google-site-verification: googlefbfddf59e706b96b.html

Latest topics

» SAIB KO TAW QAIB
by koobpovtxuj Yesterday at 3:38 pm

» Nrhiav tsev neeg Hmoob xeem Hawj caj ceg
by Me qigtaub 26th September 2016, 9:05 pm

» Thawj coj Nplog Thiab Thawj coj Mekas
by Me qigtaub 26th September 2016, 8:51 pm

» Zoov Zuag Paj Kaub Hawj
by Chi Yeng 21st September 2016, 11:05 pm

» xaav nus txog tshuaj kho mob ko taw vwm
by Nco.ntsoov txog 17th September 2016, 10:00 pm

» ***HU PLIG ***
by shung 9th September 2016, 3:36 pm

» Lub Neej Lwj Siab
by koojziagkabzaug 29th August 2016, 2:43 am

» XYOO 2016 NO DEJ NYAB NPLOGTEB NYOB YAV QAUMTEB LOJ KAWG KIAG
by Liajntsuab 24th August 2016, 7:14 pm

» ***UA NEEB***
by shung 24th August 2016, 7:50 am

» KHAWV KOOB
by shung 24th August 2016, 7:20 am

» hu plig 30.
by shung 23rd August 2016, 7:50 pm

» Xiong Chang
by koojziagkabzaug 16th August 2016, 1:43 pm

» Kiab toom lauj npliaj yob lub qub tsev.
by koobpovtxuj 1st August 2016, 4:25 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Txiv Vaj Pov tso peb Hmoob Thoob qab ntuj tseg lawm.

    Share

    LojLeeb
    Developer
    Developer

    Messages : 279
    Date d'inscription : 2010-07-08

    Txiv Vaj Pov tso peb Hmoob Thoob qab ntuj tseg lawm.

    Post  LojLeeb on 7th January 2011, 1:09 pm


    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 7th January 2011, 2:42 pm



    Yawg Hlob Vaj pov mus zoo koj


    Tu siab heev rau lub moo ploj
    Tu siab tag nrho rau Yawg Hlob Vaj Pov
    Ncaim peb zaum no ntshe yuav tsis muaj hnub rov

    Ua koj tsaug mog Peb Leej txiv
    Koj mus kaj nrig txhob ntxhov siab
    Yam koj tsim cia peb yuav tswj kom zoo
    Tsi pub poob koj lub npe
    Peb nqa tes ua koj tsaug mog
    Peb Txiv Vaj Pov tub Ntuj zoo
    Tau npo Hmoob ntawm kev txom nyem
    Rub Hmoob tes rau kev huaj vam
    Koj txiaj ntsha yuav nyob mus li
    Koj txiaj ntsim yuav nyob tsis kawg...
    Nawb Yawg Hlob Vaj Pov...
    Koj yog tus Niam Txiv Vaj Hmoob uas Hmoob tos tau ntau tiam los lawm mog...





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    LajLim
    Visitor
    Visitor

    Messages : 44
    Date d'inscription : 2010-12-01

    Re: Txiv Vaj Pov tso peb Hmoob Thoob qab ntuj tseg lawm.

    Post  LajLim on 7th January 2011, 3:55 pm

    Zaum no peb me nyuam hmoob tsis quaj los lub kua muag poob twj ywm.

    Ua tsaug rau koj txoj kev hlub peb haiv hmoob. Koj yog peb hmoob tus cawm seej thiab yog ib leej txiv ua lub kaus roos peb me nyuam hmoob.
    Mus zoo koj nawb mog.

    Hmong community mourns General Vang Pao


    LojLeeb
    Developer
    Developer

    Messages : 279
    Date d'inscription : 2010-07-08

    Re: Txiv Vaj Pov tso peb Hmoob Thoob qab ntuj tseg lawm.

    Post  LojLeeb on 8th January 2011, 12:36 am


    LojLeeb
    Developer
    Developer

    Messages : 279
    Date d'inscription : 2010-07-08

    Re: Txiv Vaj Pov tso peb Hmoob Thoob qab ntuj tseg lawm.

    Post  LojLeeb on 8th January 2011, 12:37 am

    Tus siab kawg kiag, kuv niam kuv txiv tuag kuv twb quaj tsi baum li Peb tus nom tuag, baum li ib haiv neeg cia li dam tes dam taws tag li lawm. Tus siab heev li o.

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 8th January 2011, 10:57 am



    Nyob zoo Lojleeb,

    Yog kawg, tu siab kawg nkaus.
    Yawg Hlob Vaj Pov yog Peb Hmoob tus niam txiv vaj Hmoob uas Hmoob sawv saub pes tsawg zaus, lawv hais txog ib tug Niam Txiv Vaj Hmoob yuav nqes los tsa Hmoob lub neej, coj Hmoob mus rau kev vam meej. Peb yog phaum uas muaj hmoo tshaj plaws, peb thiaj tau pom thiab paub Tus Vaj Hmoob uas cov yaj saub tau saub ntau txheej ntau tis los mus txog lub zuj ceeb no. Tu siab kawg nkaus, xyov yuav tos pes tsawg tiam ntxiv es Yawm Saub mam li rov tso dua ib tug los txhawb Hmoob, los pov Hmoob li Yawg Hlob Vaj Pov. Peb Hmoob Xov Tshoj, tog sériphap peb hu Vaj Pov ua Nais Phoo Vaj Pov, tab sis cov Hmoob Idsara lawv hu ua Huab Tais Vaj Pov no. Yeej yog li lawv hais tias, Vaj Pov tsis yog ib tug Nais Phoo tab sis nws yog ib tug Vaj Ntxwv Huab Tais.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    SamUSA
    Visitor
    Visitor

    Messages : 4
    Date d'inscription : 2011-01-10

    Re: Txiv Vaj Pov tso peb Hmoob Thoob qab ntuj tseg lawm.

    Post  SamUSA on 10th January 2011, 6:34 pm

    Nyob zoo Koojziagkabzaug,

    Zoo siab tau tuaj saib neb lub zej zos,
    neb tsim tau zoo kawg li. Qhuas txog neb
    tej kev txawj ntse, thiab peev xwm.

    Vaj Hmoob tau tas sim neej lawm los
    nws tus ntsuj duab yuav nrog Hmoob nyob.
    Nws tau hais ib los tseg hais tias kom
    Hmoob khaws nws daim duab cia tseg, thiab
    thaum twg muaj kev ceem tsum thov , thiab hu
    txog nws yuav los pab Hmoob. Yog tus nseeg
    nws tej lus sam hwm tseg. Vim tiam neej no
    tsis muaj ib tug Hmoob twg yuav muaj hwj huaj,
    peev xwm, thiab ib tsoom Hmoob hwm cuag li nws.

    Thov nws mus zoo, nyob thaj yeeb, thiab tsom
    kwm nws hais neeg.

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 11th January 2011, 7:48 am

    Nyob zoo Samx,

    Zoo siab nws tuaj xyuas peb lub zos twj cuab.
    Samx, yog ib qho tu siab kawg nkaus...Cia li tsis muaj siab ua dab tsi li lawm.

    Peb Mloog Yawh Hlob Vaj Pov cov lus nws hais tseg rau peb.








    Last edited by koojziagkabzaug on 11th January 2011, 1:43 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 11th January 2011, 7:49 am


    Hmoob Fab Kis teb muab ib hnub los Hawm Txiv Hlob Vaj Pov





    Tim 15 lub 1 hlis 2011 Hmoob Fab Kis teb muab ib hnub los Hawm Txiv Hlob Vaj Pov

    Nyob zoo ib tsoom kwv tij neej tsa Hmoob,

    Kuv Xyooj Nkias Loob, sawv cev ntawm lub Koom Haum " Clef Hmong" nyob Nîmes, thov caw nej sawv daws tuaj nrog peb koom Hnub Hawm thiab Tshua txog Yawg Hlob Vaj Pov rau hnub Samedi (Saturday), Tim 15 lub 1 hlis 2011 raws li nram no:

    Nyob rau lub Salle:

    L'Hacienda
    ZI Aéroport de Garons
    30 128 Garons
    France

    Tel: Xyooj Nkias Loob 06 18 20 58 57


    Txheej Txheem:


    12h00: Qheb qhov rooj

    Thawj qeb:
    14h Tso daim xyam piav txog Yawg Hlob Vaj Pov lub neej.
    15h00-17h00: Cia sawv daws los tham txog Yawg Hlob lub neej
    17h00: Rov tso daim xyam (yeeb yaj kiab) txuas ntxiv
    18h00-20h00: Cia sawv daws rov tham txog Yawg Hlob lub neej
    20h00: Muaj ib pluag mov rau sawv daws noj ua ke
    21h00-23h00: Cia lub sij hawm rau txhua leej txhua tus rov tham txog Yawg Hlob lub neej.

    Sau npe: Tuam Tswj Koom Haum C.L.E.F Hmong
    Xyooj Nkias Loob.

    Association C.L.E.F Hmong
    17 Rue Fresques
    30128 Garons
    France.





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    SamUSA
    Visitor
    Visitor

    Messages : 4
    Date d'inscription : 2011-01-10

    Re: Txiv Vaj Pov tso peb Hmoob Thoob qab ntuj tseg lawm.

    Post  SamUSA on 11th January 2011, 12:35 pm

    Tus thawj Xyom Cuab keb tshaj tawm

    [color=blue]

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 11th January 2011, 12:40 pm



    Nyob zoo Samx,

    Daim video nov yog koj ua los yog leej twg ua?
    Yog koj nkag tau rau, hais rau tus tswv kom nws nias qhov tso public rau, peb thiaj saib tau. Nov nws muab tso rau Private xwb ces peb saib tsis pom.

    Ua tsaug.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    SamUSA
    Visitor
    Visitor

    Messages : 4
    Date d'inscription : 2011-01-10

    Re: Txiv Vaj Pov tso peb Hmoob Thoob qab ntuj tseg lawm.

    Post  SamUSA on 11th January 2011, 1:17 pm

    Tsis nco qab lawm. mam mus
    muab tso rau public os.

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 11th January 2011, 2:01 pm



    Samx,

    Ua tsaug rau nws lub siab zoo...Samx, cas zoo li muaj qhov zoo npaum li cas los tsis xyiv fab li lawm...Chim siab dhau lawm, sau tsis tau ntawv li...Ces cia tso duab tej me ntsis xwb...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 11th January 2011, 2:28 pm



    Tso ob peb los lus txog Yawg Hlob Vaj Pov pib mob:


    Posted 10Feb2011, 09:14 PM

    Kwvtij Hmoob Txhua Tus,

    Hnub no kuv tuaj sau cov lus no tsis yog kuv tuaj ua kom Hmoob Sib Tawg los yog ua kom peb Sib Ntxub Ib Zaug Ntxiv tiamsis tuaj qhia rau nej sawvdaws thiab seb ua li nej puas pom li kuv pom zaum no uas yog vim tej kev Hmoob tau ua tsis zoo li nram qab no thiaj ua rau peb Hmoob Leej Txiv Tso peb tseg nws mus lawm tusiab nrho ntawm peb Hmoob cov qhovmuag.

    Kwvtij Hmoob, kuv tsis mus nrog nej koom peb Hmoob lub Tsiab Pebcaug nyob Fresno, California xyoo 2010-2011 no, tiamsis kuv muaj pobntseg thiab nrog tej txheebze mus rau tej xovxwm uas yog kwvtij Neejtsa tham tom qab peb Hmoob Leej Txiv tau tso sawvdaws tseg thiaj li tau tuaj hais rau hauv no rau peb sawvdaws xav seb kuv cov lus puas yog thiab ua li puas tsimnyog kuv tsa ncauj hais? Raws li hnov xwb muaj ntau tus tau hais tias peb Txiv tuaj koom lub Tsiab 30 xyoo no nws tuaj hais lus tusiab thiab tau quaj thaum lub sijhawm nws tseem hais lus rau nws Tsoom Hmoob ces nws ciali muaj MOB KIAG TAMSIM NTAWD THIAJ LI TAU HU RAU TSHEB THAUJ NEEG MOB (AMBULANCE) THAUJ NWS MUS RAU TSEV KHO MOB THIAB NYOB TID TXOG NTUA RAU HNUB NWS TSO PEB SAWVDAWS TSEG. Yog li no kuv muab xav los mus txoj kev txomnyem zaum no peb Tsoom Hmoob thiab peb Txiv tau txais ntawd yog los ntawm lub koomhaum Tsiab 30 Hmoob 18 Xeem los yog 2 tug Thawj coj xws li Dr. Vang Sawm, Dr. Christopher thiab Former Col. Tub Pos Lis nrog tag nrho rau lawv cov Pabmajtimxyoob uas muaj feemcuam los TSIM TSA LAWV LUB TSIAB 30 ES MUAB HMOOB FAIB UA 2 LUB ntawd ua tus ris.

    Peb yeej paub tias peb Hmoob Leej Txiv muaj hnub nyoog thiab muaj mob tiamsis nws yuav tsis yog los xaus rau hnub ntawd yog tias lawv lub Koomhaum 18 Xeem ntawd tsis txhob los muab Hmoob SIB CAIS LINTAWD CIA MAM UA SIAB NTEV MAJMAM KHO KOM HMOOB LUB PHEM TSIS TXHOB NROV NCHAV NTWS MUS THOOB LUB QAB NTUJ UAS TAG NRHO NWS TUS UA TXIV TXOJ KEV CIA SIAB RAU NWS HAIVNEEG THIAB TAU TXAIS TXOJ KEV PIAMSIM QHOV TAG LOS QHOV TUAJ TSIS MUAJ LUB CAIJ XAUS XWS LI:
    -Poob tebchaws
    -Poob meejmom
    _Hmoob Havzoov raug tsimtxom
    -Hmoob ntxa raug khawb
    _Hmoob raug liam ua Neeg Phem (terrorist)
    _Hmoob raug liam thiab ntes nyob Sacramento thiab rooj plaub tseem hais tsis tau tag
    _Hmoob Dejdawb raug xa rov qab
    _Hmoob niajhnub sib foob thiab sib tawg
    _Hmoob li lwm yam teebmeem ntau ntau ntxiv

    Txhua yam teebmeem hais los nws yog zoo tam leejtxiv, leejhlob dhau leejyau ua los raug nws 1 leeg tas nrho thiab zoo li lub nra tsuas muaj tsub hnyav zujzus. Kuv xav tias peb sawvdaws muaj tub muaj kiv hos peb yog Niam yog Txiv peb yeej paub txoj kev ua neej zoo licas. Yog li hnub no nej cov hais los tsis yog muab ntaj, muab hmuv los yog riam phom los txov peb Hmoob Leej Txiv txoj sia tiamsis zaum no yog nej siv PSYCHOLOGICAL los txov peb Hmoob Leej Txiv txoj sia lawm nawb. Kuv thov hais rau nej cov muaj feemcuam los mus no tias zaum no peb Hmoob leej Txiv tso plhuav txoj kev txob txhawj rau nej, nej yuav tau los lees tej yam nej tau ua txhaum/yuamkev hos los lees ris txoj kev kho Hmoob los yog daws Hmoob tej teebmeem rau lub neej pesuab kom tiav. Hnyav los nej ua ib tsuag ev sib los nej ua ib tsuag ris os tsis yog lam los lees thiab pib xwb es tso tes plau nawb tshwjxeeb (especially) Dr. Vaj Sawm koj yog nws li kwvtij hos Col. Tub Pos Lis koj yog nws li dablaug ntawm kotaw thiab ib txwm sawv ntawm nws lub xubntiag. Dhau lintawd lawm nej cov muaj feemcuam txhua tus, txog hnub Peb Hmoob Leej Txiv los nyob nws lub Thajsam(cawv xeeb cawv lav) nej yuav tau los txhos caug thov thiab lees nej lub txim mas thiaj tag yog tsis li peb Hmoob yuav tsis zamtxim rau nej.

    Sau npe: Hmoob Vaj
    USA

    ***************

    Raws li kuv mus hnov Hmoob cov coj thiab tej pejxeem Hmoob
    tham xwb. Kuv predict tau lawm hais tias tom qab VP tas sim neej lawm Hmoob yov
    sib tawg loj, thiab yuav sib ua plaub dub mus txog qhov sib ua ro g. Tej no
    raws li tau hnov ntawm lub pob ntseg thiab pom. Hnov lawv tej lus hais mas tu
    siab kawg uas yug los ua Hmoob nyob tiam no.

    Yog Hmoob tsis muab txhua yam kev cib nyeej tsuj ntiag rau ntawm taw. Es tig
    los sib hais txog txoj kev sib haum xeeb, thiab tsim kho Hmoob txoj kev puas
    hlwb kom hloov dua tej kev ntsim siab.

    Kuv pom hais tias xyoo no Hmoob 2 lub 30 nyob Fresno, tsis muaj ib tug nomtswv
    Amelikas tuaj koom kiag. Xws li Chief police, Mayor, thiab City Council tsis tuaj
    koom li lawm. Vim lawm tsis paub yuav mus lub twg? Tej no tsis yog tim ib pab xwb.
    Yeej yog tim tag nrho sawvdaws tsis kam txo hwj chim los sib txhim kho nkaus xwb.
    Thiaj muaj tej li no tawm tuaj.

    Hmoob tseem yuav sib do ntxiv mus txog twg thiab? Tsim nyog txaus siab lawm los
    tsis tau?

    tus sau: Xyooj Ch. USA


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    TLS
    Guest

    856

    Post  TLS on 12th January 2011, 2:15 am

    nyob zoo os 1 tsoom hmoob es .yuav uas lis cas peb hmoob thiaj yuav rov muaj 1 tug zoo lis txiv nai phoo vang pao los coj peb hmoob thiab rov los hlub peb hmoob lis nw lawm na .

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 12th January 2011, 1:32 pm



    Nyob zoo TLS,

    Tu siab kawg nkaus tiag...Tu tu siab ua ib ce muag tag cuag mob ib tawg li, cia li tsis muaj zog ua dab tsi li lawm...Tab sis kuv xav tias Yawg Hlob Vaj pov yuav mus kaj siab lug, vim nws tau ua tag puas tsav yam rau nws Haiv Hmoob li nws lub siab ntshaw. Nws muaj peev xwm ruv Hmoob txhais tes dhia hla plaws tsheej qas txhiab xyoo. Nws mus lawm, peb tu siab heev...Tab sis nws yeej zoo siab qhov nws los ua ib sim neej, nws tau coj nws haiv neeg nce siab tshaj luag tej tshwm 10 tiam...Dhau Yawg Hlob Vaj Pov lawm, kuv xav tias peb tsis txhob tos ib tug Niam txiv Vaj Hmoob yuav nqes saum ntuj los ntxiv lawm. Cov Yaj Saub yuav tsum tseg lawv tej kev saub ntxiv lawm...Tsis muaj paus ntsis ntxiv lawm...Zaum no peb yuav tsis txhob tos ib tug saub dua tshiab...Peb yuav muab peb lub siab los khaws tag puas tsav yam uas Yawg Hlob tau ua thiab tsim tseg coj los txhim kho kom peb nyab xeeb thiab thaj yeeb. Peb yuav tseg peb txoj kev ciaj caub, ntau p^laub ntau ntug, cib nyeej...Yog Yawg Hlob coj kom peb tuaj txog rau teb chaws ywg pheej thiab vam meej, nws mam tso peb tseg, peb tseem tsis txawj sib hlub sib zam thiab ces yog peb hmoov tag lawm xwb. Txawm yog Tswv Ntuj kiag los kuv xav tias tswv Ntuj yuav tsis yuam thiab pab tsis tau peb. Yog peb hwm thiab nco yawg Hlob Vaj Pov txiaj ntsig tiag, tsim nyog peb yuav txawj noj txawj ua, txawj sib hlub sib pab...Thiaj yog peb hwm nws thiab hlub nws li nws hlub peb....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 13th January 2011, 5:25 am



    Lam hais ib los lus me nyuam yaus

    Me nyuam yaus tsis paub qab hau, lam hais ib los lus li tej laus coj noj coj haus


    Kuv xav hais ib los txog ntawm Yawg Hlob Vaj Pov lub ntees uas yuav tuaj no.
    Qhov uas yuav muab nws los ua dab ua qhua rau Fresno, CA. USA mas yeej yog ib qho zoo kawg lawm.

    Tab sis qhov uas ho yuav coj mus rau sawv daws xyuas rau Saint Paul, Nroog Ntxaib MN thiab Wiscossin mam coj mus sam sab mas kuv xav tias ntshe yuav yog ib qho tsis zoo. Txawm peb yuav tu siab, khuv xim nws npaum li cas los tsa tsis tau nws sawv rov los ua peb niam peb txiv ntxiv lawm. Peb yuav tau ua ib siab lav txais nws txoj kev tuag zaum no. Es muab ua rau ib qho chaw tag kab ke ces coj mus tso cia li ib txwm tej poj koob yawm txwv ua los mus. Luag lwm haiv neeg, luag dab qhuas twb tsis nruj npaum Peb Hmoob, luag tseem twb tso rau ib qho chaw xwb, txawm yuav yog huab tais vaj ntxwv los luag tsuas ua ib qho chaw xwb. Kuv lub siab xav, peb Hmoob kev cai dab qhuas tseem nruj dua, qhov twg ua yog ces zoo, yuam kev, tab ib lo lus los ib qho geste xwb twb fam mas kuv xav thov sawv daws cov coj noj coj ua tib zoo xav zoo zoo ua ntej yuav ua ib yam dab tsi. Kuv txawm yog me nyuam neeg xwb los kuv hais tam txoj cai poj rhawv kab yawm rhawv kev...

    Nej pua nco txog zaj dab neeg haiv thaum ntuj tsim teb raug, Yawg saub tsis muab mob muab nkeeg rau leej neeg, sawv daws nyob tsis muaj laus, nyob tsis muaj ploj. Leej neeg ntshaw kev ploj mus muab plhaub maj ua qeej, muab kab ziam los ua tsiaj, Qaum ntuj hnov, pom tias neeg ntshaw txoj kev ploj tuag thiaj tso los...Dua li nej yeej pom lub zwj ceeb no muaj ntau cum hmoob uas ua dab qhuas yuam kev, ua rau lawv tshooj xab, ua rau lawv puag ntsoog tu noob kiag...?


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 13th January 2011, 9:46 am

    Thov Yawg Hlob Vaj pov thov koj tsom kwm koj haiv neeg




    Yawg Hlob Vaj Pov,

    Peb me nyuam Hmoob tu siab thiab tshua txog
    Koj txoj kev ncaim peb zaum no
    Kuv thov koj mus kaj siab lug
    Rau lub teb chaws muaj kev hlub
    Koj mus lawm peb tshua koj heev
    Thov koj ua kom peb siab loj nteev
    Koj mus lawm peb nco koj tag nrho
    Thov koj tso koob hmoov kom peb siab loj

    Txij koj mus lawm
    Koj pab me nyuam lub zog qaug li zawv
    Txij koj mus kiag
    Koj pab me nyuam lub zog so vias
    Thov koj xa lub zog rau koj tsoom Hmoob
    Kom txhua leej noj qab nyob zoo
    Thov koj tig los nplij peb siab
    Kom peb rov nqhuag plias
    Kuv Txiv Vaj Hmoob
    Ua tsaug rau koj kev cawm peb Haiv Hmoob!





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 16th January 2011, 2:03 am


    General Vang Pao - Tsis Nco Lawm Los - Yia Vang



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    tublistx
    Guest

    Peb Hmoob yuav txhawb nqa Tx. N.P Vajpov mus raws txoj kev twg?

    Post  tublistx on 17th January 2011, 10:16 pm

    Kuv yog ib tug tub Hmoob kawm ntawv nyob rau hauv teb chaw Thaib. Kuv muaj kev xav hais tias thov txob cia Tx. N.P Vajpov mus raws li hmoob txoj kev cai tsiaj siv qeej nruas lis lub ntuj qub lawm. Thiab txob cia mus raws txoj kev cai cob fab nws yuam kev lawm. Tab thov cia peb hmoob Tx. N.P Vajpov taug hmoob Tswvmisnus Vajtswvntuj txoj kev cai tshiab. Tseem muaj peb hmoob cov kws laus lawd paub txog peb Hmoob Vajtswvntuj txoj kev cai tshiab los coj noob neej hmoob.

    Sau npe
    tublistxuj
    Email:tublistxuj@gmail.com

    LojLeeb
    Developer
    Developer

    Messages : 279
    Date d'inscription : 2010-07-08

    Re: Txiv Vaj Pov tso peb Hmoob Thoob qab ntuj tseg lawm.

    Post  LojLeeb on 18th January 2011, 10:16 pm


    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 23rd January 2011, 1:36 am


    Nyob zoo tsoom niam txiv kwv tij neej tsa sawv daws,

    Yog nej xav paub ntau yam ntxiv txog Yawg Hlob Vaj Pov lub neej thuiab tes hauj lwm, caw nej mus saib tau rau qhov nov:

    http://hmongcatholique.forumdediscussions.com/t685-vaj-pov-hmoob-tus-vaj


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 4th February 2011, 6:02 pm



    By: LiajNtsuab

    Nyob zoo Niamtij,

    Nyob licas xwb? Kuv lam qhia rau koj tijlaug neb yog tias neb tsis tau paub no ces mus saib tau hauv hmongsatellitetv.com nej yuav pom txiv Hlob Naisphoos lub ntees uas tsis yog pom kiag lawv tsis yog tso duab xwb. Lawv yuav qhib 24 teev rau sawvdaws tau saib. Ib qhov qhia rau nej paub tias hnub no Tsoomhwv teb hais tias tsis pub txiv HLob lub cev mus zais rau tim Washington D.C. Lawv pom zoo cia coj mus zais nrog lawv cov Tubrog uas nyob rau California xwb no. Simneej no tusiab kawg nkaus los ua tsis tau dabtsi li os.
    Ntsib koj li xwb mam sib ntsib dua.

    Nyob zoo





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3526
    Date d'inscription : 2010-02-28

    Re: Txiv Vaj Pov tso peb Hmoob Thoob qab ntuj tseg lawm.

    Post  koojziagkabzaug on 5th February 2011, 12:41 am



    [center]

    Saib Yawg Hlob Vaj Pov lub ntees Tim 4-9 lub 2hlis2011 Direct TV Fresno


    http://stream.hmongtvnetwork.com/watchTV1.aspx


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    LojLeeb
    Developer
    Developer

    Messages : 279
    Date d'inscription : 2010-07-08

    Re: Txiv Vaj Pov tso peb Hmoob Thoob qab ntuj tseg lawm.

    Post  LojLeeb on 5th February 2011, 11:37 am







    Sponsored content

    Re: Txiv Vaj Pov tso peb Hmoob Thoob qab ntuj tseg lawm.

    Post  Sponsored content Today at 5:49 am


      Current date/time is 29th September 2016, 5:49 am