google-site-verification: googlefbfddf59e706b96b.html

Latest topics

» Xiong Chang
by koobpovtxuj 10th December 2017, 11:00 am

» Koobpovtxuj.
by koobpovtxuj 19th November 2017, 1:34 am

» kuv cov duab.
by koobpovtxuj 18th November 2017, 11:30 am

» KHAWV KOOB
by koobpovtxuj 30th September 2017, 4:29 pm

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    XYUAM XIM ! KEV UA SI SAB NTUJ QUB QAB

    Share
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    XYUAM XIM ! KEV UA SI SAB NTUJ QUB QAB

    Post  Liajlwg on 4th January 2011, 2:04 pm

    Nyob xyoo tshiab Admin thiab cov phooj ywg,

    Admin yog cov lus kuv post rau hauv no tsis zoo rau koj lub Tsev no koj muab delete tau txhua lub sij hawm. Kuv thov tshaj ntawm rau peb cov phooj ywg nyob sab U S A los yog nyob lwm lub teb chaws paub tias yog leej twg xav mus ua si nyob sab ntuj qub qab ( LAOS ). Xav kom sawv daws yuav tau xyuam xim rau txoj kev mus nrhiav tus hlub los yog mus ua si lwm yam.

    Kuv tus kheej kuj tawm teb chaws tuaj tau 30 xyoo tsis tau nrov mus pom tiam sis tau hnov tej xov tsis zoo hais txog peb cov neeg mus ua si rau sab tim ub tsis hais cov laus los cov hluas raug dag piam sij los txog niaj hnub no. Yog li kuv thiaj xav tias cia kuv  mus sim ua kiag ib tug saib puas yuav muaj tiag, kuv tsis tau mus txog tiam sis kuv tau researched thiab tham nrog ntau leej cov phooj ywg kuv paub ua lawv tau mus rau sab ntuj nraum ub thiab kuv kuj muaj cov kwv tij nyob sab ntuj nraum ub yog cov qhia qhov ntseeb rau kuv hais txoj tej  kev yuav phom sij rau peb cov phooj ywg nyob rau teb chaws thib 2 thiab thib 3 no kom yuav tau paub.

    Thov txim tej kuv sau hais no kuj tsis yog  kuv hais tias phem tas txhua leej txhua tus,kuv tsuas hais txij cov phem xwb,  kuj muaj cov zoo thiab tiams sis kom nej cov tseem xav mus ua si los yog nrhiav phooj ywg  yuav tau xyuam xim ua ntej nej yuav mus thiaj li tsis lig rau nej xwb. Txhua yam uas muaj tshwm sim muaj tseeb muaj raws li nram no:

    1. Yog nej pom duab xwb tsis tau pom kiag tus neeg, nej txhob rawn ntseeg. tam sis no muaj ib cov neeg siv lwm tus neeg tej duab los ua luam ntxias cov neeg nyob sab ntuj no. Vim muaj ib co thaum lawv mus txog tus neeg tsis zoo li daim duab.
    Xyoo 2010 no thaum lawv noj 30 kiag xwb peb cov hmoob sab tim no tham tau cov ntxhais tsis zoo li daim duab nws pom muaj tshaj li 20 leej.

    2.  Tam sis no muaj ntau leej yog cov muaj txij nkawm, lawv siv lub sij hawm no tuaj ntxias koj. Yog koj tsis xyuam xim thaum koj mus txog tim koj yuav mag lawv muab koj cab ua khaub hlab ntuag tas.

    3.  ib co yog lawv siv lawv lub cev mos222 los ntxias koj thaum lawv tau koj nyiaj tas lawv nrhiav teeb meem rau koj.

    4. ib co yog lawv siv lawv tej ntxhais los ntxias koj nyiaj rau lawv noj, thaum koj coj lawv tus ntxhais mus ua si los txog luag cia li yuam koj yuav, yog koj tsis kam yuav koj kuj yuav raug txim raws txoj cai. peb muaj ib txhia twb raug cov teeb meem zoo li no lawm. Yog cov phooj ywg nej leej twg rau cov teeb meem zoo li no thov nej xum yuav them nqi tshoob, es txhob mus pw nyob txim 20 xyoo nawv. kuv paub muaj ib tug phooj ywg nyuam qhuav nyob tas txim tawm los tau 2-3 hlis no.


    Thov hais rau peb cov phooj ywg txhua tus nyob rau teb chaws vam meej thov nej tsim kom meej, txhob muab nej nrab qau mus rau luag ua liaj os nawv mog. Tej kuv hais no tsis yog kuv ntxub leej twg es lam hais, tiam sis yeej muaj tseeb thiab pom kiag  muaj pov thawj. Txawm kuv tsis tau mus txog teb chaws nplog los kuv muaj cov neeg nyob tim ub thiab muaj tus tau raug kiag tej teeb meem kuv hais no lawm. Yog nej cov xav mus nrhiav tus hlub tiag los yuav tau ua zoo saib tsam nej hlub tau poj laib, ua zoo xyuas tsam nej tham tau poj mob uav.



    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 4th January 2011, 5:47 pm



    Hahahah...! Liajlwg, koj mas txawj tham heev, kuv thov txuas ib los ntxiv rau koj cov...Tus kuv hais nov, yog hais npe mas koj yuav paub xwb...Tab sis hais tias xeem Lauj xwb...

    Nws muaj ob tug poj niam ces nws nrauj niam yau tau ze 10 xyoo los no lawm. Thaum nrauj niam yau tag, coj niam hlob mus yuav tau ib tug niam yau mos ab tim ub, xyov yog li cas, zoo li ua tshoob tag, coj los pw ob peb hmo nram Vees Cam ces tus niam yau mos ab tsis kam yuav no sub...Tom qab no yawg kuj rov mus nrhiav tau ntau tus mos ab ntxiv...Kuj tsis as mab tab thiab...Ces ho muab niam hlob nrauj tau li ob los peb xyoos no lawm thiab. Xyoo no mus yuav tau ib tug niam mos ab tuaj, ces zoo li tuaj nyob tau 4 lub hlis. Tus niam mos ab hais rau niam hlob uas nrauj lawm tias: Ua cas nws yuav thev taus tus yawg ntawd ntev ua luaj li...Thiab hais rau luag tej tias: Nej nyob teb chaws nov khwv ua luaj li nyuam qhuav tau noj xwb...Peb nyob tim ub tham xov tooj xwb, tham 4-5 tug ces ib tug tsis xa nyiaj los los ib tug xa ces peb nyiaj siv tsis tag li...Hahhaah...! Hais li nov tau ib hlis tom qab xwb ces ib taig kis...TshP..Tsim los nws xuas naj cas tssi pom poj niam lawm, nws sawv tsees nrhiav tssi pom, xauj qhov rais naj me mos ab twb hu tau Police tuaj tos pog, pom pog nkag kiag rau hauv tsheb police thauj mus lawm ces yawg TshP cia li tsis caum thiab nrhiav li lawm. Qhov nov yog thaum lub 12 hlis 2010 no xwb...Tim Fab Kis teb mas yog ib tug neeg tssi muaj ntawv, hais rau luag paub ces luag yuav pib dav hlau rau yus mus thiab muab me ntsis nyiaj rau yus thiab...Hahahah...! Ces me naib mam rov mus nuv ntses dua...Aib thaub nov nws Hnub nyug, kuv xav mas yam tsawg ntshe yuav ze 60 xyoo lawm, tseem mus plhws mos ab 17 xyoo xwb ces luag thiaj kaus ua kaub puab du lug....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 4th January 2011, 6:12 pm


    Nyob zoo KZKZ,

    Hahaha........zoo siab koj share ib qhov xwm tawm rau kuv paub thiab, yeej muaj li koj hais los mas tiam sis peb cov hmoob tim no los kuj vwm222 rau thiab ces lam hais rau cov xav nrhiav qhov zoo tiag kom ceev faj xwb hos cov niag yeej ib txwm nyiam ces txawm hais li cas los nws yeej tseg tsis taus nws yeem raug tej kev ntawd mas nws thiaj nyob taus.

    Hahaha.........yog tias ho tau puag hmo puav thiab tau kov zoo siab lawm ces ho tsim nyog thiab tiam sis muaj ib co ces poob ib teg nyiam los tseem tsis tau chwv niag poj laib thiab mas nrog nws khib me me xwb.

    Xyoo tas los no kuv ib tug tij laug nws tham tau ib tug poj laib yog muaj txiv lawm, thaum nws yuav npaj siab mus saib ces nws kom nws tus kwv nyob tim Laos mus saib ua ntej no ces nws tus kwv mus saib na ua cas niag pog twb muaj txiv nrog nraim ces nws thiab li tsis mus saib. txhob yog li mas ntshai yawg twb mag khaub hlab tas lawm....
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 5th January 2011, 5:31 am



    Liajlwg, kuv yuav txuas koj zaj ib qho ntxiv...Hahahah...!

    Muaj ib tug Hmoob, tsaib no nws mus tim ub, mus pom ib tug pog txawj hais kwv txhiaj heev, ces nws txawm cabpib cia, vim thaum ntawd nws tus poj niam muaj mob me ntsis, tab sis tsis tau tuag...Ces nws rov los, tus poj niam tu siab heev ces tus poj niam cia li mob heev heev lawm...Nws tham rau nws cov phooj ywg tias:
    "Poj niam yuav tuag, cas tsis tuag ua ntej noj Peb Caug es thiaj yog lub caij zoo yuav mus yuav poj niam tshiab".

    Cas poj niam cia li ua siab tuag kiag ua ntej yuav Noj Peb Caug...Poj niam tuag lawm ces yawg zoo siab hlo, yawg tau hais rau cov me nyuam tias yawg yuav mus yuav poj niam...Ces cov me nyuam chim chim...Chim chim heeeeeeevvvv...!Ces yawg txawm teem tus mos ab uas yawg vaaaaaaaammmm vaaaaamm ntawd tuaj nyob Lav52 tos yawg...Thaum mus tim no mus nrog ib tug khub(tus khub kuj muaj ob tug poj niam nyob Fab kis teb thiab) ces hais tias tsis muaj nyiaj ces kom ob leeg pw ib kem xwb. Yog thaum ib tug tau ncauj ces ib tug mam tawm khiav es cia tus ntawd ua hauj lwm tag tso mam rov los xwb...Hahhaah...!Muaj pheem zoo dhau lawm...Ces thaum mus txog Lav52 ces yawg vam dhau lawm ces txawm tsis kam nrog tus khub pw ib kem lawm...Kuj zoo heev thiab vim tus khub tus mos ab uas tsaig no xyuas tseg los yeej tuaj Moos Loob tuaj nyob rawv nram Vees Cam tos yawg thiab ces yawg kuj txaus siab heev lawm thiab...Ces yawg uas tus mos abtxawj kwv txhiaj ntawd zoo zoo siab tau ntsib mos ab thiab hov kaus heev tias hmo no mas yuav tau noj ib tog zuj zus tuaj...Ces mos ab lawv sib ntsib, mos ab txawm tias: Kuv nco koj thiab nyiam koj, tos koj ib leeg tau ib xyoos nov, koj mam rov los. Ces cia ib tsam kom caij nyoog txaus txaus tso wb mam li ua Party...ua ntej nov wb mus yos Khw me ntsis tos txog tsaus ntuj...Ces coj yawg mus yos khwv, nyiam dab tsi yuav yawg them nyiaj tag...Ib tsam los ces kov twb tsis tau, cia li khiav ploj qab ntais mus lawm...Ces yawg chim siab heev tssi kam nyob Vees cam lawm...Thiaj li khiav mus rau Moos Loos, mus yog thoob kuj tsis tau poj niam coj los thiab...

    Liajlwg, txoj kev xyob txhiaj liam txwv muaj ntau tsav ntau yam...Yog yus tsis ceev faj, yus yuav muab yus lub cuab tam thiab meej mom mus ntsaws qhov cav yam yus tsis nco ras...Zaum no sawv daws khwv tau noj tau haus me ntsis lawm mas sawv daws tsuas khav qhov nceb xwb...Twb tsis paub tias qhov ntawd yog qhov yuav ua rau yus poob ntsej muag, poob tsim, poob nyiaj, poob tsag, puas tsav yam...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 5th January 2011, 9:29 am



    Nyob zoo KZKZ,

    Yog kawg tej teeb meem koj hais yeej muaj coob leej ntau tus raug tiam sis ib txhia tsis kam qhia rau sawv daws paub vim nws raug lawm ces nws xav ntxias kom lwm tus mus raug ib yam li nws thiab. Kuv muaj ib tug tij laug mus yuav tau ib tug poj laib coj tuaj rau teb chaws no kuv hais rau nws tias kuv xav mus ua si sab ntuj nraum ub thiab ua li kev noj haus, chaw pw thiab nyiaj txiag yuav siv tas li cas yog yus mus nyob ib hlis?

    Kuv hais tias yog kuv nqa 3,000$ mus xwb puas txaus siv, nws hais rau kuv tias yog kuv muaj li ntawd xwb ces tsis thas mus li, tsawg tshaj twb yuav tsum yog li 5,000$. Kuv hais tias yog yuav noj haus rau yus ib leeg xwb mas yuav tsis tas ib zaug, vim nqi hotel pw ib hmos 15$ xwb, xauj tsheb ib hnub 30$ xwb, noj mov ib pluag 1-2 $ xwb yuav tsum siv tsis tas.

    Hahaha...........lawv hais tias yog kuv nqa 3,000$ xwb mas txhob mus zoo dua tsam kuv rov los tsis txog tsev. hahaha.........ua cas yuav siv nyiaj ntau ua luaj ces tus neeg zoo li yus no ces ntshai ua npau suav mus xwb os lawv.....

    KZKZ, tus yawg koj hais mas twb yog nws hmoov zoo kawg thiaj zoo li ntawd xwb, muaj ib txhia mas tau nrog poj laib pw ces zoo222 siab muab tas nro nws me ntau ntawv nyiaj txiag rau poj laib nqa huv si, pw tsim los tsis pom poj laib lawm ces mam ua dev quaj nqov ntuj hu, txog thaum kawg txiv yawg mam li kom poj niam xa nyiaj thiab ntaub ntawv tim no mus rau Thuj, me txiv yawg thiaj li tau rov los txog tsev.

    hahaha.........kuv los kuj xav mus sim kawg thiab tiag yog nej leej twg xav thiab no peb kuj sib yaum mus ib zaug kom pom dej dag siab thiab nqig os cov phooj ywg........Tiam sis kom nej nco ntsoov nqa tsho tiv nag thiab ntoo kaus mom hlau os nawv vim sab ntuj tim ub los nag loj nrog lawg ua ke, yog koj tsis muaj kaus mom hlau ntoo tsam me naib txiv los tsis txog tsev.....
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 5th January 2011, 10:19 am



    Hahahah...! Liajlwg,

    Tsis nav niam hlob, cia niam hlob pw txias tos, yus tau zoo mus puag me nkauj mog, thaum kawg yog niam hlob ua tus npo yus hauv luag qhov cos los...

    Muaj ib tug tim no, yeej yog cov neeg uas koj paub thiab...Tab sis kuv tssi nco qab npe lawm...Nws nrauj nws poj niam lawm, nws mus ces nws txawm nqa 4000$ xwb. Tab teem hluas nkauj zoo zoo lawm, nws mus txog txawm mus ua tshoob, yog ib tug mos ab 17 xyoo xwb. Mus ua tshoob ces lawv txawm sau nqe tshoob 4000 thiab tus tub tij tub kwv, txiv hlob niam hlob, txiv ntxawm niam ntxawm thiab khiab nom thiab ces tag 6000$. Nws txais nws cov khub uas mus ua ke 2000$. Ces tau nkauj mog los pw Vees Cam, nws txawm coj mus pw Tsev Pw ib hmo 10$, ces tus poj niam hais tias: "Uab! twb pom yeem los txawv teb chaws, nto moo lug, tseem mus pw cov tsev 10$ xwb ces nws tsis kam, ces nkawd txawm mus pw cov tsev kim dua thiab...hahahah...Cas pheej muaj neeg hu xov tooj tuaj rau pog, tham ntau thiab ntau zaud, pog pheej teb tias: "Tsis muaj dab tsi naj, koj txhob lam xav maj! Ua siab ntev maj...!" Ces yawg npau taws txawm muab lub xov tooj cuam tawg ta ces pog khiav rov mus pem tsev lawm. Yawg tssi tau mus tab sis tso xov rau neej tsa tias yuav rov mus coj ces neej tsa hais tuaj tias: Neb nyuam qhuav sib yuav noj tshoob tag xwb twb sib ceg sib ntaus lawm mas yuav tssi nyog lawm. Yog yawg yuav rov mus kom lawv ntuas rov qab no ces kom yawg nqa 6000$ mus ntxiv mas lawv mam ntuas rau no ces yawg thiaj tsis mus. Tsis muaj nyiaj thiab ces mus hais pib dav hlau rov los tsev, lawv kom them 300$ mas lawv thiaj kam hloov rau nws no ces nws thiaj hais los rau tus kwv tim Nîmes, Fab Kis Teb. Kom xa 300€ rau nws, tus kwv ua xyem xyav, nws thiaj hais tias kom cia li xa mus xwb, thaum nws rov los txog Fab Kis teb, nws yeej tssi mus tom tus kwv lub tsev li, mam ncaj qha mus rau tom tus kwv daim teb, mam mus zov tus kwv cov teb xwb, tsuav tau rov los rau Fab Kis teb xwb...No ces yawg rov los zoo li yog thaum lub 9 hlis tag los nov, yawg tseem nyob tom teb txog niaj hnub no...Xyoo no nyob Fab Kis teb mas no tshaj txhua xyoo, los daus xib daus npug tsis tu thaum lub 11 hlis los lawm...Ntshe yawg kev npuag nkauj mog mas txaus siab kawg nkaus....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 5th January 2011, 11:04 am

    KZKZ,

    Hahaha..........xav luag heev tham txog tej seem zoo li no, qhov tseeb kuj yog vim cov ntse coj cov ruam mus poob qhov xwb. kuj tsis yog txhua tus yuav mag ib yam, cov uas niaj xyoo tsis ntsib poj laib kuj tseem nquag heev seev yees txog lub neej qub qab.

    Muaj ib txhia kuj mus ua poj laib sab ntsuav rov los lawm ploj qab ntais thiab los muaj, ib txhia ho mus tsis txawj ua poj laib muab cab ua rov los nyob ntsiag to yam daum raug xub los kuj muaj. Ib co poj laib kuj ntxias tau tuaj nyob rau teb chaws vam meej lawm los kuj muaj, ib txhia poj laib tsis txawj ua tuaj txog muab me naib txiv tso xav tias me poj laib yuav tau tus txiv tshiab hluas22 tiam sis kuj ua tau me poj laib ya tiaj lias khaub hlab tu tsheej ntshua rov qab mus Laos los kuj muaj.......

    Qhov tseeb tsis hais cov nyob tim ub thiab tim no los sawv daws yuav tau xyuam xim, cov neeg dag muaj nyob puv nras, cov neeg phem muaj nyob puv zej, yog tsis paub txhob maj tso siab rau, tsis paub neeg txhob rawm ntseeg.....
    .
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 6th January 2011, 7:10 am


    Hahhaah...! Liajlwg,

    Cov sawv saub muaj ntau yam saub tshiab:
    -Muaj saub thawb thiab ciaj
    -Muaj saub sib cav sib ceg
    -Muaj saub sib tshom sib nrauj
    -Muaj saub qaib tuaj hniav npua tuaj kub
    -Muaj saub cuav zos
    -Muaj saub nyob tsev
    -Muaj saub loj leeb
    -Muaj saub ncig ntuj
    -Muaj saub twv txiaj yuam pov
    -Muaj saub pom Tswv Ntuj tswv teb
    -Muaj saub plhis siab tsis plhis tawv...Hahhaah...!

    Liajlwg, nws muaj cov kwv huam nov no coj tuaj tso rau peb khaws tseg. Vim ib hnub twg ces yuav yog ua dab neeg hais txog lub sawm feem dev npua dua tshiab xwb...Hahhaha...!

    *Muaj ob niam txiv, tsis tau laus heev thiab...Tus txiv kuj xav plhis siab, tus niam kuj xav plhis tshiab. Vim Zaj Laug tso nws lub khwb lwb rau tim Nplog teb ces nkawd tus twg los tus xav mus nqa kom tau ua dej siab dej ntsws rau nkawd lub neej tshiab.

    Nkawd ua teb nyob nram Nîmes, Fab Kis teb. Nkawd taus mus tsham Nplog teb ntau lwm, tus twg los cia siab rawv xwb ces rov los, txawm sib nrauj, muab vaj tsev muag. Lub tsev yuav tau, tab sis ncua them xwb ces tseem them tsis tau tag. Nkawd muag tau, them tej nug nqes tag ces seem 60.000€, muab faib tau ib leeg 30.000€. Tsaib no nkawd txawm nyias rov mus nyias tim Nplog teb...Tus txiv ces nws xyuam xim me ntsis, nws hlub los ho hlub ib txhia tseg ib txhia, ces nws pob nyiaj nws muab tssi tag rau nws tus nkauj mos ab.
    Tus niam ces hlub tag nrho siab, vim tau me tub qheb tshiab...Ces nws txawm muab tag nrho nws 30.000€ rau nws me hlub ab tub. Thaum luag tau 30.000€ lawm ces kev hlub ya ploj ntais qab ntug lawm...Pog rov los tes dawb tes npliag, teb los mus ua tsis taus nws tus kheej, vim yuav tsum muaj peev rov mus ntxeev...Ces pog mus ua tus txiv qub zog...Hahahah...! Nkawd kuj tseem nyob ib tse, tab sis tsis yog ib tse, vim nyias muaj nyias qhov chaw rau nyias lub siab. Ib tug yog los pav, ib tug ho yog tub zog lawm...Ces thaum ib nra xyoo, tus niam tsis txaus siab tias tus txiv qub muab nyiaj tsawg dhau rau nws lawm no. Nws mus hais hauv tus txiv cov kwv tij ces lawv pom tias tus niam yeej pab tas siab tas ntsws tiag no ces lawv thiaj kom tus txiv yuav tsum faib cov tshaj kom ntau me ntsis rau tus niam....

    Tej yam zoo li nov mas log cam npog sawv daws qhov muag tag lawm. Tsis xav txog lub neej txoj kev khwv dhau los mus li. Muab ib sim neej los khwv, tsis txaus ntsaw pob tw...Kuj pab lawv tu siab rau lawv tej kev poob phem, poob qhov nceb qhov cav, muab lub neej mus ncuav rau yam tsis hnov suab sab li....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 6th January 2011, 10:05 am



    KZKZ,

    Ua li os nawv, kuv muaj ib zaj kwv huam zoo222 li lwm hnub kuv khoom mam coj tuaj tso rau sawv daws nyeem. Thiab qhia rau cov tseem yuav vwm kom thim xav txhob muab yus tej nyiaj txiag mus pov rau qhov zeb qhov qhov cav, cia nyob muas rau poj niam me nyuam noj thiab hnav thiab yuav zoo tshaj......
    ..
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 6th January 2011, 12:15 pm

    Thov txim sau yuam kev lamw os
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 3rd February 2011, 2:29 am



    Nyob zoo Liajlwg,

    Nws mus qhov twg lawm os...?
    Kuv tos nws zaj ntev ntev cas (sis pom nws rov tuaj piav lawm os?
    Rov tuaj xyuas peb nawb mog...me phooj ywg siab zoo.

    Tshaj Moo Rau Ntxhais Hmoob Nplog



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 13th March 2011, 5:48 am

    Nyob zoo Liajlwg,

    Koj tuaj tham ntau yam txog cov mus tsham ntujqubqab tshwj xeeb Nplog teb, mus ua nraug nrab...

    Muaj ntau yam txog cov uas mus los txog muaj mob tau tag lub neej, Peb Caug xyoo no kiag 2010-2011 xwb, cov kuv paub xwb, mus USA rau tim Nplog teb, thaum mus zoo neej hlo, thaum los ces ces rov ko taw ua ntej muaj 9 leeg nkaus, tseem tshuav tus puav uas kuv tsis paub.
    Muaj ntau leej tau muab lub txim rau cov tim ub tias raug lawv lom, luag tso tshuaj rau nws cov dej haus thiaj nphoo rau ntawm hauv ncoo, nqus tau ces rov los tsev tsis ntev tom qab ces mob siab mob ntsws tag sim neej.

    Tab sis qhov tseeb tiag, ntshe yuav tsis yog raug luag lom li coob tus hais.
    Qhov tseeb, cov mus ntawd puav leej yog cov nkauj nrab nraug nrab ntau xwb...Thaum yus tsis yog hluas nkauj hluas nraig lawm, yus lub siab tseem hluas tab sis yus lub cev laus lawm, yus lub siab nquag plias tab yis me tub yau so vias lawm. Li ntawd ib tug caum tsis cuag ib tug thiaj tau siv tshuaj xiav los txhib los yuam me tub yau...Lub qhov muaj loj tshaj lub cev lawm...Luag tias yuav tsum mus rau Kws tshuaj soj ntsuam seb yus lub cev thev taus li cas tso mam siv, los yus tsis xyuas qhov zoo fzj seeb rau yus, yus xav taug kev ncaj xwb. Tsis mus soj ntsuam kom meej, cia li siv cov tshuaj xiav, luag tias siv li no los yus xav ua kom txaus siab hlo ces yus siv tshaj qhov luag hais. Tej thaum tseem hais qhia cov mos ab tim ub, lawv pab koj tsa me tub, lawv tseem kom ntxiv ntau zog ntxiv mas haj yam tau hauj lwm, cia li ua rau me tib leej tub ncaj qha tij ywm, twb tsis tau chwv...

    Tej nov, yuav muab ntsuam los mas Peb Hmoob muaj kev puas ntsoog loj heev yuav piv rau luag lwm haiv neeg uas niaj hnub mus ncig teb chaws, ua hnub ua hmo mus, puv txhua lub nroog, txhua lub tshav dav hlaus, twb tsis pom ib tug tuag rov los tsev li...Peb Hmoob mus noj Peb Caug txawm hais tias coob los no peb twb muaj peev xwm suav tau...Ces txhais hais tias tsis coob kiag li...Tab sis muaj kev puas ntsoog ntau heev yuav piv raug luag pej kum...

    Li nov, thov kom s d tseg qhov uas hais tias raug luag lom, yam yus twb tsis txuag yus...Yooj yim heev, yog yus tsis saib xyuas yus es ho muab quav pov rau luag sab nraud.








    Cov tshuaj Xiav no mas muaj cuab kav yuav ua rau plawv nres tau...Yog lub cev tsis muaj zog txaus, yuav muaj kev plhom sij ntau heev...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 19th July 2011, 2:37 pm



    Lub Neej Dig Muag part1 9/9



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 8th February 2012, 1:40 pm




    Poj Laib nyob Xiengkhuam, Phonxavan, Laos.

    Nyob zoo cov phooj ywg txhua leej,

    Txoj kev mus nci ua si nyob sab ntuj qub qab, (Laos) mas lub sij hawm no nws phom sij heev lawm thov s/d yuav tau xyuam xim kom zoo thiaj li tsis raug teeb meem qhov zoo tshaj yuav mus ua si nyob qab tswj hwm tsoom fwv txoj cai. Muab saib raws li txoj kev cai lij choj nyob hauv lub teb chaws (LaoS) kev mus nci xyuas teb saib chaw, los yog mus ua si nrhiav tus hlub tus tshua los yog fim kwv tij neej tsa, mas kuj yog ib yam phom sij rau peb txhua leej kawg yog tias peb mus ua tej yam txhaum luag txoj kev cai lij choj nyob hauv luag lub tej chaws lawm. Yav tas los peb kuj muaj coob tus cov phooj ywg mus ua si nyob sab ntuj qub qab, tsis ceev faj mus raug teeb meem ntau yam xws li mus tham raug luag tus muaj txij nkawm lawm kuj ua rau poob nyiaj lawm ntau txhiab $$$$ hos muaj ib txhia kuj mus tham raug cov poj laib ua rau mag poj laib nqus ntshav lawm du lug los yuav luag tsis txog teb chaws Mevkuj. Qhov zoo tshaj koj tus yuav mus nci ua si nyob sab ntuj tim ub, yuav tau ceeb faj:

    (1) Ceev koj daim Passport kom zoo thiab copy ib daim zais cia.
    (2) Txhob qa nyiaj ntau nrog koj lub cev, siv (Travel International Check los Credit Card ).
    (3) Xauv koj cov hnab (Lock) txhua lub sij hawm.
    (4) Haus dej fwj (water bottle) xwb.
    (5) Xaiv zaub mov noj xwb, txhob lam tau lam noj tej yam tsis huv.
    (6) Txhaj tshuaj tiv thaiv ib hlis ua ntej koj yuav mus.
    (7) Npaj yam tshuaj koj yuav siv nrog koj txhua lub sij hawm.

    LOCAL LAWS AND CUSTOMS

    Be aware of and respect local laws at all times.
    Do not get involved with drugs. There have been several deaths as a result of drug abuse among foreign nationals visiting Laos. Possession, trafficking and manufacture of drugs are serious offences in Laos. Those caught face lengthy prison sentences or the death penalty

    There have been a number of incidents where tourists have had their drinks or food drugged. Some restaurants in popular tourist destinations offer drug-laced food and drink which has led to the victim being assaulted. These products can contain harmful substances and consuming them can result in serious injury or even death. Never leave food or drink unattended.

    There have been incidents of drug related rapes reported by foreigners. Be careful about taking drinks from strangers and be wary at bars, clubs, restaurants and parties.

    See our rape and sexual assault abroad page.

    The Lao Government prohibits sexual relationships between foreign and Lao nationals, except when the two parties have been married in accordance with Lao Family Law. Permission for marriage or engagement to a Lao national must be submitted in a formal application to the Lao authorities. Penalties for engaging in prohibited sexual contact or failing to register a relationship range from US$500 to US$5,000 and may also involve imprisonment. It is not unknown for Lao authorities to demand entry into hotel rooms or guesthouses where they suspect this regulation is being broken.

    Photographing or visiting military sites is prohibited and can result in arrest or detention.

    Nej sim ntsia 2 tug ntxhais saum no mas pom lub me ces sab nraum no mas ntxim hlub kawg tiam sis nyob sab hauv mas txaij cua taub nkawg, nej saib lub cev sab nraum no mas ntxim tiam sis nyob sab hauv mas txaij cuag li tsev mos sias, muaj coob tus phooj ywg nyob Mevkuj tshaj tawm tias lawv rau 2 tug poj laib no nqus mas ua rau ib txhia me passport kub hnyiab tas huv si.... Thov sawv daws xyuam xim os mog mam ua mam saib os nawv.

    Muaj cov phooj ywg ntau leej nyob hauv qhov chaw kuv ua hauj lwm tau ntsib 2 tug poj laib no ntau zaus lawm, yog leej twg tsis ntseeg los kuj mus sim kom pom dej dag tso los tau, raws li hais mas muaj ib tug twb muaj txiv lawm no. nkawd tsis yog nyob Xam Neua thiab Xiengkhuam xwb, tseem tuaj mus txog rau lak 52 thiab Viengtian huv si thiab no nawv.




    Last edited by Liajlwg on 9th November 2012, 11:01 pm; edited 1 time in total
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 8th February 2012, 11:39 pm

    Nyob zoo LiajLwg,

    Wow...! Ntev ntev tsis pom nws tuaj xyuas peb, yog nws mus xyuas ntxhais hmoob zoo nkauj tim Nplog teb lawm los!

    Hahahah...! Nws mas txawj tham heev, cov nkauj tshiab no mas txawj deev peb nraug nrab siab heev, ib txhia mas twb tsis yog nkauj mog kaus, tab sis yog txiv nraug laus zoo siab hlo muab nws pab niam tub, vaj tsev hwj chim coj mus pauv nkauj mog xwb. Thaum lawv tsis tau kaws mas ua niam nkauj kub kaws, thaum tau noj lawm mas ua pog Noj. Muaj ib tug yawg nyob ntawm peb ces muab tag nrho nws cuab tam, poj tub se sau mus rau poj laib kom laib kiag yus lub siab ntshaw no naj poj laib tos tos tau tib teg ntau ntau ces poj laib muab lem, zaum no poj tub se poob tag, cuab tam poob du, yawg nyob xyu, luag Noj Tsiab luag lom zem luag ntxhi, yawg yuav maj maub tsaus ntuj ntis taug kev tib nag los caij tsheb Bus, tsam tsis ncav. ...Tab sis cov txiv tsev ib feem tseem tsis zeem li thiab...tseem maub quj qees yuav mus nrhiav niam nkauj kub kaws lub ceeb tsheej thiab...






    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 9th February 2012, 8:56 am

    Nyob zoo Mt,

    Hahahaaaa.....Tsis tau mus txog sab ntuj tim ub ib zaug li os, yog tau mus lawm ntshai yuav tsis rov losm lawm os hehehee. Tos ho txawj tham los twb yog muaj cov phooj ywg nyob hauv peb chaw ua hauj lwm ntau tus lawv niaj xyoo mus noj zaub mos es lawv tham qhia thiab muab duab rau kuv xwb os. Yog li koj hais mas tseem tshuav coob tus yeej niaj hnub vwm ua npau suav toog mus pw sab ntuj qub qab lawm xwb. Muaj tej tus kuj mus nrhiav tau raws li nws tus npau suav tiam sis feem coob kuj yog mus poob qhov ntuj tas xwb...

    Photobucket
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 9th February 2012, 5:05 pm



    LiajLwg,

    Tus mus mus tau qaum ntuj lawm los ntshe tsuas kav ib 10 xyoo xwb ces yeej yuav rov poob rau dab nriag teb xwb os...Cov zaub mos ntawd txawm tau noj kiag los yeej yog cov zoo zoo nkauj coj tuaj txawb saib xwb, yuav tssi nrog yus mus khwv ces ib hnub twg txiv yawg ua hawv huav nyiaj tsis cuag ncua lawm ces me noog yeej yuav npeeg xwb mas. Cas nws es yuav caum nws tus mos ab nov ntev xyoo ua luaj li, caum caum twb laus kiag ib thawj lawm los tseem dai rawv nws lub siab rau thiab naj me naib aw...! Tej siab ntsws muab khaws zoo cia, txhob muab mus lwj rau tej poj ntiav tsis tsim nyog os...



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 9th February 2012, 5:27 pm

    Mt,

    Hahahaaaa.......ua neej nyob thaum tsis xav xav noj pluas qab lawm ces nrog tu sab, thaum tsis xav hnav daim tshiab lawm ces tus siab os nawv. Ua neej nyob yuav muaj qhov cia siab thiab tshaw thiab thiaj li muaj siab nrog luag sib tw khwv os hehehee......



    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 10th February 2012, 12:16 am



    Hahahah...! Muaj chaw cia siab rau mos ab qab tiab, xwb ces tsis tsim nyog muab cuab tam tsoo piam, mus phav siav rau luag khaws noj tsis muaj txiaj. Muaj chaw vam thiaj muaj siab tawm dag mus tsham, tsam ces tsov laus kaus dam rau luag noj luag nyav tsis nco txog nws txiaj ntsha xwb lauv...!

    Muaj ib tug kwv tij niaj xyoo nyiag mus xyuas zaub mos, ntshe muaj hnub nyug thiab nyiaj txiag tsis txaus maum nyuj nqos, ces xyoo no nws txawm coj nws poj niam nrog nws mus, nws mas ua zoo li zoo rau poj niam, yuav ub yuav nov rau poj niam thiab coj poj niam mus ncig txhua nrho li siab ntshaw. Poj niam kuj xav tsis tag tias cas yuav ua zoo ua luaj li, thaum i mas yawg khiav yawg mus twb tsis qhia paub li. Ces rov los tau ob nyuag hnub xwb, yawg twb npaj siab mus thawj dua tus tshiab. Ntshe yawg xav tias ntxov mus ntxov loj hlob, 15 xyoos tom ntej xwb ces twb rov ua tau ib tug hluas ntxhias mus khawm maum nas ciav lawm thiaj li txaus siab no. Tab sis yawg puas paub tias txoj kev tuag, xyov puas zoo li txoj kev mus ua qhua ais yus xav taug txoj twg los tau, xav mus qhov twg los tau. Tsam ces ho tsis raws li xav ces tag kiag yus txoj yawg rau qhov ntuj kawg es puas tsim nyog os Hmoob...!

    Cov qhov saus no mas tob kawg li, nchuav nyiaj laub lug rau kuj tsis txhaws li, nchuav cuab tam, meej mom, siab ntsws, poj tub se rau tag nrho kuj tseem nyob cuab qho lug thiab...Cov kwv tij Hmoob, tus ntawm yus ib sab ib txwm tsw tsw qab thiaj yog yus tus os nawb, thaum i twb tshiab tshiab, yog yus muab yuav los ntev ntev thiaj li tsis ntxim nyiam lawm, tab sis luag laus los yus kuj yeej zoo li niag tsov lov kaus, luag phem phem lawm los yus tus kheej yeej zoo li niag puam so sem lawm thiab xwb. Ces ob leeg lam sib tuav tes, sib ntsaub rau lub neej laus es txhob mus ntshaw thawj thiab dua tshiab, tsam ces maj niam nkauj kub kaws hle txiv nraug ntsuag caus ci ho tsis muaj neeg xav ntsia....Hahahah...! Lam tham lus paj paws xwb nyeem tag pov rau hlua taws txhob lam khaws.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koobpovtxuj
    Sponsor
    Sponsor

    Messages : 1321
    Date d'inscription : 2010-04-05
    Age : 57
    Localisation : USA

    Re: XYUAM XIM ! KEV UA SI SAB NTUJ QUB QAB

    Post  koobpovtxuj on 10th February 2012, 5:03 am

    koojziagkabzaug wrote:

    Hahahah...! Muaj chaw cia siab rau mos ab qab tiab, xwb ces tsis tsim nyog muab cuab tam tsoo piam, mus phav siav rau luag khaws noj tsis muaj txiaj. Muaj chaw vam thiaj muaj siab tawm dag mus tsham, tsam ces tsov laus kaus dam rau luag noj luag nyav tsis nco txog nws txiaj ntsha xwb lauv...!

    Muaj ib tug kwv tij niaj xyoo nyiag mus xyuas zaub mos, ntshe muaj hnub nyug thiab nyiaj txiag tsis txaus maum nyuj nqos, ces xyoo no nws txawm coj nws poj niam nrog nws mus, nws mas ua zoo li zoo rau poj niam, yuav ub yuav nov rau poj niam thiab coj poj niam mus ncig txhua nrho li siab ntshaw. Poj niam kuj xav tsis tag tias cas yuav ua zoo ua luaj li, thaum i mas yawg khiav yawg mus twb tsis qhia paub li. Ces rov los tau ob nyuag hnub xwb, yawg twb npaj siab mus thawj dua tus tshiab. Ntshe yawg xav tias ntxov mus ntxov loj hlob, 15 xyoos tom ntej xwb ces twb rov ua tau ib tug hluas ntxhias mus khawm maum nas ciav lawm thiaj li txaus siab no. Tab sis yawg puas paub tias txoj kev tuag, xyov puas zoo li txoj kev mus ua qhua ais yus xav taug txoj twg los tau, xav mus qhov twg los tau. Tsam ces ho tsis raws li xav ces tag kiag yus txoj yawg rau qhov ntuj kawg es puas tsim nyog os Hmoob...!

    Cov qhov saus no mas tob kawg li, nchuav nyiaj laub lug rau kuj tsis txhaws li, nchuav cuab tam, meej mom, siab ntsws, poj tub se rau tag nrho kuj tseem nyob cuab qho lug thiab...Cov kwv tij Hmoob, tus ntawm yus ib sab ib txwm tsw tsw qab thiaj yog yus tus os nawb, thaum i twb tshiab tshiab, yog yus muab yuav los ntev ntev thiaj li tsis ntxim nyiam lawm, tab sis luag laus los yus kuj yeej zoo li niag tsov lov kaus, luag phem phem lawm los yus tus kheej yeej zoo li niag puam so sem lawm thiab xwb. Ces ob leeg lam sib tuav tes, sib ntsaub rau lub neej laus es txhob mus ntshaw thawj thiab dua tshiab, tsam ces maj niam nkauj kub kaws hle txiv nraug ntsuag caus ci ho tsis muaj neeg xav ntsia....Hahahah...! Lam tham lus paj paws xwb nyeem tag pov rau hlua taws txhob lam khaws.


    Koojziagkabzaug.
    Ua cas es zaum no yawg thaub koj hais no ho rov plab hlaub mus nce dav hlau lawm koj ua tib zoo rov tuaj Ab thib npais seb yog nws mus li cas lawm?
    Tuag hnub twg ces ham tsis tas hnub ntawd xwb las as tseem yuav qhuas tias 15 xyoos tom ntej no xwb ces twb tau rov mus khawm maum nas ciav no ntshe noj tsis tas tiag pob.
    Yog tias tuag es tseem nco ntsoov rov los thawj thiab ua dua tus neeg tshiab tiag ces tib neeg yeej ntshaw plias txoj kev tuag tos tsis taus txog hnub tuag li los mas.
    Kuv pom thaib tej movie hais txog tej tus neeg tuag es rov los thawj thiab yug dua tshiab es tseem nco lub qub neej tiam tag los nws tsev neeg yog leej twg yeej tseem nyob li thiab tiag tab sis tej no mas yus tsis paub tias yog vim li cas tiag thiab nav.
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 10th February 2012, 7:26 am



    KZKZ e....,

    XAV KOM LUB SIJ HAWM TIG TAU ROV
    XAV KOM LUB HNUB TSIS TXHOB TXAWJ PLOJ
    XAV KOM LUB HLIS TXHOB TXAWJ NCAIM MUS
    XAV KOM TXOJ KEV SIB HLUB ZOO LI YAV NEEJ THAUM UB.

    CAS LUB SIJ HAWM YUAV CEEV UA LUAJ
    LUN NEEJ HLUAS TXAWM YUAV DUA
    LUB NEEJ LAUS TWB RAWS LOS CUAG
    YAM NTHWV CUA TSHUAB IB VUAG
    PUAS YUAV MUAJ DUA LWM TIAM LAWM OS????

    Nws puas xav li thiab os Niam tais Kooj Ziag Kab Zaug???
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 10th February 2012, 2:01 pm



    Nyob zoo LiajLwg,

    Hahahah...! Cas nws yuav seev tau kho siab ua luaj li...!

    Lub sij hawm mus ceev,
    Tib pliag xwb twb yuav tag ib sim neej
    Lub sij hawm tsis tos,
    Tib pliag xwb lub neej twb yuav dua toj.

    Yeej tig tsis tau lub caij rov qab,
    Txhua yam yuav ploj nrog huab nrog cua ya.
    Lub caij yeej tig tsis rau rov,
    Yuav zoo siab ces yog tiam no xwb mog!

    Lwm tiam ces lam hais deev siab,
    Txawm rov yug dua los yuav tsis nco tej qub ntxhiab.
    Lwm tiam ces lam hais kom siab nqeg,
    Tuag lawm ces kawg rov mus ua av rau kab ntsaum chaw ua vaj ua tsev xwb nid me pooj ywg.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    MayPaj
    Spammer
    Spammer

    Messages : 488
    Date d'inscription : 2010-02-25

    Re: XYUAM XIM ! KEV UA SI SAB NTUJ QUB QAB

    Post  MayPaj on 10th February 2012, 2:48 pm

    Nyob zoo Kzkz thiab Liajlwg,

    Neb tham tau txaus nsthai dhau!!!!!

    Khuv xim cas ntuj txawj tsim yuav tsim tau peb Hmoob tej tub tej ntxhais zoo nkauj zoo nraug ua luaj los nim muaj lub siab ntshaw nyiaj nsthaw txiaj tshaj nsthaw kev thaj yeeb . Tib co xu xu siab lawm xwb, thaum pom dheev ib tug ntxhais twg uas zoo nkauj cuag nkauj suav , ib tug tub zoo nraug cuag nraug suav los lub siab twb nsthai rwg ua ntej tos tias zaum no luag yuav ntxias zaj twg tuaj kom tej laus nsthav nce taub hau, tsis paub pom muaj ib yam ntshiab nyob hauv peb tej tub tej ntxhais, tsis hais sab teb chaws tim ub, sab teb chaws tim no, puas yuav muaj tej tub tej ntxhais txim txiaj los kho lub neej Hmoob dua qhov sib txeeb ntxias nyiaj lawm nas yuad?

    Nyiaj txiaj npog tub ntxhais qhov muag , muab ob ceg los saib muaj nqis tshaj kev noj qab haus huv.



    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A
    avatar
    Liajlwg
    Developer
    Developer

    Messages : 186
    Date d'inscription : 2010-07-01

    Re: XYUAM XIM ! KEV UA SI SAB NTUJ QUB QAB

    Post  Liajlwg on 10th February 2012, 7:01 pm

    Photobucket

    Mp, thiab KZKZ,

    Tiam neej 21 no lub ntiaj teb tig ceev heev
    neeg feem coob raws tsis cuag lawv lub neej
    txoj kev plees thiaj deev tau sawv daws siab
    txawm yuav mus mag ntxiab los yeej tsis nco ntshai
    cov me ntxhais tseem tsis tau zoo ua nyab
    los yeej kam rau cov thaub laus tshaj nws txiv
    niam thiab txiv los yeej tso ywj siab
    vim nyiaj txiag ntxias tau kev hlub
    cov me tub hluas los zoo ib yam
    yeej cia kam puag cov pog laus
    txawm kwv tsis tau los tij ua kom tau
    tsuav hla dhau dej hiav txwv ntsuab tuaj mus xwb.

    Photobucket

    Hahaha..... Tsuas pom cov ntxhais hluas yuav txiv laus xwb tiam sis zaum no ho pom cov tub hluas yuav cov pog laus lawm thiab..Nej txhob yws yws lawv thiab os nawv, txhua yam no yog lub sij hawm los txog ces tej xwm muaj teem tseg yuav tsum tshwm tuaj ua kom sawv daws puas tsuaj. Sawv daws yuav ua twb zoo xav, tam sis no lub ntiaj teb txawv heev lawm, ze ze cov teb chaws vam meej li Mevkuj yuav poob kev txom nyem sib txeeb noj sib txeeb haus muab ua twb zoo xav mas txaus txhawj kawg li os cov me phooj ywg....
    avatar
    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: XYUAM XIM ! KEV UA SI SAB NTUJ QUB QAB

    Post  koojziagkabzaug on 12th February 2012, 3:37 pm



    Nyob zoo Liaj Lwg thiab Maypaj,

    Cov neeg txom nyem nyuam qhuav tau lub neej xws luag mas tsis txawj txuag, nws muaj me ntsis nyiaj, hais tau lus nrov me ntsis xwb mas nws coj li nws twb kav ntiaj teb lawm. Li ntawd, sawv daws nyuam qhuav khiav thoj nam tuaj txog luag Tawv Dawb teb chaws, nyuam qhuav khwv tau noj tau haus, nyuam qhuav tseg qhov mus thov luag noj, qhov muag nyuam qhuav nqhuab xwb mas txawm siv xav tias nws yuav poob tsis taus li. Thiaj li ua yam tsis xws luag pej kum uas ib txwm yog neeg nplua nuj los mus. Peb Hmoob yog ib nyuag khwv tau me me xwb, txawm siv muab ntsaws qhov quav tag xwb ces kawg yuav rov qab poob qab, kawg yuav rov nqov ntuj dua ntxiv xwb.

    LiajLwg, tus uas kuv tham hnub i, ces twb yog nws nyuam qhuv rov qab los txog ntua tsev tau peb hnub xwb nws mus hauj lwm ces nws huas lawv ntej no ces nws huas tau, nws cia li tsis rov los rau nws sab li lawm; nws cia li khiav lawv sab ces lawv ua teeb li cas los nws ywj mus li ces cov tsheb me ua tiag zam tau nws lawm. Tab sis ib lub camion los ces nws cia li nkag kiag rau hauv lub camion qab plab ua rau lub camion ya plaws rau tim ntug kev, tab sis tus tsav tsis tuag. Hos yawg thaub ces khuam kiag rau hauv camion qab plab, tuag kiag rau ntawd. Lwj tas ib tog ces lawv twb tsis pub leej twg saib li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: XYUAM XIM ! KEV UA SI SAB NTUJ QUB QAB

    Post  Sponsored content


      Current date/time is 12th December 2017, 1:14 am