google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Keeb kwm HMOOB lub PEB CAUG

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Keeb kwm HMOOB lub PEB CAUG

    Post  koojziagkabzaug on 20th January 2011, 4:20 am


    Neej Yag Hawj: KeebKwm Mong Hmong New Year Celebration Part 1




    Neej Yag Hawj: KeebKwm Mong Hmong New Year Celebration Part 2





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Keeb kwm HMOOB lub PEB CAUG

    Post  koojziagkabzaug on 30th January 2012, 2:16 pm



    Hmong ntuj tshiab wrote:

    Paj huam Noj Tsiab.

    Yuav piav txog------------------ib xyoos ntuj zeeg
    Hmoob tsev neeg----------------lub tsiab peb caug
    Thaum ntuj raug--------------Hmoob ib txwm noj
    Thiaj npaj zoj----------------txais tos xyoob tshiab
    Hmoob zoo siab----------------muab qoob loo sau
    Los nce rau---------------hauv nruab phawv txhab
    Npaj txhwv hnab-----------------thiab me dej taws
    Hmoob sawv daws-----------------lov kab tsib daj
    Ua suab thaj---------------------los ntsw ncuav noj
    Los txog zoj-----------------Hnub nees nkaum tsib
    Hmoob los pib---------------------ua neeb tso qhua
    Puab tsaig npua-----------------xa mus thawj thiab
    Nywj vag kiab---------------nyob yawm saub ntuj
    Tsiaj plig yuj----------------mus lawm txhij txhua
    Los txog ntua---------------Hnub nees nkaum yim
    Hmoob npaj tsim----------------tua npua noj tsiab
    Txais xyoo tshiab---------------thiab xa xyoo laus
    Ncig los xaus--------------------rau hnub peb caug
    Hmoob txwj laug--------------mus txiav pos ncag
    Nram qab nrag-------------------coj los txhos ntua
    Nqeeb sawv txhua-------------------khi zoj ib txog
    Thiab npaj nrog-------------------txiv lau qaib liab
    Los lwm tsiab-------------------ib xyoos puag ncig
    Hmoob txhua yig------------------tuaj koom ua ke
    Tag loj me--------------------ncig nkaum taw qaib
    Txwj laug saib-----------------tuav rawv qaib lwm
    Raws keeb kwm--------------------ncig 6 ncig mus
    Hmoob txhua tus--------------------ncig 6 ncig los
    Neeg sawv tos--------------------tua phom pig pag
    Thaum lwm tag-------------muab qaib cov ntshav
    Coj los tshav------------------pleev txoj saw nqeeb
    Muab plaub rheeb------------rhais txoj nqeeb saw
    Luag ua zaw--------------------pov sab hnub poob
    Txhua tus Hmoob----------------mam li sawv kev
    Los mus tsev------------------txog ntawm qab vag
    Tua taws tag-------------------mam nkag mus tsev
    Muab ntawv cev---------------los foob txhua yam
    Txiv tsev mam-------------------cuab suab hu plig
    Hmoob txhua yig--------------npaj noj hmo ntxov
    Suab phom nrov-----------------pig pag zom zaws
    Hmoob sawv daws--------------noj hmo tiav meej
    Txhua yim neej------------------mam txi xwm kab
    Teeb thaj xyab---------------rau ntawm hauv plag
    Thaum fij tag--------------------tshuam xyab sis so
    Hmoob zov hmo-------------------rhaub dej los da
    Dej ncho pa--------------------rhaub kub sov txaus
    Plis kauv laus------------------txhua leej txhua tus
    Mam li mus-----------------------pw saum txaj tiag
    Kaj ntug kiag--------------Hmoob sawv tua phom
    Diaj zeb zom--------------------thiab nrog tuav cos
    Qhoob suab mos--------------cuab qaib cuab npua
    Muab phom tua----------------suab nrov doog diaj
    Hu tej tsiaj------------------------kom ho huaj vam
    Hmoob ho mam-------------------mus huas dej sia
    Muaj ib txhia---------------------los tsa txhiaj meej
    Kom yus yeej-------------------luag lwm tsev neeg
    Hmoob kuj ntseeg---------------kev dab kev qhua
    Ib txwm ua-------------------------raws poj ua tseg
    Hmoob yeej leg------------------raws yawm ua cia
    Sib cob qhia-----------------rau txheej dhau txheej
    Coj Hmoob neej--------------raws lub xyoo tshiab
    Hmoob zoo siab-------------npaj tshais ntxov siav
    Thaum rau tiav---------------rau ntawm hauv plag
    Nkaus diav ntag-------------npws niam npws txiv
    Hu tij viv----------------------poj yawm txwv koob
    Los noj thoob------------------txhua leej txhua tus
    Mam li mus--------------nkaus xyab ntawv hlawv
    Cob rau lawv------------------niam txiv poj yawm
    Raws keej khawm------------ntov pob ntoos meej
    Neeg txhua leej-----------------mam los noj tshais
    Tej tub ntxhais---------------npaj hnav zam tshiab
    Lawm kaj niab------------------mus tshav pov pob
    Cov laus nyob--------------mam npaj nqaij ntxuag
    Yaum ua luag--------------------mus nrog pe tsiab
    Quas xyoo tshiab----------ntawm niam thiav txiv
    Dej cawv chiv-------------thov koob thov hmoov
    Haus sib hloov---------------------ce sib faib yoog
    Lawv zaum mloog--------------cov laus sam fwm
    Ntos hmoov tshwm-------------faib rau txhua leej
    Lawv pe txheej-------------quas txheej xwm koob
    Txoj hmoov poob----------------ntws los rau lawv
    Mam haus cawv----------------txais yim koob zoo
    Ntawm txoj hmoo-----------txhua tsav txhua yam
    Lawv ho mam--------------------mus rau lwm tsev
    Coj siab ntev-------------------nrog quas xyoo laus
    Pe tsiab xaus------------------mam coj tub ntxhais
    Sib yaum pais-----------------xaiv nyab xaiv vauv
    Muab nyiaj xauv---------------rau cov ntxhais coj
    Yaum ua npoj--------------------mus nrog pov pob
    Coj tub hlob--------------------mus nrog xaiv nyab
    Yaum tsheej pab---------------tuav tes tsheej npoj
    Mus xaiv poj------------------tej ntxhais tsim txiaj
    Cev zeej txhiaj----------------kom phim zeej xeeb
    Thaum paub tseeb------------------coj los ua nyab
    Los nrog pab-----------------------lub cuab lub yig
    Thiaj tsis lig--------------------tub ntxhais lub neej
    Li peem tsheej------------------cuab yim thaj yeeb
    Raws nyiaj keeb----------------puaj txwm sib luag
    Xws qauv quag----------------Hmoob ib txwm coj
    Tej ntxhais loj------------------piav yeev nram tiaj
    Suab khawv txhiaj----------------zag pib zag xaus
    Hos tej laus----------------------tham kev noj nyob
    Saib pov pob-----------------ntawm tej tub ntxhais
    Mloog txuj hais------------paj huam khawv txhiaj
    Zaum tsheej phiaj---------thiab sawv tsheej pawg
    Cov me npawg------------------kuj lom zem thiab
    Ntawm xyoo tshiab----------Hmoob noj peb caug
    Caij ntuj tsaug----------------lom zem kawg nkaus
    Pov pob xaus--------------tub ntxhais yuav ncaim
    Siab xav nraim---------------------txoj kev sib nco
    Ntuj tag hmo----------------kua muag tseem poob
    Nco tej Hmoob-----------ntsib ntawm xyoo tshiab
    Tus zoo siab-------------------xaiv tau txij nkawm
    Hmoov tsis sawm---------------kuj plam kev hlub
    Nyob ib Hnub-------------------------ntev li ib hlis
    Neej nros ntshis--------------kho siab kawg nkaus
    Txom nyem txaus-----------------tej laus tsis paub
    Nplooj siab haub------------thaum twg mam ntsib
    Tus zoo ib-----------------------li tiag nco npawg./.

    ( xaus li no )

    [/size]


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Keeb kwm HMOOB lub PEB CAUG

    Post  koojziagkabzaug on 30th January 2012, 2:32 pm

    HMOOB LUB TSIAB PEB CAUG.




    Tsiab 30 Hmoob, ntawm peb haiv neeg Hmoob lub Tsiab Peb Caug yog ib lub uas tseem ceeb heev nyob rau ntawm peb haiv neeg. Ib xyoos puag ncig los txog lub kaum ob hlis tag rau hnub 30 ntawd, peb haiv neeg Hmoob mus nkaum taw qaib yav yuav tsaus ntuj, tag kis yog hnub xiab ib rau xyoos tshiab thiab hnub tshiab rau peb haiv neeg Hmoob.

    Haiv neeg Hmoob lub tsiab peb caug ntawm tham nov, nws yog ib lub tseem ceeb thiab muaj kab li kev cai nyob rau ntawm peb haiv neeg Hmoob xws li, nkaum taw qaib, hu plig, hu dab poj yawm, niam txiv, yus phaj, thiab xeeb luj xeeb ntxwv, uas yog cov tau tag sim neej thiab tso plig tag lawm, yuav tau hu cov ntawm no los nrog noj nrog haus quas lub niaj lub xyoo, kev tsis zoo kom tag nrog lub xyoo laus mus kom peb haiv neeg Hmoob nyob ntshiab dej huv txhuv, tsis ntsib mob ntsib nkeeg, hmab tsis daum tes hlua tsis daum taw, dej tshiab kom tau haus, qav tshiab kom tau noj.

    Kaj ntug tas kis hnub xiab ib ntawd, thaum qaib qua thawj tsig, ib tsoom niam txiv kwvtij neej tsav sawv los cuab qaib, cuab npua, cuab nyuj, cuab nees, cuab tsiaj cuab txhuv, thiab hu plig qoob plig loo plig nyiaj plig kub plig tsiaj plig txhuv kom los tsev. Tsis tag li no xwb, yuav mus ce dej tshiab coj los luj nrog rau cov dej qub, saib dej tshiab hnyav dua dej qub los, dej qub yuav hnyav dua dej tshiab = tau tias saib xyoo tshiab no yuav muaj txiab xeeb khaub thuas dua los xyoo tas los lawm no muaj sab foob khaub thuas dua.

    Yog dej tshiab hnyav dua, yuav muaj sab foob khaub thuas dua.
    Yog dej qub hnyav dua no ces xyoo tshiab no yuav tsis muaj sab foob khaub thuas li xyoo tag los no lawm.

    Thaum hu tej plig tsiaj plig txhuv tag lawm, ces yuav tau los tsa tus txhiaj meej pem xeeb sawv rov los kav lub qhov rooj tag, ib xyoo kaum ob lub hlis tag xyoo laus xaus, xyoo tshiab tawm tuaj, tsa tug txhiaj meej sawv los kav lub rooj tag, los pov niam pov txiv, pov metub menyuam, pov nyiaj, pov txiaj, pov tsiaj, pov txhuv, pov qoob, pov loo. Tsa ib tsoom ncej dab ncej qhuas sawv rov los zov vaj zov tsev, ua qoob ua loo, khwv nyiaj khwv txiaj, tu tub tu kiv, tu tsiaj tu txhuv kom zoo li lub siab xav; ua me kom tau ntau, ua ntau kom noj tsis tag, tu tsiaj tu txhuv kom nroo ntws li nraj yig lauv tsaw, npua kom nroo ntws li npua teb, nyuaj kom nroo ntws li nyuaj qus.

    Hnub xib ib ntawm Hmoob lub tshaib peb caug nov, caiv tsis ua lag luam, tsis siv nyiaj tawm, tsis taws riam, kov txuas, kov taus li. Nyob sib tham, mus ntaus tuj lub, mus rag txuj rag ci txais tos lub xyoo tshiab. Metub mentxhais yuav hnav khaub ncaws tshiab (ua Zam) mus txais tos lub xyoo tshiab rau hnub xiab ib ntawd. Peb Haiv Hmoob yuav tuaj mus koom kev tsa Hauv Toj rau hnub xiab ib. Muaj kev lom zem xauv npo, rau hnub xiab ib nyob rau txhua Hmoob lub zos.

    Hnub xiab ob ntawd, peb ib tsoom tub ntxhais hluas yuav tuaj koom kev lom zem, pov pob hais (khawv, kwv) txhiaj thiab nrhiav tus hlub rau hnub xiab ob, peb, plaub, tsib, rau, thiab hnub kawg. Peb Haiv Hmoob yeej ib txwm dhia qaib xya hnub thiaj li txaus rau ib tsoom tub ntxhais hluas tuaj mus xaiv nyab thiab xaiv vauv. Tsiab Peb Caug, kuv tseem nco ntsoov tsis nploj mus vim yog muaj kev lom zem, rag txuj rag ci, Hmoob tej laus tsa hauv toj rau ib Tsoom Hmoob sawv rov los ua tus Coj thiaj tau nrog ib tsoom niam mab niam suav haiv neej tau noj. Peb Hmoob Txuj Ci Siab, yog peb tsis sib pab tig rov los khaws, yuav poob tej txuj ci tag mus tsis muaj tug paub. Peb yuav tau mus nrhiav peb tej txuj nyob rau niam mab niam suav tsev paub zwm txuj muaj nyob toob qab ntuj.

    Peb yuav thov peb Haiv Hmoob sib pab khaws peb li txuj kom txhob poob saib peb puas yuav mauj nyob muaj koob.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Keeb kwm HMOOB lub PEB CAUG

    Post  koojziagkabzaug on 30th January 2012, 2:47 pm


    HNUB PEB CAUG, tuav ncuav.




    Ntshi nplooj tsawb, yog npaj puab ncuav los yog qhwv ncuav



    Tab tom cub mov, yuav muab tso mov no coj mus tuav ncuav


    Ib tsu mov me me uas twb siav lawm


    Nphau mov rau hauv lub dab tuav ncuav
    Lub dab tuav ncuav no yog ntoo,
    tau ntau xyoo lawm lub dab no muaj ntsiv ntoo ntau ces thiaj li muab hnab los pua,
    Kuj muaj qhov zoo thiab vim lub hnab no mas ncuav tsis lo


    Ob tug poj niam tuav ncuav
    Kev tuav ncuav mas thaum cov mov tsis tau lwj yuav tsum maj mam tuav kom cov mov txhob dhia
    thaum cov mov lwj lawm mam li siv zog






    Cov poj niam puab ncuav
    txheej no muaj ib co tshuab zom ncuav, tam sis qab tsis cuag li cov xuas tev tuav,
    cov ncuav xuas tshuab zom mas tsis muaj sab, thaum muab ci mas tsis txawj su, ci ntev ces ua kaub puab,
    cov nuav xuas tes tuav mas muaj sab, thaum ci mas nws txawj su,
    thaum lub ncuav su kuj yog qhia tias lub ncuav siav lawm


    Thaum muab cov nuav npaws ua tej lub mas yuav tau muab ntswj thiaj li tu sai
    yog tsis ntswj mas nws ua sab ntev mam li tu


    Cov me nyuam noj ncuab ntsw suab thaj;
    cov suab thaj kuj yog muab kab tsib zom tau ib co kua ces mam muaj nyoj











    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Keeb kwm HMOOB lub PEB CAUG

    Post  koojziagkabzaug on 30th January 2012, 3:04 pm


    UA SUAB THAJ NTSW NCUAV.


    1-
    Ntxuav kab tsib ua ntej yuav muab zom kua

    2-

    Hom kab tsib no hmoob hu ua "kab tsib ntsuab"
    Yog cov uas Hmoob nyiam cog tshaj,
    cog kom tsev neeg tau noj
    cog coj los zom ua suab thaj
    thiab coj mus muag rau nruab kiab khw.
    Lub teb chaws Guyane yog ib lub teb chaws zoo cog kab tsib tshaj cov teb chaws uas muaj Hmoob nyob,
    cog ib thaj kab tsib yuav kav ntev niaj ntau xyoo mus txog rau thaum av tsuag.


    3-
    Zom kab tsib

    4-
    Ib phiab kua kab tsib

    5-

    6-
    Nyoj kua kab tsib ua suab thaj ntsw ncuav


    TUAV NCUAV


    7-

    8-

    9-

    10-

    11-

    12-

    13-

    14-

    QE PEB CAUG.

    15-

    16-

    LWM TSIAB PEB CAUG.

    17-
    Cov niam tsev los txiv tsev los ce ib qho dej foom hmoov zoo yog yuav coj mus foom rau tsev...

    18-

    19-

    20-

    21-

    22-

    23-

    24-

    25-

    26-

    27-

    NOJ TSIAB PEB CAUG.

    28-
    Lub rooj tswj tsiab peb caug npaj tau: npua, qaib, qe...coj los ua kev foom hmoov zoo rau sawv daws

    29-
    Vaj Nyiaj Kab sawv rooj tswj tsiab peb caug chaw hais ib co lus foom rau sawv daws
    yog piv rau kev hu plig kuj tau

    30-
    Cov tswj tsiab pab caug thiab tas nrho sawv daws sib koom npaj ib pluas hmo
    thiab caw tag nrho cov tuaj deb thiab ze nrog noj PEB CAUG ua ke

    31-

    32-







    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Keeb kwm HMOOB lub PEB CAUG

    Post  Sponsored content Today at 10:57 am


      Current date/time is 6th December 2016, 10:57 am