google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Kwvtxhiaj Hluas Nkauj Tuag Tso Hluas Nraug Cia

    Share

    Liajntsu
    Guest

    Kwvtxhiaj Hluas Nkauj Tuag Tso Hluas Nraug Cia

    Post  Liajntsu on 1st April 2010, 9:01 am

    Cov phoojywg tsis pom nej leej twg tuaj cia kuv hais ib zaj kwvtxhiaj los deev nej siab kom nej tuaj cuav zos. Kuv zaj kwvtxhiaj no yog kuv hais raws kuv lub neej yav ntuj qub qab xyoo 1982-84 ntawd pub rau nej mloog tias txoj kev ua nkauj nraug nyob hauv lub ntiajteb no muaj kev kho siab, tusiab thiab khib siab npaum licas yog tsis sib tau thiab ib tug ncaim lub ntiajteb los lawm es tso ib tug tseg. Xyoo no kuv rov ncig mus txog kuv tus qub phoojywg wb tej kev nyob yav dhau los uas yog nws tau tso lub ntiajteb tseg tom qab kuv tau ncaim nws li 2 lub xyoo lawm. Cia kuv tuaj nroo rau nej mloog vim nws tsis hnov lawm.

    Ntuj ne me Hmoob nkaujxwb tus kuv nco thaum koj thiab kuv wb tseem ua nkauj ua nraug nyob koj nim zoo nkauj puabtam li koj niam thiab koj txiv tsob me paj txiv duaj nyob mus tawg tshiab...kuv me txiv leej tub thiaj li muab koj lub cev ntaj ntsug lub meejmom mus zoo nkauj nco lub me ntuj tsaug tawm lis plaws rau lub mus ntuj tshiab.

    Ntuj ne me Hmoob nkaujxwb tus tus kuv nco thaum koj thiab kuv wb tseem ua nkauj ua nraug nyob koj nim zoo nkauj puabtam li koj niam thiab koj txiv tsob me paj txiv duaj tawg tshiab tsis txawj zaus....kuv me txiv leej tub thiaj li muab koj lub cev ntaj sib ntsug lub meejmom mus zoo nkauj nco lub ntuj tshiab tawm lis plaws rau lub me mus ntuj tsaug.

    Ntuj ne Hmoob nkaujxwb tus kuv tshua thaum koj thiab kuv wb tseem ua nkauj ua nraug lis yees nyob wb tuav tes rawv tawm rooj plaws nim zoo puabtam li ntua nkawm me noog liaj noog luv ya tav yujyees tej me mus laj roob....nim no koj cev ntaj sib ntsug ploj tuag tag nrho yuav muab kuv me txiv leejtub nrauj li ncua cia tuaj tom qab xyoo li no kuv ncig lis yeev tuaj txog wb tej me qub chaw nyob nim nphob lis xuav tsis pom koj tsuas pom wb tej me chaw nyob twb hlob mus ciaj tag tus me hav pos ntxuag tus me hav xyoob....kuv me txiv leej tub nim nco wb me kev qub plees nkauj nrauj ua luaj li xav tias tsis quaj los tus me txiaj ntsim kua muag sib tw poob.

    Ntuj ne Hmoob nkaujxwb tus kuv tshua thaum koj thiab kuv wb tseem ua nkauj ua nraug lis yees nyob wb tawm rooj plaws nim zoo puabtam li ntua nkawm me noog liaj noog luv ya tav yujyees tej me mus laj tog....nim no koj cev ntaj sib ntsug ploj tuag tag nrho yuav muab kuv me txiv leejtub nrauj li ncua cia tuaj tom qab xyoo li no kuv ncig lis yeev tuaj txog wb tej me qub chaw nyob nim nphob lis xuav tsis pom koj tsuas pom wb tej me chaw nyob twb hlob mus ciaj tag tus me hav xyoob ntxuag tus hav pos....kuv me txiv leej tub nim nco wb me kev qub plees nkauj nrauj ua luaj li xav tias tsis quaj los tus me txiaj ntsim kua muag sib tw nrog.

    Chim lub lajxeeb xaus li xi rau zoov lajteem lub ntsis ntseej txoj niag nkauj nraug nyob lub ntiajteb no ntshe yuav nco nco tag mus ib sim me neej.


    [b]

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kwvtxhiaj Hluas Nkauj Tuag Tso Hluas Nraug Cia

    Post  koojziagkabzaug on 2nd April 2010, 8:56 am



    Nyob zoo LiajNtsuab,

    Wow...! Nws me khaub plees nkauj nraum poob rau ntuj qub qab nim khaws tau txwj sib ntuj daim ntawv ploj, yuav tseg ncua nws me txiv leej tub li koj saub seev yees tej me teb quav poj.
    Cas nws me xab yeeb xyuam phooj ywg poob rau ntuj sua teb tom ped yuav khaws tau Ntxwj sib nyug daim ntawv tuag, yuav tseg tau nws me khauv plees nkauj nraum li koj lug toj lug pes quaj.

    Chim laj xeeb xaus xis daim nplooj tsawb, plees nkauj nraum zoo ua luaj li no daj dee tsis sib tau ntshe yuav nco nco ysis muaj hnub kawg...


    http://www.youtube.com/watch?v=1Szx6s44cz8


    Liajntsu
    Guest

    Re: Kwvtxhiaj Hluas Nkauj Tuag Tso Hluas Nraug Cia

    Post  Liajntsu on 2nd April 2010, 5:14 pm

    Kooziagkabzaug,

    Tus me Xabyeem xyuam phoojywg no thiab kuv wb ntaus cim me khaub plees nkauj nraum zoo heev li os kuv thiaj li tuaj qhia nej. Wb sib tseg tsis taus li vim yog lub tebchaws tsis zoo kuv thiaj li khiav tuaj lawm xwb ces nws tsis muaj txoj hmoo cia li mob cancer rau nws ib sab mis nws tseem yog hluas nkauj thiab ho yog ntxhais ntsuag nrog txiv hlob lawv nyob xwb ces nws txaj txaj muag tsis kam qhia lawv paub. txog thaum lawv hnov tsw lwj ces twb pab tsis tau lawm thiaj li tau tso lub ntiajteb tseg ua chaw tusiab thiab ua chaw tshua rau kuv txog niajhnub no. Nws yog ib tug ntxhais siab zoo thiab nquag heev os. Yog yuav muab txoj kev hlub tuaj piav qhia nej mas ntau heev li os cia lam nroo me me li no rau nej mloog xwb. ua tsaug koj zaj kwvtxhiaj thiab ua rau kuv nim kho siab lawm ib tsam tiag.

    Nyob zoo nawb.

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kwvtxhiaj Hluas Nkauj Tuag Tso Hluas Nraug Cia

    Post  koojziagkabzaug on 5th April 2010, 12:23 pm



    Txiv tub, cas xyoo no luag cav zoj tias kho suav nyuj twm i siab es suav nyuj twm i tsis nraug kiab. Plees nkauj nraum zoo luaj no, daj dees tsis tau leej tub li koj ces cia tuag los yuav tsis nraujj siab.


    Txiv tub, cas xyoo no luag cav zoj tias kho suav nyuj twm i siab es suav nyuj twm i tsis nraug khw. Plees nkauj nraum zoo luaj no, daj dees tsis tau leej tub li koj ces cia tuag los yuav tsis nrauj ntsws.

    Txiv tub nco tib ntsuj ntsoov tias thaum niam leej ntxhais ua nkauj qas yeev nyob toj lug lim taim lub roob ncaib. Txiv tub nim nyiaj hmo los yoo tshaib, tuaj cuag kom tau kuv niam leej ntxhais.


    Txiv tub nco tib ntsuj ntsoov tias thaum niam leej ntxhais ua nkauj qas yeev nyob toj lug lim taim lub roob ntxho. Txiv tub nim nyiaj tshaib los yoo hmo, tuaj cuag kom tau kuv niam leej ntxhais txhua hmo.

    Chim laj xeeb xaus xi daim nplooj qhaus, plees nkauj nraum zoo luaj no daj dee tsis tau txov leej tub li koj ces ntshe yuav nco nco mus txog hnub laus.




    Liajntsu
    Guest

    Re: Kwvtxhiaj Hluas Nkauj Tuag Tso Hluas Nraug Cia

    Post  Liajntsu on 6th April 2010, 9:03 am

    Ntuj ne me Hmoob nkaujxwb yeeb vim koj nim ua tag koj niam thiab koj txiv tus me nkauj xwb cev yiag quj qais mus zoo nkauj txhua leej txhua tus xav saib.... kuv me txiv leej tub thiaj li muab niag toj roob hauv pes ua loj ua lug maub ntuj teb tag hmo tuaj mus nyiaj mov los yoo tshaib.

    Ntuj ne me Hmoob nkaujxwb yeeb vim koj nim ua tag koj niam thiab koj txiv tus me nkauj xwb cev yiag quj qais mus zoo nkauj txhua leej txhua tus xav kov.... kuv me txiv leej tub thiaj li muab niag toj roob hauv pes ua loj ua lug maub ntuj teb tag hmo tuaj mus nyiaj tshaib los yoo mov.

    Ntuj ne me Hmoob nkauj xwb kheev kuv txiv tub paub tias yog ntaus cim me kev khaub plees nkauj nraum zoo luaj no daj tsis tau koj lub me cev nkauj xwb yiag qujqaim mus phim tsoos.... ces ntshe kuv txiv tub twb muab wb cim me kev khaub plees nkauj nraum nrauj lis ncua tseg puag thaum ntxov nimno kuv txiv leejtub twb tsis muab koj nco ua mob tuj taws nyob yuav mus ciaj ntxoog.

    Ntuj ne me Hmoob nkauj xwb kheev kuv txiv tub paub tias yog ntaus cim me kev khaub plees nkauj nraum zoo luaj no daj tsis tau koj lub me cev nkauj xwb yiag qujqaim mus phim hlab....ces ntshe kuv twb muab wb cim me kev khaub plees nkauj nraum nrauj lis ncua tseg puag thaum ntxov nimno kuv txiv leejtub twb tsis muab koj nco ua mob tuj taws nyob yuav mus ciaj dab.

    Zoo lub me lajxeeb los ntshe yuav nrauj tsis nyog lub me mus lajchim es tiam no daj tsis tau koj los cia wb nco lis nco li ntsoov tos li ntua deev kom tau rov lwm sim.

    Koojziagkabzaug txhob xav licas os nov yog hais rau kuv niag pobntoos uas muab kuv tso tseg es hais qhia nej saum toj saud lawm xwb.

    [center]

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Kwvtxhiaj Hluas Nkauj Tuag Tso Hluas Nraug Cia

    Post  MayPaj on 6th April 2010, 10:22 am

    Wow!!! cas neb yuav mus keeeeeeeeeej sau kwv txhiaj ua luaj thiab no...thov qhuas neb nawb, kav tsij sau kwv txhiaj ntau ntau peb thiaj tau tuaj kawm nawb cheers

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Kwvtxhiaj Hluas Nkauj Tuag Tso Hluas Nraug Cia

    Post  koojziagkabzaug on 6th April 2010, 1:40 pm



    Hahahah...! Lub me paj ntshua nplaim e! Cas kuv pom nws lub npe, kuv xav tias kuv yuav tau mloog nws ib txwm kwv txhiaj no, nws tseem hais tias nws yuav tuaj mloog wb li xwb no naj...!


    LiajNtsuab,

    Txiv leej tub, wb daj dee tuaj yuav sib yuav, es leej tub nim zais nees lis plias zoo puav tam li ntses nuj ntaus ntses niag laim txuj txias tuaj yuav nto ntug. Daj dees plees nkauj nraum hais zoo luaj no tsis tau es yog muaj ib hnub twg kuv niam ntxhais cev ntsuj duab txawj txia los txawj yaj, ntshe yuav txia ntshis ua niam uab me noog coj koj nrog kuv mus.

    Txiv leej tub, wb daj dee tuaj yuav sib yuav, es leej tub nim zais nees lis plias zoo puav tam li ntses nuj ntaus ntses niag laim txuj txias tuaj yuav nto tsuag. Daj dees plees nkauj nraum hais zoo luaj no tsis tau es yog muaj ib hnub twg kuv niam ntxhais cev ntsuj duab txawj txia los txawj yaj, ntshe yuav txia ntshis ua niam uab me noog coj koj mus ua kuv luag.

    Chim laj los tsis chim xeeb, plees nkauj nraum zoo luaj no, yog tau txiv leej tub li koj los ua kuv luag ntshes kuv yuav zoo siab ib sim neej...Hahhaah...!



    cagtxuj
    Visitor
    Visitor

    Messages : 1
    Date d'inscription : 2011-03-28

    Niam tuag tso txiv tseg

    Post  cagtxuj on 28th March 2011, 10:03 am

    Ua ob txiab.....nkauj seej nis kuv nkauj see....thaum koj tseem ua neej nrog kuv nyob es cuaj hnub us kaum hmo los kuv twb cem piv tib zuj zias tias koj siab nyob tuaj tsis zoo...cas koj ntaj ntsug tuag tag nrho, kuv yuav muab koj nco, nco lub niaj thawm li plaws lub xyoo....thaum koj tseem ua neej qas yeev nrog kuv nyob, cuaj hmo mus kawm hnub los kuv twb cem piv tib zuj zias tias koj siab nyob mus lim hiam, cas koj ntaj ntsug tuag tag nrho kuv yuav nco, nco koj lub xyoo thawm lub niaj. Ua ob txiab.....nkauj see nis kuv nkauj see...thaum koj tseem ua neej nyob nrog kuv nyob es tsaus ntuj lawm tej sib zus, koj nim nce li hlo wb lub me txaj txawb mus txaj tsuas, yuav thom lig zog me pam vov nrog pam pua los mus ua ib khub, yuav ruv li rhe kuv muag puag sov li so, tham ntxuj ntxias ntuj teb, ntuj tag hmo tsis tuaj dab ntub...thaum koj tseem ua neej nrog kuv nyob ces tsaus ntuj lawm tej sis niab, koj yuav nce li hlo wb lub me txaj txawb mus txaj tsua es yuav mus thom lawm li zog me pam vov nrog pam pua tuaj rau ob tog, yuav rub li rhe kuv mus puag sov lawm li so nrog koj tham ntuj teb ntuj tag hmo tuaj tsis tsaug zog nis kuv muam nkauj seej...

    To be continues.....

    MayPaj
    Spammer
    Spammer

    Messages : 490
    Date d'inscription : 2010-02-25

    Re: Kwvtxhiaj Hluas Nkauj Tuag Tso Hluas Nraug Cia

    Post  MayPaj on 28th March 2011, 11:24 am

    cagtxuj wrote:Ua ob txiab.....nkauj seej nis kuv nkauj see....thaum koj tseem ua neej nrog kuv nyob es cuaj hnub us kaum hmo los kuv twb cem piv tib zuj zias tias koj siab nyob tuaj tsis zoo...cas koj ntaj ntsug tuag tag nrho, kuv yuav muab koj nco, nco lub niaj thawm li plaws lub xyoo....thaum koj tseem ua neej qas yeev nrog kuv nyob, cuaj hmo mus kawm hnub los kuv twb cem piv tib zuj zias tias koj siab nyob mus lim hiam, cas koj ntaj ntsug tuag tag nrho kuv yuav nco, nco koj lub xyoo thawm lub niaj. Ua ob txiab.....nkauj see nis kuv nkauj see...thaum koj tseem ua neej nyob nrog kuv nyob es tsaus ntuj lawm tej sib zus, koj nim nce li hlo wb lub me txaj txawb mus txaj tsuas, yuav thom lig zog me pam vov nrog pam pua los mus ua ib khub, yuav ruv li rhe kuv muag puag sov li so, tham ntxuj ntxias ntuj teb, ntuj tag hmo tsis tuaj dab ntub...thaum koj tseem ua neej nrog kuv nyob ces tsaus ntuj lawm tej sis niab, koj yuav nce li hlo wb lub me txaj txawb mus txaj tsua es yuav mus thom lawm li zog me pam vov nrog pam pua tuaj rau ob tog, yuav rub li rhe kuv mus puag sov lawm li so nrog koj tham ntuj teb ntuj tag hmo tuaj tsis tsaug zog nis kuv muam nkauj seej...

    To be continues.....

    koj seev kwv txhiaj tu siab ua luaj li :q :q :q Hnub no koj mam paub ces twb lig lig lawm nas me koj txiv



    _________________


    Lub dej teev lub lwg
    teej luj lias rau daim nplooj paj
    nkauj hmoob tuaj sab hnub tuaj
    muaj lub npe hu ua li maypaj :A

    Sponsored content

    Re: Kwvtxhiaj Hluas Nkauj Tuag Tso Hluas Nraug Cia

    Post  Sponsored content Today at 2:56 am


      Current date/time is 11th December 2016, 2:56 am