google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Daim Ntawv Qhia Rau Tsev Neeg Txog Kev Noj Ntses

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Daim Ntawv Qhia Rau Tsev Neeg Txog Kev Noj Ntses

    Post  koojziagkabzaug on 22nd November 2010, 2:45 pm



    Qhov nov lawv sau hais txog cov ntses nyob hauv Wiwcomsin xwb. Tab sis nws siv tau rau txhua qhov uas muaj neeg khawb kub, yam li Guyane, tshwj xeeb Nplog teb niaj hnub no. Neeg khawb kub yam uas tsis muaj kev soj ntsuam, tshuaj xwm li.



    Daim Ntawv Qhia
    Rau Tsev Neeg Txog
    Kev Noj Ntses Los
    Hauv Wisconsin Los



    Cov lus qhia txog kev noj ntses
    kom tsis muaj mob rau cov ntses
    los hauv Wisconsin cov pas dej,
    cov pas hawv, thiab cov niam
    dej thiab rau cov ntses uas yuav
    hauv cov khw noj mov thiab cov
    khw yuav khoom noj.


    Wisconsin Department of Health and Family
    Services and Wisconsin Department of
    Natural Resources


    Lus Qhia Txog Mercury Uas Muaj Nyob Hauv Ntses
    Txhom ntses mas lom zem thiab nws kuj yog ib yam zoo
    noj. Ntses yog ib yam khoom noj uas zoo rau yus lub cev
    - muaj protein ntau thiab muaj cov rog tsawg. Tiam sis yog
    noj ntau dhau kuj yuav tsis zoo rau yus thiab. Tag nrho ntses
    mas muaj mercury nyob hauv. Kev noj cov ntses uas muaj
    mercury ntau dhau yuav muaj teeb meem rau koj thiab koj
    tus me nyuam kev noj qab haus huv.
    Yij Meem Noj Ntses
    Qhov zoo los ntawm kev noj ntses muaj ntau dua qhov tsis
    zoo yog koj ua raws li cov lus qhia nram qab no.
    Daim ntawv qhia no yuav pab koj:
    • txiav txim seb yuav noj hom ntses twg,
    • xyuas seb yuav noj ntses heev npaum li cas, thiab
    • paub cov ntses uas muaj mercury ntau nyob hauv.
    Mercury
    Ib qho mercury me me xwb yuav muaj peev xwm ua kom
    lub hlwb uas tseem tab tom pib loj hlob ntawd puas tsuaj
    tau. Li no cov me nyuam uas tseem yau, cov me nyuam uas
    tseem nyob hauv niam plab thiab cov me nyuam uas noj
    niam mis yog cov yuav raug ntau tshaj. Yog tau cov mercury
    ntau dhau yuav muaj teeb meem rau ib tug me nyuam nws
    kev coj tus cwj pwm thiab kev kawm hauv nws lub neej yav
    pes suab. Mercury tseem ua tau kom muaj kev puas tsuaj
    rau cov me nyuam uas twb loj lawm thiab cov laus. Cov
    me nyuam loj lawm thiab cov laus yuav muaj cov tsos mob
    xws li loog loog thiab rhiab rhiab, nco qab tsis meej, thiab
    tsis tshua pom kev zoo tom qab tau raug mercury lawm.
    Kev tshawb nrhiav tsis ntev los no nyob teb chaws Europe
    tau muab mercury txuas rau cov kev pauv ntawm kev mob
    plawv thiab ntshav siab. Mercury muaj tau los ntawm yam
    uas ib txwm xeeb muaj los ntawm ntuj tsim teb raug thiab
    yam uas yog tib neeg tsim tawm. Mercury hauv tej pa yuav
    ya mus rau hauv tej pas dej thiab cov niam dej. Ces nws
    yuav txoos ua ke nyob rau hauv cov ntses. Tag nrho cov
    ntses muaj ib co mercury, yog:
    * cov ntses uas txhom tau hauv Wisconsin cov pas dej
    thiab cov niam dej,
    * cov ntses uas txhom tau hauv cov dej nyob hauv lwm
    lub xeev, thiab
    * cov ntses uas koj yuav tom khw los sis noj hauv khw noj
    mov
    Tiam sis, koj yuav tsis pom, tsis hnov tsw los sis saj tsis tau
    mercury hauv cov ntses. Li no nws thiaj yog ib qho tseem
    ceeb uas yuav tau paub seb cov ntses twg yog cov noj tau
    thiab cov twg yog cov noj tsis tau.

    Cov Ntses Twg yog cov uas Yuav Muaj Mercury Ntau
    Dua?
    * cov ntses loj dua
    * cov ntses uas laus dua
    * cov ntses uas noj lwm cov ntses (walleye, northern, bass)
    Peb Muab Hlais Tawm los sis Ntxuav los sis Muab Tus
    Ntses Ua Noj Kom Tshem Tau Cov Mercury Tawm Tsis
    Tau Los?
    Tsis tau, cov mercury nyob rau hauv cov nqaij lawm. Tiam
    sis, yog tias tshem cov rog thaum uas koj muab ntxuav thiab
    ua tus ntses noj, koj yuav pab txo tau lwm yam kab mob
    uas yuav muaj tau xws li PCBs.
    Ib Pluas Noj Yog Ntau Npaum Li Cas?
    Ib pluas noj mas yog muab ib nrab phaus ntawm tus ntses
    ua ntej yuav muab ua noj rau ib tug neeg uas muaj 150
    phaus. Cov pluas noj rau cov neeg uas tsis hnyav npaum
    li ntawd yuav muab txo tau kom raws li no (piv txwv li, ¼
    phaus thaum uas tsis tau ua siav rau ib tug neeg uas muaj 75
    phaus).
    Puas Yog Kuv Yuav Tau Tso Tseg Tsis Txhob Noj Ntses
    Ntxiv Lawm?
    Tsis yog li...tsuas nco ntsoov ua raws li cov lus qhia nyob
    rau hauv daim ntawv no.
    Cov Lus Qhia Ntxiv.
    Cov no yog cov lus qhia dav dav raws li qhov uas tau
    ntsuas seb muaj mercury ntau npaum li cas nyob hauv cov
    ntses thoob hauv lub xeev Wisconsin thiab seb muaj mercury
    ntau npaum li cas nyob hauv cov ntses uas coj mus
    muag xwb. Tseem muaj ib cov lus qhia meej ntxiv txog ib
    cov ntses los hauv Wisconsin cov pas dej thiab cov niam
    dej los uas twb tau muab los sim paub lawm.
    Yog xav tau cov lus qhia txog mercury thiab lwm cov kab
    mob hauv Wisconsin cov ntses uas nuv tau los, saib hauv
    phau ntawv uas qhia tag nrho txog txoj kev noj ntses. Phau
    ntawv no muaj nyob rau ntawm Department of Natural
    Resources [DNR]) qhov chaw ua hauj lwm, koj qhov chaw
    pab cuam kev noj qab haus huv, los sis hauv web ntawm
    http://www.dnr.wi.gov. Koj yuav nrhiav tau cov lus qhia
    ntxiv yog tias mus saib cov websites no:

    http://www.dhfs.wi.gov/eh/Fish; www.epa.gov
    www.fda.gov
    Wisconsin Department of Health and Family Services
    Division of Public Health, 1 West Wilson Street
    Madison, WI 53702-0007
    608-266-1120; PPH 44031B
    (KHO DUA. 05/06)





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 11th December 2016, 6:44 am