google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Cov Kab Mob Atypical Mycobacteria

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Cov Kab Mob Atypical Mycobacteria

    Post  koojziagkabzaug on 7th January 2011, 3:55 pm



    WISCONSIN DIVISION OF PUBLIC HEALTH
    Department of Health and Family Services


    Cov Kab Mob Atypical Mycobacteria
    (Nontuberculous Mycobacteria,
    Mycobacteria other than tuberculosis [MOTT])
    Disease Fact Sheet Series

    Cov Kab Mob Atypical mycobacteria zoo li cas?


    Cov kab mob Atypical mycobacteria no yeej muaj nyob qhov txhia chaw. Lawv nyob hauv dej, hauv
    av, hauv cov mis tsis tau muab kab mob tua, thiab nyob nrog tej tsiaj txhu, ua li mas lawv kuj yuav ua
    mob tau rau tib neeg.

    Cov Kab mob no puas yog cov kab mob uas ua tau mob ntsws qhuav?


    Tsis yog. Cov kab mob Atypical mycobacteria ua tsis tau mob ntsws qhuav. Cov kab mob no kuj
    koom nrog tus kab mob ntsws qhuav Mycobacterium tuberculosis (MTB) tib cuab, tab sis, tsuas yog
    tus kab mob MTB thiaj ua mob ntsws qhuav xwb. Cov kab mob uas yog tib cuab hauv cov kab mob
    Atypical mycobacteria mas muaj cov hu ua M. avium, M. intracellularae, M. kansasii, M. xenopi, thiab
    M. fortuitum.

    Cov kab mob no puas ua mob tau?


    Ntau tus neeg kis tau thiab ncu cov kab mob atypical mycobacteria hauv lawv lub cev tab sis lawv kuj
    tsis ua mob. Qee leej neeg uas kis tau cov kab mob no mas cov kab mob kuj ua mob rau lawv lub
    ntsws, tej tawv nqaij, tej qog ntshav, los yog lwm qhov chaw hauv nruab nrog cev. Cov kab mob no
    kuj kis tau rau tej qhov txhab. Muaj ib hom hu ua M. paratuberculosis mas yog hom ua mob rau hauv
    cov hnyuv (Crohn’s disease). Cov neeg uas ntxim yuav raug tus kab mob no mas yog cov neeg uas
    lub nruab nrog cev tiv thaiv kab mob tsis muaj zog, cov neeg muaj lwm yam mob hauv lub ntsws,
    thiab cov neeg quav luam yeeb thiab quav dej quav cawv.

    Cov tsos mob ntawm tus mob atypical mycobacterial zoo li cas?


    Cov neeg uas raug tus kab mob atypical mycobacteria feem ntau yuav muaj tsos mob ntawm lub
    ntsws, xws li hnoos thiab muaj hnoos qeev ntau zuj zus, thiab thaum tsom duab xob (chest x-ray) mas
    pom lub ntsws tsis khoob zoo. Cov neeg mob yuav kub cev, tsis muaj zog, thiab poob ceeb thawj.
    Cov tsos mob kuj zoo ib yam li mob ntsws qhuav (tuberculosis), li no mas yuav tau soj ntsuam kuaj
    ntxiv thiaj paub tseeb tias yog hom mob twg tiag. Tus tib neeg uas twb muaj tej yam mob uas ua rau
    nws lub nruab nrog cev tsis muaj zog, muaj lwm yam mob, los yog tej tawv nqaij ua mob lawm mas,
    yog thaum nphav tau tus kab mob atypical mycobacteria no mas yuav ua rau nws mob.

    Cov neeg uas muaj tus kab mob atypical mycobacterial puas yuav kis tau rau lwm tus?


    Tshwj tsis yog cov ua mob ntawm nqaij xwb, dua li mas kuj tsis pom tias lwm cov yuav kis ntawm ib
    leeg mus rau lwm leej. Cov tib neeg uas raug lwm cov kab mob atypical mycobacteria uas ua mob rau
    hauv tej hlab ntsws mas kuj yuav kis tsis tau rau lwm tus, ua li mas tsis tas yuav cais lawv ntawm lwm
    leej lwm tus. Feem ntau cov kab mob atypical mycobacterial muaj nyob nrog huab cua, tab sis, kuj
    yuav kis tsis tau ntawm ib leeg rau lwm leej. Tshwj cov kab mob ntawm kiav txhab thiab lwm cov kab
    mob hu ua M. kansasii, thiab tej zaum cov M. simiae xwb thiaj sib kis tau.

    Yuav kho cov mob los ntawm cov kab mob atypical mycobacteria no li cas?


    Yuav kuaj kom paub tseeb tias yog hom kab mob twg mas thiaj yuav muab tau cov tshuaj tua kab
    mob kom ntxim. Cov neeg uas nyob ua ke nrog tus neeg raug tus mob atypical mycobacterium no
    mas kuj tsis tas yuav noj tshuaj los tiv thaiv lawv tus kheej.

    DEVELOPED BY THE DIVISION OF PUBLIC HEALTH, BUREAU OF COMMUNICABLE DISEASE
    COMMUNICABLE DISEASE EPIDEMIOLOGY SECTION
    PPH 42027H (Rev. 05/04)








    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 11th December 2016, 2:57 am