google-site-verification: googlefbfddf59e706b96b.html

Tsev seev PajHuam

Hmong beauty nature

Compteur visitor

hnub 18/09/2010 los mus

    DAB NEEG HMOOB

    Share

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Dab neeg Kawb

    Post  koojziagkabzaug on 14th April 2010, 1:14 pm



    Txoj Dab Neeg Kawb (Myth of End) pt 1



    Txoj Dab Neeg Kawb (Myth of End) pt 2



    Txoj Dab Neeg Kawb (Myth of End) pt 3


    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Ob niam tub txom nyem

    Post  koojziagkabzaug on 8th June 2010, 8:01 am



    Ob niam tub txom nyem




    Thaum ub muaj ibtug ntxhais siabzoo thiab nquag heev. Nws yog ntxhais Hmoob tojsiab tsis paub ntaub ntawv tsuas yog txawj ua noj ua haus xwb. Nyob nyob muaj ib tug tub hluas tuaj yuav nws mus ua nyab. Thaum lawv tuaj ua tshoob us kos tab los tau peb lub hlis xwb ces tus niam pog twb tseev kom tus nyab lub cev ciali xeeb tub. Leej niam los hais rau nws tus me tub tias kom nws kavtsij tso tus me nyab muaj menyuam sai sai. Nkawv nyob uake tau ib xyoos ces tus nyab tsis muaj menyuam raws siab xav. Nws tsis muaj menyuam ces ua rau leej niam pog me siab. Nws txawm tabmeeg kho thiab nrhiav tshuaj los kho tus nyab. Kho tau ob xyoos los tus nyab tsis muaj menyuam li ces niampog nrhiav kev tsim tus nyab lub siab. Niampog ua txhuayam kev phem ciav tus nyab kom nws nyob tsis taus los nws uv thiab ua siab ntev tsis qhia nws tej kev chim rau leejtwg. Niampog lawv pib nrhiav nyabyau rau lawv tus tub thiab txw kom tus tub ua siab phem rau tus nyab. Lawv ua siab phem npaum licas los tus nyab tsis quav ntsej thiab tsis pub mob rau nws cev nqaij daim tawv rau lawv pom. Txawm hauv nws lub siab yuav mob cuag riam hlais los nws ua tiag uv tsis qhia leejtwg li.
    Muaj ib hnub tus nyab mus pw pem teb ces nws quaj quaj. Nws thiaj tsa ncauj thov nws niam yug nws vim nws niam tuag lawm. Nws niam thiaj los ua loojtsim rau nws hais tias nws niam hnov nws tej lus thov thiab pom nws tej kuamuag tag lawm. Nws niam thiaj thov lub ntuj xa ib tug me tub los rau nws. Tsis ntev ces nws txawm muaj menyuam thiab yug tau ibtug me tub. Nws muab nws tus me tub tis npe hu ua "Muaj Hmoo" no. Nws niam pog tsis nyiam ces cem cem tias ua cas npe zoo muaj ntau es nim yuav muab tus tub lub npe hu ua, "Muaj Hmoo" no xwb. Lawv cem thiab tsis nyiam tus nyab thiab nws tus me tub li. Tau ob xyoos tom qab no nws tsis muaj menyuam ntxiv lawm ces lawv cem cem nws tag zog. Lawv nrhiav tau ibtug nyab yau rau lawv tus tub yuav ua niamyau lawm ces lawv muab nkawv cais tsev. Tus nyab no nws coj nws tus me tub nrog nws mus ua neej nyob puag tim ntug zos. Nkawv ua neej nyob kho siab khuav ua lub neej nrog kua muag xwb tsis muaj neeg hlub nkawv li. Nkawv nyob tau kaum xyoo ces zaum no tus me tub hlob tuaj thiab pab tau nws niam lawm. Nkawv thiaj tsiv mus nyob tim ib lub zos tshiab nrog dua ib cov Hmoob tshiab nyob. Hmoov zoo heev rau lub sijhawm nkawv khiav los txog. Tus tswv zos tuaj xyuas nkawv ib niam tub thiab faib tau ib nkawm qaib rau nkawv mus chiv peev ua nkawv lub neej nyob dai luag qhua. Nkawv nyob tau ib xyoos ces nkawv khwv tau me ntsis nyiaj. Leej niam thiaj muab qhov nyiaj mus muas tau ib tug las npua los yug. Nkawv yug tus las npua ntawd tau ib xyoos thiab. Thaum yuav txog pebcaug ces leej niam thiaj los hais rau nws tus tub hais tias nkawv yug tau ib tug las npua xwb es yuav ua licas muab tus las npua ntawd tua noj. Thiab thaum muab tua tuag lawm yuav noj licas thiaj tag thiab yuav cia licas thiaj tsis tsw txhiab. Leej niam yeej paub lawm tabsis nws nug nws tus me tub seb tus me tub puas nrog nws paub. Tus me tub thiaj teb nws niam tias, " Kuv niad, wb twb tsis muaj kwvtij neejtsa li es yog wb tua wb tus las npua ntshe hau noj ib pluag tsis tag. Wb yuav muab hlais nqa los ntshe yuav qhuav tsis zoo thiab yuav tsw lwj vim noj tsis tag. Yuav muab cia licas los ntshe yuav cia tsis kav ntev kiag li os, kuv niad. Yog koj pom zoo thiab no ces cia wb mus hu tswv zos thiab cov kev txwj laus tuaj nrog wb tua wb tus npua es cia lawv tuaj nrog wb tseev ua rau peb txhua tus noj."
    Leej niam teb nws tus me tub tias, "Niam tus me tub siab zoo. Cas hnub no niam yuav pom nws lub siab zoo ua luaj. Nws hlob lawm tiag, thiab nws txawj xav ua luaj. Niam yuavtsum yuav li nws hais xwb tiaj tag."
    Ces tus tub nug nws niam tias, "Kuv niad, ces koj pom zoo lawm lod?"
    Nws niam teb tias, "Me tub, niam yuavtsum pom zoo xwb. Niam yug nws ib leeg xwb, nws xav tau li ntawd los yeej zoo kawg."
    Ces nkawv thiaj mus hais rau tus tswv zos thiab niam tswv zos tias nkawv muaj ib tug las npua xwb tabsis nkawv yuav muab tua noj es kom tswv zos pab hais rau cov kev txwjlaus tuaj nrog nkawv tua thiab nrog nkawv noj ib rooj mov ua kev zoo siab xa lub xyoo laus tos txais lub xyoo tshiab. Ces tswv zos thiaj ua li nkawv hais. Nkawv thiaj muab nkawv tus npua los tua ua rau neeg zej zog nrog nkawv noj ib pluag xwb tag du lug. Txij li mus ces nkawv nyob muaj kwv muaj tij, muaj neej muaj tsav muaj phoojywg coob zujzus lawm. Muaj neeg tu liaj tu teb ze ntug zos rau nkawv ua thiab lawv tuaj pab nkawv ua liaj ua teb, (sib pauv zog). Nkawv kev noj kev haus nyob tau kajsiab lug thiab leej niam muab cov qaib muag tau nyiaj heev. Nws thiaj khaws tau nws cov nyiaj ntau txaus mus yuav tswv zos tus ntxhais nkauj ntxawm rau nws tus tub yuav ua pojniam. Tomqab no nws tus me tub yuav pojniam tag ces nws mam nrhiav kev mus nrhiav nws txiv. Thaum nws mus nrhiav tau nws txiv, nws txiv quav quav yeeb thiab lub neej kaub kaub huam. Niamyau muaj ob tug ntxhais xwb tsis muaj ibtug tub li. Leej txiv quaj quaj ces tus me tub thiaj tos nws txiv los nrog nws thiab nws niam lawv nyob lawm.

    Hmmm...., kuv twb nrog nws quaj lawm os.

    Li no xwb, puas zoo thiab.



    By: Sua Xyooj
    USA. 03 November 2008 - 04:23 PM





    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    zaj kwv huam hais txog ib leej txiv muaj 2 leeg tub.

    Post  koojziagkabzaug on 21st September 2010, 3:44 pm



    zaj kwv huam hais txog ib leej txiv muaj 2 leeg tub.
    Tus sau: Maiv paj Lug Vaj
    08 September 2008


    Puag thaum ub muaj ib tug yawg nplua nuj muaj 2 tug tub, thaum 2 tug tub hlob loj los tus tub ntxawg txawm hais rau nws txiv hais tias, txiv kuv hlob txaus lawm kuv xav kom koj faib kuv lub cuab yeeb cuab tam rau kuv es kuv yuav mus kuv, nws txiv hais tias , me tub yog koj tsis xav nrog kuv nyob lawm los tsis ua li cas kuv mam faib koj li rau koj, thaum nws txiv faib nws li cuab yeeb cuab tam tag rau nws ces nws thiaj li sawv kev tawm ntawm nws txiv khiav mus deb thiab mus rau lwm lub nroog lawm. Leej txiv quaj quaj nco nco nws tus tub ntxawg, nws niaj hnub niaj hmo mus nyob puag tim dawm saib ntsoov seb puas muaj ib hnub nws tus me tub ntxawg yuav rov los.
    Mus tsis ntev xwb tus tub ntxawg txawm mus muab nws txiv tej nyiaj tej txiaj uas nws txiv faib rau nws siv lwj siv liam thiab ua txhua yam raws nws siab nyiam tag lawm , thaum nyiaj tag ces nws txom nyeem heev, niaj hnub mus ua luag zog los luag tsis pub mov rau nws noj li, muaj ib hnub nws txawm mus zog ib yim neeg cov npua, nws pom npua noj qhauv zom zaws nws tshaib plab heev nws nrog npua sib txeev qhauv noj , nws xav xav nws txawm quaj quaj hais tias, ab cas kuv nrog kuv txiv nyob, kuv txiv cov tub mab tub qhe es noj zoo pw sov thiab kuv txiv tseem muab nyiaj pajtshaj rau lawv tib si, ntshe kuv yuav rov mus tsev yuav mus thov ua kuv txiv ib tug tub qhev lau, ces nws txawm rov los tsev...thaum nws los txog puag tim dawm cas nws pom nws txiv khiav ceev ceev los puag lias thiab qawm lias nws muab nws hnia, tus tub ntxawg thiaj pe nws txiv thiab thov nws txiv los ua nws txiv tus tub qhev, tiam sis leej txiv hlub nws tus tub heev, leej txiv hais tias me tub txhob hais ntau ntau lawm cia li nrog kuv mus tsev kuv yuav kom tub mab tub qhe tua nyuj tua twm peb yuav ua ib lub hmoov rov txais tos koj los nrog txiv nyob ua txiv tus me tub dua, thaum nkawv los txog tsev leej txiv kom cov tub mab tub qhev nqa khawb ncaws zoo dai nyiaj dai kub rau nws tus tub hnav muab nplhaib nyiaj nplhaib kub rau nws tus tub coj lawv thiaj tua nyuj tua twm noj ua tsev nrov nqaj to....tus tub hlob mus ua ib hnub teb los , nws txawm los hnov lawv ua rov nqaj to, nws nug rau ib tug tub qhe ntawm qhov rooj hais tias yog tim dab tsi lawv ho ua rov ua luaj li, ces tus tub qhe txawm teb rau nws hais tias, vim koj tus kwv rov los es koj txiv zoo siab heev koj txiv ua hmoov tos txais nws dua, ces tus tub hlob chim thiab npau taws heev nws tsis kam nkag los hauv tsev, lawv thiaj mus hu leej txiv tawm tuaj txog ces tus tub hlob thiaj hais rau nws txiv hais tias, txiv cas kuv nrog koj nyob mloog koj lus ua li koj hais kuv niaj hnub mus khwv los rau koj cas koj twb tsis muab ib daim ntaub ntsuj ntaub npaug rau kuv hnav koj twb tsis muaj nyiaj muab kub rau kuv coj, hos kuv tus kwv es twb muab koj tej nyiaj nqa tag lawm ib nrab thiab nws tsis mloog koj lus li cas koj ho hlub nws tshaj kuv koj ho ua hmoov rau nws thiab muab nyiaj muab kub rau nws coj? ces leej txiv thiaj teb nws hais tias, Me tub hlob vim koj tus me kwv twb tuag lawm sawv rov los, hnub no txiv thiaj zoo siab heev thiaj ua kev lom zem rau nws kom nws rov los nrog txiv nyob thiaj hlub txiv li koj hlub txiv thiab, cia li mus tsev txiv yuav muab paj tshab rau neb 2 leeg ua ntej txiv txog siab tu ib hnub......ces nkawv 2 leeg thiaj nkag los koom lawv lub hmoov ntawv, tus tij laug thiaj zoo siab los txais nws tus kwv......ZAJ DAB NEEG NO YOG IB ZAJ PAJLUG UA YESXUS PIAV RAU TSOOM PEJ XEEM THIAB NWS COV THWJ TIM.......txhais tau hais tias txawm tej me tub me nyuam yuav ua phem npaum twg rau leej txiv los leej txiv tseem qhib qhov nrooj lug tos, kom peb txhob tag kev cia siab li leej txiv thiab tus tub tsis mloog lus ntawv


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Nkauj Ntsuab thiab Txiv Nraug Ntsuag

    Post  koojziagkabzaug on 21st September 2010, 4:14 pm



    Nkauj nab ntsuab thiab txiv nraug Ntsuag



    Puag thaum ub muaj ib tug tub ntsuag nws tsis muaj niam muaj txiv nws nrog niam tij thiaj tij laug nyob, niam tij thiab tij laug tsis hlub nws, nws txom txom nyem tsis muaj zaub muaj mov noj, nws niaj hnub mus cuab nas cuab noog puag tom hav zoo los noj xwb.
    Muaj ib hnub tub ntsuag txawm mus cuab nas rau puag tom ib lub hav zoo, tub ntsuag txawm mus pom ib tug dav kwv tau ib nab ntsuab ya los hlav saum tub ntsuag tob hauv, tub ntsuag txawm qw nrov nrov kom tus dav tso tus nab, cev tus dav ceeb ces tus dav txawm muab tus nab ntsuab poob los lawm.
    Tub ntsuag txawm rov tau kev mus ntxiv cas txawm muaj ib tug phij hu tom nws qab tuaj hu tias ntsuag..tos kuv os ntsuag tig ho rov mus ntsia cas muaj ib tug ntxhais zoo zoo nkauj lawv ntsuag qab ntsuag txawm tig hlo mus tuav nkaus nws ntsuag hu tias leej muam koj yov mus dab tsi, nws teb tias nws yov nrog ntsuag mus cuab nas.
    ces ntsuag thiaj li coj nkauj nab ntsuab nrog nws mus cuab nas, nkawd mus cuab nas ib hnub tshaib tshaib plab tsis muaj zaub muaj mov noj. nkauj nab ntsuab thiaj li kom ntsuag mus rauv taws nkauj nab ntsuab thiaj li hle nws ntiv nplhaib los ua tsu cub mov ho hle nws txwm qhws ntsej los ua lauj kaub ua zaub nws thiaj li ua tau zaub mov los ntsuag nkawd noj.
    ntsuag nkawd noj mov tag ces tsaus ntuj lawm, ntsuag nkawd thiaj li txiav tauj los ua tsev pheeb suab pw, ntsuag nkawd pw ntawd ib hmos kaj ntug, ntsuag tsim los ces vaj tse zoo zoo ci ntsa iab ntsuag ntshai ntsuag sawv tsees khiav, nkauj nab ntsuab thiaj li tsawv nkaus tes rub ntiag los, nkauj nab ntsuab thiaj hais rau ntsuag tias twb yog niam thiaj txiv tuaj ua rau nkawd nyob, ntsuag thiaj li tsis ntshai
    Ces ntsuag nkawd thiaj li muaj vaj muaj tsev zoo zoo thiab nkawd muaj tub mab tub qhe coob nroo ntws, nkawd muaj nyiaj muaj kub ntau ntau thiab nkawd ua lub neej zoo zoo kawg, nkawd niam tij thiab tij laug thiaj tuaj xyuas ntsuag nkawd, ntsuag nkawd thiaj muab tau ib hnab nyiaj ib hnab kub pub rau ntsuag niam tij thiab tij laug nkawd coj mus siv, ntsuag niam tij thiab tij laug zoo zoo siab rau ntsuag nkawd
    ntsuag poj niam zoo zoo nkauj kawg li cov neeg zej zog lawv tuaj pom ntsuag poj niam zoo zoo nkauj ces ib leeg cav dhau ib leeg, ces nrov mus txog huab tais, ces huab tais txawm tuaj xyuas ntsuag poj niam, huab tais tuaj pom ntsuag poj niam zoo zoo nkauj kawg li tiag ces huab tais txawm nyiam nyiam ntsuag poj niam ces huab tais tuaj txeeb
    muaj ib hnub huab tais txawm tuaj txeeb ntsuag poj niam yuav, ntsuag tsis kam huab tais txawm tso huab tais cov xav pav muab ntsuag ntau sab sab thiab muab ntsuag khi cab mus tua pom tseg, ces ntsuag poj niam thiaj li los thaiv nkaus tsis pub lawv cab ntsuag mus tua tab sis lawv tsis nyoo ntsuag poj niam lus lawv cia li muab ntsuag luag mus.
    ua rau ntsuag poj niam chim heev ntsuag poj niam thiaj li rov mus ua nab los muab huab tais thiab huab tais cov xav pav tom tuag tas, ces ntsuag poj niam thiaj los ua neej tsis tau lawm, ntsuag poj niam thiaj li tau ncaim ntsuag mus ib nyuag ntu.
    ntsuag poj niam rov los ua neej tsis tau lawm ces nws thiaj li hais rau ntsuag hais tias kuv rov los ua neej tsis tau lawm ces koj nyob kuv yov rov mus nrog niam thiab txiv lawv nyob, kuv ces twb xeeb tub lawm yog kuv mus yug tau tus ntxhais ces wb yov tsis sib pom lawm, yog kuv mus yug tau tub ces kuv mam rov nrhiav koj
    nkauj nab ntsuab thiaj li mus yug tau ib tug tub, nws thiaj li muab nws tus tub tis npe ua tub ntaj txeeg no, tom qab no nws tus tub ntaj txeeg hlob tiav txiv, nkauj nab ntsuab thiaj li coj nws tus tub ntaj txeeg rov los nrhiav ntsuag.
    nkauj nab ntsuab nkawd ob niam tub thiaj li rov los nrhiav tub ntaj txeeg txiv nyob rau hauv ntiaj teb, nkawd ob niam tub los hla ntoj roob hauv pes hav zoov nuj txeeg xiab, nkawd pom mi tso mi ntxhw khiav ua npoj ntws txhua txhia lub roob rau lub roob ha, nkawd xav hais tias tsis ntev lawm yuav nrhiav tau ntsuag
    nkauj nab ntsuab thiab tub ntaj txeeg nkawd rov los nrhiav tau tub ntaj txeeg txiv lawm cov neeg zej zog zoo zoo siab lawv tuaj muab ntsuag nkawd ob niam txiv tsa ua huab tais thiab poj huab tais kav lub teb lub chaw ntawd, ntsuag thiab nkauj nab ntsuab nkawd thiaj tau los ua huab tais kav teb kav chaw, ces nkawd muaj tub mab tub qhe coob coob kawg li.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    "TOOJ NRAIM SIS NAB THIAB MUAM TOOJ LUG"

    Post  koojziagkabzaug on 22nd September 2010, 8:01 am



    Tus sau:Vaj Ntxoov Vaj
    USA Feb 9 2008, 08:40 AM



    "TOOJ NRAIM SIS NAB THIAB MUAM TOOJ LUG"

    Muaj ib ntxim niam-txiv hluas hluas, sib sib hlub. Tus txiv hu ua Tooj Nraim Sis Nab, tus niam hu ua Muam Tooj lug. Nkawd nyiam qhuav ua neej muaj thawj tug menyuam xwb. Tus menyuam tseem noj mis, nws lub npe hu ua Cib Siv Yig. Muaj ib hnub Tooj Nraim Sis Nab mus yos hav zoov los txog tog kev, ua ciav pom 2 tug menyuam ntxhais – plaub hau ntev ntev - nyob hauv qab ke, sib cav tsis saib qhov twg: nkawd hais txog qhov yuav mus coj ib tug pojniam – yog Tooj Nraim Sis Nab tus pojniam. Koj los tias cia koj mus coj es cia tus tod zov nyas, kuv los tias cia kuv mus coj es tus tod zov nyas tsam muaj neeg tuaj pom ces yuav sav coj tsis tau Muam Tooj Lug mus rau tsov txaij ntsab ntsaum. Nkawd sib cav sib cav tsis sib haum li. Tooj Nraim Sis Nab hnov thiab paub lawm tias 2 tug ntawd yog poj ntxoog, nkawd yuav los mus coj nws pojniam mus rau tsov, ces nws pojniam yuav tuag xwb. Nws thiaj xav zoj nkawd sib hlub tag npaum nyiam qhuav sib yuav tau tsis ntev, muaj thauj tus menyuam mos mos xwb yuav ua li cas?

    Tooj Nraim Sis Nab txawm cia li tib plhaw mus ib sab tes ntsiab nkaus ib tug pojntxoog ntawd cov plaubhau tsis tso li. Ces nws txawm hais rau 2 tug menyuam pojntxoog ntawd tias cas nkawd siab yuav phem ua luaj, tus pojniam uas nkawd tham txog ntawd twb yog nws poj nws sev lawm mas tsis tau li. Vim li cas nkawd ho yuav los mus tos coj nws pojniam? Tooj Nraim Sis Nab thiaj hais tias, “Kuv hlub kuv pojniam tas npaum li, wb nyuam qhuav ua neej muaj ib tug menyuam tseem mos mos ab, yog neb muab nws coj lawm no kuv yuav ua li cas? Yuav tsis muaj leej twg yuav pub mis, los tu tus menyuam thiab ua zaub ua hmov rau kuv noj nrog kuv ua txijnkawm lawm, kuv yeej yuav tsis pub kom ua li ntawd li.”

    Ces 2 tus menyuam pojtxoog ntawd txawm hais tias vim yog koj pojniam tshuav nuj tshuav nqi, luag thiaj kom wb tuaj tos nws mus them nuj them nqi xwb. Tooj Nraim Sis Nab txawm hais tias tsis tau li ntag, yog li ces kuv yuav muab neb 2 nyiag pojntxoog ntawm no cab plaub hau mus tsoo ntoo kom neb tuag mus li xwb. Nkawd txawm thov thov hais tias txhob ua li ntawd, txawm tias nkawd tuag coj tsis tau Muam Tooj Lug mus zaum no los luag yeej yuav tso dua lwm tus tuaj coj kom tau xwb. Yog li ntawd thov kom nws ua siab loj, cia nkawd ib tug mam los hloov ua nws pojniam los pub mis, tu tus menyuam thiab ua zaub ua hmov rau nws noj kom txog 13 hnub, cia ib tug li mam coj nws pojniam mus them nuj them nqi tas ces li coj nws pojniam tsov qab los, nkawd li mam ua kom Muam Tooj Lug xeev ciaj tsov los ua nws pojniam, tabsis kom tus txiv tsis txhob ua niam-txiv nrog tus pojntxoog uas los hloov cev ua Tooj Nraim Sis Nab ntawd li.

    Tooj Nraim Sis Nab thiaj li quaj quaj thiab hais tias nkawd puas yuav pab tau li hais tiag? Nkawd thiaj hais tias tau kawg, yuav tsum tau ua li ntawd lawm xwb nws pojniam thiaj yuav tsov ciaj los nrog nws ua neej txog hnub laus. Nkawd thiaj hais ntxiv tias ib tsam yuav kajntug ces ib tug yuav coj nws pojniam mus, cia ib tug li mam los hloov ua ib tug zoo nkaus li nws pojniam los nyob hauv tsev. Tabsis thaum yuav kajntug nws pojniam mob plab ntawd nws pojniam yuav kom Tooj Nraim Sis Nab mus nrhiav neeb nrhiav yaig tuaj saib nws, los kom Tooj Nraim Sis Nab tsis txhob mus, nws tsuas hais rau nws pojniam tias kom txhob txhawj, nws tsuas mob me me xwb yuav tsum zoo xwb. Yog thaum tus pojniam tsis muaj sia lawm kom Tooj Nraim Sis Nab tsis txhob quaj thiab kom zov zoo zoo tsis pub leej twg mus hla li. Yuav tau muab ib daim pam coj los vov kom zoo thiab tseg lub me nrejmuag xwb. Nws yuav tau zov kom txog 13 hnub, nws pojniam li mam xeev tsov los. Tooj Nraim Sis Nab txawm quaj quaj lauj, ces nws thiaj muab 2 tug pojntxoog ntawd tso mus lawm, nws thiaj los tsev.

    Nws los txog tsev, tsaus ntuj pw yuav kajntug qaib qua qua, ces nws pojniam txawm ntsoo mob plab tiag, nws pojniam txawm hais tias koj txiv mob kuv plab zaum no cas yuav mob txawv ua luaj, koj cia li mus nrhiav neeb nrhiav yaig tuaj ua saib kuv, tsam kuv tsis zoo ces tsis muaj leej twg yuav hlub wb tus menyuam thiab koj os. Nws tus txiv thiaj hais tias koj niam wb sib hlub ua luaj no koj txawm yuav mob los kuv yuav tsis pub koj ua cas li. Txhob txawj nws tsuas mob ib pliag xwb yeej yuav fim zoo lawm. Tooj Nraim Sis Nab txawm muab nws pojniam puag kiag hnia nrhis xwb ces nws pojniam txawm cia li hnov qab kiag lawm. Nws kuj tsis quaj thiab, tib pliag xwb nws pojniam txojsia txawm tu nrho lawm tiag. Nws txawm muab nws pojniam tso pw tib zoo rau saum txaj, ces nws tseem mus muab pam coj los yuav muab vov na, cas nws cia li pom nws pojniam sawv tseeg los, tabsis cas tseem muaj ib tug zoo nkaus li nws pojniam pw ntawm nws lub chaw. Tooj Nraim Sis Nab thiaj li muab pam coj mus kho vov tsuag tsuag rau, ces tus sawv los ntawd txawm yog tug pojntxoog uas nws pom ntag, tabsis nws txia ua zoo nkaus li nws pojniam. Hos ib tug pojntxoog ces coj nws pojniam mus lawm.

    Tus pojntxoog txia ua nws pojniam ntawd thiaj los tu vaj tus tsev, pub mis rau nkawd tus menyuam thiab ua zaub mov rau Tooj Nraim Sis Nab noj. Thaum txog caij pw nkawd kuj mus pw ua ke yam li niam-txiv tau 12 hnub lauj, ces tus pojntxoog ntawd txawm hais tsau Tooj Nraim Sis Nab tias hnub 13 ces nws pojniam yuav tsov los, mas kom nws yuav tau zov nws pojniam kom zoo zoo. Vim Muam Tooj Lug twb mus them hnuj them nqi tas lawm.

    Hnub kaum 13 ces tug pojntxoog ntawd txawm quaj quaj rau Tooj Nraim Sis Nab vim nkawd twb sib hlub heev zoo li niam-txiv lawm, tus txivneej ntawd los kuj hlub thiab nco tus pojntxoog ntawd heev li thiab, nkawd thiaj sib qawg quaj. Tus pojntxoog ntawd thiaj hais tias nws yeej tsis xav ncaim mus li, tabsis nws tsis yog neeg, ces ua tsis tau li cas lawm. Cia kom tus txivneej ntawd mus zov nws pojniam kom zoo zoo xwb, twb yuav txog caij nws tsov los lawm. Tus txivneej ntawd thiaj mus zov tsawv nws pojniam thiab saib tsis pub ib tug yoov los tsaws. Tavsu kiag xwb cas nws pojniam txawm txham pes dlhawv thiab ntsoo tias koj txiv cas kuv yuav tsaug zog ntev tas npaum li, cas koj tsis tsa kuv? Nws thiaj li quaj dlhi thiab muab nws pojniam tsa hlo los puag kiag rau lub xubndliag. Tooj Nraim Sis Nab thiaj piav qhia nws pojniam tias Muam Tooj Lug twb tsis muaj txoj sia lawm tau 13 hnub, pojntxoog twb los tos nws mus them nuj them nqi lawm, twb yog nws mus them nqi tas es pojntxoog thiaj tsov xa nws los xwb nws thiaj li tsov ciaj. Yog pojntxoog tsis xav nws los ces nkawd twb tsis sib pom tau txhuas lug li lawm. Ces nkawd thiaj li sib qawg quaj sib qawg hlub, tos nco xwb Tooj Nraim Sis Nab saib na ciav twb tsis pom tus me pojntxoog lawm.

    Ces tus me pojntxoog ntawd thiab tus uas xa nws pojniam tsov los thiaj li mus lawm. Nyob ntawm lawv lub zos ntawd muaj ib lub qab tsuas tob tsawv. Nkawd mus tau 3 hnub xwb, ces tus uas los hloov ua nws pojniam ntawd thiaj li tsov qab los ua ib zag npausuav rau Tooj Nraim Sis Nab tias nws tsov mus txog luag tsis yuav nws lawm, ces nws yuav mus dhia tsua nyob ntawm lawv ntwg zos ntawd. Kajntug kom Tooj Nraim Sis Nab mus saib yog tsis pom muaj dabtsi ces tsis ua li cas, yog pom ib tug tsiaj tuag no ces yog nws tas sim neej lawm. Kom nws nyob ces nco nroov tus me pojntxoog ntawd tias nkawd twb tau los ua niam-txiv sib hlub ib zaug lawm. Yog nyob muaj ib hnub twg, nws mus pom ib nkawm niam-txiv muaj ib tug ntxhais zoo li nws pojniam, lub npe hu ua Maiv Ntxiag thiab nyiam nyiam Tooj Nraim Sis Nab ces kom nws mus yuav tus ntxhais ntawd los ua niam yau. Tus ntawd ces yog nws ntag.

    Thaum nws ua npausuav li ntawd tag, kajntug nws txawm mus ncig tom lub qab tsuas uas nyob ze lawv ntug zos na ciav muaj ib tus nag tsuag tuag tib pob tod. Nws kuj tsis hais dabtsi, tabsis cim nroov cia nruabsiab tias tus pojntxoog ntawd yeej tuag lawm tiag. Nws xav tsis tag li thiab, tabsis tsis pom qab yuav ua tau li cas.

    Tooj Nraim Sis Nab thiab Muam Tooj Lug nkawd thiaj tsov los ua neej tau 15 xyoos. Muaj ib hnub Tooj Nraim Sis Nab thiaj li ncig mus txog lub zos uas nyob tsis deb ntawm lawv, cas cia li pom muaj ib txwm niam-txiv muaj ib tug ntxhais zoo nkauj heev – zoo nkaus li nws pojniam ntag. Nws txawm mus nug tus hluas nkauj ntawd npe thiab seb yog xeem dabtsi. Cas tus ntxhais ntawd lub npe txawm hu ua Maiv Ntxiag, ces nkawd txawm sib tham sib tham tus ntxhais ntawd cia li nyiam nyiam nws heev. Nws thiaj xav tias yuav tsum yog tus me pojntxoog uas twb los ua nws ib zaug pojniam lawm xwb, cia nws sim taij yuav tus hluas nkauj ntawd seb nws puas kam los mus yuav Tooj Nraim Sis Nab. Nws nug tus ntxhais ntawd na ciav nws cia li kam thiab nws thiaj yuav los ua niam yau lawm.

    Zaj kwvhuam no tsuas hais los tso tseg li no xwb.



    "LUB PAJ ZOO SIAB"


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Niam Nkauj Zuag Paj thiab Txiv Nraug Ntsuag

    Post  koojziagkabzaug on 22nd September 2010, 8:33 am



    NIAM NKAUJ ZUAG PAJ thiab Txiv Nraug Ntsuag


    Thaum ub ces muaj ib tug tub ntsuag txom txom nyem kawg, tsis muaj leej twg hlub li. Nws txawm mus txog nram ib lub pas zaj. Ua cas txawm muaj Zaj Laug tus ntxhais nkauj ntxawm hu ua niam Nkauj Zuag Paj, tawm tuaj cuag nws. Niam Nkauj Zuag Paj mas zoo zoonkauj cuag li nkauj zaj. Nws txawm hais li no rau Txiv Nraug Ntsuag: "Txiv Nraug Ntsuag, ua cas koj yuav tu siab ua luaj?" Txiv Nraug Ntsuag txawm teb niam Nkauj Zuag Paj li no: "Tsis muaj tus hlub, tus xyuas kuv es kuv thiaj li kho siab ua luaj los mas, Niam Nkauj Zuag Paj". Niam Nkauj Zuag Paj thiaj hais tias: "Kuv txiv, Zaj Laug, tso kuv los yuav koj laid, txiv Nraug Ntsuag. Seb koj puas kam yuav kuv?Yog koj kam no, kuv mam hlub koj os". Nraug Ntsuag txaj txaj muag xav twj ywm hais tias: "Ua cas ib tug ntxhais zoo nkauj ua luaj yuav lam hais tias nws yuav kuv no ne. Kuv twb tsis zoo nraug thiab kuv txom nyem ua luaj. Kuv yog nyuag tub ntsuag tu qab tu twv xwb." Txiv Nraug Ntsuag cia li xav xav, ces txawm teb rov qab rau niam Nkauj Zuag Paj: "kuv phem, nej saib tsis tau peb, lam hais kom peb zoo siab xwb". Niam Nkauj Zuag Paj, luag ntxhi rov hais dua: "Ab, kuv tsis dag koj, kuv hais tiag os. Koj muaj siab tiag ces cia kuv los yuav koj es koj thiaj muaj tus ntxiv tus ntxhua koj, tus ua koj noj, hlub koj los mas." Txiv Nraug Ntsuag zoo zoo siab, nws thiaj hais tias: "Ab, Niam Nkauj Zuag Paj, yog koj hais li koj los, cia kuv yuav koj."
    Niam Nkauj Zuag Paj los ua Nraug Ntsuag poj niam tau peb lub xyoos, yug tau ib tug me tub. Nkawd sib hlub sib hlub mus txog hnub uas muaj Niam Nkauj Kub Kaws ceg hlab ceg caws tuaj pom nkawd. Niam Nkauj Kub Kaws pom Niam Nkauj Zuag Paj lub neej zoo zoo ces nws khib khib kawg. Nws txawm xav tuaj ntxias txiv Nraug Ntsuag laid. Ib hnub, Txiv Nraug Ntsuag txawm mus ntsib Niam Nkauj Kub Kaws tom hav dej. Niam Nkauj Kub Kaws hais li no rau txiv Nraug Ntsuag: "Ab, kuv me txiv leej tub, koj niam zoo nraug ua luaj, ua cas koj yuav mus yuav tau niag Niam Nkauj Zuag Paj haus ntshav yaj xwb. Kuv li mas, Niam Nkauj Kub Kaws no, ib hmo xwb yeej ua tau yim cuaj lub kub khaws. Koj txhob yuav niam Nkauj Zuag Paj, los yuav kuv es koj thiaj muaj nyiaj muaj kub". Ces txhua hmo, Niam Nkauj Kub Kaws tuaj muab ntshav pleev Niam Nkauj Zuag Paj qhov ncauj.
    Thaum Txiv Nraug Ntsuag tsim los txog, ua cas pom ntshav lo liab ploog Niam Nkauj Zuag Paj lub qhov ncaug tiag. Txiv Nraug Ntsuag cem Niam Nkauj Zuag Paj, liam hais tias nws haus ntshav yaj. Txiv Nraug Ntsuag tsis pab Niam Nkauj Zuag Paj li, tsuas mus nrog niam Nkauj Kub Kaws nyob lawm xwb. Niam Nkauj Zuag Paj tu siab ces ua ib siab rov mus nrog nws niam nws txiv nyob tom pas zaj. Ua ntej Niam Nkauj Zuag Paj yuav mus, nws txawm hais rau txiv Nraug Ntsuag hais tias: "Txiv Nraug Ntsuag os Txiv Nraug Ntsuag, kuv mus lawm nawb. Kuv coj wb me tub nrog kuv mus. Koj nyob es niam Nkauj Kub Kaws mas hlub koj mog".
    Niam Nkauj Zuag Paj mus lawm ces Txiv Nraug Ntsuag mam pom tau hais tias Niam Nkauj Kub Kaws ces ceg hlab ceg caws xwb, twb ua tsis tau dab tsi tiag; ib hmo no, sawv yim cuaj lub pob kaws xwb. Pw lig lig twb tsis sawv los ua noj ua haus. Txiv Nraug Ntsuag mam rov nco txog nws Niam Nkauj Zuag Paj. Nws niaj hnub mus quaj tom pas zaj. Quaj quaj ces muaj ib niag Qav ho hlub nws. Niag Qav ntawd thiaj hais rau Txiv Nraug Ntsuag hais tias: "Koj txhob quaj nawb mog, Txiv Nraug Ntsuag, kuv mam nqus kom tag cov dej no, es koj thiaj pom koj Niam Nkauj Zuag Paj. Tab sis, koj txhob luag kuv nawb. Yog koj luag ces kuv plab tawg ces dej yuav rov puv pas zaj." Qav tseem nqus nqus cov dej tag kiag, ua cas pom dheev Niam Nkauj Zuag Paj kiag tab tom pub mis rau tus me nyuam noj. Txiv Nraug Ntsuag zoo zoo siab, luag luag ua rau Qav plab tawg kiag lawm lo.Dej rov nyab tag pas zaj. Txiv Nraug Ntsuag rov quaj quaj dua, thov thov Qav kom Qav rov nqus dej. Qav plab tawg tag ces Qav ntshai, Qav tsis kam nqus dej li lawm.
    Txiv Nraug Ntsuag thov thov Qav ces Qav xav xav, pom hais tias txiv Nraug Ntsuag quaj quaj tag zog, nws rov leej hais tias nws mam rov nqus dua. Muab plab xaws tag ces Qav rov nqus tag nrho cov dej. Zaum no, txiv Nraug Ntsuag tsis luag li lawm. Pom dheev niam niamNkauj Zuag Paj tab tos ua ntos ces nws tib paj paws mus rau hauv pas zaj. Nws mus muab nws tus me tub puag kiag. Niam Nkauj Zuag Paj thiab txiv Nraug Ntsuag sib qawg quaj sib qawg quaj. Quaj quaj txaus ces niam Nkauj Zuag Paj txawm hais tias: "Txiv Nraug Ntsuag, koj tsis mloog kuv hais ces zaum no, wb yuav sib ncaim mus tas ib sim. Kuv txiv lawv muab kuv rau Huab Tais qaum ntuj tus tub lawm. Thaum lub hli xiab, kaum peb hnub saum no ces kuv yuav mus yuav txiv nyob qaum ntuj nawb.Yog koj xav tau kuv no ces koj yuav tsum npaj kaum peb thoob dej puv puv.Hmo ntawd mas, thaum kuv ya los mas, koj yuav tsum ntaus kom kuv poob los nawb. Yog koj ntaus tsis tau kuv poob los ces wb yuav tsis sib pom mus tas ib txhis li nawb mog."
    Txiv Nraug Ntsuag quaj quaj rov los txog tsev ces mus npaj tau kaum peb lub thoob thiab ib ceg nplooj vaj khaum. Hmo 13 ces lub hli ci ntsa iab kheej zees rau hauv kaum peb thoob dej ntawd. Txiv Nraug Ntsuag zov zov txog ib tag hmo, ua cas pom dheev Niam Nkauj Zuag Paj ya loo los. Txiv Nraug Ntsuag txawm mus ntaus ntaus hauv cov thoob dej ua cas tsis pom dab tsi poob los li lo; niam Nkauj Zuag Paj qw rau Txiv Nraug Ntsuag hais tias: "Ntaus saum ntuj mas, Txiv Nraug Ntsuag, txhob ntaus hauv thoob dej". Txiv nraug Ntsuag ras dheev, mam cev tes mus ntaus kiag saum ntuj no, uas cas niam Nkauj Zuag Paj ya dhau kiag lawm tiag. Nkawv tus me tub thiaj poob nthav los xwb. Txiv Nraug Ntsuag quaj quaj xwb ces cia li ua ib siab coj tus me tub rov los tsev.



    Zaj dab neeg no, Niam Nkauj Zuag Paj thiab Txiv Nraug Ntsuag, qhia tau ntau yam los kho hmoob tswv yim sib hlub, kev coj noj coj ua kom cov tub ntxhais nrhiav tau yam uas yuav kav lawv mus tom ntej xws li tej yam uas muaj nuj nqis thiab qhia hlub yus tus kheej los sis hlub ib tug neeg twg uas yus xaiv los nrog yus ua neej.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Dab neeg neeg thiab ntshauv

    Post  koojziagkabzaug on 9th December 2010, 1:15 pm



    Dab Neeg Hais Txog Tib Neeg Thiab Ntshauv Ua Rog


    Nyob Rau Ib Lub Teb Chaws Tiaj Tus, Do Dus, Kuj Ua Roob Ua Hav Kab Seeb Lug, Muaj Zoov Dub (Xyoob Ntoo)Yam Xis Nyob Kawg, Txawm Muaj Ib Co Hu Ua Ntshauv Los Nyob Rau Hauv…Cov Ntshauv No, Tau Loj Sai Thiab Huam Vam Coob Heev Li Tuaj. Tib Neeg Txawm Ntshai Thiab Xav Tias Yog Tsis Tua, Ntshe Ib Hnub Haj Yam Yuav Coob Thiab Yuav Nyob Tsis Taus Nrog Cov Ntshauv No.
    Yog Li No, Tib Neeg Thiaj Tau Nrog Ntshauv Sib Tua. Tib Neeg Muaj Txuj Ci Zoo, Ntshauv Thiaj Tau Swb Thiab Tuag Yuav Luag Tu Noob, Tsuas Tshuav Tus Puav Lawm Xwb.
    Tom Qab Ntshauv Tau Swb Rog Nrog Tib Neeg, Ntshauv Cov Thawj Coj Uas Tswv Yim Zoo Thiaj Li Nrhiav Kev Sab Laj, Yuav Mus Rau Lwm Lub Teb Chaws Kom Tib Neeg Tsis Txhob Paub Qhov Chaw Lawv Yuav Mus Ntawd, Thiab Lawv Tseem Npaj Siab Hais Tias Yog Lawv Rov Huam Vam, Lawv Yuav Tawm Tsam Tib Neeg Zaum No, Pauj Yav Tag Los.
    Yog Li, Ntshauv Thiaj Tau Tso Ntshauv Cov Tub Txib Mus Nrhiav Pom Ib Lub Teb Chaws, Tseem Xis Nyob Tshaj Lub Tag Los, Lub Teb Chaw No, Ua Tsua, Kuj Muaj Hav Zoov, Xyoob Ntoo, Lawv Thiaj Tau Mus Nyob Rau Qhov Chaw Ntawd (Yam Tsis Pub Tib Neeg Paub Tau) Txawm Yog Li Ntawv, Los Tib Neeg Paub Tias Tib Neeg Tau Muaj Kev Tsis Sib Haum Xeeb Nrog Ntshauv Lawm, Lawv Thiaj Tau Ceev Faj Kom Zoo Tshaj Plaws Rau Txhua Qhov Chaw.
    Thaum Kawg, Tib Neeg Tseem Paub Tau Tias Ntshauv Mus Nyob Rau Qhov Twg Lawm Thiab. Yog Li Ntshauv Thiab Tib Neeg Thiaj Tau Rov Sib Tua Zaum Ob, Ua Rau Ntshauv Tu Noob Hlo. Zaum No, Ntshauv Tau Rov Swb Rog Thiaj Li Dim Ib Tug Thawj Coj lawm Xwb.Tus Thawj Coj Ntshauv No, Nws Thiaj Nrhiav Kev Mus Kom Deb Tshaj Plaws Ntawm Tib Neeg, Xav Hais Tias Yuav Mus Kom Tib Neeg Tsis Txhob Tua Ntxiv Lawm.
    Nws Thiaj Mus Luam Yaj Ntawm Sab Hauv Tsua, Nws Saib Cav Tseem Pom Ib Lub Teb Chaws Uas Tseem Tsis Tau Muaj Leej Twg Mus Txog Dua, Haj Yam Xis Nyob.
    Tab Sis lub Teb Chaws Ntawv, Nyob Tsis Yooj Yim, Tsis Muaj Noj Tsis Muaj Haus, Tsuas Nyob Tshaib Nrog Nqhis Xwb. Txawm Li Los Yuav Tau Mus Nyob.
    Thaum Tus Ntshauv Nrhiav Tau Txoj Hauv Kev, Khiav Mus Nyob Rau Lub Teb Chaws Ntawd Lawm Mas Txom Txom Nyem Tiag Tiag Li.
    Nws Mus Pom Ib Yawm Suav Tuag Tshaib, (tsis muaj noj tsis muaj haus) Tshaib, Tshaib, Ris Rawv Ob Lub Koos Loos Txhuv Xwb, Tsis Txav Chaw Tsam Ntshauv Nrog Nws Txeeb Lawm. Tom qab Ntawv, Tib Neeg Tseem Tuaj Muab Tau Tej Ntshauv Uas Dim Los Nyob Rau Qhov Chaw Uas Muaj Tus Suav Tuag Tshaib lawm Thiab.
    Ua Rau Ntshauv Tuag Tag, Tshuav Tus YAWM SUAV Tuag TshaiB lawm Xwb.

    *Phooj Ywg Sawv Daws, Thaum Nej Nyeem Zaj Dab Neeg Tas, Nej Xav Li Cas?
    Puas Muaj Leej Twg Paub Txog, Los Sis Pom Dua Ntshauv Thiab Neeg Ua Rog?
    Nrog Rau Suav Tuag Tshaib?
    Yog Nej LeejTwg Twv Tau, Ho Pab Txhais Zaj Dab Neeg Rau Sawv Daws Paub.
    Yog Tsis Muaj Leej Twg PauB tiag Lawm, Kuv Mam Li Ho Rov Tuaj Txhais Thiab Tuaj Qhia Pub rau Sawv Daws Tau Kawm.
    (Thaum Koj tsis paub ces yog ib zaj dab neeg,
    Thaum Koj Nyeem tag zaj dab neeg kuj zoo thiab, thiab yam li yog tiag thiab,
    Yog thaum Koj paub lawm txaus luag, thiab txaj muag…)
    Sau Los Ntawm : (Hlub-Hmoob) JTT



    Last edited by koojziagkabzaug on 13th June 2011, 5:14 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Hmoob Dab Neeg - Ntsuag thiab zaj ntxhais ntxawm

    Post  koojziagkabzaug on 18th February 2011, 8:37 am


    Hmoob Dab Neeg - Ntsuag thiab zaj ntxhais ntxawm (part 1/4)




    Hmoob Dab Neeg - Ntsuag thiab zaj ntxhais ntxawm (part 2/4)




    Hmoob Dab Neeg - Ntsuag thiab zaj ntxhais ntxawm (part 3/4)



    Hmoob Dab Neeg - Ntsuag thiab zaj ntxhais ntxawm (part 4/4)



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    DAB NEEG HMOOB

    Post  koojziagkabzaug on 18th February 2011, 10:29 am


    Dab neeg Siv Yis



    Last edited by koojziagkabzaug on 18th February 2011, 10:45 am; edited 1 time in total


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Leej twg yog tus yeej

    Post  koojziagkabzaug on 18th February 2011, 10:41 am





    Leej twg yog tus yeej


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: DAB NEEG HMOOB

    Post  koojziagkabzaug on 18th February 2011, 10:47 am




    Leej txiv hub nyiaj


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: DAB NEEG HMOOB

    Post  koojziagkabzaug on 18th February 2011, 10:50 am



    Maum qav thiab maum nyuj.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: DAB NEEG HMOOB

    Post  koojziagkabzaug on 18th February 2011, 10:53 am




    Dab neeg plab tuab tawv rog ncauj xeeb nplaig ntse


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: DAB NEEG HMOOB

    Post  koojziagkabzaug on 18th February 2011, 11:13 am




    Dab neeg Hmoob keeb kwm


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    koojziagkabzaug
    Moderator
    Moderator

    Messages: 3345
    Date d'inscription: 2010-02-28

    Re: DAB NEEG HMOOB

    Post  koojziagkabzaug on 18th February 2011, 11:15 am




    Hmoob Lub Xeem- Ntxoov Tswb Yaj.


    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 19th December 2014, 11:27 pm