google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Kab mob siab B (Hepatits B)

    Share

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Kab mob siab B (Hepatits B)

    Post  koojziagkabzaug on 26th January 2011, 1:30 pm


    Kab mob siab


    Yam koj yuav tsum paub Paub Qab Hau Txog B.


    Kab Mob Siab B.

    Yog txhais li cas?


    “Kab Mob Siab B” yog ib nqe lus uas siv piav qhia txog kev
    huam mob rau daim siab uas raug kis raws kab mob siab B
    (HBV). Kab Mob Siab B ua kom daim siab puas thiab yog
    tsis kho tus kab mob kom yog, nws muaj peev xwm ua
    mob loj cov nyom, xws li daim siab tsis ua hauj lwm, mob
    cancer rau daim siab, thiab tej zaum tuag taus.1

    Kab Mob Siab B Mob Luv piv rau Kab Mob Siab B Mob Ntev


    Kab Mob Siab B muaj hom “mob luv” los yog “mob ntev.”2

    Kab Mob Siab B Mob Luv
    • Tshwm sim thaum koj kis tau tus kab mob siab B
    thawj zaug.
    • Yog ib tug kab mob ncua luv luv—koj lub zog cev
    tua cov kab mob kom tuag tawm mus thiab koj
    muaj peev xwm zoo taus li ntawm hli puav.2
    • Kab mob nyob luv dua rau (6) lub hlis.2

    Kab Mob Siab B Mob Ntev
    • Tshwm sim rau thaum koj lub nruab zog cev tsis
    muaj zog tua tus kab mob tuag taus.2
    • Yog ib hom kab mob ncua ntev—cov kab mob nyob
    hauv koj cov ntshav li 6 lub hlis los yog ntev dua.2
    • Yog ib hom mob huam loj rau lub siab uas tsis pom cov tsos mob yooj yim.3
    • Yog tsis kho, yuav muaj peev xwm ua mob loj heev
    xws li siab khov (thaum kab caws pliav hlav rau daim
    siab zoo, daim siab tsis mob) los yog mob cancer rau daim siab.2,4

    Leej twg muaj feem yuav muaj kab mob siab B mob ntev?


    Tus yuav muaj feem mob kab mob siab B mob ntev ntau
    dua yog tus uas chwv tau tus neeg muaj kab mob cov
    ntshav los yog cov kua faj siv hauv lub cev. Cov muaj feem
    kis kab mob siab B tshaj yog:
    • Neeg Esxias thiab neeg Pov Txwv.3
    • Cov me nyuam yug los ntawm leej niam uas muaj tus
    kab mob.2
    • Cov neeg tsis siv khoom tiv thaiv thaum sib deev
    nrog rau tus neeg muaj kab mob los yog sib deev
    coob tshaj ib tug khub.2
    • Cov neeg sib qiv koob siv txhaj tshuaj, tho qhov, zas
    duab rau tawv nqaij, nkaug koob.3
    • Cov neeg uas tau ntxiv ntshav los yog ntxiv cov
    ntshav ua ntej 1972.

    Ras Txog

    Kab Mob Siab B tshwm sim ua mob zoo li cas?
    Vim yog neeg feem coob tsis muaj cov cim qhia thiab cov tsos
    mob tshwm sim ua mob rau tias yog tus kab mob siab B,3 yog
    ib qho tseem ceeb uas yuav tau mus ntsuam xyuas yog tias koj
    xav tias tsam koj muaj tus kab mob. Cov cim qhia thiab cov
    tsos mob tshwm sim ua mob yuav pom tom qab 12 lub lim
    piam uas koj kis tau lawm thiab tej zaum ua ke nrog qee yam
    los yog tag nrho cov nram no2:



    Yuav ua cas kuv thiaj paub tias kuv muaj kab mob siab B mob ntev?

    • Hais kom koj tus kws kho mob xa koj cov ntshav mus
    ntsuam xyuas,3 zoo xws li ntsuam xyuas npuas roj.
    • Yog tias ntsuam xyuas tsis muaj kab mob, koj yuav tau
    txhaj tshuaj tiv thaiv kab mob siab B.3 Yog tias ntsuas
    muaj tus kab mob, nug koj tus kws kho mob seb koj puas
    yuav tau kho.

    Tsis muaj mob

    Koj daim siab yog koj txoj kev noj qab nyob zoo — thiab koj lub neej.


    Daim siab yog yam loj tshaj nyob hauv sab nruab nrog cev.4
    Koj tsis muaj peev xwm ciaj sia yog tsis muaj daim siab ua
    hauj lwm.4 Nws yog nyob ntawm koj sab xis, qis zog koj
    cov tav.2 Daim siab ua ntau lub luag num tseem ceeb 4:
    • Tshem tawm los sis ntsuas kom cov tshuaj muaj taug sib luag hauv cov ntshav
    • Tsim cov roj ntsha protein uas pab tiv thaiv kom tsis txhob los ntshav
    • Tsim kom muaj kua tsib los pab nqus roj thiab tshuaj qab los tawm
    • Tsim kom muaj cov nruab zog los tiv thaiv kev kis kab mob
    • Tshem kab mob germ thiab kab mob bacteria tawm ntawm cov ntshav





    Yog tseg ntev tsis kho, mob kab mob siab B mob ntev yuav
    muaj peev xwm ua kom daim siab puas tsuaj loj.1




    Daim siab zoo zoo
    Nov yog daim siab zoo zoo.


    Siab o
    Daim siab voos tsis tsum tim
    yog kab mob siab B muaj peev
    xwm ua kom lub siab o—hlav
    caws pliav rau daim siab.5



    Siab khov
    Nyob hauv daim siab khov,
    ua caws pliav puas rau daim
    siab zoo zoo, thaiv cov ntshav
    kom txhob ntws mus rau
    daim siab thiab tiv thaiv nws
    kom txhob ua hauj lwm li
    nws yuav tsum tau ua.



    Siab mob cancer
    Siab mob cancer yog huam
    qog phem rau daim siab.5 Tej
    zaum daim siab yuav mob
    cancer yam uas tsis tas yuav
    khov thiaj mob.6

    Paub Tab Txog

    Qhov cov neeg muaj mob coob
    yeej qhia tau tseeb lawm.

    Yog tshawb nrhiav pom tias koj muaj kab mob siab B
    mob ntev, koj yuav tsum paub tias tsis yog koj ib leeg
    nyob hauv ntiaj teb thiaj li ntxov siab txog hom kab
    mob no.
    • Thoob ntej teb kwv yees li 1 tug ntawm 20 tus
    (400 vam tus tib neeg) ua neej nrog kab mob
    siab B mob ntev.7
    • Kwv yees li 2 vam tus neeg hauv teb chaw
    Asmeskas ua neej nyob nrog kab mob siab B mob
    ntev.7 Ntau tshaj ib nrab yog neeg Esxias. 3
    • Coob npaum li 1 tug ntawm 10 tus neeg Esxias
    thiab cov yug nyob txawv teb chaws neeg Esxias
    Asmesliskas yog ua neej nyob nrog kab mob siab
    B mob ntev. 3
    • Yog tsis ua tib zoo saib xyuas thiab kho kom raug,
    1 tug ntawm 4 tug neeg muaj kab mob siab B
    mob ntev yuav tuag los ntawm daim siab tsis ua
    hauj lwm los yog siab mob qog cancer. 3

    Yog tsis muaj kev kho kom zoo, vim li cas thiaj yuav tau kho?


    Txawm tias yeej tsis muaj kev kho kom tus kab mob siab B
    mob ntev kom zoo los, nws tseem ceeb heev uas yuav tau
    saib xyuas, thiab mus kho yog tias koj tus kws kho mob
    pom zoo lawm.
    Qee hom tshuaj muaj peev xwm txo cov kab mob hauv koj
    cov ntshav thiab yuav pab ua kom koj daim siab ua hauj
    lwm zoo ntxiv.

    Koj muaj peev xwm ua neej tau
    nyob nrog tus kab mob siab B mob ntev.


    Neeg coob tus ua neej taus nrog tus kab mob siab B mob
    ntev. Nram no yog ib co kauj ruam zoo uas koj muaj peev
    xwm siv los txhim kho koj txoj kev noj qab nyob zoo:
    • Kho koj tus mob raws li koj tus kws kho mob pom
    zoo mus tsis tu ncua.
    • Qhia koj tus kws kho hniav los yog lwm tus kws kho
    mob tias koj muaj kab mob siab B mob ntev.8
    • Qhia kom koj tus kws kho mob paub tag nrho cov
    tshuaj, tshuaj qab los, los yog tshuaj ntsuab uas koj
    tab tom siv.8
    • Pw kom txaus, thiab qoj ib ce kom raws sij hawm
    (raws li koj tus kws kho mob pom zoo).2
    • Noj cov zaub mov kom zoo tshaj li koj muaj
    peev xwm.2


    Kom paub txog

    Cov Lus Ntseeg piv nrog Qhov Tseeb


    Tej zaum koj tau hnov cov lus neeg
    ntseeg dhau los. Tam sim no koj
    yuav paub qhov tseeb.


    Cov lus uas neeg ntseeg

    “Kuv tsis hnov mob ces kuv kuj tsis muaj
    kab mob siab B mob ntev.”
    “Muaj kab mob siab B mob ntev txhais tias
    kuv tsis muaj peev xwm nyob ze cov
    phooj ywg thiab tsev neeg tau.”
    “Cov tshuaj muag hauv khw los yog tshuaj ntsuab
    yuav kho tau kab mob siab B mob ntev.”
    “Yuav tsum txhob muaj leej twg paub tias
    kuv muaj kab mob siab B mob ntev.”
    “Kuv kis tau kab mob siab B mob ntev los
    ntawm kev sib chwv raug xws li hnoos, txham,
    los yog sib koom noj mov ua ke.”
    “Cov neeg muaj kab mob siab B mob ntev
    yuav mus ua luam dej tsis tau.”
    “Kab mob siab B mob ntev muaj
    raws ntawm niam txiv los.”

    *
    Qhov Tseeb


    Tej zaum, cov neeg muaj kab mob siab B mob ntev yuav
    muaj peev xwm ua neej nyob taus yam tsis muaj cov tsos
    mob thaum uas tus kab mob rhuav lub siab puas.2
    Kis tsis tau kab mob siab B mob ntev los ntawm kev sib
    chwv.2 Yog muaj kev ceev faj zoo, koj muaj peev xwm ua
    tau ib yig neej li qub.
    Tsis muaj dab tsi yuav kho tau kab mob siab B mob ntev.
    Qee yam tshuaj hauv khw thiab tshuaj ntsuab yuav ua
    tau kom daim siab puas.8
    Kab mob siab B mob ntev tsis yog ib yam uas yuav txaj
    muag rau—400 vam tus neeg muaj tus kab mob.7
    Kab mob siab B tsis kis los ntawm kev sib chwv. Nws yog
    kis raws cov ntshav muaj kab mob, kev sib deev tsis tiv
    thaiv, los yog kis ntawm leej niam rau tus me nyuam
    thaum yug.3
    Cov neeg muaj kab mob siab B yuav mus ua tau luam dej.
    Kab mob siab B tsis muaj peev xwm kis hauv pas dej da.2
    Kab mob siab B muaj los ntawm ib tug kab mob thiab
    tsis yog muaj raws ntawm niam txiv los. Kab mob siab B
    muaj peev xwm kis ntawm leej niam mus rau tus me
    nyuam thaum lub caij yug me nyuam.3
    *

    Xav paub ntxiv
    Cov kev pab txog Kab mob siab B
    • American Liver Foundation
    www.liverfoundation.org
    • Asian Liver Center at Stanford University
    liver.stanford.edu
    • Centers for Disease Control and Prevention
    www.cdc.gov
    • Immunization Action Coalition/
    Hepatitis A, B, and C Prevention Programs
    www.hepprograms.org
    • American Cancer Society,
    New York Chinese Unit
    www.cancer.org/docroot/COM/content/div_Eastern/
    COM_11_2x_Chinese_Unit.asp?sitearea=COM
    • Korean Community Services of
    Metropolitan New York, Inc.
    www.kcsny.org
    • Hepatitis Foundation International
    www.hepfi.org
    Kab mob siab B pawg neeg sib pab
    • Hepatitis B Information and Support List
    www.hblist.org


    Cov pov thawj: 1. Hepatitis B Frequently Asked Questions. Atlanta, GA: Centers for Disease
    Control and Prevention; 2006. http://www.cdc.gov/ncidod/diseases/hepatitis/b/faqb.htm.
    Accessed December 1, 2007. 2. Hepatitis B. Rochester, MN: Mayo Foundation for Medical
    Education and Research; 2007. http://www.mayoclinic.com/health/hepatitis-b/DS00398/.
    Accessed December 1, 2007. 3. 2007 Physician’s Guide to Hepatitis B: A Silent Killer. Stanford, CA:
    Asian Liver Center at Stanford University; 2007. http://liver.stanford.edu/Media/publications/
    Handbook/2007Handbook.pdf. Accessed December 1, 2007. 4. Cirrhosis of the Liver. Bethesda,
    MD: National Institutes of Health; 2003. http://digestive.niddk.nih.gov/ddiseases/pubs/cirrhosis/.
    Accessed December 1, 2007. 5. Mosby’s Medical, Nursing, & Allied Health Dictionary. 5th Ed. St.
    Louis, MO: Mosby−Year Book, Inc.; 1998:632,950. 6. Lok ASF, McMahon BJ. Chronic hepatitis
    B: AASLD practice guidelines. Hepatology. 2007;45:507-539. 7. Gish RG, Gadano AC. Chronic
    hepatitis B: current epidemiology in the Americas and implications for management. J Viral
    Hepat. 2006;13:787-798. 8. How to Live with Hepatitis. Silver Spring, MD: Hepatitis Foundation
    International; 2003. http://www.hepfi.org/living/liv_living.html. Accessed December 1, 2007.
    © 2007 Gilead Sciences, Inc. All rights reserved.


    Last edited by koojziagkabzaug on 27th January 2011, 12:48 pm; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Kab mob siab B (Hepatits B)

    Post  Hmoob ntuj qub qab on 26th January 2011, 8:07 pm

    Nyob zoo Koojziagkabzaug

    Ua tsaug Nws tuaj tso kab mob siab rau peb pom thiab tiv thaiv mus yav tom ntej , cov kab mob no yog paub ua ntej yuav pib kho zuj zus mus thiaj yuav zoo tau, yog mob ntev lawm mam li tshuaj pom ces ntshe yuav kho nyuab vim mob loj lawm.
    Ib xyoos twg yuav tau kuaj ntshav ib zaug kom Doctor kuaj txhua yam, mob yam twg yuav tau kho yam ntawv tiag.
    Teb chaws vam meej mas luag muaj tshuaj zoo ces yuav tsis nco txhawj, hos ntuj qub qab ces leej twg ntsib yuav nyuab siab vim tsis muaj nyiaj kho tshuaj los kim yuav mus kho Nyab kaj thiab Thaib teb xwb.



    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kab mob siab B (Hepatits B)

    Post  koojziagkabzaug on 27th January 2011, 1:50 am



    Hmoob ntujqubqab,

    Cov mob nov mas coob leej yeej mob dhau los lawm, tab sis tshawg leej thiaj li sau rau lub siab, thiaj lis mob loj xwb. Kuv hais coob leej mob dhau los lawm, tshwj xeeb peb cov neeg Asia, kev nyiam huv tsis txaus, thiaj ua rau sawv daws mob txhua nrho...Tab sis tsawg tsawg tug thiaj mus rau lub siab lawm xwb. Thaum mob, yog tus neeg thev ces nws hnov li nws sab thiab kub taub hau me ntsis xwb. Tej tug kuj noj tsis taus mov, xeev siab ntuav li ib hlis tej, tej tug mas thiab ua teeb meem loj...

    Vim li cas Peb cov Hmoob uas nyob Nplog teb, khiav tuaj mus, tshuav cov me nyuam me me kiag xwb thiaj tsis muaj tus mob no, vim peb muaj kev huv tsis txaus...Dua li yog teb chaws txom nyem, kev kho mob nkeeg tsis thoob, tsis txhua, peb nyias ua nyias Doteur, peb hais tias tshuaj noj mas zoo tsis npaum tshuaj txhaj...Ces peb tab nyiam siv tshuaj txhaj...Peb txom nyem ces peb siv tib rab koob los txhaj txhiab pua leej ces thaum kawg tseem kis tej tug mob loj tshaj qhov peb mob rau peb ua phab ua pheev lawm thiab. Dua li thaum tus neeg tau mob, mob tab tom huam, yog mus sib deev ces ho sib kis ntxiv mus....


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kab mob siab B (Hepatits B)

    Post  koojziagkabzaug on 24th March 2011, 12:47 pm


    Kev mob siab B



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: Kab mob siab B (Hepatits B)

    Post  Sponsored content Today at 2:57 am


      Current date/time is 11th December 2016, 2:57 am