google-site-verification: googlefbfddf59e706b96b.html

Tsev seev PajHuam

Hmong beauty nature

Compteur visitor

hnub 18/09/2010 los mus

    Hais Paj Lug

    Share

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 25th May 2010, 8:49 am



    Kzkz
    Posted 09 March 2009 - 09:54 AM


    Hnub nov yog ib hnub zoo rau kuv lub siab, vim muaj nej coob tus tuaj txhawb dej siab.
    Hnub no yog ib hnub zoo rau lub tsev paj Lug, vim muaj nej coob tus tuaj nthuav txuj.

    Kuv ua nej rtxhua tus tsaug,

    nej tej lus nyiaj lus kub yuav pla mus txog peb Hmoob thoob ntuj.

    Kuvtxaum yim rau nej,

    nej tej txuj kuab lus tshuaj yuav riv mus txog peb Hmoob qhov txhua chaw.

    Kuv thov nej txhua tus tuaj koom tes,

    ib leeg tsis muaj nqes, coob leej sib koom tes, peb txhim tau Vaj loog Huab Tais tsev.

    Kuv thov nej txhua tus tuaj txhawb lub zog,

    ib leeg tsis khov, coob leej sib koom zog, peb ua tau Vaj loog Huab Tais tsev nyob.




    Paj lug Suav hais tias:

    Yog qhov koj yuav hais tsis zoo ces ua tij ywm txhob hais nyob ntsiag to.



    Last edited by koojziagkabzaug on 13th April 2011, 3:31 pm; edited 2 times in total

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 25th May 2010, 8:59 am



    Txawj Vaag Yaaj
    Posted 02 November 2008 - 07:44 PM



    "Lam ua txuj cheem
    Tiam sis qhov tseeb twb yog txheem"

    "Hais lus mos mos
    Tiam sis tuaj tuaj pos"

    "Neeg zoo maj mam hais qhia
    tus nkhaus npuj tswg rau ntsia"

    "Tus ncaj hais lus nruab nrab
    neeg phem fiv yeem nyuj dab"

    "Thaum zoo mas yog kwv tij
    npau taws ces xav thij"

    "Neeg tsis muaj txuj sib hlub ntawm daim tawv
    Cov nplua nuj xuas nyiaj t.x.i.a.g. hlawv"

    "Kuv lam sau kom lom zem xwb thov sawv daws zam lub txim nawb"



    Tus neeg hlub yeej cem tshaj

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 25th May 2010, 9:13 am



    Tub Tsab
    Posted 09 March 2009 - 06:02 AM


    tub hnav taus txiv ris es tub yuav ua tau tub ib yig
    ntxhais hnav tau niam tiab es ntxhais yuav ua ntxhais ib siab

    qoob lig ces yog qoob npluag
    tub lig ces yog tub ntsuag

    muaj zog tsis cuag muaj hmoo
    nkauj ro.g tsis cuag pog khoo

    zoo nraug thiaj tau nkauj sua
    siab ntev thiaj tau nom ua

    muaj npe tsis muaj cev luag tias yog dab
    muab tsis hais tus tswv luag tias yog tubsab/ntxhaissab




    TSIS MUAJ NEEG YUAV TXIAV TAU TXOJ KEV HLUB

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 25th May 2010, 10:22 am


    Hais Paj Lug
    Sau Tim 29 lub 10hli 2008
    tu sau

    Txawj Vaag Yaaj

    tus sau

    Koojziagkabzaug





    koojziagkabzaug, on Oct 29 2008, 02:30 PM, said:

    Txawj Vaag Yaaj,

    Ua li os!

    sau kom tsawg tab sis ua kom ntxaws ntxaws ua kom thawd thawv...
    sau me me tab sis khes khes ua kom pob kub lem...kiag yom!

    Tubsojntsuam...a! koj puas paub cov Paj lug txheem plaub nab?

    Kuv nyiam cov ntawd heev...vim yog lus muaj peev feem


    Txawj Vaaj yaaj,
    Posted 02 November 2008 - 07:44 PM


    Nyob zoo KOOJZIAGKABZAUG,

    Wow! Ntev heev kuv tsis tau tuaj lawm. Zoo siab uas koj thiab KHEJ DAJ neb tuaj sau ntau ntau rau peb sawv daws twm nawb.
    Cov paj lug txheem plaub lov?? Hmmm!! Kuv xav hais tias cia peb tham lwm yam es tsis txhob muab cov lus
    kub lus ntaiv coj tuaj hais hauv no yom okay. Vim tias yus zoo hais tiam sis lwm tus tsis xav mloog thiab ntsia.


    "Lam ua txuj cheem
    Tiam sis qhov tseeb twb yog txheem"

    "Hais lus mos mos
    Tiam sis tuaj tuaj pos"

    "Neeg zoo maj mam hais qhia
    tus nkhaus npuj tswg rau ntsia"

    "Tus ncaj hais lus nruab nrab
    neeg phem fiv yeem nyuj dab"

    "Thaum zoo mas yog kwv tij
    npau taws ces xav thij"

    "Neeg tsis muaj txuj sib hlub ntawm daim tawv
    Cov nplua nuj xuas nyiaj t.x.i.a.g. hlawv"

    "Kuv lam sau kom lom zem xwb thov sawv daws zam lub txim nawb"


    Txawj Vaag Yaaj,
    Posted 03 November 2008 - 09:40 AM


    Nyob zoo KOOJZIAGKABZAUG,

    Kuv yuav rov qab tuaj nrog koj thiab KHEJ DAJ neb tham pem ua si nawb...hehehe!

    "Neeg ntse siv tswv yim sib pab
    Cov nkhaus moj them nqa kab"

    "Yog tus hlub yus thiaj khoo
    Tsis mob siab yeej tsis nroo"

    "Thaum kuv ua ntej thov koj lawm qab
    Tsis muaj mov nplej kuv thiaj kam txhab"

    "Kev sib hlub muaj nuj nqis
    Teeb meem dub tsaus ntuj ntis"

    "Lam tham kom lom zem xwb nawb. Tsis txhob ntaus nqi li cas rau leej twg"


    Kzkz
    Posted 03 November 2008 - 10:44 AM

    Nyob zoo Txawj Vaag,

    Zoo siab nws tuaj nrog kuv zov tsev os...Nws tuaj txog, Khejdaj twb rov...Khejdaj tsis kam pub nws txuj rau wb paub lawm os...Koj tsis tuaj kuv twb tu siab, kuv quaj quaj lawm... Sad


    * Neeg ntse siv tswv yim sib pab, neeg nquag sawv tsis saib qab.

    *"Yog tus hlub yus thiaj khoo
    Tsis mob siab yeej tsis nroo"
    - Yog hlub thiaj khoo los hais mos nyoos rau lub siab zoo



    Maypaj,
    Posted 05 November 2008 - 08:34 AM


    "Muaj nyiaj muaj kub,
    zoo tsis npaum muaj tus los hlub"

    "Tau pov haum los yog yus tsis txim txiaj ces yeej tsis muaj hmoo,
    tau ua niam poj huab tais los yog yus tsis ncaj ncees ces yeej tsis muaj zoo"

    "Txiv neej ruam tuag rau nkauj kub kaws,
    poj niam ruam tuag rau nraug kub ko"

    "Zoov ntsuab vim yog zoo roob hav,
    qoob loo ntsuab vim yog muaj zoo av.




    Dalai lama hais tias:

    Txhua hnub dhau mus rau siab nrhiav tus yam ntxwv zoo thiab muaj nqes


    Txawj Vaag
    Posted 21 November 2008 - 04:41 PM

    Hello KoojZiagKabZaug,

    "Niam txiv ntxub tag lawv rov hlub
    Phooj ywg hlub tiam sis ib hnub lawv yuav ntxub"

    "Niam txiv lam cem ntiab
    tiam sis lawv mob mob siab"

    "Phooj ywg tsis ntiab
    tiam sis lawv tsis los kua muag iab"

    "Yus txiv yog lub ntuj
    nws thiaj cob yus kawm txuj"

    Yus niam yog lub teb
    nws thiaj qhia yus zom zeb"

    "Niam txiv hlub nruab siab...kwv tij hlub nraum daim tawv
    niam txiv qhov muag dub nciab...kwv tij sawv ncaws tog phawv"

    "Niam txiv hlub yus tshaj...tej qhua lam ua txuj
    niam txiv mob siab npaj...tej qhua vam ntsoov tsuj"





    Paj lug Suav hais tias:

    Ib tsob nroj twg nws muaj nws lub lwg.


    Tx. V
    Posted 23 November 2008 - 06:19 PM

    Nyob zoo KoojZiagKabZaug,

    Ua tsaug rau koj cov paj lug. Kuv kuj kawm tau koj cov lus zoo coj mus siv pab kuv thiab.
    Thov koj tuaj sau kom ntau ntxiv nawb.

    "Poj niam zoo nkauj
    leej twg los xav xauj"

    "Poj niam coj lus tus
    txiv neej sib txeeb nqus"

    "Hluas nkauj siab ntev
    nws thiab yog tseem niam tsev"

    "Hluas nraug siab dav
    nws yuav tau ua nom kav"

    "Txoj kev sib hlub
    yuav tawg ua ntsuag nyiaj ntsuag kub"

    "Txoj kev sib tshua
    yeej tsis muaj hnub tu ncua"


    Kzkz
    Posted 24 November 2008 - 02:45 PM

    Wow...Tx.V...! Zoo kawg li...

    Ib tug niam tsev zoo yeej khaws koj cov lus mus rau ncoo
    Ib tug niam tsev tab cuab yeej khaw kiag koj tej lus qhuab.





    Paj lug Zim Pees:

    Zoo nkauj rau txhua txoj ke tsis yog ib qho zoo nkauj
    Yog txhua tus li phooj ywg tsis yog ib tug phooj ywg


    Tx.V
    Posted 25 November 2008 - 08:16 AM

    KoojZiagKabZaug,

    Hey! Koj cov paj lug tsis pov tseg ib los li ntag nawb. Ua tsaug uas koj pub rau peb sawv daws pom.

    "Tus poj niam nquag
    yeej nco ntsoov hau zaub tsuag"

    "Tus nyab zoo
    tuav rawv lub choo"

    "Neeg muaj zaj
    siab ntsws zoo puav tam lub paj"

    "Lauj kaub me tiam sis siab ntsws loj
    txawm tej niag tse los yeej txaus noj"



    Kzkz
    Posted 26 November 2008 - 10:29 AM

    Heheheh...TX.V...txawj hais ua luaj li...!
    Tus poj niam nquag nco ntsoov hau zaub tsuag es me txiv nraug suav puas haus ib dia kua...?
    Lauj kaub me, siab ntsws loj, leej txiv txawj nthe leej niam txawj coj ces nyob taus poo npoj...


    TX.V
    Posted 26 November 2008 - 05:21 PM

    KoojZiagKabZaug,

    "Yog kawg lawm nawb" I agree!!
    Koj lub tswv yim tsis dog dig nawb...hehe!!

    "Kev hlub kaw cia nruab siab...tus nplaig cia siv hais lus
    tev lub kua muag iab...ces ob leeg yuav ploj mus"

    "Yog koj txawj fwm...kuv ho txawj twm
    thaum ob leeg kwm...ces kev vam meej tshwm"

    "Toj roob hauv pes zoo ua noj
    tib neeg zoo ntawm kev sib coj"

    "Yog sawv daws txawj sib hlub
    Tseev ntuj los nag theev tsis ntub"


    Kzkz
    Posted 29 November 2008 - 08:40 AM

    Nyob zoo Tx.V,

    Kuv lub tswv yim tsis yog dog dig los twb yog muaj koj txhawb kuv zog tas li...
    Kuv lub tswv yim ntse los twb yog muaj koj pab nthe...Ces zoo siab tas nrho rau koj lub zog nawb mog...


    Tx.V
    Posted 02 December 2008 - 12:23 PM

    Nyob zoo KoojZiagKabZaug,

    Hehehe...Koj cov paj lug Hmoob zoo kawg lawm nawb. Yij meem tuaj sau ntxiv. Kuv mam tuaj sau thiab nawb.

    "Neeg siab dawb
    Leej twg los xav txhawb"

    "Yog yus coj zoo
    teb chaws yuav cav lub koob lub moo"

    "Cov neeg uas lawv muaj muaj
    thaum ua dab tsi yeej tuav ruaj tuaj"

    "Leej twg nyob vaj tse loj
    tus ntawd muaj ntau hub nyiaj choj"



    Tx.V,
    Posted 05 December 2008 - 12:53 AM

    Nyob zoo KZKZ,

    Ua tsaug rau koj cov paj lug nawb. Nws zoo heev os. Thov txim kuv tsis tau
    tuaj teb koj. Kav tsij tuaj sau ntxiv os okay.

    "Neeg yim nplua nuj
    Yim huab coj nruj"

    "Taws tsau mam mus tsev
    tsis txhob maub mus kev"

    "Cuab ntxov mus luaj teb
    txhob ua taus raug zeb"

    "Sib zog nthua yus tej nplej
    tsam lwm tus ua yus ntej"


    Kzkz
    Posted 07 December 2008 - 07:07 AM

    Nyob zoo Tx.V,

    Yog mas Tubsojntsuam aw...Yim nplua nuj yim coj nruj...Yim txom nyem yim sem li tiag...
    Tos luag muaj los luag yeej nruaj, tos luag tau los luag yeej muab siab rau.
    Tos luag yeej los luag yeej tsheej, tos luag paub los luag yeej muab siab rau....


    Tx.V,
    Posted 09 December 2008 - 09:25 AM

    Nyob zoo KoojZiagKabZaug,

    Wow! Koj cov paj lug haib kawg nawb! Ua tsaug uas os.


    "Thaum tseem muaj sia ntxub yam tsis xav ntsia
    Hnub twg ploj dua toj mam ho ncia ncia"

    "Sib hlub thaum tseem muaj muaj zog
    Lwm hnub laus thiaj tsim nyog"

    "Lo lus zoo deev neeg lub siab
    Tog qws kua muag yog tshuaj iab"

    "Tus hlub hnia ib pas zoo yus siab ib chim
    Yog cem ib los kua muag iab ntws ib sim"


    Kzkz
    Posted 13 December 2008 - 10:08 AM

    Nyob zoo Tx.V,

    Wow...Cas txawj hais tau zoo ua luaj...

    Thaum tseem muaj zog niaj hnub sib tsom, thaum zog ntaug mam paub ces lig dhau
    Lo lus zoo ua lub ntuj tshav, lu los nchav ua xob tua ntoo




    Lub paj txawj ntsws, lub ntuj txawj vau, tab sis txoj kev phooj ywg yuav qhau tsis qaug


    Tx.V,
    Posted 16 December 2008 - 12:55 PM

    Nyob zoo KoojZiagKabZaug,

    Ua tsaug rau koj cov paj lug os. "I enjoyed reading them"

    Tua neev ncaj
    Mam tso dag khav theeb
    Mos qus cuab zaj
    Yog taus txuas npeeb

    Ncauj lus tsawg
    Muaj zoo laj lim plab plaw
    Txiv neej yawg
    Xyaum qhov ntiaj teb ntshaw

    Nyuj kub zoo
    Swb tus txawj nrau
    Me qoob loo
    Khwv tiag thiaj tau

    Kev txuj ci
    Tsis yog dab thawj
    Mos tuag nthi
    Ib hnub yeej txawj

    Hahaha...tso dag kom lom zem xwb.


    Kzkz
    Posted 18 December 2008 - 11:23 AM

    Nyob zoo Tubsojntsuam thiab lee pao xiong,


    Ntsib tus nruam ces tau mov noj
    Ntsib tus ntse ces lis plaub tug ploj

    Txiv neej yawg hais lus nom hniav nkawv
    Lub neej zoo nyob nws qab xib taws


    Tx.V,
    Posted 19 December 2008 - 04:19 PM

    Hello KoojZiagKabZaug,

    Wow! Nice paj lug...hehe! I like it. Thank you!

    Niam txawj qhuab
    Txiv hos txawj hais
    Ua ib cuab
    Tsis muaj hnub ntais

    Koj mloog lus
    Kuv ua siab ntev
    Coj kom tus
    Ob leeg zov tsev

    Kev phooj ywg
    Tuav tiag kom khov
    Ib hnub twg
    Hu lawv thiaj hnov

    Yog sib hlub
    Ces nthuav vam meej
    Lem sib ntxub
    Daws nchuav ces txeej

    "Lam nyeem nawb...hehe"


    Kzkz
    Posted 20 December 2008 - 11:07 AM

    Nyob zoo Tx.V,

    Zoo tiag tiag li...koj mas tshaj lij heev...ua rau kuv tsoo tsis theev
    Koj tswv yim tob ua rau kuv muab tsis lob...Heheheh...!

    Yog sib nyiam ces luag tiam
    Yog sib tshob ces luag nyhos


    koojziagkabzaug' date='23 December 2008 - 03:01 PM'


    Nyob zoo Xyoo Tshiab Tx.V,

    Mus qhov twg los mus zoo los zoo, hmab tsis khuam tes hlua tsis dawm taw, mus dawb los huv nawb. Los txog tsev no ces nco ntsoos tuaj xyuas kuv lub tsev paj lug tseem tos ntsoov ib tug nawb...Tubsojntsuam!

    Tubsojntsuam aw...koj mus lawm ces kuv tsis tham lawm...kuv tso Koom Haum sib Haum Xeeb ib nqe lus rau peb nyeem tos koj os...



    SIB TW NRUG KEV PUAM TSUAJ

    Kev sib tw nrug kev puam tsuaj yog kev sib twv. Kev sib twv yog kev sib ntaus sib tua.



    Koj twv kom koj tau hwj chim tab sis koj tsi paub, txuj kev sib twv yuav ua rua koj poob tsim. Kuv twv kom kuv tau ua tug tsaav tab sis kuv tsi paub, txuj kev sib twv yuav ua rua kuv plaag ntshaav.

    Kev ua nom ua tswv, peb khaav tas peb sib twv kom yeej yeeb ncuab tab sis yog peb rov sib twv sib tawg tes yeeb ncuab yuav nyob kaaj sab lug tsi muaj nub tuag.

    Peb rhawv tau ib txuj kev hab teeb tau ib lub hom phaj tab sis peb ua nyuj sib nraus hab ua dlev sib tug, taag ib sim neej yuav moog tsi txug. Peb teeb tau ib lub hom phaj hab rhawv tau ib txuj kev tab sis yog peb ua dlev sib tug hab ua nyuj sib nraus, taag ib txhis peb yuav moog tsi dlhau.


    SIB TW NRUG KEV KOOM TEG

    Kev sib tw yog kev nthuav nthuav ci.



    Sib tw ua nom ua tswv, kawm ntaub kawm ntawv, hab nrhav noj nrhav haus kuv tsi yeej los ca kuv sawv qhuas koj. Koj tsi yeej los ca koj sawv txhawb kuv. Qhov ntawd txhad yog sib tw raws kev ywj pheej hab kev ncaaj nceeg.

    Kuv yeej los koj txhob chim, koj yij meem npaaj tog zoo le thaaj teb koj maam ua lwm cim. Kuv swb los kuv tsi txhob chib nyeej, kuv yij meem npaaj tog lwm tam kuv maam yeej.

    Ua neej nyob txhob ntshai lig, yug lub teb chaws txhad zoo le lub paaj teeb tawg ci. Ua neej nyob txhob ntshai taag, yug haiv neeg txhad zoo le lub paaj teeb tawg kaaj.



    KEV KOOM TEG NRUG KEV SIB TWV

    Sib twv kom yeej tug yeeb ncuab.



    Yog koom teg, yuav tau txais kev muaj yeej, yog nyob hum xeeb, yuav tau txais kev thaaj yeeb. Leej hlub leej yau, tug laug tug hluas, los yog quas puj quas yawg, suav dlawg sib tuav teg ua ib phaab tuaj ib tog tua ib tug peb txhad tau txais kev ywj pheej nyob kaaj sab lug.

    Ntau tus tuaj ib tog thiaj muaj zog.
    Ntau leej tuaj ib sab thiaj muaj cuab kav.

    Tsib xwm yog lug ntawm kev thooj xeeb puag xub pwg. Cuab kaav yog lug ntawm kev phooj kev ywg dlaav.







    Last edited by koojziagkabzaug on 26th May 2010, 7:27 am; edited 1 time in total

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 25th May 2010, 11:06 am



    Tx.V,
    Posted 04 January 2009 - 12:13 PM

    Hello KZKZ,

    Ntuj ntsuab xiab
    Dej ntws huv si
    Paj yeeb tshiab
    Zoo npaum hnub ci

    Txoj kev hlub
    Muaj nuj nqis heev
    Nyiaj thiab kub
    Cawm lub suab seev

    Muaj neeg coob
    Feem ntau yog liam
    Hluas nkauj Hmoob
    Yog cov kuv nyiam

    Suab tib neeg
    Nrov tshaj xob tua
    Kev sib ntseeg
    Tswj tau voj hlua

    Kuv yog yaj
    Koj yog xeem lis
    Lus suab thaj
    Qab zib ib txhis

    "Hey! Twm xwb tsis txhob xav li cas nawb"






    TXOJ KEV PHOOJ YWG ZOO LI TUS TAUJ

    txawm yuav quav tsawg tsem, yuav muab lov los yeej tu tsis taus




    Guest Hmoob
    Posted 04 January 2009 - 03:22 PM

    Neeg ntse ncauj puam khuab….Pog laus lauj luag cuab
    Ncauj mos lus tuaj pos…Khav theeb lus sib dhos
    Hais lus ncauj npliag lias….siab dub nrog ntshav txias

    Tx.V,
    Posted 04 January 2009 - 08:47 P


    Nyob zoo guest Hmoob:

    Kuv luaj teb
    Koj tuaj kis tsau
    Thov qhia seb
    Ua cas lam npau

    Tus neeg ntse
    Yeej tsis cuam tshuam
    Sau koj npe
    Ua zoo soj ntsuam

    Nawb mog Hmoob
    Koj yog leej twg
    Peb tsis coob
    Kwv tij phooj ywg

    Kev cia siab
    Nyob hauv ntiaj teb
    Kua muag iab
    Ntws nrhiav chaw keb

    Tsis txhob hais
    Cam teev lus phem
    Xyuas riam hlais
    Tsw cuag pam Dem!!



    Kzkz
    Posted 05 January 2009 - 01:07 PM

    Nyob zoo Xyoo Tshiab Tubsojntsuam,

    Koj twb los lawm lov...! Zoo siab koj rov tuaj os...!

    Koj yog yaj kuv yog lis
    Koj txawj thab kuv txawj nki
    Koj nthuav laj fab kuv nthuav tswv yim
    Koj nyob Meskas kuv nyob Fabkis
    Ces tsis nyog peb txoj kev sib fim...tiag lauj! Hheheeh...!


    Tx.V,
    Posted 07 January 2009 - 08:58 PM

    Nyob zoo KZKZ,


    Hais tsis taus
    Ces txawm yuav swb
    Thaum yus laus
    Mam paub siv hlwb

    Tus neeg zoo
    Yeej ua siab ntev
    Txawm luag tsoo
    Mob npaum cas thev

    Kuv yawg qhia
    Hais ua paj lug
    Kom kuv ntsia
    Tswj thaiv plaub ntug

    Coj tuav tsom
    Ncaj hauv nruab nrab
    Thaum ua nom
    Pej xeem thiaj pab


    Kzkz
    Posted 09 January 2009 - 02:53 PM

    Nyob zoo Tx.V,

    Koj muaj hmoo muaj yawg qhia koj txawj txheem plaub!

    Kuv ntsuag nos ces cia kuv tuaj kawm ntawm koj tus paub




    TXHOB HAIS RAU LUAG LI QHOV KOJ TSIS XAV KOM LUAG HAIS RAU KOJ


    Tx.V,
    Jan 10 2009, 12:38 AM,

    Nyob zoo KZKZ,

    Tsis muaj dab tsi tham lawm es lam sau lus sib dhos txuam paj lug xwb os
    Kuv kuj tsis muaj yawg thiab. Nws yog tswv yim ntawm kuv tus kheej xwb.
    Thov tsis txhob ntaus nqi li cas mog.


    Kzkz
    Posted 09 January 2009 - 04:48 PM

    Tx.V,

    Tsis tu siab rau koj li os, tsuas muaj zoo siab txhua yam koj tuaj sau xwb. Yog kuv tu siab rau kuv, kev ua ntsuag xwb...Vim txhua yam tsis muaj neeg qhia kuv, kuv pheev kuv tawm los xwb es kuv tu siab tias kuv sib zog ntxeem tau ces lub hnub twb qaij lawm es tu siab xwb...koj txhob xav dab tsi rau kuv kev tu siab rau lub ntuj ...koj xyeej yeej meem tuaj wb nthuav txuj nawb Tubsojntsuam....


    Tx.V,
    Posted 10 January 2009 - 12:51 AM

    Laj Lim Tswv Yim

    Kuv tsis txawj
    Lam laug sij hawm
    Nrog koj dawj
    Wb maj mam kawm

    Txuj ci Hmoob
    Saib zoo li cas
    Neeg muaj coob
    Ib txhia tsis ras

    Kuv fwm koj
    Lub niam tswv yim
    Yog wb coj
    Tuav nres laj lim

    Kom nws zoo
    Ib hnub tom ntej
    Yuav nto hmoo
    Huam vam cuag nplej

    Ntsuab puv teb
    Muaj phooj ywg coob
    Kuv ntseeg peb
    Txhua tus lub koob

    Tawg nthuav loj
    Los ntawm paj lug
    Kuv pom koj
    Yog thawj thawj tug

    Tuav keeb kwm
    Hmoob ntuj qub qab
    Kuv tau twm
    Koj sau tsheej phab

    Muaj nuj nqis
    Tshaj nyiaj thiab kub
    Nkauj Hmoob lis
    Lub siab thiaj hlub

    Peb tsoom Hmoob
    Nyob thoob qab ntuj
    Tsis tu noob
    Vim koj qhia txuj

    Rau sawv daws
    Tuaj nrog koj xyaum
    Kuv thov khaws
    Tuav ua ib txaum

    Cia tau saib
    Mus yav pem suab
    Tias koj faib
    Pib lo lus qhuab


    Kzkz
    Posted 10 January 2009 - 02:42 PM

    Wow...Tx.V, aw...!
    Txhob w paj ntau rau kuv...
    kuv tsis tsim nyog txais koj los lus
    Txhob nqa phaj tshab rau kuv...
    Kuv tsis tsim nyog txais koj me lus nyiaj lus kub

    Kuv tswv yim me
    Kuv lam tuaj tham pem
    Los koj muab kuv rau lub sam xeeb
    Tiag koj yog tus keej

    Txawm tsis muaj neeg tuaj
    Nrog wb sau
    Los twb muaj neeg tuaj
    Nrog wb ntsauv

    Zoo siab rau kev txhawb nqa
    Zoo tshaj nyiaj kub
    Me swm zeej siab dav
    Hais lus tsim nuj...




    DAIM AV TSIS YOG PEB TUG TAB SIS PEB YOG DAIM AV TUG


    Tx.V,
    Posted 10 January 2009 - 04:39 PM

    Nyob zoo KZKZ,

    Ntuj tsis qhuav
    Teb yeej tsis nkig
    Koj xub nthuav
    Kuv thiaj tuaj nplig

    Ntag los mas
    Kooj Ziag Kab Zaug
    Kuv tsim ras
    Thov ua koj tsaug

    Cov paj lug
    Nyob rau ntawm no
    Kuv ib tug
    Tuaj zoo siab hlo

    Nrog sawv daws
    Tham kev lom zem
    Ntau lub teb chaws
    Peb Hmoob txom nyem

    Khiav puv ntuj
    Kuv Yaj Soj Ntsuam
    Pom koj kuj
    Yog ib tug muam

    Hlub haiv Hmoob
    Tuav peb tej txuj
    Nyob saum roob
    Lub neej yug nyuj

    Tu qaib npua
    Ua liaj ua teb
    Kuv tseem tshua
    Nco ntsoov txog peb

    Lub hauv paus
    Cog puag tim nplog
    Kev noj haus
    Yawg koob thiab pog

    Lawv tsim qhia
    Ib txheej dhau txheej
    Koj khaws cia
    Tseg ua puav pheej


    Kzkz
    Posted 11 January 2009 - 12:50 PM

    Tx.V, lub neej Hmoob
    Kuv tseem nco me me
    Nyob Toj roob
    Kev khwv ua liaj ua teb

    Kuv tsis paub paj lug kev txheem plaub
    Lus muaj kuab hais ntxaws
    Ntawm cov laus uas paub
    Hais cai tswj plaub qub teb chaws

    Paj lug yog ib cov lus nom lus tswv
    Yog leej twg paub yuav tsim vaj tsim fwv
    Yog leej twg txawj hais yuav muaj yeej muaj swb
    Phim lub meej mom huab tais vaj ntxwv...






    Los nag tas yuav tshav ntuj

    Chim siab tag yeej txawj kaj

    Txom nyem tag yuav txawj tau zoo

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 25th May 2010, 11:06 am



    Maypaj
    08 February 2009 - 09:29 AM

    Nyob zoo Koojziamkabzaug.......Wow tau ntev lawm kuv tsis tau tuaj nrog nej sau ntawv Paj lug, cas nej yuav muaj txuj txhua tus sau tau zoo thiab hais tej yam peb tsis paub txog kiag xwb, zoo tiag tiag li, niamlaus Koojziag koj mas tshaj lij tiag li nawb muab tau tej lus Paj lug tob tob coj los sau los piav rau peb kawm yuav nco ntsoov koj txiaj ntsim, peb sawv daws yuav tau xyaum kawm tej lus paj lug no vim yog ib yam zoo thiab pab tau peb thoob tsib Smile


    Tsis txhob tham tus yus tsis kam yuav; tsis txhob tuav tus yus tsis kam hlub.

    Tsis txhob saib tsiaj pub zaub; tsis txhob tu plaub saib neeg.

    Txawm ntse thiab ua nom loj npaum li cas los yuav khiav tsis dhau txoj kev khaum yog tias yus coj tsis ncaj.

    Yog muaj sib ceg yuav muaj sib ntaus; yog muaj sib ntaus ces yuav muaj sib tua.

    Tus neeg ncaj thov Ntuj pab; tus nkhaus thov Ntuj xyab.

    Tus neeg siab ncaj thov Ntuj los; tus neeg siab phem thov Ntuj qos.

    Cog paj ces tau txiv noj; cog pos ces tau saus coj.

    Ib tug qus nrog kaum tus seej ces nws seej; ib tug seej nrog kaum tus qus ces nws qus.

    Ua ntej yus yuav thuam, yus yuav tsum paub qhov tseeb; ua ntej yus yuav txeeb yus yuav tsum paub qhov zoo.

    Niaj hnub ntaus ua rau luag ntxub; niaj hnub hlub ua rau luag dhuav.

    Ntaus ces mob tawv, cem ces mob plawv.


    Yaj Nom Vaj:
    Posted 09 February 2009 - 07:58 PM

    Nyob zoo Koojziamkabzaug.......Wow tau ntev lawm kuv tsis tau tuaj nrog nej sau ntawv Paj lug, cas nej yuav muaj txuj txhua tus sau tau zoo thiab hais tej yam peb tsis paub txog kiag xwb, zoo tiag tiag li, niamlaus Koojziag koj mas tshaj lij tiag li nawb muab tau tej lus Paj lug tob tob coj los sau los piav rau peb kawm yuav nco ntsoov koj txiaj ntsim, peb sawv daws yuav tau xyaum kawm tej lus paj lug no vim yog ib yam zoo thiab pab tau peb thoob tsib


    Tsis txhob tham tus yus tsis kam yuav; tsis txhob tuav tus yus tsis kam hlub.

    Tsis txhob saib tsiaj pub zaub; tsis txhob tu plaub saib neeg.

    Txawm ntse thiab ua nom loj npaum li cas los yuav khiav tsis dhau txoj kev khaum yog tias yus coj tsis ncaj.

    Yog muaj sib ceg yuav muaj sib ntaus; yog muaj sib ntaus ces yuav muaj sib tua.

    Tus neeg ncaj thov Ntuj pab; tus nkhaus thov Ntuj xyab.

    Tus neeg siab ncaj thov Ntuj los; tus neeg siab phem thov Ntuj qos.

    Cog paj ces tau txiv noj; cog pos ces tau saus coj.

    Ib tug qus nrog kaum tus seej ces nws seej; ib tug seej nrog kaum tus qus ces nws qus.

    Ua ntej yus yuav thuam, yus yuav tsum paub qhov tseeb; ua ntej yus yuav txeeb yus yuav tsum paub qhov zoo.

    Niaj hnub ntaus ua rau luag ntxub; niaj hnub hlub ua rau luag dhuav.

    Ntaus ces mob tawv, cem ces mob plawv.

    Me ntxhais siab zoo, wow...! cas nws yuav txawj hais Paj lug ua luaj li tij laug twm nws cov Paj lug mas hais cab sab niab sib dhos zoo kawg li nws lub tswv yim tseem zoo tshaj tej laus lawm thiab os me ntxhais tshaj lij zoo siab tij laug khaws mus siv lawm ua tsaug.


    LK.
    Posted 11 February 2009 - 03:02 PM

    PAJ LUG HMOOB YAV THAUM UB.

    Zaubtsib Tsisyog ntxuag
    mabsua Tsisyog kwvluag.

    Nojzaub Gabtsheej ngaij
    hausdej Gabtsheej caw.

    Tsevngeeb Tsiszoo simtaws
    Tsevvuas Tsiszoo simzeb

    Xyoob ibtxoog Ntoo ibtsob
    Ngaij ibdaig Tawv ibpob

    Devlaus Tsiszovloog
    Neeglaus Tsiskavkev.

    Ntootuab Luagntshai ntov
    Kwvtij coob Luagntshai hais

    Yeebncuab Ntsibchaw ti
    Phoojywg Ntsibchaw dav.

    Cawvxab cawv hiam
    Vwjxab Vwj liam

    Ibntuj hnubgub Tsiscuaj lub hli
    10leejtub Tsiscuag ibleejtxi.

    Siabphem Tsistau ntujntoo
    Siabhlob Tsistauzoo




    Paj Lug Suav hais tias:

    Lub puav lwg los vas kab laug sab txia ua tus dej ncab.


    Last edited by koojziagkabzaug on 26th May 2010, 10:42 am; edited 1 time in total

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 26th May 2010, 7:41 am

    Maypaj
    Posted 12 February 2009 - 03:00 PM

    Nyob zoo Tijlaug Hmoobntujqubqab.....ntu no nyob li cas lawm xwb, hehehe ntxhais siab zoo ces paub txuj hmoob twb tsis ntau thiab kawm twb tsis tiav tsuas tuaj sau caum nej cov paub txuj paub ci kom lawm hnub yoog thiab paub ntau dua qub xwb, Tijlaug koj thiaj yog tus txhawj txhij txhawj txhua es ho tuaj sau ib co pub peb khaws tseg thiab.....yog peb muaj lub laj lim plab plaw to taub tej lus paj lug mas peb siv tej lus paj lug qhuab ntuas lwm tus mas lawv yuav nrhiav tsis tau tswv yim ntse dua los cem thiab cav yus.......feem coob peb lam yog hmoob xwb peb paub lus hmoob tsis tas, yog peb tsis muaj siab kawm thiab xyaum mas peb tsuas paub cov lus hmoov yooj yim xwb....lam nyeem 2 3 kab me me hauv no khaws ntxiv.

    Ntov ntoo saib seem; hais lus saib fab.

    Tus neeg nplua nuj Ntuj tsis khaiv; tus neeg txawj Ntuj tsis xaiv.

    Yog thaum dej nro es tsis pom qab thu; ces thaum yus chim los tsis pom qab xav.

    Coob leej ua npau suav; tab sis tsawg leej thiaj ua tau yuav.

    Tso ntoo twg txi txiv hnyav tshaj nws cov ceg ces yuav ntshaus; tus neeg twg ev hnyav tshaj nws lub duav ces yuav vau.

    R uam ces hais lus kom mob siab; ntse ces hais lus kom yog ntsiab.

    Ntse paub zaim txim; r uam pab khaws chim.

    Tub nkeeg ncauj ncab: tub sab ncauj nte.

    Ib txhais tes npuaj tsis nrov; ib txhais taw sawv tsis ntseg.


    Kzkz
    Posted 13 February 2009 - 12:50 PM

    Nyob zoo Maypaj thiab LK@,

    Ua tsaug rau neb cov Paj lug zoo heev. Yog cim xeeb zoo es khaws tau tag nrho peb cov paj lug nov mus hais mas ntshe yuav ua neeg thoob tsib heev...




    POJ CHIB NYAB, NYAB CIAV POJ.

    Poj qaib coob ces poj qaib tsis ua qe,
    nyab coob ces nyab tsis cheb tsev.

    Poj taus poj chis nyab taus nyab npau,
    cia teej qav tsav num rau poj mus leg los poj ua nyuj quav ntse nees zis,
    nyab mus leg los nyab ua nyuj kub dig nees rau.
    Poj taus poj npau nyab taus nyab chis,
    cia teej qav tsav num rau poj mus leg los poj ua nyuj kub dig nees rau,
    nyab mus leg ces nyab ua nyuj quav ntse nees zis.
    Xyoo no ces poj taus poj nkaum taw,
    thiaj cia teej qa tsav num ntxhov li tsawv,
    cia poj mus leg los poj nto phuj phiv tias:
    teej qas tsav num qas qua ntxi cas yuav dhuav dhuav lawm poj plawv.
    Poj taus poj nkaum taw, nyab taus nyab nkaum tes,
    thiaj cia teej qa tsav num ntxhov lis niab,
    cia nyab mus leg los nyab nto phuj phiv tias:
    teej qa tsav num qas qua ntxi cas yuav dhuav dhuav lawm nyab siab!




    Paj lug Suav hais tias:

    Ib lo lus zoo cawm tau 100 yam kev nyuaj siab.



    Maypaj
    Posted 25 April 2009 - 01:06 PM

    Lus nyiaj lus kub

    Tus dim yeej loj
    tus ploj yeej zoo
    tab sis tuav rawv tus ntawm tes
    thiaj yog neeg muaj hmoo.

    Kaum npib nyob ntawm lawv
    zoo tsis cuag ib npib nyob ntawm tes,
    poj dim tsis zoo tsis cuag poj pw ntawm zes.

    Npua dim ces npua noj qoob,
    nkauj dim ces muaj nraug coob.
    Dim thaum ub zoo dua dim niam no,
    txoj kev nco cia tham nruab dab plos,
    poj hnov nws thiaj tsis nros nas phooj ywg.




    Last edited by koojziagkabzaug on 9th October 2010, 3:26 pm; edited 3 times in total

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 26th May 2010, 9:05 am


    Hais Paj lug
    Sau Tim 15 lub 7 hli 2008
    tu sau
    Muas NTx



    Nyob zoo KZKZ tus zoo phooj ywg hmov tshua...


    Tau ntev lawm kuv tsis tau tuaj ncig HMONGZA lawm. Kuv tsis tuaj cheb kuv tog vaj tog tsev tom Zoov Nujtxeeg li lawm thiab. Tswv yim mas kuj muaj ntau tab sis kuj tsis muaj lub caij nyoog los muab sau tawm.

    Ib ntus i koj tau hais lawm tias kom kuv rov npaj tswv yim paj lug tuaj koom koj no. Hnub no kuv rov tuaj tsham koj kuv thiaj lam npa me me ib zaj nyuag paj lug tuaj koom koj ntxiv.

    Hahaha...Kuv yeej paub lawm mas tias yuav rov muaj neeg teb dua tias ua cas kuv zaj paj lug tseem rov qab sau ntau ua luaj li lawm thiab no mas. Tab sis kuv tsis xav muab nws txiav ua ntau ntu ...Vim yog thaum ua li ntawd lawm ces zoo li nws tsis yog tib zaj lawm. Haj yam yuav ua rau neeg tsis nkag siab lawm thiab. Txawm nws yuav ntev me ntsi lawm los kuv xav tias yog tus xav paub thiab pom tias muaj nuj nqi nws yeej yuav ua siab ntev nyeem kom tas paus thoob ntsis xwb...

    Hehehe...Kuv kuj xav paub seb leej twg cov tuaj nov yuav yog NEES, ZAG, los yog NYUJ, thiab TWM...!!!

    Kuv ntsib koj li nov xwb,

    Sib ntsib dua,




    PAJ LUG …COB QHIA KEV UA NEEG


    Txheej puag thaum ub muaj ib zaj dab neeg hais ua PAJ LUG cob qhia kev ua neeg mus li nram no…

    Muaj ib zaug…nyob hauv ib lub nroog…muaj ib tug txiv neej hluas npe hu ua Hmoov no. Muaj ib hnub Hmoov sawv ntxov ntxov los da dej, hnav zoo ris tsho, pleev tshuaj tsw qab. Tu nws tus kheev lub cev kom huv si thiab ntsis plob haus du lug zoo nraug ntxiag. Nws npaj zaub mov, npaj nyiaj txi.ag, npaj xyab ntawv thiab paj ntoos. Thiab npaj nws lub siab ntsws kom tiaj tus ua lub ntsej muag luag ntxhwb ntxhi…Vim hnub ntawd yog ib hnub zoo nws yuav npaj mus thov yuav KOOB…yuav HMOOV…

    Hnub ntawd kuj tab tom muaj ib tug txiv neej laus laus npe hu ua Yawg Koob no nws nyob tom ntug zos npaj yuav tuaj mus ua me ntsis hauj lwm tom nroog …

    Thaum lub hnub tab tom tawm plaws ci liab ploog tim npoo ntuj…tshav pib ci tuaj mus puv roob ha…Nkawd 2 leeg thiaj tau tawm tsev tuaj mus ua nyias txoj hauj lwm ua npaj tseg. Ib tug taug kev mus sab hnub tuaj. Ib tug ho taug kev tuaj mus lawm sab hnub poob. Nkawd 2 leeg taug tib txoj kev thiaj ua rau nkawd tau sib ntsib nyob tom ib tog kev…

    Thaum nkawd sib ntsib tim ntsej tim muag nkawd thiaj tau sib hu thiab hais nyob zoo ib leeg rau ib leeg…Thiab nkawd kuj tau sib nug npe kom ho sib paub…Yawg Koob pom tias ua cas Hmoov ho tu nws tus kheej zoo nraug ntxiag thiab nim ho npaj tej zaub mov, nyiaj txi.ag, xyab ntawv, thiab paj ntoos txhij txhua tawm tom nroog thaum tseem ntxov ntxov tuaj mus lawm tom ntug zos…

    Yawg Koob xav tsis thoob nws thiaj tau nug Hmoov tias…Oh! Me tub, ua cas hnub no koj yuav hnav zoo thiab tu koj tus kheev zoo ua luaj? Koj npaj txhij txhua ntau tsav yam thiab sawv ntxov ntxov tuaj mus lawm tom ntug zos nov es yog koj npaj mus ua tus hauj lwm tseem ceeb dab tsi?

    Hmoov thiaj tau teb Yawg Koob tias…Oh! Yawg, hnub no yog ib hnub zoo es kuv thiaj npaj kuv tus kheev thiab npaj txhij txhua ntau tsav yam tuaj mus ua kev teev hawm yuav koob yuav hmoov rau kuv thiab kuv tsev neeg…

    Yawg Koob thiaj nug ntxiv tias…Me tub, koj sim piav qhia kuv soj koj yuav mus teev hawm yam dab tsi yuav koob yuav hmoov ma…?

    Hmoov thiaj teb ntxiv tias…Yawg, twb yog kuv txiv nyuam qhuav tag sim neeg puv 1 xyoo puag ncig los txog tsis ntev no…Vim kuv nco nco kuv txiv heev li …thiab nco kuv txiv tej lus qhuab qhia kuv ua ntej nws tas sim neej …Nws tau hais ib cov lus qhuab qhia kuv txog kev ua neeg tias …YOG KUV TSEEM XAV UA IB TUG TUB ZOO RAU NWS…THIAB YOG KUV TSEEM HLUB HMOV TSHUA FWM NWS NO CES KOM KUV UA RAWS NWS TEJ LUS QHUAB QHIA KUV NO…!

    Yawg Koob thiaj nug ntxiv tias …Me tub, yog muaj tseeb li koj tau hais ntawd tiag no koj txiv tau qhuab qhia koj kev ua neeg mus zoo li cas?

    Hmoov thiaj tau teb tias…Ua ntej kuv txiv txoj sia yuav tu nws hais rau kuv tias…YOG HNUB TWG KUV TSIS MUAJ NWS LAWM CES KOM KUV MUS TEEV HAWM LUB NTUJ, LUB TEB, THIAB TEEV HAWM 4 CEG KAUM NTUJ …KUV THIAJ YUAV TAU KOOB …TAU HMOOV …LOS RAU KUV …THIAB KUV TSEV NEEG NO…!

    Yog li hnub nov nws zoo caij zoo nyoog rau kuv …Kuv thiaj npaj ntxov ntxov tuaj mus rau tom ntug zos no kuv yuav mus nce ib lub roob siab …Kuv yuav mus txog caug muab zaub mov, nyiaj txi.ag, xyab ntawv, thiab paj ntoo cob rau lub ntuj…lub teb…tas ces kuv yuav pe thiab teev hawm 4 ceg kaum ntuj…thov yuav koob yuav hmoov…!

    Thaum Yawg Koob tau hnov li nov tas kuj ua rau nws muaj kev hlub thiaj txhawj xeeb txog Hmoov lub neej…Yawg Koob thiaj hais rau Hmoov tias…Me tub, cia wb mus zaum lawm pem qab tsob ntoo faj khaum loj loj ntawm ntug kev ntawd kuv mam piav qhia koj tias koj txiv cov lus qhuab qhia koj txog kev ua neeg tias yog li cas tiag…

    Hmoov thiaj teb tias…Yawg, kuv yeej tseem hluas hluas li kuv tsuas nkag siab thiab pom kuv txiv cov lus qhuab qhia ces tsuas muaj li kuv piav rau koj ntawd xwb…Yog koj ho pom tias tseem yog lwm yam thiab no ces thov koj pab qhib kuv lub qhov muag kom pom dav thiab qhib kuv lub pob ntseg kom hnov deb lauj…!!!

    Thaum nkawd mus zaum rau hauv lub qab ntoo faj khaum lawm Yawg Koob thiaj mam piav thiab qhuab qhia Hmoov mus zoo li nram nov…

    Me tub, tau muaj ib zaj paj lug hais tseg tias…IB TXOJ PLOB HAUS NPOG TAS IB LUB HAUV ROOB NO…Zaj paj lug nov ces yeej piv txwv tau rau koj txiv zaj lus qhuab qhia tso tseg rau koj lawm ntag…Zaj paj lug nov yog tus neeg tsis txawj xav thiab tsis nkag siab ces yuav ua rau nws xav tias…ua cas tej niag lus ntawd yuav mus hais dag ua luaj…1 txoj plob haus xwb es nim yuav mus npog tau ib lub niag hauv roob diam…tej niag lus ntawd yeej tsis tseeb, yeej tsis tseem ceeb thiab tsis muaj tus txiaj ntsim dab tsi…

    Tab sis yog tus txawj xav thiab nkag siab nws yuav ntseeg thiab paub tias nws muaj tseeb tiag…Qhov tseeb ntawd nws tsis yog 1 txoj plob haus yuav mus npog tag 1 lub hauv roob …Tab sis nws yog txoj plob haus npog yus lub qhov muag xwb…ces yuav ua rau yus tsis pom ib lub niag hauv roob li lawm…Nws zoo xws li qhov koj tsis pom qhov tseeb ntawm koj txiv zaj paj lug qhuab qhia koj ntag mas…!

    Hmoov thiaj teb tias…Yawg, yog li cia txij hnub nov mus koj yog kuv tus Xib Fwb tso yog koj muaj lus txawj ntse…laj lim…tswv yim…txuj ci zoo dab tsis los cia koj muab los qhia kuv kom kuv thiaj paub qhov tseeb hnov qhov meej txog txoj kev ua neeg lauj…!!!

    Yawg Koob thiaj teb tias…Ua li mas me tub cia kuv mam pab thiab qhuab qhia koj txog tej yam koj tsis nkag siab thiab tsis paub qhov tseeb mus li ntawm nov…Me tub koj yeej meem cuab pob ntseg mloog kom zoo nawj…!

    Peb ua neeg nyob muaj 4 yam kev tsis tiaj tus nyob nruab siab tsis txhob mus xyaum coj, muaj 5 yam kev txhaum tsis txhob mus xyaum ua, muaj 6 txoj kev yuav ua kom yus pluag kob huam tsis txhob mus xyaum taug…

    4 yam kev tsis tiaj tus nyob yus nruab siab yog…

    1. Kev ua tsis ncaj nruab nrab/pab tus neeg yus paub yus nyiam …yuav ua rau yus ua yuam kev.
    2. Kev chim siab npau taw… yuav ua rau yus ua yuam kev.
    3. Kev tsis paub qhov tseeb…tsis hnov qhov meej …yuav ua rau yus ua yuam kev.
    4. Kev txhawj dhau kev ntshai dhau …yuav ua rau yus ua yuam kev.

    5 txoj kev txhaum muaj li nov…

    1. Kev lam tua tsiaj txhu…lam tua tib neeg…yog kev txhaum
    2. Kev mus huab noj huab haus…tub sab tub nyiag…txeeb luag teej tug ...yog kev txhaum
    3. Kev haus yeeb haus cawv…noj tej yam tsis huv tsis zoo ...yog kev txhaum
    4. Kev twv txiaj yuam pov…yog kev txhaum
    5. Kev hais lus dag…kev ntxias lwm tus neeg …yog kev txhaum

    6 txoj kev ua kom yus lub neej piam sij…kob huam…thiab txom nyem muaj li nov…Vim yog thaum yus coj cov yeeb yam li nov lawm ces yus tsuas mus ib kauj rua.m zuj zus lawm txoj kev tsaus ntuj lawm xwb…

    1. Haus dej haus cawj/haus yeeb haus tshuaj.
    2. Ua neej nyob nrog txoj kev lom zem nkaus xwb.
    3. Ua phooj ywg nrog cov neeg phem.
    4. Twv txiaj yuam pov.
    5. Tub nkeeg.
    6. Mus cuav zej cuav zos ntau hnub ntau hmo/nyob lig ntuj teb tag hmo mam los tsev.

    Muaj 6 yam phem nyob rau hauv txoj kev haus dej haus cawv, haus yeeb haus tshuaj li ntawm no…Vim yog yus qu.av yeeb qu.av tshuaj lawm ces yus tsis yog tus qub neeg li lawm…

    1. Yus yuav txia mus ua neeg pluag txom nyem.
    2. Yus yuav muaj kev sib cav sib ceg.
    3. Yus yuav ua neeg muaj mob muaj nkeeg.
    4. Yus yuav txia mus ua neeg tsis muaj tsim.
    5. Yus yuav nrog luag muaj xaiv muaj lus.
    6. Yus yuav ua neeg dig muag lag ntseg tsis pom qhov tseeb tsis hnov qhov meej.

    Muaj 6 yam phem nyob rau hauv txoj kev uas tab mus nrhiav kev lom zem xwb…Vim yus yuav tsis muaj lub siab los khwv noj khwv haus…Yus tsuas mloog thiab npaj mus nrhiav seb…

    1. Muaj kev seev cev nyob twg ces yus yuav mus qhov ntawd.
    2. Muaj kev hu nkauj nyob twg ces yus yuav mus qhov ntawd.
    3. Muaj kev nquam paj nruag nyob twg ces yus yuav mus qhov ntawd.
    4. Muaj kev ua yeeb yam tes taw nyob twg ces yus yuav mus qhov ntawd.
    5. Muaj kev noj haus lom zem nyob twg ces yus yuav mus qhov ntawd.
    6. Muaj kev ua nkauj ua nraug nyob twg ces yus yuav mus qhov ntawd.

    Muaj 6 yam phem nyob rau hauv txoj kev ua phooj ua ywg nrog cov neeg phem…

    1. Lawv coj yus mus haus dej haus cawv.
    2. Lawv coj yus mus haus yeeb haus tshuaj.
    3. Lawv coj yus mus tub sab tub nyiag.
    4. Lawv coj yus mus twv txiaj yuam pov.
    5. Lawv coj yus mus deev luag poj luag sev.
    6. Lawv coj yus mus sib ntau sib tua.

    Muaj 6 yam phem nyob rau hauv txoj kev mus twv txiaj yuam pov…

    1. Yog yus ho yeej/tau los yuav ua rau yus muaj yeeb ncuab.
    2. Yog yus ho swb/poob los yuav ua rau yus muaj kev nyuab siab, chim siab, ntxhov plawv.
    3. Yus tej nyiaj txi.ag coj mus ua poob tag, yus tej khoom muaj nuj nqi yus coj mus yuam nqi los yog muab muag pov tseg ua dog ua dig lawm xwb.
    4. Mus txais luag nyiaj txi.ag siv tas them tsis tau rov rau luag, muaj nuj nqi tsaus nti.
    5. Tsis muaj neeg yuav ntseeg los pom yus tej lus yus hais muaj nuj nqi.
    6. Yus poob thiab plam tej zoo kwv tij neej tsa phooj ywg tag.

    Muaj 6 yam phem nyob rau hauv txoj kev tub nkeeg…Vim ua dab tsis los ua tsis tau thiab ua tsis tiav…Lub neej tab nrhiav yam los keb tas mus li xwb…Lub neej yuav tsis nrog luag muaj noj muaj hnav...

    1. Keb tias tseem ntxov dhau ces tsis ua hauj lwm.
    2. Keb tias twb lig dhau lawm ces txawm ua los tsis tau tus dab tsi ces tsis ua hauj lwm.
    3. Keb tias kub dhau ces tsis ua hauj lwm.
    4. Keb tias no dhau ces ua tsis hauj lwm.
    5. Keb tias tshaib plab dhau ces tsis ua hauj lwm.
    6. Keb tias tsau plab dhau ces tsis ua hauj lwm.


    Muaj 6 yam phem nyob hauv txoj kev mus cuav zej cuav zos ntau hnub ntau hmo/ thiab mus nyob ntuj teb tag hmo mam los tsev…

    1. Yus yuav raug tub sab los neeg phem muab ntau muab tua tom tej tog kev.
    2. Yus tej poj niam tub se thiab tej nyiaj txi.ag nyob hauv lub vaj tse tsis muaj tus los pov fwm.
    3. Yus lub vaj lub tsev tej tsiaj txhu tsis muaj tus los tu thiab saib xyuas.
    4. Yog luag muaj yam khoom ploj thiab xiam ces tab mag luag muab iab liam rau yus tag mus li.
    5. Neeg zej zog tab sib ntxhi hais txog yus lub koob lub npe tsis zoo xwb.
    6. Yus ua lub neej tab ntsib kev phem nyuab siab txom nyem tas mus li.


    Kev xaiv phooj xaiv ywg…Kev ua phooj ywg…yog tsis txawj xaiv … thiab tsis txawj ua …ces yuav mus ua thiab xaiv tau cov phooj ywg phem 4 hom li ntawm no…

    1. Phooj ywg ntxias noj ntxias qhe.
    2. Phooj ywg qhuas ntawm ncauj tas khawb pob tw.
    3. Phooj ywg khav ntawm ncauj ua tsis tau.
    4. Phooj ywg piam sij.

    Phooj ywg ntxias noj ntxias qhe coj 4 yam yeeb yam phem ua rau yus pom li no…

    1. Nws noj nws siv yus tug yam tsis paub txuag thiab tseg rau yus li.
    2. Nws noj nws siv yus tug kom ntau npaum li nws yuav ua tau yog nws li mas siv me me los ua poov xwb.
    3. Nws ua dab tsi ncaj nruab nrab mas twb yog thaum yus chim, npau taws, thiab ua heev rau nws lawm xwb.
    4. Yog nws yuav kam nrog yus ua ib yam dab tsi mas twb yuav yog nws paub lawm tias yuav tau qhov zoo tshaj yus no mas nws thiaj kam koom tes.

    Phooj ywg qhuas ntawm ncauj tas khawb pob tw coj 4 yam yeeb yam phem ua rau yus pom li no…

    1. Nws pom yus ua yuam kev lawm los nws tsis cheem.
    2. Yog yus ho ua tau qhov zoo thiab yog los nws tsis qhuas.
    3. Nws yeej tsis muaj lub siab ncaj ncees rau yus tiag.
    4. Nws lam hais lus zoo mos muag thaum yus nyob tim ntsej tim muag tab sis thaum yus ploj los yog nyob deb lawm mas nws xyav yus lub koob npe tsis zoo tuaj tom qab.

    Phooj ywg khav ntawm ncauj ua tsis tau coj 4 yam yeeb yam phem ua rau yus pom li no…

    1. Nws khav rau yus txog tej yam twb dhau tas los lawm tias yog nws nyob ntawd mas nws yeej ua thiab pab yus lawm.
    2. Nws tseem khav rau yus ntxiv tias yav tom ntej yog muaj dab tsis mas nws yeej yuav pab yus nkaus xwb.
    3. Nws hais lus zoo txog kev sib pab thiab txhawb nqa txhua tsav yam.
    4. Thaum muaj yam ti tes ti taw yus ho xav kom nws ua thiab pab yus tiag no nws hos keb tias lub sij hawm ntawd nws nim ua tsis tau thiab tsis muaj thom thawj yam yuav pab tau yus.

    Phooj ywg piam sij coj 4 yam yeeb yam phem rau yus pom li no…

    1. Nws coj yus mus haus dej haus cawv mus haus yeeb haus tshuaj.
    2. Nws coj yus mus twv txiaj yuam pov.
    3. Nws coj yus mus ua tub sab huab noj huab haus.
    4. Nws coj yus mus ua kev lom zem, kev plees kev yi, thiab kev dag noj ntxias haus.

    Cov phooj ywg zoo uas yus yuav tsum tau mus nrhiav thiab xaiv mas muaj 4 hom li ntawm no…

    1. Phooj ywg muaj siab ncaj ncees rau yus.
    2. Phooj ywg ciaj thiab tuag los lub siab yeej npuab yus.
    3. Phooj ywg pab txhawb nqa yus.
    4. Phooj ywg muaj siab hlub hmov tshua yus.

    Phooj ywg muaj siab ncaj ncees rau yus coj 4 yam yeeb yam zoo rau yus pom xws li…

    1. Nws pov fwm thiab saib xyuas yus lub sij hawm yus rov pab tsis tau yus tus kheej.
    2. Nws pab saib xyuas yus tej khoom teej tug thaum yus twb tsis nco qab txog lawm.
    3. Nws pab cawm yus txoj sia thaum muaj neeg yuav txo yus.
    4. Nws pab tswv yim dag zog rau yus kom yus muaj lub neej zoo.

    Phooj ywg ciaj thiab tuag los muaj siab npuab yus coj 4 yam yeeb yam zoo rau yus pom xws li …

    1. Nws yeej fwm thiab nyob nrog nraim yus txawm yus txom nyem los tau zoo.
    2. Nws tej lus zais tuaj nruab siab nws piav qhia yus tas…Yus tej lus zais tuaj nruab siab uas nws paub nws khaws nraim cia kom zoo tsis pub lwm tug neeg paub li.
    3. Nws yeej nyob nrog nraim yus thaum yus ntsib teeeb meem kev kub ntxhov.
    4. Nws yeej kam muab nws txoj sia los cawm yus yam tsis khuv xim nws txoj thaum ti tes ti taw.

    Phoj ywg pab txhawb nqa yus coj 4 yam yeeb yam zoo rau yus pom xws li…

    1. Nws pab cheem yus ua ntej thaum yus yuav mus ua txaum los tsis zoo.
    2. Nws pab qhuas thiab pab txhawb nqa yus thaum yus xyaum ua qhov zoo qhov yog.
    3. Nws tsuas qhuab qhia yus txog qhov tseeb, qhov zoo, thiaj ncaj ncees nkaus xwb.
    4. Nws ua tus qauv zoo rau yus pom thiab kawm.

    Phooj ywg muaj siab hlub hmov tshua yus coj 4 yam yeeb yam zoo rau yus pom xws li…

    1. Nws nrog yus poob lub kua muag thaum yus tau kev txom nyem.
    2. Nws nrog yus zoo siab thiab muaj lub ntsej muag luag thaum yus ho tau txais yam zoo.
    3. Nws pab cheem lwm tus thaum luag hais yus mus rau qhov tsis zoo, nws pab piav yus qhov zoo rau cov neeg nkag siab yus yuam kev.
    4. Nws nrog luag zoo siab thiab qhuas yus thaum muaj neeg hais yus lub koob npe zoo.

    Ua neeg nyob yus yuav tau khwv noj khwv haus, khwv nyiaj, khwv txiaj kom lub caij lub nyoog dhaus zus mus yus muaj noj muaj haus tsis tu pluas, muaj nyiaj muaj txiaj txaus siv tsis mus qiv mus txais luag. Ua neeg nyob yus yuav tsum nquag npaum li tus ntsaum uas niaj hnub kwv av los puab nws lub tsev. Txawm ib hnub ib hnub nws puab tau nyuag me me xwb los thaum tas xyoo ces nws lub tsev twb siab heev lawm. Yus yuav tau nquag npaum li tus muv mus nhiav thiab nqa zib los teem cia hauv lub nas. Txawm ib hnub ib hnub nws twb nrhiav thiab nqa tsis tau zib ntau los teem cia los thaum tas hli ces nws cov zib twb los puv nas lawm.

    Thaum yus ua lub neej muaj noj muaj hnav, muaj nyiaj muaj txiaj, muaj koob nto npe lawm yus yuav tsum tau los saib xyuas yus lub cuab lub yig kom zoo li no…

    Tej nyiaj txi.ag yus muaj yuav tau los muab faib ua 4 pawg. Muaj 1 pawg yus muab los siv muas noj muas hnav rau yus tsev neeg. Muaj 2 pawg yus yuav tau muab coj mus ua lag ua luam kom loj hlob ntxiv. Dua li 1 pawg ntxiv yus yuav tau txuag cia rau thaum muaj kev kub ntxhov ti te ti taw thiaj yuav tau siv.

    Me tub, ziag nov kuv yuav los piav txog koj txiv zaj paj lug ua tias kom koj yuav tsum tau mus teev hawm lub ntuj, lub teb thiab mus pe 4 ceg kaum ntuj es koj thiaj yuav tau koob tau hmoov ces nws yog li no…

    4 ceg kaum ntuj nws sawv cev mus li no…SAB HNUB TUAJ ...nws sawv cev rau YUS NIAM YUS TXIV. SAB HNUB POOB...nws sawv cev rau YUS POJ NIAM TUB SE. SAB QAUM TEB...nws sawv cev rau YUS TEJ XIB FWB, NEEG TXWJ LAUG. SAB QAB TEB...nws sawv cev rau YUS TEJ KWV TIJ, NEEJ TSA, THIAB TEJ PHOOJ YWG. LUB NTUJ...yog sawv cev rau YUS TUS VAJTSWV, YUS TXOJ KEV NTSEEG, thiab YUS TXOJ KEV TEEV HAWM. LUB TEB...sawv cev rau YUS TEJ TUB MAB TUB QHE, TEJ NEEG TXOM NYEM UAS DAI YUS NYOB...!

    Thaum yus yog TUB KI lawm muaj 5 yam rau yus ua rau YUS NIAM YUS TXIV xws li…

    1. Muab kev hlub kev fwm, kev noj kev haus, kev nyob kev hnav rau lawv kom txaus thiab tsim nyog li lub neej li uas yus muaj thiab lawv tau muab rau yus.
    2. Muab txoj hauj lwm ua tsim nyog lawv lub tswv yim thiab dag zog rau lawv ua.
    3. Ua leej zoo tub ki tsim txiaj kom tsim nyog rau lawv pom.
    4. Pab saib xyuas lawv tej qub txeeg qub teg kom txhob poob txhob ploj.
    5. Thaum lawv tau tas sim neej lawm yus yuav tau nco txog thiab tuav lawv lub koob lub npe mus rau qhov kom zoo thiab tsim nyog.

    Yog yus ho yog NIAM TXIV rau tej TUB KI muaj 5 yam rau yus ua rau lawv xws li…

    1. Hlub thiab pov fwm lawv kom noj qab nyob zoo.
    2. Cob qhia lawv mus rau qhov zoo thiab yog.
    3. Pab txhawb lawv mus kawm ntaub ntawv, txuj ci, laj lim tswv yim, kev txawj kev ntse.
    4. Pab tsa cuab tsa yig rau lawv thaum txog lub caij lub nyoog.
    5. Thaum yus laus thiab txog caij nyoog thiab zoo caij nyoog yus yuav tau muab yus tej qub txeeg qub teg los faib rau yus tej tub ki kom sib npaug thiab txhij txhua raw li yus lub neej yus khwv tau.

    Yus yuav tau fwm thiab pab YUS TUS XIB FWB thiab tej NEEG TXWJ LAUG 5 nqe xws li no…

    1. Yog thaum yus mus ntsib thiab pom lawv yus yuav tsa te thiab nyo yus lub tob hau hawm lawv.
    2. Yog lawv thov txog yus tswv yim, dag zog, nyiaj txi.ag los yus yuav tau pab lawv raws li yus ua tau.
    3. Yog lawv qhuab qhia yus los yus yuav tau mloog thiab ua raws lawv hais.
    4. Nco ntsoov lawv tej txiaj ntsig yog zoo caij nyoog los yus yuav tau pauj rov qab.
    5. Khaws thiab muab lawv tej tswv yim, kev txawj ntse, laj lim mus cob qhia rau tej xeeb leej xeeb ntxwv yav tom ntej.

    Yog yus yog TUS XIB FWB yus yuav tau ua 5 yam li xws li nov rau YUS TEJ TUB KAWM...

    1. Yus yuav tau cob qhia lawv mus rau qhov tseeb, qhov ncaj ncees, qhov zoo thiab qhov yog xwb.
    2. Yus yuav tau qhuab qhia txhua yam txuj uas yus muaj thiab paub yam ua lub siab dawb paug.
    3. Yus yuav tau cob kom lawv nyiam txoj kev kawm thiab pom txoj kev kawm muaj nuj nqi, txiaj ntsim.
    4. Yog lawv tau mus ua txhaum muaj teeb meem los yus yuav tau mus pab daws thiab zam lub txim rau lawv.
    5. Yus yuav tau coj thiab ua tus qauv zoo rau lawm pom thiab xyaum.

    Yog yus yog TUS TXIV muaj 5 yam yus yuav tau ua rau YUS TUS POJ NIAM xws li…

    1. Yus yuav tau hlub, hais lus zoo, mos muag, thiab fwm nws li yus ib tug muam los yog phooj ywg.
    2. Yus yuav tau muab kev nyob, kev noj, kev hnav rau nws kom zoo phim yus lub neej thiab meej mom.
    3. Yus yuav tau saib xyuas thiab pov fwm nws koj nws noj qab nyob zoo.
    4. Yus yuav tau muab me ntsis nyiaj rau nws tau siv thiab yuav tej saw nyiaj saw kub kom nws nyob muaj ntsej muaj muag.
    5. Yus yuav tau ua lub siab ncaj ncees rau nws.

    Yog yus yog TUS POJ NIAM yus muaj 5 yam yuav tau ua rau YUS TUS TXIV xws li ...

    1. Yus yuav tau tu lub vaj tse kom du lwb lug xis nyob thiab raug ntsej raug muag.
    2. Yus yuav paub txais tos qhua uas yog yus tus txiv tej kwv tij neej tsa thiab phooj ywg.
    3. Tu, saib xyuas, thiab fwm yus tus txiv kom muaj lub fwj chim thiab meej mom siab.
    4. Yus yuav tau hais tej lus zoo, mos muag, thiab mloog tus txiv tej lus zoo qhuab qhia, txhob lam hla nws tej lus.
    5. Muaj lub siab hlub thiab ncaj ncees rau yus tus txiv.

    Muaj 5 yam yus yau tau ua rau YUS TEJ KWV TIJ,NEEJ TSA, THIAB TEJ PHOOJ YWG xws li…

    1. Pub thiab pab luag txog tej tswv yim, dag zog, ncauj lus, thiab nyiaj txi.ag raws li yus muaj.
    2. Muaj txoj kev haum xeeb thiab sib raug zoo nrog sawv daws.
    3. Muaj lo lus zoo, mos muag, nco ntsoov luag tej txiaj ntsim thiab muaj zoo caij nyoog yus yuav tau pauj rov qab rau luag.
    4. Txais tos yus tej kwv tij neej tsa thiab phooj ywg tuaj xyuas yus mus rau qhov zoo tsim nyog yus lub neej thiab meej mom.
    5. Ua lub siab dawb huv thiab ncaj ncees tsis xav txoj kev phem rau ib leej twg.

    Yog yus yog TUS TSWV TSEV kav tej poj niam tub se thiab tej tub mab tub qhe muaj 5 yam yus yuav tau rau YUS TEJ TUB MAB TUB QHE xws li…

    1. Hlub thiab pov fwm lawv kom lawv ntsib kev noj qab nyob zoo.
    2. Siv tej lus zoo, mos muag txib lawv, thiab kom saib tau lawv.
    3. Muab tej hauj lwm rau lawv ua kom phim li lawv lub tswv yim thiab lub dag zog xwb.
    4. Muab lub sij hawm so thiab muajb paj tshab pub rau lawv kom lawv ho tau nyob tau so thiab muaj kev zoo siab.
    5. Tau qhuab qhia lawv mus rau qhov zoo thiab yog; yog lawv tsis paub thiab tau ua txhaum los yus tsuas rau lub txim kom phim lawv qhov kev txhaum xwb los yog yus tseem ho zam lub txim rau lawv thiab.

    Yog yus yog TEJ TUB MAB TUB QHE muaj 5 yam yus yuav tau ua rau YUS TUS TSWV TSEV xws li…

    1. Yus yuav tau sawv kom ntxov tshaj yus tus tswv los ua yus txoj hauj lwm.
    2. Yus yuav tau ua yus txoj huaj lwm kom zoo, tiav log, thiab pw tom qab yus tus tswv.
    3. Yus yuav tau zoo siab thiab ua tsaug rau yus tus tswv uas nws tau muab txoj kev hlub thiab ncaj ncees rau yus.
    4. Yus yuav tsum zoo siab hlo ua yus txoj hauj lwm kom kawg yus lub tswv yim dag zog li yus yuav ua tau rau yus tus tswv.
    5. Yus yuav tau ua lub siab ncaj ncees rau yus tus tswv thiab pab tiv thaiv saib xyuas txhua yam uas yog nws teej tug.

    Muaj 5 yam uas yus yuav tau fwm thiab teev hawm yus tus VAJTSWV xws li…

    1. Yus yuav tau fwm thiab saib yus tus Vajtswv, rau qhov chaws siab, tsim txiaj, thiab muaj nuj nqi.
    2. Yus yuav tau tswj nrees yus txoj kev ntseeg, kev dawb huv, kev ua zoo, thiab txoj kev ncaj ncess kom ruaj rau sawv daws pom.
    3. Txog lub caij teev hawm thiab ua kev cai dab qhuas yus yuav tsum tau ua, yuav tsum ua kom raws txoj kev txoj cai, thiab ua kom mus raws lub caij lub nyoog.
    4. Yus yuav tau coj lub siab kom tiaj tus, kom yus muaj kev nyob kaj nyob huv, thiab noj qab nyob zoo.
    5. Yus yuav tsum txhob lam mus cem, thuam, thiab nyhos lwm tus neeg tus Vajtswv, kev cai teev hawm, thiab luag txoj kev ntseeg.

    Me tub, kuv cov lus zoo thiab lus qhuab qhia qhov tseeb qhov meej rau koj hnub no ces tsuas los xaus li no xwb. Zaj paj lug qhuab qhia kev ua neeg rau koj hnub no yog leej twg kawm tau thiab coj mus siv rau nws lub neej ces kaj ntug tag kis nws lub neej yuav zoo piv li 1 tsob ntoo, yuav hlav cag tob mus rau hauv av, yuav loj hlob nruaj ntseg, yuav tawg paj, thiab yuav txi txiv ntau heev thaum kawg. Tus neeg nov yuav txia mus ua ib tus neeg zoo. Nws lub neej yuav huaj vam. Nws yuav tau ib lub zoo neej ua nyob muaj noj muaj hnav, muaj nyiaj muaj txiaj, muaj koob mus nto npe. Nws yuav muaj kev vam meej, thaj yeeb, nyab xeeb tiam no thiab fab lwm tiam tom ntev no hu tib si....!

    Me tub, yog koj nkag siab, kawm tau zaj paj lug kev ua neeg nov, thiab coj mus siv ces koj yeej yuav tau tej koob tej hmoov li kuv tau piav los saum no xwb. Txij hnub no mus koj tsis tas yuav mus nce toj roob hauv pes mus teev hawm qhov twg li lawm. Koj nyob koj lub vaj lub tsev teev hawm xwb los yeej tau lawm tus txiaj ntsim koob hmoov yeej yuav los nplua mliag rau koj xwb…!

    Hmoov thiaj teb Yawg Koob tias…Zoo tiag tiag li os XIB FWB. Kuv tau hnov koj piav qhov tseeb, qhov meej rau kuv tag lawm kuv nkag siab zoo lawm. Nws zoo nkaus li koj tau qhib kuv lub qhov muag mus pom txhua tsav yam tsiaj txhu uas nkaum nyob qab thu dej ...los yog pom txhua lub hnub qub nyob nruab ntug ...lub ci thiab lub tsis ci huv tib si. Koj tau qhib kuv lub pob ntseg kom hnov txhua tsav yam pib hnov suab Zaj nti puag nruab tiv mus txog rau suab hnub qub ya nruab ntug. Hnub nov nim zoo nkaus li lub ntuj qhib plho nrooj ntug rau kuv mus pom lawm ntuj ceeb tsheej lawm ntag. Kuv yuav nyob thiab ua lub neej kaj siab lug lawm os XIB FWB…! Kuv zoo siab heev, thov ua koj tsaug…! Thov ua koj tsaug...! Ces Hmoov txawm nyo tob haus thiab pe XIB FWB 3 pes…

    XIB FWB hais ntxiv tias tsam nov lub hnub twb yuj yuav nto ntuj lawm ces cia wb ua li no…Muab koj cov xyab mus hlawv thiab txhos cia rau ntawm lub hauv paus ntoo faj khaum nov thiab muab koj cov paj coj mus tso nrog cov xyab ua ke. Tsob faj khaum nov tsuas yog ua ib qhov chaw cim xeeb tseg tias koj lub qhov muag thiab lub pob ntseg tau tuaj hnov qhov tseeb thiab pom qhov meej nyob rau thaj chaw nov no xwb. Muab koj cov zaub mov los rau wb noj. Koj cov nyiaj txi.ag cia koj rov nqa mus siv rau koj lub vaj lub tsev.

    Nkawd 2 leeg thiaj los zaum ua ke, noj pluas mov ntawd ua ke, tas ces nkawd thiaj ua ke rov los rau tom lub nroog lawm…..!!!

    Tom qab nov HMOOV kuj tau ib lub zoo neej ua. Nws tau los ua tus TSWV KAV NROOG rau lub nroog nws nyob thiab nws kuj MUAJ KOOB NTO NPE tias nws yog ib tug THAWJ COJ uas zoo heev li. Nws HLUB thiab muab kev NCAJ NCEES rau txhua leej txhua tus...Thaum nws tus XIB FWB tau tas sim neej HMOOV kuj tau coj nws los ua kev teev hawm tas thiab tau ua ib lub zoo ntees rau nws tus XIB FWB. Nws kuj tau rov mus tsim 1 lub tsev teev hawm nyob rau ntawm tsob ntoo faj khaum. Nws kuj tau nrhiav cov zoo Xib Fwb tuaj cob qhia kev ua neeg rau nws tej pej xeem thiab tej neeg dua kev...Ua rau HMOOV lub koob lub npe nro ncha mus thoob 4 ceg kaum ntuj....!!!



    Nujtxeeg
    Posted 21 July 2008 - 01:18 PM

    Nyob zoo KZKZ


    Hnub nov kuv rov tuaj xyuas koj ib me pliag. Kuv tsis muaj yam tshiab tuaj sau tab sis kuv tsuas los pab koj txhais me me 1 zaj Paj Lug uas koj muab tso tawm ntawm nov xwb.

    Tej Paj Lug nov nws muaj coob leej ntau tus tib neeg hais tseg. Muaj ib co Paj Lug mas nyias hais mus raws nyias qhov kev ua neeg es nyias kawm tau ces tsuas siv tau rau ib lub caij nyoog thiab ib Situation xwb (Paj Lug SPECIFIC). Muaj ntau cov Paj Lug mas yog tej tus neeg txawj txawj hais tseg ces nws cov Paj Lug zoo heev yeej siv tau rau kev ua neej ntau tiam thiab ntau ntau Situations (Paj Lug GENERAL).

    Yog li peb kev txhais Paj Lug thiaj xyuas seb yam Paj Lug yus txhais ntawd ne nws yog hom Paj Lug twg tias...Paj Lug SPECIFIC los yog GENERAL...

    Kuv los kuj tsis txawj txhais thiab...Yog li kuv tsuas txhais me me mus raws li kuv nkag siab thiab xwb...Txawm yog tib zaj Paj Lug xwb los vim nyias txoj kev ua neej ces nyias muaj nyias kev xav, kev ua, kev ntseeg, thiab EXPERIENCES ces nyias yuav txhais nyias mus lawm ib yam. Tab sis yog tus txawj txhais ces nws yuav txhais tau HAUM thiab RAUG dua ces ua rau neeg nkag siab zoo thiab paub coj mus siv...


    Cia kuv lam pab koj txhais 1 zaj Paj Lug mus li nram nov...



    LUAM ZOO THAWJ NTSUG...TXWJ NKAWM ZOO THAWJ TUG...


    Zaj Paj Lug nov...yog muab leej tib neeg txoj kev (SIB HLUB, TUS HLUB, thiab KEV NKAUJ NRAUG) SIB YUAV los yog kev UA TXWJ NKAWM los sib piv mus nrog txoj kev ua LAJ LUAM.

    KEV SIB YUAV UA NIAM TXIV THAWJ TUG THIAB THAWJ ZAUG NWS TSUAS ZOO LI TXOJ KEV UA LAG LUAM THAWJ NTHW.....


    KEV UA LAG LUAM nws mus zoo li no..... txawm yog txheej thaum ub thiab nyiam no los yeej tseem ua mus tsis txawv deb pes tsawg...Kev ua lag luam es thaum yus hais tias yus tau lag luam zoo heev no mas tsuas yog thaum yus mus tsim tau ib txoj kev lag luam tshiab uas tsis tau muaj neeg ua dua li thiab yam yus ua ntawd haum neeg siab heev vim sawv daws tsis tau pom dua thiab tsis tau muaj dua ces luag tuaj pab yus yuav yam tsis tu ncua ua rau yus kev ua lag luam thawj nthw nov tau zoo muag heev li. Nws ua rau yus kev lag luam loj hlob thiab ua rau yus muaj nyiaj muaj txiaj sai.

    Tab sis tsis ntev tom qab ntawd lwm tus neeg pom tias yus txoj kev lag luam yus ua ntawd nws zoo heev ces luag txawm los mus nrog yus ua lawm thiab...Thaum muaj coob leej ntau tus los ua tib hom lag luam lawm xwb ces sawv daws cov lag luam ntawd ntau dhau lawm ua rau neeg yuav tsis tag li lawm...thiab thaum neeg muaj txaus tuaj lawm ces luag tsis tuaj yuav ntxiv lawm. Ua rau sawv daws tej lag luam tsis nqis zoo li qub lawm. Thaum nov ces sawv daws yuav tau los sib lwv kev lag luam lawm xwb...xws li yus yuav tau los muag kom tus nqi pheej yig dua yav tas los...thiab yus yuav tau txawj ntxias neeg lawm xwb...Thawm kawg txoj kev lag luam uas yus tau pib ntawd kuj txias los ua ib toj kev lag luam tsis muaj ceem tuaj lawm los yog tsis zoo lag luam ntxiv lawm. Yog tus tsis txawj kev ua lag luam zoo thiab tsis muaj peev ntau ces kawg tau muab txoj kev lag luam ntawd tso pov tseg mus vim yog txawm yuav ua mus ntxiv los nws tsuas ua rau yus POOB PEEV lawm xwb.

    KEV SIB YUAV UA NIAM TXIV, KEV UA TXWJ NKAWM, THIAB TUS TXWJ NKAWM THAWJ TUG LOS KUJ ZOO MUS TIB YAM LI KEV UA LAG LUAM THAWJ NTHW NTAWD THIAB.....Tab sis txhua txoj kev sib hlub, kev ua nkauj nraug, thiab kev sib yuav ua txwj nkawm los yog ua niam txiv nws tsis zoo mus tib yam yog li nov tsuas muaj kev sib yuav zaj puav thiaj ua mus zoo li txoj kev lag luam piav los saum no xwb...

    Kev sib hlub, kev ua nkauj nraug, kev sib yuav, kev ua niam txiv muaj zaum puav mas tus yus hlub thawj tug thib txoj kev sib hlub thawj zaug thiaj yog tus yus nyiam thiab txaus siab tshaj plaws...Txoj kev nkauj nraug sib hlub thawj zaug nrog tu syu shlub yus nyiam tsahj plaws thiaj yog txoj kev sib hlub uas haum yus siab tshaj plaws. Nws ua rau yus nco thiab pom tias nws muaj nuj nqi, txiaj ntsim rau yus thiab yus lub neej mus ib sim...Thaum nws mus zoo li nov lawm yus txoj kev sib hlub thiab yus tus hlub thiaj zoo thiab loj heev nyob tuaj nruab siab tsis ploj tau yooj yim li. Yus TUS HLUB thiab TOJ KEV HLUB txawm ho yog sib tau lawm los yuav sib ua txwm zoo niam txiv mus tas yus sim neej...Txawm muaj kev nyuab siab...ntxhov plawv hauv yus lub neej npaum twg los 2 leeg yeej tuav lub neej kom khov khov...tsis lam yuav muab lub neej pov tseg yooj yim. Yog kev sib hlub, kev nkauj nraug ho tsis sib tau los yus yuav nco tus hlu thiab txoj kev hlub mus tas yus sim neej...Yog 2 leeg ho tau sib yuav ua niam txiv lawm tab sis lub ntuj ho los muab 2 leeg sib cai xws li ib tug ho tau tas sim neej lawm los ib tug yuav khuv xim thiab yuav nco tus ploj lawm heev nyob hauv lub neej...txawm yus yuav mus yuav dua ib tug tshiab los tus tshiab ntawd nws yeej los hloov tsis tau tus ua ploj mus lawm. Qhov nov tsis tau hais tias tus tshiab ntawd tsis muaj yam zoo li. Nws yeej zoo txaus nws lawm thiab los vim nyias zoo txawv lawm nyias ib yam thiab nws yog tus tom qab lawm... thawj tug yog tus yus hlub thiab nyiam thawj zaug nws thiaj tseem nyob nruj nraim yus nruab siab tsis ploj...

    Zaj lus nov nws tsuas hais tau rau txoj kev sib hlub, kev nkauj nraug, thiab tus hlub thawj tug uas yus yeej nyiam thiab txaus siab heev tob mus rau yus lub siab lub ntsws yam tsis muaj dab tsi yuav los pauv tau...

    Tab sis kuj muaj ntau ntau txoj kev sib hlub, kev nkauj nraug, kev sib yuav ua txwj nkawm, ua niam txiv ...tsuas yog lam sib hlub, lam sib yuav...yeej tsis txaus siab tag tag tab sis vim lub sij hawm ntawd nws muaj kev cuam tshuam ntau tsav yam xws li...niam txiv cia li lam quab yuam tus ntxhais mus yuav tus tub vim yog luag tuaj nqis tsev hais thiab niam txiv nyiam tus vauv lawm, los yog kev ua nkauj nraug sib yuav vim yog tus hluas nkauj xeeb tub (nws yog kev txaum) lawm ces lam yuav...Los yog yus lam mus tham ua si xwb cia li raug cov laus muab yus sib lo kom sib yuav vim yus tau ua tej yam tsis raug ntsej raug muag rau luag pom...Los yog lub sij hawm thaum yus sib yuav ntawd nws tsis muaj hluas nkauj...hluas nraug coob...ces yus tsis muaj kev xaiv ntau...ces yus cia li lam sib yuav lawm xwb...Los yog thaum yus siv hlub sib yuav lub hauv paus yus tsis tau pom tus yus yuav ntawd tseeb tias nws yog hom neeg twg tiag...Tom qab ua neej los ntau niaj ntau xyoo yus mam paub thiab pom tias nws tsis zoo thiab tsis yog tus yus lub siab ntshaw thiab nrhiav tiag ces yus cia li tsis xav hlub thiab rov tsis nyiam tuaj lawm....Thaum zoo li nov txoj kev hlub thiab tus hlub yeej zoo tsis tag. Txoj kev ua lub neej mus li nov mas yeej tab muaj kev sib cav sib ceg...Kev tsis haum xeeb tag mus lis...Yog tsis sib haum xeeb thaum twg ces yus yeej xav tsa tes khiav thiab muab lub neej pov tseg yam tsis khuv xim li ntag....Nyob nruj nraim hauv yus lub siab thiab yus lub neej yeej tsuas lam ua xwb yus yeej tseem muaj yus ib zaj kev npau suav ua yus xav ntsib, yus xav nrhiav, yus xav tau ib tug uas haum yus thiab yus txaus siab tag tag rau nws es yus yuav sov siab hlo ua lub neej thiab ua tus zoo txiv los tus zoo niam rau nws...Yus yuav hlub thiab ua zoo rau nws kom kawg yus lub siab ntsws... Yog li nov tom qab yus ho pom muaj lwm tus zoo, pom tus haum siab raws yus txoj kev ntshaw lawm ces ua rau yus yeej hloov kiag siab li lawm...Yus yeej kam muab yus lub qub neej poj tseg kiag mus yam tsis muaj kev khuv xim li vim nws twb yeej zoo tsis txaus yus siab los ntev lawm.

    Thaum lub neej zoo li nov ces nws kuj tsis HAUM mus raws zaj PAJ LUG hais tseg saum toj nov....!


    Muaj zaum puav thawj tus poj niam/thawj tus txiv kuj yog tus neeg zoo lawm thiab tab sis vim yus coj tsis tus/siab luv ces tab pheej niaj hnub sib cav sib ceg tas mus li. Thaum kawg 2 leeg kuj tau txiav txim siab sib nrauj muaj lub neej tso pov tseg...xav tias mam mu syuav dua tus tshiab uas nws yuav zoo du aqub no. Tab sis kuj nrhiav tsis tau tus zoo yooj yim tham kawg lam rov yuav dua ib tug niam los yog ib tug txiv tshiab. Tus niam los tus txiv tshiab ntawd kuj tsis zoo tus dab tsi li thiab...los yog tseem ho tau tus phem dua tus qub lawm...Yus xav tias yog tsis zoo ces kawg rov muab nrauj dua mam nrhiav dua tus tshiab ua yuav zoo dua...Tab sis yuav pes tsawg zaus los kuj tsis tau tus zoo tshaj...Thaum kawg ces ua rau yus lub siab ntsws pua stas lawm...Tsis ntseeg tias tseem yuav muaj lwm tus neeg zoo tshaj yus thawj tus txwj nkawm ces mam ho rov nco thiab khuv xim yus tus qub txwj nkawm thawj tug...Muaj zaum puav yus thawj tus txwj nkawm thiab yus coj yeeb yam sib txawv heev ces nyob ua ke tsis sib haum li (PERSONALITY CONFLICTS). 2 leeg thiaj tau sib tso...Tom qab sib tso tag yus tus qub txawj nkawm ho mus yuav tau tus neeg coj yeeb yam sib haum...Nws lub neej ho cia li zoo heev tuaj lawm...Tej nov los kuj rov u arau yus khuv xim nws tias ua cas thaum nrog yus nyob yus ho tsis pom nws zoo thaum mus yuav lwm tus lawm ua cas nws ho yuav zoo du aqub tuaj...Ces ua rau yus rov khuv xim nws...!

    Thaum zoo li nov ces thiaj rov poob rau los Paj Lug uas hais tias....KEV TXWJ NKAWM TUAS ZOO THAWJ TUG...!

    Kuv ntsib koj linov xwb...

    Mam sib ntsib dua,




    Paj lug Suav hais tias:

    Yog koj xav nyab xeeb 1 teev ces haus cawv kom qaug

    Yog koj xav nyab xeeb 1 hnub ces tua npau noj

    Yog koj xav nyab xeeb 1 lis piam ( week) ces tawm rooj tsham teb chaws

    Yog koj xav nyab xeeb 1 xyoos ces yuav poj niam

    Yog koj xav nyab xeeb 1 sim neej ces ua tub vaj ( cog koj lub vaj= cog kev thaj yeeb hauv koj lub siab ntsws)

    Nujtxeeg' date='24 July 2008 - 07:43 PM'

    Nyob zoo KZKZ tus hmov tshua

    Hnub nov kuv rov tuaj nrog koj tso dag kom muaj luag me me... Kuv yuav muab koj cov PAJ LUG ...SUAV...los tham ua si me ntsis li nram no...



    Paj lug Suav hais tias:

    Yog koj xav nyab xeeb 1 teev ces haus cawv kom qaug

    Hahaha...Ua zaj nov mas ntshe kuv yuav haj yam tsis NYAB XEEB li...Vim thaum kuv haus ib nyuag pas cawv lawm xwb mas kuv lub tob hau kiv pes lees thiab dia tob hau, mob hlwb heev li os...!

    Yog koj xav nyab xeeb 1 hnub ces tua npua noj

    Ah yah...! Zaj nov los xyov puas yuav pab li thiab vim nqaij npuas RO.G RO.G li...Niaj hnub no tawv plab twb tuab li 3 nti lawm na. Tseem noj nqaij NPUA RO.G ntxiv thiab ces kawg muaj teeb meem HEART ATTACT lawm xwb...Ho xaiv cov nqaij NTSHIV noj nkaus xwb no los nws NTSUAS NTSUAS noj tsis QAB qhov qab ces twb yuav tsum muaj me ntsi ROJ ..tab sis roj ho tsis zoo noj ntau ces...zoo li txawm tua NPUA noj los yuav TSIS NYAB XEEB dab tsi li...Hahaha...!

    Yog koj xav nyab xeeb 1 lis piam ( week) ces tawm rooj tsham teb chaws

    Yog ...! Qhov nov kuv nyiam thiab nws yog ib qhov kuv xav tias yuav ...NYAB XEEB...heev...Tab sis nws NYAB XEEB rau lub sij hawm thaum kuv mus ua si es tsis xav txog kev nyuab siab dab tsi li lawm...Tsuas mus pom tej yam zoo thiab tshiab lawm xwb...Thaum rov los txog tsev...rov los pom tej qub teeb meem thiab pom tus NUJ NQI siv nyiaj thaum mus nrhiav kev NYAB XEEB ces rov TSIS NYAB XEEB dua tuaj lawm...Hehehe !

    Yog koj xav nyab xeeb 1 xyoos ces yuav poj niam

    Hahaha...! Zaj nov mas kuv yeej txaus siab hlo ua thiab ntseeg tias yeej yuav muaj kev NYAB XEEB kom puj 1 xyoo no ntag mas...Tab sis ho muab xav tias zoo li yus lub CAIJ NYOOG twb dhau lawm xyov puas yuav muaj lub ZOG los ua kom muaj kev NYAB XEEB MUS PUV 1 LUB XYOOS...!

    Yog koj xav nyab xeeb 1 sim neej ces ua tub vaj ( cog koj lub vaj= cog kev thaj yeeb hauv koj lub siab ntsws)

    Hahaha...! Zaum qhov twg tsaug zog qhov ntawd lawm xwb, thiab tiv tsis tau tshav los yog nag ntxiv lawm na...xyov yuav ua kom NYAB XEEB los haj yam ua koj TSIS NYAB XEEB li os...! Tab sis yog yus mus xyuas lwm tus lub Vaj Paj zoo nkauj xwb no...Kuj NYAB XEEB ib me pliag...! Tab sis yuav tsis kav mus 1 sim na...!


    Tuaj ua si thiab xauj koj ib me pliag li nov xwb los kuj NYAB XEEB lawm 2-3 feeb lawm thiab os tus phooj ywg...! Hahaha...


    Sib ntsib dua,


    Nujtxeeg' date='14 August 2008 - 03:16 PM'

    Nyob zoo KZKZ tus hmov tshua

    Tau ntev lawm kuv tsis khoom tuaj xauj koj. Hnub no kuv rov tuaj xauj koj ib me pliag. Vim koj tau muab PAJ LUG SUAV ntau yam los piav nov yog li hnub no kuv yuav nrog koj tham me ntsi PAJ LUG SUAV li nram no...



    LAOTSU COV LUS QHUAB QHIA...KEV UA NEEG...(THE TAO.....PART 1)

    LAOTSU tau hais tseg li no...


    There are ways but the WAY is uncharted;
    There are Names but not Nature in Words:
    Nameless indeed is the Source of Creation
    But things have a Mother and she has a Name...

    The secret waits for the Insight
    Of Eyes Unclouded by Longing;
    Those who are bound by Desire
    See only the Outward Container...

    These two come Paired
    But Distinct by their Names.
    Of all things Profound,
    Say their Pairing is Deepest,
    The Gate to the Root of the World...

    Since the world points up Beauty as such,
    There is Ugliness too.
    If Goodness is taken as Goodness,
    Wickedness enters as well...

    For IS and IS-NOT come Together;
    Hard and Easy are Complementary;
    Long and Short are Relative;
    High and Low are Comparative;
    Pitch and Sound make Marmony;
    Before and After are Sequence...

    Indeed the Wise Man's office
    Is to Work by being Still;
    He Teaches by not Speech
    But by Accomplishment;
    He does for Everything,
    Neglecting None;
    Their life he gives to all,
    Possessing None;
    And what he brings to pass
    Depends on no one else.
    As he Succeeds;
    He takes No Credit
    And just because he Does Not Take It,
    Credit Never Leaves him...

    If those who are Excellent find no Preferment,
    The people will Cease to Contend for Promotion.
    If Goods that are Hard to obtain Are Not Favored,
    The people will Cease to Turn Robbers or Bandits.
    If things much Desired are Kept Under Cover,
    Disturbance will Cease in the Minds of the people...

    The Wise Man's Policy, accordingly,
    Will be to Empty the people's Hearts and Minds,
    To fill their Bellies, Weaken their Ambition,
    Give them Sturdy Frames and Always so,
    To keep them Uninformed, Whithout Desire,
    And knowing one's not venturing to Act...

    Be still while you Work...
    And Keep Full Control
    Over all...!



    Nov yog tus XIB FWB SUAV hu ua...LAOTSU... no sau thiab hais tseg tau 2000 tawm xyoo dhau los lawm txog KEV UA NEEG...Yog li

    KUV XAV KOM KOJ thiab 3 HMOOB THOOB NTUJ COV MUAJ TSWV YIM LAM LI thiab KEV NTXAWJ NTSE TUAJ MUAB COV LUS NOV TXHAIS MUS UA LUS PAJ HUAM HMOOB TAS CES HO LOS MUAB PIAV UA TSWV YIM KEV TXAWJ NTSE RAU PEB SAWV DAWS TUAJ KAWM thiab COJ MUS SIV UA NEEJ...

    Sib ntsib dua,


    nraug laus,
    on Mar 19 2009, 02:56 PM,

    Nyob zoo Xib Hwb Nujtxeeg,

    Hmo no kuv tuaj pom koj cov lus qhuab ntuas zoo npaum li kuv mus xyom tej laus kev hais xim. Peb kev ua neej ces
    yog leej twg hla dhau cov lus koj tham no lawm ces yeej los yuav muaj kev tsaus ntuj xwb. Ua neej nyob yog yus plhom moj, phomsij, twv txiaj yuam pov, tub sab tub nyiag, tua neeg npog nroj ntsuab, tsis qee txoj kev hlub pub rau leej twg, luag ploj tsis nrog luag ploj luag tuag tsis nrog luag tuag ces yeej los yuav tsaus yus ntuj ib hnub xwb. Koj cov nqe lus
    twb qhib tau kuv ob lub qhov muag pom kev deb zog tuaj thiab qhib kuv ob lub pob ntseg hnov lus zoo dua qub. Yog li ntawd kuv thov ua koj tsaug ntau ntau.

    Ntshaj ntawd, kuv thov nqa tes ua tsaug rau tus muam KzKz uas tau tsim lub vaj paj lug no, hmo no kuv thiaj li los ntsib koj cov lus zoo. Kawg no thov foom koob hmoov kom XibHwb Nujtxeeg thiab tus muam KzKz nrog rau ib tsoom phooj ywg tsuas ntsib kev noj qab nyob zoo. Peb s/d ho sib cog kawm txuas ntxiv mus.


    Nujtxeeg
    Posted 26 March 2009 - 09:07 PM



    Nyob zoo Nrauglaus

    Zoo siab uas koj tseem tuaj ncig txog tus phooj ywg KZKZ lub chaw hais PAJLUG nov.
    Tsis tas li ntawd koj kuj tseem tau los nyeem txog kuv zaj lus ua tso tawm rau peb ib
    tsoom Hmoob tau nyeem ua si nyob ntawm no. Tej laj lim tswv yim txuj ci kuv coj tuaj
    tso tawm rau ntawm Hmongza nov ces kuj tseem ceeb rau tus puav neeg tab sis peb
    Hmoob feem coob sawv daws tsuas xav tuaj tso dag tso luag laug lub caij nyoog kom
    sawv daws txhob muaj STRESS los yog kev nyuaj siab ntxhov plawv xwb...

    Zoo siab thiab ua tsaug uas koj tseem tuaj qhuas thiab hais ib lo lus zoo tseg ntawm nov
    rau kuv. Zoo siab uas koj tseem pom tias cov lus kuv hais nov muaj nuj nqi rau koj. Kuv
    los kuj xav tias kev sib qhuab qhia kev ua neeg ces tsuas qhia tau li nov lawm thiab xwb.
    Qhov yuav tawg paj thiab txi txiv ces yog leej twg ho pom tias zaj lus kuv hais nov muaj
    tus nuj nqi ces kawg yuav tau coj cov lus nov mus xyaum ua neeg lawm xwb...

    Kuv ntseeg hais tias yog leej twg muab cov lus qhuab qhia nov mus kawm tau ua lub neej
    tiag tus ntawd lub neej yeej yuav zoo thiab yuav zam tau ntau ntau yam teeb meem ua
    peb Hmoob sawv daws niaj hnub ntsib nov. Muaj tej cov lus qhuab qhia ntawm nov kuj
    piav yooj yim tab sis thaum yus coj mus xyaum ua neeg no kuj xyaum nyuaj heev yuav
    yog yus xyaum tiag tiag mas txoj kev zoo ntawd thiaj yuav tshwm sim tau rau yus...

    Thaum kawg nov kuv los kuj thov kom koj tsuas ntsib kev noj qab nyob zoo thiab ntseeg
    hais tias tej lus kuv tuaj tso tawm ntawm nov yuav tsis pab koj ntau los yuav pab me me
    thiab...Thov kom koj tsuas tau txais kev vam meej thiab nyab xeeb nyob hauv koj lub neej...!


    ZOO SIAB THIAB THOV UA TSAUG RAU TUS ZOO PHOOJ YWG...KZKZ
    UA TSEEM TAU TUAJ XA XOV XA MOO RAU KUV...
    YEEJ TAU NTEV HEEV LAWM UAS KUV TSIS TAU TUAJ TSHAM NWS LUB
    CHAW NOV LAWM...

    Mam sib ntsib dua,

    NT




    Nraug Laus
    Posted 27 March 2009 - 07:44 AM

    Nyob zoo npawg nujtxeeg,

    Zoo siab rau koj cov lus. Kuv pom coob tus tuaj tsham hauv no yog tham txog kev plees kev yi ntau tshaj. Ntau tus tus coj ceev coj nqaim li cas los muaj. Tab sis koj cov lus tsis yog ib cov lus lam tau lam hais, yeej siv sij hawm los teeb, teeb muaj qab hais muaj quag, hais lo lus ncaj nrab tsis tuam mom tus leej tus twg, thiab hais yam yus tsis pom dua hnov dua. Qhov ntawd kuv thiaj qhuas thiab hawm koj tam li yog ib tug tub txawj ntxhais ntse uas tsim nyog muab tsaws rau lub sam xeeb. Hais txog ntawm hnoob nyoog xyov wb leej twg yuav hlob leej twg tab sis hais txog kev txawj ntse paub tab hnov xaiv ces koj yuav ua tij lawm kuv thiaj li muab koj hu ua xib fwb.

    Yog lawm, kev qhuab ntuas neeg ces tsuas qhuab qhia tau npaum li koj cov lus no xwb, yog leej twg txawj siv ces yeej muajj txiaj ntsim qab hau kawg lawm. Zoo siab thiab ua tsaug uas koj tseem tuaj txais tos kuv. Ntseeg lawm tias cov laus lawv laus lawm tus txawj sau ntshe yuav muaj tsawg, peb yuav tos kom muaj ib tug tuaj sau tej lus nyiaj lus kub rau hauv no mas yuav tsis muaj li. Phaum hluas los lawv hluas dhau, ntaub ntaw lawv txawj tab sis lus ntse lawv tsis txawj. Cov tseem txuas tau lus nrog phaum hluas phaum laus ces yog peb phab uas loj hlob lub teb chaws txom nyem tuaj tab sis ho muaj zoo lub caij tuaj kawm, txawj sau, txawj nyeem. Leej twg txawj li cas los sib pab qhia ua koob ua hmoov tseg
    xab theeb lwm hnub peb phaum no laus laus lawm, phaum hluas leej twg ho xav xyaum xav siv los kom lawv tau txais mus siv.

    Yog yuav muab piv hais tias s/d siv caij nyoog tuaj sib tham tsis muaj nuj nqis no los yog. Tab sis ho muab xav tias peb yuav tsum volunteer los cob qhia s/d kom muaj kev tsim nuj rau tus xav xyaum xav siv no ces nws yog ib qhov txiaj ntsim zoo heev. Yog thaum ib tug muab peb tej tswv yim no los combine uake ces nws yog tswv yim nyiaj kub xwb. Tej laus txawj ntse los ntawm lawv pom dua ua dhau, peb phaum hluas qhov kev txawj ntse yog pom thiab nyeem tawm los. Kuv tuaj pom koj lub tswv yim, kuv khaws ib qho, koj pom kuv koj khaws ib qho, s/d sib pauv tswv yim li no ces nws yuav ua rau s/d qhov muag pom kev deb zuj zus.

    Kawg no thov ua tsaug rau koj lub sij hawm los nyeem kuv cov lus thiab cia siab tias tseem yuav tau sib ntsib ntxiv lawm yav tom ntej.




    Paj lug Suav hais tias:

    Xav seb qhov koj cog lus rau luag ua puas tau thiab puas muaj tseeb, vim kev cog lus yog nuj yog nqe.


    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 26th May 2010, 12:45 pm


    Hais Paj lug
    Sau Tim 28 lub 4hlis 2009
    tu sau

    Vaj Ntxoov L.

    tus sau

    Txawj Vaag Yaaj





    Tub Soj Ntsuam,
    Apr 28 2009, 05:25 PM,
    [size=24]
    Koj los txawj kuv los ntse
    wb lub meej mom thiaj nrov nto npe

    Kuv twb R.U.A.M koj tseem pheej tuam
    Ces wb yuav kob huam

    Koj muaj hom phiaj Kuv tsis tsim txiaj
    Thaum kawg wb tsis nrog ntiaj teb muaj nyiaj

    Poj niam txawj xav txiv neej ua tas mav
    Yeej tau lub koob lub npe cuab tsav

    [/size]

    Nraug Laus
    Posted 28 April 2009 - 11:13 AM

    Nyob zoo Tubsojntsuam,

    Cas nws txawj taslauv ua luaj li thiab.
    Yog los mas, txawm yus rua-m los coj siab ncaj ces kev phooj ywg yuav muaj coob tshaj.
    Txawm yus kob huam los txhob tsab ntse, luag pej kum thiaj tsis xyav yus lub koob npe.
    Txawm yus txawj thiab yus ntse los txhob tsab loj, luag lwm leej lwm tus thiaj xav nrog yus koom ua ib npoj.
    Me kaus nqeeb ces tsis hliav los ntse tsis hlawv los liab, thov kom ib tsoom npoj sawv daws tham lus sib qhia siab, sawv daws thiaj muaj koob nrov nto npe.
    Me txiv xyoob txiv ntoo ces tsis hlawv los daj, tsis ci los siav, ua neej nyob yog yus txawj xwb yus tsis ntse ces yus yuav piv tsis tau tus ua tes rua-m piav. Chim xeeb txhob chim laj, muaj caij no ces ho tuaj nrog peb koom hais lus paj.

    Chim laj los txhob chim xeeb, peb tsis yog kev khaub plees nkauj nraum los txav zog tuaj peb hais lus tseeb os tus me phooj ywg.


    Tubsojntsuam
    Posted 28 April 2009 - 01:53 PM

    Nr.L,

    "Koj kuj tsis yog dog dig kiag nawb...hehe" Ua tsaug os! Ho lam mloog kuv lub tswv yim hav nyom ov...haha!

    "Not possible but it makes perfect sense"

    * Niam los txawj txiv los ntse
    me tub me nyuam tsis puas koob puas npe

    * Lo lus zoo muaj nuj nqis npaum mov nplej txhuv
    nyob hauv lub vab lub choo

    * Lub suab phem nws tsuas work thaum sawv daws
    tso daj tso luag sib tw ua kev lom zem

    * Koj coj zoo kuv nyob rawv ntawm npoo
    wb ob leeg ntxooj nyos npaum me xyoob me ntoo

    * 1 txhais tes tsis npaum 10 txhais npab
    yog thooj siab koom ntsws qoob loo ntws puv nkaus txhab

    * Yog kuv tau ua Hmoob tus nom
    kuv yuav txhawb sawv daws kom txawj tua phom

    * Kuv yog me nyuam neeg dog dig xwb
    tiam sis laj lim peev xwm yeej pov puag tau wb




    Nraug Laus
    Posted 28 April 2009 - 02:48 PM

    Npawg Sojntsuam,

    Pluas me zaub mov qab ces sawv daws li noj tau tsau, me yaus ces laj loj xwb twb kawm tsis tau txuj ntau.
    Koj txawj hais nrog lub suab seev mus muaj ntsiab, thiaj nrov npaum suab raj ncas deev tau ib zej tsoom sawv daws nplooj siab.
    Mes yaus ces txawj seev los twb tsis txawj saub, ntshe yuav nkim tas me npawg soj ntsuam lub caij nyoog zoo tam li ntua niam poj txiv yawm noj tau me npoj nyab pluas hno qaub, ntshe niam poj txiv yawm yuav nroo nroo los me yaus twb tsis paub.

    Mes yaus ces muaj zoo me qub mov los twb tsis muaj zoo lub me poov xab, ntshe cub tau tus me dej caw tsis qab ces ntshe me npawg soj ntsuam haus twb tsis poob plab.
    Mes yaus ces muaj me poov xab los twb tsis txawj tim tau tus me poov cawv, ntshe me paj ntsha lus taum twb tsis deev lawm ib zej tsoom tej ntshua plawv.
    Npawg soj ntsuam muaj lus me zoo txuj los tso tawm li plho, me kwv luag nraug laus tseem zaum tsaws tos nyob ntawm no. He.he.he...


    Tubsojntsuam
    Posted 28 April 2009 - 03:07 PM

    Nyob zoo os Nr.L,

    Cas koj yuav hais tau muaj paus muaj ntsis kawg ne...hehe! Ua tsaug nawb mog. Tub Soj Ntsuam ces lam tuaj khawb me nas kos xwb os....hahaha!
    Tij laug Nr.L thiaj yog txiv tuam mej koob zaum pem hauv paus rooj los mas...hehe! Kuv thov ua koj tsaug rau koj lub tswv yim thiab koj li laj lim
    plab plaw tham meej cuag txiv neej yawg tseem ceeb. "Koj cov lus leej twg theev tsis hle li lawm ntag nawb"

    * Hnub twg Nr.L sawv ruaj li zeb
    Tub Soj Ntsuam mam tuaj thawv kom ti tsua


    NraugLaus
    Posted 28 April 2009 - 05:55 PM


    Nyob zoo kwv npawg Tub Soj Ntsuam,

    Xyeej tsawg tsis xyeej coob, npoj yaig kwv luag yij meem txav zog los tuav lub koob, kom peb txhua tus sawv tsheej Hmoob, txhiab niaj puas xyoo kom tsis poob noob.

    Txiv qua-v kws ces nplooj liab puv toj, tsawg tus thiaj meej pem phim ua thawj coj
    Nyob tsheej npoj koom siab coob txaus, yog txoj kev hais lus sib saib taus

    Kev hais lus yog los ntawm nyias lub lij xeeb, ua thawj coj tsawg tus thiaj txawj saib tseeb
    Txiv qua-v yeeb los niam txhob qua-v tshuaj, qhib rooj lug tos qhua thiaj li xav tuaj

    Taws qhuav rauv thiaj tsis ncho, sib hlub ces muaj sib nco
    Taws qhuav rauv thiaj kub, koom npoj nyob luag ntxhub thiaj yog phooj ywg sib hlub

    Koj qhib rooj lug hu kuv qhib rooj lug tos, npoj yaig kwv luag txhua tus thiaj kam los
    Zoo siab tiam no peb yug los ua hmoob, kuv txawj nqee los twb vim koj txawj qhoob

    Muaj haiv tsis muaj vaj, luag pej kum nts-ia peb yog neeg tsis tsheej haj
    Npaj tsev tsis npaj cuab tam, yus tsav neeg yuav ua neej tsis huaj vam
    Npaj zoo cuab tam yuav npaj muaj zoo lub tsev, pej kum haiv thiaj nts-iav yus tsis tam tus qhev

    Koj npaj thoob kuv mam npaj thi, wb thoob dej thiaj tsis si
    Koj npaj thi kuv mam npaj thoob, kwv dej los puv hub tseg rau peb me nyuam Hmoob os brother aw.




    Tubsojntsuam
    Posted 28 April 2009 - 07:45 PM


    Nyob zoo Nr. L,

    Wow! Zoo kawg kiag li lawm nawb. Kuv thov qhuas koj mog. Tsam no tau me ntsis cawv lawm mus kev tsis tshua
    tus los nej lam mloog nawb....hehehe!!

    * Lus piv txwv paj lug hais tias:

    "Mab Dub Suav Doog"

    Kuv xav hais tias:

    "Koj los txawj phoj,kuv los txawj yoog
    zoo li tus choj tuam sawv daws ntsia
    ua lub chaw sib poog"


    * Paj lug piv txwv hais li no:

    "Phooj Ywg Kev Dav Yeeb ncuab Kev Ti"

    Tub Soj Ntsuam phua dib liab plawv li no:

    "Txawm koj lawm tij,kuv ho lawm tub
    yog wb coj tib lij ces yuav zoo puav
    tam tej yawm yij nyiaj kub"



    NraugLaus
    Posted 28 April 2009 - 09:00 PM


    Nyob zoo kwv npawg Tub Soj Ntsuam,

    -Yog lawm os tseeb li koj hais kawg. Rooj tag qhib rooj txuas tsis txhob qos, hu tas nrho ib zej tsoom npoj hmoob sawv
    daws los.
    -Rooj txuas qhib los rooj tag tsis txhob kaw, hu tas nrho ib zej tsoom npoj hmoob los peb yuav tham txog txoj kev sawv
    daws ntshaw.
    -Peb yog taw txhob coj moj yam li quab, tas niaj tas xyoo zaum tsaws xam ntuj ntsuab.
    -Peb yog quab txhob xyaum coj li taw, coj siab loj siab dab tso tseg txoj kev sib tshum sib lauj sawv daws thiaj li mus txog
    chaw.
    -Thim laj kom thim sob, mob siab nrhiav kom tau thaj chaw rau hmoob nyob.
    -Thim sob yuav thim laj, mob siab nrhiav thaj chaw rau hmoob kav hmoob thiaj li yuav nyob ciaj vaj.
    -Nyob muaj koob tuag kom muaj npe, niam no peb twb koom tuag tau ib tse.
    -Peb lub xeem cia ua xeem tshoob nyob kom yaj los kib txoob, txhob siv xeem ua lub chaws cais hmoob sawv daws thiaj
    yuav huaj vam coob nyob tsis tu noob. he.he.he.



    Tubsojntsuam
    Posted 28 April 2009 - 09:46 PM

    Nyob zoo tij laug Nr. L,

    Kuv zoo siab ua tsaug rau koj cov lus qhuab ntuas tseem ceeb nawb mog. Tsis yog phooj yog ywg ces pluas qab los yeej tsis hnov tsw
    hos mov nplej tshiab siav los twb tsis tau saj li tiag. Zoo thiab phem los lam tuaj es wb sib ntsauv nyob kom hmo tsis txhob ntev ntev.

    * Hmoov tsis zoo es peb kwv tij Hmoob swb tsov swb R.O.G lawm los
    txij hnub no lawm tov,wb ua dab tsi los ua kom yog yog.

    * Kuv nyob lub tsev luaj cooj qaib,koj txawm nyob lub tsev pheeb suab xwb los
    thov muab txoj kev sib hlub saib kom muaj nuj nqis yam lub me kos Hmoob siv
    teeb lauj kaub.

    * Txawj sib pab ces yuav ciaj ntug hlav huam vaj
    nkawj sib tog ces nws yuav kub lawm tsheej niag thaj

    * Tub Soj Ntsuam tej me taus me txuas npub npub
    los tsis txhob me siab kav tsij yij meem tuaj wb tham
    pem saib yuav ua tsev liaj tsev teb li cas tshav ntuj thiaj tsis kub kub

    * Xov laj kab zoo ces me qoob me loo
    loj hlob ntsuab xiab puv teb,yog yus
    tub nkeeg ces ntshe vaj tse yuav sw
    zawv cuag ib txwm yeej tsis tu tsis cheb




    NraugLaus
    Posted 28 April 2009 - 11:28 PM

    Nyob zoo brother Tubsojntsuam,

    Twb yog laj kam poob tas pw ntsej pluav los tsis tuaj ntub
    thiaj lam tuaj zaum tham laug hnub
    Peb txawm tsis muaj txoj kev sib nco
    los lam tuaj peb tham laug hmo
    Poj mus work tshuav ib leeg nyob tsev
    pw tsis taus thiaj khwv tswv yim tuaj xev
    Lus xev lo zoo li nqa mus tsev
    lo tsis zoo muab pov tseg tom kev
    Xev muaj log txawb muaj lub
    lam khaws lo zoo coj mus qhub
    Xev tsis muaj lub txawb tsis muaj log
    lo phem nrauj ncua tsis txhob xav txog
    Noj los tsis qab pw los pw tsis tsheej
    thiaj xav txog peb hmoob lub me neej
    Peb hmoob ib txwm ua neej nyob saum roob
    cas nom tswv tas niaj tas xyoo txo kom poob
    Peb hmoob swb zog rau nram tiaj
    ntsia phab twg twb tsis muaj liaj
    Rov nce txog pem roob
    thaj twg puav leej yog luag qoob
    yuav rho txuas mus luaj
    luag hawv qaws yuav ntes mus kaw nkuaj
    yuav xav rho taus mus ntov
    txog twg los luag twb zov
    Niam no luag cais dej tu li nrho
    toj roob qhuav li qho
    liaj teb nyob twg rau hmoob do
    Peb tias peb tuaj rau lub teb chaws vam meej
    laj kam poob tas ntshai rwg tsam lub neej nyob tsis tsheej




    Tubsojntsuam
    Posted 30 April 2009 - 11:26 AM

    Nyob zoo Tij Nr.L,

    "Thov txim ntau kuv muaj me ntsis hauj lwm tab kaum lawm es thiaj tsis tuaj nrog koj tham nawb"
    Ua tsaug rau koj cov lus zoo thiab tej me paj lug muaj qab muaj hau.

    As Mes Kas
    Ntiaj teb lub ntuj ceeb tsheej
    Yav thaum ub hnov mas
    Tawg paj paug ci ntsa iab vam meej

    Xyoo 2009
    Los txog niaj hnub niam no
    Muaj ntau tus quaj
    Ntsib kev txom nyem me vaj tse
    Poob tag lawm puag zaj qho

    Pej xeem huab hwm
    No tsis qab pw tsis xauv
    Ntshai rwg tsam poob hauj lwm
    Nyiaj tsis muaj siv lauv los tsis tau caij
    Li koj tau teev hais tiag

    Li cas los xij peem
    Tsuav sawv daws tseem nyob khov kho
    Maj mam ntxeem tig cev
    Nrhiav pluas zaub pluas hmo
    Los cawm txoj sia nyob kom ntev

    Peb tsis coob
    Npaum mab dub suav doog
    Wb yog Hmoob
    Muaj dab tsi ho tuaj piav pub
    Ib tsoom kwv tij phooj ywg mloog.



    NraugLaus
    Posted 30 April 2009 - 01:00 PM

    Nyob zoo Tubsojntsuam,

    Tuaj txog rooj teb no nws puas pom pajvuam txiv khaub tseeb
    haujj lwm muaj ua vaj tse muaj nyob nws puas tau mus ua loj leeb

    Nyob rooj teb no nws puas pom muaj pajvuam txiv khaub sua
    kev ncig ntuj ncig teb nws mus puas tau txhua

    Wb ob me kwv luag tsis tau tham leej twg hlob leej twg
    hu kwv tij tam li kev phooj ywg

    Nr. L ces me plaub hwj txwv tsis ntev kom xib xib
    tsis zoo cuab me noog ntsim lib, muaj 14 xyoo rau 1975

    Vim wb tsis tau zeem txhij los nws xub muab kuv hu ua tij
    wb tau tso tus me paj lug tuaj mus sib lwv
    tsis tau nug los kuv thiaj maj muab nws hu ua kwv

    Yuav nug xwv thiaj paub tseeb
    muaj caij sib ntsib thiaj tsis ua fem feeb

    Nr. L ces phooj ywg twb txawm tsis muaj coob
    tsuas npaum sawv daws tuaj koom noj ib rooj me tshoob

    Nr. L ces tus me phooj ywg txawm twb tsis dav
    tsuas npaum sawv daws tuaj koom noj ib rooj me qav





    Tusojntsuam
    Posted 30 April 2009 - 05:00 PM

    Kuv zeem koj ua tij vim koj yog txiv nraug laus
    Soj Ntsuam Yaj Tub phim ua kwv
    Vim nws tsis tau pom txhij txaus
    Noob nyoog tseem me tsis muaj hwj txwv

    Kuv nyob rooj teb no tau ob zaug kaum tsib
    Yeej tsis pom muaj ib tsob txiv khaub tseeb
    Tseem niaj hnub maub ua teb de dib
    Li thaum niam txiv yug tim Looj Ceeb

    Nyiaj nyob tsiv kev txiv qaub nyob chaw siab
    Kuv los kuj lam peem peem mus txog
    Poj koob yawm txiv ntuj teb chaw nplog
    es kuj tau rau lawv tej me qub khau khiab

    Yaj Soj Ntsuam busy heev ntus no
    Mov twb tsis tshua tau noj li ntag
    Txij li thaum snow tu nrho
    Nyuam qhuav khoom me ntsis wb thiaj tau tso dag

    Hais txog kev phooj kev ywg
    Los sis leej twg thiaj yog tus loj
    Muaj zaum puav kuv tseem pheej so ntswg
    Ces ntshe yuav cia rau koj

    Hnub qab nram ntej
    Yog sij hawm laug los ncaj
    Wb mam zaum tsaws haus dej
    Tham me paj lug tso daj


    NraugLaus
    Posted 01 May 2009 - 05:11 AM


    nyob zoo kwv npawg tubsojntsuam
    tam txiv cuam lub suab kau zoo
    nyob saum ntoo txawj ntaus thaj cheej
    tsim txiv neej yug los ua hmoob
    kev ua qoob los nws txawj pib
    txawj de dib txiv ntoo chaw siab
    tsis nyuaj siab li txiv nraug laus
    txawj nqa taus nqa txuas luaj teb
    ua neej ceb qhov muag tsis ntxuav
    nyob nphob xuav liaj teb plam tas
    Obama nom dub thawj tug
    tshaj kev yug kaum yim lub hli
    muaj caij ntxi los tshawb cab sab
    siab tsis qab los ua siab ntev
    yog txiv tsev hwj chim yog maum
    niaj hnub zaum li daum raug xub
    poj ntxub ntxub los ntsaws qhov ntsej
    tsuav pom nej txhua tus hauv no
    tsheej tag hmo twb tsis xav pw li os
    tus me kwv npaw soj ntsuam......!


    Tubsojntsuam
    Posted 01 May 2009 - 10:45 AM

    Nyob zoo Tij Nraug Laus,

    Ua tsaug rau koj cov paj lug zoo nawb mog
    Txog caij tuaj kuv yuav tuaj
    Tiam sis txog caij rov kuv ho yuav nrog
    Sij hawm sib tw ceev cuag cauj luaj

    Muaj sib hawm thaum twg
    Kuv mam ncig lis yeev
    Tuaj tsham me phooj ywg
    Nraug Laus tus txawj seev

    Koj mam nrog niam KoojZiagKabZaug
    nthuav txuj nthuav ci
    Rau ib tsoom kwv tij sawv daws ntsauv luag tsheej tsaug
    Kom nyob ntev niaj mus ntau hli


    NraugLaus
    Posted 01 May 2009 - 09:02 PM

    Nplooj ntsuab tas niaj yog lawm me nplooj thuv
    tsis txhob khiav ho yuav tseg kuv

    Nplooj ntoos dav ces yog lawm nplooj huab ncua
    koj mus tiag tseg kuv yuav ua cas tshua

    Qaib qua vim twb yuav kaj ntug
    koojziag kom wb nyob cheb nws lub tsev paj lug

    Qhua tuaj kom wb nrog txais
    muaj pem kom wb sib cog hais

    Paj ncw yeej tawg tau tshiab
    nws mus tseg kuv yuav ua cas lwj siab

    Paj tshiab vim nws tawg ncw
    nws ncaim lawm yuav ua cas thiaj taug tau lw

    Dab ntshai tsuas yog noob taum
    koj nyob sov kuv ntiag kuv pw sov koj qaum

    Txiv cev hmoob ntsuab hu txiv zuaj
    yog nws yuav mus tiag nco ntsoov rov tuaj

    Txiv zuaj hmoob dawb hu txiv cev
    yog nws mus nco ntsoov txhob mus ntev ntev
    nawb kwv npawg tub soj ntsuam.



    Tusojntsuam
    Posted 01 May 2009 - 10:13 PM


    Mo nuav muab kuv ntsab ua hmo
    Pig kig maam muab koj ntsab ua tshais
    Wb ob kwv tij zoo npaum no
    Zab yuav tsis dag tsov noob qes hlais

    Moob leeg hu tug nyuj ib yam li Hmoob dawb
    Tsis yog hu ua tug nam nyoj
    Kuv tsuas mus ncig tshawb
    Nrhiav hauj lwm tsam tsis tau noj

    Nag hmo yog xiab tsib xiab kaum cuaj
    Kuv nim zov zov qhov muag li tag
    Los tsis pom tij nraug laus tuaj
    Kuv thiaj sau faj lus cia ntag

    Tsis txhob ntaus siab me nawb mog
    Kuv mus hnub tsis ntev hmo tsis ntau
    Yeej yuav nkag khawv khuav tuaj nrog
    Koj sib huas taub hau tsau

    Koj los txawj tham
    Kuv los xav tuaj mloog
    Ntshe yuav niaj hnub vam
    npau suav tuj toog

    Rov tuaj ntsib Tij Nraug Laus
    Yij meem ua siab ntev tos
    Heev kawg los yeej tsis taus
    Li ntawm plaub tsib hmos


    NraugLaus
    Posted 01 May 2009 - 11:33 PM


    Tag kis nov muab koj ntsiab ua tshais
    ib tsam mam muab kuv txhuv ua hmo
    zab tsis lam dag tsov noob qes rho

    moob leeg tsis hu tug txiv nyoj dob
    zoo siab tau ntsib kwv npawg soj ntsuam
    tus tswv yim tob, yog nws mus nrhiav
    noj no txhob mus mev teb tsam kis kab mob

    hnub no yog xiab tsib xiab kaum rau
    yog nws muaj hauj lwm ntau
    thaum twg khoom mam tuaj los tau

    Mus cog dib cog taub piv yam li mus ua qoob
    nws mus nrhiav noj xwb txhob mus lawv kuv phem
    tsam poj tsis zoo siab ces nws rov los tsis muaj chaw poob

    Koj mus lawm kuv mam nyob tos, ntsia ntsoov ncauj xub kab
    ntshe yuav ceej laj nyob tos txog hnub koj rov fib qab.

    Koj rov los txog hu kuv tsis teb, vim kuv los ntshe
    tseem nyob lawm txoj kev deb. Twg xub los no ces ho lov nplooj
    tsuam kev. kuv mus los kuv yuav maj rov los kom txog tsev
    nawb kwv npawg tub soj ntsuam.




    Tusojntsuam
    Posted 02 May 2009 - 04:11 PM

    Nyob zoo KoojZiagKabZaug,

    Tau kawg mas. Muaj hauj lwm los yij meem mus ua kom tiav log es mam tuaj los yeej tsis lig li os. "Your work is more important
    than anything else" Thov koj tsis txhob xav li cas nawb. Kuv yuav sau me ntsis paj lug ua si...hehe!


    Cov neeg uas coj tus,lo twg twb yog lus!
    Neeg muaj zoo hom phiaj,Yeej yog cov tsim txiaj!
    Leej twg yog neeg ntse,Ib txwm hu tuav npe!

    Cov poj niam paub tab,yeej txais tos tsheej pab!
    Tus neeg uas coj zoo,Yeej ib txwm nug hmoo!
    Tus muaj laj lim tswv yim,ua dab tsi yeej xyuam xim!


    Tubsojntsuam
    Posted 07 May 2009 - 02:20 PM

    Ua neeg nyob yuav tsum npaj rawv teeb khau nplim
    Ib tug txiv neej yuav tsum sawv phim yus lub hwj chim!

    Nom tswv tawm rooj plaws rau khau dub nciab
    Poj niam zoo nkauj los ntawm nws cev zam tshiab!

    Thaum noj mov yuav tsum xuas diav
    Qhov twg tawv mam rho riam txiav!

    Yog yus hnav ris tsho xam koos nrog tie
    Hais lus yuav tsum tsis txhob lie!

    Lo lus iab tswj npog cia nruab siab
    Laj lim tswv yim ntse cia tsav yus lub npe!

    Muaj zoo hom phiaj zoo npaum ib pob nyiaj
    Leej twg xyaum dag nws yuav nyob tuaj qab tsag!

    Tus neeg coj zoo nws lub meej mom nrov cuag xov nroo
    Tus neeg siab ncaj nws thiaj tuav tau tsheej roob yaj!


    NraugLaus
    Posted 07 May 2009 - 03:54 PM

    Nyob zoo kwv npawg soj ntsuam,

    Nws ploj ntsiag moo tau ntau hnub
    mus ua hauj lwm es tshav puas kub

    Zoo siab rov tau ntsib, hais phem hais zoo los thov txhob khib.
    Lo lus faj seeb tham raug leej twg los thov txhob chim,
    yuav kom luag ntsia yus muaj tsim,
    hnav xam koos dub, txhob rau thom khwm dawb
    luag thiaj tsis ntsia yus tam tus neeg awb.

    Qaib zoo cev plaub neeg zoo cev zam
    txawj hnav tsoos ces luag ntsia ntxim yog nom
    tsis txawj hnav tsoos ces luag ntsia twb tsis muaj meej mom

    Heev nyuj zoo nraug vim muaj kub phim nws lub ntsov
    hmoob txiv leej tub tsis muaj kev kawm ces luag hu rua-m tua tsov

    Tsoos zoo los yeej txawj ntuag, neeg ntse los yeej txawj tua-g
    Muaj zoo tswv yim puv plab yuav tau sib pab nthuav qhia
    tsam yus ploj ces yuav khaw tsis tau cia

    Yog lawm tus neeg muaj hmoo yeej yog tus neeg coj zoo
    peb ua neej nyob txawm tsis muaj nyiaj puv hnab
    los tseem zoo dua tus neeg deev luag poj nruab paig
    nyiag luag qoob nruab txhab

    Npaj siab tuaj peb tso pem thiaj muaj txoj kev lom zem. He.he.he.

    Tubsojntsuam
    Posted 07 May 2009 - 08:32 PM

    Kuv ploj tau ob nyuag hmo,twb npaum cuag ib cim ntuj no
    Mus tau peb nyuag hnub,yeej tseg tsis taus tej muj khub

    Zoo phooj ywg tsis tshua muaj,txawm mus qhov twg los yuav rov tuaj
    Tij Nraug Laus tus neeg txawj tham,kuv yeej nco ntsoov yuav tuaj tsham

    Hnav xam koos yuav tsum sia siv tawv,kuv yaj tub yog hom caiv plawv
    Tij Nraug Laus yog neeg tshaj lij,ua cas wb tsis lam yog yawm yij

    Leej twg yog neeg txawj tso dag,txeev tham tsheej hnub tsis paub tag
    Cov uas yus ntsia ntxim dog dig,lawv yog master txawj ntaus nrig

    Tij Nraug Laus tus txawj piv lus,Yaj Soj Ntsuam xav kawm ntxiv txuas mus
    Muaj zoo phooj ywg kuj tsis ua luaj twg,ua twm zeej mam cuag nkaus taug kev pos ntseej



    NraugLaus
    Posted 07 May 2009 - 10:16 PM

    Kwv npawg soj ntsuam txawm mus tau ob nyuag hmo
    los nraug laus nim twb nco nco
    zoo nkaus li twb mus tag lawm ib cim ntuj so

    Nraug laus nim seev uj iv tos tsis pom nws tuaj
    kho kho nraug laus siab twb xav mus noj tshuaj

    Tiam no txawm tias wb tsis tau ua yawm yij dab laug
    txoj kev phooj ywg twb zoo puav tam li tej nkauj nraug ib txhis raug.

    Nraug laus ces niam txhawv lis zoj tsev xeem hawj tej me qab tog
    tuav nyog xeem vaj tus me ncej dab
    coj tau nraj lum tsev hmoob zag tus nkauj see los ua nws leej nyab
    tub ki niam twb txhawv tau lawm ib nyuag pab.

    Nraug laus ces nrig los tsis txawj ntaus, qeej los tsis txawj tshuab
    niam twb piv tsis tau me qav qhuav ceg pw saum daim nplooj ntsuab.

    Nraug laus ces thaj cheej los tsis txawj ntaus
    suab nkauj los tsis txawj hu
    niam ua lub me neej tsaus lis nti twb tsis tau phlu.

    Nraug laus ces zoo puav tam lub me hnub twb yuav qaij
    nim ua lub neej huaj vam tsis huaj txhaij
    coj me siab mos siab muag zoo puav tam tus nees rau luag caij

    Tham txog tej me kwv tij ces nraug laus twb zoo tsis txawv
    lam ua lub me neej twm zeej twm kawvj tu siab lawm tej siv nrhawv
    thiab los mas me kwv npawg tub soj ntsuam.


    Kzkz
    Posted 08 May 2009 - 12:32 AM


    Wow...! NraugLaus & Tubsojntsuam e...!

    Neb mas sib phim ua kwv tij kwv npawg tiag li lauj!

    Tug txuj luaj tug ci muab tsis dhau

    Neb mas tshaj lij tib yam

    Tug mus ib ruam tug tuaj kiag ib sab tham

    Zoo tiag tiag li lauj!

    Mloog neb tham kuv luag luag tshuav tu hlab chaub...

    Txawj hais lub lus phim neej tshiab

    Txawj hais hnav xam koos phim khaus pnav xawj kiab

    Tsab tsab los luag tias yog Hmoob toj siab

    Thiaj tsis paub lab npiaj...Hehheehh...

    Zoo siab tag nrho rau neb ob tug

    Tuaj ua rau peb lom zem laug hnub laug hmo khaws Hmoob txuj...




    p 13 #512

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 6th June 2010, 10:04 am

    Nr. L
    ' date='08 May 2009 - 01:06 PM'


    Nyob zoo os niam nkauj kabzaubkabzuag
    tub soj ntsuam wb twb tsis txhawj tham los
    cas tseem txaus nws xav luag

    Cia nws luag lawm ob peb suab
    seb puas tsav tag nws leej txwg leej nkawm lub me teej cuab

    Cia nws luag lawm niaj op peb rhe
    seb puas deev tas leej tab leej zag nrog nws nyob uake

    Tub soj ntsuam wb tej paj lug ces twb hais tsis sib tshab
    thiaj txaus txaus niam nkauj kabziagkabzaug luag mob plab

    kwv npawg soj ntsuam nws noj hmo lawm los tsis tau
    noj hmo tas nrho ces tawm plaws tuaj peb tso lus daj
    seb puas txaus niam nkauj kabzuag luag luag pw nthi rau saum txaj

    Ib hnub niam nkauj kabziagkabzaug yuav tau luag lawm ib rhev
    nws yuav tsav tau niam nkauj kabziagkabzaug nyob laus nkoos tau txoj mus sia ntev.



    *********************

    Kzkz
    Posted 08 May 2009 - 01:38 PM

    Nrauglaus & Tubsojntsuam txawj hais txawj qhuab
    Thiaj ua rau niam nkauj Kzkz luag luag yuav tuag

    Nr.L & TsN txawj hais paj huam txuam paj lug
    Thiaj ua rau niam nkauj kzkz zoo siab luag luag ua nyhuv tshuav tu

    Niaj txiv piv txoj lug tias ib hnub luag peb suab
    Yuav tsav tau leej tab leej zag lub me zoo lawm teej cuab

    Luag niaj txi piv txoj lug tias ib hnub luag lawm peb rhe
    Yuav ua tau leej tab leej zaj ib tug zoo lawm niam tsev

    TsN yog lawm kws paj huam qhuab ntuas
    Yuav tsa tau Hmoob nraj lum lub teej cuab muaj vaj huam
    Nr.L txawj lawm paj lug cob qhia
    Yuav tsa tau lawm nraj lum Hmoob zeeg lub sam xeeb sawv ciaj

    Hnub nov sawv los tau luag peb zag
    Nyob ib hnub tsaug ntuj nrog lub siab kaj
    Hnub no muaj Nr.L thiab TsN ua rau Kzkz tau luag
    Hnub no yuav txua kuv hnub nyug lawm ib xyoos rov hluas....

    Yam yuav ua neb tsaug
    Yog muaj lawm neb tej txuj ntau
    Yam yuav txaus neb yim
    Yog muaj lawm neb tej zoo tswv yim.




    ****************************************

    Tubsojntsuam

    Posted 08 May 2009 - 05:33 PM

    Mov zaub tsuag los lam nrog kuv noj,lwm hnub muaj tej qab kuv mam hu koj
    Zoo thiab phem los yog phooj ywg,kev sib pab nyob ntawm xub pwg

    Yog koj txawj piav,kuv yeej nco ntsoov tuaj nrhiav
    Tus neeg muaj zoo txuj,leej twg los tuaj ntsauv hmo ntuj

    Tij Nraug Laus muaj tswv yim loj,peb tuaj nyob tsheej pawg ua npoj
    Yim tham yim muaj kev lom zem,txawj sib haub sawv daws thiaj sib paub

    Txawm pom nquab ya tsis pom nquab zes,hnub twg tuaj hauv no mam sau ntawv tuav tes
    Tij Nraug Laus noj ntau xyoo qhauv,Ntev mus peb yuav muab nws puab ua ib tug zoo qauv...hehe! Smile Smile Smile



    ****************

    TSN
    Posted 08 May 2009 - 05:56 PM

    KoojZiagKabZaug chav tsev no muaj kev lom zem,phooj ywg khiav ntig ntwg tuaj tauv pem
    KZKZ yog poj Hmoob kheev tham,tij Nraug Laus wb niaj hnub tuaj tsham

    Ib tug neeg coj zoo,leej twg los xav tuaj ncoo
    Cev zam zoo tuaj sab nrauv,tus neeg lub siab zoo nyob sab hauv

    Yog txawj tham ces sij hawm tsis ntev,ib hnub ob tog tsaus ntshe yuav laj mus kev
    Leej twg muaj zoo laj lim,sawv daws yuav nco nws tag ib sim

    KoojZiagKabZaug yog poj niam paub tab,nws ntxias tau peb raws tsheej pab
    Cov phooj ywg to taub,tham faim twg los twb qhaub...hehe! Smile Smile Smile


    *******************

    Nr.L

    Posted 08 May 2009 - 08:08 PM

    Koojziagkabzaug thiab kwv npawg tub soj ntsuam
    hmo no tsaus tsaus kuv ntuj
    kuv xav tsis tawm txuj
    hmo no tsaus tsaus kuv kev
    khiav nkag kaws zoo puav tam tus neeg qhev
    tau noj tsis tau so niam khiav ua qab xib taws mob ncus nco
    kaj ntug tag kis neb tsis txhob nyob ntsoo ntsoos
    tawm tuaj nrog kuv koom ua las voos
    tag kis kuv muaj qhua coob coob
    ntshe yuav tsis xyeej tuaj nrog neb qhoob
    tag kis qhua yuav tuaj puv vaj puv tsev
    txawm tsis pom kuv tshwm los neb ua lub me siab ntev
    lub hli no xiab rau xiab kaum tsib
    muaj caij no ces tawm tuaj peb sib ntsib
    lub hli no xiab tsib xiab kaum rau
    muaj caij no ces tawm tuaj peb sib sau
    kom muaj neeg coob coob
    sib pab qw seb puas cawm tau kwv tij hmoob
    hmoob dej dawb ces twb yuav raug xa rov qab
    thiaj npuaj teg yim taw thov kom sawv daws pab
    hmoob dej dawb ces ntshai rwg tsam raug xa mus tsim
    thiaj npuaj teg yim taw thov seb lawv puas dim
    nim twb tsis xav nrog lawv qhoob
    los vim yus twb yug los ua ib tug hmoob
    nim tsis xav nrog lawv sib pab thaiv
    los vim yus twb yug los ua ib haiv
    neb nyob deb lub cev tuaj tsis txog los thov koom lub siab
    neb nyob tom vaj tom tsev los thov neb tsis txob muaj txiab
    neb nyob deb cev tuaj tsis tau los nplooj siab
    nplooj ntsws tuaj nrog sawv ua nceeg
    neb nyob tom vaj tom tsev los thov kom
    neb tsis txhob muaj nkeeg.


    ******************

    Nr.L
    Posted 10 May 2009 - 07:51 AM

    Me kwv Tub Soj Ntsuam,

    Cas nws yuav ua rau tij laug nyuaj siab ua luaj li nas, puas muaj tej yam tij laug yuav pab tau thiab. Tij laug totaub tias nws cov lus no ntshe yuav tsis yog sab nraud lawm. Los yog tij laug ua nws tu siab qhov twg lawm es nws thiaj tag kev cia siab os. Tsis yog li ntawd, cas nws yuav hais tau tusiab ua luaj. Sab laj rau tej kwv tij nyob ze thiab nawb. Yog tsis muaj kwv tij nyob ze los yuav tsum sab laj rau s/d cov phooj ywg kev deb seb puas pab tau tswv yim dab tsi.

    Lub neej nyob teb chaws no ces yeej ua neej dai npoo ncuv xwb. Tus yeeb ncuab loj tshaj plaws ces yog yus tus ntawm xub ntiag thiaj yog tus muab yus txo tes taw tu tas sawv los mob zaum los mob, noj haus los mob, pw tsaug zog los mob. Thaum yus noj mov iab li yeeb, haus dej xem li kua txiv thooj ywg, noj nqaij qab li ntsuas tawv ntoo. Thaum no yog thaum yus tshuav txoj sia tsis tu xwb tiag. Dhau ntawd ces yog nom tswv muab yus xauv tes xauv taw mus pw rau hauv nkuaj lawm xwb thiaj li yog qhov tsaus yus ntuj. Tshaj ntawd ces yog thaum yus mob ua ruj nriaj tuag tsis tu siav. Tab sis qhov yus muaj mob sawv tsis taus ntawd ces yus yeej tsis nyuaj siab li, tsuas tos seb thaum twg yus tuag los sis rov zoo muaj zog xwb.

    Qhov mob nkag kaws rau hauv yus lub siab ti nkaus rau yus tus hlwb txha ces yog tus ntawm yus xubntiag ua mas thiaj mob ntsim tshaj xwb.

    Kwv tub soj ntsuam, nco ntsoov tias yus yog txiv neej nawb, txawm tias teeb meem yuav loj npaum twg los nco ntsoov tias txom nyem ntev npaum twg los 2 xyoos xwb yus yuav rov tig tau cev lawm. Ntau zaus txoj kev mob ntsim ntawd nws txawj rov tig los rau qhov zoo. Yam lub moos nws kiv mus dhau lub sij hawm lawm ib chim lub sij hawm yeej yuav rov los dua es tsis txhob tag kev cia siab.

    Yog tias nws yeej tsis tshwm qhov twg ntxiv li lawm ces tij laug yeej ntseeg lawm tias yog nws muaj teeb meem hauv tsev lawm. Hos yog nws tsuas tsis tuaj hauv lub vaj paj lug no xwb es tseem tshwm taus rau lwm thaj chaw ces txhais tias tej zaum ntshe tij laug ua nws tu siab qhov twg lawm xwb.

    Koojziag, seb nws ho hais li cas rau kwv tub soj ntsuam kom nws rov zoo siab nawb. Thaum muaj ib tug muaj txiab xeeb txiab nkeeg li no lawm sawv daws yuav tau nrog ntaus tswv yim mus pab.



    *******************
    Kzkz

    Posted 10 May 2009 - 12:43 PM

    Nyob zoo Tubsojntsuam & NraugLaus,

    Cas kuv twb niaj hnub vam khom neb ob tug kwv los kuv muab neb ua tij xwb...Es hnub no neb yuav kom kuv hais ib los rau neb os yuad! Nr.L! Koj yeej hais ntau yam lawm, koj cov lus yeej tsis pov tseg ib los li...Kuv yuav tsis txawj hais dab tsi...Qhov kuv hais ces kuv xav tias yog hauv tsev ces yuav nyuaj heev, yog koob mus yoj xov mus tsis txog ces tu siab rau tus uas hmoov tsi txog, es tsis kam txais txoj kev hlub, yuav muab txoj kev ntxub los ua tshawj ua chim rau ncoo...

    Hais txog cov niam txiv txheej tam sim no mas kuv tu siab tshaj rau lawv tej kev sib hlub, vim li cas txhua tus twb sib sib hlub mam sib yuav...Es ua neej txog tog pheej yuav tsis xav sib hlub lawm, pheej yuav mus nrhiav tus tshiab xwb...Rhiav tau tus tshiab los yuav ib ntus ces yeej qub ib yam...Sawv daws twb laus txog nrab neej lawm, tsis yog tus mos mos uas tsw qab ntxiag li thaum hluas lawm...Ua cas tsis xyaum muab lub caij seem uas tseem zoo coj mus lom zem ua ke pauj thaum hluas es ob leeg txom txom nyem, me nyuam dai daub tsis tau tes ua si, txom nyem tsis muaj nyiaj es ob leeg rhaub kas poom noj...

    Yog hauv cab sab, kuv yeej to taub tias leej neeg muaj siab muaj ntsws, thaum yus swm ib tug lawm, ceeb laj tshem tau...Tab sis yuav tsum ua siab loj, es peb xyaum ua ib cov phooj ywg sib txhawb siab, sib pab tswv yim, sib pab dag zog thiaj yog ib qho KOOB MUS YOJ XOV MUS NYOG txoj kev sib fim thiaj yuav nyob taus ntev...Yog yuav cob rau kev plees nkauj nraum ces txoj kev nqaim heev thiab yeej paub tias yuav tsis muaj txoj kev sib yuav tau li saum yaj...Tsuas yognpau suav xwb...Es txhob muab yus lub siab tsim txom yuav zoo dua.

    Tusojntsuam, kuv lam tham thua pai xwb, nws txhob ntau nqes rau kuv cov lus nawb mog...Nov tsis yog kuv hais nws...Yog kuv hais rau peb cov niam txiv uas lawv cov neej muaj teeb meem xwb...Nws zam rau kuv nawb mog. Es txhob tu siab, rov tuaj peb tsis muaj dab tsi los peb lam muab los lus qhuav los sib txhawb ces twb yog ib qho zoo tshaj lawm mog.


    *************************

    TSN
    Posted 13 May 2009 - 09:19 PM

    Nyob zoo tij nraug Laus,

    Koj lam mloog kuv txoj kev tu siab nawb.

    "Tsis Sawm Zoo"

    Nqaij txog tes tsis kam noj
    Dej cuag ncauj tsis lam haus
    Thaum suav dua toj
    Ho mam ua txuj sib ntaus

    Tus txawj
    Tsis yeem npuab tus ntse
    Ho xum txhos caug dawj
    Khwv ua txog siav qhe

    Poj niam daj hau ntshaw txiv coj hnub qub
    Hluas nkauj Hmoob nyiam cov ntaus tuj lub

    Poj niam daj hau nyiam cov txiv muaj laj lim show
    Hluas nkauj Hmoob ntshaw cov tso nyuj sib nraus

    "Ntawm no yog kuv kev tu siab xwb. Thov tsis txhob ntaus nqi phem nawb.
    Hnub twg muaj sij hawm ntau kuv mam tuaj xauj koj os. Ua tsaug"





    ********************************

    koojziagkabzaug
    date='18 May 2009 - 09:58 AM



    Tus txawj cheem nws lub cauj
    nws txuag nws txoj sia.

    Tus hais lus ntau dhau
    ntsib kev puas tshuaj.

    Tus neeg tub nkeeg nyob tos
    tsis muaj dab tsi tuaj daws nws kev tshaib.

    Muaj tej tus ua txuj tsab ua neeg muaj
    tab sis lawv tsis muaj dab tsi.

    Muaj tej tus ua txuj tsab ua neeg phluag
    lawv ho muaj ib lub cuab tam loj.

    kev muaj hlob ua kom sib cav sib ceg
    kev thoov tsib nyob hauv cov neeg mloog luag qhuab qhia

    koj mus fim cov neeg thoob tsib
    koj yuav thoob tsib tuaj.

    Hos tus mus fim cov neeg tsis txawj xav
    nws phem zuj zus tuaj





    ***********************


    Nr. L,
    May 21 2009, 12:49 AM,

    Nyob zoo phooj ywg tubncigntuj,

    Zoo siab tau ntsib koj, muaj paj yij meem tso muaj pem yij meem hais. Koojziagkabzaug lub tsev paj lug no nws tsis cais, qhib rooj lug tos txais sawv daws tuaj sib qhia. Muaj txuj yuav tau nthuav tawm los sib qhia, me nyuam hmoob thiaj li muaj puav pheej khaws cia. Muaj txuj yuav thau los siv me nyuam hmoob yam tsob qoob thiaj tau chiv. Muaj liaj tsis muaj yub, ntev mus ces me nyuam hmoob yuav xuas dub. Muaj yub yuav nrom rau ruab liaj me nyuam hmoob thiaj yuav nrog luag tsim txiaj. Sawv daws tej txuj nws zoo puav tam li ib thooj nyiaj.

    Xav tau ib cov kws txawj laus taws li los tham rau sawv daws mloog. Yuav tsav sawv daws lub meej mom mus tsis tag tsis kawg.

    ************

    Kzkz
    Posted 20 May 2009 - 11:09 PM

    Nyob zoo Hnub Tshiab rau NraugLaus,

    Wow...Nws yuav txawj tham ua luaj li...Zoo heev nws mas yub liag los npaj tau, liaj los npaj muaj, peb hmoob yuav muaj lub neej nrog luag ua.

    Nr.L, yog nws paub zaj puab Paj Lug li Tubncigntuj nyuam qhuav hais no nws tso rau peb ho tau kawm thiab yuad. Yog nws nyob ze cov laus uas txawj no nws pab mus kawm zaj puav tuaj tso rau peb os.

    Kuv muaj ib tug paub me ntsis thiab tab sis nws cog txiv duaj zia es nplaum heev kuv nti tsis tau txha , kuv dawj tsis tau li naj.

    ********************

    Nr.L
    Posted 21 May 2009 - 07:58 AM

    Me Kooj,

    Cov neeg cog txiv duaj zia, nws tsis muaj txuj los sis nws muaj txuj tab sis pom txij twg nws nco txij ntawd xwb, nws yuav muab tsis tau tas phab tas pheev los tham. Hom neeg ntawd, koj nug txog twg nws tsuas tham txij ntawd xwb. Nws tsis yog hom uas koj nug ib es nws yuav teb kaum. Tej laus yeej ib txwm piv txoj lug tias tsis thov zog yog de-v npua zog, thov zog yog nyiaj kub zog. Hom neeg cog zia, yog tsis muaj kiab ces nws tsis kam nqes hiav. Lawv tej zog nws muaj muaj nuj nqis heev. Thiab hom neeg ntawd nws tham me me rau yus xwb mas nws mus qhuas ntau ntau rau lwm tus.

    Peb ua neej nyob, yus lub zog yim siv zog yim tuaj, yim siv zog zog yim nchav.
    Tswv yim, yim siv tswv yim yim ntau, yim sau tswv yim yim tawm tuaj.
    Peb tib neeg tswv ntuj tsuas muab koob hmoov rau ib leeg ib ntus xwb.
    Thaum tswv ntuj muab lub tswv yim rau tus twg lawm, nws qia dub zog qia dub tswv yim.
    Nws tsis siv nws tej tswv yim, nws tsis rho tawm nws tej tswv yim rau leej twg pom, ntev mus nws lub tswv yim yuav txawj ploj xuam mus.
    Ib lub paj txawm tawg tshiab npaum twg, ib lub txiv txawm siav daj zoo nkauj npaum twg, los nws yuav txawj lwj txawj ntsws.
    Peb tib neeg kuj zoo ib yam, muaj tej tus neeg yus ntsias mas muaj meej mom kawg, tab sis nws nyiam ua neeg muab hlob, leej twg txib thov tsis tau kiag. Ib ntus neeg tsis thov tsis siv, ces nws lub meej mom poob, rais rov mus ua ib tug neeg tsis txaus neeg hawm, nws kuj ho rov los ua ib tug neeg poob tsim tsis muaj leej twg xav ntsia xav fim. He.he.he.

    Dej yim loj ntses yim coob, yus yim qhoob tswv yim yim thoob,
    Dej yim tsawg qav yim ntau, yus yim qos tswv yim yim yau.
    Nag yim los dej yim huam, yus yim qos, tswv yim yim rua-m.
    Txiv yim txi xyoob ntoo yim yim tuab, xyoob ntoo yim tuab zoov yim ntsuab.
    Naj khoos los yeej txawj qhuav, txawj ntse npaum twg los yeej txawj xyuam khuav.
    Hiav txwv yeej txawj ntas, lub zog txawm yuav siv npaum twg los yeej tsis txawj tas.
    Nyiaj txia-g yim muaj yim siv ntau, yog tsis muaj kiag los yeej nyob dhau.

    Tsis tsaus ntuj ces nas ntsooj nas kauv tsis tuaj, tsis txom nyem ces tsis txawj quaj.
    Hnub tsis poob ces plas yeej tsis saub, tsis tau pom dua ces yeej tsis paub.
    Tsis tawm rooj ces ntiaj nrag qaum pes muaj zoo tub los yus tsis pom, leej neeg tsis muab de-v tub ces de-v tsis tom.
    Neeg tsis mus tsis muaj lw, leej neeg tsis muab npua tub ces npua tsis ntsw.
    Muab de-v tub de-v tom muab npua tub npua ntsw yuav luag ntxhais luag cem cem, he.he.he.
    Muas hub tsis muas zes, nyiaj tuaj nqha nas tsiaj tuaj nqha nkuaj los tsis tau nyuj phij tsab nees phij cuam, tsuas tau nkauj nyab plaub txhais taw tes.






    *****************

    Nr. L, on May 21 2009, 11:08 PM, said:
    Nyob zoo Koojziagkabzaug,

    Hlob yog nws hlob, vaj tsev yog nws li Nr. L tsuas lam tuaj nrog nws nyob. Txawm hais tau siab tau qis los thov nws zam txim. Nr.L ces tsuas thwj lus puv ncauj, lam tau lam lauj, lo zoo li nqa mus kom txog tsev, lo tsis zoo thov muab pov tseg tom kev. Nr. L ces laus cev tsis laus tswv yim, tsuas thwj lus puv ncauj ces tso nws dim. Laus siab tsis laus cev, hais siab hais qis los thov nws ua siab ntev. Qhua tuaj cia nws raws plaub xo ncej ntug cia nws tsaws. Nr.L ces cia tuaj nram hav, hais siab hais qis thiaj tsis tu kev neej kev tsav. Lub vaj lub tsev nws cheb thiaj du, muaj qhua tuaj yuav cia rau nws hu, Nr.L yuav tsis ua kom nws poob plhu.

    Nr.L yuav mus cawm hmoob ntshe yuav mus ntev tas ib cim qoob. Yog nws nco Nr.L thaum twg no ho lov nplooj tsuam kev, Nr.L yuav mus lawm ploj qab loog los thov nws nyob tos ua siab ntev, rau siab tu nws lub vaj lub tsev. hnub twg zoo hnub hmo twg zoo hmo nws pom Nr. L los tshuam nplooj vim Nr.L nco nco nws me kooj. Nws nyob nws tsis txhob quaj Nr. L mus yuav nco tsoov rov tuaj. Nws nyob nws tsis txhob nros, Nr.L mus mam nco ntsoov rov los. Nws nyob rau siab ntso ua paj ntaub rau wb hnav, Nr.L mam mus tsuj teb ntaus chaw rau wb kav. Nws nyob rau siab ua paj ntaub rau wb ntoo, Nr. L mus cawm seb hmoob puas rov tau lub neej zoo.


    ****************

    Kzkz
    Posted 22 May 2009 - 07:14 AM

    Nyob zoo NraugLaus,

    Hnub no nws xav ib tsab xov tuaj, ua rau kuv lub siab poob lawm tsheej ntshua.

    Nws muaj chaw mus ces mus tsuag tsuag ho rov los, nco ntsoov tias me Kooj tos nws ib leeg xwb nawb mog!

    Nws muaj chaw tab kaum ces mus ua tag mam rov tuaj, nco ntsoov nws me qub zeg tsam tuaj ntxhuab mog!

    Nws mus lawm tsis muaj neeg tuaj pab me Kooj nthuav txuj, ntshe me kooj yuav nco nco nws txhua hnub lub hnub yuav tawm tuaj.

    Nws mus muaj caij no lam tuaj ib yog tes rau me Kooj, tsam nws me Kooj niaj hnub ntsia qhov rooj.

    Nws mus thaum twg nws mam los, me kooj yuav nyob kev tshuam tos.

    Nws mus thaum twg nws mam fij cuab, ntshe me kooj yuav tos tos txog hnub nws rov tuaj.

    Mus qhov twg los saib xyuas nws tus kheej, mus dawb los huv, rov tuaj tham qhia kuv nawb. Nr.L!


    *******************

    koojziagkabzaug, on Jun 1 2009, 04:27 AM,

    Nyob zoo NraugLaus, Hmoob tej Tub & Pamthus,

    Zoo siab rov pom nws tshuam nplooj. Nws tsis khoom los nws rov los mam tuaj xyuas nws me kooj. Nws tsis nyob lawm ces nws me kooj nyob zov qhov rooj tos nws xwb...Tsis ua café cia lawm, vim tsis muaj neeg haus li thaum nws nyob...Hnub twg nws rov los tsev, kuv mam rov tuaj tos nws li yav nram ntej ub...Hnub twg nws rov los txog...Kuv mam tuaj nyob ua zaub mov tos nws me paj lug lus dhos li yam thaum ub wb nyuam qhuav sib pom...Zoo siab nws tseem tso ib zaj nkauj kho siab heev thiab muaj lub ntsiab lus zoo heev...Saib xyuas nws tus kheej zoo nawb...Nr.L


    *********************

    Nr.L
    Posted 01 June 2009 - 03:00 PM

    Nyob zoo koojziag, ncaim ib pliag ntev npaum ib xyoos,
    nws nyob ntsoos los nyob lom zem,
    txiv nraug lem ces tuaj qee tsam,
    tsuas los tsham seb nws puas tsuab nplooj,
    ntxim me kooj hauj lwm ntau heev,
    nraug lem seev tsis pom nws tuaj,
    txawm tsis quaj los kua muag los,
    nyob nros nros thiaj tso zaj nkauj
    kom nws xauj seb nws puas teb,
    nyob deb deb dej ntuj quas kev,
    mus lub cev nplooj siab tseem nco,
    pw txhua hmo npau suav tsis seem,
    nraug lem tseem yuav mus india,
    ntuj pib txias nplooj ntoos pib daj,
    nraug lem maj mam rov los tsev,
    nws siab ntev tu wb tej qhua,
    zaub mov ua pub rau lawv saj,
    me lus paj kom nco ntsoov qhub,
    txoj kev hlub yuav ceev kom zoo,
    tsis txog xyoo nyaj yuav tau ntsib,
    suab qab zib tus neeg zoo lus,
    tswj siab tus thov niam mab liab,
    ua nws siab kom nws nyob zoo nawb me kooj



    http://www.youtube.c...feature=related

    ******************

    Nr.L
    Posted 02 June 2009 - 04:02 PM


    Ntawm no mus xa xov nej paub,
    qhia paj zaub tus neeg siab zoo,
    txawm tsawg xyoo los tseem nco ntsoov,
    yuav tsis hloov tej lus tau hais,
    yuav tsis cais txoj kev sib hlub,
    yog ntuj pub kom tau tuav tes,
    nraug lem ces tus neeg phem qua-v,
    tsam nws dhuav tsis xav tig ntsia,
    thov nws qhia yog hais dhau nrim,
    ho txhob chim thiab ua siab loj,
    peb ib npoj tsis nyob koom zos,
    lo lus mos hais tau tsis du,
    tham xu xu los txhob tu siab,
    rev paj tshiab lub tshuaj kho plawv,
    yog hais txawv los nws txhob chim,
    nrog tseev tsim thiab pab kho rau,
    ua tsaug ntau txhua yam nws pab,
    tsis hnov qab nws li txiaj ntsim,
    lub laj lim tsim muaj txhab rau,
    thiaj xav sau rau nws teem cia,
    tau qog qhia tej tub ntxhais yau,
    sau ntau dhau los ho txhob txhub,
    ho nrog qhub ceeb toom rau peb thiab os kab kooj,
    txawm tawm rooj lawm los yuav nco ntsoov,
    mam looj koov xa duab tsis so,
    yog nws nco kom ho tau saib.


    http://www.youtube.c...feature=related

    ******************

    Kzkz

    Posted 02 June 2009 - 09:21 PM

    Nyob zoo Nrauglaus,

    Ua tsaug rau kev xa xov
    Ncaim deb zos tseem nco ntsoov
    Tshuam nplooj rau nws me kooj
    Tus neeg siab zoo yuav nco ntsoov nws txuiaj ntsim
    Me neeg muaj txuj ci hais fab twg los raug siab
    Zag twg zaj tshiab mloog tsis paub dhuav
    Tsis yog neeg phem q-uav txhob txo hwj chim
    Tswv yim laj lim zoo tshaj txhua tus
    Tsis muaj hnub yuav ntxub tsuas puab leej tib kom muaj kev phooj ywg
    Nyob txog twg ua neeg nto moo muaj koob nto meej
    Nws yuav coj Peb Hmoob rau kev vam meej ...Nawb kuv me Nr.L...

    Pajzaub daj tseem nyob piav yeev
    Hnub twg nws xyeej rov tuaj tshuam nplooj
    Yuav qheb rooj tos nws ib txwd
    Tsis muaj nws lub tsev nyob txias to
    Twb tsis muaj siab hlo tuaj lem tej dej num
    Nws xa nkauj ntawm thaij kum kho tau lub siab zoo
    Yuav nco ntsoov lub ntsiab lus mloog dhau
    Hais rau Nr.L, noj qab nyob zoo koj nawb...me phooj ywg zoo.




    Tan kwarm kid teung





    **********************

    Nraug 7 Hnub, on Jun 4 2009, 11:05 AM, said:

    Nyob zoo os tus me muam zoo lus, puas yog me muam twb nrhiav tau lawm yij laug pub rau koj me nus.
    Me nus ncig qas yeev tuaj txog ntawm koj qab vaj paj dawb, cas yuav nco me muam pob mov qhwv lawm daim me nplooj tsawb.
    Ntev lawm me muam puas tseem noj qab mus pw zoo, hnub dhau hmo me muam nyob nrog hmoob leej tub twg nroo.
    Zoo siab tias rov tuaj pom me muam lub me suab luag, me nus rov ntshe yuav rov lawm lub siab kaj nrog lawm lub kua muag.


    ****************
    Kzkz
    Posted 04 June 2009 - 08:54 AM

    Nyob zoo kuv me Nus 7 hnub, tus me ncauj daum ntxim hlub
    Nyob zoo kuv me nus 7 hmo, tus me dab laug ntxim nco

    Nws me muam nyob zoo, ua hnub ua hmo nco nws tej lus qhoob
    Nws me muam nyob kab ntsab, niaj hnub nco kuv me nus txawj xav

    Nws me yij laug ces nyob nruj nraim lub me luag teej luag num khwv noj khwv haus
    Nws me yawm yij ces nyob rawv lub vaj loog tsev huab tais teem ci

    Nws me muam nyob zov tsev, tos me xab yeeb xyuam phooj ywg tus nyob kev deb mus tsuj teb
    Nws me muam nyob zov vaj, tos nws me xab yeeb xyuam phooj ywg tus nyob kev dav mus ncig nras

    Zoo siab kuv me nus tuaj txog lub tsev paj lug, yuav tuaj hais tau los me lus zoo rau nws me muam siab kaj lug
    Zoo siab kuv me nus tuaj txog lub tsev thoob tsib, yuav tuaj nqee ua nws me muam lub siab kaj nrig

    Kuv me nus ntxawg, ntiaj nrag qaum pes nim coob tis coob los twb tsis yog lawm kuv pab kuv pawg,
    es twb de tsis tau kuv lub plawv li kuv me nus tus caiv plawv.
    Kuv me nus TubLisCuab, luag tej nim ntau tis ntau los nim yog lawm luag qhua,
    es twb de tsis tau kuv nplooj siab li kuv me nus tus hmov tshua.

    Hais rau kuv me nus paub, tsob paj liab cog tseg tawg nra tuaj ua rauv, tseem tos ntsoov hnub kuv me nus rov tuaj xauj
    Hais rau kuv me nus hnov, tsob paj ntshua nplaim cog cia tawg ua sob, tseem tos ntsoov hnub kuv me nus tuaj kom txog....

    Nws tuaj txog qhuav xwb nws txhob tu siab mog, mus no rov tuaj xyuas nws me muam ntsuag nos.
    Nws tuaj txog ib tug tsiaj tsis muaj tua, mus lawm los nco ntsoov nws me muam twm zeej nyob xyaw luag qhua.


    **********************

    Nr.L
    Posted 04 June 2009 - 02:53 PM

    xeeb ntxwv lawv tus me leej pog,
    ntawm nov yog nraug lem tus ncaim mus deb,
    hla ciam teb mus ntau lub ntuj,
    tseg tus ntsuj tseem nrog nws nyob,
    nrog thaj tsob lub tsev paj lug,
    lub cev nrug nplooj siab tseem nco,
    ntau hnub no tshav ntuj kub heev,
    thiaj li seev nco xab yeeb tus me xuam phooj,
    yog me kooj teb chaw yug yaj,
    nco nws tshaj leej pog zoo lus,
    ncaim tuaj mus txog thaj zoov ntsuab,
    pom lis cuab me nraug xya hnub,
    tau tuaj qhub rau nws leej phauj,
    tsuas tuaj xauj li duab ntxoo ya,
    mov tsw ha qhwv daim nplooj tsawb,
    phauj siab dawb tau qhwv rau nws,
    hu sib kws nws mus ho tuaj,
    yawg lem tuaj nce roob toj siab,
    nyaj cuam liab lub zoov tsis tuab,
    tsuas hnov suab puj daum dab laug,
    pom nplooj taug thaum muaj cua tuaj,
    kab noog quaj ces kua muag poob,
    nco muam hmoob lub paj zaub daj,
    tham qab tshaj tsim nyog neeg hu,
    tsis coj xu hais lus ncaj nrab,
    neeg paub tab tsim nyog qhua ncawg,
    xeeb zeej yawg laj kam tau ua,
    zaum mab sua lub me rooj ntaub,
    muam paj zaub zov tsev tu paj,
    kho lub txaj thiab tu lub chaw,
    txaus neeg ntshaw neb txoj kev hlub,
    puas muaj hnub nraug lem tau txais ,
    niam leej ntxhais ib nplooj siab tshua,
    kom txog ntua hnub pw hauv qhov nas paj zaub.


    http://www.youtube.c...feature=related




    *****************

    Kzkz
    Posted 04 June 2009 - 09:08 PM


    Nyob zoo NraugLaus me nus muaj txuj
    Mus ncig ntuj deb los tseem xav moo
    Me neeg siab zoo hais txhua yam zoo siab
    Yuav khaws cia xyaum rub siab ntev
    Kom phim niam tsev lub meej mom
    Coj zoo luag pom ua neej luag nyiam
    Vaj tsev kaj siab muaj kev sib hlub
    Zoo tshaj nyiaj kub puv vaj puv tsev
    Nr.L tus siab ntev nws noj nyob li cas
    Noj mov tsw ha puas ntsw pam lem
    Noj ntses ce pem toj siab puas qab
    Ncua ntsw suab thaj puas tau noj txhua
    Ncuav txaus puab qhwv nplooj ntse
    Hlawv quav nyab npleg los foo kom dub
    Qhwv hau tas hnub mam siav zoo noj
    Tseem nco txog li npau suav
    Nws thaij duab los rau peb saib thiab nawb Nr.L me phooj ywg siab zoo...


    Gin Kao Ler Yang



    **************

    Nr.L
    Posted 05 June 2009 - 07:31 AM

    nraug lem tseem noj qoo mus nyob zab
    tsuas yog tseem nco lub ntuj qub qab
    tus tswv lub txhab tum tseg peb tej lus kub
    yoo ntau hnub mov tsis tau saj
    kua suab thaj tsis tau ntsw ncuav
    kho siab khuav dej tsis nco da
    mloog txoj pa nim yaus zuj zus
    hmoob txhua tus puas tseem nrog hlub
    ntuj tag hnub nag los xauv npo
    huab auv nyo pw txhua lub hav
    thaum ntuj tshav mas kub tshaj plaws
    npaum rauv taws ntawm rooj qhov txos
    hws tawm los tsis muaj phuam so
    thiaj tsav kho nraug laus nplooj siab
    mov zaub iab ntse cej kuam xua
    tam qhauv npua lam noj tuav siav
    txiv duaj ziav peb hmoob cog muaj
    txawm yus quaj los lawv tsis paub
    thov yawm saub kom hmoob sib hlub
    nrog pab rub cov neeg txem nyom
    tsis muaj nom thiaj zoo li no
    ntuj tag hmo tseem mag luag tshawb
    daim nplooj tsawb nkaum xws lub tsev
    zaub qab ntsev yeej tsis tau noj
    zaub zib roj mas qhis tshaj plaws
    yuav rauv taws los ntshai luag pom
    hnov suab phom ces yog lawv tuaj
    tshaib plab tuaj caus yaum ib ce
    muaj nplooj ntse tsis muaj mov puab
    de kaus suab mos thij qos ncoom
    lub ntuj foom thiaj tseem tau saj
    txom nyem tshaj es nej puas paub
    thov yawm saub kom nrog pab pov
    tso thooj mov los rau peb noj
    kuv thiab koj kom tau sib ntsib
    lus qab zib kom peb tau hais nawb pajzaub.



    http://www.youtube.c...feature=related



    ********************

    koojziagkabzaug'
    05 June 2009 - 09:05 AM'





    NraugLaus tseem noj qab nyob zoo
    Hnov lub moo ua rau kuv zoo siab
    Yog tiag tiag tsis yog npau suav
    NR.L hmov tshua hais lus tu siab
    Kua muag iab peb Hmoob tau poob
    Kev poob nroog peb Hmoob tau txais
    Lub ntuj hais rau Hmoob sawv saub
    Tej tug paub twb hlub tsis tag
    Tej tug nras twb hlub tsis txhua
    Kuam cej kuam xua noj ua tshai hmo
    Muas thij tho ntxhua cuag seb
    Qos ncoom tev hais tias noj taus
    Txhua tus paub Hmoob kev txom nyem
    Lub ntuj qheb qhov muag los ntsia
    Cawm Hmoob txoj sia kom phim leej tib neeg
    Tus Cawm Seej dauv muag ntsia Hmoob
    Suab quaj suab hu ntshoo txog tswv Ntuj pob ntseg
    Hnub tom ntej yog Hmoob thooj siab yuav ib zag
    Koom ua ib pab Tswv Ntuj yuav tsa
    Ib tug hluas kav cawm Hmoob lub neej
    Nr.L paub meej kom Hmoob thooj siab
    Txiaj ntsim Ntshiab yuav los roos Peb Hmoob no nawb...Nr.L...




    บ่เหงาบ่คึดฮอด : ศิริพร อำไพพงษ์




    *****************

    Kzkz
    Posted 08 October 2009 - 09:57 AM

    Nyob zoo MouaVang thiab NraugLaus,

    Zoo siab ntsib nej s d, tau ntev heev tsis khoom tuaj sau paj lug lawm...Tseem tshawb tau ntau, tab sis tsis tau xyeej tuaj tso xwb.


    Mouavang,

    Ua tsaug rau koj cov paj lug, zoo heev.
    Ib tug hais ib los, ib tug txhawb ib zaj peb tuaj kawm mus ua neej nyob ciaj vaj.
    Ib tug paub ib yam, ib tug muaj ib zaj tswv yim qhia rau peb coj mus ua lub neej tsim txiaj.

    Muaj ib tug phooj ywg sau tau ib zaj paj huam rau kuv, kuv tsis muaj tsev "Paj huam" ces kuv muab tso nov tsam ploj lawm.
    Ua tsaug rau koj tus zoo phooj ywg, tseem muab lub caij muaj nqes sau zaj paj huam nov kom kuv qab siab rov tuaj luaj kev rau Peb Hmoob taug thiab.

    Kuv puas tsim nyog nqa koj cov lus muaj nqes?
    Kuv puas tsim nyog txais lub sam xeeb uas koj cev?

    Koj yog ib tug phooj ywg zoo rau kuv lub siab,
    Ib yam Nraug Laus thiab TxhawbSiab
    Maypaj thiab Tubncigntuj
    Lubpajzoo thiab leej niam ntxim hlub
    FatherNature thiab Hmoob ntujqubqab
    Me Nkauj Ntshiab thiab Nkauj Nag
    Exile thiab Tuszoophoojywg
    Naxus thiab Xeevtxwj

    Nej yog kuv chaw vam khom
    Nej ua kuv lub siab loj

    Kuv ua nej txhua tus tsaug


    **********************

    Nr.L
    Posted 08 October 2009 - 06:13 PM

    muam koojziag thiab phooj ywg liaj ntsuab
    txawj cuab suab seev rau kab zuag
    tus neeg nquag npaj khaws hmoob txuj
    yam tsim nuj uas yog hmoob li
    sawv daws ntxhi kom tsheej ib zaj
    li rev paj seb puas txi txiv
    yog tau chiv tsob txiv thiaj ntsuab
    leeg hais suab ces tsheej ib phab
    leeg hais fab ces txuj thiaj nto
    sib pab kho kom tsheej txoj kev
    koj rau ntsev cia kuv rau roj
    sawv daws noj ces qab tsheej nqaij
    zoo lub caij sawv daws tuaj ntsib
    kooj ziag pib sawv daws tuaj coob
    me npoj hmoob tham lus txhob cais
    tsis txawj hais tus puav hais ntsim
    kooj chim chim chim tas rov zoo
    thaj qoob zoo tus tswv tij lim
    raug ciav lim los coj luag ntxhi
    tsis txog hli nws ploj ib ntus
    siab rov tus mam rov tuaj qhub
    phooj sib hlub ces tsis muaj coob
    neej tsa hmoob ces nws muaj ntau
    tuaj peb sau hais kom qab qab
    qhia sib tshab zaj zoo txheej xwm
    yog thaum lwm ho nkag tuaj hais
    npaum qaib kais tau cov txaij plaub
    sib qhia paub cov tim ntsej hais
    npaum rho chais hlais neeg lub siab
    kua yeeb iab twb iab tsis cuag
    tsis xav luag nias siab txhob chim
    siv laj lim kom cuag tau lwm
    tej cuav xwm sib cog pab kho
    sij hawm no peb yog ib tug
    txawj coj ntug phooj ywg thiaj coob
    cov txawj qhoob kuj muaj tsis ntau
    poj thiab lau yog qaib ib cooj
    cia me kooj ua poj raub kab
    rau nws pab me nyuam tau noj
    hu sib coj los nyob ib tawb
    tham sib txhawb hais lus dej siab
    nrhiav zaj tshiab los rau peb kawm os lawv.



    ******************

    Kzkz
    Posted 08 October 2009 - 09:19 PM

    Nyob zoo Hnub Tshiab NraugLaus me phooj ywg siab nkiag txawj npliag,




    Yuav txawj hais paj huam txhawb siab, ua rau me Kooj lub siab dhia ...
    Yuav txawj hais paj huam txhawb zog, ua rau me Kooj lub plawv ntoj...

    Me Kooj tsis txawj hais ces nws pib qab teb...
    Cia rau cov phooj ywg muaj txuj tuaj peg...
    Me Kooj tsis paub ces cia nws luaj qab luaj luag...
    Cia rau cov phooj ywh txawj mam tuaj nthua...

    Yog ib txoj hmoov zoo kuv tau ntsib nej...
    Yuav noj ib pluag mov los yog nej ob txhais tes...
    Yog lub ntuj pub peb thiaj tau los ua ib pab...
    Yuav ua ib txoj los kawg nej ob txhais npab...

    Ua tsaug rau kuv cov phooj ywg zoo
    Txhua hnub nej txhawb kuv lub zog,
    Txhua hmo nej qheb kuv lub qhov rooj,
    Nthuav txuj rau Peb Hmoob pom...


    *******************

    TSN
    Posted 23 November 2009 - 11:32 PM

    "Qhiav laus qhiav ntsim,
    Neeg yim laus yim tij lim"

    "Qhiav laus qhiav ncau,
    Neeg yim laus yim paub qab hau"

    "Pob zeb phim pob ntoos,
    Txiv tsov phim poj ntxoog"

    "Maum nyuj txaij,
    Ces me nyuam nyuj kaij"

    "Txiv nyuj kub puab ciab,
    Me nyuam xyuas nyuj txawj nrau thiab"


    "Niam txawj xaws hnav,
    Ntxhais tsis kov av"

    "Txiv tuam yaj choj,
    Tub sawv nrog zoj"


    **********************

    TSN
    Posted 24 November 2009 - 10:54 AM

    Nruab hnub...
    Yog muam npawg nus npo

    Hmo ntuj...
    Sib deev hais lus nco

    Lub ncauj
    Lam hais good bye!

    Siab ntsws
    Mob quaj red eye?

    Saum yaj ceeb...
    Nyob tsis qhia neej

    Hauv nruab yeeb...
    Tsis kam qhia dab

    Neeg muaj nyiag
    Ib npib tsis pub txeej

    Tus txom nyem
    Npua rawv khaub hlab


    *****************

    koojziagkabzaug'
    date='19 December 2009 - 02:07 PM'

    [center]

    Nyob zoo Tubsojntsuam,

    Ua tsaug nws tseem tuaj sau ib cov lus thoob tsib rau peb txhua tus nyeem.




    SIB TAWG YOG KEV TUAG
    KHAAV THEEB YOG KEV PUAM TSUAJ


    Tug tsuv teeb hom phaj tum peb tug nyuj ib tug zuj zug kom taag.

    Tsuv tum tug ib, tug ob tsi paab. Tsuv tum tug ob los tug peb tsi paab. Thaum kawg peb tug tuag taag nrho.

    Txuj kev khaav theeb es sib tawg yog kev tuag. Thaum twg koj qhuas koj kuv khaav kuv es tsim kev sib tawg tes suav dlawg yuav tsum raug puam tsuaj thaum ntawd.

    "Kev hum xeeb txhad yog kev thaaj yeeb." "Kev sib xob sib thuam tes yog kev puam tsuaj." Kev sib caav sib tshe yog kev caj luas tauj ua luas qhev.


    NTAAJ IB NAAB NEEV IB HLUAS



    Tug yeeb ncuab yuav luj yuav heev npaum twg los yog thooj sab koom ntsws ua ntaaj ib naab neev ib hluas, muab nrob qaum lug sib npuab tig rag phom tiv thaiv tug yeeb ncuab, peb yuav dlim txuj kev tuag hab peb yuav dlhau txuj kev puam tsuaj.

    Thooj sab koom ntsws ua hauj lwm ua ke le ib tug, peb yuav tau txais lub meej mom kev muaj yeej nyob thaaj yeeb lug. Ua ntaaj ib naab neev ib hluas ua hauj lwm ua ke le ib leeg, peb yuav tau txais lub meej mom kev ywj pheej nyob vaam meej .

    Sau: Koom Txoos Hmoob Hum Xeeb


    ********************



    TSN
    Posted 02 February 2010 - 08:57 PM

    Hello there..

    "Taw ntev tsis zoo tig cev"
    "Npab pob taub ncav tsis cuag txiv qaub"
    "Muaj nqaij puv ev tsis taus txhuv"
    "Y.u.a.g. dhau thaum cua hlob ces ho yuav vau"

    "Leej twg txawj tham kuv xav nrog nws ua ib qham"
    "Leej twg txawj saub kuv yuav mus nrog nws ntsaub"
    "Zoo phooj ywg tsis tshua pom muaj qhov twg"
    "Ncaim ntev lawm nco lam rov tuaj ntawm no" Laughing

    "Noj qab tsis cuag txawj sib pab"
    "Txawj hais tsis npaum faib kiag tsheej tais"
    "Ua zoo ntuas tag mam qhuas"
    "Thov hais lus hem tsis txhob ntiab cem"

    "Muaj qoob loo tsis cuag nrov koob nto hmoo"
    "Lub siab dawb tsis piv ib thij txiv tsawb"
    "Tau ib pob nyiaj tsis npaum kwv tij sawv tsheej phiaj"
    "Kuv yeem tiv tshav kub tsis kam pw tag hnub" Laughing



    "Koj zoo kuv ncoo ces sawv daws nto hmoo"
    "Koj pab kuv nrog ncab thiaj tsis khaub hlab"
    Koj tuam kuv ho yuam ces yuav kob huam"
    "Koj hov taus kuv nthos nkaus ces wb muaj noj haus"

    "Kuv ua ntej koj yuav tsum tig ntsej wb thiaj ej"
    "Kuv nqa txuas koj yuav tsum nrog saib xyuas thiaj tsis mag ntuas"
    "Kuv ntom ntoo koj nrog xam loo ces wb hauj lwm tiav zoo" Laughing
    "Kuv sib zog koj sawv txheem npog ces wb tsis ntog"




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 21st September 2010, 4:22 pm


    Maiv Paj Lug
    02 October 2008


    LUS TXUJ CI


    Thov tshaj tawm rau nej txhua leej paub hais tias cov lus qhuab qhia nyob rau hauv qab no tsuas yog ib cov lus ntuas thiab qhia txog neeg keb ua neej xwb. Cov lus no tsis txhais tias yuav pab tau nej los sis ua rau nej zoo yog nej ua raws li hais, thiab lo yuav phem yog tias nej tsis ua li hais. Cov lus hauv qab no yog leej twg tsis muaj zoo niam zoo txiv zoo neej zoo tsav ntiav nyiaj luag twb tsis kam qhia yus nawb mog....cov lus hauv qab no tej zaum yuav hais tau siab tus puav tiam sis ho yog lus nyiaj lus kub rau tus puav thiab yog nws nyiam kawm LUS TXUJ CI.


    Rua muag thiaj yuav pom ntuj; rua siab thiaj yuav pom txuj.

    tus ruam hais lus thuam; tus ntse hais lus de.

    Lub hnub qub ci npaum li cas los yog muab faus tseg xwb ces yeej tsis muaj neeg pom. Kev kawm txawj ntse thiab tswv yim zoo npaum li cas los yog zais tseg ces yeej tsis muaj neeg paub.

    Tus neeg TXAWJ swb tus neeg NTSE

    Coob leej kawm TXAWJ tsawg leej kawm NTSE.

    Muaj tsaus thiaj muaj kaj; muaj nkhaus thiaj muaj ncaj.

    Muaj ib txoj kev nkhaus zoo tshaj kaum txoj kev zoo ncaj tsis tau tho.

    Dab yeej muaj yog yus pom; Ntuj yeej muaj yog yus ntseeg.


    Yog peb hais tias peb yog neeg ntseeg ntuj; peb yuav tsum hwm cov tsis muaj av tsuj.

    Tus neeg nplua nuj ntuj tsis khaiv; tus neeg txawj txuj ntuj tsis xaiv.

    R u a m ua neej nyob ywj siab; ntse ua neej nyob lwj siab.

    Tus r u a m yeem pluag tus ntse yeem tuag.


    R u a m nyiam hais lus maj; ntse nyiam hais lus tshaj.

    R u a m ces hais lus kom mob siab; ntse ces hais los kom yog ntsiab.

    Neeg Ruam hais lus mob; neeg ntse hais lus tob.

    Ntse yeej paub zam txim; r u a m tsuas paub khaws chim.

    Ntse khwv txaus nws coj; ruam thov txaus nws noj.

    Yog thaum dej nro yus tsis pom qab thu; ces thaum yus chim los tsis pom qab xav.

    Coob leej ua npau suav; tab sis tsawg leej thiaj ua tau yuav.

    Tsis yog yus num txhob mus thab; tsis yog yus dab txhob mus teev.
    Muaj zoo txuj tsis qhia ces yuav ploj; muaj zoo noj tsis siv ces yuav puas.

    Neeg ntshai yam neeg tsis paub; neeg xaub yam neeg tsis pom.

    Tus ua kev phem tuag txom nyeem; tus ua kev zoo tuag tau zoo.

    Neeg tsis pom ntuj; tab sis ntuj pom neeg.

    Hnov tsw lwj ces muaj pojntxoog: hnov tig toog ces yog muaj dab.

    Tus neeg ncaj luag nyiag los tsis pluag; tus neeg nquag luag mob los tsis nkees.

    Thaum peb hloov peb txoj kev xav, yam peb ntsia los yeej txawv txav.

    Xub pom qhov dub ces tsis hlub; xub pom qhov zoo ces tsis nroo.

    Ntov tsob ntoo ces tau txiv noj ib pluag; tab sis yog de txiv noj xwb ces ntau tiam noj los tsis paub tsuag.

    Tsiaj ntse paub cog noob, tsiaj r u am ces paub nqos noob.

    Txiv tsis raug hnub txiv tsis liab; neeg tsis raug kub neeg tsis ris siab.

    Neeg yuam kev vim yog kev maj; neeg muaj teeb meem vim yog tsis ceev faj.

    Tsis yog mus txoj kev ncaj es thiaj txog; tab sis yuav tsum tau taug txoj kev yog thiaj tshwm.

    Tus txawj tsis nco los qhia; tus ntsia tsis nco los saib.

    Thaum neeg ntshaw nyiaj; neeg tsis nco qab txog kev tsim txiaj.

    Twv tau txiaj yuav ua rau yus pluag; khwv tau nyiaj yuav ua rau yus nquag.

    Hlub tus muaj ces tau meej mom zoo; hlub tus pluag ces tau Ntuj koob hmoo.

    Tus neeg ncaj thov ntuj ces ntuj pub; tus neeg r u a m thov ntuj ces ntuj hlub.

    Hais lus hlub ces sib tshua; hais lus ntxub ces sib tua.

    Yuav thaum tshiab, tab sis xaus thaum qub; yuav thaum hlub, tab sis xaus thaum ntxub.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 9th October 2010, 3:25 pm


    LUS TXUJ CI


    Los Ntawm
    Jay Xiong


    Copyright © 2003-2005 HmongDictionary.com, LLC
    http://www.HmongDictionary.com
    All rights reserved




    Thov muab cov lus Txuj Ci no pub rau txhua leej uas xav
    kawm txog Hmoob lus thiab Hmoob txuj ci.
    Tus neeg paub Tswv Ntuj txawm nws nyob lub tebchaws twg los
    nws yeej txawj xav.


    Tus neeg coj dav txawm nyob lub zos twg los phooj ywg yeej muaj coob.
    Tus neeg tsis paub Ntuj yog tus neeg qia dub.
    Tus neeg tsis paub hlub yog tus neeg tsis muaj kev ncaj ncees.
    Xav paub neeg siab ces tso nyiaj ntawm kev.
    Xav paub neeg dev ces tham txog kev plees.
    Tswv Ntuj hlub txhua leej, tabsis Tswv Ntuj
    Tsis pub rau txhua leej + Smile

    LUS CEV


    Nyob zoo ib tsoom phooj ywg. Ua tsaug ntau nej tau pab saib phau ntawv no. Kuv
    vam thiab cia siab tias yog nej nyeem tag, nkag siab, thiab paub txog cov ntsiab lus
    zoo nyob hauv phau ntawv no, nws tsis yog yuav pab tau nej lub neej xwb, tabsis
    nej tseem yuav muaj peev xwm qhia thiab pab tau nej tej txheeb thiab tej ze.
    Cov lus sau nyob rau hauv no, kuv txhob txwm tsis muab txhais vim tias kuv xav
    kom nyias txhais li nyias kev xav thiab pom. Yog tias nej leeg twg ho xav kom kuv
    muab txhais me ntsis, thov nej hais qhia es kuv mam li piav me ntsis qhia rau nej.
    Qhov tseem ceeb, ib zaj lus twg nws kuj txhais tau ntau yam. Tsis tag li xwb, yog
    tias kuv muab txhais lawd ces nej yuav tsis muaj kev xav txawv thiab pom txawv
    lawm.

    Phau ntawv no muaj txog li 210 phab ntawv, thiab kuv tseem tabtom muab sau
    kom zoo thiab tiav xwb. Yog nej leej twg ho tau nyeem ob peb nplooj no, thiab
    xav tias phau Lus Txuj Ci no yog ib phau ntawv muaj nqis, thov nej ho hais qhia
    kuv paub. Yog tias tsis muaj neeg ntshaw thiab xav tias zoo ces tej zaum kuv yuav
    muab tso rau hauv kuv qhov vejxaij (website as random quotes) xwb.

    Vim li Cas Kuv Thiaj Sau Phau Ntawv No?


    Peb Hmoob yeej ib txwm muaj kev txawj ntse li luag lwm haiv neeg, tabsis vim
    yog peb tsis muaj ib lub tebchaws. Yog li, peb tsim tsis tau ib co ntawv uas yuav
    los sau tau peb tej txuj ci cia, thiab muab khaws tseg li. Thaum zoo li no lawd, peb
    thiaj ua neej tsis vam meej. Ib tsob ntoo twg yuav muaj tawg paj thiab txi txiv taus
    los nws yuav tsum muaj lub hauv paus, cag thiab daim av. Peb tej txuj yuav nyiam
    phem npaum li tus nquab lub zes los peb yuav tsum muab sau thiab khaws tseg; es
    ib tiam dhau ib tiam peb thiaj yuav paub txhim kho kom zoo zuj zus lawm yav pem
    suab. Yog nej leej twg ho paub tej zaj kuv tsis muaj lossis yog nej tsim tau tej zaj
    es ho xav kom kuv muab sau rau hauv no, thov nej hais qhia kuv paub es kuv yuav
    zoo siab tso nej npe rau tom qab ntawm nej cov zaj lus txawm yog qub los yuav
    tso nej npe rau vim nej yog tus nco txog thiab pab kuv.

    Yuav Siv Phau Ntawv No Mus Li Cas?


    Phau ntawv Lus Txuj Ci no muaj ntau~ zaj lus uas Hmoob hu tias lus tshooj vim
    nws muaj ob fab los sib tshooj, xws li zaj lus hais tias, “Zoo ntxov zoo rov.” “Zoo
    ntxov”yog fab ib hos “zoo rov” yog fab ob. Ces ob fab lus no los mus ua ib tshooj.
    Thiab tseem muaj txuam rau lus paj huam, xws li “Nyuj kub tsis hnav nyuj hau.”
    Ntxiv mus kuj muaj cov lus kuv hu tias lus “Txuj Ci”, xws li “Ruam noj ntau es
    ntse noj tsau.”
    Cov zaj lus uas muaj “–qub” nyob rau tom kawg nws qhia tau tias yog ib zaj lus
    Hmoob yeej ib txwm siv thiab paub ntev los lawm. Cov uas tsis muaj li ces yog cov
    kuv tsim tshiab lossis muab hloov me ntsis los ntawm cov qub lawm. Cov ho yog
    los ntawm lwm haiv neeg, xws li Lostsuas, Askiv thiab Suav los yuav muaj lawv
    npe qhia rau nej paub tias yog haiv neeg twg tsim los.
    Tsis Lees lossis Tsis Lav
    Thov tshaj tawm rau nej txhua leej paub tias cov lus, zaj lus, thiab kev qhuab qhia
    nyob rau hauv phau ntawv Lus Txuj Ci no tsuas yog ib cov lus ntuas thiab qhia
    txog neeg kev ua neej xwb. Cov lus no tsis tau txhais tias yuav pab nej lossis ua
    rau nej zoo yog nej ua raws li hais, thiab ho yuav phem yog tias nej tsis ua li hais.
    Yog li, kuv yuav tsis lees, tsis lav, thiab tsis pab yog tias nej siv cov lus no es ho
    txhaum kev cai lossis ua rau tub qhaug thiab txhaum lwm leej lwm tus neeg.
    Nej siv phau ntawv thiab cov lus no ces yog nej lees paub thiab pom zoo tias nej
    txaus siab siv los ntawm nej tus kheej xwb, thiab nej paub txog cov lus kuv tsis lav
    thiab tsis lees uas tau hais los no lawm.

    Rua muag thiaj yuav pom ntuj; rua siab thiaj yuav pom txuj.
    Tus ruam hais lus thuam; tus ntse hais lus de.
    Lub hnub qub ci npaum li cas los yog muab faus tseg xwb ces yeej tsis muaj neeg
    pom. Kev txawj ntse thiab tswv yim zoo npaum li cas los yog zais tseg ces yeej tsis
    muaj neeg paub.
    Tus neeg txawj swb tus neeg ntse.
    Coob leej kawm txawj tsawg leej kawm ntse.
    Tus neeg txom nyem yog tus paub Ntuj; tus neeg paub txuj yog tus tsis hnav zoo.
    Txhua leej xav noj qab, tabsis tsawg leej thiaj kam lauj npab.
    Txhua leej xav hnav zoo, tabsis tsawg leej thiaj kam tsoo.
    Muaj tsaus thiaj muaj kaj; muaj nkhaus thiaj muaj ncaj.
    Muaj ib txoj kev nkhaus zoo tshaj kaum txoj kev ncaj tsis tau tho.
    Dab yeej muaj yog yus pom; Tswv Ntuj yeej muaj yog yus ntseeg.
    Tus neeg Ntuj pab yog tus lauj npab; tus neeg Ntuj cawm yog tus neeg muaj
    kawm.
    Tswv Ntuj yeej hlub txhua leej, tabsis Tswv Ntuj tsis pub txhua leej.
    Ruam ua neej nyob ywj siab; ntse ua neej nyob lwj siab.
    Tus ruam yeem pluag; tus ntse yeem tuag.
    Yog peb hais tias peb yog neeg Ntseeg Ntuj, peb yuav tsum hlub cov tsis muaj av
    tsuj.
    Yog tus ntiv taw twg mob, tus ntawv haj yam dawm loj pob.

    Ruam nyiam hais lus maj; ntse nyiam hais lus tshaj.
    Tus neeg tsis ntshai tuag ces nws yeej dab; tus neeg tsis ntshai tshaib plab ces nws
    yeej kev pluag.
    Yog koj yog ib tus neeg nyiam zoo meej koj yuav ua tsis tau ntau yam.
    Yog ua thawj zaug es tau zoo meej ces yog muaj hmoo.
    Ntov ntoo saib seem; hais lus saib fab.
    Tus neeg nplua nuj Ntuj tsis khaiv; tus neeg txawj txuj Ntuj tsis xaiv.
    Yog thaum dej nro es tsis pom qab thu ces thaum yus chim los tsis pom qab xav.
    Coob leej ua npau suav tabsis tsawg leej thiaj ua tau yuav.
    Tus neeg tso paus tsis hnov nws paus tsw.
    Tsob ntoo twg txi txiv hnyav tshaj nws cov ceg ces yuav ntshau; tus neeg twg ev
    hnyav tshaj nws lub duav ces yuav vau.
    Pom tshiab ua rau xav hnav; pom qab ua rau xav noj.
    Noj tsau ces dhuav; noj ntau ces ntuav.
    Ruam hais lus kom mob siab; ntse hais lus kom yog ntsiab.
    Ntse paub zam txim; ruam paub khaws chim.
    Tub nkeeg ncauj ncab; tub sab ncauj nte – qub.
    Ntse los tsuas khwv txaus nws coj; ruam los tsuas thov txaus nws noj.
    Txuj ci zoo li lub hli – tsuas ci thaum tsis muaj lub hnub.
    Ib txhais tes npuaj tsis nrov; ib txhais taw sawv tsis ntseg–qub. Los ntawm Txoov
    Neeb Xyooj.
    Tsis yog yus num txhob mus thab; tsis yog yus Dab txhob mus teev.
    Neeg ruam hais lus mob; neeg ntse hais lus tob.
    Neeg siab luv feem ntau yog neeg ntse; neeg siab me feem ntau yog neeg loj.
    Ib koog zoov yeej muaj ib tsob pos; ib lub zos yeej muaj ib tug khaub.
    Muaj zoo txuj tsis qhia ces yuav ploj; muaj zoo noj tsis siv ces yuav puas.
    Neeg ntshai yam neeg tsis paub; neeg xaub yam neeg tsis pom.
    Muaj peb hom neeg: 1) ua tau, 2) xaiv tau, thiab 3) xav tau.
    Tus neeg paub tab ces tsis ntshai Dab; tus neeg paub txuj ces tsis ntshai Ntuj.
    Coob leej neeg xav ntse, tabsis tsawg leej neeg xav kawm.
    Ruam noj tsuav yog qab; ntse noj tsuav yog tsis muaj kab.
    Thaum hluas nyiam noj qab zib; thaum laus nyiam noj qab tsib.
    Ruam hais zog; ntse hais yog.
    Yog tsis muaj Tswv Ntuj ces foom yeej tsis khaum.
    Tus ua kev phem yuav tuag txom nyem; tus ua kev zoo yuav tuag nto moo.
    Tsiaj txhu tuag ces tsov noj; tsov tuag ces tsiaj txhu loj.
    Tus neeg ua phem vim nws tsis tau pom Tswv Ntuj.
    Neeg tsis pom Ntuj, tabsis Ntuj pom neeg.
    Ntes yoov ntes lawv qab; ntes nab ntes tuav tw.
    Hnov tsw lwj ces yog muaj poj ntxoog; hnov tig toog ces yog muaj dab.
    Ib koog zoov yeej muaj ib tug nab; ib koog tsua yeej muaj ib tug dab.
    Txoj kev ua neej nyob ces zoo li tho kev: tus tho ncaj ces tsuas poob tsag, tabsis
    tus tho nkhaus ces poob tsua.
    Txhua yam neeg ua txawm phem thiab zoo los puav leej rov los rau neeg ntoo.
    Pluag npaum cas los txhob tub sab; ncab npaum cas los txhob tub nkeeg.
    Tus neeg ncaj luag nyiag los tsis pluag; tus neeg nquag luag mob los tsis nkees.
    Tus neeg siab dub yuav tuag rau chaw tsaus; tus neeg siab nkhaus yuav tuag rau
    chaw phem.
    Tus neeg ua zoo Tswv Ntuj hlub; tus neeg ua pub Tswv Ntuj qhuas.
    Neeg plab hlaub yiag ntxiag yog neeg ev tsis taus qoob; neeg plab hlaub ntug
    ntoob yog neeg ev taus hnyav.
    Neeg pluag noj tsis txuag; neeg muaj noj tsis seem.
    Thaum peb hloov peb txoj kev xav ces yam peb ntsia los yeej txawv txav.
    Tus ntshaw txoj kev plees yuav puas rau txoj kev nrauj.
    Xub pom qhov dub ces tsis hlub; xub pom qhov zoo ces tsis nroo.
    Ntov tsob ntoo ces tau txiv noj ib pluag, tabsis de txiv noj xwb ces ntau tiam noj
    los tsis paub tsuag.
    Tsiaj ntse txawj cog qoob; tsiaj ruam tsuas paub nqos noob.
    Txiv tsis raug hnub txiv tsis liab; neeg tsis raug kub neeg tsis ris siab.
    Neeg yuam kev vim yog kev maj; neeg muaj teeb meem vim yog tsis ceev faj.
    Tsis yog mus txoj kev ncaj es thiaj txog, tabsis yuav tsum taug txoj kev yog es thiaj
    tshwm.
    Yog koj tsis xav tias muaj ntxhw ces txawm koj tuav nws tw los koj yuav tsis
    paub.
    Xav~ ntau ces thiaj li tau; xav~ paub ces thiaj li ciaj Saub.
    Tus txawj tsis nco los qhia; tus ntsia tsis nco los saib.
    Tus neeg pluag los tshaib nyiaj; tus nquag los tshaib plab.
    Thaum neeg ntshaw nyiaj, neeg tsis nco qab txog kev tsim txiaj.
    Twv tau txiaj yuav ua rau yus pluag; khwv tau nyiaj yuav ua rau yus nquag.
    Qia dub yog thawj kauj ruam ntawm kev muaj nyiaj; tsim txiaj yog thawj kauj ruam
    ntawm kev muaj hmoo.
    Hlub tus muaj ces tau meej mom zoo; hlub tus pluag ces tau Ntuj koob hmoo.
    Tus neeg ncaj ncees thov ntuj ces ntuj pub; tus ruam thov ntuj ces ntuj hlub.
    Tus hais qhia yog tus tsis paub ua; tus hais tshua yog tus tsis paub hlub.
    Yam yus nyiam ces ua zoo; yam yus nroo ces ua puas.
    Ntshaw noj qab tshaj tshaib noj.
    Hais lus hlub ces sib tshua; hais lus ntxub ces sib tua.
    Ruam ntshai ua yuam kev; ntse ntshai ua luag qhev.
    Yuav thaum tshiab, tabsis xav rau thaum qub; yuav thaum hlub, tabsis xav rau
    thaum ntxub..
    Ruam ua neej vim txoj kev deev; ntse ua neej vim txoj kev seev.
    Tus tau txij nkawm nquag thiab siab ntev ces yuav tau nom ua; tus tau txij nkawm
    tub nkeeg thiab siab dev ces xav mus dhia tsua..
    Tsis txhob tham tus yus tsis kam yuav; tsis txhob tuav tus yus tsis kam hlub.
    Tsis txhob saib tsiaj pub zaub; tsis txhob tu plaub saib neeg.
    Txawm ntse thiab ua nom loj npaum li cas los yuav khiav tsis dhau txoj kev khaum
    yog tias yus coj tsis ncaj.
    Yog muaj sibceg ces yuav muaj sib ntaus; yog muaj sibntaus ces yuav muaj sib tua.
    Tus neeg ncaj thov Ntuj pab; tus nkhaus thov Ntuj xyab.
    Tus neeg siab ncaj thov Ntuj los; tus neeg siab phem thov Ntuj qos.
    Cog paj ces tau txiv noj; cog pos ces tau saus coj.
    Pom zaub mov qias ua rau tsis tshaib plab.
    Ib tug qus nrog kaum tus seej ces nws seej; ib tug seej nrog kaum tus qus ces nws
    qus.
    Tus neeg ntuas phem yog nws hlub; tus neeg ntuas ntxub yog nws tshua.
    Ntawv raug los yuav tsum txawj ua zoo; muaj hmoo los yuav tsum yog txawj hlub.
    Ua ntej yus yuav thuam, yus yuav tsum paub qhov tseeb; ua ntej yus yuav txeeb,
    yus yuav tsum paub qhov zoo.
    Yog tau noj lawm ces yuav tsis xawb; yog tau tshawb lawm ces yuav tsis nrhiav.
    Niaj hnub ntaus ua rau luag ntxub; niaj hnub hlub ua rau luag dhuav.
    Ntaus ces mob tawv cem ces mob plawv.
    Txhob ncaws dev es dev thiaj li tsis paub tom ko taw.
    Thaum hluas ntshaw kev deev; thaum laus ntshaw kev hlub.
    Yog tsis txom nyem txaus yuav tsis paub hlub; yog tsis ntxub txaus yuav tsis paub
    nco.
    Tsis txhob muab ib txhais tes mus tuav ob tus ntses – Lostsuas.
    Hlub ntiav ces khiav; hlub tob ces nyob.
    Txawj ntxias ces tau kev hlub; txawj dag ces tau kev ntxub.
    Tus ua dev ntsuav yog tus tau tuav; tus txaj~ muag yog tus tsis tau puag.
    Tus neeg ntxub ces tsawg tus zov; tus neeg nyiam ces coob tus kov.
    Ruam xav yuav poj Huab Tais; ntse xav yuav tus mloog hais.
    Nyuj quav tsis tsw nyuj ntswg.
    Yog tus yus hlub, yus tsis pom nws qhov dub.
    Tus neeg muaj nyiaj hnav ntuag; tus neeg pluag hnav zoo.
    Tsis pom dej dag siab tsis nqig–qub.
    Zoo nraug ces tau nkauj Sua, tabsis txhais tsis tau tias tau neej zoo ua.
    Neeg hais ntawm ncauj tias hlub, tabsis hauv neeg siab ces yeej dub.
    Ntshaw dhau ces ntshaw tau; ntshai ntau ces ntshai tau.
    Hla dej ces yuav tau hle khau; tsiv teb tsaws chaw ces yuav tau hle hau – qub.
    Thaj av twg yog muaj nceb ces xyoo twg los yeej rov tuaj nceb.
    Tus neeg ntse hais lus tsawg; tus neeg ruam hais lus tseeb.
    Tho kev ncaj ces neeg taug; tho kev nkhaus ces neeg hla.
    Xaiv~ tau paiv; xuas~ tau ruas -- qub.
    Ruam xaiv tus zoo nkauj; ntse xaiv tus tsis nrauj.
    Ruam xaiv tus muaj nyiaj; ntse xaiv tus tsim txiaj.
    Yog tsis muaj ib tug dej tus, ces yeej tsis muaj ib tug neeg ncaj.
    Piav kev plees ntau ces yuav sib deev; piav kev hlub ntau ces yuav sib tshua.
    Ruam xaiv tus zoo tshaj; ntse xaiv tus coj ncaj.
    Ntse ua txuj tsis nyiam kov; ruam ua hnub ua hmo zov.
    Ruam ua txhua yam kom tau hlub; ntse hlub txhua yam kom tau ua.
    Thaum hluas xav ntsoov txog kev sib hlub; thaum laus xav ntsoov txog tej ntxhais
    thiab tej tub.
    Zoo nkauj thiab dab tuag yog los ntawm lub ntsej muag.
    Zoo nkauj thiab dab tuag yog pom ntawm tus saib lub qhov muag.
    Txheej nrauv zoo nkauj; txheej hauv zoo nrauj.
    Txiv tawv ntxhib yog txiv noob qab zib.
    Tus neeg kawm ntawv siab feem ntau yog tus dab tuag.
    Nco~ luag thiaj tso; hlub~ luag thiaj ntxub.
    Ruam xaiv tus zoo tawv; ntse xaiv tus zoo plawv.
    Ruam xaiv tus hnav tshiab; ntse xaiv tus zoo siab.
    Ruam xaiv tus nplua nuj; ntse xaiv tus txawj txuj.
    Ruam xaiv tus du dais; ntse xaiv tus mloog hais.
    Ruam xaiv lub cev; ntse xaiv lub tsev.
    Cog txiv ces saib qoob; tseg noob ces saib loo lossis ntoo.
    Thaum hluas muab zog pauv nyiaj; thaum laus muab nyiaj pauv zog.
    Thaum yus pluag tsis muaj neeg hlub; thaum yus nquag tsis muaj neeg ntxub.
    Yuav tus hluas saib tus laus; yuav tus ntse saib tus ruam.
    Ib res nplej yeej muaj ib lub npluag.
    Xav kom muaj nyiaj yuav tsum txuag nyiaj zoo tshaj yus ob lub qhov muag.
    Neeg nplua nuj tsis xyob nyiaj; neeg muaj txiaj tsis nkim qhauv.
    Tsis xav kom pluag yuav tsum khaws txhua yam yus muaj.
    Txoj kev zoo me tshaj daim lag zeb; txoj kev phem dav tshaj ib plas teb.
    Tau txij nkawm zoo ces neeg zej zog qhuas; tau txij nkawm phem ces raug neeg
    zej zog ntuas.
    Ntov ntoo saib ceg qhuav – qub.
    Poj dab ncauj ncab; poj qhe ncauj nte – qub.
    Pluag los mag poj niam nrauj; nplua nuj los mag poj niam lauj.
    Ruam los mag poj niam thuam; ntse los mag poj niam de.
    Ruam muab dag zog mus phov; ntse muab kev txawj mus lov.
    Tus neeg cev pham nphoob yog tus neeg zoo qoob.
    Yus tsis nco qab hnub, tabsis yus nco ntsoov tias tau hlub.
    Tau ua ces nco li npau suav; tau tuav ces nco mus ib txhis.
    Tus txawj kov tsis nco ntev npaum li tus txawj tshov.
    Tus ruam npaj zog; tus ntse npaj yog.
    Poj niam lus mos txiv neej lus nchav; poj niam siab nqaim txiv neej siab dav.
    Riam ntse tsuas muaj npub; riam npub tsuas muaj hov.
    Tsis yog ua ntau zaus es khov, tabsis yog ua zoo txaus es tsis lov.
    Qhov noj qab tsis npaum qhov xav; qhov ua zoo tsis npaum qhov cav.
    Lo lus txawv nyob hauv plawv; lo lus tshiab nyob hauv siab.
    Hlub ntau dhau tsis sibtau; hlub tsis txaus tsis sibxaus.
    Tus neeg tuag yeej yog tus zoo; tus ntses dim yeej yog tus loj.
    Tus ntoo muaj nplooj ntau yog tus ntoo ceg nkhaus.
    Ua neej nyob tsis txhob qhia tag siab; tsam luag paub ces luag saib yus zoo li tus
    liab.
    Thaum tsis tau hlub, pom poj niam zoo nkauj; thaum hlub tas, txiv neej muab poj
    niam nrauj.
    Thaum tsis tau hlub poj niam tsis nco; thaum hlub tas poj niam tsis kam tso.
    Tsis yuav tsis txhob hais tias hlub; tsam hlub tag ces tau ntuj dub.
    Hlub coob leej tsis tau tus yuav; hlub tsawg dhau tsis tau tus tuav.
    Yam yooj yim ces txhua leej txhua tus tsim; yam nyuaj ces txhua leej txhua tus
    ntshai.
    Kev ua neej tsis yog loj thiab me tabsis yog kev txawj thiab ntse.
    Ib rab riam ob sab ntse – qub.
    Ib lub quav tsuag ua puas tag ib tsus mov – qub.
    Riam tsis siv yuav xeb; tswm yim tsis nthuav yuav ploj.
    Nyiaj kub los txawj poob nqis; kev hlub los txawj paub tsuag.
    Lub tswv yim yuav tsum muab xav; xws li tsob ntoo uas niaj hnub niaj hmo hlav.
    Dag ruam ces ruam pub; dag ntse ces ntse ntxub.
    Tau pov haum los yog yus tsis tsim txiaj ces yeej tsis muaj hmoo; tau ua niam poj
    Huab Tais los yog yus tsis ncaj ncees ces yeej tsis muaj zoo.
    Tub pluag mus nrhiav pov haum thoob ntuj; tub nquag pib khwv ntawm nws taw
    tsuj.
    Ruam noj ntau; ntse noj tsau.
    Xav kom yuag yuav tsum yoo kom dhau peb hnub; xav kom nplua nuj yuav tsum
    txuag nyiaj kom dhau peb hlis.
    Zoov ntsuab vim yog zoo roob hav; qoob loo ntsuab vim yog muaj zoo av.
    Txuj lom ua rau zaub mov ntxim qab; saw npab ua rau tib neeg ntxim nyiam.
    Txiv neej ruam tuag rau nkauj Kub Kaws; poj niam ruam tuag rau nraug Kub Ko.
    Tus neeg phem pom qhov zoo; tus zoo pom qhov phem.
    Ruam ces noj yam qab hauv ncauj; ntse ces noj yam pab hauv nrog.
    Xav pev thoob nrav, xav nrav thoob pev mam li ua thiaj tsis yuam kev.
    Yuav tsum ntsuas ob lwm mas txiav ib zaug.
    Tus ntshai pluag yog tus txuag; tus ntshaw muaj yog tus khwv.
    Neeg tsis nco kaum hnub tshav, tabsis neeg cav kaum hnub tsaus.
    Cov me nyuam yug los me, feem ntau, yog cov me nyuam ntse.
    Yog ua tag los yuav tsis loj thiab tsis yau ces tsis tas ua los tau.
    Yog tau ua, ua kom yog thiab zoo es ua tag thiaj li yuav nto moo.
    Lam taus lam ua ces yog yuav rov ua dua.
    Coob leej hnov qeej nrov tabsis tsawg leej paub qeej suab.
    Ua tsis yog rau lwm tus qhuas; ua kom yus qhuas thiab nyiam.
    Muaj nyiaj muaj kub tsis zoo npaum muaj tus los hlub.
    Thaum hluas ntshaw txoj kev dhia; thaum laus ntshaw txoj kev muaj sia.
    Pas dej me tsis muaj ntse loj.
    Niam txiv coj phem tub ki tau txom nyem; niam txiv coj zoo tub ki tau koob hmoo.
    Tus neeg tsis muaj kev tsim txom tsis paub sib hlub; tus neeg tsis muaj kev ntxub
    tsis paub sib nco.
    Yog dag me ntsis es yuav ua rau zoo siab ces zoo tshaj qhia lub ntsiab es ua rau
    chim.
    Pluag tsis ntshai tuag; nquag tsis ntshai mob.
    Hais txog kev kawm ntawv ces tus xub kawm yeej xub paub, tabsis hais txog kev
    paub los ntawm yawm Saub ces yog tus nws xaiv.
    Tus neeg paub Ntuj hais lus saib Ntsuj; tus neeg paub ntawv hais lus saib plawv.
    Yog tsis muaj Tswv Ntuj ces foom yeej tsis khaum.
    Ib leeg muaj npau suav zoo tshaj kaum tus pw ua qaj; ib leeg sawv los tsaj zoo dua
    kaum tus pheej los qhia.
    Riam npub cia tsoo txha; riam ntse cia hlais nqaij.
    Ntse muaj nyiaj ces ntse tsis pluag; ruam muaj nyiaj ces ruam tsis txuag.
    Tus neeg siab ncaj pw ces ua qaj qog; tus neeg siab phem ces pw tsis tsaug zog.
    Tus ruam ntsia pom luag daim tiab; tus ntse ntsia pom luag nplooj siab.
    Poj ntsuam txawj hlub; poj nrauj txawj ntxub.
    Dev tsis paub tom tsis txhob ncaws dev.
    Tsis muaj neeg xav ncaws tus dev tuag.
    Khaus twg khawb twg xwb – qub.
    Ib tsob nplej yeej muaj ib lub noob qoos.
    Ntse thuam ces ruam; ruam nthe ces ntse.
    Tus neeg nkhaus hais lus tsis tag; tus neeg ncaj hais lus tsis dag.
    Neeg siab phem cem tsis quaj; neeg siab tawv hlawv tsis ntshai.
    Niam txiv nquag ces tub ki pluag; niam txiv muaj ces tub ki nkees.
    Nyuj kub tsis hnyav nyuj hau – qub.
    Nyuj tawv nyuj tsis pom dub; nyuj kub nyuj tsis pom ncau.
    Nyuj quav nyuj tsis hnov tsw; nyuj tw nyuj tsis pom phem.
    Kev twv txiaj yog kev pluag; kev nquag yog kev tau noj.
    Daim teb tsis muaj nroj yog daim teb tsis zoo qoob.
    Luag pom pos hniav ua rau luag khiav.


    =================== XAUS LI NO XWB ====================


    Kawg no, kuv vam thiab cia siab tias yuav muaj zaj puav lus Txuj Ci hauv phau
    ntawv no zoo thiab yuav pab tau nej. Zoo li tej noob txiv, txawm qoos thiab zoo
    npaum li cas los yog yus tsis muab cog ces tsuas muaj lwj xwb. Tabsis yog muab
    cog thiab niaj hnub ywg dej lawd, tsuas yuav muaj nthaw kaus, tawg paj thiab
    tseem yuav huam vam mus thoob ntiaj teb los kuj tsis paub.

    Jay Xiong
    http://www.HmongDictionary.com


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 8th November 2010, 11:57 am



    Tus hais lus tsis meej, mas hauj lwm yuav tsis tiav.
    Yuav tau rho riam los nyom dua ncauj, cog dua hniav.

    Ua neej, ua hauj lwm tsis tiav, yog hais lus tsis meej.
    Yuav rho dua riam los nyom dua hniav, cog dua ncauj.

    Ua xwm txheej, ua tsis raws li tej poj yawm txwv txoob.
    Hais lus tsis zoo, puas poj yawm tej qub yeej koob.

    Ua txwm txheej, ua tsis raws li poj yawm tej qub pheem kam.
    Hais lus tsis zoo, yuav puas poj yawm tej qub yeej ntxwv.

    Ntshe yog dev siab thiaj qhuab tsis ras, qhia tsis rov. Koj qhov ntsej mag pob kws xab thiaj tsis noj txiv qhuab. Ntshai koj yoog tau dev nco thiaj li qhuab tsis rov, qhia tsis ras. Ntshai koj lub qhov ntsej yog txha pob kws ntsaws koj thiaj tsis noj niam qhia, tsis mloog txiv qhuab.

    Yog koj nco thaud, koj niam koj txiv tu koj tiav txuj. Yog koj noj qhauv, los qhauv tsis qhia, muaj ib hnub roob riag qhia ces koj li pom ntsuj ntsuab. Koj noj qhauv los qhauv tsis qhia lub nco, muaj ib hnub, saw hlau qhia ces koj li pom ntuj qhuab.

    Yam li koj ces, qaib qua ntxov koj li sawv los xauj. Mov luag noj dhuav, nqaij qhuav luag noj txaus. Li koj ces, ib hnub twg raug luag rauj, qws, thaiv ntaus.
    Yam li koj ces qaib qua ntxov koj sawv los phov, mov luag noj dhuav. Koj li ces , ib hnub twg raug luag rauj, qws thaiv tua.
    Yog luag qws nrov cuaj plawg es qws tsis tseg, yuav khib txog leej niam tej kev iab kev khwv, tej kev da quav da zis, nqe mis nqe hnov, leej niam leej txiv tej nqe zog.
    Luag qw nrov cuaj nplawg es qws tsis tu, yuav khib txog thaum ub leej niam leej txiv tej kev iab kev khwv, kev da quav da zis, nqe mis nqe hnov, leej niam leej txiv tej nqe tu.

    Xov xwm Tsim Neej Tshiab.
    USA 1996


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 6th December 2010, 6:29 am


    Dynamic Glitter Text Generator at TextSpace.net



    Nyob hauv luag tej vaj txiv ntoo tsis txhob lam ncav tes mus kho kausmom saum tobhau, nyabtsam luag xav hais tias yog yus mus nyiag de luag txiv;
    Nyob hauv luag tej teb dib tsis txhob lam khoov mus khi hlua khau, nyabtsam luag xav hais tias yog yus mus nyiag de luag dib.

    Mus ua liaj ua teb tsis lam pub luag tsiaj luag txhuv, tsam luag xav hais tias yus qaum luag tsiajtxhu.
    Mus cuav zej cuav zos tsis lam cuab nquag, tsam luag xav hais tias yus lomtxwm ua yuav ntsejmuag.
    Mus ua dej ua num tsis lam tawb luag txij luag nkawm, tsam luag yuav xav hais tias yus deev luag txijnkawm.
    Mus xyua txheeb xyua ze tsis lam hlub neeg dhau kev dhau cai, tsam luag xav hais tias yus txw luag sib ntxub.
    Mus ncig ntuj ncig teb tsis lam muab nyiaj pub luag pej xeem huab hwm, tsam luag xav hais tias yus ntxeevntxias luag tawgtshwj.

    Yus yog neeg zoo neeg phem los cia lub sijhawm mam lim.
    Yus yog neeg ncaj neeg nkhaus los cia lub caijnyoog mam tshau.

    Yus txoj qa txoj num ces yog ua ntawm tes noj ntawm ncauj,
    Ua tau hlob yus li ib sim xob,
    Ua tau yau yus li ib teg haus.
    Yus txoj hau kab hau kev ces cia Yawm Saub ua tus coj,
    Coj ncab ces nyaj sawvdaws yuav tau nyob ua tsheej pab,
    Coj nkhaus ces kawg sawvdaws yuav tau nyob tuaj chaw tsaus.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: Hais Paj Lug

    Post  koojziagkabzaug on 17th January 2011, 4:28 pm

    Cag ntoo qhia tau npub






    Last edited by koojziagkabzaug on 17th January 2011, 5:11 pm; edited 2 times in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 22nd December 2014, 8:29 am