google-site-verification: googlefbfddf59e706b96b.html

Latest topics

» tus Tswv Cheem Rog yog leeg twg ?
by koobpovtxuj 13th August 2017, 9:03 pm

» Nco txog Phas Nyas Tub Npis Lis Foom Txiaj Ntsim.
by Admin 1st August 2017, 5:12 pm

» Kiab toom lauj npliaj yob lub qub tsev.
by Admin 1st August 2017, 5:04 pm

» Kawm LUS ROV
by koobpovtxuj 10th July 2017, 1:54 pm

» KHAWV KOOB
by koobpovtxuj 19th June 2017, 12:44 pm

» Hmong dance hiphop 2017 [ dance zoo siav heev li]
by zabyaj 15th June 2017, 12:05 pm

» Ua zaub tsib
by koobpovtxuj 3rd June 2017, 10:33 pm

» Keeb Kwm Hmoob mus nyob Guyane
by koobpovtxuj 25th May 2017, 4:13 pm

» kuv cov duab.
by koobpovtxuj 23rd May 2017, 3:47 am

» pajhuam nrhiav mekabnoog tuaj ploj dua twg lawm
by PajYeebLaim 19th May 2017, 2:52 pm

» Xiong Chang
by koobpovtxuj 1st May 2017, 5:12 am

» 22 LEEJ NEEG HMOOB FOOB XEEB XYOOJ & HMONG TEBCHAWS
by Liajntsuab 30th April 2017, 7:00 pm

» Tswv Xyas mus ua tsov
by koojziagkabzaug 21st April 2017, 1:36 pm

Tsev seev PajHuam

Hmong beauty nature

Compteur visitor

hnub 18/09/2010 los mus

    DAB NEEG HMOOB

    Share
    avatar
    koojziagkabzaug
    Moderator
    Moderator

    Messages : 3537
    Date d'inscription : 2010-02-28

    Re: DAB NEEG HMOOB

    Post  koojziagkabzaug on 18th September 2014, 4:02 pm


    npis thoj hais dab neeg liv nyug hu



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab
    avatar
    Tub kev deb
    Visitor
    Visitor

    Messages : 33
    Date d'inscription : 2012-09-15

    Re: DAB NEEG HMOOB

    Post  Tub kev deb on 23rd September 2014, 1:21 am

    Nyob zoo sawv daws, thov ua tsaug rau nej txhua tus tuaj piav dab neeg khaws tseg rau peb tej me nyuam xeeb ntxwv tom qab tau mloog og.
    Peb haiv hmoob yog ib haiv uas muaj dab neeg zoo kawg.
    Kuv nco thaum kuv tsem yau mas, kuv muaj ib pog, nyiam hais dab neeg rau cov me nyuam mloog.
    Li ntaw kuv kuj nyiam mloo kawm thiab, ib hmo hmo kuv twb mus mloog li, thaum yus mus mloog mas zoo li yus twb pom kiag lawm.
    Yog tias lee twg txawj hais dab nee no ho tuaj tham pub rau peb mloog, thiab khaws tseg og nawb.

    Ntsuag HiavTxwv
    Visitor
    Visitor

    Messages : 5
    Date d'inscription : 2015-03-23

    Tub Ntsuag Lub Neej

    Post  Ntsuag HiavTxwv on 27th March 2015, 11:44 am

    Nyob Zoo Cov Phooj Ywg...Kuv tuaj nyeem nej tej Dab Neg, hais txog Ntsuag lub neej, qhov kawg Tub Ntsuag lub neej tau zoo thiab tau ua Nom ua Tswv, qhov no pos yog lam hais ua sab sij huam kom zoo mloog xwb, hos ntawm kuv tus kheej tau ua Ntsuag thaum muaj 5 xyoos los tav ntuj li no kuv ho tsis tau lub neej zoo raws li nej tej zaj Dab Neeg ntawd li....?

    Yog nej xav paub txog kuv ua Tub Ntsuag lub hauv paus pib los txog niaj hnub no, yog kuv muaj sij hawm kuv mam tuaj piav rau nej mloog nawb...?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 27th March 2015, 12:45 pm

    ......Nyob zoo...Tug phooj ywg!....Ntsuag hiav txwv aws?.... Crying or Very sad Crying or Very sad Sad Sad ....Txhob tu siab mog yuam....Kuv tug kheej no....Niam tuag txhov....Noob nyoog....Ib xyoos plaub hlis ntuj hmoob xyoo 1955...Kuv txiv tuag tseg....Noob nyoog ib xyoos yim hli ntuj hmoob xyoo 1955....Kuv poob nyob nqis npua....Ib choj nyiaj dawb....Rau kis nyiaj txiaj npib....Kuv raug dab laug muam ntxhais vauv....Ua me nyuam....Ib xyoos cua hlis ntuj hmoob 1955...."Tab sis"....Nco ntsoov tias....Yug yog tub ntsuag ntsoj lawm....Yug paub txog....Yug lub neej nawb....Yog yug tsi paub txog....Rau tsim txom nyav tas li os?....Kev ua nom - Ua tug coj - Niam txiv pej xeem....Yog yug tug kheej xyaum zoo....Tsim txiaj ncus....Nquag pliag....Cheej kham....Dhia ki taw leeg....Txhob tog txib khaiv nawb....Tog luag paub....Yug ua tas lawm....Tog luam pom....Yug ua tiav log....Thiaj tsi raug ntaus cem os?...."Tab sis"....Ntshe tsuas yog....Kuv ib leeg xwb lauv?....Cov tau npe nom....Tsaws nawb mog.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 27th March 2015, 4:07 pm

    ......Kuv zaj lug no....Yog lug tseem ceeb....{Tshaj plawg}....Yog lug nyiaj....Yog lug kub....(Kawm khaws ua neej neeg)....Yav tom ntej....Nce pem suab....Nco ntsoov tej laug hais tias?....Pob zeb tsi nias taub hau....Kauj mab tsi khi duav....Xyaum zoo....Tau xeev txwj....Tsim txiaj ncus....Tau xeev laug....Ib hnub tom ntej...."Tab sis"....Txhob ua neej....Tog ntuj tshav....Txhob tog hmoov mog....Qaib qua....Nrog qaib sawv...Npua tsaj....Nrog npua mus....Moos nrov....Nrog moos dhia....Sij hawm luv....Txav zuj zug....Caij nyoog tsawg....Txav tshuj tshaws....Cheem tsi nres....Dej txhawv pem ncov roob siab....Ntwg nqeg hav....Tshuam hiav txwv ntuj....Dej tsi teev ntwg nce toj....Ib zaug li os?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 27th March 2015, 6:32 pm

    ......Hmoob lo lug....{Dab - Neeg}....Muaj ob los lug xws li....[Dab]....Yav ntuj thaum ub....(Neeg)....Tib neeg yaj ceeb)....Yav ntuj puag thaum ub mas....{Neej - Dab}....Txuas tau lug...."Tab sis"....Tom qab no....Cai muaj ciam lawm....(Nruab hnub)....Neej sab....Hmo ntuj....[Dab sab]....(Yav kaj ntug)....Pom kev zuag....Yog neej ntuj....Tsaus ntuj tu ntuj sia....[Yog dab hmo lawm]....Luag tej laug hais tias....Nruab hnub ntuj dav....Yav tsaus ntuj....[Ntuj nqaim]

    Ntsuag HiavTxwv
    Visitor
    Visitor

    Messages : 5
    Date d'inscription : 2015-03-23

    Tub Ntsuag...

    Post  Ntsuag HiavTxwv on 28th March 2015, 2:03 am

    Nyob zoo Tus Phooj Ywg XyoojChang....tos kuv ho tau hais li ntawd los vim yog, kuv ua ib leeg Tub Ntsuag thaum 5 xyoos los tav li no kv tsis tau yuav hais ib lo lus phem rau leej twg li, tsis tau yuav mus nyiag luag ib yam dab tsi nyob hauv luag nruab liaj nruab teb noj li, kuv txawm txom2 nyem los kuv nrhiav noj nrhiav haus nyob hauv nruab zoo nruab tsuag tau li cas noj li ntawd xwb, yeej tsis tau ua ib yam dab tsi siab leej twg li, txhua tsav txhua yam xws li me kab me ntsaum, me nas me noog los tej tsiaj nyob tom hav zoov puav leej yog kuv tej txheeb ze niaj hnub nrog kuv tham ua kuv luag xwb, niaj hmo tej me kab me ntaum sawv los nrog kuv tham ua kuv luag xwb, kuv twb paub lus kab lus ntaum, paub lus me nas me noog, paub lus dab lus Tsov, tej me dab me Tsov los puav leej yog kuv tej phooj ywg xwb, txawm tias kuv yuav txom nem npaum li cas los kuv twb xav tias cia ua siab ntuj ntev ib hnub dhau ib hnub ib hlis dhau ib hlis, ib xyoos dhau ib xyoos los txog tav li no los tseem tsis tau txais lub neej zoo li tej Dab Neeg sawv daws hais2 ntawd li thiab, nws yog ib txoj kev tu siab heev rau yus tus kheej, txawm kuv twb tau tuag mus lawm tau ntau hnub ntau hmo lawm los kuv tseem xeev rov los ua neeg dua, vim txoj kev tu siab kev txom nyem, kuv tuag 2 zaug lawm, txhua yam nyob hauv txoj kev tuag uas kuv tau mus ntawd zoo heev, tsis zoo li saum neej no, tsis yog ib zaug xwb, tuag mus zaum 2 los yeej mus tib txoj kev ntawd xwb, kuv tuag mus zaum 1 yog tau 3 hnub 3 hmos, zaum 2, ntev luv tsis paub tab sis cov ntsuag xyoob kuv mus khawb los yuav noj ntawd, thaum kuv xeev rov los cov ntsuag xyoob ntawd cov phlaub twb qhuav tas lawm, lub neej zoo li no kuv yeej qhia tau rau saum neej no tias thaum leej tib neeg txoj sia tu nrho lawm, tus ntsuj plig mus qhov twg lawm...? yeej muaj tseeb tiag2, tiam sis tus neeg siab zoo thiaj tau mus txoj kev zoo nyob hauv Yeeb Ceeb.
    Yog muaj sij hawm kuv mam piav rau ib tsoom phooj ywg paub qhov tseeb tias txoj kev tuag pos yooj yim thiab pos ntshai....? thiab thuam tuag lawm yus mus rau qhov twg lawm....?
    ua tsaug...

    Ntsuag HiavTxwv
    Visitor
    Visitor

    Messages : 5
    Date d'inscription : 2015-03-23

    Re: DAB NEEG HMOOB

    Post  Ntsuag HiavTxwv on 28th March 2015, 2:14 am

    xiongchang wrote:......Hmoob lo lug....{Dab - Neeg}....Muaj ob los lug xws li....[Dab]....Yav ntuj thaum ub....(Neeg)....Tib neeg yaj ceeb)....Yav ntuj puag thaum ub mas....{Neej - Dab}....Txuas tau lug...."Tab sis"....Tom qab no....Cai muaj ciam lawm....(Nruab hnub)....Neej sab....Hmo ntuj....[Dab sab]....(Yav kaj ntug)....Pom kev zuag....Yog neej ntuj....Tsaus ntuj tu ntuj sia....[Yog dab hmo lawm]....Luag tej laug hais tias....Nruab hnub ntuj dav....Yav tsaus ntuj....[Ntuj nqaim]
     Tus Phooj Ywg XiongChang....nws yeej yog li koj hais lawm, 2 lo lus tias.. Dab Neeg no lub hauv paus pib mas twb tshwm sim los tau ntau txhiab xyoo lawm, qhov no yog cov phooj ywg Dab tau qhia rau kuv tias yog vim li cas...thiaj hais tau tias..Dab Neeg...?  lawv tsis yog cov Dab uas yuav los ua mob ua nkeeg rau leej tib neeg no, yog muaj sij hawm kuv mam tuaj piav qhia txhua yam tau tshwm sim nyob hauv lub ntiaj teb no rau sawv mloog thiab paub txog....kuv paub zoo lawm tias leej twg los tsuas pom zim zuag xwb, yeej tsis tau paub qhov tseeb tiag2,...yog kuv muaj sij hawm thaum twg kuv mam tuaj piav nawb...?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 28th March 2015, 6:07 am

    ......Awb nyob zoo os?....Phooj ywg!....Ntsuag hiav txwv aws?....Zoo siab ntsib koj hauv zog....{Hmoob tshav ntuj}....uv zoo siab tog txais....Koj zaj dab neeg....Yuav muaj nuj nqis....Rau suav daws nyeem ua si....Yav tom ntej....Nce pem suab os?....Yav tas lawm....Me nyuam tub me....Kuv nyiam mloog dab neeg kawg os?...."Tab sis"....Tom qab no....Teb chaws tsi zoo....Ua tsov rog loj lawm....Tsi muaj sij hawm kawm khaws cia....Tsi muaj caij nyoog....Hais suav daws hnov lawm....Poob nplog lo lug tias....Yam khoom noj....Yog tsi noj....Yuav lwj tas....Ib hnub tom ntej....Tej lug hais suav daws mloog....Yog tsi hais lawm....Tsi nco qab tas os?....Muaj tseeb tias tiag mas yuam....Phooj ywg?....Ntsuag hiav txwv aws?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 28th March 2015, 6:35 am

    ......Awb nyob zoo os?....hooj ywg!....Ntsuag hiav txwv....Kuv yeej muaj ob zaj keeb kwm....Neeg yeeb ceeb....Los coj taug txoj kev tuag ob zaug lawm....Zaum ib....January 21, 1969....Kuv noob nyoog....Kaum tsib xyoos....Zaum ob....February 10, 1977....Kuv noob nyoog....Neeg nkaum ib xyoos....Yuav poj niam lawm....Ib tug me nyuam xwb....Luag hais tias....(Neeg siab zoo - Ncaj nceeg heev)....Neeg yeeb ceeb....Thiaj tso nkawd....Coj mus saib - Txoj kev tuag...."Tab sis"....Ob tug tib neeg ntawd....Luag xovl lug....Tsi pub tham tawm....Yog hais tawm hnub twg?....Txoj sia luv heev li....Kuv npog txog niaj hnub no....Kuv nyuam qhuav ntau ua phau ntawv tseg xeb os?....Txoj kev ntawd....Kho siab heev li...."Tab sis"....Mus txawv ntuj lawm....Tsi zoo li....Ntuj yaj ceeb no....Luag qhia txhua tsav yam zoo....Phem tas nrho....Nyob hauv no....Kuv nyiag ntaus ntau zaug txog....(Kev ua neej neeg)....Tej zaum....Suav daws....Tsi paub txog tias....Zoo li cas?....Yog tham ntau....Suav daws tias?....Neeg vwm - Neeg dag xwb.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 28th March 2015, 7:46 am

    ......Nyob zoo os?....Phooj ywg!....Ntsuag hiav txwv aws?....Suav daws....Nco ntsoov tias?....Txhua lub rooj....Muaj tub ceev xwm nrua dab....Soj qab nraim saib xyuas ntshis....Txhua lub hav....Muaj tub kav xwm nruab dab....Xauj ntsia ntsoov....Neeg yaj ceeb ua dab tsi?....Luag pom tas nrho....Luag hais tias....Xeeb luaj - Xeeb av - Xeeb teb - Xeeb chaw - Tim tswv kav saib xyuas ntsuj av roob hav....Tswj fwm txua tsav yam....Peb neeg yaj ceeb....Tsi paub dab tsi?...."Tab sis"....Luag pom paub tas nrho....Neeg yeeb ceeb....Muaj peb tug....Txiv txim loj xws li....{Tuam vag tswb}....Tug nplua txim txhaum me yau....{Tuam vag kaw}....Tug rau txim nyav....Hnub twg....Nyob puv txim....Tuam vag kaw....Ua ntawc xa rooj ntug....Thaum kaum ob....Tuam txoov kav....Tso tsuam kab tob txiav ob ya....Poob txhoj khawv zeb....Xya hnub twg?....Luag mam npo txha....Ib zaug ntuj tawg hlawv ciaj hluav....Xya hnub twg?....Luag npo nqa yias dej npau tsawg....Tsaug dawb huv....Xya hnub twg?....Mam npo nqa zeb zom ua hmoov sua....Ntim raj ntawv....Muab kuab tshuaj tsuag cawv....Nqaij xab xeeb....Txha txuas zoo....Ciaj sia lawm....Mam thov ntawv....Nce ntuj tshaj kiab....Nyob ntev npaum li....(Ua neeg yaj ceeb)....Mam thov ntawv dua....Thawj thiab...."Tab sis"....Tsi paub tias?....Yuav ua yam tsiaj twg?....Ua ntej tshaj plawg....Mam tshwm sim.....Ua neeg yaj ceeb zaum kawg....Kuv piav tham li no xwb os?
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 28th March 2015, 8:23 am

    ......Kev thov ntawv....Ua neeg yaj ceeb....Tsi yooj yim li....Siab xav os?....Nyuaj kawg nkaug....Nco ntsoov....Luag hais tias?....Mus npaum nyuj paub....Rov npaum nyuj kub....Tog tsi nco qab tej lug tas lawm....Muaj tseeb li....Hais ntawd os?....Tsi zoo li....Suav daws....Thov ntawv ncig ntuj ploog teb nawb....Kuv tug kheej mus ob zaug....Luag coj tug kheej mus....Tsi zoo li....Tuag tsim rov qab nawb.
    avatar
    xiongchang
    Moderator
    Moderator

    Messages : 5048
    Date d'inscription : 2012-04-16

    Re: DAB NEEG HMOOB

    Post  xiongchang on 28th March 2015, 10:14 am

    .....Thov zam txim ntau....Txhob xav li cas?....Suav daws....Sim ua zoo xav....Seb puas yog li....Kuv yuav piav txog....[Txaus ntshai]....Heev li os?...."Tab sis"....Kuj tsi txaus ntshai npaum twg os?....Suav daws - Hais tias?....[Dab}....Phem heev no...."Tab sis"....Kuj tsi phem npaum cas?....Tug phem tshaj plawg...."Tib neeg ntag os?....[Dab nyob dab]....Txhob txwm nphav dab ne yuam....Piv txwmv li....Yug tug kheej ntag os?....Luag tej laug....Piv ntuj nrag lug tias....Tsi tau kov tug kab tias....Xob tsi tua no....Kov tug kab lawm....Xob mam tua no ne yuam....Seb puas yog li ntawd mas....Suav daws liam hais tias....Nkauj hmoob nplog phem no....Puas muaj tseeb tias os?....Yug niaj hnub hu xov tooj luj les....Thab hluas nkauj hmoob nplog....Kuj khuj nyiaj yuav xwb....[Dab nyob dab]....Yug thaj dab....Nrhab nyob nrhab....Yug lob nrhab saum taub hau ne yuam....Nrhab cam xwb nas.

    DimKajSiab
    Visitor
    Visitor

    Messages : 2
    Date d'inscription : 2015-04-01

    Ntsuag Hiav Txwv

    Post  DimKajSiab on 2nd April 2015, 10:36 am

    nyob zoo cov npoj yag kwv luag hmov tshua.

    Hnub no kuv yuav tuaj piav txog kuv lub neej ntau tiam dhau los li nram no:
     
                        LUB NEEJ YUG LOS YUAV ZOO PUAV TAM LUB CAIJ TXHAWV
                                                                               TIAM SIS
                      LUB SIJ HAWM DHAU MUS LAWM YUAV ZOO PUAV TAM LUB CAIJ NTSWS.
     
                                                    
    TUS NEEG ZAUM NTAWM NO, YOG NWS TAB TOM XAV TXOG LUB NEEJ DHAU LOS, UAS XAIV TSIS TAU TXOJ HMOO ZOO YUG LOS UA NEEG, NWS THIAJ UA TAU  IB LUB NEEJ ZOO LI TEJ QAIB NPUA NOJ QHAUV NTXUAG KUA MUAG, LUB NEEJ NYOB NRUAB ZOO NRUAB TSUAG UA DAB UA TSOV LUAG, NIAJ HNUB TXHUA HMO TU SIAB HEEV TSUAS TAB SEEV YUJ YEES RAU TXOJ KEV PLOJ KEV TUAG, YUAV NCE NTUJ TSIS MUAJ KEV YUAV NKAG AV TSIS MUAJ QHOV, VIM YOG NWS IB SIM KEV TXOM NYEM LWJ SIAB PUAG LUB NIAJ THAWM XYOO UA NTU ZUS TSIS QUAJ LOS LUB KUA MUAG TEEV YEES NTAWM LUB QHOV MUAG, UA LUB NEEJ NYOB TSAUS NTUJ NTI ZOO PUAV TAM TUS NEEG DIG MUAG LAG NTSEG, TXAWM TIAS NWS LUB NEEJ YUAV TAU PUAG TXOJ KEV TXOM NYEM SIAB NTSWS UA NTU ZUS NTAU NPAUM TWG LOS XIJ PEEM, VIM NWS TXOJ SIA TSIS TAU TU, NWS HAJ TSEEM UA LUB SIAB NTUJ NTEV TOS HNUB DHAU HMO, SEB POS YUAV MUAJ IB HNUB TWG NWS TXOJ SIA HO TAU DIM NTAWM TXOJ KEV TWM ZEEJ TXOM NYEM LWJ SIAB, THIAB TAU TAWM HAUV YIAS DEJ KUB HLUAV TAWS NTAIV MUS CUAG RAU IB LUB NEEJ KAJ SIAB RAWS LI NWS TXOJ KEV NPAU SUAV…!!
    TXIJ NO YUAV PIAV RAWS LI NWS LUB NEEJ TXOJ HMOO YUG LOS UA NEEG ZWM TSEG UA IB ZAJ DAB NEEG RAWS LI NWS XEEV XWM YUG LOS UA NEEG RAU TIAM NEEJ NO, YOG TXOJ HMOO UA TUS COJ UAS YUAV XAIV TSIS TAU LI NWS TAU PIAV NRAM NO :
     
    Ua ntej tshaj plaws yuav piav txog ( Leej Nkaub & Paj ) nkawv txoj kev sib hlub thawj tiam uas nkawv tau sib ntsib, ua rau nkawv txoj kev sib hlub loj npaum li cas…? Thiab los txog rau tiam nkawv ho tau sib plam ua rau nkawv mob siab npaum li cas…? Nws tau hais tseg li nram no :
     
    Ntu 01ua ntej thaum Paj wb yuav tau sib ntsib ntawd, yog ib xyoos puag ncig los txog lub xyoo tshiab noj peb caug, lub sij hawm ntawd, kuv tau mus pov pob ib lub zos dhau ib lub zos, kuv thiaj tau mus ntsib 2 tug ntxhais hluas nkauj, leej twg los puav leej zoo nkauj heev thiab hais lus zoo heev, kuv tau nrog nkawv pov pob tas ib cim peb caug xaus, sij hawm nyob hauv txoj kev pov pob kev nkauj nraug tso daj tso luag, ua rau peb tau sib paub ib leeg sib raug zoo heev rau ib leeg, kuv tsis paub yuav hlub leej twg, tiam sis lub sij hawm kuj tau dhau mus lawm zuj zus kuv yuav tau xaiv nkawv ib leeg yuav mus ua kuv poj niam…!!
     
    Muaj ib hnub, kuv tau nrog nkawv mus tom teb ib hnub yuav tsaus ntuj, tshav ntuj kub heev, peb los so nkaum tshav, nkawv txawm hais rau kuv tias :
     
    Leej nus…koj na..nrog wb ua ke sib nraug zoo ua luaj li no es yog koj nyiam wb leej twg tiag tiag… ? txawm tias koj yuav nyiam wb ob leeg ib yam los koj tsuas yuav tau ib leeg ua koj tus poj niam xwb koj yuav yuav tsis tau wb ob leeg li os…ua li koj yuav xaiv wb leej twg… ? txawm tias koj yuav xaiv wb ib leeg yuav ua koj tus poj niam lawm los wb ib leeg yeej tsis tu siab rau ib leeg li os…vim yog koj txoj kev xaiv lawm…!!
    Kuv teb tias…txawm li ntawd los neb puav leej zoo nkauj ntxim hlub ib yam, es kuv yuav ua li cas thiaj yuav txiav siab xaiv tau ib leeg tseg ib leeg mas lod…!!
     
    Lub sij hawm ntawd, kuv yuav tsum tau xaiv ib leeg li nkawv hais ntawd, tiam sis kuv yuav xaiv yuav ib leeg lawm los kuj khuv xim ib leeg heev, ua rau kuv lub siab ua dhuj dhi tsis paub yuav xaiv leej twg li, tiam sis kuv yuav tsum tau xaiv nkawv ib leeg xwb yuav mus ua kuv poj niam, li no kuv tau txiav txim siab los tau ntau hnub ntau hmo tias kuv yuav ua li cas xaiv thiaj li yuav tau tus zoo niam tsev, vim nkawv ob leeg zoo nkauj ib yam thiab hais lus zoo ib yam li, lub siab los kuj zoo ib yam, tiam sis qhov kawg kuv yuav tau txiav siab xaiv Paj Ntxhee, tseg Paj Ntaub, hnub ntawd, Paj Ntaub kuj luag ntxhi nrog kuv zoo siab tias, kuv xaiv Paj Ntxhee lawm.. kuv kuj tsis paub tias Paj Ntaub, hauv nws lub siab yuav xav li cas los nws yuav tu siab heev rau kuv…!!
    Sij hawm kuv txiav txim siab teb nkawv, thiab xaiv tau Paj Ntxhee lawm, Paj Ntxhee wb kuj tseem ua hluas nkauj hluas nraug sib hlub sib nyiam heev tau ib tog hli muaj ib hnub ntawd :
     
    Paj Ntaub hais tias…kuv pom tias neb sib hlub heev ua luaj li no, yog tias neb sib yuav mus ua lub neej puv 120 xyoo thaum twg yuav tau cog lus tseg rau lwm tiam yug los ua neeg dua tshiab los nco ntsoov rov los sib nrhiav sib hlub li qub dua…!!
    Paj Ntxhee teb tias…lod..yuav ua li ntawd los yeej tau mad..tiam sis txhua tiam wb rov los sib nrhiav tau los tsam ho muaj ib tiam wb sib nrhiav tsis tau es plam lawm ne yuav ua li cas mas… !!
    Paj Ntaub teb tias…yog tau cog lus ruaj khov lawm xav tias yuav tsum sib nrhiav tau txhua tiam tsis muaj sib plam li nad… !!
    Paj Ntxhee teb tias…awv..ua li ntawd los yeej tau kawg…tiam sis es..yuav cog lus li cas thiaj yuav ua tau li ntawd thiab yuav ua li cas thiaj nco qab rau lwm tiam li hais ntawd mas…ntshe yuav ua tsis tau li ntawd pob…!!
    Paj Ntaub teb tias…qhov ntawd ces kawg haus ntshav tes xwb, thiab thaum puv 120 xyoo lawm ntawd nco ntsoov hais tseg tsis pub muab ntxuav muag es cia li tso mus twj ywm li ntawd ces txawm lwm tiam los yeej yuav nco ntsoov rov los sib nrhiav tau xwb mad…!!
    Paj Ntxhee teb tias…yog li ntawd kuv mam li nco ntsoov txog hnub ntawd ua li koj hais seb pos yuav ua tau kom lwm tiam nco ntsoov los sib nrhiav dua os…!!
     
    Dhau ntawd los, wb tau sib yuav ua txij nkawm, wb txoj kev sib hlub ua txij ua nkawm zoo heev, txawm wb sib yuav los nyob ua ke ntev npaum li cas los ib hnub wb txoj kev hlub yim loj zuj zus dua ib hnub tuaj xwb, thawj tiam wb txoj kev sib hlub nyob hauv wb lub neej txog hnub Laus los wb ib leeg yeej tsis tau hais lus nchav los muaj lus sib cav rau ib leeg kom ntsawv siab ib zaug li, thiab wb txoj kev sib hlub ib leeg tsis txawj dhuav ib leeg li, nws cov plaub hau ntev heev, txhua hmo wb pw nws muab nws cov plaub hau los xyab rau saum kuv lub hauv ncoo rau kuv ncoo tsis nrug ib hmos li…!!
     
    Thaum wb ua wb lub neej mus 120 xyoo puv yog vim txoj hmoo los txog li ntawd xwb, tseem hlub kuv heev thiab tshua kuv heev tam sis ntawd muab nws rab koob los thiab :
     
    Hais rau kuv tias…kuv me koj txiv..txawm li cas los wb lub neej los txog tav li no ntshe kuv yuav tau ncaim koj ib hnub mus lawm xwb, kuv thov wb los cog lus tseg rau lwm tiam los thawj yug ua neeg dua tshiab los kom wb nco ntsoov rov los sib nrhiav sib hlub ua txij ua nkawm dua li qub os…!!
    Kuv teb tias…kuv me koj niam ua li koj hais ntawd os…!!
     
    Paj Ntxhee muab rab koob nkaug nws tus ntiv tes los ntshav rau hauv ib lub ntim dej thiab nkaug kuv tus ntiv ntes los ntshav mus sib tov nrog cov dej, wb thiaj li tau haus ntshav tes cog lus tseg kom txhua tiam mus thawj thiab yug los ua neeg dua tshiab los yuav nco ntsoov, thiab wb tau muab hluav ncaig los kos 3 lub dub dub rau ntawm PajNtxhee lub hauv siab ntawm nws lub qaum mis sab xis sib cab nraws los rau ntawm lub Mis sab laug, kom wb nco ntsoov qhov puav pheej li tau cog lus tseg, txawm tias ib leeg tsis nco qab lawm los ib leeg nco ntsoov nug qhov puav pheej ntawd wb thiaj li los sib nrhiav tau, thawj tiam ntawd PajNtxhee tau tso kuv tseg tsis ntev xwb, vim tsis muaj Paj Ntxhee lawm ua rau kuv nco nws heev tsis xav ua neeg, li no tsis ntev xwb kuv kuj tau tso lub ntiaj teb tseg…!!
    Thaum kuv mus thawj thiab yug los ua neeg dua tshiab, kuv hlob tiav txiv zuj zus ua cas muaj ib qho nyob hauv kuv lub siab qhia rau kuv pheej xav zoo li kuv muaj ib tug neeg tseem ceeb tiam dhau wb tau cog lus tseg yuav rov los sib nrhiav, li no kuv niaj hnub xav niaj hmo ua npau suav pom tus neeg ntawd, qhov kuv nco tau zuj zus tias yeej muaj tiag, thiab kuv thiaj li tau nrhiav nws, txhua tiam wb yug los ua neeg dua tshiab thaum wb sib ntsib dheev ntawd yeej ua rau wb ib leeg twg los nras dheev rau ib leeg tias zoo li wb yeej tau sib paub sib pom tau nyob ua ke dua los lawm, thiab cia li ua rau ib leeg pom ib leeg zoo heev tsis muaj leej twg yuav zoo tshaj, cia li ua rau ib leeg nyiam ib leeg  heev tsis muaj leej twg yuav los pauv tau…!!
     
    TXHUA TIAM WB YUG LOS UA NEEG DUA TSHIAB, WB ROV SIB NRHIAV TAU SIB HLUB UA TXIJ UA NKAWM LI QUB RAWS LI WB TXOJ HMOO LAWM, TIAM SIS WB TXOJ KEV HLUB UA TXIJ UA NKAWM TAU SIB PLAM THAWJ ZAUG UAS WB XAV TSIS TXOG MAS YOG LI NRAM NO :
     
    Tiam wb yuav sib plam, kv tau los yug rau ib yim neeg ua lub neej txom nyem, kv npe hu li tias LeejNkaub, tiam sis thaum wb sib nrhiav tau PajNtxhee los yug rau ib yim neeg niam txiv tsuas yug tau nws ib leeg ntxhais xwb, tiam no nws npe hu li tias Paj, tiam no Paj yog ib leeg ntxhais zoo nkauj heev, nws lo lus, lub ntsiab lus zoo heev ua rau ncha nrov mus thoob ntiaj tog qaum pes leej hlob leej yau, tus laus tus hluas los nyiam heev, tiam no thaum Paj wb sib nrhiav tau wb ib leeg nug txog tej puav pheej ntawm wb lub cev puav leej muaj raws lis qhov wb nco tau lim loog, ua rau wb ob leeg ntseeg tau tias wb ib leeg yeej yog ib leeg li tus hlub tus tav tiam dhau los tiag, vim tsuas muaj Paj thiaj li paub txog tej puav pheej thiab hais tau lo lus qub txhua tiam dhau los ntawd xwb, thiab tsuas muaj kv ib leeg xwb thiaj li paub txog Paj lub cev tias muaj qhov puav pheej ntawd xwb, tiam no Paj wb ua hluas nkauj hluas nraug sib hlub heev, tsis ntev xwb wb kuj tau thov niam thov txiv ua sib qhaib yuav sib yuav, lub sij hawm ntawd wb sib hlub heev nrog niam txiv nyob mus mus los los sib hlub heev li wb yeej yog ib nkawm niam txiv, tsuas yog tsis tau ua tshoob xwb, lub caij nyoog wb khwv nrog niam nrog txiv npaj kom tau txhua yam txaus yuav ua wb lub tshoob, wb ib leeg twg yeej xav tsis txog tias wb txoj kev sib hlub yuav raug rhuav mus rau txoj kev piam sij puas ntsoog, Paj wb sib hlub heev txawm yuav tiv tshav tiv nag los wb ob leeg twb tsis hnov tsis nco qab txob tsis nco qab txhawj txog li…!!
     
    Ib sij huam, muaj ib tug neeg yog ib tsev neeg muaj txiag nplua nuj tuaj pom Paj, nws nyiam Paj heev, nws cia li muab Nyuj muab Nees thauj nyiaj tuaj nqis tsev zawj hais Paj, tau peb hnub peb hmos, txawm tias Niam Txiv tsis kam los tshuav tej kwv tij niam hlob txiv ntxawm puav leej pom zoo muab Paj qua tshoob mus yuav tus neeg nplua nuj ntawd, qhov kawg Paj thiaj li raug quab yuam mus yuav tsev neeg nplua nuj lawm, lub sij hawm wb txoj kev hlub thiaj li tau plam thiab swb mus rau tsev neej nplua nuj lawm, txawm wb yuav quaj 3 hnub 3 hmos ntshav muag los li cas los wb yeej sib cuag tsis tau, ib leeg tsav tsis ti ib leeg li lawm, vim muaj tsev neeg nplua nuj ntawd cov neeg coob heev thiab kav Paj nruj heev tsis pub Paj txav ib kauj ruam mus qhov twg li…!!
     
    SIM NEEJ NO AV LUAJ TWB VOV KUV QHOV MUAG DHAU MUS TXAWG TIAM LAWM, ROV MUS THAWJ THIAB YUG LOS UA NEEG DUA TSHIAB LOS QHOV MOB NTAWD TSEEM NYOB NRAIM HAUV KUV LUB SIAB THIAB NYOB NTAWM LUB ZAIM MUAG TSIS TAU PLOJ LI, XAV TXOG LUB CAIJ LAWV TUAJ TXEEB YUAV PAJ MUS LAWM NTAWD TSEEM HNOV LUB SIAB MOB HEEV…!!
     
    Txij li thaum Paj mus yuav tsev neeg nplua nuj lawm, kuv cia li ua ib tug neeg tsis paub tom ntej tom qab, tsis nco yuav mus liaj mus teb, tsis paub tshaib tsis paub nqhis, kuv ua lub neej niaj hnub niaj hmo seev nrhiav Paj rau txhua txhia txoj kev, kuv tau ua lub neej puag txoj kev txom nyem siab ntsws zoo puav tam ib tug kab mob noj Siab Ntsws Lwj tsus ib hnub loj dua ib hnub tuaj lawm xwb, kuv niaj hnub ua hmo nco Paj thiab nrhiav Paj txog qhov twg los tsis pom Paj yuav los qhov twg los, kuv tau ua lub neej txom nyem siab ntsws nyob tsaus ntuj nti npaum li tus neeg feeb tsis meej lawm, xav tias zoo li no lawm ces cia ua ib siab tuag mus thiaj li yuav tsis hnov qab txoj kev mob siab ntawd xwb, ib siab xav tias mob siab ua luaj li no txawm yuav tuag mus hauv nruab dab lawm los ntshe yuav hnov qab tsis tau qhov mob ntawd…!!
    Qhov kawg, kuv los thawj thiab ua tus Tsov txaij dawb no, vim ua lub neej nrog txoj kev mob siab ib hnub loj dua ib hnub xwb, yeej tsis muaj ib yam dab tsi yuav los cheem tau, kuv txoj sia thiaj li tau tu nrho rau txoj kev mob siab thawj zaug rau tiam ntawd, txawm tias kuv txoj sia yuav tu mus rau nruab dab lawm los qhov mob ntawd tsis ploj li, kuv thiaj li mus thawj thiab yug ua ib tug txiaj, yog ib tug Tsov Txaij Nraum, yuav rov los nrhiav los Cib Nyeej cov neeg siab phem, thiab los tos kom tau Paj nrog kuv mus, thaum kuv loj tiav txiv, kuv los mus nrhiav, tiam sis nrhiav tsis pom tsis ntsib cov neeg thaum tuaj yuav Paj mus lawm ntawd leej twg li, txawm tias kuv yuav yog ib tug tsiaj lawm los kuv tseem nco thiab hlub Paj heev, kuv thiaj li ua ib siab nyob hav zoo hav tsuag thiab los ua Paj luag rau tej qab teb luag teb, txawm tias kuv yuav yog ib tug Tsov los kuv yeej tsis pub Paj paub thiab tsis ua phem tsis hem Paj ib zaug li. Kuv los tos Paj ntau zaus los tos tsis tau li, vim zoo li muaj tej niag vas tooj vas hlau thaiv kuv kev ua ntu zus kuv hla li cas los hla tsis dhau li, kuv txawm yuav ua txuj ua ci npaum li cas los tos Paj los tos tsis tau, kuv txawm mus thawj yus los ua ib tug tsiaj lawm los kuv tseem muaj txoj kev hlub rau tus neeg kuv hlub ntawd thiab tseem tau los ua lub neej txom nyem siab ntsws ua ntu zus, nyob rau nruab zoo nruab tsuag lug toj lub pes zov Paj rau Paj tej nruab liaj nruab teb nrog txoj kev nyiaj tshaib yoo nqhis los tsuav kom txhua hnub kuv tau pom Paj xwb, vim lub caij nyoog ntev niaj ntau hlis dhau mus kuv tos tsis tau Paj nrog kuv mus, vim kuv txoj kev nco Paj, muaj tej hnub Paj lub siab nco txog wb txoj kev sib hlub kuv hnov Paj lub suab seev, ua rau mob kuv lub siab heev, kuv tau quaj hu txog Paj ua lub ntuj tsaus ntais nruab hnub tsaus nti lub kua muag poob ua nag tshauv nag tshia poob los ntub Paj seb Paj pos yuav paub tias kuv nco Paj npaum li cas.., qee tsam kuv nco Paj dhau kuv quaj hu Paj, lub suab nrov ntxhe mus puv tej kaum roob kaum hav ua tej toj roob hauv pes qeeg nkaws kom Paj hnov tias yog kuv nco Paj, tiam sis txawm kuv yuav hu npaum li cas los Paj tsis los cuag kuv li…!!
     
    Sij hawm dhau mus tsis paub tsawg hli los tsawg xyoo muaj ib hnub, Paj mus teb los kuv caum Paj lawv qab los txog ib tog kev kuv tsuj raug ib qho dab tsi ntshe yuav yog ib tug hmuv nchob kuv txhais taw sab laug mob heev, tam sis ntawd kuv tau quaj nroo ua toj roob hauv pes qeeg, kuv dhia mus dhau 3 lub roob 3 lub hav, kuv mloog kuv lub zog ntaug zuj zus, kuv ntog kuv pw lawm, txij ntawd los kuv cia li hnov qab qhov ntawd, yog kuv txoj siav tu nrho lawm, txawm tias kuv txoj sia tu nrho es kuv tus ntsuj plig ncaim ntawm lub cev tus Tsov Txaij Nraum mus lawm los kuv tseem nco ntsoov Paj wb txoj kev hlub tsis ploj li, kuv tus ntsuj plig nyob hav zoo hav tsuag tos Paj ntev niaj ntau xyoo nrhiav tsis tau Paj li, kuv thiaj li los mus thov so rau hauv ib yim neeg nyob hav zoov hav tsuag lawm, yog kuv los thawj thiab ua neeg lawm, txij ntawd los tsis paub tias xyov Paj nyob li cas, thiab nws tseem muaj txoj sia nyob los ua li cas rau nws lawm, txawm li ntawd los, kuv yeej nco ntsoov Paj wb cov lus cog tseg rau hauv kuv lub zaim muag li txhua tiam dhau los thiab yuav tos nrhiav Paj li txhua tiam…!!
     
    Sim neej no, cas kuv yuav yug los ua tau ib lub neej nyob rau hauv ib txoj kev tsaus ntuj txom nyem siab ntsws ua ntu zus loj ua luaj li no, txawm tias tuag mus ua tsiaj los tseem tsis hnov qab tau txoj kev hlub kev mob siab, tuag mus ua dab los tseem hnov qab tsis tau txoj kev hlub kev nco kev mob siab li thiab, txawm tias av luaj quas vov lub qhov muag tsawg tiam dhau mus lawm los txoj kev hlub kev mob siab kev nco Paj ntawd yeej tseem tsis tau ploj hauv kuv lub zaim muag mus li, thaum kuv yug los ua neeg, kuv loj zuj zus kuv nco Paj ib hnub loj dua ib hnub tuaj, tiam sis nws yog kuv li nplooj siab xwb qhia tsis tau rau leej twg, kuv ua lub neej nrog kuv niam kuv txiv ua lub neej nyob twj cuab rau hav zoov hav tsuag txom nyem ntsuav, vim yog kuv mus thawj ua ib tug tsiaj lawm, kuv tuag mus los kuv thiaj li tsis paub yuav mus nrhiav kuv tsev neeg lawm…!!
     
    TIAM NO THAUM KUV YOG TUS TSOV TUAG LOS MUS THAWJ THIAB RAU HAUV IB YIM NEEG UA LUB NEEJ NYOB TWJ CUAB HAUV NRUAB ZOO NRUAB TSUAG, KUV THIAJ LI TAU PUAG LUB NEEJ TXOM NYEM SIAB NTSWS LWJ DHI UA NTU ZUS LOJ NPAUM LI NRAM NO :
     
    Ntu 02 :…thaum kuv yug los pom lub hnub tshav ntuj nrig, kuv muaj thaj tsam li 4 xyoos ntau los 5 xyoos xwb kuv txiv tau tso lub ntiaj teb tseg rau tom tshav rog, vim lub teb chaws txoj kev sib ntaus sib tua, kuv niam kuv txiv muaj kuv thiab kuv ib tug muam yau xwb, txij li kuv txiv tau tso kuv niam peb tseg lawm tsis ntev, kuv niam tau coj kuv tus muam wb mus raws kuv txiv cov kwv tij nyob hav zoo hav tsuag tau ib ntus xwb, txoj kev yuav tau sib ncaim los twb vim lub teb chaws kub ntxhov…!!
     
    Lub caij no tab tom yog lub caij nplej siav daj nruv, lub teb chaws nchuav kub ntxhov, kuv txiv cov kwv tij thiaj li hais tias sawv daws nyias mus nkaum rau nyias tej teb mloog, yog hnub twg lub teb chaws txias lawm sawv daws mam rov los nyob hauv zej hauv zos li qub, lub sij hawm ntawd sawv daws tau ua raws li tswv zos hais, nyias mus nyob nyias tej liaj teb tas lawm, sij hawm kuv niam coj peb mus nyob nram teb tsis paub xyov tawg hnub, muaj ib hnub thaum tav su dua hnub qaij nroos pom tej ntxoov ntxoo los luas, kuv cia li hnov mob ib teg saum tiaj taub hau, ib pliag xwb zoo li mob heev zuj zus ua kuv qhov muag tsaus ntais tsis pom kev:
     
    Kuv hais tias…Niam..cas mob mob kuv taub hau kv tsis pom kev lawm…!!
    Kuv niam los  muab kuv puag kiag thiab kuv niam hais tias..me ntxawg..ua li cas ho mob koj taub hau na me ntxawg…es niam mam zaws rau seb…!!
     
    Kuv tsuas hnov thaum kuv niam puag nkaus kuv xwb, kuv cia li pom dheev ib lub qhov rooj qhib phlo pom kev kaj lug, kuv sawv ntsees mus txog ntawm qhov rooj thiab tawm plaws rau raum zoov lawm, ua ciav tshav ntuj nrig hos hnov me kab me noog seev suab zom zaws ua kho siab zim thiab muaj ib txog kev pua ntaub ntsuab xiab zoo heev kaj lug muaj txhua tsav txhua yam Paj tawg ci ntsa paug ntawm tej ntug kev mus lawm, kv tig rov los saib tom qab tsuas pom tsaus ntuj nti xwb, kuv thiaj li taug txoj kev ntawd mus lawm, thaum kuv tawm ntawm tsev mus mas tsis muaj kev nyuaj kev ntxhov plawv nyob hauv lub siab ib qho li lawm, tsuas zoo siab hlo kaj siab lug taug kev yam lom zem xauv npos mus lawm xwb, thaum kuv mus txog tim ntug zos kuv tig rov los saib tom qab los tsuas pom txhua lub tsev zoo li nyob tsaus ntuj nti xwb, txoj kev ntawd tawm plua tshauv tog mus hauv cov hav zoov lawm, nyob ntawm ntu kev muaj hav zoov yog ib nyuag ntu kev deb tsawv mus li ib pliag mas hnov cua tuaj ntxiag txias zias laj siab huv si ua rau tej me nplooj xyoob nplooj ntoos laim pes txias mus puv roob puv hav tau zoo nkauj kawg li,  hos tsuas hnov tej me kab me nas me noog, me liab me cuam nrog txhua tsav yam tsiaj sib ntawb sib zeg sib caum seev suab kho siab zim rau qhov txhia chaw thiab tej me npauj npaim ya sib zeg sib caum dawb pes vog rau txhua txhia chaw yam lom zem tshaj plaws li, kuj hnov tej me pab xyoo tawg nrov nkoov zim tim tej khuab roob khuab ha tuaj ua rau lub siab kaj lug sim neej no tsis nco txob tsis nco txhawj dab tsi li lawm, kuv tshais ruam zim mus lawm tom ntej, txoj kev tav nqis lias mus txog nram ib tug dej ntws ntshiab si pom suab zeb dawg paug hauv qab ntu, tus dej ntawd tsis tob txij li hauv caug xwb, thaum kuv los txog ntawd kuj tsis pom muaj neeg nrog kuv los li, tiam sis kuv hlas dhau plaws tus dej mus rau sab tim ub lawm, kuv tig rov los saib tom qab ua li cas ho pom neeg los mus dug dam los hla tus dej ntawd, kuv thiaj li mus zaum ntsia cov neeg los hla tus dej, cov neeg los mus ntawd thaum lawv hla dhau tus dej xwb nws tig loo rov qab mus da dej ntxuav tes ntxuav taw ntxuav muag hloov zam tshiab tshiab nws mam mus lawm, leej twg los puav leej ua li ntawd, tiam sis kuv saib lawv pheej ua li ntawd, tiam sis kuv ho tsis nco qab txog tias yuav rov mus ntxuav muag ntxuav tes ntxuav taw li lawv, kv cia li ho sawv nrog lawv mus lawm...!!
     
    SIM NEEJ NO NYOB HAUV TXOJ KEV TUAG YEEJ TSIS TAU MUAJ LEEJ TWG YUAV ROV LOS HAIS QHIA TAU RAU COV TOM QAB TIAS TXOJ KEV TUAG NO POS YOOJ YIM…POS TXAUS NTSHAI…THIAB THAUM TUS NEEG NTAWD TXOJ SIA TU NRHO LAWM UA LI POS YUAV MUAJ TUS NTSUJ PLIG, YOG MUAJ TUS NTSUJ PLIG TIAG NO NWS HO MUS RAU TXOJ XUB KE TWG LAWM TIAG LI NRAM NO:

    Txij ntawm ntug dej mus lawm tom ntej ho yog ib lub nras nyom ntsuab xiab ntsia mus tsuas pom ib ncua muag ploj loog puag tim ub lawm xwb, kuv cia li sawv raws cov neeg ntawd mus lawm, peb mus ntev heev uas twb hnov nkees lawm los tsis txawj dhau lub nras nyom no li, tiam sis kuv nrog cov neeg los mus ntawd ntev npaum twg los kuv yeej tsis pom lawv ib leeg hais lus rau ib leeg li, nyias mus nyias taw hau ntsoov mus lawm tom ntej xwb, kuv thiaj li nres tos ib tug los txog ze ze kuv thiaj li nug nws tias…tij laug…ua li cas peb twb los mus ntev ua luaj no lawm es ho tsis txawj dhau lub niag nras no li, tiam sis nws ntsia ntsia kuv xwb nws tsis teb kuv ib los li, kv nug lwm tus los nws ua ib yam li ntawd thiab, kuv nug ntau leej los lawv ua ib yam li ntawd thiab, kuv thiaj li ua ib siab caum lawv mus lawm tom ntej, peb mus mus ib pliag khees heev lawm twb tsis nco qab txog dab tsi li lawm, kuv mam tsa muag saib tom ntej no pom dheev hav zoo ntsuab xiab, kuv thiaj li khiav khiav mus txog ntawm cov hav zoov, txoj kev nce lias mus rau saum cov hav zoov lawm, ua li cas ho pom muaj 3 tug neeg hnav dawb ntoo kaus mom dawb, rau khau dawb, ib leeg muaj ib txog ntaub liab khi rau lawv sab npab laug, thiab ib leeg tuav ib tug ntxuam txaij nraug zees sawv zov ntawm qhov yuav nce mus saum cov hav zoov, kuv khees dhau kuv txawm mus zaum ntawm cov qab ntoos saib cov neeg los txog ntawd, ua li cas leej twg los txog ntawd los cev ib daim ntawv dawb dawb rau 3 tug zov ntawd saib tas muab daim ntawv kaws tseg lawm, lawv mam ho cev dua ib daim tshiab rau tus neeg los ntawd, ces nws mam li nce hlo rau saum cov hav zoo mus lawm, leej twg los puav leej muaj ib daim ntawv cev rau 3 tug neeg zov nawd, kuv txawm sawv tsees mus hais rau 3 niag zov nawd tias…es ua li cas cov neeg los mus ntawd lawv puav leej muaj ntawv, kuv ho tsis muaj…?, lawv tig los ntsia ntsia kuv xwb tsis hais lus rau kuv li, kuv rov hais ib yam li ntawd los lawv tsuas ntsia ntsia kuv xwb thiab, kuv hais ntau zaus los lawv tsuas ntsia ntsia kuv xwb, kuv rov mus zaum saib cov neeg los mus, kuv xav xav…kuv cia li sawv ntsees nce hlo nrog lawv mus rau saum zaj hav zoov lawm, thaum nce mus rau saum cov hav zoov ntawd mas hnov cua tuaj laj ntxiag hos txias zias ntsiag to ua rau kaj siab lug xwb, kuv tshais ruam mus zoj zeeg ib pliag cia li tshwm plaws rau ib lub rooj vag loj heev, ntawm lub rooj vag muaj 2 tug neeg zov  thiab muaj 3 niag Dev Vaug loj li loj zov, thaum cov neeg los dhau ntawm 3 niag Dev Vaug ntawd mas 3 niag Dev Vaug Hnia Hnia mam dhau mus, thiab2 tug neeg sawv ntawm lub rooj vag mam qhib phlo rooj vag rau tus los ntawd mus lawm,  kuv ntshai heev kuv tos muaj ib tug los txog ntawd kuv cia li nrog tus neeg ntawd mus ib txig dhau plaws 3 niag Dev Vaug ntawd mus rau tom lub rooj vag ces 2 tug neeg zov ntawd qhib phlo rooj vag rau wb dhau plaws mus lawm, thaum dhau plaws lub rooj vag mus lawm ib pliag xwb ho yog ib lub nras suab puam, ntsia mus tom ntej tsuas pom ntuj ntsuab xiab puag tim ub lawm xwb, thaum nyuam qhuav pib mus rau hauv lub nras suab puam mas txias zias xwb, hos ntsiag to tsis hnov ib lub suab sab dab tsi nrov li, tiam sis mus mus ib pliag uas hnov khees zuj zus lawm mam ho hnov tshav ntuj kub zuj zus tuaj, yim mus lawm tom ntej tshav ntuj yim kub heev tuaj xwb, kuv nrog lawv mus ntev heev tshav ntuj kub zuj zus saum tuaj, thiab cov niag suab puam los kub zuj zus hauv tuaj npaum nkaus li yog nkag mus rau hauv ib lub qhov cub lawm xwb, ua rau kuv tiv tsis taus li lawm thiab nqhis dej heev, qhov muag tsaus ntais pom kev tsis tseeb li lawm, kuv saib ua li cas cov neeg los mus ntawd lawv muaj ib leeg ib lub kaus kwv thiab lawv muaj khau rau txhua leej, kuv thiaj li nres thiab thov cov neeg los mus ntawd dej haus, tiam sis thov tus twg los lawv ntsia ntsia kuv xwb lawv tsis hais lus rau kuv li, kuv thov leej twg los nws tsis teb kuv li, lawv taw hau ntsoov mus lawm tom ntej ib leeg yeej tsis hais lus rau ib leeg li, ib leeg yeej tsis ntsia ib leeg li, kuv thov tsis tau dej haus ces kuv xav tias mus tsis taus lawm ces cia rov qab, tiam sis thaum kuv tig ntsia rov tom qab na has ntuj aw…, ua ciav pom nplaim taws kub phau phwv cig nto ntuj luaj nkaus li tej lub niag hauv roob lawv qab, kuv ntshai heev txawm li cas los yuav tsum tau ua ib siab caum cov neeg ntawd mus lawm tom ntej, yog tsis mus los hluav taws yuav kub tiag tiag, yuav tsum tau mus lawm tom ntej…!!
     
    Thaum kuv caum cov neeg mus mas sab heev, nkees dhau lub cev yeej qaug zoj qaug zis hos qhov muag los tsis pom kev lam mus lawm xwb, tiam sis mus ntev heev tsis nco qab dab tsi li lawm, xav tias zoo li no xwb ces zaum no ntshe yuav tuag xwb, tiam sis thaum kuv tsa muag saib ua li cas ho pom dheev zoo li yog dej hiav txwv ntsuab xiab tom hauv ntej, ua rau kuv txoj sia ho loj zog tuaj thiab khiav khiav mus tiam sis deb heev, khiav mus npaum li cas los tsis txawj txog li, thaum mus txog ze zuj zus thiab saib zoo zoo no tsis yog hiav txwv, yog hav zoov xwb, ua rau kuv zoo siab heev thaum mus txog ntawm cov hav zoov ntawd sab kuv dhau kuv txawm mus zaum nkaum tshav hauv cov qab ntoos, thiab tig saib rov tom qab, txoj kev cia li los xaus rau ntawm zaj hav zoov ntawd lawm, tiam sis kuj muaj 5 tug neeg hnav ris tsho dawb ntoo kaus mom dawb khi ntaub liab rau sab npab laug zov ntawd, kuv saib saib cov neeg los txog ntawd, lawv leej twg los puav leej cev ib daim ntawv rau 5 niag zov ntawd, lawv txais daim ntawv mus khaws tseg lawm, lawv 5 niag zov ntawd taw tes rau txoj kev twg mas nws tsis muaj hais lus li, nws yuav tsum tau mus txoj kev ntawd xwb, kuv mam li sawv mus saib na ua ciav muaj 5 txog kev ncaim li 5 tug ntiv tes…!!
     
    Ntawm 5 txog kev ntawd, cov neeg los mus yog raug mus txoj kev nruab nrab ces lawv 5 niag zov cev kiag ib qho zoo li yog ib teg tsau, tiam sis kuv saib zoo zoo ho tsis yog teg tsau, zoo li ib lub teeb ho tsis yog lub teeb thiab, tab sis thaum lawv cev rau tus neeg los mus ntawd txais nkaus ces nws cig lam lug nce hlo txoj kev nruab nrab mus lawm, tsis paub tias yog dab tsi cig lam lug li ntawd…?
     
    Kuv xav xav…kuv txawm mus hais rau 5 niag zov ntawd tias…ua li cas kuv tsis muaj ntawv es kuv yuav mus txoj kev twg…? Kuv hais lus rau leej twg los lawv tsuas ntsia ntsia kuv xwb tsis teb kuv li, kuv hais lus npaum li cas los lawv tsuas ntsia ntsia kuv xwb, lawv ua lawv hauj lwm fab fo tsis teb kuv li, kuv rov mus zaum ib pliag, kuv xav xav kuv txawm xav tias, tsis paub yuav mus txoj kev twg ces kuv lam sim mus txoj kev 01 txog tom qhov kawg, kuv mus pom tshua yam uas tshwm sim nyob tod, tsis muaj chaw nyob tsis muaj kev yuav mus ntxiv lawm tws kev lawm, kuv rov los txog ntawm kev ncaim, kuv ho taug txoj 02 mus los kuv kuj taug mus txog tom qhov kawg thiab pom tshua yam tshwm sim nyob tod tsis muaj chaws nyob, thiab tsis muaj kev mus qhov twg ntxiv lawm, kuv rov los txog ntawm 5 niag zov ntawd, kuv xav tias yuav mus txoj kev nruab nrab, tiam sis kuv los hais 5 niag zov ntawd lawv ntsia ntsia kuv xwb, lawv tsis muab qhov cig lam lug ntawd rau kuv, lawv tsuas ntsia ntsia kuv xwb, kuv txawm xav zoj tias ntshe tsam yog tsaus tsaus ntuj yuav mus tsis tau, kuv thiaj li taug txoj kev 03 mus txog tom qhov kawg, thiab mus pom tshua yam tshwm sim nyob tod yeej tsis muaj chaw nyob, thiab tsis muaj kev mus qhov twg li lawm, kuv rov los txog ntawm kev ncaim, kuv ho mus txoj kev 04 kus mus txog tom qhov kawg, thiab mus pom tshua yam tshwm sim nyob tod tsis muaj chaw nyob, tsis muaj kev mus ntxiv lawm, kuv rov los txog ntawm kev ncaim dua, kuv ho taug txoj kev 05 mus txog tom qhov kawg, thiab mus pom tshua yam tshwm sim nyob tod tas, tsis muaj chaw nyob tsis muaj kev mus ntxiv lawm thiab, kuv rov los txog ntawm kev ncaim, kuv los zaum ntawm cov qab ntoos vim sab dhau, tiam sis kuv tsa muag saib los yeej pom neeg los mus sis laub sis lug…!!

    Yog muaj sij hawm kuv mam rov tuaj sau tsuas ntxiv mus, vim tshuav ntev heev...!

    DimKajSiab
    Visitor
    Visitor

    Messages : 2
    Date d'inscription : 2015-04-01

    Re: DAB NEEG HMOOB

    Post  DimKajSiab on 9th April 2015, 12:53 pm

    DimKajSiab wrote:nyob zoo cov npoj yag kwv luag hmov tshua.

    Hnub no kuv yuav tuaj piav txog kuv lub neej ntau tiam dhau los li nram no:
     
                        LUB NEEJ YUG LOS YUAV ZOO PUAV TAM LUB CAIJ TXHAWV
                                                                               TIAM SIS
                      LUB SIJ HAWM DHAU MUS LAWM YUAV ZOO PUAV TAM LUB CAIJ NTSWS.
     
                                                    
    TUS NEEG ZAUM NTAWM NO, YOG NWS TAB TOM XAV TXOG LUB NEEJ DHAU LOS, UAS XAIV TSIS TAU TXOJ HMOO ZOO YUG LOS UA NEEG, NWS THIAJ UA TAU  IB LUB NEEJ ZOO LI TEJ QAIB NPUA NOJ QHAUV NTXUAG KUA MUAG, LUB NEEJ NYOB NRUAB ZOO NRUAB TSUAG UA DAB UA TSOV LUAG, NIAJ HNUB TXHUA HMO TU SIAB HEEV TSUAS TAB SEEV YUJ YEES RAU TXOJ KEV PLOJ KEV TUAG, YUAV NCE NTUJ TSIS MUAJ KEV YUAV NKAG AV TSIS MUAJ QHOV, VIM YOG NWS IB SIM KEV TXOM NYEM LWJ SIAB PUAG LUB NIAJ THAWM XYOO UA NTU ZUS TSIS QUAJ LOS LUB KUA MUAG TEEV YEES NTAWM LUB QHOV MUAG, UA LUB NEEJ NYOB TSAUS NTUJ NTI ZOO PUAV TAM TUS NEEG DIG MUAG LAG NTSEG, TXAWM TIAS NWS LUB NEEJ YUAV TAU PUAG TXOJ KEV TXOM NYEM SIAB NTSWS UA NTU ZUS NTAU NPAUM TWG LOS XIJ PEEM, VIM NWS TXOJ SIA TSIS TAU TU, NWS HAJ TSEEM UA LUB SIAB NTUJ NTEV TOS HNUB DHAU HMO, SEB POS YUAV MUAJ IB HNUB TWG NWS TXOJ SIA HO TAU DIM NTAWM TXOJ KEV TWM ZEEJ TXOM NYEM LWJ SIAB, THIAB TAU TAWM HAUV YIAS DEJ KUB HLUAV TAWS NTAIV MUS CUAG RAU IB LUB NEEJ KAJ SIAB RAWS LI NWS TXOJ KEV NPAU SUAV…!!
    TXIJ NO YUAV PIAV RAWS LI NWS LUB NEEJ TXOJ HMOO YUG LOS UA NEEG ZWM TSEG UA IB ZAJ DAB NEEG RAWS LI NWS XEEV XWM YUG LOS UA NEEG RAU TIAM NEEJ NO, YOG TXOJ HMOO UA TUS COJ UAS YUAV XAIV TSIS TAU LI NWS TAU PIAV NRAM NO :
     
    Ua ntej tshaj plaws yuav piav txog ( Leej Nkaub & Paj ) nkawv txoj kev sib hlub thawj tiam uas nkawv tau sib ntsib, ua rau nkawv txoj kev sib hlub loj npaum li cas…? Thiab los txog rau tiam nkawv ho tau sib plam ua rau nkawv mob siab npaum li cas…? Nws tau hais tseg li nram no :
     
    Ntu 01ua ntej thaum Paj wb yuav tau sib ntsib ntawd, yog ib xyoos puag ncig los txog lub xyoo tshiab noj peb caug, lub sij hawm ntawd, kuv tau mus pov pob ib lub zos dhau ib lub zos, kuv thiaj tau mus ntsib 2 tug ntxhais hluas nkauj, leej twg los puav leej zoo nkauj heev thiab hais lus zoo heev, kuv tau nrog nkawv pov pob tas ib cim peb caug xaus, sij hawm nyob hauv txoj kev pov pob kev nkauj nraug tso daj tso luag, ua rau peb tau sib paub ib leeg sib raug zoo heev rau ib leeg, kuv tsis paub yuav hlub leej twg, tiam sis lub sij hawm kuj tau dhau mus lawm zuj zus kuv yuav tau xaiv nkawv ib leeg yuav mus ua kuv poj niam…!!
     
    Muaj ib hnub, kuv tau nrog nkawv mus tom teb ib hnub yuav tsaus ntuj, tshav ntuj kub heev, peb los so nkaum tshav, nkawv txawm hais rau kuv tias :
     
    Leej nus…koj na..nrog wb ua ke sib nraug zoo ua luaj li no es yog koj nyiam wb leej twg tiag tiag… ? txawm tias koj yuav nyiam wb ob leeg ib yam los koj tsuas yuav tau ib leeg ua koj tus poj niam xwb koj yuav yuav tsis tau wb ob leeg li os…ua li koj yuav xaiv wb leej twg… ? txawm tias koj yuav xaiv wb ib leeg yuav ua koj tus poj niam lawm los wb ib leeg yeej tsis tu siab rau ib leeg li os…vim yog koj txoj kev xaiv lawm…!!
    Kuv teb tias…txawm li ntawd los neb puav leej zoo nkauj ntxim hlub ib yam, es kuv yuav ua li cas thiaj yuav txiav siab xaiv tau ib leeg tseg ib leeg mas lod…!!
     
    Lub sij hawm ntawd, kuv yuav tsum tau xaiv ib leeg li nkawv hais ntawd, tiam sis kuv yuav xaiv yuav ib leeg lawm los kuj khuv xim ib leeg heev, ua rau kuv lub siab ua dhuj dhi tsis paub yuav xaiv leej twg li, tiam sis kuv yuav tsum tau xaiv nkawv ib leeg xwb yuav mus ua kuv poj niam, li no kuv tau txiav txim siab los tau ntau hnub ntau hmo tias kuv yuav ua li cas xaiv thiaj li yuav tau tus zoo niam tsev, vim nkawv ob leeg zoo nkauj ib yam thiab hais lus zoo ib yam li, lub siab los kuj zoo ib yam, tiam sis qhov kawg kuv yuav tau txiav siab xaiv Paj Ntxhee, tseg Paj Ntaub, hnub ntawd, Paj Ntaub kuj luag ntxhi nrog kuv zoo siab tias, kuv xaiv Paj Ntxhee lawm.. kuv kuj tsis paub tias Paj Ntaub, hauv nws lub siab yuav xav li cas los nws yuav tu siab heev rau kuv…!!
    Sij hawm kuv txiav txim siab teb nkawv, thiab xaiv tau Paj Ntxhee lawm, Paj Ntxhee wb kuj tseem ua hluas nkauj hluas nraug sib hlub sib nyiam heev tau ib tog hli muaj ib hnub ntawd :
     
    Paj Ntaub hais tias…kuv pom tias neb sib hlub heev ua luaj li no, yog tias neb sib yuav mus ua lub neej puv 120 xyoo thaum twg yuav tau cog lus tseg rau lwm tiam yug los ua neeg dua tshiab los nco ntsoov rov los sib nrhiav sib hlub li qub dua…!!
    Paj Ntxhee teb tias…lod..yuav ua li ntawd los yeej tau mad..tiam sis txhua tiam wb rov los sib nrhiav tau los tsam ho muaj ib tiam wb sib nrhiav tsis tau es plam lawm ne yuav ua li cas mas… !!
    Paj Ntaub teb tias…yog tau cog lus ruaj khov lawm xav tias yuav tsum sib nrhiav tau txhua tiam tsis muaj sib plam li nad… !!
    Paj Ntxhee teb tias…awv..ua li ntawd los yeej tau kawg…tiam sis es..yuav cog lus li cas thiaj yuav ua tau li ntawd thiab yuav ua li cas thiaj nco qab rau lwm tiam li hais ntawd mas…ntshe yuav ua tsis tau li ntawd pob…!!
    Paj Ntaub teb tias…qhov ntawd ces kawg haus ntshav tes xwb, thiab thaum puv 120 xyoo lawm ntawd nco ntsoov hais tseg tsis pub muab ntxuav muag es cia li tso mus twj ywm li ntawd ces txawm lwm tiam los yeej yuav nco ntsoov rov los sib nrhiav tau xwb mad…!!
    Paj Ntxhee teb tias…yog li ntawd kuv mam li nco ntsoov txog hnub ntawd ua li koj hais seb pos yuav ua tau kom lwm tiam nco ntsoov los sib nrhiav dua os…!!
     
    Dhau ntawd los, wb tau sib yuav ua txij nkawm, wb txoj kev sib hlub ua txij ua nkawm zoo heev, txawm wb sib yuav los nyob ua ke ntev npaum li cas los ib hnub wb txoj kev hlub yim loj zuj zus dua ib hnub tuaj xwb, thawj tiam wb txoj kev sib hlub nyob hauv wb lub neej txog hnub Laus los wb ib leeg yeej tsis tau hais lus nchav los muaj lus sib cav rau ib leeg kom ntsawv siab ib zaug li, thiab wb txoj kev sib hlub ib leeg tsis txawj dhuav ib leeg li, nws cov plaub hau ntev heev, txhua hmo wb pw nws muab nws cov plaub hau los xyab rau saum kuv lub hauv ncoo rau kuv ncoo tsis nrug ib hmos li…!!
     
    Thaum wb ua wb lub neej mus 120 xyoo puv yog vim txoj hmoo los txog li ntawd xwb, tseem hlub kuv heev thiab tshua kuv heev tam sis ntawd muab nws rab koob los thiab :
     
    Hais rau kuv tias…kuv me koj txiv..txawm li cas los wb lub neej los txog tav li no ntshe kuv yuav tau ncaim koj ib hnub mus lawm xwb, kuv thov wb los cog lus tseg rau lwm tiam los thawj yug ua neeg dua tshiab los kom wb nco ntsoov rov los sib nrhiav sib hlub ua txij ua nkawm dua li qub os…!!
    Kuv teb tias…kuv me koj niam ua li koj hais ntawd os…!!
     
    Paj Ntxhee muab rab koob nkaug nws tus ntiv tes los ntshav rau hauv ib lub ntim dej thiab nkaug kuv tus ntiv ntes los ntshav mus sib tov nrog cov dej, wb thiaj li tau haus ntshav tes cog lus tseg kom txhua tiam mus thawj thiab yug los ua neeg dua tshiab los yuav nco ntsoov, thiab wb tau muab hluav ncaig los kos 3 lub dub dub rau ntawm PajNtxhee lub hauv siab ntawm nws lub qaum mis sab xis sib cab nraws los rau ntawm lub Mis sab laug, kom wb nco ntsoov qhov puav pheej li tau cog lus tseg, txawm tias ib leeg tsis nco qab lawm los ib leeg nco ntsoov nug qhov puav pheej ntawd wb thiaj li los sib nrhiav tau, thawj tiam ntawd PajNtxhee tau tso kuv tseg tsis ntev xwb, vim tsis muaj Paj Ntxhee lawm ua rau kuv nco nws heev tsis xav ua neeg, li no tsis ntev xwb kuv kuj tau tso lub ntiaj teb tseg…!!
    Thaum kuv mus thawj thiab yug los ua neeg dua tshiab, kuv hlob tiav txiv zuj zus ua cas muaj ib qho nyob hauv kuv lub siab qhia rau kuv pheej xav zoo li kuv muaj ib tug neeg tseem ceeb tiam dhau wb tau cog lus tseg yuav rov los sib nrhiav, li no kuv niaj hnub xav niaj hmo ua npau suav pom tus neeg ntawd, qhov kuv nco tau zuj zus tias yeej muaj tiag, thiab kuv thiaj li tau nrhiav nws, txhua tiam wb yug los ua neeg dua tshiab thaum wb sib ntsib dheev ntawd yeej ua rau wb ib leeg twg los nras dheev rau ib leeg tias zoo li wb yeej tau sib paub sib pom tau nyob ua ke dua los lawm, thiab cia li ua rau ib leeg pom ib leeg zoo heev tsis muaj leej twg yuav zoo tshaj, cia li ua rau ib leeg nyiam ib leeg  heev tsis muaj leej twg yuav los pauv tau…!!
     
    TXHUA TIAM WB YUG LOS UA NEEG DUA TSHIAB, WB ROV SIB NRHIAV TAU SIB HLUB UA TXIJ UA NKAWM LI QUB RAWS LI WB TXOJ HMOO LAWM, TIAM SIS WB TXOJ KEV HLUB UA TXIJ UA NKAWM TAU SIB PLAM THAWJ ZAUG UAS WB XAV TSIS TXOG MAS YOG LI NRAM NO :
     
    Tiam wb yuav sib plam, kv tau los yug rau ib yim neeg ua lub neej txom nyem, kv npe hu li tias LeejNkaub, tiam sis thaum wb sib nrhiav tau PajNtxhee los yug rau ib yim neeg niam txiv tsuas yug tau nws ib leeg ntxhais xwb, tiam no nws npe hu li tias Paj, tiam no Paj yog ib leeg ntxhais zoo nkauj heev, nws lo lus, lub ntsiab lus zoo heev ua rau ncha nrov mus thoob ntiaj tog qaum pes leej hlob leej yau, tus laus tus hluas los nyiam heev, tiam no thaum Paj wb sib nrhiav tau wb ib leeg nug txog tej puav pheej ntawm wb lub cev puav leej muaj raws lis qhov wb nco tau lim loog, ua rau wb ob leeg ntseeg tau tias wb ib leeg yeej yog ib leeg li tus hlub tus tav tiam dhau los tiag, vim tsuas muaj Paj thiaj li paub txog tej puav pheej thiab hais tau lo lus qub txhua tiam dhau los ntawd xwb, thiab tsuas muaj kv ib leeg xwb thiaj li paub txog Paj lub cev tias muaj qhov puav pheej ntawd xwb, tiam no Paj wb ua hluas nkauj hluas nraug sib hlub heev, tsis ntev xwb wb kuj tau thov niam thov txiv ua sib qhaib yuav sib yuav, lub sij hawm ntawd wb sib hlub heev nrog niam txiv nyob mus mus los los sib hlub heev li wb yeej yog ib nkawm niam txiv, tsuas yog tsis tau ua tshoob xwb, lub caij nyoog wb khwv nrog niam nrog txiv npaj kom tau txhua yam txaus yuav ua wb lub tshoob, wb ib leeg twg yeej xav tsis txog tias wb txoj kev sib hlub yuav raug rhuav mus rau txoj kev piam sij puas ntsoog, Paj wb sib hlub heev txawm yuav tiv tshav tiv nag los wb ob leeg twb tsis hnov tsis nco qab txob tsis nco qab txhawj txog li…!!
     
    Ib sij huam, muaj ib tug neeg yog ib tsev neeg muaj txiag nplua nuj tuaj pom Paj, nws nyiam Paj heev, nws cia li muab Nyuj muab Nees thauj nyiaj tuaj nqis tsev zawj hais Paj, tau peb hnub peb hmos, txawm tias Niam Txiv tsis kam los tshuav tej kwv tij niam hlob txiv ntxawm puav leej pom zoo muab Paj qua tshoob mus yuav tus neeg nplua nuj ntawd, qhov kawg Paj thiaj li raug quab yuam mus yuav tsev neeg nplua nuj lawm, lub sij hawm wb txoj kev hlub thiaj li tau plam thiab swb mus rau tsev neej nplua nuj lawm, txawm wb yuav quaj 3 hnub 3 hmos ntshav muag los li cas los wb yeej sib cuag tsis tau, ib leeg tsav tsis ti ib leeg li lawm, vim muaj tsev neeg nplua nuj ntawd cov neeg coob heev thiab kav Paj nruj heev tsis pub Paj txav ib kauj ruam mus qhov twg li…!!
     
    SIM NEEJ NO AV LUAJ TWB VOV KUV QHOV MUAG DHAU MUS TXAWG TIAM LAWM, ROV MUS THAWJ THIAB YUG LOS UA NEEG DUA TSHIAB LOS QHOV MOB NTAWD TSEEM NYOB NRAIM HAUV KUV LUB SIAB THIAB NYOB NTAWM LUB ZAIM MUAG TSIS TAU PLOJ LI, XAV TXOG LUB CAIJ LAWV TUAJ TXEEB YUAV PAJ MUS LAWM NTAWD TSEEM HNOV LUB SIAB MOB HEEV…!!
     
    Txij li thaum Paj mus yuav tsev neeg nplua nuj lawm, kuv cia li ua ib tug neeg tsis paub tom ntej tom qab, tsis nco yuav mus liaj mus teb, tsis paub tshaib tsis paub nqhis, kuv ua lub neej niaj hnub niaj hmo seev nrhiav Paj rau txhua txhia txoj kev, kuv tau ua lub neej puag txoj kev txom nyem siab ntsws zoo puav tam ib tug kab mob noj Siab Ntsws Lwj tsus ib hnub loj dua ib hnub tuaj lawm xwb, kuv niaj hnub ua hmo nco Paj thiab nrhiav Paj txog qhov twg los tsis pom Paj yuav los qhov twg los, kuv tau ua lub neej txom nyem siab ntsws nyob tsaus ntuj nti npaum li tus neeg feeb tsis meej lawm, xav tias zoo li no lawm ces cia ua ib siab tuag mus thiaj li yuav tsis hnov qab txoj kev mob siab ntawd xwb, ib siab xav tias mob siab ua luaj li no txawm yuav tuag mus hauv nruab dab lawm los ntshe yuav hnov qab tsis tau qhov mob ntawd…!!
    Qhov kawg, kuv los thawj thiab ua tus Tsov txaij dawb no, vim ua lub neej nrog txoj kev mob siab ib hnub loj dua ib hnub xwb, yeej tsis muaj ib yam dab tsi yuav los cheem tau, kuv txoj sia thiaj li tau tu nrho rau txoj kev mob siab thawj zaug rau tiam ntawd, txawm tias kuv txoj sia yuav tu mus rau nruab dab lawm los qhov mob ntawd tsis ploj li, kuv thiaj li mus thawj thiab yug ua ib tug txiaj, yog ib tug Tsov Txaij Nraum, yuav rov los nrhiav los Cib Nyeej cov neeg siab phem, thiab los tos kom tau Paj nrog kuv mus, thaum kuv loj tiav txiv, kuv los mus nrhiav, tiam sis nrhiav tsis pom tsis ntsib cov neeg thaum tuaj yuav Paj mus lawm ntawd leej twg li, txawm tias kuv yuav yog ib tug tsiaj lawm los kuv tseem nco thiab hlub Paj heev, kuv thiaj li ua ib siab nyob hav zoo hav tsuag thiab los ua Paj luag rau tej qab teb luag teb, txawm tias kuv yuav yog ib tug Tsov los kuv yeej tsis pub Paj paub thiab tsis ua phem tsis hem Paj ib zaug li. Kuv los tos Paj ntau zaus los tos tsis tau li, vim zoo li muaj tej niag vas tooj vas hlau thaiv kuv kev ua ntu zus kuv hla li cas los hla tsis dhau li, kuv txawm yuav ua txuj ua ci npaum li cas los tos Paj los tos tsis tau, kuv txawm mus thawj yus los ua ib tug tsiaj lawm los kuv tseem muaj txoj kev hlub rau tus neeg kuv hlub ntawd thiab tseem tau los ua lub neej txom nyem siab ntsws ua ntu zus, nyob rau nruab zoo nruab tsuag lug toj lub pes zov Paj rau Paj tej nruab liaj nruab teb nrog txoj kev nyiaj tshaib yoo nqhis los tsuav kom txhua hnub kuv tau pom Paj xwb, vim lub caij nyoog ntev niaj ntau hlis dhau mus kuv tos tsis tau Paj nrog kuv mus, vim kuv txoj kev nco Paj, muaj tej hnub Paj lub siab nco txog wb txoj kev sib hlub kuv hnov Paj lub suab seev, ua rau mob kuv lub siab heev, kuv tau quaj hu txog Paj ua lub ntuj tsaus ntais nruab hnub tsaus nti lub kua muag poob ua nag tshauv nag tshia poob los ntub Paj seb Paj pos yuav paub tias kuv nco Paj npaum li cas.., qee tsam kuv nco Paj dhau kuv quaj hu Paj, lub suab nrov ntxhe mus puv tej kaum roob kaum hav ua tej toj roob hauv pes qeeg nkaws kom Paj hnov tias yog kuv nco Paj, tiam sis txawm kuv yuav hu npaum li cas los Paj tsis los cuag kuv li…!!
     
    Sij hawm dhau mus tsis paub tsawg hli los tsawg xyoo muaj ib hnub, Paj mus teb los kuv caum Paj lawv qab los txog ib tog kev kuv tsuj raug ib qho dab tsi ntshe yuav yog ib tug hmuv nchob kuv txhais taw sab laug mob heev, tam sis ntawd kuv tau quaj nroo ua toj roob hauv pes qeeg, kuv dhia mus dhau 3 lub roob 3 lub hav, kuv mloog kuv lub zog ntaug zuj zus, kuv ntog kuv pw lawm, txij ntawd los kuv cia li hnov qab qhov ntawd, yog kuv txoj siav tu nrho lawm, txawm tias kuv txoj sia tu nrho es kuv tus ntsuj plig ncaim ntawm lub cev tus Tsov Txaij Nraum mus lawm los kuv tseem nco ntsoov Paj wb txoj kev hlub tsis ploj li, kuv tus ntsuj plig nyob hav zoo hav tsuag tos Paj ntev niaj ntau xyoo nrhiav tsis tau Paj li, kuv thiaj li los mus thov so rau hauv ib yim neeg nyob hav zoov hav tsuag lawm, yog kuv los thawj thiab ua neeg lawm, txij ntawd los tsis paub tias xyov Paj nyob li cas, thiab nws tseem muaj txoj sia nyob los ua li cas rau nws lawm, txawm li ntawd los, kuv yeej nco ntsoov Paj wb cov lus cog tseg rau hauv kuv lub zaim muag li txhua tiam dhau los thiab yuav tos nrhiav Paj li txhua tiam…!!
     
    Sim neej no, cas kuv yuav yug los ua tau ib lub neej nyob rau hauv ib txoj kev tsaus ntuj txom nyem siab ntsws ua ntu zus loj ua luaj li no, txawm tias tuag mus ua tsiaj los tseem tsis hnov qab tau txoj kev hlub kev mob siab, tuag mus ua dab los tseem hnov qab tsis tau txoj kev hlub kev nco kev mob siab li thiab, txawm tias av luaj quas vov lub qhov muag tsawg tiam dhau mus lawm los txoj kev hlub kev mob siab kev nco Paj ntawd yeej tseem tsis tau ploj hauv kuv lub zaim muag mus li, thaum kuv yug los ua neeg, kuv loj zuj zus kuv nco Paj ib hnub loj dua ib hnub tuaj, tiam sis nws yog kuv li nplooj siab xwb qhia tsis tau rau leej twg, kuv ua lub neej nrog kuv niam kuv txiv ua lub neej nyob twj cuab rau hav zoov hav tsuag txom nyem ntsuav, vim yog kuv mus thawj ua ib tug tsiaj lawm, kuv tuag mus los kuv thiaj li tsis paub yuav mus nrhiav kuv tsev neeg lawm…!!
     
    TIAM NO THAUM KUV YOG TUS TSOV TUAG LOS MUS THAWJ THIAB RAU HAUV IB YIM NEEG UA LUB NEEJ NYOB TWJ CUAB HAUV NRUAB ZOO NRUAB TSUAG, KUV THIAJ LI TAU PUAG LUB NEEJ TXOM NYEM SIAB NTSWS LWJ DHI UA NTU ZUS LOJ NPAUM LI NRAM NO :
     
    Ntu 02 :…thaum kuv yug los pom lub hnub tshav ntuj nrig, kuv muaj thaj tsam li 4 xyoos ntau los 5 xyoos xwb kuv txiv tau tso lub ntiaj teb tseg rau tom tshav rog, vim lub teb chaws txoj kev sib ntaus sib tua, kuv niam kuv txiv muaj kuv thiab kuv ib tug muam yau xwb, txij li kuv txiv tau tso kuv niam peb tseg lawm tsis ntev, kuv niam tau coj kuv tus muam wb mus raws kuv txiv cov kwv tij nyob hav zoo hav tsuag tau ib ntus xwb, txoj kev yuav tau sib ncaim los twb vim lub teb chaws kub ntxhov…!!
     
    Lub caij no tab tom yog lub caij nplej siav daj nruv, lub teb chaws nchuav kub ntxhov, kuv txiv cov kwv tij thiaj li hais tias sawv daws nyias mus nkaum rau nyias tej teb mloog, yog hnub twg lub teb chaws txias lawm sawv daws mam rov los nyob hauv zej hauv zos li qub, lub sij hawm ntawd sawv daws tau ua raws li tswv zos hais, nyias mus nyob nyias tej liaj teb tas lawm, sij hawm kuv niam coj peb mus nyob nram teb tsis paub xyov tawg hnub, muaj ib hnub thaum tav su dua hnub qaij nroos pom tej ntxoov ntxoo los luas, kuv cia li hnov mob ib teg saum tiaj taub hau, ib pliag xwb zoo li mob heev zuj zus ua kuv qhov muag tsaus ntais tsis pom kev:
     
    Kuv hais tias…Niam..cas mob mob kuv taub hau kv tsis pom kev lawm…!!
    Kuv niam los  muab kuv puag kiag thiab kuv niam hais tias..me ntxawg..ua li cas ho mob koj taub hau na me ntxawg…es niam mam zaws rau seb…!!
     
    Kuv tsuas hnov thaum kuv niam puag nkaus kuv xwb, kuv cia li pom dheev ib lub qhov rooj qhib phlo pom kev kaj lug, kuv sawv ntsees mus txog ntawm qhov rooj thiab tawm plaws rau raum zoov lawm, ua ciav tshav ntuj nrig hos hnov me kab me noog seev suab zom zaws ua kho siab zim thiab muaj ib txog kev pua ntaub ntsuab xiab zoo heev kaj lug muaj txhua tsav txhua yam Paj tawg ci ntsa paug ntawm tej ntug kev mus lawm, kv tig rov los saib tom qab tsuas pom tsaus ntuj nti xwb, kuv thiaj li taug txoj kev ntawd mus lawm, thaum kuv tawm ntawm tsev mus mas tsis muaj kev nyuaj kev ntxhov plawv nyob hauv lub siab ib qho li lawm, tsuas zoo siab hlo kaj siab lug taug kev yam lom zem xauv npos mus lawm xwb, thaum kuv mus txog tim ntug zos kuv tig rov los saib tom qab los tsuas pom txhua lub tsev zoo li nyob tsaus ntuj nti xwb, txoj kev ntawd tawm plua tshauv tog mus hauv cov hav zoov lawm, nyob ntawm ntu kev muaj hav zoov yog ib nyuag ntu kev deb tsawv mus li ib pliag mas hnov cua tuaj ntxiag txias zias laj siab huv si ua rau tej me nplooj xyoob nplooj ntoos laim pes txias mus puv roob puv hav tau zoo nkauj kawg li,  hos tsuas hnov tej me kab me nas me noog, me liab me cuam nrog txhua tsav yam tsiaj sib ntawb sib zeg sib caum seev suab kho siab zim rau qhov txhia chaw thiab tej me npauj npaim ya sib zeg sib caum dawb pes vog rau txhua txhia chaw yam lom zem tshaj plaws li, kuj hnov tej me pab xyoo tawg nrov nkoov zim tim tej khuab roob khuab ha tuaj ua rau lub siab kaj lug sim neej no tsis nco txob tsis nco txhawj dab tsi li lawm, kuv tshais ruam zim mus lawm tom ntej, txoj kev tav nqis lias mus txog nram ib tug dej ntws ntshiab si pom suab zeb dawg paug hauv qab ntu, tus dej ntawd tsis tob txij li hauv caug xwb, thaum kuv los txog ntawd kuj tsis pom muaj neeg nrog kuv los li, tiam sis kuv hlas dhau plaws tus dej mus rau sab tim ub lawm, kuv tig rov los saib tom qab ua li cas ho pom neeg los mus dug dam los hla tus dej ntawd, kuv thiaj li mus zaum ntsia cov neeg los hla tus dej, cov neeg los mus ntawd thaum lawv hla dhau tus dej xwb nws tig loo rov qab mus da dej ntxuav tes ntxuav taw ntxuav muag hloov zam tshiab tshiab nws mam mus lawm, leej twg los puav leej ua li ntawd, tiam sis kuv saib lawv pheej ua li ntawd, tiam sis kuv ho tsis nco qab txog tias yuav rov mus ntxuav muag ntxuav tes ntxuav taw li lawv, kv cia li ho sawv nrog lawv mus lawm...!!
     
    SIM NEEJ NO NYOB HAUV TXOJ KEV TUAG YEEJ TSIS TAU MUAJ LEEJ TWG YUAV ROV LOS HAIS QHIA TAU RAU COV TOM QAB TIAS TXOJ KEV TUAG NO POS YOOJ YIM…POS TXAUS NTSHAI…THIAB THAUM TUS NEEG NTAWD TXOJ SIA TU NRHO LAWM UA LI POS YUAV MUAJ TUS NTSUJ PLIG, YOG MUAJ TUS NTSUJ PLIG TIAG NO NWS HO MUS RAU TXOJ XUB KE TWG LAWM TIAG LI NRAM NO:
    Txij ntawm ntug dej mus lawm tom ntej ho yog ib lub nras nyom ntsuab xiab ntsia mus tsuas pom ib ncua muag ploj loog puag tim ub lawm xwb, kuv cia li sawv raws cov neeg ntawd mus lawm, peb mus ntev heev uas twb hnov nkees lawm los tsis txawj dhau lub nras nyom no li, tiam sis kuv nrog cov neeg los mus ntawd ntev npaum twg los kuv yeej tsis pom lawv ib leeg hais lus rau ib leeg li, nyias mus nyias taw hau ntsoov mus lawm tom ntej xwb, kuv thiaj li nres tos ib tug los txog ze ze kuv thiaj li nug nws tias…tij laug…ua li cas peb twb los mus ntev ua luaj no lawm es ho tsis txawj dhau lub niag nras no li, tiam sis nws ntsia ntsia kuv xwb nws tsis teb kuv ib los li, kv nug lwm tus los nws ua ib yam li ntawd thiab, kuv nug ntau leej los lawv ua ib yam li ntawd thiab, kuv thiaj li ua ib siab caum lawv mus lawm tom ntej, peb mus mus ib pliag khees heev lawm twb tsis nco qab txog dab tsi li lawm, kuv mam tsa muag saib tom ntej no pom dheev hav zoo ntsuab xiab, kuv thiaj li khiav khiav mus txog ntawm cov hav zoov, txoj kev nce lias mus rau saum cov hav zoov lawm, ua li cas ho pom muaj 3 tug neeg hnav dawb ntoo kaus mom dawb, rau khau dawb, ib leeg muaj ib txog ntaub liab khi rau lawv sab npab laug, thiab ib leeg tuav ib tug ntxuam txaij nraug zees sawv zov ntawm qhov yuav nce mus saum cov hav zoov, kuv khees dhau kuv txawm mus zaum ntawm cov qab ntoos saib cov neeg los txog ntawd, ua li cas leej twg los txog ntawd los cev ib daim ntawv dawb dawb rau 3 tug zov ntawd saib tas muab daim ntawv kaws tseg lawm, lawv mam ho cev dua ib daim tshiab rau tus neeg los ntawd, ces nws mam li nce hlo rau saum cov hav zoo mus lawm, leej twg los puav leej muaj ib daim ntawv cev rau 3 tug neeg zov nawd, kuv txawm sawv tsees mus hais rau 3 niag zov nawd tias…es ua li cas cov neeg los mus ntawd lawv puav leej muaj ntawv, kuv ho tsis muaj…?, lawv tig los ntsia ntsia kuv xwb tsis hais lus rau kuv li, kuv rov hais ib yam li ntawd los lawv tsuas ntsia ntsia kuv xwb thiab, kuv hais ntau zaus los lawv tsuas ntsia ntsia kuv xwb, kuv rov mus zaum saib cov neeg los mus, kuv xav xav…kuv cia li sawv ntsees nce hlo nrog lawv mus rau saum zaj hav zoov lawm, thaum nce mus rau saum cov hav zoov ntawd mas hnov cua tuaj laj ntxiag hos txias zias ntsiag to ua rau kaj siab lug xwb, kuv tshais ruam mus zoj zeeg ib pliag cia li tshwm plaws rau ib lub rooj vag loj heev, ntawm lub rooj vag muaj 2 tug neeg zov  thiab muaj 3 niag Dev Vaug loj li loj zov, thaum cov neeg los dhau ntawm 3 niag Dev Vaug ntawd mas 3 niag Dev Vaug Hnia Hnia mam dhau mus, thiab2 tug neeg sawv ntawm lub rooj vag mam qhib phlo rooj vag rau tus los ntawd mus lawm,  kuv ntshai heev kuv tos muaj ib tug los txog ntawd kuv cia li nrog tus neeg ntawd mus ib txig dhau plaws 3 niag Dev Vaug ntawd mus rau tom lub rooj vag ces 2 tug neeg zov ntawd qhib phlo rooj vag rau wb dhau plaws mus lawm, thaum dhau plaws lub rooj vag mus lawm ib pliag xwb ho yog ib lub nras suab puam, ntsia mus tom ntej tsuas pom ntuj ntsuab xiab puag tim ub lawm xwb, thaum nyuam qhuav pib mus rau hauv lub nras suab puam mas txias zias xwb, hos ntsiag to tsis hnov ib lub suab sab dab tsi nrov li, tiam sis mus mus ib pliag uas hnov khees zuj zus lawm mam ho hnov tshav ntuj kub zuj zus tuaj, yim mus lawm tom ntej tshav ntuj yim kub heev tuaj xwb, kuv nrog lawv mus ntev heev tshav ntuj kub zuj zus saum tuaj, thiab cov niag suab puam los kub zuj zus hauv tuaj npaum nkaus li yog nkag mus rau hauv ib lub qhov cub lawm xwb, ua rau kuv tiv tsis taus li lawm thiab nqhis dej heev, qhov muag tsaus ntais pom kev tsis tseeb li lawm, kuv saib ua li cas cov neeg los mus ntawd lawv muaj ib leeg ib lub kaus kwv thiab lawv muaj khau rau txhua leej, kuv thiaj li nres thiab thov cov neeg los mus ntawd dej haus, tiam sis thov tus twg los lawv ntsia ntsia kuv xwb lawv tsis hais lus rau kuv li, kuv thov leej twg los nws tsis teb kuv li, lawv taw hau ntsoov mus lawm tom ntej ib leeg yeej tsis hais lus rau ib leeg li, ib leeg yeej tsis ntsia ib leeg li, kuv thov tsis tau dej haus ces kuv xav tias mus tsis taus lawm ces cia rov qab, tiam sis thaum kuv tig ntsia rov tom qab na has ntuj aw…, ua ciav pom nplaim taws kub phau phwv cig nto ntuj luaj nkaus li tej lub niag hauv roob lawv qab, kuv ntshai heev txawm li cas los yuav tsum tau ua ib siab caum cov neeg ntawd mus lawm tom ntej, yog tsis mus los hluav taws yuav kub tiag tiag, yuav tsum tau mus lawm tom ntej…!!
     
    Thaum kuv caum cov neeg mus mas sab heev, nkees dhau lub cev yeej qaug zoj qaug zis hos qhov muag los tsis pom kev lam mus lawm xwb, tiam sis mus ntev heev tsis nco qab dab tsi li lawm, xav tias zoo li no xwb ces zaum no ntshe yuav tuag xwb, tiam sis thaum kuv tsa muag saib ua li cas ho pom dheev zoo li yog dej hiav txwv ntsuab xiab tom hauv ntej, ua rau kuv txoj sia ho loj zog tuaj thiab khiav khiav mus tiam sis deb heev, khiav mus npaum li cas los tsis txawj txog li, thaum mus txog ze zuj zus thiab saib zoo zoo no tsis yog hiav txwv, yog hav zoov xwb, ua rau kuv zoo siab heev thaum mus txog ntawm cov hav zoov ntawd sab kuv dhau kuv txawm mus zaum nkaum tshav hauv cov qab ntoos, thiab tig saib rov tom qab, txoj kev cia li los xaus rau ntawm zaj hav zoov ntawd lawm, tiam sis kuj muaj 5 tug neeg hnav ris tsho dawb ntoo kaus mom dawb khi ntaub liab rau sab npab laug zov ntawd, kuv saib saib cov neeg los txog ntawd, lawv leej twg los puav leej cev ib daim ntawv rau 5 niag zov ntawd, lawv txais daim ntawv mus khaws tseg lawm, lawv 5 niag zov ntawd taw tes rau txoj kev twg mas nws tsis muaj hais lus li, nws yuav tsum tau mus txoj kev ntawd xwb, kuv mam li sawv mus saib na ua ciav muaj 5 txog kev ncaim li 5 tug ntiv tes…!!
     
    Ntawm 5 txog kev ntawd, cov neeg los mus yog raug mus txoj kev nruab nrab ces lawv 5 niag zov cev kiag ib qho zoo li yog ib teg tsau, tiam sis kuv saib zoo zoo ho tsis yog teg tsau, zoo li ib lub teeb ho tsis yog lub teeb thiab, tab sis thaum lawv cev rau tus neeg los mus ntawd txais nkaus ces nws cig lam lug nce hlo txoj kev nruab nrab mus lawm, tsis paub tias yog dab tsi cig lam lug li ntawd…?
     
    Kuv xav xav…kuv txawm mus hais rau 5 niag zov ntawd tias…ua li cas kuv tsis muaj ntawv es kuv yuav mus txoj kev twg…? Kuv hais lus rau leej twg los lawv tsuas ntsia ntsia kuv xwb tsis teb kuv li, kuv hais lus npaum li cas los lawv tsuas ntsia ntsia kuv xwb, lawv ua lawv hauj lwm fab fo tsis teb kuv li, kuv rov mus zaum ib pliag, kuv xav xav kuv txawm xav tias, tsis paub yuav mus txoj kev twg ces kuv lam sim mus txoj kev 01 txog tom qhov kawg, kuv mus pom tshua yam uas tshwm sim nyob tod, tsis muaj chaw nyob tsis muaj kev yuav mus ntxiv lawm tws kev lawm, kuv rov los txog ntawm kev ncaim, kuv ho taug txoj 02 mus los kuv kuj taug mus txog tom qhov kawg thiab pom tshua yam tshwm sim nyob tod tsis muaj chaws nyob, thiab tsis muaj kev mus qhov twg ntxiv lawm, kuv rov los txog ntawm 5 niag zov ntawd, kuv xav tias yuav mus txoj kev nruab nrab, tiam sis kuv los hais 5 niag zov ntawd lawv ntsia ntsia kuv xwb, lawv tsis muab qhov cig lam lug ntawd rau kuv, lawv tsuas ntsia ntsia kuv xwb, kuv txawm xav zoj tias ntshe tsam yog tsaus tsaus ntuj yuav mus tsis tau, kuv thiaj li taug txoj kev 03 mus txog tom qhov kawg, thiab mus pom tshua yam tshwm sim nyob tod yeej tsis muaj chaw nyob, thiab tsis muaj kev mus qhov twg li lawm, kuv rov los txog ntawm kev ncaim, kuv ho mus txoj kev 04 kus mus txog tom qhov kawg, thiab mus pom tshua yam tshwm sim nyob tod tsis muaj chaw nyob, tsis muaj kev mus ntxiv lawm, kuv rov los txog ntawm kev ncaim dua, kuv ho taug txoj kev 05 mus txog tom qhov kawg, thiab mus pom tshua yam tshwm sim nyob tod tas, tsis muaj chaw nyob tsis muaj kev mus ntxiv lawm thiab, kuv rov los txog ntawm kev ncaim, kuv los zaum ntawm cov qab ntoos vim sab dhau, tiam sis kuv tsa muag saib los yeej pom neeg los mus sis laub sis lug…!!
    Yog muaj sij hawm kuv mam rov tuaj sau tsuas ntxiv mus, vim tshuav ntev heev...!


    Last edited by DimKajSiab on 10th April 2015, 10:39 am; edited 3 times in total (Reason for editing : please delete this history)

    Sponsored content

    Re: DAB NEEG HMOOB

    Post  Sponsored content


      Current date/time is 23rd August 2017, 1:50 am