google-site-verification: googlefbfddf59e706b96b.html

Latest topics

» Kuv 1 Vuagdua
by ibvuagdua 4th December 2016, 3:38 pm

» Keeb Kwm Hmoob mus nyob Guyane
by cvang71 28th November 2016, 7:34 pm

» cwjmemdub lub tsev pajhuam
by koojziagkabzaug 23rd November 2016, 10:53 am

» PAWG HMOOB TRUSTEES UAS TUAV LUB KOOMHAUM LAO FAMILY CENTER YAV DHAU LOS ROV LOS TXEEB TAU LUB KOOMHAUM THIAB LOS TUAV LUB TSIAB30 THIAB LUB KOOBTSHEEB JUL 4TH
by Liajntsuab 20th November 2016, 5:06 am

» Xov Xwm hmoob Nyab Laj sawv tsam mus hais vim Nyab Laj tsi hlub peb haib hmoob
by Liajntsuab 18th November 2016, 8:25 am

» NPE ME NYUAM TUB thiab NPE LAUS
by koojziagkabzaug 15th November 2016, 12:12 pm

» NPE ME NYUAM NTXHAIS
by koojziagkabzaug 15th November 2016, 12:10 pm

» QHIA TSO DUAB thiab Video HAUV VAS SAB
by Tub kev deb 8th November 2016, 3:37 am

» Pojniam Qaug Qav thaum xeeb tub
by PIJPAUJ 6th November 2016, 12:46 am

» Los qhia koj zaj dab neeg
by Khosiab 3rd November 2016, 1:27 am

» TSIS TAU LOS TSIS CHIM
by Khosiab 2nd November 2016, 1:24 am

» Leej twg puas txawj sau nkauj ( suab paj nruag)
by Khosiab 2nd November 2016, 1:11 am

» Lub Neej Lwj Siab
by Khosiab 2nd November 2016, 1:00 am

Tsev seev PajHuam

Hmong beauty nature

Compteur visitor

hnub 18/09/2010 los mus

    Lubpajzoo Lub Tsev Seev Pajhuam

    Share

    Lubpajzoo
    Developer
    Developer

    Messages : 126
    Date d'inscription : 2010-04-22

    Lubpajzoo Lub Tsev Seev Pajhuam

    Post  Lubpajzoo on 23rd February 2011, 12:44 pm


    PAJ HUAM LUB PAJ ZOO


    Paj huam Nkauj Sua
    Paj huam muaj quag
    Paj huam ntxhais nquag
    Paj Huam muaj tshuaj

    Pib sau tim 23 lub 2hli 2011






    Last edited by Lubpajzoo on 23rd February 2011, 4:48 pm; edited 2 times in total

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 23rd February 2011, 12:46 pm


    Txoj kev hlub kho siab ua luaj
    tsis xav quaj los kua muag los
    vim xav txog yav neej thaum ub
    lo lus hlub koj tau hais tias
    kom khaws cia wb kev sib hlub
    tsis txhob pub rau leej twg li
    mus ib txhis cia rau nruab siab






    Last edited by Lubpajzoo on 23rd February 2011, 3:23 pm; edited 2 times in total

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 23rd February 2011, 12:49 pm



    Me leej nus koj puas tseem nco
    nyob rau hmo wb tham luag ntxhi
    saum lub hli muaj koj puag kuv
    wb kev hlub twb tsis kho siab
    cas hnub tshiab tsis pom koj lawm
    kuv thiaj tawm tuaj seev kev hlub
    xa puv ntuj seev nrhiav koj xwb

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 23rd February 2011, 4:47 pm


    Kev Hlub Kho Siab

    Sim neej no txoj me kev hlub
    yog ntuj pub wb thiaj sib paub
    tsis xav saub los vim nco koj
    mov tsis noj vim kho siab heev
    kuv thiaj seev kev hlub kho siab
    tawm ntuj tshiab seb puas ntsib koj
    puas tuaj coj kuv nrog koj mus
    me leej nus koj puas tseem nco
    nyob rau hmo wb zaum ua ke
    kuv lub npe koj seev tsis so
    tias kuv no yog tus koj hlub
    yuav tsis pub kuv kua muag los
    koj yuav nrog kuv nyob mus ib sim no nas...,



    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 3:33 pm



    Ua cas yuav nco kuv niam ua luaj,
    Lub siab quaj lub kua muag poob,
    Xav tsis thoob yog vim licas,
    Muab xav mas leej niam zoo tshaj,
    Pw saum txaj los muaj niam puag,
    Muaj suab luag twb vim niam xwb,
    Tsis mob hlwb vim muaj niam pab,
    Me mos ab yog niam txoj sia,
    Hlub tiag tiag yeej tsis cem li,
    Hlub hnia ntshis yeej tsis paub dhuav,
    Tsis tsw quav tsw zis tsw qaub,
    Niam thiaj paub niam me ab zoo,
    Lub hauv ncoo yog niam txhais npab,
    Niam me ab thiaj pw tsaug zog,
    Tsheej tag hmo pw tsim dhuj dheev,
    Txiv tsis seev vim twb muaj niam lawm,
    Lub hnub tawm niam sawv ua ntej,
    Mus nqa dej los ua tshais noj,
    Ib pliag zoj twb tag ib xyoos,
    Ua neej zoo tsis nco txhawj li,
    Ib pliag ntsis lub neej twb laus,
    Twb caum tau tej laus lawm,
    Cas lub sijhawm yuav nrawm ua luaj li,
    Ib pliag ntshis twb yuav tag ib txhis...,

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 3:45 pm




    Uacas yuav nco kuv niam ua luaj,
    Tsis xav quaj los kua muag nrog,
    Lub siab mob vim nco kuv niam,
    Vim ntawv tiam wb los ua niamntxhais,
    Koj tau hais kom kuv mloog lus,
    Coj siab tus rub lub siab dav,
    Kom txawj xav thiab hlub txhua leej,
    Kom peem tsheej ib leej ntxhais zoo,
    Muaj koob moo rau yav tom ntej,
    Kuv niam .ee.ee, kuv yeej nco ntsoov,
    Yuav tau hloov los kawm lus zoo,
    Yuav nug moo kuv niam tsis tseg,
    Koj lub npe yuav nrog kuv nyob,
    Vim koj yog tus faib txoj sia,
    Rau kuv kiag kom kuv ciaj neeg os kuv niad.

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 3:50 pm

    Nco Kuv Niam

    Kuv niam cas kuv nco koj ua luaj,
    Lub ncauj tsis hais los lub siab twb quaj,
    Kuv niam cas kuv nco koj heev li os,
    Lub ncauj tsis hais los lub kua muag twb nrog,

    Kuv niam cas kuv yuav yug los ua ib leej ntxhais,
    Hlob los tiav neeg ces yuav tau ncaim koj pais,
    Kuv niam cas kuv yuav yug los ua ib leej ntxhais nas,
    Hlob los tiav neeg ces yuav tau ncaim koj mus ua nyab,

    Kuv niam cas kuv yuav ncaim koj mus nyob kev deb,
    Yuav tawm rooj plaws mus ua nyab lawm tseg koj nyob hauv tsev,
    Kuv niam cas kuv yuav ncaim koj mus nyob ib sab ntuj,
    Yuav tawm rooj plaws mus ua nyab lawm tseg koj lub tsev tsis tuaj tsuj,

    Kuv niam cas kuv yuav nco koj ua luaj li tiag os,
    Ncaim koj lawm tav li no twb tsis hnov koj ib ntsug xov,
    Kuv niam cas kuv yuav nco koj kom tshaj plaws,
    Ncaim koj lawm tav li no twb tsis hnov koj ib tsab ntawv,

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 3:51 pm

    Kuv niam...e...,

    Hnub no kuv rovqab muab koj daim duab los saib,
    Ua rau kuv nco nco koj thaum koj hu kuv ua menaib,
    Hnub no kuv rovqab muab koj daim duab los xyuas,
    Ua rau kuv nco nco koj kuv thiaj poob lub kua muag,

    Kuv tseem nco tau thaum koj qhia kuv xaws pajntaub,
    Ua rau kuv nco nco koj heev li es koj puas paub,
    Kuv tseem nco tau thaum koj qhia kuv ua zaub mov,
    Ua rau kuv nco koj heev thaum lub caij kuv sawv ntxov,

    Kuv tseem nco tau koj tej lus qhuab qhia kom kuv mloog,
    Ib hnub twg tsis muaj koj lawm kuv thiaj tau lub neej zoo,
    Kuv tseem nco tau koj tej lus qhuab ntuas kom kuv nquag,
    Ib hnub twg tsis muaj koj lawm kuv thiaj tsis los kua muag,

    Kuv tseem nco tau thaum koj qhia kom kuv mloog lus,
    Ib hnub twg tsis muaj koj lawm thiaj muaj neeg xav hlub,
    Kuv tseem nco tau thaum koj qhia kom kuv txawj xav,
    Ib hnub twg tsis muaj koj lawm kuv thiaj muaj neeg pab,

    Kuv tseem nco tau thaum koj cheem tsis pub kuv pw zos,
    Vim koj hlub thiab txhawj txog kuv lub neej cev nkauj mog,
    Kuv tseem nco tau thaum koj cheem tsis pub kuv khibdwb,
    Vim koj hlub thiab txhawj txog kuv lub neej cev nkauj xwb,

    Kuv tseem nco tau thaum koj qhia kuv xaws hnav,
    Koj kom kuv kawm txhua yam ua ntej kuv mus ua nyab,
    Kuv tseem nco tau thaum koj qhia kom kuv fwm tus laus,
    Ua zoo coj tej ncauj lus kom tus thiaj tau ibtug zoo vauv,

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 4:01 pm

    Nco Kuv Txiv


    Cas yuav nco yus txiv ua luaj,
    Tias txhob quaj los kua muag los,
    Yam tus pos ntsia tsees lub plawv,
    Kua muag txhawv thaum xav txog nws,
    Tej siab ntsws mob cuag lwj tag,
    Npaum dej nag cov kua muag iab,
    Ntsim lub siab thaum xav txog kiag,
    Tsis zoo qhia rau leej twg paub,
    Thiaj tuaj saub seev ua paj huam,
    Hais cuam tshuam nrog huab nrog cua,
    Xa lus tshua rau kuv txiv mloog,
    Seb puas zoo kuv lub siab npau,
    Vim nco dhau thiaj muab los sau,
    Muab xa rau huab rau cua tshuab,
    Rau ntuj ntsuab saum ceeb tsheej ntuj,
    Kom pab nug kuv txiv lub moo,
    Lubpajzoo yog nws me ntxhais,
    Thov los hais los ua npau suav,
    Kom tau tuav tau ntsib ib pliag,
    Thov los qhia seb nws nyob licas lawm mog.




    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 4:03 pm

    Leej Ntxhais Zoo

    Leej ntxhais zoo nws yeej mloog lus,
    Coj siab tus rub lub siab ntev,
    Nyob hauv tsev mloog leej niam hais,
    Sawv ua tshais, ua su, ua hmo,
    Yeej tsis tos leej niam txib li,
    Nyob luag ntxhi tsis pub niam txhawj,
    Nws yeej txawj hlub txiv thiab niam,
    Yeej tsis tshiam niam txiv ib zaug,
    Tsis tau npau ua tshej muag dub,
    Niam yeej hlub nws tshaj plaws li,
    Yeej tsis ntxhi tsis nyiam taug xaiv,
    Niam me maiv niam ua siab loj,
    Kev ua noj nws yeej tsis txhawj,
    Nws yeej txawj tsis tag yuav qhia,
    Li no tiag yog ib leej ntxhais zoo,
    Lub koob moo thiaj nrov ncha lug,
    Tias ibtug ibleej ntxhais zoo,
    Yeej tsis nroo tsis xam khib li,
    Ua luag ntxhi hais lus mos nyoos,
    Yeej tsis nroo rau leej twg hnov,
    Lub suab nrov me lus qab zib,
    Nws kuj dib tau Hmoob tej tub,
    Lub siab hlub vim nws lus mos,
    Thiab kuj yog ib leej ntxhais zoo,
    Muaj koob moo tias nws yeej nquag,
    Txhua tus qhuas nws ib leeg tshaj,
    Luag thiaj tham nws lub koob zoo,
    Tias muaj hmoo tau ntsib ib leej ntxhais zoo no tiag…, lawv aw.

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 4:06 pm


    Leej Ntxhais Zoo

    Leej ntxhais zoo nws yeej txawj xav,
    Nws tsis xyav nws lub koob npe,
    Tu vaj tse tsis tag luag qhia,
    Nws tsis cia nws niam ua noj,
    Tej nus hlob nws fwm txhua tus,
    Kev hais lus nws kuj xyuam xim,
    Tsis lam chim rau tus ub tus no,
    Caij ua hmo nws paub ntuj tsaus,
    Hlub tej laus tsis cia luag ntxub,
    Hmoob tej tub nyiam nws txhua tug,
    Tsis xav nrug xav tuaj nyob ze,
    Lub koob npe ntawm ib leej ntxhais zoo,
    Luag yeej nroo nws lub npe nrov,
    Tias tus nov yog ib leej ntxhais zoo no tiag,

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 28th February 2011, 4:08 pm


    Leej Ntxhais Zoo

    Leej ntxhais zoo nws mloog niam lus
    Tsis lam mus rau ub rau no
    Caij ua hmo nws yeej paub lawm
    Tsis tas kawm nws yeej paub ua
    Tsev muaj qhua nws yeej paub tab
    Nws tej nyab nws yeej tsis cav
    Ua zoo xav thaum nrog luag tham
    Nws yeej kam thaum luag txib nws
    Caij mus pw nws tsis tos lig
    Tej nus tij nws yeej fwm txhua
    Tsis cav luag vim nws yog ntxhais
    Nws mloog hais coj lub siab zoo
    Nws tsis nroo thaum nws mob lawm
    Tsis lam tsawm thaum nws tshaib plab
    Li no ntag ib leej ntxhais zoo na

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Lubpajzoo Lub Tsev Seev Pajhuam

    Post  koojziagkabzaug on 1st March 2011, 1:26 am


    Nyob zoo Lubpajzoo,

    Wow...! Nws cov paj huam nov zoo kawg nkaus.
    Yog ib cov lus nyiaj lus kub, lus qhuab qhia ras xeev,
    Zoo kawg li, li nov thiaj yog txuj ci...
    Nws lub tsev nov yuav huaj vam thiab tsim nuj, vim nws muaj zoo txuj.
    Yuav yog ib qho chaw tseem ceeb ntawm Peb Haiv Hmoob,
    Yuav ua lub hauv paus rau txhua leej tuaj nrhiav Hmoob Txuj.

    Zoo siab rau nws lub laj lim nawb mog...Zoo kawg li.



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 2nd March 2011, 10:44 am



    Me vivncaus tus neeg tshajlij
    tej lus nplij kuv yuav khaws cia
    vim nws qhia kuv ua lub neej
    kom peem tsheej li luag lwm tus
    nws tej lus kuv yuav nco ntsoov
    yog kuv hmoov koj thiaj li qhia
    mam cim cia koj tej lus ntuas
    lub neej hluas ces twb yuav dhau
    lub neej laus twb caum cuag lawm
    yuav tau kawm koj tej lus qhuab
    kom tsheej cuab tsheej yim nawv mog
    vim koj yog kuv me niam laus
    koj paub txaus koj thiaj li qhia
    yuav khaws cia mus tag ib txhis
    yuav tsis chis rau koj mus li
    nyog luag ntxhi nrog koj mus mog
    kuv yuav nco koj mus tag ib sim os

    koojziagkabzaug
    Moderator
    Moderator

    Messages : 3530
    Date d'inscription : 2010-02-28

    Re: Lubpajzoo Lub Tsev Seev Pajhuam

    Post  koojziagkabzaug on 2nd March 2011, 1:58 pm



    Lubpajzoo kuv me viv ncaus,

    Txhua hnub hauv lub neej dhau mus
    Yam tsim nuj peb yuav khaw cia
    Qhov tsim txiaj yuav ceev tseg
    Ua ntsaum kwv pleb ib hnub ib zaj
    Kaum hnub ib phab tib pliag nws muaj txhab
    Ces nws huaj vam lawm tiag me viv ncaus...!



    Ntsaum kwv pleb tsim muaj tsev
    Ntsaum xwv av, nyob ciaj vaj






    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 8th March 2011, 12:01 pm

    Leej Nyab Zoo

    Leej nyab zoo nws tsis siab phem
    Tsis lam cem tus ub tus no
    Hlub niam pog thiab hlub txiv yawm
    Tsis lam tsawm lam yws tej laus
    Lub ntuj tsaus paub los nrhiav noj
    Yeej tsis coj luag tus tub khiav
    Yuav tsis ciav tsis ntxub leej twg
    Tsis lam nuj nws tus me txiv
    Ua hujhiv kom luag txaj muag
    Yeej tsis puag tsis tawb luag tub
    Rau luag ntxub kom tau lus hais
    Yeej tsis ntshai luag tes hauj lwm
    Yuav tsum fwm luag tsev neeg zoo
    Yuav tsis nroo tsis lam sib ceg
    Ua dev leg qhov muag liab tswbtsuas
    Paub txaj muag thiab paub kev cai
    Ua zoo hais rau txhua leej txhua tus
    Yuav los hlub tus txiv tsev neeg
    Kom luag ntseeg thiab fwm nws ua nyab
    Yuav los pab leej niam ua noj
    Yuav los coj kom haum niam siab
    Niam thiaj qhia niam tus me tub
    Tig los hlub niam leej nyab zoo
    Lub koob moo thiaj li nrov ncha
    Tias tus no na yog ib leej nyab zoo

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 8th March 2011, 12:03 pm


    Ib Leej Nyab Zoo

    Ib leej nyab zoo tsis yooj yim ua
    Paub tsis txhua ces kawg mag cem
    Tias niag lem niag neeg ntxhais nkeeg
    Lub niag neej thiaj tsis tsheej cuab
    Siab tsis npuab rau tes hauj lwm
    Nyob twj ywm li niag neeg ruam
    Raug luag thuam los tseem tsis paub
    Raug luag haub kom plam lub neej
    Peem tsis tsheej vim raug luag dag
    Kom nws mag cem thiab mag ntxub
    Luag tsis hlub iab liam txhua yam
    Kom nyab plam ua neej txom nyem
    Mag luag cem ntiab kom tawm mus
    Siab puas tsus mam nco thim xav
    Thaum no nad lub neej twb puas
    Luag tsis qhuas thiaj mag ntiab tawm
    Kev txij nkawm thiaj li tu nrho
    Lub neej no vim tsis paub tab
    Ib leej nyab tsis zoo lam ua
    Paub tsis txhua thiaj mag lawm tiag
    Luag tsis qhia tsuas muaj cem xwb
    Thaum puas hlwb ces mam nco xav
    Li no ntag ib leej nyab lub neej na
    Cem ti txha los yeej kawm tsis tau
    Lub neej laus mam li paub xwb tiag lawv aw

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 8th March 2011, 12:06 pm


    Niam Me Ntxhais

    Niam Me Ntxhais, nws txhob tu siab
    Cia li kiab los mloog kuv hais
    Niam me ntxhais tseem muaj niam nyob
    Lub siab txob los tsis txhob quaj
    Tu kua muag los qhia kuv mog
    Lub neej no tsis hais leej twg
    Zoo phooj ywg los yeej txawj chim
    Tej lus ntsim ua luag tau cem
    Thov muab lem mus rau sab nraud
    Yuav tau pauv coj lub siab tus
    Mam hais lus kom phim li luag
    Tsis txhob tuag vim tej lus iab
    Cia lub siab kom ruaj txhawb zog
    Tsis txhob ntog thaum luag thawb yus
    Coj siab tus thiaj yeej luag nawd
    Lus ntsim plawv txhob khaws cia mog
    Vim li no thiaj yuav tau hais
    Ua me ntxhais los yog me nyab
    Lub siab fab thaum raug luag cem
    Tsis txhob lem ntxub koj tus kheej
    Peem kom tsheej tuav lub cuab yig
    Txawm tus txiv tsis hlub los xij
    Tsis xav nplij los ua siab ntev
    Zoo niam tsev ces yog ib leej nyab zoo li nws ntag mog.

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 8th March 2011, 12:19 pm


    Niam Me Ntxhais



    Niam me ntxhais niam hlub koj heev
    Tsis txhob seev txhob quaj lawm mog
    Los ntawm no niam hais koj mloog
    Tsis txhob ntsoos txhob quaj nawv mog
    Niam nyob nov yuav saib xyuas nws
    Me siab ntsws cia li kaj nrig
    Tawm mus ncig mus saib lub hnoob
    Tawm pem roob muaj huab cua zoo
    Tsis txhob nroo mloog niam hais mog
    Tus niam nco yog niam me ntxhais
    Kavtsij pais ncig uasi kom lub siab kaj
    Niam mam npaj mov tos nws los noj
    Niam yuav coj nws nrog niam mus uasi mog

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 8th March 2011, 12:41 pm


    Ib Leej Niam Zoo



    Ib leej niam zoo tsis suav nqe zog
    Pw tsaug zog tsis khuvxim dabntub
    Tej me tub me ntxhais nws tsis cem
    Tsis lam hem kom lawv tu lub siab
    Ntxias kom kiab thiab nyob luag ntxhi
    Qhia ua si kom muaj kev lom zem
    Nws tsis cem tsis ntxub leej twg li
    Hais lus luag ntxhi rau txhua leej
    Qhia ua neej kom muaj kev kajsiab
    Kawm ntawv siab yog leej niam txhawb
    Nplooj siab dawb hlub ti nkaus txha
    Leej niam ntag yog tus zoo tshaj plaws

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 8th March 2011, 1:00 pm



    Ib leej niam zoo nws yeej nquag tshaj
    Nws yeej npaj rau txhua tug li
    Tham luag ntxhi tsis cem tsis ntxub
    Nws yeej hlub txhua leej txhua tug
    Yeej tsis nrug nws tej me nyuam
    Tsis lam thuam kom me nyuam quaj
    Coj siab ruaj rub lub siab ntev
    Nws tsis tshev thaum menyuam quaj
    Yuav tsis tuaj ib leej twg tog
    Nws tsis nyhos thaum lawv raug mob
    Nws nqee hlo rub kiag los puag
    Teev kua muag muab so tu kiag
    Nyob xub ntiag cia leej niam hlub
    Tsis hais tub los yog ntxhais li
    Hlub luag ntxhi hnia ntshis tsis dhuav
    Yeej tsis suav nws tej nqe zog
    Lub fws nrog los vim kev hlub
    Tsuav tej tub tej ntxhais tau noj
    Zoo siab hlo ces yog qhov zoo lawm


    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 10th March 2011, 9:42 am

    Leej Txiv Zoo

    Leej txiv zoo nws tsis tsa hwjchim
    Lub tswvyim nws muaj xauv npo
    Tej ris tsho nws hnav du lug
    Hlub txhua tug tsis hais leejtwg
    Zoo phoojywg nws muaj ntau leej
    Zoo txiv neej nws muaj fwjchim
    Lub lajlim nws tsis pluag li
    Ua leej txiv rau lub cuab yig
    Hlub kwvtij tus hlob rau tus yau
    Yeej tsis npau thaum mag luag cem
    Yeej tsis lem thaum mag luag ntxias
    Plawv tsis dhia thaum mag luag haub
    Nws yeej paub thaum raug luag ntxub
    Lub siab hlub nws muaj xauv npo
    Lub neej no nws yeej pom txhij
    Zoo kwvtij hlub nws kawg siab
    Lub ntuj tshiab mov noj tsis tag
    Lub ntuj nag muaj tsev zoo nyob
    Siab tsis txob vim nws txoj hmoo
    Ua neej zoo vim nws lub siab
    Zoo tiag tiag yog ib leej txiv
    Yuav tsis piv tsis khav rau luag pom
    Lub meejmom nws tuav ruaj ruaj
    Tsis lam quaj rau leej twg pom
    Lus cov nyom nws txheem tag nrho
    Lub neej no nws yeej tsis txhawj
    Vim li ntawd nws thiaj nto moo
    Ua lub neej zoo uas yog ib leej txiv

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 10th March 2011, 9:45 am

    LEEJ TXIV ZOO

    Leej txiv zoo yog neeg to tsib
    thaum nws pib yog xyaum tham lus
    coj kom tus yeej tsis plhom moj
    nws kev coj hais li muaj tseeb
    neeg txawm txheev nws los ua coj
    thaum muaj noj lawv thiaj hu nws
    lub caij twg yog muaj plaub ntug
    neeg yeej nug nws leej ua txiv
    kom mus chiv thiab pab sab laj
    mas hais ncaj leej txiv yeej zoo
    nyob ntau xyoo thiaj li raug xaiv
    coj los thaiv ib cuab kwv tij
    nws tshaj lij thiaj raug xaiv tau
    nws thiaj dhau mus ua tus coj
    thaum muaj noj nws hu txhua tus
    tsis zais lus tham rau txhua leej
    nws lub neej qhia kom dawb paug
    txhua txhua zaug muaj plaub muaj ntug
    tshem du lug tsis pub npog cia
    leej txiv qhia kom neeg ua zoo
    tus muaj hmoo tau txiv siab loj
    tau tus coj ces nyob kaj siab
    nco ib txhiab tuag fab lwm tiag ...xwb tiag!!!!

    Sau los ntawm, "Ntsuj Plig"

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 10th March 2011, 9:49 am

    Leej Tub Zoo

    Leej tub zoo nws yeej mloog lus,
    Coj siab tus hais lus tshaj lij,
    Haum kwv tij nkauj muam txhua leej,
    Zoo txiv neej nws yeej fwm luag,
    Hais lus qhuas tsis cem tsis thuam,
    Tej nkauj muam nws hlub txhua tug,
    Tsis lam ntxub ib leej tus twg,
    Kev phoojywg nws muaj coob heev,
    Yeej tsis seev tej lus kho siab,
    Lub siab kiab hais lus luag ntxhi,
    Yeej tsis chis rau tus hlob tus yau,
    Nws yeej paub hauj lwm hauv tsev,
    Coj siab ntev los pab ua noj,
    Niam tsis txhob txiv los tsis txhawj,
    Nws yeej txawj los pab tej muam,
    Nws tsis thuam nws hais lus zoo,
    Yeej tsis nroo thaum nyob ib leeg,
    Nws tus kheej yeej tsis sawv lig,
    Lub hnub ci nws paub ntuj kaj,
    Sawv los npaj nrhiav hauj lwm ua,
    Nws yeej nquag ib txwm thaum yau,
    Yeej coj tau haum niam haum txiv,
    Yeej tsis khib kawm tau txhua yam,
    Yog muab tham ces tham tsis tag,
    Vim nws ntag yog ib leej tub zoo…,

    Lubpajzoo
    Developer
    Developer

    Messages : 126
    Date d'inscription : 2010-04-22

    Re: Lubpajzoo Lub Tsev Seev Pajhuam

    Post  Lubpajzoo on 10th March 2011, 9:50 am

    Leej Tub Zoo

    Leej tub zoo yog neej paub tab
    txawj nrhiav nyab los pab niam pog
    tsis lam yog cov neeg quav txiaj
    nws nqa nyiaj mus ua khib khub
    nws paub hlub niam tais yawm txiv
    nws txawj siv tus cwj pwm zoo
    nyob nto moo rau zej zog hwm
    pom nws tshwm luag zoo siab hlo
    tias aib no yog neeg paub tab
    txawj txhua fab thiab hwm tej laus
    nws zoo nraug thiab muaj hwj chim
    tsis yooj yim txhob lam mus thab
    neeg tsheej pab tsuas nyob tos hawm
    thaum nws tawm luag npaj txais tos
    caij nws los luag hawm nws zoo
    leej tub zoo ces li no tiag.....

    Sau los ntawm, "NtsujPlig"

    Sponsored content

    Re: Lubpajzoo Lub Tsev Seev Pajhuam

    Post  Sponsored content Today at 2:46 am


      Current date/time is 8th December 2016, 2:46 am