google-site-verification: googlefbfddf59e706b96b.html

Latest topics

» KHAWV KOOB
by koobpovtxuj 30th September 2017, 4:29 pm

» Koobpovtxuj.
by koobpovtxuj 25th September 2017, 10:00 am

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    IB TUG NIAM TSEV ZOO

    Share
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    IB TUG NIAM TSEV ZOO

    Post  koojziagkabzaug on 28th February 2010, 11:53 am


    Cool Slideshows






    Ib Tug Niam Tsev Zoo Txawj 10 Yam

    Txawj 1 txawj xaws txawj ntxiv

    Txawj 2 txawj saib txawj coj

    Txawj 3 txawj tu vaj tu tsev

    Txawj 4 txawj ncu txawj hau

    Txawj 5 txawj hlub kwv hlub tij

    Txawj 6 txawj tu cev tu plaub hau

    Txawj 7 txawj sua txawj xam phaj

    Txawj 8 txawj tu tub tu kiv

    Txawj 9 txawj ua lag ua luam

    Txawj 10 txawj khwv txawj pauv






    Last edited by koojziagkabzaug on 24th June 2010, 7:23 am; edited 1 time in total
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 28th February 2010, 11:55 am


    Txawj 1 txawj xaws txawj ntxiv


    Ib tug niam tsev zoo txawj ntxiv txawj xaws, yuav pab tau lub neej.
    Yuav txuag tau nyiaj los siv rau lub vaj lub tsev. Vim nws yuav xaws tsoos tsho rau nws thiab tej me tub me nyuam. Yuav txog ib lub Tsiab Peb Caug los yuav tsis tau thau nyiaj qab nas txiaj qab hub mus pauv.

    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 28th February 2010, 12:02 pm

    By: Nkauj Nag le Dim 7 Fév - 21:55

    Nyob zoo os Koojziagkabzaug, Koj ua dab tsi lawm os , Kzkz as !!! tsis tau ntsib koj lawm es ua dab tsi lawm os , Kuv nco koj kawg thiab os , Xav tuaj nrog koj tham pem xwb os ,
    Maivtooj , Hnub no kuv yuav nqa ib daim me nyuam tiab tuaj rau koj saib os , Yog kuv xaws rau kuv 2 tug xeeb ntxwv hnav coj mus ua Carnaval tom tsev kawm ntawv na , es kuv lam xaws phem phem xwb os ,

    Ntawm no yog daim patron , Muaj xub ntiag , nrab qaum , Sab tes , Lub ntsej coj dab ,




    Thaum txiav tau daim ntaub lawm ces muab coj los xaws ua lub tsho



    Ntawm no muab ib txoj ntaub dawb coj los xaws rau ib sab ntsej caj dab



    Thaum xaws tau lawm ,Muab 2 sab coj los xaws ua ke , Thiab muab ntxeev los rau sab zoo nkauj
    ces coj los dhos rau lub tsho caj dab ,Ces muab xaws rau lub caj dab tshos ,



    Nov yog daim ntaub yuav coj los ua daim tiab ,
    Nov twb yog nws ntev ntev es kuv muab quav ua 2ya lawm xwb ,
    nws yog 1 daim ntev ntev xwb .



    Thaum uas muab daim ntaub coj los xaws tau ua daim tiab lawm



    2 daim ntaub rose no 1 khub yog Lub paj nyob ntawm xub ntiag 1 khub yog lub paj ntawd nrab qaum duav ,
    Xam los yog 4 daim 2 daim loj , 2 daim me .



    Thaum muab xaws ua tau lub paj lawm ces ,
    muab coj los lo rau lub tsho raws li nram no



    Tsam no ces xaws tau lub tso lawm lau !!
    Ntawm no ib sab yog ntawm xub ntiag ( Devant )



    daim duab no yog nrab qaum ( Dos )


    Ntawm no yog ib xim Xiav thiab liab .



    Thaum xaws tiav lawm ces zoo li no lawm os .


    Thaum hnav lawm zoo nkauj npaum li no tiag ,
    Tus me ntxhais no yog kuv tus me xeeb ntxwv
    Hu ua OCEAN TCHA Nws Yuav muaj 7 xyoo rau lub 12 -2 -2010 no



    Tus me ntxhais no nws nyiam heev li ces nws thiaj xub hnav ua ntej nws tua niam hluas lawm ,

    avatar
    NkaujNag
    Member
    Member

    Messages : 80
    Date d'inscription : 2010-03-11

    IB TUG NIAM TSEV ZOO

    Post  NkaujNag on 7th April 2010, 4:28 pm

    Nyob zoo os , Lub me Tsev Ibtugniam tsev zoo .

    Ua li cas kuv mus ntev ntev lawm es kuv tsis khoom tuaj Xyuas Lub me tsev no li es Ua li cas nws yuav nphob ua luaj li os , Cov me niam tsev zoo es nej mus dua twg tag lawm na lod , Kuv tuaj ib leeg xwb es kuv nim cig tej me qab vag tsib taug mus txog qhov twg los ua li cas nim nphob xuav xwb os , Tuaj ma cov me niam tsev zoo es ,

    Nkaujnag .
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 28th May 2010, 1:12 pm






    Niam tsev li xeeb ceem




    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 28th May 2010, 1:16 pm





    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:29 am



    10 Yam Ntawm Tsev Tib neeg Zoo


    1. Lawv yeej muaj txoj kev cob qhia zoo dua
    2. Lawv yog cov es paub ntxub qhov phem
    3. Lawv nyiam cov tib neeg zoo ua lawv tej phoojywg xwb
    4. Lawv ua cov homphiaj uas yuav tau noj xwb
    5. Lawv yeej xub xub pab kom tau lawv tus kheej uantej tso
    6. Lawv yeej cuab pob ntseg thiab khaws tau cov lus zoo zoo mus ua neej
    7. Lawv ua dab tsi los xav kom tau ntsej tau muag
    8. Lawv yeej tsis nyiam hais tej lus dev lus npua ib zaug li
    9. Lawv yog cov ntaus thawj thiab tsis yog cov nyiam lawv kua
    10. Lawv hais dab tsi yeej yog dab tsi thiab yeej tshwm nyiaj txiag




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:35 am



    IB TUG NIAM TSEV ZOO YUAV TAU KAWM TAB DAB TAB QHUA




    "Nej tuaj lov. Zaum ma," peb Hmoob mas peb yeej ibtxwm hais li ntawv. Tej menyuam los peb yeej qhia kom lawv paub txais tos qhua; tsev tib neeg twg yog qhua tuaj txog es tsis paub hu ib los li tsev neeg ntawv tsis paub kev cai. Li tej laus hais, "..tibneeg coob los tsev tsis ti thiab siab tsis nqaim." Hais txog kev tam qhua, feem ntau peb cov laus, cov tib neeg muaj meej mom siab, cov paub kev cai, thiab cov muaj muaj phoojywg lawv yeej paub tam qhua dua. cov laus mas nyiam nyiam mus zeem tib neeg, caw tej qhua, thiab tej kwv tij los saib tsev. Thaum cov qhua txog ntua hauv tsev xwb mas peb yeej nyiam mus nqa dej los tam qhua, nrog lawv nyob tham, thiab nrhiav zaub nrhiav mov rau lawv noj li lawm. Qhov kev "tam qhua" no tseem ceeb heev li vim…


    * Vim peb xav hnov lawv tias peb yog tib neeg paub kev cai
    * Vim peb xav nrog peb cov ntsuab ze thiab tej phoojywg tham tiag tiag
    * Vim peb xav kom lawv nrog peb pw thiab so ib hmos
    * Vim peb xav kom lawv pom peb tsev thiab tsev tibneeg
    * Vim peb xav kom lawv tau chaw so thiab tsis hais peb plig
    * Vim peb xav kom lawv paub tias peb siab loj thiab tsis qiadub
    * Vim peb xav kom lawv paub tias peb nyiam qhua thiab nyiam phoojywg
    * Vim peb xav kom lwm zaug lawv rov tuaj saib peb dua

    Hais txog qhua mas nws muaj ob peb yam qhua. Ib co yog nruab ze xws li tej kwv tij neej tsa, ib co yog phoojywg, thiab ib co yog Hmoob qus qus es zeem tau xwb. Yog cov peb paub ces peb yeej nyiam tham txog kev noj qab nyob zoo, kev ua neej, laj kam, thiab tej me tub me nyuam ua ntej. Hos yog cov qhuas tshiab tshiab thiab qus qus no mas peb ho nyiam tham txog cajces, lawv yog pawg Hmoob twg, nyob teb chaws Nplog lawv nyob thaj tsam twg, ua li puas tau muaj tib neeg sib paub dua los, thiab yav tag los lawv ua dab tsi. Ces peb ho mus tham txog lawv tsev neeg, tej me tub me nyuam, thiab lwm yam.

    Kev tam qhua kom zoo zoo no mas nws kuj tsis yog ib qho yooj yim ua. Peb yeej tsis paub tias thaum twg qhua yuav tuaj li. Tej thaum yog yus caw lawv los saib yus; tej thaum tos nwm xwb qhua yeej tuaj txog ntawm qhov rooj li lawm. Vim li no, yus yuav tau npaj txhua lub sij hawm es thiaj tsis txaj muag. Yus yuav tau npaj kom muaj nyiaj txiag siv, zaub mov noj, dej haus, txiv noj, txaj chaw pw, phuam da dej, ntaub pua chaw, tog rau ncoo, qee sij hawm nrog lawv nyob, thiab nco ntsoov muab tej pam thiab tej ntaub pua chaw ntxhua kom tsw qab ntxiag. Peb tsis xav kom cov qhua mus txog tsev mus hais hais peb plig rau ub rau no. Peb txhua tug yeej xav kom tau lub koob npe zoo es lwm zaug cov qhua thiaj rov qab tuaj saib peb dua.

    Thaum kawg no, tsim nyog peb txhua tug yuav tsum paub txais tos thiab tam qhua; nws tsis yog ib qho koj kawm tau tom tsev kawm ntawv los. Nws yog ib qho yus kawm nyob hauv lub vaj lub tsev, kawm ntawm niam txiv los, thiab xyaum ua xwb. Feem ntau cov laus, cov nom tswv, cov paub kev cai, thiab cov muaj muaj phoojywg lawv yeej paub tam qhua dua. Ib qho koj lub neej yuav tsaug qhuas thiab thuam ces yog seb koj puas paub tam qhua xwb. Yuav tau npaj tos txhua lub sij hawm, vim thaum qhua tuaj txog ces lig lig lawm. Thaum qhua tuaj txog tsis zoo sib ceg, vim koj yuav txaj muag mus txog ntua hnub koj tso lub ntiaj teb no tseg. Ua siab zoo, thiaj muaj tib neeg poo. Paub tam qhua, lawv thiaj tuaj dua. Smile



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:39 am



    Tub Ntxhais Hluas Txoj Kev Ua Nkauj Ua ,Niam Txiv Yuav Tsum Paub Txog




    Nyob Los Tsuas Teb, cov hluas nkauj hluas nraug sib tham thaum niam thiab txiv pw tag lawm xwb. Cov tub hluas mus yos cov hluas nkauj uas lawv nyiam rau tom hluas nkauj tsev. Cov tub hluas nrog cov ntxhais hluas sib ntxhi ntawm qhov tsev. Qee zaum cov tub hluas tshuab raj tshuab ncas kom cov hluas nkauj hnov tias muaj hluas nraug tuaj lawm. Yog sib nyiam, hluas nraug mam li hais kom hluas nkauj tawm tuaj sib pom los muaj. Thaum muaj cov niam cov txiv nyob ntawd mas cov hluas yuav tsis lam sib tham ua ntxhwb ntxhiag li, tsuas yog tej lub caij xws li Tsiab Peb Caug. Thaum noj Peb Caug, cov tub ntxhais hluas pov pob thiab hais kwv txhiaj sib daj dee. Cov niam thiab txiv saib thiab pab lawv tej ntxhais xaiv vauv.



    Nyob ntawm teb chaws Asmesliskas teb chaws fabkis thiab cov teb chaws vam meej, kev ua nkauj ua nraug hloov lawm thiab ntxhais Hmoob yeej tham tau hluas nraug tau ntau tshaj qub, txawm niam thiab txiv thiab cov hlob nyob ntawd los xij. Kuj muaj ntau txoj kev ua nkauj ua nraug nyob teb chaws no. Thaum ib tug me nyuam muaj 12 xyoo, nws yuav tham xov tooj nrog lwm tus ntev ntev. Ib tug me nyuam twg mas yuav nrog phooj ywg sib tham heev rau hauv "computer." Lawv kuj yuav nrog phooj ywg ua ke ntau dua thiab. Li ntawd, qhov yus yuav tsum nrog nws tham thiab tsom kwm nws tej kev ua ub ua no.



    Ntxiv no yog tej tswv yim pab rau koj saib xyuas los yog tsom kwm koj tus me nyuam hluas txoj kev nkauj kev nraug:

    * Qhia tsev neeg txoj cai kom meej txog kev nkauj kev nraug.
    * Yuav muaj pes tsawg xyoo koj tus me nyuam hluas thiaj li zoo mus nrog hluas nkauj hluas nraug yos? Muaj tus tshawb pom tias cov ntxhais uas tham cov hluas laus zog lawm, yuav siv yeeb siv tshuaj thiab haus dej haus cawv thiab nyiam ua plees ua yi ntxov zog.
    * Txhob maj liam tias tsuav mus yos lawm xwb ces yog ua plees ua yi lawm xwb ntag; kev ua nkauj ua nraug kuj tsis yog ua plees ua yi xwb.
    * Paub tus tham koj tus me nyuam.
    * Paub qhov nkawv yuav mus thiab tias nkawv yuav mus ua dab tsi. Puas yog nkawv nrog ib pab ua ke mus los yog nkawv ob leeg xwb?
    * Txwv kom nkawv paub tias qhov twg, thaum twg thiab nkawv yuav mus ua ke tau npaum li cas xwb.



    Cov me nyuam hluas yeej xav paub kev ua nkauj ua nraug thiab kev sib hlub. Pab kom lawv to taub tias txoj kev sib hlub yog los ntawm kev sib ntseeg siab thiab sib txhawj. Mloog lawv thiab tsis txhob xav tias yus xav li cas ces yog li ntawd xwb. Kev ua nkauj ua nraug muaj cuab kav ua kom tus neeg ntawd lub siab loj, muaj cuab kav pab kom lawv xam pom tias lawv yog leej twg, thiab muaj cuab kav qhia kom lawv txawj nrog lwm tus sib haum xeeb tau.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:46 am



    KEV TSIM TXIAJ NYOB NTAWM TUS NIAM


    Luag tau ua thawj coj los vim luag poj niam siab loj
    Luag tau ua txoov kav los vim luag poj niam siab dav
    Luag tus txiv muaj hwj chim los vim luag tus poj niam muaj tswv yim
    Luag tus txiv tau ua txwj laus los vim luag poj niam yeej ntse txaus
    Luag tus txiv tsim txiaj los vim luag poj niam txawj thiaj
    Luag tus txiv raug luag nyiam los vim luag tus poj niam txawj tiam
    Luag mloog tus txiv lus los vim luag tus poj niam coj lus tus
    Luag mloog tus txiv hais vim luag poj niam tsis ua de v raws nkais
    Tus txiv hais luag yuav los vim luag poj niam tssi ua de v raws quav
    Tus txiv hais luag hwm los vim luag poj niam yeej ua twj ywm
    Tus txiv hais luag yuav los vim luag tus poj niam yeej tsis rhuav
    Luag tus txiv tau ua nom loj los vim luag tus poj niam txawj coj
    Vim luag nquaj luag thiaj tau noj los luag poj zoo luag thiaj tau kev txwj laus coj
    Vim luag nquag luag thiaj tau hnav los yog luag poj zoo luag thiaj tau kev txwj los tsav.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:48 am

    10 Yam Rau Cov Pojniam Hmoob Xav

    1. Nyob yav ntuj qub qab puag thaum ub, yog thaum muaj ib pluag qab noj, cov txiv neej yog cov xub xub noj ua ntej pojniam. Lawv muab cov phuas thiab cov nqaij zoo zoo noj tag es mamli tseg cov nqaij rog rog thiab cov kua rau tej pojniam haus ntse zaub ntse mov noj dog dig xwb. Qhov no nej cov pojniam xav li cas?

    2. Nyob rau yav ntuj qub qab puag thaum ub, thaum muaj qhua tuaj saib yus tsev neeg mas cov pojniam yog cov ua zaub ua mov khwv khwv tom lub qhov cub npaj pluag zaub pluag mov los tam qhua, tab sis lawv tsis tau noj koom tsum nrog cov txiv neej. Qhov no nej cov pojniam xav li cas?

    3. Nyob rau yav ntuj qub qab thiab nim no, cov pojniam mas yeej ua ob txoj hauj lwm tag mus li. Ib txoj yog ua cov hauj lwm sab nraud khwv nyiaj khwv txiaj, ib txoj yog ua hauv tsev ua zaub ua mov rau pab txiv tub noj. Cov txiv neej feem coob ces tsua yog nyob tos noj xwb. Qhov no nej cov poj niam ho xav li cas?

    4. Pojniam li ces yog thaum lub ncauj heev heev es tug txiv cam tsis yeej ces feem ntau yeej yog mag qws xwb xwb li. Lawv ua no kom pojniam paub hwm thiab paub ntshai tias lawv yog ib tug txiv neej tiag tiag. Qhov no nej cov pojniam ho xav li cas?

    5. Cov niam txiv yav thaum ub muaj cai muab peb cov ntxhais qhaib rau tug ub tug no txawm tug ntxhais tsis kam los qhuab yuam tuag nthi xwb vim lawv yog nej yug. Qhov no nej cov pojniam ho xav li cas?

    6. Peb tsis tag yuav txhawb cov ntxhais kom mus kawm ntawv qib siab li vim lawv yeej tsis nrog peb nyob ces nkim peb tej dag zog thiab nyiaj txiag xwb. Qhov no nej cov pojniam ho xav li cas?

    7. Peb cov pojnaim Hmoob ruam ruam li ces kav tsij muab yuav ua niam hlob niam yau kom tag. Muab menyuam coob coob rau lawv xwb ces lawv yeej khiav tsis taus thiab nrauj tsis taus peb li. Qhov no nej cov poj niam ho xav li cas?

    8. Niam txiv muab peb muag tuag thi rau tsev tib neeg Hmoob tov lawm ces txawm peb tug txiv tsis hlub peb, muab peb ntaus, thiab muab peb tsim txom npaum cas los peb yuav tsum ua siab ntev nyob thiab uv tiag uv tiag kom txog hnub tuag xwb. Qhov no nej cov pojniam ho xav li cas?

    9. Cov txiv neej mas tub tub nkeeg heev li. Tej thaum mas me nyuam los tsis nrog yus tu; zaub mov tsis nrog yus ua; vaj tse tsis nrog yus cheb; ib lo lus zoo yus tsis hnov; ib lub paj los yus tsis pom; ib pluag mov los yus tsis tau noj. Qhov no nej cov pojniam ho xav li cas?

    10. Cov pojniam mas tsis zoo mus saib niam tais, yawm txiv thiab cov dab laug ntsuj ntshis. Tsis zoo mus kom lawv pab yus ntau ntau; txawm mus lawm los lawv yuav yus ntuas kom rov qab los hlub tug txiv es twb yuav muab koj tua pov tseg xwb. Qhov no nej cov pojniam ho xav li cas?

    Zoo li peb cov pojniam Hmoob tseem khwv tshaj luag lwm haiv tib neeg cov pojniam sub. Yog peb cov pojniam Hmoob tsis paub sawv tiv thaiv peb tug kheej, peb tseem yuav raug cov txiv neej Hmoob tsim txom ntxiv. Peb yuav tau ua lub siab tawv, tsis txhob ntshai ntshai, thiab tsis txhob ruam ruam. Ntuj pub peb los muaj lub paj hlwb txawj xav, muaj lub peev xwm, yus yuav tau hlub yus tus kheej thiab mog. Tsis txhob nyob tos cov txiv neej muab nej quab yuam mus nkhib mus nkhaus xwb. Ua li nej yuav txom nyem pes tsawg tiam ntxiv? Nyob teb chaws Vam Meej ntawm nej tam sim no twb muaj kev vaj huam sib luag lawm, yuav tau siv txoj kev cai no los pab nej tus kheej. Tab sis thov tsis txhob siv txoj cai no ua phem rau cov txiv neej thiab mog.

    Thaum kawg no, peb cov txiv neej Hmoob nco ntsoov tias pojniam ces tsuas yog cov 'los pab thiab los txhawb' nej lub neej kom ciaj ncaig xwb. Tsis txhob muab lawv quab yuam li cov qhev.Tsis txhob hais tias nej hlub hlub nej tus pojniam es yuav lawv los ua qhev ua zaub ua mov noj thiab los yug menyuam xwb . Yog nej saib lawv tsis raug nqi, nej yuav tsis tau noj nqaij txhiab nqaij ci. Yog nej saib lawv tsis khuab qhov muag, nej yuav tsis tau lawv los puag. Yog nej tsis txhawb lawv kom lawv txawj lawv ntse, thaum kawg nej yog tug yuav puas koob puas npe.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:51 am







    HNUB NO KUV TUAJ PIAV TXOJ KEV "SIB SAU UA NEEJ" RAU NEJ


    KEV SIB YUAV

    Sib yuav: Txhais tau tias ob leeg zoo siab los sib koom ua lub neej nyob ua ke. Tsis yog tus txiv yuav tus niam xwb, tsis yog tus niam yuav tus txiv xwb. Nkawv ob leeg zoo siab los nyob ua ke. Coj nkawv ob lub siab los koom ua ib lub neej, koom ib lub cev hais ib lo lus, noj ib taig mov, pw ib lub txaj. Los tab cuab vij zeej.




    YUAV TXIV

    Yuav txiv: Txhais tau tias tus poj niam mus nrog ib tug txiv neej nyob lawm. Nws muaj tug, muaj txiv lawm, nws muaj tus saib xyuas nws lawm. Tus txiv mus them nqe tshoob rau tus poj niam niam thiab txiv lawm, muaj mej koob txhiaj com pom tias ua tshoob ua ko tag lawm. Tus poj niam nws zoo siab tso nws tsev neeg, neej tsav, nws niam nws txiv, neej nus, viv ncaus tseg nws los nrog tus txiv ua neej, los nrog koj nyob ua rau koj noj, los hlub koj tsev neeg, los ua koj xeem hmoob. Yog li kj thiaj yuav tau hlub nws tshaj qhov koj xav vim nws los ua koj tsev neeg lawm. Nws yog ib tug qhua koj mus xaiv los koj coj los nrog koj tsev neeg nyob. Nws tsis muaj leej twg hlub nws, yog tias koj tsis hlub nws. Nws tej neej tej tsav, tej niam tej txiv, tej neej nus yog qhua lawm xwb. Thaum nws rov mus txog tom lawv lub tsev, lawv tsis tau hu tias koj los lod. Lawv hu nws tias koj tuaj lod…….zoo nkaus li nws tsis yog lawv tsev neeg lawm txij hnub koj coj nws los nrog koj nyob lawm, nws pauv nws lub xeem los ua koj lub. Niam txiv nyiam yuav hlub npaum li cas, nco npaum li cas los lawv ua ib siab cia koj coj mus nrog koj nyob. Qhov ntawm no yog noob neej kev lis kev cai. Hmoob piv txoj lug tias tub yug rau hauv tsev, ntxhais yug rau saum qhua. Muab xav los txogo cov ntxhais tu siab heev. Yog vim txoj kev cai koj yug rau kuv, kuv yug rau koj xwb tsis li ces yeej tsis lam pub tus ntxhais mus nrog lwm tus nyob. Leej twg yug yeej mob leej twg siab, xav txog thaum me los txog rau hnub loj tiav nkauj, yeej tsis xav pub nws ncaim yus tsev neeg. Ib tug yug rau ib sab roob ib lub hav koj tsis paub kuv, kuv tsis paub koj, tabsi vim sib nyiam lawm.….piv tau tias koj yog nws tus tav. Muaj ntau zaus niam txiv yeej tsis tau paub tus tub li, koj tseem yog hmoob xwb tsis tau txheeb ze lawv qhov twg. Niam txiv yeej tsis tso siab rau koj coj lawv tus ntxhai ncaim ntawd lawv mus………Tabsi yog vim txoj kev cai thiaj ua ib siab lawm xwb.



    YUAV POJ NIAM

    Yuav poj niam: txhais tau tias tus txiv neej mus coj ib tug ntxhais lwm xeem los nrog nws nyob lawm. Hnub ntawd mus thiaj hu tau tias nws yuav poj niam los si muaj poj niam lawm. Nws coj ib tug ntxhais lwm xeem los nrog nws nyob. Nws yuav tau xyaum kom tus neeg ntawd kom ncawg nws tsev neeg, ncawg noj ncawg haus thiab cuab kwv tij. Tus txiv yuav tau qhia kom tus niam txawj ua yam lawv tsev neeg ua thiab lawv tsev neeg nyiam. Tus txiv lub hluas hauj lwm yog coj tus niam mus rau txoj kev zoo thiab hlub kom txaus li thaum nws mus ntxia. Yuav tsum txhob pub tus niam ntshaw luag tug. Qhov ntawd no yog tus txiv li dej num. Hnub nws muaj poj niam lawm nws yuav tau hloov nws tus cuj pwm hluas mus ua neeg laus.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:52 am



    by: LUBPAJZOO

    Nyobzoo os, tus me Ntxhais Siabzoo.

    Tau ntev heev lawm kuv tsis tau tuaj ntsib koj, vam tias koj yuav ntsib kev noj qab haus huv thiab no mog. Kuv tau hais tseg lawm tias kuv mam nrhiav sijhawm tuaj teb koj cov lus nug. Yog li hnub no kuv tuaj teb koj cov lus nug es txawm tias kuv hais tau tej lolus tsiv mloog thiab tsis haum koj siab los thov zamtxim rau Lubpajzoo mog.

    10 Yam Rau Cov Pojniam Hmoob Xav


    1. Nyob yav ntuj qub qab puag thaum ub, yog thaum muaj ib pluag qab noj, cov txiv neej yog cov xub xub noj ua ntej pojniam. Lawv muab cov phuas thiab cov nqaij zoo zoo noj tag es mamli tseg cov nqaij puv puv thiab cov kua rau tej pojniam haus ntse zaub ntse mov noj dog dig xwb. Qhov no nej cov pojniam xav li cas?

    Lus teb #1:
    Kuv xav tias yog yuav muab hais yav thaum ub los piv rau lub neej tiam no ces kuj yog vim lub neej thaum ub cov txiv tsa hwjchim dhau lawm xwb. Qhov zoo mas lawv yuavtsum faib sibnpaug vim tias cov niamtsev los lawv yeej sibzog nrog lawv tus txiv khwv. Ob leeg puavleej sibzog khwv thiaj tau txaus noj txaus haus. Yog li kuv xav tias cov pojniam thaum ub mas siab ntev thiab hlub lawv cov txiv dhau lawm os. Vim lawv muab lawv cov txiv tso rau qhov chaw siab. Lawv tsis tau noj los tsuav lawv cov txiv tau noj xwb ces yeej zoo lawv siab tshaj lawm. Yog cov txiv txawj xav ces twb tsimnyog lawv ua cov pojniam tsaug.
    Lub neej nim no mas vajhuam sibluag lawm. Cov niam muaj peevxwm los koom nrog cov txiv thiab faib sibnpaug lawm os.
    Lub neej nim no los ib txhia tseem coj tus cwjpwm thaum ub thiab. Feem coob yog cov tseem coj kevcai dabqhuas. Muaj ib rooj mov noj mas cov pojniam yeej rau mov rau cov txiv noj ua ntej tag pojniam mam los noj qub xwb. Peb sab Hmoob tseem coj li no yeej tsis tau hloov li. Cov hloov ces yog cov hluas hos cov laus tseem tsis tau hloov.
    Qhov zoo ces yus yog tus niam tsev lawm ces kev noj haus hauv lub vaj lub tsev yog yus ua tus tswj ntag. Npaj zaub mov kom ntau ntau ces thaum rau yuavtsum rau ib rooj rau cov txivneej hos rau ib rooj rau cov pojniam, hos rau ib rooj rau cov menyuam. Txog caij noj ces nyias noj nyias li mas thiaj tau sib npaug nawv.

    Hos cov ntseeg kevcai Church lawm lawv faib haum rau ob tog lawm os.

    Yog hais siab nej leejtwg lawm no thov zamtxim rau kuv nawv. Vim kuv tsuas hais raws li qhov kuv nyiam thiab xav xwb.

    2. Nyob rau yav ntuj qub qab puag thaum ub, thaum muaj qhua tuaj saib yus tsev neeg mas cov pojniam yog cov ua zaub ua mov khwv khwv tom lub qhov cub npaj pluag zaub pluag mov los tam qhua, tab sis lawv tsis tau noj koom tsum nrog cov txiv neej. Qhov no nej cov pojniam xav li cas?

    Lus teb #2:
    Lub neej thaum ub txhua tug yeej coj li ntawd ces txawm tias cov pojniam khwv khwv npaj pluas noj npaum licas los lawv yeej txaus siab hlo npaj thiab tsis xam khib tsis suav nqe zog li. Txawm lawv yuav yoo es cia lawv npaj qab qab rau cov txiv noj xwb los yeej zoo lawv lub siab lawm. Yog lawv yim txawj npaj qab thiab cov txiv yim nyiam noj ces yim zoo lawv siab xwb. Yog ibtug pojniam tsis coj li feem coob no coj ces nws twb raug luag thuam kiag lawm. Yog li cov pojniam thaum ub thiaj ua ib siab nyoo cov txiv.
    Qhov lawv tsis koom tsum nrog cov txivneej kuj yog vim lawv muab lawv cov txiv saib hlob thiab tseemceeb dua lawv. Cov txiv ntaud yog cov coj thiab cov ntaws thawj ces pojniam txhua tus yeej yuavtsum nyoo lawv tus txiv thiab coj raws feem coob coj.

    3. Nyob rau yav ntuj qub qab thiab nim no, cov pojniam mas yeej ua ob txoj hauj lwm tag mus li. Ib txoj yog ua cov hauj lwm sab nraud khwv nyiaj khwv txiaj, ib txoj yog ua hauv tsev ua zaub ua mov rau pab txiv tub noj. Cov txiv neej feem coob ces tsua yog nyob tos noj xwb. Qhov no nej cov poj niam ho xav li cas?

    Lus teb #3:
    Tsis hais yav thaum ub lossis nim no li, cov neeg uas khwv khwv nruab hnub thiab hmo ntuj ntawd ces yeej yog nws tus kheej yeej coj tau li ntawd xwb. Kuv li mas kuv hais tias tsis hais txivneej lossis pojniam li, haujlwm nruab hnub thiab hmo ntuj puavleej yog ob leeg li haujlwm. Tus txiv nws muaj nws haujlwm nruab hnub, nws muaj nws haujlwm hmo ntuj. Tus niam nws muaj nws haujlwm nruab hnub nws muaj nws haujlwm hmo ntuj. Yog koj paub tias yam haujlwm twg yog koj yam lawm ces koj yeej muaj haujlwm ua tsis hais nruab hnub lossis hmo ntuj li.
    Cov uas cia tus pojniam ua haujlwm nruab hnub thiab hmo ntuj huvsi es nws pw nyob tos noj xwb ces txawm nws yuav pes tsawg tus pojniam thiab muaj pes tsawg tus menyuam los nws yeej coj li ntawd. Nws lub neej ces yeej tsis txawj xav thiab tsis txawj hlub nws tus pojniam li. Cov coj li no es tsis pab nws tus pojniam ces ib kuj yog tim tus txiv siab phem. Ob ces kuj yog tus txiv tubnkeeg. Peb ces yog tus txiv tsis nyiam nws tus pojniam tiag es nws thiaj tsis xav pab. Yog nws coj li no ces zoo nws siab tabsis nws pojniam nyob kho siab khuav, tu siab nrho thiab ua lub neej ntshaw luag tej txiv nquag twj ywm rau nruab siab.
    Tej tug pojniam ces ntshaw ntshaw luag tej txiv nquag ces thaum kawg thiaj deev lausnraug es muab lub neej tsoo povtseg. Ib txhia pojniam uas tau txiv tubnkeeg lossis siab phem ces nws ua siab ntev uv thiab uv es thiaj muaj lolus hais tias, “Lam ua cav lwj sis ib kom txog hnub tuag,” no los mas cov vivncaus e….e…

    4. Pojniam li ces yog thaum lub ncauj heev heev es tug txiv cam tsis yeej ces feem ntau yeej yog mag qws xwb xwb li. Lawv ua no kom pojniam paub hwm thiab paub ntshai tias lawv yog ib tug txiv neej tiag tiag. Qhov no nej cov pojniam ho xav li cas?

    Lus teb #4:
    Kuv xav tias cov txiv coj li koj hais no ces yog cov txiv ua tsis ntse tsab ntse xwb os. Cov txiv phem thiab khav theeb xwb thiaj li tsim pojniam. Yog tus pojniam siab mos ces ua siab ntev nyoo kom txog hnub laus thiab txog hnub nws ib tsev menyuam lawm nws mam paub ces thaum no lub neej laus tag khiav los khiav tsis taus ces ua ib siab nyob hlub tej menyuam.
    Cov pojniam siab luv uv tsis taus ces yog tus txiv phem ces nws yeej kawg khiav xwb. Vim nws xav tias xum cia nws khiav es tsis xum cia tus txiv tua.
    Kuv kuj pom cov txiv tsim pojniam lawm thiab. Ib txhia ces tsim kom tuag, ib txhia ces tsim kom nyoo xwb no tabsis thaum kawg ces yog pojniam uv tsis taus ces pojniam khiav ces thiaj muaj sib nrauj. Ib txhia pojnim ces uv nyob vim tsis muaj neejtsa pab.
    Ib qhov teebmeem kuj yog vim tej laus muab tej menyuam sib yuam sib yuav xwb tsis muaj txojkev sibhlub. Thaum tus tub tsis nyiam tus nyab ces nws lam yuav vim tsis xav rhuav lub neej tabsis yeej tsis hlub tus pojniam kiag li. Tu siab kawg, yog leejtwg tau lub neej phem li no.


    Tej laus ib txwm siv lolus haistias, “Tub txawj ntxhais ntse” no ned. Tej no ces yog tub txawj ces nws tsuas kawm txawj xwb nws twb tsis ntse. Yog tus txiv twg ntse ces nws twb txawj pab nws pojniam menyuam es nws pojniam menyuam twb tsis muaj kev tu siab. Hos cov tub uas kawm txawj xwb tsis ntse ces thiaj yog cov yuav pojniam los tsim xwb. Yog pojniam ua txhuayam ces zoo, pojniam nroo thaum twg ces mag ncaws thiab muab nrauj kiag xwb los mas, cov vivncaus aw.


    5. Cov niam txiv yav thaum ub muaj cai muab peb cov ntxhais qhaib rau tug ub tug no txawm tug ntxhais tsis kam los qhuab yuam tuag nthi xwb vim lawv yog nej yug. Qhov no nej cov pojniam ho xav li cas?

    Lus teb #5:
    Yav thaum ub ces vim tej laus ntshaw nyiaj thiab ntshaw luag tus tes nquag los pab khwv. Yog pom leejtwg tus mentxhais tau zoo niam tau zoo txiv qhuabqhia es tus ntxhais nquag ces luag tuaj yeem muab nyiaj kuv phem muas luag tus ntxhais mus khwv rau luag. Thaum luag rho nyiaj tuaj muas lawm ces tej laus cia li muab tus ntxhais rau. Ib txhia ces vim yog phauj ntxhais thiab dablaug tub. Luag muab sib qhaib thaum yau yau tsis tau paub tab lawm. Hlob tuaj ces mus yuav luag los luag tus tub tsis hlub vim nws twb muaj hluasnkauj lawm thiab. Yog cov laus thaum ua tibzoo xav ces tej no yeej tsis tsim nyog ua li.

    Thaum ub kuv niam tus nus twb tuaj thov qhaib kuv rau nws tus tub tabsis vim kuv niam tsis kam ces nim no kuv thiaj tsis tau ua dablaug nyab, hehhee.

    6. Peb tsis tag yuav txhawb cov ntxhais kom mus kawm ntawv qib siab li vim lawv yeej tsis nrog peb nyob ces nkim peb tej dag zog thiab nyiaj kuv phem xwb. Qhov no nej cov pojniam ho xav li cas?

    Lus teb #6:
    Yog xav li tej laus hais mas txaus tu siab tshajplaws. Tsis xav yug los ua ib leej ntxhais rau yus niam yus txiv kiag li. Yog yam uas rov tau qab mus saum ntuj ces yuav rovqab mus es tsis thov los yug ua neeg ntiajteb li.
    Kuv xav mas vim tej laus thaum ub lawv tsis muaj kev kawm txawj ntse txaus. Lawv thiaj muab kev xam khib los coj rau tej ntxhais vim tus ntxhais yog tus mus ua neej rau saum luag. Yog li lawv thiaj tau txwv cov ntxhais li kev kawm es khwv nyiaj los xa tej tub mus kawm txujci vim cov tub yog cov yuav nrog niam nrog txiv nyob tuav lawv tej kevcai dabqhuas lawm tom ntej. Lawv coj raws kev xamkhib lawm lawv thiaj coj li ntawd. Tabsis tus puav uas lawv paub tias lawv yog ntuj neeg, lawv hais ntuj lus, lawv yug ntuj li menyuam, lawv yuavtsum hlub tej menyuam sibnpaug ces lawv yeej xa tej tub tej ntxhais huvsi mus kawm txawj kawm ntse kom txhua tus tau lub neej zoo nrog luag ua thiab.

    7. Peb cov pojnaim Hmoob tsis ntse tsis ntse li ces kav tsij muab yuav ua niam hlob niam yau kom tag. Muab menyuam coob coob rau lawv xwb ces lawv yeej khiav tsis taus thiab nrauj tsis taus peb li. Qhov no nej cov poj niam ho xav li cas?

    Lus teb #7:
    Kuv xav tias cov txiv tsev uas xav li no ces lawv yog cov tsis ntse lawm ntag. Peb pojniam Hmoob yeej tsis tsis ntse tabsis vim ntuj tso pojniam los tsim noob neej nrog txivneej ces txivneej thiaj saib tsis taus cov pojniam xwb. Txivneej yog cov tsis ntse es ntuj thiaj tso pojniam los pab tsa txivneej ua nej tabsis lawv tsis xav zoo lawv thiaj cem pojniam tsis ntse xwb.


    8. Niam txiv muab peb muag tuag thi rau tsev tib neeg Hmoob tov lawm ces txawm peb tug txiv tsis hlub peb, muab peb ntaus, thiab muab peb tsim txom npaum cas los peb yuav tsum ua siab ntev nyob thiab uv tiag uv tiag kom txog hnub tuag xwb. Qhov no nej cov pojniam ho xav li cas?

    Lus teb #8:
    Qhov no mas yog ib lolus phem muab pov rau cov ntxhais thaum nws mus yuav txiv nyob ntawm nws rooj tshoob cov lus ntuas. Vim tej laus tau ntuas thiab foom tej lus phem lus zoo ces yog tus txawj cais ces coj lus zoo mus ua neej, tus tsis txawj cais ces coj lus phem mus ua neej.
    Piv txwv li: “Koj ces zoo li yav cav taws uas tsuas muaj yuav muab tsij lawm hauv lub qhov cub xwb tsis muaj thau rovqab”
    Lawv yuavtsum muab tej lus ntawd los xauv kom yus mus ua neej thiaj rau siab ua yus lub neej tabsis yog thaum yus tau kev ti lawm, yus yuav tau nrhiav kev pab thiab luag thiaj pom qab pab yus.

    9. Cov txiv neej mas tub tub nkeeg heev li. Tej thaum mas me nyuam los tsis nrog yus tu; zaub mov tsis nrog yus ua; vaj tse tsis nrog yus cheb; ib lo lus zoo yus tsis hnov; ib lub paj los yus tsis pom; ib pluag mov los yus tsis tau noj. Qhov no nej cov pojniam ho xav li cas?

    Lus teb #9:
    Kuv ntseeg thiab pom lawm tias ib feem txivneej yeej coj li no tiag. Lawv yeej tubnkeeg thiab tsis pab nws tus pojniam li Nws nyob zoo li tus neeg tsaugzog tsim tsis nto. Thaum nws tsaugzog txaus thiab tsim nto ces nws pojniam twb muab lub cuabyig tsoo tawg tag ces thiaj poob rau lolus haistias, “Tsis pom dej dag siab tsis nqeg.”
    Peb cov ntxhais yog leejtwg tau lub neej zoo li no ces yog tus rub lub siab ntev nyob ces nws yuav uv tag nws sim neej. Yog nws tsis nyoo thiab nws tsis uv nyob ces thaum kawg lub neej kawg tawg xwb.
    Kuv xam pom tias tsis yog txivneej thiaj tubnkeeg xwb. Ib cov ntxhais los tubnkeeg kawg li. Tus txiv tsis hais ces zoo yog tus txiv nroo ces nrog sib ceg thiab twv ub twv no kom tus txiv swb. Tus txiv tsis xav muab nrauj povtseg ces ua ib siab uv thiab ua nws tus pojniam qhev ua zaub mov, tu menyuam, tu vajtse, ntxhua khaubncaws, thiab ua txhua yam haujlwm pojniam rau nws tus pojniam huvsi li. Muaj ib pluag noj haus los nws tus pojniam tsis los tab qhua li tseem cia qhua tuaj ua zaub mov thiab tu vajtse xwb.
    Yog li txojkev tubnkeeg no tsis yog tim cov txiv xwb tabsis tim tus neeg ntawd nws yeej xeeb tim tsis ras tsis xeev los ua neeg nquag xwb.
    Yog leejtwg nyob lub neej zoo li nqe lus nug #9 no ces nyuaj nyuaj ua lub neej laus li os.



    10. Cov pojniam mas tsis zoo mus saib niam tais, yawm txiv thiab cov dab laug ntsuj ntshis. Tsis zoo mus kom lawv pab yus ntau ntau; txawm mus lawm los lawv yuav yus ntuas kom rov qab los hlub tug txiv es twb yuav muab koj tua pov tseg xwb. Qhov no nej cov pojniam ho xav li cas?

    Lus teb #10:
    Yog tau ibtug txiv phem txhua yam thaum pib rau thaum xaus li uas nqe lus #1 txog #9 los saum no lawm ces tus siab ntev ces uv kom txog hnub ncaim lub ntiajteb no mus. Tus siab luv thiab uv tsis taus lawm ces nws thiaj khiav mus cuag neejtsa. Tabsis thaum mus ti rau neejtsa lawm yog lawv coj li koj nqe lus #10 no xwb ces tu siab hlo sim neej no ntshe yog yus tiam ntawv los rau neeg tsim xwb os, Me Ntxhais Siabzoo.
    Yog cov neejtsa zoo ces luag yuav tag qab taug ntsis. Luag yuav nug ib qhov zujzus tuaj seb tus ntxhais puas yog tus phem. Yog thaum lawv nug tag, yog lawv tus ntxhais yog tus muaj feem phem nyob hauv thiab ces lawv muab nws yuam rovqab. Yog lawv nug hos lawv tus ntxhais yeej ua zoo txhua yam ces tsimnyog lawv pab lawv tus ntxhais kom nws dim txojkev tsaus ntuj.
    Kuv paub tias ib txhia luag tsis nug paus ntsis ces muab tus ntxhais yuam rovqab mus rau luag tsim tuag kus li. Vim li no es peb ib txhia ntxhais thiaj ua lub neej kho siab zim losmas lawv aw…. Tu siab ua luaj….

    Thaum kawg no kuv thov hais rau peb cov ua niam lawm, yog leejtwg tus ntxhais poob rau qheb no lawm, thov mloog nws tej lus thiab thov nug nws moo es txhob cia nws nyob tsaus ntuj nti mog.

    Zoo li peb cov pojniam Hmoob tseem khwv tshaj luag lwm haiv tib neeg cov pojniam sub. Yog peb cov pojniam Hmoob tsis paub sawv tiv thaiv peb tug kheej, peb tseem yuav raug cov txiv neej Hmoob tsim txom ntxiv. Peb yuav tau ua lub siab tawv, tsis txhob ntshai ntshai, thiab tsis txhob tsis ntse tsis ntse. Ntuj pub peb los muaj lub paj hlwb txawj xav, muaj lub peev xwm, yus yuav tau hlub yus tus kheej thiab mog. Tsis txhob nyob tos cov txiv neej muab nej quab yuam mus nkhib mus nkhaus xwb. Ua li nej yuav txom nyem pes tsawg tiam ntxiv? Nyob teb chaws Vam Meej ntawm nej tam sim no twb muaj kev vaj huam sib luag lawm, yuav tau siv txoj kev cai no los pab nej tus kheej. Tab sis thov tsis txhob siv txoj cai no ua phem rau cov txiv neej thiab mog.

    Lus teb:
    Yeej muaj tseeb li koj hais tias ntuj twb pub peb los muaj lub paj hlwb txawj xav, muaj lub peevxwm zoo los hlub niam hlub txiv, hlub kwv hlub tij, hlub me tub me ntxhais thiab qhov tseemceeb tshaj yog kom txawj hlub nws tus txiv. Txawm yog li ntawd es peb cov pojniam thiaj nyoo nws tus txiv tshaj vim txojkev hwm thiab txojkev hlub xwb. Qhov peb khwv tshaj peb tsis suav peb tej nqe zog es peb yeej txaus siab hlo ua txhuayam ces twb yog vim peb ntshaw txojkev hlub los ntawm peb tus txiv loj tshaj. Thiab qhov peb uv taus tshaj ces tsis yog peb tsis ntse tshaj peb tus txiv tabsis twb yog peb ntse tshaj lawm peb thiaj uv taus. Yog tias peb tus txiv muab nws lub pajhlwb txawj xav ntawd tig los kom nyob yog chaw ces nws twb yog tus yuav tsum ua tus niam tsev tsaug vim tus niam tsev yog tus los txhawb nws lub neej thiaj zoo.
    Kuv xav hais ntau tabsis txawm hais ntau npaum licas los yeej tsuas xaus rau lolus “HLUB” xwb ces cia kuv muab xaus li no; Thov Hlub Tus Neeg Nws Hlub Koj thiab mog.
    Lolus zoo txhawb zog yog tawm hauv nruab nrog nruab siab los..., yog koj ua tibzoo mloog koj yuav paub txog lub tseem ntsiab..., cov lus txhawb zog yuav kho tau koj nploojsiab.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 11:58 am



    BY: HMOOB NTUJ QUBQAB

    Luag tau ua thawj coj los vim luag poj niam siab loj
    Luag tau ua txoov kav los vim luag poj niam siab dav
    Luag tus txiv muaj hwj chim los vim luag tus poj niam muaj tswv yim
    Luag tus txiv tau ua txwj laus los vim luag poj niam yeej ntse txaus
    Luag tus txiv tsim txiaj los vim luag poj niam txawj thiaj
    Luag tus txiv raug luag nyiam los vim luag tus poj niam txawj tiam
    Luag mloog tus txiv lus los vim luag tus poj niam coj lus tus
    Luag mloog tus txiv hais vim luag poj niam tsis ua de v raws nkais
    Tus txiv hais luag yuav los vim luag poj niam tssi ua de v raws quav
    Tus txiv hais luag hwm los vim luag poj niam yeej ua twj ywm
    Tus txiv hais luag yuav los vim luag tus poj niam yeej tsis rhuav
    Luag tus txiv tau ua nom loj los vim luag tus poj niam txawj coj
    Vim luag nquaj luag thiaj tau noj los luag poj zoo luag thiaj tau kev txwj laus coj
    Vim luag nquag luag thiaj tau hnav los yog luag poj zoo luag thiaj tau kev txwj los tsav




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 6th June 2010, 12:14 pm

    By: Lubpajzoo

    Posted 03 November 2008 - 04:23 PM


    Nyobzoo os, niamlaus Koojziagkabzaug, me ntxhais siabzoo, thiab me Hmoob Ntuj Qub Qab,

    Tos tias tus niam tsev zoo ho ua tau ibtug zoo niamtsev los twb vim yog nws lub siab quab yuam nws ua zoo. Nws lub siab yeej tsis pub nws so ib chim los ib tsam li yeej ua haujlwm tavyeev rau tom ub tom no yeej tsis tau so. Nws lub me dag zog nws yeej tsis khuvxim tsuas yog tias nws ua tag li qhov nws teev tseg mas nws mam hnov nws lub me qab xib taws mob ncus nco los nws tseem twb tsis nrhiav chaw so. Nws nim siv siv zog khwv twb noj tsis tag haus tsis nqeg los nws lub me siab twb tsis tso nws tseg es nws twb tsis pom nws yog ibtug zoo niam tsev. Nws khwv khwv nruab hnub hmo ntuj rau nws tus me naib txiv, tej me nyuam, tej kwvtij, tej txheebze, thiab tej phoojywg es nws twb tsis muab ib feeb los txhawj txog nws txojsia kiag los nws twb tsis pom nws zoo es nws tseem pom luag txojkev nroo.

    Vim nws lub siab, nws tus yeebyam thiab tus yamntxwv zoo ces nws dhau mus ua ibtug me ntxhais siab zoo. Thaum tswv ntuj pom tias nws yog ibtug mentxhais siabzoo heev thiab nws mloog lus heev lawm ces tswv ntuj yuavtsum tso lub hwjchim ntawd rau nws tuav. Txhuayam zoo hauv nws lub neej ces nws yeej muaj pib thiab muaj xaus. Nws xav tau yam twg los yam ntawd yeej los nrog xav, nws lub me lajlim tswvyim ces yim ua zoo ces yim tawm qhov zoo rau nws ua, yim khwv los nws yim zoosiab, nws yeej tsis khuvxim nws lub zog kiag. Luag yim pom nws zoo ces nws yim siv zog pab luag thiab yim zoosiab ua qhov zoo xwb yeej tsis suav nws tej nqe zog rau luag mloog.

    Yog nws ua tsis txaus tej me myuam noj los nws lub siab twb xub mob, yog tagkis twg nws sawv tau lig vim nws tsis xis neej los nws lub siab twb tsis kheev. Tej menyuam tsis pub khaub hlab, Zaub mov ua pluas twg los twb xav kom yog pluas qab,
    Saib ntshis tus me txiv tej ris tsho tsis pub ntuag, liv nraim tej me ris tsho rau tus txiv hnav tsis pub luag lwm leej lwm tus thuam,
    Hlub tej menyuam hnia ntshis ntawm lub me plhu tsis hnov dhuav, tej menyuam tsis pub kom ib tus twg tshw txhiab thiab tsw quav,

    Abya..., neb twb hais txhij hais txhua lawm ces kuv mam piav kwvhuam rau neb mloog xwb os.


    ***************

    Ob niam tub txom nyem



    Thaum ub muaj ibtug ntxhais siabzoo thiab nquag heev. Nws yog ntxhais Hmoob tojsiab tsis paub ntaub ntawv tsuas yog txawj ua noj ua haus xwb. Nyob nyob muaj ib tug tub hluas tuaj yuav nws mus ua nyab. Thaum lawv tuaj ua tshoob us kos tab los tau peb lub hlis xwb ces tus niam pog twb tseev kom tus nyab lub cev ciali xeeb tub. Leej niam los hais rau nws tus me tub tias kom nws kavtsij tso tus me nyab muaj menyuam sai sai. Nkawv nyob uake tau ib xyoos ces tus nyab tsis muaj menyuam raws siab xav. Nws tsis muaj menyuam ces ua rau leej niam pog me siab. Nws txawm tabmeeg kho thiab nrhiav tshuaj los kho tus nyab. Kho tau ob xyoos los tus nyab tsis muaj menyuam li ces niampog nrhiav kev tsim tus nyab lub siab. Niampog ua txhuayam kev phem ciav tus nyab kom nws nyob tsis taus los nws uv thiab ua siab ntev tsis qhia nws tej kev chim rau leejtwg. Niampog lawv pib nrhiav nyabyau rau lawv tus tub thiab txw kom tus tub ua siab phem rau tus nyab. Lawv ua siab phem npaum licas los tus nyab tsis quav ntsej thiab tsis pub mob rau nws cev nqaij daim tawv rau lawv pom. Txawm hauv nws lub siab yuav mob cuag riam hlais los nws ua tiag uv tsis qhia leejtwg li.
    Muaj ib hnub tus nyab mus pw pem teb ces nws quaj quaj. Nws thiaj tsa ncauj thov nws niam yug nws vim nws niam tuag lawm. Nws niam thiaj los ua loojtsim rau nws hais tias nws niam hnov nws tej lus thov thiab pom nws tej kuamuag tag lawm. Nws niam thiaj thov lub ntuj xa ib tug me tub los rau nws. Tsis ntev ces nws txawm muaj menyuam thiab yug tau ibtug me tub. Nws muab nws tus me tub tis npe hu ua "Muaj Hmoo" no. Nws niam pog tsis nyiam ces cem cem tias ua cas npe zoo muaj ntau es nim yuav muab tus tub lub npe hu ua, "Muaj Hmoo" no xwb. Lawv cem thiab tsis nyiam tus nyab thiab nws tus me tub li. Tau ob xyoos tom qab no nws tsis muaj menyuam ntxiv lawm ces lawv cem cem nws tag zog. Lawv nrhiav tau ibtug nyab yau rau lawv tus tub yuav ua niamyau lawm ces lawv muab nkawv cais tsev. Tus nyab no nws coj nws tus me tub nrog nws mus ua neej nyob puag tim ntug zos. Nkawv ua neej nyob kho siab khuav ua lub neej nrog kua muag xwb tsis muaj neeg hlub nkawv li. Nkawv nyob tau kaum xyoo ces zaum no tus me tub hlob tuaj thiab pab tau nws niam lawm. Nkawv thiaj tsiv mus nyob tim ib lub zos tshiab nrog dua ib cov Hmoob tshiab nyob. Hmoov zoo heev rau lub sijhawm nkawv khiav los txog. Tus tswv zos tuaj xyuas nkawv ib niam tub thiab faib tau ib nkawm qaib rau nkawv mus chiv peev ua nkawv lub neej nyob dai luag qhua. Nkawv nyob tau ib xyoos ces nkawv khwv tau me ntsis nyiaj. Leej niam thiaj muab qhov nyiaj mus muas tau ib tug las npua los yug. Nkawv yug tus las npua ntawd tau ib xyoos thiab. Thaum yuav txog pebcaug ces leej niam thiaj los hais rau nws tus tub hais tias nkawv yug tau ib tug las npua xwb es yuav ua licas muab tus las npua ntawd tua noj. Thiab thaum muab tua tuag lawm yuav noj licas thiaj tag thiab yuav cia licas thiaj tsis tsw txhiab. Leej niam yeej paub lawm tabsis nws nug nws tus me tub seb tus me tub puas nrog nws paub. Tus me tub thiaj teb nws niam tias, " Kuv niad, wb twb tsis muaj kwvtij neejtsa li es yog wb tua wb tus las npua ntshe hau noj ib pluag tsis tag. Wb yuav muab hlais nqa los ntshe yuav qhuav tsis zoo thiab yuav tsw lwj vim noj tsis tag. Yuav muab cia licas los ntshe yuav cia tsis kav ntev kiag li os, kuv niad. Yog koj pom zoo thiab no ces cia wb mus hu tswv zos thiab cov kev txwj laus tuaj nrog wb tua wb tus npua es cia lawv tuaj nrog wb tseev ua rau peb txhua tus noj."
    Leej niam teb nws tus me tub tias, "Niam tus me tub siab zoo. Cas hnub no niam yuav pom nws lub siab zoo ua luaj. Nws hlob lawm tiag, thiab nws txawj xav ua luaj. Niam yuavtsum yuav li nws hais xwb tiaj tag."
    Ces tus tub nug nws niam tias, "Kuv niad, ces koj pom zoo lawm lod?"
    Nws niam teb tias, "Me tub, niam yuavtsum pom zoo xwb. Niam yug nws ib leeg xwb, nws xav tau li ntawd los yeej zoo kawg."
    Ces nkawv thiaj mus hais rau tus tswv zos thiab niam tswv zos tias nkawv muaj ib tug las npua xwb tabsis nkawv yuav muab tua noj es kom tswv zos pab hais rau cov kev txwjlaus tuaj nrog nkawv tua thiab nrog nkawv noj ib rooj mov ua kev zoo siab xa lub xyoo laus tos txais lub xyoo tshiab. Ces tswv zos thiaj ua li nkawv hais. Nkawv thiaj muab nkawv tus npua los tua ua rau neeg zej zog nrog nkawv noj ib pluag xwb tag du lug. Txij li mus ces nkawv nyob muaj kwv muaj tij, muaj neej muaj tsav muaj phoojywg coob zujzus lawm. Muaj neeg tu liaj tu teb ze ntug zos rau nkawv ua thiab lawv tuaj pab nkawv ua liaj ua teb, (sib pauv zog). Nkawv kev noj kev haus nyob tau kajsiab lug thiab leej niam muab cov qaib muag tau nyiaj heev. Nws thiaj khaws tau nws cov nyiaj ntau txaus mus yuav tswv zos tus ntxhais nkauj ntxawm rau nws tus tub yuav ua pojniam. Tomqab no nws tus me tub yuav pojniam tag ces nws mam nrhiav kev mus nrhiav nws txiv. Thaum nws mus nrhiav tau nws txiv, nws txiv quav quav yeeb thiab lub neej kaub kaub huam. Niamyau muaj ob tug ntxhais xwb tsis muaj ibtug tub li. Leej txiv quaj quaj ces tus me tub thiaj tos nws txiv los nrog nws thiab nws niam lawv nyob lawm.

    Hmmm...., kuv twb nrog nws quaj lawm os.

    Li no xwb, puas zoo thiab.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 9:45 am




    LUS QHIA

    rau cov niam txiv
    muaj menyuam kawm ntawv

    Nyeem thaum ntxov thiab nyeem ntawv xwm yeem. Kev nyeem ntawv thaum menyuam
    tseem yau yog lub sij hawm qhia kom menyuam nyiam nyeem ntawv rau nws lub neej yav
    laus. Nws yeej tsis yog tias ntxov heev rau kev nyeem ntawv rau koj tus menyuam! Cov lus
    qhia hauv qab no qhia tau tias txog qee txoj kev nyeem ntawv yam lom zem thiab yuav pab
    tau rau koj tus menyuam kom yog ib tug menyuam nyiam nyeem ntawv tau zoo. Sim ib
    yam ib lub lim piam. Saib seb qhov twg yuav pab tau koj tus menyuam.


    ■ Nyeem Ntawv ua kev txhua hnub.

    Nyeem ntawv rau koj tus menyuam txhua hnub.
    Siv lub caij no ua lub sij hawm nyeem ntawm
    yam sov siab thiab qhia rau nws tias koj hlub
    nws thiab puag nws thaum neb ob leeg nyeem
    ntawv ua ke.

    ■ Tis npe rau txhua yam.

    Pab kom koj tus menyuam paub lus ntau ntxiv
    yog los ntawm kev tham txog tej yam nws nyiam.
    Piv txwv, “Saib lub dav hlau! Ntawd yog dav hlau
    cov tis. Koj xav tias yog vim li cas thiaj hu ua tis?”

    ■ Qhia rau nws tias koj nyiam nyeem
    ntawv heev.

    Qhia rau koj tus menyuam tias koj nyiam nyeem
    ntawv ua ke nrog nws heev li. “Nyeem Ntawv
    dab neeg” yog lub sij hawm koj nyiam tshaj
    plaws.

    ■ Ua koj lub suab li koj nyiam nyeem

    ntawv heev.
    Nyeem ntawv nrog koj tus menyuam yam lom
    zem. Siv cov suab kom ntxim siab. Hais kom
    nws xav mloog.

    ■ Paub muaj caij tsum.

    Tso ntawv tseg me ntsis yog tias koj tus
    menyuam tsis xav mloog lawm los sis tsis
    muab siab rau mloog koj nyeem ntawv lawm.

    ■ Nrog nws ua si.

    Nrog nws tham seb zaj dab neeg koj nyeem
    ntawd hais txog dab tsi, cov ntsiab lus ntawm
    sab ntawv koj nyeem, thiab nug nws.

    ■ Nyeem tas los nyeem dua.

    Kav tsij nyeem koj tus menyuam phau ntawv uas
    nws nyiam tshaj plaws thawj 100 zaus! Puav leej
    hais txog kev sau ntawv rau. Qhia rau koj tus
    menyuam tias peb nyeem ntawv sab laug rau
    sab xis thiab qhia tias cov lus sib nrug.

    ■ Qhia txog txhua qhov muaj ntawv sau.

    Qhia nws txog cov ntawv uas koj pom ib puag
    ncig ntawm koj. Nug koj tus menyuam txoj yam
    koj paub tias nws yog lo lus tshiab thaum nej
    mus ua si.

    ■ Coj koj tus menyuam mus soj ntsuam.

    Nco ntsoov mus ntsib koj tus menyuam tus kws
    kho mob los sis xib fwb kom sai npaum li sai tau
    yog koj txhawj txog koj tus menyuam tsis paub
    lus zoo, kev tsis hnov lus, los sis kev tsis pom kev.

    Posted Image



    Ua si nrog tus niam ntawv, cov lus, thiab suab! Muaj kev lom zem nrog cov lus pab koj tus
    menyuam txawj nyeem ntawv. Cov lus qhia hauv qab no qhia tau tias txog qee txoj kev
    nyeem ntawv yam lom zem thiab yuav pab tau rau koj tus menyuam kom yog ib tug
    menyuam nyiam nyeem ntawv tau zoo. Sim ib yam ib lub lim piam. Saib seb qhov twg
    yuav pab tau koj tus menyuam.

    ■ Tham nrog koj tus menyuam.

    Nug koj tus menyuam kom nws qhia seb hnub
    ntawd nws kev kawm zoo li cas. Yaum kom nws
    qhia txog tej yam uas lawv ua, los sis seb lawv ua
    dab tsi thaum so.

    ■ Hais tej yam lus daig nplaig.

    Hu nkauj, nyeem cov lus taum huam, thiab hais
    tej yam lus daig nplaig. Tej yam no pab tau kom
    cov menyuam paub tob txog cov lus cov.

    ■ Nyeem thiab ua kiag.

    Cob koj tus menyuam cov lus nws nyeem nrog
    lub neej tiag. Yog nyeem phau ntawv txog tsiaj,
    piv nws nrog rau kev nej mus tom vaj tsiaj
    zaum tas los.

    ■ Siv koj tus menyuam lub npe.

    Qhia txog cov ntawv thiab suab. Hais, John, los
    lus jump pib ib yam li koj tus menyuam lub npe
    tus suab ntawv. John, jump. Thiab nkawd puav
    leej pib tib tug niam ntawv, J.”

    ■ Ua si nrog menyuam roj hmab.

    Siv roj hmab los ua si hais lus. Ua tus menyuam
    roj hmab hais tias, “Kuv lub npe hua uas Mark.
    Kuv nyiam cov lus uas raws kuv lub npe.
    Ua li park puas raws Mark? Ua li ball puas
    raws Mark?”

    ■ Kos thiab hais tus ntawv.

    Ua kom koj tus menyuam siv nws tus ntiv tes los
    kos raws tus ntawv thiab hais tus ntawv lub
    suab. Ua li no rau ntawm cov ntawv, xuab zeb,
    los sis phaj piam thaj.

    ■ Sau kiag cia.

    Npaj mem thiab ntawv rau koj tus menyuam coj
    los siv sau ntawv. Ua hauj lwm ua ke, sau ib sob
    lus los sis ob sob hais txog qee yam. Yaum kom
    nws siv cov ntawv thiab suab uas nws kawm
    tom tsev cob txuj.

    ■ Ua si siv suab.

    Xyaum muab suab coj los xyaw cov lus. Nug
    “Koj puas paub los lu no yog li cas? m-o-p Hais
    lub suab kom ntev zog li ib txwm hais.

    ■ Nyeem tas los nyeem dua.

    Kav tsij nyeem koj tus menyuam phau ntawv uas
    nws nyiam tshaj plaws thawj 100 zaus! Thaum
    koj nyeem ntawd, nres thiab nug koj tus
    menyuam tias zaj lus neb nyeem muaj dab tsi
    tshwm sim.

    ■ Tham txog ntawv thiab suab.

    Pab koj tus menyuam kawm txog cov npe ntawv
    thiab suab ntawv. Muab nws coj los ua si! “kuv
    xav tau ib tug ntawv thiab nws muaj lub suab
    mmmmmm.”





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 9:47 am



    LUS QHIA

    rau cov niam txiv
    ntawm cov menyuam Qib Ib



    Muab sij hawm rau koj tus menyuam nyeem ntawv kom ntau npaum li ntau tau. Yaum
    kom koj tus menyuam nyeem ntawv txhua hnub! Cov lus qhia hauv qab no qhia tau tias
    txog qee txoj kev nyeem ntawv yam lom zem thiab yuav pab tau rau koj tus menyuam kom
    yog ib tug menyuam nyiam nyeem ntawv tau zoo. Sim ib yam ib lub lim piam. Saib seb
    qhov twg yuav pab tau koj tus menyuam.

    ■ Txhob nrug koj lub tsev tsis muaj nws.

    Nco ntsoov nqa ib phau ntawv txhua zaum koj
    tus menyuam tau tos, xws li mus ntsib kws kho
    mob. Nco ntsoov nyeem ntawv!

    ■ Ib zaug tsis txaus.

    Yaum koj tus menyuam nyeem cov ntawv nws
    nyiam. Nyeem tas los nyeem dua pab tau kom koj
    tus menyuam nyeem tau ntawv ceev thiab meej.

    ■ Khawb kom tob mus rau zaj dab neeg.

    Nug koj tus menyuam txog zaj dab neeg koj
    nyuam qhuav nyeem tas. Hais qee yam xws li,
    “Koj xav tias yog vim li cas Klisfom thiaj ua li
    ntawd?”

    ■ Tswj lub T.V.

    Nws yog ib qho nyuaj kawg kiag yog sib tw nrog
    TV thiab nkees. Yaum kom menyuam nyeem
    ntawv thaum khoo.

    ■ Ua siab ntev.

    Thaum koj tus menyuam xyaum cov suab txawv,
    muab sij hawm rau nws los xyaum. Qhia kom
    koj tus menyuam ua zoo saib thawj tus ntawv
    ntawm lo lus seb yog tus dab tsi.

    ■ Nrhiav phau ntawv kom haum.

    Pab koj tus menyuam nrhiav phau ntawv kom
    txhob nyuaj. Lub hom phiaj yog pab kom koj
    tus menyuam txawj nyeem ntawv tau zoo.

    ■ Ua si nrog lus

    Hais kom koj tus menyuam hais cov lus raws li
    pauv los ntawm mat mus rau fat mus rau sat;
    los ntawm sat mus rau sag mus rau sap; thiab
    los ntawm sap mus rau sip.

    ■ Kuv nyeem rau koj, koj nyeem rau kuv.

    Sib pauv nyeem thaum caij pw. Menyuam
    nyiam lub caij no nrog rau niam thiab txiv.

    ■ Ua twb zoo qhia koj tus menyuam.

    Thaum koj tus menyuam hais yuam kev, ua twb
    zoo qhia rau nws txog tus menyuam uas nws tsis
    nco pom los sis nyeem tsis raug. Cov menyuam
    thaum nyuam qhuav xyaum nyeem ntawv feem
    ntau kwv yees raws li thawj tus ntawv nws pom.

    ■ Tham, tham, tham!

    Nrog koj tus menyuam tham txhua hnub hais
    txog tsev cob txuj thiab txhua yam ib ncig ntawm
    nej lub tsev. Nthuav tawm tej los lus ntxim siab
    nrog zaj lus ntej sib tham, thiab cov lus nej sib
    tham yad dhau los.

    ■ Sau, sau, sau!

    Nug kom koj tus menyuam pab sau cov khoom
    kav khw, daim ntawv ua tsaug rau pog, los sis
    sau tej yam tshwj xeeb uas tshwm sim ntawm
    tsev. Thaum sau, txhawb kom koj tus menyuam
    siv cov ntawv thiab suab uas nws kawm pem
    tsev cob txuj.


    Posted Image

    *****************

    LUS QHIA

    rau cov niam txiv
    ntawm cov menyuam Qib Ob

    Nrhiav kev los nyeem ntawv, sau ntawv, thiab hais dab neeg ua ke nrog koj tus menyuam.
    Nco ntsoov qhuas koj tus menyuam uas txawj nyeem ntawv thiab sam sim xyaum sau
    ntawv! Cov lus qhia hauv qab no qhia tau tias txog qee txoj kev nyeem ntawv yam lom zem
    thiab yuav pab tau rau koj tus menyuam kom yog ib tug menyuam nyiam nyeem ntawv tau
    zoo. Sim ib yam ib lub lim piam. Saib seb qhov twg yuav pab tau koj tus menyuam.


    ■ Piav txog tsev neeg.

    Menyuam nyiam mloog tej yam tshwm sim txog
    lawv tsev neeg. Hais txog tej yam lom zem thiab
    tshwm sim thaum koj tseem yau.

    ■ Tsim cov coob yeej sau ntawv.

    Nrhiav ib lub kav kom muaj tej cuab yeej kos
    duab thiab sau ntawv. Nrhiav txhua lub tsam
    thawj kom koj tus menyuam tau sau ntawv, xws
    lis daim liv kav khw, daim ntawv ua tsaug, los
    sis daim khaj hnub yug.

    ■ Ua koj tus menyuam tus fees #1.

    Nug koj tus menyuam kom nyeem ntawv nrov
    txog tej yam nws kawm nyob rau tom tsev cob
    txuj. Ua twb zoo mloog kom zoo.

    ■ Ib zaug ntxiv txog kev hnov.

    Thaum koj tus menyuam hais tau tej lo lus
    txawv, hais kom nws rov nyeem kab lus ntawd
    dua. Feem ntau menyuam yaus nrhiav cov lus
    lawm nyeem ua rau lawv tsis nco qab cov lus lub
    ntsiab lawv nyuam qhuav nyeem.

    ■ Caw cov kws sau ntawv tuaj hauv chav.

    Nug ib tug kws sau ntawv tuaj mus hauv koj tus
    menyuam chav kawm txog kev sau ntawv.
    Menyuam yaus feem coob xav tias lawv tsis ntse
    yog tias lawv sau tsis tau ib zaj lus thaum lawv
    xyaum thawj zaug.

    ■ Tsim ib phau ntawv ua ke.

    Tais cov ntawv nruab nrab thiab siv koob los
    tom ua ke ua phau ntawv. Hais kom koj tus
    menyuam sau sob lus rau ib sab thiab kos cov
    duab raws li nws xav.

    ■ Tsim dab neeg ua ke.

    Sib tham txog tej zaj dab neeg ua ke thaum neb
    caij tsheb los sis npav. Sim ua kom zaj dab neeg
    txaus luag los sis txaus ntshai.

    ■ Piav txog cov lus kev sib ze.

    Qhia txog cov zaj lus kev sib ze thiab lub ntsiab
    lus. Qhia txog tias los lus zoo li knowledge, piv
    txwv, muaj feem ze nrog lo lus know.

    ■ Siv daim liv sau ntawv.

    Qhia kom koj tus menyuam tsim daim liv kos
    nrog daim ntawv ceeb toom xws li, “Sau kuv cov
    sob lus kom tiav pib nrog tus niam ntawv loj?
    Yes/No.”

    ■ Ceev, ceev.

    Siv cov lus tshiab koj tus menyuam nyuam
    qhuav kawm tshiab tshiab. Qee zaum cov no
    yuav pab tau koj tus menyuam cim tau cov lus
    nws tau nyeem dhau los, tshwj zeeb tshaj yog
    cov nws siv xwm yeem.

    Posted Image



    LUS QHIA

    rau cov niam txiv
    ntawm cov menyuam Qib Peb


    Nyeem txog nws, tham txog nws, thiab xav txog nws! Nrhiav kev los pab kom koj tus
    menyuam to taub, lub hom phiaj tseem ceeb ntawm kev xyaum nyeem ntawv. Cov lus qhia
    hauv qab no qhia tau tias txog qee txoj kev nyeem ntawv yam lom zem thiab yuav pab tau
    rau koj tus menyuam kom yog ib tug menyuam nyiam nyeem ntawv tau zoo. Sim ib yam ib
    lub lim piam. Saib seb qhov twg yuav pab tau koj tus menyuam.


    ■ Qhia tias ntawv yog yam tshwj xeeb.

    Tig kev nyeem ntawv mus ua ib yam tshwj xeeb.
    Coj koj cov menyuam mus tom txhab ntawv, pab
    kom nws muaj nws daim khaj txhab ntawv,
    nyeem rau lawv, thiab muas ntawv ua khoom
    plig rau lawv. Nrhiav kom muaj ib qho chaw cia
    ntawv nyob hauv koj tsev.

    ■ Ua kom lawm nyeem lwm phau.

    Nrhiav kev los yaum kom koj tus menyuam mus
    nyeem lwm phau ntawv. Cob nws mus nyeem
    cov ntawv xws li the Boxcar Children or Harry
    Potter los sis tus kws sau ntawv neeg nyiam los
    sis nws tus neeg txhab ntawv kom nws pab qhia.

    ■ Qhib phau ntawv txhais lus.

    Ua kom koj tus menyuam pom koj siv phau
    ntawv txhais lus. Hais, “Hmmm, kuv tsis paub
    tias los lus ntawv txhais li cas ne… cia kuv sim
    saib seb.”


    ■ Tham seb koj pom thiab ua dab tsi.

    Tham txog txhua yam txhua hnub los pab kom
    koj tus menyuam paub nws cov lus, uas nws
    tseem ceeb heev txog kev mloog thiab kev nyeem
    ntawv. Ua tej zam kom sib raws xws li ua zaub
    ua ke, mus xyuas tej chaw tshiab, los sis tom
    qab saib TV.

    ■ Thawj zaug yeej nyuaj.

    Yaum koj tus menyuam thaum sau ntawv. Ncov
    ntsoov qhia nws tias kev sau ntawv muaj feem
    cuam txog ntau theem. Tsis muaj ib leeg twg uas
    sau thawj zaug xwb zoo lawm.

    ■ Ib qhov qhia txog ib yam txawv.

    Nyeem ntau yam ntawv kom koj tus menyuam
    pom thiab paub txog ntau yam kev sau ntawv.
    Ib txhia menyuam, tshwj xeeb tshaj cov tub, tsis
    nyiam ntawv dab neeg cuav.

    ■ Qhia koj tus menyuam “siv tswv yim.”

    Qhia koj tus menyuam txog kev xab luv sob lus
    los sis kev kwv yees yav pem suab txog qee yam
    yuav tshwm sim. Ob yam no puav leej pab tau
    koj tus menyuam kev to taub thiab cim xeeb.

    ■ “Peb puas tau txog tod?”

    Siv lub sij hawm caij tsheb los sib tham. Tham
    txog tias jam txhais tias qee yam koj pleev rau
    qhaub cij thiab tsheb daig hauv plawv kev.
    Muaj pes tsawg lo lus txhais ib yam uas koj tus
    menyuam twv tau? Thaum menyuam lawv
    paub txog cov ntsiab lus ntau, lawv tsis muaj
    teeb meem nyeem ntawv.


    www.ColorinColorado.org
    Kev siv, tshuaj-raws cov xwm txog kev pab cuam cov
    menyuam xyaum nyeem ntawv Askiv thiab vam meej!





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 10:00 am



    ME NYUAM KOM NTSE NRUAB THIAB


    Hai Txog yog xav kom tus menyuam hauv leej niam plab txawj ntse yuav tau ua li nram qab no:

    1) Thaum koj tus poj niam muaj menyuam nyob hauv plab lawm, koj yuav tau cia koj tus poj niam nyob relax kom ntau thiab cias nws mloog music los yog saib ntawv. Thaum koj tus poj niam muaj menyuam lawm koj yuav tau nrhiav cov music slow los rau koj tus poj niam mloog thiab nrhiav cov ntawv nom tswv lo rau nws nyeem thaum zoo li no lawm tus menyuam nyob hauv plab yeej ua ib yam li tus niam thaum nej yug tau nej tus menyuam lawm nws thiaj li ntse thiab lub hlwb khiav zoo li tus niam.

    2) Yog nej tus poj niam muaj menyuam es nej ntau los yog nej ua phem rau nws ces nws chim heev tsi pub nws relax ces thaum tus menyuam nyob rau hauv leej niam plab los tus menyuam yuav tau txoj kev chim siab thiab tus siab li tus niam. Thaum yug tau tus menyuam lo ces tus menyuam yeej tsi ntse thiab siab luv luv siab phem phem li leej niam lawm vim tus txiv ua phem rau tus niam ces tus niam chim chim tsi muaj kev zoo siab ces thaum yug tau tus menyuam lo tus menyuam yeej phem ib yam li tus txiv ua rau tus niam tag.

    3) yog nej cov menyuam twb loj li 13 /14 xyoo lawm nej yuav ua li ca nws thiaj li rov los ua zoo thiab kawm ntawv zoo. yus xav kom nws kawm ntawv zoo li lub siab xav?.

    a) Koj yuav tau hai lus zoo zoo rau koj tus menyuam loj ntawd thiab ntau phooj ywg kom zoo heev nrog nws. Pab nws kom nws muaj muaj phooj ywg zoo nrog rau nws. yog nws zoo siab rau koj thiab ua txua yam rau nws thaum kawg nws thiaj li ua li koj hai thiab rau siab kawm ntawv yog li no cov tub txawj ntse khoob khuab tau tej kev txawj ntse no rau rau peb cov hmoob tau kawm tau siv kom cov menyuam yug los kom txawj ntse.

    Kawg no cov lus no muab lo ntawm Duas Hawj Hmoob Xov Tooj cuas Nrhov Thoob Qab Ntuj.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 10:15 am


    By: Maypaj
    Posted 19 January 2009 - 02:15 PM


    muaj 6 hom txiv neej nyob hauv hmoob lub neej.


    1. Hom thib ib yog hom nyiam kev lis kev cai: nyiam cuav zos, paub kev lis kev cai, pab kwm tij neej tsa (tus no mas nws zoo siv pab kev lis kev cai thiab mus nrog pauj qhua) tus txiv no kuj ua hluas kawg li thiab.

    2. Hom thib ob yog hom nyiam ua thawj coj, nws nyiam laj nyiam kam, nyiam nrog cov hlob, nyiam koom rooj sab laj, nyiam siv ntaub ntawv, nyiam ua tus qhuab ntuas luag. Nyiam ua tus thawj nkaus xwb. (Tus no mas yog muaj noj muaj haus nws hnav zoo tuaj nyob tos noj xwb) yog nws tsis tuaj lawv yeej tsis noj lawv rooj mov. Tus no ua hluas heev.

    3. Hom thib peb yog hom nyiam sport thiab out door: Hom txiv neej no mas tsis pab poj niam li, tsaus ntuj zus xwb nws npaj mus ntaus pob, ncaws pob los si yuav mus nus ntses, mus tua nas los yog tso qaib sib ncaws lawm. Hom txiv neej no mas tsis pab poj niam li, tabsi cem poj niam heev txib thaum twg ces khia mus ua si, hais rau tus niam tias mam ua mam ua. Los tsis txawj ua li, hauj lwm tsis tiav li. (hom txiv no mas ua hluas heev thiab muaj sib cav sib ceg heev)

    4. Hom txiv neej tsis nyiam pab zej zog, tsis nyiam out door thiab in door sport dabtsi li. Nws tsuas paub mus nrhia nyiaj txiag los rau tsev neeg. Paub mus nrhia zaub rau tsev neeg noj, paub ua noj ua haus, tu me tub me nyuam nrog leej niam. Tabsi nws tsis hnav zoo. Hom no mas tus niam muaj ntsi ua siab phem vim tus txiv ruam dua los yog ua siab zoo cia tus niam ywj siab ces tus niam muaj ntsis take advantage ntawd tus txiv, saib tsis tshua taus tus txiv. Hom txiv neej no mas nws tsis ua hluas, yog poj niam ua phem ces nws tuag xwb. Luag txib nws thaum ua noj ua haus tabsi nws tsis tshuam tau zaum nrog luag koom lub rooj.

    5. Hom thib tsib yog hom luag hu tias ruam tsab ntse. Tus no mas nws nyiam hnav zoo thiab txib kuj tsis tau, nws coj li nws yog ib tug paub tab heev, nws coj li nws yog ib tug ntse heev. Nws tsis kam ua rau luag noj…..nws tos luag ua rau nws noj xwb. Tso rau nws ua los nws ua tsis tau tabsi nws muaj lub siab nyiam tsab zoo. Tus no kuj ua hluas.

    6. Hom thib rau no yog hom nyiam ua lag luam. Tus txiv no nyiam ua lag luam, txoj kev ua lag luam nws paub zoo. Nws tsis khoom pab kwv tij tabsi nyiaj txiag nws muaj. Hom txiv no nws kuj tham hluas nkauj vim nws muaj nyiaj ces muab nyiaj coj los ua kom hluas nkauj nyiam.


    Niam tsev yog lub pov haum




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 10:18 am



    Pojniam muaj 6 Hom raws li nram no






    1 /Hom 1 yog hom pojniam nyiam ua noj ua haus nyiam huv huv tu vaj tu tsev thiab cog paj zoo nkauj heev qhov txhia chaw nws nyiam pab tus txiv ( hom pojniam no mus qhov twg los nws nyiam tu nws lub cev du dais tsis tham hluas nraug tab sis nws xav kom txiv neej saib nws, nws nyiam tso dag nrog txiv neej thiab nws cov txheeb ze )

    2 /Hom 2 yog hom pojniam nyiam ntaus npas ncaws npas nyiam ua si dhia rau ub rau no hom pojniam no mas tsis tshua pab tus txiv ntau xav tawm rooj noj tom lab ntau xwb, nws kuj tu nws lub cev zoo thiab sexy ( hom pojniam no mus qhov twg muaj ntsis plees xav tham hluas nraug )

    3 /Hom 3 yog hom pojniam tsis nyiam tawm rooj tsis mus cuav zos, hom no mas nws yuav tus txiv lus thiab tsis tu lub cev ntau, hnav pog laus ntau xwb, tus txiv kom hnav tiab luv los nws txaj txaj muag tsis kam hnav ( hom pojniam no siab ntev dua tab sis tswv yim tsawg tus txiv xuam laim tau tawm rooj ua hluas ntau)

    4 /Hom 4 yog hom pojniam tsab ntse mus qhov twg mas xav kom tus txiv nyoo nws ntau xwb cav ncauj cam thawj, muaj ib pluag noj mas yeej tsis tshua pab leej twg nws yeej xav nrog tus txiv zaum rooj nrog luag ntau , tus no mas hnav khaub ncaws zoo thiab tha khob piab coj saw kub ntau ( hom pojniam no siab luv thiab ua tau niam tiam sis tus txiv pheej tsis tau kev tawm)

    5 /Hom 5 yog hom poj niam txawj ntse thiab tau hauj lwm zoo nws nyiam khwv ntau tshaj qhov nws tu me tub me nyuam nws hnav thas mav das xwb ( hom pojniam no siab ntev thiab tab sis xav tham hluas nraug yog nws ntsib tus twg hais lus zoo rau nws)

    6 /Hom 6 yog hom pojniam nyiam hnav sexy heev, tawm rooj qhov twg mas xav tham hluas nraug yog tus txiv tsis nyob ze nws mas nws yeej tsis qhia tias nws muaj txiv nws kuj nyiam ua noj ua haus ( hom pojniam no siab ntev tab sis tsis tshua txawj xav pes tsawg )

    Txawm li cas los poj niam txawv txiv neej . Poj niam muaj kev ntshaw ntau tshaj txiv neej. Tabsi poj niam tsis muaj choice lawv tau lub neej lawm, lawv ua ib siab nrog tus txiv nyob. Lawv yoog tus txiv, tus txiv coj li cas lawv ua li ntawd, tus txiv nyiam li cas lawv kuj ua li tus txiv nyiam. Lawv coj kom haum tus txiv siab hlub tej me nyuam tu thiab nrog tus txiv nyob kom kawg. Yog tau tus txiv tsis hlub mas lawv tu siab heev, lawv ua neej nrog lub kua muag yuav noj yuav haus los lub kua muag los. Poj niam yog ib cov siab muag ntshai tsam lub neej puas lub neej plam heev, lawv tsis xav ua tom neej thib ob tso me tub me nyuam rau ib qhov lub cev mus rau ib qhov. Thiaj piv tau tias phem thiab zoo los lam ua cav lwj sib ib. Thaum ub poj niam kev ntshaw yog ntshaw hlua kub, tooj npab kub thiab tau hnav zoo. Nim no lawv ntshaw kev hlub ntau dua nyiaj txiag.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 10:20 am



    KUV TU TSEV KOJ RHAUB DEJ



    Leej neeg ua neej nyob _____________________kev txhawj kev txob
    Npaum li nplooj ntoos_______________________xav kom tau lub neej zoo
    Yuav tu vaj tu tsev du dais___________________thiaj tsis ua hauv mob chaw nciav
    Ntov vaj ntov tsev kom muaj chaw____________thiaj tsis ua chiv los tu taw
    Txhob hliv kua tsi nraum taw rooj_____________thiaj tsis ua toj ua taug qhov chaw ncooj
    Rhaub dej haus yuav tsum tos dej npau________thiaj tsis ua zaj mob nyob dias hau
    Txhob cia vaj tsev sw qas tsawv______________thiaj tsis ua kab mob chaw faib nkawm
    Noj mov yuav tsum ntxhuav tais diav__________lub neej thiaj tsis qaug rau mob nciav
    Txhob noj haus raws lub siab maj_____________thiaj tsis ua zaj mob nyob puas ntsaj
    Yog nij daws ncauj tsis daws hniav____________ploj mob thiab ua caj li qhiav
    Txhob muab tais diav tso xyaws khaub ncaws___thiaj tsis ua kab mob chaw tsaws
    Nrom dej nruab cub txhob sua tsev____________plua tsauv plua av coj luag kev
    Txhob txum phaj qas lias nruab nkhob__________kev noj haus nyob chaw siab mob
    Dej tshuaj noj raws sij hawm_________________thiaj yuav raws kab mob tawm....




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 10:21 am



    IB LUB NEEJ


    Kuv me txiv leej tub.................tus tshua thiab hlub
    Pom koj thawj hnub..................ncauj tsis hais siab xav tau
    Leej twg me tub zoo nraug.........caj sais zim cev yiag ntxiag
    Tseem nco ntsoov cia................nruab siab tsis ploj tiag!

    Koj tsis soj kuv tsis haub............yog wb tseem yau
    Kawm txuj ci tsis tiav.................thiaj cog phooj ywg cia
    Koj pov hwm tiv thaiv kuv..........peb sib hwm sib ntoj sib thuv
    Kuv ntxiv nej tej ris tsho ntuag...nej ua kuv luv ntsej muag luag
    Peb lom zem xyiv fab luag ntxhi..yog thaum peb tseem nyob tid

    Lub ntuj tshoj teb tig...................sau wb los ua ib yig
    Koj los kav lub tsev....................kuv ua koj sev
    Nplooj siab nthuav ntsws.............qheb qhia rau koj paub nws
    Tias hlub koj ib leeg xwb.............ntiaj teb no tsis muaj leej twg
    Yuav tshuav ib qho chaw ............hauv kuv lub plawv...li lawm os!

    Lub pov haum uas wb khaws .......yog lub zoo tshaj plaws
    Qab ntuj neeg ntshaw heev..........ob leeg muab siab ceev
    Coj los ua lub neej tiag................nco ntsoov wb txwm kwv txhiaj
    Plees nkauj nraum zoo tas sim neej..Tsis muaj chim laj xeeb
    Ua neej kaj siab lug....tam Nkauj Ntsuab Nraug Nab nruab ntug...nas me hlub...!




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 8th June 2010, 10:32 am



    NIAM TXIV COV TXUJ NRHIAV LUB NEEJ ZOO





    Cov Txuj Ci ua Hauj Lwm

    Yog tias koj xav tias koj tsis tau muaj kev ua dua los li, ROV QAB XAV DUA!! Tej zaum koj yuav tsis tau muaj kev ua dua los li tom hauj lwm, tiam sis koj yeej muaj kev ua hauj lwm dua los lawm.

    Koj twb tau "ua hauj lwm” uas ib tug neeg tu vaj tse hauv tsev, ib tug neeg kawm ntawv, ib tug neeg ua hauj lwm pub dawb, hauv ib qho kev uas nyiam ua los sis lwm cov kev ua ntawm ntiag tug. Cov txuj ci uas koj siv rau cov “hauj lwm” yuav siv tau rau lwm cov hauj lwm thiab.

    Cov txuj ci hauv tsev

    * Xaws tshuab
    * Zov menyuam
    * Ua khaub ncaws
    * Tswj nyiaj txiag
    * Saib xyuas nuj nqi
    * Qhia cov kev ua ub no
    * Qhia ntawv
    * Kho kom zoo nkauj
    * Ntxhua khaub ncaws
    * Npaj khoom noj
    * Tawm tswv yim nrog lwm tus neeg
    * Paub zoo ib yam li lwm tus neeg
    * Khaws ntaub ntawv
    * Sib txuas lus nrog cov sab nrauv
    * Tawm tswv yim tshiab
    * Liv khaub ncaws
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuj ci txua ub no

    * Txhuam xuab zeb
    * Pleev yeeb yuj rau lub tsev
    * Ua tej tub
    * Muab ntoo ua tej yam zoo nkauj
    * Txuas ib qho dab tsi ntxiv
    * Tso tab rau vaj tse
    * Ua phab ntsa
    * Txua rooj tog
    * Tso rwb rau tej yam uas ua
    * Kho rooj tog kom zoo
    * Tus nyiaj txiag
    * Paub zoo ib yam li lwm tus neeg
    * Taw qhia cov neeg yuav khoom
    * Muag khoom
    * Sab xyuas nuj nqi
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuj ci tom chav ua noj

    * Npaj khoom noj
    * Ua zaub mov noj
    * Ntxuav tais diav
    * Ntxuav lauj kaub
    * Siv lub tshuab ntxuav tais diav
    * Npaj khoom noj
    * Saib khoom seb puas muaj lawm
    * Yuav khoom
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)
    * Teeb khoom
    * Ntiav neeg ua hauj lwm
    * Sab xyuas nuj nqi
    * Teem sij hawm
    * Qhia cov kev ua ub no

    Cov txuj ci tawm tswv yim nrog neeg tham

    * Tawm tswv yim hauv pab pawg (sau seb yog teeb meem dab tsi)
    * Tawm tswv yim nrog ib tug zuj zus (sau seb yog teeb meem dab tsi)
    * Kev qhia (cov laus thiab/los sis menyuam yaus, ua hauj lwm pub dawb los sis them nyiaj)
    * Ua hauj lwm sib cuam tshuam hauv laj fai
    * Sib tham tim ntsej tim muag
    * Cov kev pab qhia sau ntawv
    * Saib xyuas cov neeg siv cov kev pab
    * Qhia cov kev ua ub no
    * Teem sij hawm
    * Tawm tswv yim tshiab
    * Khaws ntaub ntawv
    * Sib txuas lus nrog cov sab nrauv
    * Tus neeg tshawb nrhiav
    * Hais lus rau cov neeg sab nrauv uas yus tsis paub
    * Tuav nyiaj
    * Sau ntawv qhia
    * Ua cov hauj lwm uas thaum muaj teeb meem loj tam sim ntawv
    * Lwm cov kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuj ci ua hauv vaj

    * Txiav nyom
    * Cog paj
    * Ua kom qab vaj tsib taug zoo nkauj
    * Yim ntoo
    * Cov txuj ci ua liaj ua teb (thov sau tag nrho koj cov txuj ci)
    * Xa ntoo
    * Ua vaj zaub noj
    * Cog ntoo
    * Tus neeg txua
    * Ua hauj lwm tom tsev cog paj
    * Muag khoom
    * Soj ntsuam
    * Ua liaj ua teb (sau cov txuj ci thaib cov tshuab uas koj siv tau)
    * Sib txuas lus nrog cov sab nrauv
    * Tuav nyiaj txiag
    * Taw qhia cov neeg yuav khoom
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuj ci hauv chaw nres tsheb (Garage)

    * Sam roj
    * Kho tsheb
    * Kev sib raug zoo nrog cov neeg tuaj kho tsheb
    * Hloov log tsheb
    * Kho tsheb
    * Kho tsheb uas puav me me
    * Lwm hom kev kho tsheb
    * Kho thiab soj ntsuam lub cav ntawm lub tsheb
    * Tuav nyiaj
    * Muag khoom
    * Tsav tsheb loj thauj khoom
    * Suav khoom
    * Teeb khoom rau ntawm txee
    * Qhia cov neeg yuav khoom
    * Sib txuas lus nrog cov sab nrauv
    * Muag khoom
    * Khaws ntaub ntawv
    * Tsav tsheb
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Kho ub no / cov txuj ci tu ub no kom du lug

    * Cheb plhau tshauv
    * Cheb tsev
    * Ntxuav tsev
    * Muab wax ua kom ci
    * Ntxuav qhov rais
    * Ntxhua cov ntaub hauv pem teb
    * Tu chav dej
    * Tshiav kom du
    * Txhuam cov roj toog
    * Kho kais dej
    * Kho hluav taws xob
    * Kho qhov rais
    * Kho tej yam ntoo puas
    * Sib txuas lus nrog cov sab nrauv
    * Tuav nyiaj
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuj ci tom chaw ua ub no

    * Hau hlau kom yaj
    * Ua hauj lwm dho ub no
    * Khiav tshuab (piv txwv li: lub tshuab tsoo, tshuab tua txiag ntoo, tshuab tshau, tshuab zom, txuas mus. Sau tag nrho cov uas koj paub siv)
    * Tauj hluav taws xob
    * Ua hauj lwm hauv chav teeb khoom
    * Tshem los sis thauj khoom
    * Suav khoom
    * Tswj cov kev ua zoo
    * Ntim khoom
    * Yuav khoom
    * Txuas hlau
    * Ua thawv
    * Muaj kev saib xyuas lwm cov neeg (hauv ib txoj hauj lwm, ib lub koom haum uas koj koom nrog, txuas mus)
    * Tu suav tej yam khoom me
    * Khaws ntaub ntawv
    * Teeb khoom rau ntawm txee
    * Qhia cov kev ua

    Cov txuj ci qhia

    * Sau cov hom phiaj sau ntawv
    * Tawm tswv yim tshiab
    * Sau thiab soj ntsuam cov sob tshau
    * Khaws ntaub ntawv
    * Sib txuas lus nrog cov sab nrauv
    * Sau cov lus qhia
    * Saib xyuas cov laus thib/los sis cov menyuam yaus hauv ib lub tsev kawm ntawv (koj saib xyuas kom lawv ua dab tsi?)
    * Teem sij hawm
    * Qhia cov kev ua
    * Tawm tswv yim nrog ib tug zuj zus (sau seb yog teeb meem dab tsi)
    * Tawm tswv yim hauv pab pawg (sau seb yog teeb meem dab tsi)
    * Ua kom chav kawm ntawv zoo nkauj
    * Qhia ntau hom kev kawm los sis cov koom txoos tshwj xeeb
    * Npaj cov kev ua uas muaj feem nrog rau cov niam txiv thiab cov neeg hauv zej zos
    * Ua hauj lwm nrog cov neeg laus thiab/los sis menyuam txawv (sau seb yog hom neeg tshwj xeeb twg)
    * Lwm cov kev saib xyuas lwm cov neeg (hauv ib txoj hauj lwm, ib lub koom haum uas koj koom nrog, txuas mus)
    * Teem cov ntawv ua
    * Npaj cov chaw nyiam hauv chav kawm
    * Cov txuj ci uas lub ce ua tau uas muaj feem hauv koj qhov kev qhia ntawv
    * Cov txuj ci toxg suab paj nruag uas muaj feem hauv koj qhov kev qhia ntawv

    Cov txuj ci ceev nyiaj txiag

    * Suav nyiaj txiag
    * Siv tshuab xam zauv (calculator)
    * Siv cov tshuab sib ntxiv
    * Suav cov nyiaj them mus
    * Suav cov nyiaj them tuaj
    * Them nyiaj ua hauj lwm
    * Se ntawm nyiaj tau
    * Ntaus ntawv
    * Xa nqi tawm
    * Tuav nyiaj
    * Khaws ntaub ntawv
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Tus neeg tsav cov tsheb loj thauj khoom

    * Tsav cov tsheb me thauj khoom
    * Tsav cov tsheb uas siv hom roj nyaum
    * Khuam thiab tshem cov tsheb cab ntawm lub cav
    * Tsav cov tsheb loj uas thaub qab mus rau ib qho chaw uas me me
    * Tsav tsheb hauv nroog loj
    * Tsav tsheb hauv kev (mus kev deb)
    * Kho tej yam puas
    * Kho cov tshuab siv hom roj nyauml
    * Ntim thiab tshem khoom
    * Hloov log tsheb ntawm cov tsheb loj thauj khoom
    * Khaws ntaub ntawv
    * Tuav nyiaj txiag
    * Mus raws sij hawm
    * Kev sib raug zoo nrog cov neeg yuav khoom
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Kho ub no / cov txuj ci kho khoom

    * Cov txuj ci kho tej yam dab tsi uas yooj yim (sau tag nrho cov txuj ci hauv qhov uas koj tau ua yav dhau los)
    * Kho cov tshuab hauv chav fai (piv txwv li: tshuab ntaus ntawv, tshuab luam ntawv, txuas mus.)
    * Cov tshuaj uas khiav hauj lwm (xws li: xov tooj, tshuab txiav nyom, tej lub tshuab siv ua noj)
    * Cov hlua hluav taws xob uas plam lawm
    * Sib raug zoo nrog cov neeg tuaj yuav khoom
    * Suav khoom
    * Tuav nyiaj
    * Muag khoom
    * Sib txuas lus nrog cov sab nrauv
    * Khaws ntaub ntawv
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuaj ci teb xov tooj

    * Tus neeg txais xov tooj thiab pab neeg
    * Ntaus ntawv
    * Maub ntawv mus cia
    * Teb xov tooj
    * Sau ntawv luv
    * Ntaus ntawv los ntawm cov tshuab uas sau luv
    * Teem sij hawm
    * Khiav cov tshuab hauv chav fai (piv txwv li: tshuab xa ntawv hauv xov tooj, kaib lawj ceem (computers), luam ntawv, txuas mus)
    * Soj ntsuam
    * Cov dej num ntawm cov neeg teev ntawv
    * Yais, xa ntawv
    * Txais tos qhua
    * Yuav khoom
    * Hu xov tooj rau neeg
    * Taw qhia neeg sab nrauv
    * Hais lus sab nrauv rau cov neeg yus tsis paub
    * Khaws ntaub ntawv
    * Sib txuas lus nrog cov sab nrauv
    * Tus neeg tshawb nrhiav
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Tus neeg ua kom zoo nkauj

    * Txiav plaub hau
    * Kho plaub hau
    * Ntxuav plaub hau
    * Ua kom plaub hau caws
    * Tawm tswv yim txog kev ua kom zoo nkauj
    * Ua ntej muag
    * Ua rau teb/rau taw
    * Kho cov taw plaub hau
    * Zas yeeb yuj rau plaub hau
    * Zas kom cov plaub hau dawb zog
    * Teem sij hawm
    * Tuav nyiaj
    * Sib txuas lus nrog cov sab nrauv
    * Mus kawm ntawv thiab mus mloog cov kev qhia
    * Kawm txog cov khoom siv ua kom zoo nkauj thiab hom zoo nkauj
    * Yuav khoom siv
    * Khaws ntaub ntawv
    * Muag khoom

    Cov txuj ci tsim ub no

    * Leem xis mas
    * Tauj hluav taws xob
    * Kho tej yam uas puas lawm
    * Kho kais dej
    * Khiav cov twj uas nyhav
    * Tsav cov tsheb loj thauj khoom
    * Pua pob zeb
    * Txiav ceg ntoo
    * Vov tsev
    * Ua hlau
    * Dhos cua kub
    * Kho tub rau khoom txias
    * Ua ntoo
    * Ua tej yam uas siv zog ntau
    * Cov twj thiab tshuab uas koj siv tau
    * Tuav nyiaj
    * Sib txuas lus nrog cov sab nrauv
    * Qhia cov neeg yuav khoom
    * Suav khoom
    * Teem sij hawm
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Cov txuj ci tom chaw ua khoom noj

    * Ntaus khoom
    * Tus poj niam nqa zaub mov
    * Tus txiv neej nqa zaub mov
    * Tus neeg hliv dej cawv
    * Tus tub xa khoom
    * Qhia cov neeg yuav khoom
    * Tuav nyiaj
    * Sib txuas lus nrog cov sab nrauv
    * Tus tos txais qhua
    * Ntxuav tais daiv
    * Saib xyuas nuj nqi
    * Ua khoom noj ib ntus
    * Ua khoom noj tas li
    * Tus neeg pab tus ua khoom noj
    * Yuav khoom
    * Suav khoom
    * Txais neeg ua hauj lwm
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)
    * Sib txuas lus nrog cov neeg saub nrauv
    * Kev sib tham tim ntsej tim muag
    * Sau cov kev yuav khoom noj kom yog
    * Kev sib raug zoo nrog cov neeg ua hauj lwm
    * Kev sib raug zoo nrog cov neeg tuaj yuav khoom noj

    Cov txuj ci muag khoom

    * Sib txuas lus nrog cov sab nrauv
    * Tuav nyiaj txiag
    * Khaws ntaub ntawv
    * Txais tos cov neeg yuav khoom
    * Kev pab neeg
    * Yuav khoom
    * Ceev nyiaj txiag
    * Qhia cov neeg yuav khoom
    * Suav khoom
    * Tso cov khoom piv txwv tawm
    * Qhia siv cov khoom
    * Sau cov lus qhia
    * Txuj ci txog kev haub yaum neeg yav dhau los
    * Siv cov khoom
    * Xa cov khoom
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)

    Muag khoom clerk skills

    * Txais tos qhua
    * Khaws ntaub ntawv
    * Kev pab neeg
    * Kev pab tus neeg yuav khoom
    * Kev pab tus neeg ua hauj lwm
    * Tus neeg teev ntawv
    * Yuav khoom
    * Suav khoom
    * Qhia cov neeg yuav khoom
    * Muag khoom
    * Ceev nyiaj txiag
    * Tuav nyiaj
    * Yuav khoom siv
    * Sau cov khoom yuav kom yog
    * Siv cov tshuab hauv chav fai (sau tag nrho cov uas koj siv tau)
    * Xa nqi
    * Ntaus ntawv
    * Qhia cov kev ua
    * Muaj kev saib xyuas los lawm (hauv ib txoj hauj lwm, ib lub koom haum uas koj koom nrog, txuas mus)
    * Ua kom lub khw zoo nkauj
    * Suav khoom
    * Teeb khoom rau ntawm txee

    2008 Wisconsin Department of Workforce Development


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 20th June 2010, 1:16 pm



    MBy Maypaj:

    Posted 31 May 2009 - 11:01 AM

    Niam tsev zoo yuav tsum muaj lub tswv yim tsim tsoos tsho rau me tub me nyuam hnav kom txhob ntshaw luag, daim video hauv qab no yog KoojziagKabzaug thiab MotherNature nkawv cov tsoos tsho xaws ntawm nkawv tes ua niam tsev zoo.

    KOOJZIAGKABZAUG & MOTHERNATURE

    COLLECTION TSOOS TSHO HMOOB 2009.




    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    koojziagkabzaug
    Moderator
    Moderator

    Messages : 3532
    Date d'inscription : 2010-02-28

    Re: IB TUG NIAM TSEV ZOO

    Post  koojziagkabzaug on 22nd June 2010, 11:46 am


    Tais phuam so qhov ncauj



    muab 2 txoj phuam, daim paj yeej yog daim loj daim dawb yog daim me muab sib tshooj, ces tais mus tais los ib yam li tus ntxuam.




    paj ntawv crépon

    Cov khoom siv

    - ntawv crépon xim ntsuab txiv kom loj li 2cm x 25cm
    - ntawv crépon xim paj yeeb txiav kom loj li 8cm x 12cm
    - xov hlau ntiav ntev li 20cm
    - txiab
    - kua nplaum




    thaum ua

    1.muab daim ntawv xim paj yeeb 8cm x12cm ntawv tais ua 2 tsem rawm qhov ntev.
    2.rov tais 4-5 tsem kom luv ces mam li muab txiv kom kheej ( txhob txiv kom tu ).



    3.muab cov ntawv ua txiav tau coj los kauv ib toj mus kom tag ce tau lub paj.



    4.muab 2 lub paj coj los khi rau 2 toj xov hlau kom ruaj.
    5.muab daim ntawv xim ntsuab 2cm x 25 cm ntawv coj los rig txoj xov hlau pleev kua nplaum rau qhov kawg ntawm lub qab paj thiaj nyob.





    6. muab 2 lub paj ua tau coj los khi rau daim phuam cev tiav li no lawm, muab tso tau saum rooj noj mov kom zoo nkauj.





    kev rau siab nyob qhov twg txoj kev yeej nyob qhov ntawv.

    Tus sau: Lwg Nyiaj Lis


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Sponsored content

    Re: IB TUG NIAM TSEV ZOO

    Post  Sponsored content


      Current date/time is 23rd October 2017, 11:07 am