Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Ncig xyuas Nplog teb

    Share

    koojziagkabzaug
    Moderator
    Moderator

    Messages: 3257
    Date d'inscription: 2010-02-28

    Re: Ncig xyuas Nplog teb

    Post  koojziagkabzaug on 11th January 2011, 3:28 pm



    Nyob zoo Pijpauj thiab Hmoob ntujqubqab,

    Hmoob ntujqubqab muaj ib tug mus pheej teb
    Los muaj 1000 leej mus rhuav tshem
    Muaj 10 leej mus tsim kho
    Los muaj txhiab vam leej mus lauj txo

    Ib leeg tswj tau ib txoj hmoov
    Ib puas leej lwj puas lub koob
    Ib leeg tsim tau ib yam
    Ib txhiab leej nkim cuag nas txom fav

    Xav los mas tu siab
    Cas yam zoo neeg yuav tsis ntsia
    Xav los lwj plawv
    Cas qhov zoo neeg tsis khaws

    Txawm yuav muaj txhiab vam leej nias ib tog
    Kuv ib leeg yuav txheem tw teev tsis tso
    Yog Tswv Ntuj lub zog nrog kuv
    Txoj kev ncaj ncees yuav yeej ib hnub

    Kuv yug los ib sim ua neeg
    Kuv yuav txuag lub ntiaj teb tsis pub qia neej
    Kuv yug ib zaug xwb
    Kuv yuav tsis pub luag muab lub ntiaj teb ua chaw pov Quav Sw

    Kuv tshwm sim los ua Hmoob
    Kuv yuav tuav tsis pub Hmoob lub Npe poob
    Kuv tshwm sim los ua neeg
    Kuv yuav tsis pub luag muab kuv Haiv tseev

    Ua tsaug rau nws cov lus txhawb siab mog Hmoob ntujqubqab, yog muaj tus siab dawb tuaj ua yam zoo txhawb laj mej pjem xeem Hmoob nyob ntujqubqab li nws hais mas yog ib tug Hluuub Hmoob tiag...Vim nws tsis muab ntses pub Hmoob noj, tab sis nws qhia Hmoob nuv ntses...Ces Hmoob qhov muag yuav pom kev, Hmoob yuav vam meej tau lawm yav tom ntej....



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Ncig xyuas Nplog teb

    Post  Hmoob ntuj qub qab on 17th January 2011, 4:40 am

    Teb chaws txom nyem yeej muaj nas txom fav los noj tej qoob loo lawm tsheej ntsug tej neeg txom nyem los yeej xav tias tej teb qoob loo tsis muaj leej twg tug
    Xav nyiag ces mus nyiag coj los noj thiab muag tau nyiaj los siv xwb txawm mag nkuaj los dim nws txoj kev tub sab uas tsis muaj
    tsis tau mus nyiag los luag yeej pub noj tiag
    tsis tuag tshaib los tsuav tsis tau mus ua laib

    nas koojziagkabzaug


    PIJPAUJ
    Developer
    Developer

    Messages: 129
    Date d'inscription: 2010-12-26

    Re: Ncig xyuas Nplog teb

    Post  PIJPAUJ on 17th January 2011, 7:04 am

    Kuv rov mus dua ib lwm Nplog teb los txog tau 2-3 hnub no. Kev mus zaum no tsis poob nyiaj ntau thiab tsis sab li lawm, vim yog pom qab kev thiab yoog tau zog lawm.
    1. Caij tsheb nqaj hlau muaj chaw pw ntawm Ayuthaya, Thailand rau Nongkhai, Thailand yog $25.
    2. Caij tuk tuk ntawm chaw nres tsheb nqaj hlau rau tom choj yog $1.
    3. Ua ntaub ntawv ntawm Thai sab yog dawb dawb, tsis poob nyiaj.
    4. Yuav pib caij luv mes mus hla choj rau Nplog yog $.50.
    5. Mus ua visa tim Nplog yog $35 (Monday -Friday). Saturday thiab Sunday yog $36. Lawv yuavtsum siv US dollar xwb, thiab cov nyiaj yuavtsum tshiab tshiab thiab tsis muaj qhov ntswv li.
    6. Caij 2 thiam ntawm tsev visa rau Tajlajxob yog 15000 kip(20Baht)/$.75.


    Tam sim no Nplog muaj queue tsheb mus rau Suav thiab Nyablaj tib si lawm. 3-4 xyoos tom ntej no, kev tsheb nqaj hlau yuav mus hauv Nplog teb tshab plaws rau Kunming, Suav teb.

    koojziagkabzaug
    Moderator
    Moderator

    Messages: 3257
    Date d'inscription: 2010-02-28

    Re: Ncig xyuas Nplog teb

    Post  koojziagkabzaug on 18th January 2011, 4:43 pm



    Nyob zoo Hmoob ntujqubqab thiab Pijpauj,

    Hmoob ntujqubqab,

    Nyob Los Tsuas teb mas muaj ib qho txawv tshaj plaws ua cov nqe khoom no tsis xwm yeem nrog cov nyiaj hli nqe zog. Yam li nej kev khwv nyiaj ib hlis no tsuas tau li 50$ xwb, tab sis nej tej khoom, zaub mov thiab nqaij mas kim npaum nkaus li nyob Fab Kis teb uas nyiaj hli ib tug neeg ua hauj lwm 3ib hnub 7teev=ib hlis tau 1000€. Tsis tag li ntawd tseem muaj kev pab nyiaj me nyuam, nyiaj pab them nqe tsav los lwm yam ntxiv. Thaum lub caij noj Peb Caug nov, nyob rau Phonsavanh mas ib tug qaib no tseem kim tshaj nyob Fab Kis teb lawm...

    Pijpauj, ua tsaug rau nws lub siab zoo mog.Nws ua qhov muag, qhov ntsej rau peb haiv Hmoob, nws lub txiaj ntsim yuav nyob mus li. Muaj nas txom fav los yeej muaj Tswv Ntuj cawm tsis pub nws tej hauj lwm piam sij, nws yeej yuav coj tus puav los cawm thiab txuag lub ntiaj teb tsis pub puas tsuaj mus. Ua tsaug rau nws lub siab zoo.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Ncig xyuas Nplog teb

    Post  Hmoob ntuj qub qab on 19th January 2011, 5:12 am

    Nyob zoo Koojziagkabzaug thiaj Pijpauj

    Lub teb chaws Los Tsuas yeej yog blub teb chaws poob qab ntawm 25 lub teb chaws thoob ntiaj teb, yog li kev khwv noj khwv haus kev siv nyiaj siv txiaj muaj ntau yam siv qhov siv ntau dua qhov los li nws hais khwv ib hlis tim no = khwv ib hnub tim ub yog li thiaj tseem txom nyem, tej tsiaj txhu qoob loo zaub noj los kim vim ua tsis tau ntau cov muaj ho muaj dhau cov txom nyem ho txom nyem dhau kev muaj kev pluag tsis sib xws...

    Ntawm kev Tsheb khiav nqaj hlau yog Suav ua tus pab Tseem fwv Los tsuas tuaj % me xwb yuav ua hla roob hla hav tho roob tho hav tuaj Boten txog hauv Vees cam no yuav ua tiav rau 2015 tom ntej no.



    koojziagkabzaug
    Moderator
    Moderator

    Messages: 3257
    Date d'inscription: 2010-02-28

    Re: Ncig xyuas Nplog teb

    Post  koojziagkabzaug on 19th January 2011, 11:39 am



    Nyob zoo Hmoob Ntujqubqab,

    Hais txog Sethakid Nplog mas kuv pom ib qho teeb meem mas yog lawv tso cai rau cov teb chaws uas nrog lawv koom Tseev tsim tuaj ua lag ua luam loj rau hauv Los tsuas teb. Lawv yog Los Pav loj, lawv tuaj txog, lawv muaj peev ntau thiab lawv nqus khoom kiag pem lawv lub teb chaws tuaj, ces lawv qheb ua txhij toob puaj yam. Lawv muab cov tub luam me nqos tag, ua rau yus haiv neeg tej me tsev hum me me yug ncauj niaj hnub nyob tsis taus ces tso tseg. Thaum no yuav ua rau neeg poob hauj lwm, teb chaws poob peev. Dua li cov nyiaj uas cov pej xeem mus muas khoom ntawm lawv, lawv tssi rov muab siv, muab ntxeev hauv yus lub teb chaws. Lawv muab nqa ncaj qha mus rau lawv teb chaws lawm xwb. Yog yus tso luag tuaj ua li nov, yog yus tso luag tuaj lauj tuaj txo yus xwb, tsis yog tso luag tuaj txhawb thiab tsim kho yus.
    Yog lub teb chaws Nplog nov tsis txuag lawv tej teeg tug, lawv yuav rov muab tsis tau rov qab lawm.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3257
    Date d'inscription: 2010-02-28

    Re: Ncig xyuas Nplog teb

    Post  koojziagkabzaug on 19th January 2011, 11:53 am


    Nyob zoo Hmoob ntujqubqab,

    Kuv thov nug nws ib los txog kev cog taum pauv.

    Thaum i kuv pom nws sau nplej ntawm liaj tag, nws cog taum pauv rau.

    Kuv nws xav nug tias:


    1-Cov taum pauv nws cog ntawd yog ib co taum pauv tshwj xeeb rau teb tiag los yog tib hom uas Hmoob cog pem toj siab thiab teb peg?
    2-Thaum hlais nplej tag, cia li cog kiag rau xwb los yuav tsum laij teb ua ntej mam cog?
    3-Thaum cog puas rau chiv thiab ywg?
    3-Thaum sau yog rho los hlais?

    Cov neeb yuav qhov twg?...Hahhaah...! Nug nws, tsis li seb nws faib puas tau me ntsis noob rau cov kwv tij coj mus yeej noob...xwb.

    Ua tsaug.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Ncig xyuas Nplog teb

    Post  Hmoob ntuj qub qab on 20th January 2011, 4:48 am

    Nyob zoo Koojziagkabzaug

    Me neeg thoob tsib yam twg los nws txawj pib

    Teb chaws txom nyem ua yam twg los nyuab ua tsav twg los tsis paub puab, Yus lub teb chaws yog yus cov neeg txhim kho yus xwb yuav vam meej qeeb yog li thiaj Sampathan rau txawv teb chaws tuaj pab ntau yam, luag tuaj pab los luag kuj xav yuav rov qab kom ob fab muaj feem tau ib yam, luag Technology siab dua yus tej zaum luag muaj feem tau ntau dua yus lawm los tsis paub tsuav kho lub teb chaws kom muaj qhov vam meej zus mus xwb, nws cov lus sauv yog lawm , cov neeg txom nyem thaum ntej nyob hauv nroog luag tuaj txum muab Av tsev muag khiav mus nyob sab nraum nroog lag luam los ib yam ...vim neeg txom nyem ntsia saum nthab los yog nkhawb ntsia hauv los yog Av thiaj ua tsis tau ib yam dab tsi tseem ceeb.

    Koojziagkabzaug ntawm cog taum pauv mam teb nws li no:


    1-Cov taum pauv nws cog ntawd yog ib co taum pauv tshwj xeeb rau teb tiag los yog tib hom uas Hmoob cog pem toj siab thiab teb peg?

    Muaj ob yam xws li:
    yam 1. yog taum toj siab ib txwm cog teb peg coj los cog rau tiaj nrag kuj txi ncw thiab.


    yam 2. yog taum tiaj nrag cov no Company lawv coj tuaj rau yus cog piv li lawv muab noob 25 kg rau yus cog thaum taum siav ntaus taum tas lawv yuav 25 kg rov qab dawb seem ntawv lawv mam li muab nyiaj yuav yus cov taum seb muaj tsawg kg li them rau yus.


    2-Thaum hlais nplej tag, cia li cog kiag rau xwb los yuav tsum laij teb ua ntej mam cog?

    hlais nplej tas muab cov hauv paus nplej luaj seb ua npaum li cas luaj li ntawv ziab hnub puav mam li hlawv hlawv tas li cog, cog li yus cog nplej teb peg, ua ntej yuav cog tso dej mus nyab kom Av ntub tso .

    3-Thaum cog puas rau chiv thiab ywg?

    yog muaj yuav tau rau cov chiv kom zoo thiab cov chiv kom txi txiv ntau, ib lim piam tso dej mus nyab ib zaug kom Av noo taum thiaj zoo.


    3-Thaum sau yog rho los hlais?

    Thaum sau rho mas qeeb tab sis thaum laij liaj ua liaj ntuj nag yoog yim tsis chob taw
    Hlais mas sai tab sis thaum laij liaj ntuj nag yuav tau xyuam xim kav taw


    Cov noob yuav qhov twg?

    Neeg muag coob nas thaum lawv ntaus tas tsis li los mus yuav tom Company muaj ntau


    koojziagkabzaug
    Moderator
    Moderator

    Messages: 3257
    Date d'inscription: 2010-02-28

    Re: Ncig xyuas Nplog teb

    Post  koojziagkabzaug on 20th January 2011, 8:27 am


    Nyob zoo Hmoob Ntujqubqab,

    Ua tsaug rau nws cov lus qhia.

    1- Ua li 25kg noob ntawd cog tau pes tsawg li av thiab thaum sau yuav sau tau thaj tsam pes tsawg thiab rov muag ib kg pes tsawg?
    2- Rau chiv no rau hom chiv dab tsi thiab rau thaum lub caij twg?
    3- Cov taum tiaj nrag tsiaj txhu puas nyiam noj thiab? Vim cov pob kws daj uas compagny coj tuaj rau lawv cog, zoo li tsiaj tsis noj no.
    4- Yuav piv rau kev cog nplej, pob kws, cog taum puas tau nqe tib yam thiab?
    5- Koj daim liaj uas koj cog taum pauv rau thiab daim tsis cog puas sib txawv thaum rov cog nplej rau? Ib daim nplej puas zoo dua ib daim?
    6- Cov taum pauv campagny yuav tsum yuav noob txhua xyoo los cog cov uas yus cog tau tseg cia xwb los txi tib yam thiab?

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Ncig xyuas Nplog teb

    Post  Hmoob ntuj qub qab on 21st January 2011, 2:42 am

    Nyob zoo Koojziagkabzaug

    Neeg tsib xwm yeej ua muaj chaw tws
    Neeg paub tab yeej ua kom txhua fab

    Teb nws cov nqe lus nug



    1- Ua li 25kg noob ntawd cog tau pes tsawg li av thiab thaum sau yuav sau tau thaj tsam pes tsawg thiab rov muag ib kg pes tsawg?

    25 kg noob taum cog tau kwv yees li 1 - 1,5 lais Av nyob ntawm rau ntau los tsawg thiab cog tuab los sib
    Thaum sau nyob ntawm taum txi ncw los tsis ncw thiab zoo los tsis zoo kab tias tau li 5-6-7 hnab tsaj dawb 50kg
    rov muag ib kg 4000k-5000k


    2- Rau chiv no rau hom chiv dab tsi thiab rau thaum lub caij twg?

    Rau Chiv kom zoo nws muaj nws xuth chiv tsis nco qab nws xuth mam li nug
    Rau chiv kom txi txiv ntau los nws muaj nws xuth tib yam


    3- Cov taum tiaj nrag tsiaj txhu puas nyiam noj thiab? Vim cov pob kws daj uas compagny coj tuaj rau lawv cog, zoo li tsiaj tsis noj no.

    Taum tiaj nrag tsiaj txhu noj mas, pob kws daj phan los twb pub qaib npua lawm noj mas

    4- Yuav piv rau kev cog nplej, pob kws, cog taum puas tau nqe tib yam thiab?

    kuj tau ib yam thiab, tab sis yog muaj liaj ntau mas cog nplej Hommalib mas tau nqi zoo dua

    5- Koj daim liaj uas koj cog taum pauv rau thiab daim tsis cog puas sib txawv thaum rov cog nplej rau? Ib daim nplej puas zoo dua ib daim?

    Daim cog taum zoo zog vim cov cag taum thiab nplooj taum nws mus kho cov av kom zoo zog tuaj

    6- Cov taum pauv campagny yuav tsum yuav noob txhua xyoo los cog cov uas yus cog tau tseg cia xwb los txi tib yam thiab?

    Muab sim lawm txi tib yam nyob ntawm yus rau chiv txi txiv xwb.





    koojziagkabzaug
    Moderator
    Moderator

    Messages: 3257
    Date d'inscription: 2010-02-28

    Re: Ncig xyuas Nplog teb

    Post  koojziagkabzaug on 21st January 2011, 8:39 am

    Nyob zoo Hmoob Ntujqubqab,

    Ua tsaug rau nws cov lus teb, muaj nuj nqes heev rau txhua leej nyob rau Los Tsuas teb.

    Yog li mas kuj yog tau zoo muag kawg nkaus, tsuas yog tsis tau muaj twj es xuas tes ua xwb thiaj li tsis tau nqe zog. Yam li nej muag 1kg taum pauv/5000 kips lawm mas kuj yog zoo nqe heev lawm. Thiab 6.4 laij av=1hectare mas kuj yog zoo coj kawg li thiab.

    Kuv nug txog daim teb cog taum thiab daim tsis cog puas sib txawv mas yeej yog li nws hais thiab. Tab sis tseem zoo zog qhov nw shais lawm thiab. Raws li cov tshawb fawb, pom tias Taum nqus cov chiv saum huab cua los rau hauv av, los nyob ntawm cov cag taum (thaum koj rho tsob taum, koj pom tej lub kheej kheej li hlaws dai ntawd yog taum nqus cov Azote saum ntuj los teem cia, Azote yog cov chiv ua kom nroj tsuag hlob sai thiab ntsuab mos). Yog li mas nej cog taum tom qab cog nplej rau nej thaj liag mas yog nej RAU CHIV NTSUAB=(chiv thamasad) rau. Cov taum mog qus thiab, taum mog qus mas tseem muaj chiv ntau tshaj lwm yam taum li. Yog ib daim teb, xyoo no nej cog nplej tag, lwm xyoo nej muab cog qos ntoo (cog ua tej kwb kab) kom tau puv tsiab los muag, nej tseb taum mog rau cov qab qos ntoo kom thoov plaws, xyoo tom qab nej rov muab cog nplej mas zoo npaum li nej mus luaj ib daim teb tshiab tiag...Nyob Nyab Laj teb lawv ua li nov xwb, lawv thiaj tsis luaj teb ntov ntoo lawm. Nyob teb chawd Europs thiab ntau lub teb chaws hauv ntiaj teb no kuj sib cov chiv ntsuab nov ntau zuj zus lawm thiab.

    Cov nroj tsuag ua CHIV NTSUAB




    ZAUB NTSUAB QUS



    SUAB



    TAUM MOG COG SIB XYAWS



    AVOINE (zoo li nplej, cov cag mus tob heev, nws muaj peev xwm lij kom av phom tau)



    TAUM PAUV li nej cog yog ib qho zoo heev, nws ua tau ob yam hauj lwm rau yus.



    TAUM MOG, TAUM MOG QUS, TAU LAG, TAG NRHO PUAS TSAV YAM TAUM tsis hais ua hmab los ua ntoo, qus los nyeg PUAV LEEJ ZOO TIB SI.



    NTSUAS NTSEV NTSUAB


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Ncig xyuas Nplog teb

    Post  Hmoob ntuj qub qab on 24th January 2011, 6:23 am

    Koojziagkabzaug

    Ua tsaug nws cov lus qhia thiab Duab tso saib, tsis muaj sij hawm ntau ke ua hauj lwm ke mus ua liaj ua teb ces npaj ua teb cog txhiam laj txhiam xwm ... tsis tau ntau, tsuas yog txaus noj txuas haus thiab muag me ntsis xwb.

    Lub neej yeej yog li nws hais muaj Neeg txom fav heev ua dab tsi los tsis zoo li teb chaws vam meej, teb chaws vam meej ib tug tsis kov ib tug li kiag kuv twb tuaj pom nej teb chaws twb mus de taum tsis muaj leej twg kov yus li kiag.

    NkaujNag
    Member
    Member

    Messages: 80
    Date d'inscription: 2010-03-11

    Re: Ncig xyuas Nplog teb

    Post  NkaujNag on 24th January 2011, 5:45 pm

    Hmoob ntuj qub qab wrote:Koojziagkabzaug

    Ua tsaug nws cov lus qhia thiab Duab tso saib, tsis muaj sij hawm ntau ke ua hauj lwm ke mus ua liaj ua teb ces npaj ua teb cog txhiam laj txhiam xwm ... tsis tau ntau, tsuas yog txaus noj txuas haus thiab muag me ntsis xwb.

    Lub neej yeej yog li nws hais muaj Neeg txom fav heev ua dab tsi los tsis zoo li teb chaws vam meej, teb chaws vam meej ib tug tsis kov ib tug li kiag kuv twb tuaj pom nej teb chaws twb mus de taum tsis muaj leej twg kov yus li kiag.

    Nyob zoo os , Nraug HmoobNtujqubqab
    Nej tham los ntev khaws txij ci los ntau , Hnub no zoo siab tau ntsib koj os , Oh !! Nej hmoob ntuj qub qab nej kuj nyob tau zoo kawg thiaj kho siab zim thiab os yuad !!
    Es ua li koj twb tuaj txog teb chaws no thiab lod ua li nej tuaj pom tag nej paub lawm hais tias peb hmoob nyob teb chaws vam meej no lub neej kuj txom nyem kawg thiab los koj xav li cas ? Qhov txom nyem vim peb khwv heev li ib tug twb tsis pom ib tug li nyob rau tsib hnub ntawd na , Es thaum txog Weekend ces Peb mam li los sib ntsib xwb , Yog cov niam txiv uas muaj tsis xeevsiab na ces lawv thiaj li txom txom nyem siab ntsws li los mas , Hahaaaaaaaaaaaaaaaa !!! kuv lam hais raws li hnov xwb os , Xyoo siab lawm es thov kom sawv daws sib sib hlub os lod , Thov kom tau txais kev noj qab nyob zoo , Nplua nuj rau txhua yam uas xav tau os .

    Nkaujnag .

    Hmoob ntuj qub qab
    Sponsor
    Sponsor

    Messages: 613
    Date d'inscription: 2010-03-30

    Re: Ncig xyuas Nplog teb

    Post  Hmoob ntuj qub qab on 25th January 2011, 5:51 am

    NkaujNag wrote:[quote="Hmoob ntuj qub qab

    Nyob zoo os , Nraug HmoobNtujqubqab
    Nej tham los ntev khaws txij ci los ntau , Hnub no zoo siab tau ntsib koj os , Oh !! Nej hmoob ntuj qub qab nej kuj nyob tau zoo kawg thiaj kho siab zim thiab os yuad !!
    Es ua li koj twb tuaj txog teb chaws no thiab lod ua li nej tuaj pom tag nej paub lawm hais tias peb hmoob nyob teb chaws vam meej no lub neej kuj txom nyem kawg thiab los koj xav li cas ? Qhov txom nyem vim peb khwv heev li ib tug twb tsis pom ib tug li nyob rau tsib hnub ntawd na , Es thaum txog Weekend ces Peb mam li los sib ntsib xwb , Yog cov niam txiv uas muaj tsis xeevsiab na ces lawv thiaj li txom txom nyem siab ntsws li los mas , Hahaaaaaaaaaaaaaaaa !!! kuv lam hais raws li hnov xwb os , Xyoo siab lawm es thov kom sawv daws sib sib hlub os lod , Thov kom tau txais kev noj qab nyob zoo , Nplua nuj rau txhua yam uas xav tau os .

    Nkaujnag .

    Nyob zoo os NkaujNag me leej muam txawj tham
    cas tav no mam ntsib nws nws thiab tsev neeg puas nyob zoo nas.

    Nws puas tau los ntuj qub qab nas lov, ntuj qub qab kuj txawv xyoo 1975 lawm ntau mas, teb chaws txom nyem ces tsuas ntxeem tau li nas .

    Kuv tuaj teb chaws Fab kis mas, kuv muaj vacation tsawg muaj 50 hnub xwb yuav rov los hauj lwm ces kuv nyob tau 48 hnub ,nyob ib cheeb tsam hauv nroog Marceille kuv mus ua zog de taum tau 42 hnub pib thaum 7:00AM - 9:00PM es kuv tau tshaj pib dav hlau 200 Euro xwb nas , cov muam yawm yij kwv tij lawv pab me ntsis thiab thiaj tau nqa ua luag taug kev xwb nas.
    Tuaj pom nej nyob teb chaws vam meej khwv heev kawg li tiag, khwv los nyiaj muaj nqis ces muaj zog khwv heev li nas. Ua ib hnub tim nej = ib hlis tim ntuj qub qab nas

    Nyiam huab cua tsis sov lub caij ntawv yog 7-8 hli nas .
    tab sis yav tsaus ntuj muaj cua heev xwb, kuv tsis haum
    nej cov tsheb li tsheb pib khiav ces twb pib qaug lawm mas zoo li tus neeg qaug cawv xwb tiag, zoo qhov nyob tom teb xwb nas .






    koobpovtxuj
    Sponsor
    Sponsor

    Messages: 794
    Date d'inscription: 2010-04-05
    Age: 54
    Localisation: USA

    Re: Ncig xyuas Nplog teb

    Post  koobpovtxuj on 28th March 2011, 6:16 am

    hmoobntujqubqab.
    kuv zoo siab uas koj tau tuaj ncig txog USA mus rau fab kis huv si lawm thiab yom.
    kuv muaj 1 tug dab laug nyob Sayaboury kuj tuaj ncig txog USA fab kis thiab mus rau Guyane huv si.
    nws tuaj txog ntawm kuv no 2 zaug lawm nws hais rau kuv tias nplog teb nws mus yuav luag thoob qab teb rau qaum teb nws xav tias nyob Guyane ntshe yuav zoo rau peb haiv hmoob nyob dua nplog teb lawm ntau npaug.thiab xav hais tias cov hmoob nyob txawv teb chaws yog leej twg xav tuav lub neej hmoob ces kawg mus nyob Guyane lawm xwb.

      Current date/time is 24th July 2014, 6:24 am