google-site-verification: googlefbfddf59e706b96b.html

Latest topics

» hu plig 30.
by shung Yesterday at 7:50 pm

» KHAWV KOOB
by shung Yesterday at 7:43 pm

» xaav nus txog tshuaj kho mob ko taw vwm
by shung Yesterday at 7:37 pm

» Xiong Chang
by koojziagkabzaug 16th August 2016, 1:43 pm

» Kiab toom lauj npliaj yob lub qub tsev.
by koobpovtxuj 1st August 2016, 4:25 pm

» Hmoob Suav teb nkauj tuag -----nkauj hauv ncoo
by Admin 28th July 2016, 7:40 am

» Neeg tuag tus xyw los deev neeg ciaj muaj me nyuam.
by koobpovtxuj 16th July 2016, 9:53 am

» Lub Neej Lwj Siab
by Me qigtaub 26th June 2016, 4:06 pm

» Kab tshoob kev kos- Nkauj pom nraug qab- Nraug pom nkauj lw-
by Hmong ntuj tshiab 20th June 2016, 4:46 pm

» kuv cov duab.
by koobpovtxuj 19th June 2016, 6:35 pm

» Kuv 1 Vuagdua
by koobpovtxuj 16th June 2016, 12:22 pm

» ***UA NEEB***
by koobpovtxuj 13th June 2016, 6:16 pm

» Tim li cas lawm.
by koobpovtxuj 11th June 2016, 8:37 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Kwv Huam Hmoob

    Share

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 29th September 2010, 1:31 am


    Dab neeg
    03 November 2008


    kuv muaj ib tug txiv ntxawm nws piav hais tias thaum nws hluas. nws thiab ib tug npawgawg nkawv mus tuas nas ib hnub lub hnub qaij loos ntim yuav poob ces nkawv los tsev. thaum nkawv los txog ze zo tsawv ces kab tuas nas twb quaj ntsiag tag. twb yog lub caij uas qaib twb nces chaws pws lawm. ob twg taug txojkev tav ib lub roob loj loj tabsis hmoob muab uas teb lawm es tsis muaj ntoos loj tabsis yog hav nroj tshiab txuam nrog hav txiv yeem. nkawv los ze zog ntawm ib qhov kev uas luj tshib (kev nkhaus) uas ciav nkawv txawm hnov plaub haus xob xob hos ib cev uas pob qav kaws. ces thaum nkawv hla kiag qhov kev nkhaus ntawv tawm plhawv los raus ntawm qhov kev ncaj nas ha ib niag dabtsis cias lis maub tsig tsuag pem qaum kev los tawm plaws raus ntawm nkawv hauv ntej. nkawv ntsia kiag nws ces nws ntsia kiag nkawv thiab ces nws cias lis tsa taw hlos vaus kiag tav txojkev nkawv yuav mus. nkawv saib nas uas cas tib tug tseem hnav tsoos tuag raus khaus tuag thiab ntoos ib hauv phuam. pws tav nkawv kev tib tug tsw lwj ntxiag. nkawv uas tsis taus lis cas ntshai dhaus heev lawm tabsis txoj kev mus tom zo ces yuav taus hla niag dab ntawv. rov qab los haj yam ntshai ces nkawv uas tiag lug kev nram nws kos taw los lawm. thaum nkawv los ma nkawv twb khiav tsis taus lawm thiab. nkawv nkag yuav lawm xwb. pob ntseg quaj nrov zib hos ib ces tshee laim txias. nkawv mam nkaj los txog tsev ces los piav qhia lwv cov tom tsev. nkawv cias lis mob yuav tuag lis thiaj mus nraiv taus neeb los saib ces txiv neeb hais tias nkawv poob plig lawm. thiab nkawv uas raus tus niag dab ntawv poob plig lawm. yog kom zoo ma yuav taus kho nkawv thiab nkawv yuav taus hus tus dab ntawv plig ma nkawv thiaj yuav zoo. lawv txawm uas lis tus txiv neeb ntawv hais tas ces nkawv thiaj lis zoo lawm. qhov nov ma muaj tiag tiag raus kuv tus txiv ntxawm ntawd.


    p28


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 11th December 2010, 3:25 pm


    Neej thiab dab sib pom

    Tus sau: Zeb Nom Yeeb Ntxoov Kuam Txiaj Nchai Yaj.
    Xov Xwm Liaj Lub xa moo 1998


    Thaum lub ob hlis 1998, Yawg Nom Suav Txiaj Nchai Yaj cov tub thiab cov ntxhais nyob rau ntawm lub zos Pham Vaim txawm mus luaj tau ib daim teb rau nram chaw qes, yog txoj kev mus rau lub zos Txheeb Sab. Ntawm txoj kev mus rau daim teb nrug peb plaub daj li.
    Hlawv teb tag lawv thiaj mus ua tsev teb. Daim teb ntxhab ntxhab ces lawv tau khawb me ntsis av meem kom tiaj thiab txhos ncej ua lub tsev lawj txuas av. Sab nram lub qab lawj yog chaw pw, hos pem qhov av yog chaw ua noj. Lub tsev tssi xav li. Lawv txhem teb coj plej tag kuj tsis muaj dab tsi.
    Los txog lub czij dob nplej ces yawg Nom Suav Txiaj Nchai Yaj plaub tug tub: Txhim, Neeb, Maiv, Kuam lawv mus pw dob nplej. Txhim yog ib tug lag ntseg thiab ruam tsis txawj hais lus. Muaj ib hmos, lawv pw txog ib tag hmo, leej twg los tsaug zog heev, Txhim ua yog toog li uas muaj yam ua rau Txhim rhiab ib ce tag. Nws tsim dheev los, nws feeb meej lawm ces nws ho hnov khawb khawb nws qab xib taws. Lawv thiaj sawv los saib, ua ciav pom ib tug luaj li tus me nyuam ib xyoos. Yawg thiaj sawv los rauv taws, hos niag ntawd khiav dua hauv qab txag lawm. Txhim mam tsa cov los ces nws mam piav tes rau lawv qhov nws pom. Lawv thiaj nqa teeb mus tsom cas pom ib tug zoo li hais tiag. Tus niag plaub hau ntev ntev thiab pom ob lub qhov muag txawm rov ntsug li tej laus hais tiag. Lawv ntshai kawg, nyias taus nyias mmus kauv pam pw. Tshuav Txhim rauv taws xwb, vim nws ntshai tsam ho rov los kawb ko taw ntxiv.
    Kaj ntug lawv ua teb ib hnub tsaus ntuj ces Neeb thiaj muab rab txuas hov ntse ntse tos cia yog tseem los thiab mas tua ntag. Tab sis hmo ntawd tsis muaj dab tsi ua suab sab li.
    Hmo tom qab Neeb rov muab rab txuas tam ntxiv. Lawv noj hmo tag, tseem pom kev. Ua ciav, tos pom twb muaj ib niag luaj li tus me nyuam plaub xyoos tuav ib tug pas khob cav taws ntawm ntug cub lawm. Lawv saib loj dua tus qub, Neeb thiaj khaws nkaus txuas thiab lub teeb sawv los naj has niag ntawd sawv tsees khiav mus nraum zoo ncaj txoj kev mus tsev. Neeb lawv loo qab mus, niag ntawd khiav rau tom ntej lawm thiab. Poj ntxoog nrug deb li Neeb plaub tsib dag xwb. Neeb kab teeb saib pom luv qhov muag ntsa ci li thaum yus tsom teeb rau miv es pom miv ob lub qhov muag, ho rua lub niag qhov ncauj loj loj rau Neeb, ces Neeb cia li rov los. Lawv ua tsis tau li cas rau niag poj ntxoog ces lawv nyias ntshai nyias zaum sib zov mus txog kaj ntug.
    Tag kis lawv ua teb ib hnub tsaus ntuj ces lawv thiaj sua pam los tsev. Lawv los txog tsev, lawv sib tham ncha nrooj mas neeg tuaj mus ntsauv coob kawg. Cov ntse piav tib ya hos tus ruam los yeej piav tes piav taw cuag cas xa ua ntseg muag puas tas. Mas sawv daws cav rhiab kawg. Kuv mus nrog mloog thiab ces kuv thiaj sau tuaj pub nej paub.

    Zeb Yaj
    Lub 2hli 1998
    Xeev Kham, Los Tsuas teb.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 11th December 2010, 4:05 pm




    Poj ntxoog ev me nyuam

    Vam Txoov Vaj
    Zos Haib Xau,
    Xeev Luam Phab Npas
    Los Tsuas teb.
    Xov xwm Liaj Luv Xav Moo 1998


    Thaum lub 3 hli 1998, muaj ib yawg hu ua Txhoov Neeb Hawj nyob lub zos Pheeb Lub, Xeev Npos Kawb. Yawg Txhoov Neeb Hawj muaj ob tug me nyuam, tus hlob yog ntxhais hu ua Mim no muaj kaum xyoo, tus yau yog tub hu ua Xeem muaj hnub nyug 8 xyoo.
    Yawg Ntxhoov Neeb mus luaj tau ib daim teb ze ntawm ib lub zos Nplog.
    Hnub Tim 5 lub 3 hlis 1998, yawg mus luaj teb, cov kwv tij kuj coj cov me nyuam mus coob coob thiab coj ib tug niam pog laus mus zov me nyuam.
    Thaum yav tav su ob tug me nyuam mus tso quav nrug deb li 15 mev xwb. Ib pliag tus ntxhais Mim rov los hais rau niam pog tias: "Niam pog! Xeem wb mus tso quav tod, wb pom ib tug poj ntxoog plaub hau ntsuab ntsuab luag luag rau Xeem." Tus niam pog tsis xva ntseeg. Ib teev tom qab tav su, cov neeg los noj sus cas tssi pom tus tub Xeem li lawm. Ces cov kwv tij uas tuaj luaj teb thiaj sib pab nrhiav tag lub roob ntawd tssi pom li lawm. Lawv fiv ib lub yeem nyuj txaij thiab ib lub yeem twm dawb los tsis pom li. Lawv rov qab nrhiav ntxiv tau ib hnub thiab ib hmos ntxiv los tsis pom li ces lawv thiaj tso tseg. Tis me nyuam ntawd cia li ploj los txog niaj hnub no.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 13th June 2011, 7:28 am



    DEV DAJ


    Cia kuv piav txog ib tug dev ua kuv pom kiag ntawm kuv lub qhov muag
    rau koj saib koj pus yuav ntseeg hais tias muaj tseeb thiab koj pus
    yuav los kua muag hlub txog tus txiv dev no thiab. Thaum ub peb nyob
    pem peb lub zos tim nplog, muaj Hmoob tawg rog los coob coob hla dhau
    peb lub zos. Muaj ib tug txiv dev daj loj loj tshaj peb lub zos tej
    dev cia li poob zoo ces nws cia li pheej los nyob khaws mov noj hauv
    kuv txiv ntxawm tsev. Kuv txiv ntxawm mas yog ib tug neeg caum caum
    nqaij ces yawg yeej yug dev coob tus thiab nyiam nyiam dev kawg. Yog
    li kuv txiv ntxawm pom tus txiv dev no ces nws yeej nyiam vim tus txiv
    dev no nws lub cev loj, siab, thiab muaj xim xoos zoo li txawj caum
    nqaij. Kuv txiv ntxawm thiaj tu thiab pub mov thiab qhauv npuas rau
    tus txiv dev no noj. Yog li tus txiv dev no cia li nyob li lawm. Kuv
    txiv ntxawm lawv thiaj coj tus txiv dev no mus caum nqaij ces tus txiv
    dev no mas txawj caum thiab khiav nrawm tshaj plaws tej dev hauv zos.
    Tsis tag li tus txiv dev no ces kuv txiv ntxawm muab nws hu ua Daj.
    Yog thaum twg Daj caum caum mus deb deb thiab tsaus ntuj es tej neeg
    tseg lawm ces kuv txiv ntxawm hu kiag Daj Daj Daj no ces nws lub suab
    tsem ntsiag kiag nim yuav nyob ib sab roob los xij tshuav nws hnov ib
    tug hu nws lub npe xwb ces nws yeej paub hais tias lawv kom nws tsum
    no ces nws ncaj qha los tsev lawm xwb. Yog caum kauv ces tus txiv dev
    no tau caum lawm ces nws yeej tom kom tau kiag tus kauv xwb mas thiaj
    tsum. Caum npua teb ces nws yeej tom kom tau kiag, yog caum twm tswb
    no ces tus txiv dev no ntse heev, nws puav puav kom tus twm npua tawm
    rau tej qho hav fab kaj ces tej neeg tua xwb. Dev feem coob mas yeej
    tsis kam caum dais vim dais tom heev, tiamsid tus txiv dev Daj no mas
    nws yeej caum dais, tiamsid nws tsis lam mus ti dais tsuas tsem puav
    tus dais kom tawm rau tej neeg caum tau tua. Yog li tus txiv dev no
    yog ib tug peb lub zos cov txiv neej nyiam heev. Kuv txiv ntxawm mas
    hlub npaum li nws cov me nyuam.

    Tiamsid, qhov tsis zoo mas yog li no. Vim kuv txiv ntxawm hlub nws
    heev ces, nws tsis nyiam ib tug tsiaj nyeg los ti nws thaum nws noj
    qhauv. nws tom qaib, tom npua, thiab tom tshis heev. Tau tom lawm
    ces tom kom tuag kiag xwb. Yog li tej pojniam me nyuam kuj nthsai
    thiab vim yog koj mus ncaj thaum nws noj qhauv mas me nyuam yaus mus
    ze ces nws yeej nyooj loos rau ntag. Muaj ib zaug, peb ua si ze ntawm
    kuv txiv ntxawm tsev ces tus txiv dev cia li tom kiag kuv txiv ntxawm
    lawv ib tug me nyuam npua muaj li 3 taus tuag kiag. Kuv txiv ntxawm
    npau taws heev ces nws nthe kiag hu Daj no ces Daj nplawm tw nyo loo
    los hnia kiag kuv txiv ntxawm ko taw. Kuv txiv ntxawm muab kiag hlua
    khi kiag Daj caj dab muab khi kiag rau ntawm maum kaum tsev tus ncej.
    Kuv txiv ntxawm nthos nkaus ib ya qws luaj caj npab ntaus Daj lub taub
    hau 7-8 teg. Ua ntej ib ob qws ntawd ces Daj quaj suab mos nyoos vaus
    hlo da luam rau hauv av. Kuv txiv ntxawm yeej ntaus kom tuag kiag ces
    nws loos 5-6 qws ntxiv ces Daj cia li tsis ua suab quaj thiab tshee
    tes tshee taw lawm xwb. Yawg thiaj daws kiag txoj hlua ntawm tus maum
    kaum ncej, hu kiag kuv thiab nws tus tub wb kom cab mus rov rau tom
    lub kwj ha tom ntuag zos es thiaj li tsis tsw lwj rau peb lub zos.
    Tiamsid Wb ob niag me nyuam yaus muaj 6-7 xyoo xwb mas Daj hnyav kawg
    rau wb. Wb cab cab mus txog tos ntug zos lub kwj ha kuv txiv ntxawm
    qhia ces wb cia li muab Daj lub cev dov kiag rau nram tus kwj deg kom
    yog lwj los tsis tsw rov rau tom peb zos. Wb twb tsis daws txoj hlua
    ntawm caj dab thiab.

    Qhov tusiab tshaj mas yog li no. Ua cas tau 3 hnub tom qab, kuv txiv
    ntxawm tus txiv dev rov sawv los txog tom peb txiv ntawm tsev dua.
    Tsis muaj neeg pom thaum los tiamsid tas pom xwb ces nws twb los pw
    ntawm hauv maum kaum tsev tsis nti vim nws sab thiab tshaib plab
    heev. Cov me nyuam yaus peb sawv daws qw zom zaws hais tias Daj rov
    los lawm. Daj lub taub hau mas o o ob lub qhov muag twb qhib tsis
    tshua taus. Nws lub cev khoob las pw nthi sawv vau sawv vau xwb. Kuv
    txiv ntawm tawm tuaj nws hu kiag hais tias, Daj, no ces tus txiv dev
    twb sawv tsis tau tsa nws lub tau haus los ntsia kuv txiv ntxawm.
    Peb txiv ntxawm quaj kiag ces loo tes mus plhws kiag Daj lub taub
    hau. Nws muab Daj tsa kiag puag kiag tiamsid Daj sawv vau sawv vau
    xwb. Kuv txiv ntxawm khiav loo mus ntse kiag tau ib taig mov coj tuaj
    tso kiag rau Daj, muab Daj tuav tsa kom Daj noj. Xub thawj Daj hnia
    hnia, nws muab nplaig taum taum cov dej haus ua ntej ces mam noj noj
    cov mov ntev loo ces thiaj tag. Daj hnia hnia thiab yaim kuv txiv
    ntxawm txhais tes tuav nws tag ces nws rov pw loo lawm. Txij hnub
    ntawd los Daj kuv zoo los, tiamsid nws tsis tom qaib, tom npua, tom
    tshis ntxiv li lawm. Tej thaum kuv txiv ntxawm pub qauv rau Daj no los
    nws cia qaib thiab lwm tus dev los txeeb nrog nws noj qhauv lawm.
    Tom qab no Daj laus laus thiab muaj kab mob dev vwm los raug peb lub
    zos ces Daj thiaj tuag lawm. Tu siab ntau hais tias kuv txiv ntxawm
    yeej try kawg kom nws cov maum yug tau Daj cov noob tiamsid ua li cas
    los yeej tsis muaj ib tug yoog tau Daj thiab txawj caum nqaij li Daj.

    Kwv, zaj dab neeg mas ntev, tiamsid kuv qhov point rau koj mas yog
    hais tias dev mas thev heev. Yog koj ntau nws xwb mas nws tsis tuag.
    Yog koj txiav kiag nws lub caj dab mas nws thiaj tuag. Tej laus yeej
    ib txws qhia peb hais tias txhob lam ntaus dev yog koj yuav ntaus kom
    nws tuag. Koj txiav kiag caj dab mas dev thiaj li tsis sawv rov los
    pauj ntsim rau koj.


    By: ?
    THAJ TSAM 2008


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 12th March 2013, 11:06 am


    Hmong ghost story: touched by a ghost(Poj ntxoog)



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 12th March 2013, 11:11 am


    Hmong Ghost Story: The Undead
    Tuag sawv khiav



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 12th March 2013, 11:13 am


    Hluas nkauj tham tau hluas nraug tsov.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 12th March 2013, 11:31 am


    Qaib thiab npua coj neeg tuag los mus.

    Tus qaib yog tus qaib rau nco
    Tus npua yog tus npua tsa nees.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 12th March 2013, 11:40 am


    Tham hluas nkauj dab poj ntxoog los txeeb.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 12th March 2013, 1:48 pm

    ......Hwb...hwb... affraid affraid Tug txiv neej...Xub piav mas... yog poj ntxoog...Los coj hluas nkauj...Tug poj niam piav mas...Yog poj ntxoog...Muab lwm yam xws li...Cav tsawb...Tshis tuag...Dev tuag...Cav ntoo hloov...Yog tug tuag ntawd...Tsi lwj li...Yog cav ntoo qhuav...Yog lwj heev...Yog kav tsawb...Tsiaj tuag hloov lawm...Tug txiv neej piav txog...Yeej vib nai...Qaum xoom ib...Yog dab ntxaug...Dab liab hau...Kuv paub li ntawd os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 12th March 2013, 2:11 pm

    ......Hwb...hwb... affraid affraid Tug poj niam piav zaj ib...Yog mob tsov...Tug poj iam piav zaj ob...Tuag sawv khiav...Hnub kwv tawm nrag...Tug poj niam piav zaj peb...Poj ntxoog...Los xuas...Kuv ntseeg tau tias..."Muaj tseeb"...Kuv ib tug hluas nkauj tuag...July 6, 1999...Los xuas...Kuv ntau zaug...Kuv sawv ntxov...Mus ua hauj lwm...Saturday Morning...5:00 AM...Tshuav poj niam ibleeg pw kaj ntug...Twb los xuas poj niam lawm...Yeej txiag cuag pob zeb...Los sis coj tes mus tuav..."Ice"...Los xuas mog nyoos li...Lawv piav tias...hwb...hwb... affraid affraid .

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 12th March 2013, 2:20 pm

    ......Yog quaj li...Npua quaj...Thaum xuas riam no...Npua caj pas...Quaj li...Npua ntsaj...Nyuj nqhov...Nees hee...Dab laug toj siab quaj...Yog phis nyuj vaim..."Quaj"... affraid affraid ...Kav tsij qiv kauv txhais...Yog tsi paub khiav...Xuas lawj faj hlawv...Xuas kua txob qhuav hlawv...Yog muaj xyoob nyoog...Txiav tog raj xyoob nyoog...Tso zig...Hauv tog raj xyoob...Txawb ntawm ntug cub...Zig npau djis dhus...Phis nyuj vaim...Thiaj khiav os... affraid affraid ts ts .

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 12th March 2013, 2:34 pm

    ......Pom xyw tuag...Kuv pom dua lawm...Ua siab tawv qhawv...Nias siab txi...Nrhiav dab tsi?...Ntaus tam sim ntawd kiag...Hnov ntsaj lawg..."Tam sim ntawd"...Tsi dhau kaum hnub...Kaum tsib hnub...Neeg nkaum hnub...Ib hlis nkaug...Muaj tib neeg tuag...Luag kwv tuaj txoj kev ntawd ntag...Thaum txog ntua...Ntu kev ntawd...Niag tuag ntawd...Poob nroog...Tam sim ntawd...Hauv av ntag...Niag tuag ntawd...Duav lov ntho...Cuag tsi muaj txha li os....Yog dev tom tsauj zi...Qhov twg?...Luag coj neeg tuag..."Tshwm tshav - Tawm nrag"...Qhov ntawd ntag...Kuv zaj lug no...Nco ntsoov khaws cia...Ua pov haum...Luag tej laug...Ib txwm piav ntuj nrag lug tias...Tham hluas nkauj...Tham zoo npaum cas?...Nco npaum twg?...Txhob teem caij nyoog...Teem tsi tau...Txhob teem sij hawm...Tom tej kev tshuam...Kev ncaim...Teem tsi nyog...Lo lug...Teem tsi nyog...Teem tau dab tsov poj ntxoog zoo li...Yug tug hluas nkauj...Yug tug hluas nraug...Tsi txawv li os...Teem tau...Tsi mus ntsib...Hluas nkauj tu siab...Hluas nraug...Tu plawv...Yog mus ntsib...Tsi yog tug ntawd...Yog tsov poj ntxoog...Yuav ua cas?...Kawg tuag...Yog nqa phom...Kawg tua...Kuv twb tua...Ib zaug...January 14, 1969....Nyob zog dawm peb ceg...Ntug dej zaj..."Nam Ngeum"

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 12th March 2013, 3:19 pm

    ......Lub nroog looj ceeb ntawd...July 25, 1965...Dab laug vaj yias...Thov tau ob lub dav hlau...Kooj tshuab ntsub...Ya tawm looj ceeb tuaj tog peb...Pem zog phu koob nqeg los nyob nroog looj ceeb...Tsi tau muaj tshav dav hlau loj li...Tseem yog lub me xwb..."Tab sis"...Lub nroog looj ceeb ntawd...Ib txwm yog zog..."Txiag"...Tsi tau luag li os...Tom qab xyoo 1967 - 1968 - 1969...Hmoob pub thawj nplog thaib nyob coob txog 169.000 leej neeg lawm..."Tab sis"...Ntu kev tsheb twg?...Hav paj iab...Npog luas...Tsaus nti...Yog toj ntxas xwb...Kev tham hluas nkauj...Tsi tau luag kiag...Tuav rawv yaj phom ntawm tes...Qaim rawv phom ntev...Ntawm xub ntiag tas li os...Lub nroog looj ceeb...Kuv los loj hlob hauv...Thaum noob nyoog...Nce xyoo kaum ib...Txog neeg nkaum ib xyoo...May 14, 1975...Teb chaws tawg...Hlob vaj pov...Caij dav hlau ya tawm mus sab thaib lawm...Kuv nyob txog...June 9, 1975...Nplog liab ua phem zuj zug...Nyob tsi tau...Txiav txim siab khiav tawm nroog looj ceeb...Txog tav no...Mus tsi txog...Nroog looj ceeb lawm...Khiav tawm teb chaws nplog...February 4, 1979...Tshwm sab thaib...February 20, 1979...Mua tsi txog...Nplog teb ib zaug li os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 12th March 2013, 9:56 pm

    ......Xyoo 1970...Kuv tham ib tug hluas nkauj...Lawv lub tsev...Nyob kiag ntawm qab roob toj ntxas ntas...Hmo hli kaum plaub...Kaum tsib...Kaum rau...Peb hmos ntawd...Qaim hli nrig...Hnov dab toj ntxas...Sib hu zom zawg cuag li...Yuav sib yaum mus dab tsi?..."Tab sis"...Hnov sab ntsej xwb...Cuab pob ntseg zoo mloog...Ho tsi hnov lawm...Kuv zaum ntawm kaum tsev...Qaim rawv phom...Cabine...Automative...Txo hab tib si...Ob lub xav xaws ntev...Iblub ntim...Peb caug lub mos txwv...Xuas ntaub nplaum pav ua ke...Tuav rawv yaj phom ntawm tes...Tshuav nyem xwb...Lawv ob lub tsev nyob ua ke...Pem lawv qaum tsev...Muaj ob tsob paj iab...Los paj dag...Hlav nphau nphwv ntxooj nyog...Kauv lo lawv ob lub kwj tse...Muaj ib txoj kev mus kis nruab nrab tawm saum..."Vav hauj sam"...Kuv lub teeb khoo...Ntim peb lub roj teeb...Taub hau loj...Cig dawb paug...Hnov cov suab tham...Sib hu zom zawg...Nce saum vav hauj sam lawm...Tsom teeb ci dawb paug...Tsi pom dab tsi li os...Suav txij hmo ntawd...Kuv tsi tau luag li...kuv tso tseg...Tsi mus tham...ob tug hluas nkauj ntawd lawm...Muaj ib tug hluas hmoob lauj lub npe hu..."Txos"...Tuaj mus tham ob tug hluas nkauj ntawd...Muaj ib hmo...Tsaus hli nyos...Txos zaum tig sab nram lawm...Poj ntxoog...Los zaum tig ntiag...sab pem lawm...Txos tsi pom...Poj ntxoog ntsej muag...Txos qhuas tias...Yog hluas nraug thiab no...Txos cav tig mus xuas tes..."Khob...Nraub qaum nas...Poj ntxoog...Tig loo los saib txos...Cas ntsej muag txawv...Ntsej muag tuaj plaub tsog...Ntxhov phoov...Qhov muag ntsug lug...Txos lauj sawv tseeg...Tam sim ntawd...Quaj qw tuag luab dhia nkag hluas nkauj tsev...Txos lauj mob ib tawg...Yuav luas tuag...Ua neeb kho zoo...Txos tab tom...Yov yuav tug hluas nkauj ntawd...Ua poj niam...Txos tij laug tuag...Tom tshav rog...Thauj los pam nroog looj ceeb tas...Muab niam tij...Yuam txos yuav lawm...Txos plam tug hluas nkauj ntawd...Tsi tau yuav...Hmoob ham ho mus nqeg tsev zawj...Tug hluas nkauj ntawd yuav lawm...Tug hmoob ham ntawd...Yog kuv cov phooj ywg!...Ua hauj lwm ua ke...Tuaj tuag teb chaws mes kas...Michigan...Xyoo 1998...Kuvnyuas qubhluas nkauj ntawd...Tseem nco...Kuv kawg li..."Tab sis"...Kuv muaj poj niam...Kuv tsi yuav...Ua niam yau...Txos lauj ho tuaj teb chaws nplog tuaj txog xyoo 2006...Rau xeev...Minnesota...Txos rov yuav...Tug qub hluas nkauj ntawd...Ua poj niam...Peb sis ntsib tsev noj haus...Nkawd txaj muag...Rau kuv kawg li...Vim tsi muaj phooj ywg!...Paub txos lauj...Rub zaum rooj...Nplog hais tias..."Xiam thi - Xiam piaj"...Rov sib nrauj lawm...Txos khiav rov nplog teb lawm.

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 13th March 2013, 1:40 am



    Tij laug Xyooj Tsab,

    Tej hluas nkauj hlua nraug tsis sib tau, sib nco ib sim, rov sib tau lam ua siab sib hlub txog hnub laus mas, cas ho sib yuav tsis tom thawj thiab ua li puas tsim nyog txoj kev nco ua lub siab lwj daws ib tog neej?

    Yog tim li cas dab ho txawj los tham hluas nkauj thiab, puas yog tej qub yw xwb los yog dab tiag?
    Uab! Hmoob tej kev ca mas plhom sij heev yuad! Nkauj nraug sib tham nraum qhov tsev xwb, hais los lus xwb tsam ces twb tsis yog neeg los yus tsis paub li, tsam tus hauv tsis yog yus tus los yus tsis paub, tus nraud tsis yog yus tus los yus tsis pom li. Hahahah...Tseem tshuav cov uas tsuav chwv phab ntsa xwb ces txawm siv tshwb poib tw liab ploog tsa ceg cos rau ntawm qhov nruab rau luag deev, twb tsis paub tias yog neej los dab, tus zoo li cas los cia li ia lu ntawd rau luag xuas teeb tsom xiab. Thaum kuv hnov cov txiv neej tham txog tej kev lom zem no ua rau kuv xav tau ntau xyoo xav tssi tag, xav tsis thoob li... nts



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 13th March 2013, 5:26 am

    ......Ha...ha... lg lg Me muam kooj ziag kab zaug...Thov zam txim ntau nawb...Kuv yuav piav...ib zaj dab neeg...Rau koj nyeem...Txhob xav li cas mog...Ntiaj teb no...Tsi muaj ib yam loj tshaj...Kev nkauj nraug zoo...Hlub nco tshua li os...Kev nkauj nraug...Hlub nco tshua...Loj tshaj plawg...Puas tsav yam...Ntiaj teb no...Twb loj npaum ntawd...Nco tshaj plawg...Sib yuav tau...Tseem tsi txawj sis hlub...Tsi tsheej neeg qeeg...Qhov tseeb tias...Tim tug txiv...Tsi txawj hlub tug poj niam...Yog tug txiv...Txawj hlub poj niam li...Thaum ua nkauj nraug...Muaj tsov dab tuag poj ntxoog...Thaiv kev...Los xum muab siav pauv tsoo pluav peem...Mus ntsib kom tau...Yog thaum twg?...Koj tug txiv Pheej chim...Koj muab cov lug...Thaum ua nkauj nraug nug...Koj tug txiv...Seb koj tug txiv teb li cas?...Rau koj mloog...Kuv li mas...Yog thaum twg?...Poj niam Pheej chim nyuj nyov...Kuv muab lub neej nkauj nraug nug...Poj niam tas...Poj niam siab nqeg...Poj niam hais lug zoo...Luag ntxhi...Tsi chim lawm...Thim xav lawm os...Lub sij hawm...Ua nkauj nraug ntawd...Nco npaum cas?...Tshua npaum twg?...Ntsib ib pliag hais...Ob peb los lug zoo...Sib khawm puag loo xub ntiag...Tawb nwj hnia ntshis...Muab xub ntiag...Sib chwv...Sib npuab tas...Siab nqeg lawm...Txawm siav tu nrho...Tuag kiag...Los zoo siab hlo tuag tam kiag...Tsuav ntsib xwb...Piv txwv li...Tej kab npauj txhua tsav yam...Yuav nkag nyuaj npaum li cas?...Ob lub qho quav...Yeej daig nrheev...Tsi plam...Sib cab...Sib hai...Sib luag tas li...Xyov ntev npaum cas?...Mam hle...Mam rho...Lub neej ntawd...Koj sim ua...Tib zoo xav...Seb loj npaum cas?...Lub hnub qauj nrug...Tim npoo ntuj...Duab ntxoo los luag...Ntab hav...Tsaus nyem nyog...Tsi pom hluas nraug tuaj tshwm...Hluas nkauj nplooj siab nyob tsi tswm...Xav ntsib hluas nraug tas li...Yog tsi pom...Tsi ntsib mas...Siab tsi nqeg...Plawv tsi kaj...Zaum tsi tsheej...Keev lam leg pluag hmo...Ib sij tawm nraum zoov xam...Seb puas pom hluas nraug tshwm qhov twg?...Hais lug luag ntxhi...Koj tig xav txog...Koj lub neej hluas nkauj thaum ub...Nyob yeej vib nai...Tuaj teb chaws fab kis...Kuv ntsia...Koj daim duab xwb...Kuv twb paub tias...Koj nco...Tshua txog...Koj tug txiv npaum cas?...Hwb...hwb... Sad Sad Crying or Very sad Crying or Very sad Seb zoo li cas?...Kuv los xav li ntawd?...Poj niam los xav li ntawd...Muab kev chawj chim...Tso pov tseg...Ob leeg rov los hais lug zoo...Sib khawm...Sib puag...Sib tawb nwj hnia ua si...Ib pliag...Tsi nco qab lawm...Yog txawj xav mas...Lub neej niam txiv txwj nkawm..."Tseem ceeb tshaj plawg - Ntawm ob leeg - Txoj hmoo zoo - Tshwm sim yug - Los ua ib zaug neeg - Ib tiam neej"...Txhob xav thaum chim nawb...Me muam kooj ziag kab zaug...Lub neej nkauj nraug zoo li...Ib zaj npau suav xwb...Tug hluas nraug...Yog neeg yaj ceeb...Tug hluas nkauj...Yog neeg yeeb ceeb...Vim li cas?...Kuv hais li...Ntsib tug hluas nkauj...Yav hmo ntuj...Yav ntuj thaum...Kuv tseem tub hluas nraug...Tham hluas nkauj...Toj siab yaj sab...Muaj ntau tug hluas nkauj uas...Loj hlob teeb nkauj kiag...Tsi muaj hluas nraug tham...Vim hluas nraug nyob kev deb...Tsi muaj sij hawm tham hlub hluas nkauj hmo ntuj...Hluas nkauj de zaub npuas...Tev cov kav tsawb mog...Muab yav kav tsawb mog ntawd...Hlais zoo li..."Tug noov"...Tso ib sab npoo txaj zais tim phab ntsa...Yog muaj lwg liab...Lwg ntsuab kub tshis...Los siv tas nrho...Yog muaj yas li...Teb chaws vam meej...Ntshe yuav los siv lawm..."Tab sis"...Tsi muaj lwg liab...Lwg ntsuab ntev...Thiaj siv kav tsawb mog...Kuv xuas tau..."Tab sis"...Kuv tsi zoo nug tias...Siv ua dab tsi?...Kuv yeej paub zoo txog...Kev nyiam ntshaw...Ntawm tug hluas nkauj ntawd...Yav hmo ntuj...Hluas nraug lub xub ntiag sov...Khawm tawb nwj hnia...Puag loo xub ntiag...ha...ha...Tham xu siab zog...Thov zam txim nawb.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 13th March 2013, 5:33 am

    ......Ha...ha... lg lg Me muam kooj ziag kab zaug...Txawm muaj toj ntxas...Pawg lug ntshais ntshov npaum li...daim duab koj tso hauv no...los hluas nkauj nyob sab zog...Tom nrau txiav txim siab...Tsoo pluav peem mus li os...Npaum li ntawd laiv?...Niam txiv hais tias...Tsi mus... ts ts...Ntshais dab tsov poj ntxoog hem... affraid affraid ...Los tsi quav ntsej txog...Yuav tsum mus kom tau xwb...Yog tsi mus mas...Yeej tsi tas hmo ntawd li os... I love you I love you ts ts Sleep Sleep .

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 27th April 2014, 9:49 am



    Dab Neeg Hmoob 04/01/2014




    Mloog ntxiv rau hauv Youtube:

    https://www.youtube.com/watch?v=ehfK3_fGCx8



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 27th April 2014, 6:59 pm

    ......Nyob zoo os?....Me muam kooj ziag kab zaug aws?....Tug phooj ywg!....Txawj zoo vwj no....Nws lub npe hluas thaum ub....Hu ua txiab neeb vwj?....Kuv paub nws zoo....Puag xyoo 1972....Kuv nqeg pem nroog looj ceeb txog tuam nroog....{Vientiane}....Txiab neeb vwj....Coj kuv ncig ua si....Tham hluas nkauj ua ke....Tom qab no....February 20, 1979....Kuv poj niam wb tuaj txog....Yeej noom qhais....Wb raug xaiv mus kawm....Kev txhim kho neej tshiab tiav....Rov los txog....Txiab neeb vwj....Los saib tom....{Block: 1}....Kuv raug saib....{Block: 5 - 6}....July 23, 1979....Txiab neeb lawv nce tsheb ua ntej....Nce yeej vib nai....Kuv nce tsheb....July 27, 1979....Nyob ua ke yeej vib nai....Txiab neeb ua hauj lwm....Medical Center: 1....Kuv ua hauj lwm....{President Security Camp Refugee Ban Vinai And Vice President United Hmong Lao Assembly}....Txog ntua....November 22, 1991....Kuv sawv kev yeej vib nai nkag yeej....{Phananichol - Cholburi - Until September 132, 1992....Tuaj txog...."U.S.A"....Txog ntua niaj hnub ....Tam sim no....Wb nyob nroog....{Saint Paul - Minnesota}

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 29th April 2014, 1:07 pm



    Nyob zoo tij laug Tsab Xyooj,

    Zoo siab uas yawg Txawj zoo vwj no yog ib ib tug phooj ywg. Yawg Txawj zoo vwj, yog ib tug txawj tham thiab hais tej keeb kwm thiab kwv huam nov rau peb sawv daws mloog thiab tau khaws cia. Ntshe yawg tham ntau heev rau hauv xov tooj cua, tab sis kuv tsis tau hnov dua; vim kuv tsis khoom mloog lawv cov xov tooj cua. Nws ntsib yawg Txawj zoo vwj no ces hais ua tsaug rau nws mog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 29th April 2014, 3:17 pm


    Dab Neeg Hmoob 04/10/2014



    Wow..! Ua cas tseem muaj ib cov hmoob nyob India teb uas peb tsis paub txog.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 29th April 2014, 6:00 pm

    ......Aub Me muam kooj ziag kab zaug as?....Ob lub nroog ntxhaib xws li...."Saint paul And Minneapolis" ....Peb nyob no....Kuj loj dav li....Tam sim no....Kuv txav los nyob ntug nroog...."Saint Paul"....Yog muaj sij hawm no....Kuv mam nrhiav xov tooj hu nrog....Txawj zoo vwj - Txiab neeb vwj....Tham kiag....Kuv mam mus ntsib yawg kiag....Kuv paub yawg zoo os?....Tam sim no....Yawg noob nyoog....Ze rau caum tsib xyoos....Nce xya caum xyoo lauv?....Vim txiab neeb hlob kuv nev....Me muam kooj ziag kab zaug aws?....Yav ntuj thaum ub....Peb nyob nroog loojceeb ntawd....Lawv tsev neeg....Xub paub lug nes kas....Vim txiab neeb....Tug muam niam...."Moua Chong"....Yuav txiv mes kas....Tom qab hmoob tua muas txoov tuag lawm....Niam muas txoov zoo nkauj kawg li os?....Qhov kuv pom paub txiab neeb vwj zoo ntawd....Yog li ntawd os?....Me muam kooj ziag kab zaug aws?....Tam sim no....Muaj tug kwv tij hmoob nyab laj....Khiav tawm teb chaws nyab laj...."North Veit Nam"....Mus nkaum rog....Teb chaws...."Pakistan"....Poob phem raug txim....Pakistan....Koj mus ncig saib....Vam yaj lis....Xov tooj cua - Cab sab...."Internet"....Muaj hmoob nyob teb chaws...."India"....Koj ntsia saum daim ntiaj teb koj paub mas....Me muam kooj ziag kab zaug aws?....Koj ntaus....www hmong world Radio. Com....Koj nias tawm mloog....Vam yaj lis xov xwm ntiaj teb tau os?

    koojziagkabzaug
    Moderator
    Moderator

    Messages : 3525
    Date d'inscription : 2010-02-28

    Re: Kwv Huam Hmoob

    Post  koojziagkabzaug on 30th April 2014, 12:17 pm


    Nyob zoo tij laug Xyooj Tsab,

    Tij laug, yog nws tau hu xov tooj nrog tij laug Txawj Zoo Vwj tham no nws sim nug seb:

    - Tswv Tswv Xyas mus ua rog no yog yog ua rog nrog neej los ua rog nrog dab?
    - Ua li yog dab no yog tsav tsim dab dab tsi?
    - Thaum kuv tseem nyob Xeev Luam Nab Thas mas kuv hnov kuv txiv lawv hais tias Tswv Xyas lawv hla dej Nab Khoom ntu ntawm Meb Xaim ntawd no; tab sis thaum kuv mus txog teb chaws Looj Ceeb Nas Xus ntawd, kuv ho hnov lawv hais tias Tswv Xyas lawv mus hla Dej Liab Dej Ntsuab es yog Ncuav Dub nquam lawv hla dej no. Qhov uas them nyiaj mas puav leej hais tib yam, tab sis ib txhia hais tias dej Nab Khoom, ib txhia hais tias yog Dej Liab Dej Ntsuab no. Nws lam nug seb tij laug Txawj Zoo Vwj ho hais li cas.

    Thiab hais ua tsaug ntau rau nws cocv kwv huam, yog ib cov zoo kawg li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kwv Huam Hmoob

    Post  xiongchang on 30th April 2014, 3:32 pm

    ......Aub me muam kooj ziag kab zaug as?....Kuv teb yooj yim....Rau koj ua muam paub ua ntej tso....Ntawm txawj zoo vwj....Ntshe yuav ntev dhau nawb....Kuv txiv paj zeb....Piav li no tias....Lub sij hawm ntawd....Tswv xyas lawv....Yuav mus ua rog....Ntuj sua teb tom peg....Txhais tau tias....Hla dej...."River Me kong"....Yawgtij laug...."Num xuv tsab"....Kuj raug mus zaum ntawd thiab....Yawg tij laug...."Num xuv tsab"....Kuj los hais quaj....Hais quaj rau niam tij...."Num xuv tsab tias?....Teem ua peb xyoos....Yog lawv mus tsi ploj tuag....Lawv pab niam tub txom nyem dab tsi?....Ua siab ntev tog.

    ......Zaum ntawd tij laug...."Num xuv tsab....Tom tau ib tug twm....Kwv tso tom tog tsev....Lawv noj ntas....Kwv tau tsib thooj ntaub....Pub niam tij lawv....Xaws ris tshos....Lawv cov tub ntxhais hnav ua zam....Peb caug ntas....Kuv txiv lawv yeej pom ntsoov....Ntawm qhov muag kiag...."Tab sis"....Cov neej tsa hmoob yaj....Kwv tij hmoob tsab....Tuag coob tug dhau lawm....Poj niam tub ntxhais quaj nyiav dhau....Cov neeg cem foom quaj qawg....Pe thov ntuj tua....Tswv xyas tuag....Zaum ntawd....Lawv mus hla dej...."River Me kong"....Ncuav dawb nkuam....Tsib nkoj ntag....Dhau plawg nkoj ib sab tim ntug lawm.

    ......Tshuav plaub nkoj txog ntua nrab dej....Cov nyiaj tswv xyas....Lawv them nqis nkoj ntawd....Tsi yog nyiaj dawb....Yog plaub qaib....Tam sim ntawd....Ncuav dawb qw zom zawg tias....Yog tsov lawm....Cov nyob saum nkoj nrab ntawd....Ncua xuas duav phuaj ntaus tuam poob deg tas....Ncuav xuas phom txais tua tuag tas....Ntab nrog dej nqeg hav lawm....Ib nkoj twg?....Kuam ob leeg....Kaum ob tug tsov....Thiab ib tug poj txoog coj kev ntag....Txhua tug poj ntxoog....Ntis ntsej muag....Cua hlob dhau....Nplooj suab cem ntxeev....Ntis tsi tau....Ncuav dawb pom....Ncuav dawb xuas duav phuaj nplawm ntaus poj ntxoog....Ntaus tsov tuag poob deg tas zaum ntawd lawm.

    ...Kuv txiv paj zeb....Piav li ntawd....Kuv mloog ntas....Suav txij xyoo ntawd....Thaj tam xyoo 1960 - 1961 - 1962 - 1963....Plaub lub xyoo ntawd....Peb niam tij...."Num xuv tsab"....Quaj nyiav vuj vwg....Txhua txhia txoj kev txogf....Peb tij laug ntawd....Lawv tsev neeg txom nyem heev lawm os?....Kuv noob nyoog....Nce rau xyoo xya yim cuaj....Kuv nug txiv tias....Cas peb niam tij quaj ua luaj li os?....Kuv txiv paj zeb....Kuv niam maiv....Niam yau nruas....Hais lug ntxhi....Qhia tias tij laug...."Num xuv tsab"....Tswv xyas tog....Mus ua rog tuag lawm no....Suab ntsiag zog....Txij xyoo ntawd....Txog tav ntuj no....Tsi ntab ntw....Tog ntuj twg lawm os?

    ......Kuv yuav piav txog....Peb tij laug...."Num xuv tsab.... Pab tub muaj npe xws li:....Tug ib txiaj Huas....Tug ob Soob yig....Tug peb Tsav txhim....Tug plaub Txooj kaus....Tug tsib Nyiaj xyooj....Tug rau Yaj tsab....Xyoo 1975....Peb luaj teb ua ke....Kuv nug kiag....Niam tuj num xuv tsab....Nws hais seev yeeg tias....Tswv xyas coj ua rog....Puag pem suav teb....Hla dej...."River Me kong"....Ncuav dawb paub tias....Lawv yog tsov....Ncuav dawb tuam poob deg tas....Ncua dawb xuas duav phuaj ntaus....Xuas phom txhais tuag lawm awb....Me kwv ntxawg....Suav txij xyoo 1963....Kuv txom nyem txog ntua....Niaj hnub no li os?

    ......Niam tij piav tias....Lub sij hawm ntawd....Koj tij laug tuag...."Tab sis"....Tsi tuag nawb....Peb pab niam tub....Tsi txom nyem nqaij noj....Tsi txom nyem ntaub xov hnav li os?....Peb ua neej tam muaj txiv li tias?....Me kwv ntxawg....Peb niam tij ntawd....Nyuam qhuav tuag xyoo 1978....Khiav rog nplog liab xwb os?....Me muam kooj ziag kab zaug aws?....Kaj hais tias....Muaj noob nyoog....Rau caum tsib....Rau caum rau xyoo xwb lauv?....Qhov tswv xyas tog....Tij laug num xuv ntawd....Tij laug muaj zog heev....Kwv tau rau meem ntsev nram....Moos nyab txog tsev....Ib tas kig kev xwb....Lwm tug mas....Mus ib hnub ke tsaus ntuj ntais os?....Thiaj yawg txawj tshuab qeej heev li os?

    Sponsored content

    Re: Kwv Huam Hmoob

    Post  Sponsored content Today at 4:20 am


      Current date/time is 24th August 2016, 4:20 am