyiam noj thiab? Vim cov pob kws daj uas compagny coj tuaj rau lawv cog, zoo li tsiaj tsis noj no.
    4- Yuav piv rau kev cog nplej, pob kws, cog taum puas tau nqe tib yam thiab?
    5- Koj daim liaj uas koj cog taum pauv rau thiab daim tsis cog puas sib txawv thaum rov cog nplej rau? Ib daim nplej puas zoo dua ib daim?
    6- Cov taum pauv campagny yuav tsum yuav noob txhua xyoo los cog cov uas yus cog tau tseg cia xwb los txi tib yam thiab?

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Ncig xyuas Nplog teb

    Post  Hmoob ntuj qub qab on 20th January 2011, 7:42 pm

    Nyob zoo Koojziagkabzaug

    Neeg tsib xwm yeej ua muaj chaw tws
    Neeg paub tab yeej ua kom txhua fab

    Teb nws cov nqe lus nug



    1- Ua li 25kg noob ntawd cog tau pes tsawg li av thiab thaum sau yuav sau tau thaj tsam pes tsawg thiab rov muag ib kg pes tsawg?

    25 kg noob taum cog tau kwv yees li 1 - 1,5 lais Av nyob ntawm rau ntau los tsawg thiab cog tuab los sib
    Thaum sau nyob ntawm taum txi ncw los tsis ncw thiab zoo los tsis zoo kab tias tau li 5-6-7 hnab tsaj dawb 50kg
    rov muag ib kg 4000k-5000k


    2- Rau chiv no rau hom chiv dab tsi thiab rau thaum lub caij twg?

    Rau Chiv kom zoo nws muaj nws xuth chiv tsis nco qab nws xuth mam li nug
    Rau chiv kom txi txiv ntau los nws muaj nws xuth tib yam


    3- Cov taum tiaj nrag tsiaj txhu puas nyiam noj thiab? Vim cov pob kws daj uas compagny coj tuaj rau lawv cog, zoo li tsiaj tsis noj no.

    Taum tiaj nrag tsiaj txhu noj mas, pob kws daj phan los twb pub qaib npua lawm noj mas

    4- Yuav piv rau kev cog nplej, pob kws, cog taum puas tau nqe tib yam thiab?

    kuj tau ib yam thiab, tab sis yog muaj liaj ntau mas cog nplej Hommalib mas tau nqi zoo dua

    5- Koj daim liaj uas koj cog taum pauv rau thiab daim tsis cog puas sib txawv thaum rov cog nplej rau? Ib daim nplej puas zoo dua ib daim?

    Daim cog taum zoo zog vim cov cag taum thiab nplooj taum nws mus kho cov av kom zoo zog tuaj

    6- Cov taum pauv campagny yuav tsum yuav noob txhua xyoo los cog cov uas yus cog tau tseg cia xwb los txi tib yam thiab?

    Muab sim lawm txi tib yam nyob ntawm yus rau chiv txi txiv xwb.





    Sponsored content

    Re: Ncig xyuas Nplog teb

    Post  Sponsored content Today at 3:24 pm


      Current date/time is 28th April 2016, 3:24 pm