google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    Zaj muab me nyuam

    Share
    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Zaj muab me nyuam

    Post  Hmoob ntuj qub qab on 3rd February 2011, 10:10 pm

    Tej laus ib txwm hais tias me nyuam poob dej yog Zaj muab no puas muaj tseeb los tsis muaj peb los xyuas hauv qab no.

    Kuv tus dab laug los Milwaukee los lawv mus xyuas kwv tij neej tsa rau xeev Luangnamtha sab qaum teb Los tsuas nws piav tias :
    Hnub tim 23/11/2010 Hmoob nyob lub zos (nws tsis nco qab lub zos npe) lawv tso lawv tus me nyuam plig uas yog me nyuam poob dej tuag ( tsis nug tias poob dej thaum twg lawm)
    Hnub tso plig ntawv tshav kub kub cua tuaj ntxiag thaum lawv mus tos plig(tos me nyuam los tso plig) los txog ntawm rooj vag muab lub kauj vab (kauj plig) txawb kiag hauv Av tam sim ntawv Ntuj dub nciab ib cheeb tsam lawv lub zos, lawv fiv kauj tus me nyuam ntawv los nkag kiag hauv tsev xwb cia li los ib kob nag hlob hlob ib cheeb tsam lub zos ntawv kiag li 100 m xwm fab xwm meem( M carre') los kwv yees li 10 mn tas ntawv ntuj rov tshav li qub mus xyuas ib cheeb tsam deb zog ntawv tsis ntub nag li.


    avatar
    Hmoob ntuj qub qab
    Sponsor
    Sponsor

    Messages : 687
    Date d'inscription : 2010-03-30

    Re: Zaj muab me nyuam

    Post  Hmoob ntuj qub qab on 3rd February 2011, 10:15 pm

    Ib tug Phooj ywg nws piav li no thiab.

    Nyob rau ntuj qub qab mas kuv yeej hnov cov laus hais lawm. tab sis kuv ho tsis tau pom thiab. kuv hnov lawv tham tias muaj ib khub niam txiv nyuam qhuas sib yuav tau 3 tag kis xwb hu plig tas mus xyuas niam tais yaum txiv nyob rau sab loob kuas ces los tsev los hla naj nyeej ces tus niam cia li poob dej lawm ces mus muab tau los tus niam tuag lawm. Ces kom tus coj nkawd mus rov los hu cov pem zos ho cia tus txiv zov ces tus txiv saib npaum twg los tus niam ntsej muag tshiab khiv ntshav khiav yeej xwb yeej tsis daj li( tab sis poob deg ces ris tsho hle tas tus liab qab ploog lawm xwb) tus txiv mob siab dhau heev lawm thiaj xav tias ua niam txiv ib zaug xwb twb tsis tau pes tsawg hnub twb tuag lawm ces ciav kuv muab ua ib teg ua zau kawg. Ces tus txiv thiaj muab tus niam ua tas ces lub qhov khoob laug tsis loos ces lawv tuaj txog cas phev tseem tawm tawm hauv los thiab ces lawv noog tus txiv tus txiv thiaj qhia li rau lawv tas ces lawv kwv tus poj niam los tsev thaum los txog tom ib tog kev ces tus txiv chim heev thiab txaj muag heev ces nws thiaj de tshuaj kuab taw hnyus noj. los txog tsev ces tus txiv tuag lawm thiab.
    Ho kuv hnov nyob rau USA no xyoo 1996 peb muaj ib tus tub poob pas dej nyob tom Utah mas lawv mus khawb lub qhov nyob rau saum lub caj qaum roob tab sis thaum coj tus neeg mus txog ces dej nyab yees ib ntav hleb uas yog lub hleb xim mas uas muab tso ua ntej ntawd ces ciav li muab lub hleb ntoo tso rau hauv xwb dej nyab yees yuav luag nto saum lub npoo hleb no. no mas yog kuv tus niam ntsawm tus dab laug tus tub kiag yog tus niam ntxawm tham kiag.
    Kuv txiv tham rau kuv tias yog neeg poob deg yog koj saib kiag tus neeg yog txawv lawm ces tsis txhob hlub li koj rauv taws muab nws qha kiag xwb ces tib pliag xwb yeej pom neeg tuaj ces yog koj tsis tso ces lawv nqa nyiaj tuaj thov tab sis koj yuav tau muab coj nyiaj mus sim dej yog ntab ces tsis yog nyiaj yog tog thiaj yog nyiaj, Ho yog koj yuav tua tus zaj ntawd mas koj txiav tus neeg ob txhais ko taw thiaj yog txiav zaj lub caj dab yog koj txiav tus neeg lub caj dab ces koj txiav tau zaj niag tw xwb. tus neeg poob deg tau tsawg hnub los sij yog tsis muaj hniav tas lawm ces tus ntawd yog zaj yeej ua yus tus neeg 100% li.



    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Zaj muab me nyuam

    Post  koojziagkabzaug on 4th February 2011, 2:42 am



    Hmoob ntujqubqab,

    Ua tsaug rau nws cov zaj kwv huam nov, zoo khaws cia tau siv thaum muaj kev ceev txam. Qhov tus uas hais txiav yus tus neeg ko taw ntawd mas kuj nyuaj kawg, yog yus tsis paub tseeb tiag, ntshe yuav txhawj thiab...Vim yus tsis paub tias Hmoob zaj no puas yuav yog qhov tseeb tiag. Hais txog ob niam txiv tshiab, pab tus txiv tu siab kawg...Cas nws tsis nrhiav qhov cawm tus poj niam, es nws yuav xav txog qhov tag kev cia siab...Muab deev tag los kav liam, yog leej neeg qhov chaw muag luav xwb...Tiag mas zoo li ntawd mas yog nws tsis tuag, yog nws nyob coma profond (tsis nco qab tob) lawm xwb. Yog nyob teb chaws vam meej, kev tshuaj zoo mas nws yuav tsis tuag. Peb Hmoob mas muaj coob tus, lawv cia li muab faus ciaj, vim nws tuag lawm no, tab sis nws twb tsis txhav li...Txhais tias nws tseem ua pa me me tab sis me heev ces lawv tsis hnov xwb...Thiab ib qho plhom sij heev ntawm Peb haiv Hmoob mas yog lawv ntshai cov neeg tuag heev...Tsuav ib tug tuag kiag xwb mas lawv ntshai tshaj plaws li...Qhov nov tssi yog ib qho zoo, vim yuav ua rau yus tsis muaj lub siab loj los pab cawm cov neeg uas sib txeeb siav ciaj thiab siav tuag...Yog tus twg tuag ntev lawm ho xeev rov los mas lawv tseem haj yam ntshai tus ntawd thiab...Xav kom peb Hmoob yuav tsum tseg lub tswv yim ua ntshai neeg tuag nov...

    Dua li, hais txog zaj muab neeg, yav thaum tseem nyob Los Tsuas teb uas kuv tseem yau, muaj tus puav neeg uas kuv paub lawv zoo, lawv poob dej mas yeej cia li tsis nti li, cia li ua ib pob zoo nkaus li ib lub pob zeb pob ca nrog dej lawm xwb...Cov nov kuv txiv hais tias yus txhob ntshai, thaum mus pom tus neeg ntawd tsis nti li hauv dej, rub tsis tau los li ces cia li nrho hlo chai tib suam tus neeg kom los ntshav kiag xwb ces luag yeej tso plhuav tam sim ntawd xwb no. Qhov nov yog mab sua qhia Hmoob ua...


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 6:46 am

    - He....he....Question.... Question Question Yav ntuj thaum, Peb tseeb nplog teb; Kuv nquag nqeg nram nroog:....VienTiane....Peb hlis twg? Mus ib zaug, Kuv nquag mus ntsib "As Caas Hauj sam heev" Kuv nug txog zaj muab tib neeg "As Caas Hauj sam hais li no" Yog muab tau tug tib neeg tuag ntawd, Txhob quaj; Txhob hlub....Txhob kwv mus tsev, Cia li nrhiav tawg rauv cig "Ntsa thuav li" Yuav ci npua, Muab tug tib neeg tuag ntawd; Tso plhuav nruab nrab....Rauv cub tawg "Vij kiag puag ncig tug neeg tuag ntawd" Yij meem npaj phom zoo tog, Zaj yuav tawm tuaj pab; Zaj ua dej phwj nyab tuaj tua hluav tawg....Zaum twb ywm ntsia, Yog thaum twg? Dej phwj nyab nta yeeg txog ntua lub cub tawg "Thaum twg" Tug zaj hauv dej yeej tawm plawg, Taub hau nkaus nkoo ib liab ploog qauub zog, Tuag neeg tuag tam sim ntawd; Thooj txhij zuaj phom nrov rhev tuag ciaj nrog tug tuag tas nrho....Yij meem khiav tias, Tsam zaj nphau toj nphau peg, Txhub yug no; Tug tuag ntawd....Tsi yog tib neeg, Yog zaj ua txuj tsaus zog xwb; Yog yug kwv mus pam txog hnub sam sab faus ntawd....Los nag ib hmos, Cov nyob nruab tiv twb tuaj tog tug ntawd lawm; Yug tsi paub xwb....As Caas Hauj sam piav li ntawd, Rau kuv mloog ntas; Tab sis yug tsi tau ua dua....Seb puas muaj tseeb li, As Caas hauj sam hais ntawd.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 7:14 am

    - Cov laug hu tias "Tsam chim" Yog zaj roob ris, Lub nrab xyoo 1961; Nyob nram peb qab tsib taug ncua kev deb li....Yim kis lus mev, Cov laug hu tiaj teb lauj kov; Lub sij hawm ntawd pob kws tab tom nqug yas ris tshaws txij qab nthab....Los nag tshav ntuj nrig, Lub tiaj teb pob kws liab tas nrho; Kuv niam maiv las pob kws....Kuv dhia rhau sas ntwg? Mus tom ntug teb, Lub me nyuam qhov dej txhawv uas; Peb ce haus txhua hnub....Kuv pom tug roob ris loj luaj nkaug li, Ib tug vaub kib dej tawm los saum npoo qhov tes taw sawv nrha rig; Qhov ncauj ua npuag dej npau xi cuag "Nag tshauv tshia" Tug duab liab ntsuab xyeem raws, Cov npuag dej ntaw ib nta toj xwb; Kuv nthe tawg ntho....Tug roob ris ntawd, Ceeb ib plhaw loj kawg; Dhia nkag qhov lawm....Tom qab ntawd, Kuv hais qhia niam maiv tas; Tas kig wb rov mus teb dua....Kuv niam maiv nqa....Ib tug kub tshis tso lub qhov dej ntawd, Tau ib as thiv tom qab; Lub qhov dej txhawv ntawd qhuav lawm....Tsi muaj dej tawm los lawm, Tau plaub tsib hnub tom qab ntxiv; Muaj ib tug pog laug....Plaub hau dawb paug, Los hais niam maiv tias; Thov niam maiv pab tshem tug kub tshis ntawd tawm ntawm....Nws lub qhov rooj, Nws yuav muab ib lub zuag; Ntsis plaub hau....Pub niam maiv no, Niam maiv mus tshem tug kub tshis ntawd tawm hnub ntawd lawm; Tau ob hnub tom qab....Niam maiv mus ntawm lub qhov dej ntawd, Dej txhawv rov tuaj lawm; Niam maiv saib saum lub npoo tsag dej....Pom ib lub zuag nyiaj zoo nkauj kawg li, Zoo cuag nchuav dawb paug ntsais tsia; Kuv niam maiv tau lub zuag zaj ntawd coj los txog looj ceeb hmoob yuav lawm....Hmoob kheev nqis 12 choj nyiaj dawb, Kuv niam maiv muag; Hmoob yuav lawm os....Kuv niam maiv mam tuag:....November 21, 1966; Hmoob yuav mus ib ntus....Lub zuag ntawd ploj lawm, Tsi yog tug tswv zaj muab pub; Kuv niam tuag tas....Muab cov nyiaj ntawd, Yuav ob tug heev nyuj tua; Rau kuv niam lawm....Zaj dab neeg, Xaus li no.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 8:14 am




    NTSIB NKAUJ ZAG.



    - Lub hauv xyoo 1970....Cov neeg ncuav puab yib, Khiav tom tiaj nrag rhawv zeb los ua tsev ntaub; Tsev pheeb suab nyob puv nkaug....Lub tiaj nrag ntawd, Nom tswv xa peb mus ua hauj lwm muab npe pej xeem neeg tawg rog; Lub tiaj nrag....Tab tas nplees....Saum lub me nyuam ncov roob tshav dav hlau ntawd, Muaj ib lub qhov saus; Lub qhov saus ntawd....Nqeg txog hauv, Muaj dej txhawv ntwg tsiag ntshiab si; Peb cov phooj ywg! Tub nkeeg....Txhua tas kis sawv ntxov, Lawv cia kuv ib leeg; Mus ce dej hauv nqa tawm los haus....Ua zaub mov noj xwb:....January 6, 1970; Kuv nqeg mus ce dej los haus ua tshais noj....Muaj ib tug ntxhais zoo nkauj kawg li, Hu kuv luag nyav ntxim nyiam kawg nkaug li; Kuv tseem cim tau; Tug ntxhais ntawd....Lub ntsej muag, Plaj plhu dawb paug; Ntshiv ntshav ai....Kaug hniav tug yeeg, Cuag txhij li; Lub hauv xyoo ntawd....Kuv noob nyoog pib nce xyoo 17....Tug ntxhais ntawd, Nug kuv tias; Kuv tuaj qhov twg? Tuaj ua hauj lwm, Kuv teb tias; Kuv tuaj looj ceeb tuaj ua hauj lwm....Kuv nug tug ntxhais ntawd tias, Me leej muam as, Koj tuaj tim zog hmoob tuaj lov? Cas koj tuaj ntxov ua luaj li, Nov tim nej zog; Tuaj ib ncuas kev diam....Tim nej zog, Nej twb tuam tau ciav dej txog ntua ntawm qhov rooj nev; Cas koj ho tuaj ris dej nov ris mus tim nej zog mas....Tug ntxhais ntawd, Teb kuv tias; Me leej nug as....Kuv tsi nyob tim zog hmoob os, Kuv nyob hauv no; Lub qhov no....Yog peb lub qhov rooj txuas, Kuv niaj tas kig; Pom koj tuaj ce dej haus....Kuv nyiam koj heev nav? Tas kig no, Kuv txhob txwm tawm tuaj nuam yaj ua si; Seb puas pom koj rov tuaj ce dej haus xwb os....Me leej nus as, Kuv tsi yog nkauj neej; Kuv yog nkauj dab....Kuv yog nkauj zaj os, Kuv lub npe hu:....Maiv mim....Kuv qhia koj paub tias, Lub loom tiaj no; Puav leej yog....Peb zej zog tas nrho, Nej nyob saum no; Nej tsi pom peb os; Peb nyob nruab tiv lawm....Kuv tau tham tug ntxhais nkaj zaj ntawd, Ntau tas kig sawv ntxhov 5:30 AM Txog ntua 6:00 AM....Nws sawv nres nreeg hauv lub qhov saus dej txhawv ntawd, Kuv nqa thoob dej yas 45 lite; Nce saum npoo qhov....Ces Maiv mim ploj zoo li, Npau suav xwb; Kuv nyiam tug ntxhais zaj ntawd kawg li tias....Maiv mim....Los nyiam kuv heev li os "Tab sis" Kuv mus ua hauj lwm, Peb as thiv xwb....Rov looj ceeb, Mus pham qhom lawm; Ntxhais nkauj zaj mas....Zoo nkauj tshaj nkauj neej os, Kuv twb yuav muab nws ua si no; Maiv mim....Tsi kam os, Maiv mim hais tias; Yog muab nws ua si....Ces nws niam, Nws txiv lawv; Tsi zoo siab....Seb kuv puas kam ua lawv vauv, Yog kuv kam ua lawv vauv mas "Tau kawg" Nws nyiam kuv heev, Tab sis kuv hais tias; Kuv niam....Kuv txiv lawv, Tsi muaj tub; Lawv saws kuv los tu ua tub xwb....Es nws txhob tu siab mog, Ntshe yuav ua tsi tau; Nws tug txiv....Yuav ua tsi tau vauv os:....Last day January 29, 1970; Tas kig sawv ntxov 5:00 AM To 6:00 AM....Wb tham ua si zaum kawg, Noj tshais tas; Nce dav hlau rov looj ceeb 10:45 AM....Zaj dab neeg, Tham nkauj zaj; Tiaj nrag thab tas nplees... Xaus li no, Mam sis ntsib dua lwm zaj os.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 8:39 am

    - Ib tsoom phooj ywg! Nkauj muam hmoob, Hlub hmov tshua suav daws; Nyob puag saum ncov roob:....Phou Bia....Siab txog:...2.889 feet...Yog lub ncov roob siab thiab ob ntiaj teb, Cas ho muaj dej txhawv puag saum ncov; Yog tsi muaj zaj....Tsi muaj dej txhawv ib zaug li os, Txhua lub qhov dej txhawv; Txhua lub qhov saus....Txhua qhov dej nqeg, Muaj zaj tas nrho; Txhob lam ua qias neeg....Txhob ua xos liam ntsuav, Zaj tawv dej nyab kuav tej phem tsi zoo kom tas; Lub qhov dej txhawv puag saum ncov roob:....Phou Bia....Lub sij hawm ua rog....Cob fab ntawd, Hmoob mus nyob puag saum; Hmoob haus lub qhov dej txhawv ntawd....Theem nram taug tiaj txaus ua, Neeg nkaum lub tsev loj los sis:....Building....Theem saum ncov kiag, Txaus ua ib lub tsev loj:....One Building....Lub qhov dej ntawd ntwg tsiag luaj li ib tug dej liag "Tab sis" Tsuas ntwg deb li, Neeg nkaum daj xwb xaus lawm; Yog tsi caiv zoo....Dej tu nrho, Tsi tau haus; Yuav tau hlawv nyab ntawv thov tug dab zaj ntawd....Dej mam tawm los dua, Cov hluas nkauj; Los sis poj niam....Coj khaub ncaws, Nqeg tsi tau hauv lub qhov dej txhawv; Ntxhua tsi tau khaub ncaws hauv li....Yuav tsum ce nqa tawm saum npoo qhov nrug dej li, Neeg nkaum mev; Mam ntxhua tau khaub ncaws....Lub qhov dej ntawd, Txaus siv rau:....21 Building....Tib neeg nyob saum ncov roob:...Phou Bia....Tab sis yuav yog, Caiv zoo nawb; Tsi caiv zoo....Dej tu, Laj thov kawg os.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Zaj muab me nyuam

    Post  shung on 5th August 2012, 4:09 pm

    Tij laug xiongchang.

    Koj muaj hmoov kawg koj thiaj li pom nkauj zaj thiab thiaj li tau nrog tham. Ua neeg nyob niam thiab txiv yeej hais tias tej no pom tsis tau tias sis zaum no hnov koj qhia lawm tiag. Kuv tau mus caug ib tus poj saub tham tias yog thaum twg dab qhib qov rooj ces koj yeej pom zaj nyob hauv hav dej, lawv kuj mus ua noj ua haus,mus ua liaj ua teb li saum neej no thiab. Kuv yuam txiv nws kuj hais rau kuv tias nws kuj pom zaj thiab tias sis tus zaj no mas txij kiag ntawm nws lub caj dab rov sauv ces cov nplai tig rov qab rau saum lub taub haus lawm. Zaj yeej muaj ib li tus qaib thiab, thaum nws nkag av lawm ces cov nplai yog cov hlais av tu tus yeej lawm.
    Tij laug koj tsis ntshai li los cas. Yog kuv no tej zaum ntshe tsis kam ho. shung
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 5:39 pm

    - He....he.... Laughing Laughing Kwv ntxawg:....Shung....Kuv twb tsi nco ntshai txog li os, Tas kig sawv ntxov ntawv; Kuv pom dheev:...Maiv mim....Hauv lub qhov saus ce dej ntawd, Kuv xav tias; Yog nkauj neej xwb....Tsi yog nkauj zaj no, Wb twb tham ntev li; Kaum feeb ntau lawm....Kuv mam xav twj ywm nruab siab tias, Ntawm lub qhov saus peb ce dej haus; Rau tim hmoob zog deb li:...8 kilometer....Ntshe tug ntxhais ntawd, Yuav tuaj txog tsi sai npaum ntawd; Yog tuaj no....Siv sij hawm ob xuaj moos mam txog, Lub qhov saus peb niaj tas kig; Nqeg mus ce dej hauv....Peb mus xya leej diam "Tab sis" Txhua tug phooj ywg! Muaj ntsis tais caus ntshai, Tsi tshua kam nqeg mus hauv li, Kuv ib leeg; Siab tawv zog....Nqeg saum npoo av no txog hauv tob dua li qab nthab, Txij nkaug ruv tsev; Lub qhov saus ntawd loj luaj li....Ib chav tsev yeem vug nqeg taug ntsawg, Rau hauv lawm; Xuas hlau khawb qeb ntai nqeg mus hauv lawm....Thaum ce tau dej puv thoob yas, Ev nraum nraub qaum nce nto saum npoo av; Txog ib thawj sia...Mam los txog tom tsev ntaub phab teeb ncua kev deb:....3 Kilometer....Mus ko taw plaub caug tsib feeb kev diam os, Lub sij hawm kuv mus txog ntawd; Tseem tsaus ntuj zem zuag....Tseem kab teeb khoo npim pom kev dawb paug, Tug dej ntwg tsiag ntshiab si; Tawm pem qhov los saus nram qab deb li:...75 feet....Lub qhov dej loj luaj li, Ib chav tsev me; Los ib chav txaj xwb....Dej tawm ntwg nto luaj tug dej liag, Ntshiab si ntxim qab kawg nkaug li os; Nram qhov xaus ua nkiav zeb lawm....Tsom teeb khoo npim pom kev deb li....50 feet qhov nkhaus lem rov sab laug lawm, Lub qhov siab txij nkaug qab nthab ntas, Ib ncav tes ntau diam; Cua tuaj txias ziag ntxuaj ntxog....Cov me nyuam nplooj suab ob sab ntug qhov ntxooj nyog, co zom zawg; Nyob lub tiaj nrag thab tas nplees ntawd....Muaj ntau lub qhov saus:....Maiv mim hais tias, Lub tiaj nrag; Thab tas nplees ntawd....Yog lawv zog tas nrho, Thaum kuv ev dej nce nto saum no; Kuv mam xav tias....Ntshe tsi yog nkauj neej, Ntshe yog nkauj dab; Los nkauj zaj....Qhov kuv tsi nco ntshai txog dab tsi? Vim maiv mim zoo nkauj heev, Hais lug luag ntxhi; Ntxim nyiam kawg nkaug li....Kuv xav ntsib tas li, Tsi xav ncaim ib pliag li os; Txhua tug phooj ywg! "Tub nkeeg khoov lav txog xya moo tawm mam sawv ntxuav muag" Kuv twb cub mov siav tas, Tho koom poom nqaij nyuj kib tiav tas; Lawv khaws noj xwb....Tej teeb meem ntawd, Kuv tsi qhia leej twg? "Paub li os" Kuv ib leeg pom, Kuv ib leeg tham; Kuv ib leeg paub xwb...Kuv xav ntsib:...Maiv mim tas li....Kuv tuav maiv mim tej tes, Txias ziag xwb; Tsi sov li....Hluas nkauj neej yaj ceeb, Kuv thiaj paub tias; Yog hluas nkauj zaj no....Peb cov phooj ywg mus hauj hauj lwm zaum ntawd, Muaj npe xws li:...Hnub ib xia txiab xyooj, Hnub qub ib nom tub xyooj; Cas ej nom tub tsab....Cas thus yaj zeb, Cas ej npis xyooj; Cas tree lis zeb....Cas ej tsab pov, Kuv tug kheej ntas "Tab sis" Kuv tug kheej noob nyoog yau dua lawv rau leej ntawd, Kaj ntug noj tshais tas; Dav hlau kooj tshuab ntsuab mam thauj ob tug thaib tuaj txog:...8:30 AM Nrog peb ua hauj lwm ua ke ntawm lub tsev hau tshav dav hlau, Xia txiab xyooj; Nom tub xyooj....Nom tub tsab, Yaj zeb lawv plaub leeg; Nquag nce dav hlau rov looj ceeb txhua hmo....Tshuav peb peb leeg pw txhua hmo, Zov tsev ntaub:...Phab teeb....Npis xyooj, Lis zeb nkawd; Khoov lav txhua tas kig li os....Txawm tsi tau hlub ua si, Los zoo siab tias; Tau tham nkauj zaj tiam neej no....Vim maiv mim, Tsi kam tawm saum npoo qhov saus li os; Kwv ntxawg....Shung.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 6:22 pm

    - Thaum kuv mus txog ntua saum rooj qho, Qhov saus pib nqeg hauv; Tseem tsaus nyog....Pom kev zem zuag, Kuv nqeg txog ntua nrab qhov saus; Kuv pom maiv mim sawv ntsug nyo nyog....Sab ntug dej sab xis, Ob sab tes kov dej ua si; Kuv nqeg txog ntua hauv....Maiv mim tsa loo muag ntsia tuaj luag ntxhi, Hu kuv luag nyav tias; Leej nus tuaj nqa dej lov? Puas noj qab nyob zoo os? Kuv teb tias, Aw noj qab nyob zoo mav; Me leej muam....Cas koj tuaj ris dej ntxov ua luaj nas, Kuv ntsia zoj; Tsi pom muaj dab tsi? Tsi pom thoob qhov twg li, Kuv xav txawv zog "Tab sis" Tsi nco ntshai dab tsi li os.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 5th August 2012, 10:22 pm

    - Vim maiv mim, lub ntsej muag; Plaj plhu ntxim nyiam heev li....Ua rau kuv looj hliag, Tsi nco rag txog tias; Yog nkauj dab....Los nkauj zaj, Thaum kuv ib nyuas xav txawv zog mas; Tseem ntxov dhau....Deb zog hmoob yim kis lus mev kev diam, Tsi pom muaj thoob ris dej; Tsi muaj tshob daus dej li....Tes dawb tes npliag mog nyoos, Ntsia ntsej muag; Ntxig fws zaum li....Tej laug hais "Dej muag teev yeeg" Hais lug mog nqee lawg, hais lug muas luag nyav xwb; Thawj tas kig ntawd....Kuv sawv ntxov mus ris dej ua tshais, Tsi nqa koob yeeg duab nrog; Txhua tas kig tom qab....Kuv nqa koob yeeg duab:....Automative....Nyem txhais npluav nrov zawg, Tawm plawg los; Tau saib tam sim ntawd....Kuj tsi txawv dab tsi li, Zoo nkaug li; Nkauj neej yaj ceeb "Tab sis" Yeeg thawj zaug, Teeb fai fab ntsais cig plawg; Maiv mim ceeb ib plhaw loj....Yoob tas nrho, Ib ce tshee hna ntuas txiag; Kuv tau thov txim....Kuv yeeg tau kaum tawm daim duab, Tau saib dab muag; Tu siab kawg....Hmo tim 19 /2/ 1979....9:30 PM....Peb nqeg luam dej hla sab thaib. Poob deg ib hmos kaj ntug 5:15 AM, Ntxig fws dej txheem ntub duab ntsws zeem zuav tas; Nrog xya daim:...Certification And Congratulation....Peb daim puag tas, Kuv quaj ib pluag zaum ntawd; Duab hluas nkauj....Duab yeeg txhua thaj tsam teb chaws, Toj roob hauv peg; Kev ua hauj lwm txhua qhov chaw....Teb chaws nplog, Tsi tau saib lawm.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Zaj muab me nyuam

    Post  shung on 6th August 2012, 6:43 am

    Tij laug xiongchang.

    Koj puas kam tso nkauj maiv mim ib daim duab pub peb sawv daws tau saib thiab. Mloog koj tham mas ntxim nws yuav zoo nkauj heev li. shung
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 6th August 2012, 7:47 am

    - Hwb....hwb.... Sad Sad Crying or Very sad Crying or Very sad Thov txim ntau nawb, Kwv Shung; Kuv twb qhia ua ntej lawm tias....Kuv peb phau duab hluas nkauj, Kev ua hauj lwm txhua thaj tsam teb chaws nplog; Kuv yeeg cia ntawd....Hmo tim 19 /2/ 1979, 9:30 PM; Peb nqeg hla dej:...River Me Kong....Tawm sab thaib kaj ntug txoog....5:15 AM....Kuv ntshai tsam dej txheem nkag hauv, Kuv muab nab yas; Qhwv peb txheej xuas yas pav ncauj nab zais ceev heev....Tab sis peb poob dej ib hmos, Tsau dej ntev dhau lawm; Vim kuv hai cab lawv plaub leeg nyav Ntxig fws ntub tas....Duab txhua yam ze, Ib txhiab daim zwg zuav tas nrog; Xya daim ntawv pov thawj....Peb daim ntawv qhuas, Ua hauj lwm zoo; Ntub dej zwg ntuag tas....Kuv quaj ib pluag zaum ntawd, Tam sim no; Kuv tsi muaj tej qub duab ntawd....Ib daim li os, Txhob tu siab nawb; Kwv Shung aws.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 6th August 2012, 8:05 am

    - He....he.... Laughing Laughing....Me nkauj zag, Zoo nkauj tshaj daim duab nov os; Luag tej laug....Piv ntuj nrag lug tias "Zoo xob los zoo xu - Zoo npaum nkaug - Suav nrig nraj vaum - Rev me paj kub tawg ntsais tsia puag saum hnub - Zoo tas los zoo thiab - Zoo npaum li - Yawm suav nrig nraj vaum - Rev me paj nyiag tawg nra paug - Ci npaum li - Mes liv kas - Lub paj hnub qub hauv tsev:...Dancing....Yog nej ntsib pom mas, Nyiam npaum li:....Diamond....Lub sij hawm ntawd, Kuv lam muaj ob leeg kwv tij; Ntshe kuv twb mus ua zaj vauv lawm....Tuaj tsi txog teb chaws no, Vim kuv ib leeg xwb; Tsi yog txiv xya....Tuam rau taw ntshua tas nrho, Tsi yog niam yug; Ntxuav ntshav zog....Niam saws txiv tu loj hlob, Tshuav lawv nqis; Ib choj nyiaj dawb....Rau kis txiaj npib, Ib tsum mov; Ua tsaug.... niam tais yawm txiv dab laug noj mam tau, Kuv los ua tub tu loj hlob; Thiaj txiav txim siab nyob hlub niam txiv saum yaj ceeb, Tsi ua zaj vauv os; Kwv Shung aws.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 6th August 2012, 4:11 pm

    - Lub neej nkauj zag, Thiab nraug neej; Ua nkauj nraug....Tsi zoo, Nkauj nraug saum neej yaj ceeb, Tuav tes nwj hnia; Deev ua si "Los tau" Tsi ua li cas? "Tab sis" Nraug neej deev tsi tau, Nkauj zag; Yog deev lawm "Txhaum" Vim roj ntshav sib hauj....Peem tsheej tsi tau, Ua dab rov nruab tiv, Yuav tau nyob saum yaj ceeb no; Yog nraug yaj ceeb, Nqeg nruab tiv; Mus peem tsheej ua zaj....Rov tsi tau saum yaj ceeb lawm, Tsi zoo li; Suav daws ua:....Movies....Yeeb yaj duab muag, Lub sij hawm ntawd:....Maiv mim....Yeej caw kuv nkag mus nruab tiv, Saib lawv tsev "Tab sis" Peb ua hauj lwm txhua hnub, Tsi tau so li; Vim nai phoo vaj pov lawv yuav maj xa....Cov pej xeem tawg rog, Nqeg nram tiaj nrag:....VienTiane....Tsi pub dhau:...January 31, 1970; Tsam nplog liab nyab laj....Tuaj txeeb pej xeem rov qab....Maiv mim....Tug kheej kiag, Twb tsi kam tawm saum npoo qhov saus; Tsam neeg yaj ceeb pom...."xaj muag" Maiv mim tsuas nkaum hauv qhov saus, Wb tham ua si; Ib zaug twg? Ntev kawg nkaug, Tsi pub dhau 25 - 30 Feeb; Yuav tig rov qab nruab tiv....Tsam niam txiv neej nus paub, Yuav raug tsim txom nyuaj siab ntxhov plawv lwj ntsws; Ciaj tsi tau ua neej neeg....Tuag ntxooj tsi tau zaj lawm.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Zaj muab me nyuam

    Post  shung on 7th August 2012, 8:21 am

    Tij laug xiongchang.

    Tij laug ua cas koj yuav tham tau zoo ua luaj li, ib sim neej no kuv niam qhuav hnov koj thiab ib tug poj saub tham xwb. Kuv yog ib tug txiv neeb es tej yam zoo li koj tham no kuv tsis tau hnov los yog pom dua li. Yog tias yog dab mas kuv cov qhua kuj pub kuv pom lawm thiab. Tij laug xiongchang ua cas koj tsis hais tias yog nws kam ces los nrog koj nyob saum yaj no xwb seb nws puas kam mas.... Yog nws zoo nkauj npaum li lub diamond ces yog kuv ces yeej yuav nws kiag xwb.. thiab coj los ua yus poj niam kiag saum yaj no xwb tiag..... shung
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 7th August 2012, 9:23 am

    - He....He.... Laughing Laughing Kwv ntxawg Shung as, Suav txij li; Tas kig sawv ntxov kaj ntug txoog, Kuv ntsib pom:....Maiv mim....Tom qhov dej saus ntawd, Kuv lub siab nyob tsi tug; Xav tsi thoob tas nrho; Xav nruab hnub hmo ntuj....Txiav txim siab tsi tau li cas? Xav txhua zaj dab neeg txog "Txiv nraug ntsuag - Tau nkauj zuag paj - Yog nkauj zag - Cav nrov ncha ntiaj teb - Fuab tais txhij peeb tub rog - Tuaj txeeb yuav - Ua poj niam - Txiv nraug ntsuag - Nkauj zuag paj - Nkauj zag nkawd - Nyob tsi tau ntiaj teb no - Nkawd sib pus khiav nce saum rooj ntug - Ua nkawm niam txiv kab yeeb xyab - Tso ntsuj tub nqeg ntiaj teb - Tso ntsuj ntxhais nqeg ntiaj nrag - Rau neeg yaj ceeb" Txiv nraug ntsuag, Pauv npe ua "Tub tsheej xeeb" Nkauj zuag paj, Niam nkauj zag; Pauv npe ua "Nkauj kab yeeb" Nej cov txawj neeb, Caij nees zaj; Rag nees luav....Nce nto rooj ntug theem: 2, Yeej pom nkawd zaum txawb tsawg; Saum rooj ntug....Tig ntiag ntsia ntiaj teb, Yog nej cov txiv neeb; Cov txiv yaig....Ev rawv hlab nyias, Thov ntsuj tub; Thov ntsuj ntxhais....Nkawd cob nkaug nej tes, Rub loo nraub qaum rw ntxiaj ntiaj nrag....Kuv ntshai npaum ntawd, Thiaj kaw ncauj ntom nti, Tsi ntau nrov; Tsi qhia leej twg? Luag tej laug hais, Ntaus nruas nrov; Nruas to qhov....Tsam suav hnov, Suav hlais nplaig; Yog kuv yuav maiv mim....Ua poj niam, Tug xub txeeb; Tug xub txhav....Tug xub tua, Kuv pov tseg "Nai phoo vaj pov" Kuv paub txog, Zaj dab neeg; Txiv nraug ntsuag....Nkauj zuag paj, Niam nkauj zag; Kaw ncauj ntom nti, Txog niaj hnub no" Tsuj tuag nthi, Nruab xib taws; Tsam nrov zej ncha zog; Nrov teb lam chaw "Tau lub npe yuav nkauj zag ua npog" Zoo li teb chaws no, Tej txiv neej; Los poj niam....Ua hauj lwm:....Company....Tham hluas nkauj, Yuav niam yau; Poj niam deev hluas nraug "Tau plaub dub" Ntshe yuav laj mloog, Tsam pob ntseg; Ntim tsi tas lug....Ntshe tib neeg ntiaj taug qaum peg tuaj:....Interviewer News Paper....Nrov ncha teb chaws nplog, Thoob ntiaj teb; Yuav txaj muag....Tau npe tsi zoo, Thiaj txiav txim siab tsi yuav:....Maiv mim ua poj niam os, Nyiag nyob nyiag zoo dua; Txiav txim siab....Txhob rhuav tshem, Maiv mim cev nkauj zag; Tsuav yug ib leeg "Ntsib nkauj zag" Yug ib tug "Pom maiv mim ntawm qhov muag" Ces zoo lawm.
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: Zaj muab me nyuam

    Post  koojziagkabzaug on 7th August 2012, 9:56 am



    Hahahah....Kwv Shung thiab tij laug Xyooj Tsab neb txawj tham heev.

    Tij laug Xyooj Tsab, koj tsis xaiv Maiv Mim mas yog ib qho zoo kawg.

    1- Yog li koj hais, yog li koj zaj dab neeg.

    2- dab ses yees rau yus pom mas zoo nkauj tshaj plaws li, tab sis qhov tseeb ces zoo li tus tuag lwj lwj los yog tshua txha los nqaij dai vwb vias xwb. Thaum luag yees yus pom mas zoo nkauj tshaj li, tab sis thaum nrog pw kiag ais luag tsis nco npog mas yoov ntawg nqeeg xwb. Uab! Rhiab neeg dhau lawm os! affraid


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 7th August 2012, 10:26 am

    - Ha....ha....Ua li cas? Kuv ntaus tas, Tsi tsi nkag hauv no lawm ne; Yog tim qhov twg? Lub xyoo ntawd, Kuv txiav txim siab; Yuav maiv mim nkauj zag....Ua poj niam, Ntshe nai phoo vaj pov; Tseg ncua tsov rog....Tsi tua nplog liab, Nyab laj lawm; Tig loo ua rog; Txeeb maiv mim nkauj zag....Ntshe tiaj nrag, Thab tas nplees; Raug dav hlau txhua yam pov npoos....Kaum roob kis hav, Dawm zeb kis tsua sab teb chaws; Toj roob zeb tsuag ntsoog tiaj tas....Los xyov raug zaj nphau loj tshaj xyoo 2010, Zaj nphau sab xeev:...Xayaburi....Ib txhiab npaug os, Ntshe ntsug rog; Txeeb maiv mim loj nrov tshaj:....Veit Nam War Indochina....Xyov tam sim no, Maiv mim wb khiav nkaum ceg ntuj twg? Los xyov tuag lawm, Nej sim ntsia; Seb tug ntxhais hmoob twg? Zoo nkauj dua, Nai phoo vaj pov; Tso tib neeg....Txeeb txhav yuav, Ua niam yau tas; Tsov rog txeeb....Maiv mim nkauj zag....Nrov ncha thoob ntiaj teb os, Yog tham ntau; Kuj lom zem....Xav nyeem heev, Ho txaus ntshai kawg nkaug os.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 7th August 2012, 12:05 pm

    - Kuv yuav piav txog, Maiv mim nkauj zag; Lub cev ntaj ntsug me ntsis....Suav daws nyeem os, Seb nkauj neej yaj ceeb zoo nkauj dua; Los nkauj zag....Zoo mog tshaj:

    1./......plaj plhu dawb mog nyoos.
    2./......Ntxig fws zaum.
    3./......Dej muag teev yeeg.
    4./......Plaub muag dub nciab tsau nti nkhaus nkoo.
    5./......Qhov muag me.
    6./......Kaum muag zuag pliag.
    7./......Qhov ncauj me.
    8./......Kaug hniav dawb paug tug yeeg cuag txhij.
    9./......Hu tib neeg luag ntxhi.
    10./......Hais lug luag nyav.
    11./......Hais lug zoo.
    12./......Hais lug mog.
    13./......Hais lug muas.
    14./......Hais lug nqee.
    15./......Hais lug sib.
    16./......Suab ncauj lug soob.
    17./......Did ncauj nyiag ntsais liab tshiab khiv.
    18./......Caj ntswg soob xais los loo saum hauv pliaj.
    19./......Hauv pliaj kheej lam.
    20./......Ob sab plhu puv ntoob sib luag zog xaus nram kauj tsaig.
    21./......Plaub hau dub nciab ntaug leeg suab zaw ti nkaug nram luj taws.
    22./......Pob ntseg hlws me.
    23./......Xub pwg dav fo.
    24/......Hauv siab dav fo.
    25./......Ob lub mis kheej lam ua ncov qe.
    26./......Yav saum loj som zim nram duav nqia nqeb.
    27./......Pob ntsag ntug yeeg.
    28./......Xub ntiag dav fo tawb txiv neej heev li.
    29./......Tawv plab rog npis tuab npawv.
    30./......Ncaj npab ntug ntoob pham ncog som zim nram dab tes.
    31./......Ntiv tes puv ntoob zoo li kab tsib ntsuab.
    32./......Ncej puab dawb paug som zim nram hauv caug.
    33./......Qhov rawg dawb paug npeb npaug vo.
    34./......Plab hlaub ntug ntoob som zim nram luj taws.
    35./......Ko taws me, Tsi nthuav; Tsi loj....Tsi nrha rig.
    36./......Rau khau khiab li, Nkauj neeg yaj ceeb.
    37./......Hnav tiab nplog txaij ua paj ntoos nraug zeeg.
    38./......Hnav tsho nplog dawb liab zem ziv phim cev ntaj ntsug nqaij tawv.
    39./......Sawv ntsug nyo nyog, Txhua tas kig; Kov dej pluj ploov ntawm tug kwj deg ntawd.
    40./......Thaum sawv ntsug kiag, Tsuas siab li; Kuv tug kheej 5,3 feet.
    41./......Ntsia tej nqaij tawv, Dawb paug mog nyoos; Ntxig fws zaum....Tsi raug tshav, Tsi ntub nag.
    42./......Tej kwj deg, Hav dej txhua tug; Yog lawv kev taug....Sib cuag mus los tas nrho.
    43./......Ntses yog zaj tej qaib.
    44./......hmoob yog nyuj.
    45./......Pub thawj yog nees.
    46./......Nplog yog twm.
    47./......Maiv mim qhia li ntawd.
    48./......Nyob lub tiaj nrag, Thab tas nplees; Muaj ib pab nyuj....Ib pab twm, Ib zog hmoob; Ib zog nplog.
    49./......Lub qhov dej txhawv, Hauv lub qhov saus ntawd; Yog hauv dej naj teeb....Ntwg tshuam dej tsua "Pawv nplej"
    50./......Maiv mim lawv lub zog ntawd, Muaj ntau txoj kev tawm; Yog ntau lub qhov saus....Ntau lub qhov tshwm.
    51./......Lawv muaj txog, Peb caug xya yim diam.
    52./......Tej roob zeb roob tsuas, Sab teb chaws ntawd; Lawv nyob thoob plawg....Muaj kev mus tas nrho.
    53./......Maiv mim yog, Tug thib tsib; Ntawm lawv tsev neeg....Plaub leeg tub, Peb tug ntxhais; Niam txiv nyob tas nrho.
    54./......Pog yawg, Nyob tib si.
    55./......Kev mus los sib cuag, Mus nruab tiv los tau; Mus saum yaj ceeb los tau....Yuav tau yeeg, Ua tib neeg; Yaj ceeb neeg....Thiaj tsi paub tias, Lawv yog dab; Los yog zaj no.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 7th August 2012, 12:26 pm

    - KUv nug maiv mim tias, Yuav ua li cas? Thiaj sib yuav tau ua niam txiv, Maiv mim qhia tias; Lawv tuaj deb saib....Kuv yog ib tug me nyuam ntsuas heev nyuj, Lawv tuaj ze "Ntsia" Kuv yog tib neeg, Yog maiv mim yuav; Kuv ua txiv mas....Yuav tau muab hloov dua, Kom muaj hwj huaj; Ib yam li "Lawv" Siv hwj huam "Yeeg" Ua tib neeg, Ua nab los tau; Yog mus saum npoo av....Yeeg ua tib neeg, Mus nruab tiv; Ua nab los tau....Nyob ntawm nyiam, Mus nruab tiv; Sai dua....Mus saum npoo av, Qeeb dua; Yuav tau siv hwj huam ntis....Tsam tib neeg pom "Txaj muag" Tib neeg ntshai, Tib neeg ceeb; Tib neeg tua.
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Zaj muab me nyuam

    Post  shung on 8th August 2012, 8:24 am

    Tij laug xiongchang.

    Ua cas zaum no koj yuav tham zoo mloog ua luaj li tus tij laug xiongchang, koj hmoov zoo kawg nkaus es koj thiaj li pom nkauj zag xwb. Yog ua neeg nyob siab tsis ncaj plawv tsis tus ces yeej tsis pom li koj pom ko tiag. Koj yeej yog ib tus neeg siab zoo siab dawb, siab tiaj siab tus, neeg ncaj neeg ncees es nkauj zaj thiaj kam tuaj nrog koj tham... thiab qhia txog tej lus koj hais los no. Kuv zoo siab heev tau nyeem koj cov lus tseeb tiam sis zaum no ces yuav yog ib zaj dab neeg rau peb khaws mloog cia lawm xwb tshes yuav tsis muaj leej twg pom li koj pom lawm lauv!!!! shung
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 8th August 2012, 9:38 am

    - Nyob zoo os, Kwv ntxawg Shung; Yeej yog li....Koj hais las mav? Kev ua ib sim tub hluas nraug, Kuv xav tias; Kuv tug kheej....Tsi yog neeg nqeg saum ntuj los ntiaj teb no, Kuv paub zoo; Txhua tug tib neeg....Txawm txiv neej yawg, tsim txiaj npaum cas? Txawm poj niam zoo npaum twg? Yeej tawm hauv lub paum los xwb, Khiav tsi dhau ntawd li; Yuav tsum ua tug neeg....Siab loj, Siab ntev; Siab dav....Siab zoo, Siab dawb; Ncaj nceeg.....Kev tham hluas nkauj....Txhua tug hluas nkauj, Kuv tsi npav siv dag zog yuam cai, Siv fwj chim kom hluas nkauj ntshai; Kuv tsi nam nrim; Kuv tsi hla ciam....Hluas nkauj nyiam yug tias, Yeej tsi lig; Hluas nkauj yeem....Hluas nkauj kam, Hluas nkauj kheev tias; Ob leeg mam sib tawb nwj hnia ua si....Thiaj lom zem "Thiaj tsi txhaum" Txawm tsi ntshai tug tib neeg "Los ntshai yawm saub" Yawm saub yog tug loj siab kawg "Kav qab ntuj khwb" Tsim txhua tsav ntiaj teb; Tswj txhua yam ntiaj nrag....Txawm yug tug poj niam kiag, Los yuav tau hwm; Saib muaj nuj nqis npaum li "Tug ntsuas nyiaj" Poj niam thiaj saib yug, Tsim txiaj li "Tug ntsuas kub" Yuav ua si, Los txhoob yuam cai "a tib zoo taij thov - Saib poj niam - Muaj nuj nqis" Yog poj niam zoo siab kam lawm "Yeej tsi lig" Pes tsawg hnub "Yog yug tug" Pes tsawg hmo "Yog yug li" Tsi khiav ncaim, Mus qhov twg? Nco ntsoov tias, Yug tug poj niam "Lub paum muaj nuj nqis heev - Kim npaum twg?" Yug tuaj yeem zoo siab khwv nyiaj yuav "Tsi khuv xim dag zog" Yug yeem rho nyiaj them, Tsuav tau poj niam, Lub cev ntaj ntsug zoo zam; Los khawm puag pw "Xub ntiag txhua hmo" Txhob tsib nuj nqis, Khawm dhuav "Tsw quav" Puag txaus "Tsw paus" Ua ntia tseg li, Ib txhia txiv neej; Niaj hnub yuav pib dav hlau ya....Rov nplog teb, Ua nyuj laug; Noj zaub mog....Tsi nco tej lug, Thaum yug lav tseg; Tom neej tsa....Cuaj lo lug "Leeg hlub" Kaum lo lug "Leeg plhw" Tsi tso kab theeb tim puam, Noj qhau ntxuag kua muag; Taug kev nrog dab suab quaj....Thaum yug nyiam mas "Lav cuaj" Thaum yug ntshaw mas "Lav kaum" Tuaj yeem pes niam, Thov txiv; Hawm neej tsa....Muab yug ob lub taub tes "Nias hauv av - Los plaj tse" Kom tswv ntuj yawm saub leeg paub, Ua pov thawj pom; Ncej dab qhuas leeg hnov....Ua cas? Yuav hnub tsi ntev, Hmo tsi ntau; Tsi nco qab tej lug ntawd lawm "Ib tug txiv tsev" Hais lug tsi muaj tshuaj, Ib tug txiv neej yawg; Hais lug tsi muaj nqis....Tsi tsim txiaj, Txawm tau npe nom; Saib tsi tau zej zog....Tswj kav tsi tau teb chaws, Tej laug twb piv ntuj nrag lug tias; Txiv neej yawg....Tuav qau rawv, Tso zig tshoom ntuj "Hais lug tsim nuj" Txiv neej yawg, Tso zig tuav qau rawv :Hais lug tom hniav nkawv" Poj niam tso zig, Ua ruam ruav "Hais lug xyuav" Poj niam tso zig "Nrhab ceg" Hais lug plhob leg "Tsi muaj nqis" Yuav tau nco tej lug no "Ua neej os"
    avatar
    shung
    Sponsor
    Sponsor

    Messages : 575
    Date d'inscription : 2012-05-08

    Re: Zaj muab me nyuam

    Post  shung on 8th August 2012, 11:16 am

    Tij laug xiongchang.

    Koj hais yog lawm, yus yuav tau saib muaj nug nqi npaum li koj hais mas yus ob niam txiv ua neej thiaj li nyob kab ntsab thiab thiaj li tsis muaj teeb meem. Tij laug thaum ub yus hnov laug hais xwb ua cas zaum no ces los rau yus tsev neeg lawm tiag... zoo li lub ntuj nyob ze heev li lawm los yog lub ntuj no yeej faib kom ib yim neeg twg muaj ib tug los ob tug ua phem.... tsis to taub li lawm....Kuv muaj ib tug kwv,ib tug muam mas tam sis no yog kiag li koj hais tiag tij laug. Kuv niam kuv txiv hais tsis tau yeej tsis yuav lus li lawm, tus muam ces mus yuav kiag ib mos mos tim ub ces ua nws lub niag neeg ces pluag tag tsis tshuav ib yam dab tsi ho tus kwv ces tus niam ntxawm thiab kuv txiv kuv niam lawv yeej hais tsis tau li lawm mas nws ib sij mus ib lwm tim nplog; thaum los txog mas mus ua ob txog hauj lwm,khwv kawg li tiag. Kuv xav mas tej zaum yuav yog raug cov nkauj mos tim ub ua khawv koob rau lawm thiab; qhov no kuv tsis lav. Txawm li cas los sij, kuv xav kom nyias nco nyias cov lus thaum tseem ua nkauj ua nraug es yus ob leeg hais tseg cias xwb. Yog tug twg ua phem mas xav kom nws muaj cov lus thaum ub hais tseg coj los kib rau nws noj kiag xwb tiag... kwv shung
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: Zaj muab me nyuam

    Post  xiongchang on 8th August 2012, 11:18 am

    - Kwv ntxawg:...Shung....Tug tib neeg, Neeg yeeb ceeb; Tog mus saib lub neej yeeb ceeb, Thiab pom nkauj zag; Yog tug tib neeg:...Ib yam ntxwv zoo, Txhais tias; Ua tau daim iav suav daws tsom, Ua qauv zoo; Suav daws xyaum....Ua iv txwv, Suav daws kawm; Cwj pwm haum....Tib neeg txhua tug, Xeeb ceem hais lug zoo; Moj yam luag qhuas....Ob siab loj....peb siab ntev....Plaub siab dav....Tsib siab zoo....Rsu siab dawb....Xya ncaj nceeg....Nyob saum yaj ceeb, Tib neeg ntiaj teb nyiam....Txawm tuag nqeg yeeb ceeb, Los dab ntshaw; Luag hais tias....Ntsuas txhav haum, Thiaj los coj mus ncig saib xyuas; Lub neej ntawd....kom paub txhij, Pom txhua yam; Piav qhia tas nrho "Tab sis" Yuav tsum yog, Tug tib neej "Coj tug - Mloog tog - Saib meej - Xyuas tseeb - Xyuam xim" Tsi ua dog dig, Tswj tug kheej; Ruaj nreeg khov kho, Tsi ua ntoo pheeb raws cua; Tsi ncauj ntau....Puam tsuab khawv, Nyob twj ywm; Kaw ncauj zoo....Tsi piav qhia leej twg? "Luag" Thiaj coj mus os.

    Sponsored content

    Re: Zaj muab me nyuam

    Post  Sponsored content


      Current date/time is 23rd August 2017, 1:51 am