google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Kuv Tsab Ntawv Tseg rau Koj.

    Share

    LajLim
    Visitor
    Visitor

    Messages : 44
    Date d'inscription : 2010-12-01

    Kuv Tsab Ntawv Tseg rau Koj.

    Post  LajLim on 13th December 2010, 9:24 am


    12/13/2010

    Nco thiab tshua kuv me nkauj hmoob,

    Cas lub sij hawm yuav dhau lawm zuj zus, lub caij lub nyoog yuav tsis tos leej twg li os. Lub xyoo laus twb yuav tag, lub xyoo tshiab twb tawm tuaj yuav txog, koj nyob li cas lawm xwb? kuv paub tias koj lub me cev nkauj xwb tseem nyob tau zoo nkauj dua yav thaum ub, tiam sis hauv koj me siab puas yuav hlub thiab nco kuv npaum li kuv nco koj os? Kuv me nkauj hmoob tus dai siab, koj puas tseem nco tau wb zaj dab neeg lawm? Tos luag tias kev hlub ces yim hlub yim mob, hnub no kuv paub tias muaj tseeb li ntawv tiag. Cas kuv yuav nco koj ua luaj. Koj ne puas nco kuv me me thiab?

    Hnub no kuv los cuag thiab ntsib koj li no xwb, mam ntsib koj dua lwm lub caij nyoog ntawm no mog.





    Last edited by LajLim on 6th January 2011, 3:41 pm; edited 1 time in total

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 6th January 2011, 3:38 pm

    1/6/2011

    Hi kuv me nkaujhmoob ntxim hlub,

    Lub xyoo laus twb dhau mus lawm tiag, Lub xyoo tshiab twb nrog wb nyob ua ib ke, me nploojsiab sij hawm no koj tab tom ua dab tsi ni yuam. Li thaum twg kuv mam ntsib koj, kuv ntseeg tias tsis ntev kuv yuav tau ntsib koj lawm.

    Koj puas paub tias kuv nco nco koj, kuv twb laus lawm ib lub xyoo ntxiv, txoj kev hluas yuav tsis muaj lawm, vim txoj kev laus raws cuag lawm zuj zus tiag. Txawm li cas los nco ntsoov tias kuv hlub thiab nco koj mog.

    muab zaj nkauj no rau koj mloog rau kuv no nawb mog.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kuv Tsab Ntawv Tseg rau Koj.

    Post  koojziagkabzaug on 8th January 2011, 11:04 am



    Nyob zoo Lajlim,

    Nws nco leej twg os?
    Nws me nkauj Hmoob puas nyob qhov nov?
    Cas nws tuaj seev kho siab?
    Cas nws nplooj siab khuam cia?
    Yog kuv paub, kuv yuav mus hais qhia.
    Yog kuv ntsib, kuv yuav muab nws tuav cia
    Rau koj lub siab hlub kom kaj
    Rau koj lub siab ntshaw kom kab ntsab.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv Tsab Ntawv Tseg rau Koj.

    Post  Hmoob ntuj qub qab on 9th January 2011, 11:41 pm

    Nyob zoo Lajlim

    Yog lawm txoj kev hlub ib vuag dua yuav ua lub chaw tshua
    nco ntsoov rau lub siab tsis ploj txawm tsis muaj txoj sia los tseem ntoj
    Nco dheev txog thaum wb sib paub lub siab xav saub
    Nco dheev txog thaum wb sib pom los kua muag los
    Ntuj...e...ntuj




    Lajlim kho siab no mloog Raj Nplaim nas

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv Tsab Ntawv Tseg rau Koj.

    Post  Hmoob ntuj qub qab on 9th January 2011, 11:45 pm

    Nyob zoo Koojziagkabzaug

    Ib nplooj siab zais rawv yeej nyob tsis pawv
    Kho lub siab mob cuag luag ntsiab
    xav los ua tsis tau li cas vim nws lub caij dua nras
    nas Hmoob leej ntxhais...





    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 10th January 2011, 3:49 pm

    1/10/2011
    Nyob zoo nkaujhmoob tus daisiab,

    Koj tuaj tsis txog los tseg, yog hnub twg koj tuaj txog, thov kom koj paub tias kuv hlub koj heev li. Koj yog kuv lub neej, yog kuv txoj sia, yog tiam no tsis muaj koj los hlub kuv ces yuav nyob ib leeg kho siab zim lawm xwb tiag.



    Kab noog muaj suab see kho siab
    Me paj tawg tau zoo nkauj ntxim plawv
    Tiam no cia wb sib hlub yam li muaj zoo dab neeg los lawm ntau txhiab
    Sim no cia wb sib tshua yam li tej me dej nag uas nyob tsis pawv.

    Thaum koj hnov lub me suab noog seev kho siab zim
    Thaum koj pom me paj tawg cua tshuab ya laim zom zaws
    Koj nco ntsoov tseg tias kuv nrhiav koj hlub txhua sim
    Koj cim ntsoov tseg tias kuv kev hlub koj tseem nyob puv npo nrog me ntsuj plig sib raws.



    [

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 10th January 2011, 4:02 pm

    koojziagkabzaug wrote:


    Nyob zoo Lajlim,

    Nws nco leej twg os?
    Nws me nkauj Hmoob puas nyob qhov nov?
    Cas nws tuaj seev kho siab?
    Cas nws nplooj siab khuam cia?
    Yog kuv paub, kuv yuav mus hais qhia.
    Yog kuv ntsib, kuv yuav muab nws tuav cia
    Rau koj lub siab hlub kom kaj
    Rau koj lub siab ntshaw kom kab ntsab.



    Nyob zoo os KoojZiag,

    Ua tsaug rau nws zaj nkauj kho siab mog.

    Nco kuv me nkauj hmoob tus ntxim hlub.
    Kuv me nkauj hmoob ces xyov nws tuaj puas txog ntawm no.
    Hnub twg yog koj ntsib nws ces qhia rau nws tias kuv nco.
    Hnub twg yog koj pom nws ces qhia rau nws tias kuv tos tos.
    Koojziag hnub twg yog nws tuaj txog koj yeej yuav paub.
    Hnub nws tuaj nrog kuv saub thov koj nrog tuav nws cia.
    Vim nws yog tus kuv hlub yog kuv txoj sia.

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 10th January 2011, 4:17 pm

    Hmoob ntuj qub qab wrote:Nyob zoo Lajlim

    Yog lawm txoj kev hlub ib vuag dua yuav ua lub chaw tshua
    nco ntsoov rau lub siab tsis ploj txawm tsis muaj txoj sia los tseem ntoj
    Nco dheev txog thaum wb sib paub lub siab xav saub
    Nco dheev txog thaum wb sib pom los kua muag los
    Ntuj...e...ntuj




    Lajlim kho siab no mloog Raj Nplaim nas

    Nyob zoo Hmoob ntuj qub qab,

    Tijlaug ua tsaug rau koj zaj Raj nplaim nawb, zoo mloog kawg li. Nws tshuab hais li cas?

    Yeej muaj tseeb li koj hais tiag,
    kev hlub ib vuag dua yuav nco tsis tu ncua.
    Nyob rawv rau nruab siab tsis ploj,
    tuag lawm tseem xav rov los soj.
    Nco txog thaum nyuam qhuav sib ntsib,
    hais lo me lus twg los hais lo qab zib.
    Ho tig xav tias muaj hnub yuav sib ncaim,
    ua rau yus tsis quaj los kua muag si laim.


    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kuv Tsab Ntawv Tseg rau Koj.

    Post  koojziagkabzaug on 11th January 2011, 8:40 am



    Nyob zoo Lajlim,

    Lajlim, nws tus hlub kuv twb tsis pom li...!
    Ntshe nws tuaj tsis txog kuv tej zej zog
    Lajlim, ua ib siab txhob tos vim luag yuav tsis los
    Ua ib siab txhob nrhiav vim tsuas muaj yuav tu siab

    Nag hmo yog txoj kev nco
    Hnub no yog lub siab mob
    Taig kis yog txoj kev chim

    Txoj kev hlub cia ua ib zaj npau suav
    Ua lu neej kaj siab lug rau kev HLUB TSHUA mog...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 14th January 2011, 3:55 pm

    koojziagkabzaug wrote:


    Nyob zoo Lajlim,

    Lajlim, nws tus hlub kuv twb tsis pom li...!
    Ntshe nws tuaj tsis txog kuv tej zej zog
    Lajlim, ua ib siab txhob tos vim luag yuav tsis los
    Ua ib siab txhob nrhiav vim tsuas muaj yuav tu siab

    Nag hmo yog txoj kev nco
    Hnub no yog lub siab mob
    Taig kis yog txoj kev chim

    Txoj kev hlub cia ua ib zaj npau suav
    Ua lu neej kaj siab lug rau kev HLUB TSHUA mog...

    Koojziag nyob zoo rau koj,

    Vim kuv tus hlub twb tuaj tsis tau txog koj zej zog
    Nws thiaj tsis pom kuv tej ntawv kuv sau dawb pes vog
    Koojziag, Lajlim yuav tos nws ntev npaum cas los Lajlim yuav tos
    Muaj ib hnub twg nws yees yuav tuaj nrhiav tau Lajlim hauv koj zos

    Nag hmo yog txoj kev nco
    Hnub no yog txoj kev hlub
    Nyob saum yaj los yog tus npau ntub

    Muaj npau suav thiaj muaj kev hlub
    Zoo siab rau Koojziag lo lus qhub.


    Koojziag, tsab ntawv kuv sau tseg rau ntawm no yog tseg rau kuv nploojsiab hlub.
    Ntev xyoo lawm yav tom ntej, yog nws tuaj txog, nws yuav tau nyeem kuv tej lus uas kuv tseg rau nws ntawm koj lub zos no.
    Leej twg yog tus kuv hlub ces nws tuaj txog nws yeej paub zoo tias yog kuv sau tseg rau nws. Kuv muaj nws nyob hauv kuv lub neej, kuv hlub nws heev li.


    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 14th January 2011, 4:24 pm

    1/14/2011

    Nploojsiab,

    Kuv twb tuaj sau ntawv tseg ntawm no rau koj tau ib lub hlis rau nag hmo lawm. Hnub no los los snow li, kuv muaj ntau yam yuav piav rau koj, cia kuv muaj sij hawm ntau zog mam li tuaj piav rau koj tau nyeem. Tsav tsheb maj mam nawb, vim los snow heev os.

    Zaj nkauj no muab special rau koj ntawm lub ib hlis ntuj xyoo 2011




    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kuv Tsab Ntawv Tseg rau Koj.

    Post  Hmoob ntuj qub qab on 16th January 2011, 9:26 pm

    Nyob zoo Lajlim

    Ib zaug neej yeej muaj ib qho kev dai siab
    uas lub siab yeej nyob tsis kiab
    Ib zaug neej yeej muaj ib qho kev ntxhov plawv
    uas kho lub siab lawm tej sis zawv
    nyob tsis qhia neej tsis muaj neeg paub meej
    tuag tsis qhia dab luag yeej tsis paub pab
    nas lajlim



    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 21st January 2011, 4:05 pm

    1/21/2011

    Nyob zoo nploojsiab, ib lub hlis tiam twb rov los dhau lawm, cas lub sij hawm tsuas muaj los mus dhau lawm zuj zus xwb. Kuv zoo siab tau los ntsib koj tau los paub koj especially tau los hlub koj mog Smile tsis muaj ib yam dab tsi pauv tau li. Kuv cia siab tias koj yuav nyob luag ntxhi.


    Lub pajntshuanplaim liab thov muab rau kuv me nploojsiab.



    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 21st January 2011, 4:13 pm

    Smile Tijlaug hmoob ntuj qub qab yeej yog li koj hais.
    Nyob ua neeg yeej tsim nyog qhia neej
    Tuag ua dab thiaj tsis hnov qab

    LajLim
    Visitor
    Visitor

    Messages : 44
    Date d'inscription : 2010-12-01

    Re: Kuv Tsab Ntawv Tseg rau Koj.

    Post  LajLim on 27th January 2011, 7:41 pm

    1/27/2011

    kuv me nploojsiab,

    tus kuv hlub thiab nco xyov puas muaj hnub koj yuav tuaj txog ntawm
    kuv lub tsev uas kuv tseg kuv tej ntawv rau koj.
    Txawm koj tuaj tsis txog los tseg, yog koj ho tuaj txog
    ntshe hnub ntawv kuv twb tsis nyob rau ntawm no lawm,
    txawm tias kuv tsis nyob lawm los thov qhia rau koj paub hais tias
    kuv hlub koj mog, tig los kuv puag koj rau kuv lub xub ntiag,
    wb nyob ntsiag to kom kuv hnov koj lub me plawv dhia nrog kuv
    lub ua ib ke mus ib sim os nploojsiab.

    Ib txoj kev hlub uas tau muab sau tseg,
    sau tseg rau daim ntawv muab kaw cia rau lub lam hwj,
    muab rau dej tshoob mus kom txog hnub wb rov tau
    los sib ntsib ib zaug rau hauv lub ntiaj teb no.
    Txog hnub ntawv wb mam rov los qhib lub lam hwj uas muaj
    tsab ntawv hlub wb tau sau tseg tso rau dej
    dej khaws cia.



    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Kuv Tsab Ntawv Tseg rau Koj.

    Post  Lubpajzoo on 23rd February 2011, 12:34 pm

    LajLim wrote:
    12/13/2010

    Nco thiab tshua kuv me nkauj hmoob,

    Cas lub sij hawm yuav dhau lawm zuj zus, lub caij lub nyoog yuav tsis tos leej twg li os. Lub xyoo laus twb yuav tag, lub xyoo tshiab twb tawm tuaj yuav txog, koj nyob li cas lawm xwb? kuv paub tias koj lub me cev nkauj xwb tseem nyob tau zoo nkauj dua yav thaum ub, tiam sis hauv koj me siab puas yuav hlub thiab nco kuv npaum li kuv nco koj os? Kuv me nkauj hmoob tus dai siab, koj puas tseem nco tau wb zaj dab neeg lawm? Tos luag tias kev hlub ces yim hlub yim mob, hnub no kuv paub tias muaj tseeb li ntawv tiag. Cas kuv yuav nco koj ua luaj. Koj ne puas nco kuv me me thiab?

    Hnub no kuv los cuag thiab ntsib koj li no xwb, mam ntsib koj dua lwm lub caij nyoog ntawm no mog.



    Leej nus Lajlim,

    Koj tsab ntawv no hais tau zoo ua luaj li os. Kheev lam kuv paub nws ntshe kuv yuav rub kiag nws los mloog li lawm os

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv Tsab Ntawv Tseg rau Koj.

    Post  xiongchang on 20th April 2012, 8:50 am

    LajLim wrote:
    12/13/2010

    Nco thiab tshua kuv me nkauj hmoob,

    Cas lub sij hawm yuav dhau lawm zuj zus, lub caij lub nyoog yuav tsis tos leej twg li os. Lub xyoo laus twb yuav tag, lub xyoo tshiab twb tawm tuaj yuav txog, koj nyob li cas lawm xwb? kuv paub tias koj lub me cev nkauj xwb tseem nyob tau zoo nkauj dua yav thaum ub, tiam sis hauv koj me siab puas yuav hlub thiab nco kuv npaum li kuv nco koj os? Kuv me nkauj hmoob tus dai siab, koj puas tseem nco tau wb zaj dab neeg lawm? Tos luag tias kev hlub ces yim hlub yim mob, hnub no kuv paub tias muaj tseeb li ntawv tiag. Cas kuv yuav nco koj ua luaj. Koj ne puas nco kuv me me thiab?

    Hnub no kuv los cuag thiab ntsib koj li no xwb, mam ntsib koj dua lwm lub caij nyoog ntawm no mog.




    - Nyob zoo os, Ib tsoom me phooj ywg! Nkauj muam hmoob, Hlub hmov tshua tas nrho; Kev ua neej...Yog tsi xav, Lub siab nyob ruaj; Yog ua tibzoo xav...Ses tu siab kawg...Lub neej kev hluas zoo yam, Lub paj tawg nra; Nploj nphob zaug zeeg...Zuj zug lawm, Laug tsi hluas; Tuag tsi sawv...Lub ncauj tsi hais, Nplooj siab seev yuj yeeg; Yam lub hnub qaij nrug...Yuav dua toj, Txiv nraug hli; Yuav dua dawm...Niam nkauj hnub...Caum raws tsi cuag, Txiv nraug hli; Niam nkauj hnub nyob ib tog ntuj...Txiv nraug hli nyob ib tog ntiaj teb, Ib sim kev nkauj nraug; Tsi sib tau...Yuav ncaim tas ib txhis, Lub plawv quaj dhawv dhi; Cas nco koj ua luaj...Cas tsi quaj, Los kua muag ntwg; Nplooj me ntsws...Ncia dhawv tuaj nruab siab, Ib sim kev nkauj nraug; Tsi sib tau tiam neej no...Yuav ncaim tias tias, Tsi muaj hnub sib cuag; Yam nthwv cua...Ntsawj ib vuag dhau, Tig tsi tau rov qab; Nplooj me siab...Lwj puag tsoj, Puag tsug; Tsi muaj hnub xaus...Vim txoj kev laug, Yuav tawm tuaj; Muab lub cev hluas...Lwv rhuav tshem, Ib hnub laug zuj zug; Tsi muaj hnub hluas ntxiv lawm...Lubneej niam txiv txwj nkawm, Yog txawj sis hlub; Lub niaj tsi ntev...Lub xyoo tsi ntau, Twb laug tav zag neej no; Tub muaj nyab tas...Ntxhais muaj vauv dua, Kev sib nyiam; Tseem muaj nyob...Kev sib nco, Tseem muaj tseg; Kev sib tshua...Tseem nco ntsoov, Sij hawm luv; Txav lawm zuj zug...Caij nyoog tsawg, Txav tshuj tshaws; Dej ntwg nqeg hav....Tshuam hiav txwv ntuj, Tsi teev nce toj; Vim ntiaj teb tig ceev...Cheem tsi tau, Ib sim kev nkauj nraug; Hlub nco tshua...Yuav nploj nphob, Kev yuav tuaj nroj; Me tauj nqeeb xyoob ntoo hlav loos...Cia ua nkauj muam nraug nus, Sib nug hmoo; Seb puas noj qab nyob zoo pw sov...Txoj me kev, Kuv nco koj; Yuav nco tas tiam...Txog hnub tuag, Lwj tsug ib pawg av; Mam tsi nco qab os...Me leej muam, Tug neeg ntxim hlub; Me leej nus...Tug ntxim nco.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kuv Tsab Ntawv Tseg rau Koj.

    Post  koojziagkabzaug on 20th April 2012, 10:44 am



    Nyob zoo XiongChang,

    Wow...! Cas nws yuav txawj tham lub hnub kaj lug
    cas nws yuav txawj piav lub hli kaj nrig
    Txoj kev hlub yog hauv tshuaj qab ntug
    Txoj kev nyiam yog hauv tshuaj txhua tus nrhiav
    Leej twg los ntshaw kev hlub
    Tab sis xav tau tsis xav pub
    Tus twg los ntshaw rhwv txoj kev nyiam
    Tab sis xav tau xwb tsis xav tiam
    Ntiaj teb neeg thiaj quaj ntsuag
    Vim txawj yuav xwb tsis txawj muab
    Yog koj txawj hlub kuv li KOJ ntshaw
    Kuv txawj pom li KOJ li kuv nyiam
    Ces laus yuav tsis tsw paus,
    Ces dhuav yuav tsis tsw quav
    Kuv txiv nraug suav yuav txiav taws qhuav
    Koj niam nkauj npaub yuav txawj haus zaub
    Ces ua neeg xyiv fab tsis ntshaw luag nyab
    Ces ua neej txog hnub laus yuav tsis ntshaw luag vauv no nas tsoom Hmoob!




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    LS
    Visitor
    Visitor

    Messages : 42
    Date d'inscription : 2012-01-22

    Re: Kuv Tsab Ntawv Tseg rau Koj.

    Post  LS on 20th April 2012, 11:32 am



    Nyob zoo phoojywg, cas hnub no neb yuav txawj tham ua luaj.

    Neeg lub neej txoj kev hlub txoj kev ntshaw ntawm nploojsiab lub plawv.
    Txoj kev hlub ces zoo yam li peb txoj sia
    Txoj kev nco ces zoo yam li peb txoj pa
    Yog tsis tau tus yus hlub ces tuag los tsis khuv xim txoj sia
    Yog tau hlub tsis tau yuav ces yuav nco nco xum cia txoj pa tu.

    Thaum wb tseem yog nkauj yog nraug
    Koj hlub kuv tshaj ib puas tsav yam
    Kuv nco tau tias kuv hlub koj tshaj kuv txoj sia
    Txawm yuav nyob deb npaum li cas
    Txawm yuav nyuaj npaum twg
    Los wb yuav tuaj sib ntsib sib cuag kom tau

    Tiam sis me nkauj hmoob thiab me hluas nraug
    Sib hlub sib nco dhau
    Tsis muaj leej twg yuav txiav tau nkawv kev hlub
    Ntuj cia nkawv daim ntawv rub los nyob ua ib khub
    Thaum los yog txij yog nkawm
    Tsis muaj tsawg hnub tsawg hmo dhau mus lawm
    Txoj kev hlub cas ho txawj nphob yam li tej ris tsho muaj kob
    Txoj kev tshua ca ho txawj ploj yam li tej huab ya tim nta toj
    Tsis muaj tsawg hli tsis tau tsawg xyoo
    Cas koj siv pom kuv yog tus phem tus tsis zoo
    Tsis tau tsawg xyoo wb sim tsis tau dua
    Cas kuv siv pom koj yog tus phem txhua
    Pom tus tshiab tus ntawv thiaj yog tus deev tau kuv siab
    Pom luag tug zoo tus ntawv thiaj yog tus koj nyiam nws ntxhiab

    Muab xav los mas tsis tsim nyog hlo li
    Tos tej laus tias “Ntses dim ntshe loj”
    Tus dim thiaj yog tus uas nco tsis ploj.

    Cas ho tsis hlub thiab nco tus ntawm koj ib sab
    Cas ho tsis rub lub siab ntuj nte rau tus ntawm koj xub ntiag
    Cas tsis muab lo lus qab zib lus mos lus muag hais rau tus koj niaj hmo puag
    Yog ib leeg txawj hlub ib li ntshaw hlub lwm tus
    Yog ib leeg hlub ib leeg li thaum hluas uas ntshai ntshai tsam tsis sib tau
    Ntshe yuav ua neej tsis xav tuag.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv Tsab Ntawv Tseg rau Koj.

    Post  xiongchang on 30th April 2012, 10:48 am

    koojziagkabzaug wrote:


    Nyob zoo XiongChang,

    Wow...! Cas nws yuav txawj tham lub hnub kaj lug
    cas nws yuav txawj piav lub hli kaj nrig
    Txoj kev hlub yog hauv tshuaj qab ntug
    Txoj kev nyiam yog hauv tshuaj txhua tus nrhiav
    Leej twg los ntshaw kev hlub
    Tab sis xav tau tsis xav pub
    Tus twg los ntshaw rhwv txoj kev nyiam
    Tab sis xav tau xwb tsis xav tiam
    Ntiaj teb neeg thiaj quaj ntsuag
    Vim txawj yuav xwb tsis txawj muab
    Yog koj txawj hlub kuv li KOJ ntshaw
    Kuv txawj pom li KOJ li kuv nyiam
    Ces laus yuav tsis tsw paus,
    Ces dhuav yuav tsis tsw quav
    Kuv txiv nraug suav yuav txiav taws qhuav
    Koj niam nkauj npaub yuav txawj haus zaub
    Ces ua neeg xyiv fab tsis ntshaw luag nyab
    Ces ua neej txog hnub laus yuav tsis ntshaw luag vauv no nas tsoom Hmoob!



    - Nyob zoo os, Tug me muam tshaj lij aws; Koj keej kawg nkaug....Ib sim niam txiv txwj nkawm, Kuv poj niam; Wb xav txawm lwm leej....Wb coj txawv lwm khub txwj nkawm, Wb tuav rawv; lub neej nkauj nraug....Thaum txiv zoo nraug, Nyob niam nruab plawv tsi nploj; Thaum niam zoo mog nyob nruab siab tsi ploj....Noj sib hlub, Haus sib cev; Zaum rooj tog ua ke....Ua daim iav, Tub nyab ntxhais vauv tsom; Ua qauv zoo....Tub nyab ntxhais vauv xyaum, Ua piv txwv; Tub nyab ntxhais vauv kawm....Tam sim no, Wb tseem coj zoo li....Thaum nkauj nraug, Kev sis hlub; Tseem tsi dhuav....Kev nco tshua, Yeej tsi xaus; Tseem muaj nyob puv npo li qub, Yav hmo ntuj pw; Kuv tseem muab npab....Rau poj niam ncoo, Ob leeg tham luj loos; Tog nco tsaus zog lawm....Yug khub me niam txiv, Txawj coj haum; Txawj hais lug zoo li....Thaum nkauj nraug, Txhua lub khw; Wb ncig txog....Muab khoom plig, Pub wb ib xyoos; Ib zaug....Muaj noj haus, Wb caw tuaj koom; Wb muab tej duab zoo....Dai khuam hauv plag, Suav daws ntsia; Xyaum ua neej.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv Tsab Ntawv Tseg rau Koj.

    Post  xiongchang on 30th April 2012, 11:04 am

    - Nyob zoo os, Ib tsoom tub ntxhais hluas; Cov phooj ywg! Nkauj muam hmoob, Hlub hmov tshua suav daws; Thov caw nej nkag mus:...You tu be:...Koom ib txoj hlua dai tuag....Mloog nplooj xyooj" Zaj nkauj tu siab, Mus saib tub huaj yaj; Tug ntxhais paj nyiag lis....Nkawd lub neej nkauj nraug, Es suav daws; Ua tib zoo xav txog, Nkawd lub neej; Ntshe niam txiv....Tsi pub nkawd sib yuav, Thiaj sib pus tuag ua ke saum roob tsuas nas.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv Tsab Ntawv Tseg rau Koj.

    Post  xiongchang on 3rd May 2012, 7:42 am

    [quote="LajLim"]1/14/2011

    Nploojsiab,

    Kuv twb tuaj sau ntawv tseg ntawm no rau koj tau ib lub hlis rau nag hmo lawm. Hnub no los los snow li, kuv muaj ntau yam yuav piav rau koj, cia kuv muaj sij hawm ntau zog mam li tuaj piav rau koj tau nyeem. Tsav tsheb maj mam nawb, vim los snow heev os.

    Zaj nkauj no muab special rau koj ntawm lub ib hlis ntuj xyoo 2011



    [/quot


    He...he....Suav daws nyiam, Cov tub seev nkauj; Ntshaw cov ntxhais seev yas suab kho siab no kawg....Yog tib co poj laib, Yawm laib xwb; Sib yuav ib pliag nrauj lawm....kuv yeej ib txwm paub zoo, Yav ntuj thaum nyob nplog teb; Sab thaib teb....Txhua lub teb chaws zoo, Tib yam nkaug; Lub neej tsi xaug....Txoj kev taug tsi kawg, Kuv muaj ib yawg kwv nyob nroog:...Wausau, Wisconsim....Vwm ib tug ntxhais hmoob nyob nplog teb:...lav 52....Yawg yuav tau kaus yawg nyiaj tas, Muab yawg ncaws tawm; Laij yawg nce dav hlau rov qab mes kas....Yog yawg qeeb 24 teev, Txawm yawg tuag; Tsi lav paub yawg....Yawg ua siab rov los khaws poj nrauj:...California....Rau tug me nyuam tu, Tam sim no; Yawg khiav nqeg qab teb:...Oklahoma, Tulsa; Cov tub ntxhais....Nav loob lub neej puav dai taw xwb os.

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv Tsab Ntawv Tseg rau Koj.

    Post  xiongchang on 4th May 2012, 8:27 am

    LajLim wrote:1/27/2011

    kuv me nploojsiab,

    tus kuv hlub thiab nco xyov puas muaj hnub koj yuav tuaj txog ntawm
    kuv lub tsev uas kuv tseg kuv tej ntawv rau koj.
    Txawm koj tuaj tsis txog los tseg, yog koj ho tuaj txog
    ntshe hnub ntawv kuv twb tsis nyob rau ntawm no lawm,
    txawm tias kuv tsis nyob lawm los thov qhia rau koj paub hais tias
    kuv hlub koj mog, tig los kuv puag koj rau kuv lub xub ntiag,
    wb nyob ntsiag to kom kuv hnov koj lub me plawv dhia nrog kuv
    lub ua ib ke mus ib sim os nploojsiab.

    Ib txoj kev hlub uas tau muab sau tseg,
    sau tseg rau daim ntawv muab kaw cia rau lub lam hwj,
    muab rau dej tshoob mus kom txog hnub wb rov tau
    los sib ntsib ib zaug rau hauv lub ntiaj teb no.
    Txog hnub ntawv wb mam rov los qhib lub lam hwj uas muaj
    tsab ntawv hlub wb tau sau tseg tso rau dej
    dej khaws cia.




    - Koj nplooj siab, Nyob qhov twg? Koj nco tshaj plawg, Lub ntiaj teb no; Tsi muaj ib yampauv tau li....Sim qhia nplooj siab ntawd, Seb zoo li cas?.... I love you I love you I love you Smile Smile Smile Sad Sad Sad Crying or Very sad Crying or Very sad Crying or Very sad

    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Kuv Tsab Ntawv Tseg rau Koj.

    Post  xiongchang on 4th May 2012, 8:42 am

    - Yog las mav, Me leej muam; Tug tib neeg ntxim hlub plhw ntshig....Txoj kev nco, Yog nco tug neeg; Cev ntaj ntsug zoo zam....Hnav tiab ris tsho tsoog mab, Los zoo nkauj ntxim tawb; Hnav tsoog hmoob....Los zoo mog, Hais lug luag nyav; tham luag ntxhi....Suab qab zib, Txoj kev tshua; Yog sib nyiam....Txoj kev hlub, Yog ua si; Lom zem xauv npo....Koj khawm nkaug, Kuv tsi tso; Kuv puag loo....Koj tsi nrug, Txawm yuav muaj lug tham npaum cas? Tsi nco qab, Txawm muaj tswv yim npaum twg? Xaus nkaug lub me xub ntiag sov so, Tsi nco xav; Lug tas nrho....Txawm tshuaj ntsuab, Tshuaj ntsiav; yeej kho tsi tau tug mob zoo....Kawg koj lub me, Hauv nrob yij.

    hmoobleejtub
    Developer
    Developer

    Messages : 119
    Date d'inscription : 2011-08-31

    Re: Kuv Tsab Ntawv Tseg rau Koj.

    Post  hmoobleejtub on 4th May 2012, 12:25 pm

    xiongchang wrote:- Yog las mav, Me leej muam; Tug tib neeg ntxim hlub plhw ntshig....Txoj kev nco, Yog nco tug neeg; Cev ntaj ntsug zoo zam....Hnav tiab ris tsho tsoog mab, Los zoo nkauj ntxim tawb; Hnav tsoog hmoob....Los zoo mog, Hais lug luag nyav; tham luag ntxhi....Suab qab zib, Txoj kev tshua; Yog sib nyiam....Txoj kev hlub, Yog ua si; Lom zem xauv npo....Koj khawm nkaug, Kuv tsi tso; Kuv puag loo....Koj tsi nrug, Txawm yuav muaj lug tham npaum cas? Tsi nco qab, Txawm muaj tswv yim npaum twg? Xaus nkaug lub me xub ntiag sov so, Tsi nco xav; Lug tas nrho....Txawm tshuaj ntsuab, Tshuaj ntsiav; yeej kho tsi tau tug mob zoo....Kawg koj lub me, Hauv nrob yij.

    Tijlaug Xyooj Tsaab,

    Thov txim kws kuv tau hu koj ua kwv ua ntej lawm, vim kuv tsis tau pum koj zaaj kwv huam txaus luag nyob peg Xeevkham thaum lub tsheb quaj es koj ntshai hab dha moog khawm nam hahaha.. nyeem koj txuj kwv huam txaus luag hov, txhaj le paub tas koj yog tij lawm. Zaam txim pub rua kuv nawb. Kuv yuav ua koj le kwv 3 xyoos lawm. Zoo sab kws tau ntsib koj rua huv Maivtooj hab Maivpaaj ob tug lub tsev tshaav ntuj nuav.

    Sponsored content

    Re: Kuv Tsab Ntawv Tseg rau Koj.

    Post  Sponsored content Today at 6:43 am


      Current date/time is 11th December 2016, 6:43 am