Copyrigth@20010-2011 /HMONG PEOPLE FORUM UNIVERS

Tsev seev PajHuam

Hmong beauty nature

Compteur visitor

hnub 18/09/2010 los mus

    Paj Huam hais txog txiv yuav niam yau

    Share

    Admin
    Admin
    Admin

    Messages: 56
    Date d'inscription: 2010-02-25

    Paj Huam hais txog txiv yuav niam yau

    Post  Admin on 1st March 2011, 1:32 pm

    PAJHUAM Hmoob hais txog txiv yuav niam yau



    Zaj me no yog lus paj huam
    Yuav hais tshuam rau cov txiv neej
    Uas Nws yeej muaj cuab muaj yig
    Muaj tub ki puv vaj puv tsev
    Muaj zoo sev los nws tseem coj

    Lub siab hlob mus yuav niam me
    Tus niam tsev uas yog niam loj
    Nws zoo hlo yam npaum yog nyiaj
    Nws thiaj nyiam thiaj yuav tau los
    Cas hnub no ho yuav niam tshiab

    Yuav niam tshiab los tseg niam qub
    Nws tsis hlub li los ua cas
    Lub siab mas tsuav khiav khawv khuav
    Nrhiav ua hluas mus rau txhua qhov
    Tej tub loj twb yuav muab nyab

    Los tsis pab them nqe nyab rau
    Lub neej laus twb ntshaw muaj tub
    Kom los hlub Yus thiab los sav
    Cas tsis xav txog yav tom ntej
    Yuav ua phem tag npaum li ko
    Yus Niam loj los Yus tsis hlub
    Yus Tej Tub los Yus tsis txhawb
    Tseem txawj ntshaw ua neej dab tsi
    Koj ua txiv koj twb tsis hlub

    Tseem mus rub niam me los thiab
    Koj lub siab yog siab dab tsi
    Koj ua txiv yog coj li no
    Leej twg ho thiaj li uv taus
    Tau niam Yau los koj tsis hloov

    Koj lub Moo nws twb nrov txhua
    Koj tseem qhuas koj ua yog Yog
    Tej Tub loj Ntxhais twb tiav Nkauj
    Cov muaj Vauv los twb muaj lawm
    Koj tub ntxawg twb Hlob tiav Hluas

    Lub neej puas koj yog tus rhuav
    Vim koj yuav Niam Yau tau los
    Koj tsis Coj kom xws teb chaws
    Hlub sawv daws Nrog tus Niam Yau
    Pub sib npaug Rau Tus Niam Loj

    Koj puas nco Thauv Yuav Yuav Nws?
    Tsis pub Nws Nyob txom nyem hlo
    Vim Nws yog Koj Daim Ntawv Raug
    Koj thiaj tau Nrog Nws ua Neej
    Txawm tsis tsheej Vim Yog Txoj Hmoo

    Yeej tsis zoo Koj thiaj yuav tau
    Tus Niam Yau Los Kom Koj Nco
    Tias Niam Loj Yog Yus lub plaw
    Tus koj ntshaw Yav Ntuj Thaum ub
    Tus Koj Hlub Lub Neej tag los

    Tus Koj Nco thauv koj tseem hluas
    Tus koj yuav Thiab tso tsis taus
    Tus Koj tau pib ua lub neej
    Tus koj yeej xav tias kawg tuag
    Yog tsis yuav ces tsis ua neeg

    Tus koj yeej xav tias kawg hlub
    Yog tsis Pub koj yuav, ces tuag
    Koj thiaj Yuav tau Nws los Hlub
    Nws yog Tus Koj ntshaw tag nrho
    Vim li no Koj thiaj tau Nws

    Hos ntawm Nws xav tias koj hlub
    Tsis muaj hnub yuav muab Nws tso
    Tav li no thiaj caum koj xwb
    Vim tias Nws Muab Nws tus kheej
    Thiab lub Neej Tso tag rau koj

    Tias Koj Yog Tus Tuav Txoj Sia
    Tig MUS ntsia Niam Nkauj Txhav qaib
    Tig mus saib Txiv Nraug Txhav Noog
    Yog Koj hmoov Tus Thauv Koj Hlub
    Thiaj Muab Tub Muab Ki puv tsev

    tau niam me txhob xav tias ntxub
    YUAV Tau Hlub Nws thiab nawb mog
    Txog hnub no Neb twb muaj Tub
    Twb txawj yug Tub ki puv npo
    Tub ntxhais loj lawv Nrhiav lawv txiv
    es koj Tsis hlub LAWV lawm lov?
    Koj Yug Los KOJ yog Lub Plawv

    Yam Lawv ntshaw ntawm lawv tus kheej
    Lawv lub Neej xav kom muaj Koj
    Xav Kom koj ho cev tes plhws
    Kawg siab ntsws txhawb lawv ua Neej
    Lawv Tus Kheej xav kom Koj nres

    Cev Koj tes txhawb sub thiaj tsheej
    Mus ua neej Lawv thiaj cia siab
    Txawm lawv niam Koj tsis yuav los
    Lawv twb yog lawm koj roj ntsha
    Ua zoo xav Yog Yus Tub ki
    Yog yus li yus yug tau los os nawb mog
    Es Txhob Tso Lawv Ciaj Ua ntsuag
    Vim Tias Muaj Koj yog Lawv Txiv os nawb!!!

    Sau los ntawm:
    JTT dabtsi_kimtshaj_kub@msn.com tel06 15 48 41 36
    Tub Hmoob FRANCE,
    le 10.01.2003

    Kho tshiab (modifier) le 20.03.2007
    pub rau tus neeg uas lub neej tau muaj raws li zaj paj
    huam no.
    Zam pub:
    yog tias muaj lo twg, qhov twg, qhov phrases twg ua tau koj tu lub siab.

    koojziagkabzaug
    Moderator
    Moderator

    Messages: 3255
    Date d'inscription: 2010-02-28

    Re: Paj Huam hais txog txiv yuav niam yau

    Post  koojziagkabzaug on 30th November 2011, 6:52 pm





    Paj Huam=Txiv Ua Hluas.. Nkauj Kiab Yaj.2011



    _________________


    Tes yiag tes txawj nrhia
    Siab nkiag nrhiav kev nyiam
    Ncauj npliag lus dai siab

      Current date/time is 23rd July 2014, 1:38 am