google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Mob Ntsav Qab Zib

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Mob Ntsav Qab Zib

    Post  koojziagkabzaug on 22nd December 2010, 3:27 am




    Kev Mob Ntshav Qab Zib
    Sau los ntawm HmDia



    Tag nrho tej zaub mov uas peb noj yog peb lub cev siv kom tsim tau dag zog (energy). Ib
    hom ntawm peb hom zaub mov uas peb lub cev siv yog tej yam qab zib. Yog tias peb noj qab
    nyob zoo, ces tej yam qab zib hauv cov zaub mov uas peb noj yuav hloov ua dag zog pab peb
    ua ub ua no. Thaum koj mob ntshav qab zib, koj lub cev yuav hloov tsis tau tej yam qab zib
    ntawd ua dag zog, thiab tej yam qab zib ntawd txawm ntsu zuj zus tuaj hauv koj cov ntshav.



    Muaj peb hom mob ntshav qab zib.
    Thaum me nyuam mos liab los yog me nyuam yaus muaj mob ntshav qab zib li no, lawv
    muaj mob ntshav qab zib hom 1 thiab yuav tsum txhaj tej koob tshuaj insulin txhua hnub
    thiab ua tib zoo saib xyuas tej zaub mov uas lawv noj. Tsuas yog neeg tsawg tsawg xwb thiaj
    muaj hom mob ntshav qab zib no.



    Ib txhia poj niam xeeb tub raug tau ib hom mob ntshav qab zib uas nyob tsis ntev, uas feem
    ntau ploj mus thaum lawv los so lawm. Hom mob ntshav qab zib no yog hu ua kev mob
    ntshav qab zib thaum xeeb tub. Yog tias ib tug kws kho mob tsis pab kho hom mob ntshav
    qab zib no, qhov no yuav ua tsis zoo rau tus me nyuam ua ntej nws yug los.



    Cov neeg feem coob uas muaj mob ntshav qab zib muaj mob hom 2, uas muaj rau cov neeg
    laus thaum lawv laus zuj zus tuaj. Cov neeg uas tsis kom tes taw los sis rog rog yog cov uas
    yuav muaj yam mob li no feem ntau.



    Cov neeg uas muaj neeg hauv lawv tsev neeg uas twb muaj mob ntshav qab zib hom 2 kuj
    pheej hmoov ntau dua hais tias lawv yuav raug tau yam mob no thiab. Cov neeg Mis Kas
    Dub, cov neeg Mis Kas Mev/Latino, thiab ib txhia Mis Kas Es Xias kuj pheej hmoov ntau
    dua hais tias yuav raug tau thiab. Qhov no txhais tau hais tias cov neeg no raug mob ntshav
    qab zib ntau dua lwm haiv neeg.



    Tej yam uas qhia tias tej zaum koj muaj mob ntshav qab zib yog:
    Pheej ib sij tso zis ib zaug
    Nqhis dej heev
    Poob phaus es twb tsis tau sim yoo mov kom poob phaus li
    Hnov tshaib plab heev feem ntau



    Qhov muag plooj plooj
    Txhais ko taw loog loog los sis caws yaum
    Tawv nqaij qhuav qhuav thiab khaus khaus
    Muaj tej kiav txhab uas siv sij hawm ntev ntev mam zoo
    Nkees nkees heev



    Ib tug neeg uas muaj mob ntshav qab zib tej zaum muaj tag nrho tej yam uas hais no los sis
    tsis muaj ib yam hlo li.
    Yog tias koj muaj ob peb yam qhia tias tej zaum koj muaj mob ntshav qab zib no, hais kom
    koj tus kws kho mob kuaj saib koj puas muaj mob ntshav qab zib. Kom kuaj li no, koj tus
    kws kho mob yuav kuaj saib koj cov ntshav muaj glucose (qhov qab zib) siab li cas.
    Yog



    Yog hais tias lawv kuaj es pom tias koj muaj mob ntshav qab zib no, tej zaum koj yuav tsum
    kuaj saib koj cov ntshav muaj qhov qab zib siab li cas txhua hnub siv ib lub tshuab ntsuas glucose.



    Vim qhov qab zib hauv koj cov ntshav siab heev dhau, tej zaum koj yuav tsum noj tshuaj
    txhua hnub pab tswj kom nws nyob qis dua. Qhov uas koj kom tes taw thiab poob phaus kuj
    yuav pab ua rau qhov qab zib hauv koj cov ntshav qis dua thiab pab koj nyob zoo dua.



    Yog hais tias koj tsis nrhiav kev pab kho yam mob ntshav qab zib no thiab koj tsis ua dab tsi
    ua rau qhov qab zib hauv koj cov ntshav qis dua, tej zaum koj yuav muaj teeb meem ntau
    ntawm txoj kev noj qab nyob zoo, xws li mob plawv, los yog mob raum. Qhov uas muaj
    qhov qab zib ntau hauv cov ntshav yeej ua tau rau koj qhov muag muaj teeb meem thiab
    thaum kawg tej zaum koj yuav dig muag.




    Yam mob no kuj ua tsis zoo tau rau lub qhov ncauj, cov hniav, thiab pos hniav. Ua tib zoo
    txhuam hniav txhua hnub thiab mus kuaj hniav raws sij hawm.



    Tej zaum koj kuj yuav muaj teeb meem muaj tej kiav txhab rau ntawm koj ob txhais ko taw
    thiab. Yog tias tsis kho qhov teeb meem no, ces tej zaum cov kws kho mob yuav tsum txiav
    koj tus ntiv taw xoo, koj txhais ko taw los yog koj txhais ceg.




    Hais kom koj tus kws kho mob xa koj mus ntsib cov neeg uas yuav pab qhia koj saib koj
    yuav tsum ua li cas saib xyuas koj tus kheej. Lawv yuav qhia saib koj yuav tsum noj koj cov
    tshuaj li cas, kuaj saib qhov qab zib hauv koj cov ntshav siab li cas, thiab noj zaub mov raws
    li lawv hais. Lawv qhia tau tag nrho koj tsev neeg saib koj tsev neeg yuav ua li cas pab koj
    thiab saib koj tsev neeg yuav ua tau li cas kom thiaj noj qab nyob zoo thiab.




    Kev mob ntshav qab zib no yog ib qho mob loj, tiam sis koj yuav nyob tau zoo dua thiab ua
    neej noj qab nyob zoo ntev yog tias koj ceev kom qhov qab zib hauv koj cov ntshav nyob qis
    thiab ua raws li tej yam uas koj tus kws kho mob hais kom koj ua.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Mob Ntsav Qab Zib

    Post  koojziagkabzaug on 6th March 2011, 6:07 pm


    Mob ntshav qab zib:ECHO | Diabetes | Hmong



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Similar topics

      -

      Current date/time is 11th December 2016, 6:44 am